भृगुपरीक्षा-कथन

श्लोक 1 (padma.6.255.1)

दिलीप उवाच- कथितं भवता ब्रह्मन्सर्वधर्ममशेषतः । सामान्यं च विशिष्टं च स्वरूपं परजीवयोः ।

dilīpa uvāca kathitaṁ bhavatā brahmansarvadharmamaśeṣataḥ sāmānyaṁ ca viśiṣṭaṁ ca svarūpaṁ parajīvayoḥ

दिलीप ने कहा — हे ब्रह्मन्, आपने मुझे संपूर्ण धर्म, तथा परजीव (परमात्मा) और जीव के सामान्य और विशिष्ट स्वरूप को कह दिया।

श्लोक 2 (padma.6.255.2)

स्वर्गापवर्गौ कथितौ साधनं च तयोरपि । धन्योऽस्म्यहं द्विजश्रेष्ठ त्वत्प्रसादात्सदागुरो ।

svargāpavargau kathitau sādhanaṁ ca tayorapi dhanyo'smyahaṁ dvijaśreṣṭha tvatprasādātsadāguro

स्वर्ग और मोक्ष दोनों बताए गए, तथा उन दोनों के साधन भी। हे द्विजश्रेष्ठ, हे सद्गुरु, आपकी कृपा से मैं धन्य हूँ।

श्लोक 3 (padma.6.255.3)

एकमन्यं द्विजश्रेष्ठ पृच्छामि त्वां कुतूहलात् । कथयस्व यथातथ्यमपि वात्सल्यगौरवात् ।

ekamanyaṁ dvijaśreṣṭha pṛcchāmi tvāṁ kutūhalāt kathayasva yathātathyamapi vātsalyagauravāt

हे द्विजश्रेष्ठ, एक और बात मैं आपसे कुतूहलवश पूछता हूँ — अपने स्नेह के गौरव से यथार्थ रूप में बताइए।

श्लोक 4 (padma.6.255.4)

महाभागवतश्रेष्ठो रुद्रस्त्रिपुरहंतकः । कस्माद्विगर्हितं रूपं प्राप्तवान्सह भार्य्यया ।

mahābhāgavataśreṣṭho rudrastripurahaṁtakaḥ kasmādvigarhitaṁ rūpaṁ prāptavānsaha bhāryyayā

त्रिपुर के संहारक, महाभागवत श्रेष्ठ रुद्र ने अपनी पत्नी सहित किस कारण निंदित रूप प्राप्त किया?

श्लोक 5 (padma.6.255.5)

योनिलिंगस्वरूपं च कथं स्यात्सुमहात्मनः । पंचवक्त्रश्चतुर्बाहुः शूलपाणिस्त्रिलोचनः ।

yoniliṁgasvarūpaṁ ca kathaṁ syātsumahātmanaḥ paṁcavaktraścaturbāhuḥ śūlapāṇistrilocanaḥ

उस महात्मा का योनि-लिंग स्वरूप कैसे हुआ, जो पंचमुख, चतुर्भुज, त्रिशूलधारी, त्रिनेत्र हैं?

श्लोक 6 (padma.6.255.6)

कथं विगर्हितं रूपं प्राप्तवान्द्विजपुंगव । एवं सर्वं समाचक्ष्व मित्रावरुणनंदन ।

kathaṁ vigarhitaṁ rūpaṁ prāptavāndvijapuṁgava evaṁ sarvaṁ samācakṣva mitrāvaruṇanaṁdana

हे द्विजश्रेष्ठ, वे निंदित रूप को कैसे प्राप्त हुए? हे मित्रावरुण-नंदन, यह सब मुझे बताइए।

श्लोक 7 (padma.6.255.7)

वसिष्ठ उवाच- शृणु राजन्प्रवक्ष्यामि यन्मां पृच्छसि गौरवात् । विशुद्धहृदये पुंसां बुद्धिः श्रेयसि जायते ।

vasiṣṭha uvāca śṛṇu rājanpravakṣyāmi yanmāṁ pṛcchasi gauravāt viśuddhahṛdaye puṁsāṁ buddhiḥ śreyasi jāyate

वसिष्ठ जी ने कहा — हे राजन्, सुनो, तुम जो मुझसे आदरपूर्वक पूछ रहे हो, वह मैं कहता हूँ। शुद्ध हृदय वालों की बुद्धि श्रेय की ओर ही जाती है।

श्लोक 8 (padma.6.255.8)

स्वायंभुवो मनुः पूर्वं मंदरे पर्वतोत्तमे । जगाम मुनिभिः सार्द्धं दीर्घसत्रमनुत्तमम् ।

svāyaṁbhuvo manuḥ pūrvaṁ maṁdare parvatottame jagāma munibhiḥ sārddhaṁ dīrghasatramanuttamam

पहले स्वायंभुव मनु श्रेष्ठ पर्वत मंदराचल पर मुनियों के साथ एक सर्वोत्तम, दीर्घ यज्ञ-सत्र में गए थे।

श्लोक 9 (padma.6.255.9)

तस्मिन्समागताः सर्वे मुनयः शंसितव्रताः । नानाशास्त्रविदः श्रेष्ठा बालसूर्य्यानलप्रभाः ।

tasminsamāgatāḥ sarve munayaḥ śaṁsitavratāḥ nānāśāstravidaḥ śreṣṭhā bālasūryyānalaprabhāḥ

वहाँ कठोर व्रतधारी सब मुनि एकत्र हुए — नाना शास्त्रों के ज्ञाता, श्रेष्ठ, उदीयमान सूर्य और अग्नि के समान तेजस्वी।

श्लोक 10 (padma.6.255.10)

सर्ववेदविदो विप्राः सर्वधर्मपरायणाः । वर्तमाने महासत्रे मुनयः क्षीणकल्मषाः ।

sarvavedavido viprāḥ sarvadharmaparāyaṇāḥ vartamāne mahāsatre munayaḥ kṣīṇakalmaṣāḥ

सब वेदों के ज्ञाता विप्र, सब धर्मों में परायण; उस महान यज्ञ-सत्र में वे मुनि, जिनके पाप क्षीण हो चुके थे —

श्लोक 11 (padma.6.255.11)

अन्वेष्टुंदेवतातत्वंमिथः प्रोचुस्तपोधनाः । विप्राणां वेदविदुषां कः पूज्यो देवता वरः ।

anveṣṭuṁdevatātatvaṁmithaḥ procustapodhanāḥ viprāṇāṁ vedaviduṣāṁ kaḥ pūjyo devatā varaḥ

देवता-तत्त्व का अन्वेषण करने के लिए तपोधनों ने आपस में पूछा — 'वेदज्ञ विप्रों के लिए पूज्य श्रेष्ठ देवता कौन है?

श्लोक 12 (padma.6.255.12)

ब्रह्मविष्णुमहेशानां कः स्तुतो मुक्तिदो नृणाम् । कस्यपादोदकं सेव्यं भुक्तोच्छिष्टं च पावनम् ।

brahmaviṣṇumaheśānāṁ kaḥ stuto muktido nṛṇām kasyapādodakaṁ sevyaṁ bhuktocchiṣṭaṁ ca pāvanam

ब्रह्मा-विष्णु-महेश में से कौन स्तुति किए जाने पर मनुष्यों को मुक्ति देता है? किसका चरणोदक सेवनीय है और भोगा हुआ जूठन पवित्र है?

श्लोक 13 (padma.6.255.13)

कोऽव्ययः परमं धाम परमात्मा सनातनः । कस्य प्रसादं तीर्थं च पितॄणां तृप्तिदं भवेत् ।

ko'vyayaḥ paramaṁ dhāma paramātmā sanātanaḥ kasya prasādaṁ tīrthaṁ ca pitṝṇāṁ tṛptidaṁ bhavet

कौन अव्यय, परम धाम, सनातन परमात्मा है? किसकी प्रसाद-भेंट और तीर्थ पितरों को तृप्ति देने वाला है?'

श्लोक 14 (padma.6.255.14)

तेषां समुपविष्टानां इति वादो महानभूत् । रुद्रमेकमिति प्रोचुः केचिदत्र महर्षयः ।

teṣāṁ samupaviṣṭānāṁ iti vādo mahānabhūt rudramekamiti procuḥ kecidatra maharṣayaḥ

वहाँ बैठे उन सबके बीच यह महान विवाद हुआ। कुछ महर्षियों ने वहाँ कहा — 'रुद्र ही एकमात्र [परम] हैं।'

श्लोक 15 (padma.6.255.15)

ब्रह्मैव पूज्य इत्यन्ये वदंति मुनिसत्तमाः । सूर्य एवात्मनां पूज्य इत्यन्ये प्राहुरुत्तमाः ।

brahmaiva pūjya ityanye vadaṁti munisattamāḥ sūrya evātmanāṁ pūjya ityanye prāhuruttamāḥ

अन्य श्रेष्ठ मुनि कहने लगे — 'ब्रह्मा ही पूज्य हैं'; अन्य उत्तम ऋषि बोले — 'सूर्य ही आत्माओं के लिए पूज्य हैं।'

श्लोक 16 (padma.6.255.16)

योऽसो सर्वगतः श्रीमाञ्छ्रीपतिः पुरुषोत्तमः । अव्ययः पुंडरीकाक्षो वासुदेवः परात्परः ।

yo'so sarvagataḥ śrīmāñchrīpatiḥ puruṣottamaḥ avyayaḥ puṁḍarīkākṣo vāsudevaḥ parātparaḥ

