शिव-सती वियोग वर्णन

श्लोक 1 (shiva.rudra.45.1)

श्रीराम उवाच । एकदा हि पुरा देवि शम्भुः परमसूतिकृत् । विश्वकर्माणमाहूय स्वलोके परतः परे

śrīrāma uvāca | ekadā hi purā devi śambhuḥ paramasūtikṛt | viśvakarmāṇamāhūya svaloke parataḥ pare

श्रीराम ने कहा — हे देवि! एक बार पूर्वकाल में, सृष्टि के परम कर्ता शम्भु ने परम श्रेष्ठ अपने लोक में विश्वकर्मा को बुलाया।

श्लोक 2 (shiva.rudra.45.2)

तेन स्वधेनुशालायां कारयामास विस्तृतम् । रम्यं च भवनं सम्यक् तत्र सिंहासनं वरम्

tena svadhenuśālāyāṁ kārayāmāsa vistṛtam | ramyaṁ ca bhavanaṁ samyak tatra siṁhāsanaṁ varam

उनके द्वारा अपनी गोशाला में एक विस्तृत तथा रमणीय भवन बनवाया, तथा वहाँ एक श्रेष्ठ सिंहासन भी बनवाया।

श्लोक 3 (shiva.rudra.45.3)

तत्र च्छत्रं महादिव्यं सर्वदाद्भुतमुत्तमम् । कारयामास विघ्नार्थं शङ्करो विश्वकर्मणा

tatra cchatraṁ mahādivyaṁ sarvadādbhutamuttamam | kārayāmāsa vighnārthaṁ śaṅkaro viśvakarmaṇā

वहाँ शंकर ने विश्वकर्मा से एक महादिव्य, सदैव अद्भुत, उत्तम छत्र भी विघ्न-निवारण के लिए बनवाया।

श्लोक 4 (shiva.rudra.45.4)

शक्रादीनां जुहावाशु समस्तान् देवतागणान् । सिद्धगन्धर्वनागादीनुपदेवांश्च कृत्स्नशः

śakrādīnāṁ juhāvāśu samastān devatāgaṇān | siddhagandharvanāgādīnupadevāṁśca kṛtsnaśaḥ

उन्होंने तुरन्त इन्द्र आदि समस्त देवताओं को, सिद्धों, गन्धर्वों, नागों आदि तथा सम्पूर्ण उपदेवताओं को भी आमन्त्रित किया।

श्लोक 5 (shiva.rudra.45.5)

देवान् सर्वानागमांश्च विधिपुत्रान् मुनीनपि । देवीः सर्वा अप्सरोभिर्नानावस्तुसमन्विताः

devān sarvānāgamāṁśca vidhiputrān munīnapi | devīḥ sarvā apsarobhirnānāvastusamanvitāḥ

सभी देवताओं, आगमों, ब्रह्मा के पुत्रों तथा मुनियों को भी, तथा अप्सराओं सहित समस्त देवियों को, अनेक वस्तुओं सहित बुलाया।

श्लोक 6 (shiva.rudra.45.6)

देवानां च तथर्षीणां सिद्धानां फणिनामपि । आनयन् मङ्गलकराः कन्याः षोडश षोडश

devānāṁ ca tatharṣīṇāṁ siddhānāṁ phaṇināmapi | ānayan maṅgalakarāḥ kanyāḥ ṣoḍaśa ṣoḍaśa

देवताओं, ऋषियों, सिद्धों तथा नागों में से भी सोलह-सोलह मंगलकारिणी कन्याओं को बुलवाया।

श्लोक 7 (shiva.rudra.45.7)

वीणामृदङ्गप्रमुखवाद्यान्नानाविधान् मुने । उत्सवं कारयामास वादयित्वा सुगायनैः

vīṇāmṛdaṅgapramukhavādyānnānāvidhān mune | utsavaṁ kārayāmāsa vādayitvā sugāyanaiḥ

हे मुने! वीणा, मृदंग आदि प्रमुख अनेक प्रकार के वाद्यों को बजवाकर तथा उत्तम गायकों के साथ उन्होंने उत्सव करवाया।

श्लोक 8 (shiva.rudra.45.8)

राजाभिषेकयोग्यानि द्रव्याणि सकलौषधैः प्रत्यक्षतीर्थपाथोभिः पञ्चकुम्भांश्च पूरितान्

rājābhiṣekayogyāni dravyāṇi sakalauṣadhaiḥ pratyakṣatīrthapāthobhiḥ pañcakumbhāṁśca pūritān

राजाभिषेक के योग्य समस्त सामग्री, समस्त औषधियों, तथा साक्षात् तीर्थों के जल से भरे पाँच कलशों को भी वहाँ लाया गया।

श्लोक 9 (shiva.rudra.45.9)

तथान्याः संविधा दिव्या आनयत्स्वगणैस्तदा । ब्रह्मघोषं महारावं कारयामास शङ्करः

tathānyāḥ saṁvidhā divyā ānayatsvagaṇaistadā | brahmaghoṣaṁ mahārāvaṁ kārayāmāsa śaṅkaraḥ

उसी प्रकार अन्य दिव्य सामग्रियाँ भी अपने गणों द्वारा मँगवाईं, तथा शंकर ने वेद-मन्त्रों की महान गूँज गुँजाई।

श्लोक 10 (shiva.rudra.45.10)

