देवताओं का अमृत-पान

श्लोक 1 (skanda.1.12.1)

॥लोमश उवाच॥ प्रणम्य परमात्मानं रमायुक्तं जनार्द्दनम्॥ अमृतार्थं ममंथुस्ते सुरासुरगणाः पुनः

||lomaśa uvāca|| praṇamya paramātmānaṃ ramāyuktaṃ janārddanam|| amṛtārthaṃ mamaṃthuste surāsuragaṇāḥ punaḥ

लोमश जी बोले — परमात्मा, रमा (लक्ष्मी) सहित जनार्दन को प्रणाम करके देव-असुर गण अमृत के लिए पुनः समुद्र-मंथन करने लगे।

श्लोक 2 (skanda.1.12.2)

उदधेर्मथ्यमानाच्च निर्गतः सुमहायशाः॥ धन्वंतरिरिति ख्यातो युवा मृत्युञ्जयः परः

udadhermathyamānācca nirgataḥ sumahāyaśāḥ|| dhanvaṃtaririti khyāto yuvā mṛtyuñjayaḥ paraḥ

समुद्र के मथे जाने पर परम यशस्वी धन्वंतरि प्रकट हुए, जो युवा और मृत्युंजय कहलाए।

श्लोक 3 (skanda.1.12.3)

पाणिभ्यां पूर्णकलशं सुधायाः परिगृह्य वै॥ यावत्सर्वे सुराः सर्वे निरीक्षंते मनोहरम्

pāṇibhyāṃ pūrṇakalaśaṃ sudhāyāḥ parigṛhya vai|| yāvatsarve surāḥ sarve nirīkṣaṃte manoharam

दोनों हाथों में अमृत से भरा कलश लिए हुए वे तब तक खड़े रहे, जब तक सभी देवता उस मनोहर रूप को निहारते रहे।

श्लोक 4 (skanda.1.12.4)

तदा दैत्याः समं गत्वा हर्तुकामा बलादिव॥ सुधया पूर्णकलशं धन्वंतरिकरे स्थितम्

tadā daityāḥ samaṃ gatvā hartukāmā balādiva|| sudhayā pūrṇakalaśaṃ dhanvaṃtarikare sthitam

तभी दैत्य बलपूर्वक एक साथ जाकर धन्वंतरि के हाथ में स्थित उस अमृतपूर्ण कलश को छीनने का प्रयत्न करने लगे।

श्लोक 5 (skanda.1.12.5)

यावत्तरंगमालाभिरावृतोऽभूद्भिषक्तमः॥ शनैः शनैः समायातो दृष्टोऽसौ वृषपर्वणा

yāvattaraṃgamālābhirāvṛto'bhūdbhiṣaktamaḥ|| śanaiḥ śanaiḥ samāyāto dṛṣṭo'sau vṛṣaparvaṇā

जब वह वैद्यश्रेष्ठ लहरों की मालाओं से घिरा धीरे-धीरे आ रहा था, तभी वृषपर्वा ने उसे देख लिया।

श्लोक 6 (skanda.1.12.6)

करस्थः कलशस्तस्य हृतस्तेन बलादिव॥ असुराश्च ततः सर्वे जगर्जुरतिभीषणम्

karasthaḥ kalaśastasya hṛtastena balādiva|| asurāśca tataḥ sarve jagarjuratibhīṣaṇam

उसके हाथ का वह कलश बलपूर्वक छीन लिया गया; तब सभी असुर अत्यंत भयंकर गर्जना करने लगे।

श्लोक 7 (skanda.1.12.7)

कलशं सुधया पूर्णं गृहीत्वा ते समुत्सुकाः॥ दैत्याः पातालमाजग्मुस्तदा देवा भ्रमान्विताः

kalaśaṃ sudhayā pūrṇaṃ gṛhītvā te samutsukāḥ|| daityāḥ pātālamājagmustadā devā bhramānvitāḥ

अमृत से भरा कलश लेकर अत्यंत उत्सुक दैत्य पाताल की ओर भाग गए; तब देवता भ्रमित हो उठे।

श्लोक 8 (skanda.1.12.8)

अनुजग्मुः सुसंनद्धा योद्धुकामाश्च तैः सह॥ तदा देवान्समालोक्य बलिरेवमभाषत

anujagmuḥ susaṃnaddhā yoddhukāmāśca taiḥ saha|| tadā devānsamālokya balirevamabhāṣata

सुसज्जित होकर युद्ध की इच्छा से देवता भी उनके पीछे-पीछे गए; तब देवताओं को देखकर बलि इस प्रकार बोला।

श्लोक 9 (skanda.1.12.9)

॥ बलिरुवाच॥ वयं तु केवलं देवाः सुधया परितोषिताः॥ शीघ्रमेव प्रगंतव्यं भवद्भिश्च सुरोत्तमैः

|| baliruvāca|| vayaṃ tu kevalaṃ devāḥ sudhayā paritoṣitāḥ|| śīghrameva pragaṃtavyaṃ bhavadbhiśca surottamaiḥ

बलि बोले — हम तो केवल अमृत से संतुष्ट होने वाले देवता हैं; हे श्रेष्ठ सुरो, आप शीघ्र ही यहाँ से चले जाइए।

श्लोक 10 (skanda.1.12.10)

