वायु देव का आगमन

श्लोक 1 (shiva.vayaviya.4.1)

सूत उवाच । तस्मिन्देशे महाभागा मुनयः शंसितव्रताः । अर्चयन्तो महादेवं सत्रमारेभिरे तदा

sūta uvāca | tasmindeśe mahābhāgā munayaḥ śaṁsitavratāḥ | arcayanto mahādevaṁ satramārebhire tadā

सूत जी ने कहा — उस स्थान पर महाभाग्यशाली, शुद्ध व्रत वाले मुनियों ने महादेव की आराधना करते हुए तब यज्ञ-सत्र आरंभ किया।

श्लोक 2 (shiva.vayaviya.4.2)

तच्च सत्रं प्रववृते सर्वाश्चर्यं महर्षिणाम् । विश्वं सिसृक्षमाणानां पुरा विश्वसृजामिव

tacca satraṁ pravavṛte sarvāścaryaṁ maharṣiṇām | viśvaṁ sisṛkṣamāṇānāṁ purā viśvasṛjāmiva

और वह सत्र महर्षियों का सर्वाश्चर्यमय रूप से चलता रहा — मानो पूर्वकाल में विश्व की रचना की इच्छा रखने वाले विश्व-स्रष्टाओं के समान।

श्लोक 3 (shiva.vayaviya.4.3)

अथ काले गते सत्रे समाप्ते भूरिदक्षिणे । पितामहनियोगेन वायुस्तत्रागमत्स्वयम्

atha kāle gate satre samāpte bhūridakṣiṇe | pitāmahaniyogena vāyustatrāgamatsvayam

तत्पश्चात् समय बीतने पर, बहुदक्षिणा वाला वह सत्र समाप्त होने पर, पितामह की आज्ञा से वायु देव स्वयं वहाँ पधारे।

श्लोक 4 (shiva.vayaviya.4.4)

शिष्यः स्वयम्भुवो देवः सर्वप्रत्यक्षदृग्वशी । आज्ञायां मरुतो यस्य संस्थिताः सप्तसप्तकाः

śiṣyaḥ svayambhuvo devaḥ sarvapratyakṣadṛgvaśī | ājñāyāṁ maruto yasya saṁsthitāḥ saptasaptakāḥ

स्वयंभू (ब्रह्मा) के शिष्य, समस्त वस्तुओं को साक्षात् देखने वाले, संयमी देव, जिनकी आज्ञा में उनचास (सात-सात के सात समूह) मरुद्गण स्थित हैं,

श्लोक 5 (shiva.vayaviya.4.5)

प्रेरयञ्छश्वदङ्गानि प्राणाद्याभिः स्ववृत्तिभिः । सर्वभूतशरीराणां कुरुते यश्च धारणम्

prerayañchaśvadaṁgāni prāṇādyābhiḥ svavṛttibhiḥ | sarvabhūtaśarīrāṇāṁ kurute yaśca dhāraṇam

जो प्राणादि अपनी वृत्तियों द्वारा सतत अंगों को प्रेरित करते हैं, और जो समस्त प्राणियों के शरीरों को धारण करते हैं,

श्लोक 6 (shiva.vayaviya.4.6)

अणिमादिभिरष्टाभिरैश्वर्यैश्च समन्वितः । तिर्यक् करादिभिर्मेध्यैर्भुवनानि बिभर्ति यः

aṇimādibhiraṣṭābhiraiśvaryaiśca samanvitaḥ | tiryak karādibhirmedhyairbhuvanāni bibharti yaḥ

अणिमा आदि आठ ऐश्वर्यों से युक्त, जो अपने पवित्र हाथों आदि से तिरछे रूप में लोकों को धारण करते हैं,

श्लोक 7 (shiva.vayaviya.4.7)

आकाशयोनिर्द्विगुणः स्पर्शशब्दसमन्वयात् । तेजसां प्रकृतिश्चेति यमाहुस्तत्त्वचिन्तकाः

ākāśayonirdviguṇaḥ sparśaśabdasamanvayāt | tejasāṁ prakṛtiśceti yamāhustattvacintakāḥ

आकाश से उत्पन्न, स्पर्श और शब्द के संयोग से द्विगुण, और तेज के मूल कारण — ऐसा तत्त्वचिंतक उन्हें कहते हैं।

श्लोक 8 (shiva.vayaviya.4.8)

तमाश्रमगतं दृष्ट्वा मुनयो दीर्घसत्रिणः । पितामहवचः स्मृत्वा प्रहर्षमतुलं ययुः

tamāśramagataṁ dṛṣṭvā munayo dīrghasatriṇaḥ | pitāmahavacaḥ smṛtvā praharṣamatulaṁ yayuḥ

उन्हें आश्रम में आया देख, दीर्घ सत्र करने वाले मुनि, पितामह के वचन को स्मरण कर, अतुल हर्ष को प्राप्त हुए।

श्लोक 9 (shiva.vayaviya.4.9)

