एकादशी-द्वादशी जागरण की महिमा

श्लोक 1 (padma.6.37.1)

महादेव उवाच ।शृणु नारद वक्ष्यामि माहात्म्यं जागरस्य च । यच्छ्रुत्वा मुक्तिमाप्नोति महापापी न संशयः

mahādeva uvāca śṛṇu nārada vakṣyāmi māhātmyaṁ jāgarasya ca yacchrutvā muktimāpnoti mahāpāpī na saṁśayaḥ

महादेव ने कहा — हे नारद! सुनो, मैं जागरण की महिमा बताऊँगा, जिसे सुनकर महापापी भी निःसंदेह मुक्ति पाता है।

श्लोक 2 (padma.6.37.2)

नारद उवाच ।अहो विश्वेश्वरो विष्णुः पवित्रीकरणः सदा । तस्योपवासमाहात्म्यं श्रुतं हि त्वन्मुखाच्छिव

nārada uvāca aho viśveśvaro viṣṇuḥ pavitrīkaraṇaḥ sadā tasyopavāsamāhātmyaṁ śrutaṁ hi tvanmukhācchiva

नारद ने कहा — अहो! विश्वेश्वर विष्णु सदा पवित्र करने वाले हैं; उनके उपवास की महिमा मैंने आपके ही मुख से सुनी है, हे शिव!

श्लोक 3 (padma.6.37.3)

तथापि श्रोतुमिच्छामि माहात्म्यं जागरस्य तु । कीदृक्जागरमाहात्म्यं रात्रो भक्तिस्तु कीदृशी

tathāpi śrotumicchāmi māhātmyaṁ jāgarasya tu kīdṛkjāgaramāhātmyaṁ rātro bhaktistu kīdṛśī

फिर भी मैं जागरण की महिमा सुनना चाहता हूँ — जागरण की महिमा कैसी है, रात्रि में भक्ति कैसी होनी चाहिए?

श्लोक 4 (padma.6.37.4)

प्रहरेषु च या पूजा वद विश्वेश्वर प्रभो । त्वं लोकेषु सदा पूज्यस्त्वं हि देवो जनार्दनः । त्वं हि विश्वेश्वरो देवो यतो भक्तिर्जनार्दने

prahareṣu ca yā pūjā vada viśveśvara prabho tvaṁ lokeṣu sadā pūjyastvaṁ hi devo janārdanaḥ tvaṁ hi viśveśvaro devo yato bhaktirjanārdane

और प्रहर-प्रहर में जो पूजा हो, वह बताइए, हे विश्वेश्वर, हे प्रभो! आप लोकों में सदा पूज्य हैं, आप ही देव जनार्दन हैं;

श्लोक 5 (padma.6.37.5)

सर्वेषां चैव भक्तानां त्वं च श्रेष्ठ उमापतिः । लोकेस्मिन्सर्वदा भक्त्या तवाख्या वर्त्तते सदा

sarveṣāṁ caiva bhaktānāṁ tvaṁ ca śreṣṭha umāpatiḥ lokesminsarvadā bhaktyā tavākhyā varttate sadā

आप ही विश्वेश्वर देव हैं, क्योंकि भक्ति जनार्दन में ही निवास करती है। आप सभी भक्तों में श्रेष्ठ उमापति हैं;

श्लोक 6 (padma.6.37.6)

अतो येन प्रकारेण लोकानां मुक्तिरेव च । विश्वेश्वर वद त्वं तु माहात्म्यं जागरस्य तु

ato yena prakāreṇa lokānāṁ muktireva ca viśveśvara vada tvaṁ tu māhātmyaṁ jāgarasya tu

इस संसार में सदा भक्तिपूर्वक आपका ही नाम लिया जाता है। इसलिए जिस प्रकार लोकों को मुक्ति मिले, हे विश्वेश्वर! वह जागरण की महिमा बताइए।

श्लोक 7 (padma.6.37.7)

महादेव उवाच । एकादश्यां जनो विष्णुं रात्रौ संपूज्य भक्तितः । कुर्याज्जागरणं विष्णोः पुरतो वैष्णवैः सह

mahādeva uvāca ekādaśyāṁ jano viṣṇuṁ rātrau saṁpūjya bhaktitaḥ kuryājjāgaraṇaṁ viṣṇoḥ purato vaiṣṇavaiḥ saha

महादेव ने कहा — एकादशी को मनुष्य रात्रि में भक्तिपूर्वक विष्णु की पूजा करके, वैष्णवों सहित विष्णु के सामने जागरण करे।

श्लोक 8 (padma.6.37.8)

गीतं वाद्यं तथा नृत्यं पुराणपठनं तथा । धूपं दीपं च नैवेद्यं पुष्पं गंधानुलेपनम्

gītaṁ vādyaṁ tathā nṛtyaṁ purāṇapaṭhanaṁ tathā dhūpaṁ dīpaṁ ca naivedyaṁ puṣpaṁ gaṁdhānulepanam

गीत, वाद्य और नृत्य, तथा पुराण-पाठ; धूप, दीप और नैवेद्य, पुष्प और गंध-लेप,

श्लोक 9 (padma.6.37.9)

फलमर्घं तथा श्रद्धा दानमिंद्रियसंयमम् । सत्यान्वितं च विप्रेंद्र वचोयुक्तं क्रियान्वितम्

phalamarghaṁ tathā śraddhā dānamiṁdriyasaṁyamam satyānvitaṁ ca vipreṁdra vacoyuktaṁ kriyānvitam

फल-अर्घ्य, तथा श्रद्धा, दान और इंद्रिय-संयम; हे विप्रेंद्र! सत्य से युक्त, वचन और क्रिया से युक्त,

श्लोक 10 (padma.6.37.10)

विनिद्रं च मुदायुक्तो यः करोति नरः सदा । सर्वपापविनिर्मुक्तो जायते विष्णुवल्लभः

vinidraṁ ca mudāyukto yaḥ karoti naraḥ sadā sarvapāpavinirmukto jāyate viṣṇuvallabhaḥ

निद्रारहित और आनंद-युक्त होकर जो मनुष्य इसे सदा करता है, वह सर्व-पापमुक्त होकर विष्णु-प्रिय बन जाता है।

श्लोक 11 (padma.6.37.11)

रात्रौ जागरणे प्राप्ते निद्रां कुर्वंति वैष्णवाः । हारितं चोपवासं तैर्व्रतं वै विष्णुसंज्ञकम्

rātrau jāgaraṇe prāpte nidrāṁ kurvaṁti vaiṣṇavāḥ hāritaṁ copavāsaṁ tairvrataṁ vai viṣṇusaṁjñakam

