शिवगणों के साथ गणेश का युद्ध

श्लोक 1 (shiva.rudra.133.1)

ब्रह्मोवाच इत्युक्ता विभुना तेन निश्चयं परमं गताः । सन्नद्धास्तु तदा तत्र जग्मुश्च शिवमन्दिरम्

brahmovāca ityuktā vibhunā tena niścayaṁ paramaṁ gatāḥ sannaddhāstu tadā tatra jagmuśca śivamandiram

उस प्रभु के इस प्रकार आज्ञा देने पर, वे परम निश्चय को प्राप्त होकर, सन्नद्ध होकर वहाँ शिव-मंदिर की ओर चल पड़े।

श्लोक 2 (shiva.rudra.133.2)

गणेशोऽपि तथा दृष्ट्वा ह्यायातान्गणसत्तमान् । युद्धाऽऽटोपं विधायैव स्थितांश्चैवाब्रवीदिदम्

gaṇeśo'pi tathā dṛṣṭvā hyāyātāngaṇasattamān yuddhā''ṭopaṁ vidhāyaiva sthitāṁścaivābravīdidam

उन आते हुए श्रेष्ठ गणों को देखकर गणेश ने भी युद्ध की तैयारी करके खड़े हुए उनसे यह कहा।

श्लोक 3 (shiva.rudra.133.3)

गणेश उवाच आयान्तु गणपाः सर्वे शिवाज्ञापरिपालकाः । अहमेकश्च बालश्च शिवाज्ञापरिपालकः

gaṇeśa uvāca āyāntu gaṇapāḥ sarve śivājñāparipālakāḥ ahamekaśca bālaśca śivājñāparipālakaḥ

गणेश ने कहा -- शिव की आज्ञा का पालन करने वाले सभी गणपति आएँ। मैं भी अकेला बालक होकर शिव की आज्ञा का पालक हूँ।

श्लोक 4 (shiva.rudra.133.4)

तथापि पश्यतां देवी पार्वती सूनुजं बलम् । शिवश्च स्वगणानां तु बलं पश्यतु वै पुनः

tathāpi paśyatāṁ devī pārvatī sūnujaṁ balam śivaśca svagaṇānāṁ tu balaṁ paśyatu vai punaḥ

फिर भी देवी पार्वती अपने पुत्र का बल देखें, और शिव भी अपने गणों का बल पुनः देखें।

श्लोक 5 (shiva.rudra.133.5)

बलवद्बालयुद्धं च भवानीशिवपक्षयोः । भवद्भिश्च कृतं युद्धं पूर्वं युद्धविशारदैः

balavadbālayuddhaṁ ca bhavānīśivapakṣayoḥ bhavadbhiśca kṛtaṁ yuddhaṁ pūrvaṁ yuddhaviśāradaiḥ

भवानी और शिव के दोनों पक्षों के बीच एक बालक के साथ यह बलवान युद्ध हो। तुम युद्ध-कुशल पहले से युद्ध करते आए हो।

श्लोक 6 (shiva.rudra.133.6)

मया पूर्वं कृतं नैव बालोऽस्मि क्रियतेऽधुना । तथापि भवतां लज्जा गिरिजाशिवयोरिह

mayā pūrvaṁ kṛtaṁ naiva bālo'smi kriyate'dhunā tathāpi bhavatāṁ lajjā girijāśivayoriha

मैंने पहले कभी युद्ध नहीं किया, मैं बालक हूँ, अब यह मुझ पर थोपा जा रहा है। फिर भी गिरिजा और शिव के सामने यहाँ लज्जा तुम्हारी ही होगी।

श्लोक 7 (shiva.rudra.133.7)

ममैवं तु भवेन्नैव वैपरीत्यं भविष्यति । ममैव भवतां लज्जा गिरिजाशिवयोरिह

mamaivaṁ tu bhavennaiva vaiparītyaṁ bhaviṣyati mamaiva bhavatāṁ lajjā girijāśivayoriha

मेरे साथ ऐसा विपरीत न हो। यहाँ गिरिजा और शिव के सामने मेरा अपमान वास्तव में तुम्हारा ही अपमान होगा।

श्लोक 8 (shiva.rudra.133.8)

एवं ज्ञात्वा च कर्त्तव्यः समरश्च गणेश्वराः । भवद्भिः स्वामिनं दृष्ट्वा मया च मातरं तदा

evaṁ jñātvā ca karttavyaḥ samaraśca gaṇeśvarāḥ bhavadbhiḥ svāminaṁ dṛṣṭvā mayā ca mātaraṁ tadā

यह जानकर, हे गणेश्वरो, युद्ध होना चाहिए -- तुम अपने स्वामी को देखकर, और मैं अपनी माता को देखकर।

श्लोक 9 (shiva.rudra.133.9)

क्रियते कीदृशं युद्धं भवितव्यं भवत्विति । तस्य वै वारणे कोऽपि न समर्थस्त्रिलोकके

kriyate kīdṛśaṁ yuddhaṁ bhavitavyaṁ bhavatviti tasya vai vāraṇe ko'pi na samarthastrilokake

जैसा भी युद्ध होना है, हो -- जो होनहार है वह हो। इस बात को रोकने में तीनों लोकों में कोई भी समर्थ नहीं है।

