शिव-शिवा स्तुति

श्लोक 1 (shiva.vayaviya.15.1)

वायुरुवाच । यदा पुनः प्रजाः सृष्टा न व्यवर्द्धन्त वेधसः । तदा मैथुनजां सृष्टिं ब्रह्मा कर्तुममन्यत

vāyuruvāca | yadā punaḥ prajāḥ sṛṣṭā na vyavarddhanta vedhasaḥ | tadā maithunajāṁ sṛṣṭiṁ brahmā kartumamanyata

वायु ने कहा -- जब विधाता की सृष्ट प्रजा फिर भी नहीं बढ़ी, तब ब्रह्मा ने मैथुन से उत्पन्न होने वाली सृष्टि करने का विचार किया।

श्लोक 2 (shiva.vayaviya.15.2)

न निर्गतं पुरा यस्मान्नारीणां कुलमीश्वरात् । तेन मैथुनजां सृष्टिं न शशाक पितामहः

na nirgataṁ purā yasmānnārīṇāṁ kulamīśvarāt | tena maithunajāṁ sṛṣṭiṁ na śaśāka pitāmahaḥ

परन्तु चूँकि उस समय तक ईश्वर से नारी-कुल उत्पन्न ही नहीं हुआ था, इसलिए पितामह मैथुनज सृष्टि करने में असमर्थ रहे।

श्लोक 3 (shiva.vayaviya.15.3)

ततः स विदधे बुद्धिमर्थनिश्चयगामिनीम् । प्रजानमेव वृद्ध्यर्थं प्रष्टव्यः परमेश्वर

tataḥ sa vidadhe buddhimarthaniścayagāminīm | prajānameva vṛddhyarthaṁ praṣṭavyaḥ parameśvara

तब उन्होंने यह दृढ़ निश्चय किया -- 'प्रजा की वृद्धि के लिए परमेश्वर से ही प्रार्थना करनी चाहिए।'

श्लोक 4 (shiva.vayaviya.15.4)

प्रसादेन विना तस्य न वर्द्धेरन्निमाः प्रजाः । एवं सञ्चिन्त्य विश्वात्मा तपः कर्तुं प्रचक्रमे

prasādena vinā tasya na varddherannimāḥ prajāḥ | evaṁ sañcintya viśvātmā tapaḥ kartuṁ pracakrame

'उनकी कृपा के बिना यह प्रजा नहीं बढ़ेगी' -- ऐसा विचार करके विश्वात्मा ब्रह्मा तपस्या करने के लिए प्रवृत्त हुए।

श्लोक 5 (shiva.vayaviya.15.5)

तदाद्या परमा शक्तिरनन्ता लोकभाविनी । आद्या सूक्ष्मतरा शुद्धा भावगम्या मनोहरा

tadādyā paramā śaktiranantā lokabhāvinī | ādyā sūkṣmatarā śuddhā bhāvagamyā manoharā

तब आद्या परम शक्ति, अनन्त, लोकों की उत्पत्ति की कारणभूता, आद्या, अत्यन्त सूक्ष्म, शुद्ध, भाव से ही ग्राह्य, मनोहर,

श्लोक 6 (shiva.vayaviya.15.6)

निर्गुणा निष्प्रपञ्चा च निष्कला निरुपप्लवा । निरन्तररता नित्या नित्यमीश्वरपार्श्वगा

nirguṇā niṣprapañcā ca niṣkalā nirupaplavā | nirantararatā nityā nityamīśvarapārśvagā

-- निर्गुण, प्रपंचरहित, निष्कल, विपत्तिरहित, सदा अपने में रत, नित्य, तथा सदा ईश्वर के पार्श्व में रहने वाली --

श्लोक 7 (shiva.vayaviya.15.7)

तया परमया शक्त्या भगवन्तं त्रियम्बकम् । सञ्चिन्त्य हृदये ब्रह्मा तताप परमं तपः

tayā paramayā śaktyā bhagavantaṁ triyambakam | sañcintya hṛdaye brahmā tatāpa paramaṁ tapaḥ

-- उस परम शक्ति के साथ भगवान् त्रिनेत्र का हृदय में चिन्तन करते हुए ब्रह्मा ने परम तप किया।

श्लोक 8 (shiva.vayaviya.15.8)

