काम्य कर्मों का वर्णन

श्लोक 1 (skanda.1.121.1)

नंदिकेश्वर उवाच । रक्तोत्पलैरर्कवारे यः शोणाद्रीशमर्चयेत् । अवश्यं तस्य सिध्यंति सार्वभौममहर्द्धयः

naṁdikeśvara uvāca raktotpalairarkavāre yaḥ śoṇādrīśamarcayet avaśyaṁ tasya sidhyaṁti sārvabhaumamaharddhayaḥ

नन्दिकेश्वर जी ने कहा — जो रविवार को लाल कमलों से शोणाद्रीश की पूजा करता है, उसे अवश्य ही सार्वभौम राज्य की महान समृद्धियाँ प्राप्त होती हैं।

श्लोक 2 (skanda.1.121.2)

सौम्यवारेऽरुणाद्रीशं कस्तूरीकरवीरकैः । यः पूजयति तस्य स्यात्सत्यलोके सुखासिका

saumyavāre'ruṇādrīśaṁ kastūrīkaravīrakaiḥ yaḥ pūjayati tasya syātsatyaloke sukhāsikā

जो बुधवार को कस्तूरी और कनेर के फूलों से अरुणाद्रीश की पूजा करता है, उसे सत्यलोक में सुखपूर्वक निवास प्राप्त होता है।

श्लोक 3 (skanda.1.121.3)

गुरुवारे सितांभोजैः शोणेशं वरिवस्यतः । जनलोके चिरं वासः सिद्धैः सह भविष्यति

guruvāre sitāṁbhojaiḥ śoṇeśaṁ varivasyataḥ janaloke ciraṁ vāsaḥ siddhaiḥ saha bhaviṣyati

जो गुरुवार को श्वेत कमलों से शोणेश की उपासना करता है, उसे सिद्धों के साथ जनलोक में दीर्घकाल तक निवास प्राप्त होता है।

श्लोक 4 (skanda.1.121.4)

चंपकैर्मल्लिकाभिश्च शुक्रवारे समर्चयेत् । तपोलोकं प्रपद्येत ब्रह्मर्षिभिरभिष्टुतः

caṁpakairmallikābhiśca śukravāre samarcayet tapolokaṁ prapadyeta brahmarṣibhirabhiṣṭutaḥ

जो शुक्रवार को चंपा और मल्लिका के फूलों से पूजा करता है, वह तपोलोक को प्राप्त होता है और वहाँ ब्रह्मर्षियों द्वारा स्तुति किया जाता है।

श्लोक 5 (skanda.1.121.5)

सौरिवारे च जातीभिस्समाराध्यारुणेश्वरम् । न जातु यमलोकानां पापीयानपि कल्पते

saurivāre ca jātībhissamārādhyāruṇeśvaram na jātu yamalokānāṁ pāpīyānapi kalpate

शनिवार को जाती के फूलों से अरुणेश्वर की आराधना करने पर पापी मनुष्य भी कभी यमलोक जाने योग्य नहीं रहता।

श्लोक 6 (skanda.1.121.6)

प्रथमायां तिथौ देवस्योपहारं समर्पयेत् । यः पायसेन स भवेद्धनधान्यसमृद्धिमान्

prathamāyāṁ tithau devasyopahāraṁ samarpayet yaḥ pāyasena sa bhaveddhanadhānyasamṛddhimān

जो प्रतिपदा तिथि को देवता को खीर का उपहार अर्पित करता है, वह धन-धान्य से समृद्ध होता है।

श्लोक 7 (skanda.1.121.7)

द्वितीयस्यां तिथौ भक्त्या यो दध्यन्नं निवेदयेत् । स भवेद्भाग्यवाञ्छ्रेष्ठः सोमपाश्च भवेद्ध्रुवम्

dvitīyasyāṁ tithau bhaktyā yo dadhyannaṁ nivedayet sa bhavedbhāgyavāñchreṣṭhaḥ somapāśca bhaveddhruvam

जो द्वितीया तिथि को भक्तिपूर्वक दही-भात निवेदन करता है, वह श्रेष्ठ भाग्यशाली होता है और निश्चय ही सोमयाजी बनता है।

श्लोक 8 (skanda.1.121.8)

तृतीयायां च योऽपूपैः शोणेशं परितर्पयेत् । तस्या व्याहतमारोग्यमाशरीरं भविष्यति

tṛtīyāyāṁ ca yo'pūpaiḥ śoṇeśaṁ paritarpayet tasyā vyāhatamārogyamāśarīraṁ bhaviṣyati

