दुन्दुभिनिर्ह्राद-दैत्य-वध-वर्णन

श्लोक 1 (shiva.rudra.196.1)

सनत्कुमार उवाच । शृणु व्यास प्रवक्ष्यामि चरितं शशिमौलिनः । यथा दुन्दुभिनिर्ह्रादमवधीद्दितिजं हरः

sanatkumāra uvāca śṛṇu vyāsa pravakṣyāmi caritaṁ śaśimaulinaḥ yathā dundubhinirhrādamavadhīdditijaṁ haraḥ

सनत्कुमार ने कहा — हे व्यास! सुनो, मैं शशिमौलि (शिव) का वह चरित्र कहूँगा, जिसमें हर ने दिति-पुत्र दुन्दुभिनिर्ह्राद का वध किया।

श्लोक 2 (shiva.rudra.196.2)

हिरण्याक्षे हते दैत्ये दितिपुत्रे महाबले । विष्णुदेवेन कालेन प्राप दुखं महद्दितिः

hiraṇyākṣe hate daitye ditiputre mahābale viṣṇudevena kālena prāpa dukhaṁ mahadditiḥ

दिति के महाबली पुत्र दैत्य हिरण्याक्ष के काल के अनुसार विष्णुदेव द्वारा मारे जाने पर दिति को महान् दुःख प्राप्त हुआ।

श्लोक 3 (shiva.rudra.196.3)

दैत्यो दुन्दुभिनिर्ह्रादो दुष्टः प्रह्लादमातुलः । सान्त्वयामास तां वाग्भिर्दुःखितां देवदुःखदः

daityo dundubhinirhrādo duṣṭaḥ prahlādamātulaḥ sāntvayāmāsa tāṁ vāgbhirduḥkhitāṁ devaduḥkhadaḥ

देवताओं को दुःख देने वाले दुष्ट दैत्य दुन्दुभिनिर्ह्राद, जो प्रह्लाद के मामा थे, ने दुःखी दिति को वचनों से सान्त्वना दी।

श्लोक 4 (shiva.rudra.196.4)

अथ दैत्यः स मायावी दितिमाश्वास्य दैत्यराट् । देवाः कथं सुजेयाः स्युरित्युपायमचिन्तयत्

atha daityaḥ sa māyāvī ditimāśvāsya daityarāṭ devāḥ kathaṁ sujeyāḥ syurityupāyamacintayat

तब उस मायावी दैत्यराज ने दिति को आश्वासन देकर विचार किया कि देवताओं को कैसे सरलता से जीता जा सकता है।

श्लोक 5 (shiva.rudra.196.5)

देवैश्च घातितो वीरो हिरण्याक्षो महासुरः । विष्णुना च सह भ्रात्रा सच्छलैर्दैत्यवैरिभिः

devaiśca ghātito vīro hiraṇyākṣo mahāsuraḥ viṣṇunā ca saha bhrātrā sacchalairdaityavairibhiḥ

"हिरण्याक्ष जैसा महासुर वीर देवताओं द्वारा तथा अपने भाई विष्णु द्वारा दैत्यों के शत्रुओं की छलपूर्ण युक्तियों से मारा गया।"

श्लोक 6 (shiva.rudra.196.6)

किं बलाश्च किमाहारा किमाधारा हि निर्जराः । मया कथं सुजेयाः स्युरित्युपायमचिन्तयत्

kiṁ balāśca kimāhārā kimādhārā hi nirjarāḥ mayā kathaṁ sujeyāḥ syurityupāyamacintayat

"देवताओं का बल क्या है, उनका आहार क्या है, वे किस पर आधारित हैं? मैं उन्हें कैसे सरलता से जीत सकता हूँ?" — ऐसा उपाय उसने सोचा।

श्लोक 7 (shiva.rudra.196.7)

विचार्य बहुशो दैत्यस्तत्त्वं विज्ञाय निश्चितम् । अवश्यमग्रजन्मानो हेतवोऽत्र विचारतः

vicārya bahuśo daityastattvaṁ vijñāya niścitam avaśyamagrajanmāno hetavo'tra vicārataḥ

बहुत विचार करके, तथ्य को निश्चित रूप से जानकर वह दैत्य इस निष्कर्ष पर पहुँचा कि विचार करने पर निश्चय ही ब्राह्मण ही इसका कारण हैं।

