नैमिष-वन की कथा

श्लोक 1 (shiva.vayaviya.3.1)

ब्रह्मोवाच । यतो वाचो निवर्तन्ते अप्राप्य मनसा सह । आनन्दं यस्य वै विद्वान्न बिभेति कुतश्चन

brahmovāca | yato vāco nivartante aprāpya manasā saha | ānandaṁ yasya vai vidvānna bibheti kutaścana

ब्रह्मा जी ने कहा — जिससे वाणी मन सहित लौट आती है, उसे न पाकर; जिसके आनंद को जानने वाला विद्वान कहीं से भी भयभीत नहीं होता,

श्लोक 2 (shiva.vayaviya.3.2)

यस्मात्सर्वमिदं ब्रह्मविष्णुरुद्रेन्द्रपूर्वकम् । सह भूतेन्द्रियैः सर्वैः प्रथमं सम्प्रसूयते

yasmātsarvamidaṁ brahmaviṣṇurudrendrapūrvakam | saha bhūtendriyaiḥ sarvaiḥ prathamaṁ samprasūyate

जिससे यह सब कुछ — ब्रह्मा, विष्णु, रुद्र, इंद्र आदि — समस्त भूतों और इंद्रियों सहित सर्वप्रथम उत्पन्न होता है,

श्लोक 3 (shiva.vayaviya.3.3)

कारणानां च यो धाता ध्याता परमकारणम् । न सम्प्रसूयतेऽन्यस्मात्कुतश्चन कदाचन

kāraṇānāṁ ca yo dhātā dhyātā paramakāraṇam | na samprasūyate'nyasmātkutaścana kadācana

और जो कारणों का विधाता है, परम कारण के रूप में ध्यान किया जाता है, जो स्वयं किसी अन्य से कभी भी, कहीं से भी उत्पन्न नहीं होता।

श्लोक 4 (shiva.vayaviya.3.4)

सर्वैश्वर्येण सम्पन्नो नाम्ना सर्वेश्वरः स्वयम् । सर्वैर्मुमुक्षुभिर्ध्येयः शम्भुराकाशमध्यगः

sarvaiśvaryeṇa sampanno nāmnā sarveśvaraḥ svayam | sarvairmumukṣubhirdhyeyaḥ śambhurākāśamadhyagaḥ

सर्वैश्वर्य से संपन्न, स्वयं नाम से सर्वेश्वर, समस्त मुमुक्षुओं द्वारा ध्यान करने योग्य, आकाश के मध्य में स्थित शंभु —

श्लोक 5 (shiva.vayaviya.3.5)

योऽग्रे मां विदधे पुत्रं ज्ञानं च प्रहिणोति मे । तत्प्रसादान्मया लब्धं प्राजापत्यमिदं पदम्

yo'gre māṁ vidadhe putraṁ jñānaṁ ca prahiṇoti me | tatprasādānmayā labdhaṁ prājāpatyamidaṁ padam

जिन्होंने पहले मुझे अपना पुत्र बनाया और मुझे ज्ञान प्रदान करते हैं — उन्हीं की कृपा से मुझे यह प्राजापत्य पद प्राप्त हुआ है।

श्लोक 6 (shiva.vayaviya.3.6)

ईशो वृक्ष इव स्तब्धो य एको दिवि तिष्ठति । येनेदमखिलं पूर्णं पुरुषेण महात्मना

īśo vṛkṣa iva stabdho ya eko divi tiṣṭhati | yenedamakhilaṁ pūrṇaṁ puruṣeṇa mahātmanā

जो वृक्ष के समान स्थिर, अकेले स्वर्ग में स्थित ईश हैं, जिस महात्मा पुरुष से यह सब कुछ परिपूर्ण है,

श्लोक 7 (shiva.vayaviya.3.7)

एको बहूनां जन्तूनां निष्क्रियाणां च सक्रियः । य एको बहुधा बीजं करोति स महेश्वरः

eko bahūnāṁ jantūnāṁ niṣkriyāṇāṁ ca sakriyaḥ | ya eko bahudhā bījaṁ karoti sa maheśvaraḥ

जो अनेक जीवों के लिए, स्वयं निष्क्रिय होकर भी सक्रिय है, जो अकेला ही एक बीज को अनेक रूपों में करता है — वही महेश्वर है।

श्लोक 8 (shiva.vayaviya.3.8)

जीवैरेभिरिमांल्लोकान्सर्वानीशो य ईशते । य एको भागवान् रुद्रो न द्वितीयोऽस्ति कश्चन

jīvairebhirimāṁllokānsarvānīśo ya īśate | ya eko bhāgavān rudro na dvitīyo'sti kaścana

