वीरभद्र की उत्पत्ति

श्लोक 1 (shiva.vayaviya.19.1)

ऋषय ऊचुः । कथं दक्षस्य धर्मार्थं प्रवृत्तस्य दुरात्मनः । महेशः कृतवान् विघ्नमेतदिच्छाम वेदितुम्

ṛṣaya ūcuḥ | kathaṁ dakṣasya dharmārthaṁ pravṛttasya durātmanaḥ | maheśaḥ kṛtavān vighnametadicchāma veditum

ऋषियों ने कहा — धर्मकार्य में प्रवृत्त हुए दुरात्मा दक्ष में महेश ने विघ्न किस प्रकार डाला, यह हम जानना चाहते हैं।

श्लोक 2 (shiva.vayaviya.19.2)

वायुरुवाच । विश्वस्य जगतो मातुरपि देव्यास्तपोबलात् । पितृभावमुपागम्य मुदिते हिमवद्गिरौ

vāyuruvāca | viśvasya jagato māturapi devyāstapobalāt | pitṛbhāvamupāgamya mudite himavadgirau

वायु ने कहा — विश्व-जगत् की माता उस देवी के तपोबल से, हिमवान् पर्वत आनन्दित होकर उसका पितृभाव प्राप्त कर चुका था।

श्लोक 3 (shiva.vayaviya.19.3)

देवेऽपि तत्कृतोद्वाहे हिमवच्छिखरालये । सङ्क्रीडति तया सार्द्धं काले बहुतरे गते

deve'pi tatkṛtodvāhe himavacchikharālaye | saṅkrīḍati tayā sārddhaṁ kāle bahutare gate

देव भी उसी हिमालय-शिखर के निवास पर विवाह करके, बहुत काल बीत जाने पर भी, उस देवी के साथ क्रीड़ा करते रहे।

श्लोक 4 (shiva.vayaviya.19.4)

वैवस्वतेऽन्तरे प्राप्ते दक्षः प्राचेतसः स्वयम् । अश्वमेधेन यज्ञेन यक्ष्यमाणोऽन्वपद्यत

vaivasvate'ntare prāpte dakṣaḥ prācetasaḥ svayam | aśvamedhena yajñena yakṣyamāṇo'nvapadyata

वैवस्वत मन्वन्तर आने पर, प्राचेतस दक्ष स्वयं अश्वमेध यज्ञ करने के लिए प्रवृत्त हुआ।

श्लोक 5 (shiva.vayaviya.19.5)

ततो हिमवतः पृष्ठे दक्षो वै यज्ञमाहरत् । गङ्गाद्वारे शुभे देशे ऋषिसिद्धनिषेविते

tato himavataḥ pṛṣṭhe dakṣo vai yajñamāharat | gaṅgādvāre śubhe deśe ṛṣisiddhaniṣevite

तत्पश्चात् दक्ष ने हिमालय की पीठ पर, गंगाद्वार के शुभ स्थान पर, जो ऋषियों और सिद्धों से सेवित था, यज्ञ का आयोजन किया।

श्लोक 6 (shiva.vayaviya.19.6)

तस्य तस्मिन्मखे देवाः सर्वे शक्रपुरोगमाः । गमनाय समागम्य बुद्धिमापेदिरे तदा

tasya tasminmakhe devāḥ sarve śakrapurogamāḥ | gamanāya samāgamya buddhimāpedire tadā

उसके उस यज्ञ में जाने के लिए, इन्द्र सहित सभी देवगण एकत्रित होकर विचार करने लगे।

श्लोक 7 (shiva.vayaviya.19.7)

आदित्या वसवो रुद्राः साध्याः सह मरुद्गणैः । ऊष्मपाः सोमपाश्चैव आज्यपा धूमपास्तथा

ādityā vasavo rudrāḥ sādhyāḥ saha marudgaṇaiḥ | ūṣmapāḥ somapāścaiva ājyapā dhūmapāstathā

आदित्यगण, वसुगण, रुद्रगण, साध्यगण, मरुद्गणों सहित, ऊष्मप, सोमप, आज्यप और धूमप —

श्लोक 8 (shiva.vayaviya.19.8)

अश्विनौ पितरश्चैव तथा चान्ये महर्षयः । विष्णुना सहिताः सर्वे स्वागता यज्ञभागिनः

aśvinau pitaraścaiva tathā cānye maharṣayaḥ | viṣṇunā sahitāḥ sarve svāgatā yajñabhāginaḥ

दोनों अश्विनीकुमार, पितरगण, तथा अन्य महर्षि — विष्णु सहित ये सभी यज्ञ-भाग के अधिकारी वहाँ भली प्रकार आमंत्रित हुए।

श्लोक 9 (shiva.vayaviya.19.9)

दृष्ट्वा देवकुलं सर्वमीश्वरेण विना गतम् । दधीचो मन्युनाविष्टो दक्षमेवमभाषत

dṛṣṭvā devakulaṁ sarvamīśvareṇa vinā gatam | dadhīco manyunāviṣṭo dakṣamevamabhāṣata

