शिव-तत्त्व-प्रश्न

श्लोक 1 (shiva.vayaviya.30.1)

ऋषय ऊचुः । चरितानि विचित्राणि गृह्याणि गहनानि च । दुर्विज्ञेयानि देवैश्च मोहयन्ति मनांसि नः

ṛṣaya ūcuḥ | caritāni vicitrāṇi gṛhyāṇi gahanāni ca | durvijñeyāni devaiśca mohayanti manāṁsi naḥ

ऋषियों ने कहा — शिव के चरित्र विचित्र, गूढ़ और गहन हैं, देवताओं के लिए भी दुर्विज्ञेय हैं, और वे हमारे मन को मोहित कर देते हैं।

श्लोक 2 (shiva.vayaviya.30.2)

शिवयोस्तत्त्वसम्बन्धे न दोष उपलभ्यते । चरितैः प्राकृतो भावस्तयोरपि विभाव्यते

śivayostattvasambandhe na doṣa upalabhyate | caritaiḥ prākṛto bhāvastayorapi vibhāvyate

शिव और शक्ति के तात्त्विक संबंध में कोई दोष नहीं पाया जाता; तथापि उनके कुछ चरित्रों से उनमें भी सांसारिक भाव प्रतीत होता है।

श्लोक 3 (shiva.vayaviya.30.3)

ब्रह्मादयोऽपि लोकानां सृष्टिस्थित्यन्तहेतवः । निग्रहानुग्रहौ प्राप्य शिवस्य वशवर्तिनः

brahmādayo'pi lokānāṁ sṛṣṭisthityantahetavaḥ | nigrahānugrahau prāpya śivasya vaśavartinaḥ

ब्रह्मा आदि देवगण, लोकों की सृष्टि, स्थिति और प्रलय के कारण होते हुए भी, शिव द्वारा निग्रह और अनुग्रह प्राप्त कर उन्हीं के अधीन रहते हैं।

श्लोक 4 (shiva.vayaviya.30.4)

शिवः पुनर्न कस्यापि निग्रहानुग्रहास्पदम् । अतोऽनायत्तमैश्वर्यं तस्यैवेति विनिश्चितम्

śivaḥ punarna kasyāpi nigrahānugrahāspadam | ato'nāyattamaiśvaryaṁ tasyaiveti viniścitam

किंतु शिव स्वयं किसी के भी निग्रह या अनुग्रह का पात्र नहीं हैं। अतः यह निश्चित है कि उनका ऐश्वर्य किसी के अधीन नहीं है।

श्लोक 5 (shiva.vayaviya.30.5)

यद्येवमीदृशैश्वर्यं तत्तु स्वातन्त्र्यलक्षणम् । स्वभावसिद्धं चैतस्य मूर्तिमत्तास्पदं भवेत्

yadyevamīdṛśaiśvaryaṁ tattu svātantryalakṣaṇam | svabhāvasiddhaṁ caitasya mūrtimattāspadaṁ bhavet

यदि ऐसा है, तो ऐसा ऐश्वर्य स्वातंत्र्य का ही लक्षण है और उनके स्वभाव से ही सिद्ध है — तो फिर यह किसी साकार रूप का आधार कैसे बन सकता है?

श्लोक 6 (shiva.vayaviya.30.6)

न मूर्तिश्च स्वतन्त्रस्य घटते मूलहेतुना । मूर्तेरपि च कार्यत्वात्तत्सिद्धिः स्यादहैतुकी

na mūrtiśca svatantrasya ghaṭate mūlahetunā | mūrterapi ca kāryatvāttatsiddhiḥ syādahaitukī

स्वतंत्र के लिए मूल कारण के बिना कोई मूर्ति (आकार) संगत नहीं बैठती; और मूर्ति भी कार्य होने के कारण, उसकी सिद्धि तो अकारण ही होनी चाहिए।

श्लोक 7 (shiva.vayaviya.30.7)

सर्वत्र परमो भावोऽपरमश्चान्य उच्यते । परमापरमौ भावौ कथमेकत्र सङ्गतौ

sarvatra paramo bhāvo'paramaścānya ucyate | paramāparamau bhāvau kathamekatra saṅgatau

सर्वत्र एक परम भाव कहा जाता है और दूसरा अपर भाव। परम और अपर, ये दोनों भाव एक ही स्थान में कैसे मिल सकते हैं?

