राम-परीक्षा वर्णन

श्लोक 1 (shiva.rudra.44.1)

नारद उवाच । ब्रह्मन् विधे प्रजानाथ महाप्राज्ञ कृपाकर । श्रावितं शङ्करयशः सतीशङ्करयोः शुभम्

nārada uvāca | brahman vidhe prajānātha mahāprājña kṛpākara | śrāvitaṁ śaṅkarayaśaḥ satīśaṅkarayoḥ śubham

नारद ने कहा — हे ब्रह्मन्! हे विधे! हे प्रजानाथ! हे महाप्राज्ञ! हे कृपाकर! आपने मुझे शंकर के यश तथा सती-शंकर के शुभ चरित्र का श्रवण कराया।

श्लोक 2 (shiva.rudra.44.2)

इदानीं ब्रूहि सत्प्रीत्या परं तद्यश उत्तमम् । किमकार्ष्टां हि तत्स्थौ वै चरितं दम्पती शिवौ

idānīṁ brūhi satprītyā paraṁ tadyaśa uttamam | kimakārṣṭāṁ hi tatsthau vai caritaṁ dampatī śivau

अब कृपापूर्वक वह उत्तम और परम यश और बताइए — उस स्थान पर स्थित रहते हुए उन शिव-दम्पति ने आगे क्या चरित्र किया?

श्लोक 3 (shiva.rudra.44.3)

ब्रह्मोवाच । सतीशिवचरित्रं च शृणु मे प्रेमतो मुने । लौकिकीं गतिमाश्रित्य चिक्रीडाते सदान्वहम्

brahmovāca | satīśivacaritraṁ ca śṛṇu me premato mune | laukikīṁ gatimāśritya cikrīḍāte sadānvaham

ब्रह्मा ने कहा — हे मुने! सती-शिव के चरित्र को मुझसे प्रेमपूर्वक सुनो; वे दोनों लौकिक रीति का आश्रय लेकर प्रतिदिन क्रीड़ा करते रहे।

श्लोक 4 (shiva.rudra.44.4)

ततः सती महादेवी वियोगमलभन्मुने । स्वपतः शङ्करस्येति वदन्त्येके सुबुद्धयः

tataḥ satī mahādevī viyogamalabhanmune | svapataḥ śaṅkarasyeti vadantyeke subuddhayaḥ

हे मुने! कुछ सुबुद्धिमान लोग कहते हैं कि तत्पश्चात् महादेवी सती को अपने पति शंकर से वियोग प्राप्त हुआ।

श्लोक 5 (shiva.rudra.44.5)

वागर्थाविव सम्पृक्तौ शक्तीशौ सर्वदा चितौ । कथं घटेत च तयोर्वियोगस्तत्त्वतो मुने

vāgarthāviva sampṛktau śaktīśau sarvadā citau | kathaṁ ghaṭeta ca tayorviyogastattvato mune

शक्ति और ईश्वर सदैव शब्द और अर्थ के समान परस्पर जुड़े हुए, चेतनामय हैं; फिर हे मुने! उन दोनों का वास्तविक वियोग कैसे संभव हो सकता है?

श्लोक 6 (shiva.rudra.44.6)

लीलारुचित्वादथवा सङ्घटेताखिलं च तत् । कुरुते यद्यदीशौ च सतीशौ भवरीतिगौ

līlārucitvādathavā saṅghaṭetākhilaṁ ca tat | kurute yadyadīśau ca satīśau bhavarītigau

अथवा, अपनी लीला-रुचि के कारण ही वह सब कुछ घटित हो सकता है, जो कुछ भी सती-ईश दोनों संसार की रीति का अनुसरण करते हुए करते हैं।

श्लोक 7 (shiva.rudra.44.7)

सा त्यक्ता दक्षजा दृष्ट्वा पतिना जनकाध्वरे । शम्भोरनादरात्तत्र देहं तत्याज सङ्गता

sā tyaktā dakṣajā dṛṣṭvā patinā janakādhvare | śambhoranādarāttatra dehaṁ tatyāja saṅgatā

दक्ष-पुत्री सती ने जनक के यज्ञ में अपने पति से त्यागी गयी देखकर, शम्भु के अनादर से क्षुब्ध होकर, वहीं उपस्थित रहते हुए अपनी देह त्याग दी।

श्लोक 8 (shiva.rudra.44.8)

पुनर्हिमालये सैवाविर्भूता नामतः सती । पार्वतीति शिवं प्राप तप्त्वा भूरि विवाहतः

punarhimālaye saivāvirbhūtā nāmataḥ satī | pārvatīti śivaṁ prāpa taptvā bhūri vivāhataḥ