'जो सर्वव्यापी, श्रीमान, श्रीपति, पुरुषोत्तम हैं — वे अव्यय, कमलनयन, वासुदेव, परात्पर —

श्लोक 17 (padma.6.255.17)

अनादिनिधनो विष्णुः स एव परमेश्वरः । संपूज्यो देवताश्रेष्ठ इत्यन्ये चोचिरे द्विजाः ।

anādinidhano viṣṇuḥ sa eva parameśvaraḥ saṁpūjyo devatāśreṣṭha ityanye cocire dvijāḥ

आदि-अंत रहित विष्णु ही परमेश्वर हैं, वे ही श्रेष्ठ देवता पूज्य हैं' — यह अन्य द्विजों ने कहा।

श्लोक 18 (padma.6.255.18)

तेषां विवदतां तत्र मनुः स्वायंभुवोऽब्रवीत् । शुद्धसत्वमयो योऽसौ कल्याणगुणवान्प्रभुः ।

teṣāṁ vivadatāṁ tatra manuḥ svāyaṁbhuvo'bravīt śuddhasatvamayo yo'sau kalyāṇaguṇavānprabhuḥ

उनके विवाद के बीच स्वायंभुव मनु ने कहा — 'जो शुद्ध सत्त्वमय, कल्याण-गुणों वाले प्रभु हैं —

श्लोक 19 (padma.6.255.19)

पुंडरीकेक्षणः श्रीमाञ्छ्रीपतिः पुरुषोत्तमः । विप्राणां वेदविदुषां एक एवार्चितः प्रभुः ।

puṁḍarīkekṣaṇaḥ śrīmāñchrīpatiḥ puruṣottamaḥ viprāṇāṁ vedaviduṣāṁ eka evārcitaḥ prabhuḥ

कमलनयन, श्रीमान, श्रीपति पुरुषोत्तम — वेदज्ञ विप्रों के लिए वे ही एकमात्र पूज्य प्रभु हैं।

श्लोक 20 (padma.6.255.20)

विप्राणां नेतरे पूज्या रजस्तमविमिश्रिताः । इति तस्य वचः श्रुत्वा सर्व एव महर्षयः । भृगुं तपोनिधिं विप्रं प्रोचुः प्रांजलयस्तथा ।

viprāṇāṁ netare pūjyā rajastamavimiśritāḥ iti tasya vacaḥ śrutvā sarva eva maharṣayaḥ bhṛguṁ taponidhiṁ vipraṁ procuḥ prāṁjalayastathā

विप्रों के लिए रजो-तमो से मिश्रित अन्य कोई पूज्य नहीं हैं।' उसकी यह बात सुनकर वे सब महर्षि हाथ जोड़कर तपोनिधि विप्र भृगु से कहने लगे।

श्लोक 21 (padma.6.255.21)

ऋषय ऊचुः- अस्माकं संशयं छेत्तुं त्वं समर्थोऽसि सुव्रत । ब्रह्मविष्णुमहेशानामंतिकं व्रज सुव्रत ।

ṛṣaya ūcuḥ asmākaṁ saṁśayaṁ chettuṁ tvaṁ samartho'si suvrata brahmaviṣṇumaheśānāmaṁtikaṁ vraja suvrata

ऋषियों ने कहा — हे सुव्रत, आप ही हमारा संशय दूर करने में समर्थ हैं। हे सुव्रत, आप ब्रह्मा-विष्णु-महेश के पास जाइए।

श्लोक 22 (padma.6.255.22)

गत्वा तेषां समीपं तु तथा दृष्ट्वा तु विग्रहान् । शुद्धसत्वगुणं तेषां यस्मिन्संविद्यते मुने ।

gatvā teṣāṁ samīpaṁ tu tathā dṛṣṭvā tu vigrahān śuddhasatvaguṇaṁ teṣāṁ yasminsaṁvidyate mune

उनके पास जाकर, उनके शरीरों को देखकर, हे मुने, जिसमें शुद्ध सत्त्वगुण पाया जाए —

श्लोक 23 (padma.6.255.23)

स एव पूज्यो विप्राणां नेतरस्तु कदाचन । शुद्धसत्वमयः साक्षाद्ब्रह्मण्यः स भविष्यति ।

sa eva pūjyo viprāṇāṁ netarastu kadācana śuddhasatvamayaḥ sākṣādbrahmaṇyaḥ sa bhaviṣyati

वही विप्रों के लिए पूज्य है, अन्य कदापि नहीं। जो साक्षात् शुद्ध सत्त्वमय होगा, वही ब्राह्मणों का मित्र होगा,

श्लोक 24 (padma.6.255.24)

तीर्थप्रसादवाँल्लोके विप्राणां स भविष्यति । देवतानां पितॄणां च तस्योच्छिष्टं सुपावनम् ।

tīrthaprasādavā~lloke viprāṇāṁ sa bhaviṣyati devatānāṁ pitṝṇāṁ ca tasyocchiṣṭaṁ supāvanam

वही लोक में विप्रों के लिए तीर्थ और प्रसाद वाला होगा। देवताओं और पितरों के लिए उसका जूठन अत्यंत पवित्र होगा।

श्लोक 25 (padma.6.255.25)

तस्माद्याहि मुनिश्रेष्ठ विबुधानां निवासनम् । क्षिप्रं कुरु मुनिश्रेष्ठ सर्वलोकहितं प्रभो ।

tasmādyāhi muniśreṣṭha vibudhānāṁ nivāsanam kṣipraṁ kuru muniśreṣṭha sarvalokahitaṁ prabho

इसलिए, हे मुनिश्रेष्ठ, देवताओं के निवास-स्थानों में जाइए। हे मुनिश्रेष्ठ, हे प्रभु, सब लोकों के हित के लिए यह शीघ्र कीजिए।'

श्लोक 26 (padma.6.255.26)

एवमुक्तस्ततस्तूर्णं कैलासं मुनिसत्तमः । जगाम वामदेवेन यत्रास्ते वृषभध्वजः ।

evamuktastatastūrṇaṁ kailāsaṁ munisattamaḥ jagāma vāmadevena yatrāste vṛṣabhadhvajaḥ

ऐसा कहे जाने पर वह श्रेष्ठ मुनि शीघ्र ही वामदेव सहित कैलास चले गए, जहाँ वृषभध्वज शिव विराजते थे।

श्लोक 27 (padma.6.255.27)

गृहद्वारमुपागम्य शंकरस्य महात्मनः । शूलहस्तं महारौद्रं नंदिं द्दष्ट्वाब्रवीद्दिवजः ।

gṛhadvāramupāgamya śaṁkarasya mahātmanaḥ śūlahastaṁ mahāraudraṁ naṁdiṁ ddaṣṭvābravīddivajaḥ

महात्मा शंकर के घर के द्वार पर पहुँचकर, त्रिशूलधारी, अत्यंत रौद्र नंदी को देखकर उस द्विज ने कहा।

श्लोक 28 (padma.6.255.28)

संप्राप्तोऽहं भृगुर्विप्रो हरं द्रष्टुं सुरोत्तमम् । निवेदयस्व मां शीघ्रं शंकराय महात्मने ।

saṁprāpto'haṁ bhṛgurvipro haraṁ draṣṭuṁ surottamam nivedayasva māṁ śīghraṁ śaṁkarāya mahātmane

'मैं विप्र भृगु आया हूँ, देवश्रेष्ठ हर के दर्शन के लिए। मुझे शीघ्र ही महात्मा शंकर को सूचित करो।'

श्लोक 29 (padma.6.255.29)

तस्य तद्वचनं श्रुत्वा नंदी सर्वगणेश्वरः । उवाच परुषं वाक्यं महर्षिममितौजसम् ।

tasya tadvacanaṁ śrutvā naṁdī sarvagaṇeśvaraḥ uvāca paruṣaṁ vākyaṁ maharṣimamitaujasam

उसकी वह बात सुनकर सब गणों के स्वामी नंदी ने उस अमित तेजस्वी महर्षि से कठोर वचन कहा।

श्लोक 30 (padma.6.255.30)

असांनिध्यं प्रभोस्तस्य देव्या क्रीडति शंकरः । निवर्त्तस्व मुनिश्रेष्ठ यदि जीवितुमिच्छसि ।

asāṁnidhyaṁ prabhostasya devyā krīḍati śaṁkaraḥ nivarttasva muniśreṣṭha yadi jīvitumicchasi

'प्रभु अभी उपलब्ध नहीं हैं, शंकर देवी के साथ क्रीड़ा में हैं। हे मुनिश्रेष्ठ, यदि जीवित रहना चाहते हो तो लौट जाओ।'

श्लोक 31 (padma.6.255.31)

एवं निराकृतस्तेन तत्रातिष्ठन्महातपाः । बहूनि दिवसान्यस्मिन्गृहद्वारि महेशितुः ।

evaṁ nirākṛtastena tatrātiṣṭhanmahātapāḥ bahūni divasānyasmingṛhadvāri maheśituḥ

इस प्रकार उसके द्वारा अस्वीकृत होकर वह महातपस्वी उस महेश के घर-द्वार पर कई दिनों तक खड़े रहे।

श्लोक 32 (padma.6.255.32)

नारीसंगममत्तोऽसौ यस्मान्मामवमन्यते । योनिलिंगस्वरूपं वै तस्मात्तस्य भविष्यति ।

nārīsaṁgamamatto'sau yasmānmāmavamanyate yoniliṁgasvarūpaṁ vai tasmāttasya bhaviṣyati

