रुद्र का आविर्भाव

श्लोक 1 (shiva.vayaviya.14.1)

वायुरुवाच । प्रतिकल्पं प्रवक्ष्यामि रुद्राविर्भावकारणम् । यतोऽविच्छिन्नसन्ताना ब्रह्मसृष्टिः प्रवर्तते

vāyuruvāca | pratikalpaṁ pravakṣyāmi rudrāvirbhāvakāraṇam | yato'vicchinnasantānā brahmasṛṣṭiḥ pravartate

वायु ने कहा -- अब मैं प्रत्येक कल्प में रुद्र के आविर्भाव का कारण बताऊँगा, जिससे ब्रह्मा की सृष्टि अविच्छिन्न सन्तति के रूप में चलती रहती है।

श्लोक 2 (shiva.vayaviya.14.2)

कल्पे कल्पे प्रजाः सृष्ट्वा ब्रह्मा ब्रह्माण्डसम्भवः । अवृद्धिहेतोर्भूतानां मुमोह भृशदुःखितः

kalpe kalpe prajāḥ sṛṣṭvā brahmā brahmāṇḍasambhavaḥ | avṛddhihetorbhūtānāṁ mumoha bhṛśaduḥkhitaḥ

प्रत्येक कल्प में प्रजा को उत्पन्न करके भी, ब्रह्माण्ड से उत्पन्न ब्रह्मा प्राणियों की वृद्धि न होने के कारण अत्यन्त दुःखी होकर मोहग्रस्त हो जाते थे।

श्लोक 3 (shiva.vayaviya.14.3)

तस्य दुःखप्रशान्त्यर्थं प्रजानां च विवृद्धये । तत्तत्कल्पेषु कालात्मा रुद्रो रुद्रगणाधिपः

tasya duḥkhapraśāntyarthaṁ prajānāṁ ca vivṛddhaye | tattatkalpeṣu kālātmā rudro rudragaṇādhipaḥ

उनके दुःख को शान्त करने और प्रजा की वृद्धि के लिए, उन-उन कल्पों में कालस्वरूप रुद्रगणों के स्वामी रुद्र --

श्लोक 4 (shiva.vayaviya.14.4)

निर्दिष्टः परमेशेन महेशो नीललोहितः । पुत्रो भूत्वानुगृह्णाति ब्रह्माणं ब्रह्मणोऽनुजः

nirdiṣṭaḥ parameśena maheśo nīlalohitaḥ | putro bhūtvānugṛhṇāti brahmāṇaṁ brahmaṇo'nujaḥ

-- परमेश्वर द्वारा नियुक्त होकर, नीललोहित महेश, ब्रह्मा के पुत्र बनकर, यद्यपि ब्रह्मा से छोटे हैं, फिर भी उन पर अनुग्रह करते हैं।

श्लोक 5 (shiva.vayaviya.14.5)

स एव भगवानीशस्तेजोराशिरनामयः । अनादिनिधनो धाता भूतसङ्कोचको विभुः

sa eva bhagavānīśastejorāśiranāmayaḥ | anādinidhano dhātā bhūtasaṅkocako vibhuḥ

वे ही भगवान् ईश हैं, तेज की राशि, रोगरहित; अनादि-अनन्त, विधाता, तथा प्राणियों का संकोच करने वाले सर्वव्यापी।

श्लोक 6 (shiva.vayaviya.14.6)

परमैश्वर्यसंयुक्तः परमेश्वरभावितः । तच्छक्त्याधिष्ठितः शश्वत्तच्चिह्नैरपि चिह्नितः

paramaiśvaryasaṁyuktaḥ parameśvarabhāvitaḥ | tacchaktyādhiṣṭhitaḥ śaśvattaccihnairapi cihnitaḥ

परम ऐश्वर्य से युक्त, परमेश्वर से आपूरित, सदा उनकी शक्ति से अधिष्ठित, तथा उन्हीं के चिह्नों से चिह्नित,

श्लोक 7 (shiva.vayaviya.14.7)

तन्नामनामा तद्रूपस्तत्कार्यकरणक्षमः । तत्तुल्यव्यवहारश्च तदाज्ञापरिपालकः

tannāmanāmā tadrūpastatkāryakaraṇakṣamaḥ | tattulyavyavahāraśca tadājñāparipālakaḥ