अथो हरिं समाहूय वैकुण्ठात्प्रीतमानसः । तद्भक्त्या पूर्णया देवि मोदति स्म महेश्वरः

atho hariṁ samāhūya vaikuṇṭhātprītamānasaḥ | tadbhaktyā pūrṇayā devi modati sma maheśvaraḥ

तत्पश्चात् प्रसन्नचित्त होकर उन्होंने वैकुण्ठ से हरि को बुलाया; हे देवि! उनकी पूर्ण भक्ति से महेश्वर आनन्दित हो रहे थे।

श्लोक 11 (shiva.rudra.45.11)

सुमुहूर्ते महादेवस्तत्र सिंहासने वरे । उपवेश्य हरिं प्रीत्या भूषयामास सर्वशः

sumuhūrte mahādevastatra siṁhāsane vare | upaveśya hariṁ prītyā bhūṣayāmāsa sarvaśaḥ

शुभ मुहूर्त में महादेव ने उस श्रेष्ठ सिंहासन पर हरि को प्रेमपूर्वक बिठाकर, उन्हें सर्वप्रकार से आभूषित किया।

श्लोक 12 (shiva.rudra.45.12)

आबद्धरम्यमुकुटं कृतकौतुकमङ्गलम् । अभ्यषिञ्चन्महेशस्तु स्वयं ब्रह्माण्डमण्डपे

ābaddharamyamukuṭaṁ kṛtakautukamaṅgalam | abhyaṣiñcanmaheśastu svayaṁ brahmāṇḍamaṇḍape

उन्हें सुन्दर मुकुट पहनाकर, मंगल-कौतुक सम्पन्न कर, महेश ने स्वयं ब्रह्माण्ड रूपी मण्डप में उनका अभिषेक किया।

श्लोक 13 (shiva.rudra.45.13)

दत्तवान्निखिलैश्वर्यं यन्नैजं नान्यगामि यत् । ततस्तुष्टाव तं शम्भुः स्वतन्त्रो भक्तवत्सलः

dattavānnikhilaiśvaryaṁ yannaijaṁ nānyagāmi yat | tatastuṣṭāva taṁ śambhuḥ svatantro bhaktavatsalaḥ

उन्होंने उन्हें अपना समस्त ऐश्वर्य प्रदान कर दिया, जो सर्वथा उन्हीं का था और अन्यत्र कहीं नहीं जाता था; फिर स्वतन्त्र, भक्तवत्सल शम्भु ने उनकी स्तुति की।

श्लोक 14 (shiva.rudra.45.14)

ब्रह्माणं लोककर्तारमवोचद्वचनं त्विदम् । व्यापयन्स्वं वराधीनं स्वतन्त्रं भक्तवत्सलः

brahmāṇaṁ lokakartāramavocadvacanaṁ tvidam | vyāpayansvaṁ varādhīnaṁ svatantraṁ bhaktavatsalaḥ

सर्वव्यापी, वरदान के अधीन रहने वाले, स्वतन्त्र तथा भक्तवत्सल शम्भु ने सृष्टिकर्ता ब्रह्मा से यह वचन कहा।

श्लोक 15 (shiva.rudra.45.15)

महेश उवाच । अतः प्रभृति लोकेश मन्निदेशादयं हरिः । मम वन्द्यः स्वयं विष्णुर्जातः सर्वः शृणोति हि

maheśa uvāca | ataḥ prabhṛti lokeśa mannideśādayaṁ hariḥ | mama vandyaḥ svayaṁ viṣṇurjātaḥ sarvaḥ śṛṇoti hi

महेश ने कहा — हे लोकेश! अब से, मेरे ही आदेश से, यह हरि मेरे लिए वन्दनीय बन गया है; यह साक्षात् विष्णु हैं — सब कोई इसे सुनें।

श्लोक 16 (shiva.rudra.45.16)

सर्वैर्देवादिभिस्तात प्रणम त्वममुं हरिम् । वर्णयन्तु हरिं वेदा ममैते मामिवाज्ञया

sarvairdevādibhistāta praṇama tvamamuṁ harim | varṇayantu hariṁ vedā mamaite māmivājñayā

हे तात! समस्त देवताओं आदि के साथ तुम भी इस हरि को प्रणाम करो; ये मेरे ही वेद भी मेरी ही आज्ञा से हरि का वर्णन करें, जैसे मेरा।

श्लोक 17 (shiva.rudra.45.17)

श्रीराम उवाच । इत्युक्त्वाथ स्वयं रुद्रोऽनमद्वै गरुडध्वजम् । विष्णुभक्तिप्रसन्नात्मा वरदो भक्तवत्सलः

śrīrāma uvāca | ityuktvātha svayaṁ rudro'namadvai garuḍadhvajam | viṣṇubhaktiprasannātmā varado bhaktavatsalaḥ

श्रीराम ने कहा — ऐसा कहकर, विष्णु-भक्ति से प्रसन्न, वरदाता, भक्तवत्सल रुद्र ने स्वयं गरुड़-ध्वज विष्णु को प्रणाम किया।

श्लोक 18 (shiva.rudra.45.18)

ततो ब्रह्मादिभिर्देवैः सर्वरूपसुरैस्तथा । मुनिसिद्धादिभिश्चैव वन्दितोऽभूद्धरिस्तदा

tato brahmādibhirdevaiḥ sarvarūpasuraistathā | munisiddhādibhiścaiva vandito'bhūddharistadā

