हरि का लिंग-विषयक मोह

श्लोक 1 (shiva.vayaviya.69.1)

उपमन्युरुवाच । नित्यनैमित्तिकात्काम्याद्या सिद्धिरिह कीर्तिता । सा सर्वा लभ्येत सद्यो लिङ्गबेरप्रतिष्ठया

upamanyuruvāca | nityanaimittikātkāmyādyā siddhiriha kīrtitā | sā sarvā labhyeta sadyo liṅgaberapratiṣṭhayā

उपमन्यु ने कहा - यहाँ नित्य, नैमित्तिक और काम्य कर्मों से जो सिद्धि कही गई है, वह सब लिंग-प्रतिमा की प्रतिष्ठा से तत्काल प्राप्त हो जाती है।

श्लोक 2 (shiva.vayaviya.69.2)

सर्वो लिङ्गमयो लोकः सर्वं लिङ्गे प्रतिष्ठितम् । तस्मात्प्रतिष्ठिते लिङ्गे भवेत्सर्वं पतिष्ठितम्

sarvo liṅgamayo lokaḥ sarvaṃ liṅge pratiṣṭhitam | tasmātpratiṣṭhite liṅge bhavetsarvaṃ patiṣṭhitam

समस्त लोक लिंगमय है, सब कुछ लिंग में ही प्रतिष्ठित है; इसलिए लिंग के प्रतिष्ठित होने पर सब कुछ प्रतिष्ठित हो जाता है।

श्लोक 3 (shiva.vayaviya.69.3)

ब्रह्मणा विष्णुना वापि रुद्रेणान्येन केन वा । लिङ्गप्रतिष्ठामुत्सृज्य क्रियते स्वपदस्थितिः

brahmaṇā viṣṇunā vāpi rudreṇānyena kena vā | liṅgapratiṣṭhāmutsṛjya kriyate svapadasthitiḥ

ब्रह्मा, विष्णु, रुद्र अथवा अन्य किसी के द्वारा भी लिंग की प्रतिष्ठा को छोड़कर अपने पद की स्थिति सिद्ध नहीं की जा सकती।

श्लोक 4 (shiva.vayaviya.69.4)

किमन्यदिह वक्तव्यं प्रतिष्ठां प्रति कारणम् । पर्तिष्ठितं शिवेनापि लिङ्गं वैश्वेश्वरं यतः

kimanyadiha vaktavyaṃ pratiṣṭhāṃ prati kāraṇam | partiṣṭhitaṃ śivenāpi liṅgaṃ vaiśveśvaraṃ yataḥ

प्रतिष्ठा के विषय में और क्या कारण कहा जाए, जब स्वयं शिव द्वारा भी वैश्वेश्वर लिंग प्रतिष्ठित किया गया है?

श्लोक 5 (shiva.vayaviya.69.5)

तस्मात्सर्वप्रयत्नेन परत्रेह च शर्मणे । स्थापयेत्परमेशस्य लिङ्गं बेरमथापि वा

tasmātsarvaprayatnena paratreha ca śarmaṇe | sthāpayetparameśasya liṅgaṃ beramathāpi vā

इसलिए सम्पूर्ण प्रयत्न से, इहलोक और परलोक दोनों के कल्याण के लिए, परमेश्वर के लिंग अथवा उनकी मूर्ति की स्थापना करनी चाहिए।

श्लोक 6 (shiva.vayaviya.69.6)

श्रीकृष्ण उवाच । किमिदं लिङ्गमाख्यातं कथं लिङ्गी महेश्वरः । कथं च लिङ्गभावोऽस्य कस्मादस्मिञ्छिवोऽर्च्यते

śrīkṛṣṇa uvāca | kimidaṃ liṅgamākhyātaṃ kathaṃ liṅgī maheśvaraḥ | kathaṃ ca liṅgabhāvo'sya kasmādasmiñchivo'rcyate

श्रीकृष्ण ने कहा - यह लिंग क्या कहा गया है? महेश्वर 'लिंगी' कैसे हैं? इनका लिंग-स्वरूप कैसे है, और इसमें शिव की पूजा क्यों की जाती है?

