ब्रह्मा-विष्णु द्वारा सृष्टि

श्लोक 1 (shiva.vayaviya.13.1)

ऋषय ऊचुः । भवता कथिता सृष्टिर्भवस्य परमात्मनः । चतुर्मुखमुखात्तस्य संशयो नः प्रजायते

ṛṣaya ūcuḥ | bhavatā kathitā sṛṣṭirbhavasya paramātmanaḥ | caturmukhamukhāttasya saṁśayo naḥ prajāyate

ऋषियों ने कहा -- आपने चतुर्मुख ब्रह्मा के मुख से सुनी हुई परमात्मा भव की सृष्टि-कथा हमें सुनाई; परन्तु हमें उसमें एक संशय उत्पन्न होता है।

श्लोक 2 (shiva.vayaviya.13.2)

देवश्रेष्ठो विरूपाक्षो दीप्तः शूलधरो हरः । कालात्मा भगवान् रुद्रः कपर्दी नीललोहितः

devaśreṣṭho virūpākṣo dīptaḥ śūladharo haraḥ | kālātmā bhagavān rudraḥ kapardī nīlalohitaḥ

देवश्रेष्ठ, विरूपाक्ष, देदीप्यमान, त्रिशूलधारी हर; कालस्वरूप भगवान् रुद्र, जटाजूटधारी, नीललोहित --

श्लोक 3 (shiva.vayaviya.13.3)

सब्रह्मकमिमं लोकं सविष्णुमपि पावकम् । यः संहरति सङ्क्रुद्धो युगान्ते समुपस्थिते

sabrahmakamimaṁ lokaṁ saviṣṇumapi pāvakam | yaḥ saṁharati saṅkruddho yugānte samupasthite

-- जो क्रुद्ध होकर, युगान्त उपस्थित होने पर, ब्रह्मा और विष्णु सहित, अग्नि सहित इस सम्पूर्ण लोक का संहार कर देते हैं;

श्लोक 4 (shiva.vayaviya.13.4)

यस्य ब्रह्मा च विष्णुश्च प्रणामं कुरुतो भयात् । लोकसङ्कोचकस्यास्य यस्य तौ वशवर्तिनौ

yasya brahmā ca viṣṇuśca praṇāmaṁ kuruto bhayāt | lokasaṅkocakasyāsya yasya tau vaśavartinau

-- जिन्हें ब्रह्मा और विष्णु दोनों भय से प्रणाम करते हैं, जो लोकों का संकोच करने वाले हैं, और जिनके वे दोनों अधीन हैं;

श्लोक 5 (shiva.vayaviya.13.5)

योऽयं देवः स्वकादङ्गाद् ब्रह्मविष्णू पुरासृजत् । स एव हि तयोर्नित्यं योगक्षेमकरः प्रभुः

yo'yaṁ devaḥ svakādaṅgād brahmaviṣṇū purāsṛjat | sa eva hi tayornityaṁ yogakṣemakaraḥ prabhuḥ

-- जिस देव ने पहले अपने ही अंग से ब्रह्मा और विष्णु को उत्पन्न किया, वही सदा उन दोनों के योग-क्षेम के कर्ता प्रभु हैं;

श्लोक 6 (shiva.vayaviya.13.6)

स कथं भगवान् रुद्र आदिदेवः पुरातनः । पुत्रत्वमगमच्छम्भुर्ब्रह्मणोऽव्यक्तजन्मनः

sa kathaṁ bhagavān rudra ādidevaḥ purātanaḥ | putratvamagamacchambhurbrahmaṇo'vyaktajanmanaḥ

-- वे भगवान् रुद्र, आदिदेव और पुरातन, कैसे अव्यक्त-जन्मा ब्रह्मा के पुत्रत्व को प्राप्त हुए?

