शिव-तत्त्व-वर्णन

श्लोक 1 (shiva.kailasa.16.1)

सूत उवाच । श्रुत्वोपदिष्टं गुरुणा वेदार्थं मुनिपुङ्गवः । परमात्मनि सन्दिग्धं परिपप्रच्छ सादरम्

sūta uvāca | śrutvopadiṣṭaṁ guruṇā vedārthaṁ munipuṅgavaḥ | paramātmani sandigdhaṁ paripapraccha sādaram

सूत ने कहा — गुरु द्वारा उपदिष्ट वेदार्थ को सुनकर मुनिश्रेष्ठ वामदेव ने परमात्मा के विषय में अपने संदेह को आदरपूर्वक पूछा।

श्लोक 2 (shiva.kailasa.16.2)

वामदेव उवाच । ज्ञानशक्तिधर स्वामिन्परमानन्दविग्रह । प्रणवार्थामृतं पीतं श्रीमुखाब्जात्परिस्रुतम्

vāmadeva uvāca | jñānaśaktidhara svāminparamānandavigraha | praṇavārthāmṛtaṁ pītaṁ śrīmukhābjātparisrutam

वामदेव ने कहा — हे ज्ञानशक्तिधर स्वामिन्! परमानन्द-विग्रह! आपके श्रीमुख-कमल से बहा हुआ प्रणव के अर्थ का अमृत मैंने पी लिया है।

श्लोक 3 (shiva.kailasa.16.3)

दृढप्रज्ञश्च जातोऽस्मि सन्देहो विगतो मम । किञ्चिदन्यन्महासेन पृच्छामि त्वां शृणु प्रभो

dṛḍhaprajñaśca jāto'smi sandeho vigato mama | kiñcidanyanmahāsena pṛcchāmi tvāṁ śṛṇu prabho

मैं दृढ़ प्रज्ञा वाला हो गया हूँ, मेरा संदेह दूर हो गया है। किन्तु हे महासेन! मैं आपसे कुछ अन्य पूछता हूँ, सुनिए प्रभो!

श्लोक 4 (shiva.kailasa.16.4)

सदाशिवादिकीटान्तरूपस्य जगतः स्थितिः । स्त्रीपुंरूपेण सर्वत्र दृश्यते न हि संशयः

sadāśivādikīṭāntarūpasya jagataḥ sthitiḥ | strīpuṁrūpeṇa sarvatra dṛśyate na hi saṁśayaḥ

सदाशिव से लेकर कीट-पर्यन्त रूप वाले जगत् की स्थिति सर्वत्र स्त्री-पुरुष रूप में देखी जाती है, इसमें कोई संशय नहीं।

श्लोक 5 (shiva.kailasa.16.5)

एवं रूपस्य जगतः कारणं यत्सनातनम् । स्त्रीरूपं तत्किमाहोस्वित्पुरुषो वा नपुंसकम्

evaṁ rūpasya jagataḥ kāraṇaṁ yatsanātanam | strīrūpaṁ tatkimāhosvitpuruṣo vā napuṁsakam

ऐसे रूप वाले जगत् का जो सनातन कारण है, वह क्या स्त्री-रूप है, अथवा पुरुष है, या नपुंसक?

श्लोक 6 (shiva.kailasa.16.6)

उत मिश्रं किमन्यद्वा न जातस्तत्र निर्णयः । बहुधा विवदन्तीह विद्वांसः शास्त्रमोहिताः

uta miśraṁ kimanyadvā na jātastatra nirṇayaḥ | bahudhā vivadantīha vidvāṁsaḥ śāstramohitāḥ

अथवा मिश्रित है, या कुछ अन्य है? इसका कोई निर्णय नहीं हुआ है। यहाँ शास्त्रों से मोहित विद्वान् अनेक प्रकार से विवाद करते हैं।

श्लोक 7 (shiva.kailasa.16.7)

जगत्सृष्टिविधायिन्यः श्रुतयो जगता सह । विष्णुब्रह्मादयो देवाः सिद्धाश्च न विदन्ति हि

jagatsṛṣṭividhāyinyaḥ śrutayo jagatā saha | viṣṇubrahmādayo devāḥ siddhāśca na vidanti hi

जगत् की सृष्टि करने वाली श्रुतियाँ भी जगत् के साथ ही [उत्पन्न] हैं; विष्णु-ब्रह्मा आदि देव तथा सिद्ध भी इसे नहीं जानते।

श्लोक 8 (shiva.kailasa.16.8)

यथैक्यभावं गच्छेयुरेतदन्यच्च वेदय । जानामीति करोमीति व्यवहारः प्रदृश्यते

yathaikyabhāvaṁ gaccheyuretadanyacca vedaya | jānāmīti karomīti vyavahāraḥ pradṛśyate

यह भी बताइए कि वे कैसे एकता के भाव को प्राप्त हो सकते हैं। "मैं जानता हूँ", "मैं करता हूँ" — ऐसा व्यवहार सर्वत्र दिखाई देता है।

श्लोक 9 (shiva.kailasa.16.9)

स हि सर्वात्मसंसिद्धो विवादो नात्र कस्यचित् । सर्वदेहेन्द्रियमनोबुद्ध्यहङ्कारसम्भवः

sa hi sarvātmasaṁsiddho vivādo nātra kasyacit | sarvadehendriyamanobuddhyahaṅkārasambhavaḥ

वह [व्यवहार] तो सर्वात्मा में सिद्ध है, इसमें किसी का विवाद नहीं है; वह शरीर, इन्द्रिय, मन, बुद्धि और अहंकार से उत्पन्न होता है।

श्लोक 10 (shiva.kailasa.16.10)

आहोस्विदात्मनो रूपं महानत्रापि संशयः । द्वयमेतद्धि सर्वेषां विवादास्पदमद्भुतम्

āhosvidātmano rūpaṁ mahānatrāpi saṁśayaḥ | dvayametaddhi sarveṣāṁ vivādāspadamadbhutam

अथवा वह आत्मा का ही रूप है? यहाँ भी महान् संशय है। यह दोनों ही बातें सबके लिए एक अद्भुत विवाद का स्थान हैं।

श्लोक 11 (shiva.kailasa.16.11)

