नन्दिकेश्वर लिंग की महिमा में ब्राह्मणी की स्वर्ग-प्राप्ति का वर्णन

श्लोक 1 (shiva.kotirudra.6.1)

सूत उवाच । गौश्चैकाप्यभवत्तत्र ह्यङ्गणे बन्धिता शुभा । तदैव ब्राह्मणो रात्रावाजगाम बहिर्गतः ॥ 6.1 ॥

sūta uvāca gauścaikāpyabhavattatra hyaṅgaṇe bandhitā śubhā tadaiva brāhmaṇo rātrāvājagāma bahirgataḥ

सूत ने कहा — उस आँगन में एक सुन्दर गाय बँधी हुई थी; तभी वह ब्राह्मण, जो बाहर गया था, रात्रि में लौट आया।

श्लोक 2 (shiva.kotirudra.6.2)

स उवाच प्रियां स्वीयां दृष्ट्वा गामङ्गणे स्थिताम् । अदुग्धां खेदनिर्विण्णो दोग्धुकामो मुनीश्वराः ॥ 6.2 ॥

sa uvāca priyāṁ svīyāṁ dṛṣṭvā gāmaṅgaṇe sthitām adugdhāṁ khedanirviṇṇo dogdhukāmo munīśvarāḥ

हे मुनीश्वरो! अपनी गाय को आँगन में खड़ी और अदुहीं देखकर, दुःखी होकर दूध दुहने की इच्छा से उसने अपनी पत्नी से कहा।

श्लोक 3 (shiva.kotirudra.6.3)

गौः प्रिये नैव दुग्धा ते सेत्युक्ता वत्समानयत् । दोहनार्थं समाहूय स्त्रियं शीघ्रतरं तदा ॥ 6.3 ॥

gauḥ priye naiva dugdhā te setyuktā vatsamānayat dohanārthaṁ samāhūya striyaṁ śīghrataraṁ tadā

हे प्रिये! तुमने गाय नहीं दुही है — ऐसा कहे जाने पर वह शीघ्र दुहने के लिए स्त्री को बुलाकर बछड़े को ले आई।

श्लोक 4 (shiva.kotirudra.6.4)

वत्सं कीले स्वयं बद्धुं यत्नं चैवाकरोत्तदा । ब्राह्मणः स गृहस्वामी मुनयो दुग्धलालसः ॥ 6.4 ॥

vatsaṁ kīle svayaṁ baddhuṁ yatnaṁ caivākarottadā brāhmaṇaḥ sa gṛhasvāmī munayo dugdhalālasaḥ

हे मुनियो! दूध की लालसा में उस गृहस्वामी ब्राह्मण ने स्वयं बछड़े को खूँटे से बाँधने का प्रयत्न किया।

श्लोक 5 (shiva.kotirudra.6.5)

वत्सोऽपि कर्षमाणश्च पादे वै पादपीडनम् । चकार ब्राह्मणश्चैव कष्टं प्राप्तश्च सुव्रताः ॥ 6.5 ॥

vatso’pi karṣamāṇaśca pāde vai pādapīḍanam cakāra brāhmaṇaścaiva kaṣṭaṁ prāptaśca suvratāḥ

हे सुव्रतो! खींचे जाने पर बछड़े ने पैर से पैर पर आघात किया, जिससे ब्राह्मण को कष्ट हुआ।

श्लोक 6 (shiva.kotirudra.6.6)

तेन पादप्रहारेण स द्विजः क्रोधमूर्छितः । वत्सं च ताडयामास कूपैर्दृढतरं तदा ॥ 6.6 ॥

tena pādaprahāreṇa sa dvijaḥ krodhamūrchitaḥ vatsaṁ ca tāḍayāmāsa kūpairdṛḍhataraṁ tadā

उस पैर के आघात से क्रोध में मूर्च्छित हुए उस ब्राह्मण ने तब बछड़े को लकड़ी के टुकड़ों से अत्यन्त कठोरता से पीटा।

श्लोक 7 (shiva.kotirudra.6.7)

वत्सोऽपि पीडितस्तेन श्रान्तश्चैवाभवत्तदा । दुग्धा गौर्मोचितो वत्सो न क्रोधेन द्विजन्मना ॥ 6.7 ॥

vatso’pi pīḍitastena śrāntaścaivābhavattadā dugdhā gaurmocito vatso na krodhena dvijanmanā

उससे पीड़ित होकर बछड़ा अत्यन्त थक गया; और क्रोधवश ब्राह्मण ने न तो गाय को दुहा और न ही बछड़े को छोड़ा।

श्लोक 8 (shiva.kotirudra.6.8)

गौर्दोग्धुं च महत्प्रीत्या रोदनं चाकरोत्तदा । दृष्ट्वा च रोदनं तस्या वत्सो वाक्यमथाब्रवीत् ॥ 6.8 ॥

gaurdogdhuṁ ca mahatprītyā rodanaṁ cākarottadā dṛṣṭvā ca rodanaṁ tasyā vatso vākyamathābravīt

दुहे जाने की तीव्र इच्छा से गाय रोने लगी; उसका रोना देखकर बछड़े ने तब यह वचन कहा।

श्लोक 9 (shiva.kotirudra.6.9)

