क्रियायोग का निरूपण

श्लोक 1 (shiva.uma.51.1)

मुनय ऊचुः । व्यासशिष्य महाभाग सूत पौराणिकोत्तम । अपरं श्रोतुमिच्छामः किमप्याख्यानमीशितुः

munaya ūcuḥ vyāsaśiṣya mahābhāga sūta paurāṇikottama aparaṁ śrotumicchāmaḥ kimapyākhyānamīśituḥ

मुनियों ने कहा — हे व्यास-शिष्य! हे महाभाग सूत! हे पुराणकथकों में श्रेष्ठ! हम ईश्वरी का कोई और आख्यान सुनना चाहते हैं।

श्लोक 2 (shiva.uma.51.2)

उमाया जगदम्बायाः क्रियायोगमनुत्तमम् । प्रोक्तं सनत्कुमारेण व्यासाय च महात्मने

umāyā jagadambāyāḥ kriyāyogamanuttamam proktaṁ sanatkumāreṇa vyāsāya ca mahātmane

जगदम्बा उमा के उस सर्वश्रेष्ठ क्रियायोग को, जो सनत्कुमार द्वारा महात्मा व्यास को कहा गया था —

श्लोक 3 (shiva.uma.51.3)

सूत उवाच । धन्या यूयं महात्मानो देवीभक्तिदृढव्रताः । पराशक्तेः परं गुप्तं रहस्यं शृणुतादरात्

sūta uvāca dhanyā yūyaṁ mahātmāno devībhaktidṛḍhavratāḥ parāśakteḥ paraṁ guptaṁ rahasyaṁ śṛṇutādarāt

सूत जी ने कहा — तुम धन्य हो, हे महात्माओ, जो देवी-भक्ति के दृढ़ व्रत वाले हो; परा शक्ति के इस परम गुप्त रहस्य को आदरपूर्वक सुनो।

श्लोक 4 (shiva.uma.51.4)

व्यास उवाच । सनत्कुमार सर्वज्ञ ब्रह्मपुत्र महामते । उमायाः श्रोतुमिच्छामि क्रियायोगं महाद्भुतम्

vyāsa uvāca sanatkumāra sarvajña brahmaputra mahāmate umāyāḥ śrotumicchāmi kriyāyogaṁ mahādbhutam

व्यास जी ने कहा — हे सर्वज्ञ सनत्कुमार! हे ब्रह्मपुत्र! हे महामते! मैं उमा के इस अत्यंत अद्भुत क्रियायोग को सुनना चाहता हूँ।

श्लोक 5 (shiva.uma.51.5)

कीदृक्च लक्षणं तस्य किं कृते च फलं भवेत् । प्रियं यच्च पराम्बायास्तदशेषं वदस्व मे

kīdṛkca lakṣaṇaṁ tasya kiṁ kṛte ca phalaṁ bhavet priyaṁ yacca parāmbāyāstadaśeṣaṁ vadasva me

उसका स्वरूप कैसा है, और उसे करने से क्या फल प्राप्त होता है? तथा परा माता को जो कुछ प्रिय है, वह सब मुझे बताइए।

श्लोक 6 (shiva.uma.51.6)

सनत्कुमार उवाच । द्वैपायन यदेतत्त्वं रहस्यं परिपृच्छसि । तच्छृणुष्व महाबुद्धे सर्वं मे वर्णयिष्यतः

sanatkumāra uvāca dvaipāyana yadetattvaṁ rahasyaṁ paripṛcchasi tacchṛṇuṣva mahābuddhe sarvaṁ me varṇayiṣyataḥ

सनत्कुमार ने कहा — हे द्वैपायन! तुम जो यह रहस्य पूछ रहे हो, हे महाबुद्धे! उसे सुनो, मैं तुम्हें सब कुछ बताऊँगा।

श्लोक 7 (shiva.uma.51.7)

ज्ञानयोगः क्रियायोगो भक्तियोगस्तथैव च । त्रयो मार्गाः समाख्याताः श्रीमातुर्भुक्तिमुक्तिदाः

jñānayogaḥ kriyāyogo bhaktiyogastathaiva ca trayo mārgāḥ samākhyātāḥ śrīmāturbhuktimuktidāḥ

ज्ञानयोग, क्रियायोग और इसी प्रकार भक्तियोग — ये तीन मार्ग कहे गए हैं, जो श्रीमाता के भोग और मोक्ष दोनों प्रदान करने वाले हैं।

श्लोक 8 (shiva.uma.51.8)

ज्ञानयोगस्तु संयोगश्चित्तस्यैवात्मना तु यः । यस्तु बाह्यार्थसंयोगः क्रियायोगः स उच्यते

jñānayogastu saṁyogaścittasyaivātmanā tu yaḥ yastu bāhyārthasaṁyogaḥ kriyāyogaḥ sa ucyate

चित्त का आत्मा के साथ जो संयोग होता है, वह ज्ञानयोग है; और बाह्य पदार्थों के साथ जो संयोग (क्रिया द्वारा) होता है, वह क्रियायोग कहलाता है।

श्लोक 9 (shiva.uma.51.9)

भक्तियोगो मतो देव्या आत्मनश्चैक्यभावनम् । त्रयाणामपि योगानां क्रियायोगः स उच्यते

bhaktiyogo mato devyā ātmanaścaikyabhāvanam trayāṇāmapi yogānāṁ kriyāyogaḥ sa ucyate

देवी के साथ अपने आत्मा की एकता का भाव भक्तियोग माना गया है; और इन तीनों योगों के मूल में जो व्यावहारिक साधन है, वही क्रियायोग कहलाता है।

श्लोक 10 (shiva.uma.51.10)

कर्मणा जायते भक्तिर्भक्त्या ज्ञानं प्रजायते । ज्ञानात्प्रजायते मुक्तिरिति शास्त्रेषु निश्चयः

karmaṇā jāyate bhaktirbhaktyā jñānaṁ prajāyate jñānātprajāyate muktiriti śāstreṣu niścayaḥ

कर्म से भक्ति उत्पन्न होती है, भक्ति से ज्ञान उत्पन्न होता है, और ज्ञान से मुक्ति उत्पन्न होती है — यही शास्त्रों का निश्चित सिद्धान्त है।

श्लोक 11 (shiva.uma.51.11)

प्रधानं कारणं योगो विमुक्तेर्मुनिसत्तम । क्रियायोगस्तु योगस्य परमं ध्येयसाधनम्

pradhānaṁ kāraṇaṁ yogo vimuktermunisattama kriyāyogastu yogasya paramaṁ dhyeyasādhanam

