विमल की पुत्र-कामना

श्लोक 1 (padma.6.207.1)

सौभरिरुवाच- धर्मात्मज निशम्यैतद्वचस्तस्य महात्मनः । नारदस्य शिबी राजा प्रोवाचेदं विनीतवत्

saubhariruvāca- dharmātmaja niśamyaitadvacastasya mahātmanaḥ nāradasya śibī rājā provācedaṁ vinītavat

सौभरि ने कहा — हे धर्मपुत्र! उस महात्मा नारद के इस वचन को सुनकर, राजा शिबि ने विनयपूर्वक यह कहा।

श्लोक 2 (padma.6.207.2)

शिबिरुवाच- तिष्ठंत्यो मरुमार्गे ता राक्षस्यो मुनिपुंगव । एतस्या द्वारिकायास्तु लेभिरे सलिलं कुतः

śibiruvāca- tiṣṭhaṁtyo marumārge tā rākṣasyo munipuṁgava etasyā dvārikāyāstu lebhire salilaṁ kutaḥ

शिबि ने कहा — 'हे मुनिपुंगव! मरुभूमि के मार्ग में रहने वाली वे राक्षसियाँ इस द्वारिका का जल कहाँ से पा सकीं?'

श्लोक 3 (padma.6.207.3)

नारद उवाच- शृणु राजन्कथां दिव्यां पूतां पापप्रणाशिनीम् । विमलाख्यस्य विप्रस्य हिमवद्द्रोणिवासिनः

nārada uvāca- śṛṇu rājankathāṁ divyāṁ pūtāṁ pāpapraṇāśinīm vimalākhyasya viprasya himavaddroṇivāsinaḥ

नारद ने कहा — 'हे राजन्! हिमालय की घाटी में रहने वाले विमल नामक ब्राह्मण की उस दिव्य, पवित्र, पाप-नाशक कथा को सुनो।'

श्लोक 4 (padma.6.207.4)

एकस्तु हिमवद्द्रोण्यां विमलो नाम भूसुरः । देवर्षिपितृवह्नीनां पूजकोऽतिथिपूजकः

ekastu himavaddroṇyāṁ vimalo nāma bhūsuraḥ devarṣipitṛvahnīnāṁ pūjako'tithipūjakaḥ

'हिमालय की एक घाटी में विमल नामक एक भूसुर था, जो देवता, ऋषि, पितर और अग्नि का पूजक तथा अतिथियों का भी पूजक था।'

श्लोक 5 (padma.6.207.5)

हरिपादार्चनरतो वेदवेदांगधर्मवित् । वासुदेवगुणग्राम पुराणश्रुतिमानसः

haripādārcanarato vedavedāṁgadharmavit vāsudevaguṇagrāma purāṇaśrutimānasaḥ

'वह हरि के चरणों की पूजा में रत, वेद-वेदांग तथा धर्म का ज्ञाता था, और वासुदेव के गुण-समूह का वर्णन करने वाले पुराणों के श्रवण में जिसका मन रमता था।'

श्लोक 6 (padma.6.207.6)

वार्द्धके तस्य पुत्रोऽभूत्प्रसादाच्चक्रपाणिनः । चकार हरिदत्तेति नाम्ना तं जनकस्तदा

vārddhake tasya putro'bhūtprasādāccakrapāṇinaḥ cakāra haridatteti nāmnā taṁ janakastadā

'वृद्धावस्था में चक्रपाणि की कृपा से उसे एक पुत्र हुआ; तब पिता ने उसका नाम हरिदत्त रखा।'

श्लोक 7 (padma.6.207.7)

विधिवद्विदधे चास्य क्षौरकर्मादिकं च तत् । गुरोः सकाशाज्जग्राह छंदांसि हरिदत्तकः

vidhivadvidadhe cāsya kṣaurakarmādikaṁ ca tat guroḥ sakāśājjagrāha chaṁdāṁsi haridattakaḥ

'उसने विधिपूर्वक उसका मुंडन आदि संस्कार किया; और हरिदत्त ने गुरु से वेद-मंत्रों को ग्रहण किया।'

श्लोक 8 (padma.6.207.8)

अधीत्य विधिवद्वेदान्दत्त्वा च गुरुदक्षिणाम् । प्रवव्राज विरक्तः सन्समूलं चाश्रमद्वयम्

adhītya vidhivadvedāndattvā ca gurudakṣiṇām pravavrāja viraktaḥ sansamūlaṁ cāśramadvayam

'वेदों का विधिवत अध्ययन कर, गुरु-दक्षिणा देकर, विरक्त होकर उसने दोनों आश्रमों को समूल त्यागकर संन्यास ले लिया।'

श्लोक 9 (padma.6.207.9)

ज्ञात्वा तत्कर्मतन्माता व्यलपत्पुत्रवत्सला । स्नापयंती कुचद्वंद्वं पुत्रविश्लेषजाश्रुभिः

jñātvā tatkarmatanmātā vyalapatputravatsalā snāpayaṁtī kucadvaṁdvaṁ putraviśleṣajāśrubhiḥ

'यह जानकर उसकी पुत्र-वत्सला माता विलाप करने लगी, अपने दोनों वक्षस्थलों को पुत्र-वियोग के आँसुओं से भिगोती हुई।'

श्लोक 10 (padma.6.207.10)

मातोवाच- मामनाथां परित्यज्य तात यातोऽसि कुत्र वै । पितरं च जराग्रस्तं षट्पदो बल्वजाविव

mātovāca- māmanāthāṁ parityajya tāta yāto'si kutra vai pitaraṁ ca jarāgrastaṁ ṣaṭpado balvajāviva

माता ने कहा — 'हे तात! मुझ अनाथ को त्यागकर तुम कहाँ चले गए, और वृद्धावस्था से ग्रस्त अपने पिता को भी, जैसे भ्रमर बल्वज घास को छोड़ देता है?'