तत्पश्चात् ब्रह्मा आदि देवताओं, सभी प्रकार के देवों, तथा मुनियों-सिद्धों आदि सभी के द्वारा उस समय हरि की वन्दना की गयी।

श्लोक 19 (shiva.rudra.45.19)

ततो महेशो हरयेऽशंसद्दिविषदां पुरः । महावरान् सुप्रसन्नो दत्तवान् भक्तवत्सलः

tato maheśo haraye'śaṁsaddiviṣadāṁ puraḥ | mahāvarān suprasanno dattavān bhaktavatsalaḥ

तत्पश्चात् महेश ने देवताओं के समक्ष हरि की प्रशंसा की, तथा अत्यंत प्रसन्न होकर भक्तवत्सल शिव ने उन्हें महान वरदान प्रदान किए।

श्लोक 20 (shiva.rudra.45.20)

महेश उवाच । त्वं कर्ता सर्वलोकानां भर्ता हर्ता मदाज्ञया । दाता धर्मार्थकामानां शास्ता दुर्णयकारिणाम्

maheśa uvāca | tvaṁ kartā sarvalokānāṁ bhartā hartā madājñayā | dātā dharmārthakāmānāṁ śāstā durṇayakāriṇām

महेश ने कहा — तुम मेरी ही आज्ञा से समस्त लोकों के कर्ता, भर्ता तथा हर्ता बनो; धर्म, अर्थ और काम के दाता तथा दुराचारियों के शासक बनो।

श्लोक 21 (shiva.rudra.45.21)

जगदीशो जगत्पूज्यो महाबलपराक्रमः । अजेयस्त्वं रणे क्वापि ममापि हि भविष्यसि

jagadīśo jagatpūjyo mahābalaparākramaḥ | ajeyastvaṁ raṇe kvāpi mamāpi hi bhaviṣyasi

तुम जगत के ईश्वर, जगत्पूज्य, महान बल और पराक्रम वाले बनो; तुम युद्ध में कहीं भी, यहाँ तक कि मेरे लिए भी, अजेय होओगे।

श्लोक 22 (shiva.rudra.45.22)

शक्तित्रयं गृहाण त्वमिच्छादि प्रापितं मया । नानालीलाप्रभावत्वं स्वतन्त्रत्वं भवत्रये

śaktitrayaṁ gṛhāṇa tvamicchādi prāpitaṁ mayā | nānālīlāprabhāvatvaṁ svatantratvaṁ bhavatraye

तुम मेरे द्वारा प्रदान की गयी इच्छा आदि तीनों शक्तियाँ ग्रहण करो; तीनों लोकों में अनेक लीलाओं के प्रभाव वाला स्वातन्त्र्य भी प्राप्त करो।

श्लोक 23 (shiva.rudra.45.23)

त्वद्द्वेष्टारो हरे नूनं मया शास्याः प्रयत्नतः । त्वद्भक्तानां मया विष्णो देयं निर्वाणमुत्तमम्

tvaddveṣṭāro hare nūnaṁ mayā śāsyāḥ prayatnataḥ | tvadbhaktānāṁ mayā viṣṇo deyaṁ nirvāṇamuttamam

हे हरे! तुम्हारे द्वेषी निश्चय ही मेरे द्वारा प्रयत्नपूर्वक दण्डित किये जायेंगे; हे विष्णो! तुम्हारे भक्तों को भी मैं ही परम निर्वाण प्रदान करूँगा।

श्लोक 24 (shiva.rudra.45.24)

मायां चापि गृहाणेमां दुःप्रणोद्यां सुरादिभिः । यया सम्मोहितं विश्वमचिद्रूपं भविष्यति

māyāṁ cāpi gṛhāṇemāṁ duḥpraṇodyāṁ surādibhiḥ | yayā sammohitaṁ viśvamacidrūpaṁ bhaviṣyati

तुम यह माया भी ग्रहण करो, जिसे देवता आदि भी दूर नहीं कर सकते, जिससे मोहित होकर सम्पूर्ण विश्व अचेतन रूप को प्राप्त हो जाएगा।

श्लोक 25 (shiva.rudra.45.25)

मम बाहुर्मदीयस्त्वं दक्षिणोऽसौ विधिर्हरे । अस्यापि हि विधेः पाता जनितापि भविष्यसि

mama bāhurmadīyastvaṁ dakṣiṇo'sau vidhirhare | asyāpi hi vidheḥ pātā janitāpi bhaviṣyasi

तुम मेरी दाहिनी भुजा के समान मेरे ही अंश हो, हे हरे! और यह ब्रह्मा भी मेरा ही अंश है; तुम इस ब्रह्मा के भी रक्षक और जनक बनोगे।

श्लोक 26 (shiva.rudra.45.26)

हृदयं मम यो रुद्रः स एवाहं न संशयः । पूज्यस्तव सदा सोऽपि ब्रह्मादीनामपि ध्रुवम्

hṛdayaṁ mama yo rudraḥ sa evāhaṁ na saṁśayaḥ | pūjyastava sadā so'pi brahmādīnāmapi dhruvam