श्लोक 8 (shiva.rudra.196.8)

ब्राह्मणान्हन्तुमसकृदन्वधावत वै ततः । दैत्यो दुन्दुभिनिर्ह्रादो देववैरी महाखलः

brāhmaṇānhantumasakṛdanvadhāvata vai tataḥ daityo dundubhinirhrādo devavairī mahākhalaḥ

तब देवताओं का शत्रु, महाखल दैत्य दुन्दुभिनिर्ह्राद बार-बार ब्राह्मणों को मारने के लिए दौड़ने लगा।

श्लोक 9 (shiva.rudra.196.9)

यतः क्रतुभुजो देवाः क्रतवो वेदसम्भवाः । ते वेदा ब्राह्मणाधारास्ततो देवबलं द्विजाः

yataḥ kratubhujo devāḥ kratavo vedasambhavāḥ te vedā brāhmaṇādhārāstato devabalaṁ dvijāḥ

क्योंकि देवता यज्ञ का भोग करते हैं, यज्ञ वेद से उत्पन्न होते हैं, वे वेद ब्राह्मणों पर आधारित हैं — अतः द्विज ही देवताओं का बल हैं।

श्लोक 10 (shiva.rudra.196.10)

निश्चितं ब्राह्मणाधाराः सर्वे वेदाः सवासवाः । गीर्वाणा ब्राह्मणबला नात्र कार्या विचारणा

niścitaṁ brāhmaṇādhārāḥ sarve vedāḥ savāsavāḥ gīrvāṇā brāhmaṇabalā nātra kāryā vicāraṇā

यह निश्चित है कि इन्द्र सहित समस्त वेद ब्राह्मणों पर आधारित हैं; देवता ब्राह्मणों के बल से बलवान् हैं — इसमें कोई विचारणा आवश्यक नहीं।

श्लोक 11 (shiva.rudra.196.11)

ब्राह्मणा यदि नष्टाः स्युर्वेदा नष्टास्ततः स्वयम् । अतस्तेषु प्रणष्टेषु विनष्टाः सततं सुराः

brāhmaṇā yadi naṣṭāḥ syurvedā naṣṭāstataḥ svayam atasteṣu praṇaṣṭeṣu vinaṣṭāḥ satataṁ surāḥ

यदि ब्राह्मण नष्ट हो जाएँ, तो वेद स्वयं ही नष्ट हो जाएँगे; अतः उनके नष्ट होने पर देवता सदा के लिए नष्ट हो जाएँगे।

श्लोक 12 (shiva.rudra.196.12)

यज्ञेषु नाशं गच्छत्सु हताहारास्ततः सुराः । निर्बलाःसुखजय्याः स्युर्निर्जितेषु सुरेष्वथ

yajñeṣu nāśaṁ gacchatsu hatāhārāstataḥ surāḥ nirbalāḥsukhajayyāḥ syurnirjiteṣu sureṣvatha

यज्ञों के नष्ट हो जाने पर देवताओं का आहार नष्ट हो जाएगा; तब वे निर्बल होकर सरलता से जीते जा सकेंगे — देवताओं के पराजित होने पर,

श्लोक 13 (shiva.rudra.196.13)

अहमेव भविष्यामि मान्यस्त्रिजगतीपतिः । आहरिष्यामि देवानामक्षयाः सर्वसम्पदः

ahameva bhaviṣyāmi mānyastrijagatīpatiḥ āhariṣyāmi devānāmakṣayāḥ sarvasampadaḥ

मैं ही त्रिलोकी का सम्माननीय स्वामी बनूँगा, और देवताओं की अक्षय समस्त सम्पत्ति हर लूँगा।

श्लोक 14 (shiva.rudra.196.14)

निर्वेक्ष्यामि सुखान्येव राज्ये निहतकण्टके । इति निश्चित्य दुर्बुद्धिः पुनश्चिन्तितवान्खलः

nirvekṣyāmi sukhānyeva rājye nihatakaṇṭake iti niścitya durbuddhiḥ punaścintitavānkhalaḥ

काँटे रहित राज्य में मैं केवल सुखों का ही उपभोग करूँगा — ऐसा निश्चय करके वह दुर्बुद्धि दुष्ट पुनः विचार करने लगा —

श्लोक 15 (shiva.rudra.196.15)

द्विजाः क्व सन्ति भूयांसो ब्रह्मतेजोऽतिबृंहिता । श्रुत्यध्ययनसम्पन्नास्तपोबलसमन्विताः

dvijāḥ kva santi bhūyāṁso brahmatejo'tibṛṁhitā śrutyadhyayanasampannāstapobalasamanvitāḥ

सबसे अधिक ब्राह्मण कहाँ हैं, जो ब्रह्मतेज से अत्यन्त पुष्ट, श्रुति-अध्ययन में सम्पन्न तथा तपोबल से युक्त हों?

