योग-गति में विघ्नों की उत्पत्ति

श्लोक 1 (shiva.vayaviya.73.1)

उपमन्युरुवाच । आलस्यं व्याधयस्तीव्राः प्रमादः स्थानसंशयः । अनवस्थितचित्तत्वमश्रद्धा भ्रान्तिदर्शनम्

upamanyuruvāca | ālasyaṃ vyādhayastīvrāḥ pramādaḥ sthānasaṃśayaḥ | anavasthitacittatvamaśraddhā bhrāntidarśanam

उपमन्यु ने कहा - आलस्य, तीव्र व्याधियाँ, प्रमाद, स्थान-सम्बन्धी संशय, चित्त की अस्थिरता, अश्रद्धा, और भ्रान्त दर्शन -

श्लोक 2 (shiva.vayaviya.73.2)

दुःखानि दौर्मनस्यं च विषयेषु च लोलता । दशैते युञ्जतां पुंसामन्तरायाः प्रकीर्तिताः

duḥkhāni daurmanasyaṃ ca viṣayeṣu ca lolatā | daśaite yuñjatāṃ puṃsāmantarāyāḥ prakīrtitāḥ

दुःख, दुर्मनस्यता, और विषयों में लोलुपता - ये दस योग करने वाले पुरुषों के अन्तराय (विघ्न) कहे गए हैं।

श्लोक 3 (shiva.vayaviya.73.3)

आलस्यमलसत्त्वं तु योगिनां देहचेतसोः । धातुवैषम्यजा दोषा व्याधयः कर्मदोषजाः

ālasyamalasattvaṃ tu yogināṃ dehacetasoḥ | dhātuvaiṣamyajā doṣā vyādhayaḥ karmadoṣajāḥ

आलस्य योगियों के शरीर और मन दोनों की जड़ता है; व्याधियाँ धातुओं की विषमता से उत्पन्न दोष हैं, जो कर्म-दोष से उत्पन्न होती हैं।

श्लोक 4 (shiva.vayaviya.73.4)

प्रमादो नाम योगस्य साधना नाम भावना । इदं वेत्युभयाक्रान्तं विज्ञानं स्थानसंशयः

pramādo nāma yogasya sādhanā nāma bhāvanā | idaṃ vetyubhayākrāntaṃ vijñānaṃ sthānasaṃśayaḥ

प्रमाद का अर्थ है योग की साधना में उपेक्षा। 'यह है या वह' - इस प्रकार दोनों ओर आक्रान्त ज्ञान ही स्थान-सम्बन्धी संशय है।

श्लोक 5 (shiva.vayaviya.73.5)

अप्रतिष्ठा हि मनसस्त्वनवस्थितिरुच्यते । अश्रद्धा भावरहिता वृत्तिर्वै योगवर्त्मनि

apratiṣṭhā hi manasastvanavasthitirucyate | aśraddhā bhāvarahitā vṛttirvai yogavartmani

मन की अप्रतिष्ठा ही अनवस्थिति कहलाती है। योग-मार्ग में भाव-रहित वृत्ति को अश्रद्धा कहते हैं।

श्लोक 6 (shiva.vayaviya.73.6)

विपर्यस्ता मतिर्या सा भ्रान्तिरित्यभिधीयते । दुःखमज्ञानजं पुंसां चित्तस्याध्यात्मिकं विदुः

viparyastā matiryā sā bhrāntirityabhidhīyate | duḥkhamajñānajaṃ puṃsāṃ cittasyādhyātmikaṃ viduḥ

जो बुद्धि विपरीत हो गई हो, वह भ्रान्ति कहलाती है। अज्ञान से उत्पन्न चित्त-सम्बन्धी दुःख को आध्यात्मिक जानना चाहिए,

श्लोक 7 (shiva.vayaviya.73.7)

आधिभौतिकमङ्गोत्थं यच्च दुःखं पुरा कृतैः । आधिदैविकमाख्यातमशन्यस्त्रविषादिकम्

ādhibhautikamaṅgotthaṃ yacca duḥkhaṃ purā kṛtaiḥ | ādhidaivikamākhyātamaśanyastraviṣādikam

शरीर से उत्पन्न दुःख आधिभौतिक है, और पूर्वकृत कर्मों से उत्पन्न वज्र, अस्त्र, विष आदि से होने वाला दुःख आधिदैविक कहा गया है।

श्लोक 8 (shiva.vayaviya.73.8)

इच्छाविघातजं क्षोभं दौर्मनस्यं प्रचक्षते । विषयेषु विचित्रेषु विभ्रमस्तत्र लोलता

icchāvighātajaṃ kṣobhaṃ daurmanasyaṃ pracakṣate | viṣayeṣu vicitreṣu vibhramastatra lolatā

इच्छा के विघात से उत्पन्न क्षोभ को दुर्मनस्यता कहते हैं; और नाना विषयों में मन का भ्रमण ही लोलुपता है।

श्लोक 9 (shiva.vayaviya.73.9)

शान्तेष्वेतेषु विघ्नेषु योगासक्तस्य योगिनः । उपसर्गाः प्रवर्तन्ते दिव्यास्ते सिद्धिसूचकाः

śānteṣveteṣu vighneṣu yogāsaktasya yoginaḥ | upasargāḥ pravartante divyāste siddhisūcakāḥ

इन विघ्नों के शान्त होने पर, योग में आसक्त योगी के लिए दिव्य उपसर्ग प्रकट होते हैं, जो सिद्धि के सूचक हैं।

श्लोक 10 (shiva.vayaviya.73.10)

प्रतिभा श्रवणं वार्ता दर्शनास्वादवेदनाः । उपसर्गाः षडित्येते व्यये योगस्य सिद्धयः

pratibhā śravaṇaṃ vārtā darśanāsvādavedanāḥ | upasargāḥ ṣaḍityete vyaye yogasya siddhayaḥ

प्रतिभा, श्रवण, वार्ता, दर्शन, आस्वाद और वेदना - ये छह उपसर्ग हैं, जो योग की सिद्धि के समय (उसके) व्यय होने पर प्रकट होते हैं।