जो रुद्र मेरा हृदय है, वह मैं ही हूँ, इसमें कोई संशय नहीं; वह भी तुम्हारे लिए, तथा निश्चय ही ब्रह्मा आदि के लिए भी, सदैव पूज्य होगा।

श्लोक 27 (shiva.rudra.45.27)

अत्र स्थित्वा जगत्सर्वं पालय त्वं विशेषतः । नानावतारभेदैश्च सदा नानोतिकर्तृभिः

atra sthitvā jagatsarvaṁ pālaya tvaṁ viśeṣataḥ | nānāvatārabhedaiśca sadā nānotikartṛbhiḥ

यहाँ स्थित रहकर, तुम विशेष रूप से सम्पूर्ण जगत का पालन करो, अनेक प्रकार के अवतार-भेदों द्वारा तथा सदैव विविध कार्यों को करते हुए।

श्लोक 28 (shiva.rudra.45.28)

मम लोके तवेदं वै स्थानं च परमर्द्धिमत् । गोलोक इति विख्यातं भविष्यति महोज्ज्वलम्

mama loke tavedaṁ vai sthānaṁ ca paramarddhimat | goloka iti vikhyātaṁ bhaviṣyati mahojjvalam

मेरे ही लोक में तुम्हारा यह स्थान भी परम समृद्धिशाली, महान् उज्ज्वल, तथा गोलोक के नाम से विख्यात होगा।

श्लोक 29 (shiva.rudra.45.29)

भविष्यन्ति हरे ये तेऽवतारा भुवि रक्षकाः । मद्भक्तास्तान् ध्रुवं द्रक्ष्ये प्रीतानथ निजाद् वरात्

bhaviṣyanti hare ye te'vatārā bhuvi rakṣakāḥ | madbhaktāstān dhruvaṁ drakṣye prītānatha nijād varāt

हे हरे! भूमि की रक्षा करने वाले तुम्हारे जो भी अवतार होंगे, वे सब मेरे ही भक्त हैं; मैं निश्चय ही उन्हें अपने ही वरदान से प्रसन्नतापूर्वक देखूँगा।

श्लोक 30 (shiva.rudra.45.30)

श्रीराम उवाच । अखण्डैश्वर्यमासाद्य हरेरित्थं हरः स्वयम् । कैलासे स्वगणैस्तस्मिन् स्वैरं क्रीडत्युमापतिः

śrīrāma uvāca | akhaṇḍaiśvaryamāsādya hareritthaṁ haraḥ svayam | kailāse svagaṇaistasmin svairaṁ krīḍatyumāpatiḥ

श्रीराम ने कहा — हरि को इस प्रकार अखण्ड ऐश्वर्य प्रदान कर, स्वयं हर, उमापति, कैलास पर्वत पर अपने गणों सहित स्वेच्छापूर्वक क्रीड़ा करते हैं।

श्लोक 31 (shiva.rudra.45.31)

तदाप्रभृति लक्ष्मीशो गोपवेषोऽभवत्तथा । अयासीत्तत्र सुप्रीत्या गोपगोपीगवां पतिः

tadāprabhṛti lakṣmīśo gopaveṣo'bhavattathā | ayāsīttatra suprītyā gopagopīgavāṁ patiḥ

तभी से लक्ष्मीपति गोप का वेष धारण करने लगे, तथा वे स्वयं गोप-गोपियों और गौओं के स्वामी बनकर वहाँ प्रेमपूर्वक जाने लगे।

श्लोक 32 (shiva.rudra.45.32)

सोऽपि विष्णुः प्रसन्नात्मा जुगोप निखिलं जगत् । नानावतारसन्धर्तावनकर्ता शिवाज्ञया

so'pi viṣṇuḥ prasannātmā jugopa nikhilaṁ jagat | nānāvatārasandhartāvanakartā śivājñayā

वे विष्णु भी प्रसन्नचित्त होकर, शिव की ही आज्ञा से अनेक अवतार धारण कर, सम्पूर्ण जगत का पालन-रक्षण करते रहे।

श्लोक 33 (shiva.rudra.45.33)

इदानीं स चतुर्द्धात्रावातरच्छङ्कराज्ञया । रामोऽहं तत्र भरतो लक्ष्मणः शत्रुहेति च

idānīṁ sa caturddhātrāvātaracchaṅkarājñayā | rāmo'haṁ tatra bharato lakṣmaṇaḥ śatruheti ca

इस समय उन्होंने शंकर की ही आज्ञा से चार रूपों में अवतार लिया है; उनमें मैं राम हूँ, भरत, लक्ष्मण तथा शत्रुघ्न भी हैं।

श्लोक 34 (shiva.rudra.45.34)

अथ पित्राज्ञया देवि ससीतालक्ष्मणः सति । आगतोऽहं वने चाद्य दुःखितो दैवतोऽभवम्

atha pitrājñayā devi sasītālakṣmaṇaḥ sati | āgato'haṁ vane cādya duḥkhito daivato'bhavam

हे देवि! हे सति! अपने पिता की आज्ञा से सीता और लक्ष्मण सहित मैं वन में आया, और अब दैवयोग से दुःखी हो गया हूँ।

श्लोक 35 (shiva.rudra.45.35)

निशाचरेण मे जाया हृता सीतेति केनचित् । अन्वेष्यामि प्रियां चात्र विरही बन्धुना वने

niśācareṇa me jāyā hṛtā sīteti kenacit | anveṣyāmi priyāṁ cātra virahī bandhunā vane