[भृगु ने कहा —] चूँकि यह स्त्री-संग में मत्त होकर मुझ जैसे का अनादर करता है, इसलिए इसका योनि-लिंग स्वरूप ही होगा —

श्लोक 33 (padma.6.255.33)

ब्राह्मणं मावजानाति तमसा समुपागतः । अब्रह्मण्यत्वमापन्नो ह्यपूज्योऽसौ द्विजन्मनाम् ।

brāhmaṇaṁ māvajānāti tamasā samupāgataḥ abrahmaṇyatvamāpanno hyapūjyo'sau dvijanmanām

जो तमोगुण से ग्रस्त होकर ब्राह्मण का अनादर करता है। ब्राह्मणों के प्रति अमित्रता को प्राप्त होकर वह द्विजों के लिए अपूज्य होगा।

श्लोक 34 (padma.6.255.34)

तस्मादन्नं जलं पुष्पं तस्मै दत्तं हविस्तथा । निर्माल्यमस्य तत्सर्वं भविष्यति न संशयः ।

tasmādannaṁ jalaṁ puṣpaṁ tasmai dattaṁ havistathā nirmālyamasya tatsarvaṁ bhaviṣyati na saṁśayaḥ

इसलिए उसे दिया गया अन्न, जल, पुष्प तथा हविष्य — यह सब निर्माल्य (जूठा त्याज्य) ही होगा, इसमें संशय नहीं।'

श्लोक 35 (padma.6.255.35)

एवं शप्त्वा महातेजाः शंकरं लोकपूजितम् । उवाच गणमत्युग्रं नंदिं शूलधरं नृप ।

evaṁ śaptvā mahātejāḥ śaṁkaraṁ lokapūjitam uvāca gaṇamatyugraṁ naṁdiṁ śūladharaṁ nṛpa

हे राजन्, इस प्रकार लोक-पूजित शंकर को शाप देकर उस महातेजस्वी ने त्रिशूलधारी अत्यंत उग्र गण नंदी से कहा।

श्लोक 36 (padma.6.255.36)

रुद्र भक्ताश्च ये लोके भस्मलिंगास्थिधारिणः । ते पाखंडत्वमापन्ना वेदबाह्या भवंतु वै ।

rudra bhaktāśca ye loke bhasmaliṁgāsthidhāriṇaḥ te pākhaṁḍatvamāpannā vedabāhyā bhavaṁtu vai

'और लोक में जो भी रुद्र-भक्त भस्म-लिंग-अस्थि धारण करते हैं, वे पाखंड को प्राप्त होकर वेद-बाह्य हो जाएँ।'

श्लोक 37 (padma.6.255.37)

एवं शप्त्वा मुनिस्तत्र रुद्रं त्रिपुरहंतकम् । जगाम ब्रह्मलोकं वै सर्वलोकनमस्कृतम् ।

evaṁ śaptvā munistatra rudraṁ tripurahaṁtakam jagāma brahmalokaṁ vai sarvalokanamaskṛtam

इस प्रकार वहाँ त्रिपुरहंता रुद्र को शाप देकर वह मुनि सब लोकों द्वारा नमस्कृत ब्रह्मलोक को चला गया।

श्लोक 38 (padma.6.255.38)

तत्र दैवैः सहासीनं ब्रह्माणं परमेष्ठिनम् । दृष्ट्वा प्रांजलिना देवं प्रणनाम महामतिः ।

tatra daivaiḥ sahāsīnaṁ brahmāṇaṁ parameṣṭhinam dṛṣṭvā prāṁjalinā devaṁ praṇanāma mahāmatiḥ

वहाँ देवताओं के साथ बैठे परमेष्ठी ब्रह्मा को देखकर उस महामति ने हाथ जोड़कर देव को प्रणाम किया।

श्लोक 39 (padma.6.255.39)

प्रणम्य पुरतस्तस्य तूष्णीमास महातपाः । तं दृष्ट्वा मुनिशार्दूलं रजोगुण समावृतः ।

praṇamya puratastasya tūṣṇīmāsa mahātapāḥ taṁ dṛṣṭvā muniśārdūlaṁ rajoguṇa samāvṛtaḥ

उनके सामने प्रणाम करके वह महातपस्वी मौन खड़ा रहा। उस मुनिश्रेष्ठ को देखकर, रजोगुण से आवृत —

श्लोक 40 (padma.6.255.40)

नार्चयामास धाताऽसौ महर्षिं समुपागतम् । प्रत्युत्थानं प्रियं वाक्यं न कृतं तस्य वेधसा ।

nārcayāmāsa dhātā'sau maharṣiṁ samupāgatam pratyutthānaṁ priyaṁ vākyaṁ na kṛtaṁ tasya vedhasā

उस धाता ने आए हुए उस महर्षि की पूजा नहीं की। उन विधाता ने न तो उठकर स्वागत किया, न प्रिय वचन कहा।

श्लोक 41 (padma.6.255.41)

ऐश्वर्येणैव महता तस्थौ तत्रांबुजासनः । तं दृष्ट्वा रजसोद्रिक्तं महर्षिः पंकजासनम् ।

aiśvaryeṇaiva mahatā tasthau tatrāṁbujāsanaḥ taṁ dṛṣṭvā rajasodriktaṁ maharṣiḥ paṁkajāsanam

अपने महान ऐश्वर्य में डूबे वे कमलासन वहीं बैठे रहे। रजोगुण से भरपूर उन्हें देखकर वह महर्षि —

श्लोक 42 (padma.6.255.42)

व्याजहार महातेजा वाक्यं लोकपितामहः । रजसा महतोद्रिक्तो यस्मान्मामवमन्यसे ।

vyājahāra mahātejā vākyaṁ lokapitāmahaḥ rajasā mahatodrikto yasmānmāmavamanyase

उस महातेजस्वी ने लोकपितामह से यह वचन कहा — 'चूँकि इतने महान रजोगुण से भरकर तुम मेरा अनादर करते हो,

श्लोक 43 (padma.6.255.43)

तस्मात्त्वं सर्वलोकानामपूज्यत्वं समाप्नुहि । एवं शप्त्वा महात्मानं ब्रह्माणं लोकपूजितम् ।

tasmāttvaṁ sarvalokānāmapūjyatvaṁ samāpnuhi evaṁ śaptvā mahātmānaṁ brahmāṇaṁ lokapūjitam

इसलिए तुम सब लोकों के लिए अपूज्य हो जाओ।' इस प्रकार लोक-पूजित महात्मा ब्रह्मा को शाप देकर —

श्लोक 44 (padma.6.255.44)

जगाम सहसा विप्रो भगवन्मंदिरं भृगुः । प्रविश्य वैष्णवं लोकं क्षीराब्धेरुत्तरे तटे ।

jagāma sahasā vipro bhagavanmaṁdiraṁ bhṛguḥ praviśya vaiṣṇavaṁ lokaṁ kṣīrābdheruttare taṭe

वह विप्र भृगु सहसा भगवान् के मंदिर की ओर चल पड़े। क्षीरसागर के उत्तरी तट पर वैष्णव लोक में प्रवेश करके —

श्लोक 45 (padma.6.255.45)

तत्रस्थितैर्महाभागैः पूज्यमानो यथार्हतः । तत्रानिवार्य्यमाणस्तु प्रविष्टोंतःपुरं द्विजः ।

tatrasthitairmahābhāgaiḥ pūjyamāno yathārhataḥ tatrānivāryyamāṇastu praviṣṭoṁtaḥpuraṁ dvijaḥ

वहाँ उपस्थित महात्माओं द्वारा यथोचित पूजित होकर, वहाँ बिना रोक-टोक के वह द्विज अंतःपुर में प्रविष्ट हुआ।

श्लोक 46 (padma.6.255.46)

प्रविश्य तस्मिन्विमले विमाने रविसन्निभे । शयानं नागपर्यंके ददर्श कमलापतिम् ।

praviśya tasminvimale vimāne ravisannibhe śayānaṁ nāgaparyaṁke dadarśa kamalāpatim

उस निर्मल, सूर्य के समान तेजस्वी विमान में प्रविष्ट होकर उन्होंने सर्पशय्या पर लेटे कमलापति को देखा,

श्लोक 47 (padma.6.255.47)

लक्ष्मीकरसरोजाभ्यां मृज्यमानपदद्वयम् । तं दृष्ट्वा मुनिशार्दूलो भृगुः कोपसमन्वितः ।

lakṣmīkarasarojābhyāṁ mṛjyamānapadadvayam taṁ dṛṣṭvā muniśārdūlo bhṛguḥ kopasamanvitaḥ

जिनके दोनों चरण लक्ष्मी के करकमलों से दबाए जा रहे थे। उन्हें देखकर वह मुनिश्रेष्ठ भृगु क्रोध से भरकर —

श्लोक 48 (padma.6.255.48)

सव्यं पादं प्रचिक्षेप विष्णोर्वक्षसि शोभने । तूर्णमुत्थाय भगवान्धन्योस्मीति वदन्मुदा ।

savyaṁ pādaṁ pracikṣepa viṣṇorvakṣasi śobhane tūrṇamutthāya bhagavāndhanyosmīti vadanmudā

उस सुंदर विष्णु के वक्षस्थल पर बायाँ पैर मार दिया। भगवान् तुरंत उठकर हर्षपूर्वक 'मैं धन्य हूँ' कहते हुए —

