धर्म की सूक्ष्म गति और देवशर्मा की कथा

श्लोक 1 (padma.5.87.1)

सूतउवाच- इति तस्य वचः श्रुत्वा नारदस्य स भूपतिः । प्रणम्य विस्मितः प्राह चिन्तयन्मनसा हरिम्

sūtauvāca- iti tasya vacaḥ śrutvā nāradasya sa bhūpatiḥ praṇamya vismitaḥ prāha cintayanmanasā harim

सूत बोले नारद का यह वचन सुनकर वह भूपति प्रणाम करके, विस्मित होकर, मन में हरि का चिंतन करते हुए बोला।

श्लोक 2 (padma.5.87.2)

अंबरीष उवाच- कथमेतद्विमुह्यामः स्वल्पायासेन वै मुने । प्राप्यते स्नानमात्रेण फलं चैवातिदुर्ल्लभम्

aṁbarīṣa uvāca- kathametadvimuhyāmaḥ svalpāyāsena vai mune prāpyate snānamātreṇa phalaṁ caivātidurllabham

अंबरीष बोले हे मुने! हम कैसे मोहित हो रहे हैं कि इतने अल्प परिश्रम से, केवल स्नान मात्र से, अत्यंत दुर्लभ फल प्राप्त हो जाता है?

श्लोक 3 (padma.5.87.3)

नारद उवाच- सत्यमुक्तं त्वया राजन्नल्पायासेन यन्महत् । फलं संप्राप्यते तत्र श्रद्धत्स्व विधिभाषितम्

nārada uvāca- satyamuktaṁ tvayā rājannalpāyāsena yanmahat phalaṁ saṁprāpyate tatra śraddhatsva vidhibhāṣitam

नारद बोले हे राजन्! तुमने सत्य कहा है कि अल्प परिश्रम से वहाँ महान फल प्राप्त होता है; विधि द्वारा कहे गए वचन पर श्रद्धा रखो।

श्लोक 4 (padma.5.87.4)

धर्मस्य गतयः सूक्ष्मा दुर्ज्ञेया हीश्वरैरपि । मुह्यंते चात्र विद्वांसोऽचिंत्यशक्ति हरेः कृतौ

dharmasya gatayaḥ sūkṣmā durjñeyā hīśvarairapi muhyaṁte cātra vidvāṁso'ciṁtyaśakti hareḥ kṛtau

धर्म की गति सूक्ष्म है, ईश्वरों के लिए भी दुर्जेय है; हरि के कार्य की अचिंत्य शक्ति में विद्वान भी यहाँ मोहित हो जाते हैं।

श्लोक 5 (padma.5.87.5)

विश्वामित्रादयो राजन्धर्माधिक्येन बाहुजाः । ब्राह्मण्यं समुपायाताः सूक्ष्मा धर्मगतिस्त्वतः

viśvāmitrādayo rājandharmādhikyena bāhujāḥ brāhmaṇyaṁ samupāyātāḥ sūkṣmā dharmagatistvataḥ

हे राजन्! विश्वामित्र आदि बाहुज (क्षत्रिय), धर्म की अधिकता से ब्राह्मणत्व को प्राप्त हुए धर्म की गति इसीलिए सूक्ष्म है।

श्लोक 6 (padma.5.87.6)

अजामिलोऽपि भूपाल दासीपतिरिति श्रुतः । धर्मपत्नीपरित्यागी नित्यं पापपथिस्थितः

ajāmilo'pi bhūpāla dāsīpatiriti śrutaḥ dharmapatnīparityāgī nityaṁ pāpapathisthitaḥ

हे भूपाल! अजामिल भी, जो दासी-पति के नाम से विख्यात, धर्मपत्नी का त्यागी, सदा पाप-पथ पर स्थित था,

श्लोक 7 (padma.5.87.7)

म्रियमाणः सुतस्नेहात्प्रोच्य नारायणेति च । तद्ध्याननामग्रहणात्पदं लेभे सुदुर्ल्लभम्

mriyamāṇaḥ sutasnehātprocya nārāyaṇeti ca taddhyānanāmagrahaṇātpadaṁ lebhe sudurllabham

मरते समय पुत्र-स्नेह से 'नारायण' कहकर, उस नाम के ग्रहण मात्र से अत्यंत दुर्लभ पद प्राप्त कर लिया।

श्लोक 8 (padma.5.87.8)

अनिच्छयापि दहति स्पृष्टो हुतवहो यथा । तथा दहति गोविंद नामव्याजादपीरितम्

anicchayāpi dahati spṛṣṭo hutavaho yathā tathā dahati goviṁda nāmavyājādapīritam

बिना इच्छा के छूने पर भी जैसे अग्नि जला देती है, वैसे ही गोविंद का नाम बहाने से भी लिया जाए तो जला देता है (पाप को)।

श्लोक 9 (padma.5.87.9)

कानीनस्य मुनेः पौत्रा भ्रातृजायाभिगामिनः । गोलकस्य च वै पंडोः पुत्राः कुंडाः स्वयं तथा

kānīnasya muneḥ pautrā bhrātṛjāyābhigāminaḥ golakasya ca vai paṁḍoḥ putrāḥ kuṁḍāḥ svayaṁ tathā

एक कुँआरी कन्या से उत्पन्न मुनि के पौत्र, भाई की पत्नी के पास जाने वाले के, गोलक और पांडु के स्वयं पुत्र कुंड भी,

श्लोक 10 (padma.5.87.10)

ते पंचापि च भूपाल पांडवा द्रौपदीरताः । तेषां च पुण्यश्लोकत्वं सूक्ष्माधर्मगतिस्ततः

te paṁcāpi ca bhūpāla pāṁḍavā draupadīratāḥ teṣāṁ ca puṇyaślokatvaṁ sūkṣmādharmagatistataḥ

