गणेश और शिवगणों का विवाद

श्लोक 1 (shiva.rudra.132.1)

ब्रह्मोवाच गणास्ते क्रोधसम्पन्नास्तत्र गत्वा शिवाज्ञया । पप्रच्छुर्गिरिजापुत्रं तं तदा द्वारपालकम्

brahmovāca gaṇāste krodhasampannāstatra gatvā śivājñayā papracchurgirijāputraṁ taṁ tadā dvārapālakam

क्रोध से भरे वे गण शिव की आज्ञा से वहाँ जाकर उस द्वारपालक गिरिजा-पुत्र से पूछने लगे।

श्लोक 2 (shiva.rudra.132.2)

शिवगणा ऊचुः कोऽसि त्वं कुत आयातः किं वा त्वं च चिकीर्षसि । इतोऽद्य गच्छ दूरं वै यदि जीवितुमिच्छसि

śivagaṇā ūcuḥ ko'si tvaṁ kuta āyātaḥ kiṁ vā tvaṁ ca cikīrṣasi ito'dya gaccha dūraṁ vai yadi jīvitumicchasi

शिवगणों ने कहा -- तुम कौन हो, कहाँ से आए हो, और क्या करना चाहते हो? यदि जीवित रहना चाहते हो तो आज ही यहाँ से दूर चले जाओ।

श्लोक 3 (shiva.rudra.132.3)

ब्रह्मोवाच तदीयं तद्वचः श्रुत्वा गिरिजातनयः स वै । निर्भयो दण्डपाणिश्च द्वारपानब्रवीदिदम्

brahmovāca tadīyaṁ tadvacaḥ śrutvā girijātanayaḥ sa vai nirbhayo daṇḍapāṇiśca dvārapānabravīdidam

ब्रह्मा जी ने कहा -- उनके इन वचनों को सुनकर वह गिरिजा-पुत्र निर्भय होकर, दंड हाथ में लिए, द्वारपाल के रूप में यह बोला।

श्लोक 4 (shiva.rudra.132.4)

गणेश उवाच यूयं के कुत आयाता भवन्तः सुन्दरा इमे । यात दूरं किमर्थं वै स्थिता अत्र विरोधिनः

gaṇeśa uvāca yūyaṁ ke kuta āyātā bhavantaḥ sundarā ime yāta dūraṁ kimarthaṁ vai sthitā atra virodhinaḥ

गणेश ने कहा -- तुम कौन हो, कहाँ से आए हो, तुम सुंदर लोग? दूर चले जाओ, यहाँ शत्रु के समान क्यों खड़े हो?

श्लोक 5 (shiva.rudra.132.5)

ब्रह्मोवाच एवं श्रुत्वा वचस्तस्य हास्यं कृत्वा परस्परम् । ऊचुःसर्वे शिवगणा महावीरा गतस्मयाः

brahmovāca evaṁ śrutvā vacastasya hāsyaṁ kṛtvā parasparam ūcuḥsarve śivagaṇā mahāvīrā gatasmayāḥ

ब्रह्मा जी ने कहा -- उसके वचन सुनकर सभी शिवगण महावीर आपस में हँसकर मुस्कुराते हुए बोले।

श्लोक 6 (shiva.rudra.132.6)

परस्परमिति प्रोच्य सर्वे ते शिवपार्षदाः । द्वारपालं गणेशं तं प्रत्यूचुः क्रुद्धमानसाः

parasparamiti procya sarve te śivapārṣadāḥ dvārapālaṁ gaṇeśaṁ taṁ pratyūcuḥ kruddhamānasāḥ

आपस में ऐसा कहकर वे सभी शिवपार्षद क्रोधित मन से उस द्वारपाल गणेश को उत्तर देने लगे।

श्लोक 7 (shiva.rudra.132.7)

शिवगणा ऊचुः श्रूयतां द्वारपाला हि वयं शिवगणा वराः । त्वां निवारयितुं प्राप्ताः शङ्करस्याज्ञया विभोः

śivagaṇā ūcuḥ śrūyatāṁ dvārapālā hi vayaṁ śivagaṇā varāḥ tvāṁ nivārayituṁ prāptāḥ śaṅkarasyājñayā vibhoḥ

शिवगणों ने कहा -- सुनो, हे द्वारपाल! हम श्रेष्ठ शिवगण हैं, प्रभु शंकर की आज्ञा से तुम्हें हटाने के लिए आए हैं।

श्लोक 8 (shiva.rudra.132.8)

त्वामपीह गणं मत्वा न हन्यामोऽन्यथा हतः । तिष्ठ दूरे स्वतः त्वं च किमर्थं मृत्युमीहसे

tvāmapīha gaṇaṁ matvā na hanyāmo'nyathā hataḥ tiṣṭha dūre svataḥ tvaṁ ca kimarthaṁ mṛtyumīhase

तुम्हें भी एक गण मानकर हम मार नहीं रहे, अन्यथा तुम मारे जा चुके होते। स्वयं दूर हट जाओ -- क्यों मृत्यु चाहते हो?

