कार्तिक स्नान-विधि

श्लोक 1 (padma.6.93.1)

नारद उवाच । नाडीद्वयावशिष्टायां रात्रौ गच्छेज्जलाशयम् । तिलगंधाक्षतैः पुष्पैर्दीपाद्यैः सहितः शुचिः

nārada uvāca nāḍīdvayāvaśiṣṭāyāṁ rātrau gacchejjalāśayam tilagaṁdhākṣataiḥ puṣpairdīpādyaiḥ sahitaḥ śuciḥ

नारद ने कहा - रात्रि की दो घड़ियाँ शेष रहने पर तिल, चंदन, अक्षत, पुष्प और दीप आदि लेकर, शुद्ध होकर जलाशय पर जाना चाहिए।

श्लोक 2 (padma.6.93.2)

मानुषे देवखाते च नद्यां नद्योश्च संगमे । क्रमाद्दशगुणं स्नानं तीर्थेऽनंतफलं स्मृतम्

mānuṣe devakhāte ca nadyāṁ nadyośca saṁgame kramāddaśaguṇaṁ snānaṁ tīrthe'naṁtaphalaṁ smṛtam

मनुष्य-निर्मित जलाशय में, देवताओं द्वारा बनाए गए तालाब में, नदी में तथा नदियों के संगम में क्रमशः दस गुना स्नान-फल होता है, और तीर्थ में यह अनंत फल देने वाला स्मरण किया गया है।

श्लोक 3 (padma.6.93.3)

विष्णुं स्मृत्वा ततः कुर्यात्संकल्पं सवनस्य तु । तीर्थादिदेवतादिभ्यः क्रमादर्घादि दापयेत्

viṣṇuṁ smṛtvā tataḥ kuryātsaṁkalpaṁ savanasya tu tīrthādidevatādibhyaḥ kramādarghādi dāpayet

विष्णु का स्मरण कर, फिर स्नान का संकल्प करना चाहिए। फिर तीर्थ आदि देवताओं को क्रमशः अर्घ्य आदि अर्पित करना चाहिए।

श्लोक 4 (padma.6.93.4)

ॐनमः कमलनाभाय नमस्ते जलशायिने । नमस्तेऽस्तु हृषीकेश गृहाणार्घं नमोऽस्तु ते

oṁnamaḥ kamalanābhāya namaste jalaśāyine namaste'stu hṛṣīkeśa gṛhāṇārghaṁ namo'stu te

ॐ नमः कमलनाभाय। हे जलशायी! आपको नमस्कार। हे हृषीकेश! आपको नमस्कार हो, यह अर्घ्य ग्रहण कीजिए, आपको नमस्कार हो।

श्लोक 5 (padma.6.93.5)

वैकुंठे च प्रयागे च तथा बदरिकाश्रमे । यतो विष्णुर्विचक्रमे त्रेधा स निदधे पदम्

vaikuṁṭhe ca prayāge ca tathā badarikāśrame yato viṣṇurvicakrame tredhā sa nidadhe padam

वैकुंठ में, प्रयाग में और बदरिकाश्रम में - जहाँ भी विष्णु ने अपने चरण रखे, उन्होंने तीनों स्थानों में अपना चरण स्थापित किया है।

श्लोक 6 (padma.6.93.6)

अतो देवा मामवंतु यतो विष्णुर्विचक्रमे । तैरेव सहितैः सर्वैर्मुनिदेवसमन्वितैः

ato devā māmavaṁtu yato viṣṇurvicakrame taireva sahitaiḥ sarvairmunidevasamanvitaiḥ

इसलिए, जहाँ विष्णु ने चरण रखे हैं, वहाँ के देवगण मेरी रक्षा करें, उन सभी देवताओं और मुनियों सहित -

श्लोक 7 (padma.6.93.7)

कार्तिकेऽहं करिष्यामि प्रातःस्नानं सुरोत्तम । प्रीत्यर्थं देवदेवेश दामोदर मया सह

kārtike'haṁ kariṣyāmi prātaḥsnānaṁ surottama prītyarthaṁ devadeveśa dāmodara mayā saha