श्लोक 11 (padma.6.207.11)

वार्द्धके त्वं मया प्राप्तः श्रीपतेः पादसेवया । मां विहायाभजस्त्वं वै चरणं तस्य मुक्तये

vārddhake tvaṁ mayā prāptaḥ śrīpateḥ pādasevayā māṁ vihāyābhajastvaṁ vai caraṇaṁ tasya muktaye

'वृद्धावस्था में मैंने तुम्हें श्रीपति के चरणों की सेवा से पाया था; अब मुझे छोड़कर तुम मुक्ति के लिए उन्हीं के चरणों की सेवा करने चले गए।'

श्लोक 12 (padma.6.207.12)

अहं मूढा ध्रुवं तात ध्रुवमाराध्य यद्धरिम् । अध्रुवं वांछितवती भवन्तं तु सुखलब्धये

ahaṁ mūḍhā dhruvaṁ tāta dhruvamārādhya yaddharim adhruvaṁ vāṁchitavatī bhavantaṁ tu sukhalabdhaye

'हे तात! मैं निश्चय ही मूढ़ हूँ, जिसने ध्रुव हरि की आराधना करके भी सुख-प्राप्ति के लिए अध्रुव तुम्हें ही चाहा।'

श्लोक 13 (padma.6.207.13)

त्वं सुधीर्वत्स सर्वार्थं यद्विष्णुं भजसे स्वयम् । अध्रुवं जगदेतद्वै मत्वासीस्त्वमपि ध्रुवम्

tvaṁ sudhīrvatsa sarvārthaṁ yadviṣṇuṁ bhajase svayam adhruvaṁ jagadetadvai matvāsīstvamapi dhruvam

'हे वत्स! तुम सुबुद्धि हो, क्योंकि तुम स्वयं ही सब कुछ पाने के लिए विष्णु का भजन करते हो; इस जगत् को अध्रुव जानकर तुम स्वयं भी ध्रुव हो गए।'

श्लोक 14 (padma.6.207.14)

किं करोमि क्व गच्छामि माया ज्ञानं छिनत्ति मे । सुफलोत्पादकं शास्त्री रंभामूलमिवोल्बणा

kiṁ karomi kva gacchāmi māyā jñānaṁ chinatti me suphalotpādakaṁ śāstrī raṁbhāmūlamivolbaṇā

'मैं क्या करूँ, कहाँ जाऊँ — मोह मेरे ज्ञान को उसी प्रकार काट डालता है, जैसे कोई प्रचंड धारा उत्तम फल देने वाले केले के मूल को काट डालती है।'

श्लोक 15 (padma.6.207.15)

धन्यो दशरथो राजा यो मृतो रामशोकतः । धिङ्मां पुत्रस्य विश्लेषाद्धारयंती स्वजीवितम्

dhanyo daśaratho rājā yo mṛto rāmaśokataḥ dhiṅmāṁ putrasya viśleṣāddhārayaṁtī svajīvitam

'धन्य हैं राजा दशरथ, जो राम के वियोग-शोक से मृत्यु को प्राप्त हुए; धिक्कार है मुझे, जो पुत्र-वियोग सहते हुए भी अपने जीवन को धारण किए हुए हूँ।'

श्लोक 16 (padma.6.207.16)

आगच्छ दर्शंन देहि तात मां परितारय । वद वेदमयीं वाणीं पितुरग्रे गुणार्णव

āgaccha darśaṁna dehi tāta māṁ paritāraya vada vedamayīṁ vāṇīṁ pituragre guṇārṇava

'हे तात! आओ, दर्शन दो, मुझे तार दो; हे गुणों के सागर! अपने पिता के समक्ष वेदमयी वाणी बोलो।'

श्लोक 17 (padma.6.207.17)

नारद उवाच- एवं विलप्य तन्माता राजन्सा पतिता भुवि । दलनाद्राहुदत्तानां लेखा चांद्रमसी यथा

nārada uvāca- evaṁ vilapya tanmātā rājansā patitā bhuvi dalanādrāhudattānāṁ lekhā cāṁdramasī yathā

नारद ने कहा — 'हे राजन्! इस प्रकार विलाप करके वह माता भूमि पर गिर पड़ी, जैसे राहु द्वारा ग्रसे जाने से चंद्रमा की कोई कला टूट जाती है।'

श्लोक 18 (padma.6.207.18)

अथाजगाम विप्रर्षिर्विमलो नृपसत्तमः । दृष्ट्वा तां पतितां भूमौ किंकिमित्यभ्यभाषत

athājagāma viprarṣirvimalo nṛpasattamaḥ dṛṣṭvā tāṁ patitāṁ bhūmau kiṁkimityabhyabhāṣata