श्लोक 7 (shiva.vayaviya.69.7)

उपमन्युरुवाच । अव्यक्तं लिङ्गमाख्यातं त्रिगुणप्रभवाप्ययम् । अनाद्यनन्तं विश्वस्य यदुपादानकारणम्

upamanyuruvāca | avyaktaṃ liṅgamākhyātaṃ triguṇaprabhavāpyayam | anādyanantaṃ viśvasya yadupādānakāraṇam

उपमन्यु ने कहा - अव्यक्त को ही 'लिंग' कहा गया है - तीनों गुणों का उद्गम और लय-स्थान, विश्व का अनादि-अनन्त उपादान-कारण।

श्लोक 8 (shiva.vayaviya.69.8)

तदेव मूलप्रकृतिर्माया च गगनात्मिका । तत एव समुत्पन्नं जगदेतच्चराचरम्

tadeva mūlaprakṛtirmāyā ca gaganātmikā | tata eva samutpannaṃ jagadetaccarācaram

वही मूल प्रकृति है और आकाश-स्वरूपा माया है; उसी से यह चराचर जगत उत्पन्न हुआ है।

श्लोक 9 (shiva.vayaviya.69.9)

अशुद्धं चैव शुद्धं यच्छुद्धाशुद्धं च तत्त्रिधा । ततः शिवो महेशश्च रुद्रो विष्णुः पितामहः

aśuddhaṃ caiva śuddhaṃ yacchuddhāśuddhaṃ ca tattridhā | tataḥ śivo maheśaśca rudro viṣṇuḥ pitāmahaḥ

वह अशुद्ध, शुद्ध और शुद्धाशुद्ध - इस प्रकार तीन प्रकार की है; उसी से शिव, महेश, रुद्र, विष्णु और पितामह (ब्रह्मा) उत्पन्न हुए।

श्लोक 10 (shiva.vayaviya.69.10)

भूतानि चेन्द्रियैर्जाता लीयन्तेऽत्र शिवाज्ञया । अत एव शिवो लिङ्गो लिङ्गमाज्ञापयेद्यतः

bhūtāni cendriyairjātā līyante'tra śivājñayā | ata eva śivo liṅgo liṅgamājñāpayedyataḥ

इन्द्रियों सहित उत्पन्न हुए भूत शिव की आज्ञा से इसी में लीन होते हैं; इसीलिए शिव 'लिंग' कहलाते हैं, क्योंकि वे लिंग को आज्ञा देते हैं।

श्लोक 11 (shiva.vayaviya.69.11)

यतो न तदनाज्ञातं कार्याय प्रभवेत्स्वतः । ततो जातस्य विश्वस्य तत्रैव विलयो यतः

yato na tadanājñātaṃ kāryāya prabhavetsvataḥ | tato jātasya viśvasya tatraiva vilayo yataḥ

क्योंकि उसकी आज्ञा के बिना वह (प्रकृति) स्वयं कार्य करने में समर्थ नहीं होती, और क्योंकि उससे उत्पन्न हुआ विश्व उसी में लीन होता है -

श्लोक 12 (shiva.vayaviya.69.12)

अनेन लिङ्गता तस्य भवेन्नान्येन केनचित् । लिङ्गं च शिवयोर्देहस्ताभ्यां यस्मादधिष्ठितम्

anena liṅgatā tasya bhavennānyena kenacit | liṅgaṃ ca śivayordehastābhyāṃ yasmādadhiṣṭhitam

इसी कारण से उनकी 'लिंगता' सिद्ध होती है, किसी अन्य कारण से नहीं; और लिंग शिव-शिवा दोनों का शरीर है, क्योंकि यह उन दोनों से ही अधिष्ठित है।

श्लोक 13 (shiva.vayaviya.69.13)

अतस्तत्र शिवः साम्बो नित्यमेव समर्चयेत् । लिङ्गवेदी महादेवी लिङ्गं साक्षान्महेश्वरः

atastatra śivaḥ sāmbo nityameva samarcayet | liṅgavedī mahādevī liṅgaṃ sākṣānmaheśvaraḥ

इसलिए वहाँ अम्बा-सहित शिव की नित्य ही पूजा करनी चाहिए; लिंग की वेदी साक्षात् महादेवी है और लिंग साक्षात् महेश्वर है।

श्लोक 14 (shiva.vayaviya.69.14)

तयोः सम्पूजनादेव स च सा च समर्चितौ । न तयोर्लिङ्गदेहत्वं विद्यते परमार्थतः

tayoḥ sampūjanādeva sa ca sā ca samarcitau | na tayorliṅgadehatvaṃ vidyate paramārthataḥ