अभ्युत्थाय ततः सर्वे प्रणम्याम्बरसम्भवम् । चामीकरमयं तस्मै विष्टरं समकल्पयन्

abhyutthāya tataḥ sarve praṇamyāmbarasambhavam | cāmīkaramayaṁ tasmai viṣṭaraṁ samakalpayan

तब सभी उठकर, आकाश से उत्पन्न उन्हें प्रणाम कर, उनके लिए स्वर्णमय आसन तैयार किया।

श्लोक 10 (shiva.vayaviya.4.10)

सोऽपि तत्र समासीनो मुनिभिः सम्यगर्चितः । प्रतिनन्द्य च तान् सर्वान् पप्रच्छ कुशलं ततः

so'pi tatra samāsīno munibhiḥ samyagarcitaḥ | pratinandya ca tān sarvān papraccha kuśalaṁ tataḥ

वे भी वहाँ विराजमान होकर, मुनियों द्वारा भली-भाँति पूजित हो, उन सबका अभिनंदन कर, फिर कुशल-क्षेम पूछा।

श्लोक 11 (shiva.vayaviya.4.11)

वायुरुवाच । अत्र वः कुशलं विप्राः कच्चिद्वृत्ते महाक्रतौ । कच्चिद्यज्ञहनो दैत्या न बाधेरन्सुरद्विषः

vāyuruvāca | atra vaḥ kuśalaṁ viprāḥ kaccidvṛtte mahākratau | kaccidyajñahano daityā na bādheransuradviṣaḥ

वायु देव ने कहा — हे विप्रो, यहाँ आप सबका कुशल तो है? क्या यह महान क्रतु सम्यक् रूप से संपन्न हुआ? क्या यज्ञ-विनाशक दैत्य, देवताओं के शत्रु, आपको बाधा नहीं पहुँचा सके?

श्लोक 12 (shiva.vayaviya.4.12)

प्रायश्चित्तं दुरिष्टं वा न कश्चित्समजायत । स्तोत्रमन्त्रजपैर्देवान् पितृन् पित्र्यैश्च कर्मभिः

prāyaścittaṁ duriṣṭaṁ vā na kaścitsamajāyata | stotramantrajapairdevān pitṛn pitryaiśca karmabhiḥ

क्या कोई प्रायश्चित्त या दुर्इष्ट कर्म तो नहीं हुआ? क्या स्तोत्र और मंत्र-जप द्वारा देवताओं और पितरों की, पैतृक कर्मों सहित,

श्लोक 13 (shiva.vayaviya.4.13)

कच्चिदभ्यर्च्य युष्माभिर्विधिरासीत्स्वनुष्ठितः । निवृत्ते च महासत्रे पश्चात्किं वश्चिकीर्षितम्

kaccidabhyarcya yuṣmābhirvidhirāsītsvanuṣṭhitaḥ | nivṛtte ca mahāsatre paścātkiṁ vaścikīrṣitam

आप सबके द्वारा भली-भाँति पूजा कर विधिवत अनुष्ठान संपन्न हुआ? और अब यह महासत्र समाप्त हो जाने पर, आगे आप सबका क्या करने का विचार है?

श्लोक 14 (shiva.vayaviya.4.14)

इत्युक्ता मुनयः सर्वे वायुना शिवभाविना । प्रहृष्टमनसः पूताः प्रत्यूचुर्विनयान्विताः

ityuktā munayaḥ sarve vāyunā śivabhāvinā | prahṛṣṭamanasaḥ pūtāḥ pratyūcurvinayānvitāḥ

शिव-भाव वाले वायु देव द्वारा इस प्रकार पूछे जाने पर, सभी मुनि, प्रसन्नचित्त और पवित्र होकर, विनयपूर्वक उत्तर देने लगे।

श्लोक 15 (shiva.vayaviya.4.15)

मुनय ऊचुः । अद्य नः कुशलं सर्वमद्य साधु भवेत्तपः । अस्मच्छ्रेयोऽभिवृद्ध्यर्थं भवानत्रागतो यतः

munaya ūcuḥ | adya naḥ kuśalaṁ sarvamadya sādhu bhavettapaḥ | asmacchreyo'bhivṛddhyarthaṁ bhavānatrāgato yataḥ

मुनियों ने कहा — आज हम सबका सब कुछ कुशल है, आज हमारा तप सफल होगा, क्योंकि आप हमारे कल्याण की वृद्धि के लिए यहाँ पधारे हैं।

श्लोक 16 (shiva.vayaviya.4.16)

शृणु चेदं पुरावृत्तं तमसाक्रान्तमानसैः । उपासितः पुरास्माभिर्विज्ञानार्थं प्रजापतिः

śṛṇu cedaṁ purāvṛttaṁ tamasākrāntamānasaiḥ | upāsitaḥ purāsmābhirvijñānārthaṁ prajāpatiḥ

यह पूर्व की घटना सुनिए — अंधकार से आच्छादित मन वाले हमने पूर्वकाल में ज्ञान-प्राप्ति के लिए प्रजापति की उपासना की थी।