तीव्रेण तपसा तस्य युक्तस्य परमेष्ठिनः । अचिरेणैव कालेन पिता सम्प्रतुतोष ह

tīvreṇa tapasā tasya yuktasya parameṣṭhinaḥ | acireṇaiva kālena pitā sampratutoṣa ha

उस परमेष्ठी के तीव्र तप से युक्त होने पर, थोड़े ही समय में उनके पिता (शिव) अत्यन्त प्रसन्न हुए।

श्लोक 9 (shiva.vayaviya.15.9)

ततः केनचिदंशेन मूर्तिमाविश्य कामपि । अर्द्धनारीश्वरो भूत्वा ययौ देवः स्वयं हरः

tataḥ kenacidaṁśena mūrtimāviśya kāmapi | arddhanārīśvaro bhūtvā yayau devaḥ svayaṁ haraḥ

तब किसी एक अंश से किसी विशेष मूर्ति में प्रविष्ट होकर, स्वयं देव हर, अर्द्धनारीश्वर बनकर वहाँ पधारे।

श्लोक 10 (shiva.vayaviya.15.10)

तं दृष्ट्वा परमं देवं तमसः परमव्ययम् । अद्वितीयमनिर्देश्यमदृश्यमकृतात्मभिः

taṁ dṛṣṭvā paramaṁ devaṁ tamasaḥ paramavyayam | advitīyamanirdeśyamadṛśyamakṛtātmabhiḥ

अन्धकार से परे, अविनाशी, अद्वितीय, अनिर्देश्य, तथा असंस्कृत अन्तःकरण वालों के लिए अदृश्य उस परम देव को देखकर,

श्लोक 11 (shiva.vayaviya.15.11)

सर्वलोकविधातारं सर्वलोकेश्वरेश्वरम् । सर्वलोकविधायिन्या शक्त्या परमया युतम्

sarvalokavidhātāraṁ sarvalokeśvareśvaram | sarvalokavidhāyinyā śaktyā paramayā yutam

-- सम्पूर्ण लोकों के विधाता, सम्पूर्ण लोकेश्वरों के भी ईश्वर, सम्पूर्ण लोकों की रचयित्री परम शक्ति से युक्त,

श्लोक 12 (shiva.vayaviya.15.12)

अप्रतर्क्यमनाभासममेयमजरं ध्रुवम् । अचलं निर्गुणं शान्तमनन्तमहिमास्पदम्

apratarkyamanābhāsamameyamajaraṁ dhruvam | acalaṁ nirguṇaṁ śāntamanantamahimāspadam

-- तर्क से अगम्य, अप्रकट, अपरिमेय, अजर, ध्रुव, अचल, निर्गुण, शान्त, अनन्त महिमा के आश्रयस्थान,

श्लोक 13 (shiva.vayaviya.15.13)

सर्वगं सर्वदं सर्वसदसद्व्यक्तिवर्जितम् । सर्वोपमाननिर्मुक्तं शरण्यं शाश्वतं शिवम्

sarvagaṁ sarvadaṁ sarvasadasadvyaktivarjitam | sarvopamānanirmuktaṁ śaraṇyaṁ śāśvataṁ śivam

-- सर्वव्यापी, सबके दाता, सत् और असत् दोनों की प्रकट अवस्था से रहित, सभी उपमाओं से मुक्त, शरण देने योग्य, शाश्वत, कल्याणकारी --

श्लोक 14 (shiva.vayaviya.15.14)

प्रणम्य दण्डवद् ब्रह्मा समुत्थाय कृताञ्जलिः । श्रद्धाविनयसम्पन्नैः श्राव्यैः संस्कारसंयुतैः

praṇamya daṇḍavad brahmā samutthāya kṛtāñjaliḥ | śraddhāvinayasampannaiḥ śrāvyaiḥ saṁskārasaṁyutaiḥ

-- ब्रह्मा ने दण्डवत् प्रणाम करके उठकर, हाथ जोड़कर, श्रद्धा और विनय से युक्त, सुनने में मधुर, व्याकरण-सम्मत,

श्लोक 15 (shiva.vayaviya.15.15)

