विदल-उत्पल-दैत्य-वध-वर्णन

श्लोक 1 (shiva.rudra.197.1)

सनत्कुमार उवाच । शृणु व्यास सुसम्प्रीत्या चरितं परमेशितुः । यथावधीत्स्वप्रियया दैत्यमुद्दिश्य संज्ञया

sanatkumāra uvāca śṛṇu vyāsa susamprītyā caritaṁ parameśituḥ yathāvadhītsvapriyayā daityamuddiśya saṁjñayā

सनत्कुमार ने कहा — हे व्यास! परमेश्वर के उस चरित्र को अत्यन्त प्रेमपूर्वक सुनो, जिसमें उन्होंने अपनी प्रिया को दिए गए संकेत द्वारा दैत्यों का वध कराया।

श्लोक 2 (shiva.rudra.197.2)

आस्तां पुरा महादैत्यौ विदलोत्पलसंज्ञकौ । अपुंवध्यौ महावीरौ सुदृप्तौ वरतो विधेः

āstāṁ purā mahādaityau vidalotpalasaṁjñakau apuṁvadhyau mahāvīrau sudṛptau varato vidheḥ

पूर्वकाल में विदल और उत्पल नामक दो महादैत्य थे, महावीर, किसी पुरुष के लिए अवध्य, ब्रह्मा के वर से अत्यन्त गर्वित —

श्लोक 3 (shiva.rudra.197.3)

तृणीकृतत्रिजगती पुरुषाभ्यां स्वदोर्बलात् । ताभ्यां सर्वे सुरा ब्रह्मन् दैत्याभ्यां निर्जिता रणे

tṛṇīkṛtatrijagatī puruṣābhyāṁ svadorbalāt tābhyāṁ sarve surā brahman daityābhyāṁ nirjitā raṇe

जिन्होंने अपनी भुजाओं के बल से त्रिलोकी को तृणवत् बना डाला था। हे ब्रह्मन्! उन दोनों दैत्यों द्वारा युद्ध में समस्त देवता पराजित हुए।

श्लोक 4 (shiva.rudra.197.4)

ताभ्यां पराजिता देवा विधेस्ते शरणं गताः । नत्वा तं विधिवत्सर्वे कथयामासुरादरात्

tābhyāṁ parājitā devā vidheste śaraṇaṁ gatāḥ natvā taṁ vidhivatsarve kathayāmāsurādarāt

उनसे पराजित देवता ब्रह्मा की शरण में गए, और विधिवत् प्रणाम करके आदरपूर्वक उन्हें सब कुछ कह सुनाया।

श्लोक 5 (shiva.rudra.197.5)

इति ब्रह्मा ह्यवोचत्तान् देव्या वध्यौ च तौ ध्रुवम् । धैर्यं कुरुत संस्मृत्य सशिवां शिवमादरात्

iti brahmā hyavocattān devyā vadhyau ca tau dhruvam dhairyaṁ kuruta saṁsmṛtya saśivāṁ śivamādarāt

इस प्रकार ब्रह्मा ने उनसे कहा — "वे दोनों निश्चय ही देवी द्वारा ही वध्य हैं; धैर्य धारण करो और आदरपूर्वक शिवा सहित शिव का स्मरण करो।

श्लोक 6 (shiva.rudra.197.6)

भक्तवत्सलनामासौ सशिवाशङ्करः शिवः । शं करिष्यत्यदीर्घेण कालेन परमेश्वरः

bhaktavatsalanāmāsau saśivāśaṅkaraḥ śivaḥ śaṁ kariṣyatyadīrgheṇa kālena parameśvaraḥ

भक्तवत्सल नाम वाले वे शिवा-सहित शंकर, परमेश्वर शिव, शीघ्र ही तुम्हारा कल्याण करेंगे।"

श्लोक 7 (shiva.rudra.197.7)

सनत्कुमार उवाच इत्युक्त्वा तांस्ततो ब्रह्मा तूष्णीमासीच्छिवं स्म्रन् । तेऽपि देवा मुदं प्राप्य स्वं स्वं धाम ययुस्तदा

sanatkumāra uvāca ityuktvā tāṁstato brahmā tūṣṇīmāsīcchivaṁ smran te'pi devā mudaṁ prāpya svaṁ svaṁ dhāma yayustadā