श्लोक 17 (shiva.vayaviya.4.17)

सोऽप्यस्माननुगृह्याह शरण्यः शरणागतान् । सर्वस्मादधिको रुद्रो विप्राः परमकारणम्

so'pyasmānanugṛhyāha śaraṇyaḥ śaraṇāgatān | sarvasmādadhiko rudro viprāḥ paramakāraṇam

उन्होंने भी हम पर अनुग्रह करते हुए, शरणागतों के आश्रयदाता होकर कहा — 'हे विप्रो! रुद्र सबसे श्रेष्ठ हैं, वे ही परम कारण हैं।'

श्लोक 18 (shiva.vayaviya.4.18)

तमप्रतर्क्यं याथात्म्यं भक्तिमानेव पश्यति । भक्तिश्चास्य प्रसादेन प्रसादादेव निर्वृतिः

tamapratarkyaṁ yāthātmyaṁ bhaktimāneva paśyati | bhaktiścāsya prasādena prasādādeva nirvṛtiḥ

उस अतर्क्य (तर्क से परे) यथार्थ स्वरूप को केवल भक्तिमान ही देख पाता है; और उनकी भक्ति उनकी कृपा से होती है, तथा कृपा से ही निर्वृत्ति (मोक्ष) होती है।

श्लोक 19 (shiva.vayaviya.4.19)

तस्मादस्य प्रसादार्थं नैमिषे सत्रयोगतः । यजध्वं दीर्घसत्रेण रुद्रं परमकारणम्

tasmādasya prasādārthaṁ naimiṣe satrayogataḥ | yajadhvaṁ dīrghasatreṇa rudraṁ paramakāraṇam

इसलिए उनकी कृपा के लिए, नैमिष में सत्र-योग द्वारा, दीर्घ सत्र से परम कारण रुद्र का यजन करो।

श्लोक 20 (shiva.vayaviya.4.20)

तत्प्रसादेन सत्रान्ते वायुस्तत्रागमिष्यति । तन्मुखाज्ज्ञानलाभो वस्तत्र श्रेयो भविष्यति

tatprasādena satrānte vāyustatrāgamiṣyati | tanmukhājjñānalābho vastatra śreyo bhaviṣyati

उनकी कृपा से सत्र के अंत में वायु देव वहाँ पधारेंगे; उनके मुख से तुम्हें ज्ञान की प्राप्ति होगी, वहीं तुम्हारा कल्याण होगा।'

श्लोक 21 (shiva.vayaviya.4.21)

इत्यादिश्य वयं सर्वे प्रेषिताः परमेष्ठिना । अस्मिन्देशे महाभाग तवागमनकाङ्क्षिणः

ityādiśya vayaṁ sarve preṣitāḥ parameṣṭhinā | asmindeśe mahābhāga tavāgamanakāṁkṣiṇaḥ

इस प्रकार आदेश देकर, हम सभी परमेष्ठी (ब्रह्मा) द्वारा इस स्थान पर भेजे गए, हे महाभाग, और आपके आगमन की प्रतीक्षा करते रहे।

श्लोक 22 (shiva.vayaviya.4.22)

दीर्घसत्रं समासीना दिव्यवर्षसहस्रकम् । अतस्तवागमादन्यत्प्रार्थ्यं नो नास्ति किञ्चन

dīrghasatraṁ samāsīnā divyavarṣasahasrakam | atastavāgamādanyatprārthyaṁ no nāsti kiñcana

हम एक हजार दिव्य वर्षों तक इस दीर्घ सत्र में बैठे रहे हैं; अतः आपके आगमन के अतिरिक्त हमारी कोई अन्य प्रार्थना नहीं है।

श्लोक 23 (shiva.vayaviya.4.23)

इत्याकर्ण्य पुरावृत्तमृषीणां दीर्घसत्रिणाम् । वायुः प्रीतमना भूत्वा तत्रासीन्मुनिसंवृतः

ityākarṇya purāvṛttamṛṣīṇāṁ dīrghasatriṇām | vāyuḥ prītamanā bhūtvā tatrāsīnmunisaṁvṛtaḥ

दीर्घ सत्र करने वाले उन ऋषियों की यह पूर्व-वृत्तांत सुनकर, वायु देव प्रसन्नचित्त होकर मुनियों से घिरे हुए वहाँ बैठे।

श्लोक 24 (shiva.vayaviya.4.24)

ततस्तैर्मुनिभिः पृष्टस्तेषां भावविवृद्धये । सर्गादि शार्वमैश्वर्यं समासादवदद् विभुः

tatastairmunibhiḥ pṛṣṭasteṣāṁ bhāvavivṛddhaye | sargādi śārvamaiśvaryaṁ samāsādavadad vibhuḥ

तत्पश्चात् उन मुनियों द्वारा पूछे जाने पर, उनके भाव की वृद्धि के लिए, उन विभु (वायु) ने सृष्टि आदि शार्व (शिव) के ऐश्वर्य को संक्षेप में कहा।