किसी राक्षस ने मेरी पत्नी सीता का हरण कर लिया है; मैं अपने भाई के साथ वियोगी होकर इस वन में अपनी प्रिया को खोज रहा हूँ।

श्लोक 36 (shiva.rudra.45.36)

दर्शनं ते यदि प्राप्तं सर्वथा कुशलं मम । भविष्यति न सन्देहो मातस्ते कृपया सति

darśanaṁ te yadi prāptaṁ sarvathā kuśalaṁ mama | bhaviṣyati na sandeho mātaste kṛpayā sati

हे माता! हे सति! यदि मुझे आपका दर्शन प्राप्त हुआ है, तो आपकी कृपा से मेरा सर्वथा कुशल होगा, इसमें कोई सन्देह नहीं।

श्लोक 37 (shiva.rudra.45.37)

सीताप्राप्तिवरं देवि भविष्यति न संशयः । तं हत्वा दुःखदं पापं राक्षसं त्वदनुग्रहात्

sītāprāptivaraṁ devi bhaviṣyati na saṁśayaḥ | taṁ hatvā duḥkhadaṁ pāpaṁ rākṣasaṁ tvadanugrahāt

हे देवि! आपके अनुग्रह से मुझे सीता की पुनः प्राप्ति का वरदान प्राप्त होगा, इसमें कोई संशय नहीं; उस दुःखदायी पापी राक्षस का वध करके ही।

श्लोक 38 (shiva.rudra.45.38)

महद्भाग्यं ममाद्यैव यद्यकार्ष्टां कृपां युवाम् । यस्मिन् सकरुणौ स्यातां स धन्यः पुरुषो वरः

mahadbhāgyaṁ mamādyaiva yadyakārṣṭāṁ kṛpāṁ yuvām | yasmin sakaruṇau syātāṁ sa dhanyaḥ puruṣo varaḥ

आज मेरा यह महान सौभाग्य है कि आप दोनों ने मुझ पर कृपा की; जिस पर आप दोनों करुणा करते हैं, वही पुरुष धन्य और श्रेष्ठ है।

श्लोक 39 (shiva.rudra.45.39)

इत्थमाभाष्य बहुधा सुप्रणम्य सतीं शिवाम् । तदाज्ञया वने तस्मिन् विचचार रघूद्वहः

itthamābhāṣya bahudhā supraṇamya satīṁ śivām | tadājñayā vane tasmin vicacāra raghūdvahaḥ

इस प्रकार बहुत प्रकार से कहकर तथा शिवा सती को भलीभाँति प्रणाम कर, रघुकुल-श्रेष्ठ राम उनकी आज्ञा से उस वन में विचरण करने लगे।

श्लोक 40 (shiva.rudra.45.40)

अथाकर्ण्य सती वाक्यं रामस्य प्रयतात्मनः । हृष्टाभूत्सा प्रशंसन्तं शिवभक्तिरतं हृदि

athākarṇya satī vākyaṁ rāmasya prayatātmanaḥ | hṛṣṭābhūtsā praśaṁsantaṁ śivabhaktirataṁ hṛdi

तत्पश्चात् संयमी राम के वचन सुनकर, तथा उन्हें अपने हृदय में शिव-भक्ति में तल्लीन होकर शिव की प्रशंसा करते देखकर, सती हर्षित हुईं।

श्लोक 41 (shiva.rudra.45.41)

स्मृत्वा स्वकर्म मनसाकार्षीच्छोकं सुविस्तरम् । प्रत्यागच्छदुदासीना विवर्णा शिवसन्निधौ

smṛtvā svakarma manasākārṣīcchokaṁ suvistaram | pratyāgacchadudāsīnā vivarṇā śivasannidhau

किन्तु अपने ही किए हुए कार्य का स्मरण कर उन्हें मन में अत्यंत गहरा शोक हुआ, और वे उदासीन तथा विवर्ण होकर शिव के समीप लौट आयीं।

श्लोक 42 (shiva.rudra.45.42)

पथि साचिन्तयद् देवी सञ्चलन्ती पुनः पुनः । नाङ्गीकृतं शिवोक्तं मे रामं प्रति कुधीः कृता

pathi sācintayad devī sañcalantī punaḥ punaḥ | nāṅgīkṛtaṁ śivoktaṁ me rāmaṁ prati kudhīḥ kṛtā

मार्ग में चलते हुए वह देवी बार-बार यही सोचती रहीं — मैंने शिव के कहे हुए वचन को स्वीकार नहीं किया, तथा राम के प्रति मैंने दुर्बुद्धि से काम लिया।

श्लोक 43 (shiva.rudra.45.43)

किमुत्तरमहं दास्ये गत्वा शङ्करसन्निधौ । इति सञ्चिन्त्य बहुधा पश्चात्तापोऽभवत्तदा

kimuttaramahaṁ dāsye gatvā śaṅkarasannidhau | iti sañcintya bahudhā paścāttāpo'bhavattadā

शंकर के समीप जाकर मैं क्या उत्तर दूँगी? — यह बार-बार सोचकर उस समय उन्हें अत्यंत पश्चाताप हुआ।

श्लोक 44 (shiva.rudra.45.44)

