त्रिस्पृशा-आख्यान

श्लोक 1 (padma.6.34.1)

नारद उवाच ।त्रिस्पृशाख्यं व्रतं ब्रूहि सर्वेश्वर विशेषतः । यच्छ्रुत्वा मुच्यते लोकः कर्मबंधनतः क्षणात्

nārada uvāca trispṛśākhyaṁ vrataṁ brūhi sarveśvara viśeṣataḥ yacchrutvā mucyate lokaḥ karmabaṁdhanataḥ kṣaṇāt

नारद ने कहा — हे सर्वेश्वर! विशेष रूप से त्रिस्पृशा नामक व्रत बताइए, जिसे सुनकर संसार क्षणभर में कर्म-बंधन से मुक्त हो जाता है।

श्लोक 2 (padma.6.34.2)

महादेव उवाच ।सर्वपापौघशमनं महादुःखविनाशनम् । शृणु कृष्णावतारं त्वं त्रिस्पृशाख्यं महाव्रतम्

mahādeva uvāca sarvapāpaughaśamanaṁ mahāduḥkhavināśanam śṛṇu kṛṣṇāvatāraṁ tvaṁ trispṛśākhyaṁ mahāvratam

महादेव ने कहा — सुनो, यह त्रिस्पृशा नामक महाव्रत साक्षात् कृष्ण का अवतार है, जो समस्त पापों की राशि को शांत करने वाला और महादुःख का नाश करने वाला है।

श्लोक 3 (padma.6.34.3)

कामदं सस्पृहाणां तु निस्पृहाणां तु मोक्षदम् । त्रिस्पृशाख्यं व्रतं विप्र शृणुष्व गदतो मम

kāmadaṁ saspṛhāṇāṁ tu nispṛhāṇāṁ tu mokṣadam trispṛśākhyaṁ vrataṁ vipra śṛṇuṣva gadato mama

यह कामना करने वालों को कामना पूर्ण करती है, और निष्काम को मोक्ष देती है; हे विप्र! मेरे कहे इस त्रिस्पृशा-व्रत को सुनो।

श्लोक 4 (padma.6.34.4)

प्रत्यक्षमर्चितस्तेन कलिकाले च केशवः । त्रिस्पृशा कीर्तनं नित्यं यः करोति महामुने

pratyakṣamarcitastena kalikāle ca keśavaḥ trispṛśā kīrtanaṁ nityaṁ yaḥ karoti mahāmune

जो कोई त्रिस्पृशा का नित्य कीर्तन करता है, हे महामुने! कलियुग में उससे केशव साक्षात् पूजित होते हैं।

श्लोक 5 (padma.6.34.5)

न पुरश्चरणे चीर्णे सर्वपापक्षयो भवेत् । त्रिस्पृशा नाममात्रेण क्षीयते नात्र संशयः

na puraścaraṇe cīrṇe sarvapāpakṣayo bhavet trispṛśā nāmamātreṇa kṣīyate nātra saṁśayaḥ

पुरश्चरण किए बिना भी सर्व-पापों का क्षय हो जाता है; त्रिस्पृशा के नाम-मात्र से ही पाप क्षीण हो जाता है, इसमें कोई संदेह नहीं।

श्लोक 6 (padma.6.34.6)

नागमैर्न पुराणाद्यैर्न मखैस्तीर्थकोटिभिः । बहुभिर्व्रतसंघैश्च पूजितैस्त्रिदशैरपि

nāgamairna purāṇādyairna makhaistīrthakoṭibhiḥ bahubhirvratasaṁghaiśca pūjitaistridaśairapi

न आगमों से, न पुराणों आदि से, न यज्ञों से, न करोड़ों तीर्थों से, न अनेक व्रत-समूहों से, न तीसों देवताओं की पूजा से भी,

श्लोक 7 (padma.6.34.7)

मोक्षो भवति विप्रेन्द्र त्रिस्पृशा न कृता यदि । मोक्षार्थे देवदेवेन दृष्टा वै वैष्णवी तिथिः

mokṣo bhavati viprendra trispṛśā na kṛtā yadi mokṣārthe devadevena dṛṣṭā vai vaiṣṇavī tithiḥ

हे विप्रेंद्र! मोक्ष तब तक नहीं होता जब तक त्रिस्पृशा न की जाए। मोक्ष के लिए यह वैष्णव तिथि स्वयं देवाधिदेव द्वारा देखी गई थी।

श्लोक 8 (padma.6.34.8)

द्विजानां दुर्विदं सांख्यं कलिकाले विशेषतः । अनिग्रहश्चेंद्रियाणां स्थिरत्वं मनसो नहि

dvijānāṁ durvidaṁ sāṁkhyaṁ kalikāle viśeṣataḥ anigrahaśceṁdriyāṇāṁ sthiratvaṁ manaso nahi

द्विजों के लिए सांख्य (आत्म-विवेक) कलियुग में विशेष रूप से दुर्लभ है; न इंद्रियों का निग्रह होता है, न मन की स्थिरता।

श्लोक 9 (padma.6.34.9)

विषयैर्विप्रयुक्तानां ध्यानधारणवर्जिनाम् । कामभोगप्रसक्तानां त्रिस्पृशा मोक्षदायिनी

viṣayairviprayuktānāṁ dhyānadhāraṇavarjinām kāmabhogaprasaktānāṁ trispṛśā mokṣadāyinī

विषयों से युक्त, ध्यान-धारणा से रहित, काम-भोग में आसक्त लोगों के लिए त्रिस्पृशा मोक्ष देने वाली है।

श्लोक 10 (padma.6.34.10)

मह्यं चैव पुरा प्रोक्ता चतुर्वक्त्रस्य सागरे । क्षीरोदे प्रणतानां तु मत्स्यरूपेण चक्रिणा

mahyaṁ caiva purā proktā caturvaktrasya sāgare kṣīrode praṇatānāṁ tu matsyarūpeṇa cakriṇā

पहले मुझसे ही यह चतुर्मुख ब्रह्मा को, क्षीरसागर में, मत्स्य-रूपधारी चक्रधारी ने, प्रणत जनों के लिए बताई थी।

श्लोक 11 (padma.6.34.11)

त्रिस्पृशां ये करिष्यंति विषयैरपि संयुताः । तेषामपि मया दत्तो मोक्षः सांख्यविवर्जिनाम्

trispṛśāṁ ye kariṣyaṁti viṣayairapi saṁyutāḥ teṣāmapi mayā datto mokṣaḥ sāṁkhyavivarjinām

जो विषयों में लगे रहते हुए भी त्रिस्पृशा करेंगे, उन्हें भी, सांख्य से रहित होते हुए भी, मैंने मोक्ष दिया है।

श्लोक 12 (padma.6.34.12)

कामभोगप्रसक्तानां त्रिस्पृशा मोक्षदायिनी । बहुभिर्मुनिसंघैश्च कृतेयं च महामुने

kāmabhogaprasaktānāṁ trispṛśā mokṣadāyinī bahubhirmunisaṁghaiśca kṛteyaṁ ca mahāmune