सनत्कुमार ने कहा — उनसे ऐसा कहकर ब्रह्मा शिव का स्मरण करते हुए मौन हो गए; तब वे देवता भी प्रसन्न होकर अपने-अपने धाम को चले गए।

श्लोक 8 (shiva.rudra.197.8)

अथ नारददेवर्षिः शिवप्रेरणया तदा । गत्वा तदीयभवनं शिवासौन्दर्यमुज्जगौ

atha nāradadevarṣiḥ śivapreraṇayā tadā gatvā tadīyabhavanaṁ śivāsaundaryamujjagau

तब शिव की प्रेरणा से देवर्षि नारद ने उन दोनों के भवन में जाकर शिवा (देवी) के सौन्दर्य का गुणगान किया।

श्लोक 9 (shiva.rudra.197.9)

श्रुत्वा तद्वचनं दैत्यावास्तां मायाविमोहितौ । देवीं परिजिहीर्षू तौ विषमेषुप्रपीडितौ

śrutvā tadvacanaṁ daityāvāstāṁ māyāvimohitau devīṁ parijihīrṣū tau viṣameṣuprapīḍitau

उनका वह वचन सुनकर वे दोनों दैत्य माया से मोहित हो गए, कामबाणों से पीड़ित होकर देवी को हरने की इच्छा करने लगे।

श्लोक 10 (shiva.rudra.197.10)

विचारयामासतुस्तौ कदा कुत्र शिवा च सा । भविष्यति विधेः प्राप्तोदयान्नाविति

vicārayāmāsatustau kadā kutra śivā ca sā bhaviṣyati vidheḥ prāptodayānnāviti

वे दोनों विचार करने लगे कि ब्रह्मा से प्राप्त वर के अनुसार वह शिवा कब और कहाँ मिलेगी।

श्लोक 11 (shiva.rudra.197.11)

एकस्मिन्समये शम्भुर्विजहार सुलीलया । कौतुकेनैव चिक्रीडे शिवा कन्दुकलीलया

ekasminsamaye śambhurvijahāra sulīlayā kautukenaiva cikrīḍe śivā kandukalīlayā

एक समय शम्भु सुन्दर लीला से विहार कर रहे थे, और शिवा कौतुकवश गेंद-क्रीड़ा में मग्न हो गईं —

श्लोक 12 (shiva.rudra.197.12)

सखीभिः सह सुप्रीत्या कौतुकाच्छिवसन्निधौ

sakhībhiḥ saha suprītyā kautukācchivasannidhau

सखियों के साथ बड़े प्रेम और कौतुक से शिव के समीप ही।

श्लोक 13 (shiva.rudra.197.13)

उदञ्चन्त्यञ्चदङ्गानां लाघवं परितन्वती । निश्वासामोदमुदितभ्रमराकुलितेक्षणा

udañcantyañcadaṅgānāṁ lāghavaṁ paritanvatī niśvāsāmodamuditabhramarākulitekṣaṇā

उठते-झुकते अंगों की लाघवता प्रकट करती हुई, श्वास की सुगन्ध से प्रसन्न भ्रमरों से व्याकुल नेत्रों वाली,

श्लोक 14 (shiva.rudra.197.14)

भ्रश्यद्धम्मिल्लसन्माल्यस्वपुराकृतभूमिका । स्विद्यत्कपोलपत्रालीस्रवदम्बुकणोज्ज्वला

bhraśyaddhammillasanmālyasvapurākṛtabhūmikā svidyatkapolapatrālīsravadambukaṇojjvalā

जिसका खुलता हुआ केश-गुच्छ अपनी सुन्दर माला बिखेरकर भूमि पर अपना चिह्न बना रहा था, तथा जिसके कपोलों पर पत्र-रचना से पसीने की बूँदें बह रही थीं,

श्लोक 15 (shiva.rudra.197.15)