जो तृतीया को पूए अर्पित करके शोणेश को तृप्त करता है, उसे आजीवन अबाधित आरोग्य प्राप्त होता है।

श्लोक 9 (skanda.1.121.9)

चतुर्थ्यामरुणेशाय पूर्णकुम्भोत्करादिकम् । निवेदयति यस्तस्य भवेत्पूर्णमनोरथः

caturthyāmaruṇeśāya pūrṇakumbhotkarādikam nivedayati yastasya bhavetpūrṇamanorathaḥ

जो चतुर्थी को अरुणेश को पूर्ण कलश आदि अर्पित करता है, उसके सभी मनोरथ पूर्ण होते हैं।

श्लोक 10 (skanda.1.121.10)

मुद्गौदनं च पंचम्यामुपहारं प्रकल्पयेत । शोणेश्वराय भक्त्या यः स स्यादक्षय्यवैभवः

mudgaudanaṁ ca paṁcamyāmupahāraṁ prakalpayeta śoṇeśvarāya bhaktyā yaḥ sa syādakṣayyavaibhavaḥ

जो पंचमी को भक्तिपूर्वक शोणेश्वर के लिए मूँग-चावल का उपहार तैयार करके अर्पित करता है, वह अक्षय ऐश्वर्य वाला हो जाता है।

श्लोक 11 (skanda.1.121.11)

षष्ठ्यां गुडौदनं दद्यादरुणाचलशम्भवे । भक्त्या यस्तस्य सन्तानो न कदाचित्प्रहीयते

ṣaṣṭhyāṁ guḍaudanaṁ dadyādaruṇācalaśambhave bhaktyā yastasya santāno na kadācitprahīyate

जो षष्ठी को भक्तिपूर्वक अरुणाचलशंभु को गुड़-भात अर्पित करता है, उसकी संतान-परंपरा कभी क्षीण नहीं होती।

श्लोक 12 (skanda.1.121.12)

तिलौदनं यस्सप्तम्यां शोणेशाय समर्पयेत् । स दीनोऽप्यधमर्णत्वमयत्नेन व्यपोहति

tilaudanaṁ yassaptamyāṁ śoṇeśāya samarpayet sa dīno'pyadhamarṇatvamayatnena vyapohati

जो सप्तमी को शोणेश को तिल-भात अर्पित करता है, वह दरिद्र होने पर भी बिना प्रयास के ऋणग्रस्तता से मुक्त हो जाता है।

श्लोक 13 (skanda.1.121.13)

अष्टम्यां राजशाल्यन्नं यो दद्याच्छोणशम्भवे । तस्य सेवां विनापि स्याद्राजलोको वशीकृतः

aṣṭamyāṁ rājaśālyannaṁ yo dadyācchoṇaśambhave tasya sevāṁ vināpi syādrājaloko vaśīkṛtaḥ

जो अष्टमी को शोणशंभु को उत्तम शाली चावल का अन्न अर्पित करता है, उसके लिए बिना सेवा किए ही राजवर्ग वश में हो जाता है।

श्लोक 14 (skanda.1.121.14)

गोधूमान्नं नवम्यां च शोणाद्रीशाय योऽर्पयेत् । राजयक्ष्मादयस्तस्य न भविष्यंति जातु च

godhūmānnaṁ navamyāṁ ca śoṇādrīśāya yo'rpayet rājayakṣmādayastasya na bhaviṣyaṁti jātu ca

जो नवमी को शोणाद्रीश को गेहूँ का अन्न अर्पित करता है, उसे राजयक्ष्मा आदि रोग कभी नहीं होते।

श्लोक 15 (skanda.1.121.15)

दशम्यां शोणनाथाय यः करंभं निवेदयेत् । स भवेत्सर्वलोकानां सदैव प्रीतिभाजनम्

daśamyāṁ śoṇanāthāya yaḥ karaṁbhaṁ nivedayet sa bhavetsarvalokānāṁ sadaiva prītibhājanam

जो दशमी को शोणनाथ को करंभ निवेदन करता है, वह सदा सब लोगों का प्रिय पात्र बना रहता है।

श्लोक 16 (skanda.1.121.16)