काम-भोग में आसक्त लोगों के लिए त्रिस्पृशा मोक्ष देने वाली है; हे महामुने! इसे अनेक मुनि-समूहों ने भी किया है।

श्लोक 13 (padma.6.34.13)

कार्त्तिके शुक्लपक्षे तु त्रिस्पृशा जायते यदि । सोमेन सोमजेनापि पापकोटिविनाशिनी

kārttike śuklapakṣe tu trispṛśā jāyate yadi somena somajenāpi pāpakoṭivināśinī

यदि त्रिस्पृशा कार्तिक शुक्ल पक्ष में, सोमवार और सोम-पुत्र (बुधवार) के साथ आती है, तो वह करोड़ों पापों का नाश करने वाली होती है।

श्लोक 14 (padma.6.34.14)

यस्या उपोषणकृतो हत्यायुक्त महेशितुः । हस्ताद्ब्रह्मकपालं तु तत्क्षणात्पतितं भुवि

yasyā upoṣaṇakṛto hatyāyukta maheśituḥ hastādbrahmakapālaṁ tu tatkṣaṇātpatitaṁ bhuvi

जिसका उपवास किए जाने पर, हत्या से युक्त महेश्वर के हाथ से ब्रह्म-कपाल तत्क्षण पृथ्वी पर गिर पड़ा था।

श्लोक 15 (padma.6.34.15)

कलिकल्मषकोट्यौघैर्मुक्ता देवी त्रिमार्गगा । उपदेशान्माधवस्य त्रिस्पृशा समुपोषणात्

kalikalmaṣakoṭyaughairmuktā devī trimārgagā upadeśānmādhavasya trispṛśā samupoṣaṇāt

त्रिमार्गगा देवी (गंगा) माधव के उपदेश से, त्रिस्पृशा के उपवास द्वारा, कलियुग के करोड़ों पापों की राशि से मुक्त हुई थी।

श्लोक 16 (padma.6.34.16)

हत्याष्टौ बाहुवीर्यस्य पूर्वजाता महामुने । गता भृगूपदेशेन त्रिस्पृशा समुपोषणात्

hatyāṣṭau bāhuvīryasya pūrvajātā mahāmune gatā bhṛgūpadeśena trispṛśā samupoṣaṇāt

हे महामुने! बाहु के बाहुबल से पूर्व-जनित आठ हत्याएँ भृगु के उपदेश से, त्रिस्पृशा के उपवास द्वारा दूर हो गईं।

श्लोक 17 (padma.6.34.17)

शतायुधेन विप्रेंद्र निहतो ब्राह्मणो वने । ब्रह्महत्याविनिर्मुक्तः त्रिस्पृशा समुपोषणात्

śatāyudhena vipreṁdra nihato brāhmaṇo vane brahmahatyāvinirmuktaḥ trispṛśā samupoṣaṇāt

हे विप्रेंद्र! शतायुध द्वारा वन में मारे गए ब्राह्मण के कारण ब्रह्महत्या से भी वह त्रिस्पृशा के उपवास द्वारा मुक्त हो गया।

श्लोक 18 (padma.6.34.18)

जीवोपदेशाच्छक्रस्य हत्या नमुचिसंभवा । विनष्टा मुनिमुख्येन्द्र त्रिस्पृशा समुपोषणात्

jīvopadeśācchakrasya hatyā namucisaṁbhavā vinaṣṭā munimukhyendra trispṛśā samupoṣaṇāt

जीवोपदेश (जीव के उपदेश) से इंद्र की नमुचि-हत्या से उत्पन्न पाप भी, हे मुनिश्रेष्ठ! त्रिस्पृशा के उपवास द्वारा नष्ट हो गया।

श्लोक 19 (padma.6.34.19)

ब्रह्महत्यादि पापानि त्रिस्पृशासमुपोषणात् । विलयं यांति विप्रेंद्र पापेष्वन्येषु का कथा

brahmahatyādi pāpāni trispṛśāsamupoṣaṇāt vilayaṁ yāṁti vipreṁdra pāpeṣvanyeṣu kā kathā

हे विप्रेंद्र! ब्रह्महत्या आदि पाप त्रिस्पृशा के उपवास से नष्ट हो जाते हैं — फिर अन्य पापों की तो बात ही क्या?

श्लोक 20 (padma.6.34.20)

न प्रयागे न काश्यां तु गोमत्यां कृष्णसंनिधौ । मोक्षो भवति विप्रेंद्र त्रिस्पृशा यदि नो कृता

na prayāge na kāśyāṁ tu gomatyāṁ kṛṣṇasaṁnidhau mokṣo bhavati vipreṁdra trispṛśā yadi no kṛtā

हे विप्रेंद्र! प्रयाग में नहीं, काशी में नहीं, कृष्ण के समीप गोमती में भी नहीं — यदि त्रिस्पृशा न की जाए तो मोक्ष नहीं होता।

श्लोक 21 (padma.6.34.21)

मरणाच्च प्रयागे तु गोमत्यां कृष्णसन्निधौ । स्नानमात्रेण गोमत्यां मुक्तिर्भवति शाश्वती

maraṇācca prayāge tu gomatyāṁ kṛṣṇasannidhau snānamātreṇa gomatyāṁ muktirbhavati śāśvatī

परंतु प्रयाग में मृत्यु से, कृष्ण के समीप गोमती में, या केवल गोमती में स्नान मात्र से भी शाश्वत मुक्ति होती है।

श्लोक 22 (padma.6.34.22)

गृहेपि जायते मुक्तिस्त्रिस्पृशा समुपोषणात् । विषये वर्त्तमानस्य कामभोगान्वितस्य च

gṛhepi jāyate muktistrispṛśā samupoṣaṇāt viṣaye varttamānasya kāmabhogānvitasya ca

विषयों में रत, काम-भोग से युक्त व्यक्ति के लिए भी घर में ही त्रिस्पृशा के उपवास से मुक्ति उत्पन्न होती है।

श्लोक 23 (padma.6.34.23)

निवृत्तविषयस्यापि मुक्तिः सांख्येन दुर्ल्लभा । तस्मात्कुरुष्व विप्रेंद्र त्रिस्पृशां मोक्षदायिनीम्

nivṛttaviṣayasyāpi muktiḥ sāṁkhyena durllabhā tasmātkuruṣva vipreṁdra trispṛśāṁ mokṣadāyinīm

विषयों से निवृत्त हुए के लिए भी मोक्ष केवल सांख्य से दुर्लभ है; इसलिए, हे विप्रेंद्र! मोक्षदायिनी त्रिस्पृशा करो।

श्लोक 24 (padma.6.34.24)

नारद उवाच ।कीदृशं तत्सुरश्रेष्ठ त्रिस्पृशाख्यं महाव्रतम् । मुक्तिदं यद् द्विजातीनां त्वया प्रोक्तं ममाधुना

nārada uvāca kīdṛśaṁ tatsuraśreṣṭha trispṛśākhyaṁ mahāvratam muktidaṁ yad dvijātīnāṁ tvayā proktaṁ mamādhunā

नारद ने कहा — हे देवश्रेष्ठ! वह त्रिस्पृशा नामक महाव्रत कैसा है, जो द्विजों को मुक्ति देने वाला है, जैसा आपने अभी मुझे बताया?