हे मुनिश्रेष्ठ! योग ही मुक्ति का प्रधान कारण है; और क्रियायोग योग के परम ध्येय की प्राप्ति का साधन है।

श्लोक 12 (shiva.uma.51.12)

मायां तु प्रकृतिं विद्यान्मायावी ब्रह्म शाश्वतम् । अभिन्नं तद्वपुर्ज्ञात्वा मुच्यते भवबन्धनात्

māyāṁ tu prakṛtiṁ vidyānmāyāvī brahma śāśvatam abhinnaṁ tadvapurjñātvā mucyate bhavabandhanāt

माया को प्रकृति जानो, और मायापति को शाश्वत ब्रह्म जानो; उन दोनों के स्वरूप को अभिन्न जानकर मनुष्य संसार-बन्धन से मुक्त हो जाता है।

श्लोक 13 (shiva.uma.51.13)

यस्तु देव्यालयं कुर्यात्पाषाणं दारवं तथा । मृन्मयं वाथ कालेय तस्य पुण्यफलं शृणु । अहन्यहनि योगेन यजतो यन्महाफलम्

yastu devyālayaṁ kuryātpāṣāṇaṁ dāravaṁ tathā mṛnmayaṁ vātha kāleya tasya puṇyaphalaṁ śṛṇu ahanyahani yogena yajato yanmahāphalam

हे कालेय! जो कोई देवी का मन्दिर बनवाता है — चाहे पत्थर का हो, चाहे लकड़ी का, चाहे मिट्टी का — उसके पुण्यफल को सुनो। प्रतिदिन योगपूर्वक यजन करने से जो महाफल प्राप्त होता है,

श्लोक 14 (shiva.uma.51.14)

प्राप्नोति तत्फलं देव्या यः कारयति मन्दिरम् । सहस्रकुलमागामि व्यतीतं च सहस्रकम् । स तारयति धर्मात्मा श्रीमातुर्धाम कारयन्

prāpnoti tatphalaṁ devyā yaḥ kārayati mandiram sahasrakulamāgāmi vyatītaṁ ca sahasrakam sa tārayati dharmātmā śrīmāturdhāma kārayan

वही फल देवी का मन्दिर बनवाने वाले को प्राप्त होता है। वह धर्मात्मा, श्रीमाता का धाम बनवाकर, आने वाले सहस्र कुलों और बीत चुके सहस्र कुलों को तार देता है।

श्लोक 15 (shiva.uma.51.15)

कोटिजन्मकृतं पापं स्वल्पं वा यदि वा बहु । श्रीमातुर्मन्दिरारम्भक्षणादेव प्रणश्यति

koṭijanmakṛtaṁ pāpaṁ svalpaṁ vā yadi vā bahu śrīmāturmandirārambhakṣaṇādeva praṇaśyati

करोड़ों जन्मों में किया गया पाप, चाहे थोड़ा हो या बहुत, श्रीमाता के मन्दिर के निर्माण के आरम्भ होते ही नष्ट हो जाता है।

श्लोक 16 (shiva.uma.51.16)

नदीषु च यथा गङ्गा शोणः सर्वनदेषु च । क्षमायां च यथा पृथ्वी गाम्भीर्ये च यथोदधिः

nadīṣu ca yathā gaṅgā śoṇaḥ sarvanadeṣu ca kṣamāyāṁ ca yathā pṛthvī gāmbhīrye ca yathodadhiḥ

जैसे नदियों में गंगा और सब नदों में शोण (सोन) श्रेष्ठ है, जैसे क्षमा में पृथ्वी और गाम्भीर्य में समुद्र श्रेष्ठ है —

श्लोक 17 (shiva.uma.51.17)

ग्रहाणां च समस्तानां यथा सूर्यो विशिष्यते । तथा सर्वेषु देवेषु श्रीपराम्बा विशिष्यते

grahāṇāṁ ca samastānāṁ yathā sūryo viśiṣyate tathā sarveṣu deveṣu śrīparāmbā viśiṣyate

और जैसे समस्त ग्रहों में सूर्य विशिष्ट है, वैसे ही समस्त देवताओं में श्रीपरा माता विशिष्ट हैं।

श्लोक 18 (shiva.uma.51.18)

सर्वदेवेषु सा मुख्या यस्तस्याः कारयेद् गृहम् । प्रतिष्ठां समवाप्नोति स च जन्मनि जन्मनि

sarvadeveṣu sā mukhyā yastasyāḥ kārayed gṛham pratiṣṭhāṁ samavāpnoti sa ca janmani janmani

वे समस्त देवताओं में मुख्य हैं; जो उनका मन्दिर बनवाता है, वह जन्म-जन्म में प्रतिष्ठा प्राप्त करता है।

श्लोक 19 (shiva.uma.51.19)

वाराणस्यां कुरुक्षेत्रे प्रयागे पुष्करे तथा । गङ्गासमुद्रतीरे च नैमिषेऽमरकण्टके

vārāṇasyāṁ kurukṣetre prayāge puṣkare tathā gaṅgāsamudratīre ca naimiṣe'marakaṇṭake

वाराणसी में, कुरुक्षेत्र में, प्रयाग में, पुष्कर में, गंगा-सागर तट पर, नैमिष में, अमरकण्टक में,

श्लोक 20 (shiva.uma.51.20)

श्रीपर्वते महापुण्ये गोकर्णे ज्ञानपर्वते । मथुरायामयोध्यायां द्वारावत्यां तथैव च

śrīparvate mahāpuṇye gokarṇe jñānaparvate mathurāyāmayodhyāyāṁ dvārāvatyāṁ tathaiva ca

महापुण्य श्रीपर्वत में, गोकर्ण में, ज्ञानपर्वत में, मथुरा में, अयोध्या में, तथा द्वारावती में —

श्लोक 21 (shiva.uma.51.21)

इत्यादिपुण्यदेशेषु यत्र कुत्र स्थलेऽपि वा । कारयन्मातुरावासं मुक्तो भवति बन्धनात्

ityādipuṇyadeśeṣu yatra kutra sthale'pi vā kārayanmāturāvāsaṁ mukto bhavati bandhanāt

इन आदि पुण्य स्थलों में, अथवा किसी भी स्थान पर, माता का निवास बनवाने वाला बन्धन से मुक्त हो जाता है।

श्लोक 22 (shiva.uma.51.22)