ईश्वर के बिना ही समस्त देवकुल को गया हुआ देखकर, क्रोध से भर उठे दधीचि ने दक्ष से इस प्रकार कहा —

श्लोक 10 (shiva.vayaviya.19.10)

दधीच उवाच । अप्यपूज्ये चैव पूजा पूज्यानां चाप्यपूजने । नरः पापमवाप्नोति महद्वै नात्र संशयः

dadhīca uvāca | apyapūjye caiva pūjā pūjyānāṁ cāpyapūjane | naraḥ pāpamavāpnoti mahadvai nātra saṁśayaḥ

दधीचि ने कहा — अपूज्य की पूजा करने से, और पूज्य का अपूजन करने से भी मनुष्य महान् पाप प्राप्त करता है, इसमें कोई सन्देह नहीं है।

श्लोक 11 (shiva.vayaviya.19.11)

असतां सम्मतिर्यत्र सतामवमतिस्तथा । दण्डो देवकृतस्तत्र सद्यः पतति दारुणः

asatāṁ sammatiryatra satāmavamatistathā | daṇḍo devakṛtastatra sadyaḥ patati dāruṇaḥ

जहाँ असज्जनों का सम्मान होता है और सज्जनों का अनादर, वहाँ देवताओं द्वारा किया गया भयंकर दण्ड तुरन्त गिरता है।

श्लोक 12 (shiva.vayaviya.19.12)

एवमुक्त्वा तु विप्रर्षिः पुनर्दक्षमभाषत । पूज्यं तु पशुभर्तारं कस्मान्नार्चयसे प्रभुम्

evamuktvā tu viprarṣiḥ punardakṣamabhāṣata | pūjyaṁ tu paśubhartāraṁ kasmānnārcayase prabhum

ऐसा कहकर उस ब्राह्मणर्षि ने पुनः दक्ष से कहा — तुम पशुपति प्रभु, जो पूजनीय हैं, उनका अर्चन क्यों नहीं करते?

श्लोक 13 (shiva.vayaviya.19.13)

दक्ष उवाच । सन्ति मे बहवो रुद्राः शूलहस्ताः कपर्दिनः । एकादशावस्थिता ये नान्यं वेद्मि महेश्वरम्

dakṣa uvāca | santi me bahavo rudrāḥ śūlahastāḥ kapardinaḥ | ekādaśāvasthitā ye nānyaṁ vedmi maheśvaram

दक्ष ने कहा — मेरे यहाँ त्रिशूलधारी, जटाजूटधारी, ग्यारह की संख्या में स्थित अनेक रुद्र उपस्थित हैं; मैं इनके अतिरिक्त किसी अन्य महेश्वर को नहीं जानता।

श्लोक 14 (shiva.vayaviya.19.14)

दधीच उवाच । किमेभिरमरैरन्यैः पूजितैरध्वरे फलम् । राजा चेदध्वरस्यास्य न रुद्रः पूज्यते त्वया

dadhīca uvāca | kimebhiramarairanyaiḥ pūjitairadhvare phalam | rājā cedadhvarasyāsya na rudraḥ pūjyate tvayā

दधीचि ने कहा — यदि इस यज्ञ के राजा रुद्र की तुमने पूजा नहीं की, तो अन्य इन देवों के पूजन का यज्ञ में क्या फल है?

श्लोक 15 (shiva.vayaviya.19.15)

ब्रह्मविष्णुमहेशानां स्रष्टा यः प्रभुरव्ययः । ब्रह्मादयः पिशाचान्ता यस्य कैङ्कर्यवादिनः

brahmaviṣṇumaheśānāṁ sraṣṭā yaḥ prabhuravyayaḥ | brahmādayaḥ piśācāntā yasya kaiṅkaryavādinaḥ

जो अविनाशी प्रभु ब्रह्मा, विष्णु और महेश के भी स्रष्टा हैं, ब्रह्मा से लेकर पिशाच तक सब जिनकी सेवा में समर्पित हैं —

श्लोक 16 (shiva.vayaviya.19.16)

प्रकृतीनां परश्चैव पुरुषस्य च यः परः । चिन्त्यते योगविद्वद्भिरृषिभिस्तत्त्वदर्शिभिः

prakṛtīnāṁ paraścaiva puruṣasya ca yaḥ paraḥ | cintyate yogavidvadbhirṛṣibhistattvadarśibhiḥ

जो प्रकृति से भी परे और पुरुष से भी परे हैं, जिनका ध्यान योगविद् और तत्त्वदर्शी ऋषिगण करते हैं —

श्लोक 17 (shiva.vayaviya.19.17)

अक्षरं परमं ब्रह्म ह्यसच्च सदसच्च यत् । अनादिमध्यनिधनमप्रतर्क्यं सनातनम्

akṣaraṁ paramaṁ brahma hyasacca sadasacca yat | anādimadhyanidhanamapratarkyaṁ sanātanam

वे अक्षर परब्रह्म हैं, जो सत्, असत् और सदसत् भी हैं; जिनका न आदि है, न मध्य, न अन्त; जो अकल्पनीय और सनातन हैं।

श्लोक 18 (shiva.vayaviya.19.18)

