रामचंद्राष्टोत्तरशतनाम-कथन

श्लोक 1 (padma.6.254.1)

वसिष्ठ उवाच- एवमुक्ता तु सा देवि पतिना शूलपाणिना । प्रणिपत्य महात्मानमुवाच प्रांजलिस्तदा ।

vasiṣṭha uvāca evamuktā tu sā devi patinā śūlapāṇinā praṇipatya mahātmānamuvāca prāṁjalistadā

वसिष्ठ जी ने कहा — शूलपाणि पति द्वारा इस प्रकार कहे जाने पर, उस देवी ने उस महात्मा को प्रणाम करके हाथ जोड़कर कहा।

श्लोक 2 (padma.6.254.2)

पार्वत्युवाच- साधूक्तं हि त्वया नाथ वैष्णवं धर्ममुत्तमम् । गुह्याद्गुह्यतमं विष्णोः स्वरूपं परमात्मनः ।

pārvatyuvāca sādhūktaṁ hi tvayā nātha vaiṣṇavaṁ dharmamuttamam guhyādguhyatamaṁ viṣṇoḥ svarūpaṁ paramātmanaḥ

पार्वती जी ने कहा — हे नाथ, आपने वैष्णव धर्म को उत्तम रूप से कहा है — गुह्य से भी गुह्यतम, विष्णु परमात्मा का यह स्वरूप।

श्लोक 3 (padma.6.254.3)

धन्यास्मि कृतकृत्यास्मि सर्वदेवनमस्कृत । तव प्रसादाद्देवेशमर्चयामि सनातनम् ।

dhanyāsmi kṛtakṛtyāsmi sarvadevanamaskṛta tava prasādāddeveśamarcayāmi sanātanam

हे सर्वदेव-नमस्कृत, मैं धन्य हूँ, कृतकृत्य हूँ। आपकी कृपा से मैं उन सनातन देवेश की पूजा करूँगी।

श्लोक 4 (padma.6.254.4)

वसिष्ठउवाच- ततस्तद्वचनं श्रुत्वा स भवस्त्रिपुरांतकः । समाश्लिष्यावदद्देवीं प्रहृष्टेनांतरात्मनाः ।

vasiṣṭhauvāca tatastadvacanaṁ śrutvā sa bhavastripurāṁtakaḥ samāśliṣyāvadaddevīṁ prahṛṣṭenāṁtarātmanāḥ

वसिष्ठ जी ने कहा — तब यह वचन सुनकर त्रिपुरांतक शिव ने देवी को आलिंगन करके, प्रसन्न अंतःकरण से कहा।

श्लोक 5 (padma.6.254.5)

रुद्र उवाच- साधुसाधु महादेवि साधुसाधु वरानने । अर्चयस्व हृषीकेशं लक्ष्मीभर्त्तारमच्युतम् ।

rudra uvāca sādhusādhu mahādevi sādhusādhu varānane arcayasva hṛṣīkeśaṁ lakṣmībharttāramacyutam

रुद्र जी ने कहा — साधु-साधु, हे महादेवी! साधु-साधु, हे वरानने! हृषीकेश, लक्ष्मी के अच्युत पति की पूजा करो।

श्लोक 6 (padma.6.254.6)

कृतकृत्योऽस्म्यहं भद्रे वैष्णव्या भार्यया त्वया । गुरुणा तव चार्वंगि वामदेवेन धीमता ।

kṛtakṛtyo'smyahaṁ bhadre vaiṣṇavyā bhāryayā tvayā guruṇā tava cārvaṁgi vāmadevena dhīmatā

हे भद्रे, तुम वैष्णवी पत्नी के रूप में और हे सुंदरांगी, तुम्हारे बुद्धिमान गुरु वामदेव के द्वारा मैं कृतकृत्य हूँ।

श्लोक 7 (padma.6.254.7)

अनुज्ञातार्चयस्वेशं पुराणं पुरुषोत्तमम् । गुरूपदेशमार्गेण पूजयित्वैव केशवम् । प्राप्नोति वाछितं सर्वं नान्यथा भूधरात्मजे ।

anujñātārcayasveśaṁ purāṇaṁ puruṣottamam gurūpadeśamārgeṇa pūjayitvaiva keśavam prāpnoti vāchitaṁ sarvaṁ nānyathā bhūdharātmaje

आज्ञा पाकर पुराण पुरुषोत्तम प्रभु की पूजा करो। गुरु के उपदेश-मार्ग से ही केशव की पूजा करके सब वांछित प्राप्त होता है, अन्यथा नहीं, हे पर्वत-पुत्री।

श्लोक 8 (padma.6.254.8)

वसिष्ठ उवाच- एवमुक्ता तदा देवि वामदेवांतिकं नृप । जगाम सहसा हृष्टा विष्णुपूजनलालसा ।

vasiṣṭha uvāca evamuktā tadā devi vāmadevāṁtikaṁ nṛpa jagāma sahasā hṛṣṭā viṣṇupūjanalālasā

वसिष्ठ जी ने कहा — हे राजन्, ऐसा कहे जाने पर वह देवी सहसा प्रसन्न होकर विष्णु-पूजा की लालसा से वामदेव के पास गईं।

श्लोक 9 (padma.6.254.9)