श्लोक 16 (shiva.rudra.196.16)

भूयसां ब्राह्मणानां तु स्थानं वाराणसी खलु । तामादावुपसंहृत्य यायां तीर्थान्तरं ततः

bhūyasāṁ brāhmaṇānāṁ tu sthānaṁ vārāṇasī khalu tāmādāvupasaṁhṛtya yāyāṁ tīrthāntaraṁ tataḥ

सबसे अधिक ब्राह्मणों का स्थान निश्चय ही वाराणसी है; पहले वहीं संहार करके फिर मैं अन्य तीर्थों में जाऊँगा।

श्लोक 17 (shiva.rudra.196.17)

यत्र यत्र हि तीर्थेषु यत्र यत्राश्रमेषु च । सन्ति सर्वेऽग्रजन्मानस्ते मयाद्याः समन्ततः

yatra yatra hi tīrtheṣu yatra yatrāśrameṣu ca santi sarve'grajanmānaste mayādyāḥ samantataḥ

जहाँ-जहाँ तीर्थों में, जहाँ-जहाँ आश्रमों में द्विज हैं, वे सब सर्वप्रथम मेरे द्वारा ही समाप्त किए जाएँगे।

श्लोक 18 (shiva.rudra.196.18)

इति दुन्दुभिनिर्ह्रादो मतिं कृत्वा कुलोचिताम् । प्राप्यापि काशीं दुर्वृत्तो मायावी न्यवधीद् द्विजान्

iti dundubhinirhrādo matiṁ kṛtvā kulocitām prāpyāpi kāśīṁ durvṛtto māyāvī nyavadhīd dvijān

इस प्रकार दुन्दुभिनिर्ह्राद ने अपने कुल के अनुरूप विचार करके, दुष्टाचारी मायावी होकर काशी पहुँचकर द्विजों का वध करना आरम्भ कर दिया।

श्लोक 19 (shiva.rudra.196.19)

समित्कुशान्समादातुं यत्र यान्ति द्विजोत्तमाः । अरण्ये तत्र तान्सर्वान्स भक्षयति दुर्मतिः

samitkuśānsamādātuṁ yatra yānti dvijottamāḥ araṇye tatra tānsarvānsa bhakṣayati durmatiḥ

जहाँ श्रेष्ठ द्विज समिधा और कुश लेने वन में जाते थे, वहाँ वह दुर्बुद्धि उन सबको खा जाता था।

श्लोक 20 (shiva.rudra.196.20)

यथा कोऽपि न वेत्त्येवं तथाऽऽच्छन्नोऽभवत्पुनः । वने वनेचरो भूत्वा यादोरूपो जलाशये

yathā ko'pi na vettyevaṁ tathā''cchanno'bhavatpunaḥ vane vanecaro bhūtvā yādorūpo jalāśaye

ताकि कोई उसे पहचान न सके, वह छिपा रहता था — वन में वनचर बनकर, तथा जलाशय में जलचर बनकर।

श्लोक 21 (shiva.rudra.196.21)

अदृश्यरूपी मायावी देवानामप्यगोचरः । दिवा ध्यानपरस्तिष्ठेन्मुनिवन्मुनिमध्यगः

adṛśyarūpī māyāvī devānāmapyagocaraḥ divā dhyānaparastiṣṭhenmunivanmunimadhyagaḥ

अदृश्य रूपधारी वह मायावी, देवताओं की दृष्टि से भी परे, दिन में मुनि के समान मुनियों के बीच बैठकर ध्यानमग्न-सा प्रतीत होता था,

श्लोक 22 (shiva.rudra.196.22)

प्रवेशमुटजानां च निर्गमं हि विलोकयन् । यामिन्यां व्याघ्ररूपेणाभक्षयद् ब्राह्मणान् बहून्

praveśamuṭajānāṁ ca nirgamaṁ hi vilokayan yāminyāṁ vyāghrarūpeṇābhakṣayad brāhmaṇān bahūn