पृथुकैरुपहारान्य एकादश्यां प्रकल्पयेत् । अरुणाचलनाथस्य स भवेदकुतोभयः

pṛthukairupahārānya ekādaśyāṁ prakalpayet aruṇācalanāthasya sa bhavedakutobhayaḥ

जो एकादशी को चिवड़े का उपहार तैयार कर अरुणाचलनाथ को अर्पित करता है, वह सर्वथा निर्भय हो जाता है।

श्लोक 17 (skanda.1.121.17)

द्वादश्यां शोणनाथाय सूपौदननिवेदनम् । यः करोति भवेत्तस्य निर्विघातो मनोरथः

dvādaśyāṁ śoṇanāthāya sūpaudananivedanam yaḥ karoti bhavettasya nirvighāto manorathaḥ

जो द्वादशी को शोणनाथ को दाल-भात निवेदन करता है, उसके सभी मनोरथ निर्विघ्न रूप से सिद्ध होते हैं।

श्लोक 18 (skanda.1.121.18)

यः सक्तूनरुणेशाय त्रयोदश्यां समर्पयेत् । तस्या व्याकुलचित्त्वमश्रांतमपि जायते

yaḥ saktūnaruṇeśāya trayodaśyāṁ samarpayet tasyā vyākulacittvamaśrāṁtamapi jāyate

जो त्रयोदशी को अरुणेश को सत्तू अर्पित करता है, उसका चित्त बड़े से बड़े श्रम में भी कभी व्याकुल नहीं होता।

श्लोक 19 (skanda.1.121.19)

अर्पयेच्छोणनाथाय फलानि विविधानि यः । चतुर्दश्यां स मूढोऽपि सिद्धसारस्वतो भवेत्

arpayecchoṇanāthāya phalāni vividhāni yaḥ caturdaśyāṁ sa mūḍho'pi siddhasārasvato bhavet

जो चतुर्दशी को शोणनाथ को विविध फल अर्पित करता है, वह मूर्ख होने पर भी विद्या और वाणी में पारंगत हो जाता है।

श्लोक 20 (skanda.1.121.20)

यः पौर्णमास्यां शोणाद्रिनाथाय विनिवेदयेत् । पनसस्य फलं तस्य चक्षूरोगो न जायते

yaḥ paurṇamāsyāṁ śoṇādrināthāya vinivedayet panasasya phalaṁ tasya cakṣūrogo na jāyate

जो पूर्णिमा को शोणाद्रिनाथ को कटहल का फल निवेदन करता है, उसे नेत्र-रोग कभी नहीं होता।

श्लोक 21 (skanda.1.121.21)

कुह्वां च संगमे भक्त्या कंदमूलादि योऽर्पयेत् । शोणाचलेश्वरायास्य तुष्यंति पितरः किल

kuhvāṁ ca saṁgame bhaktyā kaṁdamūlādi yo'rpayet śoṇācaleśvarāyāsya tuṣyaṁti pitaraḥ kila

जो अमावस्या को नदी-संगम पर भक्तिपूर्वक शोणाचलेश्वर को कंद-मूल आदि अर्पित करता है, उसके पितर निश्चय ही तृप्त होते हैं।

श्लोक 22 (skanda.1.121.22)

अश्विन्यामरुणेशाय दद्याद्वासांसि भक्तिमान् । भरण्यामरुणेशाय दद्यादाभरणान्यपि

aśvinyāmaruṇeśāya dadyādvāsāṁsi bhaktimān bharaṇyāmaruṇeśāya dadyādābharaṇānyapi

भक्तिमान पुरुष अश्विनी नक्षत्र में अरुणेश को वस्त्र अर्पित करे; भरणी नक्षत्र में अरुणेश को आभूषण भी अर्पित करे।

श्लोक 23 (skanda.1.121.23)

कृत्तिकासु प्रदीपांश्च रोहिण्यां रौप्यमर्पयेत् । मृगशीर्षे मलयजमार्द्रायां हरिचंदनम्

kṛttikāsu pradīpāṁśca rohiṇyāṁ raupyamarpayet mṛgaśīrṣe malayajamārdrāyāṁ haricaṁdanam

कृत्तिका नक्षत्र में दीपक, रोहिणी में चाँदी, मृगशीर्ष में मलयचंदन तथा आर्द्रा नक्षत्र में हरिचंदन अर्पित करे।

श्लोक 24 (skanda.1.121.24)