त्रिविष्टपं मुदा युक्तैः किमस्माभिः प्रयोजनम्॥ पुरास्माभिः कृतं मैत्रं भवद्भिः स्वार्थतत्परैः॥ अधुना विदितं तत्तु नात्र कार्या विचारणा

triviṣṭapaṃ mudā yuktaiḥ kimasmābhiḥ prayojanam|| purāsmābhiḥ kṛtaṃ maitraṃ bhavadbhiḥ svārthatatparaiḥ|| adhunā viditaṃ tattu nātra kāryā vicāraṇā

"आनंदपूर्वक स्वर्ग भोगने वाले आप लोगों से अब हमें क्या प्रयोजन? पहले स्वार्थ में तत्पर होकर हमने आपसे मित्रता की थी; अब वह भेद हमें ज्ञात हो गया है, इस पर अब विचार की आवश्यकता नहीं।"

श्लोक 11 (skanda.1.12.11)

एवं निर्भार्त्सितास्तेन बलिना सुरसत्तमाः॥ यथागतेन मार्गेण जग्मुर्नारायणं प्रभुम्

evaṃ nirbhārtsitāstena balinā surasattamāḥ|| yathāgatena mārgeṇa jagmurnārāyaṇaṃ prabhum

इस प्रकार बलि द्वारा तिरस्कृत होकर वे श्रेष्ठ देवता जिस मार्ग से आए थे, उसी मार्ग से प्रभु नारायण के पास लौट गए।

श्लोक 12 (skanda.1.12.12)

तं दृष्ट्वा विष्णुना सर्वे सुरा भग्नमनोरथा॥ आश्वासिता वचोभिश्च नानानुनयको विदैः

taṃ dṛṣṭvā viṣṇunā sarve surā bhagnamanorathā|| āśvāsitā vacobhiśca nānānunayako vidaiḥ

निराश मन वाले उन सभी देवताओं को देखकर विष्णु ने अनेक प्रकार के अनुनयपूर्ण वचनों से उन्हें आश्वस्त किया।

श्लोक 13 (skanda.1.12.13)

मा त्रासं कुरुतात्रार्थ आनयिष्यामि तां सुधाम्॥ एवमाभाष्य भगवान्मुकुन्दोऽनाथसंश्रयः

mā trāsaṃ kurutātrārtha ānayiṣyāmi tāṃ sudhām|| evamābhāṣya bhagavānmukundo'nāthasaṃśrayaḥ

"भय मत करो, मैं वह अमृत अवश्य ले आऊँगा" — ऐसा कहकर अनाथों के आश्रय भगवान मुकुंद —

श्लोक 14 (skanda.1.12.14)

स्थापयित्वा सुरान्सर्वांस्तत्रैव मधुसूदनः॥ मोहनीरूपमास्थाय दैत्यनामग्रतोऽभवत्

sthāpayitvā surānsarvāṃstatraiva madhusūdanaḥ|| mohanīrūpamāsthāya daityanāmagrato'bhavat

समस्त देवताओं को वहीं स्थापित करके मधुसूदन मोहिनी का रूप धारण कर दैत्यों के समक्ष प्रकट हुए।

श्लोक 15 (skanda.1.12.15)

तावद्दैत्याः सुसंरब्धाः परस्परमथाब्रुवन्॥ विवादः सर्वदैत्यानाममृतार्थे तदाऽभवत्

tāvaddaityāḥ susaṃrabdhāḥ parasparamathābruvan|| vivādaḥ sarvadaityānāmamṛtārthe tadā'bhavat

उसी समय अत्यंत उतावले दैत्य आपस में अमृत को लेकर विवाद करने लगे।

श्लोक 16 (skanda.1.12.16)

एवं प्रवर्तमाने तु मोहिनीरूपमाश्रिताम्॥ दृष्ट्वा योषां तदा दैवात्सर्वभूतमनोरमाम्

evaṃ pravartamāne tu mohinīrūpamāśritām|| dṛṣṭvā yoṣāṃ tadā daivātsarvabhūtamanoramām

इसी बीच दैवयोग से उन्होंने मोहिनी-रूप धारण किए हुए, सबके मन को हरने वाली उस स्त्री को देखा।

श्लोक 17 (skanda.1.12.17)

विस्मयेन समाविष्टा बभूवुस्तृषितेक्षणाः॥ तां संमान्य तदा दैत्यराजो बलिरुवाच ह

vismayena samāviṣṭā babhūvustṛṣitekṣaṇāḥ|| tāṃ saṃmānya tadā daityarājo baliruvāca ha

विस्मय से भरकर वे तृषातुर नेत्रों वाले हो गए; तब उनका सम्मान करते हुए दैत्यराज बलि ने कहा —

श्लोक 18 (skanda.1.12.18)

॥बलिरुवाच॥ सुधा त्वया विभक्तव्या सर्वेषां गतिहेतवे॥ शीघ्रत्वेन महाभागे कुरुष्व वचनं मम

||baliruvāca|| sudhā tvayā vibhaktavyā sarveṣāṃ gatihetave|| śīghratvena mahābhāge kuruṣva vacanaṃ mama

बलि बोले — "हे महाभागे, आप शीघ्रता से मेरी बात मानकर हम सबकी सद्गति के लिए इस अमृत का बँटवारा कीजिए।"

श्लोक 19 (skanda.1.12.19)

