भगवद्ध्यान-वर्णन

श्लोक 1 (padma.5.84.1)

ऋषय ऊचुः - सूतसूत महाभाग रोमहर्षणनंदन । कथा रम्या त्वया प्रोक्ता लोकस्यानंददायिनी

ṛṣaya ūcuḥ - sūtasūta mahābhāga romaharṣaṇanaṁdana kathā ramyā tvayā proktā lokasyānaṁdadāyinī

ऋषियों ने कहा हे सूत, सूत! हे रोमहर्षण-नंदन महाभाग! आपने रमणीय, लोक को आनंद देने वाली कथा कही है।

श्लोक 2 (padma.5.84.2)

श्रीकृष्णस्य महाभाग चरितं महदद्भुतम् । श्रुतं सर्वं त्वया प्रोक्तं निर्वृतिस्तेन चाभवत्

śrīkṛṣṇasya mahābhāga caritaṁ mahadadbhutam śrutaṁ sarvaṁ tvayā proktaṁ nirvṛtistena cābhavat

हे महाभाग! श्रीकृष्ण का महान अद्भुत चरित्र आपके द्वारा कहा गया सब सुना गया, और उससे तृप्ति हुई है।

श्लोक 3 (padma.5.84.3)

अहो श्रीकृष्णमाहात्म्यं भक्तानां गतिदायकम् । यतस्तेन महाभाग निर्वृतिं को न चाप्नुयात्

aho śrīkṛṣṇamāhātmyaṁ bhaktānāṁ gatidāyakam yatastena mahābhāga nirvṛtiṁ ko na cāpnuyāt

अहो! श्रीकृष्ण का माहात्म्य भक्तों को गति देने वाला है; इससे, हे महाभाग! तृप्ति किसे प्राप्त न हो!

श्लोक 4 (padma.5.84.4)

अतः पुनरपि श्रीमत्कृष्णस्य चरितं महत् । श्रोतुमिच्छामहे चान्यद्व्रतदानार्हणादिकम्

ataḥ punarapi śrīmatkṛṣṇasya caritaṁ mahat śrotumicchāmahe cānyadvratadānārhaṇādikam

इसलिए फिर भी हम श्रीमान कृष्ण के महान चरित्र, तथा अन्य व्रत-दान-अर्हणा आदि सुनना चाहते हैं।

श्लोक 5 (padma.5.84.5)

स्नानं वापि महाभाग यथा येन कृतं पुरा । तत्सर्वं विस्तराद्ब्रूहि यथा नो निर्वृतिर्भवेत्

snānaṁ vāpi mahābhāga yathā yena kṛtaṁ purā tatsarvaṁ vistarādbrūhi yathā no nirvṛtirbhavet

हे महाभाग! जो स्नान भी पूर्वकाल में जिसके द्वारा किया गया, वह सब विस्तार से कहिए, जिससे हमारी तृप्ति हो।

श्लोक 6 (padma.5.84.6)

सूत उवाच- साधु पृष्टं द्विजश्रेष्ठा लोकानां तारणं परम् । यूयं कृतार्थाः कृष्णस्य भक्त्या संपूर्णमानसाः

sūta uvāca- sādhu pṛṣṭaṁ dvijaśreṣṭhā lokānāṁ tāraṇaṁ param yūyaṁ kṛtārthāḥ kṛṣṇasya bhaktyā saṁpūrṇamānasāḥ

सूत बोले हे द्विजश्रेष्ठो! तुमने भलीभाँति पूछा है, जो लोकों का परम तारण है; तुम कृष्ण की भक्ति से पूर्ण मनवाले, कृतार्थ हो।

श्लोक 7 (padma.5.84.7)

श्रीकृष्णचरितं पुण्यं साधूनां हर्षदं परम् । प्रवक्ष्यामि द्विजश्रेष्ठा महदाख्यानमुत्तमम्

śrīkṛṣṇacaritaṁ puṇyaṁ sādhūnāṁ harṣadaṁ param pravakṣyāmi dvijaśreṣṭhā mahadākhyānamuttamam

श्रीकृष्ण का पुण्य चरित्र साधुओं को परम हर्ष देने वाला है; हे द्विजश्रेष्ठो! मैं यह महान, उत्तम आख्यान कहूँगा।

श्लोक 8 (padma.5.84.8)

एकदा नारदो लोकान्पर्यटन्भगवत्प्रियः । मथुरायामंबरीषं कृष्णाराधनतत्परम्

ekadā nārado lokānparyaṭanbhagavatpriyaḥ mathurāyāmaṁbarīṣaṁ kṛṣṇārādhanatatparam

एक बार भगवत्प्रिय नारद लोकों में विचरण करते हुए, मथुरा में कृष्ण-आराधना में तत्पर अंबरीष को,

श्लोक 9 (padma.5.84.9)

महाभागं व्रतपरं ददर्श मुनिसत्तमः । स आगतं मुनिवरं सत्कृत्य मुनिसत्तमः

mahābhāgaṁ vrataparaṁ dadarśa munisattamaḥ sa āgataṁ munivaraṁ satkṛtya munisattamaḥ

महाभाग, व्रतपरायण, मुनिसत्तम ने देखा। उन्होंने आए हुए श्रेष्ठ मुनि का सत्कार करके,

श्लोक 10 (padma.5.84.10)

भवंत इव पप्रच्छ श्रद्धया हृष्टमानसः । अंबरीष उवाच-। यन्मुने परमं ब्रह्म वेदवादिभिरुच्यते

bhavaṁta iva papraccha śraddhayā hṛṣṭamānasaḥ aṁbarīṣa uvāca- yanmune paramaṁ brahma vedavādibhirucyate

श्रद्धा से हर्षित मनवाले होकर आप जैसे ही पूछा। अंबरीष बोले हे मुने! जो परम ब्रह्म वेद-वादियों द्वारा कहा जाता है,

श्लोक 11 (padma.5.84.11)

स देवः पुंडरीकाक्षः स्वयं नारायणः परः । योऽमूर्तो मूर्तिमानीशो व्यक्तोऽव्यक्तः सनातनः

sa devaḥ puṁḍarīkākṣaḥ svayaṁ nārāyaṇaḥ paraḥ yo'mūrto mūrtimānīśo vyakto'vyaktaḥ sanātanaḥ

वह देव पुंडरीकाक्ष स्वयं परम नारायण हैं, जो अमूर्त होते हुए भी मूर्तिमान ईश हैं, व्यक्त, अव्यक्त, सनातन हैं,

श्लोक 12 (padma.5.84.12)

सर्वभूतमयोऽचिंत्यो ध्यातव्यः स कथं हरिः । यस्मिन्सर्वमिदं विश्वमोतं प्रोतं प्रतिष्ठितम्

sarvabhūtamayo'ciṁtyo dhyātavyaḥ sa kathaṁ hariḥ yasminsarvamidaṁ viśvamotaṁ protaṁ pratiṣṭhitam

सर्वभूतमय, अचिंत्य वह हरि कैसे ध्यान करने योग्य हैं? जिनमें यह सारा विश्व ओत-प्रोत होकर प्रतिष्ठित है,

श्लोक 13 (padma.5.84.13)

अव्यक्तमेकं परमं परमात्मेति विश्रुतम् । यतो जन्मादि जगतो यो निर्माय स्वयं भुवम्

avyaktamekaṁ paramaṁ paramātmeti viśrutam yato janmādi jagato yo nirmāya svayaṁ bhuvam

अव्यक्त, एक, परम, परमात्मा नाम से विख्यात जिनसे जगत का जन्म आदि होता है, जिन्होंने स्वयं पृथ्वी बनाकर,

श्लोक 14 (padma.5.84.14)