वही सती पुनः हिमालय के घर में प्रकट हुईं, तथा पार्वती नाम धारण कर, अत्यंत तपस्या करने के पश्चात् विवाह द्वारा शिव को प्राप्त किया।

श्लोक 9 (shiva.rudra.44.9)

सूत उवाच । इत्याकर्ण्य वचस्तस्य ब्रह्मणः स तु नारदः । पप्रच्छ च विधातारं शिवाशिवमहद्यशः

sūta uvāca | ityākarṇya vacastasya brahmaṇaḥ sa tu nāradaḥ | papraccha ca vidhātāraṁ śivāśivamahadyaśaḥ

सूत ने कहा — ब्रह्मा के इस वचन को सुनकर नारद ने पुनः शिव और शिवा के महान यश के विषय में विधाता से पूछा।

श्लोक 10 (shiva.rudra.44.10)

नारद उवाच । विष्णुशिष्य महाभाग विधे मे वद विस्तरात् । शिवाशिवचरित्रं तद्भवाचारपरानुगम्

nārada uvāca | viṣṇuśiṣya mahābhāga vidhe me vada vistarāt | śivāśivacaritraṁ tadbhavācāraparānugam

नारद ने कहा — हे विष्णु के शिष्य! हे महाभाग! हे विधे! मुझे विस्तार से शिव-शिवा का वह चरित्र बताइए, जो लौकिक आचार का अनुसरण करता है।

श्लोक 11 (shiva.rudra.44.11)

किमर्थं शङ्करो जायां तत्याज प्राणतः प्रियाम् । तस्मादाचक्ष्व मे तात विचित्रमिति मन्महे

kimarthaṁ śaṅkaro jāyāṁ tatyāja prāṇataḥ priyām | tasmādācakṣva me tāta vicitramiti manmahe

शंकर ने अपनी प्राणों से भी प्रिय पत्नी को किसलिए त्यागा? हे तात! इसलिए मुझे यह बताइए, यह मुझे अत्यंत विचित्र प्रतीत होता है।

श्लोक 12 (shiva.rudra.44.12)

कुतोऽध्वरेऽजः पुत्रस्यानादरोऽभूच्छिवस्य ते । कथं तत्याज सा देहं गत्वा तत्र पितुः क्रतौ

kuto'dhvare'jaḥ putrasyānādaro'bhūcchivasya te | kathaṁ tatyāja sā dehaṁ gatvā tatra pituḥ kratau

उस यज्ञ में अजन्मा दक्ष के द्वारा शिव का अनादर क्यों हुआ? तथा वे वहाँ अपने पिता के यज्ञ में जाकर अपनी देह कैसे त्याग बैठीं?

श्लोक 13 (shiva.rudra.44.13)

ततः किमभवत्तत्र किमकार्षीन्महेश्वरः । तत्सर्वं मे समाचक्ष्व श्रद्धायुक् तच्छ्रुतावहम्

tataḥ kimabhavattatra kimakārṣīnmaheśvaraḥ | tatsarvaṁ me samācakṣva śraddhāyuk tacchrutāvaham

तत्पश्चात् वहाँ क्या हुआ, महेश्वर ने वहाँ क्या किया — वह सब मुझे बताइए; मैं श्रद्धापूर्वक उसे सुनना चाहता हूँ।

श्लोक 14 (shiva.rudra.44.14)

ब्रह्मोवाच । शृणु तात परप्रीत्या मुनिभिः सह नारद । सुतवर्य महाप्राज्ञ चरितं शशिमौलिनः

brahmovāca | śṛṇu tāta paraprītyā munibhiḥ saha nārada | sutavarya mahāprājña caritaṁ śaśimaulinaḥ

ब्रह्मा ने कहा — हे तात नारद! हे मुनिश्रेष्ठ सूत! हे महाप्राज्ञ! मुनियों सहित परम प्रेम से चन्द्रशेखर का वह चरित्र सुनो।

श्लोक 15 (shiva.rudra.44.15)

नमस्कृत्य महेशानं हर्यादिसुरसेवितम् । परब्रह्म प्रवक्ष्यामि तच्चरित्रं महाद्भुतम्

namaskṛtya maheśānaṁ haryādisurasevitam | parabrahma pravakṣyāmi taccaritraṁ mahādbhutam

विष्णु आदि देवताओं द्वारा सेवित महेश्वर परब्रह्म को नमस्कार कर, मैं उनका वह महान अद्भुत चरित्र कहता हूँ।

श्लोक 16 (shiva.rudra.44.16)

सर्वेयं शिवलीला हि बहुलीलाकरः प्रभुः । स्वतन्त्रो निर्विकारी च सती सापि हि तद्विधा

sarveyaṁ śivalīlā hi bahulīlākaraḥ prabhuḥ | svatantro nirvikārī ca satī sāpi hi tadvidhā

