यज्ञ का विध्वंस

श्लोक 1 (shiva.vayaviya.20.1)

वायुरुवाच । ततो विष्णुप्रधानानां सुराणाममितौजसाम् । ददर्श च महत्सत्रं चित्रध्वजपरिच्छदम्

vāyuruvāca | tato viṣṇupradhānānāṁ surāṇāmamitaujasām | dadarśa ca mahatsatraṁ citradhvajaparicchadam

वायु ने कहा — तत्पश्चात् उसने विष्णु-प्रधान, अपरिमित तेजस्वी देवताओं के उस महान् यज्ञ-सत्र को देखा, जो विचित्र ध्वजाओं से सुसज्जित था।

श्लोक 2 (shiva.vayaviya.20.2)

सुदर्भऋतुसंस्तीर्णं सुसमिद्धहुताशनम् । काञ्चनैर्यज्ञभाण्डैश्च भ्राजिष्णुभिरलङ्कृतम्

sudarbhaṛtusaṁstīrṇaṁ susamiddhahutāśanam | kāñcanairyajñabhāṇḍaiśca bhrājiṣṇubhiralaṅkṛtam

वह उत्तम कुशाओं और ऋतु-सामग्री से बिछा हुआ, भलीभाँति प्रज्वलित अग्नि वाला, तथा चमकते हुए स्वर्ण-निर्मित यज्ञ-पात्रों से सुशोभित था।

श्लोक 3 (shiva.vayaviya.20.3)

ऋषिभिर्यज्ञपटुभिर्यथावत्कर्मकर्तृभिः । विधिना वेददृष्टेन स्वनुष्ठितबहुक्रमम्

ṛṣibhiryajñapaṭubhiryathāvatkarmakartṛbhiḥ | vidhinā vedadṛṣṭena svanuṣṭhitabahukramam

यज्ञ में कुशल, यथाविधि कर्म करने वाले ऋषियों के द्वारा वेदविहित विधि से इसके अनेक क्रम भलीभाँति सम्पन्न किए जा रहे थे।

श्लोक 4 (shiva.vayaviya.20.4)

देवाङ्गनासहस्राढ्यमप्सरोगणसेवितम् । वेणुवीणारवैर्जुष्टं वेदघोषैश्च बृंहितम्

devāṅganāsahasrāḍhyamapsarogaṇasevitam | veṇuvīṇāravairjuṣṭaṁ vedaghoṣaiśca bṛṁhitam

वह सहस्रों देवांगनाओं से समृद्ध, अप्सरागणों से सेवित, वेणु-वीणा के स्वरों से युक्त, तथा वेद-घोषों से गुंजायमान था।

श्लोक 5 (shiva.vayaviya.20.5)

दृष्ट्वा दक्षाध्वरं वीरो वीरभद्रः प्रतापवान् । सिंहनादं तदा चक्रे गम्भीरो जलदो यथा

dṛṣṭvā dakṣādhvaraṁ vīro vīrabhadraḥ pratāpavān | siṁhanādaṁ tadā cakre gambhīro jalado yathā

दक्ष के उस यज्ञ को देखकर प्रतापी वीर वीरभद्र ने, गम्भीर मेघ के समान, सिंहनाद किया।

श्लोक 6 (shiva.vayaviya.20.6)

ततः किलकिलाशब्द आकाशं पूरयन्निव । गणेश्वरैः कृतो जज्ञे महान्न्यक्कृतसागरः

tataḥ kilakilāśabda ākāśaṁ pūrayanniva | gaṇeśvaraiḥ kṛto jajñe mahānnyakkṛtasāgaraḥ

तत्पश्चात् उन गणेश्वरों द्वारा किया गया वह "किलकिला" शब्द ऐसे उत्पन्न हुआ मानो आकाश को भरता हो, और वह इतना विशाल था कि उसने सागर की गर्जना को भी तुच्छ कर दिया।

श्लोक 7 (shiva.vayaviya.20.7)