ददौ तस्मै च निगमानात्मन्येव व्यवस्थितान् । कथमाराध्यते सोऽयं समग्रपुरुषार्थदः

dadau tasmai ca nigamānātmanyeva vyavasthitān kathamārādhyate so'yaṁ samagrapuruṣārthadaḥ

उसे वेद दिए जो आत्मा में ही व्यवस्थित हैं वह समग्र पुरुषार्थ देने वाला कैसे आराधित होता है,

श्लोक 15 (padma.5.84.15)

योगिनामपि दुर्गम्यस्तदेतत्कृपया वद । अनाराधित गोविंदा न विदंति हितोदयम्

yogināmapi durgamyastadetatkṛpayā vada anārādhita goviṁdā na vidaṁti hitodayam

योगियों के लिए भी दुर्गम्य यह मुझे कृपापूर्वक बताइए। गोविंद की आराधना न करने वाले अपने हित का उदय नहीं जानते।

श्लोक 16 (padma.5.84.16)

न तपो यज्ञदानानां लभते फलमुत्तमम् । अनास्वादितगोविंदपदांबुजरसश्च यः

na tapo yajñadānānāṁ labhate phalamuttamam anāsvāditagoviṁdapadāṁbujarasaśca yaḥ

तप-यज्ञ-दानों का उत्तम फल प्राप्त नहीं होता; और जिसने गोविंद के चरण-कमल के रस का आस्वादन नहीं किया,

श्लोक 17 (padma.5.84.17)

मनोरथपथातीतं स्फीतं नाकलयेत्फलम् । हरेराराधनं हित्वा दुरितौघ निवारणम्

manorathapathātītaṁ sphītaṁ nākalayetphalam harerārādhanaṁ hitvā duritaugha nivāraṇam

वह मनोरथ के पथ से भी परे विस्तृत फल की कल्पना नहीं कर सकता। हरि की आराधना को छोड़कर, जो पापों के समूह का निवारण करती है,

श्लोक 18 (padma.5.84.18)

नान्यत्पश्यामि जंतूनां प्रायश्चित्तं परं मुने । यद्भ्रूनर्तनवर्तिन्यः श्रूयंते सिद्धयोऽखिलाः

nānyatpaśyāmi jaṁtūnāṁ prāyaścittaṁ paraṁ mune yadbhrūnartanavartinyaḥ śrūyaṁte siddhayo'khilāḥ

हे मुने! मैं प्राणियों के लिए अन्य कोई परम प्रायश्चित्त नहीं देखता जिसकी भौंहों के नर्तन में समस्त सिद्धियाँ सुनी जाती हैं।

श्लोक 19 (padma.5.84.19)

कथमाराध्यतेसोऽयं केशवः क्लेशनाशनः । उपास्यते स भगवान्कथं नारायणो नरैः

kathamārādhyateso'yaṁ keśavaḥ kleśanāśanaḥ upāsyate sa bhagavānkathaṁ nārāyaṇo naraiḥ

क्लेशों का नाश करने वाले वे केशव कैसे आराधित होते हैं? भगवान नारायण मनुष्यों द्वारा कैसे उपासित होते हैं?

श्लोक 20 (padma.5.84.20)

प्रीतश्च सर्वमेतन्मे हिताय जगतो वद । भक्तिप्रियोऽसौ भगवान्कया भक्त्या प्रसीदति

prītaśca sarvametanme hitāya jagato vada bhaktipriyo'sau bhagavānkayā bhaktyā prasīdati

प्रसन्न होकर यह सब मुझे जगत के हित के लिए बताइए। भक्ति-प्रिय वे भगवान किस भक्ति से प्रसन्न होते हैं?

श्लोक 21 (padma.5.84.21)

कथं तस्मिन्भवेद्भक्तिः सर्वैराराध्यते कथम् । वैष्णवोसि हरेस्तस्य प्रियोऽसि परमार्थवित्

kathaṁ tasminbhavedbhaktiḥ sarvairārādhyate katham vaiṣṇavosi harestasya priyo'si paramārthavit

उनमें भक्ति कैसे होती है? सबके द्वारा कैसे आराधित होते हैं? आप उन हरि के वैष्णव हैं, प्रिय हैं, परमार्थ के ज्ञाता हैं,

श्लोक 22 (padma.5.84.22)

तेन त्वामेव पृच्छामि ब्रह्मन्ब्रह्मविदुत्तम । श्रोतारमथ वक्तारं प्रष्टारं पुरुषं हरेः

tena tvāmeva pṛcchāmi brahmanbrahmaviduttama śrotāramatha vaktāraṁ praṣṭāraṁ puruṣaṁ hareḥ

इसीलिए, हे ब्रह्मन्! हे ब्रह्मवेत्ताओं में श्रेष्ठ! मैं आपसे ही पूछता हूँ श्रोता, वक्ता और प्रश्न पूछने वाला, ये तीनों हरि का ही स्वरूप हैं,

श्लोक 23 (padma.5.84.23)

प्रश्नः पुनाति कृष्णस्य तदंघ्रिसलिलं यथा । दुर्ल्लभो मानुषो देहो देहिनां क्षणभंगुरः

praśnaḥ punāti kṛṣṇasya tadaṁghrisalilaṁ yathā durllabho mānuṣo deho dehināṁ kṣaṇabhaṁguraḥ

प्रश्न पवित्र करता है, जैसे कृष्ण के चरणों का जल। मनुष्य-देह देहधारियों के लिए दुर्लभ है, क्षणभंगुर है,

श्लोक 24 (padma.5.84.24)

तत्रापि दुर्ल्लभं मन्ये वैकुंठप्रियदर्शनम् । संसारेस्मिन्क्षणार्धोऽपि सत्संगः शेवधिर्नृणाम्

tatrāpi durllabhaṁ manye vaikuṁṭhapriyadarśanam saṁsāresminkṣaṇārdho'pi satsaṁgaḥ śevadhirnṛṇām

उसमें भी वैकुंठ-प्रिय का दर्शन मैं दुर्लभतर मानता हूँ। इस संसार में आधा क्षण भी सत्संग मनुष्यों का भंडार है,

श्लोक 25 (padma.5.84.25)

यस्मादवाप्यते सर्वं पुरुषार्थचतुष्टयम् । भगवन्भवतो यात्रा स्वस्तये सर्वदेहिनाम्

yasmādavāpyate sarvaṁ puruṣārthacatuṣṭayam bhagavanbhavato yātrā svastaye sarvadehinām

जिससे चारों पुरुषार्थ प्राप्त होते हैं। हे भगवन्! आपकी यात्रा ही सभी देहधारियों के कल्याण के लिए है।

श्लोक 26 (padma.5.84.26)

बालानां तु यथा पित्रोरुत्तमश्लोकवर्त्मनाम् । भूतानां देवचरितं दुःखाय च सुखाय च

bālānāṁ tu yathā pitroruttamaślokavartmanām bhūtānāṁ devacaritaṁ duḥkhāya ca sukhāya ca

जैसे बालकों के लिए माता-पिता का उत्तमश्लोक-मार्ग होता है, वैसे ही प्राणियों के लिए देवताओं का चरित्र दुःख और सुख दोनों के लिए है,

श्लोक 27 (padma.5.84.27)

सुखायैव हि साधूनां त्वादृशामच्युतात्मनाम् । भजंति ये यथा देवान्देवा अपि तथैव तान्

sukhāyaiva hi sādhūnāṁ tvādṛśāmacyutātmanām bhajaṁti ye yathā devāndevā api tathaiva tān

किंतु आपके जैसे अच्युत-आत्मा साधुओं के लिए वह सुख के लिए ही है; जो देवताओं को जैसे भजते हैं, देवता भी उन्हें वैसे ही भजते हैं,