यह सब कुछ शिव की ही लीला है; वे प्रभु अनेक लीलाएँ करने वाले, स्वतन्त्र तथा निर्विकारी हैं; सती भी उन्हीं के समान हैं।

श्लोक 17 (shiva.rudra.44.17)

अन्यथा कः समर्थो हि तत्कर्मकरणे मुने । परमात्मा परब्रह्म स एव परमेश्वरः

anyathā kaḥ samartho hi tatkarmakaraṇe mune | paramātmā parabrahma sa eva parameśvaraḥ

अन्यथा, हे मुने! उस कर्म को करने में और कौन समर्थ है? वे परमात्मा, परब्रह्म ही साक्षात् परमेश्वर हैं।

श्लोक 18 (shiva.rudra.44.18)

यं सदा भजते श्रीशोऽहं चापि सकलाः सुराः । मुनयश्च महात्मानः सिद्धाश्च सनकादयः

yaṁ sadā bhajate śrīśo'haṁ cāpi sakalāḥ surāḥ | munayaśca mahātmānaḥ siddhāśca sanakādayaḥ

जिनको श्रीपति विष्णु, मैं स्वयं, तथा समस्त देवगण, मुनि, महात्मा तथा सनक आदि सिद्धगण सदैव भजते हैं —

श्लोक 19 (shiva.rudra.44.19)

शेषः सदा यशो यस्य मुदा गायति नित्यशः । पारं न लभते तात स प्रभुः शङ्करः शिवः

śeṣaḥ sadā yaśo yasya mudā gāyati nityaśaḥ | pāraṁ na labhate tāta sa prabhuḥ śaṅkaraḥ śivaḥ

— जिनके यश को शेषनाग सदैव आनन्दपूर्वक निरन्तर गाते हैं, फिर भी उसका पार नहीं पा सकते — हे तात! वे ही प्रभु शंकर शिव हैं।

श्लोक 20 (shiva.rudra.44.20)

तस्यैव लीलया सर्वोऽयमिति तत्त्वविभ्रमः । तत्र दोषो न कस्यापि सर्वव्यापी स प्रेरकः

tasyaiva līlayā sarvo'yamiti tattvavibhramaḥ | tatra doṣo na kasyāpi sarvavyāpī sa prerakaḥ

यह सारा तत्त्व-भ्रम भी उन्हीं की लीला से है; उसमें किसी का भी दोष नहीं है, क्योंकि वे ही सर्वव्यापी प्रेरक हैं।

श्लोक 21 (shiva.rudra.44.21)

एकस्मिन्समये रुद्रः सत्या त्रिभवने भवः । वृषमारुह्य पर्याटद्रसां लीलाविशारदः

ekasminsamaye rudraḥ satyā tribhavane bhavaḥ | vṛṣamāruhya paryāṭadrasāṁ līlāviśāradaḥ

एक समय भव रुद्र सती के साथ, वृषभ पर सवार होकर, लीला में निपुण होकर, तीनों लोकों में पृथ्वी पर विचरण करने लगे।

श्लोक 22 (shiva.rudra.44.22)

आगत्य दण्डकारण्यं पर्यटन् सागराम्बराम् । दर्शयन् तत्रगां शोभां सत्यै सत्यपणः प्रभुः

āgatya daṇḍakāraṇyaṁ paryaṭan sāgarāmbarām | darśayan tatragāṁ śobhāṁ satyai satyapaṇaḥ prabhuḥ

वे प्रभु, जिनकी प्रतिज्ञा सदा सत्य होती है, दण्डकारण्य में आकर, समुद्र-वसना पृथ्वी में विचरण करते हुए, सती को वहाँ की शोभा दिखाते रहे।

श्लोक 23 (shiva.rudra.44.23)

तत्र रामं ददर्शासौ लक्ष्मणेनान्वितं हरः । अन्विष्यन्तं प्रियां सीतां रावणेन हृतां छलात्

tatra rāmaṁ dadarśāsau lakṣmaṇenānvitaṁ haraḥ | anviṣyantaṁ priyāṁ sītāṁ rāvaṇena hṛtāṁ chalāt

वहाँ हर ने लक्ष्मण सहित राम को देखा, जो रावण द्वारा छल से हरी गयी अपनी प्रिय सीता को खोज रहे थे।

श्लोक 24 (shiva.rudra.44.24)

हा सीतेति प्रोच्चरन्तं विरहाविष्टमानसम् । यतस्ततश्च पश्यन्तं रुदन्तं हि मुहुर्मुहुः

hā sīteti proccarantaṁ virahāviṣṭamānasam | yatastataśca paśyantaṁ rudantaṁ hi muhurmuhuḥ