जो इन जीवों सहित इन सभी लोकों पर शासन करता है, जो अकेला ही भगवान रुद्र है, जिसका कोई दूसरा नहीं है,

श्लोक 9 (shiva.vayaviya.3.9)

सदा जनानां हृदये सन्निविष्टोऽपि यः परैः । अलक्ष्यो लक्षयन्विश्वमधितिष्ठति सर्वदा

sadā janānāṁ hṛdaye sanniviṣṭo'pi yaḥ paraiḥ | alakṣyo lakṣayanviśvamadhitiṣṭhati sarvadā

जो सदा लोगों के हृदय में स्थित रहते हुए भी दूसरों द्वारा अलक्षित रहता है, जो अलक्ष्य होते हुए भी विश्व को देखता हुआ सदा उस पर अधिष्ठित रहता है।

श्लोक 10 (shiva.vayaviya.3.10)

यस्तु कालात्प्रमुक्तानि कारणान्यखिलान्यपि । अनन्तशक्तिरेवैको भगवानधितिष्ठति

yastu kālātpramuktāni kāraṇānyakhilānyapi | anantaśaktirevaiko bhagavānadhitiṣṭhati

जो काल से मुक्त सभी कारणों पर भी अकेला, अनंत शक्ति वाला भगवान अधिष्ठित रहता है।

श्लोक 11 (shiva.vayaviya.3.11)

न यस्य दिवसो रात्रिर्न समानो न चाधिकः । स्वाभाविकी पराशक्तिर्नित्या ज्ञानक्रिये अपि

na yasya divaso rātrirna samāno na cādhikaḥ | svābhāvikī parāśaktirnityā jñānakriye api

जिसका न दिन है न रात्रि, न कोई समान है न अधिक; जिसकी स्वाभाविक परा शक्ति नित्य है, तथा जिसका ज्ञान और क्रिया भी नित्य है।

श्लोक 12 (shiva.vayaviya.3.12)

यदिदं क्षरमव्यक्तं यदप्यमृतमक्षरम् । तावुभावक्षरात्मानावेको देवः स्वयं हरः

yadidaṁ kṣaramavyaktaṁ yadapyamṛtamakṣaram | tāvubhāvakṣarātmānāveko devaḥ svayaṁ haraḥ

जो यह क्षर अव्यक्त है और जो अमृत अक्षर है — ये दोनों अक्षर-स्वरूप एक ही देव, स्वयं हर हैं।

श्लोक 13 (shiva.vayaviya.3.13)

ईशते तदभिध्यानाद् योजनात्तत्वभावनः । भूयो ह्यस्य पशोरन्ते विश्वमाया निवर्तते

īśate tadabhidhyānād yojanāttatvabhāvanaḥ | bhūyo hyasya paśorante viśvamāyā nivartate

उसके ध्यान से, उस तत्त्व की भावना से युक्त होकर जुड़ने पर वे शासन करते हैं; और फिर इस पशु (जीव) के अंत में विश्व-माया निवृत्त हो जाती है।

श्लोक 14 (shiva.vayaviya.3.14)

यस्मिन्न भासते विद्युन्न सूर्यो न च चन्द्रमाः । यस्य भासा विभातीदमित्येषा शाश्वती श्रुतिः

yasminna bhāsate vidyunna sūryo na ca candramāḥ | yasya bhāsā vibhātīdamityeṣā śāśvatī śrutiḥ

जिसमें न बिजली प्रकाशित होती है, न सूर्य, न चंद्रमा — जिसकी प्रभा से यह सब प्रकाशित होता है — यह शाश्वत श्रुति है।

श्लोक 15 (shiva.vayaviya.3.15)

एको देवो महादेवो विज्ञेयस्तु महेश्वरः । न तस्य परमं किञ्चित्पदं समधिगम्यते

eko devo mahādevo vijñeyastu maheśvaraḥ | na tasya paramaṁ kiñcitpadaṁ samadhigamyate

एक ही देव, महादेव, महेश्वर के रूप में जानने योग्य हैं; उनसे परे कोई भी परम पद प्राप्त नहीं होता।

श्लोक 16 (shiva.vayaviya.3.16)

अयमादिरनाद्यन्तः स्वभावादेव निर्मलः । स्वतन्त्रः परिपूर्णश्च स्वेच्छाधीनश्चराचरः

ayamādiranādyantaḥ svabhāvādeva nirmalaḥ | svatantraḥ paripūrṇaśca svecchādhīnaścarācaraḥ

यह आदि है, फिर भी आदि-अंत रहित है, स्वभाव से ही निर्मल है; स्वतंत्र, परिपूर्ण, और चराचर जगत जिसकी अपनी इच्छा के अधीन है।

श्लोक 17 (shiva.vayaviya.3.17)

