गंगा-माहात्म्य तथा इन्द्र-पद्मगन्धा-कथा

श्लोक 1 (padma.7.8.1)

व्यास उवाच- पुनर्वक्ष्यामि विप्रेन्द्र गङ्गामाहात्म्यमुत्तमम् । गङ्गाकथासुधापानं कुरु मुक्तिं यदीच्छसि

vyāsa uvāca- punarvakṣyāmi viprendra gaṅgāmāhātmyamuttamam gaṅgākathāsudhāpānaṁ kuru muktiṁ yadīcchasi

व्यास जी ने कहा — हे विप्रेन्द्र! मैं फिर से गंगा की उत्तम महिमा कहूँगा; यदि मुक्ति चाहते हो, तो गंगा-कथा रूपी अमृत का पान करो।

श्लोक 2 (padma.7.8.2)

दानं दत्तं तेन सर्वं तेन सर्वे मखाः कृताः । तेन प्रपूजितो विष्णुर्यद्भक्तिर्भीष्म मातरि

dānaṁ dattaṁ tena sarvaṁ tena sarve makhāḥ kṛtāḥ tena prapūjito viṣṇuryadbhaktirbhīṣma mātari

जिसने भीष्म की माता (गंगा) में भक्ति प्राप्त की, उसने ही समस्त दान दिये, उसने ही समस्त यज्ञ किये, उसने ही विष्णु की पूजा की है।

श्लोक 3 (padma.7.8.3)

गङ्गायां धर्मकर्माणि क्रियंते यानि कानि च । अक्षयानि भवंत्यस्य तानि सर्वाणि जैमिने

gaṅgāyāṁ dharmakarmāṇi kriyaṁte yāni kāni ca akṣayāni bhavaṁtyasya tāni sarvāṇi jaimine

हे जैमिनि! गंगा में जो भी धर्म-कर्म किये जाते हैं, वे सब अक्षय हो जाते हैं।

श्लोक 4 (padma.7.8.4)

वहंतं जलमालोक्य गाङ्गेयानि जलानि यः । भक्त्या गच्छेत्समुत्थाय सोऽश्वमेधसहस्रकृत्

vahaṁtaṁ jalamālokya gāṅgeyāni jalāni yaḥ bhaktyā gacchetsamutthāya so'śvamedhasahasrakṛt

बहती हुई गंगा के जल को देखकर जो भक्तिपूर्वक उठकर उसकी ओर जाता है, वह हजार अश्वमेध यज्ञ करने के फल का भागी होता है।

श्लोक 5 (padma.7.8.5)

गङ्गाजलेष्वागतेषु यो नो तिष्ठति भक्तितः । पशुता शाश्वती तस्य जन्मजन्मनि जैमिने

gaṅgājaleṣvāgateṣu yo no tiṣṭhati bhaktitaḥ paśutā śāśvatī tasya janmajanmani jaimine

हे जैमिनि! गंगाजल के समक्ष आने पर भी जो भक्तिपूर्वक वहाँ नहीं ठहरता, उसे जन्म-जन्म में सदा पशु-योनि प्राप्त होती है।

श्लोक 6 (padma.7.8.6)

गाङ्गेयं जलमासाद्य यो न गृह्णाति भक्तितः । जन्मकोट्यर्जितं पुण्यं क्षणादेव तु नश्यति

gāṅgeyaṁ jalamāsādya yo na gṛhṇāti bhaktitaḥ janmakoṭyarjitaṁ puṇyaṁ kṣaṇādeva tu naśyati

गंगाजल को पाकर भी जो भक्तिपूर्वक उसे ग्रहण नहीं करता, उसका करोड़ों जन्मों में अर्जित पुण्य क्षणभर में नष्ट हो जाता है।

श्लोक 7 (padma.7.8.7)

गङ्गातीरं जिगमिषुं यस्तु वारयते द्विज । स कोटिकुलसंयुक्तो रौरवं नरकं व्रजेत्

gaṅgātīraṁ jigamiṣuṁ yastu vārayate dvija sa koṭikulasaṁyukto rauravaṁ narakaṁ vrajet

हे द्विज! जो गंगा-तट की ओर जाने वाले को रोकता है, वह करोड़ों कुल-जनों सहित रौरव नरक को जाता है।

श्लोक 8 (padma.7.8.8)

मूत्रं वाथ पुरीषं वा गंगातीरे करोति यः । न दृष्टा निष्कृतिस्तस्य कल्पकोटिशतैरपि

mūtraṁ vātha purīṣaṁ vā gaṁgātīre karoti yaḥ na dṛṣṭā niṣkṛtistasya kalpakoṭiśatairapi

जो गंगा-तट पर मूत्र अथवा मल-त्याग करता है, सैकड़ों करोड़ कल्पों में भी उसके लिए कोई मुक्ति नहीं देखी गई है।

श्लोक 9 (padma.7.8.9)

श्लेष्माणं वापि निष्ठीवं दूषिकां वाश्रु वा मलम् । गंगातीरे त्यजेद्यस्तु स नूनं नारकी भवेत्

śleṣmāṇaṁ vāpi niṣṭhīvaṁ dūṣikāṁ vāśru vā malam gaṁgātīre tyajedyastu sa nūnaṁ nārakī bhavet

जो गंगा-तट पर कफ, थूक, आँख या नाक की मैल, अथवा आँसू त्यागता है, वह निश्चय ही नारकी बनता है।

श्लोक 10 (padma.7.8.10)

उच्छिष्टं कफकं चैव गङ्गागर्भे च यस्त्यजेत् । स याति नरकं घोरं ब्रह्महत्यां च विंदति

ucchiṣṭaṁ kaphakaṁ caiva gaṅgāgarbhe ca yastyajet sa yāti narakaṁ ghoraṁ brahmahatyāṁ ca viṁdati

जो जूठन अथवा कफ को गंगा के गर्भ में त्यागता है, वह भयंकर नरक को जाता है और ब्रह्महत्या के पाप का भागी बनता है।

श्लोक 11 (padma.7.8.11)

गङ्गारोधसि यः पापं कुरुते मूढधीर्नरः । तदक्षय भवेन्नूनं नान्यतीर्थेषु शाम्यति

gaṅgārodhasi yaḥ pāpaṁ kurute mūḍhadhīrnaraḥ tadakṣaya bhavennūnaṁ nānyatīrtheṣu śāmyati

जो मूर्ख मनुष्य गंगा के तट पर पाप करता है, वह पाप निश्चय ही अक्षय हो जाता है, और अन्य किसी तीर्थ में शान्त नहीं होता।

श्लोक 12 (padma.7.8.12)

अन्यतीर्थे कृतं पापं गङ्गायां च विनश्यति । गङ्गायां यत्कृतं पापं तत्कुत्रापि न शाम्यते

anyatīrthe kṛtaṁ pāpaṁ gaṅgāyāṁ ca vinaśyati gaṅgāyāṁ yatkṛtaṁ pāpaṁ tatkutrāpi na śāmyate

अन्य तीर्थ में किया गया पाप गंगा में जाकर नष्ट हो जाता है, परन्तु गंगा में किया गया पाप कहीं भी शान्त नहीं होता।

श्लोक 13 (padma.7.8.13)

तस्मात्पापं न कर्तव्यं गङ्गायां शास्त्रकोविदैः । कर्मणा मनसा वाचा कर्तव्यो धर्मसंग्रहः

tasmātpāpaṁ na kartavyaṁ gaṅgāyāṁ śāstrakovidaiḥ karmaṇā manasā vācā kartavyo dharmasaṁgrahaḥ

इसलिए शास्त्र के ज्ञाताओं द्वारा गंगा में पाप कभी नहीं करना चाहिए; कर्म, मन और वाणी से वहाँ केवल धर्म का ही संचय करना चाहिए।

श्लोक 14 (padma.7.8.14)

न ते देशा न ते शैला न च तानि वनानि च । पापविध्वंसिनी यत्र न तिष्ठेत्सुरनिम्नगा

na te deśā na te śailā na ca tāni vanāni ca pāpavidhvaṁsinī yatra na tiṣṭhetsuranimnagā