श्लोक 28 (padma.5.84.28)

छायेव कर्मसचिवाः साधवो दीनवत्सलाः । तस्मात्त्वं भगवन्मह्यं वैष्णवं धर्ममादिश

chāyeva karmasacivāḥ sādhavo dīnavatsalāḥ tasmāttvaṁ bhagavanmahyaṁ vaiṣṇavaṁ dharmamādiśa

साधुजन कर्म के सचिव, दीनों पर वत्सल, छाया के समान होते हैं। इसलिए हे भगवन्! आप मुझे वैष्णव धर्म बताइए,

श्लोक 29 (padma.5.84.29)

यस्योपदेशदानेन लभते वेदजं फलम् । नारद उवाच- साधु पृष्टं महीपाल विष्णुभक्तिमता त्वया

yasyopadeśadānena labhate vedajaṁ phalam nārada uvāca- sādhu pṛṣṭaṁ mahīpāla viṣṇubhaktimatā tvayā

जिसके उपदेश देने से वेद से उत्पन्न फल प्राप्त होता है। नारद बोले हे महीपाल! विष्णु-भक्तिमान तुमने भलीभाँति पूछा है,

श्लोक 30 (padma.5.84.30)

जानता परमं धर्ममेकं माधवसेवनम् । यस्मिन्नाराधिते विष्णौ विश्वमाराधितं भवेत्

jānatā paramaṁ dharmamekaṁ mādhavasevanam yasminnārādhite viṣṇau viśvamārādhitaṁ bhavet

परम धर्म को जानते हुए, जो माधव की एकमात्र सेवा है जिसमें विष्णु आराधित होने पर विश्व आराधित हो जाता है।

श्लोक 31 (padma.5.84.31)

तुष्टे चराचरं तुष्टं सर्वदेवमये हरौ । यस्य स्मरणमात्रेण महापातकसंहतिः

tuṣṭe carācaraṁ tuṣṭaṁ sarvadevamaye harau yasya smaraṇamātreṇa mahāpātakasaṁhatiḥ

सर्वदेवमय हरि के संतुष्ट होने पर चराचर संतुष्ट हो जाता है। जिसके स्मरण मात्र से महापातकों का समूह,

श्लोक 32 (padma.5.84.32)

तत्क्षणान्नाशमायाति स सेव्यो हरिरेव हि । कोऽनु राजन्निंद्रियवान्मुकुंदचरणांबुजम्

tatkṣaṇānnāśamāyāti sa sevyo harireva hi ko'nu rājanniṁdriyavānmukuṁdacaraṇāṁbujam

उसी क्षण नष्ट हो जाता है, वे हरि ही सेव्य हैं। हे राजन्! इंद्रियोंवाला कौन ऐसा है जो मुकुंद के चरण-कमल का,

श्लोक 33 (padma.5.84.33)

न भजेत्सर्वतो मृत्युरुपास्यमृषिदैवतैः । श्रुतोऽनु पठितो ध्यात आदृतश्चानुमोदितः

na bhajetsarvato mṛtyurupāsyamṛṣidaivataiḥ śruto'nu paṭhito dhyāta ādṛtaścānumoditaḥ

भजन न करे, जो सर्वथा मृत्यु के समान ऋषि-देवताओं द्वारा उपास्य है। सुना, फिर पढ़ा, ध्यान किया, आदर किया और अनुमोदित,

श्लोक 34 (padma.5.84.34)

सद्यः पुनाति सद्धर्मो वीरो विश्वद्रुहोऽपि हि । योयं कारणकार्यादि कारणस्यापि कारणम्

sadyaḥ punāti saddharmo vīro viśvadruho'pi hi yoyaṁ kāraṇakāryādi kāraṇasyāpi kāraṇam

वह सद्धर्म तुरंत पवित्र कर देता है, विश्व से द्रोह करने वाले वीर को भी। जो कारण-कार्य आदि, कारण का भी कारण है,

श्लोक 35 (padma.5.84.35)

अनन्यकारणं योगी जगज्जीवो जगन्मयः । अणुर्बृहत्कृशः स्थूलो निर्गुणो गुणभृन्महान्

ananyakāraṇaṁ yogī jagajjīvo jaganmayaḥ aṇurbṛhatkṛśaḥ sthūlo nirguṇo guṇabhṛnmahān

अनन्य-कारण योगी, जगत का जीव, जगन्मय, अणु, बृहत, कृश, स्थूल, निर्गुण, गुणों को धारण करने वाला, महान,

श्लोक 36 (padma.5.84.36)

अजो जन्मलयातीतो ध्यातव्यः स हरिः सदा । सम्यगेतद्व्यवसितं भवता पुरुषर्षभ

ajo janmalayātīto dhyātavyaḥ sa hariḥ sadā samyagetadvyavasitaṁ bhavatā puruṣarṣabha

अजन्मा, जन्म-प्रलय से अतीत वे हरि सदा ध्यान करने योग्य हैं। हे पुरुषर्षभ! तुमने यह भलीभाँति निश्चय किया है,

श्लोक 37 (padma.5.84.37)

यत्पृच्छसे भागवतान्धर्मांस्त्वं विश्वभावनान् । प्रसंगेन सतामात्ममनः श्रुति रसायनाः

yatpṛcchase bhāgavatāndharmāṁstvaṁ viśvabhāvanān prasaṁgena satāmātmamanaḥ śruti rasāyanāḥ

जो तुम भागवत, विश्व का पोषण करने वाले धर्म पूछते हो; इस प्रसंग से सज्जनों के लिए, कीर्तनीय कृष्ण की निर्मल कथाएँ,

श्लोक 38 (padma.5.84.38)

भवंति कीर्तनीयस्य कथाः कृष्णस्य निर्मलाः । भावसाध्योह्ययं देवः स्वयं जानाति तद्भवान्

bhavaṁti kīrtanīyasya kathāḥ kṛṣṇasya nirmalāḥ bhāvasādhyohyayaṁ devaḥ svayaṁ jānāti tadbhavān

मन और कानों के लिए रसायन बन जाती हैं। यह देव भाव से ही साध्य है, यह आप स्वयं जानते हैं।

श्लोक 39 (padma.5.84.39)

तथापि वक्ष्ये जगतो हिताय तव गौरवात् । यदाहुः परमं ब्रह्म प्रधानपुरुषात्परम्

tathāpi vakṣye jagato hitāya tava gauravāt yadāhuḥ paramaṁ brahma pradhānapuruṣātparam

फिर भी जगत के हित के लिए, तुम्हारे गौरव से मैं कहूँगा। प्रधान-पुरुष से भी परे जिसे परम ब्रह्म कहते हैं,

श्लोक 40 (padma.5.84.40)

यन्मायया ततं सर्वं सर्वं यच्छति सोऽच्युतः । पुत्रान्कलत्रं दीर्घायू राज्यं स्वर्गापवर्गकम्

yanmāyayā tataṁ sarvaṁ sarvaṁ yacchati so'cyutaḥ putrānkalatraṁ dīrghāyū rājyaṁ svargāpavargakam

जिनकी माया से सब कुछ व्याप्त है, जो सब कुछ देते हैं, वे अच्युत पुत्र, पत्नी, दीर्घायु, राज्य, स्वर्ग-मोक्ष,

श्लोक 41 (padma.5.84.41)

स दद्यादीप्सितं सर्वं भक्त्या संपूजितोऽजितः । कर्मणा मनसा वाचा तत्परा ये हि मानवाः

sa dadyādīpsitaṁ sarvaṁ bhaktyā saṁpūjito'jitaḥ karmaṇā manasā vācā tatparā ye hi mānavāḥ