वे "हा सीते!" कहकर पुकार रहे थे, उनका मन विरह से व्याकुल था, वे इधर-उधर देख रहे थे तथा बार-बार रो रहे थे।

श्लोक 25 (shiva.rudra.44.25)

समिच्छन्तं च तत्प्राप्तिं पृच्छन्तं तद्गतिं हृदा । कुजादिभ्यो नष्टधियमत्रपं शोकविह्वलम्

samicchantaṁ ca tatprāptiṁ pṛcchantaṁ tadgatiṁ hṛdā | kujādibhyo naṣṭadhiyamatrapaṁ śokavihvalam

वे उसे पुनः पाने की कामना कर रहे थे, हृदय से उसकी गति के विषय में वृक्षों आदि से पूछ रहे थे, शोक से उनकी बुद्धि नष्ट हो गयी थी, वे लज्जारहित होकर शोक से व्याकुल थे।

श्लोक 26 (shiva.rudra.44.26)

सूर्यवंशोद्भवं वीरं भूपं दशरथात्मजम् । भरताग्रजमानन्दरहितं विगतप्रभम्

sūryavaṁśodbhavaṁ vīraṁ bhūpaṁ daśarathātmajam | bharatāgrajamānandarahitaṁ vigataprabham

वे सूर्यवंश में उत्पन्न वीर, राजा दशरथ के पुत्र, भरत के बड़े भाई थे, किन्तु उस समय आनन्दरहित और कान्तिहीन हो रहे थे।

श्लोक 27 (shiva.rudra.44.27)

पूर्णकामो वराधीनं प्राणमत्स्म मुदा हरः । रामं भ्रमन्तं विपिने सलक्ष्मणमुदारधीः

pūrṇakāmo varādhīnaṁ prāṇamatsma mudā haraḥ | rāmaṁ bhramantaṁ vipine salakṣmaṇamudāradhīḥ

पूर्णकाम, उदार बुद्धि वाले हर ने वन में भटकते हुए लक्ष्मण-सहित राम को, जो वरदान के अधीन थे, हर्षपूर्वक प्रणाम किया।

श्लोक 28 (shiva.rudra.44.28)

जयेत्युक्त्वान्यतोऽगच्छन्नदात्तस्मै स्वदर्शनम् । रामाय विपिने तस्मिन् शङ्करो भक्तवत्सलः

jayetyuktvānyato'gacchannadāttasmai svadarśanam | rāmāya vipine tasmin śaṅkaro bhaktavatsalaḥ

भक्तवत्सल शंकर ने "जय हो" कहकर, उस वन में राम को अपने वास्तविक दर्शन दिये बिना ही, अन्यत्र चले गये।

श्लोक 29 (shiva.rudra.44.29)

इतीदृशीं सती दृष्ट्वा शिवलीलां विमोहनीम् । सुविस्मिता शिवं प्राह शिवमायाविमोहिता

itīdṛśīṁ satī dṛṣṭvā śivalīlāṁ vimohanīm | suvismitā śivaṁ prāha śivamāyāvimohitā

शिव की इस प्रकार की मोहित करने वाली लीला को देखकर, सती अत्यंत आश्चर्यचकित हो गयीं, और शिव की माया से मोहित होकर शिव से बोलीं।

श्लोक 30 (shiva.rudra.44.30)

सत्युवाच । देवदेव परब्रह्म सर्वेश परमेश्वर । सेवन्ते त्वां सदा सर्वे हरिब्रह्मादयः सुराः

satyuvāca | devadeva parabrahma sarveśa parameśvara | sevante tvāṁ sadā sarve haribrahmādayaḥ surāḥ

सती ने कहा — हे देवदेव! हे परब्रह्म! हे सर्वेश! हे परमेश्वर! हरि, ब्रह्मा आदि समस्त देवगण सदैव आपकी सेवा करते हैं।

श्लोक 31 (shiva.rudra.44.31)

त्वं प्रणम्यो हि सर्वेषां सेव्यो ध्येयश्च सर्वदा । वेदान्तवेद्यो यत्नेन निर्विकारी परप्रभुः

tvaṁ praṇamyo hi sarveṣāṁ sevyo dhyeyaśca sarvadā | vedāntavedyo yatnena nirvikārī paraprabhuḥ

आप ही सबके द्वारा नमस्करणीय, सेवा तथा ध्यान के योग्य हैं, वेदान्त द्वारा प्रयत्नपूर्वक जानने योग्य, निर्विकारी परम प्रभु हैं।

श्लोक 32 (shiva.rudra.44.32)

काविमौ पुरुषौ नाथ विरहव्याकुलाकृती । विचरन्तौ वने क्लिष्टौ दीनौ वीरौ धनुर्धरौ

kāvimau puruṣau nātha virahavyākulākṛtī | vicarantau vane kliṣṭau dīnau vīrau dhanurdharau

हे नाथ! ये कौन दो पुरुष हैं, जिनकी आकृति विरह से व्याकुल है, जो कष्ट में हैं, दीन हैं, तथापि वीर और धनुर्धारी हैं, तथा वन में विचरण कर रहे हैं?

