संन्यास-पद्धति का वर्णन

श्लोक 1 (shiva.kailasa.3.1)

ईश्वर उवाच । शृणु देवि प्रवक्ष्यामि यन्मां त्वम्परि पृच्छसि । तस्य श्रवणमात्रेण जीवस्साक्षाच्छिवो भवेत्

īśvara uvāca śṛṇu devi pravakṣyāmi yanmāṁ tvampari pṛcchasi tasya śravaṇamātreṇa jīvassākṣācchivo bhavet

ईश्वर बोले — हे देवि! सुनो, तुमने मुझसे जो पूछा है, मैं वह बताऊँगा; जिसके श्रवणमात्र से जीव साक्षात् शिव हो जाता है।

श्लोक 2 (shiva.kailasa.3.2)

प्रणवार्थपरिज्ञानमेव ज्ञानं मदात्मकम् । बीजन्तत्सर्वविद्यानां मंत्र म्प्रणवनामकम्

praṇavārthaparijñānameva jñānaṁ madātmakam bījantatsarvavidyānāṁ maṁtra mpraṇavanāmakam

प्रणव के अर्थ का सम्यक् ज्ञान ही मेरे स्वरूप का ज्ञान है; प्रणव नामक वह मंत्र समस्त विद्याओं का बीज है।

श्लोक 3 (shiva.kailasa.3.3)

अतिसूक्ष्मं महार्थं च ज्ञेयं तद्वटबीजवत् । वेदादि वेदसारं च मद्रूपं च विशेषतः

atisūkṣmaṁ mahārthaṁ ca jñeyaṁ tadvaṭabījavat vedādi vedasāraṁ ca madrūpaṁ ca viśeṣataḥ

वह अत्यंत सूक्ष्म किंतु महान अर्थ वाला है, वटबीज के समान जानने योग्य है; वह वेद का आदि है, वेद का सार है और विशेष रूप से मेरा ही स्वरूप है।

श्लोक 4 (shiva.kailasa.3.4)

देवो गुणत्रयातीतः सर्वज्ञः सर्वकृत्प्रभुः । ओमित्येकाक्षरे मंत्रे स्थितोहं सर्वगश्शिवः

devo guṇatrayātītaḥ sarvajñaḥ sarvakṛtprabhuḥ omityekākṣare maṁtre sthitohaṁ sarvagaśśivaḥ

त्रिगुणातीत, सर्वज्ञ, सर्वकर्ता प्रभु देव — मैं वह सर्वव्यापी शिव 'ॐ' इस एक अक्षर मंत्र में स्थित हूँ।

श्लोक 5 (shiva.kailasa.3.5)

यदस्ति वस्तु तत्सर्वं गुणप्राधान्ययोगतः । समस्तं व्यस्त मपि च प्रणवार्थं प्रचक्षते

yadasti vastu tatsarvaṁ guṇaprādhānyayogataḥ samastaṁ vyasta mapi ca praṇavārthaṁ pracakṣate

जो कुछ भी वस्तु है, वह सब गुणों की प्रधानता के अनुसार, समष्टि और व्यष्टि दोनों रूप में, प्रणव का ही अर्थ कही जाती है।

श्लोक 6 (shiva.kailasa.3.6)

सर्वार्थसाधकं तस्मादेकं ब्रह्मैतदक्षरम् । तेनोमिति जगत्कृस्नं कुरुते प्रथमं शिवः

sarvārthasādhakaṁ tasmādekaṁ brahmaitadakṣaram tenomiti jagatkṛsnaṁ kurute prathamaṁ śivaḥ

अतः यह एक अक्षर सर्वार्थसाधक ब्रह्म है; इसी 'ॐ' के द्वारा शिव सर्वप्रथम समस्त जगत् की रचना करते हैं।

श्लोक 7 (shiva.kailasa.3.7)

शिवो वा प्रणवो ह्येष प्रणवो वा शिवः स्मृतः । वाच्यवाचकयोर्भेदो नात्यंतं विद्यते यतः

śivo vā praṇavo hyeṣa praṇavo vā śivaḥ smṛtaḥ vācyavācakayorbhedo nātyaṁtaṁ vidyate yataḥ

यह प्रणव ही शिव है, अथवा शिव ही प्रणव माने जाते हैं; क्योंकि वाच्य और वाचक में कोई अत्यंत भेद विद्यमान नहीं है।

श्लोक 8 (shiva.kailasa.3.8)

तस्मादेकाक्षरं देवं मां च ब्रह्मर्षयो विदुः । वाच्यवाचकयोरैक्यं मन्यमाना विपश्चितः

tasmādekākṣaraṁ devaṁ māṁ ca brahmarṣayo viduḥ vācyavācakayoraikyaṁ manyamānā vipaścitaḥ

अतः वाच्य-वाचक की एकता को मानते हुए विद्वान् ब्रह्मर्षि उस एकाक्षर देव को मुझसे अभिन्न ही जानते हैं।

श्लोक 9 (shiva.kailasa.3.9)

अतस्तदेव जानीयात्प्रणवं सर्वकारणम् । निर्विकारी मुमुक्षुर्मां निर्गुणं परमेश्वरम्

atastadeva jānīyātpraṇavaṁ sarvakāraṇam nirvikārī mumukṣurmāṁ nirguṇaṁ parameśvaram