वे देश नहीं, वे पर्वत नहीं, और वे वन भी नहीं, जहाँ पाप-नाशिनी देव-नदी (गंगा) स्थित न हो।

श्लोक 15 (padma.7.8.15)

गङ्गातीरं परित्यज्य मुहूर्तमपि जैमिने । न च स्थातव्यमन्यत्र यदि कार्यशतान्यपि

gaṅgātīraṁ parityajya muhūrtamapi jaimine na ca sthātavyamanyatra yadi kāryaśatānyapi

हे जैमिनि! गंगा-तट को छोड़कर एक मुहूर्त भी अन्यत्र नहीं ठहरना चाहिए, चाहे सैकड़ों कार्य ही क्यों न हों।

श्लोक 16 (padma.7.8.16)

भिक्षान्नमपि भुक्त्वा च स्थातव्यं जाह्नवीतटे । न चान्यत्र क्षणमपि प्राप्य भूपालतामपि

bhikṣānnamapi bhuktvā ca sthātavyaṁ jāhnavītaṭe na cānyatra kṣaṇamapi prāpya bhūpālatāmapi

भिक्षा का अन्न पाकर भी उसे जाह्नवी के तट पर ही रहना चाहिए; राजपद पाकर भी अन्यत्र क्षणभर भी नहीं रहना चाहिए।

श्लोक 17 (padma.7.8.17)

संत्यज्य देहं गङ्गायां ब्रह्महापि विमुच्यते । अन्यत्र मुक्तये न स्यादश्वमेधसहस्रकृत्

saṁtyajya dehaṁ gaṅgāyāṁ brahmahāpi vimucyate anyatra muktaye na syādaśvamedhasahasrakṛt

गंगा में शरीर त्यागने पर ब्रह्महत्यारा भी मुक्त हो जाता है; अन्यत्र हजार अश्वमेध यज्ञ करने पर भी मुक्ति नहीं मिलती।

श्लोक 18 (padma.7.8.18)

गङ्गातीरे वसन्यस्तु हरिपूजापरो भवेत् । जन्मजन्मांतरे येन कदाचिन्नार्चितो हरिः

gaṅgātīre vasanyastu haripūjāparo bhavet janmajanmāṁtare yena kadācinnārcito hariḥ

जो गंगा-तट पर रहकर हरि-पूजा में तत्पर होता है, जिसके द्वारा जन्म-जन्मान्तर में कभी हरि की पूजा नहीं की गई हो,

श्लोक 19 (padma.7.8.19)

भक्तिर्भवति नैतस्य गङ्गायां लोकमातरि । श्रूयतां मानवाः सर्वे भूयोभूयो ब्रवीम्यहम्

bhaktirbhavati naitasya gaṅgāyāṁ lokamātari śrūyatāṁ mānavāḥ sarve bhūyobhūyo bravīmyaham

उसकी भी भक्ति उस विश्व-माता गंगा में उत्पन्न हो जाती है। हे समस्त मनुष्यो! सुनो, मैं बार-बार कहता हूँ।

श्लोक 20 (padma.7.8.20)

स्नानं विधाय गङ्गायां गम्यतां परमं पदम् । मृत्युकाले भजेद्यस्तु गङ्गागङ्गेति मानवः

snānaṁ vidhāya gaṅgāyāṁ gamyatāṁ paramaṁ padam mṛtyukāle bhajedyastu gaṅgāgaṅgeti mānavaḥ

गंगा में स्नान करके परम पद को प्राप्त होना चाहिए। जो मनुष्य मृत्यु के समय "गंगा, गंगा" कहकर भजता है,

श्लोक 21 (padma.7.8.21)

विमुक्तःपातकैः सर्वैर्दिवि देवयुगायुतम् । यस्य गङ्गाकथारम्भो मृत्युकाले भवेद्द्विज

vimuktaḥpātakaiḥ sarvairdivi devayugāyutam yasya gaṅgākathārambho mṛtyukāle bhaveddvija

वह समस्त पापों से मुक्त होकर दस हजार युगों तक स्वर्ग में रहता है। हे द्विज! जिसके मृत्यु-काल में गंगा-कथा का आरम्भ होता है,

श्लोक 22 (padma.7.8.22)

स गच्छेद्विष्णुभवनं गलिताखिल कल्मषः । यस्तु स्मरति वै प्राज्ञो मृत्युकाले द्विजोत्तम

sa gacchedviṣṇubhavanaṁ galitākhila kalmaṣaḥ yastu smarati vai prājño mṛtyukāle dvijottama

वह समस्त पाप-मुक्त होकर विष्णु के धाम को जाता है। हे द्विजोत्तम! जो बुद्धिमान् व्यक्ति मृत्यु-काल में,

श्लोक 23 (padma.7.8.23)

गङ्गेति मुक्तिदं नाम तस्य तुष्टो भवेद्धरिः । मृत्युकाले भवेद्यस्तु गङ्गामृत्पुण्ड्रमुत्तमम्

gaṅgeti muktidaṁ nāma tasya tuṣṭo bhaveddhariḥ mṛtyukāle bhavedyastu gaṅgāmṛtpuṇḍramuttamam

मुक्ति देने वाले "गंगा" नाम का स्मरण करता है, उससे हरि सन्तुष्ट हो जाते हैं। जिसके मृत्यु-काल में गंगा-मिट्टी का उत्तम तिलक लगा हो,

श्लोक 24 (padma.7.8.24)

गङ्गास्नायिनमालोक्य त्यजेद्यस्तु कलेवरम् । श्मशानेऽपि द्विजश्रेष्ठ स गङ्गामरणं लभेत्

gaṅgāsnāyinamālokya tyajedyastu kalevaram śmaśāne'pi dvijaśreṣṭha sa gaṅgāmaraṇaṁ labhet

अथवा जो किसी गंगा-स्नान करने वाले को देखकर शरीर त्यागता है — हे द्विजश्रेष्ठ! वह श्मशान में भी गंगा-मरण का ही फल पाता है।

श्लोक 25 (padma.7.8.25)

तिष्ठंत्यस्थीनि गङ्गायां यावत्कालं शरीरिणः । तावत्कल्पसहस्राणि विष्णुलोके महीयते

tiṣṭhaṁtyasthīni gaṅgāyāṁ yāvatkālaṁ śarīriṇaḥ tāvatkalpasahasrāṇi viṣṇuloke mahīyate

गंगा में शरीरधारियों की हड्डियाँ जितने काल तक रहती हैं, उतने ही हजार कल्पों तक वह विष्णु के लोक में महिमामय होता है।

श्लोक 26 (padma.7.8.26)

यस्य मज्जन्ति गङ्गायां भस्मास्थीनि नखानि च । शिरोरुहाण्यपि प्राज्ञः स विष्णोर्भुवनं वसेत्

yasya majjanti gaṅgāyāṁ bhasmāsthīni nakhāni ca śiroruhāṇyapi prājñaḥ sa viṣṇorbhuvanaṁ vaset

हे बुद्धिमान्! जिसकी भस्म, हड्डियाँ, नाखून और यहाँ तक कि केश भी गंगा में डूब जाते हैं, वह विष्णु के लोक में निवास करता है।

श्लोक 27 (padma.7.8.27)

स्थितेष्वस्थिषु गङ्गायां यत्कर्म लभते नरः । ब्रवीमि तत्फलं सर्वं शृणु नान्यमना द्विज

sthiteṣvasthiṣu gaṅgāyāṁ yatkarma labhate naraḥ bravīmi tatphalaṁ sarvaṁ śṛṇu nānyamanā dvija

गंगा में हड्डियों के स्थित रहने पर मनुष्य जो फल पाता है, वह सारा फल मैं कहता हूँ, हे द्विज, अन्यमनस्क हुए बिना सुनो।

श्लोक 28 (padma.7.8.28)

एकदा भगवाञ्छक्रो नानालंकारभूषितः । क्रीडागृहं ययौ कामी युवत्या पद्मगंधया

ekadā bhagavāñchakro nānālaṁkārabhūṣitaḥ krīḍāgṛhaṁ yayau kāmī yuvatyā padmagaṁdhayā

एक बार भगवान् इन्द्र, नाना आभूषणों से सज्जित, कामातुर होकर पद्मगन्धा नाम की युवती के साथ क्रीड़ा-गृह में गये।