अप्राकृतवपुः श्रीमांल्लक्ष्यलक्षणवर्जितः । अयं मुक्तो मोचकश्च ह्यकालः कालचोदकः

aprākṛtavapuḥ śrīmāṁllakṣyalakṣaṇavarjitaḥ | ayaṁ mukto mocakaśca hyakālaḥ kālacodakaḥ

जिनका शरीर अप्राकृत (प्रकृति से परे) है, जो श्रीमान हैं, जो लक्ष्य और लक्षण से रहित हैं; ये स्वयं मुक्त और मुक्ति देने वाले हैं, काल से परे होकर भी काल के प्रेरक हैं।

श्लोक 18 (shiva.vayaviya.3.18)

सर्वोपरिकृतावासः सर्वावासश्च सर्ववित् । षड्विधाध्वमयस्यास्य सर्वस्य जगतः पतिः

sarvoparikṛtāvāsaḥ sarvāvāsaśca sarvavit | ṣaḍvidhādhvamayasyāsya sarvasya jagataḥ patiḥ

सबसे ऊपर निवास करने वाले, फिर भी सबके निवास-स्थान, सर्वज्ञ; छह प्रकार के अध्वा (मार्ग) से युक्त इस संपूर्ण जगत के स्वामी।

श्लोक 19 (shiva.vayaviya.3.19)

उत्तरोत्तरभूतानामुत्तरश्च निरुत्तरः । अनन्तानन्तसन्दोहमकरन्दमध्रुव्रतः

uttarottarabhūtānāmuttaraśca niruttaraḥ | anantānantasandohamakarandamadhruvrataḥ

उत्तरोत्तर श्रेष्ठ भूतों से भी श्रेष्ठ, फिर भी स्वयं से श्रेष्ठ कोई नहीं; अनंत-अनंत समूहों के मकरंद-स्वरूप, अटल व्रत वाले।

श्लोक 20 (shiva.vayaviya.3.20)

अखण्डजगदण्डानां पिण्डीकरणपण्डितः । औदार्यवीर्यगाम्भीर्यमाधुर्यमकरालयः

akhaṇḍajagadaṇḍānāṁ piṇḍīkaraṇapaṇḍitaḥ | audāryavīryagāmbhīryamādhuryamakarālayaḥ

अखंड ब्रह्मांडों को एकत्र करने में निपुण; औदार्य, वीर्य, गांभीर्य और माधुर्य के आलय (आश्रय)।

श्लोक 21 (shiva.vayaviya.3.21)

नैवास्य सदृशं वस्तु नाधिकं चापि किञ्चन । अतुलः सर्वभूतानां राजराजश्च तिष्ठति

naivāsya sadṛśaṁ vastu nādhikaṁ cāpi kiñcana | atulaḥ sarvabhūtānāṁ rājarājaśca tiṣṭhati

इनके समान या इनसे अधिक कोई वस्तु नहीं है; अतुल्य, समस्त प्राणियों के राजाओं के भी राजा के रूप में विराजमान हैं।

श्लोक 22 (shiva.vayaviya.3.22)

अनेन चित्रकृत्येन प्रथमं सृज्यते जगत् । अन्तकाले पुनश्चेदं तस्मिन्प्रलयमेष्यति

anena citrakṛtyena prathamaṁ sṛjyate jagat | antakāle punaścedaṁ tasminpralayameṣyati

इसी अद्भुत कृत्य से सर्वप्रथम जगत की रचना होती है; और अंतकाल में यह जगत पुनः उन्हीं में लीन हो जाता है।

श्लोक 23 (shiva.vayaviya.3.23)

अस्य भूतानि वश्यानि अयं सर्वनियोजकः । अयं तु परया भक्त्या दृश्यते नान्यथा क्वचित्

asya bhūtāni vaśyāni ayaṁ sarvaniyojakaḥ | ayaṁ tu parayā bhaktyā dṛśyate nānyathā kvacit

इनके अधीन सभी भूत हैं, ये ही सबके नियोजक हैं; किंतु ये केवल परम भक्ति से ही दिखाई देते हैं, अन्यथा कभी नहीं।

श्लोक 24 (shiva.vayaviya.3.24)

व्रतानि सर्वदानानि तपांसि नियमास्तथा । कथितानि पुरा सद्भिर्भावार्थं नात्र संशयः

vratāni sarvadānāni tapāṁsi niyamāstathā | kathitāni purā sadbhirbhāvārthaṁ nātra saṁśayaḥ

व्रत, समस्त दान, तप तथा नियम — ये सब पूर्वकाल में सज्जनों द्वारा भाव (भक्ति) की प्राप्ति के लिए कहे गए हैं, इसमें कोई संदेह नहीं।

श्लोक 25 (shiva.vayaviya.3.25)