अतः मुमुक्षु को निर्विकार होकर उसी प्रणव को सर्वकारण-रूप, मुझ निर्गुण परमेश्वर के रूप में जानना चाहिए।

श्लोक 10 (shiva.kailasa.3.10)

एनमेव हि देवेशि सर्वमंत्रशिरोमणिम् । काश्यामहं प्रदास्यामि जीवानां मुक्तिहेतवे

enameva hi deveśi sarvamaṁtraśiromaṇim kāśyāmahaṁ pradāsyāmi jīvānāṁ muktihetave

हे देवेशि! इसी को, जो समस्त मंत्रों का शिरोमणि है, मैं काशी में जीवों की मुक्ति के लिए प्रदान करूँगा।

श्लोक 11 (shiva.kailasa.3.11)

तत्रादौ सम्प्रवक्ष्यामि प्रणवोद्धारमम्बिके । यस्य विज्ञानमात्रेण सिद्धिश्च परमा भवेत्

tatrādau sampravakṣyāmi praṇavoddhāramambike yasya vijñānamātreṇa siddhiśca paramā bhavet

हे अम्बिके! सर्वप्रथम मैं वहाँ प्रणव के उद्धार (निष्कर्षण-विधि) को बताऊँगा, जिसके ज्ञानमात्र से परम सिद्धि प्राप्त होती है।

श्लोक 12 (shiva.kailasa.3.12)

निवृत्तिमुद्धरेत्पूर्वमिन्धनं च ततः परम् । कालं समुद्धरेत्पश्चाद्दंडमीश्वरमेव च

nivṛttimuddharetpūrvamindhanaṁ ca tataḥ param kālaṁ samuddharetpaścāddaṁḍamīśvarameva ca

पहले 'निवृत्ति' का उद्धार करे, फिर 'इन्धन' का; तत्पश्चात् 'काल' का उद्धार करे और फिर 'दण्ड' तथा 'ईश्वर' का।

श्लोक 13 (shiva.kailasa.3.13)

वर्णपंचकरूपोयमेवं प्रणव उद्धृतः । त्रिमात्रबिन्दुनादात्मा मुक्तिदो जपतां सदा

varṇapaṁcakarūpoyamevaṁ praṇava uddhṛtaḥ trimātrabindunādātmā muktido japatāṁ sadā

इस प्रकार निकाला गया यह प्रणव पाँच वर्णों के रूप वाला है; तीन मात्राओं, बिंदु और नाद से युक्त यह जप करने वालों को सदा मुक्ति प्रदान करता है।

श्लोक 14 (shiva.kailasa.3.14)

ब्रह्मादिस्थावरान्तानां सर्वेषां प्राणिनां खलु । प्राणः प्रणव एवायं तस्मात्प्रणव ईरितः

brahmādisthāvarāntānāṁ sarveṣāṁ prāṇināṁ khalu prāṇaḥ praṇava evāyaṁ tasmātpraṇava īritaḥ

ब्रह्मा से लेकर स्थावर तक के समस्त प्राणियों का यही प्रणव ही प्राण है; इसीलिए इसे 'प्रणव' कहा जाता है।

श्लोक 15 (shiva.kailasa.3.15)

आद्यम्वर्णमकारं च उकारमुत्तरे ततः । मकारं मध्यतश्चैव नादांतं तस्य चोमिति

ādyamvarṇamakāraṁ ca ukāramuttare tataḥ makāraṁ madhyataścaiva nādāṁtaṁ tasya comiti

उसका प्रथम वर्ण अकार है, तत्पश्चात् उकार है; तथा मध्य में मकार है, और उसका अंत नाद है — इस प्रकार वह 'ॐ' है।

श्लोक 16 (shiva.kailasa.3.16)

जलवद्वर्णमाद्यन्तु दक्षिणे चोत्तरे तथा । मध्ये मकारं शुचिवदोंकारे मुनिसत्तम

jalavadvarṇamādyantu dakṣiṇe cottare tathā madhye makāraṁ śucivadoṁkāre munisattama

हे मुनिसत्तम! ओंकार में प्रथम वर्ण जल के समान है, दक्षिण और उत्तर में भी वैसा ही है; और मध्य में मकार शुचि (पवित्रता) के समान है।

श्लोक 17 (shiva.kailasa.3.17)

अकारश्चाप्युकारोयं मकाराश्च त्रयं क्रमात् । तिस्रो मात्रास्समाख्याता अर्द्धमात्रा ततः परम्

akāraścāpyukāroyaṁ makārāśca trayaṁ kramāt tisro mātrāssamākhyātā arddhamātrā tataḥ param

अकार, उकार और मकार — ये तीनों क्रमशः तीन मात्राएँ कही गई हैं; उनके पश्चात् अर्द्धमात्रा है।

श्लोक 18 (shiva.kailasa.3.18)

अर्द्धमात्रा महेशानि बिन्दुनादस्वरूपिणी । वर्णनीया न वै चाद्धा ज्ञेया ज्ञानिभिरेव सा

arddhamātrā maheśāni bindunādasvarūpiṇī varṇanīyā na vai cāddhā jñeyā jñānibhireva sā