श्लोक 33 (shiva.rudra.44.33)

तयोर्ज्येष्ठं कञ्जश्यामं दृष्ट्वा वै केन हेतुना । मुदितः सुप्रसन्नात्माभवो भक्त इवाधुना

tayorjyeṣṭhaṁ kañjaśyāmaṁ dṛṣṭvā vai kena hetunā | muditaḥ suprasannātmābhavo bhakta ivādhunā

उन दोनों में जो बड़े हैं, कमल के समान श्यामवर्ण उनको देखकर, किस कारण से आप हर्षित तथा अत्यंत प्रसन्नचित्त होकर अभी भक्त के समान हो गये?

श्लोक 34 (shiva.rudra.44.34)

इति मे संशयं स्वामिन् शङ्कर छेत्तुमर्हसि । सेव्यस्य सेवके नैव घटते प्रणतिः प्रभो

iti me saṁśayaṁ svāmin śaṅkara chettumarhasi | sevyasya sevake naiva ghaṭate praṇatiḥ prabho

हे स्वामिन्! हे शंकर! मेरे इस संशय को दूर कीजिए; हे प्रभो! सेव्य का सेवक के प्रति नमन तो कभी उचित नहीं होता।

श्लोक 35 (shiva.rudra.44.35)

ब्रह्मोवाच । आदिशक्तिः सती देवी शिवा सा परमेश्वरी । शिवमायावशी भूत्वा पप्रच्छेत्थं शिवं प्रभुम्

brahmovāca | ādiśaktiḥ satī devī śivā sā parameśvarī | śivamāyāvaśī bhūtvā papracchetthaṁ śivaṁ prabhum

ब्रह्मा ने कहा — आदिशक्ति देवी सती, वह परमेश्वरी शिवा, शिव की ही माया के वशीभूत होकर, इस प्रकार प्रभु शिव से पूछ बैठीं।

श्लोक 36 (shiva.rudra.44.36)

तदाकर्ण्य वचः सत्याः शङ्करः परमेश्वरः । तदा विहस्य स प्राह सतीं लीलाविशारदः

tadākarṇya vacaḥ satyāḥ śaṅkaraḥ parameśvaraḥ | tadā vihasya sa prāha satīṁ līlāviśāradaḥ

सती के इस वचन को सुनकर, लीला में निपुण परमेश्वर शंकर उस समय हँसकर सती से बोले।

श्लोक 37 (shiva.rudra.44.37)

परमेश्वर उवाच । शृणु देवि सति प्रीत्या यथार्थं वच्मि नच्छलम् । वरदानप्रभावात्तु प्रणामं चैवमादरात्

parameśvara uvāca | śṛṇu devi sati prītyā yathārthaṁ vacmi nacchalam | varadānaprabhāvāttu praṇāmaṁ caivamādarāt

परमेश्वर ने कहा — हे देवि सति! प्रेमपूर्वक सुनो, मैं यथार्थ कहता हूँ, कोई छल नहीं करता। वरदान के प्रभाव से ही मैंने इस प्रकार आदरपूर्वक प्रणाम किया।

श्लोक 38 (shiva.rudra.44.38)

रामलक्ष्मणनामानौ भ्रातरौ वीरसम्मतौ । सूर्यवंशोद्भवौ देवि प्राज्ञौ दशरथात्मजौ

rāmalakṣmaṇanāmānau bhrātarau vīrasammatau | sūryavaṁśodbhavau devi prājñau daśarathātmajau

हे देवि! इन दोनों भाइयों के नाम राम और लक्ष्मण हैं, ये दोनों वीरों में सम्मानित, सूर्यवंश में उत्पन्न, बुद्धिमान तथा दशरथ के पुत्र हैं।

श्लोक 39 (shiva.rudra.44.39)

गौरवर्णौ लघुर्बन्धुः शेषेशो लक्ष्मणाभिधः । ज्येष्ठो रामाभिधो विष्णुः पूर्णांशो निरुपद्रवः

gauravarṇau laghurbandhuḥ śeṣeśo lakṣmaṇābhidhaḥ | jyeṣṭho rāmābhidho viṣṇuḥ pūrṇāṁśo nirupadravaḥ