यः स्रष्टा चैव संहर्ता भर्ता चैव महेश्वरः । तस्मादन्यं न पश्यामि शङ्करात्मानमध्वरे

yaḥ sraṣṭā caiva saṁhartā bhartā caiva maheśvaraḥ | tasmādanyaṁ na paśyāmi śaṅkarātmānamadhvare

जो सृष्टिकर्ता भी हैं, संहारकर्ता भी और पालनकर्ता भी — वे ही महेश्वर हैं; उनसे भिन्न शंकर-स्वरूप किसी अन्य को मैं इस यज्ञ में नहीं देखता।

श्लोक 19 (shiva.vayaviya.19.19)

दक्ष उवाच । एतन्मखेशस्य सुवर्णपात्रे हविः समस्तं विधिमन्त्रपूतम् । विष्णोर्नयाम्यप्रतिमस्य भागं प्रभोर्विभज्याहवनीयमद्य

dakṣa uvāca | etanmakheśasya suvarṇapātre haviḥ samastaṁ vidhimantrapūtam | viṣṇornayāmyapratimasya bhāgaṁ prabhorvibhajyāhavanīyamadya

दक्ष ने कहा — यह यज्ञपति के स्वर्णपात्र में रखा हुआ, विधिपूर्वक मन्त्रों से पवित्र किया गया समस्त हविष्य है; मैं आज उस अनुपम प्रभु विष्णु का भाग विभाजित करके इस आहुति को प्रदान करता हूँ।

श्लोक 20 (shiva.vayaviya.19.20)

दधीच उवाच । यस्मान्नाराधितो रुद्रः सर्वदेवेश्वरेश्वरः । तस्माद्दक्ष तवाशेषो यज्ञोऽयं न भविष्यति

dadhīca uvāca | yasmānnārādhito rudraḥ sarvadeveśvareśvaraḥ | tasmāddakṣa tavāśeṣo yajño'yaṁ na bhaviṣyati

दधीचि ने कहा — चूँकि समस्त देवेश्वरों के भी ईश्वर रुद्र की आराधना नहीं की गई, इसलिए हे दक्ष! तुम्हारा यह यज्ञ सम्पूर्ण नहीं हो सकेगा।

श्लोक 21 (shiva.vayaviya.19.21)

इत्युक्त्वा वचनं क्रुद्धो दधीचो मुनिसत्तमः । निर्गम्य च ततो देशाज्जगाम स्वकमाश्रमम्

ityuktvā vacanaṁ kruddho dadhīco munisattamaḥ | nirgamya ca tato deśājjagāma svakamāśramam

यह वचन कहकर, क्रुद्ध हुए मुनिश्रेष्ठ दधीचि उस स्थान से निकलकर अपने आश्रम को चले गए।

श्लोक 22 (shiva.vayaviya.19.22)

निर्गतेऽपि मुनौ तस्मिन्देवा दक्षं न तत्यजुः । अवश्यमनुभावित्वादनर्थस्य तु भाविनः

nirgate'pi munau tasmindevā dakṣaṁ na tatyajuḥ | avaśyamanubhāvitvādanarthasya tu bhāvinaḥ

उस मुनि के चले जाने पर भी देवताओं ने दक्ष का साथ नहीं छोड़ा, क्योंकि आने वाले अनर्थ का अनुभव अवश्यंभावी था।

श्लोक 23 (shiva.vayaviya.19.23)

एतस्मिन्नेव काले तु ज्ञात्वैतत्सर्वमीश्वरात् । दग्धुं दक्षाध्वरं विप्रा देवी देवमचोदयत्

etasminneva kāle tu jñātvaitatsarvamīśvarāt | dagdhuṁ dakṣādhvaraṁ viprā devī devamacodayat

हे विप्रो! इसी समय, ईश्वर से यह सब जानकर, देवी ने दक्ष के यज्ञ को भस्म करने के लिए देव को प्रेरित किया।

श्लोक 24 (shiva.vayaviya.19.24)

देव्या सञ्चोदितो देवो दक्षाध्वरजिघांसया । ससर्ज सहसा वीरं वीरभद्रं गणेश्वरम्

devyā sañcodito devo dakṣādhvarajighāṁsayā | sasarja sahasā vīraṁ vīrabhadraṁ gaṇeśvaram

देवी से प्रेरित होकर, दक्ष के यज्ञ को नष्ट करने की इच्छा से देव ने तत्काल वीरभद्र नामक गणेश्वर वीर को उत्पन्न किया।

श्लोक 25 (shiva.vayaviya.19.25)

सहस्रवदनं देवं सहस्रकमलेक्षणम् । सहस्रमुद्गरधरं सहस्रशरपाणिकम्

sahasravadanaṁ devaṁ sahasrakamalekṣaṇam | sahasramudgaradharaṁ sahasraśarapāṇikam

वह देव सहस्र मुखों वाला, सहस्र कमल-नेत्रों वाला, सहस्र मुद्गर धारण करने वाला, तथा सहस्र बाणों को हाथ में लिए हुए था।

श्लोक 26 (shiva.vayaviya.19.26)