हे महेश्वानि! अर्द्धमात्रा बिंदु और नाद के स्वरूप वाली है; वह वस्तुतः वर्णन के योग्य नहीं है, ज्ञानीजन ही उसे जान सकते हैं।

श्लोक 19 (shiva.kailasa.3.19)

ईशानस्सर्वविद्यानामित्यद्याश्श्रुतयः प्रिये । मत्त एव भवन्तीति वेदास्सत्यम्वदन्ति हि

īśānassarvavidyānāmityadyāśśrutayaḥ priye matta eva bhavantīti vedāssatyamvadanti hi

हे प्रिये! 'ईशानः सर्वविद्यानाम्' — इस प्रकार आरंभ होने वाली श्रुतियाँ हैं; वेद सत्य ही कहते हैं कि वे मुझसे ही उत्पन्न होते हैं।

श्लोक 20 (shiva.kailasa.3.20)

तस्माद्वेदादिरेवाहं प्रणवो मम वाचकः । वाचकत्वान्ममैषोऽपि वेदादिरिति कथ्यते

tasmādvedādirevāhaṁ praṇavo mama vācakaḥ vācakatvānmamaiṣo ’pi vedādiriti kathyate

अतः मैं ही वेद का आदि हूँ, और प्रणव मेरा वाचक है; मेरा वाचक होने के कारण यह प्रणव भी वेद का आदि कहा जाता है।

श्लोक 21 (shiva.kailasa.3.21)

अकारस्तु महद्बीजं रजस्स्रष्टा चतुर्मुखः । उकारः प्रकृतिर्योनिस्सत्त्वं पालयिता हरिः

akārastu mahadbījaṁ rajassraṣṭā caturmukhaḥ ukāraḥ prakṛtiryonissattvaṁ pālayitā hariḥ

अकार महत्तत्त्व का बीज है, रजोगुण है और चतुर्मुख ब्रह्मा है; उकार प्रकृति है, योनि है, सत्त्वगुण है और पालनकर्ता हरि है।

श्लोक 22 (shiva.kailasa.3.22)

मकारः पुरुषो बीजी तमस्संहारको हरः । बिन्दुर्महेश्वरो देवस्तिरो भाव उदाहृतः

makāraḥ puruṣo bījī tamassaṁhārako haraḥ bindurmaheśvaro devastiro bhāva udāhṛtaḥ

मकार पुरुष है, बीजरूप है, तमोगुण है और संहारकर्ता हर है; बिंदु महेश्वर देव है, जो तिरोभाव कहा गया है।

श्लोक 23 (shiva.kailasa.3.23)

नादस्सदाशिवः प्रोक्तस्सर्वानुग्रहकारकः । नादमूर्द्धनि संचिन्त्य परात्परतरः शिवः

nādassadāśivaḥ proktassarvānugrahakārakaḥ nādamūrddhani saṁcintya parātparataraḥ śivaḥ

नाद सदाशिव कहा गया है, जो सबका अनुग्रह करने वाला है; मस्तक में नाद का ध्यान करने पर परात्पर शिव की प्राप्ति होती है।

श्लोक 24 (shiva.kailasa.3.24)

स सर्वज्ञः सर्वकर्त्ता सर्वेशो निर्मलोऽव्ययः । अनिर्देश्यः परब्रह्म साक्षात्सदसतः परः

sa sarvajñaḥ sarvakarttā sarveśo nirmalo ’vyayaḥ anirdeśyaḥ parabrahma sākṣātsadasataḥ paraḥ

वे सर्वज्ञ, सर्वकर्ता, सर्वेश्वर, निर्मल और अव्यय हैं; अनिर्देश्य परब्रह्म हैं, साक्षात् सत् और असत् से परे हैं।

श्लोक 25 (shiva.kailasa.3.25)

अकारादिषु वर्णेषु व्यापकं चोत्तरोत्तरम् । व्याप्यन्त्वधस्तनं वर्णमेवं सर्वत्र भावयेत्

akārādiṣu varṇeṣu vyāpakaṁ cottarottaram vyāpyantvadhastanaṁ varṇamevaṁ sarvatra bhāvayet

अकार आदि वर्णों में प्रत्येक उत्तरोत्तर वर्ण व्यापक है और उससे नीचे वाला वर्ण व्याप्य है; इस प्रकार सर्वत्र भावना करनी चाहिए।

श्लोक 26 (shiva.kailasa.3.26)

सद्यादीशानपर्य्यंतान्यकारादिषु पंचसु । स्थितानि पंच ब्रह्माणि तानि मन्मूर्त्तयः क्रमात्

sadyādīśānaparyyaṁtānyakārādiṣu paṁcasu sthitāni paṁca brahmāṇi tāni manmūrttayaḥ kramāt

सद्योजात से लेकर ईशान तक, अकार आदि पाँचों में पाँच ब्रह्म स्थित हैं; वे क्रमशः मेरी ही मूर्तियाँ हैं।

श्लोक 27 (shiva.kailasa.3.27)