भक्तिपूर्वक पूजित होकर, अजित सारी इच्छित वस्तुएँ देते हैं। कर्म, मन, वाणी से जो मनुष्य उनमें तत्पर हैं,

श्लोक 42 (padma.5.84.42)

तेषां व्रतानि वक्ष्यामि प्रीतये भूपसत्तम । अहिंसासत्यमस्तेयं ब्रह्मचर्यमकल्पता

teṣāṁ vratāni vakṣyāmi prītaye bhūpasattama ahiṁsāsatyamasteyaṁ brahmacaryamakalpatā

हे राजसत्तम! उनके व्रत मैं उनकी प्रीति के लिए कहूँगा। अहिंसा, सत्य, अस्तेय, ब्रह्मचर्य, अकल्पता (सरलता),

श्लोक 43 (padma.5.84.43)

एतानि मानसान्याहुर्व्रतानि हरितुष्टये । एकभक्तं तथा नक्तमुपवासमयाचितम्

etāni mānasānyāhurvratāni harituṣṭaye ekabhaktaṁ tathā naktamupavāsamayācitam

इन्हें हरि की संतुष्टि के लिए मानसिक व्रत कहा गया है। एक बार भोजन, या रात्रि-भोजन, या बिना माँगे उपवास,

श्लोक 44 (padma.5.84.44)

इत्येवं कायिकं पुंसां व्रतमुक्तं नरेश्वर । वेदस्याध्ययनं विष्णोः कीर्तनं सत्यभाषणम्

ityevaṁ kāyikaṁ puṁsāṁ vratamuktaṁ nareśvara vedasyādhyayanaṁ viṣṇoḥ kīrtanaṁ satyabhāṣaṇam

इस प्रकार, हे नरेश्वर! पुरुषों का कायिक व्रत कहा गया है। वेद का अध्ययन, विष्णु का कीर्तन, सत्य-भाषण,

श्लोक 45 (padma.5.84.45)

अपैशुन्यमिदं राजन्वाचिकं व्रतमुत्तमम् । चक्रायुधस्य नामानि सदा सर्वत्र कीर्तयेत्

apaiśunyamidaṁ rājanvācikaṁ vratamuttamam cakrāyudhasya nāmāni sadā sarvatra kīrtayet

चुगली न करना, हे राजन्! यह उत्तम वाचिक व्रत है। चक्रधारी के नामों का सदा सर्वत्र कीर्तन करना चाहिए।

श्लोक 46 (padma.5.84.46)

नाशौचं कीर्तने तस्य स पवित्रकरो यतः । वर्णाश्रमाचारवता पुरुषेण परः पुमान्

nāśaucaṁ kīrtane tasya sa pavitrakaro yataḥ varṇāśramācāravatā puruṣeṇa paraḥ pumān

उनके कीर्तन में अशौच नहीं होता, क्योंकि वह स्वयं पवित्र करने वाला है। वर्णाश्रम-आचार से युक्त पुरुष द्वारा,

श्लोक 47 (padma.5.84.47)

विष्णुराराध्यते पंथा नान्यः संतोषकारणम् । पतिप्रियहिताभिश्च मनोवाक्कायसंयमैः

viṣṇurārādhyate paṁthā nānyaḥ saṁtoṣakāraṇam patipriyahitābhiśca manovākkāyasaṁyamaiḥ

विष्णु ही आराधित होते हैं, संतोष का अन्य कोई मार्ग नहीं है। पति की प्रियता और हित के लिए मन-वाणी-काया के संयम से,

श्लोक 48 (padma.5.84.48)

व्रतैराराध्यते स्त्रीभिर्वासुदेवो दयानिधिः । आगमोक्तेन मार्गेण स्त्रीशूद्रैरपिपूजनम्

vratairārādhyate strībhirvāsudevo dayānidhiḥ āgamoktena mārgeṇa strīśūdrairapipūjanam

स्त्रियों द्वारा व्रतों से दयानिधि वासुदेव आराधित होते हैं। आगम-कथित मार्ग से स्त्री-शूद्रों द्वारा भी,

श्लोक 49 (padma.5.84.49)

कर्तव्यं कृष्णचंद्रस्य द्विजातिवररूपिणः । त्रयोवर्णास्तु वेदोक्तमार्गाराधनतत्पराः

kartavyaṁ kṛṣṇacaṁdrasya dvijātivararūpiṇaḥ trayovarṇāstu vedoktamārgārādhanatatparāḥ

द्विजातिश्रेष्ठ-रूपधारी कृष्णचंद्र की पूजा करनी चाहिए। तीन वर्ण वेदोक्त मार्ग से आराधना में तत्पर हैं,

श्लोक 50 (padma.5.84.50)

स्त्रीशूद्रादय एव स्युर्नाम्नाऽराधनतत्पराः । न पूजनैर्न यजनैर्न व्रतैरपि माधवः

strīśūdrādaya eva syurnāmnā'rādhanatatparāḥ na pūjanairna yajanairna vratairapi mādhavaḥ

स्त्री-शूद्र आदि केवल नाम से आराधना में तत्पर होते हैं। पूजनों से नहीं, यज्ञों से नहीं, व्रतों से भी नहीं,

श्लोक 51 (padma.5.84.51)

तुष्यते केवलं भक्तिप्रियोऽसौ समुदाहृतः । स्त्रीणां पतिव्रतानां तु पतिरेव हि दैवतम्

tuṣyate kevalaṁ bhaktipriyo'sau samudāhṛtaḥ strīṇāṁ pativratānāṁ tu patireva hi daivatam

माधव संतुष्ट होते हैं वे केवल भक्ति-प्रिय ही कहे गए हैं। पतिव्रता स्त्रियों के लिए पति ही दैवत है,

श्लोक 52 (padma.5.84.52)

स तु पूज्यो विष्णुभक्त्या मनोवाक्कायकर्मभिः । कर्तव्यं श्रद्धया विष्णोश्चिंतयित्वा पतिं हृदि

sa tu pūjyo viṣṇubhaktyā manovākkāyakarmabhiḥ kartavyaṁ śraddhayā viṣṇościṁtayitvā patiṁ hṛdi

वही विष्णु-भक्ति द्वारा मन-वाणी-काया-कर्मों से पूज्य है। हृदय में विष्णु का चिंतन करते हुए पति को श्रद्धापूर्वक,

श्लोक 53 (padma.5.84.53)

शूद्राणां चैव भवति नाम्ना वै देवतार्चनम् । सर्वेऽप्यागममार्गेण कुर्युर्वेदानुकारिणा

śūdrāṇāṁ caiva bhavati nāmnā vai devatārcanam sarve'pyāgamamārgeṇa kuryurvedānukāriṇā

जो कर्तव्य है, वह करना चाहिए। शूद्रों के लिए भी नाम से ही देव-अर्चन होता है। सभी को वेद-अनुगामी आगम-मार्ग से करना चाहिए।

श्लोक 54 (padma.5.84.54)

स्त्रीणामप्यधिकारोऽस्ति विष्णोराराधनादिषु । पतिप्रियरतानां च श्रुतिरेषा सनातनी

strīṇāmapyadhikāro'sti viṣṇorārādhanādiṣu patipriyaratānāṁ ca śrutireṣā sanātanī

स्त्रियों को भी विष्णु की आराधना आदि में अधिकार है, पति की प्रीति में रत रहने वालों के लिए यह सनातन श्रुति है।

श्लोक 55 (padma.5.84.55)

स्वकुलोचितधर्मेण यद्यस्य विहितं व्रतम् । तत्तदेवाचरेद्यस्तु तेन तुष्यति केशवः

svakulocitadharmeṇa yadyasya vihitaṁ vratam tattadevācaredyastu tena tuṣyati keśavaḥ