श्लोक 29 (padma.7.8.29)

पद्मगंधा रसज्ञा सा संप्राप्त नवयौवना । नानारसप्रदानेन चकार सुरसं प्रति

padmagaṁdhā rasajñā sā saṁprāpta navayauvanā nānārasapradānena cakāra surasaṁ prati

वह पद्मगन्धा रसज्ञ थी, नवयौवना, और नाना प्रकार के रस देकर उस देवेन्द्र को अनुरक्त कर देती थी।

श्लोक 30 (padma.7.8.30)

सपत्न्याः स्वर्णपर्यंके तस्याः शिशुमृगीदृशः । प्रीतः पादतले जिष्णुरुवास स्मरमोहितः

sapatnyāḥ svarṇaparyaṁke tasyāḥ śiśumṛgīdṛśaḥ prītaḥ pādatale jiṣṇuruvāsa smaramohitaḥ

अपनी सपत्नी (शची) के स्वर्ण-पर्यंक पर उस मृगशावक-सी आँखों वाली के चरणों में, कामदेव से मोहित होकर, वह जिष्णु (इन्द्र) प्रसन्नतापूर्वक बैठा।

श्लोक 31 (padma.7.8.31)

अथ तस्यै स्वयं शक्रो निर्माय स्वर्णवीटिकाम् । ददाति परमप्रीतस्तद्गुणाकृष्टमानसः

atha tasyai svayaṁ śakro nirmāya svarṇavīṭikām dadāti paramaprītastadguṇākṛṣṭamānasaḥ

फिर उसके लिए स्वयं इन्द्र ने स्वर्ण की पान-बीड़ी बनाकर, उसके गुणों से आकृष्ट-मन होकर, अत्यन्त प्रसन्नता से उसे दी।

श्लोक 32 (padma.7.8.32)

एतस्मिन्नेव काले तु पौलोमी वरसुन्दरी । भूषणैर्भूषिता सर्वैः स्वयं तद्गृहमाययौ

etasminneva kāle tu paulomī varasundarī bhūṣaṇairbhūṣitā sarvaiḥ svayaṁ tadgṛhamāyayau

इसी समय पौलोमी (शची), समस्त सुन्दरता से भूषित होकर, स्वयं उस घर में आ पहुँची।

श्लोक 33 (padma.7.8.33)

दृष्ट्वा तथाविधं शक्रं सर्वदेवाधिपं प्रभुम् । भृशं चुकोप पौलोमी प्राहेति च सुलक्षणा

dṛṣṭvā tathāvidhaṁ śakraṁ sarvadevādhipaṁ prabhum bhṛśaṁ cukopa paulomī prāheti ca sulakṣaṇā

समस्त देवताओं के अधिपति उस प्रभु इन्द्र को उस अवस्था में देखकर, वह सुलक्षणा पौलोमी अत्यन्त क्रोधित हुई और यह कहने लगी।

श्लोक 34 (padma.7.8.34)

शच्युवाच- देव किं कुरुषे कांत त्वं समस्तसुराधिप । मम दासीस्वरूपायै ददासि स्वर्णवीटिकाम्

śacyuvāca- deva kiṁ kuruṣe kāṁta tvaṁ samastasurādhipa mama dāsīsvarūpāyai dadāsi svarṇavīṭikām

शची ने कहा — हे देव! हे कान्त! समस्त देवताओं के अधिपति होकर तुम यह क्या कर रहे हो? मेरी दासी-तुल्य इस स्त्री को तुम स्वर्ण की बीड़ी दे रहे हो?

श्लोक 35 (padma.7.8.35)

स्पृशंति त्रिदशाः सर्वे शिरसा चरणौ तव । त्वं कथं पद्मगन्धाया दास्याः पादतले प्रभोः

spṛśaṁti tridaśāḥ sarve śirasā caraṇau tava tvaṁ kathaṁ padmagandhāyā dāsyāḥ pādatale prabhoḥ

समस्त देवता अपने सिर से तुम्हारे चरणों का स्पर्श करते हैं; तुम कैसे उस पद्मगन्धा दासी के, हे प्रभु, चरणों में बैठे हो?

श्लोक 36 (padma.7.8.36)

याचितश्च सुगन्धित्वाद्भृंगः स्यानचतद्यशः । सुंदरी कोटिभर्त्ता त्वं समस्तरसवित्प्रभो

yācitaśca sugandhitvādbhṛṁgaḥ syānacatadyaśaḥ suṁdarī koṭibharttā tvaṁ samastarasavitprabho

याचना करने पर उसकी सुगन्धि के कारण एक भँवरा तो शोभा पा सकता है, परन्तु यह यश तुम्हें शोभा नहीं देता — हे प्रभु! तुम करोड़ों सुन्दरियों के स्वामी हो, समस्त रसों के ज्ञाता हो;

श्लोक 37 (padma.7.8.37)

कथमेवंविधं कर्म करोष्यत्यंतकुत्सितम् । निर्गुणे पद्मगन्धेहे दासिदूरं परिव्रज

kathamevaṁvidhaṁ karma karoṣyatyaṁtakutsitam nirguṇe padmagandhehe dāsidūraṁ parivraja

तुम इस प्रकार का अत्यन्त निन्दनीय कार्य क्यों करते हो? हे गुणहीन दासी पद्मगन्धा! तुम यहाँ से दूर चली जाओ।

श्लोक 38 (padma.7.8.38)

त्वमीश्वरी च पर्यंके शक्रः पादतले तव । व्यास उवाच- तया निर्भर्त्सिता साध्वी पौलोम्या बहुधा ततः

tvamīśvarī ca paryaṁke śakraḥ pādatale tava vyāsa uvāca- tayā nirbhartsitā sādhvī paulomyā bahudhā tataḥ

तुम्हारी स्वामिनी मैं पलंग पर हूँ, और इन्द्र तुम्हारे चरणों में है! व्यास जी ने कहा — पौलोमी द्वारा इस प्रकार बारम्बार भर्त्सित होकर,

श्लोक 39 (padma.7.8.39)

उवाच पद्मगन्धा सा क्रोधादिति वरांगना । पद्मगंधोवाच- गुणं च मम दोषं च स्वयं स्वाम्येव वेत्ति वै

uvāca padmagandhā sā krodhāditi varāṁganā padmagaṁdhovāca- guṇaṁ ca mama doṣaṁ ca svayaṁ svāmyeva vetti vai

वह सुन्दरी पद्मगन्धा, क्रोध से, यह कहने लगी। पद्मगन्धा ने कहा — मेरे गुण और मेरे दोष को केवल मेरा स्वामी ही जानता है।

श्लोक 40 (padma.7.8.40)

केनाधिकारेणागत्य त्वं मां निंदसि निर्गुणे । अन्ये नेत्रद्वयेनापि पश्यंति गुणदोषकौ

kenādhikāreṇāgatya tvaṁ māṁ niṁdasi nirguṇe anye netradvayenāpi paśyaṁti guṇadoṣakau

हे गुणहीने! किस अधिकार से आकर तुम मेरी निन्दा करती हो? औरों को तो दो आँखों से भी गुण और दोष दोनों ही दिखते हैं;

श्लोक 41 (padma.7.8.41)

सहस्रनेत्रैरप्येष न पश्येत्किं दुराशये । यथा दोषो हि लोकानां प्रचरेन्न गुणं तथा

sahasranetrairapyeṣa na paśyetkiṁ durāśaye yathā doṣo hi lokānāṁ pracarenna guṇaṁ tathā

जबकि दुर्भावना रखने वाला हजार आँखों से भी क्या नहीं देख पाता? जैसे लोगों का दोष ही फैलता है, गुण नहीं फैलता,

श्लोक 42 (padma.7.8.42)

आदौ कलंकश्चन्द्रस्य दृश्यते गुणवज्जनैः । अनर्थभाषिणी क्रूरा कुमूर्त्तिर्गुणवर्जिता

ādau kalaṁkaścandrasya dṛśyate guṇavajjanaiḥ anarthabhāṣiṇī krūrā kumūrttirguṇavarjitā

