देवासुर संग्राम

श्लोक 1 (skanda.1.13.1)

॥लोमश उवाच॥ ततस्ते गर्ज्जमानाश्च आक्षिपंतः सुरान्रणे॥ शतक्रतुप्रमुख्यांस्तन्महाबलपराक्रमान्

||lomaśa uvāca|| tataste garjjamānāśca ākṣipaṃtaḥ surānraṇe|| śatakratupramukhyāṃstanmahābalaparākramān

लोमश जी बोले — तब गर्जना करते हुए वे दैत्य शतक्रतु (इंद्र) आदि महाबलशाली, पराक्रमी देवताओं को युद्ध में ललकारने लगे।

श्लोक 2 (skanda.1.13.2)

विमानमारुह्य तदा महात्मा वैरोचनिः सर्वबलेन सार्द्धम्॥ दैत्यैः समेतो विविधैर्महाबलैः सुरान्प्रदुद्राव महाभयावहम्

vimānamāruhya tadā mahātmā vairocaniḥ sarvabalena sārddham|| daityaiḥ sameto vividhairmahābalaiḥ surānpradudrāva mahābhayāvaham

तब महात्मा वैरोचनि (बलि) विमान पर आरूढ़ होकर अपनी संपूर्ण सेना और महाबली विविध दैत्यों के साथ अत्यंत भयंकर रूप से देवताओं की ओर दौड़ पड़ा।

श्लोक 3 (skanda.1.13.3)

स्वानि रूपाणि बिभ्रंतः समापेतुः स हस्रशः॥ केचिद्व्याघ्रान्समारूढा महिषांश्च तथा परे

svāni rūpāṇi bibhraṃtaḥ samāpetuḥ sa hasraśaḥ|| kecidvyāghrānsamārūḍhā mahiṣāṃśca tathā pare

अपने-अपने रूप धारण किए हुए वे सहस्रों की संख्या में आ पहुँचे; कुछ व्याघ्रों पर, कुछ महिषों पर सवार थे।

श्लोक 4 (skanda.1.13.4)

अश्वान्केचित्समारूढा द्विपान्केचित्तथा परे॥ सिंहांस्तथा परे रूढाः शार्दूलाञ्छरभांस्तथा

aśvānkecitsamārūḍhā dvipānkecittathā pare|| siṃhāṃstathā pare rūḍhāḥ śārdūlāñcharabhāṃstathā

कुछ अश्वों पर सवार थे, कुछ हाथियों पर; कुछ सिंहों पर आरूढ़ थे, तो कुछ शार्दूल और शरभों पर।

श्लोक 5 (skanda.1.13.5)

मयूरान्राजहंसांश्च कुक्कुटांश्च तथा परे॥ केचिद्धयान्समारूढा उष्ट्रानश्वतरानपि

mayūrānrājahaṃsāṃśca kukkuṭāṃśca tathā pare|| keciddhayānsamārūḍhā uṣṭrānaśvatarānapi

कुछ मयूरों, राजहंसों और मुर्गों पर सवार थे; कुछ घोड़ों, ऊँटों और खच्चरों पर भी।

श्लोक 6 (skanda.1.13.6)

गजान्खरान्परे चैव शकटांश्च तथा परे॥ पादाता बहवो दैत्याः खङ्गशक्त्यृष्टिपाणयः

gajānkharānpare caiva śakaṭāṃśca tathā pare|| pādātā bahavo daityāḥ khaṅgaśaktyṛṣṭipāṇayaḥ

कुछ हाथियों, गधों और बैलगाड़ियों पर सवार थे; अनेक दैत्य पैदल ही तलवार, शक्ति और भाले हाथों में लिए हुए थे।

श्लोक 7 (skanda.1.13.7)

परिघायुधिनः पाशशूलमुद्गरपाणयः॥ असिलोमान्विताः केचिद्भुशुंडीपरिघायुधाः

parighāyudhinaḥ pāśaśūlamudgarapāṇayaḥ|| asilomānvitāḥ kecidbhuśuṃḍīparighāyudhāḥ

कुछ परिघ-आयुध लिए थे, कुछ पाश, त्रिशूल और मुद्गर लिए हुए; कुछ खड्ग और लोमधार अस्त्रों सहित भुशुंडी और परिघ आयुधों से युक्त थे।

श्लोक 8 (skanda.1.13.8)

हयनागरथाश्चान्ये समारूढाः प्रहारिणः॥ विमानानि समारूढा बलिमुख्याः सहस्रशः

hayanāgarathāścānye samārūḍhāḥ prahāriṇaḥ|| vimānāni samārūḍhā balimukhyāḥ sahasraśaḥ

कुछ अश्व, गज और रथों पर आरूढ़ प्रहारक थे; बलि आदि सहस्रों प्रमुख विमानों पर आरूढ़ थे।

श्लोक 9 (skanda.1.13.9)

स्पर्द्धमानास्ततान्योन्यं गर्जंतश्च मुहुर्मुहुः॥ वृषपर्वा ह्युवा चेदं बलिनं दैत्यपुंगवम्

sparddhamānāstatānyonyaṃ garjaṃtaśca muhurmuhuḥ|| vṛṣaparvā hyuvā cedaṃ balinaṃ daityapuṃgavam

वे बार-बार आपस में स्पर्धा करते और गरजते हुए आगे बढ़े; तब वृषपर्वा ने दैत्यश्रेष्ठ बलि से यह कहा —

श्लोक 10 (skanda.1.13.10)

त्वया कृतं महाबाहो इंद्रेण सह संगमम्॥ विश्वासो नैव कर्तव्यो दुर्हृदा च कथंचन

tvayā kṛtaṃ mahābāho iṃdreṇa saha saṃgamam|| viśvāso naiva kartavyo durhṛdā ca kathaṃcana

"हे महाबाहो, आपने इंद्र के साथ जो संधि की है, उस पर भरोसा मत रखिए — किसी दुष्ट हृदय वाले पर कदापि विश्वास नहीं करना चाहिए।"

श्लोक 11 (skanda.1.13.11)

ऊनेनापि हि तुच्छेन वैरिणापि कथंचन॥ मैत्री बुद्धिमता कार्या आपद्यपि निवर्तते

ūnenāpi hi tucchena vairiṇāpi kathaṃcana|| maitrī buddhimatā kāryā āpadyapi nivartate

"छोटे और तुच्छ शत्रु से भी बुद्धिमान पुरुष कभी-कभी मित्रता कर लेता है, क्योंकि विपत्ति में भी वह काम आती है।"

श्लोक 12 (skanda.1.13.12)

न विश्वसेत्पूर्वविरोधिना क्वचित्पराजिताः स्मोऽथ बले त्वयाधुना॥ पुराणदुष्टाः कथमद्य वै पुनर्मंत्रं विकर्तुं न च ते यतेरन्

na viśvasetpūrvavirodhinā kvacitparājitāḥ smo'tha bale tvayādhunā|| purāṇaduṣṭāḥ kathamadya vai punarmaṃtraṃ vikartuṃ na ca te yateran

"किंतु पूर्व-विरोधी पर कभी विश्वास न करे; हे बलि, हम पहले आपसे पराजित हो चुके हैं। ये पुरातन दुष्ट अब पुनः किसी षड्यंत्र की रचना क्यों न करेंगे?"

श्लोक 13 (skanda.1.13.13)

इत्यूचुस्ते दुराधर्षा योद्धुकामा व्यवस्थिताः॥ ध्वजैश्छत्रैः पताकैश्च रणभूमिममंडयन्

ityūcuste durādharṣā yoddhukāmā vyavasthitāḥ|| dhvajaiśchatraiḥ patākaiśca raṇabhūmimamaṃḍayan

दुर्जय और युद्ध की इच्छा से भरे वे इस प्रकार बोलते हुए व्यवस्थित हो गए; ध्वजों, छत्रों और पताकाओं से उन्होंने रणभूमि को सजा दिया।

श्लोक 14 (skanda.1.13.14)

चामरैश्च दिशः सर्वा लोपितं च रणस्थलम्॥ तथा सर्वे सुरास्तत्र दैत्यान्प्रति समुत्सुकाः

cāmaraiśca diśaḥ sarvā lopitaṃ ca raṇasthalam|| tathā sarve surāstatra daityānprati samutsukāḥ

चामरों से सभी दिशाएँ ढक गईं और रणस्थल दृष्टि से ओझल हो गया; इस प्रकार सभी देवता वहाँ दैत्यों के प्रति अत्यंत उत्सुक हो उठे।

श्लोक 15 (skanda.1.13.15)