यथार्थयुक्तसर्वार्थैर्वेदार्थपरिबृंहितैः । तुष्टाव देवं देवीं च सूक्तैः सूक्ष्मार्थगोचरैः

yathārthayuktasarvārthairvedārthaparibṛṁhitaiḥ | tuṣṭāva devaṁ devīṁ ca sūktaiḥ sūkṣmārthagocaraiḥ

यथार्थ अर्थों से युक्त, वेद के अर्थ से समृद्ध, सूक्ष्म अर्थ वाले सूक्तों से देव और देवी दोनों की स्तुति की।

श्लोक 16 (shiva.vayaviya.15.16)

ब्रह्मोवाच । जय देव महादेव जयेश्वर महेश्वर । जय सर्वगुणश्रेष्ठ जय सर्वसुराधिप

brahmovāca | jaya deva mahādeva jayeśvara maheśvara | jaya sarvaguṇaśreṣṭha jaya sarvasurādhipa

ब्रह्मा ने कहा -- हे देव महादेव, आपकी जय हो! हे ईश्वर महेश्वर, आपकी जय हो! हे सर्वगुण-श्रेष्ठ, जय हो! हे समस्त देवताओं के अधिपति, जय हो!

श्लोक 17 (shiva.vayaviya.15.17)

जय प्रकृतिकल्याणि जय प्रकृतिनायिके । जय प्रकृतिदूरे त्वं जय प्रकृतिसुन्दरि

jaya prakṛtikalyāṇi jaya prakṛtināyike | jaya prakṛtidūre tvaṁ jaya prakṛtisundari

हे प्रकृतिस्वरूपा कल्याणी, जय हो! हे प्रकृति की स्वामिनी, जय हो! हे प्रकृति से भी परे, आपकी जय हो! हे प्रकृतिस्वरूपा सुन्दरी, जय हो!

श्लोक 18 (shiva.vayaviya.15.18)

जयामोघमहामाय जयामोघमनोरथ । जयामोघमहालील जयामोघमहाबल

jayāmoghamahāmāya jayāmoghamanoratha | jayāmoghamahālīla jayāmoghamahābala

हे अमोघ महामाया, जय हो! हे अमोघ मनोरथ वाले, जय हो! हे अमोघ महालीला वाले, जय हो! हे अमोघ महाबल वाले, जय हो!

श्लोक 19 (shiva.vayaviya.15.19)

जय विश्वजगन्मातर्जय विश्वजगन्मयि । जय विश्वजगद्धात्रि जय विश्वजगत्सखि

jaya viśvajaganmātarjaya viśvajaganmayi | jaya viśvajagaddhātri jaya viśvajagatsakhi

हे विश्व-जगत् की माता, जय हो! हे विश्व-जगत् में व्याप्त, जय हो! हे विश्व-जगत् की धारयित्री, जय हो! हे विश्व-जगत् की सखी, जय हो!

श्लोक 20 (shiva.vayaviya.15.20)

जय शाश्वतिकैश्वर्य जय शाश्वतिकालय । जय शाश्वतिकाकार जय शाश्वतिकानुग

jaya śāśvatikaiśvarya jaya śāśvatikālaya | jaya śāśvatikākāra jaya śāśvatikānuga

हे शाश्वत ऐश्वर्य वाले, जय हो! हे शाश्वत निवास वाले, जय हो! हे शाश्वत स्वरूप वाले, जय हो! हे शाश्वत अनुगामी, जय हो!

श्लोक 21 (shiva.vayaviya.15.21)

जयात्मत्रयनिर्मात्रि जयात्मत्रयपालिनि । जयात्मत्रयसंहर्त्रि जयात्मत्रयनायिके

jayātmatrayanirmātri jayātmatrayapālini | jayātmatrayasaṁhartri jayātmatrayanāyike

हे तीनों आत्माओं (गुणों) की रचयित्री, जय हो! हे तीनों की पालनकर्त्री, जय हो! हे तीनों की संहारकर्त्री, जय हो! हे तीनों की स्वामिनी, जय हो!