श्लोक 49 (padma.6.255.49)

हस्ताभ्यां चरणं तस्य पीडयामास हर्षितः । शनैर्मृदित्वा तत्पादं मधुरं वाक्यमब्रवीत् ।

hastābhyāṁ caraṇaṁ tasya pīḍayāmāsa harṣitaḥ śanairmṛditvā tatpādaṁ madhuraṁ vākyamabravīt

हर्षित होकर अपने दोनों हाथों से उनका पैर दबाने लगे। उस पैर को धीरे-धीरे दबाते हुए उन्होंने मधुर वचन कहा।

श्लोक 50 (padma.6.255.50)

धन्योस्म्यद्यैव विप्रर्षे कृतकृत्योस्मि सर्वदा । त्वत्पादस्पर्शनाद्देहे मंगलं मे भविष्यति । समस्तसंपत्समवाप्तिहेतवः समुत्थितापत्कुलधूमकेतवः । अपारसंसारसमुद्र सेतवः पुनंतु मां ब्राह्मणपादपांसवः ।

dhanyosmyadyaiva viprarṣe kṛtakṛtyosmi sarvadā tvatpādasparśanāddehe maṁgalaṁ me bhaviṣyati samastasaṁpatsamavāptihetavaḥ samutthitāpatkuladhūmaketavaḥ apārasaṁsārasamudra setavaḥ punaṁtu māṁ brāhmaṇapādapāṁsavaḥ

'हे विप्रर्षि, आज ही मैं धन्य हूँ, सदा के लिए कृतकृत्य हूँ। आपके चरण-स्पर्श से मेरे शरीर में मंगल होगा। समस्त संपदा प्राप्ति के हेतु, उठती विपत्तियों के कुल के लिए धूमकेतु-समान, अपार संसार-सागर के सेतु — वे ब्राह्मण के चरण-रज मुझे पवित्र करें।'

श्लोक 51 (padma.6.255.51)

विप्रपादरजो यस्य देहे तिष्ठति सर्वदा । गंगादिसर्वतीर्थानि तस्य तिष्ठंत्यसंशयम् ।

viprapādarajo yasya dehe tiṣṭhati sarvadā gaṁgādisarvatīrthāni tasya tiṣṭhaṁtyasaṁśayam

जिसके शरीर में विप्र-चरणों की रज सदा टिकी रहती है, उसमें गंगा आदि सब तीर्थ निश्चय ही निवास करते हैं।

श्लोक 52 (padma.6.255.52)

इत्युक्त्वा सहसोत्थाय देव्या सार्द्धं जनार्दनः । भक्त्या समर्चयामास दिव्यस्रक्चंदनादिभिः ।

ityuktvā sahasotthāya devyā sārddhaṁ janārdanaḥ bhaktyā samarcayāmāsa divyasrakcaṁdanādibhiḥ

ऐसा कहकर सहसा उठकर जनार्दन ने देवी सहित भक्तिपूर्वक दिव्य माला-चंदन आदि से उनकी पूजा की।

श्लोक 53 (padma.6.255.53)

तं दृष्ट्वा मुनिशार्दूलो हर्षपूर्णोऽश्रुलोचनः । उत्थायासनमुख्यात्तं प्रणनाम दयानिधिम् । कृतांजलिपुटोभूत्वा हर्षात्प्राह महातपाः ।

taṁ dṛṣṭvā muniśārdūlo harṣapūrṇo'śrulocanaḥ utthāyāsanamukhyāttaṁ praṇanāma dayānidhim kṛtāṁjalipuṭobhūtvā harṣātprāha mahātapāḥ

उसे देखकर वह मुनिश्रेष्ठ हर्ष से भरकर, आँसुओं से भरे नेत्रों से, प्रमुख आसन से उठकर उस दयानिधि को प्रणाम किया। हाथ जोड़कर वह महातपस्वी हर्षपूर्वक बोला।

श्लोक 54 (padma.6.255.54)

श्रीभृगुरुवाच- अहोरूपमहोशांतिरहोज्ञानमहो दया । अहो सुनिर्मला क्षांतिरहो सत्वगुणं हरेः ।

śrībhṛguruvāca ahorūpamahośāṁtirahojñānamaho dayā aho sunirmalā kṣāṁtiraho satvaguṇaṁ hareḥ

श्री भृगु ने कहा — अहो, यह रूप! अहो, यह शांति! अहो, यह ज्ञान! अहो, यह दया! अहो, यह अत्यंत निर्मल क्षमा! अहो, हरि का यह सत्त्वगुण!

श्लोक 55 (padma.6.255.55)

नैसर्गिकं शुभं सत्वं तथैव गुणवारिधेः । नान्येषां विद्यते किंचित्सर्वेषां त्रिदिवौकसाम् ।

naisargikaṁ śubhaṁ satvaṁ tathaiva guṇavāridheḥ nānyeṣāṁ vidyate kiṁcitsarveṣāṁ tridivaukasām

यह स्वाभाविक शुभ सत्त्व, और गुणों के इस सागर की यह विशेषता — अन्य किसी भी स्वर्गवासी में तनिक भी नहीं है।

श्लोक 56 (padma.6.255.56)

ब्रह्मण्यश्च शरण्यश्च त्वमेव पुरुषोत्तमः । ब्राह्मणानां त्वमेवेशो नान्यः पूज्यः सुरः क्वचित् ।

brahmaṇyaśca śaraṇyaśca tvameva puruṣottamaḥ brāhmaṇānāṁ tvameveśo nānyaḥ pūjyaḥ suraḥ kvacit

आप ही ब्राह्मणों के मित्र और शरण हैं, हे पुरुषोत्तम। आप ही ब्राह्मणों के स्वामी हैं, कोई अन्य देवता कहीं भी पूज्य नहीं है।

श्लोक 57 (padma.6.255.57)

येऽर्चयंति सुरानन्यांस्त्वां विना पुरुषोत्तम । ते पाखंडत्वमापन्नाः सर्वलोकविगर्हिताः ।

ye'rcayaṁti surānanyāṁstvāṁ vinā puruṣottama te pākhaṁḍatvamāpannāḥ sarvalokavigarhitāḥ

जो आपके सिवा अन्य देवताओं की पूजा करते हैं, हे पुरुषोत्तम, वे पाखंड को प्राप्त होकर सब लोकों में निंदित होते हैं।

श्लोक 58 (padma.6.255.58)

विप्राणां वेदविदुषां त्वमेवेज्यो जनार्दनः । नान्यः कश्चित्सुराणां तु पूजनीयः कदाचन ।

viprāṇāṁ vedaviduṣāṁ tvamevejyo janārdanaḥ nānyaḥ kaścitsurāṇāṁ tu pūjanīyaḥ kadācana

वेदज्ञ विप्रों के लिए हे जनार्दन, आप ही पूज्य हैं; अन्य कोई भी देवता कभी पूज्य नहीं है।

श्लोक 59 (padma.6.255.59)

अनर्च्याब्रह्मरुद्राद्या रजस्तमोविमिश्रिताः । त्वं शुद्धसत्वगुणवान्पूजनीयोऽग्रजन्मनाम् ।

anarcyābrahmarudrādyā rajastamovimiśritāḥ tvaṁ śuddhasatvaguṇavānpūjanīyo'grajanmanām

रजो-तमो से मिश्रित ब्रह्मा-रुद्र आदि अपूज्य हैं; शुद्ध सत्त्वगुण वाले आप ही ब्राह्मणों के लिए पूज्य हैं।

श्लोक 60 (padma.6.255.60)

त्वत्पादसलिलं सेव्यं पितॄणां च दिवौकसाम् । सर्वेषां भूसुराणां च मुक्तिदं कल्मषापहम् ।

tvatpādasalilaṁ sevyaṁ pitṝṇāṁ ca divaukasām sarveṣāṁ bhūsurāṇāṁ ca muktidaṁ kalmaṣāpaham

आपके चरणों का जल पितरों, देवताओं और सब भूसुरों (ब्राह्मणों) के सेवन योग्य है, जो मुक्ति देने वाला और पाप हरने वाला है।

श्लोक 61 (padma.6.255.61)

त्वद्भुक्तोच्छिष्टशेषं वै पितॄणां च दिवौकसाम् । भूसुराणां च सेव्यं स्यान्नान्येषां तु कदाचन ।

tvadbhuktocchiṣṭaśeṣaṁ vai pitṝṇāṁ ca divaukasām bhūsurāṇāṁ ca sevyaṁ syānnānyeṣāṁ tu kadācana

आपके भोजन का शेष अंश पितरों, देवताओं तथा ब्राह्मणों के सेवन योग्य है, अन्य किसी के लिए कभी नहीं।

श्लोक 62 (padma.6.255.62)

इतरेषां तु देवानामन्नं पुष्पं जलं तथा । अस्पृश्यं तु भवेत्सर्वं निर्माल्यं सुरयासमम् ।

itareṣāṁ tu devānāmannaṁ puṣpaṁ jalaṁ tathā aspṛśyaṁ tu bhavetsarvaṁ nirmālyaṁ surayāsamam

किंतु अन्य देवताओं का अन्न, पुष्प तथा जल — यह सब अस्पृश्य, मदिरा के समान त्याज्य निर्माल्य ही है।

श्लोक 63 (padma.6.255.63)