उत्पाट्याज्ञानसम्भूतं संशयाख्यं विषद्रुमम् । शिवाद्वैतमहाकल्पवृक्षभूमिर्यथा भवेत्

utpāṭyājñānasambhūtaṁ saṁśayākhyaṁ viṣadrumam | śivādvaitamahākalpavṛkṣabhūmiryathā bhavet

अज्ञान से उत्पन्न इस संशय-नामक विष-वृक्ष को उखाड़कर, जिससे शिव के अद्वैत-रूपी महाकल्पवृक्ष के लिए भूमि तैयार हो सके।

श्लोक 12 (shiva.kailasa.16.12)

चित्तं मम यथा देव बोध्योऽस्मि कृपया तव । कृपातस्तव देवेश दृढज्ञानी भवाम्यहम्

cittaṁ mama yathā deva bodhyo'smi kṛpayā tava | kṛpātastava deveśa dṛḍhajñānī bhavāmyaham

हे देव! जिस प्रकार मेरा चित्त बोध को प्राप्त हो, वह आपकी कृपा से हो। हे देवेश! आपकी कृपा से ही मैं दृढ़ ज्ञानी बनूँ।

श्लोक 13 (shiva.kailasa.16.13)

सूत उवाच । श्रुत्वैवं मुनिना पृष्टं वचो वेदान्तनिर्वृतम् । रहस्यं प्रभुराहेदं किञ्चित्प्रहसिताननः

sūta uvāca | śrutvaivaṁ muninā pṛṣṭaṁ vaco vedāntanirvṛtam | rahasyaṁ prabhurāhedaṁ kiñcitprahasitānanaḥ

सूत ने कहा — मुनि द्वारा पूछे गए वेदान्त से परिपूर्ण इस वचन को सुनकर, प्रभु ने कुछ मुस्कुराते हुए यह रहस्य कहा।

श्लोक 14 (shiva.kailasa.16.14)

सुब्रह्मण्य उवाच । एतदेव मुने गुह्यं शिवेन परिभाषितम् । अम्बायाः शृण्वतो देव्या वामदेव ममापि हि

subrahmaṇya uvāca | etadeva mune guhyaṁ śivena paribhāṣitam | ambāyāḥ śṛṇvato devyā vāmadeva mamāpi hi

सुब्रह्मण्य ने कहा — हे मुने! यही गुह्य विषय शिव द्वारा कहा गया था, जब माता देवी सुन रही थीं, और हे वामदेव! मैंने भी उसे —

श्लोक 15 (shiva.kailasa.16.15)

तस्याः स्तन्यं तदा पीत्वा सन्तृप्तोऽस्मि मुहुर्मुहुः । श्रुतवान्निश्चलं तद्वै निश्चितं मे विचारितम्

tasyāḥ stanyaṁ tadā pītvā santṛpto'smi muhurmuhuḥ | śrutavānniścalaṁ tadvai niścitaṁ me vicāritam

— उस समय उनका स्तन्य पीते हुए बार-बार तृप्त होकर, निश्चल मन से सुना था; वह मेरे द्वारा भली-भाँति निश्चित और विचारित है।

श्लोक 16 (shiva.kailasa.16.16)

तत्ते वदामि दयया वामदेव महामुने । महद्गुह्यं च परमं सुत त्वं शृणु साम्प्रतम्

tatte vadāmi dayayā vāmadeva mahāmune | mahadguhyaṁ ca paramaṁ suta tvaṁ śṛṇu sāmpratam

हे वामदेव, महामुने! उसे मैं तुम्हें दया से बताता हूँ; हे पुत्र! वह महान् और परम गुह्य विषय अब सुनो।

श्लोक 17 (shiva.kailasa.16.17)

कर्मास्ति तत्त्वादारभ्य शास्त्रवादः सुविस्तरः । यथाविवेकं श्रोतव्यो ज्ञानिना ज्ञानदो मुने

karmāsti tattvādārabhya śāstravādaḥ suvistaraḥ | yathāvivekaṁ śrotavyo jñāninā jñānado mune

"कर्म ही तत्त्व है" इससे आरम्भ करके शास्त्रों का विस्तृत वाद है; हे मुने! ज्ञानी द्वारा विवेकपूर्वक ही यह ज्ञानदायक सुना जाना चाहिए।

श्लोक 18 (shiva.kailasa.16.18)

त्वयोपदिष्टा ये शिष्यास्तत्र को वा भवत्समः । कपिलादिषु शास्त्रेषु भ्रमन्त्यद्यापि तेऽधमाः

tvayopadiṣṭā ye śiṣyāstatra ko vā bhavatsamaḥ | kapilādiṣu śāstreṣu bhramantyadyāpi te'dhamāḥ

आपके द्वारा उपदिष्ट जो शिष्य हैं, उनमें आपके समान कौन है? कपिल आदि के शास्त्रों में वे अधम आज भी भटक रहे हैं।

श्लोक 19 (shiva.kailasa.16.19)

ते शप्ता मुनिभिः षड्भिः शिवनिन्दापराः पुरा । न श्रोतव्या हि तद्वार्त्ता तेऽन्यथावादिनो यतः

te śaptā munibhiḥ ṣaḍbhiḥ śivanindāparāḥ purā | na śrotavyā hi tadvārttā te'nyathāvādino yataḥ

वे पूर्वकाल में शिव-निन्दा में लगे रहने के कारण छह मुनियों द्वारा शापित हुए थे; उनकी बात नहीं सुननी चाहिए, क्योंकि वे अन्यथा कहने वाले हैं।

श्लोक 20 (shiva.kailasa.16.20)

अनुमानप्रयोगस्याप्यवकाशोऽत्रन विद्यते । पञ्चावयवयुक्तस्य स तु धूमस्य दर्शनात्

anumānaprayogasyāpyavakāśo'trana vidyate | pañcāvayavayuktasya sa tu dhūmasya darśanāt

यहाँ अनुमान के प्रयोग का भी अवकाश है — पाँच अवयवों वाले उस अनुमान के, जो धूम के दर्शन से —

श्लोक 21 (shiva.kailasa.16.21)

पर्वतस्याग्निमद्भावं वदन्त्यत्रापि सुव्रत । प्रत्यक्षस्य प्रपञ्चस्य दर्शनालम्बनं त्वतः

parvatasyāgnimadbhāvaṁ vadantyatrāpi suvrata | pratyakṣasya prapañcasya darśanālambanaṁ tvataḥ