श्लोक 11 (shiva.vayaviya.73.11)

सूक्ष्मे व्यवहितेऽतीते विप्रकृष्टे त्वनागते । प्रतिभा कथ्यते योऽर्थे प्रतिभासो यथातथम्

sūkṣme vyavahite'tīte viprakṛṣṭe tvanāgate | pratibhā kathyate yo'rthe pratibhāso yathātatham

सूक्ष्म, आवृत, अतीत, दूरस्थ अथवा अनागत विषय में जो यथार्थ ज्ञान होता है, वह प्रतिभा कहलाती है।

श्लोक 12 (shiva.vayaviya.73.12)

श्रवणं सर्वशब्दानां श्रवणे चाप्रयत्नतः । वार्त्ता वार्त्तासु विज्ञानं सर्वेषामेव देहिनाम्

śravaṇaṃ sarvaśabdānāṃ śravaṇe cāprayatnataḥ | vārttā vārttāsu vijñānaṃ sarveṣāmeva dehinām

बिना प्रयास के समस्त शब्दों का श्रवण होना ही श्रवण है। समस्त प्राणियों के विषय में जो ज्ञान होता है, वह वार्ता है।

श्लोक 13 (shiva.vayaviya.73.13)

दर्शनं नाम दिव्यानां दर्शनं चाप्रयत्नतः । तथास्वादश्च दिव्येषु रसेष्वास्वाद उच्यते

darśanaṃ nāma divyānāṃ darśanaṃ cāprayatnataḥ | tathāsvādaśca divyeṣu raseṣvāsvāda ucyate

बिना प्रयास के दिव्य वस्तुओं का दर्शन होना दर्शन कहलाता है; उसी प्रकार दिव्य रसों का आस्वादन आस्वाद कहा जाता है।

श्लोक 14 (shiva.vayaviya.73.14)

स्पर्शनाधिगमस्तद्वद् वेदना नाम विश्रुता । गन्धादीनां च दिव्यानामाब्रह्मभुवनाधिपाः

sparśanādhigamastadvad vedanā nāma viśrutā | gandhādīnāṃ ca divyānāmābrahmabhuvanādhipāḥ

उसी प्रकार स्पर्श का बोध वेदना नाम से प्रसिद्ध है। दिव्य गन्ध आदि के विषय में ब्रह्मलोक तक के अधिपति -

श्लोक 15 (shiva.vayaviya.73.15)

सन्तिष्ठन्ते च रत्नानि प्रयच्छन्ति बहूनि च । स्वच्छन्दमधुरा वाणी विविधा स्यात्प्रवर्तते

santiṣṭhante ca ratnāni prayacchanti bahūni ca | svacchandamadhurā vāṇī vividhā syātpravartate

उपस्थित होकर बहुत से रत्न प्रदान करते हैं; स्वच्छन्द मधुर वाणी नाना प्रकार से प्रकट होती है;

श्लोक 16 (shiva.vayaviya.73.16)

रसायनानि सर्वाणि दिव्याश्चौषधयस्तथा । सिध्यन्ति प्रणिपत्यैनं दिशन्ति सुरयोषितः

rasāyanāni sarvāṇi divyāścauṣadhayastathā | sidhyanti praṇipatyainaṃ diśanti surayoṣitaḥ

समस्त रसायन और दिव्य औषधियाँ सिद्ध हो जाती हैं; देवांगनाएँ प्रणाम करके उन्हें प्रदान करती हैं।

श्लोक 17 (shiva.vayaviya.73.17)

योगसिद्ध्यैकदेशेऽपि दृष्टे मोक्षे भवेन्मतिः । दृष्टमेतन्मया यद्वत् तद्वन्मोक्षो भवेदिति

yogasiddhyaikadeśe'pi dṛṣṭe mokṣe bhavenmatiḥ | dṛṣṭametanmayā yadvat tadvanmokṣo bhavediti

योग-सिद्धि का एक अंश भी देखकर 'मोक्ष हो गया' ऐसी बुद्धि हो सकती है - 'जैसा मैंने यह देखा है, वैसा ही मोक्ष भी होगा' - ऐसा सोचकर।

श्लोक 18 (shiva.vayaviya.73.18)

कृशता स्थूलता बाल्यं वार्द्धक्यं चैव यौवनम् । नानाजातिस्वरूपं च चतुर्णां देहधारणम्

kṛśatā sthūlatā bālyaṃ vārddhakyaṃ caiva yauvanam | nānājātisvarūpaṃ ca caturṇāṃ dehadhāraṇam

कृशता, स्थूलता, बाल्य, वृद्धावस्था और यौवन, तथा नाना जातियों का स्वरूप धारण करना - ये चार प्रकार के देह-धारण की शक्तियाँ हैं;

श्लोक 19 (shiva.vayaviya.73.19)

पार्थिवांशं विना नित्यं सुरभिर्गन्धसङ्ग्रहः । एवमष्टगुणं प्राहुः पैशाचं पार्थिवं पदम्

pārthivāṃśaṃ vinā nityaṃ surabhirgandhasaṅgrahaḥ | evamaṣṭaguṇaṃ prāhuḥ paiśācaṃ pārthivaṃ padam

और पार्थिव अंश के बिना ही नित्य सुगन्धित गन्ध का संग्रह - इस प्रकार आठ गुणों से युक्त पैशाच 'पार्थिव' पद कहा गया है।

श्लोक 20 (shiva.vayaviya.73.20)

जले निवसनं चैव भूम्यामेवं विनिर्गमः । इच्छेच्छक्तः स्वयं पातुं समुद्रमपि नातुरः

jale nivasanaṃ caiva bhūmyāmevaṃ vinirgamaḥ | icchecchaktaḥ svayaṃ pātuṃ samudramapi nāturaḥ

जल में निवास और भूमि पर उसी प्रकार निर्गमन; समर्थ योगी यदि चाहे तो स्वयं समुद्र को भी बिना हानि के पी सकता है;

श्लोक 21 (shiva.vayaviya.73.21)