तस्माद्वै ब्राह्मणो नित्यं पूजयित्वा सनातनम् । त्वत्तीर्थं भुक्तमन्नं च भजेतैवानिशं बुधः ।

tasmādvai brāhmaṇo nityaṁ pūjayitvā sanātanam tvattīrthaṁ bhuktamannaṁ ca bhajetaivāniśaṁ budhaḥ

इसलिए ब्राह्मण को सदा सनातन प्रभु की पूजा करके, बुद्धिमान को आपके ही तीर्थ-जल और भोजित अन्न का सतत सेवन करना चाहिए।

श्लोक 64 (padma.6.255.64)

नान्यं देवं तु वीक्षेत ब्राह्मणो न च पूजयेत् । नान्यप्रसादं भुंजीत नान्यदायतनं विशेत् ।

nānyaṁ devaṁ tu vīkṣeta brāhmaṇo na ca pūjayet nānyaprasādaṁ bhuṁjīta nānyadāyatanaṁ viśet

ब्राह्मण को न किसी अन्य देवता को देखना चाहिए, न पूजना चाहिए। न किसी अन्य के प्रसाद का भोग करना चाहिए, न किसी अन्य के मंदिर में प्रवेश करना चाहिए।

श्लोक 65 (padma.6.255.65)

न ददातीह यो विप्रः पितॄणां श्राद्धकर्मणि । त्वद्भुक्तमन्नं तीर्थं च तत्सर्वं निष्फलं भवेत् ।

na dadātīha yo vipraḥ pitṝṇāṁ śrāddhakarmaṇi tvadbhuktamannaṁ tīrthaṁ ca tatsarvaṁ niṣphalaṁ bhavet

जो विप्र यहाँ पितरों के श्राद्ध-कर्म में आपका भोजित अन्न और तीर्थ नहीं देता, वह सब निष्फल हो जाता है।

श्लोक 66 (padma.6.255.66)

कल्पकोटिसहस्राणि कल्पकोटिशतानि च । पतंति पितरस्तस्य नरके पूयशोणिते ।

kalpakoṭisahasrāṇi kalpakoṭiśatāni ca pataṁti pitarastasya narake pūyaśoṇite

हज़ारों-सैकड़ों करोड़ कल्पों तक उसके पितर मवाद-रक्त से भरे नरक में गिरते रहते हैं।

श्लोक 67 (padma.6.255.67)

निवेदितं तव विभो यो जुहोति ददाति वा । देवतानां पितॄणां च तृप्तिरानंत्यमश्नुते ।

niveditaṁ tava vibho yo juhoti dadāti vā devatānāṁ pitṝṇāṁ ca tṛptirānaṁtyamaśnute

हे व्यापक प्रभु, जो आपको निवेदित वस्तु का हवन करता है या दान देता है, वह देवताओं और पितरों के लिए अनंत तृप्ति प्राप्त करता है।

श्लोक 68 (padma.6.255.68)

तस्मात्त्वमेव विप्राणां पूज्यो नान्योस्ति कश्चन । मोहाद्यः पूजयेदन्यान्स पाखंडी भविष्यति ।

tasmāttvameva viprāṇāṁ pūjyo nānyosti kaścana mohādyaḥ pūjayedanyānsa pākhaṁḍī bhaviṣyati

इसलिए आप ही विप्रों के लिए पूज्य हैं, अन्य कोई नहीं है। मोहवश जो अन्य की पूजा करता है, वह पाखंडी बन जाएगा।

श्लोक 69 (padma.6.255.69)

त्वं हि नारायणः श्रीमान्वासुदेवः सनातनः । विष्णुः सर्वगतो नित्यः परमात्मा महेश्वरः ।

tvaṁ hi nārāyaṇaḥ śrīmānvāsudevaḥ sanātanaḥ viṣṇuḥ sarvagato nityaḥ paramātmā maheśvaraḥ

आप ही श्रीमान नारायण, सनातन वासुदेव हैं; सर्वव्यापी, नित्य विष्णु, परमात्मा, महेश्वर हैं।

श्लोक 70 (padma.6.255.70)

त्वमेव सेव्यो विप्राणां ब्रह्मण्यः शुद्धसत्ववान् । पूज्यत्वाद्ब्राह्मणानां वै शुद्धसत्वगुणादपि ।

tvameva sevyo viprāṇāṁ brahmaṇyaḥ śuddhasatvavān pūjyatvādbrāhmaṇānāṁ vai śuddhasatvaguṇādapi

आप ही विप्रों के सेव्य हैं, ब्राह्मणों के मित्र, शुद्ध सत्त्वयुक्त हैं। शुद्ध सत्त्वगुण के कारण ही ब्राह्मणों के लिए पूज्य होकर —

श्लोक 71 (padma.6.255.71)

सर्वेषामेव देवानां ब्राह्मणत्वमवाप्नुहि । त्वामेव हि सदा विप्रा भजंति पुरुषोत्तमम् ।

sarveṣāmeva devānāṁ brāhmaṇatvamavāpnuhi tvāmeva hi sadā viprā bhajaṁti puruṣottamam

आप ही सब देवताओं में ब्राह्मणत्व को प्राप्त हैं। हे पुरुषोत्तम, विप्र सदा आप ही की उपासना करते हैं —

श्लोक 72 (padma.6.255.72)

ब्राह्मणास्ते बभूवुस्तु नान्यास्तत्र न संशयः । ब्रह्मण्यो देवकीपुत्रो ब्रह्मण्यो मधुसूदनः ।

brāhmaṇāste babhūvustu nānyāstatra na saṁśayaḥ brahmaṇyo devakīputro brahmaṇyo madhusūdanaḥ

वे ही ब्राह्मण हुए, अन्य नहीं, इसमें संशय नहीं। ब्रह्मण्य हैं देवकी-पुत्र, ब्रह्मण्य हैं मधुसूदन,

श्लोक 73 (padma.6.255.73)

ब्रह्मण्यः पुंडरीकाक्षो ब्रह्मण्यो विष्णुरच्युतः । ब्रह्मण्यो भगवान्कृष्णो वासुदेवोऽच्युतो हरिः ।

brahmaṇyaḥ puṁḍarīkākṣo brahmaṇyo viṣṇuracyutaḥ brahmaṇyo bhagavānkṛṣṇo vāsudevo'cyuto hariḥ

ब्रह्मण्य हैं कमलनयन, ब्रह्मण्य हैं अच्युत विष्णु; ब्रह्मण्य हैं भगवान् कृष्ण, वासुदेव, अच्युत हरि,

श्लोक 74 (padma.6.255.74)

ब्रह्मण्यो नारसिंहः स्यात्तथा नारायणोऽव्ययः । ब्रह्मण्यः श्रीधरः श्रीशो गोविंदो वामनस्तथा ।

brahmaṇyo nārasiṁhaḥ syāttathā nārāyaṇo'vyayaḥ brahmaṇyaḥ śrīdharaḥ śrīśo goviṁdo vāmanastathā

ब्रह्मण्य हैं नरसिंह, तथा अव्यय नारायण; ब्रह्मण्य हैं श्रीधर, श्रीश गोविंद, तथा वामन,

श्लोक 75 (padma.6.255.75)

ब्रह्मण्यो यज्ञवाराहः केशवः पुरुषोत्तमः । ब्रह्मण्यो राघवः श्रीमान्रामो राजीवलोचनः ।

brahmaṇyo yajñavārāhaḥ keśavaḥ puruṣottamaḥ brahmaṇyo rāghavaḥ śrīmānrāmo rājīvalocanaḥ

ब्रह्मण्य हैं यज्ञवराह, केशव पुरुषोत्तम; ब्रह्मण्य हैं श्रीमान राघव, कमलनयन राम,

श्लोक 76 (padma.6.255.76)

ब्रह्मण्यः पद्मनाभः स्यात्तथा दामोदरः प्रभुः । ब्रह्मण्यो माधवो यज्ञस्तथा त्रिविक्रमः प्रभुः ।

brahmaṇyaḥ padmanābhaḥ syāttathā dāmodaraḥ prabhuḥ brahmaṇyo mādhavo yajñastathā trivikramaḥ prabhuḥ

ब्रह्मण्य हैं पद्मनाभ, तथा प्रभु दामोदर; ब्रह्मण्य हैं माधव, यज्ञस्वरूप, तथा प्रभु त्रिविक्रम,

श्लोक 77 (padma.6.255.77)

ब्रह्मण्यश्च हृषीकेशः पीतवासा जनार्दनः । नमो ब्रह्मण्यदेवाय वासुदेवाय शार्ङ्गिणे ।

brahmaṇyaśca hṛṣīkeśaḥ pītavāsā janārdanaḥ namo brahmaṇyadevāya vāsudevāya śārṅgiṇe

तथा ब्रह्मण्य हैं हृषीकेश, पीतांबरधारी जनार्दन। ब्रह्मण्यदेव, शार्ङ्गधारी वासुदेव को नमस्कार,

श्लोक 78 (padma.6.255.78)

नारायणाय श्रीशाय पुंडरीकेक्षणाय च । नमो ब्रह्मण्यदेवाय वासुदेवाय विष्णवे ।

nārāyaṇāya śrīśāya puṁḍarīkekṣaṇāya ca namo brahmaṇyadevāya vāsudevāya viṣṇave

नारायण, श्रीश, कमलनयन को नमस्कार। ब्रह्मण्यदेव, वासुदेव विष्णु को नमस्कार,

श्लोक 79 (padma.6.255.79)