उन दोनों की पूजा से ही वे दोनों (शिव और शक्ति) पूजित होते हैं; परमार्थतः उनमें लिंग-देह-भाव विद्यमान नहीं है।

श्लोक 15 (shiva.vayaviya.69.15)

यतस्त्वेतौ विशुद्धौ तौ देहस्तदुपचारतः । तदेव परमा शक्तिः शिवस्य परमात्मनः

yatastvetau viśuddhau tau dehastadupacārataḥ | tadeva paramā śaktiḥ śivasya paramātmanaḥ

क्योंकि ये दोनों तो सर्वथा विशुद्ध हैं, 'देह' कहना केवल उपचार से है; वही परमात्मा शिव की परम शक्ति है।

श्लोक 16 (shiva.vayaviya.69.16)

शक्तिराज्ञां यदादत्ते प्रसूते तच्चराचरम् । न तस्य महिमा शक्यो वक्तुं वर्षशतैरपि

śaktirājñāṃ yadādatte prasūte taccarācaram | na tasya mahimā śakyo vaktuṃ varṣaśatairapi

शक्ति जब आज्ञा ग्रहण करती है, तब वह इस चराचर जगत को उत्पन्न करती है; उसकी महिमा सौ वर्षों में भी कही नहीं जा सकती।

श्लोक 17 (shiva.vayaviya.69.17)

येनादौ मोहितौ स्यातां ब्रह्मनारायणावपि । पुरा त्रिभुवनस्यास्य प्रलये समुपस्थिते

yenādau mohitau syātāṃ brahmanārāyaṇāvapi | purā tribhuvanasyāsya pralaye samupasthite

जिस (शक्ति/शिव) से आरम्भ में ब्रह्मा और नारायण भी मोहित हो गए थे, जब पूर्वकाल में इन तीनों लोकों का प्रलय समुपस्थित हुआ था -

श्लोक 18 (shiva.vayaviya.69.18)

वारिशय्यागतो विष्णुः सुष्वापानाकुलः सुखम् । यदृच्छया गतस्तत्र ब्रह्मा लोकपितामहः

vāriśayyāgato viṣṇuḥ suṣvāpānākulaḥ sukham | yadṛcchayā gatastatra brahmā lokapitāmahaḥ

विष्णु जल-शय्या पर जाकर सुखपूर्वक निश्चिन्त होकर सो रहे थे; संयोगवश लोकपितामह ब्रह्मा वहाँ जा पहुँचे।

श्लोक 19 (shiva.vayaviya.69.19)

ददर्श पुण्डरीकाक्षं स्वपन्तं तमनाकुलम् । मायया मोहितः शम्भोर्विष्णुमाह पितामहः

dadarśa puṇḍarīkākṣaṃ svapantaṃ tamanākulam | māyayā mohitaḥ śambhorviṣṇumāha pitāmahaḥ

उन्होंने निश्चिन्त सोए हुए पुण्डरीकाक्ष को देखा; शम्भु की माया से मोहित हुए पितामह ने विष्णु से कहा -

श्लोक 20 (shiva.vayaviya.69.20)

कस्त्वं वदेत्यमर्षेण प्रहृत्योत्थाप्य माधवम् । स तु हस्तप्रहारेण तीव्रेणाभिहतः क्षणात्

kastvaṃ vadetyamarṣeṇa prahṛtyotthāpya mādhavam | sa tu hastaprahāreṇa tīvreṇābhihataḥ kṣaṇāt

'तुम कौन हो, बताओ' - यह कहकर क्रोधवश उन्होंने माधव को प्रहार करके जगाया। उस तीव्र हस्त-प्रहार से आहत होकर वे क्षणभर में जाग उठे।

श्लोक 21 (shiva.vayaviya.69.21)

प्रबुद्धोत्थाय शयनाद्ददर्श परमेष्ठिनम् । तमाह चान्तः सङ्क्रुद्धः स्वयमक्रुद्धवद्धरिः

prabuddhotthāya śayanāddadarśa parameṣṭhinam | tamāha cāntaḥ saṅkruddhaḥ svayamakruddhavaddhariḥ

जागकर शय्या से उठे विष्णु ने परमेष्ठी (ब्रह्मा) को देखा; भीतर से क्रुद्ध होते हुए भी बाहर से अक्रुद्ध की भाँति हरि ने उनसे कहा -