श्लोक 9 (shiva.rudra.132.9)

ब्रह्मोवाच इत्युक्तोऽपि गणेशश्च गिरिजातनयोऽभयः । निर्भर्त्स्य शङ्करगणान्न द्वारं मुक्तवांस्तदा

brahmovāca ityukto'pi gaṇeśaśca girijātanayo'bhayaḥ nirbhartsya śaṅkaragaṇānna dvāraṁ muktavāṁstadā

ब्रह्मा जी ने कहा -- ऐसा कहे जाने पर भी वह निर्भय गिरिजा-पुत्र गणेश, शंकर के गणों को धिक्कारकर, द्वार से नहीं हटा।

श्लोक 10 (shiva.rudra.132.10)

ते सर्वेऽपि गणाः शैवाः तत्रत्या वचनं तदा । श्रुत्वा तत्र शिवं गत्वा तद्वृत्तान्तमथाब्रुवन्

te sarve'pi gaṇāḥ śaivāḥ tatratyā vacanaṁ tadā śrutvā tatra śivaṁ gatvā tadvṛttāntamathābruvan

वे सभी शैव गण वहाँ का यह वृत्तांत सुनकर, शिव के पास जाकर उन्हें सारा समाचार सुनाने लगे।

श्लोक 11 (shiva.rudra.132.11)

ततश्च तद्वचः श्रुत्वाद्भुतलीलो महेश्वरः । विनिर्भर्त्स्य गणानूचे निजाँल्लोकगतिर्मुने

tataśca tadvacaḥ śrutvādbhutalīlo maheśvaraḥ vinirbhartsya gaṇānūce nijā~llokagatirmune

हे मुने, वह वृत्तांत सुनकर अद्भुत लीलाधारी, लोकातीत गतिवाले महेश्वर ने अपने गणों को डाँटते हुए यह कहा।

श्लोक 12 (shiva.rudra.132.12)

महेश्वर उवाच कश्चायं वर्तते किं च ब्रवीत्यरिवदुच्छ्रितः । किं करिष्यत्यसद्बुद्धिः स्वमृत्युं वाञ्छति ध्रुवम्

maheśvara uvāca kaścāyaṁ vartate kiṁ ca bravītyarivaducchritaḥ kiṁ kariṣyatyasadbuddhiḥ svamṛtyuṁ vāñchati dhruvam

महेश्वर ने कहा -- यह कौन है, और शत्रु के समान अकड़कर क्या कह रहा है? यह मूढ़बुद्धि क्या करेगा, निश्चय ही अपनी मृत्यु ही चाहता है।

श्लोक 13 (shiva.rudra.132.13)

दूरतः क्रियतां ह्येष द्वारपालो नवीनकः । क्लीबा इव स्थितास्तस्य वृत्तं वदथ मे कथम्

dūrataḥ kriyatāṁ hyeṣa dvārapālo navīnakaḥ klībā iva sthitāstasya vṛttaṁ vadatha me katham

इस नए द्वारपाल को दूर से ही हटा दो। तुम सब नपुंसकों के समान क्यों खड़े हो? बताओ तो, उसके साथ क्या हुआ?

श्लोक 14 (shiva.rudra.132.14)

स्वामिनोक्ता गणास्ते चाद्भुतलीलेन शम्भुना । पुनरागत्य तत्रैव तमूचुर्द्वारपालकम्

svāminoktā gaṇāste cādbhutalīlena śambhunā punarāgatya tatraiva tamūcurdvārapālakam

अद्भुतलीला शंभु के स्वामी-वचन से आज्ञप्त हुए वे गण पुनः वहीं जाकर उस द्वारपालक से बोले।

श्लोक 15 (shiva.rudra.132.15)

शिवगणा ऊचुः । रे रे द्वारप कस्त्वं हि स्थितश्च स्थापितः कुतः । नैवास्मान्गणयस्येवं कथं जीवितुमिच्छसि

śivagaṇā ūcuḥ re re dvārapa kastvaṁ hi sthitaśca sthāpitaḥ kutaḥ naivāsmāngaṇayasyevaṁ kathaṁ jīvitumicchasi

शिवगणों ने कहा -- अरे द्वारपाल, तुम कौन हो, किसने तुम्हें यहाँ स्थापित किया है? तुम हमें कुछ भी नहीं समझते -- ऐसे में कैसे जीवित रहना चाहते हो?

