वैशाख-व्रत-विधि

श्लोक 1 (padma.5.86.1)

सूत उवाच- इति तस्य वचः श्रुत्वा नारदस्य महात्मनः । अंबरीषश्च राजर्षिर्विस्मितो वाक्यमब्रवीत्

sūta uvāca- iti tasya vacaḥ śrutvā nāradasya mahātmanaḥ aṁbarīṣaśca rājarṣirvismito vākyamabravīt

सूत बोले महात्मा नारद का यह वचन सुनकर राजर्षि अंबरीष विस्मित होकर बोले।

श्लोक 2 (padma.5.86.2)

अंबरीष उवाच- मार्गशीर्षादिकान्मासान्हित्वा पुण्यान्महामुने । सर्वमासाधिकं मासं वैशाखं किं प्रशंससि

aṁbarīṣa uvāca- mārgaśīrṣādikānmāsānhitvā puṇyānmahāmune sarvamāsādhikaṁ māsaṁ vaiśākhaṁ kiṁ praśaṁsasi

अंबरीष बोले हे महामुने! मार्गशीर्ष आदि पुण्य मासों को छोड़कर, आप सभी मासों से अधिक वैशाख मास की प्रशंसा क्यों करते हैं?

श्लोक 3 (padma.5.86.3)

सर्वेभ्योऽप्यधिकः कस्मान्माधवो माधवप्रियः । को विधिस्तत्र किं दानं किं तपः का च देवता

sarvebhyo'pyadhikaḥ kasmānmādhavo mādhavapriyaḥ ko vidhistatra kiṁ dānaṁ kiṁ tapaḥ kā ca devatā

माधव-प्रिय माधव सबसे अधिक श्रेष्ठ क्यों है? उसमें विधि क्या है, दान क्या है, तप क्या है, और देवता कौन हैं?

श्लोक 4 (padma.5.86.4)

त्वत्पादांभोजरजसा पावितस्य च मे मुने । उपदेशप्रसादेन प्रसादं कर्तुमर्हसि

tvatpādāṁbhojarajasā pāvitasya ca me mune upadeśaprasādena prasādaṁ kartumarhasi

आपके चरण-कमल की रज से पवित्र हुए मुझ पर, हे मुने! उपदेश की कृपा से कृपा करने योग्य हैं आप।

श्लोक 5 (padma.5.86.5)

धर्मज्ञो धर्ममार्गाणामुद्धर्तासि महामुने । त्वमेकोऽखिलतत्त्वार्थवेत्ता धर्मोपदेशकः

dharmajño dharmamārgāṇāmuddhartāsi mahāmune tvameko'khilatattvārthavettā dharmopadeśakaḥ

आप धर्मज्ञ हैं, धर्म-मार्गों के उद्धारकर्ता हैं, हे महामुने! आप अकेले ही समस्त तत्त्वार्थ के ज्ञाता, धर्मोपदेशक हैं।

श्लोक 6 (padma.5.86.6)

कर्तोपदेष्टा मंता वानुमंतापि प्रयोजकः । शास्त्रविद्भिर्मुनिवर स्मर्यंते समभागिनः

kartopadeṣṭā maṁtā vānumaṁtāpi prayojakaḥ śāstravidbhirmunivara smaryaṁte samabhāginaḥ

कर्ता, उपदेशक, मंता, अनुमंता और प्रयोजक भी हे मुनिवर! शास्त्रज्ञों द्वारा समान भागी माने जाते हैं।

श्लोक 7 (padma.5.86.7)

व्रतसत्रतपोदानैर्यत्फलं समवाप्यते । धर्मोपदेशनेनैव तत्सर्वमुपलभ्यते

vratasatratapodānairyatphalaṁ samavāpyate dharmopadeśanenaiva tatsarvamupalabhyate

व्रत-सत्र-तप-दानों से जो फल प्राप्त होता है, वह सब धर्मोपदेश से ही प्राप्त हो जाता है।

श्लोक 8 (padma.5.86.8)

तीर्थस्नानं तपोयज्ञकर्म यत्कुरुते मुने । अपि तत्फलभागीस्याद्यः प्रवर्तयिता भवेत्

tīrthasnānaṁ tapoyajñakarma yatkurute mune api tatphalabhāgīsyādyaḥ pravartayitā bhavet