वत्स उवाच । कथं च रुद्यते मातः किं ते दुःखमुपस्थितम् । तन्निवेदय मे प्रीत्या तच्छ्रुत्वा गौरवोचत ॥ 6.9 ॥

vatsa uvāca kathaṁ ca rudyate mātaḥ kiṁ te duḥkhamupasthitam tannivedaya me prītyā tacchrutvā gauravocata

बछड़े ने कहा — हे माता! क्यों रोती हो? तुम्हें क्या दुःख हुआ है? प्रेमपूर्वक मुझे बताओ। यह सुनकर गाय बोली।

श्लोक 10 (shiva.kotirudra.6.10)

श्रूयतां पुत्र मे दुःखं वक्तुं शक्नोम्यहं न हि । दुष्टेन ताडितस्त्वं च तेन दुःखं ममाप्यभूत् ॥ 6.10 ॥

śrūyatāṁ putra me duḥkhaṁ vaktuṁ śaknomyahaṁ na hi duṣṭena tāḍitastvaṁ ca tena duḥkhaṁ mamāpyabhūt

मेरा दुःख सुनो, हे पुत्र, मैं कह भी नहीं पाती — उस दुष्ट ने तुम्हें मारा है, इसी से मुझे भी दुःख हुआ है।

श्लोक 11 (shiva.kotirudra.6.11)

सूत उवाच । स्वमातुर्वचनं श्रुत्वा स वत्सः प्रत्यबोधयत् । प्रत्युवाच स्वजननीं प्रारब्धपरिनिष्ठितः ॥ 6.11 ॥

sūta uvāca svamāturvacanaṁ śrutvā sa vatsaḥ pratyabodhayat pratyuvāca svajananīṁ prārabdhapariniṣṭhitaḥ

सूत ने कहा — अपनी माता के वचन सुनकर, प्रारब्ध के सिद्धान्त में स्थित वह बछड़ा अपनी माता को समझाने के लिए उत्तर देने लगा।

श्लोक 12 (shiva.kotirudra.6.12)

किं कर्त्तव्यं क्व गन्तव्यं कर्मबद्धा वयं यतः । कृतं चैव यथा पूर्वं भुज्यते च तथाधुना ॥ 6.12 ॥

kiṁ karttavyaṁ kva gantavyaṁ karmabaddhā vayaṁ yataḥ kṛtaṁ caiva yathā pūrvaṁ bhujyate ca tathādhunā

क्या करना चाहिए, कहाँ जाना चाहिए, जब हम कर्म से बँधे हुए हैं? जैसा पहले किया गया, वैसा ही अब भोगा जाता है।

श्लोक 13 (shiva.kotirudra.6.13)

हसता क्रियते कर्म रुदता परिभुज्यते । दुःखदाता न कोऽप्यस्ति सुखदाता न कश्चन ॥ 6.13 ॥

hasatā kriyate karma rudatā paribhujyate duḥkhadātā na ko’pyasti sukhadātā na kaścana

हँसते हुए कर्म किया जाता है, रोते हुए भोगा जाता है; न कोई दुःख देने वाला है, न कोई सुख देने वाला।

श्लोक 14 (shiva.kotirudra.6.14)

सुखदुःखे परो दत्त इत्येषा कुमतिर्मता । अहं चापि करोम्यत्र मिथ्याज्ञानं तदोच्यते ॥ 6.14 ॥

sukhaduḥkhe paro datta ityeṣā kumatirmatā ahaṁ cāpi karomyatra mithyājñānaṁ tadocyate

सुख-दुःख दूसरे के द्वारा दिए जाते हैं — यह मूर्खतापूर्ण धारणा है; और मैं ही करता हूँ — यह भी मिथ्याज्ञान कहा जाता है।

श्लोक 15 (shiva.kotirudra.6.15)

स्वकर्मणा भवेद्दुःखं सुखं तेनैव कर्मणा । तस्माच्च पूज्यते कर्म सर्वं कर्मणि संस्थितम् ॥ 6.15 ॥

svakarmaṇā bhavedduḥkhaṁ sukhaṁ tenaiva karmaṇā tasmācca pūjyate karma sarvaṁ karmaṇi saṁsthitam

अपने ही कर्म से दुःख होता है, और उसी कर्म से सुख भी; इसलिए कर्म ही पूज्य है, सब कुछ कर्म में ही स्थित है।

श्लोक 16 (shiva.kotirudra.6.16)

त्वं चैवाहं च जननी इमे जीवादयश्च ये । ते सर्वे कर्मणा बद्धा न शोच्याः कर्हिचित्त्वया ॥ 6.16 ॥

tvaṁ caivāhaṁ ca jananī ime jīvādayaśca ye te sarve karmaṇā baddhā na śocyāḥ karhicittvayā

तुम, मैं, और यह जो जीव आदि हैं — ये सभी कर्म से बँधे हैं; तुम्हें इनके लिए कभी शोक नहीं करना चाहिए।

श्लोक 17 (shiva.kotirudra.6.17)

सूत उवाच । एवं श्रुत्वा स्वपुत्रस्य वचनं ज्ञानगर्भितम् । पुत्रशोकान्विता दीना सा च गौरब्रवीदिदम् ॥ 6.17 ॥

sūta uvāca evaṁ śrutvā svaputrasya vacanaṁ jñānagarbhitam putraśokānvitā dīnā sā ca gaurabravīdidam