छोटा भाई, गौरवर्ण, लक्ष्मण नाम वाला, स्वयं शेषनाग के स्वामी हैं; बड़ा भाई, राम नामधारी, स्वयं विष्णु हैं, जो पूर्ण अंश से अवतरित तथा उपद्रवरहित हैं।

श्लोक 40 (shiva.rudra.44.40)

अवतीर्णः क्षितौ साधुरक्षणाय भवाय नः । इत्युक्त्वा विररामासौ शम्भुः सूतिकरः प्रभुः

avatīrṇaḥ kṣitau sādhurakṣaṇāya bhavāya naḥ | ityuktvā virarāmāsau śambhuḥ sūtikaraḥ prabhuḥ

वे पृथ्वी पर सज्जनों की रक्षा के लिए, हमारे कल्याण के लिए अवतरित हुए हैं — ऐसा कहकर, जन्म देने वाले प्रभु शम्भु मौन हो गये।

श्लोक 41 (shiva.rudra.44.41)

श्रुत्वापीत्थं वचः शम्भोर्न विशश्वास तन्मनः । शिवमाया बलवती सैव त्रैलोक्यमोहिनी

śrutvāpītthaṁ vacaḥ śambhorna viśaśvāsa tanmanaḥ | śivamāyā balavatī saiva trailokyamohinī

शम्भु के इस वचन को सुनकर भी सती का मन विश्वास नहीं कर सका, क्योंकि शिव की माया अत्यंत बलवती है, जो त्रिलोक को भी मोहित कर देती है।

श्लोक 42 (shiva.rudra.44.42)

अविश्वस्तं मनो ज्ञात्वा तस्याः शम्भुः सनातनः । अवोचद्वचनं चेति प्रभुर्लीलाविशारदः

aviśvastaṁ mano jñātvā tasyāḥ śambhuḥ sanātanaḥ | avocadvacanaṁ ceti prabhurlīlāviśāradaḥ

उसका मन अविश्वासी जानकर, सनातन प्रभु शम्भु, जो लीला में निपुण हैं, तब यह वचन बोले।

श्लोक 43 (shiva.rudra.44.43)

शिव उवाच । शृणु मद्वचनं देवि न विश्वसिति चेन्मनः । तव रामपरिक्षां हि कुरु तत्र स्वया धिया

śiva uvāca | śṛṇu madvacanaṁ devi na viśvasiti cenmanaḥ | tava rāmaparikṣāṁ hi kuru tatra svayā dhiyā

शिव ने कहा — हे देवि! मेरा वचन सुनो; यदि तुम्हारा मन विश्वास नहीं करता, तो तुम स्वयं अपनी बुद्धि से वहाँ राम की परीक्षा कर लो।

श्लोक 44 (shiva.rudra.44.44)

विनश्यति यथा मोहस्तत्कुरु त्वं सति प्रिये । गत्वा तत्र स्थितस्तावद् वटे भव परीक्षिका

vinaśyati yathā mohastatkuru tvaṁ sati priye | gatvā tatra sthitastāvad vaṭe bhava parīkṣikā

हे प्रिये सति! जिस प्रकार से तुम्हारा मोह नष्ट हो सके, वही करो; तब तक मैं इस वट वृक्ष के पास ही ठहरता हूँ, तुम जाकर परीक्षा करो।

श्लोक 45 (shiva.rudra.44.45)

ब्रह्मोवाच । शिवाज्ञया सती तत्र गत्वाचिन्तयदीश्वरी । कुर्यां परीक्षां च कथं रामस्य वनचारिणः

brahmovāca | śivājñayā satī tatra gatvācintayadīśvarī | kuryāṁ parīkṣāṁ ca kathaṁ rāmasya vanacāriṇaḥ

ब्रह्मा ने कहा — शिव की आज्ञा से सती वहाँ जाकर विचार करने लगीं कि वन में विचरण करने वाले राम की परीक्षा किस प्रकार करूँ।

श्लोक 46 (shiva.rudra.44.46)

सीतारूपमहं धृत्वा गच्छेयं रामसन्निधौ । यदि रामो हरिः सर्वं विज्ञास्यति न चान्यथा

sītārūpamahaṁ dhṛtvā gaccheyaṁ rāmasannidhau | yadi rāmo hariḥ sarvaṁ vijñāsyati na cānyathā

यदि मैं सीता का रूप धारण कर राम के समीप जाऊँ, तो यदि राम साक्षात् हरि होंगे, तभी वे सब कुछ जान लेंगे, अन्यथा नहीं।

श्लोक 47 (shiva.rudra.44.47)