एवमुक्ता ह्युवाचेदं स्मयमाना बलिं प्रति॥ स्त्रीणां नैव च विश्वासः कर्तव्यो हि विपश्चिता

evamuktā hyuvācedaṃ smayamānā baliṃ prati|| strīṇāṃ naiva ca viśvāsaḥ kartavyo hi vipaścitā

यह सुनकर मुस्कुराती हुई वह बलि से बोली — "बुद्धिमान पुरुषों को स्त्रियों पर कदापि विश्वास नहीं करना चाहिए।"

श्लोक 20 (skanda.1.12.20)

अनृतं साहसं माया मूर्खत्वमति लोभता॥ अशौचं निर्घृणत्वं च स्त्रीणां दोषाः स्वभावजाः

anṛtaṃ sāhasaṃ māyā mūrkhatvamati lobhatā|| aśaucaṃ nirghṛṇatvaṃ ca strīṇāṃ doṣāḥ svabhāvajāḥ

"असत्य, दुःसाहस, छल, मूर्खता, अत्यधिक लोभ, अपवित्रता और निर्दयता — ये स्त्रियों के स्वाभाविक दोष हैं।"

श्लोक 21 (skanda.1.12.21)

निःस्नेहत्वं च विज्ञेयं धूर्तत्वं चैव तत्त्वतः॥ स्वस्त्रीणां चैव विज्ञेया दोषा नास्त्यत्र संशयः

niḥsnehatvaṃ ca vijñeyaṃ dhūrtatvaṃ caiva tattvataḥ|| svastrīṇāṃ caiva vijñeyā doṣā nāstyatra saṃśayaḥ

"स्नेहहीनता और वास्तव में धूर्तता भी जान लेनी चाहिए; अपनी ही स्त्रियों में भी ये दोष होते हैं, इसमें कोई संशय नहीं।"

श्लोक 22 (skanda.1.12.22)

यथैव श्वापदानां च वृका हिंसापरायणाः॥ काका यतांडजानां च श्वापदानां च जंबुकाः॥ धूर्ता तथा मनुष्याणां स्त्रीज्ञेया सततं बुधैः

yathaiva śvāpadānāṃ ca vṛkā hiṃsāparāyaṇāḥ|| kākā yatāṃḍajānāṃ ca śvāpadānāṃ ca jaṃbukāḥ|| dhūrtā tathā manuṣyāṇāṃ strījñeyā satataṃ budhaiḥ

"जैसे हिंसक पशुओं में भेड़िया, अंडज पक्षियों में कौआ और श्वापदों में सियार धूर्त होते हैं, वैसे ही ज्ञानी पुरुष मनुष्यों में सदा स्त्री को धूर्त जानें।"

श्लोक 23 (skanda.1.12.23)

मया सह भवद्भिश्च कथं सख्यं प्रवर्तते॥ सर्वथात्र न विज्ञेयाः के यूयं चैव क ह्यहम्

mayā saha bhavadbhiśca kathaṃ sakhyaṃ pravartate|| sarvathātra na vijñeyāḥ ke yūyaṃ caiva ka hyaham

"तो फिर मुझमें और आप सबमें मित्रता कैसे हो सकती है? आप कौन हैं और मैं कौन हूँ, यह जानना सर्वथा संभव नहीं।"

श्लोक 24 (skanda.1.12.24)

तस्माद्भवद्भिः संचिंत्यकार्याकार्यविचक्षणैः॥ कर्तव्यं परया बुद्ध्या प्रयातासुरसत्तमाः

tasmādbhavadbhiḥ saṃciṃtyakāryākāryavicakṣaṇaiḥ|| kartavyaṃ parayā buddhyā prayātāsurasattamāḥ

"अतः हे श्रेष्ठ असुरो, कार्य-अकार्य के विवेकी होकर आप स्वयं भलीभाँति विचार कर परम बुद्धि से जो उचित हो, वही कीजिए।"

श्लोक 25 (skanda.1.12.25)

॥बलिरुवाच॥ अद्यामृतं च सर्वेषां विभजस्व यथातथम्॥ त्वया दत्तं च गृह्णीमः सत्यंसत्यं वदामि ते

||baliruvāca|| adyāmṛtaṃ ca sarveṣāṃ vibhajasva yathātatham|| tvayā dattaṃ ca gṛhṇīmaḥ satyaṃsatyaṃ vadāmi te

बलि बोले — "आज इस अमृत को आप ही यथोचित रूप से सबमें बाँट दीजिए; आप जो कुछ देंगी हम उसी को ग्रहण करेंगे — मैं आपसे सत्य ही कहता हूँ।"

श्लोक 26 (skanda.1.12.26)

एवमुक्ता तदा देवी मोहिनी सर्वमंगला॥ उवाचाथासुरान्सर्वान्रोचयँल्लौकिकीं स्थितिम्

evamuktā tadā devī mohinī sarvamaṃgalā|| uvācāthāsurānsarvānrocaya~llaukikīṃ sthitim

यह सुनकर सर्वमंगला देवी मोहिनी ने लौकिक व्यवहार का अनुकरण करते हुए उन सभी असुरों से कहा —

श्लोक 27 (skanda.1.12.27)

॥ भगवानुवाच॥ यूयं सर्वे कृतार्थाश्च जाता दैवेन केनचित्॥ अद्योपावाससंयुक्ता अमृतस्याधिवासनम्

|| bhagavānuvāca|| yūyaṃ sarve kṛtārthāśca jātā daivena kenacit|| adyopāvāsasaṃyuktā amṛtasyādhivāsanam