गत्वा शम्भुसमीपं च प्रणनाम शिवं हृदा । विषण्णवदना शोकव्याकुला विगतप्रभा

gatvā śambhusamīpaṁ ca praṇanāma śivaṁ hṛdā | viṣaṇṇavadanā śokavyākulā vigataprabhā

शम्भु के समीप जाकर उन्होंने हृदय से शिव को प्रणाम किया; उनका मुख उदास था, वे शोक से व्याकुल तथा कान्तिहीन हो गयी थीं।

श्लोक 45 (shiva.rudra.45.45)

अथ तां दुःखितां दृष्ट्वा पप्रच्छ कुशलं हरः । प्रोवाच वचनं प्रीत्या तत्परीक्षा कृता कथम्

atha tāṁ duḥkhitāṁ dṛṣṭvā papraccha kuśalaṁ haraḥ | provāca vacanaṁ prītyā tatparīkṣā kṛtā katham

तत्पश्चात् उन्हें दुःखी देखकर हर ने उनका कुशल-क्षेम पूछा, तथा प्रेमपूर्वक यह भी पूछा कि उन्होंने वह परीक्षा किस प्रकार की।

श्लोक 46 (shiva.rudra.45.46)

श्रुत्वा शिववचो नाहं किमपि प्रणतानना । सती शोकविषण्णा सा तस्थौ तत्र समीपतः

śrutvā śivavaco nāhaṁ kimapi praṇatānanā | satī śokaviṣaṇṇā sā tasthau tatra samīpataḥ

शिव के वचन सुनकर भी सती कुछ भी नहीं बोलीं; वे मुख नीचा किये, शोक से उदास होकर वहाँ समीप ही खड़ी रहीं।

श्लोक 47 (shiva.rudra.45.47)

अथ ध्यात्वा महेशस्तु बुबोध चरितं हृदा । दक्षजाया महायोगी नानालीलाविशारदः

atha dhyātvā maheśastu bubodha caritaṁ hṛdā | dakṣajāyā mahāyogī nānālīlāviśāradaḥ

तत्पश्चात् महायोगी, अनेक लीलाओं में निपुण महेश ने ध्यान लगाकर, अपने हृदय से दक्ष-पुत्री का सम्पूर्ण चरित्र जान लिया।

श्लोक 48 (shiva.rudra.45.48)

सस्मार स्वपणं पूर्वं यत्कृतं हरिकोपतः । तत्प्रार्थितोऽथ रुद्रोऽसौ मर्यादाप्रतिपालकः

sasmāra svapaṇaṁ pūrvaṁ yatkṛtaṁ harikopataḥ | tatprārthito'tha rudro'sau maryādāpratipālakaḥ

उन्होंने अपना वह पूर्व प्रण स्मरण किया, जो हरि के प्रति क्रोध से बचने हेतु किया था; उस प्रण से प्रार्थित मर्यादा-पालक रुद्र —

श्लोक 49 (shiva.rudra.45.49)

विषादोऽभूत्प्रभोस्तत्र मनस्येवमुवाच ह । धर्मवक्ता धर्मकर्ता धर्मावनकरः सदा

viṣādo'bhūtprabhostatra manasyevamuvāca ha | dharmavaktā dharmakartā dharmāvanakaraḥ sadā

— प्रभु के मन में वहाँ विषाद उत्पन्न हुआ; धर्म के वक्ता, धर्म के कर्ता, तथा सदैव धर्म की रक्षा करने वाले उन्होंने मन ही मन इस प्रकार कहा।

श्लोक 50 (shiva.rudra.45.50)

शिव उवाच । कुर्यां चेद्दक्षजायां हि स्नेहं पूर्वं यथा महान् । नश्येन्मम पणः शुद्धो लोकलीलानुसारिणः

śiva uvāca | kuryāṁ ceddakṣajāyāṁ hi snehaṁ pūrvaṁ yathā mahān | naśyenmama paṇaḥ śuddho lokalīlānusāriṇaḥ

शिव ने कहा — यदि मैं दक्ष-पुत्री के प्रति पूर्व की भाँति महान स्नेह प्रकट करूँ, तो लौकिक लीला का अनुसरण करने वाला मेरा वह शुद्ध प्रण नष्ट हो जाएगा।

श्लोक 51 (shiva.rudra.45.51)

ब्रह्मोवाच । इत्थं विचार्य बहुधा हृदा तामत्यजत्सतीम् । पणं न नाशयामास वेदधर्मप्रपालकः

brahmovāca | itthaṁ vicārya bahudhā hṛdā tāmatyajatsatīm | paṇaṁ na nāśayāmāsa vedadharmaprapālakaḥ

ब्रह्मा ने कहा — इस प्रकार मन में बहुत विचार कर, वेद-धर्म के रक्षक शिव ने हृदय से सती को त्याग दिया, किन्तु अपना प्रण नष्ट नहीं होने दिया।

श्लोक 52 (shiva.rudra.45.52)

ततो विहाय मनसा सतीं तां परमेश्वरः । जगाम स्वगिरिं भेदं जगावद्धा स हि प्रभुः

tato vihāya manasā satīṁ tāṁ parameśvaraḥ | jagāma svagiriṁ bhedaṁ jagāvaddhā sa hi prabhuḥ