शूलटङ्कगदाहस्तं दीप्तकार्मुकधारिणम् । चक्रवज्रधरं घोरं चन्द्रार्द्धकृतशेखरम्

śūlaṭaṅkagadāhastaṁ dīptakārmukadhāriṇam | cakravajradharaṁ ghoraṁ candrārddhakṛtaśekharam

त्रिशूल, टंक और गदा हाथ में लिए, प्रज्वलित धनुष धारण किए, चक्र और वज्र धारण करने वाला, भयंकर, तथा अर्धचन्द्र से मुकुट बनाए हुए था।

श्लोक 27 (shiva.vayaviya.19.27)

कुलिशोद्योतितकरं तडिज्ज्वलितमूर्द्धजम् । दंष्ट्राकरालं बिभ्राणं महावक्त्रं महोदरम्

kuliśodyotitakaraṁ taḍijjvalitamūrddhajam | daṁṣṭrākarālaṁ bibhrāṇaṁ mahāvaktraṁ mahodaram

उसका हाथ वज्र से चमकता था, उसके केश बिजली के समान दहकते थे, वह भयंकर दाढ़ों को धारण किए हुए, विशाल मुख और विशाल उदर वाला था।

श्लोक 28 (shiva.vayaviya.19.28)

विद्युज्जिह्वं प्रलम्बोष्ठं मेघसागरनिःस्वनम् । वसानं चर्म वैयाघ्रं महद्रुधिरनिस्रवम्

vidyujjihvaṁ pralamboṣṭhaṁ meghasāgaraniḥsvanam | vasānaṁ carma vaiyāghraṁ mahadrudhiranisravam

उसकी जिह्वा बिजली के समान थी, ओष्ठ लटके हुए थे, गर्जन मेघ और सागर के समान था; वह व्याघ्रचर्म पहने था, जिससे भारी रक्त टपक रहा था।

श्लोक 29 (shiva.vayaviya.19.29)

गण्डद्वितयसंसृष्टमण्डलीकृतकुण्डलम् । वरामरशिरोमालावलीकलितशेखरम्

gaṇḍadvitayasaṁsṛṣṭamaṇḍalīkṛtakuṇḍalam | varāmaraśiromālāvalīkalitaśekharam

उसके दोनों कपोलों को स्पर्श करते हुए गोल कुण्डल थे, और उसका मुकुट श्रेष्ठ देवताओं के सिरों की माला से सज्जित था।

श्लोक 30 (shiva.vayaviya.19.30)

रणन्नूपुरकेयूरमहाकनकभूषितम् । रत्नसञ्चयसन्दीप्तं तारहारावृतोरसम्

raṇannūpurakeyūramahākanakabhūṣitam | ratnasañcayasandīptaṁ tārahārāvṛtorasam

वह झंकृत नूपुर और केयूर तथा विशाल स्वर्णाभूषणों से सजा था, रत्नों के समूह से देदीप्यमान था, उसका वक्षस्थल चमकते हारों से आवृत था।

श्लोक 31 (shiva.vayaviya.19.31)

महाशरभशार्दूलसिंहैः सदृशविक्रमम् । प्रशस्तमत्तमातङ्गसमानगमनालसम्

mahāśarabhaśārdūlasiṁhaiḥ sadṛśavikramam | praśastamattamātaṅgasamānagamanālasam

उसका पराक्रम महाशरभ, व्याघ्र और सिंह के समान था; उसकी चाल मदमस्त श्रेष्ठ गजराज के समान मन्थर थी।

श्लोक 32 (shiva.vayaviya.19.32)

शङ्खचामरकुन्देन्दुमृणालसदृशप्रभम् । सतुषारमिवाद्रीन्द्रं साक्षाज्जङ्गमतां गतम्

śaṅkhacāmarakundendumṛṇālasadṛśaprabham | satuṣāramivādrīndraṁ sākṣājjaṅgamatāṁ gatam

उसकी कान्ति शंख, चामर, कुन्दपुष्प, चन्द्रमा और कमलनाल के समान श्वेत थी — मानो हिमाच्छादित पर्वतराज साक्षात् गतिशील हो गया हो।

श्लोक 33 (shiva.vayaviya.19.33)

ज्वालामालापरिक्षिप्तं दीप्तमौक्तिकभूषणम् । तेजसा चैव दीव्यन्तं युगान्त इव पावकम्

jvālāmālāparikṣiptaṁ dīptamauktikabhūṣaṇam | tejasā caiva dīvyantaṁ yugānta iva pāvakam

वह ज्वालाओं की माला से घिरा था, चमकते मोतियों के आभूषणों से सुसज्जित था, और अपने तेज से युगान्त की अग्नि के समान देदीप्यमान था।

श्लोक 34 (shiva.vayaviya.19.34)

स जानुभ्यां महीं गत्वा प्रणतः प्राञ्जलिस्ततः । पार्श्वतो देवदेवस्य पर्यतिष्ठद् गणेश्वरः

sa jānubhyāṁ mahīṁ gatvā praṇataḥ prāñjalistataḥ | pārśvato devadevasya paryatiṣṭhad gaṇeśvaraḥ