हरिश्चाहं च रुद्रश्च तथान्ये च सुरासुराः । तपोभिरुग्रैरद्यापि तस्य दर्शनकाङ्क्षिणः

hariścāhaṁ ca rudraśca tathānye ca surāsurāḥ | tapobhirugrairadyāpi tasya darśanakāṁkṣiṇaḥ

हरि, मैं स्वयं, रुद्र, तथा अन्य देव और असुर भी — आज भी उग्र तप द्वारा उनके दर्शन की कामना करते हैं।

श्लोक 26 (shiva.vayaviya.3.26)

अदृश्यः पतितैर्मूढैर्दुर्जनैरपि कुत्सितैः । भक्तैरन्तर्बहिश्चापि पूज्यः सम्भाष्य एव च

adṛśyaḥ patitairmūḍhairdurjanairapi kutsitaiḥ | bhaktairantarbahiścāpi pūjyaḥ sambhāṣya eva ca

पतित, मूढ़, दुर्जन और निंदित लोगों के लिए वे अदृश्य हैं; किंतु भक्तों के लिए वे भीतर-बाहर दोनों जगह पूज्य और संभाषण योग्य हैं।

श्लोक 27 (shiva.vayaviya.3.27)

तदिदं त्रिविधं रूपं स्थूलं सूक्ष्मं ततः परम् । अस्मदाद्यमरैर्दृश्यं स्थूलं सूक्ष्मं तु योगिभिः

tadidaṁ trividhaṁ rūpaṁ sthūlaṁ sūkṣmaṁ tataḥ param | asmadādyamarairdṛśyaṁ sthūlaṁ sūkṣmaṁ tu yogibhiḥ

उनका यह त्रिविध रूप है — स्थूल, सूक्ष्म, और उससे परे; स्थूल रूप हम आदि देवों द्वारा देखा जाता है, सूक्ष्म रूप योगियों द्वारा।

श्लोक 28 (shiva.vayaviya.3.28)

ततः परं तु यन्नित्यं ज्ञानमानन्दमव्ययम् । तन्निष्ठैस्तत्परैर्भक्तैर्दृश्यं तद् व्रतमाश्रितैः

tataḥ paraṁ tu yannityaṁ jñānamānandamavyayam | tanniṣṭhaistatparairbhaktairdṛśyaṁ tad vratamāśritaiḥ

उससे भी परे जो नित्य, ज्ञान-आनंद-स्वरूप, अविनाशी है, वह उन्हीं भक्तों द्वारा देखा जाता है जो उसमें निष्ठावान, तत्पर और उस व्रत के आश्रित हैं।

श्लोक 29 (shiva.vayaviya.3.29)

बहुनाऽत्र किमुक्तेन गुह्याद्गुह्यतरं परम् । शिवे भक्तिर्न सन्देहस्तया युक्तो विमुच्यते

bahunā'tra kimuktena guhyādguhyataraṁ param | śive bhaktirna sandehastayā yukto vimucyate

यहाँ अधिक कहने से क्या लाभ? गुह्य से भी अधिक गुह्य परम तत्त्व शिव में भक्ति है — इसमें संदेह नहीं; उससे युक्त होकर मनुष्य मुक्त हो जाता है।

श्लोक 30 (shiva.vayaviya.3.30)

प्रसादादेव सा भक्तिः प्रसादो भक्तिसम्भवः । यथा चाङ्कुरतो बीजं बीजतो वा यथाङ्कुरः

prasādādeva sā bhaktiḥ prasādo bhaktisambhavaḥ | yathā cāṁkurato bījaṁ bījato vā yathāṁkuraḥ

वह भक्ति कृपा से ही उत्पन्न होती है, और कृपा भक्ति से उत्पन्न होती है — जैसे अंकुर से बीज होता है, या बीज से अंकुर।

श्लोक 31 (shiva.vayaviya.3.31)

प्रसादपूर्विका एव पशोः सर्वत्र सिद्धयः । स एव साधनैरन्ते सर्वैरपि च साध्यते

prasādapūrvikā eva paśoḥ sarvatra siddhayaḥ | sa eva sādhanairante sarvairapi ca sādhyate

पशु (जीव) की सभी सिद्धियाँ सर्वत्र कृपा-पूर्वक ही होती हैं; और वे ही अंत में सभी साधनों द्वारा भी साध्य हो जाते हैं।

श्लोक 32 (shiva.vayaviya.3.32)

प्रसादसाधनं धर्मः स च वेदेन दर्शितः । तदभ्यासवशात्साम्यं पूर्वयोः पुण्यपापयोः

prasādasādhanaṁ dharmaḥ sa ca vedena darśitaḥ | tadabhyāsavaśātsāmyaṁ pūrvayoḥ puṇyapāpayoḥ