— हे सुव्रत! पर्वत में अग्नि के होने को यहाँ भी कहते हैं; प्रत्यक्ष प्रपंच का दर्शन ही इसका आलम्बन है।

श्लोक 22 (shiva.kailasa.16.22)

ज्ञातव्यः परमेशानः परमात्मा न संशयः । स्त्रीपुंरूपमयं विश्वं प्रत्यक्षेणैव दृश्यते

jñātavyaḥ parameśānaḥ paramātmā na saṁśayaḥ | strīpuṁrūpamayaṁ viśvaṁ pratyakṣeṇaiva dṛśyate

इससे परमेश परमात्मा को जानना चाहिए, इसमें संशय नहीं; स्त्री-पुरुष रूप वाला यह विश्व प्रत्यक्ष से ही दिखाई देता है।

श्लोक 23 (shiva.kailasa.16.23)

षट्कोशरूपः पिण्डो हि तत्र चाद्यत्रयं भवेत् । मात्रंशजं पुनश्चान्यत्पित्रंशजमिति श्रुतिः

ṣaṭkośarūpaḥ piṇḍo hi tatra cādyatrayaṁ bhavet | mātraṁśajaṁ punaścānyatpitraṁśajamiti śrutiḥ

पिण्ड (शरीर) छह कोशों के रूप वाला है, उनमें प्रथम तीन [कोश] माता के अंश से उत्पन्न, तथा अन्य पिता के अंश से उत्पन्न हैं — ऐसा श्रुति कहती है।

श्लोक 24 (shiva.kailasa.16.24)

एवं सर्वशरीरेषु स्त्रीपुम्भावविदो जनाः । परमात्मन्यपि मुने स्त्रीपुम्भावं विदुर्बुधाः

evaṁ sarvaśarīreṣu strīpumbhāvavido janāḥ | paramātmanyapi mune strīpumbhāvaṁ vidurbudhāḥ

इस प्रकार सब शरीरों में स्त्री-पुरुष भाव को जानने वाले लोग, हे मुने! परमात्मा में भी विद्वान् स्त्री-पुरुष भाव को जानते हैं।

श्लोक 25 (shiva.kailasa.16.25)

सच्चिदानदरूपत्वं वदति ब्रह्मणः श्रुतिः । असन्निवर्तकः शब्दः सदात्मेति निगद्यते

saccidānadarūpatvaṁ vadati brahmaṇaḥ śrutiḥ | asannivartakaḥ śabdaḥ sadātmeti nigadyate

श्रुति ब्रह्म को सच्चिदानन्द-स्वरूप कहती है; असत् का निवर्तक शब्द "सत्" "आत्मा" कहलाता है।

श्लोक 26 (shiva.kailasa.16.26)

निवर्तनं जडत्वस्य चिच्छब्देन विधीयते । त्रिलिङ्गवर्ती सच्छब्दः पुरुषोऽत्र विधीयताम्

nivartanaṁ jaḍatvasya cicchabdena vidhīyate | triliṅgavartī sacchabdaḥ puruṣo'tra vidhīyatām

जड़त्व का निवर्तन "चित्" शब्द से होता है; तीनों लिंगों में प्रयुक्त होने वाला "सत्" शब्द यहाँ पुल्लिंग में "पुरुष" माना जाए।

श्लोक 27 (shiva.kailasa.16.27)

प्रकाशवाची स भवेत्सत्प्रकाश इति स्फुटम् । ज्ञानशब्दस्य पर्यायश्चिच्छब्दः स्त्रीत्वमागतः

prakāśavācī sa bhavetsatprakāśa iti sphuṭam | jñānaśabdasya paryāyaścicchabdaḥ strītvamāgataḥ

वह प्रकाश-वाचक होगा — स्पष्ट रूप से "सत्-प्रकाश"। "चित्" शब्द "ज्ञान" शब्द का पर्याय है, जो स्त्रीलिंग में आता है।

श्लोक 28 (shiva.kailasa.16.28)

प्रकाशश्चिच्च मिथुनं जगत्कारणतां गतम् । सच्चिदात्मन्यपि तथा जगत्कारणतां गते

prakāśaścicca mithunaṁ jagatkāraṇatāṁ gatam | saccidātmanyapi tathā jagatkāraṇatāṁ gate

प्रकाश और चित् — यह युगल जगत् के कारणत्व को प्राप्त है; इसी प्रकार सच्चिदात्मा में भी जगत् के कारणत्व को प्राप्त —

श्लोक 29 (shiva.kailasa.16.29)

एकत्रैव शिवः शक्तिरिति भावो विधीयते । तैलवर्त्त्यादिमालिन्यात्प्रकाशस्यापि वर्तते

ekatraiva śivaḥ śaktiriti bhāvo vidhīyate | tailavarttyādimālinyātprakāśasyāpi vartate

— एक ही स्थान पर "शिव-शक्ति" ऐसा भाव विहित है। तेल-बत्ती आदि के मालिन्य से प्रकाश में भी [मलिनता] होती है —

श्लोक 30 (shiva.kailasa.16.30)

मालिन्यमशिवत्वं च चिताग्न्यादिषु दृश्यते । एवं निवर्तकत्वेन शिवत्वं श्रुतिचोदितम्

mālinyamaśivatvaṁ ca citāgnyādiṣu dṛśyate | evaṁ nivartakatvena śivatvaṁ śruticoditam

— मालिन्य अर्थात् अशिवत्व चिता की अग्नि आदि में देखा जाता है। इस प्रकार निवर्तक होने से "शिवत्व" श्रुति द्वारा प्रेरित है।

श्लोक 31 (shiva.kailasa.16.31)

जीवाश्रितायाश्चिच्छक्तेर्दौर्बल्यं विद्यते सदा । तन्निवृत्त्यर्थमेवात्र शक्तित्वं सार्वकालिकम्

jīvāśritāyāścicchakterdaurbalyaṁ vidyate sadā | tannivṛttyarthamevātra śaktitvaṁ sārvakālikam

जीव में आश्रित चित्-शक्ति की दुर्बलता सदा विद्यमान रहती है; उसकी निवृत्ति के लिए ही यहाँ "शक्तित्व" सार्वकालिक है।

श्लोक 32 (shiva.kailasa.16.32)

बलवान् शक्तिमांश्चेति व्यवहारः प्रदृश्यते । लोके वेदे च सततं वामदेव महामुने

balavān śaktimāṁśceti vyavahāraḥ pradṛśyate | loke vede ca satataṁ vāmadeva mahāmune

"बलवान् शक्तिमान्" ऐसा व्यवहार लोक और वेद दोनों में सदा दिखाई देता है, हे वामदेव महामुने!