हे सुरोत्तम! मैं कार्तिक में प्रातः स्नान करूँगा। हे देवाधिदेव दामोदर! मेरे साथ प्रसन्न होइए।

श्लोक 8 (padma.6.93.8)

ध्यात्वाहं त्वां च देवेश जलेऽस्मिन्स्नातुमुद्यतः । तव प्रसादात्पापं मे दामोदर विनश्यतु

dhyātvāhaṁ tvāṁ ca deveśa jale'sminsnātumudyataḥ tava prasādātpāpaṁ me dāmodara vinaśyatu

हे देवेश! आपका ध्यान करके ही मैं इस जल में स्नान करने के लिए उद्यत हुआ हूँ। हे दामोदर! आपकी कृपा से मेरा पाप नष्ट हो जाए।

श्लोक 9 (padma.6.93.9)

नित्यनैमित्तिके कृष्णे कार्तिके पापनाशने । गृहाणार्घ्यं मया दत्तं राधया सहितो हरे

nityanaimittike kṛṣṇe kārtike pāpanāśane gṛhāṇārghyaṁ mayā dattaṁ rādhayā sahito hare

हे कृष्ण! नित्य और नैमित्तिक तथा पापनाशक कार्तिक मास में मैंने जो अर्घ्य दिया है, हे हरि! राधा सहित उसे ग्रहण कीजिए।

श्लोक 10 (padma.6.93.10)

व्रतिना कार्तिके मासि स्नातस्य विधिवन्मम । गृहाणार्घ्यं मया दत्तं राधया सहितो हरे

vratinā kārtike māsi snātasya vidhivanmama gṛhāṇārghyaṁ mayā dattaṁ rādhayā sahito hare

कार्तिक मास में व्रती होकर विधिपूर्वक स्नान करने वाले मेरे द्वारा दिया गया यह अर्घ्य, हे हरि! राधा सहित ग्रहण कीजिए।

श्लोक 11 (padma.6.93.11)

स्मृत्वा भागीरथीं विष्णुं शिवं सूर्यं जले विशेत् । नाभिमात्रे जले तिष्ठन्व्रती स्नायाद्यथाविधि

smṛtvā bhāgīrathīṁ viṣṇuṁ śivaṁ sūryaṁ jale viśet nābhimātre jale tiṣṭhanvratī snāyādyathāvidhi

भागीरथी, विष्णु, शिव और सूर्य का स्मरण कर जल में प्रवेश करना चाहिए। नाभि तक के जल में खड़े होकर व्रती को विधिपूर्वक स्नान करना चाहिए।

श्लोक 12 (padma.6.93.12)

तिलामलकचूर्णेन गृही स्नानं समाचरेत् । वनस्थानां यतीनां च तुलसीमूलमृत्तिका

tilāmalakacūrṇena gṛhī snānaṁ samācaret vanasthānāṁ yatīnāṁ ca tulasīmūlamṛttikā

गृहस्थ को तिल और आँवले के चूर्ण से स्नान करना चाहिए। वानप्रस्थियों और संन्यासियों के लिए तुलसी की जड़ की मिट्टी से स्नान करना चाहिए।

श्लोक 13 (padma.6.93.13)

सप्तमी दर्श नवमी द्वितीया दशमीषु च । त्रयोदश्यां च न स्नायाद्धात्रीफल तिलैः सह

saptamī darśa navamī dvitīyā daśamīṣu ca trayodaśyāṁ ca na snāyāddhātrīphala tilaiḥ saha

सप्तमी, अमावस्या, नवमी, द्वितीया, दशमी और त्रयोदशी तिथियों को आँवले के फल और तिलों से स्नान नहीं करना चाहिए।

श्लोक 14 (padma.6.93.14)

आदौ कुर्यान्मलस्नानं मंत्रस्नानं ततः परम् । स्त्री शूद्राणां न वेदोक्तैर्मंत्रैस्तेषां पुराणजैः