वैसे ही गुणवान् लोगों को पहले चन्द्रमा का कलंक ही दिखता है। अनर्थ बोलने वाली, क्रूर, बुरी आकृति वाली, गुणहीन —

श्लोक 43 (padma.7.8.43)

यदाहं नास्मि गुणिनी भजतु त्वां तदा पतिः । व्यास उवाच- इत्युक्त्वा पद्मगंधा सा क्रोधात्कोकनदेक्षणा

yadāhaṁ nāsmi guṇinī bhajatu tvāṁ tadā patiḥ vyāsa uvāca- ityuktvā padmagaṁdhā sā krodhātkokanadekṣaṇā

यदि मैं गुणवती न होऊँ, तो तुम्हारा पति तुम्हें ही भजे। व्यास जी ने कहा — यह कहकर वह पद्मगन्धा, क्रोध से कमल-सी आँखों वाली,

श्लोक 44 (padma.7.8.44)

उत्तस्थौ स्वर्णपर्यङ्कात्कुर्वंती करुणं महत् । इन्द्र उवाच- प्रिये प्राणेश्वरि श्रेष्ठे मां विहाय क्व गच्छसि

uttasthau svarṇaparyaṅkātkurvaṁtī karuṇaṁ mahat indra uvāca- priye prāṇeśvari śreṣṭhe māṁ vihāya kva gacchasi

स्वर्ण-पलंग से उठ खड़ी हुई, अत्यन्त करुण विलाप करती हुई। इन्द्र ने कहा — हे प्रिये! हे प्राणेश्वरी! हे श्रेष्ठे! मुझे छोड़कर कहाँ जाती हो?

श्लोक 45 (padma.7.8.45)

मया किमपराद्धं ते मम तद्वद सुंदरि । कांते दासोऽस्म्यहं नूनं दासकर्म करोमि ते

mayā kimaparāddhaṁ te mama tadvada suṁdari kāṁte dāso'smyahaṁ nūnaṁ dāsakarma karomi te

मैंने तुम्हारा क्या अपराध किया है, हे सुन्दरी, वह मुझसे कहो। हे प्रिये! मैं ही निश्चय ही दास हूँ, तुम्हारा दास-कर्म ही करता हूँ।

श्लोक 46 (padma.7.8.46)

दासपत्नी भवेद्दासी वाक्यं त्वं न शृणोषि कम् । समुत्थाय ततः शक्रस्तन्मोहाकुलमानसः

dāsapatnī bhaveddāsī vākyaṁ tvaṁ na śṛṇoṣi kam samutthāya tataḥ śakrastanmohākulamānasaḥ

दास की पत्नी दासी होती है — क्या तुमने यह वचन नहीं सुना? तब इन्द्र, मोह से व्याकुल मन लिए, उठकर,

श्लोक 47 (padma.7.8.47)

अंके निवेशयामास भूयस्तां वरसुंदरीम् । शच्युवाच- क्रौंचित्वज्जीवनं धन्यं व्यर्थं मज्जीवनं ध्रुवम्

aṁke niveśayāmāsa bhūyastāṁ varasuṁdarīm śacyuvāca- krauṁcitvajjīvanaṁ dhanyaṁ vyarthaṁ majjīvanaṁ dhruvam

उस सुन्दरी को फिर से अपनी गोद में बिठा लिया। शची ने कहा — हे क्रौंची! तेरा जीवन धन्य है, मेरा जीवन निश्चय ही व्यर्थ है।

श्लोक 48 (padma.7.8.48)

त्वं स्वामिसुभगा नित्यं दुर्भगाहं वरांगना । यावत्पुण्यक्षयं क्रौंचि तत्पुण्यं यास्यते क्षयम्

tvaṁ svāmisubhagā nityaṁ durbhagāhaṁ varāṁganā yāvatpuṇyakṣayaṁ krauṁci tatpuṇyaṁ yāsyate kṣayam

तुम अपने स्वामी की सदा प्रिय हो, हे सुन्दरी, मैं ही अभागिन हूँ। हे क्रौंची! जब तक तुम्हारा पुण्य समाप्त नहीं होगा, तब तक ही यह पुण्य रहेगा —

श्लोक 49 (padma.7.8.49)

क्रौंचवंशसमुत्पन्ना दुःखंभूयोऽपि भोक्ष्यसि । देवेन्द्रेणसमं तावत्कुरु केलि यथासुखम्

krauṁcavaṁśasamutpannā duḥkhaṁbhūyo'pi bhokṣyasi devendreṇasamaṁ tāvatkuru keli yathāsukham

फिर क्रौंच-वंश में उत्पन्न होकर तुम पुनः दुःख भोगोगी। तब तक ही देवेन्द्र के साथ यथासुख क्रीड़ा कर लो;

श्लोक 50 (padma.7.8.50)

कियद्भिर्दिवसैः क्रौंचि न भवेत्तव निर्गुणे । अत्यद्भुतं वचस्तस्याः पद्मगन्धा निशम्य सा

kiyadbhirdivasaiḥ krauṁci na bhavettava nirguṇe atyadbhutaṁ vacastasyāḥ padmagandhā niśamya sā

हे गुणहीने क्रौंची! कुछ ही दिनों में यह भी नहीं रहेगा। उसका यह अत्यन्त अद्भुत वचन सुनकर, वह पद्मगन्धा,

श्लोक 51 (padma.7.8.51)

द्वन्द्वभावं परित्यज्य प्रणम्योवाच तां सतीम् । पद्मगंधोवाच- पुलोमजे वरारोहे चित्रमेतत्त्वयोदितम्

dvandvabhāvaṁ parityajya praṇamyovāca tāṁ satīm padmagaṁdhovāca- pulomaje varārohe citrametattvayoditam

अपने द्वन्द्व-भाव को त्यागकर, उस साध्वी को प्रणाम करके यह कहने लगी। पद्मगन्धा ने कहा — हे पौलोम-पुत्री! हे सुन्दरी! यह तुमने आश्चर्यजनक बात कही है।

श्लोक 52 (padma.7.8.52)

क्रौंची कथमहं ब्रूहि श्रोतुमिच्छामि यत्नतः । काहं कुत्रस्थिता चापि कथमत्रागता सती

krauṁcī kathamahaṁ brūhi śrotumicchāmi yatnataḥ kāhaṁ kutrasthitā cāpi kathamatrāgatā satī

मैं क्रौंची कैसे थी, यह बताओ, मैं यत्नपूर्वक सुनना चाहती हूँ; मैं कौन थी, कहाँ थी, और इस साध्वी अवस्था में यहाँ कैसे आई?

श्लोक 53 (padma.7.8.53)

कालैः कियद्भिर्मत्पुण्यं क्षीणत्वं प्रतियास्यति । शच्युवाच- पद्मगन्धे पुरा त्वं हि क्रौंची पक्षिसमुद्भवा

kālaiḥ kiyadbhirmatpuṇyaṁ kṣīṇatvaṁ pratiyāsyati śacyuvāca- padmagandhe purā tvaṁ hi krauṁcī pakṣisamudbhavā

कितने ही काल बाद मेरा पुण्य क्षीण होगा? शची ने कहा — हे पद्मगन्धे! पूर्वकाल में तुम एक क्रौंच पक्षी-योनि में उत्पन्न थीं,

श्लोक 54 (padma.7.8.54)

अमेध्यमामिषं कीटान्भक्षयंती क्षितौ स्थिता । न्यग्रोधतरुरेकोऽस्ति गङ्गातीरे मनोरमे

amedhyamāmiṣaṁ kīṭānbhakṣayaṁtī kṣitau sthitā nyagrodhatarureko'sti gaṅgātīre manorame

अपवित्र मांस और कीड़ों को खाती हुई, पृथ्वी पर रहती थीं। गंगा के तट पर एक मनोरम बरगद का वृक्ष था —

श्लोक 55 (padma.7.8.55)

तत्र नीडं विनिर्माय भवत्या वसतिः कृता । एकदा कृष्णसर्पेण तस्मिन्न्यग्रोधपादपे

tatra nīḍaṁ vinirmāya bhavatyā vasatiḥ kṛtā ekadā kṛṣṇasarpeṇa tasminnyagrodhapādape