-- उन्हीं का नाम धारण करने वाले, उन्हीं का रूप धारण करने वाले, उनका कार्य सम्पन्न करने में समर्थ, उनके समान आचरण करने वाले, तथा उनकी आज्ञा का पालन करने वाले।

श्लोक 8 (shiva.vayaviya.14.8)

सहस्रादित्यसङ्काशश्चन्द्रावयवभूषणः । भुजङ्गहारकेयूरवलयो मुञ्जमेखलः

sahasrādityasaṅkāśaścandrāvayavabhūṣaṇaḥ | bhujaṅgahārakeyūravalayo muñjamekhalaḥ

सहस्र सूर्यों के समान तेजस्वी, चन्द्रकला से विभूषित, सर्पों के हार-केयूर-कंकण पहने हुए, मूँज की मेखला धारण किए हुए,

श्लोक 9 (shiva.vayaviya.14.9)

जलन्धरविरिञ्चेन्द्रकपालशकलोज्ज्वलः । गङ्गातुङ्गतरङ्गार्द्रपिङ्गलाननमूर्द्धजः

jalandharaviriñcendrakapālaśakalojjvalaḥ | gaṅgātuṅgataraṅgārdrapiṅgalānanamūrddhajaḥ

कपाल-खण्डों से देदीप्यमान, गंगा की ऊँची लहरों से भीगे हुए पिंगल केशों और मुख वाले,

श्लोक 10 (shiva.vayaviya.14.10)

भग्नदंष्ट्राङ्कुराक्रान्तप्रान्तकान्तधराधरः । सव्यश्रवणपार्श्वान्तमण्डलीकृतकुण्डलः

bhagnadaṁṣṭrāṅkurākrāntaprāntakāntadharādharaḥ | savyaśravaṇapārśvāntamaṇḍalīkṛtakuṇḍalaḥ

जिनका पर्वत-सदृश सुन्दर शरीर टूटे हुए दाँतों के अंकुरों से आवृत था, जिनका कुण्डल बाएँ कान के पार्श्व में गोलाकार बना हुआ था,

श्लोक 11 (shiva.vayaviya.14.11)

महावृषभनिर्याणो महाजलदनिःस्वनः । महानलसमप्रख्यो महाबलपराक्रमः

mahāvṛṣabhaniryāṇo mahājaladaniḥsvanaḥ | mahānalasamaprakhyo mahābalaparākramaḥ

महान् वृषभ पर सवार होकर निकलने वाले, महामेघ की गर्जना जैसी ध्वनि वाले, महान् अग्नि के समान तेजस्वी, महान् बल और पराक्रम से युक्त।

श्लोक 12 (shiva.vayaviya.14.12)

एवं घोरमहारूपो ब्रह्मपुत्रो महेश्वरः । विज्ञानं ब्रह्मणे दत्त्वा सर्गं सह करोति च

evaṁ ghoramahārūpo brahmaputro maheśvaraḥ | vijñānaṁ brahmaṇe dattvā sargaṁ saha karoti ca

इस प्रकार भयंकर और महान् रूप वाले, ब्रह्मा के पुत्र महेश्वर, ब्रह्मा को ज्ञान प्रदान करके उनके साथ मिलकर सृष्टि-कार्य करते हैं।

श्लोक 13 (shiva.vayaviya.14.13)

तस्माद् रुद्रप्रसादेन प्रतिकल्पं प्रजापतेः । प्रवाहरूपतो नित्या प्रजासृष्टिः प्रवर्तते

tasmād rudraprasādena pratikalpaṁ prajāpateḥ | pravāharūpato nityā prajāsṛṣṭiḥ pravartate

इसीलिए रुद्र के प्रसाद से, प्रत्येक कल्प में, प्रजापति की प्रजा-सृष्टि प्रवाह के रूप में नित्य चलती रहती है।

श्लोक 14 (shiva.vayaviya.14.14)

कदाचित्प्रार्थितः स्रष्टुं ब्रह्मणा नीललोहितः । स्वात्मना सदृशान् सर्वान् ससर्ज मनसा विभुः

kadācitprārthitaḥ sraṣṭuṁ brahmaṇā nīlalohitaḥ | svātmanā sadṛśān sarvān sasarja manasā vibhuḥ

एक बार ब्रह्मा द्वारा सृष्टि करने की प्रार्थना किए जाने पर, विभु नीललोहित ने केवल मन से अपने ही समान सभी को उत्पन्न किया,

श्लोक 15 (shiva.vayaviya.14.15)

