वेदोद्धार एवं बदरीवन माहात्म्य

श्लोक 1 (padma.6.91.1)

नारद उवाच । इत्युक्त्वा भगवान्विष्णुः शफरीतुल्यरूपधृक् । स पपातांजलौ विंध्ये निवासे कश्यपस्य च

nārada uvāca ityuktvā bhagavānviṣṇuḥ śapharītulyarūpadhṛk sa papātāṁjalau viṁdhye nivāse kaśyapasya ca

नारद ने कहा - ऐसा कहकर भगवान विष्णु एक छोटी मछली के समान रूप धारण कर विंध्य में स्थित कश्यप के निवास में जल के पात्र में गिरे।

श्लोक 2 (padma.6.91.2)

स तं कमंडलौ क्षिप्रं कृपया क्षिप्तवान्मुनिः । तावत्स न ममौ तत्र ततः कूपे न्यवेशयत्

sa taṁ kamaṁḍalau kṣipraṁ kṛpayā kṣiptavānmuniḥ tāvatsa na mamau tatra tataḥ kūpe nyaveśayat

उस मुनि ने दया से शीघ्र उसे कमंडल में डाल दिया। किंतु वहाँ भी वह मछली-रूप विष्णु समा न सका, तब उन्होंने उसे कुएँ में डाल दिया।

श्लोक 3 (padma.6.91.3)

तत्रापि न ममौ तावत्कासारे प्राक्षिपत्सताम् । एवं स सागरे क्षिप्तस्तत्र सोऽप्यन्ववर्द्धत

tatrāpi na mamau tāvatkāsāre prākṣipatsatām evaṁ sa sāgare kṣiptastatra so'pyanvavarddhata

वहाँ भी वह न समाया, तब उसे तालाब में डाला। इस प्रकार अंत में उसे समुद्र में डाला गया, और वहाँ भी वह बढ़ता ही गया।

श्लोक 4 (padma.6.91.4)

ततोऽवधीत्स तं शंखं विष्णुर्वै मत्स्यरूपधृक् । अथ तं स्वकरे धृत्वा बदरीवनमागतः

tato'vadhītsa taṁ śaṁkhaṁ viṣṇurvai matsyarūpadhṛk atha taṁ svakare dhṛtvā badarīvanamāgataḥ

तब मत्स्य-रूपधारी विष्णु ने उस शंख असुर का वध किया। फिर उसे अपने हाथ में लेकर वे बदरीवन आ गए।

श्लोक 5 (padma.6.91.5)

तत्राहूय ऋषीन्सर्वानिदमाज्ञापयद्विभुः । श्रीकृष्ण उवाच । जलांतरे विशीर्णांस्तु यूयं वेदान्प्रमार्जथ

tatrāhūya ṛṣīnsarvānidamājñāpayadvibhuḥ śrīkṛṣṇa uvāca jalāṁtare viśīrṇāṁstu yūyaṁ vedānpramārjatha

वहाँ सभी ऋषियों को बुलाकर उस विभु ने यह आदेश दिया। श्रीकृष्ण ने कहा - जल के भीतर बिखरे हुए वेदों को तुम सब भलीभाँति एकत्र करो।

श्लोक 6 (padma.6.91.6)

आनयध्वं च त्वरिताः सरहस्यं जलांतरात् । तावत्प्रयागे तिष्ठामि देवतागणसंयुतः

ānayadhvaṁ ca tvaritāḥ sarahasyaṁ jalāṁtarāt tāvatprayāge tiṣṭhāmi devatāgaṇasaṁyutaḥ

शीघ्रता से उन्हें रहस्य सहित जल के भीतर से ले आओ। तब तक मैं देवगणों सहित प्रयाग में ठहरता हूँ।

श्लोक 7 (padma.6.91.7)

नारद उवाच । ततस्तैः सर्वमुनिभिस्तपोबलसमन्वितैः । उद्धारिताः षडंगास्ते वेदा यज्ञसमन्विताः

nārada uvāca tatastaiḥ sarvamunibhistapobalasamanvitaiḥ uddhāritāḥ ṣaḍaṁgāste vedā yajñasamanvitāḥ

नारद ने कहा - तब तपोबल से युक्त उन सभी मुनियों ने छहों अंगों और यज्ञों सहित उन वेदों का उद्धार किया।

श्लोक 8 (padma.6.91.8)

तेषु यावन्मितं येन लब्धं तावन्मितस्य हि । स स एव ऋषिर्जातस्तदाप्रभृति पार्थिव

teṣu yāvanmitaṁ yena labdhaṁ tāvanmitasya hi sa sa eva ṛṣirjātastadāprabhṛti pārthiva