भगवान बोले — "आप सब किसी-न-किसी दैवयोग से यहाँ कृतार्थ होकर आए हैं; आज उपवास रखकर अमृत की अधिवासना (प्रतिष्ठा) कीजिए।"

श्लोक 28 (skanda.1.12.28)

क्रियतामसुराः श्रेष्ठाः शुभेच्छा किंचिदस्ति वः॥ श्वेभूते पारणं कुर्याद्व्रतार्चनरतिश्च वः

kriyatāmasurāḥ śreṣṭhāḥ śubhecchā kiṃcidasti vaḥ|| śvebhūte pāraṇaṃ kuryādvratārcanaratiśca vaḥ

"हे श्रेष्ठ असुरो, यदि आप सबकी कुछ शुभ इच्छा हो, तो ऐसा ही कीजिए; प्रातःकाल पारण करें और व्रत-पूजा में रत रहें।"

श्लोक 29 (skanda.1.12.29)

न्यायोपार्जितवित्तेन दशमांशेन धीमता॥ कर्तव्यो विनियोगश्च ईशप्रीत्यर्थहेतवे

nyāyopārjitavittena daśamāṃśena dhīmatā|| kartavyo viniyogaśca īśaprītyarthahetave

"बुद्धिमान पुरुष को चाहिए कि न्यायपूर्वक अर्जित धन के दसवें भाग का ईश्वर की प्रसन्नता के लिए विनियोग करे।"

श्लोक 30 (skanda.1.12.30)

तथेति मत्वा ते सर्वे यथोक्तं देवमायया॥ चक्रुस्तथैव दैतेया मोहिता नातिकोविदाः

tatheti matvā te sarve yathoktaṃ devamāyayā|| cakrustathaiva daiteyā mohitā nātikovidāḥ

"ऐसा ही हो" यह मानकर, देवमाया से मोहित वे अल्पबुद्धि दैत्य उसी प्रकार करने लगे, जैसा उसने कहा था।

श्लोक 31 (skanda.1.12.31)

मयासुरेण च तदा भवनानि कृतानि वै॥ मनोज्ञानि महार्हाणि सुप्रभाणि महांति च

mayāsureṇa ca tadā bhavanāni kṛtāni vai|| manojñāni mahārhāṇi suprabhāṇi mahāṃti ca

उस समय मय दानव ने मनोहर, अत्यंत मूल्यवान, तेजस्वी और विशाल भवन बना दिए।

श्लोक 32 (skanda.1.12.32)

तेषुपविष्टास्ते सर्वे सुस्नाताः समलंकृताः॥ स्थापयित्वा सुसंरब्धाः पूर्णं कलशमग्रतः

teṣupaviṣṭāste sarve susnātāḥ samalaṃkṛtāḥ|| sthāpayitvā susaṃrabdhāḥ pūrṇaṃ kalaśamagrataḥ

उन भवनों में भलीभाँति स्नान कर और आभूषण पहनकर वे सब बैठ गए, और अत्यंत उत्सुकतापूर्वक अमृत से भरा कलश सामने रख दिया।

श्लोक 33 (skanda.1.12.33)

रात्रौ जागरणं सर्वैः कृतं परमया मुदा॥ अथोषसि प्रवृत्ते च प्रातःस्नानयुता भवन्

rātrau jāgaraṇaṃ sarvaiḥ kṛtaṃ paramayā mudā|| athoṣasi pravṛtte ca prātaḥsnānayutā bhavan

उस रात्रि सभी ने अत्यंत हर्षपूर्वक जागरण किया; फिर उषाकाल होने पर वे प्रातः स्नान में लीन हुए।

श्लोक 34 (skanda.1.12.34)

असुरा बलिमुख्याश्च पंक्तिभूता यताक्रमम्॥ सर्वमावश्यकं कृत्वा तदा पानरता भवन्

asurā balimukhyāśca paṃktibhūtā yatākramam|| sarvamāvaśyakaṃ kṛtvā tadā pānaratā bhavan

बलि आदि प्रमुख असुर अपने-अपने क्रम में पंक्तिबद्ध होकर बैठ गए; सभी नित्यकर्म पूर्ण कर वे तब अमृत-पान में रत हो गए।

श्लोक 35 (skanda.1.12.35)

बलिश्च वृषपर्वा च नमुचिः शंख एव च॥ सुदंष्ट्रश्चैव संह्लादी कालनेमिर्विभीषणः

baliśca vṛṣaparvā ca namuciḥ śaṃkha eva ca|| sudaṃṣṭraścaiva saṃhlādī kālanemirvibhīṣaṇaḥ

बलि, वृषपर्वा, नमुचि, शंख, सुदंष्ट्र, संह्रादी, कालनेमि और विभीषण —

श्लोक 36 (skanda.1.12.36)

वातापिरिल्वलः कुम्भो निकुम्भः प्रच्छदस्तथा॥ तथा सुन्दोपसुन्दौ च निशुम्भः शुम्भ एव च

vātāpirilvalaḥ kumbho nikumbhaḥ pracchadastathā|| tathā sundopasundau ca niśumbhaḥ śumbha eva ca

वातापि, इल्वल, कुंभ, निकुंभ, प्रच्छद, तथा सुंद-उपसुंद, निशुंभ और शुंभ —

श्लोक 37 (skanda.1.12.37)