यत्रेच्छति जगत्यस्मिंस्तत्रैव जलदर्शनम् । विना कुम्भादिकं पाणौ जलसञ्चयधारणम्

yatrecchati jagatyasmiṃstatraiva jaladarśanam | vinā kumbhādikaṃ pāṇau jalasañcayadhāraṇam

इस जगत में जहाँ भी वह चाहे, वहीं जल प्रकट हो जाता है; बिना घट आदि के भी वह अपने हाथ में जल-राशि धारण कर सकता है;

श्लोक 22 (shiva.vayaviya.73.22)

यद्वस्तु विरसञ्चापि भोक्तुमिच्छति तत्क्षणात् । रसादिकं भवेच्चान्यत् त्रयाणां देहधारणम्

yadvastu virasañcāpi bhoktumicchati tatkṣaṇāt | rasādikaṃ bhaveccānyat trayāṇāṃ dehadhāraṇam

जो वस्तु स्वाद-रहित हो, उसे भी वह जिस क्षण भोगना चाहे, वह उसी क्षण रस आदि से युक्त हो जाती है - ये तीन और गुण हैं;

श्लोक 23 (shiva.vayaviya.73.23)

निर्व्रणत्वं शरीरस्य पार्थिवैश्च समन्वितम् । तदिदं षोडशगुणमाप्यमैश्वर्यमद्भुतम्

nirvraṇatvaṃ śarīrasya pārthivaiśca samanvitam | tadidaṃ ṣoḍaśaguṇamāpyamaiśvaryamadbhutam

और शरीर का व्रण-रहित होना। पार्थिव गुणों सहित यह सोलह गुणों वाला अद्भुत आप्य ऐश्वर्य है।

श्लोक 24 (shiva.vayaviya.73.24)

शरीरादग्निनिर्माणं तत्तापभयवर्ज्जनम् । शक्तिर्जगदिदं दग्धुं यदीच्छेदप्रयत्नतः

śarīrādagninirmāṇaṃ tattāpabhayavarjjanam | śaktirjagadidaṃ dagdhuṃ yadīcchedaprayatnataḥ

शरीर से अग्नि उत्पन्न करना, उसकी उष्णता के भय से रहित होना, और यदि चाहे तो बिना प्रयास के इस जगत को जला देने की शक्ति;

श्लोक 25 (shiva.vayaviya.73.25)

स्थापनं वानलस्याऽप्सु पाणौ पावकधारणम् । दग्धे सर्गे यथापूर्वं मुखे चान्नादिपाचनम् । द्वाभ्यां देहविनिर्माणमाप्यैश्वर्यसमन्वितम्

sthāpanaṃ vānalasyā'psu pāṇau pāvakadhāraṇam | dagdhe sarge yathāpūrvaṃ mukhe cānnādipācanam | dvābhyāṃ dehavinirmāṇamāpyaiśvaryasamanvitam

जल में भी अग्नि स्थापित करना, हाथ में अग्नि धारण करना, सृष्टि को जलाकर पूर्ववत् उसे पुनः बना देना, मुख में ही अन्न आदि पकाना, और शेष दो के साथ इच्छानुसार शरीर बनाना - यह आप्य ऐश्वर्य से युक्त है;

श्लोक 26 (shiva.vayaviya.73.26)

एतच्चतुर्विंशतिधा तैजसं परिचक्षते । मनोजवत्वं भूतानां क्षणादन्तः प्रवेशनम्

etaccaturviṃśatidhā taijasaṃ paricakṣate | manojavatvaṃ bhūtānāṃ kṣaṇādantaḥ praveśanam

यह चौबीस प्रकार का तैजस (अग्नि-सम्बन्धी) ऐश्वर्य कहा जाता है। मन के समान वेग, तथा क्षणभर में समस्त प्राणियों में प्रवेश करने की शक्ति,

श्लोक 27 (shiva.vayaviya.73.27)

पर्वतादिमहाभारधारणं चाप्रयत्नतः । गुरुत्वं च लघुत्वं च पाणावनिलधारणम्

parvatādimahābhāradhāraṇaṃ cāprayatnataḥ | gurutvaṃ ca laghutvaṃ ca pāṇāvaniladhāraṇam

पर्वत आदि के महाभार को बिना प्रयास के धारण करना, इच्छानुसार भारी और हल्का होना, हाथ में वायु को धारण करना,

श्लोक 28 (shiva.vayaviya.73.28)

अङ्गुल्यग्रनिपाताद्यैर्भूमेरपि च कम्पनम् । एकेन देहनिष्पत्तिर्युक्तं भोगैश्च तेजसैः

aṅgulyagranipātādyairbhūmerapi ca kampanam | ekena dehaniṣpattiryuktaṃ bhogaiśca tejasaiḥ

अंगुली के अग्रभाग के स्पर्श मात्र से पृथ्वी को कम्पित करना, और एक और गुण सहित इच्छानुसार शरीर की रचना, पूर्वोक्त भोगों और तेजों सहित -

श्लोक 29 (shiva.vayaviya.73.29)

द्वात्रिंशद्गुणमैश्वर्यं मारुतं कवयो विदुः । छायाहीनविनिष्पत्तिरिन्द्रियाणामदर्शनम्

dvātriṃśadguṇamaiśvaryaṃ mārutaṃ kavayo viduḥ | chāyāhīnaviniṣpattirindriyāṇāmadarśanam

इस बत्तीस गुणों वाले ऐश्वर्य को विद्वान् 'मारुत' (वायु-सम्बन्धी) कहते हैं। छाया-रहित शरीर बनाना, इन्द्रियों से भी अदृश्य रहना,

श्लोक 30 (shiva.vayaviya.73.30)

खेचरत्वं यथाकाममिन्द्रियार्थसमन्वयः । आकाशलङ्घनं चैव स्वदेहे तन्निवेशनम्

khecaratvaṃ yathākāmamindriyārthasamanvayaḥ | ākāśalaṅghanaṃ caiva svadehe tanniveśanam