श्लोक 25 (padma.6.34.25)

महादेव उवाच ।जाह्नव्यै सा पुरा विप्र त्रिस्पृशा माधवेन तु । प्राची सरस्वती तीरे कथिता त्वनुकंपया

mahādeva uvāca jāhnavyai sā purā vipra trispṛśā mādhavena tu prācī sarasvatī tīre kathitā tvanukaṁpayā

महादेव ने कहा — हे विप्र! पहले सरस्वती के पूर्वी तट पर माधव ने ही करुणावश जाह्नवी को यह त्रिस्पृशा बताई थी।

श्लोक 26 (padma.6.34.26)

जाह्नव्युवाच ।कलिकल्मष कोट्यौघैर्ब्रह्महत्यादिकैर्युताः । कलिकाले हृषीकेश स्नानं कुर्वंति मज्जले

jāhnavyuvāca kalikalmaṣa koṭyaughairbrahmahatyādikairyutāḥ kalikāle hṛṣīkeśa snānaṁ kurvaṁti majjale

जाह्नवी ने कहा — हे हृषीकेश! कलियुग में लोग ब्रह्महत्या आदि करोड़ों कलि-पापों से युक्त होकर मेरे जल में स्नान करते हैं।

श्लोक 27 (padma.6.34.27)

तेषां पापशतैर्दोषैर्देहो मे कलुषी कृतः । कथं यास्यति मे देव पातकं गरुडध्वज

teṣāṁ pāpaśatairdoṣairdeho me kaluṣī kṛtaḥ kathaṁ yāsyati me deva pātakaṁ garuḍadhvaja

उनके सैकड़ों पापों के दोषों से मेरा शरीर मलिन हो गया है; हे देव, गरुड़ध्वज! मेरा यह पाप कैसे दूर होगा?

श्लोक 28 (padma.6.34.28)

प्राचीमाधव उवाच । कथयामि न संदेहो मा पुत्रि रोदनंकुरु । श्यामोवटस्तु मे स्थानं प्राचीदेवी ममाग्रतः

prācīmādhava uvāca kathayāmi na saṁdeho mā putri rodanaṁkuru śyāmovaṭastu me sthānaṁ prācīdevī mamāgrataḥ

प्राची-माधव ने कहा — मैं बताता हूँ, कोई संदेह नहीं, हे पुत्री! रोओ मत। श्याम वट-वृक्ष मेरा स्थान है, प्राची देवी के, मेरे सामने ही।

श्लोक 29 (padma.6.34.29)

वहते ब्रह्मतनया दृष्ट्वाग्रे च सुरेश्वरीम् । स्नानं कुरुष्व नित्यं त्वं त्वत्र पूता भविष्यसि

vahate brahmatanayā dṛṣṭvāgre ca sureśvarīm snānaṁ kuruṣva nityaṁ tvaṁ tvatra pūtā bhaviṣyasi

ब्रह्मा की पुत्री (सरस्वती) वहाँ बहती है; उस देवश्रेष्ठा को सामने देखकर वहाँ नित्य स्नान करो — तुम वहाँ पवित्र हो जाओगी।

श्लोक 30 (padma.6.34.30)

यत्र ब्रह्मसुता प्राची तत्राहं नात्र संशयः । तीर्थकोटिशतैर्युक्तः सुरैः सह वसाम्यहम्

yatra brahmasutā prācī tatrāhaṁ nātra saṁśayaḥ tīrthakoṭiśatairyuktaḥ suraiḥ saha vasāmyaham

जहाँ ब्रह्म-पुत्री प्राची है, वहाँ मैं भी हूँ, इसमें कोई संदेह नहीं; करोड़ों तीर्थों और देवताओं सहित मैं वहाँ निवास करता हूँ।

श्लोक 31 (padma.6.34.31)

पवित्रं मत्प्रियं स्थानं हत्याकोटिविनाशनम् । संतुष्टेन मया दत्तं यस्मात्प्राणाधिकासि मे

pavitraṁ matpriyaṁ sthānaṁ hatyākoṭivināśanam saṁtuṣṭena mayā dattaṁ yasmātprāṇādhikāsi me

वह पवित्र, मेरा प्रिय स्थान करोड़ों हत्याओं का नाशक है; तुम मुझे प्राणों से भी अधिक प्रिय हो, इसीलिए मैंने प्रसन्न होकर यह दिया है।

श्लोक 32 (padma.6.34.32)

तीर्थकोटिसहस्राणि नित्यं तिष्ठंति जाह्नवि । प्राचीसरस्वती तोये सर्वदैव ममाज्ञया

tīrthakoṭisahasrāṇi nityaṁ tiṣṭhaṁti jāhnavi prācīsarasvatī toye sarvadaiva mamājñayā

हे जाह्नवि! हज़ारों-करोड़ों तीर्थ मेरी ही आज्ञा से सदा प्राची-सरस्वती के जल में सर्वदा निवास करते हैं।

श्लोक 33 (padma.6.34.33)

ब्रह्मवधात्सुरापानात्गोधवाद्वृषलीवधात् । ब्रह्मस्वहरणादेव मातापित्रोस्त्वपूजनात्

brahmavadhātsurāpānātgodhavādvṛṣalīvadhāt brahmasvaharaṇādeva mātāpitrostvapūjanāt

ब्रह्महत्या, मद्यपान, गोहत्या, वृषली-हत्या, ब्राह्मण-धन-हरण, माता-पिता की अवमानना,

श्लोक 34 (padma.6.34.34)

चक्रियानाद्गुरुद्रोहादभक्ष्यस्य च भक्षणात् । सर्वपापस्य करणात्प्राची ब्रह्मसुता सुते

cakriyānādgurudrohādabhakṣyasya ca bhakṣaṇāt sarvapāpasya karaṇātprācī brahmasutā sute

चोरी, गुरु-द्रोह, अभक्ष्य-भक्षण — इन सभी पापों को करने से भी, हे पुत्री! ब्रह्म-पुत्री प्राची —

श्लोक 35 (padma.6.34.35)

व्यपोहयति पापानि सकृत्स्नानेन मेऽग्रतः । कुरु स्नानं सरिच्छ्रेष्ठे विपापा त्वं भविष्यसि

vyapohayati pāpāni sakṛtsnānena me'grataḥ kuru snānaṁ saricchreṣṭhe vipāpā tvaṁ bhaviṣyasi

मेरे सामने एक ही स्नान से पापों को दूर कर देती है; हे नदी-श्रेष्ठे! स्नान करो, तुम पापरहित हो जाओगी।

श्लोक 36 (padma.6.34.36)

जाह्नव्युवाच ।नाहं शक्नोमि देवेश आगंतुं नित्यमेव हि । कथं नश्यंति पापानि कथयस्वेह माधव

jāhnavyuvāca nāhaṁ śaknomi deveśa āgaṁtuṁ nityameva hi kathaṁ naśyaṁti pāpāni kathayasveha mādhava

जाह्नवी ने कहा — हे देवेश! मैं प्रतिदिन वहाँ आ नहीं सकती; हे माधव! बताइए, यहाँ ये पाप कैसे नष्ट होंगे?