रात्रि-जागरण के समय जो वैष्णव सो जाते हैं, उनका उपवास व्यर्थ हो जाता है, वह विष्णु-नामक व्रत उनसे छिन जाता है।

श्लोक 12 (padma.6.37.12)

ये कुर्वंति नराः प्राज्ञ जागरे विष्णुसंज्ञके । जागरं कृष्णभावेन न स्वपंति कदाचन

ye kurvaṁti narāḥ prājña jāgare viṣṇusaṁjñake jāgaraṁ kṛṣṇabhāvena na svapaṁti kadācana

हे प्राज्ञ! जो मनुष्य विष्णु-नामक जागरण को कृष्ण-भाव से करते हैं, वे कभी सोते नहीं।

श्लोक 13 (padma.6.37.13)

कृष्णस्य नाम मनसा वदंति च पुनः पुनः । ते तु धन्यतमा ज्ञेया अस्यां रात्रौ विशेषतः

kṛṣṇasya nāma manasā vadaṁti ca punaḥ punaḥ te tu dhanyatamā jñeyā asyāṁ rātrau viśeṣataḥ

वे मन में बार-बार कृष्ण का नाम लेते रहते हैं; वे विशेष रूप से इस रात्रि में अत्यंत धन्य जानने चाहिए।

श्लोक 14 (padma.6.37.14)

क्षणेक्षणे तु गोदानं घट्यां चैव चतुर्गुणम् । प्रहरे कोटिगुणितं चतुर्यामेष्वसंख्यकम्

kṣaṇekṣaṇe tu godānaṁ ghaṭyāṁ caiva caturguṇam prahare koṭiguṇitaṁ caturyāmeṣvasaṁkhyakam

प्रत्येक क्षण में गौ-दान का फल, घटी में चौगुना, प्रहर में करोड़ गुना, और चारों प्रहरों में असंख्य फल मिलता है।

श्लोक 15 (padma.6.37.15)

जागरे निमिषार्द्धे तु केशवाग्रे विशेषतः । तत्फलं कोटिगुणितं तस्य संख्या न विद्यते

jāgare nimiṣārddhe tu keśavāgre viśeṣataḥ tatphalaṁ koṭiguṇitaṁ tasya saṁkhyā na vidyate

जागरण में विशेष रूप से केशव के सामने आधे निमिष भर के लिए भी, उसका फल करोड़ों गुना है, उसकी गिनती नहीं है।

श्लोक 16 (padma.6.37.16)

नर्त्तनं कुरुते यस्तु केशवाग्रे नरोत्तमः । न फलं हीयते तस्य आजन्ममरणांतिकम्

narttanaṁ kurute yastu keśavāgre narottamaḥ na phalaṁ hīyate tasya ājanmamaraṇāṁtikam

जो श्रेष्ठ मनुष्य केशव के सामने नृत्य करता है, उसका फल जन्म से लेकर मृत्यु तक कभी कम नहीं होता।

श्लोक 17 (padma.6.37.17)

साश्चर्यं चैव सोत्साहं पापालापादिवर्जितम् । प्रदक्षिणसमायुक्तं नमस्कारपुरःसरम्

sāścaryaṁ caiva sotsāhaṁ pāpālāpādivarjitam pradakṣiṇasamāyuktaṁ namaskārapuraḥsaram

आश्चर्य और उत्साह से युक्त, पाप-वार्ता आदि से रहित, प्रदक्षिणा सहित, नमस्कार को आगे रखते हुए,

श्लोक 18 (padma.6.37.18)

नीराजनसमायुक्तमनिर्विण्णेन चेतसा । यामेयामे महाभाग कुर्यादारार्तिकं हरेः

nīrājanasamāyuktamanirviṇṇena cetasā yāmeyāme mahābhāga kuryādārārtikaṁ hareḥ

आरती से युक्त, निराश मन के बिना — हे महाभाग! प्रहर-प्रहर में हरि की आरती करनी चाहिए।

श्लोक 19 (padma.6.37.19)

षड्विंशगुणसंयुक्तमेकादश्यां च जागरम् । यः करोति नरो भक्त्या न पुनर्जायते भुवि

ṣaḍviṁśaguṇasaṁyuktamekādaśyāṁ ca jāgaram yaḥ karoti naro bhaktyā na punarjāyate bhuvi

छब्बीस गुणों से युक्त, एकादशी का जो जागरण भक्तिपूर्वक करता है, वह पृथ्वी पर फिर जन्म नहीं लेता।

श्लोक 20 (padma.6.37.20)

य एवं कुरुते भक्त्या वित्तशाठ्यविवर्जितः । जागरं वासरे विष्णोर्लीयते परमात्मनि

ya evaṁ kurute bhaktyā vittaśāṭhyavivarjitaḥ jāgaraṁ vāsare viṣṇorlīyate paramātmani

जो इस प्रकार भक्तिपूर्वक, धन में कंजूसी किए बिना, विष्णु के दिन जागरण करता है, वह परमात्मा में लीन हो जाता है।

श्लोक 21 (padma.6.37.21)

धनवान्वित्तशाठ्येन यः करोति प्रजागरम् । तेनात्माहारितो नूनं कितवेन दुरात्मना

dhanavānvittaśāṭhyena yaḥ karoti prajāgaram tenātmāhārito nūnaṁ kitavena durātmanā

धनवान होकर भी जो धन में कंजूसी करते हुए जागरण करता है, उसकी आत्मा निश्चय ही उसी दुष्ट, धूर्त मन से हर ली जाती है।

श्लोक 22 (padma.6.37.22)

विष्णुजागरणे प्राप्ते उपहासं करोति यः । षष्टिवर्षसहस्राणि विष्ठायां जायते कृमिः

viṣṇujāgaraṇe prāpte upahāsaṁ karoti yaḥ ṣaṣṭivarṣasahasrāṇi viṣṭhāyāṁ jāyate kṛmiḥ

विष्णु-जागरण होने पर जो उपहास करता है, वह साठ हज़ार वर्षों तक विष्ठा में कीड़ा बनता है।

श्लोक 23 (padma.6.37.23)

वेदविद्ब्राह्मणो यस्तु नर्त्तनेन विशेषतः । उपहासपरः प्राप्तः स वै चांडाल उच्यते

vedavidbrāhmaṇo yastu narttanena viśeṣataḥ upahāsaparaḥ prāptaḥ sa vai cāṁḍāla ucyate