कृपा का साधन धर्म है, और वह वेद द्वारा दिखाया गया है; उसके अभ्यास से पूर्व के पुण्य और पाप में साम्य आता है,

श्लोक 33 (shiva.vayaviya.3.33)

साम्यात्प्रसादसम्पर्को धर्मस्यातिशयस्ततः । धर्मातिशयमासाद्य पशोः पापपरिक्षयः

sāmyātprasādasamparko dharmasyātiśayastataḥ | dharmātiśayamāsādya paśoḥ pāpaparikṣayaḥ

साम्य से कृपा का संपर्क होता है, उससे धर्म की अधिकता होती है; धर्म की अधिकता प्राप्त कर पशु के पाप का क्षय होता है।

श्लोक 34 (shiva.vayaviya.3.34)

एवं प्रक्षीणपापस्य बहुभिर्जन्मभिः क्रमात् । साम्बे सर्वेश्वरे भक्तिर्ज्ञानपूर्वा प्रजायते

evaṁ prakṣīṇapāpasya bahubhirjanmabhiḥ kramāt | sāmbe sarveśvare bhaktirjñānapūrvā prajāyate

इस प्रकार क्रमशः अनेक जन्मों में पाप क्षीण होने पर, सर्वेश्वर साम्ब (उमा सहित शिव) में ज्ञानपूर्वक भक्ति उत्पन्न होती है।

श्लोक 35 (shiva.vayaviya.3.35)

भावानुगुणमीशस्य प्रसादो व्यतिरिच्यते । प्रसादात्कर्मसन्त्यागः फलतो न स्वरूपतः

bhāvānuguṇamīśasya prasādo vyatiricyate | prasādātkarmasantyāgaḥ phalato na svarūpataḥ

भाव के अनुरूप ईश्वर की कृपा बढ़ती जाती है; कृपा से कर्म के फल का त्याग होता है, कर्म के स्वरूप का नहीं।

श्लोक 36 (shiva.vayaviya.3.36)

तस्मात्कर्मफलत्यागाच्छिवधर्मान्वयः शुभः । स च गुर्वनपेक्षश्च तदपेक्ष इति द्विधा

tasmātkarmaphalatyāgācchivadharmānvayaḥ śubhaḥ | sa ca gurvanapekṣaśca tadapekṣa iti dvidhā

इसलिए कर्मफल के त्याग से शिवधर्म का शुभ अनुसरण होता है; और वह गुरु की अपेक्षा रहित और गुरु की अपेक्षा सहित — इस प्रकार दो प्रकार का है।

श्लोक 37 (shiva.vayaviya.3.37)

तत्रानपेक्षात्सापेक्षो मुख्यः शतगुणाधिकः । शिवधर्मान्वयस्यास्य शिवज्ञानसमन्वयः

tatrānapekṣātsāpekṣo mukhyaḥ śataguṇādhikaḥ | śivadharmānvayasyāsya śivajñānasamanvayaḥ

उनमें अपेक्षा-रहित की अपेक्षा अपेक्षा-सहित मुख्य है, सौ गुना अधिक; इस शिवधर्म के अनुसरण से शिवज्ञान का संयोग होता है।

श्लोक 38 (shiva.vayaviya.3.38)

ज्ञानान्वयवशात्पुंसः संसारे दोषदर्शनम् । ततो विषयवैराग्यं वैराग्याद्भावसाधनम्

jñānānvayavaśātpuṁsaḥ saṁsāre doṣadarśanam | tato viṣayavairāgyaṁ vairāgyādbhāvasādhanam

ज्ञान के संयोग से मनुष्य को संसार में दोष दिखाई देते हैं; उससे विषयों से वैराग्य होता है, वैराग्य से भाव की सिद्धि होती है।

श्लोक 39 (shiva.vayaviya.3.39)

भावसिद्ध्युपपन्नस्य ध्याने निष्ठा न कर्मणि । ज्ञानध्यानाभियुक्तस्य पुंसो योगः प्रवर्तते

bhāvasiddhyupapannasya dhyāne niṣṭhā na karmaṇi | jñānadhyānābhiyuktasya puṁso yogaḥ pravartate

भाव-सिद्धि प्राप्त व्यक्ति की निष्ठा ध्यान में होती है, कर्म में नहीं; ज्ञान और ध्यान में लगे मनुष्य को योग की प्राप्ति होती है।

श्लोक 40 (shiva.vayaviya.3.40)

योगेन तु परा भक्तिः प्रसादस्तदनन्तरम् । प्रसादान्मुच्यते जन्तुर्मुक्तः शिवसमो भवेत्

yogena tu parā bhaktiḥ prasādastadanantaram | prasādānmucyate janturmuktaḥ śivasamo bhavet