'हे नृपसत्तम! तब वहाँ विप्रर्षि विमल आ पहुँचे; उसे भूमि पर गिरी देखकर वे "क्या हुआ, क्या हुआ" कहते हुए बोले।'

श्लोक 19 (padma.6.207.19)

कस्मादियं कीर्णकेशव्यस्तवस्त्रविभूषणा । पतिता भुवि कल्याणं हरिदत्तस्य विद्यते

kasmādiyaṁ kīrṇakeśavyastavastravibhūṣaṇā patitā bhuvi kalyāṇaṁ haridattasya vidyate

'"यह अपने बिखरे केशों तथा अस्त-व्यस्त वस्त्र-आभूषणों सहित भूमि पर क्यों गिरी है? क्या हरिदत्त कुशल है?"'

श्लोक 20 (padma.6.207.20)

तस्यावयस्यास्ताः सर्वाः प्रोचुस्तं विमलं नृप । वयस्या ऊचुः - अधीत्य वेदांस्ते पुत्रो दत्त्वा च गुरुदक्षिणाम्

tasyāvayasyāstāḥ sarvāḥ procustaṁ vimalaṁ nṛpa vayasyā ūcuḥ - adhītya vedāṁste putro dattvā ca gurudakṣiṇām

हे नृप! तब उसकी सभी सखियों ने विमल से यह कहा। सखियों ने कहा — 'वेदों का अध्ययन कर तथा गुरु-दक्षिणा देकर आपका पुत्र—'

श्लोक 21 (padma.6.207.21)

नारायणपरो भूत्वा प्राव्रजद्धरिदत्तकः । तस्य विश्लेषशोकेन पतितेयं धरातले

nārāyaṇaparo bhūtvā prāvrajaddharidattakaḥ tasya viśleṣaśokena patiteyaṁ dharātale

'—नारायण-परायण होकर संन्यासी हो गया है; उसी के वियोग-शोक से यह भूमि पर गिर पड़ी है।'

श्लोक 22 (padma.6.207.22)

नारद उवाच- इत्याकर्ण्य वचस्तासां विमलो बुद्धिमत्तरः । प्राबोधयन्निजां भार्यामिति वागमृतेन सः

nārada uvāca- ityākarṇya vacastāsāṁ vimalo buddhimattaraḥ prābodhayannijāṁ bhāryāmiti vāgamṛtena saḥ

नारद ने कहा — 'उनका यह वचन सुनकर, अत्यंत बुद्धिमान् विमल ने इस अमृत-तुल्य वाणी से अपनी पत्नी को समझाया।'

श्लोक 23 (padma.6.207.23)

विमल उवाच- उत्तिष्ठ जाये शृणु वाक्यमीरितं मया किमर्थं पतिता विषीदसि । धन्यः सुतस्ते य इमं विनश्वरं विज्ञाय भेजे हरिपादपल्लवम्

vimala uvāca- uttiṣṭha jāye śṛṇu vākyamīritaṁ mayā kimarthaṁ patitā viṣīdasi dhanyaḥ sutaste ya imaṁ vinaśvaraṁ vijñāya bheje haripādapallavam

विमल ने कहा — 'हे भार्ये! उठो, मेरा कहा सुनो; तुम गिरकर विषाद क्यों करती हो? धन्य है तुम्हारा पुत्र, जिसने इस नश्वर संसार को जानकर हरि के चरण-कमल का आश्रय लिया है।'

श्लोक 24 (padma.6.207.24)

धन्या त्वमप्यस्य जनि प्रदायिनी यस्याः सुतस्ते हरिपादभागभूत् । संतारयिष्यत्यपि मामसंशयं कुलं कुलोत्थानपि पूरुषान्शुभे

dhanyā tvamapyasya jani pradāyinī yasyāḥ sutaste haripādabhāgabhūt saṁtārayiṣyatyapi māmasaṁśayaṁ kulaṁ kulotthānapi pūruṣānśubhe

'हे शुभे! धन्य हो तुम भी, जिसने इसे जन्म दिया, जिसका पुत्र हरि के चरणों का भागी बन गया है; निःसंदेह वह मुझे भी, हमारे कुल को भी और कुल में उत्पन्न पुरुषों को भी तार देगा।'

श्लोक 25 (padma.6.207.25)

क्व विश्वमेकतच्च पतच्चलं क्व सेवनं शाश्वतलोकदं हरेः । मत्वेति भेजुर्भरतादयो नृपा यथा हरिं साध्वि तथैव ते सुतः

kva viśvamekatacca pataccalaṁ kva sevanaṁ śāśvatalokadaṁ hareḥ matveti bhejurbharatādayo nṛpā yathā hariṁ sādhvi tathaiva te sutaḥ

'हे साध्वि! कहाँ यह पतनशील, चंचल संपूर्ण जगत्, और कहाँ शाश्वत लोक देने वाली हरि की सेवा? यही सोचकर भरत आदि राजाओं ने हरि का भजन किया था, वैसे ही तुम्हारे पुत्र ने भी किया है।'

श्लोक 26 (padma.6.207.26)