श्लोक 33 (shiva.kailasa.16.33)

एवं शिवत्वं शक्तित्वं परमात्मनि दर्शितम् । शिवशक्त्योस्तु संयोगादानन्दः सततोदितः

evaṁ śivatvaṁ śaktitvaṁ paramātmani darśitam | śivaśaktyostu saṁyogādānandaḥ satatoditaḥ

इस प्रकार शिवत्व और शक्तित्व परमात्मा में दिखाया गया है; शिव-शक्ति के संयोग से आनन्द सतत उदित होता है।

श्लोक 34 (shiva.kailasa.16.34)

अतो मुने तमुद्दिश्य मुनयः क्षीणकल्मषाः । शिवे मनः समाधाय प्राप्ताः शिवमनामयम्

ato mune tamuddiśya munayaḥ kṣīṇakalmaṣāḥ | śive manaḥ samādhāya prāptāḥ śivamanāmayam

इसीलिए, हे मुने! उन्हीं की ओर लक्ष्य करके पापरहित मुनि, शिव में मन को स्थिर करके निरामय शिव को प्राप्त हुए हैं।

श्लोक 35 (shiva.kailasa.16.35)

सर्वात्मत्वं तयोरेवं ब्रह्मेत्युपनिषत्सु च । गीयते ब्रह्मशब्देन बृंहिधात्वर्थगोचरम्

sarvātmatvaṁ tayorevaṁ brahmetyupaniṣatsu ca | gīyate brahmaśabdena bṛṁhidhātvarthagocaram

इस प्रकार उन दोनों का सर्वात्मत्व उपनिषदों में भी "ब्रह्म" इस शब्द से गाया जाता है, जो "बृंह्" धातु के अर्थ के अन्तर्गत है।

श्लोक 36 (shiva.kailasa.16.36)

बृंहणत्वं बृहत्वं च शम्भ्वाख्यविग्रहे । पञ्चब्रह्ममये विश्वप्रतीतिर्ब्रह्मशब्दिता

bṛṁhaṇatvaṁ bṛhatvaṁ ca śambhvākhyavigrahe | pañcabrahmamaye viśvapratītirbrahmaśabditā

"बृंहणत्व" (वृद्धिकारकत्व) और "बृहत्व" (विशालत्व) शम्भु नामक विग्रह में हैं; पंच-ब्रह्ममय विश्व की प्रतीति "ब्रह्म" शब्द से कही जाती है।

श्लोक 37 (shiva.kailasa.16.37)

प्रतिलोमात्मकं हंसे वक्ष्यामि प्रणवोद्भवम् । तव स्नेहाद्वामदेव सावधानतया शृणु

pratilomātmakaṁ haṁse vakṣyāmi praṇavodbhavam | tava snehādvāmadeva sāvadhānatayā śṛṇu

हंस में प्रतिलोम-स्वरूप, प्रणव की उत्पत्ति मैं कहूँगा; हे वामदेव! तुम्हारे स्नेह से, सावधानीपूर्वक सुनो।

श्लोक 38 (shiva.kailasa.16.38)

व्यञ्जनस्य सकारस्य हकारस्य च वर्जनात् । ओमित्येव भवेत्स्थूलो वाचकः परमात्मनः

vyañjanasya sakārasya hakārasya ca varjanāt | omityeva bhavetsthūlo vācakaḥ paramātmanaḥ

व्यंजन "स" और "ह" के त्याग से केवल "ॐ" ही परमात्मा का स्थूल वाचक होता है।

श्लोक 39 (shiva.kailasa.16.39)

महामन्त्रः स विज्ञेयो मुनिभिस्तत्त्वदर्शिभिः । तत्र सूक्ष्मो महामन्त्रस्तदुद्धारं वदामि ते

mahāmantraḥ sa vijñeyo munibhistattvadarśibhiḥ | tatra sūkṣmo mahāmantrastaduddhāraṁ vadāmi te

तत्त्वदर्शी मुनियों द्वारा वह महामन्त्र जानने योग्य है; उसमें एक सूक्ष्म महामन्त्र भी है — उसका उद्धार मैं तुम्हें बताता हूँ।

श्लोक 40 (shiva.kailasa.16.40)

आद्ये त्रिपञ्चरूपे च स्वरे षोडशके त्रिषु । महामन्त्रो भवेदादौ ससकारो भवेद्यदा

ādye tripañcarūpe ca svare ṣoḍaśake triṣu | mahāmantro bhavedādau sasakāro bhavedyadā

सोलह स्वरों में तीन में, आदि तथा पन्द्रहवें रूप में — महामन्त्र आरम्भ में होता है जब वह "स"-कार सहित होता है।

श्लोक 41 (shiva.kailasa.16.41)

हंसस्य प्रतिलोमः स्यात्सकारार्थः शिवः स्मृतः । शक्त्यात्मको महामन्त्रवाच्यः स्यादिति निर्णयः

haṁsasya pratilomaḥ syātsakārārthaḥ śivaḥ smṛtaḥ | śaktyātmako mahāmantravācyaḥ syāditi nirṇayaḥ

हंस का प्रतिलोम "सोऽहम्" होता है; "स"-कार का अर्थ शिव स्मृत है; शक्ति-स्वरूप वह महामन्त्र का वाच्य होता है — यह निर्णय है।

श्लोक 42 (shiva.kailasa.16.42)

गुरूपदेशकाले तु सोऽहंशक्त्यात्मकः शिवः । इति जीवपरो भूयान्महामन्त्रस्तदा पशुः

gurūpadeśakāle tu so'haṁśaktyātmakaḥ śivaḥ | iti jīvaparo bhūyānmahāmantrastadā paśuḥ

किन्तु गुरु-उपदेश के समय "वह शक्ति-स्वरूप शिव मैं हूँ" — इस प्रकार जीव-परक होने पर वह महामन्त्र तब पशु [के लिए] होता है।

श्लोक 43 (shiva.kailasa.16.43)