वेदज्ञ ब्राह्मण भी यदि विशेष रूप से नृत्य के प्रति उपहास में तत्पर हो जाए, तो वह चांडाल ही कहलाता है।

श्लोक 24 (padma.6.37.24)

निमिषं निमिषार्द्धं वा यः करोति प्रजागरम् । धर्मार्थकाममोक्षाणां प्राप्नोति पदमव्ययम्

nimiṣaṁ nimiṣārddhaṁ vā yaḥ karoti prajāgaram dharmārthakāmamokṣāṇāṁ prāpnoti padamavyayam

जो एक निमिष या आधे निमिष भर भी जागरण करता है, वह धर्म-अर्थ-काम-मोक्ष के अविनाशी पद को प्राप्त करता है।

श्लोक 25 (padma.6.37.25)

वेदशास्त्ररतो नित्यं नित्यं वै यज्ञयाजकः । रात्रौ जागरणे प्राप्ते निंदां कुर्वन्व्रजत्यधः

vedaśāstrarato nityaṁ nityaṁ vai yajñayājakaḥ rātrau jāgaraṇe prāpte niṁdāṁ kurvanvrajatyadhaḥ

वेद-शास्त्र में सदा रत, नित्य यज्ञ करने वाला भी, रात्रि-जागरण होने पर निंदा करते हुए, नीचे गिरता है।

श्लोक 26 (padma.6.37.26)

मम पूजां प्रकुर्वाणो विष्णुनिंदासु तत्परः । एकविंशत्कुलेनैव नरकं प्रतिपद्यते

mama pūjāṁ prakurvāṇo viṣṇuniṁdāsu tatparaḥ ekaviṁśatkulenaiva narakaṁ pratipadyate

जो विष्णु की निंदा में तत्पर होकर मेरी पूजा करता है, वह इक्कीस कुलों सहित नरक को प्राप्त होता है।

श्लोक 27 (padma.6.37.27)

विष्णुः शिवः शिवो विष्णुरेकमूर्तिर्द्विधा स्थिताः । तस्मात्सर्वप्रकारेण नैव निंदां प्रकारयेत् । दष्टाः कलिभुजंगेन स्वपंति मधुहाहनि

viṣṇuḥ śivaḥ śivo viṣṇurekamūrtirdvidhā sthitāḥ tasmātsarvaprakāreṇa naiva niṁdāṁ prakārayet daṣṭāḥ kalibhujaṁgena svapaṁti madhuhāhani

विष्णु शिव हैं, शिव विष्णु हैं, एक ही मूर्ति दो रूपों में स्थित है; इसलिए किसी भी प्रकार से निंदा नहीं करनी चाहिए। कलि-सर्प से डँसे लोग मधुहा (विष्णु) के ही दिन सोते हैं,

श्लोक 28 (padma.6.37.28)

कुर्वंति जागरं नैव मायया ते च मोहिताः । प्राप्ता एकादशी येषां कलौ जागरणं विना

kurvaṁti jāgaraṁ naiva māyayā te ca mohitāḥ prāptā ekādaśī yeṣāṁ kalau jāgaraṇaṁ vinā

वे माया से मोहित होकर जागरण नहीं करते। कलियुग में जिनकी एकादशी बिना जागरण के बीत गई,

श्लोक 29 (padma.6.37.29)

ते विनष्टा न संदेहो यस्माज्जीवितमध्रुवम् । उद्धृतं नेत्रयुग्मं तु दत्त्वा वै वैष्णवं पदम्

te vinaṣṭā na saṁdeho yasmājjīvitamadhruvam uddhṛtaṁ netrayugmaṁ tu dattvā vai vaiṣṇavaṁ padam

वे निःसंदेह नष्ट हो जाते हैं, क्योंकि जीवन अस्थिर है। वैष्णव पद त्यागकर उनकी आँखों की जोड़ी मानो हर ली गई है।

श्लोक 30 (padma.6.37.30)

कृतं ये नैव पश्यंति पापिनो हरिजागरम् । अभावे वाचकस्याथ गीतं नृत्यं तु कारयेत्

kṛtaṁ ye naiva paśyaṁti pāpino harijāgaram abhāve vācakasyātha gītaṁ nṛtyaṁ tu kārayet

पापी लोग किए गए हरि-जागरण को देखते ही नहीं। पाठक के अभाव में गीत और नृत्य कराना चाहिए।

श्लोक 31 (padma.6.37.31)

वाचके सति देवर्षे पुराणं प्रथमं पठेत् । अश्वमेधसहस्रस्य वाजपेयायुतस्य च

vācake sati devarṣe purāṇaṁ prathamaṁ paṭhet aśvamedhasahasrasya vājapeyāyutasya ca

हे देवर्षे! पाठक के उपस्थित होने पर पहले पुराण पढ़ना चाहिए। हज़ार अश्वमेध और दस हज़ार वाजपेय यज्ञों का जो फल है,

श्लोक 32 (padma.6.37.32)

पुण्यं कोटिगुणं वत्स विष्णोर्जागरणे कृते । पितृपक्षे मातृपक्षे भार्यापक्षे तु वाडव

puṇyaṁ koṭiguṇaṁ vatsa viṣṇorjāgaraṇe kṛte pitṛpakṣe mātṛpakṣe bhāryāpakṣe tu vāḍava

हे वत्स! वह पुण्य करोड़ गुना हो जाता है, विष्णु का जागरण किए जाने पर। हे वाडव! पितृ-पक्ष, मातृ-पक्ष और पत्नी-पक्ष —

श्लोक 33 (padma.6.37.33)

कुलानुद्धरते चैतान्कृत्वा जागरणं हरेः । उपोषणदिने विद्धे जागरं पूजनं हरेः

kulānuddharate caitānkṛtvā jāgaraṇaṁ hareḥ upoṣaṇadine viddhe jāgaraṁ pūjanaṁ hareḥ

हरि का जागरण करके इन कुलों का उद्धार होता है। उपवास के दिन वेध होने पर जागरण और हरि-पूजन,

श्लोक 34 (padma.6.37.34)

वृथादानादिकं सर्वं कृतघ्नेषु कृतं यथा । उपोषणदिने विद्धे प्रारब्धे जागरे स्थितिम्

vṛthādānādikaṁ sarvaṁ kṛtaghneṣu kṛtaṁ yathā upoṣaṇadine viddhe prārabdhe jāgare sthitim

और अन्य सभी दान आदि उतने ही व्यर्थ हो जाते हैं जितने कृतघ्नों को दिए गए दान। उपवास के दिन वेध होने पर, जागरण आरंभ की स्थिति में,

श्लोक 35 (padma.6.37.35)