इच्छानुसार आकाश में विचरण करना, इन्द्रिय-विषयों से इच्छानुसार युक्त होना, आकाश को लाँघ जाना, और उस आकाश को अपने ही शरीर में समा लेना,

श्लोक 31 (shiva.vayaviya.73.31)

आकाशपिण्डीकरणमशरीरत्वमेव च । अनिलैश्वर्यसंयुक्तं चत्वारिंशद्गुणं महत्

ākāśapiṇḍīkaraṇamaśarīratvameva ca | anilaiśvaryasaṃyuktaṃ catvāriṃśadguṇaṃ mahat

आकाश को पिण्डीभूत कर देना, और शरीर-रहित हो जाना - मारुत के गुणों सहित यह महान् चालीस गुणों वाला ऐश्वर्य,

श्लोक 32 (shiva.vayaviya.73.32)

ऐन्द्रमैश्वर्यमाख्यातमाम्बरं तत्प्रचक्षते । यथाकामोपलब्धिश्च यथाकामविनिर्गमः

aindramaiśvaryamākhyātamāmbaraṃ tatpracakṣate | yathākāmopalabdhiśca yathākāmavinirgamaḥ

'ऐन्द्र' ऐश्वर्य कहा गया है, जिसे 'आम्बर' भी कहते हैं। इच्छानुसार सब कुछ प्राप्त करना, इच्छानुसार प्रकट होना और अन्तर्धान होना,

श्लोक 33 (shiva.vayaviya.73.33)

सर्वस्याभिभवश्चैव सर्वगुह्यार्थदर्शनम् । कर्मानुरूपनिर्माणं वशित्वं प्रियदर्शनम्

sarvasyābhibhavaścaiva sarvaguhyārthadarśanam | karmānurūpanirmāṇaṃ vaśitvaṃ priyadarśanam

सबका तिरस्कार करना, समस्त गुह्य अर्थों का दर्शन, कर्मानुसार रचना करना, वशित्व, और मनचाहा रूप दिखाना,

श्लोक 34 (shiva.vayaviya.73.34)

संसारदर्शनं चैव भोगैरैन्द्रैः समन्वितम् । एतच्चान्द्रमसैश्वर्यं मानसं गुणतोऽधिकम्

saṃsāradarśanaṃ caiva bhogairaindraiḥ samanvitam | etaccāndramasaiśvaryaṃ mānasaṃ guṇato'dhikam

और संसार का दर्शन - ऐन्द्र भोगों सहित यह, गुणों में उनसे भी अधिक, 'चान्द्रमस' अथवा 'मानस' ऐश्वर्य है।

श्लोक 35 (shiva.vayaviya.73.35)

छेदनं ताडनं चैव बन्धनं मोचनं तथा । ग्रहणं सर्वभूतानां संसारवशवर्तिनाम्

chedanaṃ tāḍanaṃ caiva bandhanaṃ mocanaṃ tathā | grahaṇaṃ sarvabhūtānāṃ saṃsāravaśavartinām

छेदन, ताड़न, तथा बन्धन और मोचन करना; संसार के वशीभूत समस्त प्राणियों को ग्रहण करना;

श्लोक 36 (shiva.vayaviya.73.36)

प्रसादश्चापि सर्वेषां मृत्युकालजयस्तथा । आभिमानिकमैश्वर्यं प्राजापत्यं प्रचक्षते

prasādaścāpi sarveṣāṃ mṛtyukālajayastathā | ābhimānikamaiśvaryaṃ prājāpatyaṃ pracakṣate

सबको प्रसन्न करना, तथा मृत्यु के काल को भी जीत लेना - यह अभिमान-सम्बन्धी ऐश्वर्य 'प्राजापत्य' कहलाता है।

श्लोक 37 (shiva.vayaviya.73.37)

एतच्चान्द्रमसैर्भोगैः षट्पञ्चाशद्गुणं महत् । सर्गः सङ्कल्पमात्रेण त्राणं संहरणं तथा

etaccāndramasairbhogaiḥ ṣaṭpañcāśadguṇaṃ mahat | sargaḥ saṅkalpamātreṇa trāṇaṃ saṃharaṇaṃ tathā

चान्द्रमस भोगों सहित यह छप्पन गुणों वाला महान् ऐश्वर्य है। संकल्प मात्र से सृष्टि, पालन, तथा संहार करना;

श्लोक 38 (shiva.vayaviya.73.38)

स्वाधिकारश्च सर्वेषां भूतचित्तप्रवर्तनम् । असादृश्यं च सर्वस्य निर्माणं जगतः पृथक्

svādhikāraśca sarveṣāṃ bhūtacittapravartanam | asādṛśyaṃ ca sarvasya nirmāṇaṃ jagataḥ pṛthak

सबके ऊपर अपना स्वाधिकार, प्राणियों के चित्त को प्रेरित करना, सबको असदृश (विलक्षण) बनाना, और जगत की पृथक् रचना करना;

श्लोक 39 (shiva.vayaviya.73.39)

शुभाशुभस्य करणं प्राजापत्यैश्च संयुतम् । चतुःषष्टिगुणं ब्राह्ममैश्वर्यं च प्रचक्षते

śubhāśubhasya karaṇaṃ prājāpatyaiśca saṃyutam | catuḥṣaṣṭiguṇaṃ brāhmamaiśvaryaṃ ca pracakṣate

शुभ-अशुभ की रचना करना - प्राजापत्य गुणों सहित यह चौंसठ गुणों वाला 'ब्राह्म' ऐश्वर्य कहा गया है।

श्लोक 40 (shiva.vayaviya.73.40)

बौद्धादस्मात्परं गौणमैश्वर्यं प्राकृतं विदुः । वैष्णवं तत्समाख्यातं तस्यैव भुवनस्थितिः । ब्रह्मणा तत्पदं सर्वं वक्तुमन्यैर्न शक्यते

bauddhādasmātparaṃ gauṇamaiśvaryaṃ prākṛtaṃ viduḥ | vaiṣṇavaṃ tatsamākhyātaṃ tasyaiva bhuvanasthitiḥ | brahmaṇā tatpadaṃ sarvaṃ vaktumanyairna śakyate

