गोतीर्थ महात्म्य

श्लोक 1 (padma.6.163.1)

महादेव उवाच। तीर्थानां प्रवरं तीर्थं महापातकनाशनम् । गोतीर्थमिति विख्यातं काश्यपह्रदसमीपतः

mahādeva uvāca tīrthānāṃ pravaraṃ tīrthaṃ mahāpātakanāśanam gotīrthamiti vikhyātaṃ kāśyapahradasamīpataḥ

महादेव ने कहा — तीर्थों में श्रेष्ठ, महापातकों का नाश करने वाला तीर्थ काश्यप-ह्रद के समीप "गोतीर्थ" नाम से विख्यात है।

श्लोक 2 (padma.6.163.2)

यानि कानि च पापानि ब्रह्महत्या समानि च । गोतीर्थे तु ततः स्नात्वा नश्यंते नात्र संशयः

yāni kāni ca pāpāni brahmahatyā samāni ca gotīrthe tu tataḥ snātvā naśyaṃte nātra saṃśayaḥ

ब्रह्महत्या के समान जो भी पाप हों, वे गोतीर्थ में स्नान करने से नष्ट हो जाते हैं, इसमें संदेह नहीं।

श्लोक 3 (padma.6.163.3)

गावः कृष्णां तनुं प्राप्य पूर्वपातकयोगतः । यत्र तीर्थे ततः स्नात्वा शुक्लत्वं पुनरागताः

gāvaḥ kṛṣṇāṃ tanuṃ prāpya pūrvapātakayogataḥ yatra tīrthe tataḥ snātvā śuklatvaṃ punarāgatāḥ

पूर्वजन्म के पापों के कारण काली देह पाई हुई गौएँ इस तीर्थ में स्नान करके पुनः श्वेत रूप को प्राप्त हुईं।

श्लोक 4 (padma.6.163.4)

तत्र तीर्थे नरः स्नात्त्वा दत्वा गोभ्यो गवाह्निकम् । गोमातॄणां प्रसादेन मातॄणामनृणी भवेत्

tatra tīrthe naraḥ snāttvā datvā gobhyo gavāhnikam gomātṝṇāṃ prasādena mātṝṇāmanṛṇī bhavet

उस तीर्थ में स्नान करके तथा गायों को चारा देकर मनुष्य गो-माताओं की कृपा से अपनी माताओं के ऋण से भी मुक्त हो जाता है।

श्लोक 5 (padma.6.163.5)

गोतीर्थे तु नरो गत्वा स्नात्वा गां तु पयस्विनीम् । ददाति विप्रमुख्येभ्यः स याति ब्रह्मणः पदम्

gotīrthe tu naro gatvā snātvā gāṃ tu payasvinīm dadāti vipramukhyebhyaḥ sa yāti brahmaṇaḥ padam

गोतीर्थ में जाकर स्नान करके जो मनुष्य दुधारू गाय श्रेष्ठ ब्राह्मणों को देता है, वह ब्रह्मपद को प्राप्त होता है।