तत्पश्चात् परमेश्वर ने मन से सती को त्यागकर, अपने ही पर्वत की ओर प्रस्थान किया; वे प्रभु किसी को भी अपने हृदय का भेद नहीं बता पाए।

श्लोक 53 (shiva.rudra.45.53)

चलन्तं पथि तं व्योमवाण्युवाच महेश्वरम् । सर्वान् संश्रावयंस्तत्र दक्षजां च विशेषतः

calantaṁ pathi taṁ vyomavāṇyuvāca maheśvaram | sarvān saṁśrāvayaṁstatra dakṣajāṁ ca viśeṣataḥ

मार्ग में चलते हुए महेश्वर से एक आकाशवाणी हुई, जो वहाँ सबको, और विशेष रूप से दक्ष-पुत्री को, सुनाई पड़ी।

श्लोक 54 (shiva.rudra.45.54)

व्योमवाण्युवाच । धन्यस्त्वं परमेशान त्वत्समोऽद्य तथा पणः । न कोऽप्यन्यस्त्रिलोकेऽस्मिन् महायोगी महाप्रभुः

vyomavāṇyuvāca | dhanyastvaṁ parameśāna tvatsamo'dya tathā paṇaḥ | na ko'pyanyastriloke'smin mahāyogī mahāprabhuḥ

आकाशवाणी ने कहा — हे परमेशान! तुम धन्य हो, और आज तुम्हारे समान वचन-पालन करने वाला कोई अन्य नहीं है; इन तीनों लोकों में तुम्हारे समान महायोगी, महाप्रभु कोई और नहीं है।

श्लोक 55 (shiva.rudra.45.55)

ब्रह्मोवाच । श्रुत्वा व्योमवचो देवी शिवं पप्रच्छ विप्रभा । कं पणं कृतवान्नाथ ब्रूहि मे परमेश्वर

brahmovāca | śrutvā vyomavaco devī śivaṁ papraccha viprabhā | kaṁ paṇaṁ kṛtavānnātha brūhi me parameśvara

ब्रह्मा ने कहा — आकाशवाणी को सुनकर, कान्तिहीन देवी सती ने शिव से पूछा — हे नाथ! आपने कौन-सा प्रण किया है? हे परमेश्वर! मुझे बताइए।

श्लोक 56 (shiva.rudra.45.56)

इति पृष्टोऽपि गिरिशः सत्या हितकरः प्रभुः । नोद्वाहं स्वं पणं तस्यै यत् हर्यग्रेऽकरोत्पुरा

iti pṛṣṭo'pi giriśaḥ satyā hitakaraḥ prabhuḥ | nodvāhaṁ svaṁ paṇaṁ tasyai yat haryagre'karotpurā

इस प्रकार पूछे जाने पर भी, सती के हितैषी प्रभु गिरीश ने पूर्वकाल में हरि के समक्ष जो प्रण किया था, उसे उनसे प्रकट नहीं किया।

श्लोक 57 (shiva.rudra.45.57)

तदा सती शिवं ध्यात्वा स्वपतिं प्राणवल्लभम् । सर्वं बुबोध हेतुं तं प्रियत्यागमयं मुने

tadā satī śivaṁ dhyātvā svapatiṁ prāṇavallabham | sarvaṁ bubodha hetuṁ taṁ priyatyāgamayaṁ mune

हे मुने! तब सती अपने प्राणों से भी प्रिय पति शिव का ध्यान कर, उनके अपने प्रति त्याग के उस सम्पूर्ण कारण को समझ गयीं।

श्लोक 58 (shiva.rudra.45.58)

ततोऽतीव शुशोचाशु बुध्वा सा त्यागमात्मनः । शम्भुना दक्षजा तस्मान्निःश्वसन्ती मुहुर्मुहुः

tato'tīva śuśocāśu budhvā sā tyāgamātmanaḥ | śambhunā dakṣajā tasmānniḥśvasantī muhurmuhuḥ

यह जानकर कि शम्भु ने उन्हें त्याग दिया है, दक्ष-पुत्री तत्काल अत्यंत शोकग्रस्त हो गयीं, और वे बार-बार दीर्घ निःश्वास लेने लगीं।

श्लोक 59 (shiva.rudra.45.59)

शिवस्तस्याः समाज्ञाय गुप्तं चक्रे मनोभवम् । सत्यै पणं स्वकीयं हि कथा बह्वीर्वदन् प्रभुः

śivastasyāḥ samājñāya guptaṁ cakre manobhavam | satyai paṇaṁ svakīyaṁ hi kathā bahvīrvadan prabhuḥ

शिव ने उनकी इस मनोदशा को जानकर भी उसे छिपाये रखा, तथा अपने प्रण को सती से गुप्त रखते हुए, प्रभु उनसे अनेक कथाएँ कहने लगे।

श्लोक 60 (shiva.rudra.45.60)

सत्या प्राप स कैलासं कथयन् विविधाः कथाः । वरे स्थित्वा निजं रूपं दधौ योगी समाधिभृत्

satyā prāpa sa kailāsaṁ kathayan vividhāḥ kathāḥ | vare sthitvā nijaṁ rūpaṁ dadhau yogī samādhibhṛt

विविध कथाएँ कहते हुए वे सती के साथ कैलास पर पहुँचे; वहाँ श्रेष्ठ स्थान में स्थित होकर, समाधिस्थ योगी शिव ने अपना ध्यानमय रूप धारण कर लिया।