श्लोक 22 (shiva.vayaviya.69.22)

कुतस्त्वमागतो वत्स कस्मात्त्वं व्याकुलो वद । इति विष्णुवचः श्रुत्वा प्रभुत्वगुणसूचकम्

kutastvamāgato vatsa kasmāttvaṃ vyākulo vada | iti viṣṇuvacaḥ śrutvā prabhutvaguṇasūcakam

'हे वत्स! तुम कहाँ से आए हो, और किस कारण व्याकुल हो, बताओ।' विष्णु के इन प्रभुत्व-सूचक वचनों को सुनकर -

श्लोक 23 (shiva.vayaviya.69.23)

रजसा बद्धवैरस्तं ब्रह्मा पुनरभाषत । वत्सेति मां कुतो ब्रूषे गुरुः शिष्यमिवात्मनः

rajasā baddhavairastaṃ brahmā punarabhāṣata | vatseti māṃ kuto brūṣe guruḥ śiṣyamivātmanaḥ

रजोगुण से जिनका वैर बँध गया था, ऐसे ब्रह्मा ने पुनः कहा - 'तुम मुझे वत्स क्यों कहते हो, जैसे गुरु अपने शिष्य को कहता है?

श्लोक 24 (shiva.vayaviya.69.24)

मां न जानासि किं नाथं प्रपञ्चो यस्य मे कृतिः । त्रिधात्मानं विभज्येदं सृष्ट्वाथ परिपाल्यते

māṃ na jānāsi kiṃ nāthaṃ prapañco yasya me kṛtiḥ | tridhātmānaṃ vibhajyedaṃ sṛṣṭvātha paripālyate

क्या तुम मुझे स्वामी के रूप में नहीं जानते, जिसकी कृति यह सम्पूर्ण प्रपंच है? मैं ही अपने को तीन रूपों में विभक्त करके इसकी सृष्टि करता और पालन करता हूँ,

श्लोक 25 (shiva.vayaviya.69.25)

संहरामि नमे कश्चित्स्रष्टा जगति विद्यते । इत्युक्ते सति सोऽप्याह ब्रह्माणं विष्णुरव्ययः

saṃharāmi name kaścitsraṣṭā jagati vidyate | ityukte sati so'pyāha brahmāṇaṃ viṣṇuravyayaḥ

और मैं ही इसका संहार करता हूँ; मुझसे भिन्न जगत का कोई अन्य स्रष्टा नहीं है।' ऐसा कहे जाने पर अविनाशी विष्णु ने ब्रह्मा से कहा -

श्लोक 26 (shiva.vayaviya.69.26)

अहमेवादिकर्तास्य हर्ता च परिपालकः । भवानपि ममैवाङ्गादवतीर्णः पुराव्ययात्

ahamevādikartāsya hartā ca paripālakaḥ | bhavānapi mamaivāṅgādavatīrṇaḥ purāvyayāt

'मैं ही इस जगत का आदि-कर्ता, संहारक और पालक हूँ; तुम भी पूर्वकाल में मेरे ही अविनाशी अंग से अवतीर्ण हुए हो,

श्लोक 27 (shiva.vayaviya.69.27)

मन्नियोगात्त्वमात्मानं त्रिधा कृत्वा जगत्त्रयम् । सृजस्यवसि चान्ते तत्पुनः प्रतिसृजस्यपि

manniyogāttvamātmānaṃ tridhā kṛtvā jagattrayam | sṛjasyavasi cānte tatpunaḥ pratisṛjasyapi

और मेरी ही आज्ञा से अपने को तीन रूपों में करके तुम इन तीनों लोकों की सृष्टि करते हो, पालन करते हो और अन्त में उनका पुनः संहार भी करते हो।

श्लोक 28 (shiva.vayaviya.69.28)

विस्मृतोऽसि जगन्नाथं नारायणमनामयम् । तवापि जनकं साक्षान्मामेवमवमन्यसे

vismṛto'si jagannāthaṃ nārāyaṇamanāmayam | tavāpi janakaṃ sākṣānmāmevamavamanyase

तुम अनामय जगन्नाथ नारायण को भूल गए हो; अपने साक्षात् जनक मुझे ही तुम इस प्रकार अपमानित कर रहे हो।'

श्लोक 29 (shiva.vayaviya.69.29)