वह गणेश्वर अपने दोनों घुटनों से पृथ्वी को छूकर प्रणत हुआ, तत्पश्चात् हाथ जोड़कर देवों के देव के पार्श्व में खड़ा हो गया।

श्लोक 35 (shiva.vayaviya.19.35)

मन्युना चासृजद्भद्रां भद्रकालीं महेश्वरीम् । आत्मनः कर्मसाक्षित्वे तेन गन्तुं सहैव तु

manyunā cāsṛjadbhadrāṁ bhadrakālīṁ maheśvarīm | ātmanaḥ karmasākṣitve tena gantuṁ sahaiva tu

और अपने क्रोध से देवी ने भद्रकाली नामक महेश्वरी को उत्पन्न किया, ताकि वह उसके इस कर्म की साक्षी बनकर उसके साथ ही जाए।

श्लोक 36 (shiva.vayaviya.19.36)

तं दृष्ट्वावस्थितं वीरभद्रं कालाग्निसन्निभम् । भद्रया सहितं प्राह भद्रमस्त्विति शङ्करः

taṁ dṛṣṭvāvasthitaṁ vīrabhadraṁ kālāgnisannibham | bhadrayā sahitaṁ prāha bhadramastviti śaṅkaraḥ

कालाग्नि के समान तेजस्वी उस वीरभद्र को भद्रकाली सहित खड़ा देखकर शंकर ने कहा — तुम्हारा कल्याण हो।

श्लोक 37 (shiva.vayaviya.19.37)

स च विज्ञापयामास सह देव्या महेश्वरम् । आज्ञापय महादेव किं कार्यं करवाण्यहम्

sa ca vijñāpayāmāsa saha devyā maheśvaram | ājñāpaya mahādeva kiṁ kāryaṁ karavāṇyaham

उसने भद्रकाली के साथ महेश्वर से निवेदन किया — हे महादेव! आज्ञा दीजिए, मुझे क्या कार्य करना है।

श्लोक 38 (shiva.vayaviya.19.38)

ततस्त्रिपुरहा प्राह हैमवत्याः प्रियेच्छया । वीरभद्रं महाबाहुं वाचा विपुलनादया

tatastripurahā prāha haimavatyāḥ priyecchayā | vīrabhadraṁ mahābāhuṁ vācā vipulanādayā

तब त्रिपुरनाशक ने हैमवती की प्रिय इच्छा से, महाबाहु वीरभद्र से गम्भीर, विशाल वाणी में कहा —

श्लोक 39 (shiva.vayaviya.19.39)

महादेव उवाच । प्राचेतसस्य दक्षस्य यज्ञं सद्यो विनाशय । भद्रकाल्या सहासि त्वमेतत्कृत्यं गणेश्वर

mahādeva uvāca | prācetasasya dakṣasya yajñaṁ sadyo vināśaya | bhadrakālyā sahāsi tvametatkṛtyaṁ gaṇeśvara

महादेव ने कहा — प्राचेतस दक्ष के यज्ञ को तुरन्त नष्ट कर दो। हे गणेश्वर! यह कार्य तुम भद्रकाली के साथ करो।

श्लोक 40 (shiva.vayaviya.19.40)

अहमप्यनया सार्द्धं रैभ्याश्रमसपीपतः । स्थित्वा वीक्षे गणेशान विक्रमं तव दुःसहम्

ahamapyanayā sārddhaṁ raibhyāśramasapīpataḥ | sthitvā vīkṣe gaṇeśāna vikramaṁ tava duḥsaham

हे गणेश! मैं भी इसके साथ रैभ्य के आश्रम के समीप रहकर तुम्हारे असह्य पराक्रम को देखूँगा।

श्लोक 41 (shiva.vayaviya.19.41)

वृक्षाः कनखले ये तु गङ्गाद्वारसमीपगाः । सुवर्णशृङ्गस्य गिरेर्मेरुमन्दरसन्निभाः

vṛkṣāḥ kanakhale ye tu gaṅgādvārasamīpagāḥ | suvarṇaśṛṅgasya girermerumandarasannibhāḥ

कनखल में जो वृक्ष गंगाद्वार के समीप हैं, वे स्वर्णशिखर पर्वत के, मेरु और मन्दर के समान ऊँचे हैं —

श्लोक 42 (shiva.vayaviya.19.42)

तस्मिन्प्रदेशे दक्षस्य युज्ञः सम्प्रति वर्तते । सहसा तस्य यज्ञस्य विघातं कुरु मा चिरम्

tasminpradeśe dakṣasya yujñaḥ samprati vartate | sahasā tasya yajñasya vighātaṁ kuru mā ciram

उसी प्रदेश में दक्ष का यज्ञ इस समय चल रहा है; बिना विलम्ब किए, तत्काल उस यज्ञ का विनाश करो।

श्लोक 43 (shiva.vayaviya.19.43)

इत्युक्ते सति देवेन देवी हिमगिरीन्द्रजा । भद्रं भद्रां च सम्प्रेक्ष्य वत्सं धेनुरिवौरसम्

ityukte sati devena devī himagirīndrajā | bhadraṁ bhadrāṁ ca samprekṣya vatsaṁ dhenurivaurasam