दारा धनागार शरीरबांधवा एते भवंति प्रतिजन्मदुःखदाः । तावन्नयावद्धरिपादपल्लवं भजेत धीरोऽखिलकामवर्जितः

dārā dhanāgāra śarīrabāṁdhavā ete bhavaṁti pratijanmaduḥkhadāḥ tāvannayāvaddharipādapallavaṁ bhajeta dhīro'khilakāmavarjitaḥ

'पत्नी, धन, घर, शरीर और बंधुजन — ये सब जन्म-जन्मांतर में दुःख देने वाले होते हैं। इसलिए धीर पुरुष को समस्त कामनाओं का त्याग कर हरि के चरण-कमल का ही भजन करना चाहिए।'

श्लोक 27 (padma.6.207.27)

नारद उवाच- एवं प्रबोधिता तेन धीरेण धरणीतलात् । उत्थाय निजभर्तारमब्रवीद्दीनया गिरा

nārada uvāca- evaṁ prabodhitā tena dhīreṇa dharaṇītalāt utthāya nijabhartāramabravīddīnayā girā

नारद ने कहा — 'उस धीर पुरुष के इस प्रकार समझाने पर, वह भूमि से उठकर दीन वाणी में अपने पति से बोली।'

श्लोक 28 (padma.6.207.28)

भार्योवाच। सर्वं जानाम्यहं कांत यत्त्वया साधुभाषितम् । कुलधुर्यं न पश्यामि यतस्तप्यामि वै भृशम्

bhāryovāca sarvaṁ jānāmyahaṁ kāṁta yattvayā sādhubhāṣitam kuladhuryaṁ na paśyāmi yatastapyāmi vai bhṛśam

पत्नी ने कहा — 'हे स्वामी! आपने जो सम्यक् कहा है, वह सब मैं जानती हूँ; परंतु कुल की धुरी वहन करने वाला न दिखाई देने से मैं अत्यंत संतप्त हूँ।'

श्लोक 29 (padma.6.207.29)

पुत्रे सति महत्तीर्थे किं वा केशवसेवया । गृह एवावयोर्मृत्युश्चेत्स्याल्लोकद्वयं तदा

putre sati mahattīrthe kiṁ vā keśavasevayā gṛha evāvayormṛtyuścetsyāllokadvayaṁ tadā

'पुत्र के रहते हुए महातीर्थ अथवा केशव-सेवा से भी क्या लाभ? यदि पुत्र हो, तो घर में ही हमारी मृत्यु हो जाए तो भी दोनों लोक प्राप्त हो जाएँ।'

श्लोक 30 (padma.6.207.30)

सत्पुत्रोत्पादने यत्नः कर्त्तव्यः खलु मानवैः । तारयंति पितॄन्पुत्रा यतः संसारवारिधैः

satputrotpādane yatnaḥ karttavyaḥ khalu mānavaiḥ tārayaṁti pitṝnputrā yataḥ saṁsāravāridhaiḥ

'मनुष्यों को सत्पुत्र उत्पन्न करने का प्रयत्न अवश्य करना चाहिए, क्योंकि पुत्र ही पितरों को संसार-सागर से पार लगाते हैं।'

श्लोक 31 (padma.6.207.31)

स्रष्टारं सर्वजंतूनां धातारं पुत्रकाम्यया । भज वांछसि चेत्पुत्रं कुलधुर्यं महामते

sraṣṭāraṁ sarvajaṁtūnāṁ dhātāraṁ putrakāmyayā bhaja vāṁchasi cetputraṁ kuladhuryaṁ mahāmate

'हे महामते! यदि आप कुलधुर्य पुत्र चाहते हैं, तो पुत्र-कामना से समस्त प्राणियों के स्रष्टा और धाता का भजन कीजिए।'

श्लोक 32 (padma.6.207.32)

नारद उवाच- इत्याकर्ण्यवचस्तस्याः प्रत्याह विमलो द्विजः । ब्रह्मक्षेत्रं प्रयागं हि याम्यहं पुत्रकाम्यया

nārada uvāca- ityākarṇyavacastasyāḥ pratyāha vimalo dvijaḥ brahmakṣetraṁ prayāgaṁ hi yāmyahaṁ putrakāmyayā

नारद ने कहा — 'उसकी यह बात सुनकर विमल ब्राह्मण ने कहा — "मैं पुत्र-कामना से ब्रह्मक्षेत्र प्रयाग जाऊँगा।"'

श्लोक 33 (padma.6.207.33)

इत्युक्त्वा चलितः सोऽथ हरिद्वारमगाद्द्विजः । स्नात्वा तत्रापि विधिवदिंद्रप्रस्थमथागमत्

ityuktvā calitaḥ so'tha haridvāramagāddvijaḥ snātvā tatrāpi vidhivadiṁdraprasthamathāgamat

'ऐसा कहकर वह ब्राह्मण चल पड़ा और हरिद्वार गया; वहाँ भी विधिवत स्नान कर वह इंद्रप्रस्थ पहुँचा।'

श्लोक 34 (padma.6.207.34)

कतिभिर्वासरैर्वीर सायंकालेऽखिलार्थिदम् । स्नात्वा भुक्त्वा निशायां स सुष्वाप यमुनातटे

katibhirvāsarairvīra sāyaṁkāle'khilārthidam snātvā bhuktvā niśāyāṁ sa suṣvāpa yamunātaṭe