इस बौद्ध (बुद्धि-सम्बन्धी) ऐश्वर्य से परे विद्वान् एक और गौण ऐश्वर्य - 'प्राकृत' - को जानते हैं, जिसे 'वैष्णव' भी कहा जाता है, और उसी में उस जगत की स्थिति है; उस पद को पूर्णतः ब्रह्मा के अतिरिक्त अन्य कोई कहने में समर्थ नहीं है।

श्लोक 41 (shiva.vayaviya.73.41)

तत्पौरुषं च गौणं च गाणेशं पदमैश्वरम् । विष्णुना तत्पदं किञ्चिज्ज्ञातुमन्यैर्न शक्यते

tatpauruṣaṃ ca gauṇaṃ ca gāṇeśaṃ padamaiśvaram | viṣṇunā tatpadaṃ kiñcijjñātumanyairna śakyate

और उससे परे 'पौरुष' पद है, तथा उसका गौण 'गाणेश' ऐश्वर्य-पद है; उस पद को विष्णु के अतिरिक्त अन्य कोई थोड़ा भी जानने में समर्थ नहीं है।

श्लोक 42 (shiva.vayaviya.73.42)

विज्ञानसिद्धयश्चैव सर्वा एवौपसर्गिकाः । निरोद्धव्याः प्रयत्नेन वैराग्येण परेण तु

vijñānasiddhayaścaiva sarvā evaupasargikāḥ | niroddhavyāḥ prayatnena vairāgyeṇa pareṇa tu

ये सभी विज्ञान-सम्बन्धी सिद्धियाँ मात्र उपसर्ग हैं, इन्हें प्रयत्नपूर्वक परम वैराग्य से रोकना चाहिए।

श्लोक 43 (shiva.vayaviya.73.43)

प्रतिभासेष्वशुद्धेषु गुणेष्वासक्तचेतसः । न सिध्येत्परमैश्वर्यमभयं सार्वकामिकम्

pratibhāseṣvaśuddheṣu guṇeṣvāsaktacetasaḥ | na sidhyetparamaiśvaryamabhayaṃ sārvakāmikam

इन अशुद्ध प्रतिभासों और गुणों में जिसका चित्त आसक्त हो जाता है, उसे सर्वकामनाओं को पूर्ण करने वाला अभय परम ऐश्वर्य कभी सिद्ध नहीं होता।

श्लोक 44 (shiva.vayaviya.73.44)

तस्माद्गुणांश्च भोगांश्च देवासुरमहीभृताम् । तृणवद्यस्त्यजेत्तस्य योगसिद्धिः परा भवेत्

tasmādguṇāṃśca bhogāṃśca devāsuramahībhṛtām | tṛṇavadyastyajettasya yogasiddhiḥ parā bhavet

इसलिए जो देव, असुर और राजाओं के भी गुणों और भोगों को तिनके के समान त्याग देता है, उसी को परम योग-सिद्धि प्राप्त होती है।

श्लोक 45 (shiva.vayaviya.73.45)

अथवानुग्रहेच्छायां जगतो विचरेन्मुनिः । यथाकामं गुणान्भोगान्भुक्त्वा मुक्तिं प्रयास्यति

athavānugrahecchāyāṃ jagato vicarenmuniḥ | yathākāmaṃ guṇānbhogānbhuktvā muktiṃ prayāsyati

अथवा जगत पर अनुग्रह करने की इच्छा से मुनि विचरण भी कर सकता है; इच्छानुसार गुणों और भोगों को भोगकर भी वह अन्ततः मुक्ति को ही प्राप्त होगा।

श्लोक 46 (shiva.vayaviya.73.46)

अथ प्रयोगं योगस्य वक्ष्ये शृणु समाहितः । शुभे काले शुभे देशे शिवक्षेत्रादिके पुनः । विजने जन्तुरहिते निःशब्दे बाधवर्जिते

atha prayogaṃ yogasya vakṣye śṛṇu samāhitaḥ | śubhe kāle śubhe deśe śivakṣetrādike punaḥ | vijane janturahite niḥśabde bādhavarjite

अब मैं योग के प्रयोग को कहूँगा, एकाग्रचित्त होकर सुनो। शुभ काल में, शुभ स्थान में, विशेषतः शिव-क्षेत्र आदि में, एकान्त, प्राणी-रहित, निःशब्द और बाधा-रहित स्थान में,

श्लोक 47 (shiva.vayaviya.73.47)

सुप्रलिप्ते स्थले सौम्ये गन्धधूपादिवासिते । मुक्तपुष्पसमाकीर्णे वितानादिविचित्रिते

supralipte sthale saumye gandhadhūpādivāsite | muktapuṣpasamākīrṇe vitānādivicitrite

सुन्दर रूप से लिपे हुए, सौम्य, गन्ध-धूप आदि से सुवासित, ढीले पुष्पों से बिखरे, तथा वितान आदि से विचित्रित स्थान में,

श्लोक 48 (shiva.vayaviya.73.48)

कुशपुष्पसमित्तोयफलमूलसमन्विते । नाग्न्यभ्याशे जलाभ्याशे शुष्कपर्णचयेऽपि वा

kuśapuṣpasamittoyaphalamūlasamanvite | nāgnyabhyāśe jalābhyāśe śuṣkaparṇacaye'pi vā

कुश, पुष्प, समिधा, जल, फल और मूल से युक्त स्थान में - अग्नि के निकट नहीं, जल के निकट नहीं, और सूखे पत्तों के ढेर के निकट भी नहीं;

श्लोक 49 (shiva.vayaviya.73.49)

न दंशमशकाकीर्णे सर्पश्वापदसङ्कुले । न च दुष्टमृगाकीर्णे न भये दुर्जनावृते

na daṃśamaśakākīrṇe sarpaśvāpadasaṅkule | na ca duṣṭamṛgākīrṇe na bhaye durjanāvṛte