तेन शब्देन महता ग्रस्ताः सर्वे दिवौकसः । दुद्रुवुः परितो भीताः स्रस्तवस्त्रविभूषणाः

tena śabdena mahatā grastāḥ sarve divaukasaḥ | dudruvuḥ parito bhītāḥ srastavastravibhūṣaṇāḥ

उस महान् शब्द से आक्रान्त सभी देवगण भयभीत होकर, अपने वस्त्र और आभूषण गिराते हुए, चारों ओर भाग गए।

श्लोक 8 (shiva.vayaviya.20.8)

किंस्विद्भग्नो महामेरुः किंस्वित्सन्दीर्यते मही । किमिदं किमिदं वेति जजल्पुस्त्रिदशा भृशम्

kiṁsvidbhagno mahāmeruḥ kiṁsvitsandīryate mahī | kimidaṁ kimidaṁ veti jajalpustridaśā bhṛśam

"क्या महामेरु टूट गया? क्या पृथ्वी फट रही है? यह क्या है, यह क्या है?" — ऐसा देवगण अत्यन्त व्याकुल होकर बड़बड़ाने लगे।

श्लोक 9 (shiva.vayaviya.20.9)

मृगेन्द्राणां यथा नादं गजेन्द्रा गहने वने । श्रुत्वा तथाविधं केचित्तत्यजुर्जीवितं भयात्

mṛgendrāṇāṁ yathā nādaṁ gajendrā gahane vane | śrutvā tathāvidhaṁ kecittatyajurjīvitaṁ bhayāt

जैसे घने वन में गजराज सिंहों की गर्जना सुनकर भयभीत हो जाते हैं, वैसे ही उस ध्वनि को सुनकर कुछ लोगों ने भय से प्राण त्याग दिए।

श्लोक 10 (shiva.vayaviya.20.10)

पर्वताश्च व्यशीर्यन्त चकम्पे च वसुन्धरा । मरुतश्च व्यघूर्णन्त चुक्षुभे मकरालयः

parvatāśca vyaśīryanta cakampe ca vasundharā | marutaśca vyaghūrṇanta cukṣubhe makarālayaḥ

पर्वत बिखरने लगे, पृथ्वी काँप उठी, वायुमण्डल में उथल-पुथल मच गई, और समुद्र क्षुब्ध हो उठा।

श्लोक 11 (shiva.vayaviya.20.11)

अग्नयो नैव दीप्यन्ते न च दीप्यति भास्करः । ग्रहाश्च न प्रकाशन्ते नक्षत्राणि च तारकाः

agnayo naiva dīpyante na ca dīpyati bhāskaraḥ | grahāśca na prakāśante nakṣatrāṇi ca tārakāḥ

अग्नियाँ प्रज्वलित होना बन्द कर गईं, सूर्य भी प्रकाशित नहीं हुआ, ग्रह और नक्षत्र-तारे भी नहीं चमके।

श्लोक 12 (shiva.vayaviya.20.12)

एतस्मिन्नेव काले तु यज्ञवाटं तदुज्ज्वलम् । सम्प्राप भगवान्भद्रो भद्रैश्च सह भद्रया

etasminneva kāle tu yajñavāṭaṁ tadujjvalam | samprāpa bhagavānbhadro bhadraiśca saha bhadrayā

इसी समय भगवान् भद्र उन कल्याणकारी गणों तथा भद्रकाली के साथ उस देदीप्यमान यज्ञ-मण्डप में जा पहुँचे।

श्लोक 13 (shiva.vayaviya.20.13)

तं दृष्ट्वा भीतभीतोऽपि दक्षो दृढ इव स्थितः । क्रुद्धवद् वचनं प्राह को भवान् किमिहेच्छसि

taṁ dṛṣṭvā bhītabhīto'pi dakṣo dṛḍha iva sthitaḥ | kruddhavad vacanaṁ prāha ko bhavān kimihecchasi

उसे देखकर अत्यन्त भयभीत होते हुए भी दक्ष दृढ़ता का प्रदर्शन करते हुए खड़ा रहा, और क्रोधपूर्ण वाणी में बोला — तुम कौन हो? यहाँ क्या चाहते हो?