तवापराधो नास्त्यत्र भ्रान्तोऽसि मम मायया । मत्प्रसादादियं भ्रान्तिरपैष्यति तवाचिरात्

tavāparādho nāstyatra bhrānto'si mama māyayā | matprasādādiyaṃ bhrāntirapaiṣyati tavācirāt

'इसमें तुम्हारा कोई अपराध नहीं है, तुम मेरी ही माया से भ्रमित हो; मेरी कृपा से यह भ्रान्ति शीघ्र ही तुमसे दूर हो जाएगी।

श्लोक 30 (shiva.vayaviya.69.30)

शृणु सत्यं चतुर्वक्त्र सर्वदेवेश्वरो ह्यहम् । कर्ता भर्ता च हर्ता च न मयास्ति समो विभुः

śṛṇu satyaṃ caturvaktra sarvadeveśvaro hyaham | kartā bhartā ca hartā ca na mayāsti samo vibhuḥ

हे चतुर्मुख! सत्य सुनो - मैं ही सब देवताओं का ईश्वर हूँ, कर्ता, भर्ता और हर्ता हूँ; मेरे समान कोई अन्य प्रभु नहीं है।'

श्लोक 31 (shiva.vayaviya.69.31)

एवमेव विवादोऽभूद् ब्रह्मविष्ण्वोः परस्परम् । अभवच्च महायुद्धं भैरवं रोमहर्षणम्

evameva vivādo'bhūd brahmaviṣṇvoḥ parasparam | abhavacca mahāyuddhaṃ bhairavaṃ romaharṣaṇam

इस प्रकार ब्रह्मा और विष्णु में परस्पर विवाद उत्पन्न हो गया, और रोमांचकारी, भयंकर महायुद्ध छिड़ गया।

श्लोक 32 (shiva.vayaviya.69.32)

मुष्टिभिर्न्निघ्नतोस्तीव्रं रजसा बद्धवैरयोः । तयोर्दर्पापहाराय प्रबोधाय च देवयोः

muṣṭibhirnnighnatostīvraṃ rajasā baddhavairayoḥ | tayordarpāpahārāya prabodhāya ca devayoḥ

रजोगुण से जिनका वैर बँधा था, ऐसे वे दोनों जब मुट्ठियों से एक-दूसरे पर तीव्र प्रहार कर रहे थे, तब उन दोनों देवताओं के अहंकार को दूर करने और उन्हें जगाने के लिए -

श्लोक 33 (shiva.vayaviya.69.33)

मध्ये समाविरभवल्लिङ्गमैश्वरमद्भुतम् । ज्वालामालासहस्राढ्यमप्रमेयमनौपमम्

madhye samāvirabhavalliṅgamaiśvaramadbhutam | jvālāmālāsahasrāḍhyamaprameyamanaupamam

उन दोनों के मध्य में सहस्रों ज्वाला-मालाओं से युक्त, अप्रमेय और अनुपम, ऐश्वर्यमय अद्भुत लिंग प्रकट हो गया,

श्लोक 34 (shiva.vayaviya.69.34)

क्षयवृद्धिविनिर्मुक्तमादिमध्यान्तवर्जितम् । तस्य ज्वालासहस्रेण ब्रह्मविष्णू विमोहितौ

kṣayavṛddhivinirmuktamādimadhyāntavarjitam | tasya jvālāsahasreṇa brahmaviṣṇū vimohitau

जो क्षय-वृद्धि से रहित और आदि-मध्य-अन्त से रहित था। उसकी सहस्रों ज्वालाओं से ब्रह्मा और विष्णु दोनों मोहित हो गए।

श्लोक 35 (shiva.vayaviya.69.35)

विसृज्य युद्धं किं त्वेतदित्यचिन्तयतां तदा । न तयोस्तस्य याथात्म्यं प्रबुद्धमभवद्यदा

visṛjya yuddhaṃ kiṃ tvetadityacintayatāṃ tadā | na tayostasya yāthātmyaṃ prabuddhamabhavadyadā

युद्ध छोड़कर दोनों सोचने लगे - 'यह क्या है?' परन्तु जब उन्हें उसका यथार्थ स्वरूप ज्ञात नहीं हुआ,

श्लोक 36 (shiva.vayaviya.69.36)

तदा समुद्यतौ स्यातां तस्याद्यन्तं परीक्षितुम्

tadā samudyatau syātāṃ tasyādyantaṃ parīkṣitum

तब दोनों उसके आदि और अन्त की परीक्षा करने के लिए तत्पर हो गए।

श्लोक 37 (shiva.vayaviya.69.37)