श्लोक 8 (shiva.vayaviya.30.8)

निष्फलो हि स्वभावोऽस्य परमः परमात्मनः । स एव सकलः कस्मात्स्वभावो ह्यविपर्ययः

niṣphalo hi svabhāvo'sya paramaḥ paramātmanaḥ | sa eva sakalaḥ kasmātsvabhāvo hyaviparyayaḥ

इस परमात्मा का परम स्वभाव तो निष्फल (अर्थात् किसी और कार्य से रहित) है। फिर वही स्वभाव साकार कैसे हो सकता है? क्योंकि स्वभाव कभी विपरीत नहीं होता।

श्लोक 9 (shiva.vayaviya.30.9)

स्वभावो विपरीतश्चेत्स्वतन्त्रः स्वेच्छया यदि । न करोति किमीशानो नित्यानित्यविपर्ययम्

svabhāvo viparītaścetsvatantraḥ svecchayā yadi | na karoti kimīśāno nityānityaviparyayam

यदि स्वभाव भी विपरीत हो सकता हो, स्वतंत्र होने के कारण अपनी इच्छा से — तो फिर ईशान नित्य और अनित्य का विपर्यय भी क्यों नहीं करते?

श्लोक 10 (shiva.vayaviya.30.10)

मूर्तात्मा सकलः कश्चित्स चान्यो निष्फलः शिवः । शिवेनाधिष्ठितश्चेति सर्वत्र लघु कथ्यते

mūrtātmā sakalaḥ kaścitsa cānyo niṣphalaḥ śivaḥ | śivenādhiṣṭhitaśceti sarvatra laghu kathyate

इसका उत्तर दिया जाता है — कोई सकल (साकार) मूर्तस्वरूप है, और अन्य वह निष्फल शिव है; और सर्वत्र संक्षेप में यही कहा जाता है कि पहला दूसरे द्वारा अधिष्ठित है।

श्लोक 11 (shiva.vayaviya.30.11)

मूर्त्यात्मैव तदा मूर्तिः शिवस्यास्य भवेदिति । तस्यां मूर्तौ मूर्तिमतोः पारतन्त्र्यं हि निश्चितम्

mūrtyātmaiva tadā mūrtiḥ śivasyāsya bhavediti | tasyāṁ mūrtau mūrtimatoḥ pāratantryaṁ hi niścitam

किंतु तब तो वह साकार आत्मा ही इस शिव की मूर्ति बन जाएगी; और उस मूर्ति में मूर्तिमान और मूर्ति दोनों की परतंत्रता निश्चित रूप से सिद्ध होगी।

श्लोक 12 (shiva.vayaviya.30.12)

अन्यथा निरपेक्षेण मूर्तिः स्वीक्रियते कथम् । मूर्तिस्वीकरणं तस्मान्मूर्तौ साध्यफलेप्सया

anyathā nirapekṣeṇa mūrtiḥ svīkriyate katham | mūrtisvīkaraṇaṁ tasmānmūrtau sādhyaphalepsayā

अन्यथा, जो सर्वथा निरपेक्ष है, वह मूर्ति को स्वीकार ही कैसे करेगा? इसलिए मूर्ति का ग्रहण किसी साध्य फल की इच्छा से ही होता है।

श्लोक 13 (shiva.vayaviya.30.13)

न हि स्वेच्छाशरीरत्वं स्वातन्त्र्यायोपपद्यते । स्वेच्छैव तादृशी पुंसां यस्मात्कर्मानुसारिणी

na hi svecchāśarīratvaṁ svātantryāyopapadyate | svecchaiva tādṛśī puṁsāṁ yasmātkarmānusāriṇī

स्वेच्छा से शरीर धारण करना वास्तव में स्वातंत्र्य के अनुकूल सिद्ध नहीं होता, क्योंकि जीवों की ऐसी "स्वेच्छा" भी उनके ही कर्म का अनुसरण करती है।