विहाय स्थानं तद्विष्णुः शापं दत्वा प्रगच्छति । अविद्धे वासरे विष्णोर्ये कुर्वंति प्रजागरम्

vihāya sthānaṁ tadviṣṇuḥ śāpaṁ datvā pragacchati aviddhe vāsare viṣṇorye kurvaṁti prajāgaram

विष्णु उस स्थान को त्यागकर शाप देकर चले जाते हैं। जो लोग विष्णु के अवेधित दिन पर जागरण करते हैं,

श्लोक 36 (padma.6.37.36)

तेषां मध्ये तु तुष्टः सन्नृत्यं तु कुरुते हरिः । यावद्दिनानि कुरुते जागरं केशवाग्रतः

teṣāṁ madhye tu tuṣṭaḥ sannṛtyaṁ tu kurute hariḥ yāvaddināni kurute jāgaraṁ keśavāgrataḥ

उनके बीच स्वयं हरि प्रसन्न होकर नृत्य करते हैं। जितने दिनों तक केशव के सामने जागरण किया जाए,

श्लोक 37 (padma.6.37.37)

युगानि तानि तावंति विष्णुलोके महीयते । यावद्दिनानि वसते विना जागरणं हरेः

yugāni tāni tāvaṁti viṣṇuloke mahīyate yāvaddināni vasate vinā jāgaraṇaṁ hareḥ

उतने ही युगों तक विष्णुलोक में सम्मान मिलता है। जितने दिनों तक हरि के जागरण के बिना जीवन बिताया जाए,

श्लोक 38 (padma.6.37.38)

तावद्वर्षसहस्राणि रौरवान्न निवर्तते । एकदश्यां शयानस्तु विना जागरणं हरेः

tāvadvarṣasahasrāṇi rauravānna nivartate ekadaśyāṁ śayānastu vinā jāgaraṇaṁ hareḥ

उतने ही हज़ारों वर्षों तक रौरव नरक से मुक्ति नहीं मिलती। एकादशी को हरि के जागरण के बिना सोया हुआ,

श्लोक 39 (padma.6.37.39)

मूकवत्तिष्ठते यो वै गानं पाठं न वाचरेत् । सप्तजन्मानि मूकत्वं जायतेऽजागरे हरेः

mūkavattiṣṭhate yo vai gānaṁ pāṭhaṁ na vācaret saptajanmāni mūkatvaṁ jāyate'jāgare hareḥ

जो मूक की तरह खड़ा रहता है, न गीत गाता है न पाठ करता है, वह हरि के जागरण से रहित रहकर सात जन्मों तक मूकत्व पाता है।

श्लोक 40 (padma.6.37.40)

यो न नृत्यति मूढात्मा पुरतो जागरे हरेः । पंगुत्वं तस्य जानीयात्सप्तजन्मानि वाडव

yo na nṛtyati mūḍhātmā purato jāgare hareḥ paṁgutvaṁ tasya jānīyātsaptajanmāni vāḍava

हे वाडव! जो मूढ़ मन वाला हरि के जागरण के सामने नृत्य नहीं करता, उसे सात जन्मों तक पंगुता प्राप्त होगी, यह जानना चाहिए।

श्लोक 41 (padma.6.37.41)

यः पुनः कुरुते गीतं नृत्यं जागरणं हरेः । ब्राह्मं पदं मदीयं च सत्यं वै तस्य वैष्णवम्

yaḥ punaḥ kurute gītaṁ nṛtyaṁ jāgaraṇaṁ hareḥ brāhmaṁ padaṁ madīyaṁ ca satyaṁ vai tasya vaiṣṇavam

परंतु जो गीत, नृत्य और हरि का जागरण करता है, वह ब्रह्म-पद को प्राप्त करता है, जो मेरा ही सच्चा वैष्णव पद है।

श्लोक 42 (padma.6.37.42)

यः प्रबोधयते लोकान्विष्णोर्जागरणे रतः । वसेच्चिरं तु वैकुंठे पितृभिः सह वैष्णवः

yaḥ prabodhayate lokānviṣṇorjāgaraṇe rataḥ vasecciraṁ tu vaikuṁṭhe pitṛbhiḥ saha vaiṣṇavaḥ

जो विष्णु के जागरण में रत होकर लोगों को जगाता है, वह वैष्णव बनकर पितरों सहित लंबे समय तक वैकुंठ में निवास करता है।

श्लोक 43 (padma.6.37.43)

मतिं प्रयच्छते यस्तु हरेर्जागरणं प्रति । षष्टिवर्षसहस्राणि श्वेतद्वीपे वसेन्नरः

matiṁ prayacchate yastu harerjāgaraṇaṁ prati ṣaṣṭivarṣasahasrāṇi śvetadvīpe vasennaraḥ

जो हरि के जागरण की ओर अपना मन लगाता है, वह मनुष्य साठ हज़ार वर्षों तक श्वेतद्वीप में निवास करता है।

श्लोक 44 (padma.6.37.44)

यत्किंचित्क्रियते पापं कोटिजन्मनि मानवैः । श्रीकृष्णजागरे सर्वं रात्रौ नश्यति वाडव

yatkiṁcitkriyate pāpaṁ koṭijanmani mānavaiḥ śrīkṛṣṇajāgare sarvaṁ rātrau naśyati vāḍava

हे वाडव! मनुष्य करोड़ों जन्मों में जो भी पाप करते हैं, श्री कृष्ण के जागरण से वे सब एक ही रात्रि में नष्ट हो जाते हैं।

श्लोक 45 (padma.6.37.45)

शालग्रामशिलाग्रे ये कुर्वंति प्रतिजागरम् । यामेयामे फलं प्रोक्तं कोट्यैंदवसमुद्भवम्

śālagrāmaśilāgre ye kurvaṁti pratijāgaram yāmeyāme phalaṁ proktaṁ koṭyaiṁdavasamudbhavam

जो शालग्राम-शिला के सामने निरंतर जागरण करते हैं, उनके लिए हर प्रहर का फल करोड़ चंद्र-मासों के बराबर बताया गया है।

श्लोक 46 (padma.6.37.46)

संप्राप्ते वासरे विष्णोर्ये न कुर्वंति जागरम् । वृथा स्यात्तत्कृतं तेषां वैष्णवानां च निंदया

saṁprāpte vāsare viṣṇorye na kurvaṁti jāgaram vṛthā syāttatkṛtaṁ teṣāṁ vaiṣṇavānāṁ ca niṁdayā

जो विष्णु का दिन आने पर जागरण नहीं करते, वैष्णवों की उस निंदा के कारण उनका किया हुआ सब कुछ व्यर्थ हो जाता है।