देव द्वारा ऐसा कहे जाने पर, हिमगिरिराज की पुत्री देवी ने वीरभद्र और भद्रकाली को, जैसे गाय अपने बछड़े को देखती है, उसी प्रकार देखा,

श्लोक 44 (shiva.vayaviya.19.44)

आलिङ्ग्य च समाघ्राय मूर्ध्नि षड्वदनं यथा । सस्मिता वचनं प्राह मधुरं मधुरं स्वयम्

āliṅgya ca samāghrāya mūrdhni ṣaḍvadanaṁ yathā | sasmitā vacanaṁ prāha madhuraṁ madhuraṁ svayam

और उसे आलिंगन कर, उसके मस्तक को सूँघकर, जैसे षडानन (कार्तिकेय) को सूँघती हैं, स्वयं मुसकराते हुए अत्यन्त मधुर वचन कहा —

श्लोक 45 (shiva.vayaviya.19.45)

देव्युवाच । वत्स भद्र महाभाग महाबलपराक्रम । मत्प्रियार्थं त्वमुत्पन्नो मम मन्युं प्रमार्जय

devyuvāca | vatsa bhadra mahābhāga mahābalaparākrama | matpriyārthaṁ tvamutpanno mama manyuṁ pramārjaya

देवी ने कहा — हे वत्स भद्र! हे महाभाग्यशाली, महाबलपराक्रमी! तुम मेरे प्रिय के लिए उत्पन्न हुए हो; मेरा क्रोध शान्त करो।

श्लोक 46 (shiva.vayaviya.19.46)

यज्ञेश्वरमनाहूय यज्ञकर्मरतोऽभवत् । दक्षं वैरेण तं तस्माद्भिन्धि यज्ञं गणेश्वर

yajñeśvaramanāhūya yajñakarmarato'bhavat | dakṣaṁ vaireṇa taṁ tasmādbhindhi yajñaṁ gaṇeśvara

यज्ञेश्वर को बिना आमंत्रित किए ही जो यज्ञकर्म में रत हो गया, हे गणेश्वर! उस वैरभाव वाले दक्ष के उस यज्ञ को विध्वंस कर दो।

श्लोक 47 (shiva.vayaviya.19.47)

यज्ञलक्ष्मीमलक्ष्मीं त्वं भद्र कृत्वा ममाज्ञया । यजमानं च तं हत्वा वत्स हिंसय भद्रया

yajñalakṣmīmalakṣmīṁ tvaṁ bhadra kṛtvā mamājñayā | yajamānaṁ ca taṁ hatvā vatsa hiṁsaya bhadrayā

हे भद्र! मेरी आज्ञा से यज्ञ की लक्ष्मी को अलक्ष्मी बनाकर, और उस यजमान को मारकर, हे वत्स! भद्रकाली के साथ मिलकर हिंसा करो।

श्लोक 48 (shiva.vayaviya.19.48)

अशेषामिव तामाज्ञां शिवयोश्चित्रकृत्ययोः । मूर्ध्नि कृत्वा नमस्कृत्य भद्रो गन्तुं प्रचक्रमे

aśeṣāmiva tāmājñāṁ śivayościtrakṛtyayoḥ | mūrdhni kṛtvā namaskṛtya bhadro gantuṁ pracakrame

शिव-पार्वती दोनों की उस विचित्र कर्तव्य-रूपी आज्ञा को मानो अपने मस्तक पर धारण कर, नमस्कार करके भद्र प्रस्थान करने लगे।

श्लोक 49 (shiva.vayaviya.19.49)

अथैष भगवान्क्रुद्धः प्रेतावासकृतालयः । वीरभद्रो महादेवो देव्या मन्युप्रमार्जकः

athaiṣa bhagavānkruddhaḥ pretāvāsakṛtālayaḥ | vīrabhadro mahādevo devyā manyupramārjakaḥ

तब यह भगवान् क्रुद्ध वीरभद्र, जिसने प्रेतों के निवास को अपना आवास बनाया है, देवी के क्रोध को शान्त करने वाला महादेव —

श्लोक 50 (shiva.vayaviya.19.50)

ससर्ज रोमकूपेभ्यो रोमजाख्यान् गणेश्वरान् । दक्षिणाद्भुजदेशात्तु शतकोटिगणेश्वरान्

sasarja romakūpebhyo romajākhyān gaṇeśvarān | dakṣiṇādbhujadeśāttu śatakoṭigaṇeśvarān

उसने अपने रोमकूपों से रोमज नामक गणेश्वरों को, और अपनी दाहिनी भुजा से करोड़ों गणेश्वरों को उत्पन्न किया।

श्लोक 51 (shiva.vayaviya.19.51)

पादात्तथोरुदेशाच्च पृष्ठात्पार्श्वान्मुखाद्गलात् । गुह्याद् गुल्फाच्छिरोमध्यात्कण्ठादास्यात्तथोदरात्

pādāttathorudeśācca pṛṣṭhātpārśvānmukhādgalāt | guhyād gulphācchiromadhyātkaṇṭhādāsyāttathodarāt