श्लोक 37 (padma.6.34.37)

प्राचीमाधव उवाच ।न शक्नोषि यदागंतुं नित्यमेव हि जाह्नवि । तदान्यत्संप्रवक्ष्यामि यस्मान्मत्पादसंभवा

prācīmādhava uvāca na śaknoṣi yadāgaṁtuṁ nityameva hi jāhnavi tadānyatsaṁpravakṣyāmi yasmānmatpādasaṁbhavā

प्राची-माधव ने कहा — हे जाह्नवि! यदि तुम प्रतिदिन नहीं आ सकतीं, तो मैं तुम्हें अन्य उपाय बताऊँगा, क्योंकि तुम मेरे ही चरणों से उत्पन्न हुई हो।

श्लोक 38 (padma.6.34.38)

सरस्वत्यधिका या च तीर्थकोटिशताधिका । मखकोट्यधिका वापि व्रतदानाधिका च या

sarasvatyadhikā yā ca tīrthakoṭiśatādhikā makhakoṭyadhikā vāpi vratadānādhikā ca yā

जो सरस्वती से भी बढ़कर, सैकड़ों करोड़ तीर्थों से भी बढ़कर, करोड़ों यज्ञों से भी बढ़कर, व्रत-दान से भी बढ़कर,

श्लोक 39 (padma.6.34.39)

जपहोमाधिका या च चतुर्वर्गफलप्रदा । सांख्ययोगाधिका या च त्रिस्पृशा क्रियतां शुभा

japahomādhikā yā ca caturvargaphalapradā sāṁkhyayogādhikā yā ca trispṛśā kriyatāṁ śubhā

जप-होम से भी बढ़कर, चारों पुरुषार्थों का फल देने वाली, सांख्य-योग से भी बढ़कर — वह शुभ त्रिस्पृशा करो।

श्लोक 40 (padma.6.34.40)

यस्मिन्मासे समायाति सिता च यदि वासिता । कर्तव्या सा सरिच्छ्रेष्ठे कृते पापात्प्रमुच्यते

yasminmāse samāyāti sitā ca yadi vāsitā kartavyā sā saricchreṣṭhe kṛte pāpātpramucyate

जिस भी महीने में यह आए, चाहे शुक्ल हो या कृष्ण पक्ष में — हे नदी-श्रेष्ठे! वह करनी चाहिए, इसे करने पर पाप से मुक्ति मिलती है।

श्लोक 41 (padma.6.34.41)

जाह्नव्युवाच । कीदृशी त्रिस्पृशा देव ममाख्याहि सुमाधव । ईदृशो महिमा यस्यास्त्वया प्रोक्तो ममाधुना

jāhnavyuvāca kīdṛśī trispṛśā deva mamākhyāhi sumādhava īdṛśo mahimā yasyāstvayā prokto mamādhunā

जाह्नवी ने कहा — हे देव! वह त्रिस्पृशा कैसी है, हे सुमाधव! मुझे बताइए; उसकी ऐसी महिमा आपने अभी मुझे बताई है।

श्लोक 42 (padma.6.34.42)

दशम्येकादशीभद्रा दिनैकस्मिन्यदा भवेत् । त्रिस्पृशा सा भवेद्देव वान्यथा वद मे प्रभो

daśamyekādaśībhadrā dinaikasminyadā bhavet trispṛśā sā bhaveddeva vānyathā vada me prabho

दशमी, एकादशी और भद्रा (द्वादशी) यदि एक ही दिन आ जाएँ, तो क्या वही त्रिस्पृशा होगी, हे देव, या अन्यथा — मुझे बताइए, हे प्रभो!

श्लोक 43 (padma.6.34.43)

कृष्ण उवाच । आसुरी त्रिस्पृशा देवी या त्वया परिकीर्तिता । वर्जनीया प्रयत्नेन वृत्तिहीनो यथा पतिः

kṛṣṇa uvāca āsurī trispṛśā devī yā tvayā parikīrtitā varjanīyā prayatnena vṛttihīno yathā patiḥ

कृष्ण ने कहा — हे देवी! जो तुमने कही, वह 'आसुरी त्रिस्पृशा' है, जिसे प्रयत्नपूर्वक त्याग देना चाहिए, जैसे आजीविकाहीन पति को त्यागा जाता है।

श्लोक 44 (padma.6.34.44)

असुराणां तु सा प्रोक्ता आयुर्बलविनाशिनी । वर्जनीया प्रयत्नेन यथा नारी रजस्वला

asurāṇāṁ tu sā proktā āyurbalavināśinī varjanīyā prayatnena yathā nārī rajasvalā

वह दानवों की ही कही गई है, आयु और बल का नाश करने वाली; उसे प्रयत्नपूर्वक त्यागना चाहिए, जैसे रजस्वला स्त्री को त्यागा जाता है।

श्लोक 45 (padma.6.34.45)

स्वजातिं च परित्यज्य या गताधमजातिषु । सैव त्याज्यं विशेषेण दशमीयुक्तं हि मद्दिनम्

svajātiṁ ca parityajya yā gatādhamajātiṣu saiva tyājyaṁ viśeṣeṇa daśamīyuktaṁ hi maddinam

जो अपनी जाति को त्यागकर नीच जातियों में चली जाती है, वही विशेष रूप से त्याज्य है — अर्थात् दशमी से युक्त मेरा दिन (एकादशी)।

श्लोक 46 (padma.6.34.46)

यथा रजस्वलासंगाद्दूष्यंते ज्ञानवर्जिताः । तथैव दशमीयुक्तं मद्दिनं दूषितं नृणाम्

yathā rajasvalāsaṁgāddūṣyaṁte jñānavarjitāḥ tathaiva daśamīyuktaṁ maddinaṁ dūṣitaṁ nṛṇām

जैसे ज्ञानरहित लोग रजस्वला के संग से दूषित होते हैं, वैसे ही दशमी से युक्त मेरा दिन मनुष्यों के लिए दूषित हो जाता है।

श्लोक 47 (padma.6.34.47)

हत्यायुतशतं हंति त्रिस्पृशा समुपोषिता । एकादशी द्वादशी च रात्रिशेषे त्रयोदशी

hatyāyutaśataṁ haṁti trispṛśā samupoṣitā ekādaśī dvādaśī ca rātriśeṣe trayodaśī

विधिवत् की गई त्रिस्पृशा एक लाख हत्याओं को नष्ट कर देती है — जब एकादशी, द्वादशी और रात्रि के शेष भाग में त्रयोदशी हों —