श्लोक 10 (shiva.rudra.133.10)

ब्रह्मोवाच इत्येवं भर्त्सितास्ते तु दण्डभूषितबाहवः । विविधान्यायुधान्येवं धृत्वा ते च समाययुः

brahmovāca ityevaṁ bhartsitāste tu daṇḍabhūṣitabāhavaḥ vividhānyāyudhānyevaṁ dhṛtvā te ca samāyayuḥ

ब्रह्मा जी ने कहा -- इस प्रकार तिरस्कृत होकर, दंड से सुशोभित भुजाओं वाले वे गण नाना प्रकार के शस्त्र धारण करके आगे बढ़े।

श्लोक 11 (shiva.rudra.133.11)

घर्षयन्तस्तथा दन्तान् हुङ्कृत्य च पुनः पुनः । पश्य पश्य ब्रुवन्तश्च गणास्ते समुपागताः

gharṣayantastathā dantān huṅkṛtya ca punaḥ punaḥ paśya paśya bruvantaśca gaṇāste samupāgatāḥ

दाँत पीसते हुए, बार-बार हुँकार भरते हुए, और 'देखो, देखो' कहते हुए वे गण पास आ पहुँचे।

श्लोक 12 (shiva.rudra.133.12)

नन्दी प्रथममागत्य धृत्वा पादं व्यकर्षयत् । धावन्भृङ्गी द्वितीयं च पादं धृत्वा गणस्य च

nandī prathamamāgatya dhṛtvā pādaṁ vyakarṣayat dhāvanbhṛṅgī dvitīyaṁ ca pādaṁ dhṛtvā gaṇasya ca

नंदी ने पहले आकर उसका एक पैर पकड़कर खींचा, और भृंगी दौड़कर उस गण का दूसरा पैर पकड़ने लगा।

श्लोक 13 (shiva.rudra.133.13)

यावत्पादे विकर्षन्तौ तावद्धस्तेन वै गणः । आहत्य हस्तयोस्ताभ्यामुत्क्षिप्तौ पादकौ स्वयम्

yāvatpāde vikarṣantau tāvaddhastena vai gaṇaḥ āhatya hastayostābhyāmutkṣiptau pādakau svayam

जब वे दोनों पैर खींच ही रहे थे, तभी उस गण ने अपने ही हाथों से आघात करके उन दोनों को अपने पैरों से झटक दिया।

श्लोक 14 (shiva.rudra.133.14)

अथ देवीसुतो वीरस्सङ्गृह्य परिघं बृहत् । द्वारस्थितो गणपतिः सर्वानापोथयत्तदा

atha devīsuto vīrassaṅgṛhya parighaṁ bṛhat dvārasthito gaṇapatiḥ sarvānāpothayattadā

तब देवी-पुत्र वीर, एक विशाल परिघ (गदा) उठाकर, द्वार पर खड़े गणपति ने उन सबको पीट डाला।

श्लोक 15 (shiva.rudra.133.15)

केषाञ्चित्पाणयो भिन्नाः केषाञ्चित्पृष्ठकानि च । केषाञ्चिच्च शिरांस्येव केषाञ्चिन्मस्तकानि च

keṣāñcitpāṇayo bhinnāḥ keṣāñcitpṛṣṭhakāni ca keṣāñcicca śirāṁsyeva keṣāñcinmastakāni ca

किन्हीं के हाथ टूट गए, किन्हीं की पीठ; किन्हीं के सिर, तो किन्हीं के मस्तक भी।

श्लोक 16 (shiva.rudra.133.16)

केषाञ्चिज्जानुनी तत्र केषाञ्चित्स्कन्धकास्तथा । केषाञ्चिज्जानुनी तत्र केषाञ्चित्स्कन्धास्तथा । सम्मुखे चागता ये वै ते सर्वे हृदये हताः

keṣāñcijjānunī tatra keṣāñcitskandhakāstathā keṣāñcijjānunī tatra keṣāñcitskandhāstathā sammukhe cāgatā ye vai te sarve hṛdaye hatāḥ

किन्हीं के घुटने वहीं, किन्हीं के कंधे भी; फिर किन्हीं के घुटने वहीं, किन्हीं के कंधे भी -- और जो सामने आए, वे सब हृदय पर आहत हुए।

श्लोक 17 (shiva.rudra.133.17)

केचिच्च पतिता भूमौ केचिच्च विदिशो गताः । केषाञ्चिच्चरणौ छिन्नौ केचिच्छर्वान्तिकं गताः

kecicca patitā bhūmau kecicca vidiśo gatāḥ keṣāñciccaraṇau chinnau keciccharvāntikaṁ gatāḥ

कुछ भूमि पर गिर पड़े, कुछ अन्य दिशाओं में भाग गए; किन्हीं के दोनों पैर कट गए, तो कुछ स्वयं शिव के समीप जा पहुँचे।

श्लोक 18 (shiva.rudra.133.18)

तेषां मध्ये तु कश्चिद्वै सङ्ग्रामे सम्मुखो न हि । सिंहं दृष्ट्वा यथा यान्ति मृगाश्चैव दिशो दश

teṣāṁ madhye tu kaścidvai saṅgrāme sammukho na hi siṁhaṁ dṛṣṭvā yathā yānti mṛgāścaiva diśo daśa