हे भूपाल! वे ही पाँचों पांडव द्रौपदी में रत थे; उनका पुण्यश्लोकत्व भी धर्म की उसी सूक्ष्म गति से हुआ।

श्लोक 11 (padma.5.87.11)

विचित्राणि च कर्माणि विचित्रा भूतभावनाः । विचित्राणि च भूता निविचित्राः कर्मशक्तयः

vicitrāṇi ca karmāṇi vicitrā bhūtabhāvanāḥ vicitrāṇi ca bhūtā nivicitrāḥ karmaśaktayaḥ

विचित्र कर्म हैं, प्राणियों के भाव विचित्र हैं; प्राणी विचित्र हैं, और कर्मों की शक्तियाँ भी अत्यंत विचित्र हैं।

श्लोक 12 (padma.5.87.12)

कदाचित्सुकृतं कर्म कूटस्थं यदवस्थितम् । केनचित्कर्मणा भूप शुभेन परिवर्धते

kadācitsukṛtaṁ karma kūṭasthaṁ yadavasthitam kenacitkarmaṇā bhūpa śubhena parivardhate

कभी-कभी कूटस्थ (स्थिर) सुकृत कर्म, हे भूप! किसी शुभ कर्म से बढ़ जाता है,

श्लोक 13 (padma.5.87.13)

फलं ददाति सुमहत्कस्मिन्नपि च जन्मनि । सूक्ष्मो धर्मोऽतिगहनो मीयते न यथा तथा

phalaṁ dadāti sumahatkasminnapi ca janmani sūkṣmo dharmo'tigahano mīyate na yathā tathā

और किसी जन्म में अत्यंत महान फल देता है; धर्म सूक्ष्म और अत्यंत गहन है, जो नापा नहीं जा सकता जैसा दिखता है वैसा नहीं होता।

श्लोक 14 (padma.5.87.14)

नैतस्य फलदानस्य श्रूयते भूपनिश्चयः । यत्किंचित्सुकृतं कर्मच्छन्नं पापांतरैरपि

naitasya phaladānasya śrūyate bhūpaniścayaḥ yatkiṁcitsukṛtaṁ karmacchannaṁ pāpāṁtarairapi

इस फलदान का कोई सुनिश्चित नियम नहीं सुना जाता, हे भूप! जो भी सुकृत कर्म, अन्य पापों से भी ढका हुआ हो,

श्लोक 15 (padma.5.87.15)

तदागत्य कुतः क्वापि स्वं फलं च प्रयच्छति । कृतस्य नेह नाशोऽस्ति पुण्यस्य दुरितस्य च

tadāgatya kutaḥ kvāpi svaṁ phalaṁ ca prayacchati kṛtasya neha nāśo'sti puṇyasya duritasya ca

वह कहीं से भी आकर अपना फल देता है। किए हुए पुण्य या पाप का यहाँ नाश नहीं है,

श्लोक 16 (padma.5.87.16)

तथापि बहुभिः पुण्यैर्दुरितं याति दारुणम् । यदुक्तं भवता राजन्नायासाधिक्यतो भवेत्

tathāpi bahubhiḥ puṇyairduritaṁ yāti dāruṇam yaduktaṁ bhavatā rājannāyāsādhikyato bhavet

फिर भी बहुत पुण्यों से भयंकर पाप भी नष्ट हो जाता है। तुमने जो कहा, हे राजन्! कि अधिक परिश्रम से,

श्लोक 17 (padma.5.87.17)

महत्पुण्यं च तत्रापि कारणं मे निशामय । स्वल्पायासमहायासौ यद्यल्पत्व महत्त्वयोः

mahatpuṇyaṁ ca tatrāpi kāraṇaṁ me niśāmaya svalpāyāsamahāyāsau yadyalpatva mahattvayoḥ

महान पुण्य होता है, उसका कारण भी मुझसे सुनो। अल्प और महान परिश्रम, यदि अल्पता और महत्ता के आधार पर ही मापे जाएँ,

श्लोक 18 (padma.5.87.18)

महापुण्यास्ततस्ते स्युः संततं कर्षकादयः । मंत्रोच्चारं च सिंहादेरायासं बहुलं त्वतः

mahāpuṇyāstataste syuḥ saṁtataṁ karṣakādayaḥ maṁtroccāraṁ ca siṁhāderāyāsaṁ bahulaṁ tvataḥ

तो निरंतर परिश्रम करने वाले किसान आदि सबसे बड़े पुण्यशाली होते; और सिंह आदि के मंत्रोच्चारण में बहुत परिश्रम होने के कारण,

श्लोक 19 (padma.5.87.19)

पंचगव्यं प्रशस्तं हि व्रतांगत्वेन नो भवेत् । इति कर्तव्यबाहुल्यं महत्त्वं च तदल्पता

paṁcagavyaṁ praśastaṁ hi vratāṁgatvena no bhavet iti kartavyabāhulyaṁ mahattvaṁ ca tadalpatā

प्रशस्त पंचगव्य व्रत का अंग न बनता। इस प्रकार करणीयों की बहुलता, महत्ता और उनकी अल्पता,

श्लोक 20 (padma.5.87.20)

जलाग्न्यादिप्रवेशस्य प्रसज्येत व्रतांतरात् । इदमल्पं महच्चैतदिति नैव नियामकम्

jalāgnyādipraveśasya prasajyeta vratāṁtarāt idamalpaṁ mahaccaitaditi naiva niyāmakam

जल-अग्नि आदि में प्रवेश करने वाले व्रत को अन्य व्रत से बड़ा मानना पड़ेगा; यह छोटा है और यह बड़ा है, यह नियामक नहीं है।