हे राजन्! उन वेदों में से जिसने जितना अंश प्राप्त किया, वह उसी अंश का ऋषि बन गया, तभी से।

श्लोक 9 (padma.6.91.9)

अथ सर्वेऽपि संगम्य प्रयागं मुनयो ययुः । विष्णवे सविधात्रे ते लब्धान्वेदान्न्यवेदयन्

atha sarve'pi saṁgamya prayāgaṁ munayo yayuḥ viṣṇave savidhātre te labdhānvedānnyavedayan

फिर सभी मुनि एकत्र होकर प्रयाग गए और उन्होंने प्राप्त किए हुए वेदों को ब्रह्मा सहित विष्णु को समर्पित किया।

श्लोक 10 (padma.6.91.10)

लब्ध्वा वेदान्सयज्ञांस्तु ब्रह्माहर्षसमन्वितः । अयजच्चाश्वमेधेन देवर्षिगणसंवृतः

labdhvā vedānsayajñāṁstu brahmāharṣasamanvitaḥ ayajaccāśvamedhena devarṣigaṇasaṁvṛtaḥ

यज्ञों सहित वेदों को प्राप्त कर ब्रह्मा हर्ष से युक्त होकर, देवताओं और ऋषियों के समूह से घिरे हुए अश्वमेध यज्ञ करने लगे।

श्लोक 11 (padma.6.91.11)

यज्ञा ते देवदेवेश सिद्धपन्नगगुह्यकाः । निपत्य दंडवद्भूमौ विज्ञप्तिं तत्र चक्रिरे

yajñā te devadeveśa siddhapannagaguhyakāḥ nipatya daṁḍavadbhūmau vijñaptiṁ tatra cakrire

हे देवाधिदेव! उस यज्ञ में सिद्ध, नाग और गुह्यक भी भूमि पर दंडवत् प्रणाम कर वहाँ यह विनती करने लगे।

श्लोक 12 (padma.6.91.12)

देवा ऊचुः। देवदेवजगन्नाथ विज्ञप्तिं शृणु नः प्रभो । हर्षकालोऽयमस्माकं तस्मात्त्वं वरदो भव

devā ūcuḥ devadevajagannātha vijñaptiṁ śṛṇu naḥ prabho harṣakālo'yamasmākaṁ tasmāttvaṁ varado bhava

देवताओं ने कहा - हे देवाधिदेव! हे जगन्नाथ! हे प्रभो! हमारी विनती सुनिए। यह हमारे लिए हर्ष का समय है; इसलिए आप हमें वर देने वाले बनिए।

श्लोक 13 (padma.6.91.13)

स्थानेऽस्मिन्नृषयो वेदान्नष्टान्प्रापुः पुनः स्वयम् । यज्ञभागान्वयं प्राप्तास्त्वत्प्रसादाद्रमापते

sthāne'sminnṛṣayo vedānnaṣṭānprāpuḥ punaḥ svayam yajñabhāgānvayaṁ prāptāstvatprasādādramāpate

इसी स्थान पर ऋषियों ने खोए हुए वेदों को पुनः स्वयं प्राप्त किया। हे रमापते! आपकी कृपा से हमने भी यज्ञ-भाग प्राप्त किए।

श्लोक 14 (padma.6.91.14)

स्थानमेतदपि श्रेष्ठं पृथिव्यां पुण्यवर्द्धनम् । भुक्तिमुक्तिप्रदं चास्तु प्रसादाद्भवतः सदा

sthānametadapi śreṣṭhaṁ pṛthivyāṁ puṇyavarddhanam bhuktimuktipradaṁ cāstu prasādādbhavataḥ sadā

पृथ्वी पर यह स्थान भी श्रेष्ठ और पुण्य बढ़ाने वाला हो। आपकी कृपा से यह सदा भोग और मोक्ष देने वाला हो।

श्लोक 15 (padma.6.91.15)

कालोऽप्ययं महापुण्यो ब्रह्मघ्नादिविशुद्धिकृत् । दत्ताक्षयकरश्चास्तु वरमेतद्वदस्व नः

kālo'pyayaṁ mahāpuṇyo brahmaghnādiviśuddhikṛt dattākṣayakaraścāstu varametadvadasva naḥ

यह काल भी महापुण्यमय और ब्रह्महत्या आदि पापों की शुद्धि करने वाला हो। यह दिए गए दान को अक्षय बनाने वाला भी हो - यह वर हमें दीजिए।

श्लोक 16 (padma.6.91.16)

श्रीविष्णुरुवाच। ममाप्येतन्मतं देवा यद्भवद्भिरुदाहृतम् । तत्तथास्तु लभत्वेतद्ब्रह्मक्षेत्रमिति प्रथाम्