अपने कुल के अनुरूप धर्म से जिसके लिए जो व्रत विहित है, वही करना चाहिए; इससे केशव संतुष्ट होते हैं।

श्लोक 56 (padma.5.84.56)

हविषाग्नौ जले पुष्पैर्ध्यानेन हृदये हरिम् । यजंति सूरयो नित्यं जपेन रविमंडले

haviṣāgnau jale puṣpairdhyānena hṛdaye harim yajaṁti sūrayo nityaṁ japena ravimaṁḍale

अग्नि में हविष्य से, जल में, पुष्पों से, हृदय में ध्यान से हरि की; विद्वान नित्य सूर्यमंडल में जप से पूजा करते हैं।

श्लोक 57 (padma.5.84.57)

अहिंसा प्रथमं पुष्पं द्वितीयं करणग्रहः । तृतीयकं भूतदया चतुर्थं क्षांतिरेव च

ahiṁsā prathamaṁ puṣpaṁ dvitīyaṁ karaṇagrahaḥ tṛtīyakaṁ bhūtadayā caturthaṁ kṣāṁtireva ca

अहिंसा पहला पुष्प है, दूसरा इंद्रिय-संयम; तीसरा भूत-दया, और चौथा क्षमा है।

श्लोक 58 (padma.5.84.58)

शमस्तु पंचमं पुष्पं दमः षष्ठं च सप्तमम् । ध्यानं सत्यं चाष्टमं च ह्येतैस्तुष्यति केशवः

śamastu paṁcamaṁ puṣpaṁ damaḥ ṣaṣṭhaṁ ca saptamam dhyānaṁ satyaṁ cāṣṭamaṁ ca hyetaistuṣyati keśavaḥ

शम पाँचवाँ पुष्प है, दम छठा और सातवाँ; ध्यान और सत्य आठवाँ इनसे केशव संतुष्ट होते हैं।

श्लोक 59 (padma.5.84.59)

एतैरेवाष्टभिः पुष्पैस्तुष्यत्येवार्चितो हरिः । पुष्पांतराणि संत्येव बाह्यानि मनुजोत्तम

etairevāṣṭabhiḥ puṣpaistuṣyatyevārcito hariḥ puṣpāṁtarāṇi saṁtyeva bāhyāni manujottama

इन्हीं आठ पुष्पों से पूजित होकर हरि संतुष्ट हो जाते हैं। अन्य बाह्य पुष्प भी हैं, हे मनुजोत्तम,

श्लोक 60 (padma.5.84.60)

भक्त्या कृतानि यैर्विष्णुः पूजितः परितुष्यति । वारुणं सलिलं पुष्पं सौम्यं घृतपयोदधि

bhaktyā kṛtāni yairviṣṇuḥ pūjitaḥ parituṣyati vāruṇaṁ salilaṁ puṣpaṁ saumyaṁ ghṛtapayodadhi

जिनसे भक्तिपूर्वक पूजित विष्णु परितुष्ट होते हैं वारुण जल-पुष्प, सौम्य घी-दूध-दही,

श्लोक 61 (padma.5.84.61)

प्राजापत्यं तथान्नादि आग्नेयं धूपदीपकम् । फलपुष्पादिकं चैव वानस्पत्यं तु पंचमम्

prājāpatyaṁ tathānnādi āgneyaṁ dhūpadīpakam phalapuṣpādikaṁ caiva vānaspatyaṁ tu paṁcamam

प्राजापत्य अन्न आदि, आग्नेय धूप-दीप, फल-पुष्प आदि, पाँचवाँ वानस्पत्य,

श्लोक 62 (padma.5.84.62)

पार्थिवं कुशमूलाद्यं वायव्यं गंधचंदनम् । श्रद्धाख्यं विष्णुपुष्पं च वाद्यं विष्णुपदं स्मृतम्

pārthivaṁ kuśamūlādyaṁ vāyavyaṁ gaṁdhacaṁdanam śraddhākhyaṁ viṣṇupuṣpaṁ ca vādyaṁ viṣṇupadaṁ smṛtam

पार्थिव कुश-मूल आदि, वायव्य गंध-चंदन, श्रद्धा नामक पुष्प विष्णु का है, तथा वाद्य विष्णु का चरण माना जाता है।

श्लोक 63 (padma.5.84.63)

एभिस्तुपूजितः पुष्पैरपि विष्णुः प्रसीदति । सूर्योऽग्निर्ब्राह्मणोगावो वैष्णवः खं मरुज्जलम्

ebhistupūjitaḥ puṣpairapi viṣṇuḥ prasīdati sūryo'gnirbrāhmaṇogāvo vaiṣṇavaḥ khaṁ marujjalam

इन पुष्पों से भी पूजित विष्णु प्रसन्न हो जाते हैं। सूर्य, अग्नि, ब्राह्मण, गौएँ, वैष्णव, आकाश, वायु, जल,

श्लोक 64 (padma.5.84.64)

भूरात्मा सर्वभूतानि पूजास्थानानि वा हरेः । सूर्य्ये तु मंत्रजाप्येन हविषाग्नौ यजेत्ततः

bhūrātmā sarvabhūtāni pūjāsthānāni vā hareḥ sūryye tu maṁtrajāpyena haviṣāgnau yajettataḥ

पृथ्वी, आत्मा, समस्त प्राणी ये सब हरि के पूजा-स्थान हैं। सूर्य में मंत्र-जप से, अग्नि में हविष्य से पूजा करनी चाहिए,

श्लोक 65 (padma.5.84.65)

आतिथ्येन तु विप्राग्र्ये गोषु ग्रासरसादिना । वैष्णवे बंधुसत्कृत्या हृदये ध्याननिष्ठया

ātithyena tu viprāgrye goṣu grāsarasādinā vaiṣṇave baṁdhusatkṛtyā hṛdaye dhyānaniṣṭhayā

श्रेष्ठ विप्र में आतिथ्य से, गौओं में ग्रास-चारा आदि से, वैष्णव में बंधु के समान सत्कार से, हृदय में ध्यान-निष्ठा से,

श्लोक 66 (padma.5.84.66)

वायौ मुख्यधिया तोये द्रव्यैस्तोयपुरस्कृतैः । स्थंडिले मंत्रहृदयैर्भोगैरात्मानमात्मनि

vāyau mukhyadhiyā toye dravyaistoyapuraskṛtaiḥ sthaṁḍile maṁtrahṛdayairbhogairātmānamātmani

वायु में मुख्य भाव से, जल में जल-पुरस्सर द्रव्यों से, स्थंडिल (वेदी) में मंत्र-हृदय और भोगों से, आत्मा में आत्मा को,

श्लोक 67 (padma.5.84.67)

क्षेत्रज्ञं सर्वभूतेषु समत्वेनार्चयेद्विभुम् । धिष्ण्येष्वेतेषु तद्रूपं शंखचक्रगदांबुजैः

kṣetrajñaṁ sarvabhūteṣu samatvenārcayedvibhum dhiṣṇyeṣveteṣu tadrūpaṁ śaṁkhacakragadāṁbujaiḥ

सभी प्राणियों में समभाव से क्षेत्रज्ञ व्यापक भगवान की पूजा करनी चाहिए। इन अधिष्ठानों में शंख-चक्र-गदा-कमल से,

श्लोक 68 (padma.5.84.68)

युक्तं चतुर्भुजं शांतं ध्यायन्नर्च्चेत्समाहितः । ब्राह्मणैः पूजितैरेव पूजितोऽयं न संशयः

yuktaṁ caturbhujaṁ śāṁtaṁ dhyāyannarccetsamāhitaḥ brāhmaṇaiḥ pūjitaireva pūjito'yaṁ na saṁśayaḥ