श्लोक 21 (padma.5.87.21)

फलं यच्चोदितं शास्त्रे तदेव स्यान्महन्नृप । यथाल्पनाशो महता महन्नाशस्तथाल्पतः

phalaṁ yaccoditaṁ śāstre tadeva syānmahannṛpa yathālpanāśo mahatā mahannāśastathālpataḥ

हे राजन्! शास्त्र में जो फल कहा गया है, वही महान है; जैसे छोटे से बड़े का नाश होता है, वैसे ही बड़े से छोटे का भी।

श्लोक 22 (padma.5.87.22)

किं त्वल्पविस्फुलिंगेन तृणराशिः प्रदह्यते

kiṁ tvalpavisphuliṁgena tṛṇarāśiḥ pradahyate

क्या अल्प चिंगारी से घास का ढेर नहीं जल जाता?

श्लोक 23 (padma.5.87.23)

हत्यायुतं पापसहस्रमुग्रं गुर्वंगनाकोटिनिषेवणं च । स्तेयादि पापानि च कृष्णभक्तैरज्ञानजातानि लयं ह्रियंते

hatyāyutaṁ pāpasahasramugraṁ gurvaṁganākoṭiniṣevaṇaṁ ca steyādi pāpāni ca kṛṣṇabhaktairajñānajātāni layaṁ hriyaṁte

हजार-करोड़ हत्याएँ, उग्र हजार पाप, करोड़ों गुरु-अंगनाओं का सेवन, चोरी और अज्ञानवश हुए पाप कृष्ण-भक्तों द्वारा लय को प्राप्त हो जाते हैं।

श्लोक 24 (padma.5.87.24)

विष्णुभक्तिमतावीर यत्किंचित्क्रियतेऽल्पकम् । सुकृतं साधुविदुषा तदक्षयफलं लभेत्

viṣṇubhaktimatāvīra yatkiṁcitkriyate'lpakam sukṛtaṁ sādhuviduṣā tadakṣayaphalaṁ labhet

हे वीर! विष्णु-भक्तिमान द्वारा जो भी थोड़ा-सा सुकृत किया जाता है, विद्वान साधु के लिए वह अक्षय फल देता है।

श्लोक 25 (padma.5.87.25)

संदेहो नात्र कर्त्तव्यो माधवेमासि माधवम् । समाराध्य नरो भक्त्या तत्तद्वांच्छितमाप्नुयात्

saṁdeho nātra karttavyo mādhavemāsi mādhavam samārādhya naro bhaktyā tattadvāṁcchitamāpnuyāt

इसमें संदेह नहीं करना चाहिए माधव मास में भक्तिपूर्वक माधव की आराधना करके मनुष्य इच्छित वस्तु प्राप्त करता है।

श्लोक 26 (padma.5.87.26)

अपत्यं द्रविणं रत्नं दाराहर्म्यं हया गजाः । सुखानि स्वर्गमोक्षौ च न दूरे हरिभक्तितः

apatyaṁ draviṇaṁ ratnaṁ dārāharmyaṁ hayā gajāḥ sukhāni svargamokṣau ca na dūre haribhaktitaḥ

संतान, धन, रत्न, पत्नी, भवन, घोड़े, हाथी, सुख, स्वर्ग और मोक्ष हरि-भक्ति से दूर नहीं हैं।

श्लोक 27 (padma.5.87.27)

एवं शास्त्रोक्तविधिना स्वल्पेनापि न संशयः । पापस्य महतोऽपि स्यात्क्षयो वृद्धिः सुकर्मणः

evaṁ śāstroktavidhinā svalpenāpi na saṁśayaḥ pāpasya mahato'pi syātkṣayo vṛddhiḥ sukarmaṇaḥ

इस प्रकार शास्त्रोक्त विधि से, अल्प से भी, इसमें संदेह नहीं, महान पाप का भी नाश और सुकर्म की वृद्धि होती है।

श्लोक 28 (padma.5.87.28)

फलाधिक्यं भवेद्भूप त्वाधिक्याद्भावकर्मणोः । सूक्ष्मा धर्मस्य विज्ञेया गतिस्तु विविधैरपि

phalādhikyaṁ bhavedbhūpa tvādhikyādbhāvakarmaṇoḥ sūkṣmā dharmasya vijñeyā gatistu vividhairapi

हे भूप! फल की अधिकता भाव और कर्म की अधिकता से होती है; धर्म की गति सूक्ष्म समझनी चाहिए, अनेक प्रकार से भी।

श्लोक 29 (padma.5.87.29)

प्रियो माधवमासोऽयं माधवस्य महात्मनः । एकोप्यनुष्ठितो लोकैः समग्रेप्सितदायकः

priyo mādhavamāso'yaṁ mādhavasya mahātmanaḥ ekopyanuṣṭhito lokaiḥ samagrepsitadāyakaḥ

यह माधव मास महात्मा माधव को प्रिय है; एक बार भी लोगों द्वारा अनुष्ठित होने पर यह उनकी संपूर्ण इच्छित वस्तु देता है।

श्लोक 30 (padma.5.87.30)

पुण्येन गांगेन जलेन काले देशेऽपि यः स्नानपरोऽपि भूप । आजन्मतो भावहतोऽपि दाता न शुद्धिमेतीति मतं ममैतत्

puṇyena gāṁgena jalena kāle deśe'pi yaḥ snānaparo'pi bhūpa ājanmato bhāvahato'pi dātā na śuddhimetīti mataṁ mamaitat

हे भूप! उचित काल और स्थान पर गंगा के पुण्य जल से स्नान करने वाला भी, यदि जन्म से ही भाव-रहित मात्र दाता हो, तो वह शुद्धि नहीं प्राप्त करता यह मेरा मत है।