महिषो महिषाक्षश्च बिडालाक्षः प्रतापवान्॥ चिक्षुराख्यो महाबाहुर्जृभणोऽथ वृषासुरः

mahiṣo mahiṣākṣaśca biḍālākṣaḥ pratāpavān|| cikṣurākhyo mahābāhurjṛbhaṇo'tha vṛṣāsuraḥ

महिष, महिषाक्ष, प्रतापी बिडालाक्ष, महाबाहु चिक्षुर, जृंभण और वृषासुर —

श्लोक 38 (skanda.1.12.38)

विबाहुर्बाहुको घोरस्तथा वै घोरदर्शनः॥ एते चान्ये च बहवो दैत्यदानवराक्षसाः॥ यथाक्रमं चोपविष्टा राहुः केतुस्तथैव च

vibāhurbāhuko ghorastathā vai ghoradarśanaḥ|| ete cānye ca bahavo daityadānavarākṣasāḥ|| yathākramaṃ copaviṣṭā rāhuḥ ketustathaiva ca

विबाहु, घोर बाहुक और भयंकर घोरदर्शन — ये तथा अन्य अनेक दैत्य, दानव और राक्षस, राहु और केतु सहित, अपने-अपने क्रम से बैठे।

श्लोक 39 (skanda.1.12.39)

तेषां तु कोटिसंख्यानां दैत्यानां पंक्तिरास्थिता

teṣāṃ tu koṭisaṃkhyānāṃ daityānāṃ paṃktirāsthitā

उन करोड़ों की संख्या में बैठे दैत्यों की वह पंक्ति वहाँ स्थापित हो गई।

श्लोक 40 (skanda.1.12.40)

ततस्तया तदा देव्या अमृतार्थं हि वै द्विजाः॥ यज्जातं तच्छृणउध्वं हि तया देव्या कृतं महत्

tatastayā tadā devyā amṛtārthaṃ hi vai dvijāḥ|| yajjātaṃ tacchṛṇaudhvaṃ hi tayā devyā kṛtaṃ mahat

हे द्विजो, तब उस देवी ने अमृत के लिए जो महान् कार्य किया, वह सुनिए।

श्लोक 41 (skanda.1.12.41)

सर्वे विज्ञापिताः सद्यो गृहीतकलशा तदा॥ शोभया परया युक्ता साक्षात्सा विष्णुमोहिनी

sarve vijñāpitāḥ sadyo gṛhītakalaśā tadā|| śobhayā parayā yuktā sākṣātsā viṣṇumohinī

सभी को शीघ्र सूचित करके, कलश हाथ में लिए, साक्षात् विष्णुरूपिणी मोहिनी परम शोभा से युक्त होकर आई।

श्लोक 42 (skanda.1.12.42)

करस्थेन तदा देवी कलशेन विराजिता॥ शुशुभे परया कांत्या जगन्मंगलमंगला

karasthena tadā devī kalaśena virājitā|| śuśubhe parayā kāṃtyā jaganmaṃgalamaṃgalā

हाथ में कलश धारण किए वह देवी अत्यंत सुशोभित हुई; जगत के लिए मंगलमयी वह परम कांति से देदीप्यमान हुई।

श्लोक 43 (skanda.1.12.43)

परिवेषधराः सर्वे सुरास्ते ह्यसुरांतिकम्॥ आगतास्तत्क्षणादेव यत्र ते ह्यसुरोत्तमाः

pariveṣadharāḥ sarve surāste hyasurāṃtikam|| āgatāstatkṣaṇādeva yatra te hyasurottamāḥ

पंक्तिबद्ध बैठे सभी देवता उसी क्षण उस स्थान के समीप आ गए, जहाँ वे श्रेष्ठ असुर बैठे थे।

श्लोक 44 (skanda.1.12.44)

तान्दृष्ट्वा मोहिनी सद्य उवाच प्रमदोत्तमा

tāndṛṣṭvā mohinī sadya uvāca pramadottamā

उन्हें देखकर मोहिनी, उत्तम स्त्रियों में श्रेष्ठ, तुरंत बोली —

श्लोक 45 (skanda.1.12.45)

॥मोहिन्युवाच॥ एते ह्यतिथयो ज्ञेया धर्म्मसर्वस्वसाधनाः॥ एभ्यो देयं यताशक्त्या यदि सत्यं वचो मम॥ प्रमाणं भवतां चाद्य कुरुध्वं मा विलंबथ

||mohinyuvāca|| ete hyatithayo jñeyā dharmmasarvasvasādhanāḥ|| ebhyo deyaṃ yatāśaktyā yadi satyaṃ vaco mama|| pramāṇaṃ bhavatāṃ cādya kurudhvaṃ mā vilaṃbatha

मोहिनी बोली — "इन्हें अतिथि जानना चाहिए, जो धर्म के समस्त साधनों में श्रेष्ठ हैं; यदि मेरी बात सत्य है तो इन्हें यथाशक्ति दान अवश्य दें। आज अपने ही वचन को प्रमाण मानकर विलंब न करें।"

श्लोक 46 (skanda.1.12.46)

परेषामुपकारं च ये कुर्वंति स्वशक्तितः॥ धन्यास्ते चैव विज्ञेयाः पवित्राः लोकपालकाः

pareṣāmupakāraṃ ca ye kurvaṃti svaśaktitaḥ|| dhanyāste caiva vijñeyāḥ pavitrāḥ lokapālakāḥ