कुटियों के प्रवेश और निकास को देखते हुए, और रात्रि में व्याघ्र-रूप धारण करके अनेक ब्राह्मणों को खा जाता था।

श्लोक 23 (shiva.rudra.196.23)

निःशङ्कं भक्षयत्येवं न त्यजत्यपि कीकशम् । इत्थं निपातितास्तेन विप्रा दुष्टेन भूरिशः

niḥśaṅkaṁ bhakṣayatyevaṁ na tyajatyapi kīkaśam itthaṁ nipātitāstena viprā duṣṭena bhūriśaḥ

वह निःशंक होकर इस प्रकार खा जाता था कि हड्डी तक न छोड़ता; इस प्रकार उस दुष्ट ने अनेक ब्राह्मणों को गिरा दिया।

श्लोक 24 (shiva.rudra.196.24)

एकदा शिवरात्रौ तु भक्तस्त्वेको निजोटजे । सपर्यां देवदेवस्य कृत्वा ध्यानस्थितोऽभवत्

ekadā śivarātrau tu bhaktastveko nijoṭaje saparyāṁ devadevasya kṛtvā dhyānasthito'bhavat

एक बार शिवरात्रि को एक अकेला भक्त अपनी कुटिया में देवदेव की पूजा करके ध्यानस्थ हो गया।

श्लोक 25 (shiva.rudra.196.25)

स च दुन्दुभिनिर्ह्रादो दैत्येन्द्रो बलदर्पितः । व्याघ्ररूपं समास्थाय तमादातुं मतिं दधे

sa ca dundubhinirhrādo daityendro baladarpitaḥ vyāghrarūpaṁ samāsthāya tamādātuṁ matiṁ dadhe

उस बल-गर्वित दैत्येन्द्र दुन्दुभिनिर्ह्राद ने व्याघ्र-रूप धारण करके उसे पकड़ने का विचार किया।

श्लोक 26 (shiva.rudra.196.26)

तं भक्तं ध्यानमापन्नं दृढचित्तं शिवेक्षणे । कृतास्त्रमन्त्रविन्यासं तं क्रान्तुमशकन्न सः

taṁ bhaktaṁ dhyānamāpannaṁ dṛḍhacittaṁ śivekṣaṇe kṛtāstramantravinyāsaṁ taṁ krāntumaśakanna saḥ

किन्तु शिव-दर्शन में दृढ़चित्त, अस्त्र-मन्त्रों की व्यवस्था से युक्त, ध्यानमग्न उस भक्त को वह आक्रान्त नहीं कर सका।

श्लोक 27 (shiva.rudra.196.27)

अथ सर्वगतः शम्भुर्ज्ञात्वा तस्याशयं हरः । दैत्यस्य दुष्टरूपस्य वधाय विदधे धियम्

atha sarvagataḥ śambhurjñātvā tasyāśayaṁ haraḥ daityasya duṣṭarūpasya vadhāya vidadhe dhiyam

तब सर्वव्यापी शम्भु हर ने उस भक्त के मनोभाव को जानकर उस दुष्टरूपी दैत्य के वध का विचार किया।

श्लोक 28 (shiva.rudra.196.28)

यावदादित्सति व्याघ्रस्तावदाविरभूद्धरः । जगद्रक्षामणिस्त्र्यक्षो भक्तरक्षणदक्षधीः

yāvadāditsati vyāghrastāvadāvirabhūddharaḥ jagadrakṣāmaṇistryakṣo bhaktarakṣaṇadakṣadhīḥ

जैसे ही व्याघ्र उसे पकड़ने का प्रयत्न करने लगा, वैसे ही जगत् के रक्षक-मणि, त्रिनेत्र, भक्तों की रक्षा में निपुण-बुद्धि हर प्रकट हो गए।

श्लोक 29 (shiva.rudra.196.29)

रुद्रमायान्तमालोक्य तद्भक्तार्चितलिङ्गतः । दैत्यस्तेनैव रूपेण ववृधे भूधरोपमः

rudramāyāntamālokya tadbhaktārcitaliṅgataḥ daityastenaiva rūpeṇa vavṛdhe bhūdharopamaḥ