उनमें से कोई भी उस युद्ध में उसका सामना न कर सका; जैसे सिंह को देखकर मृग दसों दिशाओं में भाग जाते हैं --

श्लोक 19 (shiva.rudra.133.19)

तथा ते च गणाः सर्वे गताश्चैव सहस्रशः । परावृत्य तथा सोऽपि सुद्वारि समुपस्थितः

tathā te ca gaṇāḥ sarve gatāścaiva sahasraśaḥ parāvṛtya tathā so'pi sudvāri samupasthitaḥ

-- उसी प्रकार वे सभी गण हजारों की संख्या में भाग गए; और वह भी लौटकर द्वार पर पुनः जा खड़ा हुआ।

श्लोक 20 (shiva.rudra.133.20)

कल्पान्तकरणे कालो दृश्यते च भयङ्करः । यथा तथैव दृष्टः स सर्वेषां प्रलयङ्करः

kalpāntakaraṇe kālo dṛśyate ca bhayaṅkaraḥ yathā tathaiva dṛṣṭaḥ sa sarveṣāṁ pralayaṅkaraḥ

जैसे प्रलय के समय काल भयंकर रूप में दिखाई देता है, वैसे ही वह उन सबको उस समय संहारक रूप में दिखाई दिया।

श्लोक 21 (shiva.rudra.133.21)

एतस्मिन्समये चैव सरमेशसुरेश्वराः । प्रेरिता नारदेनेह देवाः सर्वे समागमन्

etasminsamaye caiva sarameśasureśvarāḥ preritā nāradeneha devāḥ sarve samāgaman

उसी समय इंद्र आदि देवेश्वर, नारद द्वारा प्रेरित होकर, सभी देवगण वहाँ एकत्र हो गए।

श्लोक 22 (shiva.rudra.133.22)

समब्रुवंस्तदा सर्वे शिवस्य हितकाम्यया । पुरः स्थित्वा शिवं नत्वा ह्याज्ञां देहि प्रभो इति

samabruvaṁstadā sarve śivasya hitakāmyayā puraḥ sthitvā śivaṁ natvā hyājñāṁ dehi prabho iti

शिव के हित की कामना से वे सब एक साथ बोले, और शिव के सामने खड़े होकर, नमन करके कहा -- 'हे प्रभो, आज्ञा दीजिए।'

श्लोक 23 (shiva.rudra.133.23)

त्वं परब्रह्म सर्वेशः सर्वे च तव सेवकाः । सृष्टेः कर्ता सदा भर्ता संहर्ता परमेश्वरः

tvaṁ parabrahma sarveśaḥ sarve ca tava sevakāḥ sṛṣṭeḥ kartā sadā bhartā saṁhartā parameśvaraḥ

आप ही परब्रह्म, सर्वेश्वर हैं, और हम सब आपके सेवक हैं; आप ही सदा सृष्टि के कर्ता, भर्ता और संहर्ता, परमेश्वर हैं।

श्लोक 24 (shiva.rudra.133.24)

रजस्सत्त्वतमोरूपो लीलया निर्गुणः स्वतः । का लीला रचिता चाद्य तामिदानीं वद प्रभो

rajassattvatamorūpo līlayā nirguṇaḥ svataḥ kā līlā racitā cādya tāmidānīṁ vada prabho

अपनी ही लीला से रज, सत्त्व और तम के रूप धारण करने वाले, स्वभाव से गुणरहित -- आज कौन-सी लीला रची है? हे प्रभो, अब वह हमें बताइए।

श्लोक 25 (shiva.rudra.133.25)

ब्रह्मोवाच इत्याकर्ण्य वचस्तेषां मुनिश्रेष्ठ महेश्वरः । गणान् भिन्नाँस्तदा दृष्ट्वा तेभ्यस्सर्वं न्यवेदयत्

brahmovāca ityākarṇya vacasteṣāṁ muniśreṣṭha maheśvaraḥ gaṇān bhinnā~stadā dṛṣṭvā tebhyassarvaṁ nyavedayat

ब्रह्मा जी ने कहा -- हे मुनिश्रेष्ठ, उनके इन वचनों को सुनकर, अपने गणों को छिन्न-भिन्न देखकर महेश्वर ने उन्हें सारा वृत्तांत सुनाया।

श्लोक 26 (shiva.rudra.133.26)

अथ सर्वेश्वरस्तत्र शङ्करो मुनिसत्तम । विहस्य गिरिजानाथो ब्रह्माणं मामुवाच ह

atha sarveśvarastatra śaṅkaro munisattama vihasya girijānātho brahmāṇaṁ māmuvāca ha

हे मुनिश्रेष्ठ, तब वहाँ सर्वेश्वर शंकर, गिरिजा के स्वामी, मुस्कुराते हुए मुझ ब्रह्मा से बोले।

श्लोक 27 (shiva.rudra.133.27)

शिव उवाच ब्रह्मञ्छृणु मम द्वारि बाल एकः समास्थितः । महाबलो यष्टिपाणिर्गेहावेशनिवारकः

śiva uvāca brahmañchṛṇu mama dvāri bāla ekaḥ samāsthitaḥ mahābalo yaṣṭipāṇirgehāveśanivārakaḥ