श्लोक 48 (padma.6.34.48)

त्रिस्पृशा सा तु विज्ञेया दशमीसहिता न हि । कृत्वापराधं मुच्येत प्रायश्चित्ते कृते नरः

trispṛśā sā tu vijñeyā daśamīsahitā na hi kṛtvāparādhaṁ mucyeta prāyaścitte kṛte naraḥ

वही सच्ची त्रिस्पृशा जाननी चाहिए, दशमी से युक्त नहीं। अपराध करके भी प्रायश्चित्त करने पर मनुष्य मुक्त हो जाता है,

श्लोक 49 (padma.6.34.49)

दशमीवेधजं दोषं न क्षमामि सुरापगे । भुक्तं हालाहलं तेन विषस्य भक्षणं कृतम्

daśamīvedhajaṁ doṣaṁ na kṣamāmi surāpage bhuktaṁ hālāhalaṁ tena viṣasya bhakṣaṇaṁ kṛtam

परंतु दशमी के वेध से उत्पन्न दोष को मैं क्षमा नहीं करता, हे देव-नदी! उसने मानो हलाहल खा लिया हो, विष का भक्षण किया हो।

श्लोक 50 (padma.6.34.50)

दशमीमिश्रितं येन कृतमेकादशीव्रतम् । इति मत्वा न कर्त्तव्यं मद्दिनं दशमीयुतम्

daśamīmiśritaṁ yena kṛtamekādaśīvratam iti matvā na karttavyaṁ maddinaṁ daśamīyutam

जिसने दशमी-मिश्रित एकादशी-व्रत किया हो, ऐसा मानकर मेरा दशमी-युक्त दिन नहीं करना चाहिए।

श्लोक 51 (padma.6.34.51)

जन्मकोटिकृतंपुण्यं संतानं याति संक्षयम् । पातयेत्स्वकुलं स्वर्गान्नयते रौरवादिकम्

janmakoṭikṛtaṁpuṇyaṁ saṁtānaṁ yāti saṁkṣayam pātayetsvakulaṁ svargānnayate rauravādikam

करोड़ों जन्मों का अर्जित पुण्य भी संतान सहित नष्ट हो जाता है; यह अपने ही कुल को स्वर्ग से गिराकर रौरव आदि नरक में ले जाता है।

श्लोक 52 (padma.6.34.52)

स्वदेहं शोधयित्वा तु कर्त्तव्यो मम वासरः । वृद्धौ त्याज्या विना वेधाच्छ्रवणादिषु संयुता

svadehaṁ śodhayitvā tu karttavyo mama vāsaraḥ vṛddhau tyājyā vinā vedhācchravaṇādiṣu saṁyutā

अपने शरीर को शुद्ध करके ही मेरा दिन करना चाहिए; वृद्धि के समय, श्रवण आदि नक्षत्रों के वेध के बिना, इसे त्याग देना चाहिए।

श्लोक 53 (padma.6.34.53)

जन्मपुण्यं क्षयं याति एकादश्युपवासिनाम् । संवृद्धौ तु विशेषेण संदेहे समुपस्थिते

janmapuṇyaṁ kṣayaṁ yāti ekādaśyupavāsinām saṁvṛddhau tu viśeṣeṇa saṁdehe samupasthite

संदेह उत्पन्न होने पर, विशेष रूप से वृद्धि की स्थिति में, एकादशी-व्रतियों का जन्म-पुण्य क्षय हो जाता है।

श्लोक 54 (padma.6.34.54)

ममाज्ञया च कर्त्तव्या द्वादशीवल्लभा मम

mamājñayā ca karttavyā dvādaśīvallabhā mama

मेरी आज्ञा से मुझे प्रिय द्वादशी ही करनी चाहिए।

श्लोक 55 (padma.6.34.55)

जाह्नव्युवाच ।करिष्येऽहं जगन्नाथ त्रिस्पृशां वचनात्तव । सर्वपापविनिर्मुक्ता भविष्यामि तवाज्ञया

jāhnavyuvāca kariṣye'haṁ jagannātha trispṛśāṁ vacanāttava sarvapāpavinirmuktā bhaviṣyāmi tavājñayā

जाह्नवी ने कहा — हे जगन्नाथ! आपके वचन से मैं त्रिस्पृशा करूँगी; आपकी आज्ञा से मैं सर्व-पापों से मुक्त हो जाऊँगी।

श्लोक 56 (padma.6.34.56)

श्रीकृष्ण उवाच ।स्वस्थानं गच्छ भद्रं ते न भीः कार्या कदाचन । तव देवि सरिच्छ्रेष्ठे न पापं संक्रमिष्यति

śrīkṛṣṇa uvāca svasthānaṁ gaccha bhadraṁ te na bhīḥ kāryā kadācana tava devi saricchreṣṭhe na pāpaṁ saṁkramiṣyati

श्री कृष्ण ने कहा — अपने स्थान को जाओ, तुम्हारा कल्याण हो, कभी भय मत करना; हे देवी, हे नदी-श्रेष्ठे! तुम पर पाप नहीं चढ़ेगा।

श्लोक 57 (padma.6.34.57)

स्नात्वा सरस्वतीतोये येऽर्चयित्वा च माधवम् । प्रणमंति जगन्नाथं ते यांति परमां गतिम्

snātvā sarasvatītoye ye'rcayitvā ca mādhavam praṇamaṁti jagannāthaṁ te yāṁti paramāṁ gatim

जो सरस्वती के जल में स्नान करके, माधव की पूजा करके, जगन्नाथ को प्रणाम करते हैं, वे परम गति को प्राप्त करते हैं।

श्लोक 58 (padma.6.34.58)

जाह्नव्युवाच । विधानं ब्रूहि मे ब्रह्मन्सर्वस्वेन करोम्यहम् । प्रसादयामि देवेशं दामोदरमनामयम्

jāhnavyuvāca vidhānaṁ brūhi me brahmansarvasvena karomyaham prasādayāmi deveśaṁ dāmodaramanāmayam

जाह्नवी ने कहा — हे ब्रह्मन्! मुझे विधि बताइए, मैं अपना सर्वस्व देकर इसे करूँगी; मैं देवाधिदेव, निर्मल दामोदर को प्रसन्न करूँगी।

श्लोक 59 (padma.6.34.59)

प्राचीमाधव उवाच । शृणु देवि प्रवक्ष्यामि त्रिस्पृशाया विधानकम् । यं श्रुत्वापि सरिच्छ्रेष्ठे मुच्यते पातकैर्नरः

prācīmādhava uvāca śṛṇu devi pravakṣyāmi trispṛśāyā vidhānakam yaṁ śrutvāpi saricchreṣṭhe mucyate pātakairnaraḥ

प्राची-माधव ने कहा — हे देवी! सुनो, मैं त्रिस्पृशा की विधि बताऊँगा, जिसे सुनकर मात्र से भी, हे नदी-श्रेष्ठे! मनुष्य पापों से मुक्त हो जाता है।