श्लोक 47 (padma.6.37.47)

कामार्थौ संपदः पुत्राः कीर्तिर्लोकाश्च शाश्वताः । यज्ञायुतैर्न लभ्यंते द्वादशीजागरं विना

kāmārthau saṁpadaḥ putrāḥ kīrtirlokāśca śāśvatāḥ yajñāyutairna labhyaṁte dvādaśījāgaraṁ vinā

काम, अर्थ, संपत्ति, पुत्र, कीर्ति और शाश्वत लोक — द्वादशी-जागरण के बिना ये दस हज़ार यज्ञों से भी नहीं मिलते।

श्लोक 48 (padma.6.37.48)

मतिर्न जायते यस्य द्वादश्यां जागरं प्रति । न हि तस्याधिकारोऽस्ति पूजने केशवस्य हि

matirna jāyate yasya dvādaśyāṁ jāgaraṁ prati na hi tasyādhikāro'sti pūjane keśavasya hi

जिसका मन द्वादशी के जागरण की ओर नहीं जाता, उसे केशव की पूजा का कोई अधिकार ही नहीं है।

श्लोक 49 (padma.6.37.49)

यावत्पदानि चलति केशवायतनं प्रति । अश्वमेधसमानि स्युः जागरार्थं प्रगच्छतः

yāvatpadāni calati keśavāyatanaṁ prati aśvamedhasamāni syuḥ jāgarārthaṁ pragacchataḥ

जागरण के लिए केशव के मंदिर की ओर जितने कदम चले जाएँ, वे उतने ही अश्वमेध यज्ञों के समान हैं।

श्लोक 50 (padma.6.37.50)

पादयोः पतितं यावद्धरण्यां पांशु गच्छताम् । तावद्वर्षसहस्राणि जागरो वसते दिवि

pādayoḥ patitaṁ yāvaddharaṇyāṁ pāṁśu gacchatām tāvadvarṣasahasrāṇi jāgaro vasate divi

जाते हुए के पैरों से जितनी धूल पृथ्वी पर गिरती है, उतने ही हज़ार वर्षों तक जागरण करने वाला स्वर्ग में निवास करता है।

श्लोक 51 (padma.6.37.51)

तस्माद्गृहात्प्रगंतव्यं जागरे केशवालये । कलौ मलविनाशाय द्वादशीद्वादशीषु च

tasmādgṛhātpragaṁtavyaṁ jāgare keśavālaye kalau malavināśāya dvādaśīdvādaśīṣu ca

इसलिए कलियुग में मलों के नाश के लिए, हर द्वादशी को घर से केशव के मंदिर में जागरण के लिए जाना चाहिए।

श्लोक 52 (padma.6.37.52)

परापवादसंयुक्तं मनः प्रासाद वर्जितम् । शास्त्रहीनमगांधर्वं तथा दीपविवर्जितम्

parāpavādasaṁyuktaṁ manaḥ prāsāda varjitam śāstrahīnamagāṁdharvaṁ tathā dīpavivarjitam

दूसरों की निंदा से युक्त मन, या आनंद-रहित मन; शास्त्र-रहित, संगीत-रहित, तथा दीप-रहित,

श्लोक 53 (padma.6.37.53)

शक्त्योपचाररहितमुदासीनं सनिंदनम् । कलियुक्तं विशेषेण जागरं नवधा मतम्

śaktyopacārarahitamudāsīnaṁ saniṁdanam kaliyuktaṁ viśeṣeṇa jāgaraṁ navadhā matam

उचित सेवा-उपचार से रहित, उदासीन, निंदा-युक्त — विशेष रूप से कलियुग से युक्त जागरण को इस प्रकार नौ प्रकार का माना गया है।

श्लोक 54 (padma.6.37.54)

सशास्त्रं जागरं यच्च नृत्यगांधर्वसंयुतम् । सवाद्यं तालासंयुक्तं सदीपं मधुभिर्युतम्

saśāstraṁ jāgaraṁ yacca nṛtyagāṁdharvasaṁyutam savādyaṁ tālāsaṁyuktaṁ sadīpaṁ madhubhiryutam

परंतु जो जागरण शास्त्र सहित, नृत्य-संगीत सहित, वाद्य और ताल सहित, दीप सहित और मधुरता से युक्त हो,

श्लोक 55 (padma.6.37.55)

उच्चारैस्तु समायुक्तं यथोक्तैर्भक्तिभावितैः । प्रसन्नं तुष्टिजननं संमूढं लोकरंजनम्

uccāraistu samāyuktaṁ yathoktairbhaktibhāvitaiḥ prasannaṁ tuṣṭijananaṁ saṁmūḍhaṁ lokaraṁjanam

जो निर्धारित, भक्ति-भावित पाठों से युक्त हो, प्रसन्न, संतोष उत्पन्न करने वाला, मुग्ध करने वाला, लोगों को आनंदित करने वाला —

श्लोक 56 (padma.6.37.56)

गुणैर्द्वादशभिर्युक्तं जागरं माधवप्रियम् । कर्त्तव्यं तत्प्रयत्नेन पक्षयोः शुक्लकृष्णयोः

guṇairdvādaśabhiryuktaṁ jāgaraṁ mādhavapriyam karttavyaṁ tatprayatnena pakṣayoḥ śuklakṛṣṇayoḥ

इन बारह गुणों से युक्त जागरण माधव को प्रिय है; उसे प्रयत्नपूर्वक शुक्ल और कृष्ण दोनों पक्षों में करना चाहिए।

श्लोक 57 (padma.6.37.57)

किं व्रतैर्बहुभिश्चीर्णैस्तीर्थवासेन तस्य किम् । द्वादशीवासरे प्राप्ते न कुर्याज्जागरं हरेः

kiṁ vratairbahubhiścīrṇaistīrthavāsena tasya kim dvādaśīvāsare prāpte na kuryājjāgaraṁ hareḥ

बहुत से व्रतों को करने से क्या लाभ, तीर्थों में रहने से क्या लाभ, यदि द्वादशी का दिन आने पर हरि का जागरण न किया जाए?