इष्टकानां तु विन्यासो यावद्वर्षाणि तिष्ठति । तावद्वर्षसहस्राणि मणिद्वीपे महीयते

iṣṭakānāṁ tu vinyāso yāvadvarṣāṇi tiṣṭhati tāvadvarṣasahasrāṇi maṇidvīpe mahīyate

जितने वर्षों तक ईंटों की वह रचना (मन्दिर) खड़ी रहती है, उतने ही सहस्र वर्षों तक मणिद्वीप में मनुष्य महिमामण्डित होता है।

श्लोक 23 (shiva.uma.51.23)

प्रतिमाः कारयेद्यस्तु सर्वलक्षणलक्षिताः । स उमायाः परं लोकं निर्भयो व्रजति धुवम्

pratimāḥ kārayedyastu sarvalakṣaṇalakṣitāḥ sa umāyāḥ paraṁ lokaṁ nirbhayo vrajati dhuvam

जो सर्वलक्षणों से युक्त प्रतिमाएँ बनवाता है, वह निर्भय होकर निश्चय ही उमा के परम लोक को जाता है।

श्लोक 24 (shiva.uma.51.24)

देवीमूर्तिं प्रतिष्ठाप्य शुभर्तुग्रहतारके । कृतकृत्यो भवेन्मर्त्यो योगमायाप्रसादतः

devīmūrtiṁ pratiṣṭhāpya śubhartugrahatārake kṛtakṛtyo bhavenmartyo yogamāyāprasādataḥ

शुभ ऋतु, ग्रह और नक्षत्र में देवी की मूर्ति की प्रतिष्ठा करके, योगमाया की कृपा से मनुष्य कृतकृत्य हो जाता है।

श्लोक 25 (shiva.uma.51.25)

ये भविष्यन्ति येऽतीता आकल्पात्पुरुषाः कुले । तांस्तांस्तारयते देव्या मूर्तिं संस्थाप्य शोभनाम्

ye bhaviṣyanti ye'tītā ākalpātpuruṣāḥ kule tāṁstāṁstārayate devyā mūrtiṁ saṁsthāpya śobhanām

कुल में जो भविष्य में जन्म लेंगे और जो कल्प के आरम्भ से बीत चुके हैं — देवी की सुन्दर मूर्ति की स्थापना करने वाला उन सभी को तार देता है।

श्लोक 26 (shiva.uma.51.26)

त्रिलोकीस्थापनात्पुण्यं यद्भवेन्मुनिपुङ्गव । तत्कोटिगुणितं पुण्यं श्रीदेवीस्थापनाद्भवेत्

trilokīsthāpanātpuṇyaṁ yadbhavenmunipuṅgava tatkoṭiguṇitaṁ puṇyaṁ śrīdevīsthāpanādbhavet

हे मुनिश्रेष्ठ! त्रिलोकी की स्थापना से जो पुण्य होता है, उससे करोड़ गुना अधिक पुण्य श्रीदेवी की स्थापना से होता है।

श्लोक 27 (shiva.uma.51.27)

मध्ये देवीं स्थापयित्वा पञ्चायतनदेवताः । चतुर्दिक्षु स्थापयेद्यस्तस्य पुण्यं न गण्यते

madhye devīṁ sthāpayitvā pañcāyatanadevatāḥ caturdikṣu sthāpayedyastasya puṇyaṁ na gaṇyate

जो देवी को मध्य में स्थापित कर, चारों दिशाओं में पंचायतन देवताओं को स्थापित करता है, उसके पुण्य की गणना नहीं की जा सकती।

श्लोक 28 (shiva.uma.51.28)

विष्णोर्नाम्नां कोटिजपाद् ग्रहणे चन्द्रसूर्ययोः । यत्फलं लभ्यते तस्माच्छतकोटिगुणोत्तरम्

viṣṇornāmnāṁ koṭijapād grahaṇe candrasūryayoḥ yatphalaṁ labhyate tasmācchatakoṭiguṇottaram

चन्द्र या सूर्य ग्रहण के समय विष्णु के नामों का करोड़ बार जप करने से जो फल मिलता है, उससे सौ करोड़ गुना अधिक फल आगे बताए अनुसार मिलता है —

श्लोक 29 (shiva.uma.51.29)

शिवनाम्नो जपादेव तस्मात्कोटिगुणोत्तरम् । श्रीदेवीनामजापात्तु ततः कोटिगुणोत्तरम्

śivanāmno japādeva tasmātkoṭiguṇottaram śrīdevīnāmajāpāttu tataḥ koṭiguṇottaram

उससे भी शिव के नाम-जप का फल करोड़ गुना अधिक है; और उससे भी श्रीदेवी के नाम-जप का फल करोड़ गुना अधिक है।

श्लोक 30 (shiva.uma.51.30)

देव्याः प्रासादकरणात्पुण्यं तु समवाप्यते । स्थापिता येन सा देवी जगन्माता त्रयीमयी

devyāḥ prāsādakaraṇātpuṇyaṁ tu samavāpyate sthāpitā yena sā devī jaganmātā trayīmayī

देवी का प्रासाद (मन्दिर) बनवाने से पुण्य प्राप्त होता है; इस कार्य से त्रयीमयी जगन्माता देवी की स्थापना होती है।

श्लोक 31 (shiva.uma.51.31)

न तस्य दुर्लभं किञ्चित् श्रीमातुः करुणावशात् । वर्धन्ते पुत्रपौत्राद्या नश्यत्यखिलकश्मलम्

na tasya durlabhaṁ kiñcit śrīmātuḥ karuṇāvaśāt vardhante putrapautrādyā naśyatyakhilakaśmalam

श्रीमाता की कृपा से उसके लिए कुछ भी दुर्लभ नहीं रहता; उसके पुत्र-पौत्र आदि बढ़ते हैं, और समस्त पाप नष्ट हो जाता है।

श्लोक 32 (shiva.uma.51.32)

मनसा ये चिकीर्षन्ति मूर्तिस्थापनमुत्तमम् । तेऽत्युमायाः परं लोकं प्रयान्ति मुनिदुर्लभम्

manasā ye cikīrṣanti mūrtisthāpanamuttamam te'tyumāyāḥ paraṁ lokaṁ prayānti munidurlabham

जो मन से भी उत्तम मूर्ति-स्थापना की इच्छा करते हैं, वे भी मुनियों के लिए भी दुर्लभ, उमा के परम लोक को प्राप्त करते हैं।

श्लोक 33 (shiva.uma.51.33)