युक्त चतुर्भुज, शांत रूप का ध्यान करते हुए, एकाग्रचित्त होकर पूजा करनी चाहिए। पूजित ब्राह्मणों द्वारा ही यह पूजित होते हैं, इसमें संदेह नहीं,

श्लोक 69 (padma.5.84.69)

निर्भर्त्सितैश्च तैर्भूप भवेन्निर्भर्त्सितो विभुः । निगमो धर्मशास्त्रं च यदाधारे प्रवर्तते

nirbhartsitaiśca tairbhūpa bhavennirbhartsito vibhuḥ nigamo dharmaśāstraṁ ca yadādhāre pravartate

और हे भूप! तिरस्कृत ब्राह्मणों द्वारा वह व्यापक भगवान तिरस्कृत हो जाते हैं। वेद और धर्मशास्त्र जिसके आधार पर प्रवृत्त होते हैं,

श्लोक 70 (padma.5.84.70)

विप्रास्ते वैष्णवीमूर्तिः पावनी परमा मता

viprāste vaiṣṇavīmūrtiḥ pāvanī paramā matā

वे विप्र ही वैष्णवी मूर्ति, पावन, परम माने जाते हैं।

श्लोक 71 (padma.5.84.71)

सर्वं शुभं जगति धर्मत एव लभ्यं धर्मो गतिर्निगमतो नृपधर्मशास्त्रात् । नूनं तयोरपि गतिर्भुवि भूमिदेवास्तैरर्चितैरिह जगत्पतिरर्चितः स्यात्

sarvaṁ śubhaṁ jagati dharmata eva labhyaṁ dharmo gatirnigamato nṛpadharmaśāstrāt nūnaṁ tayorapi gatirbhuvi bhūmidevāstairarcitairiha jagatpatirarcitaḥ syāt

जगत में सारा शुभ धर्म से ही प्राप्त होता है, धर्म वेद से और राज-धर्मशास्त्र से गति पाता है। निश्चय ही उन दोनों की भी गति भूमि पर भूदेवों (ब्राह्मणों) से है; उनके पूजित होने पर ही जगत्पति यहाँ पूजित होते हैं।

श्लोक 72 (padma.5.84.72)

न यज्ञयोगैर्न तपोभिरन्यैर्न योगयुक्त्या न समर्चनेन । तथा विभुस्तुष्यति देवदेवो यथा मही दैवततोषणेन

na yajñayogairna tapobhiranyairna yogayuktyā na samarcanena tathā vibhustuṣyati devadevo yathā mahī daivatatoṣaṇena

न यज्ञ-योगों से, न अन्य तपों से, न योग-युक्ति से, न पूजा-मात्र से वह व्यापक देवाधिदेव उतना संतुष्ट होते हैं, जितना पृथ्वी देवताओं (ब्राह्मणों) की तुष्टि से।

श्लोक 73 (padma.5.84.73)

ब्रह्मण्यो ब्रह्मविद्ब्रह्मा ब्रह्मवेदप्रवर्तकः । ब्राह्मणैरेव तुष्येत तोषितं ब्रह्मदैवतम्

brahmaṇyo brahmavidbrahmā brahmavedapravartakaḥ brāhmaṇaireva tuṣyeta toṣitaṁ brahmadaivatam

ब्रह्म के हितैषी, ब्रह्मवेत्ता, स्वयं ब्रह्म, ब्रह्म-वेद के प्रवर्तक वे ब्राह्मणों द्वारा ही संतुष्ट होते हैं, ब्राह्मणों के संतुष्ट होने पर ही ब्रह्म-देवता संतुष्ट होते हैं।

श्लोक 74 (padma.5.84.74)

नरकेऽपि चिरं मग्नाः पूर्वजा ये कुलद्वये । तदैव यांति ते स्वर्गं यदार्च्चति सुतो हरिम्

narake'pi ciraṁ magnāḥ pūrvajā ye kuladvaye tadaiva yāṁti te svargaṁ yadārccati suto harim

दोनों कुलों में चिरकाल से नरक में डूबे हुए पूर्वज भी उसी क्षण स्वर्ग जाते हैं, जब उनका पुत्र हरि की पूजा करता है।

श्लोक 75 (padma.5.84.75)

किं तेषां जीवितेनेह पशुवच्चेष्टितेन किम् । येषां न प्रवणं चित्तं वासुदेवे जगन्मये

kiṁ teṣāṁ jīviteneha paśuvacceṣṭitena kim yeṣāṁ na pravaṇaṁ cittaṁ vāsudeve jaganmaye

जिनका चित्त जगन्मय वासुदेव में झुका नहीं है, उनके पशु के समान जीवन और चेष्टा से यहाँ क्या लाभ है?

श्लोक 76 (padma.5.84.76)

ध्यानं तस्य प्रवक्ष्यामि यन्न दृष्टं तु केनचित् । श्रूयतां भूपकैवल्यं केवलं मलवर्जितम्

dhyānaṁ tasya pravakṣyāmi yanna dṛṣṭaṁ tu kenacit śrūyatāṁ bhūpakaivalyaṁ kevalaṁ malavarjitam

अब मैं उनका ध्यान बताऊँगा, जो किसी ने नहीं देखा है; हे भूप! केवल मल-रहित कैवल्य को सुनिए।

श्लोक 77 (padma.5.84.77)

यथा दीपो निवातस्थो निश्चलो वायुवर्जितः । प्रज्वलन्नाशयेत्सर्वमंधकारं महामते

yathā dīpo nivātastho niścalo vāyuvarjitaḥ prajvalannāśayetsarvamaṁdhakāraṁ mahāmate

जैसे वायु-रहित स्थान में स्थित दीपक, अचल, वायु-रहित होकर, हे महामते! जलते हुए संपूर्ण अंधकार को नष्ट कर देता है,

श्लोक 78 (padma.5.84.78)

तद्वद्दोषविहीनात्मा भवत्येव निरामयः । निराशो निश्चलो वीरोनमित्रं न रिपुस्तथा

tadvaddoṣavihīnātmā bhavatyeva nirāmayaḥ nirāśo niścalo vīronamitraṁ na ripustathā

वैसे ही दोष-रहित आत्मा निरामय हो जाता है निराश, निश्चल, वीर, न मित्र न शत्रु,

श्लोक 79 (padma.5.84.79)

शोकहर्षौ विषादश्च न लोभो मत्सरो भ्रमः । संभ्रमालापमोहैश्च सुखदुःखैर्विमुच्यते

śokaharṣau viṣādaśca na lobho matsaro bhramaḥ saṁbhramālāpamohaiśca sukhaduḥkhairvimucyate

शोक-हर्ष, विषाद, लोभ, मत्सर, भ्रम, संभ्रम, बकवाद, मोह, सुख-दुःख से मुक्त हो जाता है,

श्लोक 80 (padma.5.84.80)

विषयैश्चापि सर्वैश्च इंद्रियाणां प्रमुच्यते । तदा स केवलज्ञानी कैवल्यत्वं प्रजायते

viṣayaiścāpi sarvaiśca iṁdriyāṇāṁ pramucyate tadā sa kevalajñānī kaivalyatvaṁ prajāyate

और सभी विषयों तथा इंद्रियों से भी मुक्त हो जाता है। तब वह केवल ज्ञानी कैवल्य-भाव को प्राप्त होता है।

श्लोक 81 (padma.5.84.81)

ज्वालाकर्मप्रसंगेन दीपस्तैलं प्रशोषयेत् । वर्त्याधारेण राजेंद्र निर्द्वन्द्वो वायुवर्जितः

jvālākarmaprasaṁgena dīpastailaṁ praśoṣayet vartyādhāreṇa rājeṁdra nirdvandvo vāyuvarjitaḥ