अष्टौ कलास्समाख्याता अकारे सद्यजाश्शिवे । उकारे वामरूपिण्यस्त्रयोदश समीरिताः

aṣṭau kalāssamākhyātā akāre sadyajāśśive ukāre vāmarūpiṇyastrayodaśa samīritāḥ

अकार में सद्योजात शिव से उत्पन्न आठ कलाएँ बताई गई हैं; उकार में वामरूपिणी तेरह कलाएँ कही गई हैं।

श्लोक 28 (shiva.kailasa.3.28)

अष्टावघोररूपिण्यो मकारे संस्थिताः कलाः । बिन्दौ चतस्रस्संभूताः कलाः पुरुषगोचराः

aṣṭāvaghorarūpiṇyo makāre saṁsthitāḥ kalāḥ bindau catasrassaṁbhūtāḥ kalāḥ puruṣagocarāḥ

मकार में अघोररूपिणी आठ कलाएँ स्थित हैं; बिंदु में पुरुषगोचर चार कलाएँ उत्पन्न होती हैं।

श्लोक 29 (shiva.kailasa.3.29)

नादे पंच समाख्याताः कला ईशानसंभवाः । षड्विधैक्यानुसंधानात्प्रपंचात्मकतोच्यते

nāde paṁca samākhyātāḥ kalā īśānasaṁbhavāḥ ṣaḍvidhaikyānusaṁdhānātprapaṁcātmakatocyate

नाद में ईशान से उत्पन्न पाँच कलाएँ कही गई हैं; इन छह प्रकारों की एकता के अनुसंधान से प्रपंचात्मकता (जगत्-रूपता) कही जाती है।

श्लोक 30 (shiva.kailasa.3.30)

मन्त्रो यन्त्रं देवता च प्रपंचो गुरुरेव च । शिष्यश्च षट्पदार्था नामेषामर्थं शृणु प्रिये

mantro yantraṁ devatā ca prapaṁco gurureva ca śiṣyaśca ṣaṭpadārthā nāmeṣāmarthaṁ śṛṇu priye

मंत्र, यंत्र, देवता, प्रपंच (जगत्), गुरु और शिष्य — ये छह पदार्थ हैं; हे प्रिये! इनके नामों का अर्थ सुनो।

श्लोक 31 (shiva.kailasa.3.31)

पंचवर्णसमष्टिः स्यान्मन्त्रः पूर्वमुदाहतः । स एव यंत्रतां प्राप्तो वक्ष्ये तन्मण्डलक्रमम्

paṁcavarṇasamaṣṭiḥ syānmantraḥ pūrvamudāhataḥ sa eva yaṁtratāṁ prāpto vakṣye tanmaṇḍalakramam

पूर्व में कहे गए पाँच वर्णों की समष्टि ही मंत्र है; वही यंत्र-रूप को प्राप्त होकर मण्डल कहलाता है — मैं उसका मण्डल-क्रम बताऊँगा।

श्लोक 32 (shiva.kailasa.3.32)

यन्त्रं तु देवतारूपं देवता विश्वरूपिणी । विश्वरूपो गुरुः प्रोक्तश्शिष्यो गुरुवपुस्त्वतः

yantraṁ tu devatārūpaṁ devatā viśvarūpiṇī viśvarūpo guruḥ proktaśśiṣyo guruvapustvataḥ

यंत्र देवता का स्वरूप है, देवता विश्वरूपिणी है; गुरु विश्वरूप कहे गए हैं, और इसलिए शिष्य गुरु का ही स्वरूप है।

श्लोक 33 (shiva.kailasa.3.33)

ओमितीदं सर्वमिति सर्वं ब्रह्मेति च श्रुतेः । वाच्यवाचकसम्बन्धोप्ययमेवार्थ ईरितः

omitīdaṁ sarvamiti sarvaṁ brahmeti ca śruteḥ vācyavācakasambandhopyayamevārtha īritaḥ

'ॐ यह सब कुछ है' तथा 'सब ब्रह्म है' — यह श्रुति का कथन है; यही अर्थ वाच्य-वाचक संबंध के रूप में कहा गया है।

श्लोक 34 (shiva.kailasa.3.34)

आधारो मणिपूरश्च हृदयं तु ततः परम् । विशुद्धिराज्ञा च ततः शक्तिः शान्तिरिति क्रमात्

ādhāro maṇipūraśca hṛdayaṁ tu tataḥ param viśuddhirājñā ca tataḥ śaktiḥ śāntiriti kramāt

आधार, मणिपूर, फिर हृदय (अनाहत); तत्पश्चात् विशुद्धि, आज्ञा और फिर शक्ति तथा शांति — इस क्रम से।

श्लोक 35 (shiva.kailasa.3.35)

स्थानान्येतानि देवेशि शान्त्यतीतं परात्परम् । अधिकारी भवेद्यस्य वैराग्यं जायते दृढम्

sthānānyetāni deveśi śāntyatītaṁ parātparam adhikārī bhavedyasya vairāgyaṁ jāyate dṛḍham

हे देवेशि! ये स्थान हैं, और उनसे परे शान्त्यतीत, परात्पर स्थान है। जिसमें दृढ़ वैराग्य उत्पन्न होता है, वही इसका अधिकारी होता है।

श्लोक 36 (shiva.kailasa.3.36)