समेत्य तं गुरुं देवि पूजयित्वा प्रणम्य च । विनीता प्रांजलिर्भूत्वा उवाच मुनिसत्तमम् ।

sametya taṁ guruṁ devi pūjayitvā praṇamya ca vinītā prāṁjalirbhūtvā uvāca munisattamam

उस गुरु से मिलकर, उनकी पूजा और प्रणाम करके, विनम्रतापूर्वक हाथ जोड़कर उन्होंने उस श्रेष्ठ मुनि से कहा।

श्लोक 10 (padma.6.254.10)

पार्वत्युवाच- भगवंस्त्वत्प्रसादेन सम्यगाराधनं हरेः । करिष्यामि द्विजश्रेष्ठ त्वमनुज्ञातुमर्हसि ।

pārvatyuvāca bhagavaṁstvatprasādena samyagārādhanaṁ hareḥ kariṣyāmi dvijaśreṣṭha tvamanujñātumarhasi

पार्वती जी ने कहा — हे भगवन्, आपकी कृपा से मैं हरि की भलीभाँति आराधना करूँगी। हे द्विजश्रेष्ठ, आप मुझे आज्ञा दीजिए।

श्लोक 11 (padma.6.254.11)

वसिष्ठ उवाच- इत्युक्तस्तु तया देव्या वामदेवो महामुनिः । तस्यै मंत्रवरं श्रेष्ठं ददौ स विधिना गुरुः ।

vasiṣṭha uvāca ityuktastu tayā devyā vāmadevo mahāmuniḥ tasyai maṁtravaraṁ śreṣṭhaṁ dadau sa vidhinā guruḥ

वसिष्ठ जी ने कहा — उस देवी द्वारा ऐसा कहे जाने पर महामुनि वामदेव, वे गुरु, विधिपूर्वक उन्हें श्रेष्ठ मंत्र प्रदान करने लगे।

श्लोक 12 (padma.6.254.12)

नाम्नां सहस्रं विष्णोश्च प्रोक्तवान्मुनिसत्तमः । निवेदयित्वा पूजाया विधानमपि देशिकः । उवाच परमप्रीत्या पार्वतीं संशितव्रताम् ।

nāmnāṁ sahasraṁ viṣṇośca proktavānmunisattamaḥ nivedayitvā pūjāyā vidhānamapi deśikaḥ uvāca paramaprītyā pārvatīṁ saṁśitavratām

उस श्रेष्ठ मुनि ने उन्हें विष्णु के सहस्रनाम भी सुनाए। पूजा-विधान भी बताकर, उन आचार्य ने परम प्रेम से कठोर व्रतधारिणी पार्वती से कहा।

श्लोक 13 (padma.6.254.13)

वामदेव उवाच- अर्चयित्वा हृषीकेशं प्रातर्नित्यं वरानने । सहस्रनामपठनं कुरुष्व तदनंतरम् ।

vāmadeva uvāca arcayitvā hṛṣīkeśaṁ prātarnityaṁ varānane sahasranāmapaṭhanaṁ kuruṣva tadanaṁtaram

वामदेव जी ने कहा — हे वरानने, प्रतिदिन प्रातः हृषीकेश की पूजा करके उसके बाद सहस्रनाम-पाठ करना।

श्लोक 14 (padma.6.254.14)

वसिष्ठ उवाच- द्वत्युक्ता तेन गुरुणा प्रहृष्टेनांतरात्मना । पूजयित्वा नमस्कृत्य पुनरायात्स्वमालयम् ।

vasiṣṭha uvāca dvatyuktā tena guruṇā prahṛṣṭenāṁtarātmanā pūjayitvā namaskṛtya punarāyātsvamālayam

वसिष्ठ जी ने कहा — उस गुरु द्वारा ऐसा कहे जाने पर, प्रसन्न अंतःकरण से, पूजा और प्रणाम करके वे पुनः अपने धाम लौट आईं।

श्लोक 15 (padma.6.254.15)

शिक्षिता गुरुणा तेन वामदेवेन पार्वती । ततः कतिपयाहस्तु द्वादश्यां वृषभध्वजः ।

śikṣitā guruṇā tena vāmadevena pārvatī tataḥ katipayāhastu dvādaśyāṁ vṛṣabhadhvajaḥ

उस गुरु वामदेव द्वारा शिक्षित पार्वती जी ने [अभ्यास आरंभ किया]। तब कुछ दिनों बाद द्वादशी को वृषभध्वज शिव ने —

श्लोक 16 (padma.6.254.16)

कैलासशिखरे रम्ये विष्णुमाराध्य शंकरः । उपविष्टस्ततो भोक्तुं पार्वतीं शंकरोऽब्रवीत् ।

kailāsaśikhare ramye viṣṇumārādhya śaṁkaraḥ upaviṣṭastato bhoktuṁ pārvatīṁ śaṁkaro'bravīt

कैलास के रमणीय शिखर पर विष्णु की आराधना करके, भोजन के लिए बैठकर पार्वती से कहा।

श्लोक 17 (padma.6.254.17)

शंकर उवाच- पार्वत्ये हिमया सार्द्धं भोक्तुं भुवनवंदिते । वसिष्ठ उवाच- तमाह पार्वती देवी जप्त्वा नामसहस्रकम् ।