श्लोक 60 (padma.6.34.60)

पलेन च पलार्धेन तदर्द्धेनापि वापगे । प्रतिमा मम सौवर्णा कार्या विभवसारतः

palena ca palārdhena tadarddhenāpi vāpage pratimā mama sauvarṇā kāryā vibhavasārataḥ

एक पल, आधे पल, या उसके भी आधे वजन में, हे नदी! अपनी सामर्थ्य के अनुसार मेरी सुवर्ण प्रतिमा बनवानी चाहिए।

श्लोक 61 (padma.6.34.61)

पात्रं ताम्रमयं कार्यं तिलैस्तु परिपूरितम् । सजलं तु घटं शुभ्रं पंचरत्नसमन्वितम्

pātraṁ tāmramayaṁ kāryaṁ tilaistu paripūritam sajalaṁ tu ghaṭaṁ śubhraṁ paṁcaratnasamanvitam

ताँबे का पात्र बनवाना चाहिए, तिलों से भरा हुआ; जल-भरा शुभ्र कलश पाँच रत्नों से युक्त हो,

श्लोक 62 (padma.6.34.62)

वेष्टितं पुष्पमालाभिः कर्पूरागुरुवासितम् । न्यसेद्दामोदरं पश्चात्स्नापयित्वा विलिप्य च

veṣṭitaṁ puṣpamālābhiḥ karpūrāguruvāsitam nyaseddāmodaraṁ paścātsnāpayitvā vilipya ca

पुष्प-मालाओं से लिपटा, कपूर-अगरु से सुगंधित; फिर दामोदर को स्नान और लेप कराकर वहाँ स्थापित करना चाहिए।

श्लोक 63 (padma.6.34.63)

परिधानं ततः कार्यं वस्त्रयुग्मेन चान्वितम् । मंत्रैस्तु पूजनं कार्यं पुराणैः समुदीरितैः । पुष्पैः कालोद्भवैः शुभ्रैस्तुलसीपत्रैश्च कोमलैः

paridhānaṁ tataḥ kāryaṁ vastrayugmena cānvitam maṁtraistu pūjanaṁ kāryaṁ purāṇaiḥ samudīritaiḥ puṣpaiḥ kālodbhavaiḥ śubhraistulasīpatraiśca komalaiḥ

फिर वस्त्र-युग्म सहित परिधान कराना चाहिए; पुराणों में कहे गए मंत्रों से, ऋतु में उगे शुभ्र फूलों और कोमल तुलसी-पत्तों से पूजा करनी चाहिए।

श्लोक 64 (padma.6.34.64)

छत्रं तु विष्णवे दद्यात्पादुकाभ्यां सुसंयुतम् । निवेद्यानि मनोज्ञानि फलानि सुबहून्यपि

chatraṁ tu viṣṇave dadyātpādukābhyāṁ susaṁyutam nivedyāni manojñāni phalāni subahūnyapi

विष्णु को छत्र देना चाहिए, जूतों सहित; मनोहर नैवेद्य, और बहुत से फल भी।

श्लोक 65 (padma.6.34.65)

उपवीतं तु दातव्यं सोत्तरीयं नवं दृढम् । वैणवं दापयेद्दंडं सुरूपं सोन्नतं दृढम्

upavītaṁ tu dātavyaṁ sottarīyaṁ navaṁ dṛḍham vaiṇavaṁ dāpayeddaṁḍaṁ surūpaṁ sonnataṁ dṛḍham

उपवीत देना चाहिए, नए-दृढ़ उत्तरीय सहित; सुंदर, ऊँची और मज़बूत बाँस की छड़ी देनी चाहिए।

श्लोक 66 (padma.6.34.66)

दामोदराय वै पादौ जानुनी माधवाय च । गुह्यं कामप्रदायेति कटिं वामनमूर्तये

dāmodarāya vai pādau jānunī mādhavāya ca guhyaṁ kāmapradāyeti kaṭiṁ vāmanamūrtaye

दामोदर को दोनों पैर, माधव को दोनों घुटने, कामप्रद को गुह्य-भाग, वामन-मूर्ति को कमर;

श्लोक 67 (padma.6.34.67)

पद्मनाभाय नाभिं तु जठरं विश्वयोनये । हृदयं ज्ञानगम्याय कंठं वैकुंठगामिने

padmanābhāya nābhiṁ tu jaṭharaṁ viśvayonaye hṛdayaṁ jñānagamyāya kaṁṭhaṁ vaikuṁṭhagāmine

पद्मनाभ को नाभि, विश्वयोनि को उदर, ज्ञानगम्य को हृदय, वैकुंठगामी को कंठ;

श्लोक 68 (padma.6.34.68)

सहस्रबाहवे बाहू चक्षुषी योगरूपिणे । संपूज्य विधिवद्भक्त्या दद्यादर्घं विधानतः

sahasrabāhave bāhū cakṣuṣī yogarūpiṇe saṁpūjya vidhivadbhaktyā dadyādarghaṁ vidhānataḥ

सहस्रबाहु को बाहु, योगरूप को नेत्र — इस प्रकार विधिपूर्वक भक्तिपूर्वक पूजा करके, विधि अनुसार अर्घ्य देना चाहिए,

श्लोक 69 (padma.6.34.69)

शुभ्रेण नालिकेरेण शंखोपरि स्थितेन हि । सूत्रैरावेष्टितेनैव हस्तयोरुभयोरपि

śubhreṇa nālikereṇa śaṁkhopari sthitena hi sūtrairāveṣṭitenaiva hastayorubhayorapi

शंख के ऊपर रखे शुभ्र नारियल से, धागों से लपेटे हुए, दोनों हाथों में लेकर —

श्लोक 70 (padma.6.34.70)

स्मृतो हरसि पापानि यदि नित्यं जनार्दन । दुःस्वप्नं दुर्निमित्तानि मनसा दुर्विचिन्विता

smṛto harasi pāpāni yadi nityaṁ janārdana duḥsvapnaṁ durnimittāni manasā durvicinvitā

'हे जनार्दन! यदि आपके नित्य स्मरण मात्र से मेरे पाप हरे जाते हैं, तो जो भी दुःस्वप्न, अपशकुन और मन के दुर्विचार हैं,

श्लोक 71 (padma.6.34.71)

नारकं तु भयं देव भयदुर्गतिसंभवम् । यन्मम स्यान्महादेव ऐहिकं पारलौकिकम्

nārakaṁ tu bhayaṁ deva bhayadurgatisaṁbhavam yanmama syānmahādeva aihikaṁ pāralaukikam

जो भी नारकीय भय, दुर्गति से उत्पन्न भय, हे महादेव! जो कुछ भी मेरा इस लोक और परलोक में हो,

श्लोक 72 (padma.6.34.72)