पीत्वामृतं महाभागा वाहान्यारुह्य दंशिताः॥ गजारूढो महेंद्रोपि वज्रपाणिः प्रतापवान्॥ सूर्यश्चोच्चैः श्रवारूढो मृगा रूढश्च चन्द्रमाः

pītvāmṛtaṃ mahābhāgā vāhānyāruhya daṃśitāḥ|| gajārūḍho maheṃdropi vajrapāṇiḥ pratāpavān|| sūryaścoccaiḥ śravārūḍho mṛgā rūḍhaśca candramāḥ

अमृत पीकर महाभाग देवता कवच धारण कर अपने-अपने वाहनों पर सवार हुए; गजारूढ़ प्रतापी महेंद्र वज्र हाथ में लिए, सूर्य उच्चैःश्रवा पर, और चंद्रमा मृग पर सवार हुए।

श्लोक 16 (skanda.1.13.16)

छत्रचामरसंवीताः शोभिता विजयश्रिया॥ प्रणम्य विष्णुं ते सर्व इंद्राद्या जयकांक्षिणः

chatracāmarasaṃvītāḥ śobhitā vijayaśriyā|| praṇamya viṣṇuṃ te sarva iṃdrādyā jayakāṃkṣiṇaḥ

छत्र और चामरों से घिरे, विजय की शोभा से सुशोभित, इंद्र आदि सभी विजय की कामना करते हुए विष्णु को प्रणाम कर आगे बढ़े।

श्लोक 17 (skanda.1.13.17)

ते विष्णुना ह्यनुज्ञाता असुरान्प्रति वै रुषा॥ असुराश्च महाकाया भीमाक्षा भीमविक्रमाः

te viṣṇunā hyanujñātā asurānprati vai ruṣā|| asurāśca mahākāyā bhīmākṣā bhīmavikramāḥ

विष्णु की अनुमति पाकर वे क्रोध से भरकर असुरों की ओर बढ़े; उधर विशालकाय, भयंकर नेत्रों और भयानक पराक्रम वाले असुर भी सामने आ डटे।

श्लोक 18 (skanda.1.13.18)

तेषां बोरमभूद्युद्धं देवानां दानवैः सह॥ तुमुलं च महाघोरं सर्वभूतभयावहम्

teṣāṃ boramabhūdyuddhaṃ devānāṃ dānavaiḥ saha|| tumulaṃ ca mahāghoraṃ sarvabhūtabhayāvaham

देवताओं और दानवों के बीच उस तुमुल, अत्यंत भयंकर युद्ध ने समस्त प्राणियों को भयभीत कर दिया।

श्लोक 19 (skanda.1.13.19)

शरधारान्वितं सर्वं बभूव परमाद्भुतम्॥ ततश्च टचटाशब्दा बभूवुश्च दिशोदश

śaradhārānvitaṃ sarvaṃ babhūva paramādbhutam|| tataśca ṭacaṭāśabdā babhūvuśca diśodaśa

सर्वत्र बाणों की झड़ी लग गई, जो परम अद्भुत दृश्य बन गया; तब दसों दिशाओं में टंकार और टकराव की ध्वनि गूँज उठी।

श्लोक 20 (skanda.1.13.20)

ततो निमिषमात्रेण शरघातयुता भवन्॥ शरतोमरनाराचैराहताश्चापतन्भुवि

tato nimiṣamātreṇa śaraghātayutā bhavan|| śaratomaranārācairāhatāścāpatanbhuvi

फिर क्षणमात्र में योद्धा बाणों की मार से आहत हो उठे; बाण, तोमर और नाराचों से बिंधकर वे भूमि पर गिरने लगे।

श्लोक 21 (skanda.1.13.21)

विध्यमानास्तथा केचिद्विविधुश्चापरान्रणे॥ भल्लैर्भग्नाश्च पतिता नाराचैः शकलीकृताः

vidhyamānāstathā kecidvividhuścāparānraṇe|| bhallairbhagnāśca patitā nārācaiḥ śakalīkṛtāḥ

कुछ बींधे जाते हुए भी अन्य योद्धाओं को युद्ध में बींध रहे थे; कुछ भल्ल बाणों से टूटकर गिर पड़े, कुछ नाराचों से टुकड़े-टुकड़े हो गए।

श्लोक 22 (skanda.1.13.22)

क्षुरप्रहारिताः केचिद्दैत्या दानवराक्षसाः॥ शिलीमुखैर्मारिताश्च भग्नाः केचिच्च दानवाः

kṣuraprahāritāḥ keciddaityā dānavarākṣasāḥ|| śilīmukhairmāritāśca bhagnāḥ kecicca dānavāḥ

कुछ दैत्य, दानव और राक्षस क्षुरप्र बाणों से आहत हुए; कुछ शिलीमुख बाणों से मारे गए, कुछ दानव टूटकर गिर पड़े।

श्लोक 23 (skanda.1.13.23)

एवं भग्नं दानवानां च सैन्यं दृष्ट्वा देवा गर्जमानाः समंतात्॥ हृष्टाः सर्वे संमिलित्वा तदानीं लब्ध्वा युद्धे ते जयं श्लाघयन्ते

evaṃ bhagnaṃ dānavānāṃ ca sainyaṃ dṛṣṭvā devā garjamānāḥ samaṃtāt|| hṛṣṭāḥ sarve saṃmilitvā tadānīṃ labdhvā yuddhe te jayaṃ ślāghayante

दानवों की सेना को इस प्रकार टूटा हुआ देखकर देवता चारों ओर गरजने लगे; प्रसन्न होकर सब मिलकर तत्क्षण युद्ध में मिली विजय की सराहना करने लगे।

श्लोक 24 (skanda.1.13.24)

शंखवादित्रघोषेण पूरितं च जगत्त्रयम्॥ देवान्प्रति कृतामर्षा दानवास्ते महाबलाः

śaṃkhavāditraghoṣeṇa pūritaṃ ca jagattrayam|| devānprati kṛtāmarṣā dānavāste mahābalāḥ

शंख और वाद्यों के घोष से तीनों लोक भर गए; इससे देवताओं के प्रति क्रुद्ध हुए वे महाबली दानव —

श्लोक 25 (skanda.1.13.25)

बलिप्रभृतयः सर्वे संभ्रमेणोत्थिताः पुनः॥ विमानैः सूर्यसंकासैरनेकैश्च समन्विताः

baliprabhṛtayaḥ sarve saṃbhrameṇotthitāḥ punaḥ|| vimānaiḥ sūryasaṃkāsairanekaiśca samanvitāḥ

बलि आदि सभी उतावले होकर पुनः उठ खड़े हुए, सूर्य के समान तेजस्वी अनेक विमानों पर सवार होकर।

श्लोक 26 (skanda.1.13.26)

द्वंद्वयुद्धं सुतुमुलं देवानां दानवैः सह॥ संप्रवृत्तं पुनश्चैव परस्परजिगीषया

dvaṃdvayuddhaṃ sutumulaṃ devānāṃ dānavaiḥ saha|| saṃpravṛttaṃ punaścaiva parasparajigīṣayā

देवताओं और दानवों के बीच परस्पर विजय की कामना से पुनः वह अत्यंत तुमुल द्वंद्वयुद्ध छिड़ गया।

श्लोक 27 (skanda.1.13.27)

बलिना दानवेंद्रेण महेंद्रो युयुधे तदा॥ तथा यमो महाबाहुर्नमुच्या सह संगतः

balinā dānaveṃdreṇa maheṃdro yuyudhe tadā|| tathā yamo mahābāhurnamucyā saha saṃgataḥ

दानवराज बलि से महेंद्र ने युद्ध किया; महाबाहु यम नमुचि से भिड़ गए।

श्लोक 28 (skanda.1.13.28)

नैर्ऋतः प्रघसेनैव पाशी कुंभेन संगतः॥ निकुंभेनैव सुमहद्युद्धं चक्रे सदारयः

nairṛtaḥ praghasenaiva pāśī kuṃbhena saṃgataḥ|| nikuṃbhenaiva sumahadyuddhaṃ cakre sadārayaḥ

नैर्ऋत प्रघस से भिड़ा, पाशधारी वरुण कुंभ से; निकुंभ के साथ भी घोर युद्ध हुआ, सब अपने-अपने शत्रुओं सहित।

श्लोक 29 (skanda.1.13.29)

सोमेन सह राहुश्च युद्धं चक्रे सुदारुणम्॥ राहुणा चन्द्रदेहोत्थममृतं भक्षितं तदा॥ संपर्कादमृस्यैव यथा राहुस्तथाऽभवत्

somena saha rāhuśca yuddhaṃ cakre sudāruṇam|| rāhuṇā candradehotthamamṛtaṃ bhakṣitaṃ tadā|| saṃparkādamṛsyaiva yathā rāhustathā'bhavat