कल्याणगुणपूर्णाय नमस्ते परमात्मने । नमो ब्रह्मण्यदेवाय सर्वदेवस्वरूपिणे ।

kalyāṇaguṇapūrṇāya namaste paramātmane namo brahmaṇyadevāya sarvadevasvarūpiṇe

कल्याण-गुणों से परिपूर्ण, हे परमात्मा आपको नमस्कार। ब्रह्मण्यदेव, सर्वदेव-स्वरूप को नमस्कार,

श्लोक 80 (padma.6.255.80)

वाराहवपुषे नित्यं त्रयीनाथाय ते नमः । नमो ब्रह्मण्यदेवाय नागपर्य्यंकशायिने ।

vārāhavapuṣe nityaṁ trayīnāthāya te namaḥ namo brahmaṇyadevāya nāgaparyyaṁkaśāyine

नित्य वराह-देह, त्रयी के स्वामी आपको नमस्कार। ब्रह्मण्यदेव, नागशय्या पर शयन करने वाले को नमस्कार,

श्लोक 81 (padma.6.255.81)

राजीवदलनेत्राय राघवाय नमो नमः । मायया मोहिताः सर्वे देवाश्च ऋषयस्तव ।

rājīvadalanetrāya rāghavāya namo namaḥ māyayā mohitāḥ sarve devāśca ṛṣayastava

कमलदल जैसे नेत्रों वाले राघव को बारंबार नमस्कार। आपकी माया से मोहित होकर सब देवता और ऋषि —

श्लोक 82 (padma.6.255.82)

न जानंति महात्मानं सर्वलोकेश्वरं प्रभो । त्वां न जानंति भगवन्सर्ववेदविदोऽपि हि ।

na jānaṁti mahātmānaṁ sarvalokeśvaraṁ prabho tvāṁ na jānaṁti bhagavansarvavedavido'pi hi

हे प्रभु, उस महात्मा, सब लोकों के ईश्वर को नहीं जानते। हे भगवन्, सब वेदों के ज्ञाता भी आपको नहीं जानते —

श्लोक 83 (padma.6.255.83)

नामरूपगुणैः श्रीश चारित्रैरपि दुष्कृतैः । परत्वसूचकं सत्वं तव वेदितुमीश्वरः ।

nāmarūpaguṇaiḥ śrīśa cāritrairapi duṣkṛtaiḥ paratvasūcakaṁ satvaṁ tava veditumīśvaraḥ

हे श्रीश, नाम-रूप-गुणों से, तथा अपकर्म-जैसे प्रतीत होने वाले चरित्रों से भी — आपकी उस श्रेष्ठता-सूचक सत्त्व को जानने में केवल ईश्वर ही समर्थ है।

श्लोक 84 (padma.6.255.84)

महर्षिभिः प्रेषितोऽहमागतोस्मि तवांतिकम् । तव शीलगुणाञ्ज्ञातुं चरणं मम केशव ।

maharṣibhiḥ preṣito'hamāgatosmi tavāṁtikam tava śīlaguṇāñjñātuṁ caraṇaṁ mama keśava

महर्षियों द्वारा भेजा गया मैं आपके समीप आया हूँ, आपके शील-गुणों को जानने के लिए। हे केशव, मेरा पैर —

श्लोक 85 (padma.6.255.85)

दत्तं वक्षसि गोविंद तत्क्षंतव्यं कृपानिधे । एवमुक्त्वा भृगुर्देवं प्रणम्य च मुहुर्मुहुः ।

dattaṁ vakṣasi goviṁda tatkṣaṁtavyaṁ kṛpānidhe evamuktvā bhṛgurdevaṁ praṇamya ca muhurmuhuḥ

आपके वक्षस्थल पर लगा, हे गोविंद, वह क्षमा किया जाए, हे कृपानिधि। ऐसा कहकर भृगु ने देव को बार-बार प्रणाम करके,

श्लोक 86 (padma.6.255.86)

दिव्यैर्महर्षिभिस्तत्र पूज्यमानो महात्मभिः । पुनर्जगाम हृष्टात्मा यज्ञभूमिं शुभाह्वयाम् ।

divyairmaharṣibhistatra pūjyamāno mahātmabhiḥ punarjagāma hṛṣṭātmā yajñabhūmiṁ śubhāhvayām

वहाँ दिव्य महात्मा महर्षियों द्वारा पूजित होकर, प्रसन्नचित्त होकर पुनः शुभनामी यज्ञभूमि की ओर चल पड़े।

श्लोक 87 (padma.6.255.87)

समागतं महात्मानं तत्र दृष्ट्वा महर्षयः । प्रत्युत्थाय नमस्कृत्वा पूजां चक्रुर्विधानतः ।

samāgataṁ mahātmānaṁ tatra dṛṣṭvā maharṣayaḥ pratyutthāya namaskṛtvā pūjāṁ cakrurvidhānataḥ

उस महात्मा को वहाँ आया देखकर महर्षियों ने उठकर, नमस्कार करके विधिपूर्वक उनकी पूजा की।

श्लोक 88 (padma.6.255.88)

तेषां विज्ञापयामास तत्सर्वं मुनिपुंगवः । रजस्तमगुणोद्रिक्तो विधीशानौ सुरोत्तमौ ।

teṣāṁ vijñāpayāmāsa tatsarvaṁ munipuṁgavaḥ rajastamaguṇodrikto vidhīśānau surottamau

उस मुनिश्रेष्ठ ने उन्हें यह सब बताया — 'रजो-तमो गुणों से भरे विधाता और ईशान, वे दोनों श्रेष्ठ देवता,

श्लोक 89 (padma.6.255.89)

शप्तौ मया न पूज्यौ तौ विप्राणामृषिसत्तमाः । अब्रह्मण्यत्वमापन्नो गर्हितं रूपमास्थितः ।

śaptau mayā na pūjyau tau viprāṇāmṛṣisattamāḥ abrahmaṇyatvamāpanno garhitaṁ rūpamāsthitaḥ

हे ऋषिश्रेष्ठो, मैंने शाप दे दिया — वे विप्रों के लिए पूज्य नहीं हैं। ब्राह्मणों से अमैत्री को प्राप्त होकर वे निंदित रूप को प्राप्त हुए हैं।

श्लोक 90 (padma.6.255.90)

शप्तः कैलासशिखरे शंकरस्तमसावृतः । शुद्धसत्वमयो विष्णुः कल्याणगुणसागरः ।

śaptaḥ kailāsaśikhare śaṁkarastamasāvṛtaḥ śuddhasatvamayo viṣṇuḥ kalyāṇaguṇasāgaraḥ

कैलास शिखर पर तमोग्रस्त शंकर शापित हुए। शुद्ध सत्त्वमय विष्णु, कल्याण-गुणों के सागर —

श्लोक 91 (padma.6.255.91)

नारायणः परं ब्रह्म विप्राणां दैवतं हरिः । ब्रह्मण्यः श्रीपतिर्विष्णुर्वासुदेवो जनार्दनः ।

nārāyaṇaḥ paraṁ brahma viprāṇāṁ daivataṁ hariḥ brahmaṇyaḥ śrīpatirviṣṇurvāsudevo janārdanaḥ

नारायण, परब्रह्म, विप्रों के देवता हरि; ब्रह्मण्य श्रीपति विष्णु, वासुदेव जनार्दन,

श्लोक 92 (padma.6.255.92)

ब्रह्मण्यः पुंडरीकाक्षो गोविंदो हरिरच्युतः । स एव पूज्यो विप्राणां नेतरः पुरुषर्षभाः ।

brahmaṇyaḥ puṁḍarīkākṣo goviṁdo hariracyutaḥ sa eva pūjyo viprāṇāṁ netaraḥ puruṣarṣabhāḥ

ब्रह्मण्य कमलनयन गोविंद, अच्युत हरि — वे ही विप्रों के लिए पूज्य हैं, अन्य नहीं, हे पुरुषश्रेष्ठो।

श्लोक 93 (padma.6.255.93)

मोहाद्यः पूजयेदन्यं स पाखंडी भविष्यति । स्मरणादेव कृष्णस्य विमुक्तिः पापिनामपि ।

mohādyaḥ pūjayedanyaṁ sa pākhaṁḍī bhaviṣyati smaraṇādeva kṛṣṇasya vimuktiḥ pāpināmapi

मोहवश जो अन्य की पूजा करेगा, वह पाखंडी बन जाएगा। कृष्ण के स्मरण मात्र से पापियों को भी मुक्ति मिलती है।

श्लोक 94 (padma.6.255.94)

तस्य पादोदकं सेव्यं भुक्तोच्छिष्टं च पावनम् । स्वर्गापवर्गदं नॄणां ब्राह्मणानां विशेषतः ।

tasya pādodakaṁ sevyaṁ bhuktocchiṣṭaṁ ca pāvanam svargāpavargadaṁ nṝṇāṁ brāhmaṇānāṁ viśeṣataḥ

उनका चरणोदक सेवनीय और भोजित जूठन पवित्र है, जो मनुष्यों को, विशेषतः ब्राह्मणों को स्वर्ग और मोक्ष देने वाला है।

श्लोक 95 (padma.6.255.95)

विष्णोर्निवेदितं नित्यं देवेभ्यो जुहुयाद्धविः । पितृभ्यश्चैव तद्दद्यात्सर्वमानंत्यमश्नुते ।

viṣṇorniveditaṁ nityaṁ devebhyo juhuyāddhaviḥ pitṛbhyaścaiva taddadyātsarvamānaṁtyamaśnute