śaṁkara uvāca pārvatye himayā sārddhaṁ bhoktuṁ bhuvanavaṁdite vasiṣṭha uvāca tamāha pārvatī devī japtvā nāmasahasrakam

शंकर जी ने कहा — हे पार्वती, हे हिमालय-पुत्री, हे भुवन-वंदिते, मेरे साथ भोजन करो। वसिष्ठ जी ने कहा — देवी पार्वती ने उनसे कहा — 'सहस्रनाम का जप करके —

श्लोक 18 (padma.6.254.18)

ततो भोक्ष्याम्यहं देव भुज्यतां भवता प्रभो । ततस्तां पार्वतीं प्राह प्रहसन्परमेश्वरः ।

tato bhokṣyāmyahaṁ deva bhujyatāṁ bhavatā prabho tatastāṁ pārvatīṁ prāha prahasanparameśvaraḥ

तब मैं भोजन करूँगी, हे देव; आप, हे प्रभु, भोजन कीजिए।' तब हँसते हुए परमेश्वर ने पार्वती से कहा।

श्लोक 19 (padma.6.254.19)

शंकर उवाच- धन्यासि कृतकृत्यासि विष्णुभक्तासि पार्वति । दुर्लभा वैष्णवी भक्तिर्भागधेयं विनेश्वरि ।

śaṁkara uvāca dhanyāsi kṛtakṛtyāsi viṣṇubhaktāsi pārvati durlabhā vaiṣṇavī bhaktirbhāgadheyaṁ vineśvari

शंकर जी ने कहा — हे पार्वती, तुम धन्य हो, कृतकृत्य हो, विष्णु-भक्त हो। हे ईश्वरी, बिना सौभाग्य के वैष्णवी भक्ति दुर्लभ है।

श्लोक 20 (padma.6.254.20)

रामरामेति रामेति रमे रामे मनोरमे । सहस्रनामतत्तुल्यं रामनाम वरानने ।

rāmarāmeti rāmeti rame rāme manorame sahasranāmatattulyaṁ rāmanāma varānane

'राम-राम' कहते हुए, 'राम' कहते हुए — मन को हरने वाले राम में ही मैं रमता हूँ। हे वरानने, राम-नाम सहस्रनाम के समान ही है।

श्लोक 21 (padma.6.254.21)

रकारादीनि नामानि शृण्वतो मम पार्वति । मनः प्रसन्नतां याति रामनामाभिशंकया ।

rakārādīni nāmāni śṛṇvato mama pārvati manaḥ prasannatāṁ yāti rāmanāmābhiśaṁkayā

हे पार्वती, 'र' अक्षर से आरंभ इन नामों को सुनते हुए मेरा मन राम-नाम की आशंका मात्र से प्रसन्नता को प्राप्त होता है।

श्लोक 22 (padma.6.254.22)

रामेत्युक्त्वा महादेवि भुंक्ष्व सार्धं मयाधुना । वसिष्ठ उवाच- ततो रामेति नामोक्त्वा सह भुंक्त्वाऽथ पार्वती ।

rāmetyuktvā mahādevi bhuṁkṣva sārdhaṁ mayādhunā vasiṣṭha uvāca tato rāmeti nāmoktvā saha bhuṁktvā'tha pārvatī

हे महादेवी, 'राम' कहकर अब मेरे साथ भोजन करो। वसिष्ठ जी ने कहा — तब 'राम' नाम कहकर पार्वती जी ने उनके साथ भोजन किया।

श्लोक 23 (padma.6.254.23)

रामेत्युक्ता महादेवी शंभुना सह संस्थिता । पप्रच्छ शंकरं देवं प्रीतिप्रणवमानसा ।

rāmetyuktā mahādevī śaṁbhunā saha saṁsthitā papraccha śaṁkaraṁ devaṁ prītipraṇavamānasā

'राम' कहे जाने पर वह महादेवी शंभु के साथ बैठी हुई, प्रेम से नत मन से शंकर देव से पूछने लगीं।

श्लोक 24 (padma.6.254.24)

पार्वत्युवाच- सहस्रनामभिस्तुल्यं रामनाम त्वयोदितम् । तस्यापराणि नामानि संति चेद्रावणद्विषः । कथ्यतां मम देवेश तत्र मे भक्तिरुत्थिता ।

pārvatyuvāca sahasranāmabhistulyaṁ rāmanāma tvayoditam tasyāparāṇi nāmāni saṁti cedrāvaṇadviṣaḥ kathyatāṁ mama deveśa tatra me bhaktirutthitā

पार्वती जी ने कहा — आपने राम-नाम को सहस्रनाम के समान बताया है। यदि उस रावण-शत्रु के अन्य नाम भी हों, हे देवेश, वे मुझे बताइए — उनमें मेरी भक्ति जाग उठी है।

श्लोक 25 (padma.6.254.25)

श्रीमहादेव उवाच- शृणु नामानि वक्ष्यामि रामचंद्रस्य पार्वति । लौकिका वैदिकाः शब्दाः ये केचित्संति पार्वति ।

śrīmahādeva uvāca śṛṇu nāmāni vakṣyāmi rāmacaṁdrasya pārvati laukikā vaidikāḥ śabdāḥ ye kecitsaṁti pārvati