श्लोक 7 (shiva.vayaviya.13.7)

प्रजापतिश्च विष्णुश्च रुद्रस्यैतौ परस्परम् । सृष्टौ परस्परस्याङ्गादिति प्रागपि शुश्रुम

prajāpatiśca viṣṇuśca rudrasyaitau parasparam | sṛṣṭau parasparasyāṅgāditi prāgapi śuśruma

हमने पहले भी यह सुना है कि प्रजापति, विष्णु और रुद्र -- ये परस्पर एक-दूसरे के अंग से उत्पन्न होते हैं।

श्लोक 8 (shiva.vayaviya.13.8)

कथं पुनरशेषाणां भूतानां हेतुभूतयोः । गुणप्रधानभावेन प्रादुर्भावः परस्परात्

kathaṁ punaraśeṣāṇāṁ bhūtānāṁ hetubhūtayoḥ | guṇapradhānabhāvena prādurbhāvaḥ parasparāt

फिर, समस्त प्राणियों के कारणस्वरूप उन दोनों में गौण और प्रधान भाव से परस्पर एक-दूसरे से उत्पत्ति कैसे होती है?

श्लोक 9 (shiva.vayaviya.13.9)

नापृष्टं भवता किञ्चिन्नाश्रुतं च कथञ्चन । भगवच्छिष्यभूतेन भवता सकलं स्मृतम्

nāpṛṣṭaṁ bhavatā kiñcinnāśrutaṁ ca kathañcana | bhagavacchiṣyabhūtena bhavatā sakalaṁ smṛtam

ऐसा कुछ भी नहीं जो आपने न पूछा हो, और न ही कुछ ऐसा है जो आपने कभी न सुना हो; भगवान् के शिष्य होने से आपको सब कुछ स्मरण है।

श्लोक 10 (shiva.vayaviya.13.10)

तत्त्वं वद यथा ब्रह्मा मुनीनामवदद्विभुः । वयं श्रद्धालवस्तात श्रोतुमीश्वरसद्यशः

tattvaṁ vada yathā brahmā munīnāmavadadvibhuḥ | vayaṁ śraddhālavastāta śrotumīśvarasadyaśaḥ

अतः वही सत्य हमें बताइए, जैसे विभु ब्रह्मा ने मुनियों को बताया था। हे तात! हम ईश्वर की सच्ची महिमा सुनने के लिए श्रद्धालु हैं।

श्लोक 11 (shiva.vayaviya.13.11)

वायुरुवाच । स्थाने पृष्टमिदं विप्रा भवद्भिः प्रश्नकोविदैः । इदमेव पुरा पृष्टो मम प्राह पितामहः

vāyuruvāca | sthāne pṛṣṭamidaṁ viprā bhavadbhiḥ praśnakovidaiḥ | idameva purā pṛṣṭo mama prāha pitāmahaḥ

वायु ने कहा -- हे प्रश्न में कुशल विप्रो! तुम्हारा यह प्रश्न सर्वथा उचित है। यही प्रश्न मैंने भी पहले पूछा था, और पितामह ने मुझे उत्तर दिया था।

श्लोक 12 (shiva.vayaviya.13.12)

तदहं सम्प्रवक्ष्यामि यथा रुद्रसमुद्भवः । यथा च पुनरुत्पत्तिर्ब्रह्मविष्ण्वोः परस्परम्

tadahaṁ sampravakṣyāmi yathā rudrasamudbhavaḥ | yathā ca punarutpattirbrahmaviṣṇvoḥ parasparam

वह मैं तुम्हें बताऊँगा -- कैसे रुद्र का उद्भव हुआ, और कैसे ब्रह्मा तथा विष्णु की परस्पर पुनः उत्पत्ति होती है।

श्लोक 13 (shiva.vayaviya.13.13)

त्रयस्ते कारणात्मानो जाताः साक्षान्महेश्वरात् । चराचरस्य विश्वस्य सर्गस्थित्यन्तहेतवः

trayaste kāraṇātmāno jātāḥ sākṣānmaheśvarāt | carācarasya viśvasya sargasthityantahetavaḥ

ये तीनों, जिनका स्वरूप कारणरूप है, साक्षात् महेश्वर से उत्पन्न हुए -- चराचर विश्व की सृष्टि, स्थिति और संहार के कारण।

श्लोक 14 (shiva.vayaviya.13.14)

परमैश्वर्यसंयुक्ताः परमेश्वरभाविताः । तच्छक्त्याधिष्ठिता नित्यं तत्कार्यकरणक्षमाः

paramaiśvaryasaṁyuktāḥ parameśvarabhāvitāḥ | tacchaktyādhiṣṭhitā nityaṁ tatkāryakaraṇakṣamāḥ