श्लोक 14 (shiva.vayaviya.20.14)

तस्य तद्वचनं श्रुत्वा दक्षस्य च दुरात्मनः । वीरभद्रो महातेजा मेघगम्भीरनिःस्वनः

tasya tadvacanaṁ śrutvā dakṣasya ca durātmanaḥ | vīrabhadro mahātejā meghagambhīraniḥsvanaḥ

उस दुरात्मा दक्ष के उस वचन को सुनकर, महातेजस्वी, मेघ के समान गम्भीर स्वर वाले वीरभद्र ने —

श्लोक 15 (shiva.vayaviya.20.15)

स्मयन्निव तमालोक्य दक्षं देवांश्च ऋत्विजः । अर्थगर्भमसम्भ्रान्तमवोचदुचितं वचः

smayanniva tamālokya dakṣaṁ devāṁśca ṛtvijaḥ | arthagarbhamasambhrāntamavocaducitaṁ vacaḥ

दक्ष, देवताओं और ऋत्विजों की ओर मानो मुसकराते हुए देखकर, अर्थपूर्ण, अविचलित एवं समुचित वचन कहा।

श्लोक 16 (shiva.vayaviya.20.16)

वीरभद्र उवाच । वयं ह्यनुचराः सर्वे शर्वस्यामिततेजसः । भागाभिलिप्सया प्राप्ता भागो नः सम्प्रदीयताम्

vīrabhadra uvāca | vayaṁ hyanucarāḥ sarve śarvasyāmitatejasaḥ | bhāgābhilipsayā prāptā bhāgo naḥ sampradīyatām

वीरभद्र ने कहा — हम सब अपरिमित तेज वाले शर्व के अनुचर हैं; हम अपना भाग प्राप्त करने की इच्छा से यहाँ आए हैं, हमें हमारा भाग दिया जाए।

श्लोक 17 (shiva.vayaviya.20.17)

अथ चेदध्वरेऽस्माकं न भागः परिकल्पितः । कथ्यतां कारणं तत्र युध्यतां वा मयामरैः

atha cedadhvare'smākaṁ na bhāgaḥ parikalpitaḥ | kathyatāṁ kāraṇaṁ tatra yudhyatāṁ vā mayāmaraiḥ

और यदि इस यज्ञ में हमारे लिए कोई भाग निश्चित नहीं किया गया है, तो उसका कारण बताया जाए, अन्यथा देवगण मेरे साथ युद्ध करें।

श्लोक 18 (shiva.vayaviya.20.18)

इत्युक्तास्ते गणेन्द्रेण देवा दक्षपुरोगमाः । ऊचुर्मन्त्राः प्रमाणं नो न वयं प्रभवस्त्विति

ityuktāste gaṇendreṇa devā dakṣapurogamāḥ | ūcurmantrāḥ pramāṇaṁ no na vayaṁ prabhavastviti

उस गणेश्वर द्वारा ऐसा कहे जाने पर, दक्ष के नेतृत्व में देवताओं ने कहा — मन्त्र ही हमारे लिए प्रमाण हैं, हम स्वयं इसके निर्णायक नहीं हैं।

श्लोक 19 (shiva.vayaviya.20.19)

मन्त्रा ऊचुस्सुरा यूयं मोहोपहतचेतसः । येन प्रथमभागार्हं न यजध्वं महेश्वरम्

mantrā ūcussurā yūyaṁ mohopahatacetasaḥ | yena prathamabhāgārhaṁ na yajadhvaṁ maheśvaram

तब मन्त्रों ने कहा — हे देवगण! तुम सब मोह से आच्छादित बुद्धि वाले हो, जिससे तुमने प्रथम भाग के अधिकारी महेश्वर का यजन नहीं किया।