डाँस-मच्छरों से भरे स्थान में नहीं, सर्प और हिंस्र पशुओं से युक्त स्थान में नहीं, दुष्ट मृगों से भरे स्थान में नहीं, और भयजनक दुष्ट लोगों से घिरे स्थान में भी नहीं;

श्लोक 50 (shiva.vayaviya.73.50)

श्मशाने चैत्यवल्मीके जीर्णागारे चतुष्पथे । नदीनदसमुद्राणां तीरे रथ्यान्तरेऽपि वा

śmaśāne caityavalmīke jīrṇāgāre catuṣpathe | nadīnadasamudrāṇāṃ tīre rathyāntare'pi vā

श्मशान, चैत्य, वल्मीक, जीर्ण-गृह, चौराहे में नहीं; नदी, नद और समुद्र के तट पर, अथवा मार्ग के मध्य में भी नहीं;

श्लोक 51 (shiva.vayaviya.73.51)

न जीर्णोद्यानगोष्ठादौ नानिष्टे न च निन्दिते । नाजीर्णाम्लरसोद्गारे न च विण्मूत्रदूषिते

na jīrṇodyānagoṣṭhādau nāniṣṭe na ca nindite | nājīrṇāmlarasodgāre na ca viṇmūtradūṣite

जीर्ण उद्यान अथवा गौशाला आदि में नहीं, अप्रिय अथवा निन्दित स्थान में नहीं, अजीर्ण से खट्टी डकार आने पर नहीं, और मल-मूत्र से दूषित स्थान में भी नहीं;

श्लोक 52 (shiva.vayaviya.73.52)

न च्छर्द्यामातिसारे वा नातिभुक्तौ श्रमान्विते । न चातिचिन्ताकुलितो न चातिक्षुत्पिपासितः

na cchardyāmātisāre vā nātibhuktau śramānvite | na cāticintākulito na cātikṣutpipāsitaḥ

वमन अथवा अतिसार में नहीं, अधिक भोजन करने से थके होने पर नहीं, अत्यंत चिन्ता से व्याकुल होने पर नहीं, और अत्यंत भूखे-प्यासे होने पर भी नहीं;

श्लोक 53 (shiva.vayaviya.73.53)

नापि स्वगुरुकर्मादौ प्रसक्तो योगमाचरेत् । युक्ताहारविहारश्च युक्तचेष्टश्च कर्मसु

nāpi svagurukarmādau prasakto yogamācaret | yuktāhāravihāraśca yuktaceṣṭaśca karmasu

और अपने गुरु के कार्य आदि में लगे हुए भी योग का आचरण न करे। भोजन-विहार में संयमित, तथा कर्मों में संयमित चेष्टा वाला,

श्लोक 54 (shiva.vayaviya.73.54)

युक्तनिद्राप्रबोधश्च सर्वायासविवर्जितः । आसनं मृदुलं रम्यं विपुलं सुसमं शुचि

yuktanidrāprabodhaśca sarvāyāsavivarjitaḥ | āsanaṃ mṛdulaṃ ramyaṃ vipulaṃ susamaṃ śuci

निद्रा और जागरण में भी संयमित, समस्त अनावश्यक परिश्रम से रहित होकर - कोमल, रमणीय, विशाल, समतल और शुद्ध आसन पर,

श्लोक 55 (shiva.vayaviya.73.55)

पद्मकस्वस्तिकादीनामभ्यसेदासनेषु च । अभिवन्द्य स्वगुर्वन्तानभिवाद्याननुक्रमात्

padmakasvastikādīnāmabhyasedāsaneṣu ca | abhivandya svagurvantānabhivādyānanukramāt

पद्म और स्वस्तिक आदि आसनों में से किसी का अभ्यास करे। अपने गुरु आदि वन्दनीय जनों को क्रमशः प्रणाम करके,

श्लोक 56 (shiva.vayaviya.73.56)

ऋजुग्रीवशिरोवक्षा नातिष्ठेच्छ्लिष्टलोचनः । किञ्चिदुन्नामितशिरा दन्तैर्दन्तान्न संस्पृशेत्

ṛjugrīvaśirovakṣā nātiṣṭhecchliṣṭalocanaḥ | kiñcidunnāmitaśirā dantairdantānna saṃspṛśet

ग्रीवा, सिर और वक्ष को सीधा रखते हुए, नेत्रों को धीरे से बन्द करके, सिर को थोड़ा ऊपर उठाए हुए, दाँतों को दाँतों से स्पर्श न करते हुए,

श्लोक 57 (shiva.vayaviya.73.57)

दन्ताग्रसंस्थितां जिह्वामचलां सन्निवेश्य च । पार्ष्णिभ्यां वृषणौ रक्षंस्तथा प्रजननं पुनः

dantāgrasaṃsthitāṃ jihvāmacalāṃ sanniveśya ca | pārṣṇibhyāṃ vṛṣaṇau rakṣaṃstathā prajananaṃ punaḥ

जीभ को दाँतों के अग्रभाग में स्थिर करके, दोनों एड़ियों से वृषण और जननेन्द्रिय की रक्षा करते हुए,

श्लोक 58 (shiva.vayaviya.73.58)

ऊर्वोरुपरि संस्थाप्य बाहू तिर्यगयत्नतः । दक्षिणं करपृष्ठं तु न्यस्य वामतलोपरि

ūrvorupari saṃsthāpya bāhū tiryagayatnataḥ | dakṣiṇaṃ karapṛṣṭhaṃ tu nyasya vāmatalopari

दोनों बाहुओं को बिना प्रयास के जाँघों पर तिरछा रखकर, दाहिने हाथ की पीठ को बाएँ हाथ की हथेली पर रखकर,

श्लोक 59 (shiva.vayaviya.73.59)

उन्नाम्य शनकैः पृष्ठमुरो विष्टभ्य चाग्रतः । सम्प्रेक्ष्य नासिकाग्रं स्वं दिशश्चानवलोकयन्

unnāmya śanakaiḥ pṛṣṭhamuro viṣṭabhya cāgrataḥ | samprekṣya nāsikāgraṃ svaṃ diśaścānavalokayan