परम ऐश्वर्य से युक्त, परमेश्वर से आपूरित, सदा उनकी शक्ति से अधिष्ठित, और उनके कार्य को सम्पन्न करने में समर्थ।

श्लोक 15 (shiva.vayaviya.13.15)

पित्रा नियमिताः पूर्वं त्रयोऽपि त्रिषु कर्मसु । ब्रह्मा सर्गे हरिस्त्राणे रुद्रः संहरणे तथा

pitrā niyamitāḥ pūrvaṁ trayo'pi triṣu karmasu | brahmā sarge haristrāṇe rudraḥ saṁharaṇe tathā

आरम्भ में पिता द्वारा तीनों को तीन कार्यों में नियुक्त किया गया -- सृष्टि में ब्रह्मा, रक्षा में हरि, और उसी प्रकार संहार में रुद्र।

श्लोक 16 (shiva.vayaviya.13.16)

तथाप्यन्योऽन्यमात्सर्यादन्योऽन्यातिशयाशिनः । तपसा तोषयित्वा स्वं पितरं परमेश्वरम्

tathāpyanyo'nyamātsaryādanyo'nyātiśayāśinaḥ | tapasā toṣayitvā svaṁ pitaraṁ parameśvaram

फिर भी परस्पर ईर्ष्या से, एक-दूसरे से आगे बढ़ने की इच्छा से, अपने पिता परमेश्वर को तप से प्रसन्न करके --

श्लोक 17 (shiva.vayaviya.13.17)

लब्ध्वा सर्वात्मना तस्य प्रसादात्परमेष्ठिनः । ब्रह्मनारायणौ पूर्वं रुद्रः कल्पान्तरेऽसृजत्

labdhvā sarvātmanā tasya prasādātparameṣṭhinaḥ | brahmanārāyaṇau pūrvaṁ rudraḥ kalpāntare'sṛjat

-- उन परमेष्ठी के प्रसाद से सर्वात्मत्व प्राप्त करके, रुद्र ने पूर्वकल्प में ब्रह्मा और नारायण को उत्पन्न किया था।

श्लोक 18 (shiva.vayaviya.13.18)

कल्पान्तरे पुनर्ब्रह्मा रुद्रविष्णू जगन्मयः । विष्णुश्च भगवान् रुद्रं ब्रह्माणमसृजत्पुनः

kalpāntare punarbrahmā rudraviṣṇū jaganmayaḥ | viṣṇuśca bhagavān rudraṁ brahmāṇamasṛjatpunaḥ

दूसरे कल्प में जगन्मय ब्रह्मा ने रुद्र और विष्णु को उत्पन्न किया, और फिर भगवान् विष्णु ने रुद्र तथा ब्रह्मा को उत्पन्न किया।

श्लोक 19 (shiva.vayaviya.13.19)

नारायणं पुनर्ब्रह्मा ब्रह्माणं च पुनर्भवः । एवं कल्पेषु कल्पेषु ब्रह्मविष्णुमहेश्वराः

nārāyaṇaṁ punarbrahmā brahmāṇaṁ ca punarbhavaḥ | evaṁ kalpeṣu kalpeṣu brahmaviṣṇumaheśvarāḥ

फिर ब्रह्मा ने नारायण को, और भव ने ब्रह्मा को उत्पन्न किया। इस प्रकार कल्प-कल्प में ब्रह्मा, विष्णु और महेश्वर --

श्लोक 20 (shiva.vayaviya.13.20)

परस्परेण जायन्ते परस्परहितैषिणः । तत्तत्कल्पान्तवृत्तान्तमधिकृत्य महर्षिभिः

paraspareṇa jāyante parasparahitaiṣiṇaḥ | tattatkalpāntavṛttāntamadhikṛtya maharṣibhiḥ

-- एक-दूसरे से उत्पन्न होते हैं, परस्पर हितकामना करते हुए। उन-उन कल्पों के अन्त की घटनाओं को आधार बनाकर महर्षियों द्वारा --

श्लोक 21 (shiva.vayaviya.13.21)

