वीरवर के पराक्रम तथा सुलोचना का अन्तर्धान

श्लोक 1 (padma.7.6.1)

राजोवाच- तिष्ठात्रैव महाबाहो मम राज्ये सुशोभने । कर्तव्या ते मया वृत्तिः संशयो नात्र विद्यते

rājovāca- tiṣṭhātraiva mahābāho mama rājye suśobhane kartavyā te mayā vṛttiḥ saṁśayo nātra vidyate

राजा ने कहा — हे महाबाहो! यहीं मेरे सुशोभित राज्य में ठहरो; मैं तुम्हारी वृत्ति (जीविका) की व्यवस्था करूँगा, इसमें कोई सन्देह नहीं।

श्लोक 2 (padma.7.6.2)

ततो वीरवरस्तस्य सन्निधौ धरणीपतेः । उवास सततं विप्र तत्सेवा गतमानसः

tato vīravarastasya sannidhau dharaṇīpateḥ uvāsa satataṁ vipra tatsevā gatamānasaḥ

तब वह विवरवर, हे विप्र, उस राजा के पास निरन्तर रहने लगा, उसकी सेवा में सदा मन लगाये हुए।

श्लोक 3 (padma.7.6.3)

अथैकदा तस्य पुरे जैमिने सकलाः प्रजाः । भीमनादो नाम खड्गः क्षोभयामास संततम्

athaikadā tasya pure jaimine sakalāḥ prajāḥ bhīmanādo nāma khaḍgaḥ kṣobhayāmāsa saṁtatam

हे जैमिनि! एक बार उस नगर में भीमनाद नामक एक खड्ग (राक्षस) ने समस्त प्रजा को निरन्तर त्रस्त करना आरम्भ किया।

श्लोक 4 (padma.7.6.4)

तद्वधाय ततो राजा प्रेषयामास तं रुषा । ततोऽसौ गंडकं हंतु ययौ वीरवरो जनैः

tadvadhāya tato rājā preṣayāmāsa taṁ ruṣā tato'sau gaṁḍakaṁ haṁtu yayau vīravaro janaiḥ

उसे मारने के लिए राजा ने क्रोधित होकर उसे भेजा; तब वह वीरवर, गंडक (उस राक्षस) को मारने के लिए, लोगों सहित चला गया।

श्लोक 5 (padma.7.6.5)

ददर्श पर्वताकारं सुप्तं तं धरणीतले । दंष्ट्राकरालवदनं खड्गिनं तं सशक्तिधृक्

dadarśa parvatākāraṁ suptaṁ taṁ dharaṇītale daṁṣṭrākarālavadanaṁ khaḍginaṁ taṁ saśaktidhṛk

उसने पृथ्वी पर पर्वत के समान सोये हुए उसे देखा — दाढ़ों से भयानक मुख वाला, तलवार और शक्ति धारण किये हुए।

श्लोक 6 (padma.7.6.6)

नभसि भ्रामयन्सप्तिं स च वीरवरो रुषा । खड्गिनं तमिति प्राह मेघगंभीरया गिरा

nabhasi bhrāmayansaptiṁ sa ca vīravaro ruṣā khaḍginaṁ tamiti prāha meghagaṁbhīrayā girā

आकाश में अपने अश्व को घुमाते हुए, वह वीरवर, क्रोध से मेघ-गम्भीर वाणी में उस खड्गधारी से यह बोला।

श्लोक 7 (padma.7.6.7)

उपार्जितास्त्वया ये ये दुरात्मन्पापपादपाः । बभूवुः फलिनस्ते ते ऋतुं प्राप्य यथा द्रुमाः

upārjitāstvayā ye ye durātmanpāpapādapāḥ babhūvuḥ phalinaste te ṛtuṁ prāpya yathā drumāḥ

हे दुरात्मन्! तुमने जो-जो पाप-रूपी वृक्ष बोये हैं, वे सब, जैसे ऋतु पाकर वृक्ष फल देते हैं, अब फलित हो चुके हैं।

श्लोक 8 (padma.7.6.8)

खादिताः प्राणिनो ये ये राज्येऽस्मिन्पापिना त्वया । यमालये समस्तैस्तैर्दर्शनं ते भविष्यति

khāditāḥ prāṇino ye ye rājye'sminpāpinā tvayā yamālaye samastaistairdarśanaṁ te bhaviṣyati

हे पापी! इस राज्य में तुमने जिन-जिन प्राणियों को खाया है, उन सबका दर्शन अब तुम्हें यमराज के धाम में होगा।

श्लोक 9 (padma.7.6.9)

मुंच निद्रामरे दुष्ट मां पश्यान्तकरं निजम् । अनया निद्रया किन्ते महानिद्र भविष्यति

muṁca nidrāmare duṣṭa māṁ paśyāntakaraṁ nijam anayā nidrayā kinte mahānidra bhaviṣyati

हे दुष्ट शत्रु! अपनी नींद छोड़ो; अपने अन्तकर्ता को देखो; इस नींद के बाद तुम्हें अब कैसी महानिद्रा प्राप्त होगी!

श्लोक 10 (padma.7.6.10)

ततः सोऽपि समुत्तस्थौ क्रोधसंरक्तलोचनः । धूलिधूसरसर्वाङ्गस्त्यक्तनिद्रो महाबलः

tataḥ so'pi samuttasthau krodhasaṁraktalocanaḥ dhūlidhūsarasarvāṅgastyaktanidro mahābalaḥ

तब वह भी उठ खड़ा हुआ, क्रोध से लाल नेत्रों वाला, धूल से धूसरित सर्वांग, नींद त्यागकर, वह महाबली।

श्लोक 11 (padma.7.6.11)

भीमनाद उवाच- गर्वं मा कुरु दुर्बुद्धे तवायुः शेषतां गतम् । तत्संदर्शनमात्रेण प्राप्तः कोनु विमुच्यते

bhīmanāda uvāca- garvaṁ mā kuru durbuddhe tavāyuḥ śeṣatāṁ gatam tatsaṁdarśanamātreṇa prāptaḥ konu vimucyate

भीमनाद ने कहा — हे दुर्बुद्धि! गर्व मत करो, तुम्हारी आयु शेष रह गई है; मेरे दर्शन-मात्र से कौन कभी मुक्त हुआ है?