शिव ने कहा -- हे ब्रह्मन्, सुनो, मेरे द्वार पर एक अकेला बालक खड़ा है, महाबली, यष्टिधारी, जो घर में प्रवेश को रोक रहा है।

श्लोक 28 (shiva.rudra.133.28)

महाप्रहारकर्ताऽसौ मत्पार्षदविघातकः । पराजयः कृतस्तेन मद्गणानां बलादिह

mahāprahārakartā'sau matpārṣadavighātakaḥ parājayaḥ kṛtastena madgaṇānāṁ balādiha

वह भारी प्रहार करने वाला, मेरे ही पार्षदों का संहारक है; उसने बलपूर्वक यहाँ मेरे गणों को पराजित कर दिया है।

श्लोक 29 (shiva.rudra.133.29)

ब्रह्मन् त्वयैव गन्तव्यं प्रसाद्योऽयं महाबलः । यथा ब्रह्मन्नयः स्याद्वै तथा कार्यं त्वया विधे

brahman tvayaiva gantavyaṁ prasādyo'yaṁ mahābalaḥ yathā brahmannayaḥ syādvai tathā kāryaṁ tvayā vidhe

हे ब्रह्मन्, तुम्हें ही जाना चाहिए और इस महाबली को सांत्वना से मनाना चाहिए। हे ब्रह्मन्, हे विधे, जैसा भी उचित नीति हो, वैसा ही तुम करो।

श्लोक 30 (shiva.rudra.133.30)

ब्रह्मोवाच इत्याकर्ण्य प्रभोर्वाक्यमज्ञात्वाऽज्ञानमोहितः । तदीयनिकटं तात सर्वैरृषिवरैरयाम्

brahmovāca ityākarṇya prabhorvākyamajñātvā'jñānamohitaḥ tadīyanikaṭaṁ tāta sarvairṛṣivarairayām

ब्रह्मा जी ने कहा -- प्रभु का यह वचन सुनकर, बिना समझे, अज्ञान से मोहित होकर, हे तात, मैं सभी श्रेष्ठ ऋषियों सहित उसके पास गया।

श्लोक 31 (shiva.rudra.133.31)

समायान्तं च मां दृष्ट्वा स गणेशो महाबली । क्रोधं कृत्वा समभ्येत्य मम श्मश्रूण्यवाकिरत्

samāyāntaṁ ca māṁ dṛṣṭvā sa gaṇeśo mahābalī krodhaṁ kṛtvā samabhyetya mama śmaśrūṇyavākirat

मुझे आते देखकर वह महाबली गणेश क्रोधित होकर मेरे पास आया और मेरी दाढ़ी-मूँछें नोच डालीं।

श्लोक 32 (shiva.rudra.133.32)

क्षम्यतां क्षम्यतां देव न युद्धार्थं समागतः । ब्राह्मणोऽहमनुग्राह्यः शान्तिकर्तानुपद्रवः

kṣamyatāṁ kṣamyatāṁ deva na yuddhārthaṁ samāgataḥ brāhmaṇo'hamanugrāhyaḥ śāntikartānupadravaḥ

'क्षमा करो, क्षमा करो, हे देव! मैं युद्ध के लिए नहीं आया हूँ। मैं ब्राह्मण हूँ, अनुग्रह के योग्य, शांति चाहने वाला, निरुपद्रवी हूँ।'

श्लोक 33 (shiva.rudra.133.33)

इत्येवं ब्रुवति ब्रह्मंस्तावत्परिघमाददे । स गणेशो महावीरो बालोऽबालपराक्रमः

ityevaṁ bruvati brahmaṁstāvatparighamādade sa gaṇeśo mahāvīro bālo'bālaparākramaḥ

हे ब्रह्मन्, मैं ऐसा कह ही रहा था कि तभी वह महावीर गणेश, बालक होते हुए भी अबाल-पराक्रमी, अपना परिघ (गदा) उठा बैठा।

श्लोक 34 (shiva.rudra.133.34)

गृहीतपरिघं दृष्ट्वा तं गणेशं महाबलम् । पलायनपरो यातस्त्वहं द्रुततरं तदा

gṛhītaparighaṁ dṛṣṭvā taṁ gaṇeśaṁ mahābalam palāyanaparo yātastvahaṁ drutataraṁ tadā

उस महाबली गणेश को गदा उठाए देखकर मैं तब बड़ी तेजी से भाग खड़ा हुआ।

श्लोक 35 (shiva.rudra.133.35)

यात यात ब्रुवन्तस्ते परिघेन हतास्तदा । स्वयं च पतिताः केचित्केचित्तेन निपातिताः

yāta yāta bruvantaste parighena hatāstadā svayaṁ ca patitāḥ kecitkecittena nipātitāḥ

'जाओ, जाओ' कहते हुए वे उसकी गदा से मारे गए; कुछ स्वयं गिर पड़े, कुछ उसी के द्वारा गिराए गए।

श्लोक 36 (shiva.rudra.133.36)

केचिच्च शिवसामीप्यं गत्वा तत्क्षणमात्रतः । शिवं विज्ञापयाञ्चक्रुस्तद्वृत्तान्तमशेषतः

kecicca śivasāmīpyaṁ gatvā tatkṣaṇamātrataḥ śivaṁ vijñāpayāñcakrustadvṛttāntamaśeṣataḥ