तीर्थ-स्नान, तप, यज्ञ-कर्म जो कोई करता है, हे मुने! उसे प्रवृत्त करने वाला भी उसके फल का भागी होता है।

श्लोक 9 (padma.5.86.9)

यद्यदाचरति श्रेष्ठस्तत्तदेवेतरो जनः । स यत्प्रमाणं कुरुते लोकस्तदनुवर्तते

yadyadācarati śreṣṭhastattadevetaro janaḥ sa yatpramāṇaṁ kurute lokastadanuvartate

श्रेष्ठ जो-जो आचरण करता है, वही-वही सामान्य जन भी करता है; वह जो प्रमाण बनाता है, लोक उसका अनुसरण करता है।

श्लोक 10 (padma.5.86.10)

तदर्हति भवान्धर्ममुपदेष्टुं तदद्भुतम् । दुर्ल्लभो गुरुसंबोधो देशकालोपपत्तयः

tadarhati bhavāndharmamupadeṣṭuṁ tadadbhutam durllabho gurusaṁbodho deśakālopapattayaḥ

इसलिए आप उस अद्भुत धर्म का उपदेश देने योग्य हैं। गुरु का संबोध, देश-काल का सुयोग दुर्लभ है,

श्लोक 11 (padma.5.86.11)

न केचन तथा भावाश्चेतः शीतलयंतिनः । राज्यलाभादयोऽप्येते यथा तव समागमः

na kecana tathā bhāvāścetaḥ śītalayaṁtinaḥ rājyalābhādayo'pyete yathā tava samāgamaḥ

राज्य-प्राप्ति आदि अन्य कोई भाव भी वैसे चित्त को शीतल नहीं करते, जैसे आपका यह समागम।

श्लोक 12 (padma.5.86.12)

सूत उवाच-। अथ मंदमृदुस्मेरस्फुरद्दंतप्रभानुगः । अंबरीषं प्रत्युवाच नारदो मुनिसत्तमः

sūta uvāca- atha maṁdamṛdusmerasphuraddaṁtaprabhānugaḥ aṁbarīṣaṁ pratyuvāca nārado munisattamaḥ

सूत बोले तब मंद, मृदु मुस्कान से चमकते दाँतों की प्रभा से युक्त, मुनिसत्तम नारद ने अंबरीष से कहा।

श्लोक 13 (padma.5.86.13)

नारद उवाच-। शृणु राजन्प्रवक्ष्यामि हिताय जगतस्तव । विधिर्माधवमासस्य यच्छ्रुतो ब्रह्मणः पुरा

nārada uvāca- śṛṇu rājanpravakṣyāmi hitāya jagatastava vidhirmādhavamāsasya yacchruto brahmaṇaḥ purā

नारद बोले हे राजन्! सुनो, मैं जगत के हित के लिए और तुम्हारे लिए कहूँगा माधव-मास की वह विधि जो पूर्वकाल में ब्रह्मा से सुनी गई थी।

श्लोक 14 (padma.5.86.14)

दुर्ल्लभं भारते वर्षे जन्म तस्मान्मनुष्यता । मानुष्ये दुर्ल्लभे लोके स्वस्वधर्मप्रवर्त्तनम्

durllabhaṁ bhārate varṣe janma tasmānmanuṣyatā mānuṣye durllabhe loke svasvadharmapravarttanam

भारतवर्ष में जन्म दुर्लभ है, उससे भी दुर्लभ मनुष्यता है; मानुष्य के दुर्लभ होने पर भी अपने-अपने धर्म में प्रवृत्ति,

श्लोक 15 (padma.5.86.15)

ततोऽपि भक्तिर्भूपाल वासुदेवेऽतिदुर्ल्लभा । तत्रापि दुर्ल्लभो मासो माधवो माधवप्रियः

tato'pi bhaktirbhūpāla vāsudeve'tidurllabhā tatrāpi durllabho māso mādhavo mādhavapriyaḥ

हे भूपाल! उससे भी वासुदेव में भक्ति अत्यंत दुर्लभ है; उसमें भी माधव-प्रिय माधव मास दुर्लभतर है।

श्लोक 16 (padma.5.86.16)

तमवाप्य ततो मासं स्नानदानजपादिकम् । कुर्वंति विधिना ये तु धन्यास्ते कृतिनो नराः

tamavāpya tato māsaṁ snānadānajapādikam kurvaṁti vidhinā ye tu dhanyāste kṛtino narāḥ