श्लोक 12 (padma.7.6.12)

ज्वलदग्निशिखाश्रेणीं प्रविशेच्छलभो यथा । मत्कोपानलराशौ त्वं तथैव निपतिष्यसि

jvaladagniśikhāśreṇīṁ praviśecchalabho yathā matkopānalarāśau tvaṁ tathaiva nipatiṣyasi

जैसे टिड्डा जलती हुई अग्नि की लपटों की पंक्ति में प्रवेश करता है, वैसे ही तुम भी मेरे क्रोध-रूपी अग्नि-समूह में गिरोगे।

श्लोक 13 (padma.7.6.13)

इति ब्रुवंतं तं द्रष्टुं शक्त्या निशितया तया । स जज्वाल महाकोपात्कृत्वा हुंकारनिःस्वनम्

iti bruvaṁtaṁ taṁ draṣṭuṁ śaktyā niśitayā tayā sa jajvāla mahākopātkṛtvā huṁkāraniḥsvanam

यह कहते हुए उसे देखकर, उस तीक्ष्ण शक्ति से, वह महान् क्रोध से जल उठा और भयंकर हुंकार करने लगा।

श्लोक 14 (padma.7.6.14)

स पपात महीपृष्ठे गतायुर्गंडकस्ततः । चालयन्पृथिवीं सर्वां स्वनितौघ परिप्लुतः

sa papāta mahīpṛṣṭhe gatāyurgaṁḍakastataḥ cālayanpṛthivīṁ sarvāṁ svanitaugha pariplutaḥ

तब वह गंडक, आयुहीन होकर, पृथ्वी पर गिर पड़ा, अपनी गर्जना से सारी पृथ्वी को कँपाता हुआ।

श्लोक 15 (padma.7.6.15)

खड्गिनं पतितं दृष्ट्वा गङ्गाब्धिरोधसि द्विज । समीपं तस्य भूपस्य स गंतुमुपचक्रमे

khaḍginaṁ patitaṁ dṛṣṭvā gaṅgābdhirodhasi dvija samīpaṁ tasya bhūpasya sa gaṁtumupacakrame

हे द्विज! उस खड्गधारी को गिरा देख, वह गंगा-सागर के तट की ओर, उस राजा के निकट जाने के लिए चल पड़ा।

श्लोक 16 (padma.7.6.16)

स गच्छन्पथिविप्रर्षे ददर्शैकं महाशयम् । जाज्वल्यमानं तेजोभिर्द्वितीयमिव भास्करम्

sa gacchanpathiviprarṣe dadarśaikaṁ mahāśayam jājvalyamānaṁ tejobhirdvitīyamiva bhāskaram

मार्ग में जाते हुए, हे विप्रर्षे, उसने एक महान् आत्मा को देखा, अपने तेज से दूसरे सूर्य के समान जाज्वल्यमान,

श्लोक 17 (padma.7.6.17)

विष्णुदूतगणैर्युक्तं तुलसीमाल्यभूषितम् । दिव्याम्बरधरं दिव्यं रथारूढं स्मिताननम्

viṣṇudūtagaṇairyuktaṁ tulasīmālyabhūṣitam divyāmbaradharaṁ divyaṁ rathārūḍhaṁ smitānanam

विष्णु के दूतों से घिरा हुआ, तुलसी की माला से सुशोभित, दिव्य वस्त्र धारण किये, दिव्य, रथ पर सवार, मुसकाते हुए मुख वाला।

श्लोक 18 (padma.7.6.18)

पप्रच्छेति ततो भक्त्या स च वीरवरश्च तम् । कस्त्वं कुत इहायातः क्व गच्छसि वदस्व नः

papraccheti tato bhaktyā sa ca vīravaraśca tam kastvaṁ kuta ihāyātaḥ kva gacchasi vadasva naḥ

तब वह वीरवर, भक्तिपूर्वक उससे यह पूछने लगा — तुम कौन हो, कहाँ से यहाँ आये हो, कहाँ जाते हो? हमसे कहो।

श्लोक 19 (padma.7.6.19)

पुरुष उवाच- कन्येविधृतपुंवेशे मद्वृत्तांतं निशामय । कथयामि समासेन श्रोतुमिच्छसि चेन्मुदा

puruṣa uvāca- kanyevidhṛtapuṁveśe madvṛttāṁtaṁ niśāmaya kathayāmi samāsena śrotumicchasi cenmudā

उस पुरुष ने कहा — हे पुरुष-वेश धारण किये हुए कन्या! सुनो, मेरा वृत्तान्त बताता हूँ; संक्षेप में कहता हूँ, यदि सुनने की इच्छा हो तो प्रसन्नता से सुनो।

श्लोक 20 (padma.7.6.20)

अहमासं पुरा राजा चौरवंशवनानलः । धर्मबुद्धिरिति ख्यातः सर्वधर्मपरायणः

ahamāsaṁ purā rājā cauravaṁśavanānalaḥ dharmabuddhiriti khyātaḥ sarvadharmaparāyaṇaḥ

पूर्वकाल में मैं एक राजा था, चोरों के वंश के लिए वन-अग्नि के समान, धर्मबुद्धि नाम से विख्यात, समस्त धर्म में परायण।

श्लोक 21 (padma.7.6.21)

मया यज्ञाः कृताः सर्वे दानानि सकलानि च । चतुर्वर्षसहस्राणि पालिता च वसुन्धरा

mayā yajñāḥ kṛtāḥ sarve dānāni sakalāni ca caturvarṣasahasrāṇi pālitā ca vasundharā

मैंने समस्त यज्ञ किये, सम्पूर्ण दान दिये, और चार हजार वर्षों तक पृथ्वी का पालन किया।

श्लोक 22 (padma.7.6.22)

पाखण्डजनवाक्येन मया भूमिर्द्विजन्मनः । लंघिता कोपमासाद्य दोषिता न हि कुत्रचित्

pākhaṇḍajanavākyena mayā bhūmirdvijanmanaḥ laṁghitā kopamāsādya doṣitā na hi kutracit

पाखण्डियों के वचन से मैंने ब्राह्मण की भूमि का, क्रोध में आकर, उल्लंघन किया — कहीं भी दोषी न होते हुए भी।

श्लोक 23 (padma.7.6.23)

मया तेनापराधेन स्वयमेव विधिस्ततः । जहार तत्क्षणादेव सर्वां राजश्रियं रुषा

mayā tenāparādhena svayameva vidhistataḥ jahāra tatkṣaṇādeva sarvāṁ rājaśriyaṁ ruṣā

उस अपराध के कारण, विधाता ने स्वयं ही उसी क्षण क्रोध में मेरी सम्पूर्ण राजलक्ष्मी हर ली।

श्लोक 24 (padma.7.6.24)

अथाहं गतसंपत्तिः शोकाग्निदग्धमानसः । कियिद्भिर्दिवसैः साध्वि यमराजवशं गतः

athāhaṁ gatasaṁpattiḥ śokāgnidagdhamānasaḥ kiyidbhirdivasaiḥ sādhvi yamarājavaśaṁ gataḥ

फिर मैं सम्पत्ति-रहित होकर, शोक की अग्नि से जला हुआ मन लिए, हे साध्वी, कुछ ही दिनों में यमराज के वश में चला गया।

श्लोक 25 (padma.7.6.25)

मां दृष्ट्वा चित्रगुप्तेन तत्कर्मप्रकटीकृतम् । उक्तश्च भास्करिर्देवश्चारुहासगतिः प्रभुः

māṁ dṛṣṭvā citraguptena tatkarmaprakaṭīkṛtam uktaśca bhāskarirdevaścāruhāsagatiḥ prabhuḥ

मुझे देखकर चित्रगुप्त ने मेरे कर्मों को प्रकट किया, और सूर्यपुत्र (यमराज) से, हे सुन्दर हास-गति वाले प्रभु देव, यह कहा गया।

श्लोक 26 (padma.7.6.26)