श्री महादेव जी ने कहा — हे पार्वती, सुनो, मैं रामचंद्र के नाम कहता हूँ। हे पार्वती, जो भी लौकिक या वैदिक शब्द हैं —

श्लोक 26 (padma.6.254.26)

नामानि रामचंद्रस्य सहस्रं तेषु चाधिकम् । तेषु चात्यंतमुख्यं हि नाम्नामष्टोत्तरं शतम् ।

nāmāni rāmacaṁdrasya sahasraṁ teṣu cādhikam teṣu cātyaṁtamukhyaṁ hi nāmnāmaṣṭottaraṁ śatam

उनमें रामचंद्र के नाम एक हज़ार से भी अधिक हैं। उनमें भी सबसे मुख्य एक सौ आठ नाम हैं।

श्लोक 27 (padma.6.254.27)

विष्णोरेकैकनामैव सर्ववेदाधिकं मतम् । तादृङ्नामसहस्राणि रामनामसमानि च ।

viṣṇorekaikanāmaiva sarvavedādhikaṁ matam tādṛṅnāmasahasrāṇi rāmanāmasamāni ca

विष्णु का एक-एक नाम ही सब वेदों से बढ़कर माना गया है; ऐसे हज़ार नाम राम-नाम के समान हैं।

श्लोक 28 (padma.6.254.28)

यत्फलं सर्ववेदानां मंत्राणां जपतः प्रिये । तत्फलं कोटिगुणितं रामनाम्नैव लभ्यते ।

yatphalaṁ sarvavedānāṁ maṁtrāṇāṁ japataḥ priye tatphalaṁ koṭiguṇitaṁ rāmanāmnaiva labhyate

हे प्रिये, सब वेदों के मंत्रों का जप करने से जो फल मिलता है, वह फल करोड़ों गुना होकर केवल राम-नाम से ही प्राप्त हो जाता है।

श्लोक 29 (padma.6.254.29)

नामानि शृणु रामस्य मुख्यानि शुभदर्शने । ऋषिभिः परिगीतानि तानि वक्ष्यामि ते प्रिये ।

nāmāni śṛṇu rāmasya mukhyāni śubhadarśane ṛṣibhiḥ parigītāni tāni vakṣyāmi te priye

हे शुभदर्शने, राम के मुख्य नाम सुनो, जो ऋषियों द्वारा गाए गए हैं — वे मैं तुम्हें बताता हूँ, हे प्रिये।

श्लोक 30 (padma.6.254.30)

ॐ श्रीरामो रामचंद्रश्च रामभद्रश्च शाश्वतः । राजीवलोचनः श्रीमान्राजेंद्रो रघुपुंगवः ।

oṁ śrīrāmo rāmacaṁdraśca rāmabhadraśca śāśvataḥ rājīvalocanaḥ śrīmānrājeṁdro raghupuṁgavaḥ

ॐ। श्रीराम, रामचंद्र, रामभद्र, शाश्वत, कमलनयन, श्रीमान, राजेंद्र, रघुश्रेष्ठ,

श्लोक 31 (padma.6.254.31)

जानकीवल्लभो जैत्रो जितामित्रो जनार्दनः । विश्वामित्रप्रियो दांतः शरण्य त्राणतत्परः ।

jānakīvallabho jaitro jitāmitro janārdanaḥ viśvāmitrapriyo dāṁtaḥ śaraṇya trāṇatatparaḥ

जानकीवल्लभ, जैत्र, जितामित्र, जनार्दन, विश्वामित्र-प्रिय, दांत, शरण्य, त्राणतत्पर,

श्लोक 32 (padma.6.254.32)

वालिप्रमथनो वाग्मी सत्यवाक्सत्यविक्रमः । सत्यव्रतो व्रतफलः सदा हनुमदाश्रयः ।

vālipramathano vāgmī satyavāksatyavikramaḥ satyavrato vrataphalaḥ sadā hanumadāśrayaḥ

वालि का नाश करने वाले, वाग्मी, सत्यवचन और सत्यपराक्रम वाले, सत्यव्रत, व्रत के फल-स्वरूप, सदा हनुमान के आश्रयदाता,

श्लोक 33 (padma.6.254.33)

कौशलेयः खरध्वंसी विराधवधपंडितः । विभीषणपरित्राता दशग्रीवशिरोहरः ।

kauśaleyaḥ kharadhvaṁsī virādhavadhapaṁḍitaḥ vibhīṣaṇaparitrātā daśagrīvaśiroharaḥ

कौशल्या-पुत्र, खर का नाशक, विराध-वध में निपुण, विभीषण के रक्षक, दशग्रीव के सिर हरने वाले,

श्लोक 34 (padma.6.254.34)

सप्ततालप्रभेत्ता च हरकोदंड खंडनः । जामदग्नि महादर्प्पदलनस्ताडकांतकृत् ।

saptatālaprabhettā ca harakodaṁḍa khaṁḍanaḥ jāmadagni mahādarppadalanastāḍakāṁtakṛt

सात ताड़-वृक्षों को भेदने वाले, शिव के धनुष को तोड़ने वाले, जमदग्नि-पुत्र के महागर्व का दलन करने वाले, ताड़का का अंत करने वाले,