श्लोक 58 (padma.6.37.58)

प्रवासेन त्यजेद्यस्तु पथिस्विन्नोऽपि वाडव । जागरं वासुदेवस्य द्वादश्यां तु समे प्रियः

pravāsena tyajedyastu pathisvinno'pi vāḍava jāgaraṁ vāsudevasya dvādaśyāṁ tu same priyaḥ

हे वाडव! मार्ग में थका हुआ भी जो प्रवास के कारण इसे त्याग दे — द्वादशी को वासुदेव का जागरण मुझे विशेष रूप से प्रिय है।

श्लोक 59 (padma.6.37.59)

मद्भक्तो न हरेः कुर्याज्जागरं पापमोहितः । व्यर्थं मत्पूजनं तस्य मत्पूज्यं यो न पूजयेत्

madbhakto na hareḥ kuryājjāgaraṁ pāpamohitaḥ vyarthaṁ matpūjanaṁ tasya matpūjyaṁ yo na pūjayet

मेरा भक्त पाप से मोहित होकर हरि का जागरण न करे, यह न हो; जो मेरे पूज्य को नहीं पूजता, उसकी मेरी पूजा व्यर्थ है।

श्लोक 60 (padma.6.37.60)

न शैवो न च सौरोऽसौ न शाक्तो गणसेवकः । यो भुंक्ते वासरे विष्णोर्ज्ञेयः पश्वधिको हि सः

na śaivo na ca sauro'sau na śākto gaṇasevakaḥ yo bhuṁkte vāsare viṣṇorjñeyaḥ paśvadhiko hi saḥ

वह न शैव है, न सौर, न शाक्त, न गणों का सेवक — जो विष्णु के दिन भोजन करता है, उसे पशु से भी नीचे जानना चाहिए।

श्लोक 61 (padma.6.37.61)

विप्रियं च कृतं तेन दुष्टेनैव च पापिना । मद्भक्तिबलमाश्रित्य यो भुंक्ते वै हरेर्दिने

vipriyaṁ ca kṛtaṁ tena duṣṭenaiva ca pāpinā madbhaktibalamāśritya yo bhuṁkte vai harerdine

उस दुष्ट, पापी ने अप्रिय कार्य किया है। जो मेरी भक्ति के बल का सहारा लेकर हरि के दिन भोजन करता है,

श्लोक 62 (padma.6.37.62)

सबाह्याभ्यंतरं देहं वेष्टितं पापकोटिभिः । मुच्यंते वासरे विष्णोर्ये कुर्वंति प्रजागरम्

sabāhyābhyaṁtaraṁ dehaṁ veṣṭitaṁ pāpakoṭibhiḥ mucyaṁte vāsare viṣṇorye kurvaṁti prajāgaram

उसकी काया, बाहर और भीतर, करोड़ों पापों से लिपटी रहती है; जो विष्णु के दिन निरंतर जागरण करते हैं, वे ही इनसे मुक्त होते हैं।

श्लोक 63 (padma.6.37.63)

कूर्परं यमदूतानां दत्तं तेन यमस्य च । कृत्वा जागरणं विष्णोरविद्धं द्वादशीव्रतम्

kūrparaṁ yamadūtānāṁ dattaṁ tena yamasya ca kṛtvā jāgaraṇaṁ viṣṇoraviddhaṁ dvādaśīvratam

जिसने अवेधित द्वादशी-व्रत में विष्णु का जागरण किया है, उसने मानो यम के दूतों की कुहनी यम को ही सौंप दी है (अर्थात् उन्हें निष्क्रिय कर दिया है)।

श्लोक 64 (padma.6.37.64)

स्वर्गापेक्षा मुनिश्रेष्ठ मुक्ता ते नैव संशयः । वांछितं नारकं सौख्यं विद्धं कृत्वा हरेर्दिनम्

svargāpekṣā muniśreṣṭha muktā te naiva saṁśayaḥ vāṁchitaṁ nārakaṁ saukhyaṁ viddhaṁ kṛtvā harerdinam

हे मुनिश्रेष्ठ! स्वर्ग की अपेक्षा से भी रहित वे निःसंदेह मुक्त हो जाते हैं; परंतु हरि के दिन को वेध सहित करके नरक का इच्छित सुख ही मिलता है।

श्लोक 65 (padma.6.37.65)

निहताः पितरस्तेन देवानां वै वधः कृतः । दत्तं राज्यं तु दैत्यानां कृत्वा विद्धं हरेर्दिनम्

nihatāḥ pitarastena devānāṁ vai vadhaḥ kṛtaḥ dattaṁ rājyaṁ tu daityānāṁ kṛtvā viddhaṁ harerdinam

इससे पितर आहत होते हैं, देवताओं का मानो वध हो जाता है; हरि के दिन को वेध सहित करने से दैत्यों को राज्य दिया जाता है।

श्लोक 66 (padma.6.37.66)

यो नृत्यति प्रहृष्टात्मा कृत्वा वै करताडनम् । गीतं कुर्वन्मुखेनापि दर्शयन्कौतुकान्बहून्

yo nṛtyati prahṛṣṭātmā kṛtvā vai karatāḍanam gītaṁ kurvanmukhenāpi darśayankautukānbahūn

जो प्रसन्न मन से हाथ ताली बजाते हुए नृत्य करता है, अपने ही मुख से गीत गाता हुआ, अनेक कौतुक दिखाता हुआ,

श्लोक 67 (padma.6.37.67)

पुरतो वासुदेवस्य रात्रौ जागरणे स्थितः । पठन्कृष्णचरित्राणि रंजयन्वैष्णवान्गणान्

purato vāsudevasya rātrau jāgaraṇe sthitaḥ paṭhankṛṣṇacaritrāṇi raṁjayanvaiṣṇavāngaṇān

वासुदेव के सामने, रात्रि के जागरण में खड़ा होकर, कृष्ण के चरित्रों का पाठ करता हुआ, वैष्णव समूहों को आनंदित करता हुआ,

श्लोक 68 (padma.6.37.68)

मुखेन कुरुते वाद्यं संप्रहृष्टतनूरुहः । दर्शयन्विविधान्भृत्यान्स्वेच्छालापान्प्रकारयन्

mukhena kurute vādyaṁ saṁprahṛṣṭatanūruhaḥ darśayanvividhānbhṛtyānsvecchālāpānprakārayan

अपने मुख से वाद्य-ध्वनि करता हुआ, हर्ष से रोमांचित शरीर वाला, विविध सेवकों को दिखाता हुआ, इच्छानुसार वार्तालाप करता हुआ —

श्लोक 69 (padma.6.37.69)

भावैरेतैर्नरो यस्तु कुरुते जागरे हरेः । निमिषेनिमिषे पुण्यं तीर्थकोटिफलं स्मृतम्

bhāvairetairnaro yastu kurute jāgare hareḥ nimiṣenimiṣe puṇyaṁ tīrthakoṭiphalaṁ smṛtam