वहाँ घोंसला बनाकर तुमने वास किया। एक बार उसी बरगद के वृक्ष में एक काले साँप ने,

श्लोक 56 (padma.7.8.56)

नीडं प्रविश्य दष्टा त्वं सहसा पंचतां गता । क्रव्याणि तव सर्वाणि स सर्पो भक्षयत्क्रुधा

nīḍaṁ praviśya daṣṭā tvaṁ sahasā paṁcatāṁ gatā kravyāṇi tava sarvāṇi sa sarpo bhakṣayatkrudhā

घोंसले में घुसकर तुम्हें डंस लिया, और तुम तत्काल मृत्यु को प्राप्त हो गईं। उस साँप ने क्रोध से तुम्हारा सारा मांस खा लिया।

श्लोक 57 (padma.7.8.57)

स्थितानि तत्रैवास्थीनि निर्मांसानि वरानने । कदाचित्पवनैर्भद्रे महद्भिः स च पातितः

sthitāni tatraivāsthīni nirmāṁsāni varānane kadācitpavanairbhadre mahadbhiḥ sa ca pātitaḥ

हे सुन्दरी! वहीं तुम्हारी माँस-रहित हड्डियाँ पड़ी रहीं। एक बार, हे भद्रे, प्रबल हवाओं से,

श्लोक 58 (padma.7.8.58)

भग्नः पपात गङ्गायां समूलोऽपि वरांगने । गङ्गायां पतिते तस्मिन्न्यग्रोधे धरणीरुहे

bhagnaḥ papāta gaṅgāyāṁ samūlo'pi varāṁgane gaṅgāyāṁ patite tasminnyagrodhe dharaṇīruhe

वह वृक्ष टूटकर, जड़ सहित उखड़कर गंगा में गिर गया, हे सुन्दरी। वह बरगद, गंगा में गिर जाने पर,

श्लोक 59 (padma.7.8.59)

गङ्गाजलैः प्लावितानि तान्यस्थीनि तवोत्तमे । यावदस्थीनि गङ्गायां तावत्तिष्ठंति तानि च

gaṅgājalaiḥ plāvitāni tānyasthīni tavottame yāvadasthīni gaṅgāyāṁ tāvattiṣṭhaṁti tāni ca

हे उत्तमे! तुम्हारी वे हड्डियाँ गंगाजल से आप्लावित हो गईं। जब तक वे हड्डियाँ गंगा में रहीं,

श्लोक 60 (padma.7.8.60)

तावत्त्वं स्वामिसुभगा भविष्यसि सदैव हि । इति ते कथितं सर्वं पद्मगंधे मयाधुना

tāvattvaṁ svāmisubhagā bhaviṣyasi sadaiva hi iti te kathitaṁ sarvaṁ padmagaṁdhe mayādhunā

तब तक तुम अपने स्वामी की प्रिय बनी रहोगी। यह सब मैंने अभी तुम्हें बता दिया, हे पद्मगन्धे,

श्लोक 61 (padma.7.8.61)

येन पुण्यप्रभावेण शक्रोऽपि वशगस्तव । धन्या तु जाह्नवी देवी क्रौंची यस्याः प्रसादतः

yena puṇyaprabhāveṇa śakro'pi vaśagastava dhanyā tu jāhnavī devī krauṁcī yasyāḥ prasādataḥ

जिस पुण्य के प्रभाव से इन्द्र भी तुम्हारे अधीन है। धन्य है वह देवी जाह्नवी, जिसकी कृपा से क्रौंची तुम,

श्लोक 62 (padma.7.8.62)

त्वमस्पृश्यासि चाण्डालैरंकेस्वपिषि वज्रिणः । तेनापमानिता साध्वी शक्रेणापि पुलोमजा

tvamaspṛśyāsi cāṇḍālairaṁkesvapiṣi vajriṇaḥ tenāpamānitā sādhvī śakreṇāpi pulomajā

चाण्डालों के लिए भी अस्पृश्य होने योग्य, इन्द्र की गोद में सोती हो। — इस प्रकार अपमानित होकर, वह साध्वी पौलोमी, इन्द्र द्वारा भी,

श्लोक 63 (padma.7.8.63)

परिम्लानमुखांभोजा सा जगाम यथागता । शक्रांक एव सा तस्थौ पद्मगन्धा वरांगना

parimlānamukhāṁbhojā sā jagāma yathāgatā śakrāṁka eva sā tasthau padmagandhā varāṁganā

अपने मुरझाये हुए मुख-कमल के साथ, जिस प्रकार आई थी, उसी प्रकार वापस चली गई। और वह सुन्दरी पद्मगन्धा, इन्द्र की गोद में ही बैठी रही।

श्लोक 64 (padma.7.8.64)

तद्वाक्यं हृदये तस्या जागरूकमिवस्थितम् । अथैकदा सुराधीशः सुप्रीतस्तद्गुणैर्द्विज

tadvākyaṁ hṛdaye tasyā jāgarūkamivasthitam athaikadā surādhīśaḥ suprītastadguṇairdvija

शची के वे वचन, मानो जागृत होकर, उसके हृदय में सदा स्थित रहने लगे। फिर एक बार, हे द्विज, उसके गुणों से अत्यन्त प्रसन्न होकर वह देवाधीश (इन्द्र),

श्लोक 65 (padma.7.8.65)

वरं वरय सुश्रोणि स्वयं तामित्युवाच ह । पद्मगंधोवाच । त्वं सर्वदेवताधीशो नारीकोटिपतिस्थता

varaṁ varaya suśroṇi svayaṁ tāmityuvāca ha padmagaṁdhovāca tvaṁ sarvadevatādhīśo nārīkoṭipatisthatā

हे सुश्रोणि! अपना वर वरण करो — यह स्वयं उससे कहने लगा। पद्मगन्धा ने कहा — तुम समस्त देवताओं के स्वामी हो, करोड़ों स्त्रियों के अधिपति हो;

श्लोक 66 (padma.7.8.66)

तथाप्यसि ममाधीनः स्वामिन्किमपरैर्वरैः । तथापि त्वं वरं दित्सुर्यदा नूनं सुरोत्तम

tathāpyasi mamādhīnaḥ svāminkimaparairvaraiḥ tathāpi tvaṁ varaṁ ditsuryadā nūnaṁ surottama

फिर भी, हे स्वामिन्! तुम मेरे अधीन हो — अन्य वरों से क्या प्रयोजन? फिर भी, हे देवोत्तम! यदि तुम निश्चय ही मुझे वर देना चाहते हो,

श्लोक 67 (padma.7.8.67)

कर्मणा मनसा वाचा प्रतिज्ञां कुरु मत्पुरः । इंद्र उवाच- जीवितं च धनं चैव राज्यं चैव परिच्छदम्

karmaṇā manasā vācā pratijñāṁ kuru matpuraḥ iṁdra uvāca- jīvitaṁ ca dhanaṁ caiva rājyaṁ caiva paricchadam

तो कर्म, मन और वाणी से मेरे सामने प्रतिज्ञा करो। इन्द्र ने कहा — जीवन, धन, राज्य और सम्पूर्ण सामग्री —

श्लोक 68 (padma.7.8.68)

आज्ञापय किमेतद्वै तुभ्यं दास्यामि सुंदरि । सत्यं सत्यं पुनः सत्यं संदेहो नात्र विद्यते

ājñāpaya kimetadvai tubhyaṁ dāsyāmi suṁdari satyaṁ satyaṁ punaḥ satyaṁ saṁdeho nātra vidyate

हे सुन्दरी! तुम्हें जो चाहिए, आज्ञा दो, मैं वह दूँगा। सत्य है, सत्य है, फिर सत्य है, इसमें कोई सन्देह नहीं है।

श्लोक 69 (padma.7.8.69)

यदीच्छसि मृगीनेत्रे तत्ते दास्याम्यहं ध्रुवम् । पद्मगंधोवाच- नूनमेव प्रसन्नोऽसि यदि त्वं त्रिदशेश्वर

yadīcchasi mṛgīnetre tatte dāsyāmyahaṁ dhruvam padmagaṁdhovāca- nūnameva prasanno'si yadi tvaṁ tridaśeśvara