श्लोक 31 (padma.5.87.31)

गंगादितीर्थेषु वसंति जीवा देवालये पक्षिगणाश्च नित्यम् । विनाशमायांति कृतोपवासा भावोज्झिता नैव गतिं लभंते

gaṁgāditīrtheṣu vasaṁti jīvā devālaye pakṣigaṇāśca nityam vināśamāyāṁti kṛtopavāsā bhāvojjhitā naiva gatiṁ labhaṁte

गंगा आदि तीर्थों में जीव निवास करते हैं, मंदिर में पक्षि-समूह भी नित्य निवास करते हैं; उपवास करके भी भाव-रहित लोग विनाश को ही प्राप्त होते हैं, गति नहीं पाते।

श्लोक 32 (padma.5.87.32)

भावं ततो हृत्कमले निधाय श्रीमाधवं माधवमासि भक्त्या । यजेत यः स्नानपरो विशुद्धः पुण्यं न शक्ता वयमस्य वक्तुम्

bhāvaṁ tato hṛtkamale nidhāya śrīmādhavaṁ mādhavamāsi bhaktyā yajeta yaḥ snānaparo viśuddhaḥ puṇyaṁ na śaktā vayamasya vaktum

इसलिए भाव को हृदय-कमल में रखकर, माधव मास में भक्तिपूर्वक श्रीमाधव की पूजा करने वाला, स्नान में तत्पर, विशुद्ध जो कोई है, उसका पुण्य हम कहने में समर्थ नहीं हैं।

श्लोक 33 (padma.5.87.33)

प्रज्वाल्य वह्निं घृततैलसिक्तं प्रदक्षिणावर्तशिखं स्वकाले । प्रविश्य दग्धः किल भावदुष्टो न स्वर्गमाप्नोति फलं न चान्यत्

prajvālya vahniṁ ghṛtatailasiktaṁ pradakṣiṇāvartaśikhaṁ svakāle praviśya dagdhaḥ kila bhāvaduṣṭo na svargamāpnoti phalaṁ na cānyat

घी-तेल से सींची अग्नि जलाकर, जिसकी शिखा दाहिनी ओर घूमती है, उचित समय पर उसमें प्रवेश करके, भाव-दुष्ट व्यक्ति निश्चय ही जल जाता है, न तो स्वर्ग पाता है न कोई फल।

श्लोक 34 (padma.5.87.34)

श्रद्धत्स्वभूप तस्मात्त्वं माधवस्य फलं प्रति । स्वल्पं चापि शुभं कर्म विकर्मशतनाशनम्

śraddhatsvabhūpa tasmāttvaṁ mādhavasya phalaṁ prati svalpaṁ cāpi śubhaṁ karma vikarmaśatanāśanam

इसलिए, हे भूप! माधव के फल पर श्रद्धा रखो छोटा-सा भी शुभ कर्म सैकड़ों दुष्कर्मों का नाशक है।

श्लोक 35 (padma.5.87.35)

यथा हरेर्नामभयेन भूप नश्यंति सर्वे दुरितस्य वृंदाः । नूनं रवौ मेषगते विभाते स्नानेन तीर्थे च हरिस्तवेन

yathā harernāmabhayena bhūpa naśyaṁti sarve duritasya vṛṁdāḥ nūnaṁ ravau meṣagate vibhāte snānena tīrthe ca haristavena

हे भूप! जैसे हरि के नाम के भय से पाप के सभी समूह नष्ट हो जाते हैं, वैसे ही निश्चय ही सूर्य के मेष राशि में होने पर, प्रातःकाल में, तीर्थ-स्नान और हरि-स्तवन से,

श्लोक 36 (padma.5.87.36)

तेजसा वैनतेयस्य पाप्मानः पन्नगा इव । विद्रवंति च वैशाखस्नानेनोषसि निश्चितम्

tejasā vainateyasya pāpmānaḥ pannagā iva vidravaṁti ca vaiśākhasnānenoṣasi niścitam

गरुड़ के तेज से सर्पों की भाँति पाप, वैशाख-स्नान से प्रातःकाल में निश्चय ही भाग जाते हैं।

श्लोक 37 (padma.5.87.37)

गंगायां नर्मदायां वा स्नात्वा मेषगते रवौ । पापप्रशमनस्तोत्रं यः पठेद्भक्तिभावतः

gaṁgāyāṁ narmadāyāṁ vā snātvā meṣagate ravau pāpapraśamanastotraṁ yaḥ paṭhedbhaktibhāvataḥ

गंगा या नर्मदा में सूर्य के मेष राशि में होने पर स्नान करके, जो भक्तिभाव से पाप-शमन-स्तोत्र पढ़ता है,

श्लोक 38 (padma.5.87.38)

एककालं द्विकालं वा त्रिसंध्यमपि भूपते । स याति परमं स्थानं सर्वपापविवर्जितः

ekakālaṁ dvikālaṁ vā trisaṁdhyamapi bhūpate sa yāti paramaṁ sthānaṁ sarvapāpavivarjitaḥ

हे भूपते! एक बार, दो बार, या तीनों संध्याओं में भी, वह सभी पापों से रहित होकर परम स्थान को प्राप्त होता है।

श्लोक 39 (padma.5.87.39)

अंबरीष महत्पुण्यप्राप्तये कुरु वीक्षणम् । माधवेमासि वै स्नानं प्रातर्नियमसंस्थितः

aṁbarīṣa mahatpuṇyaprāptaye kuru vīkṣaṇam mādhavemāsi vai snānaṁ prātarniyamasaṁsthitaḥ

