उन्मीलनी व्रत

श्लोक 1 (padma.6.35.1)

महादेव उवाच ।अतस्त्वां संप्रवक्ष्यामि उन्मीलनीमनुत्तमाम् । यस्याः श्रवणमात्रेण जन्मसंसारबंधनात्

mahādeva uvāca atastvāṁ saṁpravakṣyāmi unmīlanīmanuttamām yasyāḥ śravaṇamātreṇa janmasaṁsārabaṁdhanāt

महादेव ने कहा — अब मैं तुम्हें अनुपम उन्मीलनी बताऊँगा, जिसके श्रवण मात्र से जन्म-संसार के बंधन से,

श्लोक 2 (padma.6.35.2)

पापात्मा मुच्यते पापैः स्वर्गलोके महीयते । देवताः पितरश्चैव तस्या गतिमवाप्नुयुः

pāpātmā mucyate pāpaiḥ svargaloke mahīyate devatāḥ pitaraścaiva tasyā gatimavāpnuyuḥ

पापी आत्मा भी पापों से मुक्त होकर स्वर्गलोक में सम्मानित होती है; देवता और पितर भी इसकी गति पाते हैं।

श्लोक 3 (padma.6.35.3)

विद्यार्थी लभते विद्यां सर्वकामानवाप्नुयात् । तस्या व्रतान्न संदेहः स्वर्गलोके महीयते

vidyārthī labhate vidyāṁ sarvakāmānavāpnuyāt tasyā vratānna saṁdehaḥ svargaloke mahīyate

विद्यार्थी विद्या पाता है, और सभी कामनाएँ प्राप्त करता है; इसके व्रत से, निःसंदेह, स्वर्गलोक में सम्मान मिलता है।

श्लोक 4 (padma.6.35.4)

स्वस्थानं तत्र वै प्राप्तः शिवलोके महीयते । अतस्त्वं कुरुषे राजन्वैष्णवानां तु पूजनम्

svasthānaṁ tatra vai prāptaḥ śivaloke mahīyate atastvaṁ kuruṣe rājanvaiṣṇavānāṁ tu pūjanam

वहाँ अपना स्थान पाकर शिवलोक में भी सम्मानित होता है। इसलिए, हे राजन्! तुम वैष्णवों की पूजा करते हो,

श्लोक 5 (padma.6.35.5)

वैष्णवानां तु ये राजन्सेवा कुर्वंति नित्यशः । तेषां दंडं च कुरुषे नो वा तेषां नराधिपः

vaiṣṇavānāṁ tu ye rājansevā kurvaṁti nityaśaḥ teṣāṁ daṁḍaṁ ca kuruṣe no vā teṣāṁ narādhipaḥ

हे राजन्! जो वैष्णवों की नित्य सेवा करते हैं, उन्हें तुम दंड देते हो या नहीं, हे नराधिप?

श्लोक 6 (padma.6.35.6)

भोजनानंतरं तेषां भोजनं कुरुते नृप । तैरेव पूजितो विष्णुर्यैर्भक्त्या तु प्रपूजितः

bhojanānaṁtaraṁ teṣāṁ bhojanaṁ kurute nṛpa taireva pūjito viṣṇuryairbhaktyā tu prapūjitaḥ

हे राजन्! उनके भोजन के बाद ही तुम भोजन करते हो; जिन्होंने भक्तिपूर्वक पूजा की, उन्हीं के द्वारा विष्णु पूजित होते हैं।

श्लोक 7 (padma.6.35.7)

शालग्रामशिलाभूतां दत्त्वा मूर्द्धनि प्रत्यहम् । त्वं धारयसि भूपाल कंठे नित्यं सुभक्तितः

śālagrāmaśilābhūtāṁ dattvā mūrddhani pratyaham tvaṁ dhārayasi bhūpāla kaṁṭhe nityaṁ subhaktitaḥ

शालग्राम-शिला को प्रतिदिन सिर पर रखकर, हे भूपाल! तुम उसे नित्य गले में सच्ची भक्ति से धारण करते हो।

श्लोक 8 (padma.6.35.8)

धूपशेषं तु वै विष्णोर्भक्त्या भजसि भूपते । आरार्तिकं सदा कृत्वा भक्तानां वेदयेर्नृप

dhūpaśeṣaṁ tu vai viṣṇorbhaktyā bhajasi bhūpate ārārtikaṁ sadā kṛtvā bhaktānāṁ vedayernṛpa

हे भूपते! तुम भक्तिपूर्वक विष्णु के धूप का शेष भाग ग्रहण करते हो; सदा आरती करके, हे राजन्! भक्तों को देते हो।

श्लोक 9 (padma.6.35.9)

शंखोदकं हरेर्मूर्ध्नि भ्रामयित्वा तु भक्तितः । नित्यं बिभर्षि शिरसि शेषं यच्छसि वैष्णवान्