अपने भक्त द्वारा पूजित उसी लिंग से आते हुए रुद्र को देखकर, दैत्य उसी व्याघ्र-रूप में पर्वत के समान बढ़ गया।

श्लोक 30 (shiva.rudra.196.30)

सावज्ञमथ सर्वज्ञं यावत्पश्यति दानवः । तावदायान्तमादाय कक्षायन्त्रे न्यपीडयत्

sāvajñamatha sarvajñaṁ yāvatpaśyati dānavaḥ tāvadāyāntamādāya kakṣāyantre nyapīḍayat

जैसे ही वह दानव अवज्ञापूर्वक उस सर्वज्ञ को देखने लगा, वैसे ही आते हुए हर ने उसे पकड़कर अपनी कक्षा (बगल) में दबा लिया।

श्लोक 31 (shiva.rudra.196.31)

पञ्चास्यस्त्वथ पञ्चास्यं मुष्ट्या मूर्द्धन्यताडयत् । भक्तवत्सलनामासौ वज्रादपि कठोरया

pañcāsyastvatha pañcāsyaṁ muṣṭyā mūrddhanyatāḍayat bhaktavatsalanāmāsau vajrādapi kaṭhorayā

भक्तवत्सल नाम वाले पंचमुख (शिव) ने पंचमुख (व्याघ्र) के सिर पर वज्र से भी अधिक कठोर मुष्टि से प्रहार किया।

श्लोक 32 (shiva.rudra.196.32)

स तेन मुष्टिघातेन कक्षानिष्पेषणेन च । अत्यार्तमारटद्व्याघ्रो रोदसीं पूरयन्मृतः

sa tena muṣṭighātena kakṣāniṣpeṣaṇena ca atyārtamāraṭadvyāghro rodasīṁ pūrayanmṛtaḥ

उस मुष्टि-प्रहार तथा कक्षा में दबाए जाने से अत्यन्त पीड़ित होकर वह व्याघ्र चीत्कार करते हुए, आकाश-पृथ्वी को भरते हुए, मर गया।

श्लोक 33 (shiva.rudra.196.33)

तेन नादेन महता सम्प्रवेपितमानसाः । तपोधनाः समाजग्मुर्निशि शब्दानुसारतः

tena nādena mahatā sampravepitamānasāḥ tapodhanāḥ samājagmurniśi śabdānusārataḥ

उस महान् नाद से चित्त काँप उठे तपस्वी लोग रात्रि में उस ध्वनि का अनुसरण करते हुए वहाँ एकत्र हो गए।

श्लोक 34 (shiva.rudra.196.34)

तत्रेश्वरं समालोक्य कक्षीकृतमृगेश्वरम् । तुष्टुवुः प्रणताः सर्वे शर्वं जयजयाक्षरैः

tatreśvaraṁ samālokya kakṣīkṛtamṛgeśvaram tuṣṭuvuḥ praṇatāḥ sarve śarvaṁ jayajayākṣaraiḥ

वहाँ उस पशुराज को अपनी कक्षा में दबाए हुए ईश्वर को देखकर सभी ने झुककर "जय-जय" शब्दों से शर्व की स्तुति की।

श्लोक 35 (shiva.rudra.196.35)

ब्राह्मणा ऊचुः । त्रायतां त्रायतां देव प्रत्यूहाद्दारुणादितः । अनुग्रहं कुरुष्वेश तिष्ठात्रैव जगद्गुरो

brāhmaṇā ūcuḥ trāyatāṁ trāyatāṁ deva pratyūhāddāruṇāditaḥ anugrahaṁ kuruṣveśa tiṣṭhātraiva jagadguro

ब्राह्मणों ने कहा — हे देव! इस भयंकर विघ्न से हमारी रक्षा कीजिए, रक्षा कीजिए; हे ईश! हे जगद्गुरो! अनुग्रह कीजिए और यहीं विराजिए।

श्लोक 36 (shiva.rudra.196.36)

अनेनैव स्वरूपेण व्याघ्रेश इति नामतः । कुरु रक्षां महादेव ज्येष्ठस्थानस्य सर्वदा

anenaiva svarūpeṇa vyāghreśa iti nāmataḥ kuru rakṣāṁ mahādeva jyeṣṭhasthānasya sarvadā

हे महादेव! इसी स्वरूप में "व्याघ्रेश्वर" नाम से इस श्रेष्ठ स्थान की सदा रक्षा कीजिए।