उस मास को प्राप्त करके जो विधिपूर्वक स्नान-दान-जप आदि करते हैं, वे मनुष्य धन्य और पुण्यशाली हैं।

श्लोक 17 (padma.5.86.17)

तेषां दर्शनमात्रेण पापिनोऽपि विकिल्बिषाः । भवंति भगवद्भावभाविता धर्मकांक्षिणः

teṣāṁ darśanamātreṇa pāpino'pi vikilbiṣāḥ bhavaṁti bhagavadbhāvabhāvitā dharmakāṁkṣiṇaḥ

उनके दर्शन मात्र से पापी भी, पापों से रहित होकर, भगवद्भाव से भावित, धर्म-कांक्षी हो जाते हैं।

श्लोक 18 (padma.5.86.18)

माधवे मासि यैः स्नातं प्रातर्नियमसंयुतैः । ते कोटिवर्षपर्यंतं क्रीडंते नंदने वने

mādhave māsi yaiḥ snātaṁ prātarniyamasaṁyutaiḥ te koṭivarṣaparyaṁtaṁ krīḍaṁte naṁdane vane

जो लोग माधव मास में नियमपूर्वक प्रातः स्नान करते हैं, वे करोड़ों वर्षों तक नंदन वन में क्रीड़ा करते हैं।

श्लोक 19 (padma.5.86.19)

यथा न वारिधिसमो लोके कोऽपि जलाशयः । तथा मासो न वैशाखसदृशो माधवप्रियः

yathā na vāridhisamo loke ko'pi jalāśayaḥ tathā māso na vaiśākhasadṛśo mādhavapriyaḥ

जैसे संसार में समुद्र के समान कोई जलाशय नहीं है, वैसे ही माधव-प्रिय वैशाख के समान कोई मास नहीं है।

श्लोक 20 (padma.5.86.20)

तावत्पापानि तिष्ठंति मनुष्याणां कलेवरे । यावत्किलमलध्वंसी मासो नायाति माधवः

tāvatpāpāni tiṣṭhaṁti manuṣyāṇāṁ kalevare yāvatkilamaladhvaṁsī māso nāyāti mādhavaḥ

तब तक ही मनुष्यों के शरीर में पाप रहते हैं, जब तक मल का नाश करने वाला माधव मास नहीं आता।

श्लोक 21 (padma.5.86.21)

अवशिष्टदिनान्येव पंचमासस्य तस्य वै । एकादशीं समारभ्य सर्वमाससमानि वै

avaśiṣṭadinānyeva paṁcamāsasya tasya vai ekādaśīṁ samārabhya sarvamāsasamāni vai

उस मास के शेष दिन ही पाँच मास के समान हैं; एकादशी से आरंभ करके सभी दिन एक-एक मास के समान हैं।

श्लोक 22 (padma.5.86.22)

वैशाखे पूजितो देवो माधवो मधुहा तु यैः । नानोपचारै राजेंद्र तैः प्राप्तं जन्मनः फलम्

vaiśākhe pūjito devo mādhavo madhuhā tu yaiḥ nānopacārai rājeṁdra taiḥ prāptaṁ janmanaḥ phalam

हे राजेंद्र! जिन्होंने वैशाख में नाना उपचारों से मधुहा (मधु का नाशक) देव माधव की पूजा की, उन्होंने जन्म का फल प्राप्त कर लिया।

श्लोक 23 (padma.5.86.23)

किं किं न दुर्ल्लभतरं प्राप्यते मासि माधवे । स्नानेन परमेशस्य पूजनेन यथाविधि

kiṁ kiṁ na durllabhataraṁ prāpyate māsi mādhave snānena parameśasya pūjanena yathāvidhi

माधव मास में स्नान से, विधिपूर्वक परमेश्वर की पूजा से क्या-क्या दुर्लभतर प्राप्त नहीं होता?