प्रभावः कथ्यते तेषां परस्परसमुद्भवात् । शृणु तेषां कथां चित्रां पुण्यां पापप्रमोचिनीम्

prabhāvaḥ kathyate teṣāṁ parasparasamudbhavāt | śṛṇu teṣāṁ kathāṁ citrāṁ puṇyāṁ pāpapramocinīm

-- उनके परस्पर समुद्भव से उत्पन्न उनकी महिमा का वर्णन किया जाता है। उनकी वह विचित्र, पुण्यमय, पाप-नाशक कथा सुनो।

श्लोक 22 (shiva.vayaviya.13.22)

कल्पे तत्पुरुषे वृत्तां ब्रह्मणः परमेष्ठिनः । पुरा नारायणो नाम कल्पे वै मेघवाहने

kalpe tatpuruṣe vṛttāṁ brahmaṇaḥ parameṣṭhinaḥ | purā nārāyaṇo nāma kalpe vai meghavāhane

यह घटना परमेष्ठी ब्रह्मा के तत्पुरुष नामक कल्प में हुई। पूर्वकाल में मेघवाहन नामक कल्प में नारायण नाम के भगवान् --

श्लोक 23 (shiva.vayaviya.13.23)

दिव्यं वर्षसहस्रं तु मेघो भूत्वावहद्धराम् । तस्य भावं समालक्ष्य विष्णोर्विश्वजगद्गुरुः

divyaṁ varṣasahasraṁ tu megho bhūtvāvahaddharām | tasya bhāvaṁ samālakṣya viṣṇorviśvajagadguruḥ

-- मेघ बनकर एक दिव्य सहस्र वर्ष तक पृथ्वी को धारण किए रहे। विष्णु के उस भाव को देखकर विश्व-जगत् के गुरु --

श्लोक 24 (shiva.vayaviya.13.24)

सर्वः सर्वात्मभावेन प्रददौ शक्तिमव्ययाम् । शक्तिं लब्ध्वा तु सर्वात्मा शिवात्सर्वेश्वरात्तदा

sarvaḥ sarvātmabhāvena pradadau śaktimavyayām | śaktiṁ labdhvā tu sarvātmā śivātsarveśvarāttadā

-- सर्वात्मा शिव ने उन्हें सर्वात्मभाव से अविनाशी शक्ति प्रदान की। उस शक्ति को सर्वेश्वर शिव से प्राप्त करके सर्वात्मा विष्णु ने तब --

श्लोक 25 (shiva.vayaviya.13.25)

ससर्ज भगावन् विष्णुर्विश्वं विश्वसृजा सह । विष्णोस्तद्वैभवं दृष्ट्वा सृष्टस्तेन पितामहः

sasarja bhagāvan viṣṇurviśvaṁ viśvasṛjā saha | viṣṇostadvaibhavaṁ dṛṣṭvā sṛṣṭastena pitāmahaḥ

-- विश्वस्रष्टा (ब्रह्मा) के साथ मिलकर सम्पूर्ण विश्व की सृष्टि की। विष्णु के उस वैभव को देखकर, उन्हीं के द्वारा उत्पन्न पितामह --

श्लोक 26 (shiva.vayaviya.13.26)

ईर्ष्यया परया ग्रस्तः प्रहसन्निदमब्रवीत् । गच्छ विष्णो मया ज्ञातं तव सर्गस्य कारणम् । आवयोरधिकश्चास्ति स रुद्रो नात्र संशयः

īrṣyayā parayā grastaḥ prahasannidamabravīt | gaccha viṣṇo mayā jñātaṁ tava sargasya kāraṇam | āvayoradhikaścāsti sa rudro nātra saṁśayaḥ

-- अत्यन्त ईर्ष्या से ग्रस्त होकर हँसते हुए बोले -- 'हे विष्णु, जाओ! मुझे तुम्हारी सृष्टि का कारण ज्ञात हो गया है। हम दोनों में रुद्र ही श्रेष्ठ हैं, इसमें कोई सन्देह नहीं।'

श्लोक 27 (shiva.vayaviya.13.27)

तस्य देवाधिदेवस्य प्रसादात्परमेष्ठिनः । स्रष्टा त्वं भगवानाद्यः पालकः परमार्थतः

tasya devādhidevasya prasādātparameṣṭhinaḥ | sraṣṭā tvaṁ bhagavānādyaḥ pālakaḥ paramārthataḥ