śaṁkhodakaṁ harermūrdhni bhrāmayitvā tu bhaktitaḥ nityaṁ bibharṣi śirasi śeṣaṁ yacchasi vaiṣṇavān

हरि के सिर पर शंख-जल को भक्तिपूर्वक घुमाकर, तुम उसे नित्य अपने सिर पर धारण करते हो और शेष वैष्णवों को देते हो।

श्लोक 10 (padma.6.35.10)

नैवेद्यं प्रत्यहं कृत्वा सर्वोपस्करसंयुतम् । विष्वक्सेनाय दत्वा वै स्वयं भुनक्षि वाडव

naivedyaṁ pratyahaṁ kṛtvā sarvopaskarasaṁyutam viṣvaksenāya datvā vai svayaṁ bhunakṣi vāḍava

सभी सामग्री सहित प्रतिदिन नैवेद्य बनाकर, विष्वक्सेन को अर्पित करके, हे वाडव! तुम स्वयं उसे भोगते हो।

श्लोक 11 (padma.6.35.11)

विष्णोर्निवेदितं चान्नं वैष्णवैः सह भुज्यते । नित्यं नामसहस्रेण भक्त्या स्तौषि जनार्दनम्

viṣṇorniveditaṁ cānnaṁ vaiṣṇavaiḥ saha bhujyate nityaṁ nāmasahasreṇa bhaktyā stauṣi janārdanam

विष्णु को अर्पित अन्न वैष्णवों के साथ भोगा जाता है; तुम नित्य सहस्र-नाम से भक्तिपूर्वक जनार्दन की स्तुति करते हो।

श्लोक 12 (padma.6.35.12)

दीपार्घदानं वै विष्णोः कुरुषे गीतनर्तनम् । श्यामांकुरैः पूजयसे पूज्यंते नृपसत्तम

dīpārghadānaṁ vai viṣṇoḥ kuruṣe gītanartanam śyāmāṁkuraiḥ pūjayase pūjyaṁte nṛpasattama

तुम विष्णु के लिए दीप-अर्घ्य का दान करते हो, गीत-नृत्य कराते हो; हे राजश्रेष्ठ! तुम श्याम-अंकुरों (तुलसी) से पूजा करते हो, और स्वयं पूजित होते हो।

श्लोक 13 (padma.6.35.13)

श्यामांकुरैः सदा वत्स पूजनं चाति दुर्ल्लभम् । पृथ्वीदानसमं पुण्यं दूर्वया पूजने कृते

śyāmāṁkuraiḥ sadā vatsa pūjanaṁ cāti durllabham pṛthvīdānasamaṁ puṇyaṁ dūrvayā pūjane kṛte

हे वत्स! श्याम-अंकुरों से सदा पूजा करना अत्यंत दुर्लभ है; दूर्वा से की गई पूजा का पुण्य पृथ्वी-दान के समान है।

श्लोक 14 (padma.6.35.14)

अतो वै नास्ति लोकेऽस्मिन्दूर्वायाः सदृशं भुवि । तया वै पूजनं कार्यं विष्णुसायुज्यमिच्छता

ato vai nāsti loke'smindūrvāyāḥ sadṛśaṁ bhuvi tayā vai pūjanaṁ kāryaṁ viṣṇusāyujyamicchatā

इसलिए इस पृथ्वी पर दूर्वा के समान इस लोक में कुछ भी नहीं है; विष्णु-सायुज्य चाहने वाले को उसी से पूजा करनी चाहिए।

श्लोक 15 (padma.6.35.15)

अतस्त्वं कुरुषे नित्यं पूजनं दूर्वया सह । यवाक्षतैर्विशेषेण पूजनं कुरुषेन वा

atastvaṁ kuruṣe nityaṁ pūjanaṁ dūrvayā saha yavākṣatairviśeṣeṇa pūjanaṁ kuruṣena vā

इसलिए तुम नित्य दूर्वा सहित पूजा करते हो; जौ और अक्षत से भी विशेष रूप से पूजा करते हो।

श्लोक 16 (padma.6.35.16)

पक्षेपक्षे नृपश्रेष्ठ विधिवद्द्वादशीव्रतम् । यत्कृतं तु महाराज महापापप्रणाशनम्

pakṣepakṣe nṛpaśreṣṭha vidhivaddvādaśīvratam yatkṛtaṁ tu mahārāja mahāpāpapraṇāśanam

हे राजश्रेष्ठ! हर पक्ष में विधिपूर्वक किया गया द्वादशी-व्रत, हे महाराज! महापाप का नाश करने वाला है,

श्लोक 17 (padma.6.35.17)