धर्मबुद्धिरयं राजा कृतपुण्यक्रियः सदा । अस्त्यस्य दुरितं किञ्चित्तन्निशामय वच्म्यहम्

dharmabuddhirayaṁ rājā kṛtapuṇyakriyaḥ sadā astyasya duritaṁ kiñcittanniśāmaya vacmyaham

यह राजा धर्मबुद्धि, सदा पुण्य-कर्म करने वाला रहा है; उसमें कुछ ही दोष है, वह सुनिए, मैं कहता हूँ।

श्लोक 27 (padma.7.6.27)

पाखण्डैर्बोधितोऽयं तु जहार द्विजशासनम् । तेनैव कर्मणा स्थानं नरके चास्यदुत्तरे

pākhaṇḍairbodhito'yaṁ tu jahāra dvijaśāsanam tenaiva karmaṇā sthānaṁ narake cāsyaduttare

पाखण्डियों से प्रेरित होकर उसने ब्राह्मण की भूमि हर ली; उसी कर्म के कारण नरक में इसका स्थान होगा — यह उत्तर मिला।

श्लोक 28 (padma.7.6.28)

वृत्तिच्छेदः सूर्यपुत्र यस्य येन विधीयते । स तस्य वधमाप्नोति शास्त्रेषु इति निश्चितम्

vṛtticchedaḥ sūryaputra yasya yena vidhīyate sa tasya vadhamāpnoti śāstreṣu iti niścitam

हे सूर्यपुत्र! जिसकी आजीविका जिसके द्वारा नष्ट कर दी जाती है, वह उसी के वध का भागी बनता है — यह शास्त्रों में निश्चित है।

श्लोक 29 (padma.7.6.29)

तस्मादयं पापकर्मा ब्रह्महा पृथिवीपतिः । एतस्य निरये स्थानं कल्पकोटिशतावधि

tasmādayaṁ pāpakarmā brahmahā pṛthivīpatiḥ etasya niraye sthānaṁ kalpakoṭiśatāvadhi

इसलिए यह पापकर्मा राजा ब्रह्महत्या का भागी है; इसका नरक में स्थान सैकड़ों करोड़ कल्पों तक रहेगा।

श्लोक 30 (padma.7.6.30)

आत्मदत्तां हरेद्यस्तु परदत्तां च मेदिनीम् । स कोटिकुलसंयुक्तः प्रयाति नरकं विभो

ātmadattāṁ haredyastu paradattāṁ ca medinīm sa koṭikulasaṁyuktaḥ prayāti narakaṁ vibho

जो अपने द्वारा दी गई अथवा दूसरे द्वारा दी गई भूमि को हरण करता है, वह करोड़ों कुल-जनों सहित नरक में जाता है, हे प्रभु!

श्लोक 31 (padma.7.6.31)

यो हरेच्च महीं तावद्देवस्य ब्राह्मणस्य च । न तस्य निष्कृतिर्दृष्टा कल्पकोटिशतावधि

yo harecca mahīṁ tāvaddevasya brāhmaṇasya ca na tasya niṣkṛtirdṛṣṭā kalpakoṭiśatāvadhi

जो देवता की अथवा ब्राह्मण की भूमि हरण करता है, उसकी सैकड़ों करोड़ कल्पों तक कोई मुक्ति नहीं देखी गई है।

श्लोक 32 (padma.7.6.32)

परदत्तां क्षितिं यस्तु रक्षितुर्यस्तु रक्षति । स कोटिगुणमाप्नोति पुण्यं दातृगुणादपि

paradattāṁ kṣitiṁ yastu rakṣituryastu rakṣati sa koṭiguṇamāpnoti puṇyaṁ dātṛguṇādapi

जो दूसरे द्वारा दी गई भूमि की, दाता की भाँति ही, रक्षा करता है, वह दाता के गुण से भी करोड़ गुना अधिक पुण्य प्राप्त करता है।

श्लोक 33 (padma.7.6.33)

ततोऽहं शमनादेशाद्भुक्त्वा वै पूतिमृत्तिकाम् । कल्पयोनौ प्राणिहिंसा सर्वदैव मया कृता

tato'haṁ śamanādeśādbhuktvā vai pūtimṛttikām kalpayonau prāṇihiṁsā sarvadaiva mayā kṛtā

फिर, यमराज की आज्ञा से, दुर्गन्धित मिट्टी खाकर, कल्प-योनि में मेरे द्वारा सदैव जीव-हिंसा की गई।

श्लोक 34 (padma.7.6.34)

गावश्च ब्राह्मणाश्चैव तथैवान्येऽपि जीविनः । मया दुष्टेन निहताः कोटिकोटिसहस्रशः

gāvaśca brāhmaṇāścaiva tathaivānye'pi jīvinaḥ mayā duṣṭena nihatāḥ koṭikoṭisahasraśaḥ

गौएँ, ब्राह्मण और अन्य भी अनेक जीव, मेरे द्वारा, दुष्ट-हृदय होकर, करोड़ों-करोड़ों की संख्या में मारे गये।

श्लोक 35 (padma.7.6.35)

कालेन प्रेरिता साध्वि मां सर्वक्षयिताश्रयम् । खड्गयोनिं समुत्पन्नं भवती प्रजघान ह

kālena preritā sādhvi māṁ sarvakṣayitāśrayam khaḍgayoniṁ samutpannaṁ bhavatī prajaghāna ha

हे साध्वी! फिर काल से प्रेरित होकर, समस्त क्षय के आश्रय-रूप, तलवार-योनि में उत्पन्न हुए मुझे, तुमने मार डाला।

श्लोक 36 (padma.7.6.36)

गङ्गाब्धिसङ्गमं तीर्थं दुर्ल्लभं दैवतैरपि । स्थलेऽपि मृत्युमासाद्य यत्रेयं मम सद्गतिः

gaṅgābdhisaṅgamaṁ tīrthaṁ durllabhaṁ daivatairapi sthale'pi mṛtyumāsādya yatreyaṁ mama sadgatiḥ

गंगासागर-संगम देवताओं के लिए भी दुर्लभ तीर्थ है; स्थल में भी मृत्यु पाकर, वहाँ मुझे यह सद्गति प्राप्त हुई है।

श्लोक 37 (padma.7.6.37)

गच्छ सुश्रोणि भद्रं ते भविष्यति न संशयः । अचिरेणैव पतिना दर्शनं ते भविष्यति

gaccha suśroṇi bhadraṁ te bhaviṣyati na saṁśayaḥ acireṇaiva patinā darśanaṁ te bhaviṣyati

हे सुश्रोणि! जाओ, तुम्हारा कल्याण होगा, इसमें कोई सन्देह नहीं; शीघ्र ही तुम्हारा अपने पति से मिलन होगा।

श्लोक 38 (padma.7.6.38)

व्यास उवाच- तस्यैतद्वचनं श्रुत्वा सा कन्या परमाद्भुतम् । ववंदे चरणौ तस्य धर्मबुद्धिर्महीपतिः

vyāsa uvāca- tasyaitadvacanaṁ śrutvā sā kanyā paramādbhutam vavaṁde caraṇau tasya dharmabuddhirmahīpatiḥ