योग से परा भक्ति होती है, और उसके तुरंत बाद कृपा; कृपा से जीव मुक्त हो जाता है, मुक्त होकर वह शिव के समान हो जाता है।

श्लोक 41 (shiva.vayaviya.3.41)

अनुग्रहप्रकारस्य क्रमोऽयमविवक्षितः । यादृशी योग्यता पुंसस्तस्य तादृगनुग्रहः

anugrahaprakārasya kramo'yamavivakṣitaḥ | yādṛśī yogyatā puṁsastasya tādṛganugrahaḥ

अनुग्रह के प्रकार का यह क्रम अनिश्चित है; जैसी मनुष्य की योग्यता होती है, वैसा ही उसे अनुग्रह प्राप्त होता है।

श्लोक 42 (shiva.vayaviya.3.42)

गर्भस्थो मुच्यते कश्चिज्जायमानस्तथापरः । बालो वा तरुणो वाथ वृद्धो वा मुच्यते परः

garbhastho mucyate kaścijjāyamānastathāparaḥ | bālo vā taruṇo vātha vṛddho vā mucyate paraḥ

कोई गर्भ में ही मुक्त हो जाता है, कोई जन्म लेते ही; कोई बालक, कोई युवा, तो कोई वृद्ध होकर मुक्त होता है।

श्लोक 43 (shiva.vayaviya.3.43)

तिर्यग्योनिगतः कश्चिन्मुच्यते नारकोऽपरः । अपरस्तु पदं प्राप्तो मुच्यते स्वपदक्षये

tiryagyonigataḥ kaścinmucyate nārako'paraḥ | aparastu padaṁ prāpto mucyate svapadakṣaye

कोई पशु-योनि में जाकर मुक्त होता है, कोई नरक में; कोई किसी पद को प्राप्त कर उसी पद के क्षय होने पर मुक्त होता है।

श्लोक 44 (shiva.vayaviya.3.44)

कश्चित्क्षीणपदो भूत्वा पुनरावर्त्य मुच्यते । कश्चिदध्वगतस्तस्मिन् स्थित्वा स्थित्वा विमुच्यते

kaścitkṣīṇapado bhūtvā punarāvartya mucyate | kaścidadhvagatastasmin sthitvā sthitvā vimucyate

कोई पद क्षीण होकर पुनः लौटकर मुक्त होता है; कोई मार्ग में स्थित होकर बार-बार स्थित रहकर मुक्त होता है।

श्लोक 45 (shiva.vayaviya.3.45)

तस्मान्नैकप्रकारेण नराणां मुक्तिरिष्यते । ज्ञानभावानुरूपेण प्रसादेनैव निर्वृतिः

tasmānnaikaprakāreṇa narāṇāṁ muktiriṣyate | jñānabhāvānurūpeṇa prasādenaiva nirvṛtiḥ

इसलिए मनुष्यों की मुक्ति एक ही प्रकार की नहीं मानी जाती; ज्ञान और भाव के अनुरूप कृपा से ही निर्वृत्ति (मोक्ष) होती है।

श्लोक 46 (shiva.vayaviya.3.46)

तस्मादस्य प्रसादार्थं वाङ्मनोदोषवर्जिताः । ध्यायन्तश्शिवमेवैकं सदारतनयाग्नयः

tasmādasya prasādārthaṁ vāṁmanodoṣavarjitāḥ | dhyāyantaśśivamevaikaṁ sadāratanayāgnayaḥ

इसलिए उनकी कृपा के लिए, वाणी और मन के दोषों से रहित होकर, पत्नी, पुत्र और अग्नियों सहित सदा एक शिव का ही ध्यान करते हुए,

श्लोक 47 (shiva.vayaviya.3.47)

तन्निष्ठास्तत्पराः सर्वे तद्युक्तास्तदुपाश्रयाः । सर्वक्रियाः प्रकुर्वाणास्तमेव मनसा गताः

tanniṣṭhāstatparāḥ sarve tadyuktāstadupāśrayāḥ | sarvakriyāḥ prakurvāṇāstameva manasā gatāḥ

उन्हीं में निष्ठावान, उन्हीं में तत्पर, उन्हीं से युक्त, उन्हीं का आश्रय लिए हुए, सभी क्रियाएँ करते हुए भी मन से उन्हीं की ओर गए हुए —

श्लोक 48 (shiva.vayaviya.3.48)

दीर्घसूत्रसमारब्धं दिव्यवर्षसहस्रकम् । सत्रान्ते मन्त्रयोगेन वायुस्तत्र गमिष्यति

dīrghasūtrasamārabdhaṁ divyavarṣasahasrakam | satrānte mantrayogena vāyustatra gamiṣyati