श्लोक 35 (padma.6.254.35)

वेदांतपारो वेदात्मा भवबंधैकभेषजम् । दूषणत्रिशिरोरिश्च त्रिमूर्त्तिस्त्रिगुणस्त्रयी ।

vedāṁtapāro vedātmā bhavabaṁdhaikabheṣajam dūṣaṇatriśiroriśca trimūrttistriguṇastrayī

वेदांत के पारगामी, वेदस्वरूप, संसार-बंधन की एकमात्र औषधि, दूषण-त्रिशिरा के शत्रु, त्रिमूर्ति, त्रिगुण, त्रयी-स्वरूप,

श्लोक 36 (padma.6.254.36)

त्रिविक्रमस्त्रिलोकात्मा पुण्यचारित्रकीर्त्तनः । त्रिलोकरक्षको धन्वी दंडकारण्यवासकृत् ।

trivikramastrilokātmā puṇyacāritrakīrttanaḥ trilokarakṣako dhanvī daṁḍakāraṇyavāsakṛt

त्रिविक्रम, त्रिलोक-स्वरूप, पुण्य-चरित्र से कीर्तित, त्रिलोक के रक्षक, धनुर्धारी, दंडकारण्य में निवास करने वाले,

श्लोक 37 (padma.6.254.37)

अहल्यापावनश्चैव पितृभक्तो वरप्रदः । जितेंद्रियो जितक्रोधो जितलोभो जगद्गुरुः ।

ahalyāpāvanaścaiva pitṛbhakto varapradaḥ jiteṁdriyo jitakrodho jitalobho jagadguruḥ

अहल्या के पावन करने वाले, पितृभक्त, वरदाता, जितेंद्रिय, जितक्रोध, जितलोभ, जगद्गुरु,

श्लोक 38 (padma.6.254.38)

ऋक्षवानरसंघाती चित्रकूटसमाश्रयः । जयंतत्राणवरदः सुमित्रापुत्रसेवितः ।

ṛkṣavānarasaṁghātī citrakūṭasamāśrayaḥ jayaṁtatrāṇavaradaḥ sumitrāputrasevitaḥ

ऋक्ष-वानरों के साथी, चित्रकूट में आश्रय लेने वाले, जयंत के रक्षक और वरदाता, सुमित्रा-पुत्र (लक्ष्मण) द्वारा सेवित,

श्लोक 39 (padma.6.254.39)

सर्वदेवाधिदेवश्च मृतवानरजीवनः । मायामारीचहंता च महाभागो महाभुजः ।

sarvadevādhidevaśca mṛtavānarajīvanaḥ māyāmārīcahaṁtā ca mahābhāgo mahābhujaḥ

सब देवताओं के अधिदेव, मृत वानरों को जीवित करने वाले, माया-मारीच के संहारक, महाभाग्यशाली, महाबाहु,

श्लोक 40 (padma.6.254.40)

सर्वदेवस्तुतः सौम्यो ब्रह्मण्यो मुनिसत्तमः । महायोगी महोदारः सुग्रीवस्थिरराज्यदः ।

sarvadevastutaḥ saumyo brahmaṇyo munisattamaḥ mahāyogī mahodāraḥ sugrīvasthirarājyadaḥ

सब देवताओं द्वारा स्तुत, सौम्य, ब्राह्मणों के हितैषी, मुनिश्रेष्ठ, महायोगी, महोदार, सुग्रीव को स्थिर राज्य देने वाले,

श्लोक 41 (padma.6.254.41)

सर्वपुण्याधिकफलः स्मृतः सर्वाघनाशनः । आदिपुरुषो महापुरुषः परमः पुरुषस्तथा ।

sarvapuṇyādhikaphalaḥ smṛtaḥ sarvāghanāśanaḥ ādipuruṣo mahāpuruṣaḥ paramaḥ puruṣastathā

सब पुण्यों से अधिक फल देने वाले, सब पापों का नाश करने वाले माने गए, आदिपुरुष, महापुरुष, तथा परम पुरुष,

श्लोक 42 (padma.6.254.42)

पुण्योदयो महासारः पुराणपुरुषोत्तमः । स्मितवक्त्रो मितभाषी पूर्वभाषी च राघवः ।

puṇyodayo mahāsāraḥ purāṇapuruṣottamaḥ smitavaktro mitabhāṣī pūrvabhāṣī ca rāghavaḥ

पुण्य के उदय-स्वरूप, महासार, पुराण पुरुषोत्तम, मुस्कराते मुख वाले, मित भाषण करने वाले, पहले बोलने वाले राघव,

श्लोक 43 (padma.6.254.43)

अनंतगुणगंभीरो धीरो दांतगुणोत्तरः । मायामानुषचारित्रो महादेवाधिपूजितः ।

anaṁtaguṇagaṁbhīro dhīro dāṁtaguṇottaraḥ māyāmānuṣacāritro mahādevādhipūjitaḥ

अनंत गुणों से गंभीर, धीर, संयम-गुणों में श्रेष्ठ, मायामय मानव-चरित्र वाले, महादेव द्वारा पूजित,

श्लोक 44 (padma.6.254.44)