श्लोक 61 (shiva.rudra.45.61)

तत्र तस्थौ सती धाम्नि महाव्याकुलमानसा । न बुबोध चरित्रं तत्कश्चिच्च शिवयोर्मुने

tatra tasthau satī dhāmni mahāvyākulamānasā | na bubodha caritraṁ tatkaścicca śivayormune

हे मुने! सती वहाँ उस धाम में अत्यंत व्याकुल मन से रहीं; उन दोनों — शिव और सती — के इस चरित्र को वहाँ कोई भी नहीं जान सका।

श्लोक 62 (shiva.rudra.45.62)

महान्कालो व्यतीयाय तयोरित्थं महामुने । स्वोपात्तदेहयोः प्रभ्वोर्लोकलीलानुसारिणोः

mahānkālo vyatīyāya tayoritthaṁ mahāmune | svopāttadehayoḥ prabhvorlokalīlānusāriṇoḥ

हे महामुने! इस प्रकार उन दोनों प्रभुओं का, जो अपनी ही इच्छा से देह धारण किये हुए तथा लौकिक लीला का अनुसरण करने वाले थे, दीर्घ काल व्यतीत हो गया।

श्लोक 63 (shiva.rudra.45.63)

ध्यानं तत्याज गिरिशस्ततः स परमोतिकृत् । तज्ज्ञात्वा जगदम्बा हि सती तत्राजगाम सा

dhyānaṁ tatyāja giriśastataḥ sa paramotikṛt | tajjñātvā jagadambā hi satī tatrājagāma sā

तत्पश्चात् परम कार्य करने वाले गिरीश ने अपना ध्यान त्यागा; इसे जानकर जगदम्बा सती वहाँ आ पहुँचीं।

श्लोक 64 (shiva.rudra.45.64)

ननामाथ शिवं देवी हृदयेन विदूयता । आसनं दत्तवान् शम्भुः स्वसम्मुख उदारधीः

nanāmātha śivaṁ devī hṛdayena vidūyatā | āsanaṁ dattavān śambhuḥ svasammukha udāradhīḥ

देवी ने अपने संतप्त हृदय से शिव को प्रणाम किया; उदार बुद्धि वाले शम्भु ने उन्हें अपने सामने आसन दिया।

श्लोक 65 (shiva.rudra.45.65)

कथयामास सुप्रीत्या कथा वह्वीर्मनोरमाः । निःशोकां कृतवान् सद्यो लीलां कृत्वा च तादृशीम्

kathayāmāsa suprītyā kathā vahvīrmanoramāḥ | niḥśokāṁ kṛtavān sadyo līlāṁ kṛtvā ca tādṛśīm

उन्होंने अत्यंत प्रेमपूर्वक अनेक मनोरम कथाएँ सुनायीं, तथा वैसी ही लीला रचकर तत्काल उन्हें शोकरहित कर दिया।

श्लोक 66 (shiva.rudra.45.66)

पूर्ववत्सा सुखं लेभे तत्याज स्वपणं न सः । नेत्याश्चर्यं शिवे तात मन्तव्यं परमेश्वरे

pūrvavatsā sukhaṁ lebhe tatyāja svapaṇaṁ na saḥ | netyāścaryaṁ śive tāta mantavyaṁ parameśvare

वे पहले की भाँति ही सुख प्राप्त करने लगीं, परन्तु शिव ने अपना प्रण कभी नहीं त्यागा। हे तात! इसमें परमेश्वर शिव के विषय में कोई आश्चर्य नहीं मानना चाहिए।

श्लोक 67 (shiva.rudra.45.67)

इत्थं शिवाशिवकथां वदन्ति मुनयो मुने । किल केचिदविद्वांसो वियोगश्च कथं तयोः

itthaṁ śivāśivakathāṁ vadanti munayo mune | kila kecidavidvāṁso viyogaśca kathaṁ tayoḥ

हे मुने! इस प्रकार मुनिगण शिव-शिवा की कथा कहते हैं; कुछ अल्पज्ञ लोग ही यह पूछ बैठते हैं कि उन दोनों का वियोग किस प्रकार हुआ।

श्लोक 68 (shiva.rudra.45.68)

शिवाशिवचरित्रं को जानाति परमार्थतः । स्वेच्छया क्रीडतस्तौ हि चरितं कुरुतः सदा

śivāśivacaritraṁ ko jānāti paramārthataḥ | svecchayā krīḍatastau hi caritaṁ kurutaḥ sadā

शिव-शिवा के चरित्र को परमार्थ रूप से कौन जान सकता है? वे दोनों अपनी ही इच्छा से क्रीड़ा करते हुए सदैव यह चरित्र करते रहते हैं।

श्लोक 69 (shiva.rudra.45.69)

वागर्थाविव सम्पृक्तौ सदा खलु सतीशिवौ । तयोर्वियोगोऽसम्भाव्यः सम्भवेदिच्छया तयोः

vāgarthāviva sampṛktau sadā khalu satīśivau | tayorviyogo'sambhāvyaḥ sambhavedicchayā tayoḥ

सती और शिव सदैव शब्द और अर्थ के समान परस्पर संयुक्त हैं; उन दोनों का वास्तविक वियोग असम्भव है, वह केवल उन्हीं की इच्छा से ही संभव प्रतीत हो सकता है।