उसके पैर से, जंघा से, पीठ से, पार्श्व से, मुख से, गले से, गुह्य अंग से, टखने से, मस्तक के मध्य से, कण्ठ से, मुख से, तथा उदर से भी गणेश्वर उत्पन्न हुए।

श्लोक 52 (shiva.vayaviya.19.52)

तदा गणेश्वरैर्भद्रैर्भद्रतुल्यपराक्रमैः । सञ्छादितमभूत्सर्वं साकाशविवरं जगत्

tadā gaṇeśvarairbhadrairbhadratulyaparākramaiḥ | sañchāditamabhūtsarvaṁ sākāśavivaraṁ jagat

तब भद्र के समान पराक्रम वाले उन कल्याणकारी गणेश्वरों से आकाश के छिद्र सहित सम्पूर्ण जगत् आच्छादित हो गया।

श्लोक 53 (shiva.vayaviya.19.53)

सर्वे सहस्रहस्तास्ते सहस्रायुधपाणयः । रुद्रस्यानुचराः सर्वे सर्वे रुद्रसमप्रभाः

sarve sahasrahastāste sahasrāyudhapāṇayaḥ | rudrasyānucarāḥ sarve sarve rudrasamaprabhāḥ

वे सभी सहस्र भुजाओं वाले, हाथों में सहस्र आयुध धारण किए हुए थे; वे सब रुद्र के अनुचर तथा रुद्र के समान तेजस्वी थे।

श्लोक 54 (shiva.vayaviya.19.54)

शूलशक्तिगदाहस्ताष्टङ्कोपलशिलाधराः । कालाग्निरुद्रसदृशास्त्रिनेत्राश्च जटाधराः

śūlaśaktigadāhastāṣṭaṅkopalaśilādharāḥ | kālāgnirudrasadṛśāstrinetrāśca jaṭādharāḥ

वे त्रिशूल, शक्ति, गदा, टंक और शिला हाथ में धारण किए हुए, कालाग्नि रुद्र के समान, त्रिनेत्र और जटाधारी थे।

श्लोक 55 (shiva.vayaviya.19.55)

निपेतुर्भृशमाकाशे शतशः सिंहवाहनाः । विनेदुश्च महानादाञ्जलदा इव भद्रजाः

nipeturbhṛśamākāśe śataśaḥ siṁhavāhanāḥ | vineduśca mahānādāñjaladā iva bhadrajāḥ

सैकड़ों सिंहवाहन वाले वे भद्र-सन्तान आकाश में उमड़ पड़े, और मेघों के समान महान् गर्जन करने लगे।

श्लोक 56 (shiva.vayaviya.19.56)

तैर्भद्रैर्भगवान् भद्रस्तथा परिवृतो बभौ । कालानलशतैर्युक्तो यथान्ते कालभैरवः

tairbhadrairbhagavān bhadrastathā parivṛto babhau | kālānalaśatairyukto yathānte kālabhairavaḥ

उन कल्याणकारी गणों से घिरे हुए भगवान् भद्र ऐसे शोभित हुए, जैसे प्रलयकाल में सैकड़ों कालाग्नियों से युक्त कालभैरव।

श्लोक 57 (shiva.vayaviya.19.57)

तेषां मध्ये समारुह्य वृषेन्द्रं वृषभध्वजः । जगाम भगवान् भद्रः शुभ्रमभ्रं यथा भवः

teṣāṁ madhye samāruhya vṛṣendraṁ vṛṣabhadhvajaḥ | jagāma bhagavān bhadraḥ śubhramabhraṁ yathā bhavaḥ

उनके मध्य श्रेष्ठ वृषभ पर आरूढ़ होकर, वृषभ-ध्वज भगवान् भद्र चल पड़े, जैसे शिव श्वेत मेघ पर सवार होकर चलते हों।

श्लोक 58 (shiva.vayaviya.19.58)

तस्मिन्वृषभमारूढे भद्रे तु भसितप्रभः । बभार मौक्तिकं छत्रं गृहीतसितचामरः

tasminvṛṣabhamārūḍhe bhadre tu bhasitaprabhaḥ | babhāra mauktikaṁ chatraṁ gṛhītasitacāmaraḥ

उस वृषभारूढ़ भद्र के समीप, भस्म के समान कान्तिवाला एक गण, श्वेत चामर लिए हुए, मोतियों जड़ित छत्र धारण किए था।

श्लोक 59 (shiva.vayaviya.19.59)

स तदा शुशुभे पार्श्वे भद्रस्य भसितप्रभः । भगवानिव शैलेन्द्रः पार्श्वे विश्वजगद्गुरोः

sa tadā śuśubhe pārśve bhadrasya bhasitaprabhaḥ | bhagavāniva śailendraḥ pārśve viśvajagadguroḥ

वह भस्म-कान्तिमान् गण उस समय भद्र के पार्श्व में ऐसा शोभित हुआ, जैसे विश्वजगद्गुरु के पार्श्व में स्वयं पर्वतराज शोभित होते हैं।