'उन देवाधिदेव परमेष्ठी के प्रसाद से ही तुम, हे भगवान्, आदि सृष्टिकर्ता हो, परन्तु वास्तव में तुम केवल पालक हो।'

श्लोक 28 (shiva.vayaviya.13.28)

अहं च तपसाराध्य रुद्रं त्रिदशनायकम् । त्वया सह जगत्सर्वं स्रक्ष्याम्यत्र न संशयः

ahaṁ ca tapasārādhya rudraṁ tridaśanāyakam | tvayā saha jagatsarvaṁ srakṣyāmyatra na saṁśayaḥ

'और मैं तप द्वारा त्रिदशपति रुद्र को प्रसन्न करके, तुम्हारे साथ मिलकर सम्पूर्ण जगत् की सृष्टि करूँगा, इसमें कोई सन्देह नहीं।'

श्लोक 29 (shiva.vayaviya.13.29)

एवं विष्णुमुपालभ्य भगवानब्जसम्भवः । एवं विज्ञापयामास तपसा प्राप्य शङ्करम्

evaṁ viṣṇumupālabhya bhagavānabjasambhavaḥ | evaṁ vijñāpayāmāsa tapasā prāpya śaṅkaram

इस प्रकार विष्णु को उलाहना देकर, कमल से उत्पन्न भगवान् ब्रह्मा ने तप से शंकर को प्राप्त कर उनसे यह निवेदन किया --

श्लोक 30 (shiva.vayaviya.13.30)

भगवन् देवदेवेश विश्वेश्वर महेश्वर । तव वामाङ्गजो विष्णुर्दक्षिणाङ्गभवो ह्यहम्

bhagavan devadeveśa viśveśvara maheśvara | tava vāmāṅgajo viṣṇurdakṣiṇāṅgabhavo hyaham

'हे भगवन्, देवाधिदेवेश, विश्वेश्वर, महेश्वर! विष्णु आपके वाम अंग से उत्पन्न हुए हैं, और मैं आपके दक्षिण अंग से उत्पन्न हुआ हूँ।'

श्लोक 31 (shiva.vayaviya.13.31)

मया सह जगत्सर्वं तथाप्यसृजदच्युतः । स मत्सरादुपालब्धस्त्वदाश्रयबलान्मया

mayā saha jagatsarvaṁ tathāpyasṛjadacyutaḥ | sa matsarādupālabdhastvadāśrayabalānmayā

'फिर भी अच्युत ने मेरे साथ मिलकर ही सम्पूर्ण जगत् की सृष्टि की। तुम्हारे आश्रय के बल पर ही मैंने ईर्ष्यावश उन्हें उलाहना दिया।'

श्लोक 32 (shiva.vayaviya.13.32)

मद्भावान्नाधिकस्तेऽतिभावस्त्वयि महेश्वरे । त्वत्त एव समुत्पत्तिरावयोः सदृशी यतः

madbhāvānnādhikaste'tibhāvastvayi maheśvare | tvatta eva samutpattirāvayoḥ sadṛśī yataḥ

'हे महेश्वर! उनकी आपके प्रति भक्ति मेरी भक्ति से अधिक नहीं है, क्योंकि हम दोनों की उत्पत्ति समान रूप से आपसे ही हुई है।'

श्लोक 33 (shiva.vayaviya.13.33)

तस्य भक्त्या यथापूर्वं प्रसादं कृतवानसि । तथा ममापि तत्सर्वं दातुमर्हसि शङ्कर

tasya bhaktyā yathāpūrvaṁ prasādaṁ kṛtavānasi | tathā mamāpi tatsarvaṁ dātumarhasi śaṅkara

'जैसे आपने उनकी भक्ति से प्रसन्न होकर पहले उन पर अनुग्रह किया, वैसे ही हे शंकर, वह सब कुछ मुझे भी प्रदान करने योग्य है।'

श्लोक 34 (shiva.vayaviya.13.34)