श्लोक 14 (shiva.vayaviya.30.14)

स्वीकर्तुं स्वेच्छया देहं हातुं च प्रभवन्त्युत । ब्रह्मादयः पिशाचान्ताः किं ते कर्मातिवर्तिनः

svīkartuṁ svecchayā dehaṁ hātuṁ ca prabhavantyuta | brahmādayaḥ piśācāntāḥ kiṁ te karmātivartinaḥ

क्या ब्रह्मा से लेकर पिशाच तक के प्राणी अपनी इच्छा से शरीर धारण करने और त्यागने में समर्थ हैं? क्या वे अपने कर्म का अतिक्रमण कर सकते हैं?

श्लोक 15 (shiva.vayaviya.30.15)

इच्छया देहनिर्माणमिन्द्रजालोपमं विदुः । अणिमादिगुणैश्वर्यवशीकारानतिक्रमात्

icchayā dehanirmāṇamindrajālopamaṁ viduḥ | aṇimādiguṇaiśvaryavaśīkārānatikramāt

इच्छा-मात्र से देह-निर्माण को इन्द्रजाल के समान माना जाता है — जो अणिमा आदि सिद्धियों के ऐश्वर्य पर अधिकार पाने से ही संभव है, प्रकृति के नियम का अतिक्रमण करके नहीं।

श्लोक 16 (shiva.vayaviya.30.16)

विश्वरूपं दधद्विष्णुर्दधीचेन महर्षिणा । युध्यता समुपालब्धस्तद्रूपं दधता स्वयम्

viśvarūpaṁ dadhadviṣṇurdadhīcena maharṣiṇā | yudhyatā samupālabdhastadrūpaṁ dadhatā svayam

विश्वरूप धारण करने वाले विष्णु को भी महर्षि दधीचि ने, युद्ध करते हुए, स्वयं वही विराट रूप धारण करके फटकारा था।

श्लोक 17 (shiva.vayaviya.30.17)

सर्वस्मादधिकस्यापि शिवस्य परमात्मनः । शरीरवत्तयान्यात्मसाधर्म्यं प्रतिभाति नः

sarvasmādadhikasyāpi śivasya paramātmanaḥ | śarīravattayānyātmasādharmyaṁ pratibhāti naḥ

इसलिए, सबसे श्रेष्ठ परमात्मा शिव में भी, शरीरधारी होने के कारण, हमें अन्य साधारण आत्माओं के समान धर्म की प्रतीति होती है।

श्लोक 18 (shiva.vayaviya.30.18)

सर्वानुग्राहकं प्राहुः शिवं परमकारणम् । स निर्गृह्णाति देवानां सर्वानुग्राहकः कथम्

sarvānugrāhakaṁ prāhuḥ śivaṁ paramakāraṇam | sa nirgṛhṇāti devānāṁ sarvānugrāhakaḥ katham

शिव को समस्त प्राणियों पर अनुग्रह करने वाला परम कारण कहा जाता है। परंतु वे देवताओं का निग्रह भी करते हैं — सबका अनुग्राहक होकर यह कैसे संभव है?

श्लोक 19 (shiva.vayaviya.30.19)

चिच्छेद बहुशो देवो ब्रह्मणः पञ्चमं शिरः । शिवनिन्दां प्रकुर्वन्तं पुत्रेति कुमतेर्हठात्

ciccheda bahuśo devo brahmaṇaḥ pañcamaṁ śiraḥ | śivanindāṁ prakurvantaṁ putreti kumaterhaṭhāt

उस देव ने अनेक बार अपने ही पुत्र-तुल्य ब्रह्मा का पांचवाँ सिर काट डाला, क्योंकि दुर्बुद्धिवश ब्रह्मा हठपूर्वक शिव की निंदा कर रहे थे।

श्लोक 20 (shiva.vayaviya.30.20)