हे मृगनयनी! जो तुम चाहती हो, वह मैं तुम्हें निश्चय ही दूँगा। पद्मगन्धा ने कहा — हे त्रिदशेश्वर! यदि तुम वास्तव में प्रसन्न हो,

श्लोक 70 (padma.7.8.70)

जन्म मे हस्तियोनौ च भूयो देहीति मे वरम् । इंद्र उवाच- कृतप्रतिज्ञः सुश्रोणि वरं तेऽहं ददामि वै

janma me hastiyonau ca bhūyo dehīti me varam iṁdra uvāca- kṛtapratijñaḥ suśroṇi varaṁ te'haṁ dadāmi vai

तो मुझे यह वर दो कि मेरा जन्म फिर से हस्तिनी-योनि में हो। इन्द्र ने कहा — हे सुश्रोणि! मैंने प्रतिज्ञा कर ली है, मैं तुम्हें वह वर देता हूँ।

श्लोक 71 (padma.7.8.71)

किंतु दुःखानि यातानि बहूनि हृदये मम । त्वामदृष्ट्वा वरारोहे प्रीतिर्न प्राप्यते क्षणम्

kiṁtu duḥkhāni yātāni bahūni hṛdaye mama tvāmadṛṣṭvā varārohe prītirna prāpyate kṣaṇam

परन्तु मेरे हृदय में बहुत से दुःख उमड़ आये हैं — हे सुन्दरी! तुम्हें बिना देखे मुझे क्षणभर भी प्रसन्नता नहीं मिलेगी।

श्लोक 72 (padma.7.8.72)

कथं ते चिरविच्छेदं सोढुं शक्नोमि दुःसहम् । यदा मय्यनुकंपास्ति तव पीनपयोधरे

kathaṁ te ciravicchedaṁ soḍhuṁ śaknomi duḥsaham yadā mayyanukaṁpāsti tava pīnapayodhare

तुम्हारे इस दीर्घ वियोग को, जो असह्य है, मैं कैसे सहन कर सकूँगा? यदि तुम्हें मुझ पर कुछ भी दया हो, हे विशाल स्तनों वाली,

श्लोक 73 (padma.7.8.73)

तदा कियद्दिनं तिष्ठ मया सह वराङ्गने । ततो देवाधिराजस्य वदंती बहुसंपदम्

tadā kiyaddinaṁ tiṣṭha mayā saha varāṅgane tato devādhirājasya vadaṁtī bahusaṁpadam

तो हे सुन्दरी! कुछ और दिनों तक मेरे साथ रहो। तब वह इन्द्र की महान् सम्पदा का उल्लेख करती हुई,

श्लोक 74 (padma.7.8.74)

वर्षाणामयुतं तस्थौ सा देवनिलये सती । पद्मगन्धोवाच- आज्ञां देहि सुराधीश साधितुं सुमनोरथम्

varṣāṇāmayutaṁ tasthau sā devanilaye satī padmagandhovāca- ājñāṁ dehi surādhīśa sādhituṁ sumanoratham

साध्वी वह, दस हजार वर्षों तक उस देव-निवास में ठहरी रही। पद्मगन्धा ने कहा — हे देवाधीश! अपने सुन्दर मनोरथ को सिद्ध करने के लिए मुझे आज्ञा दीजिए;

श्लोक 75 (padma.7.8.75)

व्रजाम्यहं कर्मभूमिं वंदे पादद्वयं तव । इन्द्र उवाच- त्वत्प्रेमसिंधुमानेन मया चन्द्रनिभानने

vrajāmyahaṁ karmabhūmiṁ vaṁde pādadvayaṁ tava indra uvāca- tvatpremasiṁdhumānena mayā candranibhānane

मैं कर्मभूमि (पृथ्वी) की ओर जाती हूँ; मैं तुम्हारे दोनों चरणों की वन्दना करती हूँ। इन्द्र ने कहा — हे चन्द्रमुखी! तुम्हारे प्रेम-सागर की सीमा को नापकर,

श्लोक 76 (padma.7.8.76)

स्थित्वा कतिदिनं पश्चाद्गमिष्यसि यथासुखम् । ततस्तुकौतुकागारे तेन सार्द्धमहर्निशम्

sthitvā katidinaṁ paścādgamiṣyasi yathāsukham tatastukautukāgāre tena sārddhamaharniśam

कुछ और दिन ठहरकर फिर सुखपूर्वक जाना। फिर उस कौतुक-गृह में उसके साथ दिन-रात,

श्लोक 77 (padma.7.8.77)

क्रीडंती पद्मगंधा सा तस्थौ वर्षायुतत्रयम् । सुराधीशं ततः सेति तदा प्राह मुदान्विता

krīḍaṁtī padmagaṁdhā sā tasthau varṣāyutatrayam surādhīśaṁ tataḥ seti tadā prāha mudānvitā

क्रीड़ा करती हुई वह पद्मगन्धा तीस हजार वर्षों तक ठहरी रही। तब वह, हर्ष से भरकर, उस देवाधीश से यह कहने लगी।

श्लोक 78 (padma.7.8.78)

आदेशं कुरु गच्छामि पृथिवीं प्रति संप्रति । इंद्र उवाच- जाड्यं जहीहि सुश्रोणि तिष्ठात्रैव मया सह

ādeśaṁ kuru gacchāmi pṛthivīṁ prati saṁprati iṁdra uvāca- jāḍyaṁ jahīhi suśroṇi tiṣṭhātraiva mayā saha

अब आज्ञा दीजिए, मैं अभी पृथ्वी की ओर जाती हूँ। इन्द्र ने कहा — हे सुश्रोणि! अपनी हठ त्यागो, यहीं मेरे साथ रहो;

श्लोक 79 (padma.7.8.79)

त्वां त्यक्तुं न हि शक्नोमि प्राणेभ्योऽपि गरीयसीम् । पद्मगन्धोवाच- पुण्यक्षये सुराधीश यदा यास्याम्यहं भुवि

tvāṁ tyaktuṁ na hi śaknomi prāṇebhyo'pi garīyasīm padmagandhovāca- puṇyakṣaye surādhīśa yadā yāsyāmyahaṁ bhuvi

तुम्हें, प्राणों से भी अधिक प्रिय, मैं त्याग नहीं सकता। पद्मगन्धा ने कहा — हे देवाधीश! जब मेरा पुण्य क्षीण होगा, तब मैं भूमि पर जाऊँगी,

श्लोक 80 (padma.7.8.80)

तदा चिरं ते विच्छेदो भविष्यति मया सह । यद्विच्छेदे मया नाथ पुनर्गंतुं भुवं प्रति

tadā ciraṁ te vicchedo bhaviṣyati mayā saha yadvicchede mayā nātha punargaṁtuṁ bhuvaṁ prati

तब तुमसे मेरा दीर्घ वियोग होगा। हे नाथ! उस वियोग में मुझे फिर से पृथ्वी पर जाना पड़ेगा,

श्लोक 81 (padma.7.8.81)

इच्छाम्यहं पुनर्द्यौश्च पुण्योपार्जनहेतवे । कर्मभूमिमहं गत्वा येनोपायेन वासव

icchāmyahaṁ punardyauśca puṇyopārjanahetave karmabhūmimahaṁ gatvā yenopāyena vāsava

इसलिए मैं फिर स्वर्ग की इच्छा रखती हूँ, पुण्य अर्जित करने के लिए। हे वासव! कर्मभूमि में जाकर, जिस उपाय से,

श्लोक 82 (padma.7.8.82)

तत्करिष्यामि विच्छेदः कदाचित्स्यात्त्वया न मे । इन्द्र उवाच- भद्रे त्वया यदा नूनं कर्मेदं कर्तुमिच्छितम्

tatkariṣyāmi vicchedaḥ kadācitsyāttvayā na me indra uvāca- bhadre tvayā yadā nūnaṁ karmedaṁ kartumicchitam

तुमसे मेरा वियोग कभी न हो, वही उपाय मैं करूँगी। इन्द्र ने कहा — हे भद्रे! यदि तुम वास्तव में यह कार्य करना चाहती हो,

श्लोक 83 (padma.7.8.83)