सेतुकृज्जितवारीशः सर्वतीर्थमयो हरिः । श्यामांगः सुंदरः शूरः पीतवासा धनुर्द्धरः ।

setukṛjjitavārīśaḥ sarvatīrthamayo hariḥ śyāmāṁgaḥ suṁdaraḥ śūraḥ pītavāsā dhanurddharaḥ

सेतु बनाने वाले, समुद्र के स्वामी को जीतने वाले, सब तीर्थों के स्वरूप हरि, श्यामवर्ण, सुंदर, शूर, पीतांबरधारी, धनुर्धारी,

श्लोक 45 (padma.6.254.45)

सर्वयज्ञाधिपो यज्ञो जरामरणवर्जितः । शिवलिंगप्रतिष्ठाता सर्वाद्यगुणवर्जितः ।

sarvayajñādhipo yajño jarāmaraṇavarjitaḥ śivaliṁgapratiṣṭhātā sarvādyaguṇavarjitaḥ

सब यज्ञों के अधिपति, यज्ञ-स्वरूप, जरा-मरण से रहित, शिव-लिंग की प्रतिष्ठा करने वाले, सब आदि गुणों से रहित,

श्लोक 46 (padma.6.254.46)

परमात्मा परब्रह्म सच्चिदानंदविग्रहः । परंज्योतिः परंधाम पराकाशः परात्परः ।

paramātmā parabrahma saccidānaṁdavigrahaḥ paraṁjyotiḥ paraṁdhāma parākāśaḥ parātparaḥ

परमात्मा, परब्रह्म, सच्चिदानंद-स्वरूप, परम ज्योति, परम धाम, परम आकाश, परात्पर,

श्लोक 47 (padma.6.254.47)

परेशः पारगः पारः सर्वभूतात्मकः शिवः । इति श्रीरामचन्द्रस्य नाम्नामष्टोत्तरं शतम् ।

pareśaḥ pāragaḥ pāraḥ sarvabhūtātmakaḥ śivaḥ iti śrīrāmacandrasya nāmnāmaṣṭottaraṁ śatam

परेश, पारगामी, स्वयं पार, सर्वभूतात्मक, शिव — इस प्रकार श्रीरामचंद्र के एक सौ आठ नाम हैं।

श्लोक 48 (padma.6.254.48)

गुह्याद्गुह्यतरं देवि तव स्नेहात्प्रकीर्तितम् । यः पठेच्छृणुयाद्वापि भक्तियुक्तेन चेतसा ।

guhyādguhyataraṁ devi tava snehātprakīrtitam yaḥ paṭhecchṛṇuyādvāpi bhaktiyuktena cetasā

हे देवी, गुह्य से भी गुह्यतर यह तुम्हारे प्रेम के कारण ही कहा गया है। जो भक्तिपूर्ण मन से इसे पढ़ता या सुनता है,

श्लोक 49 (padma.6.254.49)

सर्वैः प्रमुच्यते पापैः कल्पकोटिशतोद्भवैः । जलानि स्थलतां यांति शत्रवो यांति मित्रताम् ।

sarvaiḥ pramucyate pāpaiḥ kalpakoṭiśatodbhavaiḥ jalāni sthalatāṁ yāṁti śatravo yāṁti mitratām

वह सैकड़ों करोड़ कल्पों में अर्जित सब पापों से मुक्त हो जाता है। जल स्थल बन जाते हैं, शत्रु मित्र बन जाते हैं,

श्लोक 50 (padma.6.254.50)

राजानो दासतां यांति वह्नयो यांति सौम्यताम् । आनुकूल्यं च भूतानि स्थैर्यं यांति चलाः श्रियः । अनुग्रहं ग्रहा यांति शांतिमायांत्युपद्रवाः । पठतो भक्तिभावेन नरस्य गिरिसंभवे ।

rājāno dāsatāṁ yāṁti vahnayo yāṁti saumyatām ānukūlyaṁ ca bhūtāni sthairyaṁ yāṁti calāḥ śriyaḥ anugrahaṁ grahā yāṁti śāṁtimāyāṁtyupadravāḥ paṭhato bhaktibhāvena narasya girisaṁbhave

राजा दास बन जाते हैं, अग्नि सौम्य बन जाती है, प्राणी अनुकूल हो जाते हैं, चंचल लक्ष्मी स्थिर हो जाती है, ग्रह अनुग्रहकारी हो जाते हैं, उपद्रव शांत हो जाते हैं — हे पर्वत-पुत्री, भक्तिभाव से पाठ करने वाले मनुष्य के लिए।

श्लोक 51 (padma.6.254.51)

पठेत्परमया भक्त्या तस्य वश्यं जगत्त्रयम् । यंयं कामं प्रकुरुते तंतमाप्नोति कीर्त्तनात् ।

paṭhetparamayā bhaktyā tasya vaśyaṁ jagattrayam yaṁyaṁ kāmaṁ prakurute taṁtamāpnoti kīrttanāt

परम भक्ति से पाठ करने वाले के लिए तीनों लोक वश में हो जाते हैं। वह जो-जो कामना करता है, इस कीर्तन से वह-वह प्राप्त कर लेता है।

श्लोक 52 (padma.6.254.52)