इति विज्ञापितस्तेन भगवान् भगनेत्रहा । न्यायेन वै ददौ सर्वं तस्यापि स घृणानिधिः

iti vijñāpitastena bhagavān bhaganetrahā | nyāyena vai dadau sarvaṁ tasyāpi sa ghṛṇānidhiḥ

इस प्रकार उनके निवेदन करने पर, करुणा के निधि, भगनेत्रहर भगवान् ने न्यायपूर्वक उन्हें भी वह सब प्रदान कर दिया।

श्लोक 35 (shiva.vayaviya.13.35)

लब्ध्वैवमीश्वरादेव ब्रह्मा सर्वात्मतां क्षणात् । त्वरमाणोऽथ सङ्गम्य ददर्श पुरुषोत्तमम्

labdhvaivamīśvarādeva brahmā sarvātmatāṁ kṣaṇāt | tvaramāṇo'tha saṅgamya dadarśa puruṣottamam

इस प्रकार ईश्वर से क्षणमात्र में सर्वात्मत्व प्राप्त करके, ब्रह्मा शीघ्रता से जाकर पुरुषोत्तम के पास पहुँचे और उन्हें देखा,

श्लोक 36 (shiva.vayaviya.13.36)

क्षीरार्णवालये शुभ्रे विमाने सूर्यसन्निभे । हेमरत्नान्विते दिव्ये मनसा तेन निर्मिते

kṣīrārṇavālaye śubhre vimāne sūryasannibhe | hemaratnānvite divye manasā tena nirmite

-- क्षीरसागर के अपने निवास में, श्वेत, सूर्य के समान तेजस्वी, स्वर्ण-रत्नों से युक्त, दिव्य विमान में, जिसे उन्होंने स्वयं मन से रचा था --

श्लोक 37 (shiva.vayaviya.13.37)

अनन्तभोगशय्यायां शयानं पङ्कजेक्षणम् । चतुर्भुजमुदाराङ्गं सर्वाभरणभूषितम्

anantabhogaśayyāyāṁ śayānaṁ paṅkajekṣaṇam | caturbhujamudārāṅgaṁ sarvābharaṇabhūṣitam

-- अनन्त शेष की शय्या पर लेटे हुए, कमल-नेत्र, चतुर्भुज, उदार अंगों वाले, सर्व आभूषणों से सुसज्जित,

श्लोक 38 (shiva.vayaviya.13.38)

शङ्खचक्रधरं सौम्यं चन्द्रबिम्बसमाननम् । श्रीवत्सवक्षसं देवं प्रसन्नमधुरस्मितम्

śaṅkhacakradharaṁ saumyaṁ candrabimbasamānanam | śrīvatsavakṣasaṁ devaṁ prasannamadhurasmitam

-- शंख-चक्र धारण किए, सौम्य, चन्द्रमा के समान मुख वाले, वक्षस्थल पर श्रीवत्स-चिह्न वाले, प्रसन्न और मधुर मुस्कान वाले देव --

श्लोक 39 (shiva.vayaviya.13.39)

धरामृदुकराम्भोजस्पर्शरक्तपदाम्बुजम् । क्षीरार्णवामृतमिव शयानं योगनिद्रया

dharāmṛdukarāmbhojasparśaraktapadāmbujam | kṣīrārṇavāmṛtamiva śayānaṁ yoganidrayā

-- अपने ही कोमल कर-कमलों के स्पर्श से रक्तवर्ण हुए चरण-कमलों वाले, क्षीरसागर के अमृत के समान योगनिद्रा में लेटे हुए --

श्लोक 40 (shiva.vayaviya.13.40)

तमसा कालरुद्राख्यं रजसा कनकाण्डजम् । सत्त्वेन सर्वगं विष्णुं निर्गुणत्वे महेश्वरम्

tamasā kālarudrākhyaṁ rajasā kanakāṇḍajam | sattvena sarvagaṁ viṣṇuṁ nirguṇatve maheśvaram

-- जो तमोगुण से काल-रुद्र कहलाते हैं, रजोगुण से स्वर्ण-अण्डज (ब्रह्मा), सत्त्वगुण से सर्वव्यापी विष्णु, और निर्गुण अवस्था में महेश्वर हैं।

श्लोक 41 (shiva.vayaviya.13.41)