सोम (चंद्रमा) के साथ राहु का अत्यंत भीषण युद्ध हुआ; राहु ने उस समय चंद्र-देह से उठे अमृत को पी लिया — उस अमृत के संसर्ग से ही राहु वैसा (अमर) बन गया।

श्लोक 30 (skanda.1.13.30)

तानि सर्वाणि दृष्टानि शंभुना परमेष्ठिना॥ आश्रयोऽहं च सर्वेषां भूतानां नात्र संशयः॥ असुराणां सुराणां च सर्वेषामपि वल्लभः

tāni sarvāṇi dṛṣṭāni śaṃbhunā parameṣṭhinā|| āśrayo'haṃ ca sarveṣāṃ bhūtānāṃ nātra saṃśayaḥ|| asurāṇāṃ surāṇāṃ ca sarveṣāmapi vallabhaḥ

वह सब कुछ परमेष्ठी शंभु ने देख लिया; उन्होंने कहा — "मैं ही समस्त प्राणियों का आश्रय हूँ, इसमें कोई संशय नहीं; असुरों और सुरों — सभी का मैं समान रूप से प्रिय हूँ।"

श्लोक 31 (skanda.1.13.31)

एवमुक्तस्तदा राहुः प्रणम्य शिरसा शिवम्॥ मौलौ स्थितस्तदा चंद्रो अमृतं व्यसृजद्भयात्

evamuktastadā rāhuḥ praṇamya śirasā śivam|| maulau sthitastadā caṃdro amṛtaṃ vyasṛjadbhayāt

यह सुनकर राहु ने सिर झुकाकर शिव को प्रणाम किया; उसी क्षण भय से चंद्रमा ने, जो उसके मस्तक पर स्थित था, अमृत छोड़ दिया।

श्लोक 32 (skanda.1.13.32)

तेन तस्य हि जातानि शिरांसि सुबहून्यपि॥ एकपद्येन तेषां च स्रजं कृत्वा मनोहराम्॥ बबंध शंभुः शिरसि शिरोभूषणवत्कृतम्

tena tasya hi jātāni śirāṃsi subahūnyapi|| ekapadyena teṣāṃ ca srajaṃ kṛtvā manoharām|| babaṃdha śaṃbhuḥ śirasi śirobhūṣaṇavatkṛtam

उससे उसके अनेक सिर उत्पन्न हो गए; उन सबको एक साथ पिरोकर एक मनोहर माला बनाकर शंभु ने उसे शिरोभूषण के रूप में अपने मस्तक पर बाँध लिया।

श्लोक 33 (skanda.1.13.33)

अशनात्कालकूटस्य नीलकंठोऽभवत्तदा॥ देवानां कार्यसिद्ध्यर्थं मुंडमाला तथा कृता

aśanātkālakūṭasya nīlakaṃṭho'bhavattadā|| devānāṃ kāryasiddhyarthaṃ muṃḍamālā tathā kṛtā

कालकूट विष के भक्षण से ही वे नीलकंठ कहलाए; देवताओं के कार्य की सिद्धि के लिए उन्होंने वैसे ही मुंडमाला भी धारण की।

श्लोक 34 (skanda.1.13.34)

दधार शिरसा तां च मुण्डमालां महेश्वरः

dadhāra śirasā tāṃ ca muṇḍamālāṃ maheśvaraḥ

महेश्वर ने उस मुंडमाला को अपने मस्तक पर धारण किया।

श्लोक 35 (skanda.1.13.35)

तया स्रजाऽसौ शुशुभे महात्मा देवादिदेवस्त्रिपुरांतको हरः॥ गजासुरो येन निपातितो महानथांधको येन कृतश्च चूर्णः

tayā srajā'sau śuśubhe mahātmā devādidevastripurāṃtako haraḥ|| gajāsuro yena nipātito mahānathāṃdhako yena kṛtaśca cūrṇaḥ

उस माला से वे महात्मा, देवाधिदेव, त्रिपुरांतक हर अत्यंत सुशोभित हुए — जिन्होंने महान गजासुर का वध किया और अंधकासुर को चूर्ण कर डाला।

श्लोक 36 (skanda.1.13.36)

गंगा धृता येन शिरस्सुमध्ये चंद्रं च चूडे कृतवान्भयापहः॥ वेदाः पुराणानि तथागमाश्च तथैव नानाश्रुतयोऽथ शास्त्रम्

gaṃgā dhṛtā yena śirassumadhye caṃdraṃ ca cūḍe kṛtavānbhayāpahaḥ|| vedāḥ purāṇāni tathāgamāśca tathaiva nānāśrutayo'tha śāstram

जिन्होंने गंगा को अपने मस्तक पर धारण किया और चंद्रमा को अपनी जटा में स्थान दिया, वे भय को हरने वाले हैं; वेद, पुराण, आगम, नाना श्रुतियाँ तथा शास्त्र —

श्लोक 37 (skanda.1.13.37)

जल्पंति नानागमभेदैर्मीमांसमानाश्च भवंति मूकाः॥ नानागमार्चायमतप्रभेदैर्निरूप्यमाणो जगदेकबंधुः

jalpaṃti nānāgamabhedairmīmāṃsamānāśca bhavaṃti mūkāḥ|| nānāgamārcāyamataprabhedairnirūpyamāṇo jagadekabaṃdhuḥ

सब अपने-अपने आगम-भेदों में उनके विषय में वाद-विवाद करते और तर्क-वितर्क में अंततः मौन हो जाते हैं; उस जगत के एकमात्र बंधु का वर्णन नाना आगम, पूजा-पद्धति और मत-भेदों के आधार पर किया जाता है।

श्लोक 38 (skanda.1.13.38)

शिवं हि नित्यं परमात्मदैवं वेदैकवेद्यं परमात्मदिव्यम्॥ विहाय तं मूढजनाः प्रमत्ताः शिवं न जानंति परात्मरूपम्

śivaṃ hi nityaṃ paramātmadaivaṃ vedaikavedyaṃ paramātmadivyam|| vihāya taṃ mūḍhajanāḥ pramattāḥ śivaṃ na jānaṃti parātmarūpam

शिव नित्य, परमात्मस्वरूप, दिव्य और केवल वेद द्वारा जानने योग्य परम देव हैं; प्रमादी मूढ़ जन उन्हें छोड़कर शिव के परमात्मरूप को नहीं जानते।

श्लोक 39 (skanda.1.13.39)

येनैव सृष्टं विधृतं च येन येन श्रितं येन कृतं समग्रम्॥ यस्यांशभूतं हि जगत्कदाचिद्वेदांतवेद्यः परमात्मा शिवश्च

yenaiva sṛṣṭaṃ vidhṛtaṃ ca yena yena śritaṃ yena kṛtaṃ samagram|| yasyāṃśabhūtaṃ hi jagatkadācidvedāṃtavedyaḥ paramātmā śivaśca

जिन्होंने ही सृष्टि रची और धारण की, जिनका आश्रय लेकर और जिनके द्वारा ही सब कुछ रचा गया — वेदांत से जानने योग्य वह परमात्मा शिव ही हैं, जिनका अंशमात्र यह संपूर्ण जगत है।

श्लोक 40 (skanda.1.13.40)

आढ्यो वापि दरिद्रो वा उत्तमो ह्यधमोऽपि वा॥ शिवभक्तिरतो नित्यं शिव एव न संशयः

āḍhyo vāpi daridro vā uttamo hyadhamo'pi vā|| śivabhaktirato nityaṃ śiva eva na saṃśayaḥ

चाहे धनी हो या दरिद्र, उत्तम हो या अधम — जो नित्य शिवभक्ति में रत है, वह निःसंदेह स्वयं शिव ही है।

श्लोक 41 (skanda.1.13.41)

यो वा परकृतां पूजां शिवस्योपरि शोभिताम्॥ दृष्ट्वा संतोषमायाति दायं प्राप्नोति तत्समम्

yo vā parakṛtāṃ pūjāṃ śivasyopari śobhitām|| dṛṣṭvā saṃtoṣamāyāti dāyaṃ prāpnoti tatsamam

जो व्यक्ति दूसरों द्वारा शिव पर चढ़ाई गई सुशोभित पूजा को देखकर संतोष प्राप्त करता है, वह भी उसी पूजा के फल के समान फल पाता है।

श्लोक 42 (skanda.1.13.42)