śrīviṣṇuruvāca mamāpyetanmataṁ devā yadbhavadbhirudāhṛtam tattathāstu labhatvetadbrahmakṣetramiti prathām

श्रीविष्णु ने कहा - हे देवगण! जो तुमने कहा है, वही मेरा भी अभिमत है। ऐसा ही हो। यह स्थान 'ब्रह्मक्षेत्र' के नाम से प्रसिद्धि प्राप्त करे।

श्लोक 17 (padma.6.91.17)

सूर्यवंशोद्भवो राजा गंगामत्रानयिष्यति । सा सूर्यकन्यया चात्र कालिंद्या संगमिष्यति

sūryavaṁśodbhavo rājā gaṁgāmatrānayiṣyati sā sūryakanyayā cātra kāliṁdyā saṁgamiṣyati

सूर्यवंश में उत्पन्न एक राजा गंगा को यहाँ लाएगा। वह गंगा यहाँ सूर्य-पुत्री कालिंदी से संगम करेगी।

श्लोक 18 (padma.6.91.18)

यूयं च सर्वे ब्रह्माद्या निवसध्वं मया सह । तीर्थराजेऽति विख्यातं तीर्थमेतद्भविष्यति

yūyaṁ ca sarve brahmādyā nivasadhvaṁ mayā saha tīrtharāje'ti vikhyātaṁ tīrthametadbhaviṣyati

तुम सब भी, ब्रह्मा आदि, मेरे साथ यहाँ निवास करो। यह तीर्थ 'तीर्थराज' नाम से अत्यंत प्रसिद्ध होगा।

श्लोक 19 (padma.6.91.19)

दानं तपो व्रतं होमो जपपूजादिकाः क्रियाः । अनंतफलदाः संतु मत्सांनिध्यप्रदाः सदा

dānaṁ tapo vrataṁ homo japapūjādikāḥ kriyāḥ anaṁtaphaladāḥ saṁtu matsāṁnidhyapradāḥ sadā

यहाँ किया गया दान, तप, व्रत, हवन, जप और पूजा आदि कर्म अनंत फल देने वाले हों और सदा मेरी निकटता प्रदान करने वाले हों।

श्लोक 20 (padma.6.91.20)

ब्रह्महत्यादि पापानि बहुजन्मकृतान्यपि । दर्शनादस्य तीर्थस्य विनाशं यांतु तत्क्षणात्

brahmahatyādi pāpāni bahujanmakṛtānyapi darśanādasya tīrthasya vināśaṁ yāṁtu tatkṣaṇāt

अनेक जन्मों में किए गए ब्रह्महत्या आदि पाप भी इस तीर्थ के दर्शन मात्र से उसी क्षण नष्ट हो जाएँ।

श्लोक 21 (padma.6.91.21)

देहत्यागं तथा धीराः कुर्वंति मम सन्निधौ । मत्तनुं प्रविशंत्येव पुनर्जन्मनि नो नराः

dehatyāgaṁ tathā dhīrāḥ kurvaṁti mama sannidhau mattanuṁ praviśaṁtyeva punarjanmani no narāḥ

जो धीर पुरुष यहाँ मेरे समीप देह-त्याग करते हैं, वे मेरे ही शरीर में प्रविष्ट हो जाते हैं; वे मनुष्य पुनर्जन्म को प्राप्त नहीं होते।

श्लोक 22 (padma.6.91.22)

पितॄन्निर्दिश्य ये श्राद्धं कुर्वंत्यत्र समागताः । तेषां पितृगणाः सर्वे यांतु ते मत्सलोकताम्

pitṝnnirdiśya ye śrāddhaṁ kurvaṁtyatra samāgatāḥ teṣāṁ pitṛgaṇāḥ sarve yāṁtu te matsalokatām

जो लोग यहाँ आकर पितरों के निमित्त श्राद्ध करते हैं, उनके सभी पितरों को मेरे ही लोक में स्थान प्राप्त हो।

श्लोक 23 (padma.6.91.23)

कालोऽप्येष महापुण्यफलदोऽस्तु सदा नृणाम् । सूर्य्ये मकरगे प्रातः स्नायिनां पापनाशनम्

kālo'pyeṣa mahāpuṇyaphalado'stu sadā nṛṇām sūryye makarage prātaḥ snāyināṁ pāpanāśanam

यह काल भी मनुष्यों के लिए सदा महापुण्य-फल देने वाला हो। सूर्य के मकर राशि में प्रवेश करने पर प्रातः स्नान करने वालों के पाप का नाशक हो।

