सृष्टि का आरम्भ

श्लोक 1 (shiva.vayaviya.11.1)

मुनय ऊचुः । मन्वन्तराणि सर्वाणि कल्पभेदांश्च सर्वशः । तेष्वेवान्तरसर्गं च प्रतिसर्गं च नो वद

munaya ūcuḥ | manvantarāṇi sarvāṇi kalpabhedāṁśca sarvaśaḥ | teṣvevāntarasargaṁ ca pratisargaṁ ca no vada

मुनियों ने कहा -- हे वायुदेव! समस्त मन्वन्तरों और सभी प्रकार के कल्पभेदों को, तथा उनके भीतर होने वाले अन्तर-सर्ग और प्रतिसर्ग को हमें सुनाइए।

श्लोक 2 (shiva.vayaviya.11.2)

वायुरुवाच । कालसङ्ख्याविवृत्तस्य परार्द्धो ब्रह्मणः स्मृतः । तावांश्चैवास्य कालोऽन्यस्तस्यान्ते प्रतिसृज्यते

vāyuruvāca | kālasaṅkhyāvivṛttasya parārddho brahmaṇaḥ smṛtaḥ | tāvāṁścaivāsya kālo'nyastasyānte pratisṛjyate

वायु ने कहा -- काल की गणना में परिवर्तित होने वाला ब्रह्मा का आधा जीवनकाल 'परार्ध' कहलाता है; उतना ही और काल शेष रहता है, जिसके अन्त में पुनः सृष्टि होती है।

श्लोक 3 (shiva.vayaviya.11.3)

दिवसे दिवसे तस्य ब्रह्मणः पूर्वजन्मनः । चतुर्दश महाभागा मनूनां परिवृत्तयः

divase divase tasya brahmaṇaḥ pūrvajanmanaḥ | caturdaśa mahābhāgā manūnāṁ parivṛttayaḥ

उन आदि-जन्मा ब्रह्मा के प्रत्येक दिन में चौदह महाभाग्यशाली मनुओं के क्रमिक शासन होते हैं।

श्लोक 4 (shiva.vayaviya.11.4)

अनादित्वादनन्तत्वादज्ञेयत्वाच्च कृत्स्नशः । मन्वन्तराणि कल्पाश्च न शक्या वचनात्पृथक्

anāditvādanantatvādajñeyatvācca kṛtsnaśaḥ | manvantarāṇi kalpāśca na śakyā vacanātpṛthak

अनादि, अनन्त और सर्वथा अज्ञेय होने के कारण, मन्वन्तरों और कल्पों का पृथक्-पृथक् वर्णन शब्दों में करना सम्भव नहीं है।

श्लोक 5 (shiva.vayaviya.11.5)

उक्तेष्वपि च सर्वेषु शृण्वतां वो वचो मम । किमिहास्ति फलं तस्मान्न पृथग वक्तुमुत्सहे

ukteṣvapi ca sarveṣu śṛṇvatāṁ vo vaco mama | kimihāsti phalaṁ tasmānna pṛthaga vaktumutsahe

यदि वे सब कहे भी जाएँ और तुम सब सुनो, तो भी उससे क्या लाभ है? इसीलिए मैं उन्हें अलग-अलग बताने का प्रयास नहीं करता।

श्लोक 6 (shiva.vayaviya.11.6)

य एव खलु कल्पेषु कल्पः सम्प्रति वर्तते । तत्र सङ्क्षिप्य वर्तन्ते सृष्टयः प्रतिसृष्टयः

ya eva khalu kalpeṣu kalpaḥ samprati vartate | tatra saṅkṣipya vartante sṛṣṭayaḥ pratisṛṣṭayaḥ

जो कल्प इस समय सभी कल्पों में वर्तमान है, उसी में संक्षेप में सभी प्रकार की सृष्टियाँ और प्रति-सृष्टियाँ समाहित हो जाती हैं।

श्लोक 7 (shiva.vayaviya.11.7)

यस्त्वयं वर्तते कल्पो वाराहो नाम नामतः । अस्मिन्नपि द्विजश्रेष्ठा मनवस्तु चतुर्दश

yastvayaṁ vartate kalpo vārāho nāma nāmataḥ | asminnapi dvijaśreṣṭhā manavastu caturdaśa

हे द्विजश्रेष्ठो! यह जो वर्तमान कल्प है, वह नाम से 'वाराह' कल्प कहलाता है। इसमें भी चौदह मनु होते हैं।