शक्त्यात्मकः शिवांशश्च शिवैक्याच्छिवसाम्यभाक् । प्रज्ञानं ब्रह्मवाक्ये तु प्रज्ञानार्थः प्रदृश्यते

śaktyātmakaḥ śivāṁśaśca śivaikyācchivasāmyabhāk | prajñānaṁ brahmavākye tu prajñānārthaḥ pradṛśyate

शक्ति-स्वरूप शिव का अंश, शिव के साथ ऐक्य से शिव-साम्य को प्राप्त करता है; "प्रज्ञानं ब्रह्म" इस वाक्य में प्रज्ञान का अर्थ दिखाई देता है —

श्लोक 44 (shiva.kailasa.16.44)

प्रज्ञानशब्दश्चैतन्यपर्यायः स्यान्न संशयः । चैतन्यमात्मेति मुने शिवसूत्रं प्रवर्तितम्

prajñānaśabdaścaitanyaparyāyaḥ syānna saṁśayaḥ | caitanyamātmeti mune śivasūtraṁ pravartitam

— "प्रज्ञान" शब्द "चैतन्य" का पर्याय है, इसमें संशय नहीं। "चैतन्य ही आत्मा है" — हे मुने! यह शिवसूत्र प्रवर्तित है।

श्लोक 45 (shiva.kailasa.16.45)

चैतन्यमिति विश्वस्य सर्वज्ञानक्रियात्मकम् । स्वातन्त्र्यं तत्स्वभावो यः स आत्मा परिकीर्तितः

caitanyamiti viśvasya sarvajñānakriyātmakam | svātantryaṁ tatsvabhāvo yaḥ sa ātmā parikīrtitaḥ

"चैतन्य" विश्व के सर्व-ज्ञान-क्रिया-स्वरूप है; जो स्वातंत्र्य उसका स्वभाव है, वही आत्मा कहा गया है।

श्लोक 46 (shiva.kailasa.16.46)

इत्यादिशिवसूत्राणां वार्तिकं कथितं मया । ज्ञानं बन्ध इतीदं तु द्वितीयं सूत्रमीशितुः

ityādiśivasūtrāṇāṁ vārtikaṁ kathitaṁ mayā | jñānaṁ bandha itīdaṁ tu dvitīyaṁ sūtramīśituḥ

इस प्रकार शिव-सूत्रों आदि की व्याख्या मैंने कही है। "ज्ञान बन्ध है" — यह ईश्वर का दूसरा सूत्र है।

श्लोक 47 (shiva.kailasa.16.47)

ज्ञानमित्यात्मनस्तस्य किञ्चिज्ज्ञानक्रियात्मकम् । इत्याहाद्यपदेनेशः पशुवर्गस्य लक्षणम्

jñānamityātmanastasya kiñcijjñānakriyātmakam | ityāhādyapadeneśaḥ paśuvargasya lakṣaṇam

उस आत्मा का "ज्ञान" जो कुछ अंशतः ज्ञान-क्रिया-स्वरूप हो जाता है — इस प्रकार ईश ने प्रथम पद से पशु-वर्ग का लक्षण कहा है।

श्लोक 48 (shiva.kailasa.16.48)

एतद् द्वयं पराशक्तेः प्रथमं स्पन्दतां गतम् । एतामेव परां शक्तिं श्वेताश्वतरशाखिनः

etad dvayaṁ parāśakteḥ prathamaṁ spandatāṁ gatam | etāmeva parāṁ śaktiṁ śvetāśvataraśākhinaḥ

यह द्वय (ज्ञान-क्रिया) परा शक्ति का प्रथम स्पन्दन है। इसी परा शक्ति को श्वेताश्वतर शाखा वाले —

श्लोक 49 (shiva.kailasa.16.49)

स्वाभाविकी ज्ञानबलक्रिया चेत्यस्तुवन्मुदा । ज्ञानक्रियेच्छारूपं हि शम्भोर्दृष्टित्रयं विदुः

svābhāvikī jñānabalakriyā cetyastuvanmudā | jñānakriyecchārūpaṁ hi śambhordṛṣṭitrayaṁ viduḥ

— "स्वाभाविकी ज्ञान-बल-क्रिया" कहकर आनन्दपूर्वक स्तुति करते हैं। शम्भु की त्रिविध दृष्टि को ज्ञान-क्रिया-इच्छा-रूप जानते हैं।

श्लोक 50 (shiva.kailasa.16.50)

एतन्मनोमध्यगं सदिन्द्रियज्ञानगोचरम् । अनुप्रविश्य जानाति करोति च पशुः सदा

etanmanomadhyagaṁ sadindriyajñānagocaram | anupraviśya jānāti karoti ca paśuḥ sadā

मन के मध्य में स्थित, इन्द्रिय-ज्ञान के गोचर इसी में प्रविष्ट होकर पशु सदा जानता और करता है।

श्लोक 51 (shiva.kailasa.16.51)

तस्मादात्मन एवेदं रूपमित्येव निश्चितम् । प्रपञ्चार्थं प्रवक्ष्यामि प्रणवैक्यप्रदर्शनम्

tasmādātmana evedaṁ rūpamityeva niścitam | prapañcārthaṁ pravakṣyāmi praṇavaikyapradarśanam

इसलिए यह निश्चित है कि यह आत्मा का ही रूप है। अब मैं प्रपंच-अर्थ को कहूँगा, जो प्रणव के साथ ऐक्य दिखाने वाला है।

श्लोक 52 (shiva.kailasa.16.52)

ओमितीदं सर्वमिति श्रुतिराह सनातनी । तस्माद्वेतीत्युपक्रम्य जगत्सृष्टिः प्रकीर्तिता

omitīdaṁ sarvamiti śrutirāha sanātanī | tasmādvetītyupakramya jagatsṛṣṭiḥ prakīrtitā

"ओम् ही यह सब कुछ है" — ऐसा सनातन श्रुति कहती है। "तस्माद्वा" इससे आरम्भ करके जगत् की सृष्टि कही गई है।

श्लोक 53 (shiva.kailasa.16.53)

तस्याः श्रुतेस्तु तात्पर्यं वक्ष्यामि श्रूयतामिदम् । तव स्नेहाद्वामदेव विवेकार्थविजृम्भितम्

tasyāḥ śrutestu tātparyaṁ vakṣyāmi śrūyatāmidam | tava snehādvāmadeva vivekārthavijṛmbhitam