विषयः स्यामहं देवि जीवब्रह्मैक्यभावनात् । सम्बन्धं शृणु देवेशि विषयः सम्यगीरितः

viṣayaḥ syāmahaṁ devi jīvabrahmaikyabhāvanāt sambandhaṁ śṛṇu deveśi viṣayaḥ samyagīritaḥ

हे देवि! जीव और ब्रह्म की एकता की भावना से मैं ही विषय हूँ। हे देवेशि! अब संबंध सुनो — इस प्रकार विषय भलीभाँति कहा गया।

श्लोक 37 (shiva.kailasa.3.37)

जीवात्मनोर्मया सार्द्धमैक्यस्य प्रणवस्य च । वाच्यवाचकभावोत्र सम्वन्धस्समुदीरितः

jīvātmanormayā sārddhamaikyasya praṇavasya ca vācyavācakabhāvotra samvandhassamudīritaḥ

जीवात्मा की मेरे साथ एकता का तथा प्रणव का वाच्य-वाचक भाव ही यहाँ संबंध कहा गया है।

श्लोक 38 (shiva.kailasa.3.38)

व्रतादिनिरतः शान्तस्तपस्वी विजितेन्द्रियः । शौचाचारसमायुक्तो भूदेवो वेदनिष्ठितः

vratādinirataḥ śāntastapasvī vijitendriyaḥ śaucācārasamāyukto bhūdevo vedaniṣṭhitaḥ

व्रत आदि में तत्पर, शांत, तपस्वी, जितेन्द्रिय, शुद्धाचार से युक्त, वेद में निष्ठावान् ब्राह्मण,

श्लोक 39 (shiva.kailasa.3.39)

विषयेषु विरक्तः सन्नैहिकामुष्मिकेषु च । देवानां ब्राह्मणोऽपीह लोकजेषु शिवव्रती

viṣayeṣu viraktaḥ sannaihikāmuṣmikeṣu ca devānāṁ brāhmaṇo ’pīha lokajeṣu śivavratī

इस लोक और परलोक दोनों के भोगों से विरक्त, देवताओं में भी ब्राह्मण के समान श्रेष्ठ, लोकजन्य वस्तुओं के प्रति उदासीन, शिवव्रती —

श्लोक 40 (shiva.kailasa.3.40)

सर्वशास्त्रार्थ तत्त्वज्ञं वेदान्तज्ञानपारगम् । आचार्य्यमुपसंगम्य यतिं मतिमतां वरम्

sarvaśāstrārtha tattvajñaṁ vedāntajñānapāragam ācāryyamupasaṁgamya yatiṁ matimatāṁ varam

समस्त शास्त्रों के अर्थ के तत्त्वज्ञ, वेदान्त-ज्ञान में पारंगत आचार्य के पास, जो बुद्धिमानों में श्रेष्ठ यति हों, जाकर,

श्लोक 41 (shiva.kailasa.3.41)

दीर्घदण्डप्रणामाद्यैस्तोषयेद्यत्नतस्सुधीः । शान्त्यादिगुणसंयुक्तः शिष्यस्सौशील्यवान्वरः

dīrghadaṇḍapraṇāmādyaistoṣayedyatnatassudhīḥ śāntyādiguṇasaṁyuktaḥ śiṣyassauśīlyavānvaraḥ

दीर्घदण्ड-प्रणाम आदि से प्रयत्नपूर्वक उन्हें प्रसन्न करे — शांति आदि गुणों से युक्त, सुशील और श्रेष्ठ शिष्य बने।

श्लोक 42 (shiva.kailasa.3.42)

यो गुरुः स शिवः प्रोक्तो यश्शिवस्स गुरुः स्मृतः । इति निश्चित्य मनसा स्वविचारं निवेदयेत्

yo guruḥ sa śivaḥ prokto yaśśivassa guruḥ smṛtaḥ iti niścitya manasā svavicāraṁ nivedayet

जो गुरु हैं वे शिव कहे गए हैं, और जो शिव हैं वे ही गुरु माने गए हैं; मन में ऐसा निश्चय करके शिष्य अपना विचार गुरु को निवेदन करे।

श्लोक 43 (shiva.kailasa.3.43)

लब्धानुज्ञस्तु गुरुणा द्वादशाहं पयोवती । समुद्रतीरे नद्यां च पर्वते वा शिवालये

labdhānujñastu guruṇā dvādaśāhaṁ payovatī samudratīre nadyāṁ ca parvate vā śivālaye

गुरु से अनुज्ञा प्राप्त करके, बारह दिनों तक जलयुक्त स्थान में — समुद्रतट पर, नदी में, पर्वत पर अथवा शिवालय में —

श्लोक 44 (shiva.kailasa.3.44)

शुक्लपक्षे तु पंचम्यामेकादश्यां तथापि वा । प्रातः स्नात्वा तु शुद्धात्मा कृतनित्य क्रियस्सुधीः

śuklapakṣe tu paṁcamyāmekādaśyāṁ tathāpi vā prātaḥ snātvā tu śuddhātmā kṛtanitya kriyassudhīḥ

शुक्ल पक्ष की पंचमी को अथवा एकादशी को, प्रातःकाल स्नान करके, शुद्धात्मा होकर, नित्यकर्म करके, वह बुद्धिमान्,