व्यास जी ने कहा — उसके इस अत्यन्त अद्भुत वचन को सुनकर, वह कन्या, धर्मबुद्धि राजा के दोनों चरणों में झुकी।

श्लोक 39 (padma.7.6.39)

ततो रथं समारुह्य स राजा त्रिदिवं ययौ । सोऽपि वीरवरो विप्र जगाम नृपतेः सभाम्

tato rathaṁ samāruhya sa rājā tridivaṁ yayau so'pi vīravaro vipra jagāma nṛpateḥ sabhām

फिर वह राजा रथ पर चढ़कर स्वर्ग को चला गया। वह वीरवर भी, हे विप्र, राजा की सभा की ओर गया।

श्लोक 40 (padma.7.6.40)

राजा च तं मृतं श्रुत्वा खड्गिनं भीमविक्रमम् । तस्यै ददौ विवाहेन जयंतीं निजकन्यकाम्

rājā ca taṁ mṛtaṁ śrutvā khaḍginaṁ bhīmavikramam tasyai dadau vivāhena jayaṁtīṁ nijakanyakām

और राजा ने, उस भयंकर पराक्रमी खड्गधारी राक्षस को मारा हुआ सुनकर, उसे विवाह में अपनी पुत्री जयन्ती दे दी।

श्लोक 41 (padma.7.6.41)

जयंतीं तां समादाय सा कन्या पुरुषाकृतिः । तपस्तप्तुं मनश्चक्रे गङ्गासागरसङ्गमे

jayaṁtīṁ tāṁ samādāya sā kanyā puruṣākṛtiḥ tapastaptuṁ manaścakre gaṅgāsāgarasaṅgame

जयन्ती को लेकर, पुरुष-रूप धारण किये उस कन्या ने गंगासागर-संगम में जाकर तपस्या करने का मन बना लिया।

श्लोक 42 (padma.7.6.42)

गङ्गाब्धिसंगमे स्नात्वा प्रभाते द्विजसत्तम । गीतैर्वाद्यैश्च नृत्यैश्च यजेन्नारायणं प्रभुम्

gaṅgābdhisaṁgame snātvā prabhāte dvijasattama gītairvādyaiśca nṛtyaiśca yajennārāyaṇaṁ prabhum

गंगासागर-संगम में स्नान करके, हे द्विजसत्तम, प्रभात में गीतों, वाद्यों और नृत्यों के साथ वह प्रभु नारायण की पूजा करती थी।

श्लोक 43 (padma.7.6.43)

निरामिषं हविष्यं च फलाहारं द्विजोत्तम । कदाचिदुपवासं सा कुरुते च वराङ्गना

nirāmiṣaṁ haviṣyaṁ ca phalāhāraṁ dvijottama kadācidupavāsaṁ sā kurute ca varāṅganā

हे द्विजोत्तम! वह सुन्दरी माँसरहित हविष्य-भोजन और फलाहार करती थी, और कभी-कभी उपवास भी करती थी।

श्लोक 44 (padma.7.6.44)

एकाकिनीं समालोक्य कोऽग्रहीदत्र भूतले । मां नीचमिति मत्वासौ समारुह्य च वाजिनम्

ekākinīṁ samālokya ko'grahīdatra bhūtale māṁ nīcamiti matvāsau samāruhya ca vājinam

"मुझे अकेली देखकर इस पृथ्वी पर मुझे तुच्छ मानकर किसने पकड़ लिया" — ऐसा सोचते हुए, वह अश्व पर चढ़कर,

श्लोक 45 (padma.7.6.45)

भूय एव निजं राज्यं साजगाम वराङ्गना । माधवस्य वियोगेन तस्य विद्याधरस्य वा

bhūya eva nijaṁ rājyaṁ sājagāma varāṅganā mādhavasya viyogena tasya vidyādharasya vā

वह सुन्दरी पुनः अपने राज्य को लौट आई। माधव अथवा उस विद्याधर के विरह के कारण,

श्लोक 46 (padma.7.6.46)

मृता सा राजतनया यतोऽन्यं न भजत्यपि । तस्यां मृतायां भृत्योऽसौ निर्जगाम यदृच्छया

mṛtā sā rājatanayā yato'nyaṁ na bhajatyapi tasyāṁ mṛtāyāṁ bhṛtyo'sau nirjagāma yadṛcchayā

"वह राजकुमारी मर चुकी है, क्योंकि वह किसी और को नहीं अपनाती" — यह मानकर, उसके मृत होने पर वह सेवक (प्रचेष्ट) अपनी इच्छा से वहाँ से चला गया।

श्लोक 47 (padma.7.6.47)

विलप्य बहुधा तत्र प्रचेष्टोऽत्यंत शोकभाक् । जगाम मरणार्थाय गङ्गासागरसङ्गमम्

vilapya bahudhā tatra praceṣṭo'tyaṁta śokabhāk jagāma maraṇārthāya gaṅgāsāgarasaṅgamam

वहाँ बहुत विलाप करके, अत्यन्त शोक से भरा हुआ प्रचेष्ट, मरने के लिए गंगासागर-संगम की ओर चला गया।

श्लोक 48 (padma.7.6.48)

गङ्गाब्धिसङ्गमे स्नात्वा तुलसीमृद्विभूषितः । कृताञ्जलिरिति प्राह प्रचेष्टो भीष्ममातरम्

gaṅgābdhisaṅgame snātvā tulasīmṛdvibhūṣitaḥ kṛtāñjaliriti prāha praceṣṭo bhīṣmamātaram

गंगासागर-संगम में स्नान करके, तुलसी और मिट्टी से भूषित होकर, प्रचेष्ट ने हाथ जोड़कर उस भीष्म-माता (गंगा) से यह कहा।

श्लोक 49 (padma.7.6.49)

पवित्रे त्वज्जले मातस्त्यजाम्यत्र कलेवरम् । सुलोचना मे कांतास्याद्यथातत्त्वं करिष्यसि

pavitre tvajjale mātastyajāmyatra kalevaram sulocanā me kāṁtāsyādyathātattvaṁ kariṣyasi

हे माता! तुम्हारे इस पवित्र, निर्मल जल में मैं अपना शरीर त्यागता हूँ; यदि सुलोचना फिर मेरी प्रिया बने, तो आप वैसा ही कीजिएगा।

श्लोक 50 (padma.7.6.50)

भूयोभूयो ब्रुवंतं तमिति तस्याश्च किंकराः । बध्वा पाशेन तं निन्युर्निरुक्तां तत्सभां प्रति

bhūyobhūyo bruvaṁtaṁ tamiti tasyāśca kiṁkarāḥ badhvā pāśena taṁ ninyurniruktāṁ tatsabhāṁ prati

हे विप्र! उसे बार-बार यह कहते हुए देखकर, उसके (वीरवर के) सेवकों ने उसे पाश से बाँधकर, उस अनिर्दिष्ट सभा की ओर ले जाना शुरू किया।

श्लोक 51 (padma.7.6.51)

तप्ता वीरवरादेशात्किंकरास्ते सुदारुणाः । कारायां स्थापयामासुः प्रचेष्टमनुविह्वलम्

taptā vīravarādeśātkiṁkarāste sudāruṇāḥ kārāyāṁ sthāpayāmāsuḥ praceṣṭamanuvihvalam