इत्थं विचार्य सीता सा भूत्वा रामसमीपतः । अगमत्तत्परीक्षार्थं सती मोहपरायणा

itthaṁ vicārya sītā sā bhūtvā rāmasamīpataḥ | agamattatparīkṣārthaṁ satī mohaparāyaṇā

इस प्रकार विचार कर, मोहवश सती सीता का रूप धारणकर उनकी परीक्षा के लिए राम के समीप गयीं।

श्लोक 48 (shiva.rudra.44.48)

सीतारूपां सतीं दृष्ट्वा जपन्नाम शिवेति च । विहस्य तत्प्रविज्ञाय नत्वावोचद् रघूद्वहः

sītārūpāṁ satīṁ dṛṣṭvā japannāma śiveti ca | vihasya tatpravijñāya natvāvocad raghūdvahaḥ

सीता के रूप में सती को देखकर, तथा "शिव" नाम का जप करते हुए, रघुकुल-श्रेष्ठ राम ने मुस्कुराकर, सब कुछ जान-बूझकर, प्रणाम करते हुए कहा।

श्लोक 49 (shiva.rudra.44.49)

श्रीराम उवाच । प्रेमतस्त्वं सति ब्रूहि क्व शम्भुस्ते नमो गतः । एकाकी विपिने कस्मादागता पतिना विना

śrīrāma uvāca | prematastvaṁ sati brūhi kva śambhuste namo gataḥ | ekākī vipine kasmādāgatā patinā vinā

श्रीराम ने कहा — हे सति! प्रेमपूर्वक बताइए, आपके नमस्कार-योग्य शम्भु कहाँ हैं? आप अपने पति के बिना अकेली इस वन में क्यों आयी हैं?

श्लोक 50 (shiva.rudra.44.50)

त्यक्त्वा स्वरूपं कस्मात्ते धृतं रूपमिदं सति । ब्रूहि तत्कारणं देवि कृपां कृत्वा ममोपरि

tyaktvā svarūpaṁ kasmātte dhṛtaṁ rūpamidaṁ sati | brūhi tatkāraṇaṁ devi kṛpāṁ kṛtvā mamopari

हे सति! आपने अपना स्वरूप त्यागकर यह रूप क्यों धारण किया है? हे देवि! मुझ पर कृपा कर वह कारण मुझे बताइए।

श्लोक 51 (shiva.rudra.44.51)

ब्रह्मोवाच । इति रामवचः श्रुत्वा चकितासीत्सती तदा । स्मृत्वा शिवोक्तं मत्वा चावितथं लज्जिता भृशम्

brahmovāca | iti rāmavacaḥ śrutvā cakitāsītsatī tadā | smṛtvā śivoktaṁ matvā cāvitathaṁ lajjitā bhṛśam

ब्रह्मा ने कहा — राम के इस वचन को सुनकर सती उस समय चकित हो गयीं; शिव के कहे हुए वचन को स्मरण कर, उसे सत्य मानकर, वे अत्यंत लज्जित हुईं।

श्लोक 52 (shiva.rudra.44.52)

रामं विज्ञाय विष्णुं तं स्वरूपं संविधाय च । स्मृत्वा शिवपदं चित्ते सत्युवाच प्रसन्नधीः

rāmaṁ vijñāya viṣṇuṁ taṁ svarūpaṁ saṁvidhāya ca | smṛtvā śivapadaṁ citte satyuvāca prasannadhīḥ

राम को साक्षात् विष्णु जानकर, अपने वास्तविक रूप को पुनः धारण कर, तथा मन में शिव के चरणों का स्मरण करते हुए, प्रसन्नचित्त सती बोलीं।

श्लोक 53 (shiva.rudra.44.53)

शिवो मया गणैश्चैव पर्यटन् वसुधां प्रभुः । इहागच्छच्च विपिने स्वतन्त्रः परमेश्वरः

śivo mayā gaṇaiścaiva paryaṭan vasudhāṁ prabhuḥ | ihāgacchacca vipine svatantraḥ parameśvaraḥ

प्रभु शिव अपने गणों सहित मेरे साथ पृथ्वी पर विचरण करते हुए, स्वतन्त्र परमेश्वर के रूप में इसी वन में आये थे।

श्लोक 54 (shiva.rudra.44.54)

अपश्यदत्र स त्वां हि सीतान्वेषणतत्परम् । सलक्ष्मणं विरहिणं सीतया क्लिष्टमानसम्

apaśyadatra sa tvāṁ hi sītānveṣaṇatatparam | salakṣmaṇaṁ virahiṇaṁ sītayā kliṣṭamānasam