सूत ने कहा — अपने पुत्र का यह ज्ञानगर्भित वचन सुनकर, पुत्र-शोक से व्याकुल और दीन वह गाय यह बोली।

श्लोक 18 (shiva.kotirudra.6.18)

गौरुवाच । वत्स सर्वं विजानासि कर्माधीनाः प्रजा इति । तथापि मायया ग्रस्ता दुःखं प्राप्नोम्यहं पुनः ॥ 6.18 ॥

gauruvāca vatsa sarvaṁ vijānāsi karmādhīnāḥ prajā iti tathāpi māyayā grastā duḥkhaṁ prāpnomyahaṁ punaḥ

गाय ने कहा — हे पुत्र! मैं यह सब जानती हूँ कि सभी प्राणी कर्माधीन हैं; फिर भी माया से ग्रस्त होकर मुझे पुनः दुःख होता है।

श्लोक 19 (shiva.kotirudra.6.19)

रोदनं च कृतं भूरि दुःखशान्तिर्भवेन्न हि । इत्येतद्वचनं श्रुत्वा प्रसूं वत्सोऽब्रवीदिदम् ॥ 6.19 ॥

rodanaṁ ca kṛtaṁ bhūri duḥkhaśāntirbhavenna hi ityetadvacanaṁ śrutvā prasūṁ vatso’bravīdidam

बहुत रोई, फिर भी दुःख शान्त नहीं होता — यह वचन सुनकर बछड़े ने माता से पुनः कहा।

श्लोक 20 (shiva.kotirudra.6.20)

वत्स उवाच । यद्येवं च विजानासि पुनश्च रुदनं कुतः । कृत्वा च साध्यते किञ्चित्तस्माद्दुःखं त्यजाधुना ॥ 6.20 ॥

vatsa uvāca yadyevaṁ ca vijānāsi punaśca rudanaṁ kutaḥ kṛtvā ca sādhyate kiñcittasmādduḥkhaṁ tyajādhunā

बछड़े ने कहा — यदि तुम यह सब जानती हो, तो फिर रोना क्यों? रोकर भी क्या सिद्ध होता है? इसलिए अब दुःख त्याग दो।

श्लोक 21 (shiva.kotirudra.6.21)

सूत उवाच । एवं पुत्रवचः श्रुत्वा तन्माता दुःखसंयुता । निःश्वस्याति तदा धेनुर्वत्सं वचनमब्रवीत् ॥ 6.21 ॥

sūta uvāca evaṁ putravacaḥ śrutvā tanmātā duḥkhasaṁyutā niḥśvasyāti tadā dhenurvatsaṁ vacanamabravīt

सूत ने कहा — पुत्र के इस वचन को सुनकर दुःखयुक्त वह माता गहरी साँस लेकर बछड़े से यह वचन बोली।

श्लोक 22 (shiva.kotirudra.6.22)

गौरुवाच । मम दुःखं तदा गच्छेद्यदा दुःखं तथाविधम् । भवेद्धि ब्राह्मणस्यापि सत्यमेतद्ब्रवीम्यहम् ॥ 6.22 ॥

gauruvāca mama duḥkhaṁ tadā gacchedyadā duḥkhaṁ tathāvidham bhaveddhi brāhmaṇasyāpi satyametadbravīmyaham

गाय ने कहा — मेरा दुःख तभी दूर होगा जब ऐसा ही दुःख उस ब्राह्मण को भी हो; मैं यह सत्य कह रही हूँ।

श्लोक 23 (shiva.kotirudra.6.23)

प्रातश्चैव मया पुत्र शृङ्गाभ्यां हि हनिष्यते । हतस्य जीवितं सद्यो यास्यत्यस्य न संशयः ॥ 6.23 ॥

prātaścaiva mayā putra śṛṅgābhyāṁ hi haniṣyate hatasya jīvitaṁ sadyo yāsyatyasya na saṁśayaḥ

हे पुत्र! प्रातःकाल मैं उसे अपने दोनों सींगों से मारूँगी; मारे जाने पर उसका प्राण तत्काल चला जाएगा, इसमें सन्देह नहीं।

श्लोक 24 (shiva.kotirudra.6.24)

वत्स उवाच । प्रथमं यत्कृतं कर्म तत्फलं भुज्यतेऽधुना । अस्याश्च ब्रह्महत्याया मातः किं फलमाप्स्यसे ॥ 6.24 ॥

vatsa uvāca prathamaṁ yatkṛtaṁ karma tatphalaṁ bhujyate’dhunā asyāśca brahmahatyāyā mātaḥ kiṁ phalamāpsyase

बछड़े ने कहा — पहले किए गए कर्म का ही फल अभी भोगा जा रहा है; हे माता! इस ब्रह्महत्या का तुम्हें क्या फल मिलेगा?