श्लोक 24 (padma.5.86.24)

न दत्तं न हुतं जप्तं न तीर्थे मरणं कृतम् । यैर्हि नारायणो नैव ध्यातो निखिलपापहा

na dattaṁ na hutaṁ japtaṁ na tīrthe maraṇaṁ kṛtam yairhi nārāyaṇo naiva dhyāto nikhilapāpahā

जिन्होंने न दान दिया, न हवन किया, न जप किया, न तीर्थ में मृत्यु प्राप्त की, तथा जिन्होंने समस्त पाप-नाशक नारायण का ध्यान भी नहीं किया,

श्लोक 25 (padma.5.86.25)

तेषां जन्म नृणां लोके ज्ञातव्यं निष्फलं नृप । द्रव्येषु विद्यमानेषु कृपणो यो भवेन्नरः

teṣāṁ janma nṛṇāṁ loke jñātavyaṁ niṣphalaṁ nṛpa dravyeṣu vidyamāneṣu kṛpaṇo yo bhavennaraḥ

हे राजन्! उन मनुष्यों का जन्म संसार में निष्फल जानना चाहिए। धन विद्यमान होते हुए भी जो मनुष्य कृपण होता है,

श्लोक 26 (padma.5.86.26)

अदत्वा म्रियते यो हि तस्य द्रव्यं निरर्थकम् । तीर्थस्नानादि तपसा सत्कुले जन्म लभ्यते

adatvā mriyate yo hi tasya dravyaṁ nirarthakam tīrthasnānādi tapasā satkule janma labhyate

जो बिना दिए ही मर जाता है, उसका धन निरर्थक है; तीर्थ-स्नान आदि तप से सत्कुल में जन्म प्राप्त होता है।

श्लोक 27 (padma.5.86.27)

न दानेन विना भूप किंचिदप्युपतिष्ठति । वैशाखस्नानमाहात्म्यादपि पंचदिनात्मकात्

na dānena vinā bhūpa kiṁcidapyupatiṣṭhati vaiśākhasnānamāhātmyādapi paṁcadinātmakāt

हे भूप! दान के बिना कुछ भी सिद्ध नहीं होता। पाँच दिनों के वैशाख-स्नान के माहात्म्य से भी,

श्लोक 28 (padma.5.86.28)

सत्कुले प्राप्यते जन्म वैभवं विविधं तथा । सुपुत्रः सुकुलं भूप धनधान्यं वरस्त्रियः

satkule prāpyate janma vaibhavaṁ vividhaṁ tathā suputraḥ sukulaṁ bhūpa dhanadhānyaṁ varastriyaḥ

सत्कुल में जन्म तथा नाना वैभव प्राप्त होते हैं, हे भूप! सुपुत्र, सुकुल, धन-धान्य, उत्तम स्त्रियाँ,

श्लोक 29 (padma.5.86.29)

सुजन्ममरणं चापि सुभोगाः सुखमेव च । सदा दानेऽधिका प्रीतिरौदार्यं धैर्यमुत्तमम्

sujanmamaraṇaṁ cāpi subhogāḥ sukhameva ca sadā dāne'dhikā prītiraudāryaṁ dhairyamuttamam

सुजन्म-मरण, सुभोग और सुख भी, सदा दान में अधिक प्रीति, उदारता, उत्तम धैर्य,

श्लोक 30 (padma.5.86.30)

प्रसादात्तस्य देवस्य विष्णोश्चैव महात्मनः । नारायणस्य जायंते सिद्धयो भूप वांच्छिताः

prasādāttasya devasya viṣṇoścaiva mahātmanaḥ nārāyaṇasya jāyaṁte siddhayo bhūpa vāṁcchitāḥ

उस महात्मा देव विष्णु नारायण की कृपा से, हे भूप! इच्छित सिद्धियाँ प्राप्त होती हैं।

श्लोक 31 (padma.5.86.31)

ऊर्जे मासि तपो मासि माधवे माधवप्रिये । स्नात्वा दामोदरं भक्त्या माधवं मधुसूदनम्

ūrje māsi tapo māsi mādhave mādhavapriye snātvā dāmodaraṁ bhaktyā mādhavaṁ madhusūdanam

ऊर्जा मास में, तप मास में, माधव-प्रिय माधव में, स्नान करके भक्तिपूर्वक दामोदर, माधव, मधुसूदन की,

श्लोक 32 (padma.5.86.32)

विशेषेण समभ्यर्च्य दत्वा दानानि शक्तितः । एहिकं सुखमासाद्य नरो हरिपदं व्रजेत्

viśeṣeṇa samabhyarcya datvā dānāni śaktitaḥ ehikaṁ sukhamāsādya naro haripadaṁ vrajet