उस श्रुति का तात्पर्य मैं कहूँगा, इसे सुनिए; हे वामदेव! तुम्हारे स्नेह से, विवेक के लिए विस्तारित यह [बात] —

श्लोक 54 (shiva.kailasa.16.54)

शिवशक्तिसमायोगः परमात्मेति निश्चितम् । पराशक्तेस्तु सञ्जाता चिच्छक्तिस्तु तदुद्भवा

śivaśaktisamāyogaḥ paramātmeti niścitam | parāśaktestu sañjātā cicchaktistu tadudbhavā

— शिव-शक्ति का समायोग ही परमात्मा है, यह निश्चित है। परा शक्ति से चित्-शक्ति उत्पन्न हुई;

श्लोक 55 (shiva.kailasa.16.55)

आनन्दशक्तिस्तज्जा स्यादिच्छाशक्तिस्तदुद्भवा । ज्ञानशक्तिस्ततो जाता क्रियाशक्तिस्तु पञ्चमी । एताभ्य एव सञ्जाता निवृत्त्याद्याः कला मुने

ānandaśaktistajjā syādicchāśaktistadudbhavā | jñānaśaktistato jātā kriyāśaktistu pañcamī | etābhya eva sañjātā nivṛttyādyāḥ kalā mune

— उससे आनन्द-शक्ति उत्पन्न हुई, उससे इच्छा-शक्ति उत्पन्न हुई; फिर ज्ञान-शक्ति उत्पन्न हुई, और क्रिया-शक्ति पाँचवीं है। इन्हीं से, हे मुने! निवृत्ति आदि कलाएँ उत्पन्न हुईं।

श्लोक 56 (shiva.kailasa.16.56)

चिदानन्दसमुत्पन्नौ नादबिन्दू प्रकीर्तितौ । इच्छाशक्तेर्मकारस्तु ज्ञानशक्तेस्तु पञ्चमः

cidānandasamutpannau nādabindū prakīrtitau | icchāśaktermakārastu jñānaśaktestu pañcamaḥ

चित् और आनन्द से उत्पन्न नाद और बिन्दु कहे गए हैं; इच्छा-शक्ति से "म"-कार, तथा ज्ञान-शक्ति से पाँचवाँ [स्वर उ] —

श्लोक 57 (shiva.kailasa.16.57)

स्वरः क्रियाशक्तिजातो ह्यकारस्तु मुनीश्वर । इत्युक्ता प्रणवोत्पत्तिः पञ्चब्रह्मोद्भवं शृणु

svaraḥ kriyāśaktijāto hyakārastu munīśvara | ityuktā praṇavotpattiḥ pañcabrahmodbhavaṁ śṛṇu

— क्रिया-शक्ति से उत्पन्न स्वर "अ"-कार है, हे मुनीश्वर! इस प्रकार प्रणव की उत्पत्ति कही गई; अब पंच-ब्रह्म की उत्पत्ति सुनो।

श्लोक 58 (shiva.kailasa.16.58)

शिवादीशान उत्पन्नस्ततस्तत्पुरुषोद्भवः । ततोऽघोरस्ततो वामः सद्योजातोद्भवस्ततः

śivādīśāna utpannastatastatpuruṣodbhavaḥ | tato'ghorastato vāmaḥ sadyojātodbhavastataḥ

शिव से ईशान उत्पन्न हुए, उससे तत्पुरुष की उत्पत्ति हुई; उससे अघोर, उससे वाम, फिर उससे सद्योजात की उत्पत्ति हुई।

श्लोक 59 (shiva.kailasa.16.59)

एतस्मान्मातृकादष्टत्रिंशन्मातृसमुद्भवः । ईशानाच्छान्त्यतीताख्या कला जाताथ पूरुषात् । उत्पद्यते शान्तिकला विद्याघोरसमुद्भवा

etasmānmātṛkādaṣṭatriṁśanmātṛsamudbhavaḥ | īśānācchāntyatītākhyā kalā jātātha pūruṣāt | utpadyate śāntikalā vidyāghorasamudbhavā

इससे अड़तीस मातृकाओं की उत्पत्ति मानी जाती है। ईशान से "शान्त्यतीत" नामक कला उत्पन्न हुई; फिर पुरुष से शान्ति-कला उत्पन्न होती है; अघोर से विद्या-कला उत्पन्न होती है —

श्लोक 60 (shiva.kailasa.16.60)

प्रतिष्ठा च निवृत्तिश्च वामसद्योद्भवे मते । ईशाच्चिच्छक्तिमुखतो विभोर्मिथुनपञ्चकम्

pratiṣṭhā ca nivṛttiśca vāmasadyodbhave mate | īśāccicchaktimukhato vibhormithunapañcakam

— वाम और सद्य से क्रमशः प्रतिष्ठा और निवृत्ति उत्पन्न होना माना जाता है। ईश से चित्-शक्ति के मुख से विभु का पंच-युगल [उत्पन्न होता है]।

श्लोक 61 (shiva.kailasa.16.61)

अनुग्रहादिकृत्यानां हेतुः पञ्चकमिष्यते । तद्विद्भिर्मुनिभिः प्राज्ञैर्वरतत्त्वप्रदर्शिभिः

anugrahādikṛtyānāṁ hetuḥ pañcakamiṣyate | tadvidbhirmunibhiḥ prājñairvaratattvapradarśibhiḥ

यह पंचक अनुग्रह आदि कृत्यों का हेतु माना जाता है — ऐसा उसे जानने वाले, श्रेष्ठ तत्त्व दिखाने वाले प्राज्ञ मुनियों ने कहा है।

श्लोक 62 (shiva.kailasa.16.62)

वाच्यवाचकसम्बन्धान्मिथुनत्वमुपेयुषि । कलावर्णस्वरूपेऽस्मिन्पञ्चके भूतपञ्चकम्

vācyavācakasambandhānmithunatvamupeyuṣi | kalāvarṇasvarūpe'sminpañcake bhūtapañcakam

वाच्य-वाचक सम्बन्ध से युगल-भाव को प्राप्त, कला-वर्ण-स्वरूप वाले इस पंचक में पंच-भूत —

श्लोक 63 (shiva.kailasa.16.63)

वियदादिक्रमादासीदुत्पन्नं मुनिपुङ्गव । आद्यं मिथुनमारभ्य पञ्चमं यन्मयं विदुः

viyadādikramādāsīdutpannaṁ munipuṅgava | ādyaṁ mithunamārabhya pañcamaṁ yanmayaṁ viduḥ