कुछ शिव के समीप जाकर, उसी क्षण उन्हें वह सारा वृत्तांत पूरी तरह सुनाने लगे।

श्लोक 37 (shiva.rudra.133.37)

तथाविधांश्च तान् दृष्ट्वा तद्वृत्तान्तं निशम्य सः । अपारमादधे कोपं हरो लीलाविशारदः

tathāvidhāṁśca tān dṛṣṭvā tadvṛttāntaṁ niśamya saḥ apāramādadhe kopaṁ haro līlāviśāradaḥ

उन सबकी ऐसी दशा देखकर और वह वृत्तांत सुनकर, लीलाकुशल हर (शिव) अपार क्रोध से भर गए।

श्लोक 38 (shiva.rudra.133.38)

इन्द्रादिकान्देवगणान् षण्मुखप्रवरान् गणान् । भूतप्रेतपिशाचांश्च सर्वानादेशयत्तदा

indrādikāndevagaṇān ṣaṇmukhapravarān gaṇān bhūtapretapiśācāṁśca sarvānādeśayattadā

तब उन्होंने इंद्र आदि देवगणों को, षण्मुख आदि श्रेष्ठ गणों को, तथा भूत-प्रेत-पिशाचों को -- सभी को आदेश दिया।

श्लोक 39 (shiva.rudra.133.39)

ते सर्वे च यथायोग्यं गतास्ते सर्वतो दिशम् । तं गणं हन्तुकामा हि शिवाज्ञप्ता उदायुधाः

te sarve ca yathāyogyaṁ gatāste sarvato diśam taṁ gaṇaṁ hantukāmā hi śivājñaptā udāyudhāḥ

वे सब यथायोग्य सभी दिशाओं से चल पड़े, शस्त्र उठाए, शिव की आज्ञा पाकर, उस गण का वध करने की इच्छा से।

श्लोक 40 (shiva.rudra.133.40)

यस्य यस्यायुधं यच्च तत्तत्सर्वं विशेषतः । तद् गणेशोपरि बलात्समागत्य विमोचितम्

yasya yasyāyudhaṁ yacca tattatsarvaṁ viśeṣataḥ tad gaṇeśopari balātsamāgatya vimocitam

जिसके पास जो भी शस्त्र था, वह सब बलपूर्वक एकत्र होकर गणेश पर छोड़ दिया गया।

श्लोक 41 (shiva.rudra.133.41)

हाहाकारो महानासीत् त्रैलोक्ये सचराचरे । त्रिलोकस्था जनाः सर्वे संशयं परमं गताः

hāhākāro mahānāsīt trailokye sacarācare trilokasthā janāḥ sarve saṁśayaṁ paramaṁ gatāḥ

चराचर सहित तीनों लोकों में महाहाहाकार मच गया; तीनों लोकों में रहने वाले सभी जन परम संशय में पड़ गए।

श्लोक 42 (shiva.rudra.133.42)

न यातं ब्रह्मणोऽप्यायुर्ब्रह्माण्डं क्षयमेति हि । अकाले च तथा नूनं शिवेच्छावशतः स्वयम्

na yātaṁ brahmaṇo'pyāyurbrahmāṇḍaṁ kṣayameti hi akāle ca tathā nūnaṁ śivecchāvaśataḥ svayam

ब्रह्मा की आयु भी अभी समाप्त नहीं हुई थी, फिर भी मानो ब्रह्मांड ही विनाश को प्राप्त हो रहा था -- असमय में ही, केवल शिव की अपनी इच्छा के वशीभूत होकर।

श्लोक 43 (shiva.rudra.133.43)

ते सर्वे चागतास्तत्र षण्मुखाद्याश्च ये पुनः । देवा व्यर्थायुधा जाता आश्चर्यं परमं गताः

te sarve cāgatāstatra ṣaṇmukhādyāśca ye punaḥ devā vyarthāyudhā jātā āścaryaṁ paramaṁ gatāḥ

जो षण्मुख आदि सभी देव वहाँ आए थे, उन सबके शस्त्र निष्फल हो गए, और वे परम आश्चर्य में पड़ गए।

श्लोक 44 (shiva.rudra.133.44)

एतस्मिन्नन्तरे देवी जगदम्बा विबोधना । ज्ञात्वा तच्चरितं सर्वमपारं क्रोधमादधे

etasminnantare devī jagadambā vibodhanā jñātvā taccaritaṁ sarvamapāraṁ krodhamādadhe

इसी बीच जगत को जगाने वाली जगदंबा देवी ने वह सारा वृत्तांत जानकर अपार क्रोध धारण किया।

श्लोक 45 (shiva.rudra.133.45)

शक्तिद्वयं तदा तत्र तया देव्या मुनीश्वर । निर्मितं स्वगणस्यैव सर्वसाहाय्यहेतवे

śaktidvayaṁ tadā tatra tayā devyā munīśvara nirmitaṁ svagaṇasyaiva sarvasāhāyyahetave

हे मुनीश्वर, तब उस देवी ने अपने ही गण की हर प्रकार से सहायता के लिए वहाँ दो शक्तियाँ उत्पन्न कीं।