इन्हीं भावों से जो मनुष्य हरि का जागरण करता है, उसे क्षण-क्षण में करोड़ों तीर्थों का फल कहा गया है।

श्लोक 70 (padma.6.37.70)

अनुद्विग्नमना यस्तु धूपनीराजनं हरेः । कुरुते जागरे रात्रौ सप्तद्वीपाधिपो भवेत्

anudvignamanā yastu dhūpanīrājanaṁ hareḥ kurute jāgare rātrau saptadvīpādhipo bhavet

जो शांत मन से रात्रि के जागरण में हरि की धूप-आरती करता है, वह सातों द्वीपों का अधिपति बनता है।

श्लोक 71 (padma.6.37.71)

यानि कानि च पापानि ब्रह्महत्यासमानि च । कृष्णा ह जागरात्तानि विलयं यांति खंडशः

yāni kāni ca pāpāni brahmahatyāsamāni ca kṛṣṇā ha jāgarāttāni vilayaṁ yāṁti khaṁḍaśaḥ

जो भी पाप हों, ब्रह्महत्या के समान भी, कृष्ण के जागरण से वे टुकड़े-टुकड़े होकर नष्ट हो जाते हैं।

श्लोक 72 (padma.6.37.72)

एकतः क्रतवः सर्वे समाप्तवरदक्षिणाः । एकतो देवदेवस्य जागरः कृष्णवल्लभः

ekataḥ kratavaḥ sarve samāptavaradakṣiṇāḥ ekato devadevasya jāgaraḥ kṛṣṇavallabhaḥ

एक ओर दक्षिणाओं सहित पूर्ण हुए सभी यज्ञ हैं, दूसरी ओर कृष्ण-प्रिय देवाधिदेव का जागरण है।

श्लोक 73 (padma.6.37.73)

तत्र काशी पुष्करं च प्रयागं नैमिषं गया । शालग्राममहाक्षेत्रमर्बुदारण्यमेव च

tatra kāśī puṣkaraṁ ca prayāgaṁ naimiṣaṁ gayā śālagrāmamahākṣetramarbudāraṇyameva ca

वहाँ काशी, पुष्कर, प्रयाग, नैमिष, गया, शालग्राम-महाक्षेत्र और अर्बुद-वन भी,

श्लोक 74 (padma.6.37.74)

पौष्करं मथुरा तत्र सर्वतीर्थानि चैव हि । यज्ञा वेदाश्च चत्वारो व्रजंति हरिजागरम्

pauṣkaraṁ mathurā tatra sarvatīrthāni caiva hi yajñā vedāśca catvāro vrajaṁti harijāgaram

पौष्कर, मथुरा, वहाँ के सभी तीर्थ, चारों यज्ञ और वेद — सब हरि के जागरण में जाते हैं।

श्लोक 75 (padma.6.37.75)

गंगा सरस्वती तापी यमुना च शतद्रुका । चंद्रभागा वितस्ता च नद्यः सर्वास्तु तत्र वै

gaṁgā sarasvatī tāpī yamunā ca śatadrukā caṁdrabhāgā vitastā ca nadyaḥ sarvāstu tatra vai

गंगा, सरस्वती, ताप्ती, यमुना, शतद्रु, चंद्रभागा, विततस्ता — वहाँ की सभी नदियाँ,

श्लोक 76 (padma.6.37.76)

सरांसि च ह्रदाः सर्वे समुद्राः सर्व एव हि । एकादश्यां द्विजश्रेष्ठ गच्छंति कृष्णजागरम्

sarāṁsi ca hradāḥ sarve samudrāḥ sarva eva hi ekādaśyāṁ dvijaśreṣṭha gacchaṁti kṛṣṇajāgaram

सभी सरोवर और झीलें, सभी सागर — हे द्विजश्रेष्ठ! एकादशी को सब कृष्ण के जागरण में जाते हैं।

श्लोक 77 (padma.6.37.77)

स्पृहणीया हि देवानां ये नराः कृष्णजागरे । नृत्यंति गीतं कुर्वंति वीणावाद्यप्रहर्षिताः

spṛhaṇīyā hi devānāṁ ye narāḥ kṛṣṇajāgare nṛtyaṁti gītaṁ kurvaṁti vīṇāvādyapraharṣitāḥ

जो मनुष्य कृष्ण के जागरण में नृत्य करते हैं, गीत गाते हैं, वीणा-वाद्य से हर्षित होते हैं, वे देवताओं के लिए भी वांछनीय हैं।

श्लोक 78 (padma.6.37.78)

एवं जागरणं कृत्वा संपूज्य च महाहरिम् । द्वादश्यां पारणं कृत्वा स्वशक्त्या वैष्णवैः सह

evaṁ jāgaraṇaṁ kṛtvā saṁpūjya ca mahāharim dvādaśyāṁ pāraṇaṁ kṛtvā svaśaktyā vaiṣṇavaiḥ saha

इस प्रकार जागरण करके, महान हरि की पूजा करके, द्वादशी को अपनी सामर्थ्य के अनुसार वैष्णवों सहित उपवास तोड़कर —

श्लोक 79 (padma.6.37.79)

महादेव उवाच ।शृणु ब्रह्मन्प्रवक्ष्यामि द्वादशीमाहात्म्यमुत्तमम् । द्वादशी तु सदा ज्ञेया पुत्रदा मोक्षदायिनी

mahādeva uvāca śṛṇu brahmanpravakṣyāmi dvādaśīmāhātmyamuttamam dvādaśī tu sadā jñeyā putradā mokṣadāyinī

महादेव ने कहा — हे ब्रह्मन्! सुनो, मैं द्वादशी की उत्तम महिमा बताऊँगा। द्वादशी को सदा पुत्रदायी और मोक्षदायिनी जानना चाहिए।

श्लोक 80 (padma.6.37.80)

प्रातः स्नात्वा हरिं पूज्य उपवासं समर्पयेत् । अज्ञानतिमिरांधस्य व्रतेनानेन केशव

prātaḥ snātvā hariṁ pūjya upavāsaṁ samarpayet ajñānatimirāṁdhasya vratenānena keśava

प्रातः स्नान करके हरि की पूजा करके उपवास अर्पित करना चाहिए — 'अज्ञान के अंधकार से अंधे हुए मुझ पर, इस व्रत के द्वारा, हे केशव!