तदा गच्छ पुनः शीघ्रमागमिष्यसि सुंदरि । सह नेत्राद्धि विगलद्वाष्पसिक्ततनुस्ततः

tadā gaccha punaḥ śīghramāgamiṣyasi suṁdari saha netrāddhi vigaladvāṣpasiktatanustataḥ

तो जाओ, फिर शीघ्र ही लौट आना, हे सुन्दरी। फिर, आँखों से बहते आँसुओं से गीले शरीर वाला वह इन्द्र,

श्लोक 84 (padma.7.8.84)

दोर्भ्यामालिङ्ग्य तां शक्रो गच्छेत्याह प्रिये वदन् । तदादेशात्ततः साध्वी कर्मभूमिं समागता

dorbhyāmāliṅgya tāṁ śakro gacchetyāha priye vadan tadādeśāttataḥ sādhvī karmabhūmiṁ samāgatā

अपनी दोनों भुजाओं से उसे आलिंगन करके, "जाओ, प्रिये" कहते हुए विदा किया। तब उस आज्ञा से, वह साध्वी कर्मभूमि में आ गई,

श्लोक 85 (padma.7.8.85)

जाता च हस्तिनी योनौ भूत्वा जातिस्मरा द्विज । स्मरंती निजवृत्तांतं सा कियद्भिर्दिनैस्ततः

jātā ca hastinī yonau bhūtvā jātismarā dvija smaraṁtī nijavṛttāṁtaṁ sā kiyadbhirdinaistataḥ

और हे द्विज! जातिस्मर होकर हस्तिनी-योनि में जन्मी। अपने पूर्व-वृत्तान्त का स्मरण करती हुई, वह कुछ ही दिनों में,

श्लोक 86 (padma.7.8.86)

जगाम जाह्नवीतीरं हस्तियोनिसु संभवा । गङ्गायां स्नानमासाद्य गङ्गाकर्दमभूषिता

jagāma jāhnavītīraṁ hastiyonisu saṁbhavā gaṅgāyāṁ snānamāsādya gaṅgākardamabhūṣitā

हस्तिनी-योनि में उत्पन्न होकर जाह्नवी के तट पर गई। गंगा में स्नान करके, गंगा-कीचड़ से भूषित होकर,

श्लोक 87 (padma.7.8.87)

गंगागंगेति जल्पंती ह्रदं निम्नं विवेश सा । तस्मिन्गंगाह्रदे गत्वा हस्तिनी पर्वताकृतिः

gaṁgāgaṁgeti jalpaṁtī hradaṁ nimnaṁ viveśa sā tasmingaṁgāhrade gatvā hastinī parvatākṛtiḥ

"गंगा, गंगा" कहती हुई वह एक गहरे तालाब में प्रविष्ट हुई। उस गंगा-ह्रद में जाकर, पर्वत के आकार वाली वह हस्तिनी,

श्लोक 88 (padma.7.8.88)

निजां जातिं स्मरंती सा जगाम पंचतां पुनः । तस्याः साहसमालोक्य हस्तिनीं सर्वदेवताः

nijāṁ jātiṁ smaraṁtī sā jagāma paṁcatāṁ punaḥ tasyāḥ sāhasamālokya hastinīṁ sarvadevatāḥ

अपनी जाति (पूर्व-जन्म) का स्मरण करती हुई, पुनः मृत्यु को प्राप्त हो गई। उस हस्तिनी के इस साहस को देखकर, समस्त देवताओं ने,

श्लोक 89 (padma.7.8.89)

ववर्षुः पारिजाताद्यैः कुसुमैरुत्तमैर्मुदा । तामानेतुं ततः शक्रः सर्वदेवगणैर्वृतः

vavarṣuḥ pārijātādyaiḥ kusumairuttamairmudā tāmānetuṁ tataḥ śakraḥ sarvadevagaṇairvṛtaḥ

प्रसन्नतापूर्वक उस पर पारिजात आदि उत्तम पुष्पों की वर्षा की। तब उसे लाने के लिए इन्द्र, समस्त देवगणों से घिरा हुआ,

श्लोक 90 (padma.7.8.90)

वेगात्तच्चिरविच्छेदात्कृष्णांगीं सुमना ययौ । पुष्पकेतां समालोक्य दिव्यदेहां सुराधिपः

vegāttacciravicchedātkṛṣṇāṁgīṁ sumanā yayau puṣpaketāṁ samālokya divyadehāṁ surādhipaḥ

उस दीर्घ वियोग के कारण अत्यन्त वेग से, कृष्णांगी हुई उस सुमना (शची?) की ओर गया। हे देवाधीश! पुष्पों की माला-सी उस दिव्य-देह वाली को देखकर,

श्लोक 91 (padma.7.8.91)

कथयन्निजदुःखानि निजावासं जगाम ह । पुलोमजा च रंभा च प्रम्लोचा चोर्वशी तथा

kathayannijaduḥkhāni nijāvāsaṁ jagāma ha pulomajā ca raṁbhā ca pramlocā corvaśī tathā

अपने दुःखों को कहते हुए वह अपने ही निवास को लौट गया। पौलोमी, रम्भा, प्रम्लोचा, और उर्वशी,

श्लोक 92 (padma.7.8.92)

सुंदर्योऽन्याश्च युवतीस्तस्यास्त्यक्त्वा मुदा गताः । शक्रस्य हृदयोत्साहं तन्वंती सा वरांगना

suṁdaryo'nyāśca yuvatīstasyāstyaktvā mudā gatāḥ śakrasya hṛdayotsāhaṁ tanvaṁtī sā varāṁganā

सुन्दरियाँ और अन्य युवतियाँ भी उसे छोड़कर प्रसन्नतापूर्वक चली गईं। इन्द्र के हृदय में उत्साह भरती हुई, वह सुन्दरी,

श्लोक 93 (padma.7.8.93)

पुरंदरपुरे तस्थौ सुभगा प्रीतिवल्लभा । यस्यास्तिष्ठंति गङ्गायां यावदस्थीनि जैमिने

puraṁdarapure tasthau subhagā prītivallabhā yasyāstiṣṭhaṁti gaṅgāyāṁ yāvadasthīni jaimine

पुरन्दर की नगरी में, सौभाग्यशालिनी और प्रिय होकर, बस गई। हे जैमिनि! जिसकी हड्डियाँ जब तक गंगा में रहती हैं,

श्लोक 94 (padma.7.8.94)

कुलकोटिशतं तावत्तस्थावास सुरालये । राजानो दिविराज्येषु ये ये भूतास्तपोबलात्

kulakoṭiśataṁ tāvattasthāvāsa surālaye rājāno divirājyeṣu ye ye bhūtāstapobalāt

सैकड़ों करोड़ कुल-पीढ़ियों तक, उसका वास देव-लोक में रहता है। स्वर्ग-राज्यों में जो-जो राजा तपोबल से गये हैं,

श्लोक 95 (padma.7.8.95)

तेषांतेषां स्नेहभूमिर्भवत्यमरसुंदरी । गंगास्थिमज्जनादेव जैमिने फलमीदृशम्

teṣāṁteṣāṁ snehabhūmirbhavatyamarasuṁdarī gaṁgāsthimajjanādeva jaimine phalamīdṛśam

उन-उन सबकी वह अमरसुन्दरी स्नेह-भूमि बनती है। हे जैमिनि! गंगा में हड्डियों के मात्र डूबने से ही ऐसा फल मिलता है;

श्लोक 96 (padma.7.8.96)

गंगायां त्यजतो देहं फलं वक्तुं न शक्यते । मृतं शरीरं गंगायां यावदस्थीनि जैमिने

gaṁgāyāṁ tyajato dehaṁ phalaṁ vaktuṁ na śakyate mṛtaṁ śarīraṁ gaṁgāyāṁ yāvadasthīni jaimine

गंगा में देह त्यागने का फल तो कहा ही नहीं जा सकता। हे जैमिनि! मृत शरीर की हड्डियाँ जब तक गंगा में रहती हैं,

श्लोक 97 (padma.7.8.97)

कल्पकोटिशतं तावत्तस्या वासः सुरालये । मृतं शरीरं गंगायां स्रोतोभिश्चलितं द्विज

kalpakoṭiśataṁ tāvattasyā vāsaḥ surālaye mṛtaṁ śarīraṁ gaṁgāyāṁ srotobhiścalitaṁ dvija