श्लोक 24 (padma.6.91.24)

मकरस्थरवौ माघे प्रातः स्नानं प्रकुर्वताम् । दर्शनादेव पापानि यांति सूर्याद्यथा तमः

makarastharavau māghe prātaḥ snānaṁ prakurvatām darśanādeva pāpāni yāṁti sūryādyathā tamaḥ

माघ में जब सूर्य मकर राशि में स्थित हो, तब प्रातः स्नान करने वालों के पाप, दर्शन मात्र से ही, वैसे ही चले जाते हैं जैसे सूर्य से अंधकार चला जाता है।

श्लोक 25 (padma.6.91.25)

सलोकत्वं सरूपत्वं समीपत्वं त्रयं क्रमात् । नृणां ददाम्यहं स्नानान्माघे मकरगे रवौ

salokatvaṁ sarūpatvaṁ samīpatvaṁ trayaṁ kramāt nṛṇāṁ dadāmyahaṁ snānānmāghe makarage ravau

माघ में सूर्य के मकर राशि में होने पर स्नान करने से मैं मनुष्यों को क्रमशः सलोकता, सरूपता और समीपता - ये तीनों प्रदान करता हूँ।

श्लोक 26 (padma.6.91.26)

यूयं मुनीश्वराः सर्वे शृणुध्वं वरदोऽस्मि वः । बदरीवनमध्येऽहं सदा तिष्ठामि सर्वगः

yūyaṁ munīśvarāḥ sarve śṛṇudhvaṁ varado'smi vaḥ badarīvanamadhye'haṁ sadā tiṣṭhāmi sarvagaḥ

तुम सभी मुनीश्वर सुनो - मैं तुम्हें वर देने वाला हूँ। मैं सर्वव्यापी होते हुए भी सदा बदरीवन के मध्य में स्थित रहता हूँ।

श्लोक 27 (padma.6.91.27)

अन्यत्र दशभिर्वर्षैस्तपसावाप्यते फलम् । तदत्र दिवसैकेन भवद्भिः प्राप्यते सदा

anyatra daśabhirvarṣaistapasāvāpyate phalam tadatra divasaikena bhavadbhiḥ prāpyate sadā

अन्यत्र दस वर्षों के तप से जो फल प्राप्त होता है, वही फल यहाँ तुम सबको एक ही दिन में सदा प्राप्त हो जाता है।

श्लोक 28 (padma.6.91.28)

स्थानस्य दर्शनं तस्य ये कुर्वंति नरोत्तमाः । जीवन्मुक्तास्तदा तेषु पापं नैवावतिष्ठते

sthānasya darśanaṁ tasya ye kurvaṁti narottamāḥ jīvanmuktāstadā teṣu pāpaṁ naivāvatiṣṭhate

जो श्रेष्ठ मनुष्य इस स्थान का दर्शन करते हैं, वे तभी जीवन्मुक्त हो जाते हैं; उनमें पाप कभी नहीं ठहरता।

श्लोक 29 (padma.6.91.29)

सूत उवाच । एवं देवान्देवदेवस्तदुक्त्वा तत्रैवांतर्द्धानमागात्स वेधाः । देवाः सर्वेऽप्यंशकैस्तत्र तस्थुश्चांतर्द्धानं प्रापुरिंद्रादयस्ते

sūta uvāca evaṁ devāndevadevastaduktvā tatraivāṁtarddhānamāgātsa vedhāḥ devāḥ sarve'pyaṁśakaistatra tasthuścāṁtarddhānaṁ prāpuriṁdrādayaste

सूत ने कहा - इस प्रकार देवाधिदेव विष्णु देवताओं से यह कहकर वहीं अंतर्धान हो गए। सभी देवता भी अपने-अपने अंशों से वहाँ स्थित रह गए, और इंद्र आदि अंतर्धान को प्राप्त हो गए।

श्लोक 30 (padma.6.91.30)

इमां च गाथां शृणुयान्नरोत्तमो यः श्रावयेद्वापि विशुद्धचित्तः । स तीर्थराजं बदरीवनं यत्कृत्वा फलं मां समवाप्नुयाच्च

imāṁ ca gāthāṁ śṛṇuyānnarottamo yaḥ śrāvayedvāpi viśuddhacittaḥ sa tīrtharājaṁ badarīvanaṁ yatkṛtvā phalaṁ māṁ samavāpnuyācca

जो श्रेष्ठ मनुष्य विशुद्ध चित्त से इस कथा को सुनता है अथवा दूसरों को सुनाता है, वह तीर्थराज बदरीवन में तीर्थयात्रा करने का फल पाकर मुझे प्राप्त करता है।