श्लोक 16 (shiva.rudra.132.16)

द्वारपाला वयं सर्वे स्थिताः किं परिभाषसे । सिंहासनगृहीतश्च शृगालः शिवमीहते

dvārapālā vayaṁ sarve sthitāḥ kiṁ paribhāṣase siṁhāsanagṛhītaśca śṛgālaḥ śivamīhate

हम सब स्वयं द्वारपाल यहाँ खड़े हैं, तुम क्या बकवास कर रहे हो? सिंहासन पर बैठा सियार शिव बनने की चाह रखता है!

श्लोक 17 (shiva.rudra.132.17)

तावद्गर्जसि मूर्ख त्वं यावद्गणपराक्रमः । नानुभूतस्त्वयात्रैव ह्यनुभूतः पतिष्यसि

tāvadgarjasi mūrkha tvaṁ yāvadgaṇaparākramaḥ nānubhūtastvayātraiva hyanubhūtaḥ patiṣyasi

हे मूर्ख, तुम तब तक ही गरज रहे हो जब तक गणों का पराक्रम नहीं देखा; यहाँ अभी तक अनुभव नहीं किया, अनुभव करते ही गिर पड़ोगे।

श्लोक 18 (shiva.rudra.132.18)

इत्युक्तस्तैस्सुसङ्क्रुद्धो हस्ताभ्यां यष्टिकां तदा । गृहीत्वा ताडयामास गणांस्तान्परिभाषिणः

ityuktastaissusaṅkruddho hastābhyāṁ yaṣṭikāṁ tadā gṛhītvā tāḍayāmāsa gaṇāṁstānparibhāṣiṇaḥ

उनके ऐसा कहने पर अत्यंत क्रोधित होकर उसने अपने दोनों हाथों से यष्टि उठाकर उन ताना मारने वाले गणों को पीट दिया।

श्लोक 19 (shiva.rudra.132.19)

उवाचाथ शिवापुत्रः परिभर्त्स्य गणेश्वरान् । शङ्करस्य महावीरान्निर्भयस्तान्गणेश्वरः

uvācātha śivāputraḥ paribhartsya gaṇeśvarān śaṅkarasya mahāvīrānnirbhayastāngaṇeśvaraḥ

तब शिवा-पुत्र, वह गणेश्वर, शंकर के उन महावीर गणपतियों को धिक्कारते हुए निर्भय होकर बोला।

श्लोक 20 (shiva.rudra.132.20)

शिवापुत्र उवाच यात यात इतो दूरे नो चेद्वो दर्शयामि ह । स्वपराक्रममत्युग्रं यास्यथात्युपहास्यताम्

śivāputra uvāca yāta yāta ito dūre no cedvo darśayāmi ha svaparākramamatyugraṁ yāsyathātyupahāsyatām

शिवा-पुत्र ने कहा -- जाओ, जाओ, यहाँ से दूर चले जाओ, नहीं तो मैं तुम्हें अपना अत्यंत उग्र पराक्रम दिखाऊँगा, और तुम अत्यंत उपहास्य बन जाओगे।

श्लोक 21 (shiva.rudra.132.21)

इत्याकर्ण्य वचस्तस्य गिरिजातनयस्य हि । परस्परमथोचुस्ते शङ्करस्य गणास्तदा

ityākarṇya vacastasya girijātanayasya hi parasparamathocuste śaṅkarasya gaṇāstadā

गिरिजा-पुत्र के इन वचनों को सुनकर शंकर के वे गण तब आपस में एक-दूसरे से कहने लगे।

श्लोक 22 (shiva.rudra.132.22)

शिवगणा ऊचुः । किं कर्तव्यं क्व गन्तव्यं क्रियते स न किं पुनः । मर्यादा रक्ष्यतेऽस्माभिरन्यथा किं ब्रवीति च

śivagaṇā ūcuḥ kiṁ kartavyaṁ kva gantavyaṁ kriyate sa na kiṁ punaḥ maryādā rakṣyate'smābhiranyathā kiṁ bravīti ca

शिवगणों ने कहा -- अब क्या करना चाहिए, कहाँ जाना चाहिए? क्या यही फिर से किया जाए? हमें अपनी मर्यादा की रक्षा करनी होगी, अन्यथा वह क्या कहेगा?