क्रियमाणं तु यः प्रेक्ष्य चेतसा ह्यनुचिन्तयेत् । कारयिष्याम्यहं यर्हि सम्पन्मे सम्भविष्यति

kriyamāṇaṁ tu yaḥ prekṣya cetasā hyanucintayet kārayiṣyāmyahaṁ yarhi sampanme sambhaviṣyati

जो कोई इस कार्य को होते हुए देखकर मन में यह विचार करता है — 'जब मुझे सम्पत्ति प्राप्त होगी, तब मैं भी यह करवाऊँगा' —

श्लोक 34 (shiva.uma.51.34)

एवं तस्य कुलं सद्यो याति स्वर्गं न संशयः । महामायाप्रभावेण दुर्लभं किं जगत्त्रये

evaṁ tasya kulaṁ sadyo yāti svargaṁ na saṁśayaḥ mahāmāyāprabhāveṇa durlabhaṁ kiṁ jagattraye

इस प्रकार उसका कुल तत्काल स्वर्ग को जाता है, इसमें कोई संशय नहीं; महामाया के प्रभाव से तीनों लोकों में कुछ भी दुर्लभ नहीं है।

श्लोक 35 (shiva.uma.51.35)

श्रीपराम्बां जगद्योनिं केवलं ये समाश्रिताः । ते मनुष्या न मन्तव्याः साक्षाद्देवीगणाश्च ते

śrīparāmbāṁ jagadyoniṁ kevalaṁ ye samāśritāḥ te manuṣyā na mantavyāḥ sākṣāddevīgaṇāśca te

जो केवल जगत्-जननी श्रीपरा माता की शरण लेते हैं, वे मनुष्य नहीं समझे जाने चाहिए — वे साक्षात् देवीगण ही हैं।

श्लोक 36 (shiva.uma.51.36)

ये व्रजन्तः स्वपन्तश्च तिष्ठन्तो वाप्यहर्निशम् । उमेति द्व्यक्षरं नाम ब्रुवते ते शिवागणाः

ye vrajantaḥ svapantaśca tiṣṭhanto vāpyaharniśam umeti dvyakṣaraṁ nāma bruvate te śivāgaṇāḥ

जो चलते, सोते या खड़े होते हुए, रात-दिन 'उमा' इस द्व्यक्षर नाम का उच्चारण करते हैं, वे शिवा (देवी) के ही गण हैं।

श्लोक 37 (shiva.uma.51.37)

नित्ये नैमित्तिके देवीं ये यजन्ति परां शिवाम् । पुष्पैर्धूपैस्तथा दीपैस्ते प्रयास्यन्त्युमालयम्

nitye naimittike devīṁ ye yajanti parāṁ śivām puṣpairdhūpaistathā dīpaiste prayāsyantyumālayam

जो नित्य और नैमित्तिक पूजा में पुष्प, धूप और दीप से परा शिवा देवी का पूजन करते हैं, वे उमा के धाम को जाएँगे।

श्लोक 38 (shiva.uma.51.38)

ये देवीमण्डपं नित्यं गोमयेन मृदाथवा । उपलिम्पन्ति मार्जन्ति ते प्रयास्यन्त्युमालयम्

ye devīmaṇḍapaṁ nityaṁ gomayena mṛdāthavā upalimpanti mārjanti te prayāsyantyumālayam

जो नित्य गोबर या मिट्टी से देवी के मण्डप को लीपते और साफ करते हैं, वे भी उमा के धाम को जाएँगे।

श्लोक 39 (shiva.uma.51.39)

यैर्देव्या मन्दिरं रम्यं निर्मापितमनुत्तमम् । तत्कुलीनाञ्जनान्माता ह्याशिषः सम्प्रयच्छति

yairdevyā mandiraṁ ramyaṁ nirmāpitamanuttamam tatkulīnāñjanānmātā hyāśiṣaḥ samprayacchati

जिनके द्वारा देवी का सुन्दर, सर्वोत्तम मन्दिर बनवाया जाता है, माता उनके कुल के लोगों पर आशीर्वाद प्रदान करती हैं।

श्लोक 40 (shiva.uma.51.40)

मदीयाः शतवर्षाणि जीवन्तु प्रेमभाजनाः । नापदामयनानीत्थं श्रीमाता वक्त्यहर्निशम्

madīyāḥ śatavarṣāṇi jīvantu premabhājanāḥ nāpadāmayanānītthaṁ śrīmātā vaktyaharniśam

'मेरे प्रियजन सौ वर्ष तक जीवित रहें, उन्हें विपत्तियों का मार्ग स्पर्श न करे' — इस प्रकार श्रीमाता रात-दिन कहती रहती हैं।

श्लोक 41 (shiva.uma.51.41)

येन मूर्तिर्महादेब्या उमायाः कारिता शुभा । नरायुतं तत्कुलजं मणिद्वीपे महीयते

yena mūrtirmahādebyā umāyāḥ kāritā śubhā narāyutaṁ tatkulajaṁ maṇidvīpe mahīyate

जिसके द्वारा महादेवी उमा की शुभ मूर्ति बनवाई गई हो, उसके कुल में जन्मे दस हजार व्यक्ति मणिद्वीप में महिमामण्डित होते हैं।

श्लोक 42 (shiva.uma.51.42)

स्थापयित्वा महामायामूर्तिं सम्यक्प्रपूज्य च । यं यं प्रार्थयते कामं तं तं प्राप्नोति साधकः

sthāpayitvā mahāmāyāmūrtiṁ samyakprapūjya ca yaṁ yaṁ prārthayate kāmaṁ taṁ taṁ prāpnoti sādhakaḥ

महामाया की मूर्ति स्थापित कर, भलीभाँति पूजा करके, साधक जिस-जिस कामना की प्रार्थना करता है, उसे वह प्राप्त कर लेता है।

श्लोक 43 (shiva.uma.51.43)

यः स्नापयति श्रीमातुः स्थापितां मूर्तिमुत्तमाम् । घृतेन मधुनाक्तेन तत्फलं गणयेत्तु कः

yaḥ snāpayati śrīmātuḥ sthāpitāṁ mūrtimuttamām ghṛtena madhunāktena tatphalaṁ gaṇayettu kaḥ

जो श्रीमाता की स्थापित उत्तम मूर्ति को घृत और मधु से स्नान कराता है, उसके फल की गणना कौन कर सकता है?