तेन देवेश मां रक्ष गृहाणार्घं नमोस्तु ते । कृपादृष्टिः सदैवास्तु दामोदर ममोपरि

tena deveśa māṁ rakṣa gṛhāṇārghaṁ namostu te kṛpādṛṣṭiḥ sadaivāstu dāmodara mamopari

उससे, हे देवेश! मेरी रक्षा कीजिए, यह अर्घ्य ग्रहण कीजिए, आपको नमस्कार है। हे दामोदर! आपकी कृपा-दृष्टि सदा मुझ पर रहे।'

श्लोक 73 (padma.6.34.73)

धूपं दीपं च नैवेद्यं कुर्यान्नीराजनं ततः । शीर्षोपरि सरिच्छ्रेष्ठे भ्रामयेद्वारिजं हरेः

dhūpaṁ dīpaṁ ca naivedyaṁ kuryānnīrājanaṁ tataḥ śīrṣopari saricchreṣṭhe bhrāmayedvārijaṁ hareḥ

धूप, दीप और नैवेद्य अर्पित करके फिर आरती करनी चाहिए; हे नदी-श्रेष्ठे! हरि के जल-चिह्न (शंख) को सिर के ऊपर घुमाना चाहिए।

श्लोक 74 (padma.6.34.74)

कृत्वा विधानमेतद्धि पूजयेत्स्वगुरुं ततः । दद्यात्सुवर्णं वस्त्राणि सोष्णीषं चैव कंचुकम्

kṛtvā vidhānametaddhi pūjayetsvaguruṁ tataḥ dadyātsuvarṇaṁ vastrāṇi soṣṇīṣaṁ caiva kaṁcukam

यह विधि करके फिर अपने गुरु की पूजा करनी चाहिए; स्वर्ण, वस्त्र, पगड़ी और अंगरखा देना चाहिए,

श्लोक 75 (padma.6.34.75)

उपानहोऽपि छत्रं च मुद्रिकां च कमंडलुम् । भोजनं चैव तांबूलं सप्तधान्यं च दक्षिणाम्

upānaho'pi chatraṁ ca mudrikāṁ ca kamaṁḍalum bhojanaṁ caiva tāṁbūlaṁ saptadhānyaṁ ca dakṣiṇām

जूते, छत्र, अँगूठी और कमंडल भी; भोजन, ताम्बूल, सात अनाज और दक्षिणा भी।

श्लोक 76 (padma.6.34.76)

गुरुं संपूज्य देवेशं कुर्याज्जागरणं हरेः । गीतनृत्यसमायुक्तं तथा शास्त्रसमन्वितम्

guruṁ saṁpūjya deveśaṁ kuryājjāgaraṇaṁ hareḥ gītanṛtyasamāyuktaṁ tathā śāstrasamanvitam

गुरु और देवाधिदेव की पूजा करके, हरि के लिए जागरण करना चाहिए, गीत-नृत्य सहित, तथा शास्त्र-पाठ सहित भी।

श्लोक 77 (padma.6.34.77)

निशांते चैव देवाय दत्वा चार्घं विधानतः । स्नानादिकां क्रियां कृत्वा भुंजीयाद्वाडवैः सह

niśāṁte caiva devāya datvā cārghaṁ vidhānataḥ snānādikāṁ kriyāṁ kṛtvā bhuṁjīyādvāḍavaiḥ saha

रात्रि के अंत में देव को विधिपूर्वक अर्घ्य देकर, स्नान आदि क्रियाएँ करके, ब्राह्मणों सहित भोजन करना चाहिए।

श्लोक 78 (padma.6.34.78)

शिव उवाच ।द्विजैतत्त्रिस्पृशाख्यानमद्भुतं रोमहर्षणम् । श्रुत्वा तु लभते पुण्यं गंगां स्नानसमुद्भवम्

śiva uvāca dvijaitattrispṛśākhyānamadbhutaṁ romaharṣaṇam śrutvā tu labhate puṇyaṁ gaṁgāṁ snānasamudbhavam

शिव ने कहा — हे द्विज! यह त्रिस्पृशा का अद्भुत, रोमांचकारी आख्यान सुनकर मनुष्य गंगा-स्नान से उत्पन्न पुण्य पाता है।

श्लोक 79 (padma.6.34.79)

अश्वमेधसहस्राणि वाजपेयशतानि च । तत्फलं समवाप्नोति त्रिस्पृशा समुपोषणात्

aśvamedhasahasrāṇi vājapeyaśatāni ca tatphalaṁ samavāpnoti trispṛśā samupoṣaṇāt

हज़ार अश्वमेध और सौ वाजपेय यज्ञों का जो फल है, वही फल त्रिस्पृशा के उपवास से प्राप्त होता है।

श्लोक 80 (padma.6.34.80)

पितृपक्षो मातृपक्षस्तथा चैवात्मपक्षकः । तैः सर्वैः सह संमुक्तो विष्णुलोके महीयते

pitṛpakṣo mātṛpakṣastathā caivātmapakṣakaḥ taiḥ sarvaiḥ saha saṁmukto viṣṇuloke mahīyate

पितृ-पक्ष, मातृ-पक्ष और अपना ही पक्ष — इन सभी सहित मुक्त होकर वह विष्णुलोक में सम्मानित होता है।

श्लोक 81 (padma.6.34.81)

तीर्थकोटिषु यत्पुण्यं क्षेत्रकोटिषु यत्फलम् । तत्फलं समवाप्नोति त्रिस्पृशा समुपोषणात्

tīrthakoṭiṣu yatpuṇyaṁ kṣetrakoṭiṣu yatphalam tatphalaṁ samavāpnoti trispṛśā samupoṣaṇāt

करोड़ों तीर्थों में जो पुण्य है, करोड़ों क्षेत्रों में जो फल है, वही फल त्रिस्पृशा के उपवास से प्राप्त होता है।

श्लोक 82 (padma.6.34.82)

ब्राह्मणा येऽपि कुर्वंति क्षत्रियाः कृष्णमानसाः । वैश्या वा शूद्रजन्मानो ये तथा चान्यजातयः

brāhmaṇā ye'pi kurvaṁti kṣatriyāḥ kṛṣṇamānasāḥ vaiśyā vā śūdrajanmāno ye tathā cānyajātayaḥ

जो ब्राह्मण, कृष्ण-मन वाले क्षत्रिय, वैश्य, शूद्र-जन्मा, या अन्य जातियाँ भी इसे करते हैं,

श्लोक 83 (padma.6.34.83)

ते सर्वे मुक्तिमायांति भुवं त्यक्त्वा द्विजोत्तम । मंत्राणां मंत्रराजोऽथ यथा स्याद्द्वादशाक्षरः

te sarve muktimāyāṁti bhuvaṁ tyaktvā dvijottama maṁtrāṇāṁ maṁtrarājo'tha yathā syāddvādaśākṣaraḥ

हे द्विजोत्तम! वे सभी पृथ्वी त्यागकर मुक्ति को प्राप्त होते हैं। जैसे मंत्रों में द्वादशाक्षर मंत्र-राज है,

श्लोक 84 (padma.6.34.84)

