कापोतक महात्म्य (कबूतर का त्याग)

श्लोक 1 (padma.6.162.1)

महादेव उवाच। ततो गच्छेत्तथा देवि तीर्थं कापोतिकं पुनः । यत्र साभ्रमती तोयं प्राचीनं संप्रवर्त्तते

mahādeva uvāca tato gacchettathā devi tīrthaṃ kāpotikaṃ punaḥ yatra sābhramatī toyaṃ prācīnaṃ saṃpravarttate

महादेव ने कहा — हे देवी! फिर वहाँ से "कापोतिक" नामक तीर्थ में जाना चाहिए, जहाँ साभ्रमती का जल पूर्व दिशा की ओर बहता है।

श्लोक 2 (padma.6.162.2)

पिंडं ददाति यस्तत्र पितृतर्पणपूर्वकम् । वन्यैः फलैस्तथा पुष्पैः सदा पर्वणि पर्वणि

piṃḍaṃ dadāti yastatra pitṛtarpaṇapūrvakam vanyaiḥ phalaistathā puṣpaiḥ sadā parvaṇi parvaṇi

जो वहाँ पितृ-तर्पण-पूर्वक, वन्य फलों तथा पुष्पों से प्रत्येक पर्व पर पिंड अर्पित करता है,

श्लोक 3 (padma.6.162.3)

काकादिभ्यश्च श्वादिभ्यो बलिं संददते तु यः । यमस्य पंथानं सोऽपि ससुखं निस्तरेन्नरः

kākādibhyaśca śvādibhyo baliṃ saṃdadate tu yaḥ yamasya paṃthānaṃ so'pi sasukhaṃ nistarennaraḥ

और जो कौओं तथा कुत्तों आदि को बलि अर्पित करता है, वह मनुष्य यम के मार्ग को भी सुखपूर्वक पार कर लेता है।

श्लोक 4 (padma.6.162.4)

तत्र तीर्थे नरः स्नात्वा वैशाख्यां गौरसर्षपैः । पूजयेद्देवमीशानं प्राचीनेश्वरमुत्तमम्

tatra tīrthe naraḥ snātvā vaiśākhyāṃ gaurasarṣapaiḥ pūjayeddevamīśānaṃ prācīneśvaramuttamam

उस तीर्थ में स्नान करके, वैशाख मास में श्वेत सरसों से देव ईशान, "प्राचीनेश्वर" की श्रेष्ठ पूजा करनी चाहिए,

श्लोक 5 (padma.6.162.5)

आत्मानं तारयेत्सोऽथ पितॄनथ पितामहान् । कपोतो यत्र चात्मानं दत्त्वा चातिथये मुदा

ātmānaṃ tārayetso'tha pitṝnatha pitāmahān kapoto yatra cātmānaṃ dattvā cātithaye mudā

और इस प्रकार वह स्वयं को, अपने पितरों को तथा पितामहों को तार देता है — उसी स्थान पर जहाँ एक कबूतर ने प्रसन्नतापूर्वक अपने शरीर को अतिथि को अर्पित कर दिया था,

श्लोक 6 (padma.6.162.6)

स्तुतो देवगणैः सर्वैर्विमानेन दिवं गतैः । तदा प्रभृति तत्तीर्थं कापोतमिति विश्रुतम्

stuto devagaṇaiḥ sarvairvimānena divaṃ gataiḥ tadā prabhṛti tattīrthaṃ kāpotamiti viśrutam

और सभी देवगणों द्वारा स्तुत होकर विमान से स्वर्ग को गया। तभी से यह तीर्थ "कापोतक" नाम से विख्यात हुआ।

श्लोक 7 (padma.6.162.7)

तत्र स्नात्वा नरः पीत्वा ब्रह्महत्यां व्यपोहति । पार्वत्युवाच। कपोतेन कथं दत्तं शरीरं च वद प्रभो । निमित्तं किं तथा देव नाहं वेद्मि सुरेश्वर

tatra snātvā naraḥ pītvā brahmahatyāṃ vyapohati pārvatyuvāca kapotena kathaṃ dattaṃ śarīraṃ ca vada prabho nimittaṃ kiṃ tathā deva nāhaṃ vedmi sureśvara

वहाँ स्नान करके तथा जल पीकर मनुष्य ब्रह्महत्या को भी दूर कर देता है। पार्वती ने कहा — हे प्रभु! कबूतर ने अपना शरीर कैसे दिया? यह किस कारण हुआ, हे देव? मैं नहीं जानती, हे सुरेश्वर।

श्लोक 8 (padma.6.162.8)

महादेव उवाच। अत्र तीर्थेति देवेशि वटो वै परमो महान् । तस्य शाखा ह्यनंताश्च दृश्यंते विपुला भुवि

mahādeva uvāca atra tīrtheti deveśi vaṭo vai paramo mahān tasya śākhā hyanaṃtāśca dṛśyaṃte vipulā bhuvi

महादेव ने कहा — हे देवेशी! इस तीर्थ में एक परम विशाल वट-वृक्ष है, जिसकी अनंत शाखाएँ पृथ्वी पर विस्तृत रूप से दिखाई देती हैं।

श्लोक 9 (padma.6.162.9)

तत्र जीवा वसंतीह पक्षिणो बहवस्तथा । कपोतेन गृहं तत्र कारितं तु सुरेश्वरि

tatra jīvā vasaṃtīha pakṣiṇo bahavastathā kapotena gṛhaṃ tatra kāritaṃ tu sureśvari