'हे वीर! कुछ दिनों बाद, संध्या के समय, सर्व-अर्थदायी तीर्थ में स्नान कर तथा भोजन कर, वह रात्रि में यमुना-तट पर सो गया।'

श्लोक 35 (padma.6.207.35)

निशीथे स्वपतस्तस्य विमलस्यांतिके विधिः । हंसमारुह्य देवेशस्तीर्थैः सर्वैरनुद्रुतः

niśīthe svapatastasya vimalasyāṁtike vidhiḥ haṁsamāruhya deveśastīrthaiḥ sarvairanudrutaḥ

'आधी रात को, जब विमल सो रहा था, तब देवेश ब्रह्मा हंस पर सवार होकर, समस्त तीर्थों से अनुगमित होते हुए उसके निकट आए।'

श्लोक 36 (padma.6.207.36)

आगत्योत्थापयामास विमलं पुत्रवांच्छकम् । उवाच च सुरश्रेष्ठो वचनं मधुराक्षरम्

āgatyotthāpayāmāsa vimalaṁ putravāṁcchakam uvāca ca suraśreṣṭho vacanaṁ madhurākṣaram

'आकर उन्होंने पुत्र-कामना करने वाले विमल को जगाया; और उन देवश्रेष्ठ ने मधुर वाणी में यह कहा।'

श्लोक 37 (padma.6.207.37)

ब्रह्मोवाच- जाने समीतिं चित्तं त्वदीये मनसि स्थितम् । न तत्पूरयितुं कल्पो यतस्तत्कारणं शृणु

brahmovāca- jāne samītiṁ cittaṁ tvadīye manasi sthitam na tatpūrayituṁ kalpo yatastatkāraṇaṁ śṛṇu

ब्रह्मा ने कहा — 'मैं तुम्हारे मन में स्थित उस अभिलाषा को जानता हूँ; परंतु मैं उसे पूर्ण करने में समर्थ नहीं हूँ, इसका कारण सुनो।'

श्लोक 38 (padma.6.207.38)

एकदा मेरुशिखरे मिलिताः सर्वदेवताः । तुष्टुवुर्मद्भवमुखा माधवं कार्यसिद्धये

ekadā meruśikhare militāḥ sarvadevatāḥ tuṣṭuvurmadbhavamukhā mādhavaṁ kāryasiddhaye

'एक बार मेरु के शिखर पर सभी देवता एकत्र हुए; मुझ और शिव सहित उन्होंने किसी कार्य की सिद्धि के लिए माधव की स्तुति की।'

श्लोक 39 (padma.6.207.39)

स्तुतो स्मदादिविबुधैः कृपया भगवान्हरिः । प्रसन्नोभूत्तदा विष्णुर्वृणुध्वमिति चाब्रवीत्

stuto smadādivibudhaiḥ kṛpayā bhagavānhariḥ prasannobhūttadā viṣṇurvṛṇudhvamiti cābravīt

'हमारे तथा अन्य देवताओं द्वारा स्तुत होकर, कृपापूर्वक भगवान् हरि प्रसन्न हुए; तब विष्णु ने कहा — "वर माँगो।"'

श्लोक 40 (padma.6.207.40)

इत्युक्तास्तेन ते देवा यथाभिलषितं वरम् । श्रीपतेः प्राप्य ते जग्मुः सर्वे स्वं स्वं निकेतनम्

ityuktāstena te devā yathābhilaṣitaṁ varam śrīpateḥ prāpya te jagmuḥ sarve svaṁ svaṁ niketanam

'उनके ऐसा कहने पर उन देवताओं ने श्रीपति से अपनी-अपनी इच्छित वर प्राप्त किए, और सब अपने-अपने निवास स्थान को चले गए।'

श्लोक 41 (padma.6.207.41)

मयोक्तमिति देवेश देहि मे वरमुत्तमम् । प्रयागं नाम मे क्षेत्रं भवत्वखिलकामदम्

mayoktamiti deveśa dehi me varamuttamam prayāgaṁ nāma me kṣetraṁ bhavatvakhilakāmadam

'मैंने कहा — "हे देवेश! मुझे यह उत्तम वर दीजिए — मेरा प्रयाग नामक क्षेत्र सर्व-कामनाओं को देने वाला हो।"'

श्लोक 42 (padma.6.207.42)

ततः शतगुणं भूयाद्दिवतीयं क्षेत्रकं मम । इंद्रप्रस्थगतं सम्यग्वृत्तं त्वत्तो मयानघ

tataḥ śataguṇaṁ bhūyāddivatīyaṁ kṣetrakaṁ mama iṁdraprasthagataṁ samyagvṛttaṁ tvatto mayānagha

'"और मेरा दूसरा क्षेत्र, जो इंद्रप्रस्थ में स्थित है, हे निष्पाप! आपके द्वारा भलीभाँति सम्पन्न होकर उससे सौ गुना अधिक हो।"'

श्लोक 43 (padma.6.207.43)

इत्याकर्ण्य वचो मह्यं भगवानाह मां तदा । तथास्त्विति पुनर्वाचमुवाच श्रूयतां वचः

ityākarṇya vaco mahyaṁ bhagavānāha māṁ tadā tathāstviti punarvācamuvāca śrūyatāṁ vacaḥ