श्लोक 44 (shiva.uma.51.44)

चन्दनागुरुकर्पूरमांसीमुस्तादियुग्जलैः । एकवर्णगवां क्षीरैः स्नापयेत्परमेश्वरीम्

candanāgurukarpūramāṁsīmustādiyugjalaiḥ ekavarṇagavāṁ kṣīraiḥ snāpayetparameśvarīm

चन्दन, अगुरु, कर्पूर, जटामांसी, मुस्ता आदि से युक्त जल तथा एकवर्ण गायों के दूध से परमेश्वरी को स्नान कराना चाहिए।

श्लोक 45 (shiva.uma.51.45)

धूपेनाष्टादशाङ्गेन दद्यादाहुतिमुत्तमाम् । नीराजनं चरेद्देव्याः साज्यकर्पूरवर्तिभिः

dhūpenāṣṭādaśāṅgena dadyādāhutimuttamām nīrājanaṁ careddevyāḥ sājyakarpūravartibhiḥ

अठारह अंगों वाले धूप से उत्तम आहुति देनी चाहिए, तथा घी और कर्पूर की बत्तियों से देवी की आरती (नीराजन) करनी चाहिए।

श्लोक 46 (shiva.uma.51.46)

कृष्णाष्टम्यां नवम्यां वामायां वा पञ्चदिक्तिथौ । पूजयेज्जगतां धात्रीं गन्धपुष्पैर्विशेषतः

kṛṣṇāṣṭamyāṁ navamyāṁ vāmāyāṁ vā pañcadiktithau pūjayejjagatāṁ dhātrīṁ gandhapuṣpairviśeṣataḥ

कृष्ण अष्टमी, नवमी अथवा पंचमी तिथि पर, गन्ध और पुष्पों से विशेष रूप से जगत् की धात्री (देवी) का पूजन करना चाहिए।

श्लोक 47 (shiva.uma.51.47)

सम्पठञ्जननीसूक्तं श्रीसूक्तमथवा पठन् । देवीसूक्तमथो वापि मूलमन्त्रमथापि वा

sampaṭhañjananīsūktaṁ śrīsūktamathavā paṭhan devīsūktamatho vāpi mūlamantramathāpi vā

जननी सूक्त, श्रीसूक्त, देवीसूक्त अथवा मूलमन्त्र का पाठ करते हुए —

श्लोक 48 (shiva.uma.51.48)

विष्णुक्रान्तां च तुलसीं वर्जयित्वाखिलं सुमम् । देवीप्रीतिकरं ज्ञेयं कमलं तु विशेषतः

viṣṇukrāntāṁ ca tulasīṁ varjayitvākhilaṁ sumam devīprītikaraṁ jñeyaṁ kamalaṁ tu viśeṣataḥ

विष्णुक्रान्ता और तुलसी को छोड़कर, सभी पुष्प देवी को प्रिय जानने चाहिए, तथा कमल विशेष रूप से प्रिय है।

श्लोक 49 (shiva.uma.51.49)

अर्पयेत्स्वर्णपुष्पं यो देव्यै राजतमेव वा । स याति परमं धाम सिद्धकोटिभिरन्वितम्

arpayetsvarṇapuṣpaṁ yo devyai rājatameva vā sa yāti paramaṁ dhāma siddhakoṭibhiranvitam

जो देवी को स्वर्ण अथवा रजत का पुष्प अर्पित करता है, वह करोड़ों सिद्धों से युक्त परमधाम को जाता है।

श्लोक 50 (shiva.uma.51.50)

पूजनान्ते सदा कार्यं दासैरेनः क्षमापनम् । प्रसीद परमेशानि जगदानन्ददायिनि

pūjanānte sadā kāryaṁ dāsairenaḥ kṣamāpanam prasīda parameśāni jagadānandadāyini

पूजा के अन्त में दासों को सदा अपने अपराध की क्षमा माँगनी चाहिए — 'हे परमेश्वरी! हे जगत् को आनन्द देने वाली! प्रसन्न होइए।'

श्लोक 51 (shiva.uma.51.51)

इति वाक्यैः स्तुवन्मन्त्री देवीभक्तिपरायणः । ध्यायेत्कण्ठीरवारूढां वरदाभयपाणिकाम्

iti vākyaiḥ stuvanmantrī devībhaktiparāyaṇaḥ dhyāyetkaṇṭhīravārūḍhāṁ varadābhayapāṇikām

इन वचनों से स्तुति करते हुए देवीभक्तिपरायण साधक सिंहारूढ़, वरद और अभय मुद्रा वाले हाथों से युक्त देवी का ध्यान करे।

श्लोक 52 (shiva.uma.51.52)

इत्थं ध्यात्वा महेशानीं भक्ताभीष्टफलप्रदाम् । नानाफलानि पक्वानि नैवेद्यत्वे प्रकल्पयेत्

itthaṁ dhyātvā maheśānīṁ bhaktābhīṣṭaphalapradām nānāphalāni pakvāni naivedyatve prakalpayet

इस प्रकार भक्तों को अभीष्ट फल देने वाली महेश्वरी का ध्यान करके, नाना प्रकार के पके फलों को नैवेद्य के रूप में अर्पित करे।

श्लोक 53 (shiva.uma.51.53)

नैवेद्यं भक्षयेद्यस्तु शम्भुशक्तेः परात्मनः । स निर्धूयाखिलं पङ्कं निर्मलो मानवो भवेत्

naivedyaṁ bhakṣayedyastu śambhuśakteḥ parātmanaḥ sa nirdhūyākhilaṁ paṅkaṁ nirmalo mānavo bhavet

जो शम्भु की परात्मा शक्ति का नैवेद्य ग्रहण करता है, वह समस्त पाप-मल को धोकर निर्मल मानव बन जाता है।

श्लोक 54 (shiva.uma.51.54)

चैत्रशुक्लतृतीयायां यो भवानीव्रतं चरेत् । भवबन्धननिर्मुक्तः प्राप्नुयात्परमं पदम्

caitraśuklatṛtīyāyāṁ yo bhavānīvrataṁ caret bhavabandhananirmuktaḥ prāpnuyātparamaṁ padam

जो चैत्र शुक्ल तृतीया को भवानी व्रत करता है, वह संसार-बन्धन से मुक्त होकर परम पद को प्राप्त करता है।

श्लोक 55 (shiva.uma.51.55)

अस्यामेव तृतीयायां कुर्याद्दोलोत्सवं बुधः । पूजयेज्जगतां धात्रीमुमां शङ्करसंयुताम्

asyāmeva tṛtīyāyāṁ kuryāddolotsavaṁ budhaḥ pūjayejjagatāṁ dhātrīmumāṁ śaṅkarasaṁyutām