विष्णु को निवेदित वस्तु का ही सदा देवताओं के लिए हवन करना चाहिए, तथा पितरों को भी वही देनी चाहिए — [इससे] सब अनंत [फल] प्राप्त होता है।

श्लोक 96 (padma.6.255.96)

यो न दद्याद्धरेर्भुक्तं पितॄणां श्राद्धकर्मणि । अश्नंति पितरस्तस्य विण्मूत्रं सततं द्विजाः ।

yo na dadyāddharerbhuktaṁ pitṝṇāṁ śrāddhakarmaṇi aśnaṁti pitarastasya viṇmūtraṁ satataṁ dvijāḥ

जो पितरों के श्राद्ध-कर्म में हरि का भोजित अन्न नहीं देता, हे द्विजो, उसके पितर सतत मल-मूत्र खाते हैं।

श्लोक 97 (padma.6.255.97)

तस्माद्विष्णोः प्रसादो वै सेवितव्यो द्विजन्मनाम् । इतरेषां तु देवानां निर्माल्यं गर्हितं भवेत् ।

tasmādviṣṇoḥ prasādo vai sevitavyo dvijanmanām itareṣāṁ tu devānāṁ nirmālyaṁ garhitaṁ bhavet

इसलिए द्विजों को विष्णु का प्रसाद ही सेवन करना चाहिए। अन्य देवताओं का निर्माल्य निंदित है।

श्लोक 98 (padma.6.255.98)

सकृदेव हि योश्नाति ब्राह्मणो ज्ञानदुर्बलः । निर्माल्यं शंकरादीनां स चांडालो भवेद्ध्रुवम् ।

sakṛdeva hi yośnāti brāhmaṇo jñānadurbalaḥ nirmālyaṁ śaṁkarādīnāṁ sa cāṁḍālo bhaveddhruvam

जो ज्ञान-दुर्बल ब्राह्मण एक बार भी शंकर आदि का निर्माल्य खाता है, वह निश्चय ही चांडाल हो जाता है,

श्लोक 99 (padma.6.255.99)

कल्पकोटिसहस्राणि पच्यते नरकाग्निना । निर्माल्यं भो द्विजश्रेष्ठा रुद्रादीनां दिवौकसाम् । रक्षोयक्षपिशाचान्नं मद्यमांससमं स्मृतम् । तद्ब्राह्मणैर्न भोक्तव्यं देवानां भुंजितं हविः ।

kalpakoṭisahasrāṇi pacyate narakāgninā nirmālyaṁ bho dvijaśreṣṭhā rudrādīnāṁ divaukasām rakṣoyakṣapiśācānnaṁ madyamāṁsasamaṁ smṛtam tadbrāhmaṇairna bhoktavyaṁ devānāṁ bhuṁjitaṁ haviḥ

और हज़ारों करोड़ कल्पों तक नरकाग्नि में पकाया जाता है। हे श्रेष्ठ द्विजो, रुद्र आदि स्वर्गवासियों का निर्माल्य, तथा राक्षस-यक्ष-पिशाचों का अन्न मदिरा-मांस के समान माना गया है — वह देवताओं का भोगा हुआ हविष्य ब्राह्मणों को नहीं खाना चाहिए।

श्लोक 100 (padma.6.255.100)

तस्मादन्यं परित्यज्य विष्णुमेव सनातनम् । पूजयध्वं द्विजश्रेष्ठा यावज्जीवमतंद्रिताः ।

tasmādanyaṁ parityajya viṣṇumeva sanātanam pūjayadhvaṁ dvijaśreṣṭhā yāvajjīvamataṁdritāḥ

इसलिए, हे श्रेष्ठ द्विजो, अन्य सबको त्यागकर सनातन विष्णु की ही, जीवनभर बिना आलस्य के पूजा करो।

श्लोक 101 (padma.6.255.101)

तद्विष्णोः परमं धाममन्यंतो गतसंशयाः । तापादिपंचसंस्कारैरन्विष्टाः शुभचेतसः ।

tadviṣṇoḥ paramaṁ dhāmamanyaṁto gatasaṁśayāḥ tāpādipaṁcasaṁskārairanviṣṭāḥ śubhacetasaḥ

संशयरहित होकर विष्णु के उस परम धाम का ध्यान करते हुए, ताप आदि पाँच संस्कारों से अन्वित, शुभचित्त होकर —

श्लोक 102 (padma.6.255.102)

अप्राकृतं हरिं सम्यगर्चयध्वं द्विजर्षभाः । चक्रांकितभुजा विप्रा भवंत्यप्राकृताः शुभाः ।

aprākṛtaṁ hariṁ samyagarcayadhvaṁ dvijarṣabhāḥ cakrāṁkitabhujā viprā bhavaṁtyaprākṛtāḥ śubhāḥ

हे द्विजश्रेष्ठो, उस अप्राकृत हरि की भलीभाँति पूजा करो। चक्र से अंकित भुजा वाले विप्र अप्राकृत, शुभ हो जाते हैं।

श्लोक 103 (padma.6.255.103)

चक्रलांछनहीनास्तु प्राकृतास्तामसा स्मृताः । तस्मात्प्राकृतसंसर्ग पापौघ दहनं हरेः ।

cakralāṁchanahīnāstu prākṛtāstāmasā smṛtāḥ tasmātprākṛtasaṁsarga pāpaugha dahanaṁ hareḥ

चक्र-चिह्न से रहित लोग प्राकृत, तामसिक माने गए हैं। इसलिए प्राकृत-संसर्ग [के पाप] को, हरि के [चक्र-चिह्न रूपी] अग्नि से पाप-समूह को जलाकर —

श्लोक 104 (padma.6.255.104)

प्रतप्तं बिभृयाच्चक्रं शंखं च भुजमूलयोः । उर्द्ध्वपुंड्राणि चांगेषु धृत्वा शास्त्रोक्तमार्गतः ।

prataptaṁ bibhṛyāccakraṁ śaṁkhaṁ ca bhujamūlayoḥ urddhvapuṁḍrāṇi cāṁgeṣu dhṛtvā śāstroktamārgataḥ

तपाया हुआ चक्र और शंख भुजाओं के मूल में धारण करना चाहिए। शास्त्रोक्त मार्ग से अंगों पर ऊर्ध्वपुंड्र धारण करके,

श्लोक 105 (padma.6.255.105)

अर्चयेन्मंत्ररत्नेन विधिना पुरुषोत्तमम् । तस्य प्रसादसेवां च कुर्य्यान्नित्यमतंद्रितः ।

arcayenmaṁtraratnena vidhinā puruṣottamam tasya prasādasevāṁ ca kuryyānnityamataṁdritaḥ

मंत्ररत्न से विधिपूर्वक पुरुषोत्तम की पूजा करनी चाहिए। तथा उनके प्रसाद का सेवन सदा बिना आलस्य के करना चाहिए।

श्लोक 106 (padma.6.255.106)

तस्यावरणपूजायां त्रिदशानर्चयेत्सदा । तमेव सर्वयज्ञानां भोक्तारं परमेश्वरम् ।

tasyāvaraṇapūjāyāṁ tridaśānarcayetsadā tameva sarvayajñānāṁ bhoktāraṁ parameśvaram

उनकी आवरण-पूजा में सदा उनके [अनुचर] देवताओं की भी पूजा करनी चाहिए। हे द्विजो, उन्हीं को सब यज्ञों के भोक्ता परमेश्वर जानकर —

श्लोक 107 (padma.6.255.107)

ज्ञात्वा वै जुहुयाद्दद्याज्जपेद्वै सततं द्विजाः ।

jñātvā vai juhuyāddadyājjapedvai satataṁ dvijāḥ

निरंतर हवन करना, दान देना और जप करना चाहिए।

श्लोक 108 (padma.6.255.108)

वसिष्ठ उवाच- एवमुक्तास्तु ते सर्वे ऋषयः क्षीणकल्मषाः । नमस्कृत्य भृगुं सम्यगूचुः प्रांजलयस्तदा ।

vasiṣṭha uvāca evamuktāstu te sarve ṛṣayaḥ kṣīṇakalmaṣāḥ namaskṛtya bhṛguṁ samyagūcuḥ prāṁjalayastadā

वसिष्ठ जी ने कहा — इस प्रकार कहे जाने पर वे सब ऋषि, जिनके पाप क्षीण हो चुके थे, भृगु को नमस्कार करके हाथ जोड़कर भलीभाँति बोले।

श्लोक 109 (padma.6.255.109)

ऋषय ऊचुः । भगवन्संशयछेत्ता त्वमेव द्विजसत्तम । त्वं वै लोकगतिर्ब्रह्मंस्त्वमेव परमा गतिः ।

ṛṣaya ūcuḥ bhagavansaṁśayachettā tvameva dvijasattama tvaṁ vai lokagatirbrahmaṁstvameva paramā gatiḥ

ऋषियों ने कहा — हे भगवन्, हे द्विजश्रेष्ठ, आप ही हमारे संशय को दूर करने वाले हैं। हे ब्रह्मन्, आप ही लोक की गति हैं, आप ही परम गति हैं।

श्लोक 110 (padma.6.255.110)