— आकाश आदि के क्रम से उत्पन्न हुए, हे मुनिपुंगव! पहले युगल से आरम्भ करके पाँचवाँ [भूत] सबसे युक्त जानना चाहिए।

श्लोक 64 (shiva.kailasa.16.64)

शब्दैकगुण आकाशः शब्दस्पर्शगुणो मरुत् । शब्दस्पर्शरूपगुणप्रधानो वह्निरुच्यते

śabdaikaguṇa ākāśaḥ śabdasparśaguṇo marut | śabdasparśarūpaguṇapradhāno vahnirucyate

आकाश एक शब्द-गुण वाला है; वायु शब्द-स्पर्श गुण वाला है; अग्नि शब्द-स्पर्श-रूप गुण-प्रधान कहलाती है।

श्लोक 65 (shiva.kailasa.16.65)

शब्दस्पर्शरूपरसगुणकं सलिलं स्मृतम् । शब्दस्पर्शरूपरसगन्धाढ्या पृथिवी स्मृता

śabdasparśarūparasaguṇakaṁ salilaṁ smṛtam | śabdasparśarūparasagandhāḍhyā pṛthivī smṛtā

जल शब्द-स्पर्श-रूप-रस गुण वाला स्मृत है; पृथ्वी शब्द-स्पर्श-रूप-रस-गन्ध से युक्त स्मृत है।

श्लोक 66 (shiva.kailasa.16.66)

व्यापकत्वञ्च भूतानामिदमेव प्रकीर्तितम् । व्याप्यत्वं वैपरीत्येन गन्धादिक्रमतो भवेत्

vyāpakatvañca bhūtānāmidameva prakīrtitam | vyāpyatvaṁ vaiparītyena gandhādikramato bhavet

भूतों का यही व्यापकत्व कहा गया है; व्याप्यत्व विपरीत क्रम से, गन्ध आदि के क्रम से होता है।

श्लोक 67 (shiva.kailasa.16.67)

भूतपञ्चकरूपोऽयं प्रपञ्चः परिकीर्त्यते । विराट् सर्वसमष्ट्यात्मा ब्रह्माण्डमिति च स्फुटम्

bhūtapañcakarūpo'yaṁ prapañcaḥ parikīrtyate | virāṭ sarvasamaṣṭyātmā brahmāṇḍamiti ca sphuṭam

यह पंच-भूत-रूप प्रपंच कहा गया है; विराट्, सर्व की समष्टि-रूप, स्पष्ट रूप से ब्रह्माण्ड कहलाता है।

श्लोक 68 (shiva.kailasa.16.68)

पृथिवीतत्त्वमारभ्य शिवतत्त्वावधिं क्रमात् । निलीय तत्त्वसन्दोहे जीव एव विलीयते

pṛthivītattvamārabhya śivatattvāvadhiṁ kramāt | nilīya tattvasandohe jīva eva vilīyate

पृथ्वी-तत्त्व से आरम्भ करके शिव-तत्त्व तक क्रमशः, तत्त्वों के समूह में लीन होकर जीव ही विलीन होता है।

श्लोक 69 (shiva.kailasa.16.69)

संशक्तिकः पुनः सृष्टौ शक्तिद्वारा विनिर्गतः । स्थूलप्रपञ्चरूपेण तिष्ठत्याप्रलयं सुखम्

saṁśaktikaḥ punaḥ sṛṣṭau śaktidvārā vinirgataḥ | sthūlaprapañcarūpeṇa tiṣṭhatyāpralayaṁ sukham

आसक्ति-युक्त होकर पुनः सृष्टि के समय शक्ति के द्वारा बाहर निकलकर, स्थूल प्रपंच के रूप में प्रलय तक सुखपूर्वक स्थित रहता है।

श्लोक 70 (shiva.kailasa.16.70)

निजेच्छया जगत्सृष्टमुद्युक्तस्य महेशितुः । प्रथमो यः परिस्पन्दः शिवतत्त्वं तदुच्यते

nijecchayā jagatsṛṣṭamudyuktasya maheśituḥ | prathamo yaḥ parispandaḥ śivatattvaṁ taducyate

अपनी इच्छा से जगत् की सृष्टि के लिए उद्यत महेश का जो प्रथम स्पन्दन है, वही शिव-तत्त्व कहलाता है।

श्लोक 71 (shiva.kailasa.16.71)

एषैवेच्छा शक्तितत्त्वं सर्वकृत्यानुवर्तनात् । ज्ञानक्रियाशक्तियुग्मे ज्ञानाधिक्ये सदाशिवः

eṣaivecchā śaktitattvaṁ sarvakṛtyānuvartanāt | jñānakriyāśaktiyugme jñānādhikye sadāśivaḥ

यही इच्छा शक्ति-तत्त्व है, क्योंकि यह सभी कृत्यों का अनुसरण करती है। ज्ञान-क्रिया शक्ति-युगल में ज्ञान की अधिकता होने पर सदाशिव —

श्लोक 72 (shiva.kailasa.16.72)

महेश्वरं क्रियोद्रेके तत्त्वं विद्धि मुनीश्वर । ज्ञानक्रियाशक्तिसाम्यं शुद्धं विद्यात्मकं मतम्

maheśvaraṁ kriyodreke tattvaṁ viddhi munīśvara | jñānakriyāśaktisāmyaṁ śuddhaṁ vidyātmakaṁ matam

— हे मुनीश्वर! क्रिया की अधिकता में वही तत्त्व महेश्वर जानो। ज्ञान-क्रिया शक्ति की समानता शुद्ध-विद्या-स्वरूप मानी जाती है।

श्लोक 73 (shiva.kailasa.16.73)

स्वाङ्गरूपेषु भावेषु मायातत्त्वविभेदधीः । शिवो यदा निजं रूपं परमैश्वर्यपूर्वकम्

svāṅgarūpeṣu bhāveṣu māyātattvavibhedadhīḥ | śivo yadā nijaṁ rūpaṁ paramaiśvaryapūrvakam

अपने ही अंग-रूप भावों में माया-तत्त्व के भेद की बुद्धि होने पर, जब शिव अपने ही रूप को, परम ऐश्वर्य को आगे रखकर —