स्फुटच्चोलांशुकपथतिर्यदङ्गप्रभावृता । उल्लसत्कन्दुकास्फालातिश्रोणितकराम्बुजा

sphuṭaccolāṁśukapathatiryadaṅgaprabhāvṛtā ullasatkandukāsphālātiśroṇitakarāmbujā

जिसके खुलते चोली-वस्त्र से अंगों की आभा तिरछी झलक रही थी, बार-बार उछलती गेंद से जिसके कर-कमल अत्यन्त लाल हो गए थे,

श्लोक 16 (shiva.rudra.197.16)

कन्दुकानुगसद्दृष्टिनर्तितभ्रूलताञ्चला । मृडानी किल खेलन्ती ददृशे जगदम्बिका

kandukānugasaddṛṣṭinartitabhrūlatāñcalā mṛḍānī kila khelantī dadṛśe jagadambikā

गेंद का अनुसरण करती हुई सुन्दर दृष्टि से जिसकी भ्रूलता नृत्य कर रही थी — इस प्रकार वह मृडानी, जगदम्बिका, खेलती हुई दिखाई दीं।

श्लोक 17 (shiva.rudra.197.17)

अन्तरिक्षचराभ्यां च दितिजाभ्यां कटाक्षिता । क्रोडीकृताभ्यामिव वै समुपस्थितमृत्युना

antarikṣacarābhyāṁ ca ditijābhyāṁ kaṭākṣitā kroḍīkṛtābhyāmiva vai samupasthitamṛtyunā

आकाशचारी उन दोनों दितिपुत्रों ने उन्हें तिरछी दृष्टि से देखा, मानो वे स्वयं अपनी मृत्यु को गोद में लेकर वहाँ आए हों —

श्लोक 18 (shiva.rudra.197.18)

विदलोत्पलसंज्ञाभ्यां दृप्ताभ्यां वरतो विधेः । तृणीकृतत्रिजगतीपुरुषाभ्यां स्वदोर्बलात्

vidalotpalasaṁjñābhyāṁ dṛptābhyāṁ varato vidheḥ tṛṇīkṛtatrijagatīpuruṣābhyāṁ svadorbalāt

विदल और उत्पल नामक उन दोनों, ब्रह्मा के वर से गर्वित, जिन्होंने अपनी भुजाओं के बल से त्रिलोकी को तृणवत् बना डाला था —

श्लोक 19 (shiva.rudra.197.19)

देवीं तां सञ्जिहीर्षन्तौ विषमेषुप्रपीडितौ । दिव उत्तेरतुः क्षिप्रं मायां स्वीकृत्य शाम्बरीम्

devīṁ tāṁ sañjihīrṣantau viṣameṣuprapīḍitau diva utteratuḥ kṣipraṁ māyāṁ svīkṛtya śāmbarīm

उन्होंने देवी को हरने की इच्छा से, कामबाणों से पीड़ित होकर, शाम्बरी माया धारण कर शीघ्र आकाश से उतरकर,

श्लोक 20 (shiva.rudra.197.20)

धृत्वा पारिषदीं मायामायातामम्बिकान्तिकम् । तावत्यन्तं सुदुर्वृत्तावतिचञ्चलमानसौ

dhṛtvā pāriṣadīṁ māyāmāyātāmambikāntikam tāvatyantaṁ sudurvṛttāvaticañcalamānasau

अम्बिका की सखियों का रूप धारण कर उनके निकट आ पहुँचे — वे दोनों अत्यन्त दुराचारी, अत्यन्त चंचल-मन।

श्लोक 21 (shiva.rudra.197.21)

अथ दुष्टनिहन्त्रा वै सावज्ञेन हरेण तौ । विज्ञातौ च क्षणादास्तां चाञ्चल्याल्लोचनोद्भवात्

atha duṣṭanihantrā vai sāvajñena hareṇa tau vijñātau ca kṣaṇādāstāṁ cāñcalyāllocanodbhavāt

किन्तु दुष्टों के संहारक हर ने उन्हें एक ही अवज्ञापूर्ण दृष्टि से, उनकी नेत्रों की चंचलता के कारण, तत्काल पहचान लिया।

श्लोक 22 (shiva.rudra.197.22)