उन्होंने यहाँ आपको सीता की खोज में तत्पर, लक्ष्मण सहित, सीता के वियोग से क्लेशित मन वाला देखा।

श्लोक 55 (shiva.rudra.44.55)

नत्वा त्वां स गतो मूले वटस्य स्थित एव हि । प्रशंसन् महिमानं ते वैष्णवं परमं मुदा

natvā tvāṁ sa gato mūle vaṭasya sthita eva hi | praśaṁsan mahimānaṁ te vaiṣṇavaṁ paramaṁ mudā

वे आपको प्रणाम कर वहीं वट वृक्ष की जड़ में रुके हुए हैं, तथा हर्षपूर्वक आपकी परम वैष्णव महिमा की प्रशंसा कर रहे हैं।

श्लोक 56 (shiva.rudra.44.56)

चतुर्भुजं हरिं त्वां नो दृष्ट्वैव मुदितोऽभवत् । यथेदं रूपममलं पश्यन्नानन्दमाप्तवान्

caturbhujaṁ hariṁ tvāṁ no dṛṣṭvaiva mudito'bhavat | yathedaṁ rūpamamalaṁ paśyannānandamāptavān

उन्होंने आपको चतुर्भुज हरि के रूप में देखे बिना ही आनन्दित हो गये, मानो इस निर्मल रूप को देखकर ही उन्होंने आनन्द प्राप्त कर लिया हो।

श्लोक 57 (shiva.rudra.44.57)

तच्छ्रुत्वा वचनं शम्भोर्भ्रममानीय चेतसि । तदाज्ञया परीक्षां ते कृतवत्यस्मि राघव

tacchrutvā vacanaṁ śambhorbhramamānīya cetasi | tadājñayā parīkṣāṁ te kṛtavatyasmi rāghava

शम्भु के उस वचन को सुनकर मेरे चित्त में भ्रम उत्पन्न हो गया था, हे राघव! और उन्हीं की आज्ञा से मैंने आपकी यह परीक्षा की है।

श्लोक 58 (shiva.rudra.44.58)

ज्ञातं मे राम विष्णुस्त्वं दृष्टा ते प्रभुताखिला । निःसंशया तदापि तच्छृणु त्वं च महामते

jñātaṁ me rāma viṣṇustvaṁ dṛṣṭā te prabhutākhilā | niḥsaṁśayā tadāpi tacchṛṇu tvaṁ ca mahāmate

हे राम! अब मुझे ज्ञात हो गया कि आप स्वयं विष्णु हैं, आपकी समस्त प्रभुता मैंने देख ली है, अब मैं निःसंशय हो गयी हूँ; फिर भी हे महामते! एक बात और सुनिए।

श्लोक 59 (shiva.rudra.44.59)

कथं प्रणम्यस्त्वं तस्य सत्यं ब्रूहि ममाग्रतः । कुरु निःसंशयां त्वं मां शमलं प्राप्नुहि द्रुतम्

kathaṁ praṇamyastvaṁ tasya satyaṁ brūhi mamāgrataḥ | kuru niḥsaṁśayāṁ tvaṁ māṁ śamalaṁ prāpnuhi drutam

तो फिर आप उन्हीं शिव के लिए किस प्रकार प्रणम्य हैं? यह सत्य मेरे सामने बताइए; मुझे पूर्ण रूप से निःसंशय कीजिए, और मेरे इस अपराध को शीघ्र ही दूर कर दीजिए।

श्लोक 60 (shiva.rudra.44.60)

ब्रह्मोवाच । इत्याकर्ण्य वचस्तस्या रामश्चोत्फुल्ललोचनः । अस्मरत्स्वं प्रभुं शम्भुं प्रेमाभूद् हृदि चाधिकम्

brahmovāca | ityākarṇya vacastasyā rāmaścotphullalocanaḥ | asmaratsvaṁ prabhuṁ śambhuṁ premābhūd hṛdi cādhikam

ब्रह्मा ने कहा — सती के इस वचन को सुनकर, राम के नेत्र आनन्द से खिल उठे; उन्होंने अपने स्वामी शम्भु का स्मरण किया, और उनके हृदय में प्रेम और भी अधिक बढ़ गया।

श्लोक 61 (shiva.rudra.44.61)

सत्या विनाज्ञया शम्भुसमीपं नागमन्मुने । संवर्ण्य महिमानं च प्रावोचद्राघवः सतीम्

satyā vinājñayā śambhusamīpaṁ nāgamanmune | saṁvarṇya mahimānaṁ ca prāvocadrāghavaḥ satīm

हे मुने! राम ने बिना सती की अनुमति के शम्भु के समीप जाना उचित न समझा, तथा शिव की महिमा का वर्णन कर सती से कहा।