मोक्षदं सुखदं चैव तथायुष्यप्रदं सदा । एतद्विष्णुव्रतं प्रोक्तं वैष्णवानां तु मोक्षदम्

mokṣadaṁ sukhadaṁ caiva tathāyuṣyapradaṁ sadā etadviṣṇuvrataṁ proktaṁ vaiṣṇavānāṁ tu mokṣadam

मोक्ष और सुख देने वाला, और सदा आयु प्रदान करने वाला है; यह विष्णु-व्रत वैष्णवों के लिए मोक्षदायक कहा गया है।

श्लोक 18 (padma.6.35.18)

गृहस्थानां तु सुखदं यतीनां मुक्तिदायकम् । सर्वरोगादिशमनं पवित्रं कायशोधनम्

gṛhasthānāṁ tu sukhadaṁ yatīnāṁ muktidāyakam sarvarogādiśamanaṁ pavitraṁ kāyaśodhanam

गृहस्थों के लिए सुखदायी, यतियों के लिए मुक्तिदायक; यह सभी रोगों को शांत करने वाला, पवित्र और शरीर को शुद्ध करने वाला है।

श्लोक 19 (padma.6.35.19)

व्रतमेतच्च कुरुषे नो वा चैव नराधिप । दशमीवेधरहितं कुरुषे जागरान्वितम्

vratametacca kuruṣe no vā caiva narādhipa daśamīvedharahitaṁ kuruṣe jāgarānvitam

हे नराधिप! तुम इस व्रत को करते हो या नहीं, दशमी के वेध से रहित, जागरण सहित करते हो।

श्लोक 20 (padma.6.35.20)

तुलसीपत्रनिकरैर्नित्यं पूजयसे हरिम् । गोपीचंदनजं पत्रं भाले वा नृपसत्तम

tulasīpatranikarairnityaṁ pūjayase harim gopīcaṁdanajaṁ patraṁ bhāle vā nṛpasattama

तुम नित्य तुलसी-पत्तों के समूह से हरि की पूजा करते हो; हे राजश्रेष्ठ! गोपीचंदन से बना चिह्न ललाट पर,

श्लोक 21 (padma.6.35.21)

धारितं सर्वलोकानां पवित्रीकरणं नृप । अतस्त्वं च धारयसे गोपीचंदनसंभवम्

dhāritaṁ sarvalokānāṁ pavitrīkaraṇaṁ nṛpa atastvaṁ ca dhārayase gopīcaṁdanasaṁbhavam

धारण किया जाना, हे राजन्! सभी लोकों को पवित्र करने वाला है। इसलिए तुम भी गोपीचंदन से बना चिह्न धारण करते हो।

श्लोक 22 (padma.6.35.22)

ब्रह्महा हेमहारी च मद्यपानी तथैव च । अगम्यगो महापापी तथा ह्यनृतभाषितः

brahmahā hemahārī ca madyapānī tathaiva ca agamyago mahāpāpī tathā hyanṛtabhāṣitaḥ

ब्रह्महत्यारा, स्वर्ण-चोर, मद्यपायी, तथा अगम्यागामी, महापापी, और झूठ बोलने वाला भी —

श्लोक 23 (padma.6.35.23)

ते सर्वे मुक्तिमायांति तिलकं धारणादृताः । बिभर्षि कंठे नित्यं त्वं धात्रीफलसमुद्भवाम्

te sarve muktimāyāṁti tilakaṁ dhāraṇādṛtāḥ bibharṣi kaṁṭhe nityaṁ tvaṁ dhātrīphalasamudbhavām

ये सभी तिलक धारण करने से सम्मानित होकर मुक्ति पाते हैं। तुम नित्य आँवले के फल से बनी माला अपने गले में धारण करते हो,

श्लोक 24 (padma.6.35.24)

मालां मुख्यायुतसमां तुलसीपत्रसंभवाम् । शालग्रामशिलायुक्तां द्वारकायां समुद्भवाम्

mālāṁ mukhyāyutasamāṁ tulasīpatrasaṁbhavām śālagrāmaśilāyuktāṁ dvārakāyāṁ samudbhavām

जो दस हज़ार श्रेष्ठ मालाओं के समान है, तुलसी-पत्तों से बनी, शालग्राम-शिला से युक्त, द्वारका में उत्पन्न —

श्लोक 25 (padma.6.35.25)

नित्यं पूजयसे भूप भुक्तिमुक्तिफलप्रदाम् । पद्मसंज्ञं पुराणं वै पठसे पुरतो हरेः

nityaṁ pūjayase bhūpa bhuktimuktiphalapradām padmasaṁjñaṁ purāṇaṁ vai paṭhase purato hareḥ

इसे तुम, हे राजन्! नित्य पूजते हो, जो भोग और मोक्ष का फल देने वाली है; तुम पद्म नामक पुराण हरि के सामने पढ़ते हो,

श्लोक 26 (padma.6.35.26)