पुनर्वसौ मृगमदं पुष्ये कर्पूरमर्पयेत् । काश्मीरोद्भवमाश्लेषे मघायां तुहिनोदकम्

punarvasau mṛgamadaṁ puṣye karpūramarpayet kāśmīrodbhavamāśleṣe maghāyāṁ tuhinodakam

पुनर्वसु में कस्तूरी, पुष्य में कर्पूर, आश्लेषा में केसर तथा मघा नक्षत्र में शीतल जल अर्पित करे।

श्लोक 25 (skanda.1.121.25)

तांबूलं पूर्वफाल्गुन्यां धूपमुत्तरफाल्गुने । कालागुरूंश्च हस्तर्क्षे चित्रायां यक्षकर्दमम्

tāṁbūlaṁ pūrvaphālgunyāṁ dhūpamuttaraphālgune kālāgurūṁśca hastarkṣe citrāyāṁ yakṣakardamam

पूर्वाफाल्गुनी में पान, उत्तराफाल्गुनी में धूप, हस्त नक्षत्र में कृष्णागुरु तथा चित्रा में सुगंधित यक्षकर्दम-लेप अर्पित करे।

श्लोक 26 (skanda.1.121.26)

स्वात्यां सुवासिनीवृंदं विशाखायां प्रकीर्णकम् । मैत्रे मुक्तातपत्रं च ज्येष्ठायां धैनुकान्यपि

svātyāṁ suvāsinīvṛṁdaṁ viśākhāyāṁ prakīrṇakam maitre muktātapatraṁ ca jyeṣṭhāyāṁ dhainukānyapi

स्वाति नक्षत्र में सौभाग्यवती स्त्रियों का समूह, विशाखा में चँवर, अनुराधा में मोतियों की छत्र-छाया तथा ज्येष्ठा में धेनुओं का दान अर्पित करे।

श्लोक 27 (skanda.1.121.27)

मूले मुक्तासरान्पूर्वाषाढे मुकुटमर्पयेत् । रत्नानि चोत्तराषाढे श्रवणे भद्रपीठिकाम्

mūle muktāsarānpūrvāṣāḍhe mukuṭamarpayet ratnāni cottarāṣāḍhe śravaṇe bhadrapīṭhikām

मूल नक्षत्र में मोतियों की माला, पूर्वाषाढ़ा में मुकुट, उत्तराषाढ़ा में रत्न तथा श्रवण नक्षत्र में सुशोभित आसन अर्पित करे।

श्लोक 28 (skanda.1.121.28)

अष्टापदं धनिष्ठायां वासः शतभिषज्यपि । पूर्वाभाद्रपदे भोगानुत्तरायां तुरंगमान्

aṣṭāpadaṁ dhaniṣṭhāyāṁ vāsaḥ śatabhiṣajyapi pūrvābhādrapade bhogānuttarāyāṁ turaṁgamān

धनिष्ठा में स्वर्ण-चित्रित वस्त्र, शतभिषा में भी वस्त्र, पूर्वाभाद्रपद में भोग्य वस्तुएँ तथा उत्तराभाद्रपद में अश्व अर्पित करे।

श्लोक 29 (skanda.1.121.29)

रेवत्यां च रथं हैमं प्रदद्याच्छोणशंभवे । दद्यात्कृत्वा महापूजां तत एवार्पयेन्नरः

revatyāṁ ca rathaṁ haimaṁ pradadyācchoṇaśaṁbhave dadyātkṛtvā mahāpūjāṁ tata evārpayennaraḥ

रेवती नक्षत्र में शोणशंभु को स्वर्ण-रथ अर्पित करे; महापूजा संपन्न करने के बाद ही मनुष्य को यह अर्पण करना चाहिए।

श्लोक 30 (skanda.1.121.30)

पूज्यो राशिषु मेषादिष्वरुणेथो विशेषतः । सिंदुवारैः कुरबकैः ककुभैः पाटलैः क्रमात्

pūjyo rāśiṣu meṣādiṣvaruṇetho viśeṣataḥ siṁduvāraiḥ kurabakaiḥ kakubhaiḥ pāṭalaiḥ kramāt

मेष आदि राशियों में भी अरुणेश्वर की विशेष पूजा करनी चाहिए—क्रमशः सिंदुवार, कुरबक, अर्जुन तथा पाटल के पुष्पों से।

श्लोक 31 (skanda.1.121.31)