धीरे-धीरे पीठ को सीधा करके और वक्ष को आगे की ओर तानकर, अपनी नासिका के अग्रभाग को देखते हुए और किसी दिशा में न देखते हुए,

श्लोक 60 (shiva.vayaviya.73.60)

सम्भृतप्राणसञ्चारः पाषाण इव निश्चलः । स्वदेहायतनस्यान्तर्विचिन्त्य शिवमम्बया

sambhṛtaprāṇasañcāraḥ pāṣāṇa iva niścalaḥ | svadehāyatanasyāntarvicintya śivamambayā

प्राण की गति को पूर्णतः वश में करके, पत्थर के समान निश्चल होकर, अपने शरीर-रूपी मन्दिर के भीतर अम्बा-सहित शिव का ध्यान करे।

श्लोक 61 (shiva.vayaviya.73.61)

हृत्पद्मपीठिकामध्ये ध्यानयज्ञेन पूजयेत् । मूले नासाग्रतो नाभौ कण्ठे वा तालुरन्ध्रयोः

hṛtpadmapīṭhikāmadhye dhyānayajñena pūjayet | mūle nāsāgrato nābhau kaṇṭhe vā tālurandhrayoḥ

हृदय-कमल की पीठिका के मध्य में ध्यान-यज्ञ से उनकी पूजा करे - अथवा मूल में, नासिका के अग्रभाग में, नाभि में, कण्ठ में, अथवा तालु-रन्ध्र में,

श्लोक 62 (shiva.vayaviya.73.62)

भ्रूमध्ये द्वारदेशे वा ललाटे मूर्ध्नि वा स्मरेत् । परिकल्प्य यथान्यायं शिवयोः परमासनम्

bhrūmadhye dvāradeśe vā lalāṭe mūrdhni vā smaret | parikalpya yathānyāyaṃ śivayoḥ paramāsanam

भ्रूमध्य में, द्वार-प्रदेश में, ललाट में, अथवा मूर्धा में स्मरण करे - शिव-शिवा के परम आसन की यथाविधि कल्पना करके,

श्लोक 63 (shiva.vayaviya.73.63)

तत्र सावरणं वापि निरावरणमेव वा । द्विदले षोडशारे वा द्वादशारे यथाविधि

tatra sāvaraṇaṃ vāpi nirāvaraṇameva vā | dvidale ṣoḍaśāre vā dvādaśāre yathāvidhi

वहाँ आवरण-देवताओं सहित अथवा उनके बिना, द्विदल, षोडशार, अथवा द्वादशार कमल पर यथाविधि,

श्लोक 64 (shiva.vayaviya.73.64)

दशारे वा षडस्रे वा चतुरस्रे शिवं स्मरेत् । भ्रुवोरन्तरतः पद्मं द्विदलं तडिदुज्ज्वलम्

daśāre vā ṣaḍasre vā caturasre śivaṃ smaret | bhruvorantarataḥ padmaṃ dvidalaṃ taḍidujjvalam

दशार, षडस्र, अथवा चतुरस्र कमल पर शिव का स्मरण करे। भ्रुकुटियों के मध्य का कमल दो पंखुड़ियों वाला, बिजली के समान उज्ज्वल है;

श्लोक 65 (shiva.vayaviya.73.65)

भ्रूमध्यस्थारविन्दस्य क्रमाद्वै दक्षिणोत्तरे । विद्युत्समानवर्णे च पर्णे वर्णावसानके

bhrūmadhyasthāravindasya kramādvai dakṣiṇottare | vidyutsamānavarṇe ca parṇe varṇāvasānake

उस भ्रूमध्य-स्थित कमल के दाहिने और बाएँ भाग में क्रमशः बिजली के समान वर्ण वाले वर्णमाला के अन्तिम दो अक्षर स्थित हैं।

श्लोक 66 (shiva.vayaviya.73.66)

षोडशारस्य पत्राणि स्वराः षोडश तानि वै । पूर्वादीनि क्रमादेतत्पद्मं कन्दस्य मूलतः

ṣoḍaśārasya patrāṇi svarāḥ ṣoḍaśa tāni vai | pūrvādīni kramādetatpadmaṃ kandasya mūlataḥ

षोडशार कमल की पंखुड़ियाँ सोलह स्वर हैं, जो पूर्व दिशा से क्रमशः स्थित हैं; यह कमल कण्ठ के मूल में है।

श्लोक 67 (shiva.vayaviya.73.67)

ककारादिठकारान्ता वर्णाः पर्णान्यनुक्रमात् । भानुवर्णस्य पद्मस्य ध्येयं तधृदयान्तरे

kakārādiṭhakārāntā varṇāḥ parṇānyanukramāt | bhānuvarṇasya padmasya dhyeyaṃ tadhṛdayāntare

'क' से 'ठ' तक के अक्षर क्रमशः इसकी पंखुड़ियाँ हैं; वह सूर्य-वर्ण कमल हृदय के भीतर ध्यान करने योग्य है।

श्लोक 68 (shiva.vayaviya.73.68)

वर्णाः पर्णानि पक्षस्य नाभेरुपरि पृष्ठतः । गोक्षीरधवलस्योक्ता डादिफान्ता यथाक्रमम् । अधो दलस्याम्बुजस्य एतस्य च दलानि षट्

varṇāḥ parṇāni pakṣasya nābherupari pṛṣṭhataḥ | gokṣīradhavalasyoktā ḍādiphāntā yathākramam | adho dalasyāmbujasya etasya ca dalāni ṣaṭ

गोदुग्ध के समान श्वेत, नाभि के ऊपर पृष्ठभाग में स्थित उस कमल की पंखुड़ियाँ 'ड' से 'फ' तक के अक्षर हैं, क्रमशः; इस कमल के नीचे एक और कमल है, जिसकी छह पंखुड़ियाँ हैं।

श्लोक 69 (shiva.vayaviya.73.69)