श्लोक 22 (shiva.vayaviya.15.22)

जयावलोकनायत्तजगत्कारणबृंहण । जयोपेक्षाकटाक्षोत्थहुतभुग्भुक्तभौतिक

jayāvalokanāyattajagatkāraṇabṛṁhaṇa | jayopekṣākaṭākṣotthahutabhugbhuktabhautika

हे जिनके दृष्टिमात्र के अधीन जगत् के कारण की वृद्धि होती है, जय हो! हे जिनकी उपेक्षा भरी कटाक्ष से उठी अग्नि समस्त भौतिक जगत् को भस्म कर देती है, जय हो!

श्लोक 23 (shiva.vayaviya.15.23)

जय देवाद्यविज्ञेये स्वात्मसूक्ष्मदृशोज्ज्वले । जय स्थूलात्मशक्त्येशे जय व्याप्तचराचरे

jaya devādyavijñeye svātmasūkṣmadṛśojjvale | jaya sthūlātmaśaktyeśe jaya vyāptacarācare

हे देवताओं द्वारा भी आदि से अज्ञेय, अपनी सूक्ष्म आत्म-दृष्टि से ही देदीप्यमान, जय हो! हे स्थूल शक्ति की स्वामिनी, जय हो! हे चराचर में व्याप्त, जय हो!

श्लोक 24 (shiva.vayaviya.15.24)

जय नानैकविन्यस्तविश्वतत्त्वसमुच्चय । जयासुरशिरोनिष्ठश्रेष्ठानुगकदम्बक

jaya nānaikavinyastaviśvatattvasamuccaya | jayāsuraśironiṣṭhaśreṣṭhānugakadambaka

हे जिनमें विश्व के अनेक-एक तत्त्वों का समुच्चय समाहित है, जय हो! हे असुरों के मस्तक पर पैर रखने वाले श्रेष्ठ अनुगामियों के समूह वाले, जय हो!

श्लोक 25 (shiva.vayaviya.15.25)

जयोपाश्रितसंरक्षासंविधानपटीयसि । जयोन्मूलितसंसारविषवृक्षाङ्कुरोद्गमे

jayopāśritasaṁrakṣāsaṁvidhānapaṭīyasi | jayonmūlitasaṁsāraviṣavṛkṣāṅkurodgame

हे शरणागतों की रक्षा की व्यवस्था में अत्यन्त कुशल, जय हो! हे संसाररूपी विषवृक्ष के अंकुर को ही उखाड़ फेंकने वाले, जय हो!

श्लोक 26 (shiva.vayaviya.15.26)

जय प्रादेशिकैश्वर्यवीर्यशौर्यविजृम्भण । जय विश्वबहिर्भूत निरस्तपरवैभव

jaya prādeśikaiśvaryavīryaśauryavijṛmbhaṇa | jaya viśvabahirbhūta nirastaparavaibhava

हे सीमित ऐश्वर्य, बल और शौर्य को भी विस्तार देने वाले, जय हो! हे विश्व से भी परे स्थित, अन्य समस्त वैभव को तुच्छ कर देने वाले, जय हो!

श्लोक 27 (shiva.vayaviya.15.27)

जय प्रणीतपञ्चार्थप्रयोगपरमामृत । जय पञ्चार्थविज्ञानसुधास्रोतःस्वरूपिणि

jaya praṇītapañcārthaprayogaparamāmṛta | jaya pañcārthavijñānasudhāsrotaḥsvarūpiṇi

हे पंचार्थ के प्रयोग को प्रवर्तित करने वाले परम अमृत, जय हो! हे पंचार्थ-ज्ञान की अमृत-धारा स्वरूपा, जय हो!

श्लोक 28 (shiva.vayaviya.15.28)

जयातिघोरसंसारमहारोगभिषग्वर । जयानादिमलाज्ञानतमःपटलचन्द्रिके

jayātighorasaṁsāramahārogabhiṣagvara | jayānādimalājñānatamaḥpaṭalacandrike

हे अत्यन्त भयंकर संसार-रूपी महारोग के श्रेष्ठ वैद्य, जय हो! हे अनादि मल और अज्ञान के अन्धकार-आवरण को हरने वाली चाँदनी, जय हो!

श्लोक 29 (shiva.vayaviya.15.29)

जय त्रिपुरकालाग्ने जय त्रिपुरभैरवि । जय त्रिगुणनिर्मुक्ते जय त्रिगुणमर्दिनि

jaya tripurakālāgne jaya tripurabhairavi | jaya triguṇanirmukte jaya triguṇamardini

हे त्रिपुर के लिए कालाग्नि-स्वरूप, जय हो! हे त्रिपुर की भैरवी, जय हो! हे त्रिगुणों से मुक्त, जय हो! हे त्रिगुणों का मर्दन करने वाली, जय हो!