दीर्घकाल से आरंभ यह [यज्ञ] एक हजार दिव्य वर्षों तक चलेगा; उस सत्र के अंत में वायु देव मंत्र-योग द्वारा वहाँ पधारेंगे।

श्लोक 49 (shiva.vayaviya.3.49)

स एव भवतां श्रेयः सोपायं कथयिष्यति । ततो वाराणसी पुण्या पुरी परमशोभना

sa eva bhavatāṁ śreyaḥ sopāyaṁ kathayiṣyati | tato vārāṇasī puṇyā purī paramaśobhanā

वे ही तुम्हारे कल्याण को उसके उपाय सहित बताएँगे। फिर पवित्र, परम सुंदर वाराणसी नगरी —

श्लोक 50 (shiva.vayaviya.3.50)

गन्तव्या यत्र विश्वेशो देव्या सह पिनाकधृक् । सदा विहरति श्रीमान् भक्तानुग्रहकारणात्

gantavyā yatra viśveśo devyā saha pinākadhṛk | sadā viharati śrīmān bhaktānugrahakāraṇāt

जहाँ जाना है, जहाँ विश्वेश पिनाकधारी देवी के साथ, भक्तों पर अनुग्रह के लिए, सदा श्रीमान होकर विहार करते हैं।

श्लोक 51 (shiva.vayaviya.3.51)

तत्राश्चर्यं महद् दृष्ट्वा मत्समीपं गमिष्यथ । ततो वः कथयिष्यामि मोक्षोपायं द्विजोत्तमाः

tatrāścaryaṁ mahad dṛṣṭvā matsamīpaṁ gamiṣyatha | tato vaḥ kathayiṣyāmi mokṣopāyaṁ dvijottamāḥ

वहाँ एक महान आश्चर्य देखकर तुम मेरे समीप आओगे; तब मैं तुम्हें, हे द्विजोत्तमो, मोक्ष का उपाय बताऊँगा,

श्लोक 52 (shiva.vayaviya.3.52)

येनैकजन्मना मुक्तिर्युष्मत्करतले स्थिता । अनेकजन्मसंसारबन्धनिर्मोक्षकारिणी

yenaikajanmanā muktiryuṣmatkaratale sthitā | anekajanmasaṁsārabandhanirmokṣakāriṇī

जिससे एक ही जन्म में मुक्ति तुम्हारी हथेली में स्थित हो जाएगी — जो अनेक जन्मों के संसार-बंधन से मुक्त करने वाली है।

श्लोक 53 (shiva.vayaviya.3.53)

एतन्मनोमयं चक्रं मया सृष्टं विसृज्यते । यत्रास्य शीर्यते नेमिः स देशस्तपसः शुभः

etanmanomayaṁ cakraṁ mayā sṛṣṭaṁ visṛjyate | yatrāsya śīryate nemiḥ sa deśastapasaḥ śubhaḥ

यह मन से निर्मित चक्र मेरे द्वारा रचा जाकर छोड़ा जा रहा है; जहाँ इसकी नेमि (धार) टूटेगी, वह देश तप के लिए शुभ होगा।

श्लोक 54 (shiva.vayaviya.3.54)

इत्युक्त्वा सूर्यसङ्काशं चक्रं दृष्ट्वा मनोमयम् । प्रणिपत्य महादेवं विससर्ज पितामहः

ityuktvā sūryasaṁkāśaṁ cakraṁ dṛṣṭvā manomayam | praṇipatya mahādevaṁ visasarja pitāmahaḥ

यह कहकर, सूर्य के समान तेजस्वी उस मनोमय चक्र को देखकर, महादेव को प्रणाम कर, पितामह ने उसे छोड़ दिया।

श्लोक 55 (shiva.vayaviya.3.55)

तेऽपि हृष्टतरा विप्राः प्रणम्य जगतां प्रभुम् । प्रययुस्तस्य चक्रस्य यत्र नेमिरशीर्यत

te'pi hṛṣṭatarā viprāḥ praṇamya jagatāṁ prabhum | prayayustasya cakrasya yatra nemiraśīryata

वे विप्रगण भी अत्यंत हर्षित होकर, जगत के प्रभु को प्रणाम कर, वहाँ गए जहाँ उस चक्र की नेमि टूटी थी।

श्लोक 56 (shiva.vayaviya.3.56)

चक्रं तदपि सङ्क्षिप्तं श्लक्ष्णं चारुशिलातले । विमलस्वादुपानीये निपपात वने क्वचित्

cakraṁ tadapi saṁkṣiptaṁ ślakṣṇaṁ cāruśilātale | vimalasvādupānīye nipapāta vane kvacit