विष्णोरपि नृसिंहस्य रभसा शरभाकृतिः । बिभेद पद्भ्यामाक्रम्य हृदयं नखरैः खरैः

viṣṇorapi nṛsiṁhasya rabhasā śarabhākṛtiḥ | bibheda padbhyāmākramya hṛdayaṁ nakharaiḥ kharaiḥ

शरभ का रूप धारण करके, अत्यंत वेग से, उन्होंने विष्णु के नृसिंह-अवतार पर आक्रमण किया और अपने पंजों से उसका हृदय विदीर्ण कर दिया।

श्लोक 21 (shiva.vayaviya.30.21)

देवस्त्रीषु च देवेषु दक्षस्याध्वरकारणात् । वीरेण वीरभद्रेण न हि कश्चिददण्डितः

devastrīṣu ca deveṣu dakṣasyādhvarakāraṇāt | vīreṇa vīrabhadreṇa na hi kaścidadaṇḍitaḥ

और दक्ष के यज्ञ के कारण, वीरभद्र नामक वीर द्वारा दंडित न हुआ कौन-सा देवता अथवा देवी बचा रह गया था?

श्लोक 22 (shiva.vayaviya.30.22)

पुरत्रयं च सस्त्रीकं सदैत्यं सह बालकैः । क्षणेनैकेन देवेन नेत्राग्नेरिन्धनीकृतम्

puratrayaṁ ca sastrīkaṁ sadaityaṁ saha bālakaiḥ | kṣaṇenaikena devena netrāgnerindhanīkṛtam

तीनों नगर, अपनी स्त्रियों, दैत्यों और बालकों सहित, एक ही क्षण में उस देव के नेत्र की अग्नि का ईंधन बन गए।

श्लोक 23 (shiva.vayaviya.30.23)

प्रजानां रतिहेतुश्च कामो रतिपतिः स्वयम् । क्रोशतामेव देवानां हुतो नेत्रहुताशने

prajānāṁ ratihetuśca kāmo ratipatiḥ svayam | krośatāmeva devānāṁ huto netrahutāśane

और प्रजाओं में रति की इच्छा जगाने वाला, रति का स्वयं पति कामदेव भी, देवताओं के चीत्कार करते रहने पर भी, उनके नेत्र-अग्नि में भस्म कर दिया गया।

श्लोक 24 (shiva.vayaviya.30.24)

गावश्च कश्चिद्दुग्धौघं स्रवन्त्यो मूर्ध्नि खेचराः । सरुषा प्रेक्ष्य देवेन तत्क्षणे भस्मसात्कृताः

gāvaśca kaściddugdhaughaṁ sravantyo mūrdhni khecarāḥ | saruṣā prekṣya devena tatkṣaṇe bhasmasātkṛtāḥ

और आकाशगामिनी कुछ गायें, जो उनके शीश पर दूध की धारा बहा रही थीं, उन्हें रोष से देखते ही उस देव ने उसी क्षण भस्म कर दिया।

श्लोक 25 (shiva.vayaviya.30.25)

जलन्धरासुरो दीर्णश्चक्रीकृत्य जलं पदा । बद्ध्वानन्तेन यो विष्णुं चिक्षेप शतयोजनम्

jalandharāsuro dīrṇaścakrīkṛtya jalaṁ padā | baddhvānantena yo viṣṇuṁ cikṣepa śatayojanam

दैत्य जलंधर ने समुद्र को अपने पैर से मथकर चक्र बना दिया, और अनंत नाग से विष्णु को बांधकर उन्हें सौ योजन दूर फेंक दिया था —

श्लोक 26 (shiva.vayaviya.30.26)

तमेव जलसन्धायी शूलेनैव जघान सः । तच्चक्रं तपसा लब्ध्वा लब्धवीर्यो हरिः सदा

tameva jalasandhāyī śūlenaiva jaghāna saḥ | taccakraṁ tapasā labdhvā labdhavīryo hariḥ sadā

उसी जलंधर को देव ने त्रिशूल से ही मार डाला; और हरि ने तपस्या से वह सुदर्शन चक्र प्राप्त करके सदा के लिए अपना बल पाया।

श्लोक 27 (shiva.vayaviya.30.27)