श्लोक 60 (shiva.vayaviya.19.60)

सोऽपि तेन बभौ भद्रः श्वेतचामरपाणिना । बालसोमेन सौम्येन यथा शूलवरायुधः

so'pi tena babhau bhadraḥ śvetacāmarapāṇinā | bālasomena saumyena yathā śūlavarāyudhaḥ

श्वेत चामर हाथ में लिए हुए उस गण से वह भद्र भी ऐसे शोभित हुआ, जैसे बाल-चन्द्रमा से सौम्य, श्रेष्ठ त्रिशूल-आयुधधारी शिव शोभित होते हैं।

श्लोक 61 (shiva.vayaviya.19.61)

दध्मौ शङ्खं सितं भद्रं भद्रस्य पुरतः शुभम् । भानुकम्पो महातेजा हेमरत्नैरलङ्कृतः

dadhmau śaṅkhaṁ sitaṁ bhadraṁ bhadrasya purataḥ śubham | bhānukampo mahātejā hemaratnairalaṅkṛtaḥ

महातेजस्वी, स्वर्ण और रत्नों से अलंकृत भानुकम्प नामक गण ने भद्र के आगे शुभ श्वेत शंख बजाया।

श्लोक 62 (shiva.vayaviya.19.62)

देवदुन्दुभयो नेदुर्दिव्यसङ्कुलनिःस्वनाः । ववृषुः शतशो मूर्ध्नि पुष्पवर्षं बलाहकाः

devadundubhayo nedurdivyasaṅkulaniḥsvanāḥ | vavṛṣuḥ śataśo mūrdhni puṣpavarṣaṁ balāhakāḥ

दिव्य, गूँजते हुए नादों वाले देवताओं के दुन्दुभि बज उठे, और मेघों ने सैकड़ों बार सिर के ऊपर पुष्पों की वर्षा की।

श्लोक 63 (shiva.vayaviya.19.63)

फुल्लानां मधुगर्भाणां पुष्पाणां गन्धबन्धवः । मार्गानुकूलसंवाहा ववुश्च पथि मारुताः

phullānāṁ madhugarbhāṇāṁ puṣpāṇāṁ gandhabandhavaḥ | mārgānukūlasaṁvāhā vavuśca pathi mārutāḥ

खिले हुए, मधु से भरे पुष्पों की सुगन्ध लिए हुए, मार्ग के अनुकूल बहने वाली पवनें मार्ग में बहने लगीं।

श्लोक 64 (shiva.vayaviya.19.64)

ततो गणेश्वराः सर्वे मत्ता युद्धबलोद्धताः । ननृतुर्मुमुदुर्नेदुर्जहसुर्जगदुर्जगुः

tato gaṇeśvarāḥ sarve mattā yuddhabaloddhatāḥ | nanṛturmumudurnedurjahasurjagadurjaguḥ

तत्पश्चात् युद्ध के बल से उन्मत्त हुए सभी गणेश्वर नाचने लगे, आनन्दित हुए, गरजे, हँसे, बोले, और गाने लगे।

श्लोक 65 (shiva.vayaviya.19.65)

तदा भद्रगणान्तःस्थो बभौ भद्रः सभद्रया । यथा रुद्रगणान्तः स्थस्त्र्यम्बकोऽम्बिकया सह

tadā bhadragaṇāntaḥstho babhau bhadraḥ sabhadrayā | yathā rudragaṇāntaḥ sthastryambako'mbikayā saha

तब उन भद्र-गणों के मध्य स्थित भद्र भद्रकाली सहित ऐसे शोभित हुआ, जैसे रुद्रगणों के मध्य त्र्यम्बक अम्बिका के साथ शोभित होते हैं।

श्लोक 66 (shiva.vayaviya.19.66)

तत्क्षणादेव दक्षस्य यज्ञवाटं हिरण्मयम् । प्रविवेश महाबाहुर्वीरभद्रो महानुगः

tatkṣaṇādeva dakṣasya yajñavāṭaṁ hiraṇmayam | praviveśa mahābāhurvīrabhadro mahānugaḥ

उसी क्षण महाबाहु वीरभद्र, अपने विशाल अनुचरों सहित, दक्ष के स्वर्णमय यज्ञ-मण्डप में प्रविष्ट हो गया।

श्लोक 67 (shiva.vayaviya.19.67)

ततस्तु दक्षप्रतिपादितस्य क्रतुप्रधानस्य गणप्रधानः । प्रयोगभूमिं प्रविवेश भद्रो रुद्रो यथान्ते भुवनं दिधक्षुः

tatastu dakṣapratipāditasya kratupradhānasya gaṇapradhānaḥ | prayogabhūmiṁ praviveśa bhadro rudro yathānte bhuvanaṁ didhakṣuḥ

तत्पश्चात्, गणों के प्रधान भद्र ने दक्ष द्वारा सम्पन्न किए जा रहे उस मुख्य यज्ञ की क्रिया-भूमि में प्रवेश किया, जैसे प्रलयकाल में रुद्र संसार को भस्म करने की इच्छा से प्रवेश करते हैं।