श्लोक 23 (shiva.rudra.132.23)

ब्रह्मोवाच ततः शम्भुगणाःसर्वे शिवं दूरे व्यवस्थितम् । क्रोशमात्रं तु कैलासाद्गत्वा ते च तथाऽब्रुवन्

brahmovāca tataḥ śambhugaṇāḥsarve śivaṁ dūre vyavasthitam krośamātraṁ tu kailāsādgatvā te ca tathā'bruvan

ब्रह्मा जी ने कहा -- तब शंभु के सभी गण, कैलास से एक कोस दूर खड़े शिव के पास जाकर, उनसे इस प्रकार बोले।

श्लोक 24 (shiva.rudra.132.24)

शिवो विहस्य तान्सर्वांस्त्रिशूलकर उग्रधीः । उवाच परमेशो हि स्वगणान् वीरसम्मतान्

śivo vihasya tānsarvāṁstriśūlakara ugradhīḥ uvāca parameśo hi svagaṇān vīrasammatān

त्रिशूलधारी, उग्रबुद्धि शिव, उन सब पर मुस्कुराते हुए, वीरों में गिने जाने वाले अपने गणों से बोले, वे परमेश्वर।

श्लोक 25 (shiva.rudra.132.25)

शिव उवाच रे रे गणाः क्लीबमता न वीरा वीरमानिनः । मदग्रे नोदितुं योग्या भर्त्सितः किं पुनर्वदेत्

śiva uvāca re re gaṇāḥ klībamatā na vīrā vīramāninaḥ madagre nodituṁ yogyā bhartsitaḥ kiṁ punarvadet

शिव ने कहा -- अरे गणो, नपुंसक स्वभाव वाले, वीर न होते हुए भी वीर मानने वाले! तुम मेरे सामने बोलने योग्य भी नहीं। तिरस्कृत व्यक्ति और क्या कह सकता है?

श्लोक 26 (shiva.rudra.132.26)

गम्यतां ताड्यतां चैष यः कश्चित्प्रभवेदिह । बहुनोक्तेन किं चात्र दूरीकर्तव्य एव सः

gamyatāṁ tāḍyatāṁ caiṣa yaḥ kaścitprabhavediha bahunoktena kiṁ cātra dūrīkartavya eva saḥ

जाओ और जो भी वहाँ प्रबल दिखे उसे मारो। अधिक कहने से क्या लाभ -- उसे तो दूर ही करना है।

श्लोक 27 (shiva.rudra.132.27)

ब्रह्मोवाच इति सर्वे महेशेन जग्मुस्तत्र मुनीश्वर । भर्त्सितास्तेन देवेन प्रोचुश्च गणसत्तमाः

brahmovāca iti sarve maheśena jagmustatra munīśvara bhartsitāstena devena procuśca gaṇasattamāḥ

ब्रह्मा जी ने कहा -- हे मुनीश्वर, इस प्रकार महेश द्वारा तिरस्कृत होकर वे सभी श्रेष्ठ गण वहाँ गए और बोले।

श्लोक 28 (shiva.rudra.132.28)

शिवगणा ऊचुः । रेरे त्वं शृणु वै बाल बलात्किं परिभाषसे । इतस्त्वं दूरतो याहि नो चेन्मृत्युर्भविष्यति

śivagaṇā ūcuḥ rere tvaṁ śṛṇu vai bāla balātkiṁ paribhāṣase itastvaṁ dūrato yāhi no cenmṛtyurbhaviṣyati

शिवगणों ने कहा -- अरे बालक, सुनो, इतने बल से क्यों बोल रहे हो? यहाँ से दूर चले जाओ, नहीं तो मृत्यु ही तुम्हारी नियति होगी।

श्लोक 29 (shiva.rudra.132.29)

ब्रह्मोवाच इति श्रुत्वा वचस्तेषां शिवाज्ञाकारिणां ध्रुवम् । शिवासुतस्तदाभूत्स किं करोमीति दुःखितः

brahmovāca iti śrutvā vacasteṣāṁ śivājñākāriṇāṁ dhruvam śivāsutastadābhūtsa kiṁ karomīti duḥkhitaḥ

ब्रह्मा जी ने कहा -- शिव की आज्ञा का निश्चय ही पालन करने वाले उनके इन वचनों को सुनकर शिवा-पुत्र दुःखी होकर सोचने लगा -- 'अब मैं क्या करूँ?'

श्लोक 30 (shiva.rudra.132.30)

एतस्मिन्नन्तरे देवी तेषां तस्य च वै पुनः । श्रुत्वा तु कलहं द्वारि सखीं पश्येति साब्रवीत्

etasminnantare devī teṣāṁ tasya ca vai punaḥ śrutvā tu kalahaṁ dvāri sakhīṁ paśyeti sābravīt

इसी बीच देवी ने द्वार पर हो रहे उस कलह को सुनकर अपनी सखी से कहा -- 'जाकर देखो।'

श्लोक 31 (shiva.rudra.132.31)

समागत्य सखी तत्र वृत्तान्तं समबुध्यत । क्षणमात्रं तदा दृष्ट्वा गता हृष्टा शिवान्तिकम्

samāgatya sakhī tatra vṛttāntaṁ samabudhyata kṣaṇamātraṁ tadā dṛṣṭvā gatā hṛṣṭā śivāntikam

सखी वहाँ जाकर सारा वृत्तांत समझ गई; क्षणभर देखकर वह हर्षित होकर शिवा के पास लौट आई।