विशेष रूप से पूजा करके, अपनी सामर्थ्य के अनुसार दान देकर, इस लोक में सुख पाकर मनुष्य हरि-पद को प्राप्त होता है।

श्लोक 33 (padma.5.86.33)

अनेकजन्मार्जितपातकावली विलीयते माधवमज्जनेन । सूर्योदये भूप यथा तमिस्रं वचः स्वयंभूरिदमादिशन्मे

anekajanmārjitapātakāvalī vilīyate mādhavamajjanena sūryodaye bhūpa yathā tamisraṁ vacaḥ svayaṁbhūridamādiśanme

अनेक जन्मों में अर्जित पापों की श्रृंखला माधव में डुबकी लगाने से विलीन हो जाती है, हे भूप! जैसे सूर्योदय पर अंधकार यह वचन स्वयंभू ने ही मुझे बताया था।

श्लोक 34 (padma.5.86.34)

चकार विष्णुर्विपुलप्रचारं मासस्य वै माधवसंज्ञकस्य । यमस्य गुप्तं वचसा विचिंत्य मनुष्यलोकं गमितं चकार

cakāra viṣṇurvipulapracāraṁ māsasya vai mādhavasaṁjñakasya yamasya guptaṁ vacasā viciṁtya manuṣyalokaṁ gamitaṁ cakāra

विष्णु ने माधव नामक मास के इस विस्तृत प्रचार को किया; यम के गुप्त वचन का चिंतन करके इसे मनुष्य-लोक में पहुँचाया।

श्लोक 35 (padma.5.86.35)

तस्मादस्मिन्समायाते माधवे मासि वैष्णवैः । स्नात्वा पुण्यजले तीर्थे गंगायाः पावने नृणाम्

tasmādasminsamāyāte mādhave māsi vaiṣṇavaiḥ snātvā puṇyajale tīrthe gaṁgāyāḥ pāvane nṛṇām

इसलिए यह माधव मास आने पर वैष्णवों को, मनुष्यों के लिए पावन गंगा के पुण्य जल में स्नान करके, तीर्थ में,

श्लोक 36 (padma.5.86.36)

रेवाया वा महाराज यामुने शारदेऽथवा । प्रातस्त्वनुदिते भानौ विधानेन नृपोत्तम

revāyā vā mahārāja yāmune śārade'thavā prātastvanudite bhānau vidhānena nṛpottama

या हे महाराज! रेवा में, यमुना में, या शारदा में, प्रातः सूर्योदय से पहले, विधिपूर्वक, हे नृपोत्तम!

श्लोक 37 (padma.5.86.37)

पूजयित्वा च देवेशं मुकुंदं मधुसूदनम् । पुत्रपौत्रधनैः श्रेयो वांच्छितानि सुखानि च

pūjayitvā ca deveśaṁ mukuṁdaṁ madhusūdanam putrapautradhanaiḥ śreyo vāṁcchitāni sukhāni ca

देवेश मुकुंद, मधुसूदन की पूजा करके, पुत्र-पौत्र-धन से कल्याण और इच्छित सुख,

श्लोक 38 (padma.5.86.38)

अनुभूय तपस्त्वंते स्वर्गमक्षयमाप्नुयात् । एवं ज्ञात्वा महाभाग मधुसूदनमर्चय

anubhūya tapastvaṁte svargamakṣayamāpnuyāt evaṁ jñātvā mahābhāga madhusūdanamarcaya

अनुभव करके, अंत में तप से अक्षय स्वर्ग प्राप्त करते हैं। हे महाभाग! ऐसा जानकर मधुसूदन की पूजा करो।

श्लोक 39 (padma.5.86.39)

स्नात्वा सम्यग्विधानेन वैशाखे तु विशेषतः । देवमाराध्य गोविन्दं नारायणमनामयम्

snātvā samyagvidhānena vaiśākhe tu viśeṣataḥ devamārādhya govindaṁ nārāyaṇamanāmayam

विशेष रूप से वैशाख में भलीभाँति विधिपूर्वक स्नान करके, देव गोविंद, निरामय नारायण की आराधना करके,

श्लोक 40 (padma.5.86.40)