कुटजैर्नीपकुसुमैर्जीवंतीमल्लिकादिभिः । सरोरुहैर्दमनकैर्नद्यावर्तसरोरुहैः

kuṭajairnīpakusumairjīvaṁtīmallikādibhiḥ saroruhairdamanakairnadyāvartasaroruhaiḥ

तथा क्रमशः कुटज, कदंब-पुष्प, जीवंती-मल्लिका आदि, कमल, दमनक तथा नद्यावर्त कमलों से भी पूजा करनी चाहिए।

श्लोक 32 (skanda.1.121.32)

पंचामृतेन स्नपयन्नुभयोरुपरागयोः । पंचाक्षरेण कुर्वीत शोणनाथस्य भक्तितः

paṁcāmṛtena snapayannubhayoruparāgayoḥ paṁcākṣareṇa kurvīta śoṇanāthasya bhaktitaḥ

दोनों प्रकार के ग्रहणों के अवसर पर पंचाक्षर मंत्र का उच्चारण करते हुए भक्तिपूर्वक शोणनाथ को पंचामृत से स्नान कराना चाहिए।

श्लोक 33 (skanda.1.121.33)

स्नपनं पञ्चगव्येन द्वयोरयनयोरपि । षडक्षरेण कुर्वीत गव्येन स्नपनक्रियाम्

snapanaṁ pañcagavyena dvayorayanayorapi ṣaḍakṣareṇa kurvīta gavyena snapanakriyām

दोनों अयनों के अवसर पर भी षडक्षर मंत्र से पंचगव्य द्वारा स्नान-क्रिया करनी चाहिए।

श्लोक 34 (skanda.1.121.34)

प्रणवेनैव कुर्वीत क्षीरेण स्नपनक्रियाम् । अरुणाचलनाथस्य भक्त्या विषुवयोर्द्वयोः

praṇavenaiva kurvīta kṣīreṇa snapanakriyām aruṇācalanāthasya bhaktyā viṣuvayordvayoḥ

दोनों विषुव-कालों के अवसर पर भक्तिपूर्वक अरुणाचलनाथ की दुग्ध-स्नान क्रिया केवल प्रणव मंत्र से ही करनी चाहिए।

श्लोक 35 (skanda.1.121.35)

प्राह्णे स्याद्रुद्रतुलसी मध्याह्ने कृतमालकम् । अपराह्णे मल्लिका च शोणाद्रीशस्य शस्यते

prāhṇe syādrudratulasī madhyāhne kṛtamālakam aparāhṇe mallikā ca śoṇādrīśasya śasyate

शोणाद्रीश के लिए प्रातःकाल रुद्र-तुलसी, मध्याह्न में अमलतास तथा अपराह्न में मल्लिका पुष्प अर्पित करना श्रेष्ठ बताया गया है।

श्लोक 36 (skanda.1.121.36)

अद्धोदये च स्नपयेत्सहस्रकलशोदकैः । शतरुद्रीयमुच्चार्य श्रीशोणाचलशंभवे

addhodaye ca snapayetsahasrakalaśodakaiḥ śatarudrīyamuccārya śrīśoṇācalaśaṁbhave

जल-स्रोत के प्राकट्य के अवसर पर शतरुद्रीय का पाठ करते हुए श्री शोणाचलशंभु को सहस्र कलशों के जल से स्नान कराना चाहिए।

श्लोक 37 (skanda.1.121.37)

शिवरात्रौ विशेषेण त्रिशिखैर्बिल्वपत्रकैः । कमलैः कर्णिकारैश्च जागरूको यतेंद्रियः

śivarātrau viśeṣeṇa triśikhairbilvapatrakaiḥ kamalaiḥ karṇikāraiśca jāgarūko yateṁdriyaḥ

शिवरात्रि में विशेष रूप से इन्द्रियों को संयत रखकर तथा रात्रि-जागरण करते हुए त्रिपत्र बिल्वदल, कमल तथा कर्णिकार के फूलों से...