श्लोक 46 (shiva.rudra.133.46)

एका प्रचण्डरूपं च धृत्वातिष्ठन्महामुने । श्यामपर्वतसङ्काशं विस्तीर्य मुखगह्वरम्

ekā pracaṇḍarūpaṁ ca dhṛtvātiṣṭhanmahāmune śyāmaparvatasaṅkāśaṁ vistīrya mukhagahvaram

हे महामुने, एक ने अत्यंत प्रचंड रूप धारण किया, श्याम पर्वत के समान, अपना विशाल मुख-गह्वर फैलाए हुए खड़ी हुई।

श्लोक 47 (shiva.rudra.133.47)

एका विद्युत्स्वरूपा च बहुहस्तसमन्विता । भयङ्करा महादेवी दुष्टदण्डविधायिनी

ekā vidyutsvarūpā ca bahuhastasamanvitā bhayaṅkarā mahādevī duṣṭadaṇḍavidhāyinī

दूसरी बिजली के समान स्वरूप वाली, अनेक भुजाओं से युक्त -- वह भयंकर महादेवी दुष्टों को दंड देने वाली थी।

श्लोक 48 (shiva.rudra.133.48)

आयुधानि च सर्वाणि मोचितानि सुरैर्गणैः । गृहीत्वा स्वमुखे तानि ताभ्यां शीघ्रं च चिक्षिपे

āyudhāni ca sarvāṇi mocitāni surairgaṇaiḥ gṛhītvā svamukhe tāni tābhyāṁ śīghraṁ ca cikṣipe

देवों और गणों द्वारा छोड़े गए सभी शस्त्रों को उन दोनों ने अपने-अपने मुख में लेकर शीघ्र ही फेंक दिया।

श्लोक 49 (shiva.rudra.133.49)

देवायुधं न दृश्येत परिघः परितः पुनः । एवं ताभ्यां कृतं तत्र चरितं परमाद्भुतम्

devāyudhaṁ na dṛśyeta parighaḥ paritaḥ punaḥ evaṁ tābhyāṁ kṛtaṁ tatra caritaṁ paramādbhutam

फिर कहीं भी देवताओं का कोई शस्त्र, यहाँ तक कि गदा भी दिखाई नहीं दी। इस प्रकार उन दोनों ने वहाँ यह परम अद्भुत कार्य किया।

श्लोक 50 (shiva.rudra.133.50)

एको बालोऽखिलं सैन्यं लोडयामास दुस्तरम् । यथा गिरिवरेणैव लोडितः सागरः पुरा

eko bālo'khilaṁ sainyaṁ loḍayāmāsa dustaram yathā girivareṇaiva loḍitaḥ sāgaraḥ purā

उस अकेले बालक ने संपूर्ण दुर्जय सेना को उसी प्रकार मथ डाला जैसे प्राचीनकाल में श्रेष्ठ पर्वत द्वारा सागर मथा गया था।

श्लोक 51 (shiva.rudra.133.51)

एकेन निहताः सर्वे शक्राद्या निर्जरास्तथा । शङ्करस्य गणाश्चैव व्याकुला अभवंस्तदा

ekena nihatāḥ sarve śakrādyā nirjarāstathā śaṅkarasya gaṇāścaiva vyākulā abhavaṁstadā

उस अकेले के द्वारा इंद्र आदि सभी अमरगण, तथा शंकर के गण भी मारे गए, और वे सब व्याकुल हो उठे।

श्लोक 52 (shiva.rudra.133.52)

अथ सर्वे मिलित्वा ते निःश्वस्य च मुहुर्मुहुः । परस्परं समूचुस्ते तत्प्रहारसमाकुलाः

atha sarve militvā te niḥśvasya ca muhurmuhuḥ parasparaṁ samūcuste tatprahārasamākulāḥ

तब वे सब मिलकर, बार-बार दीर्घ श्वास लेते हुए, उसके प्रहारों से व्याकुल होकर आपस में कहने लगे।

श्लोक 53 (shiva.rudra.133.53)

देवगणा ऊचुः किं कर्तव्यं क्व गन्तव्यं न ज्ञायन्ते दिशो दश । परिघं भ्रामयत्येष सव्यापसव्यमेव च

devagaṇā ūcuḥ kiṁ kartavyaṁ kva gantavyaṁ na jñāyante diśo daśa parighaṁ bhrāmayatyeṣa savyāpasavyameva ca

देवगणों ने कहा -- क्या करें, कहाँ जाएँ, दसों दिशाएँ भी नहीं पहचानी जातीं। यह अपनी गदा बाईं-दाईं दोनों ओर घुमा रहा है।

श्लोक 54 (shiva.rudra.133.54)

ब्रह्मोवाच एतत्कालेऽप्सरः श्रेष्ठाः पुष्पचन्दनपाणयः । ऋषयश्च त्वदाद्या हि येऽतियुद्धेऽतिलालसाः

brahmovāca etatkāle'psaraḥ śreṣṭhāḥ puṣpacandanapāṇayaḥ ṛṣayaśca tvadādyā hi ye'tiyuddhe'tilālasāḥ