व्रतानां च यथा चैषा येन वै त्रिस्पृशा कृता । ब्रह्मणा च कृता पूर्वं पश्चाद्राजर्षिभिः कृता

vratānāṁ ca yathā caiṣā yena vai trispṛśā kṛtā brahmaṇā ca kṛtā pūrvaṁ paścādrājarṣibhiḥ kṛtā

वैसे ही व्रतों में यह त्रिस्पृशा है, जिसके द्वारा भी की गई; पहले ब्रह्मा ने इसे किया, फिर राजर्षियों ने किया।

श्लोक 85 (padma.6.34.85)

अन्येषां का कथा वत्स त्रिस्पृशा मुक्तिदायिनी । अनेन विधिना ब्रह्मंस्त्रिस्पृशासंभवं व्रतम्

anyeṣāṁ kā kathā vatsa trispṛśā muktidāyinī anena vidhinā brahmaṁstrispṛśāsaṁbhavaṁ vratam

हे पुत्र! फिर अन्यों की तो बात ही क्या — त्रिस्पृशा मुक्ति देने वाली है। इसी विधि से, हे ब्रह्मन्! त्रिस्पृशा से उत्पन्न व्रत को —

श्लोक 86 (padma.6.34.86)

यः करोति नरो भक्त्या शृणु वक्ष्यामि तत्फलम् । गंगावगाहने ब्रह्मन्वाराणस्यां तु यत्फलम्

yaḥ karoti naro bhaktyā śṛṇu vakṣyāmi tatphalam gaṁgāvagāhane brahmanvārāṇasyāṁ tu yatphalam

जो मनुष्य भक्तिपूर्वक करता है, उसका फल सुनो, मैं बताता हूँ। हे ब्रह्मन्! वाराणसी में गंगा-स्नान से जो फल मिलता है,

श्लोक 87 (padma.6.34.87)

मन्वंतरसहस्रैस्तु त्रिस्पृशाकारको हि तत् । प्राची च यमुना स्नाने वर्षैर्यत्कोटिभिः फलम्

manvaṁtarasahasraistu trispṛśākārako hi tat prācī ca yamunā snāne varṣairyatkoṭibhiḥ phalam

वह त्रिस्पृशा करने वाले को एक हज़ार मन्वंतरों में भी मिलता है। और प्राची और यमुना में करोड़ों वर्षों के स्नान का जो फल है,

श्लोक 88 (padma.6.34.88)

तत्फलं समवाप्नोति त्रिस्पृशाव्रतकृन्नरः । तत्फलं तु कुरुक्षेत्रे सूर्यग्रहणकोटिभिः

tatphalaṁ samavāpnoti trispṛśāvratakṛnnaraḥ tatphalaṁ tu kurukṣetre sūryagrahaṇakoṭibhiḥ

वह फल त्रिस्पृशा-व्रत करने वाले मनुष्य को प्राप्त होता है। कुरुक्षेत्र में करोड़ों सूर्यग्रहणों का जो फल है,

श्लोक 89 (padma.6.34.89)

हेमभारशतैर्दानैस्त्रिस्पृशाकरणेन तत् । पापकोटिसहस्राणि हत्याकोटिशतानि च

hemabhāraśatairdānaistrispṛśākaraṇena tat pāpakoṭisahasrāṇi hatyākoṭiśatāni ca

और सैकड़ों भार सोने के दान का, वह त्रिस्पृशा करने से प्राप्त होता है। हज़ारों करोड़ पाप और सैकड़ों करोड़ हत्याएँ,

श्लोक 90 (padma.6.34.90)

एकेनैवोपवासेन क्रियते भस्मसाद्द्रुतम् । त्रिस्पृशाया व्रतं यत्तु अगतीनां गतिप्रदम्

ekenaivopavāsena kriyate bhasmasāddrutam trispṛśāyā vrataṁ yattu agatīnāṁ gatipradam

एक ही उपवास से शीघ्र भस्म हो जाती हैं। यह त्रिस्पृशा का व्रत गति-रहितों को भी गति देने वाला है।

श्लोक 91 (padma.6.34.91)

गतिमिच्छंति विप्रर्षे महत्पापशतानि च । स्वयं कृष्णेन कथितं पाराशर्यस्य चाग्रतः

gatimicchaṁti viprarṣe mahatpāpaśatāni ca svayaṁ kṛṣṇena kathitaṁ pārāśaryasya cāgrataḥ

हे विप्रर्षे! सैकड़ों बड़े पाप भी इसी गति की कामना करते हैं; यह स्वयं कृष्ण द्वारा पराशर-पुत्र (व्यास) के सामने कहा गया था।

श्लोक 92 (padma.6.34.92)

प्रकाशयति यश्चेदं लिखित्वा वैष्णवं द्विजे । पापोघैर्ग्रथितस्यापि तस्य मुक्तिर्भविष्यति

prakāśayati yaścedaṁ likhitvā vaiṣṇavaṁ dvije pāpoghairgrathitasyāpi tasya muktirbhaviṣyati

जो इसे वैष्णव-रूप में लिखकर द्विज के लिए प्रकाशित करता है, पापों की राशि से बँधे उसे भी मुक्ति मिलेगी।

श्लोक 93 (padma.6.34.93)

पुण्यैरवाप्यते विद्वन्मन्वंतरशतैरपि । त्रिस्पृशा दुर्लभा लोके प्राप्यते नैव मानवैः

puṇyairavāpyate vidvanmanvaṁtaraśatairapi trispṛśā durlabhā loke prāpyate naiva mānavaiḥ

हे विद्वन्! यह सैकड़ों मन्वंतरों के पुण्य से भी प्राप्त होता है; त्रिस्पृशा संसार में दुर्लभ है, मनुष्यों को सहज नहीं मिलती।

श्लोक 94 (padma.6.34.94)

कलौ ये त्रिस्पृशां लब्ध्वा न कुर्वंति नराधमाः । तेषां जन्मफलं चैव जीवितं विफलं भवेत्

kalau ye trispṛśāṁ labdhvā na kurvaṁti narādhamāḥ teṣāṁ janmaphalaṁ caiva jīvitaṁ viphalaṁ bhavet

कलियुग में जो नराधम त्रिस्पृशा पाकर भी नहीं करते, उनका जन्म-फल और जीवन दोनों निष्फल हो जाते हैं।

श्लोक 95 (padma.6.34.95)

प्रेतत्वं तैः समुत्तीर्णं विना श्राद्धैर्विना सुतैः । कृता यैस्त्रिस्पृशा विद्वन्सकृत्प्राप्य कलौ युगे

pretatvaṁ taiḥ samuttīrṇaṁ vinā śrāddhairvinā sutaiḥ kṛtā yaistrispṛśā vidvansakṛtprāpya kalau yuge

हे विद्वन्! जिन्होंने कलियुग में एक बार भी त्रिस्पृशा पाकर की, वे श्राद्ध और पुत्रों के बिना भी प्रेतत्व को पार कर जाते हैं।