श्लोक 20 (shiva.vayaviya.20.20)

मन्त्रोक्ता अपि ते देवाः सर्वे सम्मूढचेतसः । भद्राय न ददुर्भागं तत्प्रहाणमभीप्सवः

mantroktā api te devāḥ sarve sammūḍhacetasaḥ | bhadrāya na dadurbhāgaṁ tatprahāṇamabhīpsavaḥ

मन्त्रों के द्वारा ऐसा कहे जाने पर भी, अत्यन्त मोहग्रस्त बुद्धि वाले वे सभी देवता, मानो अपने ही नाश की कामना करते हुए, भद्र को भाग नहीं दिया।

श्लोक 21 (shiva.vayaviya.20.21)

यदा तथ्यं च पथ्यं च स्ववाक्यं तद्वृथाऽभवत् । तदा ततो ययुर्मन्त्रा ब्रह्मलोकं सनातनम्

yadā tathyaṁ ca pathyaṁ ca svavākyaṁ tadvṛthā'bhavat | tadā tato yayurmantrā brahmalokaṁ sanātanam

जब उनका वह सत्य और हितकारी वचन व्यर्थ हो गया, तब मन्त्र वहाँ से सनातन ब्रह्मलोक को चले गए।

श्लोक 22 (shiva.vayaviya.20.22)

अथोवाच गणाध्यक्षो देवान् विष्णुपुरोगमान् । मन्त्राः प्रमाणं न कृता युष्माभिर्बलगर्वितैः

athovāca gaṇādhyakṣo devān viṣṇupurogamān | mantrāḥ pramāṇaṁ na kṛtā yuṣmābhirbalagarvitaiḥ

तब गणाध्यक्ष ने विष्णु के नेतृत्व में उपस्थित देवताओं से कहा — अपने बल के अभिमान में डूबे तुम लोगों ने मन्त्रों को भी प्रमाण नहीं माना।

श्लोक 23 (shiva.vayaviya.20.23)

यस्मादस्मिन् मखे देवैरित्थं वयमसत्कृताः । तस्माद्वो जीवितैस्सार्द्धमपनेष्यामि गर्वितम्

yasmādasmin makhe devairitthaṁ vayamasatkṛtāḥ | tasmādvo jīvitaissārddhamapaneṣyāmi garvitam

चूँकि इस यज्ञ में देवताओं द्वारा हमारा इस प्रकार अनादर किया गया है, इसलिए मैं तुम्हारे गर्व को तुम्हारे प्राणों सहित हर लूँगा।

श्लोक 24 (shiva.vayaviya.20.24)

इत्युक्त्वा भगवान् क्रुद्धो व्यदहन्नेत्रवह्निना । यज्ञवाटं महाकूटं यथा तिस्रः पुरो हरः

ityuktvā bhagavān kruddho vyadahannetravahninā | yajñavāṭaṁ mahākūṭaṁ yathā tisraḥ puro haraḥ

ऐसा कहकर, क्रुद्ध भगवान् ने अपने नेत्र की अग्नि से उस विशाल यज्ञ-मण्डप को उसी प्रकार जला दिया, जैसे हर ने त्रिपुर को भस्म किया था।

श्लोक 25 (shiva.vayaviya.20.25)

ततो गणेश्वराः सर्वे पर्वतोदग्रविग्रहाः । यूपानुत्पाट्य होतॄणां कण्ठेष्वाबध्य रज्जुभिः

tato gaṇeśvarāḥ sarve parvatodagravigrahāḥ | yūpānutpāṭya hotṝṇāṁ kaṇṭheṣvābadhya rajjubhiḥ

तत्पश्चात् पर्वत के समान विशाल शरीर वाले सभी गणेश्वरों ने यूपों को उखाड़कर, रस्सियों से होताओं के गले में बाँध दिया।

श्लोक 26 (shiva.vayaviya.20.26)