ādau kuryānmalasnānaṁ maṁtrasnānaṁ tataḥ param strī śūdrāṇāṁ na vedoktairmaṁtraisteṣāṁ purāṇajaiḥ

पहले मल-स्नान करना चाहिए, उसके बाद मंत्र-स्नान करना चाहिए। स्त्रियों और शूद्रों को वेदोक्त मंत्रों से नहीं, बल्कि पुराणोक्त मंत्रों से स्नान करना चाहिए।

श्लोक 15 (padma.6.93.15)

स्नान मन्त्राः । त्रिधाभूद्देवकार्याय यः पुरा भक्तिभावतः । स विष्णुः सर्वपापघ्नः पुनातु कृपयात्र माम्

snāna mantrāḥ tridhābhūddevakāryāya yaḥ purā bhaktibhāvataḥ sa viṣṇuḥ sarvapāpaghnaḥ punātu kṛpayātra mām

स्नान के मंत्र इस प्रकार हैं - जो पूर्वकाल में देवताओं के कार्य के लिए भक्तिभाव से तीन रूपों में प्रकट हुए, वे सर्वपापनाशक विष्णु यहाँ अपनी कृपा से मुझे पवित्र करें।

श्लोक 16 (padma.6.93.16)

विष्णोराज्ञामनुप्राप्य कार्तिकव्रतकारणात् । रक्षंतु देवास्ते सर्वे मां पुनंतु सदैव ते

viṣṇorājñāmanuprāpya kārtikavratakāraṇāt rakṣaṁtu devāste sarve māṁ punaṁtu sadaiva te

विष्णु की आज्ञा प्राप्त कर, कार्तिक-व्रत के कारण, वे सभी देवगण मेरी रक्षा करें, वे सदा मुझे पवित्र करें।

श्लोक 17 (padma.6.93.17)

वेदमंत्राः सबीजास्तु सरहस्याः सवीर्यकाः । कश्यपाद्याश्च मुनयो मां पुनंतु सदैव ते

vedamaṁtrāḥ sabījāstu sarahasyāḥ savīryakāḥ kaśyapādyāśca munayo māṁ punaṁtu sadaiva te

बीज-मंत्रों, रहस्यों और शक्ति सहित वेद-मंत्र, तथा कश्यप आदि मुनि - वे सदा मुझे पवित्र करें।

श्लोक 18 (padma.6.93.18)

गंगाद्याः सरितः सर्वास्तीर्थानि जलदा नदाः । ससप्तसागराः सर्वे मां पुनंतु जलाशयाः

gaṁgādyāḥ saritaḥ sarvāstīrthāni jaladā nadāḥ sasaptasāgarāḥ sarve māṁ punaṁtu jalāśayāḥ

गंगा आदि सभी नदियाँ, तीर्थ, जल देने वाले महानद, सातों समुद्रों सहित सभी जलाशय - वे मुझे पवित्र करें।

श्लोक 19 (padma.6.93.19)

पतिव्रतास्त्वदित्याद्या यक्षाः सिद्धाः सपन्नगाः । ओषध्यः पर्वताश्चाशु मां पुनंतु त्रिलोकजाः

pativratāstvadityādyā yakṣāḥ siddhāḥ sapannagāḥ oṣadhyaḥ parvatāścāśu māṁ punaṁtu trilokajāḥ

पतिव्रता अदिति आदि देवियाँ, यक्ष, सिद्ध, नाग, औषधियाँ और पर्वत - तीनों लोकों में उत्पन्न ये सब शीघ्र मुझे पवित्र करें।

श्लोक 20 (padma.6.93.20)

एभिः स्नात्वा व्रती मंत्रैर्हस्तन्यस्तपवित्रकः । देवर्षीन्मानवपितॄंस्तर्पयेच्च यथाविधि

ebhiḥ snātvā vratī maṁtrairhastanyastapavitrakaḥ devarṣīnmānavapitṝṁstarpayecca yathāvidhi