चरितं दैत्यराज्यस्य प्रह्लादस्य च भूपते । वासरं वासुदेवस्य सवेधं कुर्वतो नरान्

caritaṁ daityarājyasya prahlādasya ca bhūpate vāsaraṁ vāsudevasya savedhaṁ kurvato narān

हे राजन्! दैत्यराज प्रह्लाद के चरित्र को; और जो लोग वासुदेव के दिन को दशमी के वेध सहित बना देते हैं,

श्लोक 27 (padma.6.35.27)

निवारयसि भूपाल शास्त्रं दृष्ट्वा प्रयत्नतः । सवेधं वासरं विष्णोर्यस्मिन्राष्ट्रे प्रवर्तते

nivārayasi bhūpāla śāstraṁ dṛṣṭvā prayatnataḥ savedhaṁ vāsaraṁ viṣṇoryasminrāṣṭre pravartate

हे भूपाल! शास्त्र देखकर तुम उन्हें प्रयत्नपूर्वक रोकते हो; जिस राष्ट्र में विष्णु का दिन वेध सहित मनाया जाता है,

श्लोक 28 (padma.6.35.28)

लिप्यते तेन पापेन राजा भवति नारकी । वेधं चतुर्विधं त्यक्त्वा समुपोष्य हरेर्दिनम् । कुलकोटिं समुद्धृत्य विष्णुलोके महीयते

lipyate tena pāpena rājā bhavati nārakī vedhaṁ caturvidhaṁ tyaktvā samupoṣya harerdinam kulakoṭiṁ samuddhṛtya viṣṇuloke mahīyate

उस पाप से राजा भी लिप्त होकर नारकी बन जाता है। चारों प्रकार के वेधों को त्यागकर हरि के दिन का उपवास करके, करोड़ों कुलों का उद्धार करके व्यक्ति विष्णुलोक में सम्मानित होता है।

श्लोक 29 (padma.6.35.29)

गौतम उवाच ।शृणु भूपाल वक्ष्यामि वैष्णवाख्यं महाव्रतम् । यं श्रुत्वा पापिनः सर्वे मुक्तिमायांति तत्क्षणात्

gautama uvāca śṛṇu bhūpāla vakṣyāmi vaiṣṇavākhyaṁ mahāvratam yaṁ śrutvā pāpinaḥ sarve muktimāyāṁti tatkṣaṇāt

गौतम ने कहा — हे राजन्! सुनो, मैं वैष्णव नामक महाव्रत बताऊँगा, जिसे सुनकर सभी पापी तत्क्षण मुक्ति पाते हैं।

श्लोक 30 (padma.6.35.30)

द्वादशीसंभवं पुण्यं मया ख्यातं न कस्यचित्

dvādaśīsaṁbhavaṁ puṇyaṁ mayā khyātaṁ na kasyacit

द्वादशी से उत्पन्न यह पुण्य मैंने किसी को भी नहीं बताया है।

श्लोक 31 (padma.6.35.31)

वैष्णवोऽसि महाराज भक्तो भागवते नृणाम् । वैष्णवं तु महागुह्यं तद्व्रतं त्वं निशामय

vaiṣṇavo'si mahārāja bhakto bhāgavate nṛṇām vaiṣṇavaṁ tu mahāguhyaṁ tadvrataṁ tvaṁ niśāmaya

हे महाराज! तुम वैष्णव हो, मनुष्यों में भागवत-भक्त हो; यह अत्यंत गुह्य वैष्णव व्रत सुनो।

श्लोक 32 (padma.6.35.32)

उन्मीलनी नाम पुरा भक्त्या मे माधवेन तु । कथिता सुप्रसन्नेन तां ते भूप वदाम्यहम्

unmīlanī nāma purā bhaktyā me mādhavena tu kathitā suprasannena tāṁ te bhūpa vadāmyaham

पहले भक्तिपूर्वक मुझे प्रसन्न माधव ने यह उन्मीलनी बताई थी — हे राजन्! वही मैं तुम्हें बताता हूँ।

श्लोक 33 (padma.6.35.33)

एकादशी अहोरात्रं प्रभाते घटिका भवेत् । उन्मीलनी तु सा ज्ञेया विशेषेण हरिप्रिया

ekādaśī ahorātraṁ prabhāte ghaṭikā bhavet unmīlanī tu sā jñeyā viśeṣeṇa haripriyā

एकादशी अहोरात्र हो और प्रातः द्वादशी की घटिका भर बचे, तो वही उन्मीलनी जाननी चाहिए, विशेष रूप से हरि-प्रिय।

श्लोक 34 (padma.6.35.34)

त्रैलोक्ये यानि तीर्थानि पुण्यान्यायतनानि च । कोट्यंशे नैव तुल्यानि मखा वेदास्तपांसि च

trailokye yāni tīrthāni puṇyānyāyatanāni ca koṭyaṁśe naiva tulyāni makhā vedāstapāṁsi ca