हे अंबरीष! महान पुण्य की प्राप्ति के लिए, माधव मास में प्रातः नियमपूर्वक स्नान का यह अवलोकन करो।

श्लोक 40 (padma.5.87.40)

यदानर्त्तपुरे प्रोक्तं वसतां वर्षकोटिभिः । तत्प्रातर्माधवे मासि स्नानेनैकेन लभ्यते

yadānarttapure proktaṁ vasatāṁ varṣakoṭibhiḥ tatprātarmādhave māsi snānenaikena labhyate

आनर्त नगर में करोड़ों वर्षों तक रहने वालों को जो प्राप्त होता है, वह माधव मास में एक प्रातःकालीन स्नान से ही प्राप्त हो जाता है।

श्लोक 41 (padma.5.87.41)

इहार्थे यत्पुरावृत्तं तदाकर्णय भूपते । भार्यया सह संवादं देवशर्मद्विजन्मनः

ihārthe yatpurāvṛttaṁ tadākarṇaya bhūpate bhāryayā saha saṁvādaṁ devaśarmadvijanmanaḥ

हे भूपते! इस विषय में जो पूर्वकाल में हुआ, वह सुनो द्विज देवशर्मा और उसकी पत्नी का संवाद।

श्लोक 42 (padma.5.87.42)

रेवातीरे सुपुण्ये च तीर्थे चामरकंटके । कौशिकस्य सुतो जातो देवशर्मा द्विजोत्तमः

revātīre supuṇye ca tīrthe cāmarakaṁṭake kauśikasya suto jāto devaśarmā dvijottamaḥ

रेवा के तट पर, अत्यंत पुण्य तीर्थ अमरकंटक में, कौशिक का पुत्र देवशर्मा नामक द्विजोत्तम उत्पन्न हुआ।

श्लोक 43 (padma.5.87.43)

धनपुत्रविहीनस्तु बहुदुःखसमन्वितः । दारिद्रेण सुदुःखेन सर्वदैवप्रपीडितः

dhanaputravihīnastu bahuduḥkhasamanvitaḥ dāridreṇa suduḥkhena sarvadaivaprapīḍitaḥ

धन-पुत्र से रहित, अनेक दुःखों से युक्त, दरिद्रता के अत्यंत दुःख से सदा पीड़ित,

श्लोक 44 (padma.5.87.44)

पुत्रोपायं धनस्यापि दिवारात्रौ प्रचिंतयेत् । एकदा तु प्रिया तस्य सुमना नाम सुव्रता

putropāyaṁ dhanasyāpi divārātrau praciṁtayet ekadā tu priyā tasya sumanā nāma suvratā

वह दिन-रात पुत्र और धन का उपाय सोचता रहता था। एक बार उसकी प्रिया, सुमना नामक सुव्रता,

श्लोक 45 (padma.5.87.45)

भर्तारं चिंतयोपेतमधोमुखमलक्षयत् । समालोक्य तदा कांतं तमुवाच यशस्विनी

bhartāraṁ ciṁtayopetamadhomukhamalakṣayat samālokya tadā kāṁtaṁ tamuvāca yaśasvinī

चिंता से युक्त, नीचे की ओर मुख किए हुए पति को देखा। उस प्रिय को देखकर उस यशस्विनी ने कहा।

श्लोक 46 (padma.5.87.46)

दुःखजालैरसंख्यैस्तु तव चित्तं प्रकर्षितम् । व्यामोहेन प्रमूढोसि त्यज चिंतां महामते

duḥkhajālairasaṁkhyaistu tava cittaṁ prakarṣitam vyāmohena pramūḍhosi tyaja ciṁtāṁ mahāmate

असंख्य दुःखों के जालों से तुम्हारा चित्त खींचा गया है; तुम मोह से अत्यंत मूढ़ हो गए हो, हे महामते! चिंता त्यागो।

श्लोक 47 (padma.5.87.47)

मम दुःखं समाचक्ष्व स्वस्थो भव सुखं व्रज । नास्ति चिंतासमं दुःखं कायशोषणमेव हि

mama duḥkhaṁ samācakṣva svastho bhava sukhaṁ vraja nāsti ciṁtāsamaṁ duḥkhaṁ kāyaśoṣaṇameva hi

मुझे अपना दुःख बताओ; स्वस्थ होओ, सुख को प्राप्त करो। चिंता के समान कोई दुःख नहीं है, वह तो शरीर को ही सुखा देता है।

श्लोक 48 (padma.5.87.48)

तां संत्यज्य प्रवर्तेत स सुखेन प्रमोदते । चिंतायाः कारणं विप्र कथयस्व मम प्रभो

tāṁ saṁtyajya pravarteta sa sukhena pramodate ciṁtāyāḥ kāraṇaṁ vipra kathayasva mama prabho

उसे त्यागकर मनुष्य प्रवृत्त हो तो सुखपूर्वक आनंदित होता है। हे विप्र, हे प्रभो! मुझे अपनी चिंता का कारण बताओ।

श्लोक 49 (padma.5.87.49)

नारद उवाच-। प्रियावाक्यं स संश्रुत्य देवशर्मा महामतिः । उवाच वचनं प्रीतो दुःखितोऽपि सतीसखः

nārada uvāca- priyāvākyaṁ sa saṁśrutya devaśarmā mahāmatiḥ uvāca vacanaṁ prīto duḥkhito'pi satīsakhaḥ

नारद बोले प्रिया का यह वचन सुनकर महामति देवशर्मा ने, दुःखी होते हुए भी, सती के इस सखा ने प्रसन्न होकर उत्तर दिया।

श्लोक 50 (padma.5.87.50)