श्लोक 8 (shiva.vayaviya.11.8)

स्वायम्भुवादयः सप्त सप्त सावर्णिकादयः । तेषु वैवस्वतो नाम सप्तमो वर्तते मनुः

svāyambhuvādayaḥ sapta sapta sāvarṇikādayaḥ | teṣu vaivasvato nāma saptamo vartate manuḥ

स्वायम्भुव आदि सात और सावर्णिक आदि सात -- इन चौदह में सातवें मनु का नाम वैवस्वत है, जो अभी वर्तमान हैं।

श्लोक 9 (shiva.vayaviya.11.9)

मन्वन्तरेषु सर्वेषु सर्गसंहारवृत्तयः । प्रायः समा भवन्तीति तर्कः कार्यो विजानता

manvantareṣu sarveṣu sargasaṁhāravṛttayaḥ | prāyaḥ samā bhavantīti tarkaḥ kāryo vijānatā

जानने वाले को यह अनुमान करना चाहिए कि सभी मन्वन्तरों में सृष्टि और संहार के क्रम प्रायः समान ही होते हैं।

श्लोक 10 (shiva.vayaviya.11.10)

पूर्वकल्पे परावृत्ते प्रवृत्ते कालमारुते । समुन्मूलितमूलेषु वृक्षेषु च वनेषु च

pūrvakalpe parāvṛtte pravṛtte kālamārute | samunmūlitamūleṣu vṛkṣeṣu ca vaneṣu ca

पूर्व कल्प के समाप्त होने पर, जब कालरूपी प्रचण्ड वायु चली, तब वृक्ष जड़ सहित उखड़ गए और वन उजड़ गए,

श्लोक 11 (shiva.vayaviya.11.11)

जगन्ति तृणवक्त्रीणि देवे दहति पावके । वृष्ट्या भुवि निषिक्तायां विवेलेष्वर्णवेषु च

jaganti tṛṇavaktrīṇi deve dahati pāvake | vṛṣṭyā bhuvi niṣiktāyāṁ viveleṣvarṇaveṣu ca

जब सम्पूर्ण जगत् तिनके के समान तुच्छ हो गया, अग्निदेव सब कुछ भस्म कर रहे थे, वर्षा से पृथ्वी सिंचित हो चुकी थी, और समुद्र अपनी सीमाओं को लाँघ चुके थे,

श्लोक 12 (shiva.vayaviya.11.12)

दिक्षु सर्वासु मग्नासु वारिपूरे महीयसि । तदद्भिश्चटुलाक्षेपैस्तरङ्गभुजमण्डलैः

dikṣu sarvāsu magnāsu vāripūre mahīyasi | tadadbhiścaṭulākṣepaistaraṅgabhujamaṇḍalaiḥ

जब सभी दिशाएँ उस विशाल जलराशि में डूब चुकी थीं, जिसकी लहरें भुजाओं के समान चंचल हिलोरों से उठ रही थीं,

श्लोक 13 (shiva.vayaviya.11.13)

प्रारब्धचण्डनृत्येषु ततः प्रलयवारिषु । ब्रह्मा नारायणो भूत्वा सुष्वाप सलिले सुखम्

prārabdhacaṇḍanṛtyeṣu tataḥ pralayavāriṣu | brahmā nārāyaṇo bhūtvā suṣvāpa salile sukham

और वे प्रलय-जलराशियाँ प्रचण्ड नृत्य में लीन हो गई थीं -- तब ब्रह्मा नारायण-रूप धारण करके उस जल पर सुखपूर्वक सो गए।

श्लोक 14 (shiva.vayaviya.11.14)

इमं चोदाहरन्मन्त्रं श्लोकं नारायणं प्रति । तं शृणुध्वं मुनिश्रेष्ठास्तदर्थं चाक्षराश्रयम्

imaṁ codāharanmantraṁ ślokaṁ nārāyaṇaṁ prati | taṁ śṛṇudhvaṁ muniśreṣṭhāstadarthaṁ cākṣarāśrayam

और वे नारायण के विषय में इस मन्त्र-श्लोक का उदाहरण देते हैं। हे श्रेष्ठ मुनियो! उसे उसके अक्षरार्थ सहित सुनिए --

श्लोक 15 (shiva.vayaviya.11.15)