"जो लोग अपनी शक्ति के अनुसार दूसरों का उपकार करते हैं, वे ही धन्य, पवित्र और सच्चे लोकपालक जानने चाहिए।"

श्लोक 47 (skanda.1.12.47)

केवलात्मोदरार्थाय उद्योगं ये प्रकुर्वते॥ ते क्लेशभागिनो ज्ञेया नात्र कार्या विचारणा

kevalātmodarārthāya udyogaṃ ye prakurvate|| te kleśabhāgino jñeyā nātra kāryā vicāraṇā

"जो केवल अपने ही उदरपोषण के लिए उद्यम करते हैं, वे क्लेश के ही भागी जानने चाहिए, इस पर विचार करने की आवश्यकता नहीं।"

श्लोक 48 (skanda.1.12.48)

तस्माद्विभजनं कार्यं मयैतस्य शुभव्रताः॥ देवेभ्यश्च प्रयच्छध्वं यद्धि चात्मप्रियाप्रियम्

tasmādvibhajanaṃ kāryaṃ mayaitasya śubhavratāḥ|| devebhyaśca prayacchadhvaṃ yaddhi cātmapriyāpriyam

"अतः हे शुभव्रतो, इसका विभाजन मैं ही करूँगी; जो भी आपको प्रिय या अप्रिय लगे, वह देवताओं को भी अवश्य दीजिए।"

श्लोक 49 (skanda.1.12.49)

इत्युक्ते वचने देव्या तथा चक्रुरतं द्रिताः॥ आह्वयामासुरसुराः सर्वान्देवान्सवासवान्

ityukte vacane devyā tathā cakrurataṃ dritāḥ|| āhvayāmāsurasurāḥ sarvāndevānsavāsavān

देवी के इस वचन को सुनकर उन्होंने वैसा ही शीघ्रता से किया; असुरों ने वासव (इंद्र) सहित सभी देवताओं को बुला लिया।

श्लोक 50 (skanda.1.12.50)

उपविष्टाश्च ते सर्वे अमृतार्थं च भो द्विजाः॥ तेषूपविश्यमानेषु ह्युवाच परमं वचः॥ मोहिनी सर्वधर्म्मज्ञा असुराणां स्मयन्निव

upaviṣṭāśca te sarve amṛtārthaṃ ca bho dvijāḥ|| teṣūpaviśyamāneṣu hyuvāca paramaṃ vacaḥ|| mohinī sarvadharmmajñā asurāṇāṃ smayanniva

हे द्विजो, अमृत के लिए वे सब वहाँ बैठ गए; जब वे बैठ रहे थे, तभी सर्वधर्मज्ञा मोहिनी ने असुरों से हँसती हुई-सी यह श्रेष्ठ वचन कहा —

श्लोक 51 (skanda.1.12.51)

॥मोहिन्युवाच॥ आदौ ह्यभ्यागताः पूज्या इति वै वैदिकी श्रुतिः

||mohinyuvāca|| ādau hyabhyāgatāḥ pūjyā iti vai vaidikī śrutiḥ

मोहिनी बोली — "पहले आगंतुक अतिथियों की ही पूजा करनी चाहिए — यही वैदिक श्रुति का कथन है।"

श्लोक 52 (skanda.1.12.52)

तस्माद्यूयं वेदपराः सर्वे देवपरायणाः॥ ब्रुवंतु त्वरितेनैव आदौ केषां ददाम्यहम्॥ अमृतं हि महाभागा बलिमुख्या वदंतु भोः

tasmādyūyaṃ vedaparāḥ sarve devaparāyaṇāḥ|| bruvaṃtu tvaritenaiva ādau keṣāṃ dadāmyaham|| amṛtaṃ hi mahābhāgā balimukhyā vadaṃtu bhoḥ

"अतः आप सभी वेदपरायण और देवभक्त पुरुष शीघ्र बताइए — मैं पहले अमृत किसे दूँ? हे महाभाग बलि आदि, आप ही कहिए।"

श्लोक 53 (skanda.1.12.53)

बलिनोक्ता तदा देवी यत्ते मनसि रोचते॥ स्वामिनी त्वं न संदेहो ह्यस्माकं सुंदरानने

balinoktā tadā devī yatte manasi rocate|| svāminī tvaṃ na saṃdeho hyasmākaṃ suṃdarānane

यह सुनकर बलि ने देवी से कहा — "आपके मन में जो रुचे वही कीजिए; हे सुंदरानने, आप ही हमारी स्वामिनी हैं, इसमें कोई संदेह नहीं।"

श्लोक 54 (skanda.1.12.54)

एवं संमानिता तेन बलिना भावितात्मना॥ परिवेषणकार्यार्थं कलशं गृह्य सत्वरा

evaṃ saṃmānitā tena balinā bhāvitātmanā|| pariveṣaṇakāryārthaṃ kalaśaṃ gṛhya satvarā

भावपूर्ण हृदय वाले बलि द्वारा इस प्रकार सम्मानित होकर, वह देवी परोसने के कार्य के लिए शीघ्रता से कलश लेकर —

श्लोक 55 (skanda.1.12.55)