तीनों लोकों में जो भी पुण्य तीर्थ और मंदिर हैं, यज्ञ, वेद और तप —

श्लोक 35 (padma.6.35.35)

उन्मीलनी समं किंचिन्न भूतं न भविष्यति । प्रयागो न कुरुक्षेत्रं न काशी न च पुष्करः

unmīlanī samaṁ kiṁcinna bhūtaṁ na bhaviṣyati prayāgo na kurukṣetraṁ na kāśī na ca puṣkaraḥ

उनमें से कोई भी उन्मीलनी के करोड़वें अंश के भी बराबर नहीं है; उन्मीलनी के समान न कभी कुछ हुआ है, न होगा। न प्रयाग, न कुरुक्षेत्र, न काशी, न पुष्कर,

श्लोक 36 (padma.6.35.36)

शैलो हिमाचलो नैव न मेरुर्गंधमादनः । शैलो न नीलनिषधो न विंध्यो नैव नैमिषम्

śailo himācalo naiva na merurgaṁdhamādanaḥ śailo na nīlaniṣadho na viṁdhyo naiva naimiṣam

न हिमाचल पर्वत, न मेरु, न गंधमादन, न नील-निषध पर्वत, न विंध्य, न नैमिष,

श्लोक 37 (padma.6.35.37)

गोदावरी न कावेरी चंद्रभागा न वेदिका । न तापी न पयोष्णी च न क्षिप्रा नैव चंदना

godāvarī na kāverī caṁdrabhāgā na vedikā na tāpī na payoṣṇī ca na kṣiprā naiva caṁdanā

न गोदावरी, न कावेरी, न चंद्रभागा, न वेदिका, न ताप्ती, न पयोष्णी, न क्षिप्रा, न चंदना,

श्लोक 38 (padma.6.35.38)

चर्मण्वती च सरयूश्चंद्रभागा न गंडिका । गोमती च विपाशा च शोणाख्यश्च महानदः

carmaṇvatī ca sarayūścaṁdrabhāgā na gaṁḍikā gomatī ca vipāśā ca śoṇākhyaśca mahānadaḥ

न चर्मण्वती, न सरयू, न चंद्रभागा, न गंडकी, न गोमती, न विपाशा, और न शोण नामक महानद —

श्लोक 39 (padma.6.35.39)

किमत्र बहुनोक्तेन भूयोभूयो नराधिप । उन्मीलनीसमं किंचिन्न देवः केशवात्परः

kimatra bahunoktena bhūyobhūyo narādhipa unmīlanīsamaṁ kiṁcinna devaḥ keśavātparaḥ

हे नराधिप! फिर और अधिक क्या कहूँ, बार-बार? उन्मीलनी के समान कुछ भी नहीं है, केशव से बढ़कर कोई देव नहीं है।

श्लोक 40 (padma.6.35.40)

उन्मीलनीमनु प्राप्य यैः कृतं केशवार्चनम् । पापचक्रसमूहस्य राशयः पतिताः क्षणात्

unmīlanīmanu prāpya yaiḥ kṛtaṁ keśavārcanam pāpacakrasamūhasya rāśayaḥ patitāḥ kṣaṇāt

जो उन्मीलनी को पाकर केशव की अर्चना करते हैं, उनके पाप-चक्र-समूह की राशियाँ क्षणभर में झड़ जाती हैं।

श्लोक 41 (padma.6.35.41)

यस्मिन्मासे महीपाल तिथिरुन्मीलनी भवेत् । तन्मासनाम्ना गोविंदः पूजनीयः प्रयत्नतः

yasminmāse mahīpāla tithirunmīlanī bhavet tanmāsanāmnā goviṁdaḥ pūjanīyaḥ prayatnataḥ

हे भूपाल! जिस महीने में उन्मीलनी तिथि आती है, उस महीने के नाम से गोविंद की प्रयत्नपूर्वक पूजा करनी चाहिए।

श्लोक 42 (padma.6.35.42)

जातरूपमयः कार्यं मासनाम्ना तु माधवः । स्वशक्त्या विश्वरूपस्तु श्रद्धाभक्तिसमन्वितः

jātarūpamayaḥ kāryaṁ māsanāmnā tu mādhavaḥ svaśaktyā viśvarūpastu śraddhābhaktisamanvitaḥ

मासनाम से माधव की स्वर्ण-प्रतिमा बनवानी चाहिए, विश्वरूप, अपनी सामर्थ्य के अनुसार, श्रद्धा-भक्ति से युक्त।

श्लोक 43 (padma.6.35.43)