श्लोक 32 (shiva.rudra.132.32)

तत्र गत्वा तु तत्सर्वं वृत्तं तद्यदभून्मुने । अशेषेण तया सख्या कथितं गिरिजाग्रतः

tatra gatvā tu tatsarvaṁ vṛttaṁ tadyadabhūnmune aśeṣeṇa tayā sakhyā kathitaṁ girijāgrataḥ

हे मुने, वहाँ जाकर जो कुछ भी हुआ था वह सारा वृत्तांत उस सखी ने गिरिजा के सामने पूरी तरह कह सुनाया।

श्लोक 33 (shiva.rudra.132.33)

सख्युवाच अस्मदीयो गणो यो हि स्थितो द्वारि महेश्वरि । निर्भर्त्सयन्ति तं वीराः शङ्करस्य गणा ध्रुवम्

sakhyuvāca asmadīyo gaṇo yo hi sthito dvāri maheśvari nirbhartsayanti taṁ vīrāḥ śaṅkarasya gaṇā dhruvam

सखी ने कहा -- हे महेश्वरी, हमारा जो गण द्वार पर खड़ा है, उसे शंकर के वीर गण निश्चय ही धिक्कार रहे हैं।

श्लोक 34 (shiva.rudra.132.34)

शिवश्चैव गणाः सर्वे विना तेऽवसरं कथम् । प्रविशन्ति हठाद्गेहे नैतच्छुभतरं तव

śivaścaiva gaṇāḥ sarve vinā te'vasaraṁ katham praviśanti haṭhādgehe naitacchubhataraṁ tava

शिव स्वयं और उनके सारे गण -- बिना तुम्हारी अनुमति के भला वे बलपूर्वक घर में कैसे प्रवेश कर सकते हैं? यह तुम्हारे लिए उचित नहीं है।

श्लोक 35 (shiva.rudra.132.35)

सम्यक् कृतं ह्यनेनैव न हि कोऽपि प्रवेशितः । दुःखं चैवानुभूयात्र तिरस्कारादिकं तथा

samyak kṛtaṁ hyanenaiva na hi ko'pi praveśitaḥ duḥkhaṁ caivānubhūyātra tiraskārādikaṁ tathā

उसने तो भला ही किया है, किसी को भी प्रवेश नहीं करने दिया। और यहाँ उसे स्वयं ही दुःख और तिरस्कार सहना पड़ा है।

श्लोक 36 (shiva.rudra.132.36)

अतः परन्तु वाग्वादः क्रियते च परस्परम् । वाग्वादे च कृते नैव तर्ह्यायान्तु सुखेन वै

ataḥ parantu vāgvādaḥ kriyate ca parasparam vāgvāde ca kṛte naiva tarhyāyāntu sukhena vai

परंतु अब उनके बीच शब्दों की झड़प चल रही है। यदि यह विवाद समाप्त नहीं होता, तो उन्हें सुखपूर्वक भीतर मत आने दो।

श्लोक 37 (shiva.rudra.132.37)

कृतश्चैवात्र वाग्वादस्तं जित्वा विजयेन च । प्रविशन्तु तथा सर्वे नान्यथा कर्हिचित्प्रिये

kṛtaścaivātra vāgvādastaṁ jitvā vijayena ca praviśantu tathā sarve nānyathā karhicitpriye

यहाँ वाद-विवाद तो हो ही चुका है; उसे परास्त करके विजय पाने पर ही सब भीतर प्रवेश करें, अन्यथा नहीं, हे प्रिये, किसी भी दशा में नहीं।

श्लोक 38 (shiva.rudra.132.38)

अस्मिन्नेवास्मदीये वै सर्वे सम्भर्त्सिता वयम् । तस्माद्देवि त्वया भद्रे न त्याज्यो मान उत्तमः

asminnevāsmadīye vai sarve sambhartsitā vayam tasmāddevi tvayā bhadre na tyājyo māna uttamaḥ

इसी हमारे अपने गण के मामले में हम सब तिरस्कृत हुए हैं। इसलिए, हे देवी, हे कल्याणी, तुम्हें अपना यह उच्च मान त्यागना नहीं चाहिए।

श्लोक 39 (shiva.rudra.132.39)

शिवो मर्कटवत्तेऽद्य वर्तते सर्वदा सति । किं करिष्यत्यहङ्कारमानुकूल्यं भविष्यति

śivo markaṭavatte'dya vartate sarvadā sati kiṁ kariṣyatyahaṅkāramānukūlyaṁ bhaviṣyati

शिव सदा ही तुम्हारे साथ बंदर के समान चंचल व्यवहार करते हैं, हे साध्वी। वे क्या कर सकते हैं -- यह तो तुम्हारे ही अनुकूल होगा।