वहाँ अनेक जीव तथा अनेक पक्षी निवास करते थे। हे सुरेश्वरी! वहाँ एक कबूतर ने अपना घर बना रखा था।

श्लोक 10 (padma.6.162.10)

तत्र तिष्ठति पक्षीशो नित्यं विष्णुपरायणः । कुटुंबेन समायुक्तो शाखायां वसति ध्रुवम्

tatra tiṣṭhati pakṣīśo nityaṃ viṣṇuparāyaṇaḥ kuṭuṃbena samāyukto śākhāyāṃ vasati dhruvam

वहाँ वह पक्षीश्वर सदा विष्णु-परायण होकर रहता था; अपने परिवार सहित वह उस शाखा पर निश्चित रूप से निवास करता था।

श्लोक 11 (padma.6.162.11)

एकस्मिन्वासरे देवि द्वादश्यां विष्णुवासरे । श्येनस्तत्र समायातो ह्यतिथित्वेन भामिनि

ekasminvāsare devi dvādaśyāṃ viṣṇuvāsare śyenastatra samāyāto hyatithitvena bhāmini

हे देवी! एक दिन, विष्णु के दिन (द्वादशी) पर, वहाँ एक बाज अतिथि के रूप में आया, हे भामिनी,

श्लोक 12 (padma.6.162.12)

कपोत भो देहि मांसं तव शारीरकं मम । नोचेच्छापं प्रदास्यामि इत्युक्तं नगनंदिनि

kapota bho dehi māṃsaṃ tava śārīrakaṃ mama nocecchāpaṃ pradāsyāmi ityuktaṃ naganaṃdini

और बोला — "हे कबूतर! मांस दो, तुम्हारा शरीर मेरा है। नहीं तो मैं तुम्हें शाप दूँगा।" ऐसा उसने कहा, हे नगनंदिनि।

श्लोक 13 (padma.6.162.13)

अद्य वै वासरे विष्णोः क्षुधार्तोऽहं समागतः । तस्माद्देयं हि मांसं तत्क्षुधार्ताय मम प्रभो

adya vai vāsare viṣṇoḥ kṣudhārto'haṃ samāgataḥ tasmāddeyaṃ hi māṃsaṃ tatkṣudhārtāya mama prabho

"आज विष्णु के इस दिन मैं भूख से पीड़ित होकर आया हूँ। इसलिए, हे प्रभु, भूख से पीड़ित मुझे मांस देना चाहिए।"

श्लोक 14 (padma.6.162.14)

श्येनोक्तं तत्तु वै श्रुत्वा कपोतो वैष्णवो महान् । तेन दत्तं तदा देवि शरीरं नात्र संशयः

śyenoktaṃ tattu vai śrutvā kapoto vaiṣṇavo mahān tena dattaṃ tadā devi śarīraṃ nātra saṃśayaḥ

बाज के इन वचनों को सुनकर वह महान वैष्णव कबूतर — हे देवी, उसने तब निश्चय ही अपना शरीर दे दिया, इसमें संदेह नहीं।

श्लोक 15 (padma.6.162.15)

तेन दानप्रभावेन तीर्थं जातं सुरोत्तमे । कापोतकं महत्तीर्थं पावनानां च पावनम्

tena dānaprabhāvena tīrthaṃ jātaṃ surottame kāpotakaṃ mahattīrthaṃ pāvanānāṃ ca pāvanam

उस दान के प्रभाव से, हे सुरोत्तम, यह महान तीर्थ उत्पन्न हुआ — "कापोतक", पवित्रों में भी परम पवित्र।

श्लोक 16 (padma.6.162.16)

अत्र तीर्थे नरः स्नात्वा कृत्वा वै शिवपूजनम् । ददाति चातिथिभ्यश्च मिष्टमन्नं सुरोत्तमे

atra tīrthe naraḥ snātvā kṛtvā vai śivapūjanam dadāti cātithibhyaśca miṣṭamannaṃ surottame

इस तीर्थ में स्नान करके, शिव-पूजन करके, जो अतिथियों को मिष्ट अन्न देता है, हे सुरोत्तम,

श्लोक 17 (padma.6.162.17)

इहलोके सुखं भुक्त्वा याति विष्णोः सनातनम् । दत्त्वा वै स्वशरीरं तु कपोतोऽथ महात्मने

ihaloke sukhaṃ bhuktvā yāti viṣṇoḥ sanātanam dattvā vai svaśarīraṃ tu kapoto'tha mahātmane

वह इस लोक में सुख भोगकर विष्णु के सनातन धाम को जाता है। और अपना शरीर उस महात्मा अतिथि को देकर वह कबूतर,

श्लोक 18 (padma.6.162.18)

स गतो वैष्णवं तत्र यावच्चंद्र दिवाकरौ । अतो गत्वा तु भो देवि अतिथिं पूजयेत्सदा । पूजिते चातिथौ तत्र सर्वं च लभते ध्रुवम्

sa gato vaiṣṇavaṃ tatra yāvaccaṃdra divākarau ato gatvā tu bho devi atithiṃ pūjayetsadā pūjite cātithau tatra sarvaṃ ca labhate dhruvam

जब तक चंद्र-सूर्य रहेंगे, तब तक विष्णुलोक को प्राप्त रहा। इसलिए, हे देवी, यहाँ आकर सदा अतिथि की पूजा करनी चाहिए। अतिथि का सम्मान करने से वहाँ सब कुछ निश्चय ही प्राप्त होता है।