श्लोक 45 (shiva.kailasa.3.45)

गुरुमाहूय विधिना नान्दीश्राद्धं विधाय च । क्षौरं च कारयित्वाथ कक्षोपस्थविवर्जितम्

gurumāhūya vidhinā nāndīśrāddhaṁ vidhāya ca kṣauraṁ ca kārayitvātha kakṣopasthavivarjitam

विधिपूर्वक गुरु को बुलाकर, नान्दीश्राद्ध विधिवत् करके, तथा काँख और गुह्य भाग को छोड़कर क्षौरकर्म कराकर,

श्लोक 46 (shiva.kailasa.3.46)

केशश्मश्रुनखानां वै स्नात्वा नियतमानसः । सक्तुं प्राश्याथ सायाह्ने स्नात्वा सन्ध्यामुपास्य च

keśaśmaśrunakhānāṁ vai snātvā niyatamānasaḥ saktuṁ prāśyātha sāyāhne snātvā sandhyāmupāsya ca

केश, दाढ़ी और नाखूनों का क्षौर कराकर, स्नान करके, संयत मन से सत्तू खाकर, तथा सायंकाल पुनः स्नान करके संध्योपासना करके,

श्लोक 47 (shiva.kailasa.3.47)

सायमौपासनं कृत्वा गुरुणा सहितो द्विजः । शास्त्रोक्तदक्षिणान्दत्त्वा शिवाय गुरुरूपिणे

sāyamaupāsanaṁ kṛtvā guruṇā sahito dvijaḥ śāstroktadakṣiṇāndattvā śivāya gururūpiṇe

सायं औपासन (अग्निहोत्र) करके, गुरु सहित वह द्विज, शास्त्रोक्त दक्षिणा गुरुरूपधारी शिव को अर्पित करके,

श्लोक 48 (shiva.kailasa.3.48)

होमद्रव्याणि संपाद्य स्वसूत्रोक्तविधानतः । अग्निमाधाय विधिवल्लौकिकादिविभेदतः

homadravyāṇi saṁpādya svasūtroktavidhānataḥ agnimādhāya vidhivallaukikādivibhedataḥ

अपने सूत्र में कहे गए विधान के अनुसार होम-द्रव्यों को जुटाकर, तथा लौकिक आदि भेद के अनुसार विधिपूर्वक अग्नि की स्थापना करके,

श्लोक 49 (shiva.kailasa.3.49)

आहिताग्निस्तु यः कुर्यात्प्राजापत्ये ष्टिनाहिते । श्रौते वैश्वानरे सम्यक् सर्ववेदसदक्षिणम्

āhitāgnistu yaḥ kuryātprājāpatye ṣṭināhite śraute vaiśvānare samyak sarvavedasadakṣiṇam

जिसने अग्नि की स्थापना की है, वह अनाहित अग्नि में प्राजापत्य इष्टि करे, अथवा श्रौत वैश्वानर अग्नि में सम्यक् रूप से सर्ववेदस दक्षिणा वाला यज्ञ करे,

श्लोक 50 (shiva.kailasa.3.50)

अथाग्निमात्मन्यारोप्य ब्राह्मणः प्रव्रजेद्गृहात् । श्रपयित्वा चरुं तस्मिन्समिदन्नाज्यभेदतः

athāgnimātmanyāropya brāhmaṇaḥ pravrajedgṛhāt śrapayitvā caruṁ tasminsamidannājyabhedataḥ

फिर अग्नि को अपने में आरोपित करके, ब्राह्मण घर से प्रव्रज्या ग्रहण करे। समिधा, अन्न और घृत के भेद से उस अग्नि में चरु पकाकर,

श्लोक 51 (shiva.kailasa.3.51)

पौरुषेणैव सूक्तेन हुत्वा प्रत्यृचमात्मवान् । हुत्वा च सौविष्टकृतीं स्वसूत्रोक्तविधानतः

pauruṣeṇaiva sūktena hutvā pratyṛcamātmavān hutvā ca sauviṣṭakṛtīṁ svasūtroktavidhānataḥ

आत्मवान् होकर पुरुषसूक्त के प्रत्येक ऋचा से आहुति देकर, तथा अपने सूत्र में कहे गए विधान के अनुसार स्विष्टकृत् आहुति देकर,

श्लोक 52 (shiva.kailasa.3.52)

हुत्वोपरिष्टात्तन्त्रं च तेनाग्नेरुत्तरे बुधः । स्थित्वासने जपेन्मौनी चैलाजिनकुशोत्तरे । यावद्ब्राह्ममुहूर्त्तं तु गायत्रीं दृढमानसः

hutvopariṣṭāttantraṁ ca tenāgneruttare budhaḥ sthitvāsane japenmaunī cailājinakuśottare yāvadbrāhmamuhūrttaṁ tu gāyatrīṁ dṛḍhamānasaḥ

ऊपर से तन्त्र (समापन आहुति) देकर, वह बुद्धिमान् अग्नि के उत्तर में वस्त्र, मृगचर्म और कुश से आच्छादित आसन पर बैठकर, मौन रहकर, दृढ़ मन से ब्राह्ममुहूर्त तक गायत्री का जप करे।

श्लोक 53 (shiva.kailasa.3.53)