इन मंत्रों से स्नान कर, हाथ में पवित्रक धारण कर, व्रती को विधिपूर्वक देवताओं, ऋषियों तथा मानव-पितरों को तर्पण देना चाहिए।

श्लोक 21 (padma.6.93.21)

यावंतः कार्तिके मासि वर्तंते पितृतर्पणे । तिलास्तत्संख्यकाब्दानि पितरः स्वर्गवासिनः

yāvaṁtaḥ kārtike māsi vartaṁte pitṛtarpaṇe tilāstatsaṁkhyakābdāni pitaraḥ svargavāsinaḥ

कार्तिक मास में पितृ-तर्पण में जितने तिल अर्पित किए जाते हैं, उतने ही वर्षों तक पितर स्वर्ग में निवास करते हैं।

श्लोक 22 (padma.6.93.22)

ततो जलाद्विनिष्क्रम्य शुचिवस्त्रावृतो व्रती । प्रातःकालोदितं कर्म समाप्यार्चेद्धरिं पुनः

tato jalādviniṣkramya śucivastrāvṛto vratī prātaḥkāloditaṁ karma samāpyārceddhariṁ punaḥ

फिर जल से बाहर निकलकर शुद्ध वस्त्र धारण कर व्रती को प्रातःकाल के अन्य नित्यकर्मों को पूर्ण कर पुनः हरि की पूजा करनी चाहिए।

श्लोक 23 (padma.6.93.23)

तीर्थादिदेवान्संस्मृत्य पुनरर्चां प्रदापयेत् । गंधपुष्पफलैर्युक्तो भक्तितत्परमानसः

tīrthādidevānsaṁsmṛtya punararcāṁ pradāpayet gaṁdhapuṣpaphalairyukto bhaktitatparamānasaḥ

तीर्थ आदि के देवताओं का स्मरण कर, गंध, पुष्प और फल से युक्त होकर, भक्ति में तत्पर मन से पुनः अर्चना करनी चाहिए।

श्लोक 24 (padma.6.93.24)

अर्घमंत्रः । व्रतिनः कार्तिके मासि स्नातस्य विधिवन्मम । गृहाणार्घ्यं मया दत्तं दनुजेंद्र निषूदन

arghamaṁtraḥ vratinaḥ kārtike māsi snātasya vidhivanmama gṛhāṇārghyaṁ mayā dattaṁ danujeṁdra niṣūdana

अर्घ्य का मंत्र - हे दानवेंद्रों के संहारक! कार्तिक मास में व्रती होकर विधिपूर्वक स्नान करने वाले मेरे द्वारा दिया गया यह अर्घ्य ग्रहण कीजिए।

श्लोक 25 (padma.6.93.25)

ततश्च ब्राह्मणान्भक्त्या भोजयेद्वेदपारगान् । गंधपुष्पैः सतांबूलैः प्रणमेच्च पुनः पुनः

tataśca brāhmaṇānbhaktyā bhojayedvedapāragān gaṁdhapuṣpaiḥ satāṁbūlaiḥ praṇamecca punaḥ punaḥ

फिर वेदपारंगत ब्राह्मणों को भक्तिपूर्वक भोजन कराना चाहिए, गंध, पुष्प और पान से उनका सत्कार कर बार-बार प्रणाम करना चाहिए।

श्लोक 26 (padma.6.93.26)

तीर्थानि दक्षिणे पादे वेदाश्च मुखमाश्रिताः । सर्वांगे संस्थिता देवाः पूजिताः स्युर्द्विजार्चनात्

tīrthāni dakṣiṇe pāde vedāśca mukhamāśritāḥ sarvāṁge saṁsthitā devāḥ pūjitāḥ syurdvijārcanāt

तीर्थ दाहिने पैर में, वेद मुख में और देवगण सभी अंगों में स्थित रहते हैं; इसलिए द्विजों की पूजा से ही वे सब पूजित हो जाते हैं।