श्लोक 40 (shiva.rudra.132.40)

ब्रह्मोवाच अहो क्षणं स्थिता तत्र शिवेच्छा वशतःसती

brahmovāca aho kṣaṇaṁ sthitā tatra śivecchā vaśataḥsatī

ब्रह्मा जी ने कहा -- अहो! शिव की इच्छा के वशीभूत होकर वह साध्वी क्षणभर वहीं ठिठकी रहीं।

श्लोक 41 (shiva.rudra.132.41)

मनस्युवाच सा भूत्वा मानिनी पार्वती तदा

manasyuvāca sā bhūtvā māninī pārvatī tadā

तब मानिनी पार्वती अपने मन में ही यह सोचने लगीं।

श्लोक 42 (shiva.rudra.132.42)

शिवोवाच अहो क्षणं स्थितो नैव हठात्कारः कथं कृतः । कथं चैवात्र कर्त्तव्यं विनयेनाथ वा पुनः

śivovāca aho kṣaṇaṁ sthito naiva haṭhātkāraḥ kathaṁ kṛtaḥ kathaṁ caivātra karttavyaṁ vinayenātha vā punaḥ

शिवा ने कहा -- अहो! उसने क्षणभर भी प्रतीक्षा न की, ऐसा बलपूर्वक व्यवहार क्यों किया गया? अब यहाँ विनयपूर्वक करना चाहिए, या फिर किस प्रकार?

श्लोक 43 (shiva.rudra.132.43)

भविष्यति भवत्येव कृतं नैवान्यथा पुनः । इत्युक्त्वा तु सखी तत्र प्रेषिता प्रियया तदा

bhaviṣyati bhavatyeva kṛtaṁ naivānyathā punaḥ ityuktvā tu sakhī tatra preṣitā priyayā tadā

जो होना है वह अपने-आप हो जाएगा, अब और कुछ करने की आवश्यकता नहीं। ऐसा कहकर उस प्रियतमा (पार्वती) ने अपनी सखी को वहाँ भेज दिया।

श्लोक 44 (shiva.rudra.132.44)

समागत्याऽब्रवीत्सा च प्रियया कथितं हि यत् । समाचष्ट गणेशं तं गिरिजातनयं तदा

samāgatyā'bravītsā ca priyayā kathitaṁ hi yat samācaṣṭa gaṇeśaṁ taṁ girijātanayaṁ tadā

वहाँ जाकर उसने प्रियतमा द्वारा कहा गया वह सब गिरिजा-पुत्र गणेश को जाकर कह सुनाया।

श्लोक 45 (shiva.rudra.132.45)

सख्युवाच सम्यक्कृतं त्वया भद्र बलात्ते प्रविशन्तु न । भवदग्रे गणा ह्येते किं जयन्तु भवादृशम्

sakhyuvāca samyakkṛtaṁ tvayā bhadra balātte praviśantu na bhavadagre gaṇā hyete kiṁ jayantu bhavādṛśam

सखी ने कहा -- तुमने भलीभाँति किया है, हे कल्याण! उन्हें बलपूर्वक प्रवेश न करने दो। क्या ये मामूली गण तुम्हारे जैसे को हरा पाएँगे, जिनके सामने वे खड़े हैं?

श्लोक 46 (shiva.rudra.132.46)

कृतं चेद्वाकृतं चैव कर्त्तव्यं क्रियतां त्वया । जितो यस्तु पुनर्वापि न वैरमथ वा ध्रुवम्

kṛtaṁ cedvākṛtaṁ caiva karttavyaṁ kriyatāṁ tvayā jito yastu punarvāpi na vairamatha vā dhruvam

जो भी करना हो या न करना हो, वह सब तुम्हें ही करना होगा। और जो एक बार परास्त हो जाता है, फिर उससे कोई वैर नहीं रह जाता, यह निश्चित है।

श्लोक 47 (shiva.rudra.132.47)

ब्रह्मोवाच इति श्रुत्वा वचस्तस्या मातुश्चैव गणेश्वरः । आनन्दं परमं प्राप बलं भूरि महोन्नतिम्

brahmovāca iti śrutvā vacastasyā mātuścaiva gaṇeśvaraḥ ānandaṁ paramaṁ prāpa balaṁ bhūri mahonnatim

ब्रह्मा जी ने कहा -- अपनी माता के इन वचनों को सुनकर गणेश्वर को परम आनंद, प्रचुर बल और महान उत्साह प्राप्त हुआ।

श्लोक 48 (shiva.rudra.132.48)

बद्धकक्षस्तथोष्णीषं बद्ध्वा जङ्घोरु संस्पृशन् । उवाच तान् गणान् सर्वान् निर्भयं वचनं मुदा

baddhakakṣastathoṣṇīṣaṁ baddhvā jaṅghoru saṁspṛśan uvāca tān gaṇān sarvān nirbhayaṁ vacanaṁ mudā