तस्मान्नरेन्द्रकरभोरुलसद्दृकूला श्रोणीतटालसगतिर्मविह्वलांगी॥ सा कूजती कनकनूपुरसिंजितेन कुंभस्तनी कलशपाणिरथाविवेश

tasmānnarendrakarabhorulasaddṛkūlā śroṇītaṭālasagatirmavihvalāṃgī|| sā kūjatī kanakanūpurasiṃjitena kuṃbhastanī kalaśapāṇirathāviveśa

राजहंस-सी गति वाली, सरकते वस्त्र वाली, कमर पर शिथिल आँचल वाली, मंद-मादक चाल वाली, कोमलांगी वह देवी सुवर्ण-नूपुरों की झंकार करती हुई, घट-समान वक्षस्थल वाली, कलश हाथ में लिए वहाँ प्रविष्ट हुई।

श्लोक 56 (skanda.1.12.56)

तदा तु देवी परिवेषयंती सा मोहिनी देवगणाय साक्षात्॥ ववर्ष देवेषु सुधारसं पुनः पुनः सुधाहाररसामृतं यथा

tadā tu devī pariveṣayaṃtī sā mohinī devagaṇāya sākṣāt|| vavarṣa deveṣu sudhārasaṃ punaḥ punaḥ sudhāhārarasāmṛtaṃ yathā

तब वह देवी मोहिनी साक्षात् देवगण को परोसती हुई, बार-बार अमृतरस की वर्षा करने लगी, मानो अमृतमय अन्नरस को उँडेल रही हो।

श्लोक 57 (skanda.1.12.57)

पुनश्च ते देवगणाः सुधारसं दत्तं तया परया विश्वमूर्त्या॥ बलिमुख्याः सह लोकपाला गंधर्वयक्षाप्सरसां गणाश्च

punaśca te devagaṇāḥ sudhārasaṃ dattaṃ tayā parayā viśvamūrtyā|| balimukhyāḥ saha lokapālā gaṃdharvayakṣāpsarasāṃ gaṇāśca

उस परम विश्वरूपा देवी ने पुनः उन देवगणों को अमृतरस दिया — लोकपालों के साथ बलि आदि प्रमुखों को, और गंधर्व-यक्ष-अप्सराओं के समूहों को भी।

श्लोक 58 (skanda.1.12.58)

सर्वे दैत्या आसनस्था पुनश्च ते देवगणाः सुधारसं दत्तं पीडिताश्च॥ तूष्णींभूता बलिमुख्या द्विजेंद्रा मनस्विनो ध्यानपरा बभूवुः

sarve daityā āsanasthā punaśca te devagaṇāḥ sudhārasaṃ dattaṃ pīḍitāśca|| tūṣṇīṃbhūtā balimukhyā dvijeṃdrā manasvino dhyānaparā babhūvuḥ

सभी दैत्य अपने आसनों पर बैठे रहे, जबकि देवगणों को फिर अमृतरस दिया गया; इससे व्यथित होकर बलि आदि श्रेष्ठ द्विजेंद्र चुप, गंभीर और ध्यानमग्न-से हो गए।

श्लोक 59 (skanda.1.12.59)

ततस्तथाविधान्दृष्ट्वा दैत्यांस्तान्मोहमाश्रितान्॥ तदा राहुश्च केतुश्च द्वावेतौ दैत्यपुंगवौ

tatastathāvidhāndṛṣṭvā daityāṃstānmohamāśritān|| tadā rāhuśca ketuśca dvāvetau daityapuṃgavau

उन दैत्यों को इस प्रकार मोहग्रस्त देखकर, तब राहु और केतु — ये दो दैत्यश्रेष्ठ —

श्लोक 60 (skanda.1.12.60)

देवानां रूपमास्थाय अमृतार्थं त्वरान्वितौ॥ उपविष्टौ तदा पङ्क्त्यां देवानाममृतार्थिनौ

devānāṃ rūpamāsthāya amṛtārthaṃ tvarānvitau|| upaviṣṭau tadā paṅktyāṃ devānāmamṛtārthinau

देवताओं का रूप धारण कर, अमृत के लिए अत्यंत उतावले होकर, अमृत की कामना से देवताओं की ही पंक्ति में जा बैठे।

श्लोक 61 (skanda.1.12.61)

यदामृतं पातुकामो राहुः परमदुर्जयः॥ चन्द्रार्काभ्यां प्रकथितो विष्णोरमिततेजसः

yadāmṛtaṃ pātukāmo rāhuḥ paramadurjayaḥ|| candrārkābhyāṃ prakathito viṣṇoramitatejasaḥ

जब अत्यंत दुर्जय राहु अमृत पीने की इच्छा से बैठा, तभी चंद्रमा और सूर्य ने अमित तेजस्वी विष्णु को उसके विषय में बता दिया।

श्लोक 62 (skanda.1.12.62)

तदा तस्य शिरश्छिन्नं राहोर्दुर्विग्रहस्य च॥ शिरो गगनमापेदे कबंधं च महीतले॥ भ्रममाणं तदा ह्यद्रींश्चूर्णयामास वै तदा

tadā tasya śiraśchinnaṃ rāhordurvigrahasya ca|| śiro gaganamāpede kabaṃdhaṃ ca mahītale|| bhramamāṇaṃ tadā hyadrīṃścūrṇayāmāsa vai tadā