देवशर्मोवाच-। यत्त्वया चिंतितं भद्रे किंचिद्दुःखस्य कारणम् । तत्सर्वं तु प्रवक्ष्यामि श्रुत्वा चैवावधार्यताम्

devaśarmovāca- yattvayā ciṁtitaṁ bhadre kiṁcidduḥkhasya kāraṇam tatsarvaṁ tu pravakṣyāmi śrutvā caivāvadhāryatām

देवशर्मा बोले हे भद्रे! तुमने जो मेरे दुःख का कुछ कारण पूछा, वह सब मैं कहूँगा सुनकर उसे समझ लेना चाहिए।

श्लोक 51 (padma.5.87.51)

न जाने केन पापेन धनहीनोऽस्मि सुव्रते । तथा पुत्रविहीनोऽस्मि एतद्दुःखस्य कारणम्

na jāne kena pāpena dhanahīno'smi suvrate tathā putravihīno'smi etadduḥkhasya kāraṇam

हे सुव्रते! मैं नहीं जानता किस पाप से मैं धनहीन हूँ, तथा पुत्रहीन हूँ यही मेरे दुःख का कारण है।

श्लोक 52 (padma.5.87.52)

सुमनोवाच-। श्रूयतामभिधास्यामि सर्वसंदेहनाशनम् । स्वरूपमुपदेशस्य सर्वविज्ञानदर्शनम्

sumanovāca- śrūyatāmabhidhāsyāmi sarvasaṁdehanāśanam svarūpamupadeśasya sarvavijñānadarśanam

सुमना बोलीं सुनिए, मैं सभी संदेहों का नाशक, उपदेश का स्वरूप, समस्त ज्ञान का दर्शन कहूँगी।

श्लोक 53 (padma.5.87.53)

संतोष एव परमं पुण्यं सौख्यादिकारणम् । असंतोषः परं पापमित्याह भगवान्हरिः

saṁtoṣa eva paramaṁ puṇyaṁ saukhyādikāraṇam asaṁtoṣaḥ paraṁ pāpamityāha bhagavānhariḥ

संतोष ही परम पुण्य है, सुख आदि का कारण है; असंतोष परम पाप है ऐसा भगवान हरि कहते हैं।

श्लोक 54 (padma.5.87.54)

लोभः पापस्य बीजोऽयं मोहो मूलं च तस्य वै । असत्यं तस्य हि स्कंधो महाशाखा सुविस्तरात्

lobhaḥ pāpasya bījo'yaṁ moho mūlaṁ ca tasya vai asatyaṁ tasya hi skaṁdho mahāśākhā suvistarāt

लोभ इस पाप का बीज है, मोह उसकी जड़ है; असत्य उसका तना है, महाशाखाएँ विस्तार से फैली हैं,

श्लोक 55 (padma.5.87.55)

मदकौटिल्य पत्राणि कुबुद्ध्या पुष्पितः सदा । अनृतं तस्य सौगंध्यमज्ञानं फलमेव च

madakauṭilya patrāṇi kubuddhyā puṣpitaḥ sadā anṛtaṁ tasya saugaṁdhyamajñānaṁ phalameva ca

मद और कुटिलता उसके पत्ते हैं, कुबुद्धि से सदा पुष्पित होता है; असत्य उसकी सुगंध है, अज्ञान ही उसका फल है।

श्लोक 56 (padma.5.87.56)

कुड्यं पाषंडचौराश्च क्रूराः कूटाश्च पापिनः । पक्षिणो मोहवृक्षस्य महाशाखासमाश्रिताः

kuḍyaṁ pāṣaṁḍacaurāśca krūrāḥ kūṭāśca pāpinaḥ pakṣiṇo mohavṛkṣasya mahāśākhāsamāśritāḥ

पाखंडी, चोर, क्रूर, कपटी और पापी लोग इस मोह-वृक्ष की महाशाखाओं पर बैठे पक्षी हैं।

श्लोक 57 (padma.5.87.57)

अज्ञानं सुफलं तस्य रसो धर्मं फलस्य हि । भावोदकेन संवृद्धिस्तस्य श्रद्धा क्रतु प्रिया

ajñānaṁ suphalaṁ tasya raso dharmaṁ phalasya hi bhāvodakena saṁvṛddhistasya śraddhā kratu priyā

अज्ञान उसका उत्तम फल है, अधर्म उस फल का रस है; भाव-जल से उसकी वृद्धि होती है, श्रद्धा उसका प्रिय यज्ञ है।

श्लोक 58 (padma.5.87.58)

अधर्मेषु रसस्तस्य उत्क्लेदैर्मधुरायते । तादृशैश्च फलैश्चैवसफलो लोभपादपः

adharmeṣu rasastasya utkledairmadhurāyate tādṛśaiśca phalaiścaivasaphalo lobhapādapaḥ

अधर्मों में उसका रस किण्वन से मधुर हो जाता है; ऐसे ही फलों से लोभ-वृक्ष फलदायक बनता है।

श्लोक 59 (padma.5.87.59)

तस्यच्छायां समाश्रित्य यो नरः परिवर्तते । फलानि तस्य सोऽश्नाति स्वपक्वानि दिनेदिने

tasyacchāyāṁ samāśritya yo naraḥ parivartate phalāni tasya so'śnāti svapakvāni dinedine

जो मनुष्य उसकी छाया का आश्रय लेकर विचरण करता है, वह प्रतिदिन उसके पके हुए फलों को खाता है।

श्लोक 60 (padma.5.87.60)

फलानां च रसेनापि अधर्मेण तु पोषितः । स संपुष्टो भवेन्मर्त्यः पतनाय प्रयच्छति

phalānāṁ ca rasenāpi adharmeṇa tu poṣitaḥ sa saṁpuṣṭo bhavenmartyaḥ patanāya prayacchati