जिघांसतां सुरारीणां कुलं निर्घृणचेतसाम् । त्रिशूलेनान्धकस्योरः शिखिनैवोपतापितम्

jighāṁsatāṁ surārīṇāṁ kulaṁ nirghṛṇacetasām | triśūlenāndhakasyoraḥ śikhinaivopatāpitam

देवताओं के शत्रुओं के निर्दयी कुल का नाश करने की इच्छा रखने वाले अंधक का वक्षस्थल त्रिशूल से बींध दिया गया और उसकी अग्नि-शिखा से झुलस दिया गया।

श्लोक 28 (shiva.vayaviya.30.28)

कण्ठात्कालाङ्गनां सृष्ट्वा दारकोऽपि निपातितः । कौशिकीं जनयित्वा तु गौर्य्यास्त्वक्कोशगोचराम्

kaṇṭhātkālāṅganāṁ sṛṣṭvā dārako'pi nipātitaḥ | kauśikīṁ janayitvā tu gauryyāstvakkośagocarām

अपने कंठ से कालांगना को उत्पन्न कर, दारक (नामक असुर) को भी गिरा दिया गया; और गौरी की त्वचा के कोश से उत्पन्न हुई कौशिकी ने —

श्लोक 29 (shiva.vayaviya.30.29)

शुम्भः सह निशुम्भेन प्रापितो मरणं रणे । श्रुतं च महदाख्यानं स्कान्दे स्कन्दसमाश्रयम्

śumbhaḥ saha niśumbhena prāpito maraṇaṁ raṇe | śrutaṁ ca mahadākhyānaṁ skānde skandasamāśrayam

निशुम्भ के साथ शुम्भ को युद्ध में मृत्यु तक पहुँचाया। यह महान् आख्यान, जो स्कंद से संबंधित है, स्कंद-कथा में पहले ही सुना जा चुका है।

श्लोक 30 (shiva.vayaviya.30.30)

वधार्थे तारकाख्यस्य दैत्येन्द्रस्येन्द्रविद्विषः । ब्रह्मणाभ्यर्थितो देवो मन्दरान्तःपुरं गतः

vadhārthe tārakākhyasya daityendrasyendravidviṣaḥ | brahmaṇābhyarthito devo mandarāntaḥpuraṁ gataḥ

इंद्र के शत्रु तारक नामक दैत्येंद्र के वध के लिए, ब्रह्मा द्वारा प्रार्थित होकर, देव मंदराचल के अंतःपुर में गए।

श्लोक 31 (shiva.vayaviya.30.31)

विहृत्य सुचिरं देव्या विहारातिप्रसङ्गतः । रसां रसातलं नीतामिव कृत्वाभिधां ततः

vihṛtya suciraṁ devyā vihārātiprasaṅgataḥ | rasāṁ rasātalaṁ nītāmiva kṛtvābhidhāṁ tataḥ

देवी के साथ अत्यंत दीर्घ काल तक विहार करते हुए, विहार के अतिरेक में मग्न होकर, उन्होंने मानो पृथ्वी को रसातल तक पहुँचा दिया —

श्लोक 32 (shiva.vayaviya.30.32)

देवीं च वञ्चयंस्तस्यां स्ववीर्यमतिदुर्वहम् । अविसृज्य विसृज्याग्नौ हविः पूतमिवामृतम्

devīṁ ca vañcayaṁstasyāṁ svavīryamatidurvaham | avisṛjya visṛjyāgnau haviḥ pūtamivāmṛtam

देवी को छलते हुए, अपने अत्यंत असह्य वीर्य को उनमें विसर्जित न करके, उन्होंने उसे अग्नि में ही विसर्जित कर दिया, मानो शुद्ध हवि हो, अमृत के समान।

श्लोक 33 (shiva.vayaviya.30.33)

गङ्गादिष्वपि निक्षिप्य वह्निद्वारा तदंशतः । तत्समाहृत्य शनकैस्तोकं स्तोकमितस्ततः

gaṅgādiṣvapi nikṣipya vahnidvārā tadaṁśataḥ | tatsamāhṛtya śanakaistokaṁ stokamitastataḥ