ततः स्नात्वा यथा पूर्वं श्रपयित्वा चरुं ततः । पौरुषं सूक्तमारभ्य विरजान्तं हुनेद्बुधः

tataḥ snātvā yathā pūrvaṁ śrapayitvā caruṁ tataḥ pauruṣaṁ sūktamārabhya virajāntaṁ hunedbudhaḥ

फिर पूर्ववत् स्नान करके, चरु पकाकर, वह बुद्धिमान् पुरुषसूक्त से आरंभ कर विरजा-मंत्र तक आहुति दे।

श्लोक 54 (shiva.kailasa.3.54)

वामदेवमतेनापि शौनकादिमतेन वा । तत्र मुख्यं वामदेव्यं गर्भयुक्तो यतो मुनिः

vāmadevamatenāpi śaunakādimatena vā tatra mukhyaṁ vāmadevyaṁ garbhayukto yato muniḥ

वामदेव के मत से अथवा शौनक आदि के मत से; उसमें मुख्य वामदेव्य मंत्र है, क्योंकि वह मुनि गर्भयुक्त (गूढ़ार्थयुक्त) है।

श्लोक 55 (shiva.kailasa.3.55)

होमशेषं समाप्याथ प्रातरौपासनं हुनेत् । ततोग्निमात्मन्यारोप्य प्रातस्सन्ध्यमुपास्य च

homaśeṣaṁ samāpyātha prātaraupāsanaṁ hunet tatognimātmanyāropya prātassandhyamupāsya ca

होमशेष को समाप्त करके प्रातःकालीन औपासन (अग्निहोत्र) करे। फिर अग्नि को अपने में आरोपित करके प्रातःसंध्या करके,

श्लोक 56 (shiva.kailasa.3.56)

सवितर्युदिते पश्चात्सावित्रीं प्राविशेत्क्रमात् । एषणानां त्रयं त्यक्त्वा प्रेषमुच्चार्य च क्रमात्

savitaryudite paścātsāvitrīṁ prāviśetkramāt eṣaṇānāṁ trayaṁ tyaktvā preṣamuccārya ca kramāt

सूर्योदय होने पर क्रमशः सावित्री में प्रवेश करे। तीनों एषणाओं (पुत्रैषणा, वित्तैषणा, लोकैषणा) का त्याग करके तथा क्रमशः प्रेष-मंत्र का उच्चारण करके,

श्लोक 57 (shiva.kailasa.3.57)

शिखोपवीते संत्यज्य कटिसूत्रादिकं ततः । विसृज्य प्राङ्मुखो गच्छेदुत्तराशामुखोपि वा

śikhopavīte saṁtyajya kaṭisūtrādikaṁ tataḥ visṛjya prāṅmukho gaccheduttarāśāmukhopi vā

शिखा और यज्ञोपवीत का, तथा कटिसूत्र आदि का त्याग करके, उन्हें विसर्जित कर वह पूर्वाभिमुख अथवा उत्तराभिमुख होकर चले।

श्लोक 58 (shiva.kailasa.3.58)

गृह्णीयाद्दण्डकौपीनाद्युचितं लोकवर्तने । विरक्तश्चेन गृह्णीयाल्लोकवृत्तिविचारणे

gṛhṇīyāddaṇḍakaupīnādyucitaṁ lokavartane viraktaścena gṛhṇīyāllokavṛttivicāraṇe

लोकाचार के अनुकूल दण्ड, कौपीन आदि ग्रहण करे। यदि वह पूर्णतः विरक्त हो तो लोक-व्यवहार की परवाह न करते हुए इन्हें ग्रहण न भी करे।

श्लोक 59 (shiva.kailasa.3.59)

गुरोः समीपं गत्वाथ दण्डवत्प्रणमेत्त्रयम् । समुत्थाय ततस्तिष्ठेद्गुरुपादसमीपतः

guroḥ samīpaṁ gatvātha daṇḍavatpraṇamettrayam samutthāya tatastiṣṭhedgurupādasamīpataḥ

फिर गुरु के समीप जाकर तीन बार दण्डवत् प्रणाम करे। उठकर फिर गुरु के चरणों के समीप खड़ा रहे।

श्लोक 60 (shiva.kailasa.3.60)

ततो गुरुः समादाय विरजानलजं शितम् । भस्म तेनैव तं शिष्यं समुद्धृत्य यथाविधि

tato guruḥ samādāya virajānalajaṁ śitam bhasma tenaiva taṁ śiṣyaṁ samuddhṛtya yathāvidhi

तब गुरु विरजा अग्नि से उत्पन्न पवित्र भस्म लेकर, विधिपूर्वक उस भस्म से शिष्य का उद्धार करके,

श्लोक 61 (shiva.kailasa.3.61)

अग्निरित्यादिभिर्मन्त्रैस्त्रिपुण्ड्रं धारयेत्ततः । हृत्पंकजे समासीनं मां त्वया सह चिन्तयेत्

agnirityādibhirmantraistripuṇḍraṁ dhārayettataḥ hṛtpaṁkaje samāsīnaṁ māṁ tvayā saha cintayet

'अग्निरिति' आदि मंत्रों से त्रिपुण्ड्र धारण कराए, और हृदयकमल में विराजमान मुझ (शिव) का, शिष्य के साथ मिलकर ध्यान करे।