तब उस दुर्दम्य राहु का सिर काट दिया गया; उसका सिर आकाश में जा पहुँचा और धड़ पृथ्वी पर गिर पड़ा; घूमता हुआ वह धड़ पर्वतों को भी चूर-चूर करने लगा।

श्लोक 63 (skanda.1.12.63)

साद्रिश्च सर्वभूलोकश्चूर्णितश्च तदाऽभवत्॥ तया तेन च देहेन चूर्णितं सचराचरम्

sādriśca sarvabhūlokaścūrṇitaśca tadā'bhavat|| tayā tena ca dehena cūrṇitaṃ sacarācaram

पर्वतों सहित समस्त भूलोक तब चूर-चूर हो गया; उस देह के आघात से चराचर सृष्टि चूर्ण हो गई।

श्लोक 64 (skanda.1.12.64)

दृष्ट्वा तदा महादेवस्तस्योपरि तु संस्थितः॥ निवासः सर्वदेवानां तस्याः पादतलेऽभवत्

dṛṣṭvā tadā mahādevastasyopari tu saṃsthitaḥ|| nivāsaḥ sarvadevānāṃ tasyāḥ pādatale'bhavat

यह देखकर महादेव उस धड़ के ऊपर जा विराजे; तब से समस्त देवताओं का निवास उन्हीं (पृथ्वी) के चरणतल में हो गया।

श्लोक 65 (skanda.1.12.65)

पीडनं तत्समीपेथ निवास इति नाम वै

pīḍanaṃ tatsamīpetha nivāsa iti nāma vai

उसके समीप का वह दमन ही "निवास" नाम से प्रसिद्ध हुआ।

श्लोक 66 (skanda.1.12.66)

महतामालयं यस्माद्यस्यास्तच्चरणांबुजम्॥ महालयेति विख्याता जगत्त्रयविमोहिनी

mahatāmālayaṃ yasmādyasyāstaccaraṇāṃbujam|| mahālayeti vikhyātā jagattrayavimohinī

जो महापुरुषों का आलय (आश्रय-स्थान) है, वही उसका चरणकमल है — इसीलिए वह त्रिभुवन को मोहित करने वाली देवी "महालया" के नाम से विख्यात हुई।

श्लोक 67 (skanda.1.12.67)

केतुश्च धूमरूपोऽसावाकाशे विलयं गतः॥ सुधां समर्प्य चंद्राय तिरोधानगतोऽभवत्

ketuśca dhūmarūpo'sāvākāśe vilayaṃ gataḥ|| sudhāṃ samarpya caṃdrāya tirodhānagato'bhavat

धूम्ररूप केतु आकाश में विलीन हो गया; चंद्रमा को अमृत अर्पित करके वह अंतर्धान हो गया।

श्लोक 68 (skanda.1.12.68)

वासुदेवो जगद्योनिर्जगतां कारणं परम्॥ विष्णोः प्रसादात्तज्जातं सुराणां कार्यसिद्धिदम्

vāsudevo jagadyonirjagatāṃ kāraṇaṃ param|| viṣṇoḥ prasādāttajjātaṃ surāṇāṃ kāryasiddhidam

वासुदेव जगत के मूल कारण और परम स्रोत हैं; विष्णु की ही कृपा से वह अमृत देवताओं के कार्य की सिद्धि के लिए प्रकट हुआ था।

श्लोक 69 (skanda.1.12.69)

असुराणां विनाशाय जातं दैवविपर्ययात्॥ विना दैवेन जानीध्वमुद्यमो हि निरर्थकः

asurāṇāṃ vināśāya jātaṃ daivaviparyayāt|| vinā daivena jānīdhvamudyamo hi nirarthakaḥ

वह दैवयोग के विपर्यय से असुरों के विनाश के लिए ही उत्पन्न हुआ था; बिना दैव (भाग्य) के हर उद्यम व्यर्थ है, यह जान लीजिए।

श्लोक 70 (skanda.1.12.70)

यौगपद्येन तैः सर्वैः क्षीराब्धेर्मंथनं कृतम्॥ सिद्धिर्जाता हि देवानामसिद्धिरसुरान्प्रति

yaugapadyena taiḥ sarvaiḥ kṣīrābdhermaṃthanaṃ kṛtam|| siddhirjātā hi devānāmasiddhirasurānprati

उन सबने एक साथ मिलकर ही क्षीरसागर का मंथन किया था, फिर भी देवताओं को सिद्धि मिली और असुरों को असिद्धि — ऐसा ही दैव का विधान था।

श्लोक 71 (skanda.1.12.71)

ततश्च ते देववरान्प्रकोपिता दैत्याश्च मायाप्रवि मोहिताः पुनः॥ अनेकशस्त्रास्त्रयुतास्तदाऽभवन्विष्णौ गते गर्जमानास्तदानीम्

tataśca te devavarānprakopitā daityāśca māyāpravi mohitāḥ punaḥ|| anekaśastrāstrayutāstadā'bhavanviṣṇau gate garjamānāstadānīm

तब देवताओं को मिले वरदान से अत्यंत क्रुद्ध और माया से पुनः मोहित हुए दैत्य अनेक शस्त्र-अस्त्र धारण कर, विष्णु के अंतर्धान होते ही, उस समय गरजने लगे।

श्लोक 72 (skanda.1.12.72)

छ ॥

cha ||

(यहाँ अध्याय के अंत में केवल "छ" का मंगल-सूचक समापन-चिह्न अंकित है।)