वीरवर की आज्ञा से क्रुद्ध हुए वे अत्यन्त कठोर सेवक, विह्वल हो रहे प्रचेष्ट को कारागार में डाल दिया।

श्लोक 52 (padma.7.6.52)

एतस्मिन्नेव काले तु दृष्ट्वा तत्कार्यमद्भुतम् । हाहाकारो महानासीत्तद्राज्ये द्विजसत्तम

etasminneva kāle tu dṛṣṭvā tatkāryamadbhutam hāhākāro mahānāsīttadrājye dvijasattama

हे द्विजसत्तम! इसी समय, उस अद्भुत घटना को देखकर, उस राज्य में महान् हाहाकार मच गया।

श्लोक 53 (padma.7.6.53)

एतच्छ्रुत्वाद्भुतं कर्म स च राजा गुणाकरः । आयातोऽत्यंत संतप्तो वदतीति द्विजोत्तम

etacchrutvādbhutaṁ karma sa ca rājā guṇākaraḥ āyāto'tyaṁta saṁtapto vadatīti dvijottama

हे द्विजोत्तम! इस अद्भुत घटना को सुनकर वह राजा गुणाकर भी अत्यन्त संतप्त होकर वहाँ आया, यह कहता हुआ।

श्लोक 54 (padma.7.6.54)

निषंगिणश्च रथिनश्चर्मिणः खड्गिनस्तथा । धानुष्काश्च कौंतकाश्च कोटिकोटिसहस्रशः

niṣaṁgiṇaśca rathinaścarmiṇaḥ khaḍginastathā dhānuṣkāśca kauṁtakāśca koṭikoṭisahasraśaḥ

तरकश धारण किये, रथ पर सवार, ढालधारी, तलवारधारी, धनुर्धारी और भाला धारण करने वाले करोड़ों-करोड़ों योद्धाओं को,

श्लोक 55 (padma.7.6.55)

स्थाने स्थाने पुरे तस्मिन्राजा वै शोकविह्वलः । नियोजयामास तदा रक्षायै द्विजसत्तम

sthāne sthāne pure tasminrājā vai śokavihvalaḥ niyojayāmāsa tadā rakṣāyai dvijasattama

हे द्विजसत्तम! शोक से व्याकुल उस राजा ने, उस नगर के हर स्थान पर, रक्षा के लिए नियुक्त किया।

श्लोक 56 (padma.7.6.56)

तेनाज्ञप्तास्ततः सर्वे योद्धारोऽमितविक्रमाः । सत्वराः पतिरक्षासु तस्थुस्तस्मिन्पुरे रुषा

tenājñaptāstataḥ sarve yoddhāro'mitavikramāḥ satvarāḥ patirakṣāsu tasthustasminpure ruṣā

उनकी आज्ञा से, असीम पराक्रम वाले वे सभी योद्धा, क्रोध में शीघ्रता से रक्षा-कार्य में लगकर, उस नगर में तैनात रहे।

श्लोक 57 (padma.7.6.57)

गीतानि गायकैः सर्वैर्नृत्यानि नर्तकैस्तथा । वाद्यानि वादकैश्चैव तत्र त्यक्तानि साध्वसैः

gītāni gāyakaiḥ sarvairnṛtyāni nartakaistathā vādyāni vādakaiścaiva tatra tyaktāni sādhvasaiḥ

सभी गायकों ने गीत गाना छोड़ दिया, नर्तकों ने नृत्य छोड़ दिया, और वादकों ने भय के कारण वाद्य बजाना छोड़ दिया।

श्लोक 58 (padma.7.6.58)

ततः स राजा विप्रर्षे समाहूय स्वमंत्रिणः । किमेतदिति पप्रच्छ शोकोपहतमानसः

tataḥ sa rājā viprarṣe samāhūya svamaṁtriṇaḥ kimetaditi papraccha śokopahatamānasaḥ

हे विप्रर्षे! तब वह राजा, अपने मन्त्रियों को बुलाकर, शोक से आहत मन से यह पूछने लगा — यह क्या हुआ है?

श्लोक 59 (padma.7.6.59)

मंत्रिण ऊचुः- देवाद्भुतमिदं कर्म न दृष्टं न श्रुतं क्वचित् । एतावतां नृणां मध्ये पश्यतां क्व जगाम सा

maṁtriṇa ūcuḥ- devādbhutamidaṁ karma na dṛṣṭaṁ na śrutaṁ kvacit etāvatāṁ nṛṇāṁ madhye paśyatāṁ kva jagāma sā

मन्त्रियों ने कहा — हे देव! यह अद्भुत घटना कहीं भी न देखी गई है, न सुनी गई है। इतने लोगों के देखते-देखते वह कहाँ चली गई?

श्लोक 60 (padma.7.6.60)

कोऽपि जल्पति सा लक्ष्मीः शापेनागत्य भूतले । त्वदीयं सौधमेतर्हि स्वयमंतरधीयत

ko'pi jalpati sā lakṣmīḥ śāpenāgatya bhūtale tvadīyaṁ saudhametarhi svayamaṁtaradhīyata

कोई कहता है — वह लक्ष्मी है, शाप से पृथ्वी पर आई थी, और अभी अपने आप ही तुम्हारे राजमहल से अन्तर्धान हो गई।

श्लोक 61 (padma.7.6.61)

मायामयी सा रमणी मायया त्वद्गृहे स्थिता । मायां स्वकीयां दर्शित्वा गतेत्यन्ये वदंति वै

māyāmayī sā ramaṇī māyayā tvadgṛhe sthitā māyāṁ svakīyāṁ darśitvā gatetyanye vadaṁti vai

अन्य लोग कहते हैं — वह मायावी स्त्री माया से तुम्हारे घर में रही, और अपनी माया दिखाकर चली गई।

श्लोक 62 (padma.7.6.62)

केचिद्वदंति रमणी सर्वलक्षणसंयुता । आगमिष्यति भूयोऽपि भगाङ्गो मघवा यतः

kecidvadaṁti ramaṇī sarvalakṣaṇasaṁyutā āgamiṣyati bhūyo'pi bhagāṅgo maghavā yataḥ

कुछ लोग कहते हैं — वह समस्त शुभ लक्षणों से युक्त स्त्री फिर से लौट आएगी, क्योंकि इन्द्र (मघवा) भाग्यशाली है,

श्लोक 63 (padma.7.6.63)

तन्मुखंचन्द्रवन्मत्वा विचिंत्यात्मानमात्मना । केचिद्वदंति चन्द्रेण नीता सुप्रतिपत्तये

tanmukhaṁcandravanmatvā viciṁtyātmānamātmanā kecidvadaṁti candreṇa nītā supratipattaye

उसके मुख को चन्द्रमा-सदृश मानकर और स्वयं को उसके अनुरूप विचारकर — कुछ लोग कहते हैं कि चन्द्रमा ही उसे शुभ-प्राप्ति के लिए ले गया।

श्लोक 64 (padma.7.6.64)