इसी तृतीया को बुद्धिमान व्यक्ति को दोलोत्सव (झूला-उत्सव) करना चाहिए, और शंकर के साथ जगत्-धात्री उमा का पूजन करना चाहिए।

श्लोक 56 (shiva.uma.51.56)

कुसुमैः कुङ्कुमैर्वस्त्रैः कर्पूरागुरुचन्दनैः । धूपैर्द्दीपैः सनैवेद्यैः स्रग्गन्धैरपरैरपि

kusumaiḥ kuṅkumairvastraiḥ karpūrāgurucandanaiḥ dhūpairddīpaiḥ sanaivedyaiḥ sraggandhairaparairapi

पुष्प, कुंकुम, वस्त्र, कर्पूर, अगुरु, चन्दन, धूप, दीप, नैवेद्य, माला, गन्ध तथा अन्य वस्तुओं से —

श्लोक 57 (shiva.uma.51.57)

आन्दोलयेत्ततो देवीं महामायां महेश्वरीम् । श्रीगौरीं शिवसंयुक्तां सर्वकल्याणकारिणीम्

āndolayettato devīṁ mahāmāyāṁ maheśvarīm śrīgaurīṁ śivasaṁyuktāṁ sarvakalyāṇakāriṇīm

तत्पश्चात् शिव के साथ संयुक्त, सर्वकल्याणकारिणी महामाया महेश्वरी श्रीगौरी को झुलाना चाहिए।

श्लोक 58 (shiva.uma.51.58)

प्रत्यब्दं कुरुते योऽस्यां व्रतमान्दोलनं तथा । नियमेन शिवा तस्मै सर्वमिष्टं प्रयच्छति

pratyabdaṁ kurute yo'syāṁ vratamāndolanaṁ tathā niyamena śivā tasmai sarvamiṣṭaṁ prayacchati

जो प्रतिवर्ष नियमपूर्वक इस दिन यह व्रत और दोलन करता है, उसे शिवा (देवी) उसकी सारी इच्छाएँ प्रदान करती हैं।

श्लोक 59 (shiva.uma.51.59)

माधवस्य सिते पक्षे तृतीया याक्षयाभिधा । तस्यां यो जगदम्बाया व्रतं कुर्यादतन्द्रितः

mādhavasya site pakṣe tṛtīyā yākṣayābhidhā tasyāṁ yo jagadambāyā vrataṁ kuryādatandritaḥ

माधव (वैशाख) मास के शुक्ल पक्ष में जो तृतीया अक्षय नाम से प्रसिद्ध है, उस दिन जो सुस्ती त्यागकर जगदम्बा का व्रत करता है —

श्लोक 60 (shiva.uma.51.60)

मल्लिकामालतीचम्पाजपाबन्धूकपङ्कजैः । कुसुमैः पूजयेद्गौरीं शङ्करेण समन्विताम्

mallikāmālatīcampājapābandhūkapaṅkajaiḥ kusumaiḥ pūjayedgaurīṁ śaṅkareṇa samanvitām

मल्लिका, मालती, चम्पा, जपा (गुड़हल), बन्धूक और कमल के पुष्पों से शंकर सहित गौरी का पूजन करे।

श्लोक 61 (shiva.uma.51.61)

कोटिजन्मकृतं पापं मनोवाक्कायसम्भवम् । निर्धूय चतुरो वर्गानक्षयानिह सोऽश्नुते

koṭijanmakṛtaṁ pāpaṁ manovākkāyasambhavam nirdhūya caturo vargānakṣayāniha so'śnute

इस प्रकार वह मन, वचन और काय से उत्पन्न करोड़ों जन्मों के पाप को धोकर, इस लोक में चारों पुरुषार्थों को अक्षय रूप से प्राप्त करता है।

श्लोक 62 (shiva.uma.51.62)

ज्येष्ठे शुक्लतृतीयायां व्रतं कृत्वा महेश्वरीम् । योऽर्चयेत्परमप्रीत्या तस्यासाध्यं न किञ्चन

jyeṣṭhe śuklatṛtīyāyāṁ vrataṁ kṛtvā maheśvarīm yo'rcayetparamaprītyā tasyāsādhyaṁ na kiñcana

ज्येष्ठ शुक्ल तृतीया को व्रत करके जो परम प्रेम से महेश्वरी का पूजन करता है, उसके लिए कुछ भी असाध्य नहीं रहता।

श्लोक 63 (shiva.uma.51.63)

आषाढशुक्लपक्षीयतृतीयायां रथोत्सवम । देव्याः प्रियतमं कुर्याद्यथावित्तानुसारतः

āṣāḍhaśuklapakṣīyatṛtīyāyāṁ rathotsavama devyāḥ priyatamaṁ kuryādyathāvittānusārataḥ

आषाढ़ शुक्ल पक्ष की तृतीया को देवी को अत्यंत प्रिय रथोत्सव अपनी सामर्थ्य के अनुसार करना चाहिए।

श्लोक 64 (shiva.uma.51.64)

रथं पृथ्वीं विजानीयाद्रथाङ्गे चन्द्रभास्करौ । वेदानश्वान्विजानीयात्सारथिं पद्मसम्भवम्

rathaṁ pṛthvīṁ vijānīyādrathāṅge candrabhāskarau vedānaśvānvijānīyātsārathiṁ padmasambhavam

रथ को पृथ्वी जानना चाहिए, चन्द्र और सूर्य को उसके पहिए, वेदों को घोड़े, तथा पद्मसम्भव ब्रह्मा को सारथी जानना चाहिए।

श्लोक 65 (shiva.uma.51.65)

नानामणिगणाकीर्णं पुष्पमालाविराजितम् । एवं रथं कल्पयित्वा तस्मिन् संस्थापयेच्छिवाम्

nānāmaṇigaṇākīrṇaṁ puṣpamālāvirājitam evaṁ rathaṁ kalpayitvā tasmin saṁsthāpayecchivām

इस प्रकार नाना प्रकार के मणियों से युक्त और पुष्पमालाओं से सुशोभित रथ बनवाकर, उस पर शिवा को स्थापित करे।

श्लोक 66 (shiva.uma.51.66)

लोकसंरक्षणार्थाय लोकं द्रष्टुं पराम्बिका । रथमध्ये संस्थितेति भावयेन्मतिमान्नरः

lokasaṁrakṣaṇārthāya lokaṁ draṣṭuṁ parāmbikā rathamadhye saṁsthiteti bhāvayenmatimānnaraḥ