ज्वाला के कार्य के प्रसंग से दीपक तेल को सुखाता है, हे राजेंद्र! बत्ती के माध्यम से, द्वंद्व-रहित, वायु-रहित होकर,

श्लोक 82 (padma.5.84.82)

कज्जलं वमते पश्चात्तैलस्यापि महामते । कृष्णा संदृश्यते रेखा दीपस्याग्रे महामते

kajjalaṁ vamate paścāttailasyāpi mahāmate kṛṣṇā saṁdṛśyate rekhā dīpasyāgre mahāmate

बाद में काजल निकालता है, तेल का भी, हे महामते! दीपक के अग्रभाग में काली रेखा दिखाई देती है, हे महामते,

श्लोक 83 (padma.5.84.83)

स्वयमाकृष्य तत्तैलं तेजसा निर्मलोभवेत् । काये चांतः स्थितस्तद्वत्कर्मतैलं प्रशोषयेत्

svayamākṛṣya tattailaṁ tejasā nirmalobhavet kāye cāṁtaḥ sthitastadvatkarmatailaṁ praśoṣayet

स्वयं उसी तेल को खींचकर वह अपने तेज से निर्मल हो जाता है। वैसे ही शरीर के भीतर स्थित (आत्मा) कर्म रूपी तेल को सुखाता है,

श्लोक 84 (padma.5.84.84)

विषयान्कज्जलं कृत्वा प्रत्यक्षान्संप्रदर्शयेत् । ज्वालावन्निर्मलो भूत्वा स्वयमेव प्रकाशयेत्

viṣayānkajjalaṁ kṛtvā pratyakṣānsaṁpradarśayet jvālāvannirmalo bhūtvā svayameva prakāśayet

विषयों को काजल बनाकर उन्हें प्रत्यक्ष दिखाता है, और ज्वाला के समान निर्मल होकर स्वयं ही प्रकाशित होता है।

श्लोक 85 (padma.5.84.85)

क्रोधलोभादिभिः संज्ञैर्वायुभिः परिवर्जितः । निःस्पृहो निश्चलो भूत्वा तेजश्च स्वयमुज्ज्वलेत्

krodhalobhādibhiḥ saṁjñairvāyubhiḥ parivarjitaḥ niḥspṛho niścalo bhūtvā tejaśca svayamujjvalet

क्रोध-लोभ आदि नामक वायुओं से रहित होकर, निःस्पृह और निश्चल होकर, स्वयं तेज उज्ज्वल हो जाता है,

श्लोक 86 (padma.5.84.86)

त्रैलोक्यं पश्यते सर्वं स्वस्थानस्थं स्वतेजसा । केवलज्ञानरूपोऽयं मया ते परिकीर्तितः

trailokyaṁ paśyate sarvaṁ svasthānasthaṁ svatejasā kevalajñānarūpo'yaṁ mayā te parikīrtitaḥ

वह अपने ही तेज से, अपने ही स्थान में स्थित रहकर तीनों लोकों को देखता है। यह केवल-ज्ञान का स्वरूप मैंने तुम्हें कहा है।

श्लोक 87 (padma.5.84.87)

ध्यानं चैव प्रवक्ष्यामि द्विविधं तस्य चक्रिणः । केवलज्ञानरूपेण दृश्यते परचक्षुषा

dhyānaṁ caiva pravakṣyāmi dvividhaṁ tasya cakriṇaḥ kevalajñānarūpeṇa dṛśyate paracakṣuṣā

अब मैं उस चक्रधारी का दोहरा ध्यान बताऊँगा केवल-ज्ञान-रूप से वह उच्च दृष्टि से देखा जाता है,

श्लोक 88 (padma.5.84.88)

योगयुक्ता महात्मानः परमार्थपरायणाः । यं न पश्यंति मुग्धास्तु सर्वज्ञं सर्वदर्शकम्

yogayuktā mahātmānaḥ paramārthaparāyaṇāḥ yaṁ na paśyaṁti mugdhāstu sarvajñaṁ sarvadarśakam

योग-युक्त, परमार्थ-परायण महात्माओं द्वारा जिसे मोहित लोग नहीं देखते, वह सर्वज्ञ, सर्वदर्शक,

श्लोक 89 (padma.5.84.89)

हस्तपादविहीनश्च सर्वत्र परिगच्छति । सर्वं गृह्णाति त्रैलोक्यं स्थावरं जंगमं पुनः

hastapādavihīnaśca sarvatra parigacchati sarvaṁ gṛhṇāti trailokyaṁ sthāvaraṁ jaṁgamaṁ punaḥ

हाथ-पैर रहित होकर भी सर्वत्र जाता है; समस्त त्रैलोक्य, स्थावर-जंगम को फिर से ग्रहण करता है।

श्लोक 90 (padma.5.84.90)

नासामुखविहीनस्तु घ्राति भक्षति भूपते । अकर्णः शृणुते सर्वं सर्वसाक्षी जगत्पतिः

nāsāmukhavihīnastu ghrāti bhakṣati bhūpate akarṇaḥ śṛṇute sarvaṁ sarvasākṣī jagatpatiḥ

हे भूपते! नासिका-मुख रहित होकर भी सूँघता और खाता है; कान-रहित होकर सब कुछ सुनता है, सबका साक्षी जगत्पति है।

श्लोक 91 (padma.5.84.91)

अरूपो रूपसंबद्धः पंचवर्गवशं गतः । सर्वलोकस्य यः प्राणः पूज्यते सचराचरैः

arūpo rūpasaṁbaddhaḥ paṁcavargavaśaṁ gataḥ sarvalokasya yaḥ prāṇaḥ pūjyate sacarācaraiḥ

रूप-रहित होकर भी रूप से संबद्ध, पंच-वर्ग (इंद्रियों) के वश गया हुआ-सा जो समस्त लोक का प्राण है, वह चराचर द्वारा पूजित है।

श्लोक 92 (padma.5.84.92)

अजिह्वो वदते सर्वं वेदशास्त्रानुगं तथा । अत्वचः स्पर्शमेवापि सर्वेषामेव विंदति

ajihvo vadate sarvaṁ vedaśāstrānugaṁ tathā atvacaḥ sparśamevāpi sarveṣāmeva viṁdati

जिह्वा-रहित होकर भी सब कुछ बोलता है, वेद-शास्त्रों के अनुरूप ही; त्वचा-रहित होकर भी सबका स्पर्श अनुभव करता है।

श्लोक 93 (padma.5.84.93)

सदानंदो विविक्ताक्ष एकरूपो निराश्रयः । निर्गुणो निर्ममो व्यापी सगुणो निर्मलोऽनघः

sadānaṁdo viviktākṣa ekarūpo nirāśrayaḥ nirguṇo nirmamo vyāpī saguṇo nirmalo'naghaḥ

सदा आनंदित, विशेष दृष्टिवाला, एकरूप, निराश्रय, निर्गुण, ममता-रहित, व्यापी, सगुण, निर्मल, निष्पाप,

श्लोक 94 (padma.5.84.94)

अवश्यः सर्ववश्यात्मा सर्वदः सर्ववित्तमः । तस्य माता न चैवास्ति स वै सर्वमयो विभुः

avaśyaḥ sarvavaśyātmā sarvadaḥ sarvavittamaḥ tasya mātā na caivāsti sa vai sarvamayo vibhuḥ

वश में न आने वाला, फिर भी सबको वश में करने वाली आत्मावाला, सबका दाता, सबसे बड़ा ज्ञाता उसकी कोई माता नहीं है, वह सर्वमय व्यापक है।

श्लोक 95 (padma.5.84.95)