कटाक्षिताथ देवेन दुर्गा दुर्गतिघातिनी । दैत्याविमाविति गणौ नेति सर्वस्वरूपिणा

kaṭākṣitātha devena durgā durgatighātinī daityāvimāviti gaṇau neti sarvasvarūpiṇā

तब सर्वस्वरूप देव ने संकेत करते हुए दुर्गा — दुर्गति की संहारक — को कटाक्ष से बताया कि "ये दोनों दैत्य हैं, गणिकाएँ नहीं।"

श्लोक 23 (shiva.rudra.197.23)

अथ सा नेत्रसंज्ञां स्वस्वामिनस्तां बुबोध ह । महाकौतुकिनस्तात शङ्करस्य परेशितुः

atha sā netrasaṁjñāṁ svasvāminastāṁ bubodha ha mahākautukinastāta śaṅkarasya pareśituḥ

हे तात! तब उन्होंने अपने स्वामी, महाकौतुकी परेश शंकर के उस नेत्र-संकेत को समझ लिया।

श्लोक 24 (shiva.rudra.197.24)

ततो विज्ञाय संज्ञां तां सर्वज्ञार्द्धशरीरिणी । तेनैव कन्दुकेनाथ युगपन्निर्जघान तौ

tato vijñāya saṁjñāṁ tāṁ sarvajñārddhaśarīriṇī tenaiva kandukenātha yugapannirjaghāna tau

उस संकेत को समझकर, सर्वज्ञ (शिव) के आधे शरीर-स्वरूपा उस देवी ने उसी गेंद से एक साथ दोनों को मार गिराया।

श्लोक 25 (shiva.rudra.197.25)

महाबलौ महादेव्या कन्दुकेन समाहतौ । परिभ्रम्य परिभ्रम्य तौ दुष्टौ विनिपेततुः

mahābalau mahādevyā kandukena samāhatau paribhramya paribhramya tau duṣṭau vinipetatuḥ

महादेवी की गेंद से आहत हुए वे दोनों महाबली दुष्ट घूमते-घूमते गिर पड़े —

श्लोक 26 (shiva.rudra.197.26)

वृन्तादिव फले पक्वे तालेनानिललोलिते । दम्भोलिना परिहते शृङ्गे इव महागिरेः

vṛntādiva phale pakve tālenānilalolite dambholinā parihate śṛṅge iva mahāgireḥ

जैसे पका हुआ फल हवा से हिलाए गए ताड़ के वृक्ष से डंठल से टूटकर गिरता है, या जैसे वज्र से टकराया हुआ महापर्वत का शिखर गिरता है।

श्लोक 27 (shiva.rudra.197.27)

तौ निपात्य महादैत्यावकार्यकरणोद्यतौ । ततः परिणतिं यातो लिङ्गरूपेण कन्दुकः

tau nipātya mahādaityāvakāryakaraṇodyatau tataḥ pariṇatiṁ yāto liṅgarūpeṇa kandukaḥ

उन दोनों महादैत्यों को, जो अनुचित कार्य करने पर उद्यत थे, गिराकर, वह गेंद तब लिंग-रूप में परिणत हो गई।

श्लोक 28 (shiva.rudra.197.28)

कन्दुकेश्वरसंज्ञं च तल्लिङ्गमभवत्तदा । ज्येष्ठेश्वरसमीपे तु सर्वदुष्टनिवारणम्

kandukeśvarasaṁjñaṁ ca talliṅgamabhavattadā jyeṣṭheśvarasamīpe tu sarvaduṣṭanivāraṇam

वह लिंग तब "कन्दुकेश्वर" नाम से प्रसिद्ध हुआ, ज्येष्ठेश्वर के समीप, जो सम्पूर्ण दुष्टों का निवारक है।

श्लोक 29 (shiva.rudra.197.29)

एतस्मिन्नेव समये हरिब्रह्मादयः सुराः । शिवाविर्भावमाज्ञाय ऋषयश्च समाययुः

etasminneva samaye haribrahmādayaḥ surāḥ śivāvirbhāvamājñāya ṛṣayaśca samāyayuḥ

इसी समय हरि, ब्रह्मा आदि देवता तथा ऋषिगण, शिव के इस प्राकट्य को जानकर वहाँ आ पहुँचे।