अग्नि के माध्यम से उस वीर्य को गंगा आदि नदियों में भी अंश-अंश करके डाल दिया गया, और फिर उसे धीरे-धीरे, थोड़ा-थोड़ा करके, यहाँ-वहाँ से एकत्र किया गया —

श्लोक 34 (shiva.vayaviya.30.34)

स्वाहया कृत्तिकारूपात्स्वभर्त्रा रममाणया । सुवर्णीभूतया न्यस्तं मेरौ शरवणे क्वचित्

svāhayā kṛttikārūpātsvabhartrā ramamāṇayā | suvarṇībhūtayā nyastaṁ merau śaravaṇe kvacit

कृत्तिकाओं का रूप धारण करके अपने ही पति (अग्नि) के साथ रमण करती हुई स्वाहा द्वारा, स्वर्णिम रूप धारण करके, उसे मेरु पर्वत के शरवण में कहीं स्थापित किया गया।

श्लोक 35 (shiva.vayaviya.30.35)

सन्दीपयित्वा कालेन तस्य भासा दिशो दश । रञ्जयित्वा गिरीन्सर्वान् काञ्चनीकृत्य मेरुणा

sandīpayitvā kālena tasya bhāsā diśo daśa | rañjayitvā girīnsarvān kāñcanīkṛtya meruṇā

समय के साथ वह प्रज्वलित हुआ और अपनी ही आभा से दसों दिशाओं को आलोकित करते हुए, समस्त पर्वतों को मेरु सहित सुवर्णमय रंग से रंग दिया।

श्लोक 36 (shiva.vayaviya.30.36)

ततश्चिरेण कालेन सञ्जाते तत्र तेजसि । कुमारे सुकुमाराङ्गे कुमाराणां निदर्शने

tataścireṇa kālena sañjāte tatra tejasi | kumāre sukumārāṅge kumārāṇāṁ nidarśane

फिर दीर्घ काल के पश्चात्, जब वहाँ वह तेज एक कुमार के रूप में परिणत हुआ — अत्यंत सुकुमार अंगों वाला, समस्त बालकों के लिए एक आदर्श —

श्लोक 37 (shiva.vayaviya.30.37)

तच्छैशवं स्वरूपं च तस्य दृष्ट्वा मनोहरम् । सह देवासुरैर्लोकैर्विस्मिते च विमोहिते

tacchaiśavaṁ svarūpaṁ ca tasya dṛṣṭvā manoharam | saha devāsurairlokairvismite ca vimohite

उसके उस मनोहर शैशव-रूप को देखकर, देवों और असुरों सहित समस्त लोक विस्मय और मोह से भर गए।

श्लोक 38 (shiva.vayaviya.30.38)

देवोऽपि स्वयमायातः पुत्रदर्शनलालसः । सह देव्याङ्कमारोप्य ततोऽस्य स्मेरमाननम्

devo'pi svayamāyātaḥ putradarśanalālasaḥ | saha devyāṅkamāropya tato'sya smeramānanam

पुत्र-दर्शन की लालसा में देव स्वयं भी वहाँ पधारे, और देवी सहित उसे गोद में उठाकर, फिर उसके मुस्कराते हुए मुख को —

श्लोक 39 (shiva.vayaviya.30.39)

पीतामृतमिव स्नेहविवशेनान्तरात्मना । देवेष्वपि च पश्यत्सु वीतरागैस्तपस्विभिः

pītāmṛtamiva snehavivaśenāntarātmanā | deveṣvapi ca paśyatsu vītarāgaistapasvibhiḥ

मानो अमृत पीते हुए, स्नेह से विवश अंतरात्मा से निहारने लगे — यह सब देवताओं के तथा विरक्त तपस्वियों के देखते-देखते हुआ।

श्लोक 40 (shiva.vayaviya.30.40)

स्वस्य वक्षःस्थले स्वैरं नर्तयित्वा कुमारकम् । अनुभूय च तत्क्रीडां सम्भाव्य च परस्परम्

svasya vakṣaḥsthale svairaṁ nartayitvā kumārakam | anubhūya ca tatkrīḍāṁ sambhāvya ca parasparam