आपो नारा इति प्रोक्ता आपो वै नरसूनवः । अयनं तस्य ता यस्मात्तेन नारायणः स्मृतः

āpo nārā iti proktā āpo vai narasūnavaḥ | ayanaṁ tasya tā yasmāttena nārāyaṇaḥ smṛtaḥ

जल को 'नार' कहा गया है, क्योंकि जल नर (आदि पुरुष) की ही सन्तान हैं; और चूँकि वे जल उनका निवास-स्थान (अयन) हैं, इसीलिए उन्हें नारायण कहा जाता है।

श्लोक 16 (shiva.vayaviya.11.16)

शिवयोगमयीं निद्रां कुर्वन्तं त्रिदशेश्वरम् । बद्धाञ्जलिपुटाः सिद्धा जनलोकनिवासिनः

śivayogamayīṁ nidrāṁ kurvantaṁ tridaśeśvaram | baddhāñjalipuṭāḥ siddhā janalokanivāsinaḥ

जब वे देवेश्वर शिव-योगमयी निद्रा में लीन थे, तब जनलोक-निवासी सिद्ध हाथ जोड़े हुए खड़े थे;

श्लोक 17 (shiva.vayaviya.11.17)

स्तोत्रैः प्रबोधयामासुः प्रभातसमये सुराः । यथा सृष्ट्यादिसमये ईश्वरं श्रुतयः पुरा

stotraiḥ prabodhayāmāsuḥ prabhātasamaye surāḥ | yathā sṛṣṭyādisamaye īśvaraṁ śrutayaḥ purā

प्रभात के समय देवगणों ने स्तोत्रों से उन्हें जगाया, जैसे सृष्टि के आरम्भ में प्राचीन काल में श्रुतियों ने ईश्वर को जगाया था।

श्लोक 18 (shiva.vayaviya.11.18)

ततः प्रबुद्ध उत्थाय शयनात्तोयमध्यगात् । उदैक्षत दिशः सर्वा योगनिद्रालसेक्षणः

tataḥ prabuddha utthāya śayanāttoyamadhyagāt | udaikṣata diśaḥ sarvā yoganidrālasekṣaṇaḥ

तब जागकर वे शय्या से उठे और जल के मध्य में गए; योगनिद्रा से अलसाई दृष्टि से उन्होंने सभी दिशाओं की ओर देखा।

श्लोक 19 (shiva.vayaviya.11.19)

नापश्यत्स तदा किञ्चित्स्वात्मनो व्यतिरेकि यत् । सविस्मय इवासीनः परां चिन्तामुपागमत्

nāpaśyatsa tadā kiñcitsvātmano vyatireki yat | savismaya ivāsīnaḥ parāṁ cintāmupāgamat

उन्हें उस समय अपने आत्मा के अतिरिक्त कुछ भी दिखाई नहीं दिया। मानो आश्चर्यचकित बैठे हुए वे गहन चिन्ता में डूब गए।

श्लोक 20 (shiva.vayaviya.11.20)

क्व सा भगवती या तु मनोज्ञा महती मही । नानाविधमहाशैलनदीनगरकानना

kva sā bhagavatī yā tu manojñā mahatī mahī | nānāvidhamahāśailanadīnagarakānanā

'वह भगवती मनोहर, महती पृथ्वी कहाँ है, जो नाना प्रकार के महान् पर्वतों, नदियों, नगरों और वनों से सुशोभित थी?'

श्लोक 21 (shiva.vayaviya.11.21)

एवं सञ्चिन्तयन्ब्रह्मा बुबुधे नैव भूस्थितिम् । तदा सस्मार पितरं भगवन्तं त्रिलोचनम्

evaṁ sañcintayanbrahmā bubudhe naiva bhūsthitim | tadā sasmāra pitaraṁ bhagavantaṁ trilocanam

इस प्रकार चिन्तन करते हुए भी ब्रह्मा पृथ्वी की स्थिति को नहीं जान सके; तब उन्होंने अपने पिता, त्रिलोचन भगवान् शिव का स्मरण किया।

श्लोक 22 (shiva.vayaviya.11.22)

स्मरणाद्देवदेवस्य भवस्यामिततेजसः । ज्ञातवान्सलिले मग्नां धरणीं धरणीपतिः

smaraṇāddevadevasya bhavasyāmitatejasaḥ | jñātavānsalile magnāṁ dharaṇīṁ dharaṇīpatiḥ