श्लोक 74 (shiva.kailasa.16.74)

निगृह्य माययाऽशेषपदार्थग्राहको भवेत् । तदा पुरुष इत्याख्या तत्सृष्ट्वेत्यभवच्छ्रुतिः

nigṛhya māyayā'śeṣapadārthagrāhako bhavet | tadā puruṣa ityākhyā tatsṛṣṭvetyabhavacchrutiḥ

— माया से आवृत करके समस्त पदार्थों के ग्राहक बन जाते हैं, तब उन्हें "पुरुष" नाम प्राप्त होता है; "उसने उसे रचकर..." यह श्रुति इसी अर्थ में हुई।

श्लोक 75 (shiva.kailasa.16.75)

अयमेव हि संसारी मायया मोहितः पशुः । शिवज्ञानविहीनो हि नानाकर्मविमूढधीः

ayameva hi saṁsārī māyayā mohitaḥ paśuḥ | śivajñānavihīno hi nānākarmavimūḍhadhīḥ

यही संसारी, माया से मोहित पशु है; शिव-ज्ञान से रहित होने से वह अनेक कर्मों में मूढ़बुद्धि होता है।

श्लोक 76 (shiva.kailasa.16.76)

शिवादभिन्नं न जगदात्मानं भिन्नमित्यपि । जानतोऽस्य पशोरेव मोहो भवति न प्रभो

śivādabhinnaṁ na jagadātmānaṁ bhinnamityapi | jānato'sya paśoreva moho bhavati na prabho

किन्तु जो जानता है कि जगत् शिव से अभिन्न है, तथा आत्मा भी उससे भिन्न नहीं है, हे प्रभो! उस पशु को ही मोह नहीं होता।

श्लोक 77 (shiva.kailasa.16.77)

यथैन्द्रजालिकस्यापि योगिनो न भवेद् भ्रमः । गुरुणा ज्ञापितैश्वर्यः शिवो भवति चिद्घनः

yathaindrajālikasyāpi yogino na bhaved bhramaḥ | guruṇā jñāpitaiśvaryaḥ śivo bhavati cidghanaḥ

जैसे इन्द्रजाल करने वाले के होते हुए भी योगी को भ्रम नहीं होता, वैसे ही गुरु द्वारा जिसका ऐश्वर्य जना दिया गया है, वह चिद्घन शिव हो जाता है।

श्लोक 78 (shiva.kailasa.16.78)

सर्वकर्तृत्वरूपा च सर्वज्ञत्वस्वरूपिणी । पूर्णत्वरूपा नित्यत्वव्यापकत्वस्वरूपिणी

sarvakartṛtvarūpā ca sarvajñatvasvarūpiṇī | pūrṇatvarūpā nityatvavyāpakatvasvarūpiṇī

[वह शक्ति] सर्व-कर्तृत्व-रूप, सर्वज्ञत्व-स्वरूप, पूर्णत्व-रूप तथा नित्यत्व-व्यापकत्व-स्वरूप है।

श्लोक 79 (shiva.kailasa.16.79)

शिवस्य शक्तयः पञ्च सङ्कुचद्रूपभास्कराः

śivasya śaktayaḥ pañca saṅkucadrūpabhāskarāḥ

शिव की ये पाँच शक्तियाँ संकुचित रूप वाले सूर्यों के समान हैं —

श्लोक 80 (shiva.kailasa.16.80)

अपि सङ्कोचरूपेण विभान्त्य इति नित्यशः । पशोः कलाख्यविद्येति रागकालौ नियत्यपि । तत्त्वपञ्चकरूपेण भवत्यत्र कलेति सा

api saṅkocarūpeṇa vibhāntya iti nityaśaḥ | paśoḥ kalākhyavidyeti rāgakālau niyatyapi | tattvapañcakarūpeṇa bhavatyatra kaleti sā

— वे संकोच-रूप में भी सदा प्रकाशित रहती हैं। पशु के लिए ही वे "कला, विद्या, राग, काल तथा नियति" नामक पाँच तत्त्वों के रूप में होती हैं — यही यहाँ "कला" कहलाती है।

श्लोक 81 (shiva.kailasa.16.81)

किञ्चित्कर्तृत्वहेतुः स्यात् किञ्चित्तत्त्वैकसाधनम् । सा तु विद्या भवेद्रागो विषयेष्वनुरञ्जकः

kiñcitkartṛtvahetuḥ syāt kiñcittattvaikasādhanam | sā tu vidyā bhavedrāgo viṣayeṣvanurañjakaḥ

एक अंशतः कर्तृत्व का हेतु है; दूसरी तत्त्वों की एकमात्र साधक है — वह विद्या है; राग विषयों में अनुरंजित करने वाला है।

श्लोक 82 (shiva.kailasa.16.82)

कालो हि भावभावानां भासानां भासनात्मकः । क्रमावच्छेदको भूत्वा भूतादिरिति कथ्यते

kālo hi bhāvabhāvānāṁ bhāsānāṁ bhāsanātmakaḥ | kramāvacchedako bhūtvā bhūtādiriti kathyate

काल भावों के भाव-अभाव को प्रकाशित करने वाला है; क्रम का विभाजक होकर यह "भूतादि" भी कहलाता है।

श्लोक 83 (shiva.kailasa.16.83)

इदं तु मम कर्तव्यमिदं नेति नियामिका । नियतिः स्याद्विभोः शक्तिस्तदाक्षेपात्पतेत् पशुः

idaṁ tu mama kartavyamidaṁ neti niyāmikā | niyatiḥ syādvibhoḥ śaktistadākṣepātpatet paśuḥ

"यह मेरा कर्तव्य है, यह नहीं" — इस प्रकार नियमित करने वाली नियति है, जो विभु की शक्ति है; उसके आक्षेप से ही पशु गिरता है।

श्लोक 84 (shiva.kailasa.16.84)

एतत्पञ्चकमेवास्य स्वरूपावारकत्वतः । पञ्चकञ्चुकमाख्यातमन्तरङ्गं च साधनम्

etatpañcakamevāsya svarūpāvārakatvataḥ | pañcakañcukamākhyātamantaraṅgaṁ ca sādhanam

यह पंचक ही, स्वरूप को आवृत करने के कारण, "पंच-कंचुक" कहलाता है, तथा [जीव के लिए] अन्तरंग साधन भी है।