वह चक्र भी सिमटकर, एक सुंदर, चिकनी शिला पर, निर्मल स्वादिष्ट जल वाले किसी वन में जा गिरा।

श्लोक 57 (shiva.vayaviya.3.57)

तद्वनं तेन विख्यातं नैमिषं मुनिपूजितम् । अनेकयक्षगन्धर्वविद्याधरसमाकुलम्

tadvanaṁ tena vikhyātaṁ naimiṣaṁ munipūjitam | anekayakṣagandharvavidyādharasamākulam

उस वन के कारण वह नैमिष नाम से विख्यात हुआ, मुनियों द्वारा पूजित, अनेक यक्ष, गंधर्व और विद्याधरों से व्याप्त।

श्लोक 58 (shiva.vayaviya.3.58)

अष्टादश समुद्रस्य द्वीपानश्नन्पुरूरवाः । विलासवशमुर्वश्या यातो दैवेन चोदितः

aṣṭādaśa samudrasya dvīpānaśnanpurūravāḥ | vilāsavaśamurvaśyā yāto daivena coditaḥ

समुद्र के अठारह द्वीपों का भोग करते हुए पुरूरवा, उर्वशी के विलास के वश में, दैव द्वारा प्रेरित होकर वहाँ गए।

श्लोक 59 (shiva.vayaviya.3.59)

अक्रमेणाहरन्मोहाद्यज्ञवाटं हिरण्मयम् । मुनिभिर्यत्र सङ्क्रुद्धैः कुशवज्रैर्निपातितः

akrameṇāharanmohādyajñavāṭaṁ hiraṇmayam | munibhiryatra saṁkruddhaiḥ kuśavajrairnipātitaḥ

उन्होंने मोहवश अविधिपूर्वक उस स्वर्णमय यज्ञ-वाट को हर लिया, जहाँ क्रुद्ध मुनियों द्वारा कुश की वज्र समान धार से वे गिरा दिए गए।

श्लोक 60 (shiva.vayaviya.3.60)

विश्वं सिसृक्षमाणा वै यत्र विश्वसृजः पुरा । सत्रमारेभिरे दिव्यं ब्रह्मज्ञा गार्हपत्यगाः

viśvaṁ sisṛkṣamāṇā vai yatra viśvasṛjaḥ purā | satramārebhire divyaṁ brahmajñā gārhapatyagāḥ

जहाँ पूर्वकाल में विश्व की रचना करने की इच्छा रखने वाले विश्व-स्रष्टा, ब्रह्मज्ञानी, गार्हपत्य अग्नि रखने वाले, दिव्य यज्ञ-सत्र आरंभ करते थे,

श्लोक 61 (shiva.vayaviya.3.61)

ऋषिभिर्यत्र विद्वद्भिः शब्दार्थन्यायकोविदैः । शक्तिप्रज्ञाक्रियायोगैर्विधिरासीदनुष्ठितः

ṛṣibhiryatra vidvadbhiḥ śabdārthanyāyakovidaiḥ | śaktiprajñākriyāyogairvidhirāsīdanuṣṭhitaḥ

जहाँ शब्द, अर्थ और न्याय में कुशल विद्वान ऋषियों द्वारा शक्ति, प्रज्ञा और क्रिया के योग से विधि का अनुष्ठान किया जाता था।

श्लोक 62 (shiva.vayaviya.3.62)

यत्र वेदविदो नित्यं वेदवादबहिष्कृतान् । वादजल्पबलैर्घ्नन्ति वचोभिरतिवादिनः

yatra vedavido nityaṁ vedavādabahiṣkṛtān | vādajalpabalairghnanti vacobhirativādinaḥ

जहाँ वेद के ज्ञाता, वेद-वाद से बहिष्कृत अतिवादियों को सदा अपने वाद-विवाद के बल तथा वचनों से पराजित करते हैं।

श्लोक 63 (shiva.vayaviya.3.63)

स्फटिकमयमहीभृत्पादजाभ्यश्शिलाभ्यः प्रसरदमृतकल्पस्वच्छपानीयरम्यम् । अतिरसफलवृक्षप्रायमव्यालसत्त्वं तपस उचितमासीन्नैमिषं तन्मुनीनाम्

sphaṭikamayamahībhṛtpādajābhyaśśilābhyaḥ prasaradamṛtakalpasvacchapānīyaramyam | atirasaphalavṛkṣaprāyamavyālasattvaṁ tapasa ucitamāsīnnaimiṣaṁ tanmunīnām

स्फटिकमय पर्वत की तलहटी की शिलाओं से बहते हुए अमृत-तुल्य निर्मल जल से रमणीय, अत्यंत रसीले फलों वाले वृक्षों से युक्त, विषैले जीवों से रहित — वह नैमिष वन मुनियों के तप के लिए उपयुक्त था।