उन फलों के रस से, अधर्म से पोषित होकर, वह मर्त्य अत्यंत तृप्त होकर अपने पतन के लिए स्वयं को सौंप देता है।

श्लोक 61 (padma.5.87.61)

तस्माच्चिंतां परिश्रित्य स्वामि लोभं न कारयेत् । धनपुत्रकलत्राणां चिंतामेतां न कारयेत्

tasmācciṁtāṁ pariśritya svāmi lobhaṁ na kārayet dhanaputrakalatrāṇāṁ ciṁtāmetāṁ na kārayet

इसलिए, हे स्वामी! चिंता त्यागकर लोभ न करना चाहिए; धन-पुत्र-पत्नी की यह चिंता न करनी चाहिए।

श्लोक 62 (padma.5.87.62)

यो हि विद्वान्नचेत्कांत मूर्खाणां पथमेव हि । मृषा चिंतयते नित्यं दिवारात्रौ विमोहितः

yo hi vidvānnacetkāṁta mūrkhāṇāṁ pathameva hi mṛṣā ciṁtayate nityaṁ divārātrau vimohitaḥ

जो विद्वान भी यदि इसे न त्यागे तो वह मूर्खों के ही मार्ग पर है; हे कांत! सदा दिन-रात मोहित होकर मिथ्या चिंतन करता है।

श्लोक 63 (padma.5.87.63)

शुभार्थं च प्रविंदामि कथं पुत्रानहं लभे । एवं चिंतयते नित्यं दिवारात्रौ विमोहितः

śubhārthaṁ ca praviṁdāmi kathaṁ putrānahaṁ labhe evaṁ ciṁtayate nityaṁ divārātrau vimohitaḥ

शुभ के लिए मैं कैसे पुत्र प्राप्त करूँ, ऐसा वह दिन-रात मोहित होकर सदा चिंतन करता है।

श्लोक 64 (padma.5.87.64)

क्षणमेकं प्रपश्येत्स चिंतामध्ये महत्सुखम् । पुनश्चैतन्यमायाति महादुःखेन पीड्यते

kṣaṇamekaṁ prapaśyetsa ciṁtāmadhye mahatsukham punaścaitanyamāyāti mahāduḥkhena pīḍyate

एक क्षण के लिए वह चिंता के मध्य में महान सुख देखता-सा प्रतीत होता है; फिर चेतना लौट आती है और वह महादुःख से पीड़ित हो जाता है।

श्लोक 65 (padma.5.87.65)

चिंतामोहौ परित्यज्य अनुवर्तस्व तं द्विज । संसारे नास्ति संबंधः केन सार्धं महामते

ciṁtāmohau parityajya anuvartasva taṁ dvija saṁsāre nāsti saṁbaṁdhaḥ kena sārdhaṁ mahāmate

चिंता और मोह को त्यागकर, हे द्विज! उस (धर्म) का अनुसरण करो। संसार में किसके साथ क्या संबंध है, हे महामते?

श्लोक 66 (padma.5.87.66)

मित्राश्च बांधवाः पुत्राः पितामाता सुतास्तथा । स्वसंबंधा भवंत्येते कलत्रादि तथैव च

mitrāśca bāṁdhavāḥ putrāḥ pitāmātā sutāstathā svasaṁbaṁdhā bhavaṁtyete kalatrādi tathaiva ca

मित्र, बांधव, पुत्र, माता-पिता, संतान वे सब अपने-अपने संबंध से ही बनते हैं, और पत्नी आदि भी वैसे ही।

श्लोक 67 (padma.5.87.67)

देवशर्मोवाच-। संबंधः कीदृशो भद्रे तन्मे विस्तरतो वद । येन जायंति ते सर्वे धनपुत्रादि बांधवाः

devaśarmovāca- saṁbaṁdhaḥ kīdṛśo bhadre tanme vistarato vada yena jāyaṁti te sarve dhanaputrādi bāṁdhavāḥ

देवशर्मा बोले हे भद्रे! वह संबंध कैसा है, वह मुझे विस्तार से बताओ, जिससे ये सब धन-पुत्र आदि बांधव उत्पन्न होते हैं।

श्लोक 68 (padma.5.87.68)

सुमनोवाच-। भर्तः पंचविधाः पुत्रा जायंते तान्वदाम्यहम् । न्यासापहारकं चैकमृणसंबंधिनं परम्

sumanovāca- bhartaḥ paṁcavidhāḥ putrā jāyaṁte tānvadāmyaham nyāsāpahārakaṁ caikamṛṇasaṁbaṁdhinaṁ param

सुमना बोलीं हे भर्तः! पुत्र पाँच प्रकार के होते हैं, मैं उन्हें बताती हूँ एक न्यास-अपहारक, दूसरा ऋण-संबंधी,

श्लोक 69 (padma.5.87.69)

रिपुं लभ्यमुदासीनमिति कांत भवंति ते । लक्षणानि प्रवक्ष्यामि तेषामीश पृथक्पृथक्

ripuṁ labhyamudāsīnamiti kāṁta bhavaṁti te lakṣaṇāni pravakṣyāmi teṣāmīśa pṛthakpṛthak

तीसरा शत्रु, तथा उदासीन प्राप्त होता है, हे कांत! ये ही होते हैं। हे ईश! उनके लक्षण मैं पृथक-पृथक कहूँगी।

श्लोक 70 (padma.5.87.70)

पुत्रा मित्राः प्रिया भार्या पिता माता च बांधवाः । स्वेनस्वेन हि जायंते संबंधेन महीतले

putrā mitrāḥ priyā bhāryā pitā mātā ca bāṁdhavāḥ svenasvena hi jāyaṁte saṁbaṁdhena mahītale