कल्पकोटिसहस्राणि कल्पकोटिशतानि च । वैकुंठे मोदते नित्यं दशपूर्वैर्दशापरैः ।

kalpakoṭisahasrāṇi kalpakoṭiśatāni ca vaikuṁṭhe modate nityaṁ daśapūrvairdaśāparaiḥ

हज़ारों करोड़ और सैकड़ों करोड़ कल्पों तक वह दस पूर्व और दस बाद की पीढ़ियों सहित वैकुंठ में नित्य आनंदित रहता है।

श्लोक 53 (padma.6.254.53)

रामं दूर्वादलश्यामं पद्माक्षं पीतवाससम् । स्तुवंति नामभिर्द्दिव्यैर्न ते संसारिणो जनाः ।

rāmaṁ dūrvādalaśyāmaṁ padmākṣaṁ pītavāsasam stuvaṁti nāmabhirddivyairna te saṁsāriṇo janāḥ

जो लोग दूर्वादल-श्याम, कमलनयन, पीतांबरधारी राम की इन दिव्य नामों से स्तुति करते हैं, वे संसारी नहीं रह जाते।

श्लोक 54 (padma.6.254.54)

रामाय रामभद्राय रामचंद्राय वेधसे । रघुनाथाय नाथाय सीतायाः पतये नमः ।

rāmāya rāmabhadrāya rāmacaṁdrāya vedhase raghunāthāya nāthāya sītāyāḥ pataye namaḥ

'रामाय रामभद्राय रामचंद्राय वेधसे। रघुनाथाय नाथाय सीतायाः पतये नमः॥'

श्लोक 55 (padma.6.254.55)

इमं मंत्रं महादेवि जपन्नेव दिवानिशम् । सर्वपापविनिर्मुक्तो विष्णुसायुज्यमाप्नुयात् ।

imaṁ maṁtraṁ mahādevi japanneva divāniśam sarvapāpavinirmukto viṣṇusāyujyamāpnuyāt

हे महादेवी, इस मंत्र का दिन-रात जप करते हुए मनुष्य सब पापों से मुक्त होकर विष्णु का सायुज्य प्राप्त करता है।

श्लोक 56 (padma.6.254.56)

इति ते रामचंद्रस्य माहात्म्यं वेदसंमितम् । कथितं वै मया सुभ्रूस्तव प्रीत्या शुभाह्वयम् ।

iti te rāmacaṁdrasya māhātmyaṁ vedasaṁmitam kathitaṁ vai mayā subhrūstava prītyā śubhāhvayam

हे सुभ्रू, हे शुभनामिनी, रामचंद्र का यह वेद-तुल्य माहात्म्य मैंने तुम्हारे प्रेमवश तुमसे कह दिया।

श्लोक 57 (padma.6.254.57)

वसिष्ठ उवाच- तच्छ्रत्वा शंकरेणोक्तं माहात्म्यं परमात्मनः । प्रहर्षमतुलं लेभे आनंदाश्रुजलाप्लुता ।

vasiṣṭha uvāca tacchratvā śaṁkareṇoktaṁ māhātmyaṁ paramātmanaḥ praharṣamatulaṁ lebhe ānaṁdāśrujalāplutā

वसिष्ठ जी ने कहा — शंकर द्वारा कहे गए परमात्मा के इस माहात्म्य को सुनकर वे आनंदाश्रुओं में डूबकर अतुल हर्ष को प्राप्त हुईं।

श्लोक 58 (padma.6.254.58)

प्रणम्य प्राह देवेशं भर्तारं वृषभध्वजम् । पार्वत्युवाच- अहो माहात्म्यमतुलं रामस्य परमात्मनः । श्रोत्रतृप्तिर्हि मे न स्यात्कल्पायुतशतैरपि ।

praṇamya prāha deveśaṁ bhartāraṁ vṛṣabhadhvajam pārvatyuvāca aho māhātmyamatulaṁ rāmasya paramātmanaḥ śrotratṛptirhi me na syātkalpāyutaśatairapi

प्रणाम करके उन्होंने अपने पति वृषभध्वज देवेश से कहा। पार्वती जी ने कहा — हे अद्भुत! राम परमात्मा का यह माहात्म्य अतुल है। सैकड़ों-हज़ारों कल्पों में भी मेरे कान तृप्त नहीं होंगे।

श्लोक 59 (padma.6.254.59)

धन्याहं कृतकृत्यास्मि सर्वमुक्तं त्वयानघ । त्वत्प्रसादाद्धरेर्भक्तिर्जन्मजन्मनि चास्तु मे ।

dhanyāhaṁ kṛtakṛtyāsmi sarvamuktaṁ tvayānagha tvatprasādāddharerbhaktirjanmajanmani cāstu me

हे निष्पाप, मैं धन्य हूँ, कृतकृत्य हूँ, आपने मुझे सब कुछ बता दिया। आपकी कृपा से जन्म-जन्म में हरि के प्रति मेरी भक्ति बनी रहे।

श्लोक 60 (padma.6.254.60)

वसिष्ठ उवाच- एवमुक्त्वा स्वभर्तारं गौरी भागवतोत्तमा । रामाय रामभद्राय रामचंद्राय वेधसे । रघुनाथाय नाथाय सीतायाः पतये नमः ।

vasiṣṭha uvāca evamuktvā svabhartāraṁ gaurī bhāgavatottamā rāmāya rāmabhadrāya rāmacaṁdrāya vedhase raghunāthāya nāthāya sītāyāḥ pataye namaḥ