कमरबंद बाँधकर, पगड़ी कसकर, अपनी जंघाओं और पिंडलियों पर हाथ थपथपाते हुए, उसने हर्षपूर्वक उन सब गणों से निर्भय वचन कहे।

श्लोक 49 (shiva.rudra.132.49)

गणेश उवाच अहं च गिरिजासूनुर्यूयं शिवगणास्तथा । उभये समतां प्राप्ताः कर्तव्यं क्रियतां पुनः

gaṇeśa uvāca ahaṁ ca girijāsūnuryūyaṁ śivagaṇāstathā ubhaye samatāṁ prāptāḥ kartavyaṁ kriyatāṁ punaḥ

गणेश ने कहा -- मैं गिरिजा का पुत्र हूँ, और तुम शिवगण हो; अब हम दोनों समान स्तर पर आ गए हैं -- जो करना है वह पुनः किया जाए।

श्लोक 50 (shiva.rudra.132.50)

भवन्तो द्वारपालाश्च द्वारपोऽहं कथं न हि । भवन्तश्च स्थितास्तत्राऽहं स्थितोऽत्रेति निश्चितम्

bhavanto dvārapālāśca dvārapo'haṁ kathaṁ na hi bhavantaśca sthitāstatrā'haṁ sthito'treti niścitam

तुम द्वारपाल हो, तो क्या मैं द्वारपाल नहीं हूँ? तुम वहाँ खड़े हो, मैं यहाँ खड़ा हूँ -- यह निश्चित है।

श्लोक 51 (shiva.rudra.132.51)

भवद्भिश्च स्थितं ह्यत्र यदा भवति निश्चितम् । तदा भवद्भिः कर्त्तव्यं शिवाज्ञापरिपालनम्

bhavadbhiśca sthitaṁ hyatra yadā bhavati niścitam tadā bhavadbhiḥ karttavyaṁ śivājñāparipālanam

जब यह निश्चित है कि तुम यहाँ स्थित हो, तो तुम्हें भी शिव की आज्ञा का पालन ही करना चाहिए।

श्लोक 52 (shiva.rudra.132.52)

इदानीं तु मया चात्र शिवाज्ञापरिपालनम् । सत्यं च क्रियते वीरा निर्णीतं मे यथोचितम्

idānīṁ tu mayā cātra śivājñāparipālanam satyaṁ ca kriyate vīrā nirṇītaṁ me yathocitam

अब यहाँ मैं भी शिव की आज्ञा का ही पालन कर रहा हूँ, यह सत्य है, हे वीरो, यह मैंने यथोचित निर्णय लिया है।

श्लोक 53 (shiva.rudra.132.53)

तस्माच्छिवगणाःसर्वे वचनं शृणुतादरात् । हठाद्वा विनयाद्वा न गन्तव्यं मन्दिरे पुनः

tasmācchivagaṇāḥsarve vacanaṁ śṛṇutādarāt haṭhādvā vinayādvā na gantavyaṁ mandire punaḥ

इसलिए, हे शिवगणो, तुम सब आदरपूर्वक मेरा वचन सुनो -- न बलपूर्वक, न विनयपूर्वक, फिर से इस मंदिर में तुम प्रवेश नहीं पाओगे।

श्लोक 54 (shiva.rudra.132.54)

ब्रह्मोवाच इत्युक्तास्ते गणेनैव सर्वे ते लज्जिता गणाः । ययुः शिवान्तिकं तं वै नमस्कृत्य पुरः स्थिताः

brahmovāca ityuktāste gaṇenaiva sarve te lajjitā gaṇāḥ yayuḥ śivāntikaṁ taṁ vai namaskṛtya puraḥ sthitāḥ

ब्रह्मा जी ने कहा -- उस गण द्वारा ऐसा कहे जाने पर वे सभी गण लज्जित होकर शिव के पास गए, और प्रणाम करके उनके सामने खड़े हो गए।

श्लोक 55 (shiva.rudra.132.55)

स्थित्वा न्यवेदयन्सर्वे वृत्तान्तं च तदद्भुतम् । करौ बद्ध्वा नतस्कन्धाः शिवं स्तुत्वा पुरः स्थिताः

sthitvā nyavedayansarve vṛttāntaṁ ca tadadbhutam karau baddhvā nataskandhāḥ śivaṁ stutvā puraḥ sthitāḥ

वहाँ खड़े होकर उन सबने वह अद्भुत वृत्तांत सुनाया, और हाथ जोड़कर, सिर झुकाकर, शिव की स्तुति करके वे सामने खड़े रहे।

श्लोक 56 (shiva.rudra.132.56)