बुद्धिमान पुरुष यह भावना करे कि 'लोक की रक्षा के लिए, लोक को देखने हेतु परा अम्बिका रथ के मध्य विराजमान हैं।'

श्लोक 67 (shiva.uma.51.67)

रथे प्रचलिते मन्दं जयशब्दमुदीरयेत् । पाहि देवि जनानस्मान्प्रपन्नान्दीनवत्सले

rathe pracalite mandaṁ jayaśabdamudīrayet pāhi devi janānasmānprapannāndīnavatsale

रथ के धीरे-धीरे चलने पर 'जय' शब्द का उच्चारण करना चाहिए — 'हे देवि! हे दीनवत्सले! शरणागत हम जनों की रक्षा करो।'

श्लोक 68 (shiva.uma.51.68)

इति वाक्यैस्तोषयेच्च नानावादित्रनिःस्वनैः । सीमान्ते तु रथं नीत्वा तत्र सम्पूजयेद्रथे

iti vākyaistoṣayecca nānāvāditraniḥsvanaiḥ sīmānte tu rathaṁ nītvā tatra sampūjayedrathe

इन वचनों तथा नाना वाद्यों की ध्वनि से देवी को प्रसन्न करना चाहिए; सीमा तक रथ ले जाकर वहाँ रथ पर ही पूजन करे।

श्लोक 69 (shiva.uma.51.69)

नानास्तोत्रैस्ततः स्तुत्वाप्यानयेत्तां स्ववेश्मनि । प्रणिपातशतं कृत्वा प्रार्थयेज्जगदम्बिकाम्

nānāstotraistataḥ stutvāpyānayettāṁ svaveśmani praṇipātaśataṁ kṛtvā prārthayejjagadambikām

फिर नाना स्तोत्रों से स्तुति करके उन्हें अपने घर वापस लाना चाहिए; सौ प्रणाम करके जगदम्बिका से प्रार्थना करे।

श्लोक 70 (shiva.uma.51.70)

एवं यः कुरुते विद्वान्पूजाव्रतरथोत्सवम् । इह भुक्त्वाखिलान्भोगान्सोऽन्ते देवीपदं व्रजेत्

evaṁ yaḥ kurute vidvānpūjāvratarathotsavam iha bhuktvākhilānbhogānso'nte devīpadaṁ vrajet

इस प्रकार जो विद्वान पूजा, व्रत और रथोत्सव करता है, वह यहाँ समस्त भोगों को भोगकर अन्त में देवी के पद को प्राप्त होता है।

श्लोक 71 (shiva.uma.51.71)

शुक्लायां तु तृतीयायामेवं श्रावणभाद्रयोः । यो व्रतं कुरुतेऽम्बायाः पूजनं च यथाविधि

śuklāyāṁ tu tṛtīyāyāmevaṁ śrāvaṇabhādrayoḥ yo vrataṁ kurute'mbāyāḥ pūjanaṁ ca yathāvidhi

इसी प्रकार श्रावण और भाद्रपद की शुक्ल तृतीया को जो अम्बा का व्रत और विधिवत पूजन करता है —

श्लोक 72 (shiva.uma.51.72)

मोदते पुत्रपौत्राद्यैर्धनाद्यैरिह सन्ततम् । सोऽन्ते गच्छेदुमालोकं सर्वलोकोपरि स्थितम्

modate putrapautrādyairdhanādyairiha santatam so'nte gacchedumālokaṁ sarvalokopari sthitam

वह यहाँ निरन्तर पुत्र-पौत्र और धन आदि से आनन्दित होता है, और अन्त में समस्त लोकों के ऊपर स्थित उमालोक को प्राप्त होता है।

श्लोक 73 (shiva.uma.51.73)

आश्विने धवले पक्षे नवरात्रव्रतं चरेत् । यत्कृते सकलाः कामाः सिद्ध्यन्त्येव न संशयः

āśvine dhavale pakṣe navarātravrataṁ caret yatkṛte sakalāḥ kāmāḥ siddhyantyeva na saṁśayaḥ

आश्विन के शुक्ल पक्ष में नवरात्र व्रत करना चाहिए, जिसे करने से समस्त कामनाएँ निःसंदेह सिद्ध होती हैं।

श्लोक 74 (shiva.uma.51.74)

नवरात्रव्रतस्यास्य प्रभावं वक्तुमीश्वरः । चतुरास्यो न पञ्चास्यो न षडास्यो न कोऽपरः

navarātravratasyāsya prabhāvaṁ vaktumīśvaraḥ caturāsyo na pañcāsyo na ṣaḍāsyo na ko'paraḥ

इस नवरात्र व्रत के प्रभाव को कहने में न चतुर्मुख ब्रह्मा, न पंचमुख शिव, न षण्मुख कार्तिकेय, न कोई अन्य समर्थ है।

श्लोक 75 (shiva.uma.51.75)

नवरात्रव्रतं कृत्वा भूपालो विरथात्मजः । हृतं राज्यं निजं लेभे सुरथो मुनिसत्तमाः

navarātravrataṁ kṛtvā bhūpālo virathātmajaḥ hṛtaṁ rājyaṁ nijaṁ lebhe suratho munisattamāḥ

हे मुनिश्रेष्ठो! विरथ के पुत्र राजा सुरथ ने नवरात्र व्रत करके अपने छीने गए राज्य को पुनः प्राप्त किया।

श्लोक 76 (shiva.uma.51.76)

ध्रुवसन्धिसुतो धीमानयोध्याधिपतिर्नृपः । सुदर्शनो हृतं राज्यं प्रापदस्य प्रभावतः

dhruvasandhisuto dhīmānayodhyādhipatirnṛpaḥ sudarśano hṛtaṁ rājyaṁ prāpadasya prabhāvataḥ

ध्रुवसन्धि के पुत्र, अयोध्या के अधिपति, बुद्धिमान राजा सुदर्शन ने भी इसी के प्रभाव से अपना छीना हुआ राज्य पुनः प्राप्त किया।

श्लोक 77 (shiva.uma.51.77)

व्रतराजमिमं कृत्वा समाराध्य महेश्वरीम् । संसारबन्धनान्मुक्तः समाधिर्मुक्तिभागभूत्

vratarājamimaṁ kṛtvā samārādhya maheśvarīm saṁsārabandhanānmuktaḥ samādhirmuktibhāgabhūt

इस व्रतराज को करके और महेश्वरी की भलीभाँति आराधना करके, [समाधि नामक साधक] संसार-बन्धन से मुक्त होकर मोक्ष का भागी बना।