श्लोक 81 (padma.6.37.81)

प्रसीद सुमुखो भूत्वा ज्ञानदृष्टिप्रदो भव । पारणं च ततः कुर्याद्यथासंभवमग्रतः

prasīda sumukho bhūtvā jñānadṛṣṭiprado bhava pāraṇaṁ ca tataḥ kuryādyathāsaṁbhavamagrataḥ

प्रसन्न होकर मुझे ज्ञान-दृष्टि प्रदान कीजिए।' फिर जैसा संभव हो, आगे उपवास तोड़ना चाहिए।

श्लोक 82 (padma.6.37.82)

अत ऊर्ध्वं यथेष्टं तु कारयेच्च यथाविधि । यदा तु द्वादशी स्वल्पा पारणेन भवेद्दिवज

ata ūrdhvaṁ yatheṣṭaṁ tu kārayecca yathāvidhi yadā tu dvādaśī svalpā pāraṇena bhaveddivaja

इसके बाद जो चाहे, विधिपूर्वक करा सकता है। हे द्विज! जब उपवास तोड़ने के लिए द्वादशी छोटी हो,

श्लोक 83 (padma.6.37.83)

तदा रात्रौ तु कर्त्तव्यं पारणं मुक्तिमिच्छता । तदा न रात्रिदोषः स्यान्निषिद्धं न भवेत्क्वचित्

tadā rātrau tu karttavyaṁ pāraṇaṁ muktimicchatā tadā na rātridoṣaḥ syānniṣiddhaṁ na bhavetkvacit

तब मुक्ति की इच्छा रखने वाले को रात्रि में ही उपवास तोड़ना चाहिए; तब रात्रि का कोई दोष नहीं होता, कहीं कुछ निषिद्ध नहीं होता।

श्लोक 84 (padma.6.37.84)

यदुक्तं निशि न स्नायान्महानिशि न भोजयेत् । तत्पूर्वपरयामाभ्यां दिनवत्कर्म कारयेत्

yaduktaṁ niśi na snāyānmahāniśi na bhojayet tatpūrvaparayāmābhyāṁ dinavatkarma kārayet

जो कहा गया है कि 'रात्रि में स्नान न करे, महारात्रि में भोजन न करे' — वह पूर्व-रात्रि और उत्तर-रात्रि के लिए है; इस समय दिन के समान कार्य करना चाहिए।

श्लोक 85 (padma.6.37.85)

यदा भवति स्वल्पा तु द्वादशी पारणे दिने । उषःकाले द्वयं कुर्यात्प्रातर्मध्याह्निकं तथा

yadā bhavati svalpā tu dvādaśī pāraṇe dine uṣaḥkāle dvayaṁ kuryātprātarmadhyāhnikaṁ tathā

जब उपवास तोड़ने के दिन द्वादशी छोटी हो, तो उषःकाल में ही दोनों कार्य करने चाहिए — प्रातःकाल का भी और मध्याह्न का भी।

श्लोक 86 (padma.6.37.86)

द्वादशी साधिता येन नरेण भुवि सर्वदा । तस्य पुण्यमहं वक्तुं न समर्थो विशेषतः

dvādaśī sādhitā yena nareṇa bhuvi sarvadā tasya puṇyamahaṁ vaktuṁ na samartho viśeṣataḥ

जिस मनुष्य ने पृथ्वी पर सदा द्वादशी सिद्ध की है, उसका पुण्य मैं विशेष रूप से पूरा बता पाने में असमर्थ हूँ।

श्लोक 87 (padma.6.37.87)

साधयित्वाखिलान्कामान्प्राप्नुयुश्च महाजनाः । अंबरीषादयः सर्वे ये भक्ता भुवि विश्रुताः

sādhayitvākhilānkāmānprāpnuyuśca mahājanāḥ aṁbarīṣādayaḥ sarve ye bhaktā bhuvi viśrutāḥ

सभी कामनाओं को सिद्ध करके महापुरुष इसे प्राप्त करते हैं — अंबरीष आदि सभी जो पृथ्वी पर विख्यात भक्त हुए हैं।

श्लोक 88 (padma.6.37.88)

द्वादशीं साधयित्वा तु ते गता विष्णुसद्मनि । सत्यं सत्यं पुनः सत्यं यदुक्तं तु मया तव

dvādaśīṁ sādhayitvā tu te gatā viṣṇusadmani satyaṁ satyaṁ punaḥ satyaṁ yaduktaṁ tu mayā tava

द्वादशी को सिद्ध करके वे विष्णु-धाम गए। सत्य, सत्य, फिर से सत्य ही मैंने तुमसे कहा है —

श्लोक 89 (padma.6.37.89)

नास्ति विष्णुसमो देवो न तिथिर्द्वादशीसमा । अत्र दत्तं च भुक्तं च तथा पूजादिकं च यत्

nāsti viṣṇusamo devo na tithirdvādaśīsamā atra dattaṁ ca bhuktaṁ ca tathā pūjādikaṁ ca yat

विष्णु के समान कोई देव नहीं है, द्वादशी के समान कोई तिथि नहीं है। यहाँ जो कुछ दिया, भोगा और पूजा आदि की जाती है,

श्लोक 90 (padma.6.37.90)

तत्सर्वं पूर्णतां याति पूजिते माधवे सति । किं पुनर्बहुनोक्तेन भक्तानां वल्लभो हरिः

tatsarvaṁ pūrṇatāṁ yāti pūjite mādhave sati kiṁ punarbahunoktena bhaktānāṁ vallabho hariḥ

वह सब पूर्णता को प्राप्त होता है, जब माधव विधिवत् पूजित हों। फिर अधिक कहने से क्या — हरि भक्तों के प्रिय हैं;

श्लोक 91 (padma.6.37.91)

प्रददात्यखिलान्कामान्यावदाभूतसंप्लवम् । द्वादश्यां चैव यद्दत्तं तत्सर्वं सफलं भवेत्

pradadātyakhilānkāmānyāvadābhūtasaṁplavam dvādaśyāṁ caiva yaddattaṁ tatsarvaṁ saphalaṁ bhavet

वे प्राणियों के प्रलय तक उनकी सभी कामनाएँ पूर्ण करते हैं। और द्वादशी को जो कुछ भी दिया जाता है, वह सब सफल होता है।

श्लोक 92 (padma.6.37.92)

कुरुक्षेत्रेषु यद्दत्तं निष्फलं नैव जायते । तद्वच्च द्वादशीदत्तं भवेद्देवर्षिसत्तम

kurukṣetreṣu yaddattaṁ niṣphalaṁ naiva jāyate tadvacca dvādaśīdattaṁ bhaveddevarṣisattama

कुरुक्षेत्र में जो दिया जाता है, वह कभी निष्फल नहीं होता; उसी प्रकार द्वादशी को दिया गया भी होता है, हे देवर्षिसत्तम!