'यह वचन सुनकर भगवान् ने तब मुझसे कहा — "तथास्तु," और पुनः यह वचन कहा — सुनो, वह वचन क्या था।'

श्लोक 44 (padma.6.207.44)

श्रीभगवानुवाच । इंद्रस्य खांडवारण्ये इंद्रप्रस्थाभिधं शुभम् । क्षेत्रं कलिंदजातीरे मत्तुल्यास्तत्र ये मृताः

śrībhagavānuvāca iṁdrasya khāṁḍavāraṇye iṁdraprasthābhidhaṁ śubham kṣetraṁ kaliṁdajātīre mattulyāstatra ye mṛtāḥ

श्रीभगवान् ने कहा — 'इंद्र के खांडव वन में, कालिंदजा के तट पर, इंद्रप्रस्थ नामक शुभ क्षेत्र है; वहाँ मरने वाले मेरे ही समान हो जाते हैं।'

श्लोक 45 (padma.6.207.45)

विरिंचे रचिता तत्र स्वकीया द्वारकापुरी । मया शतगुणांभोधी तीरस्थायाः पुरा गुणैः

viriṁce racitā tatra svakīyā dvārakāpurī mayā śataguṇāṁbhodhī tīrasthāyāḥ purā guṇaiḥ

'हे विरिंचि! वहाँ मैंने अपनी द्वारकापुरी रची है, जो समुद्र-तट पर स्थित द्वारका से भी अपने गुणों के कारण सौ गुना अधिक है।'

श्लोक 46 (padma.6.207.46)

तामुल्लंघ्य नरो यस्तु तीर्थमन्यन्निषेव्यते । न तीर्थफलमाप्नोति स पुमान्न मृषोदितम्

tāmullaṁghya naro yastu tīrthamanyanniṣevyate na tīrthaphalamāpnoti sa pumānna mṛṣoditam

'जो पुरुष इसे लांघकर किसी अन्य तीर्थ का सेवन करता है, वह पुरुष तीर्थ का फल नहीं पाता — यह मिथ्या कथन नहीं है।'

श्लोक 47 (padma.6.207.47)

सर्वतीर्थोदितं पुण्यं शक्रतीर्थे लभेन्नरः । द्वारका च पुरी मायातीर्थमन्यच्च रक्षति

sarvatīrthoditaṁ puṇyaṁ śakratīrthe labhennaraḥ dvārakā ca purī māyātīrthamanyacca rakṣati

'शक्रतीर्थ में मनुष्य समस्त तीर्थों में कहे गए पुण्य को प्राप्त कर लेता है; और मेरी द्वारका नगरी अन्य समस्त तीर्थों की भी रक्षा करती है।'

श्लोक 48 (padma.6.207.48)

यो निमज्ज्यान्यतीर्थेषु कृत्वा च विविधां क्रियाम् । अत्रैष्यति फलं तेभ्यः फलं प्राप्स्यति स ध्रुवम्

yo nimajjyānyatīrtheṣu kṛtvā ca vividhāṁ kriyām atraiṣyati phalaṁ tebhyaḥ phalaṁ prāpsyati sa dhruvam

'जो व्यक्ति अन्य तीर्थों में स्नान करके तथा विविध क्रियाएँ करके यहाँ आता है, वह उन सबका फल भी निश्चय ही प्राप्त कर लेता है।'

श्लोक 49 (padma.6.207.49)

इत्युक्त्वांतर्द्धधे विष्णुरहमप्यगमं स्वकम् । लोकं द्विजेंद्र वैकुंठादधोभागे व्यवस्थितम्

ityuktvāṁtarddhadhe viṣṇurahamapyagamaṁ svakam lokaṁ dvijeṁdra vaikuṁṭhādadhobhāge vyavasthitam

'ऐसा कहकर विष्णु अंतर्धान हो गए; और हे द्विजेंद्र! मैं भी वैकुंठ के नीचे स्थित अपने लोक को चला गया।'

श्लोक 50 (padma.6.207.50)

प्रयागान्मामकात्क्षेत्रात्काशी शतगुणा स्मृता । काश्याः शतगुणं तीर्थं निगमोद्बोधकं तथा

prayāgānmāmakātkṣetrātkāśī śataguṇā smṛtā kāśyāḥ śataguṇaṁ tīrthaṁ nigamodbodhakaṁ tathā

'मेरे प्रयाग क्षेत्र से काशी को सौ गुना अधिक कहा गया है; और काशी से भी निगमोद्बोधक तीर्थ सौ गुना अधिक है।'

श्लोक 51 (padma.6.207.51)

तीर्थसप्तकमेतत्तु त्रयं तुल्यफलं स्मृतम् । एतत्त्रयमनुल्लंघ्य यो गच्छति सितासितम्

tīrthasaptakametattu trayaṁ tulyaphalaṁ smṛtam etattrayamanullaṁghya yo gacchati sitāsitam

'इन सात तीर्थों में से तीन तुल्य फल वाले माने गए हैं; जो इन तीनों को न लांघते हुए किसी अन्य शुभ या अशुभ तीर्थ में जाता है—'

श्लोक 52 (padma.6.207.52)