प्राप्स्यसि त्वं सुखं पुत्रं धनानि च हरेः पदम् । देवदेवं नमस्कृत्य माधवं पापनाशनम्

prāpsyasi tvaṁ sukhaṁ putraṁ dhanāni ca hareḥ padam devadevaṁ namaskṛtya mādhavaṁ pāpanāśanam

तुम सुख, पुत्र, धन तथा हरि के पद को प्राप्त करोगे। देवाधिदेव, पाप-नाशक माधव को नमस्कार करके,

श्लोक 41 (padma.5.86.41)

प्रारभेत व्रतमिदं पौर्णमास्यां मधोर्नृप । यमैश्च नियमैर्युक्तः शक्त्या किंचित्प्रदाय च

prārabheta vratamidaṁ paurṇamāsyāṁ madhornṛpa yamaiśca niyamairyuktaḥ śaktyā kiṁcitpradāya ca

हे राजन्! मधु से पूर्व मास की पूर्णिमा को यम-नियमों से युक्त होकर, सामर्थ्यानुसार कुछ दान देकर यह व्रत आरंभ करना चाहिए,

श्लोक 42 (padma.5.86.42)

हविष्यभुग्भूमिशायी ब्रह्मचर्यव्रते स्थितः । कृच्छ्रादितपसा क्षामो ध्यायन्नारायणं हृदि

haviṣyabhugbhūmiśāyī brahmacaryavrate sthitaḥ kṛcchrāditapasā kṣāmo dhyāyannārāyaṇaṁ hṛdi

हविष्य खाते हुए, भूमि पर सोते हुए, ब्रह्मचर्य-व्रत में स्थित, कठिन तप से क्षीण होकर, हृदय में नारायण का ध्यान करते हुए।

श्लोक 43 (padma.5.86.43)

एवं प्राप्य च वैशाखीं दद्यान्मधुतिलादिकम् । भोजनं द्विजमुख्येभ्यो भक्त्या धेनुं सदक्षिणाम्

evaṁ prāpya ca vaiśākhīṁ dadyānmadhutilādikam bhojanaṁ dvijamukhyebhyo bhaktyā dhenuṁ sadakṣiṇām

इस प्रकार वैशाख को प्राप्त करके मधु-तिल आदि, श्रेष्ठ द्विजों को भोजन, भक्तिपूर्वक दक्षिणा सहित गाय देनी चाहिए।

श्लोक 44 (padma.5.86.44)

अच्छिद्रं प्रार्थयेच्चापि तस्य स्नानस्य भूसुरान् । यथा लक्ष्मीः प्रिया भूप माधवस्य जगत्पतेः

acchidraṁ prārthayeccāpi tasya snānasya bhūsurān yathā lakṣmīḥ priyā bhūpa mādhavasya jagatpateḥ

उस स्नान की निर्दोष पूर्णता के लिए भू-देवों (ब्राह्मणों) से प्रार्थना भी करनी चाहिए। हे भूप! जैसे लक्ष्मी जगत्पति माधव की प्रिया हैं,

श्लोक 45 (padma.5.86.45)

तथैव माधवो मासो मधुसूदनवल्लभः । एवं विधियुतो मर्त्यः स्नात्वा द्वादशवत्सरम्

tathaiva mādhavo māso madhusūdanavallabhaḥ evaṁ vidhiyuto martyaḥ snātvā dvādaśavatsaram

वैसे ही माधव मास मधुसूदन का प्रिय है। इस प्रकार विधियुक्त मर्त्य बारह वर्ष तक स्नान करके,

श्लोक 46 (padma.5.86.46)

उद्यापनं चरेच्छक्त्या मधुसूदनतुष्टये । इदं माधवमासस्य माहात्म्यं कथितं तव

udyāpanaṁ carecchaktyā madhusūdanatuṣṭaye idaṁ mādhavamāsasya māhātmyaṁ kathitaṁ tava

मधुसूदन की संतुष्टि के लिए सामर्थ्यानुसार उद्यापन करना चाहिए। यह माधव-मास का माहात्म्य तुम्हें कहा गया है,

श्लोक 47 (padma.5.86.47)

यत्पुरा ब्रह्मणो वक्त्राच्छ्रुतमासीन्मया नृप

yatpurā brahmaṇo vaktrācchrutamāsīnmayā nṛpa

जो पूर्वकाल में, हे राजन्! मैंने ब्रह्मा के मुख से सुना था।