तं दृष्ट्वा पुरुषं ब्रह्मा प्रगल्भमिदमब्रवीत् । ग्रसामि त्वामहं विष्णो त्वमात्मानं यथा पुरा

taṁ dṛṣṭvā puruṣaṁ brahmā pragalbhamidamabravīt | grasāmi tvāmahaṁ viṣṇo tvamātmānaṁ yathā purā

उस पुरुष को देखकर ब्रह्मा ने साहसपूर्वक कहा -- 'हे विष्णु, जैसे तुमने पहले स्वयं को निगल लिया था, वैसे ही अब मैं तुम्हें निगल लूँगा।'

श्लोक 42 (shiva.vayaviya.13.42)

तस्य तद्वचनं श्रुत्वा प्रतिबुद्ध्य पितामहम् । उदैक्षत महाबाहुः स्मितमीषच्चकार च

tasya tadvacanaṁ śrutvā pratibuddhya pitāmaham | udaikṣata mahābāhuḥ smitamīṣaccakāra ca

उनका यह वचन सुनकर, महाबाहु विष्णु ने जागकर पितामह की ओर देखा और हल्की मुस्कान बिखेरी।

श्लोक 43 (shiva.vayaviya.13.43)

तस्मिन्नवसरे विष्णुर्ग्रस्तस्तेन महात्मना । सृष्टश्च ब्रह्मणा सद्यो भ्रुवोर्मध्यादयत्नतः

tasminnavasare viṣṇurgrastastena mahātmanā | sṛṣṭaśca brahmaṇā sadyo bhruvormadhyādayatnataḥ

उसी क्षण, उन महात्मा (ब्रह्मा) द्वारा विष्णु का ग्रास किया गया, और तत्काल, बिना किसी प्रयत्न के, ब्रह्मा की भौंहों के मध्य से पुनः उनकी सृष्टि हो गई।

श्लोक 44 (shiva.vayaviya.13.44)

तस्मिन्नवसरे साक्षाद्भगवानिन्दुभूषणः । शक्तिं तयोरपि द्रष्टुमरूपो रूपमास्थितः

tasminnavasare sākṣādbhagavānindubhūṣaṇaḥ | śaktiṁ tayorapi draṣṭumarūpo rūpamāsthitaḥ

उसी अवसर पर स्वयं चन्द्रशेखर भगवान्, दोनों की शक्ति को देखने के लिए, स्वयं रूपरहित होते हुए भी, साक्षात् रूप धारण करके प्रकट हुए।

श्लोक 45 (shiva.vayaviya.13.45)

प्रसादमतुलं कर्तुं पुरा दत्तवरस्तयोः । आगच्छत्तत्र यत्रेमौ ब्रह्मनारायणौ स्थितौ

prasādamatulaṁ kartuṁ purā dattavarastayoḥ | āgacchattatra yatremau brahmanārāyaṇau sthitau

जिन्होंने पहले दोनों को वरदान दिया था, वे अनुपम अनुग्रह करने के लिए उस स्थान पर आए, जहाँ ब्रह्मा और नारायण दोनों खड़े थे।

श्लोक 46 (shiva.vayaviya.13.46)

अथ तुष्टुवतुर्देवं प्रीतौ भीतौ च कौतुकात् । प्रणेमतुश्च बहुशो बहुमानेन दूरतः

atha tuṣṭuvaturdevaṁ prītau bhītau ca kautukāt | praṇematuśca bahuśo bahumānena dūrataḥ

तब उन दोनों ने, कौतुक से हर्षित और भयभीत दोनों होकर, देव की स्तुति की, और दूर से ही बार-बार अत्यन्त आदरपूर्वक प्रणाम किया।

श्लोक 47 (shiva.vayaviya.13.47)

भवोऽपि भगवानेतावनुगृह्य पिनाकधृक् । सादरं पश्यतोरेव तयोरन्तरधीयत

bhavo'pi bhagavānetāvanugṛhya pinākadhṛk | sādaraṁ paśyatoreva tayorantaradhīyata

पिनाकधारी भगवान् भव ने भी इन दोनों पर अनुग्रह करके, उन दोनों के आदरपूर्वक देखते-देखते ही वहाँ से अन्तर्धान हो गए।