श्लोक 30 (shiva.rudra.197.30)

अथ सर्वे सुराः शम्भोर्वरान्प्राप्य तदाज्ञया । स्वधामानि ययुः प्रीतास्तथा काशीनिवासिनः

atha sarve surāḥ śambhorvarānprāpya tadājñayā svadhāmāni yayuḥ prītāstathā kāśīnivāsinaḥ

तत्पश्चात् समस्त देवता शम्भु से वर प्राप्त कर, उनकी ही आज्ञा से प्रसन्नतापूर्वक अपने-अपने धाम को चले गए, और वैसे ही काशीवासी भी।

श्लोक 31 (shiva.rudra.197.31)

साम्बिकं शङ्करं दृष्ट्वा कृताञ्जलिपुटाश्च ते । प्रणम्य तुष्टुवुर्भक्त्या वाग्भिरिष्टाभिरादरात्

sāmbikaṁ śaṅkaraṁ dṛṣṭvā kṛtāñjalipuṭāśca te praṇamya tuṣṭuvurbhaktyā vāgbhiriṣṭābhirādarāt

साम्बिका (अम्बिका सहित) शंकर को देखकर उन्होंने हाथ जोड़कर, प्रणाम करके, भक्तिपूर्वक आदरणीय वचनों से उनकी स्तुति की।

श्लोक 32 (shiva.rudra.197.32)

साम्बिकोऽपि शिवो व्यास क्रीडित्वा सुविहारवित् । जगाम स्वालयं प्रीतः सगणो भक्तवत्सलः

sāmbiko'pi śivo vyāsa krīḍitvā suvihāravit jagāma svālayaṁ prītaḥ sagaṇo bhaktavatsalaḥ

हे व्यास! साम्बिका शिव भी, सुविहार में निपुण, क्रीड़ा करके प्रसन्नतापूर्वक अपने गणों सहित, भक्तवत्सल होकर अपने धाम को लौट गए।

श्लोक 33 (shiva.rudra.197.33)

कन्दुकेश्वरलिङ्गं च काश्यां दुष्टनिबर्हणम् । भुक्तिमुक्तिप्रदं सर्वकामदं सर्वदा सताम्

kandukeśvaraliṅgaṁ ca kāśyāṁ duṣṭanibarhaṇam bhuktimuktipradaṁ sarvakāmadaṁ sarvadā satām

काशी में यह कन्दुकेश्वर लिंग, दुष्टों का नाशक, सज्जनों को सदा भोग, मोक्ष तथा सभी कामनाएँ देने वाला है।

श्लोक 34 (shiva.rudra.197.34)

इदमाख्यानमतुलं शृणुयाद्यो मुदान्वितः । श्रावयेद्वा पठेद्यश्च तस्य दुःखभयं कुतः

idamākhyānamatulaṁ śṛṇuyādyo mudānvitaḥ śrāvayedvā paṭhedyaśca tasya duḥkhabhayaṁ kutaḥ

जो कोई इस अनुपम आख्यान को हर्षपूर्वक सुनता है, सुनाता है या पढ़ता है, उसे दुःख और भय कहाँ रह सकता है?

श्लोक 35 (shiva.rudra.197.35)

इह सर्वसुखं भुक्त्वा नानाविधमनुत्तमम् । परत्र लभते दिव्यां गतिं वै देवदुर्लभाम्

iha sarvasukhaṁ bhuktvā nānāvidhamanuttamam paratra labhate divyāṁ gatiṁ vai devadurlabhām

वह यहाँ नाना प्रकार के अनुपम सुखों का भोग करके, परलोक में देवताओं को भी दुर्लभ ऐसी दिव्य गति प्राप्त करता है।

श्लोक 36 (shiva.rudra.197.36)

इति ते वर्णितं तात चरितं परमाद्भुतम् । शिवयोर्भक्तवात्सल्यसुचकं शिवदं सताम्

iti te varṇitaṁ tāta caritaṁ paramādbhutam śivayorbhaktavātsalyasucakaṁ śivadaṁ satām