अपने ही वक्षस्थल पर उस बालक को स्वच्छंद रूप से नचाते हुए, उसकी क्रीड़ा का आनंद लेते हुए, और परस्पर उसकी शोभा निहारते हुए —

श्लोक 41 (shiva.vayaviya.30.41)

स्तन्यमाज्ञापयन्देव्याः पाययित्वामृतोपमम् । तवावतारो जगतां हितायेत्यनुशास्य च

stanyamājñāpayandevyāḥ pāyayitvāmṛtopamam | tavāvatāro jagatāṁ hitāyetyanuśāsya ca

देवी को स्तनपान कराने की आज्ञा देकर, उसे अमृत के समान वह दूध पिलाकर, और यह उपदेश देकर कि "तुम्हारा यह अवतार जगत् के हित के लिए है" —

श्लोक 42 (shiva.vayaviya.30.42)

स्वयं देवश्च देवी च न तृप्तिमुपजग्मतुः । ततः शक्रेण सन्धाय बिभ्यता तारकासुरात्

svayaṁ devaśca devī ca na tṛptimupajagmatuḥ | tataḥ śakreṇa sandhāya bibhyatā tārakāsurāt

देव और देवी, दोनों को स्वयं भी तृप्ति प्राप्त नहीं हुई। तब इंद्र ने असुर तारक से भयभीत होकर उनसे संधि की —

श्लोक 43 (shiva.vayaviya.30.43)

कारयित्वाऽभिषेकं च सेनापत्ये दिवौकसाम् । पुत्रमन्तरतः कृत्वा देवेन त्रिपुरद्विषः

kārayitvā'bhiṣekaṁ ca senāpatye divaukasām | putramantarataḥ kṛtvā devena tripuradviṣaḥ

और स्वर्गवासियों के सेनापति-पद पर उसका अभिषेक करवाया; और त्रिपुर के शत्रु देव ने अपने पुत्र को (युद्ध में) आगे करके —

श्लोक 44 (shiva.vayaviya.30.44)

स्वयमन्तर्हितेनैव स्कन्दमिन्द्रादिरक्षितम् । तच्छक्त्या क्रौञ्चभेदिन्या युधि कालाग्निकल्पया

svayamantarhitenaiva skandamindrādirakṣitam | tacchaktyā krauñcabhedinyā yudhi kālāgnikalpayā

स्वयं अदृश्य रहकर ही, इंद्र आदि द्वारा रक्षित उस स्कंद की रक्षा की; और क्रौंच पर्वत को भेदने वाली, कालाग्नि के समान उसकी शक्ति (भाले) से युद्ध में —

श्लोक 45 (shiva.vayaviya.30.45)

छेदितं तारकस्यापि शिरः शक्रभिया सह । स्तुतिं चक्रुर्विशेषेण हरिधातृमुखाः सुराः

cheditaṁ tārakasyāpi śiraḥ śakrabhiyā saha | stutiṁ cakrurviśeṣeṇa haridhātṛmukhāḥ surāḥ

तारक का सिर भी काट दिया गया, इंद्र के भय के साथ ही। और हरि तथा ब्रह्मा आदि देवताओं ने उसकी विशेष रूप से स्तुति की।

श्लोक 46 (shiva.vayaviya.30.46)

तथा रक्षोऽधिपः साक्षाद्रावणो बलगर्वितः । उद्धरन्स्वभुजैर्दीर्घैः कैलासं गिरिमात्मनः

tathā rakṣo'dhipaḥ sākṣādrāvaṇo balagarvitaḥ | uddharansvabhujairdīrghaiḥ kailāsaṁ girimātmanaḥ

इसी प्रकार, अपने बल के अभिमान में चूर, राक्षसों का स्वामी साक्षात् रावण, अपनी दीर्घ भुजाओं से कैलास पर्वत को अपने लिए उखाड़ने लगा —

श्लोक 47 (shiva.vayaviya.30.47)