तत्र हंसाकृतिर्ब्रह्मा विश्वतः पक्षसंयुतः । मनोऽनिलजवो भूत्वा गतस्तूर्ध्वं प्रयत्नतः

tatra haṃsākṛtirbrahmā viśvataḥ pakṣasaṃyutaḥ | mano'nilajavo bhūtvā gatastūrdhvaṃ prayatnataḥ

वहाँ ब्रह्मा हंस का रूप धारण कर, सब ओर पंखों से युक्त होकर, मन और वायु के समान वेगवान् होकर, प्रयत्नपूर्वक ऊपर की ओर गए।

श्लोक 38 (shiva.vayaviya.69.38)

नारायणोऽपि विश्वात्मा नीलाञ्जनचयोपमम् । वाराहममितं रूपमास्थाय गतवानधः

nārāyaṇo'pi viśvātmā nīlāñjanacayopamam | vārāhamamitaṃ rūpamāsthāya gatavānadhaḥ

विश्वात्मा नारायण भी काले अंजन-समूह के समान विशाल वराह-रूप धारण करके नीचे की ओर गए।

श्लोक 39 (shiva.vayaviya.69.39)

एवं वर्षसहस्रं तु त्वरन् विष्णुरधोगतः । नापश्यदल्पमप्यस्य मूलं लिङ्गस्य सूकरः

evaṃ varṣasahasraṃ tu tvaran viṣṇuradhogataḥ | nāpaśyadalpamapyasya mūlaṃ liṅgasya sūkaraḥ

इस प्रकार हजार वर्ष तक वेगपूर्वक नीचे जाते हुए भी वराह-रूपी विष्णु उस लिंग के मूल का किंचित् भी दर्शन न कर सके।

श्लोक 40 (shiva.vayaviya.69.40)

तावत्कालं गतश्चोर्ध्वं तस्यान्तं ज्ञातुमिच्छया । श्रान्तोऽत्यन्तमदृष्ट्वान्तं पापताधः पितामहः

tāvatkālaṃ gataścordhvaṃ tasyāntaṃ jñātumicchayā | śrānto'tyantamadṛṣṭvāntaṃ pāpatādhaḥ pitāmahaḥ

उतने ही समय तक उसका अन्त जानने की इच्छा से ऊपर गए पितामह भी अन्त को न देख पाकर अत्यन्त थककर नीचे लौट आए।

श्लोक 41 (shiva.vayaviya.69.41)

तथैव भगवान् विष्णुः श्रान्तः संविग्नलोचनः । क्लेशेन महता तूर्णमधस्तादुत्थितोऽभवत्

tathaiva bhagavān viṣṇuḥ śrāntaḥ saṃvignalocanaḥ | kleśena mahatā tūrṇamadhastādutthito'bhavat

उसी प्रकार भगवान् विष्णु भी थककर, व्याकुल नेत्रों से, महान क्लेश के बाद शीघ्र ही नीचे से लौटकर ऊपर आ गए।

श्लोक 42 (shiva.vayaviya.69.42)

समागतावथान्योन्यं विस्मयस्मेरवीक्षणौ । मायया मोहितौ शम्भोः कृत्याकृत्यं न जग्मतुः

samāgatāvathānyonyaṃ vismayasmeravīkṣaṇau | māyayā mohitau śambhoḥ kṛtyākṛtyaṃ na jagmatuḥ

फिर दोनों परस्पर मिले, विस्मय से मुस्कुराते हुए एक-दूसरे को देख रहे थे; शम्भु की माया से मोहित वे दोनों यह नहीं समझ पा रहे थे कि क्या करना उचित है और क्या अनुचित।

श्लोक 43 (shiva.vayaviya.69.43)

पृष्ठतः पार्श्वतस्तस्य चाग्रतश्च स्थितावुभौ । प्रणिपत्य किमात्मेदमित्यचिन्तयतां तदा

pṛṣṭhataḥ pārśvatastasya cāgrataśca sthitāvubhau | praṇipatya kimātmedamityacintayatāṃ tadā

उस लिंग के पीछे, पार्श्व में और सामने खड़े होकर दोनों ने प्रणाम किया और सोचने लगे - 'यह वास्तव में क्या है?'