हे तात! इस प्रकार तुम्हें यह परम अद्भुत चरित्र वर्णित किया गया, जो शिव-शिवा के भक्तवात्सल्य का सूचक तथा सज्जनों के लिए कल्याणकारी है।

श्लोक 37 (shiva.rudra.197.37)

ब्रह्मोवाच इत्युक्त्वामन्त्र्य तं व्यासं तन्नुतो मद्वरात्मजः । ययौ विहायसा काशीं चरितं शशिमौलिनः

brahmovāca ityuktvāmantrya taṁ vyāsaṁ tannuto madvarātmajaḥ yayau vihāyasā kāśīṁ caritaṁ śaśimaulinaḥ

ब्रह्मा ने कहा — ऐसा कहकर, उस व्यास को सम्बोधित करके, उनके द्वारा स्तुत, मेरे वर से उत्पन्न पुत्र (सनत्कुमार) आकाश-मार्ग से काशी चले गए — यह शशिमौलि का चरित्र है।

श्लोक 38 (shiva.rudra.197.38)

युद्धखण्डमिदं प्रोक्तं मया ते मुनिसत्तम । रौद्रीयसंहितामध्ये सर्वकामफलप्रदम्

yuddhakhaṇḍamidaṁ proktaṁ mayā te munisattama raudrīyasaṁhitāmadhye sarvakāmaphalapradam

हे मुनिसत्तम! यह युद्धखण्ड मैंने तुम्हें रौद्री संहिता के अन्तर्गत कहा है, जो सर्वकामना-फलप्रद है।

श्लोक 39 (shiva.rudra.197.39)

इयं हि संहिता रौद्री सम्पूर्णा वर्णिता मया । सदाशिवप्रियतरा भुक्तिमुक्तिफलप्रदा

iyaṁ hi saṁhitā raudrī sampūrṇā varṇitā mayā sadāśivapriyatarā bhuktimuktiphalapradā

यह रौद्री संहिता मेरे द्वारा सम्पूर्ण रूप से वर्णित की गई है — सदाशिव को अत्यन्त प्रिय, भोग और मोक्ष का फल देने वाली।

श्लोक 40 (shiva.rudra.197.40)

इमां यश्च पठेन्नित्यं शत्रुबाधानिवारिकाम् । सर्वान्कामानवाप्नोति ततो मुक्तिं लभेत ना

imāṁ yaśca paṭhennityaṁ śatrubādhānivārikām sarvānkāmānavāpnoti tato muktiṁ labheta nā

जो कोई इसे नित्य पढ़ता है, जो शत्रु-बाधा का निवारण करने वाली है, वह समस्त कामनाओं को प्राप्त करके फिर मुक्ति भी प्राप्त करता है।

श्लोक 41 (shiva.rudra.197.41)

सूत उवाच इति ब्रह्मसुतः श्रुत्वा पित्रा शिवयशः परम् । शतनामाप्य शम्भोश्च कृतार्थोऽभूच्छिवानुगः

sūta uvāca iti brahmasutaḥ śrutvā pitrā śivayaśaḥ param śatanāmāpya śambhośca kṛtārtho'bhūcchivānugaḥ

सूत ने कहा — इस प्रकार ब्रह्मपुत्र (नारद) ने अपने पिता से शिव का यह परम यश तथा शम्भु के सौ नाम प्राप्त कर, शिवानुगामी होकर कृतार्थ हो गए।

श्लोक 42 (shiva.rudra.197.42)

ब्रह्मनारदसंवादः सम्पूर्णः कथितो मया । शिवः सर्वप्रधानो हिकिं भूयः श्रोतुमिच्छिसि

brahmanāradasaṁvādaḥ sampūrṇaḥ kathito mayā śivaḥ sarvapradhāno hikiṁ bhūyaḥ śrotumicchisi

मैंने ब्रह्मा-नारद संवाद को सम्पूर्ण रूप से कह दिया है; शिव ही सबसे प्रधान हैं — अब और क्या सुनना चाहते हो?