श्लोक 30 (shiva.vayaviya.15.30)

जय प्रथमसर्वज्ञ जय सर्वप्रबोधिके । जय प्रचुरदिव्याङ्ग जय प्रार्थितदायिनि

jaya prathamasarvajña jaya sarvaprabodhike | jaya pracuradivyāṅga jaya prārthitadāyini

हे सर्वप्रथम सर्वज्ञ, जय हो! हे सबको जगाने वाली, जय हो! हे प्रचुर दिव्य अंगों वाले, जय हो! हे प्रार्थित वस्तु के दाता, जय हो!

श्लोक 31 (shiva.vayaviya.15.31)

क्व देव ते परं धाम क्व च तुच्छं च नो वचः । तथापि भगवन् भक्त्या प्रलपन्तं क्षमस्व माम्

kva deva te paraṁ dhāma kva ca tucchaṁ ca no vacaḥ | tathāpi bhagavan bhaktyā pralapantaṁ kṣamasva mām

हे देव, कहाँ आपका परम धाम, और कहाँ हमारे तुच्छ वचन! फिर भी, हे भगवन्, भक्तिवश प्रलाप करते हुए मुझे क्षमा कीजिए।

श्लोक 32 (shiva.vayaviya.15.32)

विज्ञाप्यैवंविधैः सूक्तैर्विश्वकर्मा चतुर्मुखः । नमश्चकार रुद्राय रद्राण्यै च मुहुर्मुहुः

vijñāpyaivaṁvidhaiḥ sūktairviśvakarmā caturmukhaḥ | namaścakāra rudrāya radrāṇyai ca muhurmuhuḥ

इस प्रकार के सूक्तों से निवेदन करके, चतुर्मुख विश्वकर्मा ब्रह्मा ने रुद्र और रुद्राणी दोनों को बार-बार नमस्कार किया।

श्लोक 33 (shiva.vayaviya.15.33)

इदं स्तोत्रवरं पुण्यं ब्रह्मणा समुदीरितम् । अर्द्धनारीश्वरं नाम शिवयोर्हर्षवर्द्धनम्

idaṁ stotravaraṁ puṇyaṁ brahmaṇā samudīritam | arddhanārīśvaraṁ nāma śivayorharṣavarddhanam

ब्रह्मा द्वारा उच्चारित यह श्रेष्ठ, पवित्र स्तोत्र 'अर्द्धनारीश्वर' नाम से जाना जाता है, जो शिव-शिवा दोनों के हर्ष को बढ़ाने वाला है।

श्लोक 34 (shiva.vayaviya.15.34)

य इदं कीर्त्तयेद्भक्त्या यस्य कस्यापि काङ्क्षया । स तत्फलमवाप्नोति शिवयोः प्रीतिकारणात्

ya idaṁ kīrttayedbhaktyā yasya kasyāpi kāṅkṣayā | sa tatphalamavāpnoti śivayoḥ prītikāraṇāt

जो कोई भी इसे भक्तिपूर्वक, किसी भी कामना से कीर्तन करता है, वह शिव-शिवा की प्रसन्नता के कारण उस इच्छित फल को प्राप्त करता है।

श्लोक 35 (shiva.vayaviya.15.35)

सकलभुवनभूतभावनाभ्यां जननविनाशविहीनविग्रहाभ्याम् । नरवरयुवतीवपुर्द्धराभ्यां सततमहं प्रणतोऽस्मि शङ्कराभ्याम्

sakalabhuvanabhūtabhāvanābhyāṁ jananavināśavihīnavigrahābhyām | naravarayuvatīvapurddharābhyāṁ satatamahaṁ praṇato'smi śaṅkarābhyām

सम्पूर्ण लोकों और प्राणियों की भावना करने वाले, जन्म-नाश से रहित शरीर वाले, तथा उत्तम पुरुष और युवती के संयुक्त स्वरूप को धारण करने वाले उन दोनों शंकर को मैं सदा प्रणाम करता हूँ।