अपरिमित तेजस्वी देवाधिदेव भव के स्मरणमात्र से, पृथ्वीपति ब्रह्मा को ज्ञात हो गया कि पृथ्वी जल में डूबी हुई है।

श्लोक 23 (shiva.vayaviya.11.23)

ततो भूमेः समुद्धारं कर्तुकामः प्रजापतिः । जलक्रीडोचितं दिव्यं वाराहं रूपमस्मरत्

tato bhūmeḥ samuddhāraṁ kartukāmaḥ prajāpatiḥ | jalakrīḍocitaṁ divyaṁ vārāhaṁ rūpamasmarat

तब पृथ्वी का उद्धार करने की इच्छा से प्रजापति ने जल-क्रीड़ा के योग्य दिव्य वराह-रूप का स्मरण किया।

श्लोक 24 (shiva.vayaviya.11.24)

महापर्वतवर्ष्माणं महाजलदनिःस्वनम् । नीलमेघप्रतीकाशं दीप्तशब्दं भयानकम्

mahāparvatavarṣmāṇaṁ mahājaladaniḥsvanam | nīlameghapratīkāśaṁ dīptaśabdaṁ bhayānakam

वह रूप महापर्वत के समान विशाल था, महामेघ की गर्जना के समान गम्भीर स्वर वाला, नीलमेघ के समान वर्ण वाला, गरजती हुई भयानक ध्वनि वाला था,

श्लोक 25 (shiva.vayaviya.11.25)

पीनवृत्तघनस्कन्धं पीनोन्नतकटीतटम् । ह्रस्ववृत्तोरुजङ्घाग्रं सुतीक्ष्णखुरमण्डलम्

pīnavṛttaghanaskandhaṁ pīnonnatakaṭītaṭam | hrasvavṛttorujaṅghāgraṁ sutīkṣṇakhuramaṇḍalam

स्थूल, गोल, सुदृढ़ स्कन्धों वाला, स्थूल और उन्नत कटि-प्रदेश वाला, छोटी गोल जाँघों और पिंडलियों वाला, अत्यन्त तीक्ष्ण खुरों वाला,

श्लोक 26 (shiva.vayaviya.11.26)

पद्मरागमणिप्रख्यं वृत्तभीषणलोचनम् । वृत्तदीर्घमहागात्रं स्तब्धकर्णस्थलोज्ज्वलम्

padmarāgamaṇiprakhyaṁ vṛttabhīṣaṇalocanam | vṛttadīrghamahāgātraṁ stabdhakarṇasthalojjvalam

पद्मराग मणि के समान कान्तिवाला, गोल और भयंकर नेत्रों वाला, गोल-दीर्घ विशाल अंगों वाला, तथा सीधे खड़े कानों से देदीप्यमान था,

श्लोक 27 (shiva.vayaviya.11.27)

उदीर्णोच्छ्वासनिःश्वासघूर्णितप्रलयार्णवम् । विस्फुरत्सुसटाच्छन्नकपोलस्कन्धबन्धुरम्

udīrṇocchvāsaniḥśvāsaghūrṇitapralayārṇavam | visphuratsusaṭācchannakapolaskandhabandhuram

जिसकी उठती हुई श्वास-प्रश्वास से प्रलयकालीन सागर मानो घूम रहा था, तथा जिसके कपोल और स्कन्ध सुन्दर लहराते रोमों से आच्छादित होकर शोभायमान थे,

श्लोक 28 (shiva.vayaviya.11.28)

मणिभिर्भूषणैश्चित्रैर्महारत्नैः परिष्कृतम् । विराजमानं विद्युद्भिर्मेघसङ्घमिवोन्नतम्

maṇibhirbhūṣaṇaiścitrairmahāratnaiḥ pariṣkṛtam | virājamānaṁ vidyudbhirmeghasaṅghamivonnatam

जो मणियों, विचित्र आभूषणों और महान् रत्नों से सज्जित था, तथा बिजलियों से युक्त उन्नत मेघ-समूह के समान देदीप्यमान था।

श्लोक 29 (shiva.vayaviya.11.29)

आस्थाय विपुलं रूपं वाराहममितं विधिः । पृथिव्युद्धरणार्थाय प्रविवेश रसातलम्

āsthāya vipulaṁ rūpaṁ vārāhamamitaṁ vidhiḥ | pṛthivyuddharaṇārthāya praviveśa rasātalam

उस विशाल, अपरिमित वराह-रूप को धारण करके विधाता ब्रह्मा पृथ्वी का उद्धार करने के लिए रसातल में प्रविष्ट हुए।