ये दीपमालां कुर्वंति कार्तिक्यां श्रद्धयान्विताः॥ यावत्कालं प्रज्वलंति दीपास्ते लिंगमग्रतः॥ तावद्युगसहस्राणि दाता स्वर्गे महीयते

ye dīpamālāṃ kurvaṃti kārtikyāṃ śraddhayānvitāḥ|| yāvatkālaṃ prajvalaṃti dīpāste liṃgamagrataḥ|| tāvadyugasahasrāṇi dātā svarge mahīyate

जो श्रद्धापूर्वक कार्तिक मास में दीपमाला जलाते हैं, शिवलिंग के आगे जब तक वे दीप जलते रहते हैं, उतने ही हजार युगों तक दानकर्ता स्वर्ग में प्रतिष्ठित रहता है।

श्लोक 43 (skanda.1.13.43)

कौसुंभतैलसंयुक्ता दीपा दत्ताः शिवालये॥ दातारस्तेऽपि कैलासे मोदन्ते शिवसंनिधौ

kausuṃbhatailasaṃyuktā dīpā dattāḥ śivālaye|| dātāraste'pi kailāse modante śivasaṃnidhau

शिवालय में कुसुम्भ के तेल से युक्त दीप अर्पित करने वाले भी कैलास में शिव के सान्निध्य में आनंद पाते हैं।

श्लोक 44 (skanda.1.13.44)

अतसीतैलसंयुक्ता दीपा दत्ताः शिवालये॥ ते शिवं यांति संयुक्ताः कुलानां च शतेन वै

atasītailasaṃyuktā dīpā dattāḥ śivālaye|| te śivaṃ yāṃti saṃyuktāḥ kulānāṃ ca śatena vai

शिवालय में अलसी के तेल से युक्त दीप अर्पित करने वाले अपने सौ कुलों सहित शिव को प्राप्त होते हैं।

श्लोक 45 (skanda.1.13.45)

ज्ञानिनोऽपि हि जायंते दीपदानफलेन हि

jñānino'pi hi jāyaṃte dīpadānaphalena hi

दीपदान के फल से मनुष्य ज्ञानी भी हो जाते हैं।

श्लोक 46 (skanda.1.13.46)

तिलतैलेन संयुक्ता दीपा दत्ताः शिवालये॥ ते शिवं यांति संयुक्ताः कुलानां च शतेन वै

tilatailena saṃyuktā dīpā dattāḥ śivālaye|| te śivaṃ yāṃti saṃyuktāḥ kulānāṃ ca śatena vai

शिवालय में तिल के तेल से युक्त दीप अर्पित करने वाले भी अपने सौ कुलों सहित शिव को प्राप्त होते हैं।

श्लोक 47 (skanda.1.13.47)

घृताक्ता यैः कृता दीपा दीपिताश्च शिवालये॥ ते यांति परमं स्थानं कुललक्षसमन्विताः

ghṛtāktā yaiḥ kṛtā dīpā dīpitāśca śivālaye|| te yāṃti paramaṃ sthānaṃ kulalakṣasamanvitāḥ

जो लोग घृत से सने दीप बनाकर शिवालय में प्रज्वलित करते हैं, वे अपने लाखों कुलों सहित परम स्थान को प्राप्त करते हैं।

श्लोक 48 (skanda.1.13.48)

कर्पूरागुरुधूपैश्च ये यजंति सदा शिवम्॥ आरार्तिकां सकर्प्पूरां ये कुर्वंति दिनेदिने॥ ते प्राप्नुवंति सायुज्यं नात्र कार्या विचारणा

karpūrāgurudhūpaiśca ye yajaṃti sadā śivam|| ārārtikāṃ sakarppūrāṃ ye kurvaṃti dinedine|| te prāpnuvaṃti sāyujyaṃ nātra kāryā vicāraṇā

जो कर्पूर और अगरु के धूप से सदा शिव की पूजा करते हैं, और जो प्रतिदिन कर्पूर-युक्त आरती करते हैं, वे सायुज्य (शिव में एकत्व) प्राप्त करते हैं, इसमें विचार की आवश्यकता नहीं।

श्लोक 49 (skanda.1.13.49)

एककालं द्विकालं वा त्रिकालं ये ह्यतंद्रिताः॥ लिंगार्चनं प्रकुर्वंति ते रुद्रा नात्र संशयः

ekakālaṃ dvikālaṃ vā trikālaṃ ye hyataṃdritāḥ|| liṃgārcanaṃ prakurvaṃti te rudrā nātra saṃśayaḥ

जो अनथक होकर एक बार, दो बार अथवा तीन बार लिंग-पूजन करते हैं, वे स्वयं रुद्र ही हैं, इसमें कोई संशय नहीं।

श्लोक 50 (skanda.1.13.50)

रुद्राक्षधारणं ये च कुर्वंति शिवपूजने॥ दाने तपसि तीर्थे च पर्वकाले ह्यतंद्रिताः॥ तेषां यत्सुकृतं सर्वमनंतं भवति द्विजाः

rudrākṣadhāraṇaṃ ye ca kurvaṃti śivapūjane|| dāne tapasi tīrthe ca parvakāle hyataṃdritāḥ|| teṣāṃ yatsukṛtaṃ sarvamanaṃtaṃ bhavati dvijāḥ

जो शिवपूजन में रुद्राक्ष धारण करते हैं, तथा दान, तप, तीर्थ और पर्वकाल में अनथक रहते हैं — हे द्विजो, उनका समस्त पुण्य अनंत हो जाता है।

श्लोक 51 (skanda.1.13.51)

रुद्राक्षा ये शिवेनोक्तास्ताच्छृणुध्वं द्विजोत्तमाः॥ आरम्भैकमुखं तावद्याबद्वक्त्राणि षोडश॥ एतेषां द्वौ च विज्ञेयौ श्रेष्ठौ तारयितुं द्विजाः

rudrākṣā ye śivenoktāstācchṛṇudhvaṃ dvijottamāḥ|| ārambhaikamukhaṃ tāvadyābadvaktrāṇi ṣoḍaśa|| eteṣāṃ dvau ca vijñeyau śreṣṭhau tārayituṃ dvijāḥ

हे श्रेष्ठ द्विजो, शिव द्वारा बताए गए रुद्राक्षों के विषय में सुनिए — एक मुख से लेकर सोलह मुख तक के रुद्राक्ष होते हैं; इनमें दो को तारने में सर्वश्रेष्ठ जानना चाहिए।

श्लोक 52 (skanda.1.13.52)

रुद्राक्षाणां पंचमुखखस्तथा चैकमुखः स्मृतः॥ ये धारयंत्येकमुखं रुद्राक्षमनिशं नराः॥ रुद्रलोकं च गच्छंति मोदन्ते रुद्रसंनिधौ

rudrākṣāṇāṃ paṃcamukhakhastathā caikamukhaḥ smṛtaḥ|| ye dhārayaṃtyekamukhaṃ rudrākṣamaniśaṃ narāḥ|| rudralokaṃ ca gacchaṃti modante rudrasaṃnidhau

रुद्राक्षों में पंचमुखी और एकमुखी विशेष रूप से स्मरण किए गए हैं; जो पुरुष सतत एकमुखी रुद्राक्ष धारण करते हैं, वे रुद्रलोक जाते हैं और रुद्र के सान्निध्य में आनंद पाते हैं।

श्लोक 53 (skanda.1.13.53)

जपस्तपः क्रिया योगः स्नानं दानार्चनादिकम्॥ क्रियते यच्छृभं कर्म्म ह्यनंतं चाक्षधारणात्

japastapaḥ kriyā yogaḥ snānaṃ dānārcanādikam|| kriyate yacchṛbhaṃ karmma hyanaṃtaṃ cākṣadhāraṇāt

जप, तप, क्रिया, योग, स्नान, दान और अर्चना आदि जो भी शुभ कर्म किया जाता है, वह रुद्राक्ष धारण करने से अनंत फल देने वाला हो जाता है।

श्लोक 54 (skanda.1.13.54)

शुनः कंठनिबद्धोऽपि रुद्राक्षो यदि वर्तते॥ सोऽपि संतारितस्तेन नात्र कार्या विचारणा

śunaḥ kaṃṭhanibaddho'pi rudrākṣo yadi vartate|| so'pi saṃtāritastena nātra kāryā vicāraṇā

यदि कुत्ते के गले में भी रुद्राक्ष बँधा हो, तो वह भी उसके द्वारा तर जाता है, इसमें विचार करने की आवश्यकता नहीं।

श्लोक 55 (skanda.1.13.55)