श्लोक 78 (shiva.uma.51.78)

तृतीयायां च पञ्चम्यां सप्तम्यामष्टमीतिथौ । नवम्यां वा चतुर्दश्यां यो देवी पूजयेन्नरः

tṛtīyāyāṁ ca pañcamyāṁ saptamyāmaṣṭamītithau navamyāṁ vā caturdaśyāṁ yo devī pūjayennaraḥ

जो मनुष्य तृतीया, पंचमी, सप्तमी, अष्टमी, नवमी अथवा चतुर्दशी तिथि को देवी का पूजन करता है —

श्लोक 79 (shiva.uma.51.79)

आश्विनस्य सिते पक्षे व्रतं कृत्वा विधानतः । तस्य सर्वं मनोऽभीष्टं पूरयत्यनिशं शिवा

āśvinasya site pakṣe vrataṁ kṛtvā vidhānataḥ tasya sarvaṁ mano'bhīṣṭaṁ pūrayatyaniśaṁ śivā

आश्विन के शुक्ल पक्ष में विधिपूर्वक व्रत करने वाले उस मनुष्य की सारी मनोकामनाएँ शिवा (देवी) निरन्तर पूर्ण करती हैं।

श्लोक 80 (shiva.uma.51.80)

यः कार्त्तिकस्य मार्गस्य पौषस्य तपसस्तथा । तपस्यस्य सिते पक्षे तृतीयायां व्रतं चरेत्

yaḥ kārttikasya mārgasya pauṣasya tapasastathā tapasyasya site pakṣe tṛtīyāyāṁ vrataṁ caret

जो कार्तिक, मार्गशीर्ष, पौष, माघ (तपः) और फाल्गुन (तपस्य) मास के शुक्ल पक्ष की तृतीया को व्रत करता है —

श्लोक 81 (shiva.uma.51.81)

लोहितैः करवीराद्यैः पुष्पैर्धूपैः सुगन्धितैः । पूजयेन्मङ्गलां देवीं स सर्वं मङ्गलं लभेत्

lohitaiḥ karavīrādyaiḥ puṣpairdhūpaiḥ sugandhitaiḥ pūjayenmaṅgalāṁ devīṁ sa sarvaṁ maṅgalaṁ labhet

और लाल कनेर आदि पुष्पों तथा सुगन्धित धूप से मंगलमयी देवी का पूजन करता है, वह सब मंगल प्राप्त करता है।

श्लोक 82 (shiva.uma.51.82)

सौभाग्याय सदा स्त्रीभिः कार्यमेतन्महाव्रतम् । विद्याधनसुताप्त्यर्थं विधेयं पुरुषैरपि

saubhāgyāya sadā strībhiḥ kāryametanmahāvratam vidyādhanasutāptyarthaṁ vidheyaṁ puruṣairapi

यह महाव्रत स्त्रियों को सौभाग्य के लिए सदा करना चाहिए; तथा पुरुषों को भी विद्या, धन और सन्तान की प्राप्ति के लिए करना चाहिए।

श्लोक 83 (shiva.uma.51.83)

उमामहेश्वरादीनि व्रतान्यन्यानि यान्यपि । देवीप्रियाणि कार्याणि स्वभक्त्यैवं मुमुक्षुभिः

umāmaheśvarādīni vratānyanyāni yānyapi devīpriyāṇi kāryāṇi svabhaktyaivaṁ mumukṣubhiḥ

उमा-महेश्वर आदि जो अन्य व्रत भी देवी को प्रिय हैं, उन्हें मुमुक्षुओं को अपनी भक्ति के अनुसार करना चाहिए।

श्लोक 84 (shiva.uma.51.84)

संहितेयं महापुण्या शिवभक्तिविवर्धिनी । नानाख्यानसमायुक्ता भुक्तिमुक्तिप्रदा शिवा

saṁhiteyaṁ mahāpuṇyā śivabhaktivivardhinī nānākhyānasamāyuktā bhuktimuktipradā śivā

यह महापुण्यमयी संहिता शिवभक्ति को बढ़ाने वाली है; नाना आख्यानों से युक्त, मंगलकारी तथा भोग एवं मोक्ष प्रदान करने वाली है।

श्लोक 85 (shiva.uma.51.85)

य एनां शृणुयाद्भक्त्या श्रावयेद्वा समाहितः । पठेद्वा पाठयेद्वापि स याति परमां गतिम्

ya enāṁ śṛṇuyādbhaktyā śrāvayedvā samāhitaḥ paṭhedvā pāṭhayedvāpi sa yāti paramāṁ gatim

जो भक्तिपूर्वक एकाग्रचित्त होकर इसे सुनता है, या सुनाता है, या पढ़ता है, या पढ़ाता है, वह परम गति को प्राप्त होता है।

श्लोक 86 (shiva.uma.51.86)

यस्य गेहे स्थिता चेयं लिखिता ललिताक्षरैः । सम्पूजिता च विधिवत्सर्वान्कामान्स आप्नुयात्

yasya gehe sthitā ceyaṁ likhitā lalitākṣaraiḥ sampūjitā ca vidhivatsarvānkāmānsa āpnuyāt

जिसके घर में यह ग्रन्थ सुन्दर अक्षरों में लिखा हुआ रखा हो और विधिपूर्वक पूजित हो, वह समस्त कामनाओं को प्राप्त करता है।

श्लोक 87 (shiva.uma.51.87)

भूतप्रेतपिशाचादिदुष्टेभ्यो न भयं क्वचित् । पुत्रपौत्रादिसम्पत्तीर्लभत्येव न संशयः

bhūtapretapiśācādiduṣṭebhyo na bhayaṁ kvacit putrapautrādisampattīrlabhatyeva na saṁśayaḥ

उसे भूत-प्रेत-पिशाच आदि दुष्टों से कहीं भी भय नहीं रहता; वह पुत्र-पौत्र आदि सम्पत्ति को निश्चय ही प्राप्त करता है।

श्लोक 88 (shiva.uma.51.88)

तस्मादियं महापुण्या रम्योमासंहिता सदा । श्रोतव्या पठितव्या च शिवभक्तिमभीप्सुभिः

tasmādiyaṁ mahāpuṇyā ramyomāsaṁhitā sadā śrotavyā paṭhitavyā ca śivabhaktimabhīpsubhiḥ

इसलिए यह महापुण्यमयी, रम्य उमासंहिता, शिवभक्ति के इच्छुक जनों के द्वारा सदैव श्रवण और पठन करने योग्य है।