तत्सर्वं तु तदा श्रुत्वा वृत्तं तत्स्वगणोदितम् । लौकिकीं वृत्तिमाश्रित्य शङ्करो वाक्यमब्रवीत्

tatsarvaṁ tu tadā śrutvā vṛttaṁ tatsvagaṇoditam laukikīṁ vṛttimāśritya śaṅkaro vākyamabravīt

अपने गणों द्वारा कहा गया वह सारा वृत्तांत सुनकर, शंकर ने लौकिक व्यवहार का आश्रय लेते हुए यह वचन कहा।

श्लोक 57 (shiva.rudra.132.57)

शङ्कर उवाच श्रूयतां च गणाःसर्वे युद्धं योग्यं भवेन्न हि । यूयं चात्रास्मदीया वै स च गौरीगणस्तथा

śaṅkara uvāca śrūyatāṁ ca gaṇāḥsarve yuddhaṁ yogyaṁ bhavenna hi yūyaṁ cātrāsmadīyā vai sa ca gaurīgaṇastathā

शंकर ने कहा -- सुनो, हे सभी गणो, युद्ध उचित नहीं होगा। तुम सब यहाँ मेरे अपने हो, और वह भी गौरी का ही गण है।

श्लोक 58 (shiva.rudra.132.58)

विनयः क्रियते चेद्वै वश्यः शम्भुः स्त्रिया सदा । इति ख्यातिर्भवेल्लोके गर्हिता मे गणा ध्रुवम्

vinayaḥ kriyate cedvai vaśyaḥ śambhuḥ striyā sadā iti khyātirbhavelloke garhitā me gaṇā dhruvam

यदि मैं यहाँ विनयपूर्वक निर्णय करूँ, तो लोक में यही प्रसिद्धि होगी कि शंभु सदा स्त्री के वश में रहता है -- यह मेरे लिए निंदनीय होगा, हे गणो।

श्लोक 59 (shiva.rudra.132.59)

कृते चैवात्र कर्तव्यमिति नीतिर्गरीयसी । एकाकी स गणो बालः किं करिष्यति विक्रमम्

kṛte caivātra kartavyamiti nītirgarīyasī ekākī sa gaṇo bālaḥ kiṁ kariṣyati vikramam

एक बार जो निश्चय कर लिया गया, उसे पूरा करना ही नीति है। वह अकेला बालक गण भला क्या पराक्रम दिखा सकता है?

श्लोक 60 (shiva.rudra.132.60)

भवन्तश्च गणा लोके युद्धे चाति विशारदाः । मदीयाश्च कथं युद्धं हित्वा यास्यथ लाघवम्

bhavantaśca gaṇā loke yuddhe cāti viśāradāḥ madīyāśca kathaṁ yuddhaṁ hitvā yāsyatha lāghavam

तुम सब गण संसार में युद्धकला में अत्यंत निपुण माने जाते हो -- मेरे ही गण होकर युद्ध छोड़कर लघुता को कैसे प्राप्त होगे?

श्लोक 61 (shiva.rudra.132.61)

स्त्रियाऽऽग्रहः कथं कार्यो पत्युरग्रे विशेषतः । कृत्वा सा गिरिजा तस्य नूनं फलमवाप्स्यति

striyā''grahaḥ kathaṁ kāryo patyuragre viśeṣataḥ kṛtvā sā girijā tasya nūnaṁ phalamavāpsyati

पति के सामने विशेष रूप से पत्नी का हठ भला कैसे स्वीकार किया जाए? ऐसा करके गिरिजा भी निश्चय ही उसका फल पाएगी।

श्लोक 62 (shiva.rudra.132.62)

तस्मात्सर्वे च मद्वीराः शृणुतादरतो वचः । कर्त्तव्यं सर्वथा युद्धं भावि यत्तद्भवत्विति

tasmātsarve ca madvīrāḥ śṛṇutādarato vacaḥ karttavyaṁ sarvathā yuddhaṁ bhāvi yattadbhavatviti

इसलिए, हे मेरे सभी वीरो, आदरपूर्वक मेरा वचन सुनो -- हर हाल में युद्ध ही होना चाहिए। जो होनहार है, वही हो।

श्लोक 63 (shiva.rudra.132.63)

ब्रह्मोवाच इत्युक्त्वा शङ्करो ब्रह्मन् नानालीलाविशारदः । विरराम मुनिश्रेष्ठ दर्शयँल्लौकिकीं गतिम्

brahmovāca ityuktvā śaṅkaro brahman nānālīlāviśāradaḥ virarāma muniśreṣṭha darśaya~llaukikīṁ gatim

ब्रह्मा जी ने कहा -- हे ब्रह्मन्, हे मुनिश्रेष्ठ, नाना लीलाओं में निपुण शंकर यह कहकर, लौकिक व्यवहार दिखाते हुए, चुप हो गए।