तथा रुद्राक्षसंबंधात्पापमपिक्षयं व्रजेत्॥ एवं ज्ञात्वा शुभं कर्म कार्यं रुद्राक्षबंधनात्

tathā rudrākṣasaṃbaṃdhātpāpamapikṣayaṃ vrajet|| evaṃ jñātvā śubhaṃ karma kāryaṃ rudrākṣabaṃdhanāt

उसी प्रकार रुद्राक्ष के संबंध मात्र से पाप भी नष्ट हो जाता है; ऐसा जानकर रुद्राक्ष बाँधने का शुभ कर्म करना चाहिए।

श्लोक 56 (skanda.1.13.56)

त्रिपुण्ड्रधारणं येषां विभूत्वा मन्त्रपूतया॥ ते रुद्रलोके रुद्राश्च भविष्यंति न संशयः

tripuṇḍradhāraṇaṃ yeṣāṃ vibhūtvā mantrapūtayā|| te rudraloke rudrāśca bhaviṣyaṃti na saṃśayaḥ

जो मंत्र से पवित्र की गई विभूति से त्रिपुंड्र धारण करते हैं, वे निःसंदेह रुद्रलोक में स्वयं रुद्र ही बन जाते हैं।

श्लोक 57 (skanda.1.13.57)

कपिलायाश्च संगृह्य गोमयं चांतरिक्षगम्॥ शुष्कं कृत्वाथ संदाह्यं विभूत्यर्थं शिवप्रियैः

kapilāyāśca saṃgṛhya gomayaṃ cāṃtarikṣagam|| śuṣkaṃ kṛtvātha saṃdāhyaṃ vibhūtyarthaṃ śivapriyaiḥ

कपिला गाय के गोबर को, जो धरती पर गिरने से पूर्व ही आकाश में ग्रहण किया गया हो, सुखाकर, शिवभक्तों द्वारा जलाकर विभूति तैयार की जाती है।

श्लोक 58 (skanda.1.13.58)

विभूतीति समाख्याता सर्वपापप्रणाशिनी॥ ललाटेंऽगुष्ठरेखा च आदौ भाव्या प्रयत्नतः

vibhūtīti samākhyātā sarvapāpapraṇāśinī|| lalāṭeṃ'guṣṭharekhā ca ādau bhāvyā prayatnataḥ

इसी को विभूति कहा गया है, जो समस्त पापों का नाश करने वाली है; ललाट पर अंगूठे की रेखा सबसे पहले प्रयत्नपूर्वक बनानी चाहिए।

श्लोक 59 (skanda.1.13.59)

मध्यमां वर्जयित्वा तु अंगुलीक्द्वयेन च॥ एवं त्रिरेखासंयुक्तो ललाटे यस्य दृश्यते॥ स शैवः शिववज्ज्ञेयो दर्शनात्पापनाशनः

madhyamāṃ varjayitvā tu aṃgulīkdvayena ca|| evaṃ trirekhāsaṃyukto lalāṭe yasya dṛśyate|| sa śaivaḥ śivavajjñeyo darśanātpāpanāśanaḥ

मध्यमा अंगुली को छोड़कर शेष दो अंगुलियों से तीन रेखाएँ बनानी चाहिए; जिसके ललाट पर इस प्रकार तीन रेखाएँ दिखाई देती हैं, वह शैव है और दर्शन मात्र से पापनाशक, स्वयं शिव के समान जानना चाहिए।

श्लोक 60 (skanda.1.13.60)

जटाधराश्च ये शैवाः सप्त पंच तथा नव॥ जटा ये स्थापियिष्यंति शैवेन विधिना युताः

jaṭādharāśca ye śaivāḥ sapta paṃca tathā nava|| jaṭā ye sthāpiyiṣyaṃti śaivena vidhinā yutāḥ

जो शैव जटा धारण करते हैं — सात, पाँच अथवा नौ जटाएँ — और जो शैव विधि के अनुसार जटा को व्यवस्थित रखते हैं —

श्लोक 61 (skanda.1.13.61)

ते शिवं प्राप्नुवं तीह नात्र कार्या विचारणा॥ रुद्राक्षधारणं कार्यं शिवभक्तैर्विशेषतः

te śivaṃ prāpnuvaṃ tīha nātra kāryā vicāraṇā|| rudrākṣadhāraṇaṃ kāryaṃ śivabhaktairviśeṣataḥ

वे निश्चय ही शिव को प्राप्त होते हैं, इसमें विचार करने की आवश्यकता नहीं; शिवभक्तों को विशेष रूप से रुद्राक्ष धारण करना चाहिए।

श्लोक 62 (skanda.1.13.62)

अल्पेन वा महत्त्वेन पूजितो वा सदाशिवः॥ कुलकोटिं समुद्धृत्य शिवेन सह मोदते

alpena vā mahattvena pūjito vā sadāśivaḥ|| kulakoṭiṃ samuddhṛtya śivena saha modate

अल्प अथवा महान् उपचार से पूजित सदाशिव अपने कोटि कुलों का उद्धार कर उनके साथ शिव में आनंदित होते हैं।

श्लोक 63 (skanda.1.13.63)

तस्माच्छिवात्परतरं नास्ति किंचिद्द्विजोत्तमाः॥ यदैवमुच्यते शास्त्रे तत्सर्वं शिवकारणम्

tasmācchivātparataraṃ nāsti kiṃciddvijottamāḥ|| yadaivamucyate śāstre tatsarvaṃ śivakāraṇam

अतः हे श्रेष्ठ द्विजो, शिव से बढ़कर कुछ भी नहीं है; शास्त्र में जो कुछ भी कहा गया है, वह सब शिव का ही कारण-रूप है।

श्लोक 64 (skanda.1.13.64)

शिवो दाता हि लोकानां कर्ता चैवानुमोदिता॥ शिवशक्त्यात्मकं विश्वं जानीध्वं हि द्विजोत्तमाः

śivo dātā hi lokānāṃ kartā caivānumoditā|| śivaśaktyātmakaṃ viśvaṃ jānīdhvaṃ hi dvijottamāḥ

शिव ही सब लोकों को देने वाले, रचने वाले और अनुमति देने वाले हैं; हे श्रेष्ठ द्विजो, यह जान लीजिए कि सारा विश्व शिव-शक्ति का ही स्वरूप है।

श्लोक 65 (skanda.1.13.65)

शिवेति द्व्यक्षरं नाम त्रायते महतो भयात्॥ तस्माच्छिवश्चिंत्यतां वै स्मर्यतां च द्विजोत्तमाः

śiveti dvyakṣaraṃ nāma trāyate mahato bhayāt|| tasmācchivaściṃtyatāṃ vai smaryatāṃ ca dvijottamāḥ

"शिव" यह दो अक्षरों वाला नाम महान् भय से भी रक्षा करता है; अतः हे श्रेष्ठ द्विजो, शिव का ही चिंतन और स्मरण करना चाहिए।

श्लोक 66 (skanda.1.13.66)

॥ऋषय ऊचुः॥ सोमनाथस्य माहात्म्यं ज्ञातं तस्य प्रसादतः॥ राहोः शिरोभयात्सर्वे रक्षिताः परमेष्ठिना

||ṛṣaya ūcuḥ|| somanāthasya māhātmyaṃ jñātaṃ tasya prasādataḥ|| rāhoḥ śirobhayātsarve rakṣitāḥ parameṣṭhinā

ऋषि बोले — सोमनाथ का यह माहात्म्य हमें ज्ञात हो गया, कि उन्हीं की कृपा से राहु के सिर के भय से सभी की रक्षा हुई।

श्लोक 67 (skanda.1.13.67)

सुराश्चेंद्रादयश्चान्ये तस्मिन्युद्धे सुदारुणे॥ अत ऊर्ध्वं सुराः सर्वे किमकुर्वत उच्यताम्

surāśceṃdrādayaścānye tasminyuddhe sudāruṇe|| ata ūrdhvaṃ surāḥ sarve kimakurvata ucyatām

उस अत्यंत भीषण युद्ध में इंद्र आदि अन्य देवताओं ने इसके बाद क्या किया, यह हमें बताइए।

श्लोक 68 (skanda.1.13.68)

शिवस्य महिमा सर्वः श्रुतस्तव मुखोद्गतः॥ अथ युद्धस्य वृत्तान्तः कथ्यतां परमार्थतः

śivasya mahimā sarvaḥ śrutastava mukhodgataḥ|| atha yuddhasya vṛttāntaḥ kathyatāṃ paramārthataḥ

शिव की समस्त महिमा आपके ही मुख से हमने सुन ली है; अब यथार्थ रूप से उस युद्ध का वृत्तांत भी कहिए।