पवित्रोदकसंयुक्तं पंचरत्नसमन्वितम् । गंधपुष्पाक्षतैर्युक्तं कुंभं स्रग्दामभूषितम्

pavitrodakasaṁyuktaṁ paṁcaratnasamanvitam gaṁdhapuṣpākṣatairyuktaṁ kuṁbhaṁ sragdāmabhūṣitam

शुद्ध जल से भरा, पाँच रत्नों से युक्त, गंध-पुष्प-अक्षत से युक्त, माला-वस्त्रों से सुशोभित एक कलश,

श्लोक 44 (padma.6.35.44)

पात्रं च सोदकं कार्यं गोधूमैश्चापि पूरितम् । नानारत्नैश्च संयुक्तं नानागंधैः प्रपूजितम्

pātraṁ ca sodakaṁ kāryaṁ godhūmaiścāpi pūritam nānāratnaiśca saṁyuktaṁ nānāgaṁdhaiḥ prapūjitam

और जल सहित, गेहूँ से भी भरा एक पात्र, अनेक रत्नों से युक्त, अनेक सुगंधों से पूजित,

श्लोक 45 (padma.6.35.45)

मल्लिकामोदसंयुक्तं जातीपुष्पैः प्रपूजितम् । श्वेताख्यैस्तंदुलैश्चैव पूरणीयः प्रयत्नतः

mallikāmodasaṁyuktaṁ jātīpuṣpaiḥ prapūjitam śvetākhyaistaṁdulaiścaiva pūraṇīyaḥ prayatnataḥ

मल्लिका की सुगंध से युक्त, जाती-पुष्पों से पूजित, श्वेत चावलों से प्रयत्नपूर्वक भरना चाहिए।

श्लोक 46 (padma.6.35.46)

प्रदद्याद्वस्त्रयुग्मं तु उपवीतं तु सोत्तरम् । उपानहौ तु राजर्षे आतपत्रं शिरोपरि

pradadyādvastrayugmaṁ tu upavītaṁ tu sottaram upānahau tu rājarṣe ātapatraṁ śiropari

वस्त्र-युग्म देना चाहिए, उत्तरीय सहित उपवीत भी; हे राजर्षे! जूते और सिर पर छत्र भी,

श्लोक 47 (padma.6.35.47)

भोजनं जलपात्रं च सप्तधान्यं तिलैः सह । रूप्यं चैव तु कार्पासं पायसं मुद्रिका हरेः

bhojanaṁ jalapātraṁ ca saptadhānyaṁ tilaiḥ saha rūpyaṁ caiva tu kārpāsaṁ pāyasaṁ mudrikā hareḥ

भोजन, जल-पात्र, सात अनाज तिलों सहित, चाँदी, कपास, खीर और हरि की अँगूठी भी।

श्लोक 48 (padma.6.35.48)

धेनुर्वात्र तु दातव्या वत्सालंकारसंयुता । सुवर्णशृंगी रौप्यखुरी ताम्रपृष्ठी तथैव च

dhenurvātra tu dātavyā vatsālaṁkārasaṁyutā suvarṇaśṛṁgī raupyakhurī tāmrapṛṣṭhī tathaiva ca

बछड़े के आभूषण सहित एक गाय भी देनी चाहिए, स्वर्ण-सींगों वाली, चाँदी के खुरों वाली, ताँबे की पीठ वाली,

श्लोक 49 (padma.6.35.49)

कांस्यदोहीं रत्नपुच्छीं दद्याद्वै गुरवे तदा । शय्यां सोपस्करां दद्यात्साधवे भक्तिपूर्वकम्

kāṁsyadohīṁ ratnapucchīṁ dadyādvai gurave tadā śayyāṁ sopaskarāṁ dadyātsādhave bhaktipūrvakam

कांस्य के दोहन-पात्र और रत्न-पूँछ वाली — यह गुरु को देनी चाहिए। भक्तिपूर्वक साधु को सामग्री सहित शय्या भी देनी चाहिए।

श्लोक 50 (padma.6.35.50)

धूपं दीपं तु नैवेद्यं फलपत्रं निवेदयेत् । पूजनीयो महाभक्तैर्मंत्रैरेभिस्तु केशवः

dhūpaṁ dīpaṁ tu naivedyaṁ phalapatraṁ nivedayet pūjanīyo mahābhaktairmaṁtrairebhistu keśavaḥ

धूप, दीप और नैवेद्य, फल-पत्र अर्पित करने चाहिए; केशव की महाभक्तों द्वारा इन मंत्रों से पूजा करनी चाहिए,

श्लोक 51 (padma.6.35.51)

तुलसीपत्रसंयुक्तैः पुष्पैः कालोद्भवैस्तथा । मासनाम्नैव चरणौ जानुनी विष्णुरूपिणे

tulasīpatrasaṁyuktaiḥ puṣpaiḥ kālodbhavaistathā māsanāmnaiva caraṇau jānunī viṣṇurūpiṇe