त्वमेव परमोधर्मस्त्वमेव परमं तपः । त्वत्प्रसादाद्वयं विप्र भविष्यामो हि नान्यथा ।

tvameva paramodharmastvameva paramaṁ tapaḥ tvatprasādādvayaṁ vipra bhaviṣyāmo hi nānyathā

आप ही परम धर्म हैं, आप ही परम तप हैं। हे विप्र, आपकी कृपा से ही हम [वह] बनेंगे, अन्यथा नहीं।'

श्लोक 111 (padma.6.255.111)

वसिष्ठ उवाच- एवं स्तुत्वा भृगुं विप्रं सर्व एव महर्षयः । तस्मात्संप्राप्तमंत्रा वै पूजयामासुरच्युतम् ।

vasiṣṭha uvāca evaṁ stutvā bhṛguṁ vipraṁ sarva eva maharṣayaḥ tasmātsaṁprāptamaṁtrā vai pūjayāmāsuracyutam

वसिष्ठ जी ने कहा — इस प्रकार विप्र भृगु की स्तुति करके सब महर्षियों ने, उनसे मंत्र प्राप्त करके, अच्युत की पूजा की।

श्लोक 112 (padma.6.255.112)

एतत्ते सर्वमाख्यातं प्रसंगात्पार्थिवोत्तम । रामस्य हस्तकमलस्पर्शनाद्वै नृपोत्तम ।

etatte sarvamākhyātaṁ prasaṁgātpārthivottama rāmasya hastakamalasparśanādvai nṛpottama

हे श्रेष्ठ राजन्, यह सब प्रसंगवश तुम्हें बता दिया गया। हे श्रेष्ठ राजा, राम के करकमल के स्पर्श से ही —

श्लोक 113 (padma.6.255.113)

भविष्यत्यमलं तच्च रूपं लोकविगर्हितम् । राघवः सर्वदेवानां पावनः पुरुषोत्तमः ।

bhaviṣyatyamalaṁ tacca rūpaṁ lokavigarhitam rāghavaḥ sarvadevānāṁ pāvanaḥ puruṣottamaḥ

वह लोक-निंदित रूप निर्मल हो जाएगा। पुरुषोत्तम राघव सब देवताओं के पावनकर्ता हैं —

श्लोक 114 (padma.6.255.114)

स्पृष्टा दृष्टाश्च तेनैव विमलाः शंकरादयः । सर्वेषामपि देवानां पिता माता जनार्दनः ।

spṛṣṭā dṛṣṭāśca tenaiva vimalāḥ śaṁkarādayaḥ sarveṣāmapi devānāṁ pitā mātā janārdanaḥ

उन्हीं के स्पर्श और दर्शन से शंकर आदि निर्मल हो जाते हैं। जनार्दन ही सब देवताओं के भी माता-पिता हैं;

श्लोक 115 (padma.6.255.115)

त्राता च सर्वलोकानां वात्सल्यगुणसागरः । तमेव शरणं गच्छ यदीच्छेत्परमं पदम् ।

trātā ca sarvalokānāṁ vātsalyaguṇasāgaraḥ tameva śaraṇaṁ gaccha yadīcchetparamaṁ padam

वे सब लोकों के त्राता, वात्सल्य-गुणों के सागर हैं। यदि परम पद की इच्छा हो, तो उन्हीं की शरण जाओ।

श्लोक 116 (padma.6.255.116)

एतत्ते सर्वमाख्यातं पुराणं वेदसंमितम् । ब्रह्मणा कथितं राजन्मनु स्वायंभुवोंतरे ।

etatte sarvamākhyātaṁ purāṇaṁ vedasaṁmitam brahmaṇā kathitaṁ rājanmanu svāyaṁbhuvoṁtare

यह सब वेद-तुल्य पुराण तुम्हें बता दिया गया, हे राजन्, जो ब्रह्मा द्वारा स्वायंभुव मन्वंतर में कहा गया था —

श्लोक 117 (padma.6.255.117)

विष्णुभक्तिविनीतस्य शुद्धसत्वस्य नान्यथा । तस्य संश्रावयेन्नित्यं विमुक्ता सा हरेः कथा ।

viṣṇubhaktivinītasya śuddhasatvasya nānyathā tasya saṁśrāvayennityaṁ vimuktā sā hareḥ kathā

विष्णु-भक्ति से विनम्र, शुद्ध सत्त्व वाले के अतिरिक्त किसी अन्य को नहीं। उसे ही यह मुक्तिदायक हरि-कथा सदा सुनानी चाहिए —

श्लोक 118 (padma.6.255.118)

शंखचक्रोर्द्ध्वपुंड्रादि विहितो वाचकः पुमान् । तन्मुखाच्छ्रूयतां नित्यं पुत्री भवसि नान्यथा ।

śaṁkhacakrorddhvapuṁḍrādi vihito vācakaḥ pumān tanmukhācchrūyatāṁ nityaṁ putrī bhavasi nānyathā

शंख-चक्र-ऊर्ध्वपुंड्र आदि से युक्त, इस कार्य के लिए विहित वक्ता पुरुष से। उसी के मुख से नित्य सुननी चाहिए — तभी तुम्हें [योग्य] संतान होगी, अन्यथा नहीं।

श्लोक 119 (padma.6.255.119)

यस्त्विदं श्रावयेन्नित्यं पठेद्वा सुसमाहितः । अनन्यभक्तिः श्रीशस्य जायते तस्य सर्वदा ।

yastvidaṁ śrāvayennityaṁ paṭhedvā susamāhitaḥ ananyabhaktiḥ śrīśasya jāyate tasya sarvadā

जो इसे नित्य सुनाता है या एकाग्रचित्त होकर पढ़ता है, उसमें श्रीपति के प्रति अनन्य भक्ति सदा उत्पन्न होती है।

श्लोक 120 (padma.6.255.120)

विद्यार्थी लभते विद्यां धर्मार्थी धर्ममाप्नुयात् । मोक्षार्थी लभते मोक्षं कामार्थी लभते सुखम् ।

vidyārthī labhate vidyāṁ dharmārthī dharmamāpnuyāt mokṣārthī labhate mokṣaṁ kāmārthī labhate sukham

विद्यार्थी विद्या पाता है, धर्मार्थी धर्म प्राप्त करता है, मोक्षार्थी मोक्ष पाता है, कामार्थी सुख पाता है।

श्लोक 121 (padma.6.255.121)

द्वादश्यां श्रवणार्के च संक्रांतौ ग्रहणे तथा । अमावस्यां पौर्णमास्यां पठेद्भक्तिसमन्वितः ।

dvādaśyāṁ śravaṇārke ca saṁkrāṁtau grahaṇe tathā amāvasyāṁ paurṇamāsyāṁ paṭhedbhaktisamanvitaḥ

द्वादशी को, रविवार को या श्रवण-नक्षत्र में, संक्रांति में, ग्रहण में, अमावस्या को, पूर्णिमा को भक्तिपूर्वक पाठ करना चाहिए।

श्लोक 122 (padma.6.255.122)

श्लोकार्द्धं श्लोकपादं वा पठेद्यस्तु समाहितः । अश्वमेधसहस्रस्य फलं प्राप्नोत्यसंशयः ।

ślokārddhaṁ ślokapādaṁ vā paṭhedyastu samāhitaḥ aśvamedhasahasrasya phalaṁ prāpnotyasaṁśayaḥ

जो एकाग्रचित्त होकर आधा श्लोक या श्लोक का चौथाई भाग भी पढ़ता है, वह निःसंदेह हज़ार अश्वमेध यज्ञों का फल प्राप्त करता है।

श्लोक 123 (padma.6.255.123)

इत्येतत्कथितं गुह्यं पुराणं संहितात्मकम् । अर्चयस्व हृषीकेशं यदीच्छसि परमं पदम् ।

ityetatkathitaṁ guhyaṁ purāṇaṁ saṁhitātmakam arcayasva hṛṣīkeśaṁ yadīcchasi paramaṁ padam

इस प्रकार यह गुह्य, संहितात्मक पुराण कहा गया। यदि परम पद की इच्छा हो तो हृषीकेश की पूजा करो।

श्लोक 124 (padma.6.255.124)

सूत उवाच- एवमुक्तो वसिष्ठेन गुरुणा नृपसत्तमः । प्रणम्य च गुरुं राजा पूजयित्वा यथार्हतः ।

sūta uvāca evamukto vasiṣṭhena guruṇā nṛpasattamaḥ praṇamya ca guruṁ rājā pūjayitvā yathārhataḥ

सूत जी ने कहा — गुरु वसिष्ठ द्वारा इस प्रकार कहे जाने पर वह श्रेष्ठ राजा, गुरु को प्रणाम करके, यथोचित पूजा करके —

श्लोक 125 (padma.6.255.125)

तस्मात्संप्राप्तमंत्रोऽसौ विधिना द्विजसत्तमात् । अर्चयित्वा हृषीकेशं यावज्जीवमतंद्रितः । काले हरिपदं प्राप योगिगम्यं सनातनम् ।

tasmātsaṁprāptamaṁtro'sau vidhinā dvijasattamāt arcayitvā hṛṣīkeśaṁ yāvajjīvamataṁdritaḥ kāle haripadaṁ prāpa yogigamyaṁ sanātanam

उस श्रेष्ठ द्विज गुरु से विधिपूर्वक मंत्र प्राप्त करके, जीवनभर बिना आलस्य के हृषीकेश की पूजा करके, समय आने पर वह राजा योगिगम्य, सनातन हरि-पद को प्राप्त हुआ।