तदागोऽसहमानस्य देवदेवस्य शूलिनः । पदाङ्गुष्ठपरिस्पन्दान्ममज्ज मृदितो भुवि

tadāgo'sahamānasya devadevasya śūlinaḥ | padāṅguṣṭhaparispandānmamajja mṛdito bhuvi

किंतु उस अपराध को सहन न कर सकने वाले देवदेव, त्रिशूलधारी शिव ने अपने पैर के अंगूठे की एक हलकी सी थिरकन मात्र से उसे कुचलकर पृथ्वी में धँसा दिया।

श्लोक 48 (shiva.vayaviya.30.48)

बटोः केनचिदर्थेन स्वाश्रितस्य गतायुषः । त्वरयागत्य देवेन पादान्तं गमितोऽन्तकः

baṭoḥ kenacidarthena svāśritasya gatāyuṣaḥ | tvarayāgatya devena pādāntaṁ gamito'ntakaḥ

किसी कारणवश जब अपने शरणागत एक बटुक (ब्रह्मचारी बालक) की आयु समाप्त हो गई, तब देव ने तुरंत आकर मृत्यु (अंतक) को उसके पैरों तक ही रोक दिया।

श्लोक 49 (shiva.vayaviya.30.49)

स्ववाहनमविज्ञाय वृषेन्द्रं वडवानलः । सगलग्रहमानीतस्ततोऽस्त्येकोदकं जगत्

svavāhanamavijñāya vṛṣendraṁ vaḍavānalaḥ | sagalagrahamānītastato'styekodakaṁ jagat

अपने ही वाहन, श्रेष्ठ वृषभ को न पहचान पाने के कारण, बड़वानल ने उसे कंठ से पकड़ लिया, जिससे तब से यह जगत् एक ही जलराशि वाला हो गया।

श्लोक 50 (shiva.vayaviya.30.50)

अलोकविदितैस्तैस्तैर्वृत्तैरानन्दसुन्दरैः । अङ्गहारक्रमेणेदमसकृच्चालितं जगत्

alokaviditaistaistairvṛttairānandasundaraiḥ | aṅgahārakrameṇedamasakṛccālitaṁ jagat

उन-उन लोकातीत, आनंद से सुंदर चरित्रों के द्वारा, अपने अंगहार (नृत्य-गति) के क्रम से, यह जगत् बार-बार गतिशील किया गया है।

श्लोक 51 (shiva.vayaviya.30.51)

शान्त एव सदा सर्वमनुगृह्णाति चेच्छिवः । सर्वाणि पूरयेदेव कथं शक्तेन मोचयेत्

śānta eva sadā sarvamanugṛhṇāti cecchivaḥ | sarvāṇi pūrayedeva kathaṁ śaktena mocayet

यदि शिव सदा शांत रहते हुए ही सबका अनुग्रह करते हैं, तो उन्हें केवल सबकी कामनाएँ पूर्ण करनी चाहिए थीं — फिर वे बल-प्रयोग से किसी को कैसे मुक्त कर सकते हैं?

श्लोक 52 (shiva.vayaviya.30.52)

अनादिकर्मवैचित्र्यमपि नात्र नियामकम् । कारणं खलु कर्मापि भवेदीश्वरकारितम्

anādikarmavaicitryamapi nātra niyāmakam | kāraṇaṁ khalu karmāpi bhavedīśvarakāritam

अनादि कर्मों की विचित्रता भी यहाँ नियामक कारण नहीं हो सकती — क्योंकि कर्म भी, कारण होते हुए भी, अंततः ईश्वर द्वारा ही उत्पन्न कराया गया मानना पड़ेगा।

श्लोक 53 (shiva.vayaviya.30.53)

किमत्र बहुनोक्तेन नास्तिक्यं हेतुकारकम् । यथा ह्याशु निवर्तेत तथा कथय मारुत

kimatra bahunoktena nāstikyaṁ hetukārakam | yathā hyāśu nivarteta tathā kathaya māruta

इस पर अधिक कहने से क्या लाभ? यह सब तो केवल नास्तिकता का ही कारण बनता जाता है। हे मारुत! जिस प्रकार यह शीघ्र दूर हो सके, वह उपाय हमें बताइए।