श्लोक 25 (shiva.kotirudra.6.25)

समाभ्यां पुण्यपापाभ्यां भवेज्जन्म च भारते । तयोः क्षये च भोगेन मातर्मुक्तिरवाप्यते ॥ 6.25 ॥

samābhyāṁ puṇyapāpābhyāṁ bhavejjanma ca bhārate tayoḥ kṣaye ca bhogena mātarmuktiravāpyate

पुण्य-पाप समान होने पर भारतवर्ष में जन्म होता है; और हे माता! भोग द्वारा उनके क्षय होने पर मुक्ति प्राप्त होती है।

श्लोक 26 (shiva.kotirudra.6.26)

कदापि कर्मणो नाशः कदा भोगः प्रजायते । तस्माच्च पुनरेवं त्वं कर्म मा कर्तुमुद्यता ॥ 6.26 ॥

kadāpi karmaṇo nāśaḥ kadā bhogaḥ prajāyate tasmācca punarevaṁ tvaṁ karma mā kartumudyatā

कभी कर्म का नाश होता है, कभी भोग करना पड़ता है; इसलिए तुम पुनः ऐसा कर्म करने को उद्यत मत होओ।

श्लोक 27 (shiva.kotirudra.6.27)

अहं कुतस्ते पुत्रोऽद्य त्वं माता कुत एव च । वृथाभिमानः पुत्रत्वे मातृत्वे च विचार्यताम् ॥ 6.27 ॥

ahaṁ kutaste putro’dya tvaṁ mātā kuta eva ca vṛthābhimānaḥ putratve mātṛtve ca vicāryatām

मैं आज तुम्हारा पुत्र कहाँ से हूँ, और तुम मेरी माता कहाँ से हो? पुत्रत्व और मातृत्व का यह अभिमान व्यर्थ है, इस पर विचार करो।

श्लोक 28 (shiva.kotirudra.6.28)

क्व माता क्व पिता विद्धि क्व स्वामी क्व कलत्रकम् । न कोऽपि कस्य चास्तीह सर्वेऽपि स्वकृतम्भुजः ॥ 6.28 ॥

kva mātā kva pitā viddhi kva svāmī kva kalatrakam na ko’pi kasya cāstīha sarve’pi svakṛtambhujaḥ

कहाँ माता, कहाँ पिता — जानो — कहाँ स्वामी, कहाँ पत्नी? यहाँ कोई किसी का नहीं है; सभी अपने-अपने कर्म का फल भोगते हैं।

श्लोक 29 (shiva.kotirudra.6.29)

एवं ज्ञात्वा त्वया मातर्दुःखं त्याज्यं सुयत्नतः । सुभगाचरणं कार्यं परलोकसुखेप्सया ॥ 6.29 ॥

evaṁ jñātvā tvayā mātarduḥkhaṁ tyājyaṁ suyatnataḥ subhagācaraṇaṁ kāryaṁ paralokasukhepsayā

यह जानकर, हे माता! तुम्हें प्रयत्नपूर्वक दुःख त्याग देना चाहिए, और परलोक के सुख की कामना से शुभ आचरण करना चाहिए।

श्लोक 30 (shiva.kotirudra.6.30)

गौरुवाच । एवं जानाम्यहं पुत्र माया मां न जहात्यसौ । त्वद्दुःखेन समं दुःखं तस्मै दास्ये तदेव हि ॥ 6.30 ॥

gauruvāca evaṁ jānāmyahaṁ putra māyā māṁ na jahātyasau tvadduḥkhena samaṁ duḥkhaṁ tasmai dāsye tadeva hi

गाय ने कहा — हे पुत्र! मैं यह सब जानती हूँ, फिर भी यह माया मुझे नहीं छोड़ती; मैं तुम्हारे दुःख के समान ही दुःख उसे दूँगी।

श्लोक 31 (shiva.kotirudra.6.31)

पुनश्च ब्रह्महत्याया नाशो यत्र भवेदिह । तत्स्थलं च मया दृष्टं हत्या मे हि गमिष्यति ॥ 6.31 ॥

punaśca brahmahatyāyā nāśo yatra bhavediha tatsthalaṁ ca mayā dṛṣṭaṁ hatyā me hi gamiṣyati

और जहाँ ब्रह्महत्या का नाश होता है, वह स्थान भी मैंने देखा है; मेरी हत्या का पाप वहाँ अवश्य दूर हो जाएगा।

श्लोक 32 (shiva.kotirudra.6.32)

सूत उवाच । इत्येतद्वचनं श्रुत्वा स्वमातुर्गोर्द्विजोत्तमाः । मौनत्वं स्वीकृतं तत्र वत्सेनोक्तं न किञ्चन ॥ 6.32 ॥

sūta uvāca ityetadvacanaṁ śrutvā svamāturgordvijottamāḥ maunatvaṁ svīkṛtaṁ tatra vatsenoktaṁ na kiñcana

सूत ने कहा — हे द्विजोत्तमो! अपनी माता गाय का यह वचन सुनकर बछड़े ने मौन धारण कर लिया, कुछ नहीं कहा।

श्लोक 33 (shiva.kotirudra.6.33)

तयोस्तदद्भुतं वृत्तं श्रुत्वा पान्थो द्विजस्तदा । हृदा विचारयामास विस्मितो हि मुनीश्वराः ॥ 6.33 ॥

tayostadadbhutaṁ vṛttaṁ śrutvā pāntho dvijastadā hṛdā vicārayāmāsa vismito hi munīśvarāḥ