श्लोक 38 (skanda.1.121.38)

गीतवादित्रनृत्यैश्च दिव्यागमविधानतः । पूजयेदपवर्गार्थं शोणशैले महेश्वरम्

gītavāditranṛtyaiśca divyāgamavidhānataḥ pūjayedapavargārthaṁ śoṇaśaile maheśvaram

...तथा गीत, वाद्य और नृत्य के साथ दिव्य आगमोक्त विधि से शोणशैल में मोक्ष-प्राप्ति के लिए महेश्वर की पूजा करनी चाहिए।

श्लोक 39 (skanda.1.121.39)

मासि पौषे च देवस्य कुर्यादाग्नेयमुत्सवम् । नवान्नैरुपदंशाद्यैर्व्याहृतीरुच्चरन्बुधः

māsi pauṣe ca devasya kuryādāgneyamutsavam navānnairupadaṁśādyairvyāhṛtīruccaranbudhaḥ

पौष मास में देवता का आग्नेय उत्सव मनाना चाहिए; बुद्धिमान पुरुष व्याहृतियों का उच्चारण करते हुए नवान्न तथा विविध व्यंजनों से इसे संपन्न करे।

श्लोक 40 (skanda.1.121.40)

वैशाखे च विशाखायां शिवतंत्रानुसारतः । शोणाचलेश्वरस्यास्य कुर्याद्दमनकोत्सवम्

vaiśākhe ca viśākhāyāṁ śivataṁtrānusārataḥ śoṇācaleśvarasyāsya kuryāddamanakotsavam

वैशाख मास में विशाखा नक्षत्र के दिन शिवतंत्र के अनुसार शोणाचलेश्वर का दमनक-उत्सव मनाना चाहिए।

श्लोक 41 (skanda.1.121.41)

प्राबोधिक मार्गशीर्षे प्रातर्निर्माय सामभिः । महापूजां प्रकुर्वीत शोणशैलस्य भक्तिमान्

prābodhika mārgaśīrṣe prātarnirmāya sāmabhiḥ mahāpūjāṁ prakurvīta śoṇaśailasya bhaktimān

भक्तिमान पुरुष मार्गशीर्ष मास में प्राबोधिक दिवस पर प्रातःकाल साम-गान के साथ अनुष्ठान करके शोणशैल की महापूजा करे।

श्लोक 42 (skanda.1.121.42)

शनिप्रदोषेष्वार्द्रासु व्यतीपातेषु पर्वसु । सोमार्कवारयोश्चार्चेच्छोणाद्रीशं यथागमम

śanipradoṣeṣvārdrāsu vyatīpāteṣu parvasu somārkavārayoścārcecchoṇādrīśaṁ yathāgamama

शनि-प्रदोष के अवसरों पर, आर्द्रा नक्षत्र में, व्यतीपात योग में, पर्व के दिनों में तथा सोमवार-रविवार को आगमोक्त विधि से शोणाद्रीश की पूजा करनी चाहिए।

श्लोक 43 (skanda.1.121.43)

दीक्षोपनयनोद्वाहपुत्रजन्मादिकेष्वपि । विशेषपूजां कुर्वीत शोणनाथस्य भक्तिमान्

dīkṣopanayanodvāhaputrajanmādikeṣvapi viśeṣapūjāṁ kurvīta śoṇanāthasya bhaktimān

दीक्षा, उपनयन, विवाह, पुत्र-जन्म आदि अवसरों पर भी भक्तिमान पुरुष को शोणनाथ की विशेष पूजा करनी चाहिए।

श्लोक 44 (skanda.1.121.44)

अपि स्वजन्मनक्षत्रे संपत्स्वापत्सु भीतिषु । प्रवेशनिर्गमनयोश्चार्चनीयोऽरुणेश्वरः

api svajanmanakṣatre saṁpatsvāpatsu bhītiṣu praveśanirgamanayoścārcanīyo'ruṇeśvaraḥ

अपने जन्म-नक्षत्र के दिन, संपत्ति की प्राप्ति में, आपत्तियों तथा भय के अवसरों पर, और घर में प्रवेश या यात्रा पर निकलते समय भी अरुणेश्वर की पूजा करनी चाहिए।

श्लोक 45 (skanda.1.121.45)

व्रतिचक्रागमे पादबंधने नववैभवे । अरुणेशार्चनं कुर्यादभियानेषु च द्विषाम्

vraticakrāgame pādabaṁdhane navavaibhave aruṇeśārcanaṁ kuryādabhiyāneṣu ca dviṣām

व्रत-चक्र के आगमन पर, बंधन में पड़ने पर, नए ऐश्वर्य की प्राप्ति पर तथा शत्रुओं के आक्रमण के समय भी अरुणेश की पूजा करनी चाहिए।

श्लोक 46 (skanda.1.121.46)