श्लोक 69 (skanda.1.13.69)

॥लोमश उवाच॥ यदा हि दैत्यैश्च पराजिताः सुराः शम्भुं च सर्वे शरणं प्रपन्नाः॥ शिवं प्रणेमुः सहसा सुरोत्तमा युद्धाय सर्वे च मनो दधुस्तदा

||lomaśa uvāca|| yadā hi daityaiśca parājitāḥ surāḥ śambhuṃ ca sarve śaraṇaṃ prapannāḥ|| śivaṃ praṇemuḥ sahasā surottamā yuddhāya sarve ca mano dadhustadā

लोमश जी बोले — जब दैत्यों से पराजित होकर सभी देवता शंभु की शरण में गए, तब उन्होंने तुरंत शिव को प्रणाम किया और सब श्रेष्ठ देवताओं ने पुनः युद्ध के लिए मन बना लिया।

श्लोक 70 (skanda.1.13.70)

तथैव दैत्या अपि युध्यमाना उत्साहयुक्तातिबलाश्च सर्वे॥ देवैः समेताश्च पुनः पुनश्च युद्धं प्रचक्रुः परमास्त्रयुक्ताः

tathaiva daityā api yudhyamānā utsāhayuktātibalāśca sarve|| devaiḥ sametāśca punaḥ punaśca yuddhaṃ pracakruḥ paramāstrayuktāḥ

उधर दैत्य भी उत्साह और अपार बल से युक्त होकर युद्ध करते रहे; देवताओं से भिड़कर वे बार-बार परम अस्त्रों के साथ युद्ध करने लगे।

श्लोक 71 (skanda.1.13.71)

एवं च सर्वे ह्यसुराः सुराश्च शक्त्यृष्टिशूलैः परिघैः परश्वधैः॥ जयार्थिनोमर्षयुताः परस्परं सिंहा यथा हैमवतीं दुरात्ययाः॥ निहन्यमाना ह्यसुराः सुरैस्तदा नानास्त्रयोगैः परमैर्निपेतुः

evaṃ ca sarve hyasurāḥ surāśca śaktyṛṣṭiśūlaiḥ parighaiḥ paraśvadhaiḥ|| jayārthinomarṣayutāḥ parasparaṃ siṃhā yathā haimavatīṃ durātyayāḥ|| nihanyamānā hyasurāḥ suraistadā nānāstrayogaiḥ paramairnipetuḥ

इस प्रकार सभी असुर और सुर शक्ति, ऋष्टि, शूल, परिघ और परशुओं से, विजय की कामना से क्रोधित होकर, हिमालय पर दुर्गम सिंहों के समान परस्पर भिड़ गए; देवताओं द्वारा मारे जाते हुए असुर अनेक दिव्यास्त्रों की चोट से गिरने लगे।

श्लोक 72 (skanda.1.13.72)

चक्रुस्ते सकलामुर्वी मांसशोणितकर्दमाम्॥ महीं वृक्षाद्रिसंयुक्तां ससागरवनाकराम्

cakruste sakalāmurvī māṃsaśoṇitakardamām|| mahīṃ vṛkṣādrisaṃyuktāṃ sasāgaravanākarām

उन्होंने संपूर्ण पृथ्वी को मांस और रुधिर के कीचड़ से भर दिया — वृक्षों, पर्वतों, सागरों और वनों सहित समस्त धरा को।

श्लोक 73 (skanda.1.13.73)

शिरांसि च कबन्धानि कवचानि महांति च॥ ध्वजारथाः पताकाश्च गजवाजिशिरांसि च

śirāṃsi ca kabandhāni kavacāni mahāṃti ca|| dhvajārathāḥ patākāśca gajavājiśirāṃsi ca

सिर, धड़, विशाल कवच, ध्वजा-रथ, पताकाएँ और गजों-अश्वों के सिर वहाँ बिखर गए।

श्लोक 74 (skanda.1.13.74)

बहन्त्यश्चापगा ह्यासन्नद्यो भीरुभयावहाः॥ अगाधाः शोणितोदाश्च तरंतो ब्रह्मराक्षसाः॥ तयंति परान्भूतप्रतप्रमथराक्षसान्

bahantyaścāpagā hyāsannadyo bhīrubhayāvahāḥ|| agādhāḥ śoṇitodāśca taraṃto brahmarākṣasāḥ|| tayaṃti parānbhūtapratapramatharākṣasān

रक्त की अगाध और भयावनी नदियाँ बह चलीं, जिन्हें देखकर भीरु जन भयभीत हो उठते; उन रक्त-नदियों को तैरकर पार करते हुए ब्रह्मराक्षस अन्य भूत-प्रेत, प्रमथ और राक्षसों को पीड़ित करने लगे।

श्लोक 75 (skanda.1.13.75)

शाकिनीडाकिनीसंघा यक्षिण्योऽथ सहस्रशः॥ नानाकेलिषु संयुक्ताः परस्परमुदान्विताः

śākinīḍākinīsaṃghā yakṣiṇyo'tha sahasraśaḥ|| nānākeliṣu saṃyuktāḥ parasparamudānvitāḥ

शाकिनी, डाकिनी और सहस्रों यक्षिणियों के समूह वहाँ नाना क्रीड़ाओं में परस्पर आनंदमग्न हो उठे।

श्लोक 76 (skanda.1.13.76)

एवं संक्रीडमानास्ते भूतप्रमथराक्षसाः॥ रणे तस्मिन्महारौद्रे देवासुरसमागमे

evaṃ saṃkrīḍamānāste bhūtapramatharākṣasāḥ|| raṇe tasminmahāraudre devāsurasamāgame

इस प्रकार भूत, प्रमथ और राक्षस उस देवासुर संग्राम के महाभयंकर रण में क्रीड़ा करते रहे।

श्लोक 77 (skanda.1.13.77)

बलिना सह देवेन्द्रो युयुधेऽद्भुतविक्रमः॥ शक्त्या जघान देवेंद्रं वैरोचनिरमर्षणः

balinā saha devendro yuyudhe'dbhutavikramaḥ|| śaktyā jaghāna deveṃdraṃ vairocaniramarṣaṇaḥ

बलि के साथ अद्भुत पराक्रमी देवेंद्र का युद्ध हुआ; क्रोधित वैरोचनि (बलि) ने शक्ति से देवेंद्र पर प्रहार किया।

श्लोक 78 (skanda.1.13.78)

तां शक्तिं वञ्चयामास महेन्द्रो लघुविक्रमः॥ जघान स बलिं यत्नाद्दैत्येंद्रं परमेण हि

tāṃ śaktiṃ vañcayāmāsa mahendro laghuvikramaḥ|| jaghāna sa baliṃ yatnāddaityeṃdraṃ parameṇa hi

लघु और फुर्तीले पराक्रम वाले महेंद्र ने उस शक्ति को चकमा दे दिया; और फिर अत्यंत प्रयत्न से दैत्येंद्र बलि पर श्रेष्ठ प्रहार किया।

श्लोक 79 (skanda.1.13.79)

वज्रेण शितधारेण बाहुं चिच्छेद विक्रमी॥ गातासुरपतद्भूमौ विमानात्सूर्यसंन्निभात्

vajreṇa śitadhāreṇa bāhuṃ ciccheda vikramī|| gātāsurapatadbhūmau vimānātsūryasaṃnnibhāt

तीक्ष्ण धार वाले वज्र से उस पराक्रमी ने बलि की भुजा काट डाली; अंगहीन असुर सूर्य के समान तेजस्वी विमान से धरती पर गिर पड़ा।

श्लोक 80 (skanda.1.13.80)

पतितं च बलिं दृष्ट्वा वृषपर्वा रूपान्वितः॥ ववर्ष शरधाराभिः पयोद इव पर्वतम्

patitaṃ ca baliṃ dṛṣṭvā vṛṣaparvā rūpānvitaḥ|| vavarṣa śaradhārābhiḥ payoda iva parvatam

बलि को इस प्रकार गिरा देख रूपवान वृषपर्वा ने, जैसे बादल पर्वत पर बरसता है, वैसे ही बाणों की झड़ी से महेंद्र और उसके गज पर वर्षा कर दी।

श्लोक 81 (skanda.1.13.81)

महेंद्रं सगजं चैव सहमानं शिताञ्छरान्॥ तदा युद्धमभूद्वोरं महेन्द्रवृषपर्वणोः

maheṃdraṃ sagajaṃ caiva sahamānaṃ śitāñcharān|| tadā yuddhamabhūdvoraṃ mahendravṛṣaparvaṇoḥ