ब्रह्मा जी ने कहा -- उसी समय श्रेष्ठ अप्सराएँ, हाथों में पुष्प और चंदन लिए, तथा तुम्हारे जैसे ऋषिगण, जो इस महायुद्ध को देखने के लिए अत्यंत उत्सुक थे --

श्लोक 55 (shiva.rudra.133.55)

ते सर्वे च समाजग्मुर्युद्धसन्दर्शनाय वै । पूरितो व्योम सन्मार्गस्तैस्तदा मुनिसत्तम

te sarve ca samājagmuryuddhasandarśanāya vai pūrito vyoma sanmārgastaistadā munisattama

हे मुनिसत्तम, वे सब युद्ध देखने के लिए वहाँ एकत्र हो गए; और आकाश का सारा मार्ग उनसे भर गया।

श्लोक 56 (shiva.rudra.133.56)

तास्ते दृष्ट्वा रणं तं वै महाविस्मयमागताः । ईदृशं परमं युद्धं न दृष्टं चैकदापि हि

tāste dṛṣṭvā raṇaṁ taṁ vai mahāvismayamāgatāḥ īdṛśaṁ paramaṁ yuddhaṁ na dṛṣṭaṁ caikadāpi hi

उस युद्ध को देखकर वे सब परम विस्मय को प्राप्त हुए -- ऐसा श्रेष्ठ युद्ध पहले कभी न सुना गया था, न देखा गया था।

श्लोक 57 (shiva.rudra.133.57)

पृथिवी कम्पिता तत्र समुद्रसहिता तदा । पर्वताः पतिताश्चैव चक्रुः सङ्ग्रामसम्भवम्

pṛthivī kampitā tatra samudrasahitā tadā parvatāḥ patitāścaiva cakruḥ saṅgrāmasambhavam

उस समय सागर सहित सारी पृथ्वी काँप उठी, और उस संग्राम के कारण पर्वत भी गिर पड़े।

श्लोक 58 (shiva.rudra.133.58)

द्यौर्ग्रहर्क्षगणैर्घूर्ण्णा सर्वे व्याकुलतां गताः । देवाः पलायिताःसर्वे गणाश्च सकलास्तदा

dyaurgraharkṣagaṇairghūrṇṇā sarve vyākulatāṁ gatāḥ devāḥ palāyitāḥsarve gaṇāśca sakalāstadā

ग्रह-नक्षत्रों सहित आकाश डगमगा उठा, सभी व्याकुल हो गए; उस समय सभी देव और सभी गण भाग खड़े हुए।

श्लोक 59 (shiva.rudra.133.59)

केवलं षण्मुखस्तत्र नापलायत विक्रमी । महावीरस्तदा सर्वानावार्य पुरतः स्थितः

kevalaṁ ṣaṇmukhastatra nāpalāyata vikramī mahāvīrastadā sarvānāvārya purataḥ sthitaḥ

केवल विक्रमी षण्मुख (कार्तिकेय) वहाँ से नहीं भागे; वह महावीर उस समय सबको रोककर आगे खड़े रहे।

श्लोक 60 (shiva.rudra.133.60)

शक्तिद्वयेन तद्युद्धे सर्वे च निष्फलीकृताः । सर्वास्त्राणि निकृत्तानि सङ्क्षिप्तान्यमरैर्गणैः

śaktidvayena tadyuddhe sarve ca niṣphalīkṛtāḥ sarvāstrāṇi nikṛttāni saṅkṣiptānyamarairgaṇaiḥ

उस युद्ध में उन दोनों शक्तियों द्वारा सभी को निष्फल कर दिया गया; अमरों और गणों द्वारा छोड़े गए सभी अस्त्र काट दिए गए और बिखर गए।

श्लोक 61 (shiva.rudra.133.61)

येऽवस्थिताश्च ते सर्वे शिवस्यान्तिकमागताः । देवाः पलायिताः सर्वे गणाश्च सकलास्तदा

ye'vasthitāśca te sarve śivasyāntikamāgatāḥ devāḥ palāyitāḥ sarve gaṇāśca sakalāstadā

जो कोई भी बच रहा था, वे सब शिव के ही समीप जा पहुँचे; सभी देव भाग चुके थे, और सभी गण भी।

श्लोक 62 (shiva.rudra.133.62)

ते सर्वे मिलिताश्चैव मुहुर्नत्वा शिवं तदा । अब्रुवन्वचनं क्षिप्रं कोऽयं गणवरः प्रभो

te sarve militāścaiva muhurnatvā śivaṁ tadā abruvanvacanaṁ kṣipraṁ ko'yaṁ gaṇavaraḥ prabho

वे सब मिलकर बार-बार शिव को प्रणाम करते हुए तब शीघ्र ही बोले -- 'हे प्रभो, यह श्रेष्ठ गण कौन है?'