कपर्दिनो निरातङ्कान्नीलग्रीवाँस्त्रिलोचनान् । जरामरणनिर्मुक्तान् दीप्तशूलवरायुधान्

kapardino nirātaṅkānnīlagrīvā~strilocanān | jarāmaraṇanirmuktān dīptaśūlavarāyudhān

-- जटाजूटधारी, निर्भय, नीलकण्ठ, त्रिनेत्र, जरा-मृत्यु से रहित, देदीप्यमान त्रिशूल जैसे उत्तम आयुध धारण करने वाले।

श्लोक 16 (shiva.vayaviya.14.16)

तैस्तु सञ्छादितं सर्वं चतुर्दशविधं जगत् । तान्दृष्ट्वा विविधान् रुद्रान् रुद्रमाह पितामहः

taistu sañchāditaṁ sarvaṁ caturdaśavidhaṁ jagat | tāndṛṣṭvā vividhān rudrān rudramāha pitāmahaḥ

उनसे यह सम्पूर्ण चौदह प्रकार का जगत् व्याप्त हो गया। उन विविध रुद्रों को देखकर पितामह ने रुद्र से कहा --

श्लोक 17 (shiva.vayaviya.14.17)

नमस्ते देवदेवेश मास्राक्षीरीदृशीः प्रजाः । अन्याः सृज त्वं भद्रं ते प्रजा मृत्युसमन्विताः

namaste devadeveśa māsrākṣīrīdṛśīḥ prajāḥ | anyāḥ sṛja tvaṁ bhadraṁ te prajā mṛtyusamanvitāḥ

'हे देवाधिदेवेश, आपको नमस्कार है! इस प्रकार की प्रजा मत उत्पन्न कीजिए। आप अन्य प्रजा उत्पन्न कीजिए -- आपका कल्याण हो -- जो मृत्यु सहित हों।'

श्लोक 18 (shiva.vayaviya.14.18)

इत्युक्तः प्रहसन्प्राह ब्रह्माणं परमेश्वरः । नास्ति मे तादृशः सर्गः सृज त्वमशुभाः प्रजाः

ityuktaḥ prahasanprāha brahmāṇaṁ parameśvaraḥ | nāsti me tādṛśaḥ sargaḥ sṛja tvamaśubhāḥ prajāḥ

इस प्रकार कहे जाने पर परमेश्वर ने हँसते हुए ब्रह्मा से कहा -- 'मुझमें ऐसी और सृष्टि नहीं है। तुम स्वयं ही ऐसी नश्वर प्रजा उत्पन्न करो।'

श्लोक 19 (shiva.vayaviya.14.19)

ये त्विमे मनसा सृष्टा महात्मानो महाबलाः । चरिष्यन्ति मया सार्द्धं सर्व एव हि याज्ञिकाः

ye tvime manasā sṛṣṭā mahātmāno mahābalāḥ | cariṣyanti mayā sārddhaṁ sarva eva hi yājñikāḥ

'परन्तु जो ये महात्मा, महाबली मेरे द्वारा मन से उत्पन्न हुए हैं, वे सब यज्ञपरायण होकर मेरे साथ ही विचरण करेंगे।'

श्लोक 20 (shiva.vayaviya.14.20)

इत्युक्त्वा विश्वकर्माणं विश्वभूतेश्वरो हरः । सह रुद्रैः प्रजासर्गान्निवृत्तात्माध्यतिष्ठत

ityuktvā viśvakarmāṇaṁ viśvabhūteśvaro haraḥ | saha rudraiḥ prajāsargānnivṛttātmādhyatiṣṭhata

विश्वकर्मा ब्रह्मा से यह कहकर, विश्व के समस्त प्राणियों के स्वामी हर, रुद्रों के साथ, प्रजा की सृष्टि से अपने आपको हटाकर अलग स्थित हो गए।

श्लोक 21 (shiva.vayaviya.14.21)

ततः प्रभृति देवोऽसौ न प्रसूते प्रजाः शुभाः । ऊर्ध्वरेताः स्थितः स्थाणुर्यावदाभूतसम्प्लवम्

tataḥ prabhṛti devo'sau na prasūte prajāḥ śubhāḥ | ūrdhvaretāḥ sthitaḥ sthāṇuryāvadābhūtasamplavam

उस समय से वे देव शुभ (अमर) प्रजा उत्पन्न नहीं करते; प्रलय होने तक ऊर्ध्वरेता स्थाणु के समान स्थिर रहते हैं।