वसिष्ठ जी ने कहा — अपने पति से यह कहकर श्रेष्ठ भागवत गौरी [जप करने लगीं] — 'रामाय रामभद्राय रामचंद्राय वेधसे। रघुनाथाय नाथाय सीतायाः पतये नमः॥'

श्लोक 61 (padma.6.254.61)

इममेव जपन्मंत्रं सर्वावस्थासु पार्वती । उवास च सुखेनैव कैलासे पतिना सह ।

imameva japanmaṁtraṁ sarvāvasthāsu pārvatī uvāsa ca sukhenaiva kailāse patinā saha

सब अवस्थाओं में यही मंत्र जपते हुए पार्वती जी कैलास में अपने पति के साथ सुखपूर्वक रहने लगीं।

श्लोक 62 (padma.6.254.62)

एतत्ते सर्वमाख्यातं गुह्याद्गुह्यतमं नृप । रुद्रप्रोक्तानि शास्त्राणि तामसान्येव पार्थिव ।

etatte sarvamākhyātaṁ guhyādguhyatamaṁ nṛpa rudraproktāni śāstrāṇi tāmasānyeva pārthiva

हे राजन्, यह गुह्य से भी गुह्यतम सब कुछ तुम्हें बता दिया गया। हे पार्थिव, रुद्र द्वारा कहे गए [पूर्व के] शास्त्र तामसिक ही थे —

श्लोक 63 (padma.6.254.63)

संमोहनार्थं लोकानां प्रोक्तवान्वृषभध्वजः । रहसि प्रोक्तवान्देव्या इदमेकं हरः प्रभुः ।

saṁmohanārthaṁ lokānāṁ proktavānvṛṣabhadhvajaḥ rahasi proktavāndevyā idamekaṁ haraḥ prabhuḥ

जो वृषभध्वज ने लोगों को मोहित करने के लिए कहे थे। यह एक [शिक्षा], हर प्रभु ने रहस्य में देवी से कही थी।

श्लोक 64 (padma.6.254.64)

यथार्थमर्थं गुह्यं च सारं मंत्रस्य भूपते । देव्या प्रीत्यै महादेवः कथयामास तत्परः ।

yathārthamarthaṁ guhyaṁ ca sāraṁ maṁtrasya bhūpate devyā prītyai mahādevaḥ kathayāmāsa tatparaḥ

हे भूपते, महादेव ने उस मंत्र का यथार्थ अर्थ, रहस्य और सार, देवी की प्रसन्नता के लिए तत्परतापूर्वक बताया।

श्लोक 65 (padma.6.254.65)

उमामहेश्वरं राजन्संवादमिममद्भुतम् । यः पठेच्छृणुयाद्वापि भक्तियुक्तेन चेतसा ।

umāmaheśvaraṁ rājansaṁvādamimamadbhutam yaḥ paṭhecchṛṇuyādvāpi bhaktiyuktena cetasā

हे राजन्, उमा-महेश्वर का यह अद्भुत संवाद जो भक्तिभाव से पढ़ता या सुनता है,

श्लोक 66 (padma.6.254.66)

स सर्ववंद्यः सर्वज्ञो महाभागवतो भवेत् । सर्वधर्मविनिर्मुक्तः प्राप्नोति परमं पदम् ।

sa sarvavaṁdyaḥ sarvajño mahābhāgavato bhavet sarvadharmavinirmuktaḥ prāpnoti paramaṁ padam

वह सर्ववंद्य, सर्वज्ञ, महाभागवत बन जाता है। सब [सांसारिक] धर्मों से मुक्त होकर वह परम पद प्राप्त करता है।

श्लोक 67 (padma.6.254.67)

धन्यः खलु भवान्लोके पार्थिवेंद्र महाबल । त्वदन्वये हरिः श्रीमान्पुराणः पुरुषोत्तमः ।

dhanyaḥ khalu bhavānloke pārthiveṁdra mahābala tvadanvaye hariḥ śrīmānpurāṇaḥ puruṣottamaḥ

हे राजेंद्र, हे महाबल, इस लोक में आप निश्चय ही धन्य हैं। आपके वंश में श्रीमान हरि, वह पुराण पुरुषोत्तम —

श्लोक 68 (padma.6.254.68)

उत्पत्स्यते दाशरथिः सर्वलोकहिताय वै । तस्मादिक्ष्वाकवः पूज्याः सुराणामपि पार्थिव ।

utpatsyate dāśarathiḥ sarvalokahitāya vai tasmādikṣvākavaḥ pūjyāḥ surāṇāmapi pārthiva

सब लोकों के हित के लिए दशरथ-पुत्र के रूप में जन्म लेंगे। इसलिए हे पार्थिव, इक्ष्वाकुगण देवताओं के लिए भी पूज्य हैं,

श्लोक 69 (padma.6.254.69)

येषां जातो हि भगवान्रामो राजीवलोचनः ।

yeṣāṁ jāto hi bhagavānrāmo rājīvalocanaḥ

जिनके वंश में कमलनयन भगवान् राम का जन्म होगा।