श्लोक 30 (shiva.vayaviya.11.30)

स तदा शुशुभेऽतीव सूकरो गिरिसन्निभः । लिङ्गाकृतेर्महेशस्य पादमूलं गतो यथा

sa tadā śuśubhe'tīva sūkaro girisannibhaḥ | liṅgākṛtermaheśasya pādamūlaṁ gato yathā

वह पर्वत के समान वराह उस समय अत्यन्त शोभायमान हुआ, मानो वह महेश के लिंग-रूप के चरण-मूल में पहुँच गया हो।

श्लोक 31 (shiva.vayaviya.11.31)

ततः स सलिले मग्नां पृथिवीं पृथिवीन्धरः । उद्धृत्यालिङ्ग्य दंष्ट्राभ्यामुन्ममज्ज रसातलात्

tataḥ sa salile magnāṁ pṛthivīṁ pṛthivīndharaḥ | uddhṛtyāliṅgya daṁṣṭrābhyāmunmamajja rasātalāt

तत्पश्चात् पृथ्वी को धारण करने वाले उस वराह ने जल में डूबी हुई पृथ्वी को अपनी दाढ़ों से उठाकर और आलिंगन करके रसातल से बाहर निकाला।

श्लोक 32 (shiva.vayaviya.11.32)

तं दृष्ट्वा मुनयः सिद्धा जनलोकनिवासिनः । मुमुदुर्ननृतुर्मूर्ध्नि तस्य पुष्पैरवाकिरन्

taṁ dṛṣṭvā munayaḥ siddhā janalokanivāsinaḥ | mumudurnanṛturmūrdhni tasya puṣpairavākiran

उन्हें देखकर जनलोक-निवासी मुनि और सिद्ध हर्षित हुए, नाचने लगे, और उनके मस्तक पर फूल बरसाने लगे।

श्लोक 33 (shiva.vayaviya.11.33)

वपुर्महावराहस्य शुशुभे पुष्पसंवृतम् । पतद्भिरिव खद्योतैः प्राशुरञ्जनपर्वतः

vapurmahāvarāhasya śuśubhe puṣpasaṁvṛtam | patadbhiriva khadyotaiḥ prāśurañjanaparvataḥ

फूलों से आच्छादित उस महावराह का शरीर ऐसे शोभायमान हुआ मानो गिरते हुए जुगनुओं से ढका हुआ कोई अंजन-पर्वत हो।

श्लोक 34 (shiva.vayaviya.11.34)

ततः संस्थानमानीय वराहो महतीं महीम् । स्वमेव रूपमास्थाय स्थापयामास वै विभुः

tataḥ saṁsthānamānīya varāho mahatīṁ mahīm | svameva rūpamāsthāya sthāpayāmāsa vai vibhuḥ

तत्पश्चात् उस विशाल पृथ्वी को उसके स्थान पर लाकर, विभु वराह ने अपना ही स्वरूप स्थिर रखते हुए उसे प्रतिष्ठित किया।

श्लोक 35 (shiva.vayaviya.11.35)

पृथिवीं च समीकृत्य पृथिव्यां स्थापयन् गिरीन् । भूराद्यांश्चतुरो लोकान् कल्पयामास पूर्ववत्

pṛthivīṁ ca samīkṛtya pṛthivyāṁ sthāpayan girīn | bhūrādyāṁścaturo lokān kalpayāmāsa pūrvavat

पृथ्वी को समतल करके, उस पर पर्वतों को स्थापित करके, उन्होंने पहले की भाँति भूः आदि चारों लोकों की पुनः रचना की।

श्लोक 36 (shiva.vayaviya.11.36)

इति सह महतीं महीं महीध्रैः प्रलयमहाजलधेरधःस्थमध्यात् । उपरि च विनिवेश्य विश्वकर्मा चरमचरं च जगत्ससर्ज भूयः

iti saha mahatīṁ mahīṁ mahīdhraiḥ pralayamahājaladheradhaḥsthamadhyāt | upari ca viniveśya viśvakarmā caramacaraṁ ca jagatsasarja bhūyaḥ

इस प्रकार उस विशाल पृथ्वी को पर्वतों सहित प्रलय के महासागर की तलहटी से ऊपर उठाकर स्थापित करके, विश्वकर्मा ने पुनः चराचर जगत् की सृष्टि की।