हे मुनीश्वरो! उन दोनों के इस अद्भुत संवाद को सुनकर वह यात्री ब्राह्मण अत्यन्त विस्मित होकर मन में विचार करने लगा।

श्लोक 34 (shiva.kotirudra.6.34)

इदमत्यद्भुतं वृत्तं दृष्ट्वा प्रातर्मया खलु । गन्तव्यं पुनरेवातो गन्तव्यं तत्स्थलं पुनः ॥ 6.34 ॥

idamatyadbhutaṁ vṛttaṁ dṛṣṭvā prātarmayā khalu gantavyaṁ punarevāto gantavyaṁ tatsthalaṁ punaḥ

इस अत्यन्त अद्भुत घटना को प्रातःकाल देखकर ही मुझे यहाँ से जाना चाहिए, और मुझे भी उस स्थान पर जाना चाहिए।

श्लोक 35 (shiva.kotirudra.6.35)

सूत उवाच । विचार्येति हृदा विप्रः स द्विजाः सेवकेन च । सुष्वाप तत्र जननीभक्तः परमविस्मितः ॥ 6.35 ॥

sūta uvāca vicāryeti hṛdā vipraḥ sa dvijāḥ sevakena ca suṣvāpa tatra jananībhaktaḥ paramavismitaḥ

सूत ने कहा — हे द्विजो! मन में ऐसा विचार कर वह मातृभक्त और अत्यन्त विस्मित ब्राह्मण अपने सेवक सहित वहीं सो गया।

श्लोक 36 (shiva.kotirudra.6.36)

प्रातःकाले तदा जाते गृहस्वामी समुत्थितः । बोधयामास तं पान्थं वचनं चेदमब्रवीत् ॥ 6.36 ॥

prātaḥkāle tadā jāte gṛhasvāmī samutthitaḥ bodhayāmāsa taṁ pānthaṁ vacanaṁ cedamabravīt

प्रातःकाल होने पर गृहस्वामी उठा और उस यात्री को जगाकर उसने यह वचन कहा।

श्लोक 37 (shiva.kotirudra.6.37)

द्विज उवाच । स्वपिषि त्वं किमर्थं हि प्रातःकालो भवत्यलम् । स्वयात्रां कुरु तं देशं गमनेच्छा च यत्र ह ॥ 6.37 ॥

dvija uvāca svapiṣi tvaṁ kimarthaṁ hi prātaḥkālo bhavatyalam svayātrāṁ kuru taṁ deśaṁ gamanecchā ca yatra ha

ब्राह्मण ने कहा — तुम क्यों सो रहे हो? पर्याप्त प्रातःकाल हो चुका है। जिस देश जाने की इच्छा हो, वहाँ की यात्रा करो।

श्लोक 38 (shiva.kotirudra.6.38)

तेनोक्तं श्रूयतां ब्रह्मन् शरीरे सेवकस्य मे । वर्तते हि व्यथा स्थित्वा मुहूर्तं गम्यते ततः ॥ 6.38 ॥

tenoktaṁ śrūyatāṁ brahman śarīre sevakasya me vartate hi vyathā sthitvā muhūrtaṁ gamyate tataḥ

उसने कहा — हे ब्रह्मन्! सुनिए, मेरे सेवक के शरीर में पीड़ा है; कुछ देर ठहरकर फिर हम जाएँगे।

श्लोक 39 (shiva.kotirudra.6.39)

सूत उवाच । इत्येवं च मिषं कृत्वा सुष्वाप पुरुषस्तदा । तद्वृत्तमखिलं ज्ञातुमद्भुतं विस्मयावहम् ॥ 6.39 ॥

sūta uvāca ityevaṁ ca miṣaṁ kṛtvā suṣvāpa puruṣastadā tadvṛttamakhilaṁ jñātumadbhutaṁ vismayāvaham

सूत ने कहा — इस प्रकार बहाना बनाकर वह पुरुष उस अद्भुत, आश्चर्यजनक घटना का पूरा वृत्तान्त जानने के लिए वहीं पड़ा रहा।

श्लोक 40 (shiva.kotirudra.6.40)

दोहनस्य तदा काले ब्राह्मणः स्वसुतं प्रति । उवाच गन्तुकामश्च कार्यार्थं कुत्रचिच्च सः ॥ 6.40 ॥

dohanasya tadā kāle brāhmaṇaḥ svasutaṁ prati uvāca gantukāmaśca kāryārthaṁ kutracicca saḥ

दुहने के समय उस ब्राह्मण ने, जो किसी कार्यवश कहीं जाना चाहता था, अपने पुत्र से कहा।

श्लोक 41 (shiva.kotirudra.6.41)

पितोवाच । मया तु गम्यते पुत्र कार्यार्थं कुत्रचित्पुनः । धेनुर्दोह्या त्वया वत्स सावधानादियं निजा ॥ 6.41 ॥

pitovāca mayā tu gamyate putra kāryārthaṁ kutracitpunaḥ dhenurdohyā tvayā vatsa sāvadhānādiyaṁ nijā

पिता ने कहा — हे पुत्र! मैं किसी कार्य से कहीं जा रहा हूँ; हे वत्स! तुम सावधानीपूर्वक अपनी इस गाय को दुह लेना।