यज्ञपात्राणि चित्राणि भित्त्वा सञ्चूर्ण्य वारिणि । गृहीत्वा चैव यज्ञाङ्गं गङ्गास्रोतसि चिक्षिपुः

yajñapātrāṇi citrāṇi bhittvā sañcūrṇya vāriṇi | gṛhītvā caiva yajñāṅgaṁ gaṅgāsrotasi cikṣipuḥ

विचित्र यज्ञ-पात्रों को तोड़कर, चूर्ण करके जल में, और यज्ञ के अंगों को भी पकड़कर गंगा की धारा में फेंक दिया।

श्लोक 27 (shiva.vayaviya.20.27)

तत्र दिव्यान्नपानानां राशयः पर्वतोपमाः । क्षीरनद्योऽमृतस्रावाः सुस्निग्धदधिकर्दमाः

tatra divyānnapānānāṁ rāśayaḥ parvatopamāḥ | kṣīranadyo'mṛtasrāvāḥ susnigdhadadhikardamāḥ

वहाँ दिव्य अन्न और पेय पदार्थों की राशियाँ पर्वतों के समान थीं; अमृत की धाराओं वाली दूध की नदियाँ और चिकने दही से सने हुए दलदल थे।

श्लोक 28 (shiva.vayaviya.20.28)

उच्चावचानि मांसानि भक्ष्याणि सुरभीणि च । रसवन्ति च पानानि लेह्यचोष्याणि तानि वै

uccāvacāni māṁsāni bhakṣyāṇi surabhīṇi ca | rasavanti ca pānāni lehyacoṣyāṇi tāni vai

नाना प्रकार के सुगन्धित मांस, भक्ष्य पदार्थ, रसीले पेय, तथा चाटने और चूसने योग्य पदार्थ भी वहाँ थे।

श्लोक 29 (shiva.vayaviya.20.29)

वीरास्तद्भुञ्जते वक्त्रैर्विलुम्पन्ति क्षिपन्ति च । वज्रैश्चक्रैर्महाशूलैः शक्तिभिः पाशपट्टिशैः

vīrāstadbhuñjate vaktrairvilumpanti kṣipanti ca | vajraiścakrairmahāśūlaiḥ śaktibhiḥ pāśapaṭṭiśaiḥ

वे वीर उन सबको मुख से भक्षण करते, नोचते और फेंकते थे; और वज्र, चक्र, महाशूल, शक्ति, पाश और पट्टिश जैसे शस्त्रों से —

श्लोक 30 (shiva.vayaviya.20.30)

मुसलैरसिभिष्टङ्कैर्भिन्दिपालैः परश्वधैः । उद्धतांस्त्रिदशान्सर्वांल्लोकपालपुरस्सरान्

musalairasibhiṣṭaṅkairbhindipālaiḥ paraśvadhaiḥ | uddhatāṁstridaśānsarvāṁllokapālapurassarān

तथा मूसल, तलवार, टंक, भिन्दिपाल और फरसे जैसे शस्त्रों से, उन बलशाली वीरभद्र के अंगों से उत्पन्न वीरों ने लोकपालों के नेतृत्व में उद्धत हुए सभी देवताओं को —

श्लोक 31 (shiva.vayaviya.20.31)

बिभिदुर्बलिनो वीरा वीरभद्राङ्गसम्भवाः । छिन्धि भिन्धि क्षिप क्षिप्रं मार्यतां दार्यतामिति

bibhidurbalino vīrā vīrabhadrāṅgasambhavāḥ | chindhi bhindhi kṣipa kṣipraṁ māryatāṁ dāryatāmiti

— छिन्न-भिन्न कर दिया, "काटो, भेदो, फेंको, शीघ्र मारो, चीर डालो" — इस प्रकार गरजते हुए।

श्लोक 32 (shiva.vayaviya.20.32)

हरस्व प्रहरस्वेति पाटयोत्पाटयेति च । संरम्भप्रभवाः क्रूराः शब्दाः श्रवणशङ्कवः

harasva praharasveti pāṭayotpāṭayeti ca | saṁrambhaprabhavāḥ krūrāḥ śabdāḥ śravaṇaśaṅkavaḥ