गज-सहित तीक्ष्ण बाणों को सहन करते हुए महेंद्र और वृषपर्वा के बीच घोर युद्ध छिड़ गया।

श्लोक 82 (skanda.1.13.82)

निपात्य वृषपर्वाणमिंद्रः परबलार्दनः

nipātya vṛṣaparvāṇamiṃdraḥ parabalārdanaḥ

शत्रु-सेना का विनाश करने वाले इंद्र ने वृषपर्वा को गिरा दिया।

श्लोक 83 (skanda.1.13.83)

ततो वज्रेण महता दानवानवधीद्रणे॥ शिरसि च्छेदिताः केचित्केचित्कंधरतो हताः

tato vajreṇa mahatā dānavānavadhīdraṇe|| śirasi ccheditāḥ kecitkecitkaṃdharato hatāḥ

फिर उस विशाल वज्र से उन्होंने युद्ध में अनेक दानवों का वध कर दिया; कुछ के सिर काट डाले गए, कुछ की गर्दन पर आघात हुआ।

श्लोक 84 (skanda.1.13.84)

विह्वलाश्च कृताः केचिदिंद्रेण कुपितेन च॥ तथा यमेन निहता वायुना वरुणेन च

vihvalāśca kṛtāḥ kecidiṃdreṇa kupitena ca|| tathā yamena nihatā vāyunā varuṇena ca

क्रुद्ध इंद्र द्वारा कुछ विह्वल कर दिए गए, तो कुछ यम, वायु और वरुण द्वारा मारे गए।

श्लोक 85 (skanda.1.13.85)

कुबेरेण हताश्चान्ये नैर्ऋतेन तथा परे॥ अग्निना निहताः केचिदीशेनैव विदारिताः

kubereṇa hatāścānye nairṛtena tathā pare|| agninā nihatāḥ kecidīśenaiva vidāritāḥ

कुछ को कुबेर ने, कुछ को नैर्ऋत ने मार गिराया; कुछ अग्नि द्वारा मारे गए, कुछ ईश (रुद्र) द्वारा ही विदीर्ण कर दिए गए।

श्लोक 86 (skanda.1.13.86)

एवं तदा तैर्निहता बलीयसो महासुरा विक्रमशानिनश्च॥ सुरैस्तु सर्वैः सह लोकपालैः शिवप्रसादा भिहतास्तदानीम्

evaṃ tadā tairnihatā balīyaso mahāsurā vikramaśāninaśca|| suraistu sarvaiḥ saha lokapālaiḥ śivaprasādā bhihatāstadānīm

इस प्रकार पराक्रम में गर्वित वे बलशाली महासुर शिव की कृपा से लोकपालों सहित समस्त देवताओं द्वारा उस समय मारे गए।

श्लोक 87 (skanda.1.13.87)

ततो महादैत्यवरो दुरात्मा स कलानेमिः परमास्त्रयुक्तः॥ ययौ तदानीं सुरसत्तमांस्तान्हंतुं सदा क्रूरमतिः स एकः

tato mahādaityavaro durātmā sa kalānemiḥ paramāstrayuktaḥ|| yayau tadānīṃ surasattamāṃstānhaṃtuṃ sadā krūramatiḥ sa ekaḥ

तब दुरात्मा और महान् दैत्यश्रेष्ठ कालनेमि, परम अस्त्रों से सुसज्जित होकर, अकेला ही सदा क्रूर बुद्धि से उन श्रेष्ठ देवताओं का वध करने चल पड़ा।

श्लोक 88 (skanda.1.13.88)

सिंहारूढो दंशितश्च त्रिशुलेन हि संयुतः॥ दैत्यानामर्बुदेनैव सिंहारूढेन संवृतः

siṃhārūḍho daṃśitaśca triśulena hi saṃyutaḥ|| daityānāmarbudenaiva siṃhārūḍhena saṃvṛtaḥ

वह सिंह पर आरूढ़, कवच धारण किए, त्रिशूल से युक्त था; दैत्यों के करोड़ों सिंहारूढ़ योद्धा उसे घेरे हुए थे।

श्लोक 89 (skanda.1.13.89)

ते सिंहा दंशिताः सर्वे महाबलपराक्रमाः॥ तेषु सिंहेषु चारूढा महादैत्याश्च तत्समाः

te siṃhā daṃśitāḥ sarve mahābalaparākramāḥ|| teṣu siṃheṣu cārūḍhā mahādaityāśca tatsamāḥ

वे सिंह सभी कवच-सज्जित और अत्यंत बलशाली थे; उन सिंहों पर महादैत्य ही सवार थे, कालनेमि के समान पराक्रमी।

श्लोक 90 (skanda.1.13.90)

आयांतीं दैत्यसेनां तां सर्वां सिंहविभूषिताम्॥ कालनेमियुतां दृष्ट्वा देवा इंद्रपुरोगमाः॥ भयमाजग्मुरतुलं तदा ध्यानपरा भवन्

āyāṃtīṃ daityasenāṃ tāṃ sarvāṃ siṃhavibhūṣitām|| kālanemiyutāṃ dṛṣṭvā devā iṃdrapurogamāḥ|| bhayamājagmuratulaṃ tadā dhyānaparā bhavan

इंद्र-प्रमुख देवताओं ने सिंहों से सुशोभित और कालनेमि सहित आती हुई उस संपूर्ण दैत्य-सेना को देखकर अपार भय पाया और मौन ध्यानमग्न हो गए।

श्लोक 91 (skanda.1.13.91)

किं कुर्मोऽद्य वयं सर्वे कथं जेष्याम चाद्भुतम्॥ एतादृशमसंख्याकमनीकं सिंहसंवृतम्

kiṃ kurmo'dya vayaṃ sarve kathaṃ jeṣyāma cādbhutam|| etādṛśamasaṃkhyākamanīkaṃ siṃhasaṃvṛtam

"हम आज सब मिलकर क्या करें? इस अद्भुत, असंख्य और सिंहों से घिरी हुई सेना को हम कैसे जीत पाएँगे?"

श्लोक 92 (skanda.1.13.92)

एवं विचिंत्यमानास्ते ह्यागतस्तत्र नारदः॥ नारदेन च तत्सर्वं पुरावृत्तं महत्तरम्

evaṃ viciṃtyamānāste hyāgatastatra nāradaḥ|| nāradena ca tatsarvaṃ purāvṛttaṃ mahattaram

वे इस प्रकार सोच-विचार में डूबे हुए थे, तभी वहाँ नारद मुनि आ पहुँचे; और नारद ने उन्हें वह सब पुरातन, अत्यंत महत्वपूर्ण वृत्तांत सुनाया।

श्लोक 93 (skanda.1.13.93)

कथितं च महेंद्राय कालनेमेस्तपोबलम्॥ अजेयत्वं च संग्रामे वरदानबलेन तु

kathitaṃ ca maheṃdrāya kālanemestapobalam|| ajeyatvaṃ ca saṃgrāme varadānabalena tu

उन्होंने महेंद्र को कालनेमि के तप-बल और वरदान के बल से युद्ध में उसकी अजेयता के विषय में बताया।

श्लोक 94 (skanda.1.13.94)

विष्णुं विना वयं देवा अशक्ता रणमंडले॥ जेतुं च स ततो विष्णुः स्मर्यतां परमेश्वरः॥ तमालनीलो वरदः सर्वैर्विजयकांक्षिभिः

viṣṇuṃ vinā vayaṃ devā aśaktā raṇamaṃḍale|| jetuṃ ca sa tato viṣṇuḥ smaryatāṃ parameśvaraḥ|| tamālanīlo varadaḥ sarvairvijayakāṃkṣibhiḥ

"विष्णु के बिना हम देवता रणभूमि में उसे जीतने में असमर्थ हैं; अतः विजय चाहने वाले सभी को उन्हीं परमेश्वर विष्णु का स्मरण करना चाहिए, जो तमाल के समान श्याम और वरदाता हैं।"

श्लोक 95 (skanda.1.13.95)

नारदस्य वचः श्रुत्वा तदा देवास्त्वरान्विताः॥ ध्यानेन च महाविष्णुं ततः परबलार्द्दनम्॥ स्मरंतः परमात्मानमिदमूचुश्च तं विभुम्

nāradasya vacaḥ śrutvā tadā devāstvarānvitāḥ|| dhyānena ca mahāviṣṇuṃ tataḥ parabalārddanam|| smaraṃtaḥ paramātmānamidamūcuśca taṃ vibhum