श्लोक 42 (shiva.kotirudra.6.42)

सूत उवाच । इत्युक्त्वा ब्राह्मणवरः स जगाम च कुत्रचित् । पुत्रः समुत्थितस्तत्र वत्सं च मुक्तवांस्तदा ॥ 6.42 ॥

sūta uvāca ityuktvā brāhmaṇavaraḥ sa jagāma ca kutracit putraḥ samutthitastatra vatsaṁ ca muktavāṁstadā

सूत ने कहा — ऐसा कहकर वह श्रेष्ठ ब्राह्मण कहीं चला गया; तब पुत्र उठकर बछड़े को खोल दिया।

श्लोक 43 (shiva.kotirudra.6.43)

माता च तस्य दोहार्थमाजगाम स्वयं तदा । द्विजपुत्रस्तदा वत्सं खिन्नं कीलेन ताडितम् ॥ 6.43 ॥

mātā ca tasya dohārthamājagāma svayaṁ tadā dvijaputrastadā vatsaṁ khinnaṁ kīlena tāḍitam

उसकी माता गाय स्वयं दुहे जाने के लिए आई; तब ब्राह्मण-पुत्र ने खूँटे से पीटे गए, दुखी बछड़े को —

श्लोक 44 (shiva.kotirudra.6.44)

बन्धनार्थं हि गोः पार्श्वमनयद्दुग्धलालसः । पुनर्गौश्च तदा क्रुद्धा शृङ्गेनाताडयच्च तम् ॥ 6.44 ॥

bandhanārthaṁ hi goḥ pārśvamanayaddugdhalālasaḥ punargauśca tadā kruddhā śṛṅgenātāḍayacca tam

— दूध की लालसा में बाँधने के लिए गाय के पास ले गया; तब क्रुद्ध गाय ने उसे अपने सींग से मार दिया।

श्लोक 45 (shiva.kotirudra.6.45)

पपात मूर्च्छां सम्प्राप्य सोऽपि मर्मणि ताडितः । लोकाश्च मिलितास्तत्र गवा बालो विहिंसितः ॥ 6.45 ॥

papāta mūrcchāṁ samprāpya so’pi marmaṇi tāḍitaḥ lokāśca militāstatra gavā bālo vihiṁsitaḥ

मर्मस्थान में आघात पाकर वह मूर्च्छित होकर गिर पड़ा; लोग वहाँ एकत्र हो गए — गाय ने बालक को घायल कर दिया है!

श्लोक 46 (shiva.kotirudra.6.46)

जलं जलं वदन्तस्ते पित्राद्या यत्र संस्थिताः । यत्नश्च क्रियते यावत्तावद् बालो मृतस्तदा ॥ 6.46 ॥

jalaṁ jalaṁ vadantaste pitrādyā yatra saṁsthitāḥ yatnaśca kriyate yāvattāvad bālo mṛtastadā

जल-जल पुकारते हुए वे लोग, जहाँ पिता आदि खड़े थे, प्रयत्न करते रहे; परन्तु जब तक प्रयत्न पूरा होता, तब तक बालक मर चुका था।

श्लोक 47 (shiva.kotirudra.6.47)

मृते च बालके तत्र हाहाकारो महानभूत् । तन्माता दुःखिता ह्यासीद् रुरोद च पुनः पुनः ॥ 6.47 ॥

mṛte ca bālake tatra hāhākāro mahānabhūt tanmātā duḥkhitā hyāsīd ruroda ca punaḥ punaḥ

बालक के मरने पर वहाँ महाहाहाकार मच गया; उसकी माता दुःखी होकर बार-बार रोने लगी।

श्लोक 48 (shiva.kotirudra.6.48)

किं करोमि क्व गच्छामि को मे दुःखं व्यपोहयेत् । रुदित्वेति तदा गां च ताडयित्वा व्यमोचयत् ॥ 6.48 ॥

kiṁ karomi kva gacchāmi ko me duḥkhaṁ vyapohayet ruditveti tadā gāṁ ca tāḍayitvā vyamocayat

क्या करूँ, कहाँ जाऊँ, कौन मेरा दुःख दूर करेगा? — ऐसा रोकर उसने गाय को मारकर छोड़ दिया।

श्लोक 49 (shiva.kotirudra.6.49)

श्वेतवर्णा तदा सा गौर्द्रुतं श्यामा व्यदृश्यत । अहो च दृश्यतां लोकाश्चुक्रुशुश्च परस्परम् ॥ 6.49 ॥

śvetavarṇā tadā sā gaurdrutaṁ śyāmā vyadṛśyata aho ca dṛśyatāṁ lokāścukruśuśca parasparam

वह श्वेतवर्णा गाय तत्क्षण काली दिखाई देने लगी; अहो देखो, देखो — लोग परस्पर पुकार उठे।

श्लोक 50 (shiva.kotirudra.6.50)

ब्राह्मणश्च तदा पान्थो दृष्ट्वाश्चर्यं विनिर्गतः । यत्र गौश्च गता तत्र तामनु ब्राह्मणो गतः ॥ 6.50 ॥

brāhmaṇaśca tadā pāntho dṛṣṭvāścaryaṁ vinirgataḥ yatra gauśca gatā tatra tāmanu brāhmaṇo gataḥ

