वराह तीर्थ महात्म्य (कर्दमाल)

श्लोक 1 (padma.6.169.1)

महेश उवाच। ततःपरं देवनदी वार्त्रघ्नी संगमात्किल । प्रविष्टा भद्रया सार्द्धं सागरं वरुणालयम्

maheśa uvāca tataḥparaṃ devanadī vārtraghnī saṃgamātkila praviṣṭā bhadrayā sārddhaṃ sāgaraṃ varuṇālayam

महेश ने कहा — तत्पश्चात् देवनदी वार्त्रघ्नी के संगम के बाद, भद्रा नदी के साथ, वरुण के धाम समुद्र में प्रविष्ट हुई।

श्लोक 2 (padma.6.169.2)

समुद्रोऽपि तया तावदागम्य प्रियकाम्यया । साभ्रमत्यानुरागेण कृतवान्प्रियमेलनम्

samudro'pi tayā tāvadāgamya priyakāmyayā sābhramatyānurāgeṇa kṛtavānpriyamelanam

समुद्र भी उसे प्रसन्न करने की इच्छा से आगे आया, और साभ्रमती के प्रति अनुराग से उसने प्रिय-मिलन किया।

श्लोक 3 (padma.6.169.3)

भद्रा वापि सुभद्रा या वयस्या सा नदी पुरा । सहायमकरोन्मार्गे साक्षात्श्रीरूपधारिणी

bhadrā vāpi subhadrā yā vayasyā sā nadī purā sahāyamakaronmārge sākṣātśrīrūpadhāriṇī

भद्रा, जो सुभद्रा भी कहलाती है, वह पूर्वकाल की उसकी सखी नदी, साक्षात् श्री-स्वरूपा, मार्ग में उसकी सहायक बनी।

श्लोक 4 (padma.6.169.4)

तयोस्तुसंगमः पुण्यः सागरस्योत्तरे तटे । तत्र तीर्थे नरः स्नात्वा मृष्टं वारि ददाति यः

tayostusaṃgamaḥ puṇyaḥ sāgarasyottare taṭe tatra tīrthe naraḥ snātvā mṛṣṭaṃ vāri dadāti yaḥ

उन दोनों का पुण्य संगम समुद्र के उत्तरी तट पर है। उस तीर्थ में स्नान करके जो मनुष्य वहाँ शुद्ध जल अर्पित करता है,

श्लोक 5 (padma.6.169.5)

नमस्कृत्य वराहाय वारुणं स्थानमाप्नुयात् । प्रविश्य भगवान्विष्णुस्तेन मार्गेण सागरम्

namaskṛtya varāhāya vāruṇaṃ sthānamāpnuyāt praviśya bhagavānviṣṇustena mārgeṇa sāgaram

और वराह को नमस्कार करता है, वह वारुण-स्थान को प्राप्त करता है। भगवान् विष्णु उसी मार्ग से समुद्र में प्रविष्ट हुए थे,

श्लोक 6 (padma.6.169.6)

जित्वा वै दानवान्सर्वान्देवानां परिपंथिनः । देवो यज्ञवराहश्च संक्षोभ्य मकरालयम् । क्रीडित्वा सुचिरं कालं कर्दमालेन निर्ययौ

jitvā vai dānavānsarvāndevānāṃ paripaṃthinaḥ devo yajñavarāhaśca saṃkṣobhya makarālayam krīḍitvā suciraṃ kālaṃ kardamālena niryayau

देवताओं के सभी शत्रु दानवों को जीतकर। देव यज्ञवराह ने मकरों के आवास को क्षुब्ध कर, बहुत काल तक क्रीड़ा करके कर्दमाल से बाहर निकले।

श्लोक 7 (padma.6.169.7)

पार्वत्युवाच। देव यज्ञवराहस्य साभ्रमत्यां प्रवेशनम् । निर्गमं कर्दमालेन ब्रूहि त्वं मम विस्तरात्

pārvatyuvāca deva yajñavarāhasya sābhramatyāṃ praveśanam nirgamaṃ kardamālena brūhi tvaṃ mama vistarāt

पार्वती ने कहा — हे देव! यज्ञवराह के साभ्रमती में प्रवेश तथा कर्दमाल से निर्गमन की कथा मुझे विस्तार से बताइए।

श्लोक 8 (padma.6.169.8)

महादेव उवाच। अंतर्भू क्रीडितमिदं वराहस्य हरेः पुरा । तत्सर्वं कथयिष्यामि शृणु त्वं नगनंदिनि

mahādeva uvāca aṃtarbhū krīḍitamidaṃ varāhasya hareḥ purā tatsarvaṃ kathayiṣyāmi śṛṇu tvaṃ naganaṃdini

महादेव ने कहा — यह हरि के वराह-रूप की पूर्वकाल की भूमि-अंतर्गत क्रीड़ा है। हे नगनंदिनि! वह सब मैं कहूँगा, सुनो।

श्लोक 9 (padma.6.169.9)

योऽयं वै भगवान्साक्षाद्धृतवान्सूकरं वपुः । देवानां कार्यसिद्ध्यर्थं रूपं धृत्वा सुरेश्वरः

yo'yaṃ vai bhagavānsākṣāddhṛtavānsūkaraṃ vapuḥ devānāṃ kāryasiddhyarthaṃ rūpaṃ dhṛtvā sureśvaraḥ

वे भगवान्, जिन्होंने साक्षात् शूकर का शरीर धारण किया — देवताओं के कार्य की सिद्धि हेतु उस सुरेश्वर ने रूप धारण करके,

श्लोक 10 (padma.6.169.10)

धृत्वा वै पृथिवीं देवीं निर्गतः कर्दमालयम् । तत्र तीर्थं महज्जातं वराहाख्यं तु सुंदरि

dhṛtvā vai pṛthivīṃ devīṃ nirgataḥ kardamālayam tatra tīrthaṃ mahajjātaṃ varāhākhyaṃ tu suṃdari

पृथ्वी देवी को धारण कर, कर्दमालय से बाहर निकले। हे सुंदरि! वहाँ "वराह" नामक एक महान तीर्थ उत्पन्न हुआ।

श्लोक 11 (padma.6.169.11)

तत्र स्नाति नरो यस्तु मुक्तिभाक्स न संशयः । अत्र श्राद्धं प्रकुर्वीत पितॄणां मुक्तिहेतवे । विमुक्तस्तैः समं लोकं प्रयाति सुखदं महत्

tatra snāti naro yastu muktibhāksa na saṃśayaḥ atra śrāddhaṃ prakurvīta pitṝṇāṃ muktihetave vimuktastaiḥ samaṃ lokaṃ prayāti sukhadaṃ mahat

वहाँ जो मनुष्य स्नान करता है, वह निश्चय ही मुक्तिभागी होता है। यहाँ पितरों की मुक्ति हेतु श्राद्ध करना चाहिए; मुक्त होकर वह उनके साथ महान सुखदायक लोक को प्राप्त होता है।