एवं सर्वमयं ध्यानं यश्च पश्यत्यनन्यधीः । स याति परमं स्थानममूर्त्तममृतोपमम्

evaṁ sarvamayaṁ dhyānaṁ yaśca paśyatyananyadhīḥ sa yāti paramaṁ sthānamamūrttamamṛtopamam

इस प्रकार जो अनन्य बुद्धि से सर्वमय ध्यान को देखता है, वह परम स्थान को प्राप्त होता है, जो अमूर्त, अमृत-तुल्य है।

श्लोक 96 (padma.5.84.96)

द्वितीयं तु प्रवक्ष्यामि तच्छृणुष्व महामते । मूर्त्ताकारं तु साकारं निराकारं निरामयम्

dvitīyaṁ tu pravakṣyāmi tacchṛṇuṣva mahāmate mūrttākāraṁ tu sākāraṁ nirākāraṁ nirāmayam

अब दूसरा (ध्यान) मैं बताऊँगा, हे महामते! उसे सुनिए मूर्त आकार, साकार, निराकार, निरामय,

श्लोक 97 (padma.5.84.97)

ब्रह्मांडं सर्वमतुलं वासितं यस्य वासनात् । स तस्माद्वासुदेवस्तु प्रोच्यते नृपनंदन

brahmāṁḍaṁ sarvamatulaṁ vāsitaṁ yasya vāsanāt sa tasmādvāsudevastu procyate nṛpanaṁdana

ब्रह्मांड की सारी अनुपम वस्तुएँ जिनकी सुगंध से सुवासित हैं, इसीलिए, हे नृपनंदन! वे वासुदेव कहलाते हैं।

श्लोक 98 (padma.5.84.98)

वर्षमाणस्य मेघस्य यद्भासा तस्य तद्भवेत् । सूर्यतेजःप्रतीकाशं चतुर्बाहुं सुरेश्वरम्

varṣamāṇasya meghasya yadbhāsā tasya tadbhavet sūryatejaḥpratīkāśaṁ caturbāhuṁ sureśvaram

वर्षा करते मेघ की जो कांति होती है, वही उनकी है सूर्य के तेज जैसी कांति, चतुर्भुज, देवेश्वर,

श्लोक 99 (padma.5.84.99)

दक्षिणे शोभते शंखो हेमरत्नविभूषितः । कौमोदकी गदा तस्य महासुरविनाशिनी

dakṣiṇe śobhate śaṁkho hemaratnavibhūṣitaḥ kaumodakī gadā tasya mahāsuravināśinī

दाहिनी ओर सोने-रत्नों से भूषित शंख सुशोभित है; उनकी कौमोदकी गदा, महान असुरों की नाशक,

श्लोक 100 (padma.5.84.100)

वामे च शोभते वीर हस्ते तस्य महात्मनः । महापद्मं सुगंधाढ्यं तस्य दक्षिणहस्तगम्

vāme ca śobhate vīra haste tasya mahātmanaḥ mahāpadmaṁ sugaṁdhāḍhyaṁ tasya dakṣiṇahastagam

हे वीर! उस महात्मा के हाथ में बाईं ओर सुशोभित है; उनके दाहिने हाथ में सुगंध से समृद्ध महापद्म,

श्लोक 101 (padma.5.84.101)

शोभमानं सदैवास्ते सायुधं कमलश्रियम् । कंबुग्रीवं सुवृत्तास्यं पद्मपत्रनिभेक्षणम्

śobhamānaṁ sadaivāste sāyudhaṁ kamalaśriyam kaṁbugrīvaṁ suvṛttāsyaṁ padmapatranibhekṣaṇam

सदा आयुध सहित, कमल-श्री से सुशोभित रहता है; शंख जैसी गर्दन, सुडौल मुख, कमल-पत्र जैसे नेत्र,

श्लोक 102 (padma.5.84.102)

राजमानं हृषीकेशं दशनैः कुंदसंनिभैः । गुडाकेशस्य यस्यास्ते अधरो विद्रुमाकृतिः

rājamānaṁ hṛṣīkeśaṁ daśanaiḥ kuṁdasaṁnibhaiḥ guḍākeśasya yasyāste adharo vidrumākṛtiḥ

चमकते हृषीकेश, कुंद के फूलों जैसे दाँतोंवाले; जिनका अधरोष्ठ मूँगे के आकार का है (गुडाकेश),

श्लोक 103 (padma.5.84.103)

शोभते पुंडरीकाक्षः किरीटेनापि भास्वता । विशालेनापि रूपेण केशवस्तु सुवक्षसा

śobhate puṁḍarīkākṣaḥ kirīṭenāpi bhāsvatā viśālenāpi rūpeṇa keśavastu suvakṣasā

पुंडरीकाक्ष चमकते मुकुट से भी सुशोभित हैं, विशाल रूप से, केशव सुंदर वक्षवाले,

श्लोक 104 (padma.5.84.104)

कौस्तुभेनांकितेनैव राजमानो जनार्दनः । सूर्यतेजःप्रतीकाश कुंडलाभ्यां प्रभाति च

kaustubhenāṁkitenaiva rājamāno janārdanaḥ sūryatejaḥpratīkāśa kuṁḍalābhyāṁ prabhāti ca

कौस्तुभ से अंकित होकर सुशोभित जनार्दन; सूर्य के तेज जैसे कुंडलों से चमकते हैं,

श्लोक 105 (padma.5.84.105)

हरिः केयूरकंकणैर्हारैर्मौक्तिकैर्ऋक्षसन्निभैः

hariḥ keyūrakaṁkaṇairhārairmauktikairṛkṣasannibhaiḥ

हरि केयूर-कंकणों से, तारों जैसी चमकती मोतियों की मालाओं से सुशोभित हैं,

श्लोक 106 (padma.5.84.106)

वपुषा भ्राजमानस्तु विजयो जयतां वरः । भ्राजतेसोऽपि गोविंदो हेमवर्णेन वाससा

vapuṣā bhrājamānastu vijayo jayatāṁ varaḥ bhrājateso'pi goviṁdo hemavarṇena vāsasā

देह से चमकते हुए, विजयी लोगों में श्रेष्ठ; वे गोविंद भी स्वर्ण-वर्णी वस्त्र से चमकते हैं,

श्लोक 107 (padma.5.84.107)

मुद्रिकाभिस्तु युक्ताभिरंगुलीषु विराजते । सर्वायुधैः सुसंपूर्णैर्द्दिव्यैराभरणैर्हरिः

mudrikābhistu yuktābhiraṁgulīṣu virājate sarvāyudhaiḥ susaṁpūrṇairddivyairābharaṇairhariḥ

अंगुलियों में मुद्रिकाओं से युक्त सुशोभित हैं; सभी आयुधों से पूर्ण, दिव्य आभूषणों से युक्त हरि,

श्लोक 108 (padma.5.84.108)

वैनतेयसमारूढो लोककर्त्ता जगत्पतिः । एवं यो ध्यायते नित्यमनन्यमनसा नरः

vainateyasamārūḍho lokakarttā jagatpatiḥ evaṁ yo dhyāyate nityamananyamanasā naraḥ

गरुड़ पर आरूढ़, लोकों के रचयिता, जगत्पति इस प्रकार जो मनुष्य नित्य अनन्य मन से ध्यान करता है,

श्लोक 109 (padma.5.84.109)

मुच्यते सर्वपापेभ्यो विष्णुलोकं स गच्छति । एतत्ते सर्वमाख्यातं ध्यानभेदं जगत्पतेः

mucyate sarvapāpebhyo viṣṇulokaṁ sa gacchati etatte sarvamākhyātaṁ dhyānabhedaṁ jagatpateḥ

वह सभी पापों से मुक्त होकर विष्णुलोक को जाता है। यह सब मैंने तुम्हें कहा, जगत्पति के ध्यान का भेद।