तब वह यात्री ब्राह्मण यह आश्चर्य देखकर निकल पड़ा; गाय जहाँ-जहाँ गई, ब्राह्मण उसके पीछे-पीछे गया।

श्लोक 51 (shiva.kotirudra.6.51)

ऊर्ध्वपुच्छं तदा कृत्वा शीघ्रं गौर्नर्मदां प्रति । आगत्य नन्दिकस्यास्य समीपे नर्मदाजले ॥ 6.51 ॥

ūrdhvapucchaṁ tadā kṛtvā śīghraṁ gaurnarmadāṁ prati āgatya nandikasyāsya samīpe narmadājale

अपनी पूँछ ऊँची किए वह गाय शीघ्र नर्मदा की ओर दौड़ी; इसी नन्दिक के समीप नर्मदा के जल में पहुँचकर —

श्लोक 52 (shiva.kotirudra.6.52)

सन्निमज्य त्रिवारं तु श्वेतत्वं च गता हि सा । यथागतं गता सा च ब्राह्मणो विस्मयं गतः ॥ 6.52 ॥

sannimajya trivāraṁ tu śvetatvaṁ ca gatā hi sā yathāgataṁ gatā sā ca brāhmaṇo vismayaṁ gataḥ

— तीन बार डुबकी लगाकर वह पुनः श्वेत हो गई; जैसे आई थी वैसे ही लौट गई, और ब्राह्मण अत्यन्त विस्मित हुआ।

श्लोक 53 (shiva.kotirudra.6.53)

अहो धन्यतमं तीर्थं ब्रह्महत्यानिवारणम् । स्वयं ममज्ज तत्रासौ ब्राह्मणः सेवकस्तथा ॥ 6.53 ॥

aho dhanyatamaṁ tīrthaṁ brahmahatyānivāraṇam svayaṁ mamajja tatrāsau brāhmaṇaḥ sevakastathā

अहो, यह ब्रह्महत्या का निवारण करने वाला तीर्थ कितना धन्य है! वहाँ उसने स्वयं और उसके सेवक ने भी स्नान किया।

श्लोक 54 (shiva.kotirudra.6.54)

निमज्ज्य हि गतौ तौ च प्रशंसन्तौ नदीं च ताम् । मार्गे च मिलिता काचित्सुन्दरी भूषणान्विता ॥ 6.54 ॥

nimajjya hi gatau tau ca praśaṁsantau nadīṁ ca tām mārge ca militā kācitsundarī bhūṣaṇānvitā

स्नान कर वे दोनों उस नदी की प्रशंसा करते हुए आगे बढ़े; मार्ग में उन्हें आभूषणों से सुसज्जित एक सुन्दरी मिली।

श्लोक 55 (shiva.kotirudra.6.55)

तयोक्तं तं च भोः पान्थ कुतो यासि सुविस्मितः । सत्यं ब्रूहि च्छलं त्यक्त्वा विप्रवर्य ममाग्रतः ॥ 6.55 ॥

tayoktaṁ taṁ ca bhoḥ pāntha kuto yāsi suvismitaḥ satyaṁ brūhi cchalaṁ tyaktvā vipravarya mamāgrataḥ

उसने कहा — हे यात्री! तुम इतने विस्मित होकर कहाँ जा रहे हो? हे श्रेष्ठ विप्र! छल त्यागकर मेरे सामने सत्य कहो।

श्लोक 56 (shiva.kotirudra.6.56)

सूत उवाच । एवं वचस्तदा श्रुत्वा द्विजेनोक्तं यथातथम् । पुनश्चायं द्विजस्तत्र स्त्रियोक्तः स्थीयतां त्वया ॥ 6.56 ॥

sūta uvāca evaṁ vacastadā śrutvā dvijenoktaṁ yathātatham punaścāyaṁ dvijastatra striyoktaḥ sthīyatāṁ tvayā

सूत ने कहा — यह वचन सुनकर ब्राह्मण ने सब कुछ यथार्थ रूप से कह दिया; तब उस स्त्री ने ब्राह्मण से पुनः कहा — तुम यहीं ठहरो।

श्लोक 57 (shiva.kotirudra.6.57)

तयोक्तं च समाकर्ण्य स्थितः स ब्राह्मणस्ततः । प्रत्युवाच विनीतात्मा कथ्यते किं वदेति च ॥ 6.57 ॥

tayoktaṁ ca samākarṇya sthitaḥ sa brāhmaṇastataḥ pratyuvāca vinītātmā kathyate kiṁ vadeti ca

उसका वह वचन सुनकर वह ब्राह्मण वहीं रुक गया, और विनम्रतापूर्वक बोला — कहिए, क्या कहना चाहती हैं?

श्लोक 58 (shiva.kotirudra.6.58)

सा चाह पुनरेवात्र त्वया दृष्टं स्थलं च यत् । तत्राधुना क्षिपास्थीनि मातुः किं गम्यतेऽन्यतः ॥ 6.58 ॥

sā cāha punarevātra tvayā dṛṣṭaṁ sthalaṁ ca yat tatrādhunā kṣipāsthīni mātuḥ kiṁ gamyate’nyataḥ

उसने पुनः कहा — यहाँ जो स्थान तुमने अभी देखा है, वहीं अपनी माता की अस्थियाँ प्रवाहित करो; अन्यत्र क्यों जाना?