तुलसी-पत्तों सहित और ऋतु में उगे फूलों से भी — मासनाम से ही विष्णु-रूप के चरणों और घुटनों की,

श्लोक 52 (padma.6.35.52)

गुह्ये तु गुह्यपतये कटे वै पीतवाससे । ब्रह्ममूर्तिभृते नाभावुदरे विश्वयोनये

guhye tu guhyapataye kaṭe vai pītavāsase brahmamūrtibhṛte nābhāvudare viśvayonaye

गुह्य-भाग की, गुह्य के स्वामी की; कमर की, पीत-वस्त्रधारी की; नाभि में ब्रह्म-मूर्ति धारण करने वाले की, उदर में विश्वयोनि की,

श्लोक 53 (padma.6.35.53)

हृदये ज्ञानगम्याय कंठे वैकुंठमूर्तये । ऊर्द्ध्वगाय ललाटे तु बाहौ दक्षांतकारिणे

hṛdaye jñānagamyāya kaṁṭhe vaikuṁṭhamūrtaye ūrddhvagāya lalāṭe tu bāhau dakṣāṁtakāriṇe

हृदय में ज्ञानगम्य की, कंठ में वैकुंठ-मूर्ति की; ललाट में ऊर्ध्वगामी की, भुजा में दक्ष-यज्ञ-नाशक की,

श्लोक 54 (padma.6.35.54)

उत्तमांगे सुरेशाय सर्वांगे सर्वमूर्तये । स्वनाम्ना चायुधादीनि पूजनीयानि भक्तितः

uttamāṁge sureśāya sarvāṁge sarvamūrtaye svanāmnā cāyudhādīni pūjanīyāni bhaktitaḥ

सिर में सुरेश की, समूचे शरीर में सर्व-मूर्ति की — अपने ही नाम से आयुध आदि की भक्तिपूर्वक पूजा करनी चाहिए।

श्लोक 55 (padma.6.35.55)

अर्घदानं प्रकर्तव्यं नालिकेरादिभिः समम् । शंखोपरि जले कृत्वा गंधपुष्पाक्षतान्वितम्

arghadānaṁ prakartavyaṁ nālikerādibhiḥ samam śaṁkhopari jale kṛtvā gaṁdhapuṣpākṣatānvitam

नारियल आदि सहित अर्घ्य-दान करना चाहिए, जल में शंख के ऊपर, गंध-पुष्प-अक्षत से युक्त,

श्लोक 56 (padma.6.35.56)

सूत्रेणावेष्टितं कृत्वा दद्यादर्घं विधानतः । देवदेव महादेव श्रीकेशव जनार्दन

sūtreṇāveṣṭitaṁ kṛtvā dadyādarghaṁ vidhānataḥ devadeva mahādeva śrīkeśava janārdana

धागे से लपेटकर, विधिपूर्वक अर्घ्य देना चाहिए — 'हे देवाधिदेव, महादेव, श्री केशव, जनार्दन!

श्लोक 57 (padma.6.35.57)

सुब्रह्मण्य नमस्तेऽस्तु पुण्यराशिविवर्धन । शोकमोहमहापापान्मामुद्धर भवार्णवात्

subrahmaṇya namaste'stu puṇyarāśivivardhana śokamohamahāpāpānmāmuddhara bhavārṇavāt

हे सुब्रह्मण्य! आपको नमस्कार है, पुण्य-राशि को बढ़ाने वाले! शोक, मोह और महापाप से मुझे भवसागर से उबार लीजिए।

श्लोक 58 (padma.6.35.58)

सुकृतं न कृतं किचिज्जन्मकोटिशतैरपि । तथापि मां महास्वामिन्मामुद्धर भवार्णवात्

sukṛtaṁ na kṛtaṁ kicijjanmakoṭiśatairapi tathāpi māṁ mahāsvāminmāmuddhara bhavārṇavāt

मैंने सैकड़ों करोड़ जन्मों में भी कोई सुकृत नहीं किया है; फिर भी, हे महास्वामिन्! मुझे भवसागर से उबार लीजिए।

श्लोक 59 (padma.6.35.59)

व्रतेनानेन देवेश ये चान्ये मम पूर्वजाः । वियोनिं च गताश्चान्ये पापमृत्युवशं गताः

vratenānena deveśa ye cānye mama pūrvajāḥ viyoniṁ ca gatāścānye pāpamṛtyuvaśaṁ gatāḥ

इस व्रत से, हे देवेश! मेरे जो भी अन्य पूर्वज, अन्य कुयोनियों में गए हुए, पाप-मृत्यु के वशीभूत हुए,

श्लोक 60 (padma.6.35.60)

ये भविष्यंति येऽतीताः प्रेतलोकान्समुद्धर । श्रांतोस्म्यहमधीनस्य भक्तिरव्यभिचारिणी

ye bhaviṣyaṁti ye'tītāḥ pretalokānsamuddhara śrāṁtosmyahamadhīnasya bhaktiravyabhicāriṇī