वदंति केऽपि सा कन्या सद्गुणा दीर्घवासना । भ्रान्त्या चन्द्रमसा ग्रस्ता पूर्णचंद्रनिभानना

vadaṁti ke'pi sā kanyā sadguṇā dīrghavāsanā bhrāntyā candramasā grastā pūrṇacaṁdranibhānanā

कुछ कहते हैं — वह कन्या सद्गुणी और दीर्घ-वासनायुक्त थी, पूर्ण चन्द्रमा-सी मुखाकृति के कारण चन्द्रमा ने भ्रमवश उसे ग्रस लिया।

श्लोक 65 (padma.7.6.65)

दिग्गजैर्नलिनी भ्रान्त्या प्रफुल्लकमलानना । विषदण्डप्रहस्ता च नीरजा कलिकाकुचा

diggajairnalinī bhrāntyā praphullakamalānanā viṣadaṇḍaprahastā ca nīrajā kalikākucā

जैसे दिग्गज (दिशाओं के हाथी) खिले हुए कमल-मुख वाली, कली-सी स्तनों वाली, हाथ में विषदण्ड लिए जल-कमलिनी को भ्रमवश ले जाते हैं।

श्लोक 66 (padma.7.6.66)

केचिद्वदंति सृष्ट्वा सा स्रष्टुमन्यां स्त्रियं नृपं । तद्रूपादर्शनालोक्ये नीता रूपगुणास्थिता

kecidvadaṁti sṛṣṭvā sā sraṣṭumanyāṁ striyaṁ nṛpaṁ tadrūpādarśanālokye nītā rūpaguṇāsthitā

कुछ कहते हैं — राजा ने उसे रचकर, फिर एक और स्त्री रचने के लिए उसे बुलाया; उसके रूप के दर्शन के लिए, रूप-गुणों में स्थिर उसे वहाँ ले जाया गया।

श्लोक 67 (padma.7.6.67)

केचिद्वदंति भूपाल त्वया सर्वदिशो जिताः । रूपैर्दैवांगना जेतुं गता सा त्रिदिवं प्रति

kecidvadaṁti bhūpāla tvayā sarvadiśo jitāḥ rūpairdaivāṁganā jetuṁ gatā sā tridivaṁ prati

कुछ कहते हैं — हे राजन्! जब आपने सभी दिशाएँ जीत लीं, तब रूप में उससे स्पर्धा करने के लिए वह देवांगना स्वर्ग को चली गई।

श्लोक 68 (padma.7.6.68)

अथ ते मंत्रिणोऽन्योन्यमालोक्येति मुखश्रियः । स्तब्धा इवाभवन्सर्वे निरुत्साहाः ससाध्वसाः

atha te maṁtriṇo'nyonyamālokyeti mukhaśriyaḥ stabdhā ivābhavansarve nirutsāhāḥ sasādhvasāḥ

फिर वे मन्त्री, एक-दूसरे के मुख की शोभा को देखकर, सभी स्तब्ध-से, उत्साहहीन और भयभीत हो गये।

श्लोक 69 (padma.7.6.69)

भूपः सुलोचने पुत्रि क्व गतासि विहाय माम् । इत्युक्त्वा स महीपालः पृथिव्यां मूर्च्छितोऽपतत्

bhūpaḥ sulocane putri kva gatāsi vihāya mām ityuktvā sa mahīpālaḥ pṛthivyāṁ mūrcchito'patat

राजा ने कहा — हे पुत्री सुलोचना! मुझे छोड़कर तुम कहाँ चली गई? — ऐसा कहकर वह राजा पृथ्वी पर मूर्च्छित होकर गिर पड़ा।

श्लोक 70 (padma.7.6.70)

राजानं पतितं दृष्ट्वा शोकेन महता ततः । जज्ञे हाहारवस्तस्मिन्नगरे द्विजसत्तम

rājānaṁ patitaṁ dṛṣṭvā śokena mahatā tataḥ jajñe hāhāravastasminnagare dvijasattama

हे द्विजसत्तम! राजा को गिरा हुआ देखकर, फिर उस नगर में महान् शोक से हाहाकार मच गया।

श्लोक 71 (padma.7.6.71)

तत्क्रंदनध्वनिं विप्र प्रतिश्रुत्वा च जायते । उत्प्रेक्षते तत्र लोके क्रंदंति ककुभो दश

tatkraṁdanadhvaniṁ vipra pratiśrutvā ca jāyate utprekṣate tatra loke kraṁdaṁti kakubho daśa

हे विप्र! उस विलाप की ध्वनि सुनकर, लगता था मानो उस लोक में सुनने वालों को दसों दिशाएँ ही रो रही हों।

श्लोक 72 (padma.7.6.72)

धूलिधूसरतां गंतुं नृपतिं मुक्तकेशकम् । विधृत्य मंत्रिणः सर्वे तरसा सौधमाययुः

dhūlidhūsaratāṁ gaṁtuṁ nṛpatiṁ muktakeśakam vidhṛtya maṁtriṇaḥ sarve tarasā saudhamāyayuḥ

धूल से धूसरित होकर, केश खुले, राजा को उठाकर, सभी मन्त्री शीघ्रता से राजमहल में ले आये।

श्लोक 73 (padma.7.6.73)

अथ विद्याधरस्तत्र श्रीविक्रमदेवजः । तस्याः पीठं समालिङ्ग्य रुरोद करुणस्वनैः

atha vidyādharastatra śrīvikramadevajaḥ tasyāḥ pīṭhaṁ samāliṅgya ruroda karuṇasvanaiḥ

फिर वहाँ श्रीविक्रमदेव के पुत्र, वह विद्याधर, उसके आसन का आलिंगन करके करुण स्वरों में रो पड़ा।

श्लोक 74 (padma.7.6.74)

हा प्रिये चंचलापाङ्गि सुवर्णकुसुमप्रभे । शोकाब्धौ पातयित्वा मां क्व गतासि वरानने

hā priye caṁcalāpāṅgi suvarṇakusumaprabhe śokābdhau pātayitvā māṁ kva gatāsi varānane

हाय प्रिये! हे चंचल आँखों वाली, हे स्वर्ण-पुष्प जैसी कान्ति वाली! मुझे शोक-सागर में डालकर तुम कहाँ चली गई, हे वरानने?

श्लोक 75 (padma.7.6.75)

मम किं दूषणं दृष्टं त्वया निर्दोषया प्रिये । न ददासि कथं भद्रे दर्शनं कमलानने

mama kiṁ dūṣaṇaṁ dṛṣṭaṁ tvayā nirdoṣayā priye na dadāsi kathaṁ bhadre darśanaṁ kamalānane

हे प्रिये! तुम निर्दोष होकर मुझमें क्या दोष देखा? हे भद्रे, हे कमलमुखी! तुम मुझे दर्शन क्यों नहीं देतीं?