विधूमाङ्गारवर्णस्य वर्णा वाद्याश्च लान्तिमाः । मूलाधारारविन्दस्य हेमाभस्य यथाक्रमम् । वकारादिसकारान्ता वर्णाः पर्णमयाः स्थिताः

vidhūmāṅgāravarṇasya varṇā vādyāśca lāntimāḥ | mūlādhārāravindasya hemābhasya yathākramam | vakārādisakārāntā varṇāḥ parṇamayāḥ sthitāḥ

धूम-रहित अंगारे के वर्ण वाले उस (छह पंखुड़ी वाले कमल) की पंखुड़ियाँ 'व' से 'ल' तक के अक्षर हैं; और स्वर्ण-वर्ण मूलाधार-कमल की पंखुड़ियाँ क्रमशः 'व' से 'स' तक के अक्षर हैं।

श्लोक 70 (shiva.vayaviya.73.70)

एतेष्वथारविन्देषु यत्रैवाभिरतं मनः । तत्रैव देवं देवीं च चिन्तयेद्धीरया धिया

eteṣvathāravindeṣu yatraivābhirataṃ manaḥ | tatraiva devaṃ devīṃ ca cintayeddhīrayā dhiyā

इन कमलों में से जिसमें भी मन रमण करे, वहीं स्थिर बुद्धि से देव और देवी का चिन्तन करना चाहिए।

श्लोक 71 (shiva.vayaviya.73.71)

अङ्गुष्ठमात्रममलं दीप्यमानं समन्ततः । शुद्धदीपशिखाकारं स्वशक्त्या पूर्णमण्डितम्

aṅguṣṭhamātramamalaṃ dīpyamānaṃ samantataḥ | śuddhadīpaśikhākāraṃ svaśaktyā pūrṇamaṇḍitam

अंगूठे के बराबर, निर्मल, सब ओर से प्रकाशमान, शुद्ध दीपशिखा के आकार वाले, अपनी शक्ति सहित पूर्णतः सुशोभित -

श्लोक 72 (shiva.vayaviya.73.72)

इन्दुरेखासमाकारं तारारूपमथापि वा । नीवारशूकसदृशं बिससुत्राभमेव वा

indurekhāsamākāraṃ tārārūpamathāpi vā | nīvāraśūkasadṛśaṃ bisasutrābhameva vā

चन्द्ररेखा के समान आकार वाले, अथवा तारा के रूप में, नीवार के अंकुर के समान, अथवा कमल-नाल के तन्तु के समान,

श्लोक 73 (shiva.vayaviya.73.73)

कदम्बगोलकाकारं तुषारकणिकोपमम् । क्षित्यादितत्त्वविजयं ध्याता यद्यपि वाञ्छति

kadambagolakākāraṃ tuṣārakaṇikopamam | kṣityāditattvavijayaṃ dhyātā yadyapi vāñchati

कदम्ब-गोलक के समान आकार वाले, अथवा हिम-कण के समान - इस प्रकार (उनका ध्यान करे)। यदि ध्याता पृथ्वी आदि तत्त्वों पर विजय चाहे,

श्लोक 74 (shiva.vayaviya.73.74)

तत्तत्तत्त्वाधिपामेव मूर्तिं स्थूलां विचिन्तयेत् । सदाशिवान्ता ब्रह्माद्या भवाद्याश्चाष्टमूर्तयः

tattattattvādhipāmeva mūrtiṃ sthūlāṃ vicintayet | sadāśivāntā brahmādyā bhavādyāścāṣṭamūrtayaḥ

तो उसे उस-उस तत्त्व के अधिपति की स्थूल मूर्ति का ही ध्यान करना चाहिए। ब्रह्मा आदि से सदाशिव-पर्यन्त, अथवा भव आदि आठ मूर्तियाँ -

श्लोक 75 (shiva.vayaviya.73.75)

शिवस्य मूर्तयः स्थूलाः शिवशास्त्रे विनिश्चिताः । घोरा मिश्राः प्रशान्ताश्च मूर्तयस्ता मुनीश्वरैः

śivasya mūrtayaḥ sthūlāḥ śivaśāstre viniścitāḥ | ghorā miśrāḥ praśāntāśca mūrtayastā munīśvaraiḥ

शिव की ये स्थूल मूर्तियाँ शिव-शास्त्र में निश्चित की गई हैं। महर्षियों ने इन मूर्तियों को घोर, मिश्र और प्रशान्त - इस प्रकार वर्गीकृत किया है;

श्लोक 76 (shiva.vayaviya.73.76)

फलाभिलाषरहितैश्चिन्त्याश्चिन्ताविशारदैः । घोराश्चेच्चिन्तिताः कुर्युः पापरोगपरिक्षयम्

phalābhilāṣarahitaiścintyāścintāviśāradaiḥ | ghorāśceccintitāḥ kuryuḥ pāparogaparikṣayam

फल की इच्छा से रहित, ध्यान में कुशल साधकों द्वारा इनका ध्यान किया जाना चाहिए। यदि घोर मूर्तियों का ध्यान किया जाए तो वे पाप और रोग का सर्वथा नाश करती हैं;

श्लोक 77 (shiva.vayaviya.73.77)

चिरेण मिश्रे सौम्ये तु न सद्यो न चिरादपि । सौम्ये मुक्तिर्विशेषेण शान्तिः प्रज्ञा प्रसिध्यति

cireṇa miśre saumye tu na sadyo na cirādapi | saumye muktirviśeṣeṇa śāntiḥ prajñā prasidhyati

मिश्र मूर्तियों में फल विलम्ब से मिलता है, परन्तु सौम्य मूर्तियों में न अत्यंत शीघ्र और न अत्यंत विलम्ब से। सौम्य मूर्तियों में विशेष रूप से मुक्ति, शान्ति और प्रज्ञा सिद्ध होती हैं,

श्लोक 78 (shiva.vayaviya.73.78)

सिध्यन्ति सिद्धयश्चात्र क्रमशो नात्र संशयः

sidhyanti siddhayaścātra kramaśo nātra saṃśayaḥ

और यहाँ अन्य सिद्धियाँ भी क्रमशः सिद्ध होती हैं - इसमें कोई संशय नहीं है।