जो भविष्य में होंगे या हो चुके हैं — उन सबको प्रेत-लोक से उबारिए। मैं आपके अधीन, थका हुआ हूँ, मेरी भक्ति अटूट है।

श्लोक 61 (padma.6.35.61)

दत्तमर्घं मया तुभ्यं भक्त्या गृह्ण गदाधर । दत्वार्घं धूपदीपाद्यैर्नैवेद्यैर्विष्णुसंभवैः

dattamarghaṁ mayā tubhyaṁ bhaktyā gṛhṇa gadādhara datvārghaṁ dhūpadīpādyairnaivedyairviṣṇusaṁbhavaiḥ

मैंने आपको भक्तिपूर्वक यह अर्घ्य दिया है, हे गदाधर! इसे ग्रहण कीजिए।' अर्घ्य देकर, धूप-दीप आदि से, विष्णु से उत्पन्न नैवेद्यों से,

श्लोक 62 (padma.6.35.62)

स्तोत्रैर्नीराजनैर्गीतैर्भृत्यैः संतोषयेद्धरिम् । वस्त्रैर्दानैश्च गोदानैर्भोजनैस्तोषयेद्गुरुम्

stotrairnīrājanairgītairbhṛtyaiḥ saṁtoṣayeddharim vastrairdānaiśca godānairbhojanaistoṣayedgurum

स्तोत्रों, आरतियों, गीतों और सेवकों से हरि को संतुष्ट करना चाहिए; वस्त्रों, दानों, गौ-दानों और भोजन से गुरु को संतुष्ट करना चाहिए।

श्लोक 63 (padma.6.35.63)

तथातथा विधातव्यं गुरुर्वै प्रीतिमाप्नुयात् । लोकानां तारणार्थाय धात्रा सृष्टो गुरुर्यतः

tathātathā vidhātavyaṁ gururvai prītimāpnuyāt lokānāṁ tāraṇārthāya dhātrā sṛṣṭo gururyataḥ

इस-इस प्रकार गुरु को प्रसन्नता प्राप्त हो, ऐसी व्यवस्था करनी चाहिए; क्योंकि गुरु को विधाता ने लोकों के उद्धार के लिए ही रचा है।

श्लोक 64 (padma.6.35.64)

अतो वै गुरुपूजा च कर्त्तव्या वै प्रयत्नतः । अहितं यो नाशयति स्वहितं दर्शयेत्सदा

ato vai gurupūjā ca karttavyā vai prayatnataḥ ahitaṁ yo nāśayati svahitaṁ darśayetsadā

इसलिए गुरु की पूजा प्रयत्नपूर्वक करनी चाहिए। जो अहित को नष्ट करता है और सदा स्वहित दिखाता है,

श्लोक 65 (padma.6.35.65)

स गुरुः स च विज्ञेयः सर्वधर्मार्थकोविदः । अकुर्वन्वित्तशाठ्यं तु गुरवे तं निवेदयेत्

sa guruḥ sa ca vijñeyaḥ sarvadharmārthakovidaḥ akurvanvittaśāṭhyaṁ tu gurave taṁ nivedayet

वही गुरु जानना चाहिए, सभी धर्म-अर्थ में कुशल। धन में कंजूसी न करते हुए यह गुरु को बता देना चाहिए।

श्लोक 66 (padma.6.35.66)

गुरोर्निवेदिते भूप परिपूर्णं भवेद्व्रतम् । कृत्वा दिवातनं कर्म भोजनं ब्राह्मणैः सह

gurornivedite bhūpa paripūrṇaṁ bhavedvratam kṛtvā divātanaṁ karma bhojanaṁ brāhmaṇaiḥ saha

हे भूपाल! गुरु को बता देने पर व्रत पूर्ण हो जाता है। दिन के कर्म करके, ब्राह्मणों सहित भोजन करके,

श्लोक 67 (padma.6.35.67)

कर्त्तव्यं नृपशार्दूल दिनं नेयं कथानकैः । अनेन विधिना यस्तु कुर्यादुन्मीलनीव्रतम्

karttavyaṁ nṛpaśārdūla dinaṁ neyaṁ kathānakaiḥ anena vidhinā yastu kuryādunmīlanīvratam

हे राजश्रेष्ठ! दिन को पुण्य-कथाओं से व्यतीत करना चाहिए। इस विधि से जो उन्मीलनी-व्रत करता है,

श्लोक 68 (padma.6.35.68)

कल्पकोटिसहस्राणि वसते विष्णुसन्निधौ

kalpakoṭisahasrāṇi vasate viṣṇusannidhau

वह हज़ारों करोड़ कल्पों तक विष्णु के समीप निवास करता है।