श्लोक 59 (shiva.kotirudra.6.59)

तव माता पान्थवर्य साक्षाद्दिव्यमयं वरम् । देहं धृत्वा द्रुतं साक्षाच्छम्भोर्यास्यति सद्गतिम् ॥ 6.59 ॥

tava mātā pānthavarya sākṣāddivyamayaṁ varam dehaṁ dhṛtvā drutaṁ sākṣācchambhoryāsyati sadgatim

हे श्रेष्ठ यात्री! तुम्हारी माता साक्षात् दिव्य श्रेष्ठ शरीर धारण कर शीघ्र ही साक्षात् शम्भु की सद्गति को प्राप्त होगी।

श्लोक 60 (shiva.kotirudra.6.60)

वैशाखे चैव सम्प्राप्ते सप्तम्याश्च दिने शुभे । सिते पक्षे सदा गङ्गा ह्यायाति द्विजसत्तम ॥ 6.60 ॥

vaiśākhe caiva samprāpte saptamyāśca dine śubhe site pakṣe sadā gaṅgā hyāyāti dvijasattama

हे द्विजसत्तम! वैशाख मास के शुक्ल पक्ष की सप्तमी के शुभ दिन गंगा सदा यहाँ आती हैं।

श्लोक 61 (shiva.kotirudra.6.61)

अद्यैव सप्तमी या सा गन्गाऽहं यामि तत्र वै । इत्युक्त्वान्तर्दधे देवी सा गङ्गा मुनिसत्तमाः ॥ 6.61 ॥

adyaiva saptamī yā sā gangā’haṁ yāmi tatra vai ityuktvāntardadhe devī sā gaṅgā munisattamāḥ

आज ही वह सप्तमी है; मैं ही गंगा हूँ, और मैं वहीं जा रही हूँ — ऐसा कहकर वह देवी गंगा अन्तर्धान हो गईं।

श्लोक 62 (shiva.kotirudra.6.62)

निवृत्तश्च द्विजः सोऽपि मात्रस्थ्यर्द्धं स्ववस्त्रतः । क्षिपेद्यावत्तत्र तीर्थे तावच्चित्रमभूत्तदा ॥ 6.62 ॥

nivṛttaśca dvijaḥ so’pi mātrasthyarddhaṁ svavastrataḥ kṣipedyāvattatra tīrthe tāvaccitramabhūttadā

वह ब्राह्मण लौट आया, और जैसे ही उसने अपनी माता की आधी अस्थियाँ अपने वस्त्र से उस तीर्थ में डालीं, वहाँ एक अद्भुत घटना घटी।

श्लोक 63 (shiva.kotirudra.6.63)

दिव्यदेहत्वमापन्ना स्वमाता च व्यदृश्यत । धन्योऽसि कृतकृत्योऽसि पवित्रं च कुलं त्वया ॥ 6.63 ॥

divyadehatvamāpannā svamātā ca vyadṛśyata dhanyo’si kṛtakṛtyo’si pavitraṁ ca kulaṁ tvayā

उसकी माता दिव्य देह को प्राप्त कर दिखाई दी — तुम धन्य हो, तुमने अपना कर्तव्य पूरा कर दिया, तुमने कुल को पवित्र कर दिया।

श्लोक 64 (shiva.kotirudra.6.64)

धनं धान्यं तथा चायुर्वंशो वै वर्धतां तव । इत्याशिषं मुहुर्दत्त्वा स्वपुत्राय दिवं गता ॥ 6.64 ॥

dhanaṁ dhānyaṁ tathā cāyurvaṁśo vai vardhatāṁ tava ityāśiṣaṁ muhurdattvā svaputrāya divaṁ gatā

तुम्हारा धन, धान्य, आयु और वंश बढ़े — इस प्रकार अपने पुत्र को बार-बार आशीर्वाद देकर वह स्वर्ग को चली गई।

श्लोक 65 (shiva.kotirudra.6.65)

तत्र भुक्त्वा सुखं भूरि चिरकालं महोत्तमम् । शङ्करस्य प्रसादेन गता सा ह्युत्तमां गतिम् ॥ 6.65 ॥

tatra bhuktvā sukhaṁ bhūri cirakālaṁ mahottamam śaṅkarasya prasādena gatā sā hyuttamāṁ gatim

वहाँ दीर्घकाल तक प्रचुर, परम उत्तम सुख भोगकर, शंकर की कृपा से वह उत्तम गति को प्राप्त हुई।

श्लोक 66 (shiva.kotirudra.6.66)

ब्राह्मणश्च सुतस्तस्याः क्षिप्त्वास्थीनि पुनस्ततः । प्रसन्नमानसोऽभूत्स शुद्धात्मा स्वगृहं गतः ॥ 6.66 ॥

brāhmaṇaśca sutastasyāḥ kṣiptvāsthīni punastataḥ prasannamānaso’bhūtsa śuddhātmā svagṛhaṁ gataḥ

और उसका पुत्र ब्राह्मण शेष अस्थियाँ भी प्रवाहित कर, प्रसन्नचित्त और शुद्ध आत्मा होकर अपने घर लौट गया।