श्लोक 63 (shiva.rudra.133.63)

पुरा चैव श्रुतं युद्धमिदानीं बहुधा पुनः । दृश्यते न श्रुतं दृष्टमीदृशं तु कदाचन

purā caiva śrutaṁ yuddhamidānīṁ bahudhā punaḥ dṛśyate na śrutaṁ dṛṣṭamīdṛśaṁ tu kadācana

प्राचीनकाल में सुने गए और अब तक अनेक बार सुनाए गए युद्धों में भी ऐसा युद्ध न कभी सुना गया, न देखा गया।

श्लोक 64 (shiva.rudra.133.64)

किञ्चिद्विचार्यतां देव त्वन्यथा न जयो भवेत् । त्वमेव रक्षकः स्वामिन्ब्रह्माण्डस्य न संशयः

kiñcidvicāryatāṁ deva tvanyathā na jayo bhavet tvameva rakṣakaḥ svāminbrahmāṇḍasya na saṁśayaḥ

हे देव, कुछ विचार कीजिए, अन्यथा हमारी विजय नहीं होगी। आप ही इस ब्रह्मांड के रक्षक हैं, इसमें कोई संदेह नहीं।

श्लोक 65 (shiva.rudra.133.65)

ब्रह्मोवाच इत्येवं तद्वचः श्रुत्वा रुद्रः परमकोपनः । कोपं कृत्वा च तत्रैव जगाम स्वगणैः सह

brahmovāca ityevaṁ tadvacaḥ śrutvā rudraḥ paramakopanaḥ kopaṁ kṛtvā ca tatraiva jagāma svagaṇaiḥ saha

ब्रह्मा जी ने कहा -- उनके इन वचनों को सुनकर, परम क्रोधित रुद्र, क्रोध से भरकर स्वयं अपने गणों सहित वहीं चल पड़े।

श्लोक 66 (shiva.rudra.133.66)

देवसैन्यं च तत्सर्वं विष्णुना चक्रिणा सह । समुत्सवं महत्कृत्वा शिवस्यानुजगाम ह

devasainyaṁ ca tatsarvaṁ viṣṇunā cakriṇā saha samutsavaṁ mahatkṛtvā śivasyānujagāma ha

और चक्रधारी विष्णु सहित संपूर्ण देवसेना ने महान कोलाहल करते हुए शिव का अनुसरण किया।

श्लोक 67 (shiva.rudra.133.67)

एतस्मिन्नन्तरे भक्त्या नमस्कृत्य महेश्वरम् । अब्रवीन्नारद त्वं वै देवदेवं कृताञ्जलिः

etasminnantare bhaktyā namaskṛtya maheśvaram abravīnnārada tvaṁ vai devadevaṁ kṛtāñjaliḥ

इसी बीच हे नारद, तुमने भक्तिपूर्वक महेश्वर को प्रणाम करके, हाथ जोड़े हुए, देवाधिदेव से यह कहा।

श्लोक 68 (shiva.rudra.133.68)

नारद उवाच देवदेव महादेव शृणु मद्वचनं विभो । त्वमेव सर्वगस्स्वामी नानालीलाविशारदः

nārada uvāca devadeva mahādeva śṛṇu madvacanaṁ vibho tvameva sarvagassvāmī nānālīlāviśāradaḥ

नारद ने कहा -- हे देवाधिदेव, हे महादेव, हे विभो, मेरा वचन सुनिए। आप ही सर्वव्यापी स्वामी हैं, नाना लीलाओं में निपुण।

श्लोक 69 (shiva.rudra.133.69)

त्वया कृत्वा महालीलां गणगर्वोऽपहारितः । अस्मै दत्त्वा बलं भूरि देवगर्वश्च शङ्कर

tvayā kṛtvā mahālīlāṁ gaṇagarvo'pahāritaḥ asmai dattvā balaṁ bhūri devagarvaśca śaṅkara

आपने यह महालीला रचकर अपने ही गणों का अभिमान हर लिया, इस बालक को प्रचुर बल देकर, और हे शंकर, देवों का अभिमान भी।

श्लोक 70 (shiva.rudra.133.70)

दर्शितं भुवने नाथ स्वमेव बलमद्भुतम् । स्वतन्त्रेण त्वया शम्भो सर्वगर्वप्रहारिणा

darśitaṁ bhuvane nātha svameva balamadbhutam svatantreṇa tvayā śambho sarvagarvaprahāriṇā

हे नाथ, आपने संसार को अपना ही अद्भुत बल दिखा दिया, हे शंभु, स्वतंत्र और समस्त अभिमान के विनाशक होकर।

श्लोक 71 (shiva.rudra.133.71)

इदानीं न कुरुष्वेश तां लीलां भक्तवत्सलः । स्वगणानमरांश्चापि सुसन्मान्याभिवर्द्धय

idānīṁ na kuruṣveśa tāṁ līlāṁ bhaktavatsalaḥ svagaṇānamarāṁścāpi susanmānyābhivarddhaya

अब, हे भक्तवत्सल ईश, इस लीला को यहीं विराम दीजिए; अपने गणों और देवताओं का ही सम्मान बढ़ाइए।

श्लोक 72 (shiva.rudra.133.72)

इमं न खेलयेदानीं जहि ब्रह्मपदप्रद । इत्युक्त्वा नारद त्वं वै ह्यन्तर्द्धानं गतस्तदा

imaṁ na khelayedānīṁ jahi brahmapadaprada ityuktvā nārada tvaṁ vai hyantarddhānaṁ gatastadā

अब इससे और मत खेलिए, हे ब्रह्मपद के दाता -- ऐसा कहकर, हे नारद, तुम वहीं से अंतर्धान हो गए।