"पकड़ो, प्रहार करो", "फाड़ो, उखाड़ो" — ऐसे क्रोध से उत्पन्न भयंकर शब्द, जो कानों में शूल के समान चुभते थे,

श्लोक 33 (shiva.vayaviya.20.33)

यत्र तत्र गणेशानां जज्ञिरे समरोचिताः । विवृत्तनयनाः केचिद् दष्टदंष्ट्रोष्ठतालवः

yatra tatra gaṇeśānāṁ jajñire samarocitāḥ | vivṛttanayanāḥ kecid daṣṭadaṁṣṭroṣṭhatālavaḥ

उन युद्ध में रत गणेश्वरों में इधर-उधर सर्वत्र उठ रहे थे; कुछ गण घूमती हुई आँखों वाले, अपनी दाढ़ों से होंठ और तालु काटे हुए थे।

श्लोक 34 (shiva.vayaviya.20.34)

आश्रमस्थान् समाकृष्य मारयन्ति तपोधनान् । स्रुवानपहरन्तश्च क्षिपन्तोऽग्निं जलेषु च

āśramasthān samākṛṣya mārayanti tapodhanān | sruvānapaharantaśca kṣipanto'gniṁ jaleṣu ca

वे आश्रमों में रहने वाले तपोधनों को घसीटकर मार डालते थे, स्रुवों को छीन लेते थे, और अग्नि को जल में फेंक देते थे।

श्लोक 35 (shiva.vayaviya.20.35)

कलशानपि भिन्दन्तश्छिन्दन्तो मणिवेदिकाः । गायन्तश्च नदन्तश्च हसन्तश्च मुहुर्मुहुः । रक्तासवं पिबन्तश्च ननृतुर्गणपुङ्गवाः

kalaśānapi bhindantaśchindanto maṇivedikāḥ | gāyantaśca nadantaśca hasantaśca muhurmuhuḥ | raktāsavaṁ pibantaśca nanṛturgaṇapuṅgavāḥ

वे जल-कलशों को भी तोड़ते, मणिजड़ित वेदियों को नष्ट करते, और बार-बार गाते, गरजते, हँसते हुए तथा रक्त-रूपी सुरापान करते हुए वे श्रेष्ठ गण नाचने लगे।

श्लोक 36 (shiva.vayaviya.20.36)

निर्मथ्य सेन्द्रानमरान् गणेन्द्रा वृषेन्द्रनागेन्द्रमृगेन्द्रसाराः । चक्रुर्बहून्यप्रतिमभावाः सहर्षरोमाणि विचेष्टितानि

nirmathya sendrānamarān gaṇendrā vṛṣendranāgendramṛgendrasārāḥ | cakrurbahūnyapratimabhāvāḥ saharṣaromāṇi viceṣṭitāni

उन गणेश्वरों ने, जिनका बल श्रेष्ठ वृषभ, गजराज और सिंह के समान था, इन्द्र सहित देवताओं को मथकर, अद्वितीय भाव से, रोमांचकारी अनेक चेष्टाएँ कीं।

श्लोक 37 (shiva.vayaviya.20.37)

नन्दन्ति केचित्प्रहरन्ति केचित् धावन्ति केचित्प्रलपन्ति केचित्

nandanti kecitpraharanti kecit dhāvanti kecitpralapanti kecit

कोई आनन्दित हो रहा था, कोई प्रहार कर रहा था, कोई दौड़ रहा था, कोई प्रलाप कर रहा था।

श्लोक 38 (shiva.vayaviya.20.38)

नृत्यन्ति केचिद्विहसन्ति केचित् वल्गन्ति केचित्प्रमथा बलेन

nṛtyanti kecidvihasanti kecit valganti kecitpramathā balena

कोई नाच रहा था, कोई ठठाकर हँस रहा था, बलशाली प्रमथगणों में से कोई उछल-कूद कर रहा था।