श्लोक 76 (padma.7.6.76)

न जीविष्याम्यंहं भद्रे क्षणमात्रं त्वया विना । अतो मे दर्शनं दत्वा क्रियतां प्राणरक्षणम्

na jīviṣyāmyaṁhaṁ bhadre kṣaṇamātraṁ tvayā vinā ato me darśanaṁ datvā kriyatāṁ prāṇarakṣaṇam

हे भद्रे! तुम्हारे बिना मैं क्षणमात्र भी नहीं जी सकूँगा; इसलिए मुझे दर्शन देकर मेरे प्राणों की रक्षा करो।

श्लोक 77 (padma.7.6.77)

किं धनैः किं जनैः किं मे मित्रैः किं वा धनैर्गृहैः । नाप्नोमि यदि भद्रे त्वां प्राणेभ्योऽपि गरीयसीम्

kiṁ dhanaiḥ kiṁ janaiḥ kiṁ me mitraiḥ kiṁ vā dhanairgṛhaiḥ nāpnomi yadi bhadre tvāṁ prāṇebhyo'pi garīyasīm

मुझे धन से क्या, जनों से क्या, मित्रों से क्या, धन और घरों से क्या, यदि मैं तुम्हें, हे भद्रे, प्राणों से भी अधिक प्रिय, नहीं पाता?

श्लोक 78 (padma.7.6.78)

एतच्चान्यच्च विप्रर्षे स कृत्वा करुणं महत् । शोकान्मृत्युं विनिश्चिंत्य ययौ गङ्गाब्धिसङ्गमम्

etaccānyacca viprarṣe sa kṛtvā karuṇaṁ mahat śokānmṛtyuṁ viniściṁtya yayau gaṅgābdhisaṅgamam

हे विप्रर्षे! यह और अन्य अनेक बातें अत्यन्त करुणापूर्वक कहकर, वह, शोक से मृत्यु का निश्चय करके, गंगासागर-संगम की ओर चला गया।

श्लोक 79 (padma.7.6.79)

तत्र गङ्गाम्भसि स्नात्वा समुद्रजलमिश्रिते । निवेद्य भास्करायार्घं गंगां नत्वाह मातरम्

tatra gaṅgāmbhasi snātvā samudrajalamiśrite nivedya bhāskarāyārghaṁ gaṁgāṁ natvāha mātaram

वहाँ समुद्र-जल में मिली गंगा के जल में स्नान करके, सूर्य को अर्घ्य देकर, गंगा माता को प्रणाम करते हुए उसने यह कहा।

श्लोक 80 (padma.7.6.80)

गंङ्गे देवि जगन्मातस्त्वज्जले विमले तनुम् । त्यजामि तां यथा भूयः प्राप्नोमि तत्करिष्यसि

gaṁṅge devi jaganmātastvajjale vimale tanum tyajāmi tāṁ yathā bhūyaḥ prāpnomi tatkariṣyasi

हे गंगे! हे देवि! हे जगन्माता! मैं तुम्हारे इस निर्मल जल में शरीर त्यागता हूँ; तुम ऐसा करना कि मैं इसे फिर से प्राप्त करूँ।

श्लोक 81 (padma.7.6.81)

इति ब्रुवंतं तं विप्र तत्किंकरवरास्ततः । विधिं विनिन्युः सदृशं क्रुद्धा वीरवरस्य च

iti bruvaṁtaṁ taṁ vipra tatkiṁkaravarāstataḥ vidhiṁ vininyuḥ sadṛśaṁ kruddhā vīravarasya ca

हे विप्र! उसे यह कहते हुए सुनकर, उस वीरवर के श्रेष्ठ सेवकों ने, क्रोधित होकर, उसे उचित व्यवस्था में बाँध लिया।

श्लोक 82 (padma.7.6.82)

ततो वीरवरः प्राह कस्त्वं भोः कुत आगतः । कथमत्र तनुत्यागं कुरुषे तद्वदस्व मे

tato vīravaraḥ prāha kastvaṁ bhoḥ kuta āgataḥ kathamatra tanutyāgaṁ kuruṣe tadvadasva me

तब वीरवर ने पूछा — तुम कौन हो, कहाँ से आये हो? इस प्रकार शरीर-त्याग क्यों कर रहे हो? यह मुझे बताओ।

श्लोक 83 (padma.7.6.83)

तद्वाक्यमेतदाकर्ण्य ततो विद्याधरोऽखिलाम् । तां कथां कथयामास शृण्वतां विस्मयप्रदाम्

tadvākyametadākarṇya tato vidyādharo'khilām tāṁ kathāṁ kathayāmāsa śṛṇvatāṁ vismayapradām

उसकी यह बात सुनकर, वह विद्याधर, सुनने वालों को विस्मय देने वाली, वह सम्पूर्ण कथा कहने लगा।

श्लोक 84 (padma.7.6.84)

अथ त्वं मूर्खलोकानां प्रवरोसि न संशयः । गान्धर्वी राक्षसी वापि पन्नगी वापि किन्नरी

atha tvaṁ mūrkhalokānāṁ pravarosi na saṁśayaḥ gāndharvī rākṣasī vāpi pannagī vāpi kinnarī

"तुम भी मूर्ख लोगों में सबसे बढ़कर हो, इसमें कोई सन्देह नहीं — या तो गन्धर्व-कन्या, या राक्षसी, या नागिन, या किन्नरी,

श्लोक 85 (padma.7.6.85)

शापागतेव सा कन्या तस्मादन्तर्हिता स्वयम् । सा देवरूपिणी कन्या देवानां निलयं गता

śāpāgateva sā kanyā tasmādantarhitā svayam sā devarūpiṇī kanyā devānāṁ nilayaṁ gatā

वह कन्या शाप से ग्रस्त होकर स्वयं अन्तर्धान हो गई; वह देव-रूपिणी कन्या देवताओं के धाम को चली गई।

श्लोक 86 (padma.7.6.86)

कथं तया समं भूयो दर्शनं ते भविष्यति । चकोरपेयं पीयूषं गगने रोहिणीपतेः

kathaṁ tayā samaṁ bhūyo darśanaṁ te bhaviṣyati cakorapeyaṁ pīyūṣaṁ gagane rohiṇīpateḥ

अब उससे तुम्हारा फिर से मिलन कैसे होगा? आकाश में स्थित चन्द्रमा का अमृत तो चकोर ही पी सकता है —

श्लोक 87 (padma.7.6.87)

किं शक्नुवंति तं पापा वायसा बलिनोऽपि च । यदप्राप्यं न तत्प्राप्यं प्राप्यं यत्तच्च लभ्यते

kiṁ śaknuvaṁti taṁ pāpā vāyasā balino'pi ca yadaprāpyaṁ na tatprāpyaṁ prāpyaṁ yattacca labhyate

क्या बलवान् कौवे भी, दुष्ट होकर, उसे पा सकते हैं? जो अप्राप्य है, वह प्राप्त नहीं होता; जो प्राप्य है, वही प्राप्त होता है —

श्लोक 88 (padma.7.6.88)

जानंति तज्जनं कश्चिन्मोहं प्रति न गच्छति । केनापि दीयते कन्या कन्या केनापि गृह्यते

jānaṁti tajjanaṁ kaścinmohaṁ prati na gacchati kenāpi dīyate kanyā kanyā kenāpi gṛhyate

इस बात को जानने वाला कोई भी व्यक्ति मोह को प्राप्त नहीं होता। किसी के द्वारा कन्या दी जाती है, किसी के द्वारा कन्या ग्रहण की जाती है —