स्मरेदतिदवीयांश्चेत्पश्येत्पर्यंतगो यदि । स्थितश्चेदरुणक्षेत्रे त्रिकालं पूजयेच्छिवम्

smaredatidavīyāṁścetpaśyetparyaṁtago yadi sthitaścedaruṇakṣetre trikālaṁ pūjayecchivam

यदि कोई अत्यंत दूर हो तो उसे केवल स्मरण करना चाहिए; यदि सीमा के निकट हो तो दर्शन करे; और यदि अरुणक्षेत्र में ही स्थित हो तो त्रिकाल शिव की पूजा करे।

श्लोक 47 (skanda.1.121.47)

किमन्यद्वद वत्सेति उद्धृत्य भुजमुच्यते । अरुणक्षेत्रतो नान्यदलं स्वर्गापवर्गयोः

kimanyadvada vatseti uddhṛtya bhujamucyate aruṇakṣetrato nānyadalaṁ svargāpavargayoḥ

"हे वत्स, और क्या कहूँ" — यह कहकर भुजा उठाते हुए घोषित किया जाता है कि स्वर्ग और मोक्ष दोनों के लिए अरुणक्षेत्र के समान अन्य कोई पर्याप्त साधन नहीं है।

श्लोक 48 (skanda.1.121.48)

स्मरणेन मनःश्रोत्रे श्रवणाद्दर्शनादृशौः । जिह्वां च कीर्त्तनाच्छोणक्षेत्रं सद्यः पुनात्यलम्

smaraṇena manaḥśrotre śravaṇāddarśanādṛśauḥ jihvāṁ ca kīrttanācchoṇakṣetraṁ sadyaḥ punātyalam

शोणक्षेत्र स्मरण मात्र से मन को, श्रवण से कानों को, दर्शन से आँखों को, तथा कीर्तन से जिह्वा को तत्काल पूर्णतः पवित्र कर देता है।

श्लोक 49 (skanda.1.121.49)

अरुणेस्मिन्महाक्षेत्रे देहिभिर्लब्धजन्मभिः । जीवद्भिर्लभ्यते भोगो मोक्षश्चोन्मुक्तजीवितैः

aruṇesminmahākṣetre dehibhirlabdhajanmabhiḥ jīvadbhirlabhyate bhogo mokṣaśconmuktajīvitaiḥ

इस महाक्षेत्र अरुणाचल में जन्म लेने वाले प्राणियों को जीवित रहते हुए भोग प्राप्त होता है, तथा देह त्यागने पर मोक्ष प्राप्त होता है।

श्लोक 50 (skanda.1.121.50)

अन्यत्र मुक्तदेहानामप्यत्र श्राद्धकर्मणा । अपि पापात्मनां पुंसामपवर्गो भविष्यति

anyatra muktadehānāmapyatra śrāddhakarmaṇā api pāpātmanāṁ puṁsāmapavargo bhaviṣyati

जिन प्राणियों ने अन्यत्र देह त्यागी हो, उनके लिए भी यहाँ श्राद्ध-कर्म करने से — यहाँ तक कि पापी पुरुषों के लिए भी — मुक्ति प्राप्त होती है।

श्लोक 51 (skanda.1.121.51)

अयोध्यां मथुरां मायां काशीं कांचीमवंतिकाम् । द्वारकां चारुणक्षेत्रमतिशेते न संशयः

ayodhyāṁ mathurāṁ māyāṁ kāśīṁ kāṁcīmavaṁtikām dvārakāṁ cāruṇakṣetramatiśete na saṁśayaḥ

अयोध्या, मथुरा, माया, काशी, कांची, अवंतिका तथा द्वारका — इन सबसे अरुणक्षेत्र निःसंदेह श्रेष्ठ है।

श्लोक 52 (skanda.1.121.52)

इत्युक्तवंतं च शिलादपुत्रं मृकण्डुसूनुः पुनरप्युवाच । माहात्म्यमेतन्महनीयकीर्ते भूयोपि पृच्छामि वदस्व मह्यम्

ityuktavaṁtaṁ ca śilādaputraṁ mṛkaṇḍusūnuḥ punarapyuvāca māhātmyametanmahanīyakīrte bhūyopi pṛcchāmi vadasva mahyam

इस प्रकार कहने वाले शिलादपुत्र से मृकण्डु के पुत्र ने पुनः कहा — "हे महनीय-कीर्ते, मैं इस माहात्म्य के विषय में पुनः पूछता हूँ, कृपया मुझे बताइए।"