श्लोक 39 (shiva.vayaviya.20.39)

केचिज्जिघृक्षन्ति घनान्स तोयान् केचिद्ग्रहीतुं रविमुत्पतन्ति । केचित्प्रसर्तुं पवनेन सार्द्धमिच्छन्ति भीमाः प्रमथा वियत्स्थाः

kecijjighṛkṣanti ghanānsa toyān kecidgrahītuṁ ravimutpatanti | kecitprasartuṁ pavanena sārddhamicchanti bhīmāḥ pramathā viyatsthāḥ

आकाश में उड़ते हुए वे भयंकर प्रमथगण — कुछ जल से भरे मेघों को पकड़ना चाहते थे, कुछ सूर्य को पकड़ने के लिए उछल पड़ते थे, तो कुछ वायु के साथ ही दौड़ना चाहते थे।

श्लोक 40 (shiva.vayaviya.20.40)

आक्षिप्य केचिच्च वरायुधानि महाभुजङ्गानिव वैनतेयाः । भ्रमन्ति देवानपि विद्रवन्तः खमण्डले पर्वतकूटकल्पाः

ākṣipya kecicca varāyudhāni mahābhujaṅgāniva vainateyāḥ | bhramanti devānapi vidravantaḥ khamaṇḍale parvatakūṭakalpāḥ

कुछ अपने उत्तम शस्त्रों को उठाकर, जैसे गरुड़ महासर्पों को उठा लेता है, आकाश-मण्डल में पर्वत-शिखरों के समान विचरण करते हुए, भागते हुए देवताओं का भी पीछा करते थे।

श्लोक 41 (shiva.vayaviya.20.41)

उत्पाट्य चोत्पाट्य गृहाणि केचित् सजालवातायनवेदिकानि । विक्षिप्य विक्षिप्य जलस्य मध्ये कालाम्बुदाभाः प्रमथा निनेदुः

utpāṭya cotpāṭya gṛhāṇi kecit sajālavātāyanavedikāni | vikṣipya vikṣipya jalasya madhye kālāmbudābhāḥ pramathā nineduḥ

कुछ, काली मेघों के समान कान्ति वाले प्रमथगण, जालीदार वातायन और वेदिकाओं सहित घरों को बार-बार उखाड़कर, जल के बीच बार-बार फेंकते हुए गरजने लगे।

श्लोक 42 (shiva.vayaviya.20.42)

उद्वर्तितद्वारकपाटकुड्यं विध्वस्तशालावलभीगवाक्षम् । अहो बताभज्यत यज्ञवाटमनाप्तवद्वाक्यमिवायथार्थम्

udvartitadvārakapāṭakuḍyaṁ vidhvastaśālāvalabhīgavākṣam | aho batābhajyata yajñavāṭamanāptavadvākyamivāyathārtham

द्वार, किवाड़ और दीवारें उखड़ गईं, हॉल, छतें और गवाक्ष ध्वस्त हो गए — हा! वह यज्ञ-मण्डप ऐसे टूट गया, जैसे किसी अविश्वसनीय व्यक्ति का असत्य वचन टूट जाता है।

श्लोक 43 (shiva.vayaviya.20.43)

हा नाथ तातेति पितुः सुतेति भ्रातर्ममाम्बेति च मातुलेति । उत्पाट्यमानेषु गृहेषु नार्यो ह्यनाथशब्दान्बहुशः प्रचक्रुः

hā nātha tāteti pituḥ suteti bhrātarmamāmbeti ca mātuleti | utpāṭyamāneṣu gṛheṣu nāryo hyanāthaśabdānbahuśaḥ pracakruḥ

घर उखाड़े जाने पर स्त्रियाँ बार-बार अनाथों के समान करुण पुकार करने लगीं — "हाय नाथ!", "हे तात!", "हे पिता!", "हे पुत्र!", "हे भाई!", "हे मेरी माँ!", "हे मामा!"