श्लोक 37 (shiva.rudra.196.37)

अन्येभ्यो ह्युपसर्गेभ्यो रक्ष नस्तीर्थवासिनः । दुष्टानपास्य गौरीश भक्तेभ्यो देहि चाभयम्

anyebhyo hyupasargebhyo rakṣa nastīrthavāsinaḥ duṣṭānapāsya gaurīśa bhaktebhyo dehi cābhayam

हमें, इस तीर्थ के निवासियों को, अन्य सभी उपद्रवों से भी रक्षा कीजिए; हे गौरीश! दुष्टों को दूर करके अपने भक्तों को अभय दीजिए।

श्लोक 38 (shiva.rudra.196.38)

सनत्कुमार उवाच । इत्याकर्ण्य वचस्तेषां भक्तानां चन्द्रशेखरः । तथेत्युक्त्वा पुनः प्राह स भक्तान्भक्तवत्सलः

sanatkumāra uvāca ityākarṇya vacasteṣāṁ bhaktānāṁ candraśekharaḥ tathetyuktvā punaḥ prāha sa bhaktānbhaktavatsalaḥ

सनत्कुमार ने कहा — भक्तों के इस वचन को सुनकर चन्द्रशेखर ने "तथास्तु" कहकर भक्तवत्सल उन्होंने भक्तों से पुनः कहा —

श्लोक 39 (shiva.rudra.196.39)

महेश्वर उवाच । यो मामनेन रूपेण द्रक्ष्यति श्रद्धयात्र वै । तस्योपसर्गसन्धानं पातयिष्याम्यसंशयम्

maheśvara uvāca yo māmanena rūpeṇa drakṣyati śraddhayātra vai tasyopasargasandhānaṁ pātayiṣyāmyasaṁśayam

महेश्वर ने कहा — जो कोई श्रद्धापूर्वक इस रूप में मुझे यहाँ देखेगा, उसके सभी संकटों के समूह को मैं निःसन्देह नष्ट कर दूँगा।

श्लोक 40 (shiva.rudra.196.40)

मच्चरित्रमिदं श्रुत्वा स्मृत्वा लिङ्गमिदं हृदि । सङ्ग्रामे प्रविशन्मर्त्यो जयमाप्नोत्यसंशयम्

maccaritramidaṁ śrutvā smṛtvā liṅgamidaṁ hṛdi saṅgrāme praviśanmartyo jayamāpnotyasaṁśayam

मेरे इस चरित्र को सुनकर तथा हृदय में इस लिंग का स्मरण करके संग्राम में प्रवेश करने वाला मनुष्य निःसन्देह विजय प्राप्त करेगा।

श्लोक 41 (shiva.rudra.196.41)

एतस्मिन्नन्तरे देवाः समाजग्मुः सवासवाः । जयेति शब्दं कुर्वन्तो महोत्सवपुरःसरम्

etasminnantare devāḥ samājagmuḥ savāsavāḥ jayeti śabdaṁ kurvanto mahotsavapuraḥsaram

इसी बीच इन्द्र सहित देवता "जय" शब्द करते हुए, महोत्सव का आयोजन करते हुए वहाँ एकत्र हो गए।

श्लोक 42 (shiva.rudra.196.42)

प्रणम्य शङ्करं प्रेम्णा सर्वे साञ्जलयः सुराः । नतस्कन्धाः सुवाग्भिस्ते तुष्टुवुर्भक्तवत्सलम्

praṇamya śaṅkaraṁ premṇā sarve sāñjalayaḥ surāḥ nataskandhāḥ suvāgbhiste tuṣṭuvurbhaktavatsalam

सभी देवताओं ने प्रेमपूर्वक हाथ जोड़कर, गर्दन झुकाकर, सुन्दर वचनों से भक्तवत्सल शंकर को प्रणाम करके स्तुति की।

श्लोक 43 (shiva.rudra.196.43)

देवा ऊचुः । जय शङ्कर देवेश प्रणतार्तिहर प्रभो । एतद्दुन्दुभिनिर्ह्रादवधात् त्राता वयं सुराः

devā ūcuḥ jaya śaṅkara deveśa praṇatārtihara prabho etaddundubhinirhrādavadhāt trātā vayaṁ surāḥ

देवताओं ने कहा — हे शंकर! हे देवेश! हे प्रणतार्तिहर! हे प्रभो! जय हो! इस दुन्दुभिनिर्ह्राद के वध से हम देवता रक्षित हुए हैं।