सैकड़ों करोड़ कल्पों तक, उसका वास देव-लोक में होता है। हे द्विज! गंगा में मृत शरीर, धाराओं से बहता हुआ,

श्लोक 98 (padma.7.8.98)

दृश्यते देहिनस्तस्य तत्फलं शृणु जैमिने । स्वर्गे देवांगना त्रस्तचारुचामरवायुभिः

dṛśyate dehinastasya tatphalaṁ śṛṇu jaimine svarge devāṁganā trastacārucāmaravāyubhiḥ

जब वह देहधारी दिखाई देता है, उसका फल सुनो, हे जैमिनि। स्वर्ग में देवांगनाओं द्वारा हिलाये गये सुन्दर चँवरों की वायु से,

श्लोक 99 (padma.7.8.99)

वीजितः स्वर्णपर्यंके सुप्तस्तिष्ठति कौतुकी । जाह्नवीसैकते यस्य शरीरं दृश्यते मृतम्

vījitaḥ svarṇaparyaṁke suptastiṣṭhati kautukī jāhnavīsaikate yasya śarīraṁ dṛśyate mṛtam

स्वर्ण-पलंग पर पंखा झला हुआ, कौतुकपूर्ण, सोया हुआ वह रहता है। जाह्नवी की बालू पर जिसका शरीर मृत दिखाई देता है,

श्लोक 100 (padma.7.8.100)

दिवाकरकरैस्तप्तं कुलं तस्य वदाम्यहम् । सुगन्धैश्चंदनैर्दिव्यैर्लिप्तसर्वकलेवरः

divākarakaraistaptaṁ kulaṁ tasya vadāmyaham sugandhaiścaṁdanairdivyairliptasarvakalevaraḥ

सूर्य की किरणों से तपे हुए उसके कुल के विषय में मैं कहता हूँ। दिव्य, सुगन्धित चन्दन से,

श्लोक 101 (padma.7.8.101)

दिव्याङ्गनाभिः सहितो दिवि क्रीडतिसर्वदा । काकैर्गृध्रैश्च कंकैश्च शकुंतैर्भीष्ममातरि

divyāṅganābhiḥ sahito divi krīḍatisarvadā kākairgṛdhraiśca kaṁkaiśca śakuṁtairbhīṣmamātari

सम्पूर्ण शरीर लिप्त होकर, दिव्य स्त्रियों के साथ वह सदा स्वर्ग में क्रीड़ा करता है। कौवों, गीधों, बगुलों और पक्षियों द्वारा,

श्लोक 102 (padma.7.8.102)

वपुर्विदलितं यस्य दृश्यते तत्फलं शृणु । दिवि दिव्यांगनापीनप्रोत्तुङ्गरुचिरस्तनैः

vapurvidalitaṁ yasya dṛśyate tatphalaṁ śṛṇu divi divyāṁganāpīnaprottuṅgarucirastanaiḥ

भीष्म-माता (गंगा) में जिसका शरीर विदीर्ण हुआ दिखाई देता है, उसका फल सुनो। स्वर्ग में पीन, ऊँचे और सुन्दर स्तनों वाली दिव्य स्त्रियों के,

श्लोक 103 (padma.7.8.103)

श्लिष्टवक्षाश्च पर्यंके निद्राति नित्यमेव सः । पिपीलिकाभिः कीटैश्च मक्षिकाभिश्च वेष्टितः

śliṣṭavakṣāśca paryaṁke nidrāti nityameva saḥ pipīlikābhiḥ kīṭaiśca makṣikābhiśca veṣṭitaḥ

वक्षस्थल से आलिंगित होकर, वह सदा पलंग पर निद्रामग्न रहता है। पिपीलिकाओं, कीड़ों और मक्खियों से घिरे हुए,

श्लोक 104 (padma.7.8.104)

गंगायां यस्य दृश्यंते अस्थीनि पतितानि च । तस्याक्षयं फलं विप्र वदतो मे निशामय

gaṁgāyāṁ yasya dṛśyaṁte asthīni patitāni ca tasyākṣayaṁ phalaṁ vipra vadato me niśāmaya

गंगा में गिरी हुई जिसकी हड्डियाँ दिखाई देती हैं, उसका अक्षय फल, हे विप्र, मुझसे सुनो, मैं कहता हूँ।

श्लोक 105 (padma.7.8.105)

प्रणमत्त्रिदशव्यूह शिरोमुकुटभूषणैः । हतपादरजाः स्वर्गे स च शक्रायते चिरम्

praṇamattridaśavyūha śiromukuṭabhūṣaṇaiḥ hatapādarajāḥ svarge sa ca śakrāyate ciram

देवताओं के समूह अपने मस्तक के मुकुट-आभूषणों से उसे प्रणाम करते हैं; अपने चरणों की धूल से युक्त वह स्वर्ग में दीर्घकाल तक इन्द्र-सदृश रहता है।

श्लोक 106 (padma.7.8.106)

अनिच्छयापि गङ्गायां यद्देहपतनं भवेत् । स विमुक्तोऽखिलैः पापैर्नरो नारायणो भवेत्

anicchayāpi gaṅgāyāṁ yaddehapatanaṁ bhavet sa vimukto'khilaiḥ pāpairnaro nārāyaṇo bhavet

अनिच्छापूर्वक भी गंगा में जिसकी देह गिरती है, वह समस्त पापों से मुक्त होकर मनुष्य नारायण-तुल्य बन जाता है।

श्लोक 107 (padma.7.8.107)

यस्यांगाराश्च दृश्यंते गङ्गायां चलिता जलैः । अङ्गारसङ्ख्यया स्वर्गे तिष्ठेत्कल्पशताधिकम्

yasyāṁgārāśca dṛśyaṁte gaṅgāyāṁ calitā jalaiḥ aṅgārasaṅkhyayā svarge tiṣṭhetkalpaśatādhikam

जिसकी अंगारे-सी हड्डियाँ गंगा में उसके जल में बहती हुई दिखाई देती हैं, वह उन अंगारों की गणना के अनुसार सैकड़ों कल्पों से अधिक स्वर्ग में रहता है।

श्लोक 108 (padma.7.8.108)

सर्वेषामेव पुण्यानां कदाचित्क्षयमीक्षते । गङ्गायां पतिते देहे भवेत्पुण्यक्षयो न हि

sarveṣāmeva puṇyānāṁ kadācitkṣayamīkṣate gaṅgāyāṁ patite dehe bhavetpuṇyakṣayo na hi

समस्त पुण्यों का भी कभी-न-कभी क्षय देखा जाता है, परन्तु गंगा में देह गिरने पर पुण्य का क्षय कभी नहीं होता।

श्लोक 109 (padma.7.8.109)

बहुनात्र किमुक्तेन निश्चितं कथ्यतेऽधुना । गङ्गायां त्यक्तदेहस्य महिमा ज्ञायते नहि

bahunātra kimuktena niścitaṁ kathyate'dhunā gaṅgāyāṁ tyaktadehasya mahimā jñāyate nahi

यहाँ बहुत कहने से क्या लाभ? अब मैं निश्चित बात कहता हूँ — गंगा में देह त्यागने वाले की महिमा को पूर्णतः जाना ही नहीं जा सकता।

श्लोक 110 (padma.7.8.110)

विषमदुरितराशीनाशि गाङ्गं नरो यः स्पृशति भुवि कदाचिद्भावुको भक्तिभावैः । जगदुदधिजलं विलंघ्य घोरं व्रजति स पारमपारतुष्टि नावा

viṣamaduritarāśīnāśi gāṅgaṁ naro yaḥ spṛśati bhuvi kadācidbhāvuko bhaktibhāvaiḥ jagadudadhijalaṁ vilaṁghya ghoraṁ vrajati sa pāramapāratuṣṭi nāvā

विषम पापों की राशि को नष्ट करने वाली गंगा को जो मनुष्य इस पृथ्वी पर कभी भक्तिभाव से, हृदय से स्पर्श करता है, वह इस भयंकर संसार-सागर के जल को पार करके, अपार तृप्ति की नौका द्वारा उस पार को प्राप्त करता है।