तस्याहं वांछितं विप्र ददामि खलु नान्यथा । केचिदाहुः सप्तपुरी समपुण्या महर्षयः

tasyāhaṁ vāṁchitaṁ vipra dadāmi khalu nānyathā kecidāhuḥ saptapurī samapuṇyā maharṣayaḥ

'—हे विप्र! उसकी कामना मैं अवश्य पूर्ण करता हूँ, अन्यथा नहीं। कुछ महर्षि कहते हैं कि सातों पुरियाँ समान पुण्य वाली हैं।'

श्लोक 53 (padma.6.207.53)

अयोध्याद्याः शतं ताभ्य इंद्रप्रस्थं प्रचक्षते । त्वमत्रागत्य विप्रेंद्र सर्वकामफलप्रदे

ayodhyādyāḥ śataṁ tābhya iṁdraprasthaṁ pracakṣate tvamatrāgatya vipreṁdra sarvakāmaphalaprade

'अयोध्या आदि से भी सौ गुना अधिक इंद्रप्रस्थ को बताया जाता है। हे विप्रेंद्र! सर्वकामफलप्रद इस स्थान पर आकर—'

श्लोक 54 (padma.6.207.54)

तीर्थे श्रीद्वारकाख्ये हि कुरु स्नानं सुतेच्छया । यावंति सर्वतीर्थानि ब्रह्मांडकलशोदरे

tīrthe śrīdvārakākhye hi kuru snānaṁ sutecchayā yāvaṁti sarvatīrthāni brahmāṁḍakalaśodare

'—पुत्र की इच्छा से इस श्रीद्वारका नामक तीर्थ में स्नान करो; क्योंकि ब्रह्मांड-रूपी कलश के भीतर जितने भी सब तीर्थ हैं—'

श्लोक 55 (padma.6.207.55)

तेभ्यो परिमितं पुण्यं शतनामनि कीर्तिते । सुतं ते कुलधौरेयं तीर्थमेतत्प्रदास्यति

tebhyo parimitaṁ puṇyaṁ śatanāmani kīrtite sutaṁ te kuladhaureyaṁ tīrthametatpradāsyati

'—उन सबका सम्पूर्ण पुण्य इस नामधारी तीर्थ में सन्निहित है; यह तीर्थ तुम्हें कुल की धुरी वहन करने वाला पुत्र देगा।'

श्लोक 56 (padma.6.207.56)

स्नानाच्च तव गोविंदः प्रसन्नात्मा भविष्यति । नारद उवाच- इत्युक्त्वा देवदेवेशो ब्रह्मा तत्र तिरोधते

snānācca tava goviṁdaḥ prasannātmā bhaviṣyati nārada uvāca- ityuktvā devadeveśo brahmā tatra tirodhate

'और स्नान करने से गोविंद तुमसे प्रसन्न होंगे।' नारद ने कहा — 'ऐसा कहकर देवाधिदेव ब्रह्मा वहाँ से अंतर्धान हो गए।'

श्लोक 57 (padma.6.207.57)

विमलोऽपि तदा स्नात्वा देवादीनप्यतर्पयत् । इत्युवाच स धर्मात्मा द्वारके कृष्णवल्लभे

vimalo'pi tadā snātvā devādīnapyatarpayat ityuvāca sa dharmātmā dvārake kṛṣṇavallabhe

'विमल ने भी तब स्नान करके देवताओं आदि को तर्पण दिया; उस धर्मात्मा ने कृष्ण को प्रिय द्वारका में यह कहा।'

श्लोक 58 (padma.6.207.58)

सुतं वंशकरं देहि मह्यंभक्ताय ते नमः । इत्युक्ते तेन विप्रेण देववागभवत्तदा

sutaṁ vaṁśakaraṁ dehi mahyaṁbhaktāya te namaḥ ityukte tena vipreṇa devavāgabhavattadā

'"अपने इस भक्त को कुल चलाने वाला पुत्र दीजिए; आपको नमस्कार है।" उस ब्राह्मण के ऐसा कहने पर तब एक दिव्य वाणी हुई।'

श्लोक 59 (padma.6.207.59)

देववागुवाच- पुत्रस्ते धर्म्मतत्वज्ञो वंशकर्त्ता भविष्यति । प्रसादादस्य तीर्थस्य सर्वतीर्थशिरोमणेः

devavāguvāca- putraste dharmmatatvajño vaṁśakarttā bhaviṣyati prasādādasya tīrthasya sarvatīrthaśiromaṇeḥ

दिव्य वाणी ने कहा — 'सर्व तीर्थों के शिरोमणि इस तीर्थ की कृपा से तुम्हारा पुत्र धर्म-तत्व का ज्ञाता और वंश का कर्ता होगा।'

श्लोक 60 (padma.6.207.60)

याहि गेहं विलंबं मा सुकृतं तेन मज्जनम् । नारद उवाच- इत्याकर्ण्य सतां वाणीं विश्वस्तः पुत्रजन्मनि

yāhi gehaṁ vilaṁbaṁ mā sukṛtaṁ tena majjanam nārada uvāca- ityākarṇya satāṁ vāṇīṁ viśvastaḥ putrajanmani