श्लोक 62 (shiva.kailasa.3.62)

हस्तं निधाय शिरसि शिष्यस्य प्रीतमानसः । ऋष्यादिसहितं तस्य दक्षकर्णे समुच्चरेत्

hastaṁ nidhāya śirasi śiṣyasya prītamānasaḥ ṛṣyādisahitaṁ tasya dakṣakarṇe samuccaret

शिष्य के सिर पर हाथ रखकर, प्रसन्नचित्त होकर, वह उसके दाहिने कान में ऋषि आदि सहित मंत्र का उच्चारण करे।

श्लोक 63 (shiva.kailasa.3.63)

प्रणवं त्रिःप्रकारं तु ततस्तस्यार्थमादिशेत् । षड्विधार्थं परिज्ञानसहितं गुरुसत्तमः

praṇavaṁ triḥprakāraṁ tu tatastasyārthamādiśet ṣaḍvidhārthaṁ parijñānasahitaṁ gurusattamaḥ

तत्पश्चात् वह श्रेष्ठ गुरु त्रिविध प्रणव का उसका अर्थ, षड्विध अर्थ के परिज्ञान सहित उपदेश करे।

श्लोक 64 (shiva.kailasa.3.64)

द्विषट्प्रकारं स गुरुं प्रणम्य भुवि दण्डवत् । तदधीनो भवेन्नित्यं वेदान्तं सम्यगभ्यसेत्

dviṣaṭprakāraṁ sa guruṁ praṇamya bhuvi daṇḍavat tadadhīno bhavennityaṁ vedāntaṁ samyagabhyaset

उस द्वादशविध गुरु को भूमि पर दण्डवत् प्रणाम करके, वह सदा उनके अधीन रहे और वेदान्त का भलीभाँति अभ्यास करे।

श्लोक 65 (shiva.kailasa.3.65)

मामेव चिंतयेन्नित्यं परमात्मानमात्मनि । विशुद्धे निर्विकारे वै ब्रह्मसाक्षिणमव्ययम्

māmeva ciṁtayennityaṁ paramātmānamātmani viśuddhe nirvikāre vai brahmasākṣiṇamavyayam

वह सदा मुझ परमात्मा का ही अपने भीतर ध्यान करे — जो विशुद्ध, निर्विकार, ब्रह्मसाक्षी और अव्यय है।

श्लोक 66 (shiva.kailasa.3.66)

शमादिधर्मनिरतो वेदान्तज्ञानपारगः । अत्राधिकारी स प्रोक्तो यतिर्विगतमत्सरः

śamādidharmanirato vedāntajñānapāragaḥ atrādhikārī sa prokto yatirvigatamatsaraḥ

शम आदि धर्मों में तत्पर, वेदान्त-ज्ञान में पारंगत, ईर्ष्यारहित — ऐसा यति ही यहाँ अधिकारी कहा गया है।

श्लोक 67 (shiva.kailasa.3.67)

हृत्पुण्डरीकं विरजं विशोकं विशदम्परम् । अष्टपत्रं केशराढ्यं कर्णिकोपरि शो भितम्

hṛtpuṇḍarīkaṁ virajaṁ viśokaṁ viśadamparam aṣṭapatraṁ keśarāḍhyaṁ karṇikopari śo bhitam

हृदय का कमल — निर्मल, शोकरहित, परम विशद, आठ पंखुड़ियों वाला, केसर से युक्त, कर्णिका के ऊपर सुशोभित —

श्लोक 68 (shiva.kailasa.3.68)

आधारशक्तिमारभ्य त्रितत्वांतमयं पदम् । विचिन्त्य मध्यतस्तस्य दहरं व्योम भावयेत्

ādhāraśaktimārabhya tritatvāṁtamayaṁ padam vicintya madhyatastasya daharaṁ vyoma bhāvayet

आधारशक्ति से आरंभ कर तीन तत्त्वों तक की उस स्थिति का चिंतन करके, उसके मध्य में दहर आकाश की भावना करे।

श्लोक 69 (shiva.kailasa.3.69)

ओमित्येकाक्षरं ब्रह्म व्याहरन्मां त्वया सह । चिंतयेन्मध्यतस्तस्य नित्यमुद्युक्तमानसः

omityekākṣaraṁ brahma vyāharanmāṁ tvayā saha ciṁtayenmadhyatastasya nityamudyuktamānasaḥ

'ॐ' इस एकाक्षर ब्रह्म का उच्चारण करते हुए, सदा उद्यत मन से, उसके मध्य में तुम्हारे (जीव के) साथ मुझ (शिव) का ध्यान करे।

श्लोक 70 (shiva.kailasa.3.70)

एवंविधोपासकस्य मल्लोकगतिमेव च । मत्तो विज्ञानमासाद्य मत्सायुज्यफलं प्रिये

evaṁvidhopāsakasya mallokagatimeva ca matto vijñānamāsādya matsāyujyaphalaṁ priye

हे प्रिये! ऐसे उपासक की गति मेरे ही लोक में होती है। मुझसे विज्ञान प्राप्त करके उसे मेरे सायुज्य का फल प्राप्त होता है।