श्लोक 27 (padma.6.93.27)

अव्यक्तरूपिणो विष्णोः स्वरूपं ब्राह्मणा भुवि । नावमान्या नो विरोध्याः कदाचिच्छुभमिच्छता

avyaktarūpiṇo viṣṇoḥ svarūpaṁ brāhmaṇā bhuvi nāvamānyā no virodhyāḥ kadācicchubhamicchatā

ब्राह्मण पृथ्वी पर अव्यक्त-स्वरूप विष्णु के ही स्वरूप हैं। कल्याण चाहने वाले को उनका कभी अपमान नहीं करना चाहिए और न ही उनका विरोध करना चाहिए।

श्लोक 28 (padma.6.93.28)

तां वै हरिप्रियां देवि तुलसीमर्चयेद्व्रती । प्रदक्षिणनमस्कारान्कुर्यादेकाग्रमानसः

tāṁ vai haripriyāṁ devi tulasīmarcayedvratī pradakṣiṇanamaskārānkuryādekāgramānasaḥ

हे देवि! व्रती को हरि की प्रिय उस तुलसी की पूजा करनी चाहिए। एकाग्रचित्त होकर प्रदक्षिणा और नमस्कार करने चाहिए।

श्लोक 29 (padma.6.93.29)

देवैस्त्वं निर्मिता पूर्वमर्चितासि मुनीश्वरैः । नमो नमस्ते तुलसि पापं हर हरिप्रिये

devaistvaṁ nirmitā pūrvamarcitāsi munīśvaraiḥ namo namaste tulasi pāpaṁ hara haripriye

हे तुलसी! पूर्वकाल में देवताओं ने तुम्हें उत्पन्न किया, मुनीश्वरों ने तुम्हारी पूजा की। तुम्हें बारंबार नमस्कार है। हे हरिप्रिये! मेरे पाप को हरो।

श्लोक 30 (padma.6.93.30)

ततो विष्णुकथां श्रुत्वा पौराणीं स्निग्धमानसः । तं ब्राह्मणं मुनिं विप्रं पूजयेद्भक्तिमान्व्रती

tato viṣṇukathāṁ śrutvā paurāṇīṁ snigdhamānasaḥ taṁ brāhmaṇaṁ muniṁ vipraṁ pūjayedbhaktimānvratī

फिर स्नेहपूर्ण मन से पौराणिक विष्णु-कथा सुनकर, भक्तिमान व्रती को उस कथा कहने वाले ब्राह्मण, मुनि अथवा विप्र की पूजा करनी चाहिए।

श्लोक 31 (padma.6.93.31)

एवं पूर्णविधिं सम्यक्पूर्वोक्तं भक्तिमान्नरः । करोति यः स लभते नारायणसलोकताम्

evaṁ pūrṇavidhiṁ samyakpūrvoktaṁ bhaktimānnaraḥ karoti yaḥ sa labhate nārāyaṇasalokatām

इस प्रकार पूर्वोक्त संपूर्ण विधि को जो भक्तिमान मनुष्य भलीभाँति करता है, वह नारायण के लोक में निवास प्राप्त करता है।

श्लोक 32 (padma.6.93.32)

रोगापहं पापविनाशकृत्परं सद्बुद्धिदं पुत्रधनादिसाधनम् । मुक्तेर्निदानं न हि कार्तिकव्रताद्विष्णुप्रियादन्यतमं हि भूतले

rogāpahaṁ pāpavināśakṛtparaṁ sadbuddhidaṁ putradhanādisādhanam mukternidānaṁ na hi kārtikavratādviṣṇupriyādanyatamaṁ hi bhūtale

यह व्रत रोग को हरने वाला, पापों का सर्वोत्तम नाशक, सद्बुद्धि देने वाला तथा पुत्र-धन आदि का साधन है। इस पृथ्वी पर विष्णु के प्रिय कार्तिक-व्रत के समान मुक्ति का अन्य कोई कारण नहीं है।