नारद के वचन सुनकर वे देवता तुरंत उतावले हो उठे; बलशत्रुओं के नाशक महाविष्णु का ध्यान करते हुए, उस परमात्मा का स्मरण करते हुए उन्होंने उस प्रभु से यह कहा —

श्लोक 96 (skanda.1.13.96)

॥ देवा ऊचुः॥ नमस्तुभ्यं भगवते नमस्ते विश्वमंगलम्॥ श्रीनिवास नमस्तुभ्यं श्रीपते ते नमोनमः

|| devā ūcuḥ|| namastubhyaṃ bhagavate namaste viśvamaṃgalam|| śrīnivāsa namastubhyaṃ śrīpate te namonamaḥ

देवता बोले — "हे भगवन, आपको नमस्कार है; हे विश्व के मंगलस्वरूप, आपको नमस्कार है; हे श्रीनिवास, आपको नमस्कार है; हे श्रीपति, आपको बारंबार नमस्कार है।"

श्लोक 97 (skanda.1.13.97)

अद्यास्मान्भयभीतांस्त्वं कालनेमिभयार्दितान्॥ त्रातुमर्हसि दैत्याच्च देवानामभयप्रद

adyāsmānbhayabhītāṃstvaṃ kālanemibhayārditān|| trātumarhasi daityācca devānāmabhayaprada

"आज कालनेमि के भय से पीड़ित, भयभीत हम सबकी आप ही रक्षा करने योग्य हैं, हे देवताओं को अभय देने वाले, इस दैत्य के भय से।"

श्लोक 98 (skanda.1.13.98)

एवं ध्यातः संस्मृतश्च प्रादुर्भूतो हरिस्तदा॥ नीलो गरुडमारुह्य जगतामभयप्रदः

evaṃ dhyātaḥ saṃsmṛtaśca prādurbhūto haristadā|| nīlo garuḍamāruhya jagatāmabhayapradaḥ

इस प्रकार ध्यान और स्मरण किए जाने पर उसी क्षण हरि प्रकट हो गए; गरुड़ पर आरूढ़, श्याम वर्ण, समस्त जगत को अभय देने वाले।

श्लोक 99 (skanda.1.13.99)

चक्रपाणिस्तदायातो देवानां विजयाय च॥ गगनस्थं महाविष्णुं गरुडोपरि संस्थितम्॥ श्रीवासमेनं दुर्द्धर्षं योद्धुकामं ददर्शिरे

cakrapāṇistadāyāto devānāṃ vijayāya ca|| gaganasthaṃ mahāviṣṇuṃ garuḍopari saṃsthitam|| śrīvāsamenaṃ durddharṣaṃ yoddhukāmaṃ dadarśire

देवताओं की विजय के लिए चक्रपाणि उस समय वहाँ आ पहुँचे; गगन में स्थित, गरुड़ पर विराजमान, दुर्धर्ष श्रीवास महाविष्णु को युद्ध की इच्छा से आया देखकर सबने देखा।

श्लोक 100 (skanda.1.13.100)

तथा दृष्ट्वा कालनेमिस्तदानीं प्रहस्यमानोऽतिरुषा बलान्वितः॥ कस्त्वं महाभाग वरेण्यरूपः श्यामो युवा वारणमत्तविक्रमः॥ करे गृहीतं निशितं महाप्रभं चक्रं च कस्मात्कथयस्व मे प्रभो

tathā dṛṣṭvā kālanemistadānīṃ prahasyamāno'tiruṣā balānvitaḥ|| kastvaṃ mahābhāga vareṇyarūpaḥ śyāmo yuvā vāraṇamattavikramaḥ|| kare gṛhītaṃ niśitaṃ mahāprabhaṃ cakraṃ ca kasmātkathayasva me prabho

यह देखकर कालनेमि उस समय अत्यंत क्रोध और बल से भरा हुआ हँसते हुए बोला — "हे महाभाग, हे वरेण्यरूप, हे श्याम युवा, हे मतवाले हाथी के समान पराक्रमी, आप कौन हैं? हाथ में लिया यह तीक्ष्ण, महाप्रभावशाली चक्र किसलिए है — मुझे बताइए, हे प्रभो।"

श्लोक 101 (skanda.1.13.101)

॥श्रीभगवानुवाच॥ युद्धार्थमिह चायातो देवानां कार्यसिद्धये॥ त्वं स्थिरो भव रे मंद दहाम्यद्य न संशयः

||śrībhagavānuvāca|| yuddhārthamiha cāyāto devānāṃ kāryasiddhaye|| tvaṃ sthiro bhava re maṃda dahāmyadya na saṃśayaḥ

श्रीभगवान बोले — "मैं यहाँ देवताओं के कार्य की सिद्धि के लिए, युद्ध के निमित्त आया हूँ; हे मंदबुद्धि, स्थिर हो जा — आज मैं निःसंदेह तुझे भस्म कर दूँगा।"

श्लोक 102 (skanda.1.13.102)

श्रुत्वा भगवतो वाक्यं कालनेमिः प्रतापवान्॥ उवाच रुषितो भूत्वा भगवंतमधोक्षजम्

śrutvā bhagavato vākyaṃ kālanemiḥ pratāpavān|| uvāca ruṣito bhūtvā bhagavaṃtamadhokṣajam

भगवान के इस वचन को सुनकर प्रतापी कालनेमि क्रोधित होकर अधोक्षज भगवान से बोला —

श्लोक 103 (skanda.1.13.103)

मूलभूतो हि देवानां भगवान्युद्धदुर्मदः॥ युद्धं कुरु मया सार्द्धं यदि शूरोऽसि संप्रति

mūlabhūto hi devānāṃ bhagavānyuddhadurmadaḥ|| yuddhaṃ kuru mayā sārddhaṃ yadi śūro'si saṃprati

"देवताओं का मूल आधार होकर भी आप युद्ध में इतने उन्मत्त हैं? यदि आप सचमुच शूरवीर हैं, तो अभी मेरे साथ युद्ध कीजिए।"

श्लोक 104 (skanda.1.13.104)

प्रहस्य भगवान्विष्णुरुवाचेदं महाप्रभः॥ गगनस्थो भव त्वं हि महीस्थोऽहं भवामि वै

prahasya bhagavānviṣṇuruvācedaṃ mahāprabhaḥ|| gaganastho bhava tvaṃ hi mahīstho'haṃ bhavāmi vai

महाप्रभावशाली भगवान विष्णु मुस्कुराते हुए बोले — "तुम आकाश में रहो, मैं पृथ्वी पर स्थित रहूँगा।"

श्लोक 105 (skanda.1.13.105)

अप्रशस्तं च विषमं युद्धं चैव यथा भवेत्॥ तथा कुरु महाबाहो गगनो वा महीतले

apraśastaṃ ca viṣamaṃ yuddhaṃ caiva yathā bhavet|| tathā kuru mahābāho gagano vā mahītale

"हे महाबाहो, ऐसा करो जिससे युद्ध न तो अनुचित हो और न ही असमान — चाहे आकाश में हो या पृथ्वी पर।"

श्लोक 106 (skanda.1.13.106)

तथेति मत्वा हि महानुभावो दैत्यैः समेतोऽर्बुदसंख्यकैश्च॥ सिंहोपरिस्थैश्च महानुभावैर्महाबलैः क्रूरतरैस्तदानीम्

tatheti matvā hi mahānubhāvo daityaiḥ sameto'rbudasaṃkhyakaiśca|| siṃhoparisthaiśca mahānubhāvairmahābalaiḥ krūrataraistadānīm

"ऐसा ही हो" — यह मानकर वह महाप्रतापी दैत्य, करोड़ों दैत्यों और सिंहों पर सवार महाबली, अत्यंत क्रूर योद्धाओं के साथ —

श्लोक 107 (skanda.1.13.107)

गगनमथ जगाहे मंदमंदं महात्मा ह्यसुरगणसमेतो विश्वरूपं जिघांसुः॥ त्रिशिखमपरमुग्रं गृह्य संदेशचेष्टादशनविकृतवक्त्रो योद्धुकामो हरिं सः

gaganamatha jagāhe maṃdamaṃdaṃ mahātmā hyasuragaṇasameto viśvarūpaṃ jighāṃsuḥ|| triśikhamaparamugraṃ gṛhya saṃdeśaceṣṭādaśanavikṛtavaktro yoddhukāmo hariṃ saḥ

फिर धीरे-धीरे आकाश में प्रवेश कर गया, वह महात्मा असुरगण सहित विश्वरूप को नष्ट करने की इच्छा से; भयंकर त्रिशूल हाथ में लिए, दाँत पीसता हुआ विकृत मुख वाला वह हरि से युद्ध करने की इच्छा रखता था।