पुत्र, मित्र, प्रिय पत्नी, पिता, माता और बांधव अपने-अपने संबंध से ही पृथ्वी पर जन्म लेते हैं।

श्लोक 71 (padma.5.87.71)

न्यासापहारभावेन यस्य येन हृतं भुवि । न्यासस्वामी भवेत्पुत्रो गुणवान्रूपवान्भुवि

nyāsāpahārabhāvena yasya yena hṛtaṁ bhuvi nyāsasvāmī bhavetputro guṇavānrūpavānbhuvi

न्यास-अपहार के भाव से पृथ्वी पर जिसका जिसने हरण किया हो, न्यास का स्वामी गुणवान और रूपवान पुत्र होकर पृथ्वी पर जन्म लेता है।

श्लोक 72 (padma.5.87.72)

येन ह्यपहृतं न्यासं तस्य गेहे न संशयः । न्यासापहारणं दुःखं स दत्त्वा दारुणं गतः

yena hyapahṛtaṁ nyāsaṁ tasya gehe na saṁśayaḥ nyāsāpahāraṇaṁ duḥkhaṁ sa dattvā dāruṇaṁ gataḥ

जिसने न्यास का हरण किया था, उसी के घर में, इसमें संदेह नहीं। न्यास का हरण दुःखदायी है, वह इसे देकर भयंकर स्थिति को प्राप्त हुआ।

श्लोक 73 (padma.5.87.73)

न्यासस्वामी सुपुत्रोऽभून्न्यासापहारकस्य च । गुणवान्रूपवांश्चैव सर्वलक्षणसंयुतः

nyāsasvāmī suputro'bhūnnyāsāpahārakasya ca guṇavānrūpavāṁścaiva sarvalakṣaṇasaṁyutaḥ

न्यास का स्वामी न्यास-अपहारक का ही सुंदर पुत्र बना गुणवान, रूपवान, सभी लक्षणों से युक्त।

श्लोक 74 (padma.5.87.74)

भक्तिं च दर्शयेत्तस्य पुत्रो भूत्वा दिनेदिने । प्रियवाङ्मधुरोवाग्मी बहुस्नेहं विदर्शयेत्

bhaktiṁ ca darśayettasya putro bhūtvā dinedine priyavāṅmadhurovāgmī bahusnehaṁ vidarśayet

वह उसके प्रति भक्ति दिखाता है, पुत्र बनकर, दिन-प्रतिदिन; प्रिय-वचन बोलने वाला, मधुरभाषी, बहुत स्नेह दिखाता है।

श्लोक 75 (padma.5.87.75)

स्वीयं द्रव्यं समुद्ग्राह्य प्रीतिमुत्पाद्य चातुलाम् । यथा तेन प्रदत्तं तन्न्यासापहरणात्परम्

svīyaṁ dravyaṁ samudgrāhya prītimutpādya cātulām yathā tena pradattaṁ tannyāsāpaharaṇātparam

अपनी संपत्ति को इकट्ठा करके, अनुपम प्रीति उत्पन्न कराके, जितना उसने पहले उससे लिया था (न्यास-हरण से बढ़कर),

श्लोक 76 (padma.5.87.76)

दुःखमेवं महाभाग दारुणं प्राणनाशनम् । तादृशं तस्य सो दद्यात्पुत्रो भूत्वा महागुणः

duḥkhamevaṁ mahābhāga dāruṇaṁ prāṇanāśanam tādṛśaṁ tasya so dadyātputro bhūtvā mahāguṇaḥ

हे महाभाग! उतना ही भयंकर, प्राणनाशक दुःख वह उसे, महागुणवान पुत्र बनकर, वापस देता है।

श्लोक 77 (padma.5.87.77)

अल्पायुषस्तथा भूत्वा मरणं चोपगच्छति । दुःखं दत्वा प्रयात्येवं प्रहृत्यैवं पुनःपुनः

alpāyuṣastathā bhūtvā maraṇaṁ copagacchati duḥkhaṁ datvā prayātyevaṁ prahṛtyaivaṁ punaḥpunaḥ

फिर अल्पायु होकर वह मृत्यु को प्राप्त होता है। इस प्रकार दुःख देकर बार-बार प्रहार करके वह चला जाता है।

श्लोक 78 (padma.5.87.78)

यदाह पुत्रपुत्रेति प्रलापं हि करोति यः । तदा हास्यं करोत्येष कस्तु पुत्रो हि कस्य च

yadāha putraputreti pralāpaṁ hi karoti yaḥ tadā hāsyaṁ karotyeṣa kastu putro hi kasya ca

जब वह 'पुत्र, पुत्र' कहकर विलाप करता है, तब यह (मृत पुत्र) हँसता है कि आखिर किसका पुत्र, किसका है?

श्लोक 79 (padma.5.87.79)

अनेनापहृतं न्यासं मदीयं पापचारिणा । द्रव्यापहारणेनापि मम प्राणागताः किल

anenāpahṛtaṁ nyāsaṁ madīyaṁ pāpacāriṇā dravyāpahāraṇenāpi mama prāṇāgatāḥ kila

इस पापी ने मेरा न्यास हरण किया था, धन के उस हरण से ही मेरे प्राण चले गए थे,

श्लोक 80 (padma.5.87.80)

दुःखेन महता चैव असह्येन च वै पुरा । तदा दुःखं मया दत्वाद्रव्यमुद्ग्राह्यमुत्तमम्

duḥkhena mahatā caiva asahyena ca vai purā tadā duḥkhaṁ mayā datvādravyamudgrāhyamuttamam

पहले महान, असह्य दुःख से; इसलिए मैंने उसे दुःख देकर, वह उत्तम धन वापस ले लिया है।