श्लोक 89 (padma.7.6.89)

पूर्वजन्मनि या कन्या तां कन्यां लभते पतिः । पुत्रप्रयोजना भार्या पुत्राः पिण्डप्रयोजनाः

pūrvajanmani yā kanyā tāṁ kanyāṁ labhate patiḥ putraprayojanā bhāryā putrāḥ piṇḍaprayojanāḥ

पूर्व जन्म में जो कन्या रही होगी, वही पति को कन्या के रूप में प्राप्त होती है। पत्नी पुत्र के लिए साधन है, पुत्र पिण्ड-दान के लिए साधन हैं,

श्लोक 90 (padma.7.6.90)

कुर्वंति दारग्रहणमतएव मनीषिणः । यथेह दीयते नार्या तथा नारी समश्नुते

kurvaṁti dāragrahaṇamataeva manīṣiṇaḥ yatheha dīyate nāryā tathā nārī samaśnute

इसीलिए बुद्धिमान् लोग विवाह करते हैं। जैसे यहाँ स्त्री दी जाती है, वैसे ही स्त्री प्राप्त की जाती है।

श्लोक 91 (padma.7.6.91)

क्रंदन्रजन्यामप्येष भृङ्गः कुमुदिनीं सहेत् । सद्रूपोऽपि पतिः स्त्रीणां संतोषाय भवेन्नहि

kraṁdanrajanyāmapyeṣa bhṛṅgaḥ kumudinīṁ sahet sadrūpo'pi patiḥ strīṇāṁ saṁtoṣāya bhavennahi

यह भँवरा रात में भी रोता हुआ, कुमुदिनी को ही सहन करता है; सुन्दर रूप वाला पति भी स्त्रियों के सन्तोष के लिए पर्याप्त नहीं होता।

श्लोक 92 (padma.7.6.92)

रवौ स्थितेऽपि पद्मिन्या मधूनि भ्रमरः पिबेत् । नारीषु सततं चित्तं विष्णुभक्तिष्वनादरः

ravau sthite'pi padminyā madhūni bhramaraḥ pibet nārīṣu satataṁ cittaṁ viṣṇubhaktiṣvanādaraḥ

सूर्य के उदय होने पर भी भँवरा कमलिनी के मधु को पीता है; स्त्रियों में सतत आसक्त चित्त, विष्णु-भक्ति में अनादर —

श्लोक 93 (padma.7.6.93)

शोकैः कैश्चित्तनुत्यागस्तिस्रः पुंसां विडंबनाः । दाराः पुत्रास्तथा भ्राता देशाश्च बांधवास्तथा

śokaiḥ kaiścittanutyāgastisraḥ puṁsāṁ viḍaṁbanāḥ dārāḥ putrāstathā bhrātā deśāśca bāṁdhavāstathā

किसी-न-किसी शोक से शरीर-त्याग — ये पुरुषों के लिए तीन प्रकार के आत्म-प्रवंचन हैं। पत्नी, पुत्र, भाई, देश और बान्धव —

श्लोक 94 (padma.7.6.94)

पुनर्लभ्या इमे सर्वे पुनर्लभ्या न चासवः । न मुक्तो विषयो धर्मो न च कर्म कृतं त्वया

punarlabhyā ime sarve punarlabhyā na cāsavaḥ na mukto viṣayo dharmo na ca karma kṛtaṁ tvayā

ये सब पुनः प्राप्त हो सकते हैं, परन्तु प्राण पुनः प्राप्त नहीं होते; तुम्हारे द्वारा न तो कोई भोग-विषय त्यागा गया है, न कोई धर्म-कर्म किया गया है।

श्लोक 95 (padma.7.6.95)

वर्तमाने गते मूढ भविष्यं जन्म दुर्ल्लभम् । मम माता मम पिता भार्या भ्राता धनं मम

vartamāne gate mūḍha bhaviṣyaṁ janma durllabham mama mātā mama pitā bhāryā bhrātā dhanaṁ mama

हे मूर्ख! वर्तमान जन्म में जो सम्भव है, वह भविष्य के जन्म में दुर्लभ हो जाएगा। मेरी माता, मेरे पिता, मेरी पत्नी, मेरा भाई, मेरा धन —

श्लोक 96 (padma.7.6.96)

निष्फलं याति वै जन्म नृणां ममतया तया । एवं प्रबोधितः सम्यक्तेन धीरवरेण सः

niṣphalaṁ yāti vai janma nṛṇāṁ mamatayā tayā evaṁ prabodhitaḥ samyaktena dhīravareṇa saḥ

ऐसी ममता के कारण मनुष्यों का जन्म निष्फल चला जाता है। इस प्रकार उस धीर-श्रेष्ठ द्वारा भलीभाँति समझाये जाने पर, उसने,

श्लोक 97 (padma.7.6.97)

दौर्मनस्यं परित्यज्य तस्थौ तत्रैव जैमिने । ततस्तु गन्धिनी प्रीत्या हसंती स्वगृहं गता

daurmanasyaṁ parityajya tasthau tatraiva jaimine tatastu gandhinī prītyā hasaṁtī svagṛhaṁ gatā

हे जैमिनि! अपनी उदासी त्यागकर वहीं ठहर गया। फिर वह गन्धिनी, प्रसन्नतापूर्वक हँसती हुई, अपने घर चली गई।

श्लोक 98 (padma.7.6.98)

गत्वा च माधवं मंचे स्वपंतं सा ददर्श ह । गन्धिन्युवाच- उत्तिष्ठोत्तिष्ठ दुर्बुद्धे भ्रमस्ते विफलोऽभवत्

gatvā ca mādhavaṁ maṁce svapaṁtaṁ sā dadarśa ha gandhinyuvāca- uttiṣṭhottiṣṭha durbuddhe bhramaste viphalo'bhavat

वहाँ जाकर उसने माधव को खाट पर सोया हुआ देखा। गन्धिनी ने कहा — उठो, उठो, हे दुर्बुद्धि! तुम्हारा भटकना व्यर्थ हो गया।

श्लोक 99 (padma.7.6.99)

विवाहकाले सा कन्या बभूवांतर्हिता स्वयम् । एवं तस्या वचः श्रुत्वा समुत्तस्थौ स माधवः

vivāhakāle sā kanyā babhūvāṁtarhitā svayam evaṁ tasyā vacaḥ śrutvā samuttasthau sa mādhavaḥ

विवाह के समय वह कन्या स्वयं ही अन्तर्धान हो गई। इस प्रकार उसकी बात सुनकर, वह माधव तुरन्त उठ खड़ा हुआ,

श्लोक 100 (padma.7.6.100)

विललापाकुलः शोकैर्महद्भिः क्ष्मातले लुठन् । कन्याया दूषणं नास्ति नास्ति विद्याधरस्य वा

vilalāpākulaḥ śokairmahadbhiḥ kṣmātale luṭhan kanyāyā dūṣaṇaṁ nāsti nāsti vidyādharasya vā

और महान् शोक से व्याकुल होकर, पृथ्वी पर लोटता हुआ विलाप करने लगा — इसमें न तो उस कन्या का दोष है, न उस विद्याधर का।