श्लोक 44 (shiva.rudra.196.44)

सदा रक्षा प्रकर्तव्या भक्तानां भक्तवत्सल । वध्याः खलाश्च देवेश त्वया सर्वेश्वर प्रभो

sadā rakṣā prakartavyā bhaktānāṁ bhaktavatsala vadhyāḥ khalāśca deveśa tvayā sarveśvara prabho

हे भक्तवत्सल! भक्तों की सदा रक्षा करनी चाहिए, और हे देवेश! हे सर्वेश्वर! हे प्रभो! दुष्टों का वध आपके द्वारा ही होना चाहिए।

श्लोक 45 (shiva.rudra.196.45)

इत्याकर्ण्य वचस्तेषां सुराणां परमेश्वरः । तथेत्युक्त्वा प्रसन्नात्मा तस्मिंल्लिङ्गे लयं ययौ

ityākarṇya vacasteṣāṁ surāṇāṁ parameśvaraḥ tathetyuktvā prasannātmā tasmiṁlliṅge layaṁ yayau

सनत्कुमार ने कहा — देवताओं के इस वचन को सुनकर परमेश्वर ने "तथास्तु" कहकर प्रसन्नचित्त होकर उसी लिंग में लय प्राप्त किया।

श्लोक 46 (shiva.rudra.196.46)

सविस्मयास्ततो देवाः स्वं स्वं धाम ययुर्मुदा । तेऽपि विप्रा महाहर्षात्पुनर्याता यथागतम्

savismayāstato devāḥ svaṁ svaṁ dhāma yayurmudā te'pi viprā mahāharṣātpunaryātā yathāgatam

तब विस्मित देवता प्रसन्नतापूर्वक अपने-अपने धाम को लौट गए; वे ब्राह्मण भी महाहर्ष के साथ जिस मार्ग से आए थे, उसी मार्ग से लौट गए।

श्लोक 47 (shiva.rudra.196.47)

इदं चरित्रं परमं व्याघ्रेश्वरसमुद्भवम् । शृणुयाच्छ्रावयेद्वापि पठेद्वा पाठयेत्तथा

idaṁ caritraṁ paramaṁ vyāghreśvarasamudbhavam śṛṇuyācchrāvayedvāpi paṭhedvā pāṭhayettathā

यह व्याघ्रेश्वर की उत्पत्ति का परम चरित्र जो कोई सुनता है, सुनाता है, पढ़ता है या पढ़ाता है,

श्लोक 48 (shiva.rudra.196.48)

सर्वान्कामानवाप्नोति नरःस्वमनसेप्सितान् । परत्र लभते मोक्षं सर्वदुःखविवर्जितः

sarvānkāmānavāpnoti naraḥsvamanasepsitān paratra labhate mokṣaṁ sarvaduḥkhavivarjitaḥ

वह मनुष्य अपने मन से इच्छित सभी कामनाओं को प्राप्त करता है, तथा परलोक में समस्त दुःखों से मुक्त होकर मोक्ष प्राप्त करता है।

श्लोक 49 (shiva.rudra.196.49)

इदमाख्यानमतुलं शिवलीलामृताक्षरम् । स्वर्ग्यं यशस्यमायुष्यं पुत्रपौत्रप्रवर्द्धनम्

idamākhyānamatulaṁ śivalīlāmṛtākṣaram svargyaṁ yaśasyamāyuṣyaṁ putrapautrapravarddhanam

यह अनुपम आख्यान, शिव-लीला के अमृत अक्षरों से युक्त, स्वर्गदायक, यशदायक, आयुवर्धक तथा पुत्र-पौत्रों की वृद्धि करने वाला है।

श्लोक 50 (shiva.rudra.196.50)

परं भक्तिप्रदं धन्यं शिवप्रीतिकरं शिवम् । परमज्ञानदं रम्यं विकारहरणं परम्

paraṁ bhaktipradaṁ dhanyaṁ śivaprītikaraṁ śivam paramajñānadaṁ ramyaṁ vikāraharaṇaṁ param

यह परम भक्तिप्रद, धन्य, शिव को प्रसन्न करने वाला, कल्याणकारी, परम ज्ञानदायक, रमणीय तथा समस्त विकारों को दूर करने वाला परम है।