'घर जाओ, विलंब मत करो — तुम्हारा यह स्नान सुफल हुआ।' नारद ने कहा — 'सत्पुरुषों की इस वाणी को सुनकर, पुत्र-जन्म के प्रति आश्वस्त होकर—'

श्लोक 61 (padma.6.207.61)

चचाल जलमादाय द्वारकायाः कमंडलौ । मार्गे तस्य सखा विप्रो मलयाचलकेतनः

cacāla jalamādāya dvārakāyāḥ kamaṁḍalau mārge tasya sakhā vipro malayācalaketanaḥ

'—वह द्वारका का जल अपने कमंडलु में लेकर चल पड़ा; मार्ग में उसका मित्र, मलयाचल-निवासी एक ब्राह्मण—'

श्लोक 62 (padma.6.207.62)

मीलितश्चलितो गेहं कृत्वा तीर्थानि सर्वतः । तस्मै स्ववृत्तमाख्यातं ब्रह्मसंवादकात्मकम्

mīlitaścalito gehaṁ kṛtvā tīrthāni sarvataḥ tasmai svavṛttamākhyātaṁ brahmasaṁvādakātmakam

'—उससे मिला, और सर्वत्र तीर्थों का दर्शन करते हुए वे घर की ओर चल पड़े; उसे विमल ने अपना वृत्तांत, ब्रह्मा के साथ हुए संवाद को, सुनाया।'

श्लोक 63 (padma.6.207.63)

यद्भूतं द्वारकातीर्थे श्रुत्वा सोऽपि विसिस्मये । उवाच स च धर्मात्मा सखे मम वचः शृणु

yadbhūtaṁ dvārakātīrthe śrutvā so'pi visismaye uvāca sa ca dharmātmā sakhe mama vacaḥ śṛṇu

'द्वारका-तीर्थ में जो कुछ घटित हुआ था, उसे सुनकर वह भी चकित रह गया; और उस धर्मात्मा ने कहा — "हे सखे! मेरी बात सुनो।"'

श्लोक 64 (padma.6.207.64)

यावंति भारते क्षेत्रे तीर्थानि विहितानि मे । तावंति कर्तुमिच्छामि त्वदुक्तं तीर्थमुत्तमम्

yāvaṁti bhārate kṣetre tīrthāni vihitāni me tāvaṁti kartumicchāmi tvaduktaṁ tīrthamuttamam

'"भारतवर्ष में मैंने जितने भी तीर्थ करने का संकल्प लिया है, तुम्हारे द्वारा बताए गए इस उत्तम तीर्थ को उन सबके समान करना चाहता हूँ।"'

श्लोक 65 (padma.6.207.65)

नीत्वा मां दर्शय सखे तत्तीर्थं सर्वकामदम् । सखायस्ते वरा भूमावुपकुर्वंति ये सखीन्

nītvā māṁ darśaya sakhe tattīrthaṁ sarvakāmadam sakhāyaste varā bhūmāvupakurvaṁti ye sakhīn

'"हे सखे! मुझे ले चलकर वह सर्वकामद तीर्थ दिखाओ। पृथ्वी पर वे ही श्रेष्ठ मित्र हैं जो अपने मित्रों का उपकार करते हैं।"'

श्लोक 66 (padma.6.207.66)

न तैर्ननु समो लोके पितामाताऽथवा सुतः । निर्द्धनं पुरुषं लोके सर्वे मुंचंति बांधवाः

na tairnanu samo loke pitāmātā'thavā sutaḥ nirddhanaṁ puruṣaṁ loke sarve muṁcaṁti bāṁdhavāḥ

'"संसार में उनके समान न तो पिता है, न माता, न ही पुत्र। निर्धन पुरुष को तो संसार में सभी बंधुजन त्याग देते हैं।"'

श्लोक 67 (padma.6.207.67)

न मुंचंति सखायस्तु तस्य दुःखेन दुःखिताः । संसारार्णवनिर्मग्नान्सखीनुद्धरते सखा

na muṁcaṁti sakhāyastu tasya duḥkhena duḥkhitāḥ saṁsārārṇavanirmagnānsakhīnuddharate sakhā

'"किंतु मित्र उसे नहीं त्यागते; उसके दुःख से वे स्वयं दुःखी होते हैं। मित्र ही संसार-सागर में डूबे हुए मित्रों का उद्धार करता है।"'

श्लोक 68 (padma.6.207.68)

उपदिश्य हरेर्भक्तिमार्गं जन्मेंधनानलम् । अतस्त्वं मे सखा श्रेष्ठ उपकारं विधेहि मे

upadiśya harerbhaktimārgaṁ janmeṁdhanānalam atastvaṁ me sakhā śreṣṭha upakāraṁ vidhehi me

'"हरि-भक्ति के मार्ग का उपदेश देना ही जन्म रूपी ईंधन को भस्म करने वाली अग्नि है। अतः हे मेरे श्रेष्ठ मित्र! मुझ पर उपकार कीजिए।"'

श्लोक 69 (padma.6.207.69)

दर्शयैतद्वरश्रेष्ठं तीर्थाख्यं द्वारकां द्विज

darśayaitadvaraśreṣṭhaṁ tīrthākhyaṁ dvārakāṁ dvija

'"हे द्विज! मुझे यह श्रेष्ठतम द्वारका नामक तीर्थ दिखाइए।"'