सती का दक्ष-यज्ञ में अनाहूत गमन

श्लोक 1 (skanda.1.2.1)

॥लोमश उवाच॥ एकदा तु तदा तेन यज्ञः प्रारंभितो महान्॥ तत्राहूतास्तदा सर्वे दीक्षितेन तपस्विना

||lomaśa uvāca|| ekadā tu tadā tena yajñaḥ prāraṃbhito mahān|| tatrāhūtāstadā sarve dīkṣitena tapasvinā

लोमश जी ने कहा — एक बार दीक्षित तपस्वी दक्ष ने एक महान यज्ञ आरम्भ किया, और उस अवसर पर सबको आमंत्रित किया गया।

श्लोक 2 (skanda.1.2.2)

ऋषयो विविधास्तत्र वशिष्ठाद्याः समागताः॥ अगस्त्यः कश्यपोऽत्रिश्च वामदेवस्तथा भृगुः

ṛṣayo vividhāstatra vaśiṣṭhādyāḥ samāgatāḥ|| agastyaḥ kaśyapo'triśca vāmadevastathā bhṛguḥ

वहाँ वशिष्ठ आदि नाना ऋषि एकत्र हुए — अगस्त्य, कश्यप, अत्रि, वामदेव तथा भृगु।

श्लोक 3 (skanda.1.2.3)

दधीचो भगवान्व्यासो भरद्वाजोऽथ गौतमः॥ एते चान्ये च बहवः समाजग्मुर्महर्षयः

dadhīco bhagavānvyāso bharadvājo'tha gautamaḥ|| ete cānye ca bahavaḥ samājagmurmaharṣayaḥ

दधीचि, भगवान व्यास, भरद्वाज तथा गौतम — ये और अनेक अन्य महर्षि भी वहाँ आए।

श्लोक 4 (skanda.1.2.4)

तथा सर्वे सुरगणा लोकपालस्तथाऽपरे विद्याधराश्च गंधर्वाः किंनराप्सरसां गणाः

tathā sarve suragaṇā lokapālastathā'pare vidyādharāśca gaṃdharvāḥ kiṃnarāpsarasāṃ gaṇāḥ

इसी प्रकार समस्त देवगण, लोकपाल तथा अन्य विद्याधर, गंधर्व और किन्नर-अप्सराओं के समूह भी वहाँ पधारे।

श्लोक 5 (skanda.1.2.5)

सप्तलोकात्समानीतो ब्रह्मा लोकपितामहः॥ वैकुंठाच्च तथा विष्णुः समानीतो मरवं प्रति

saptalokātsamānīto brahmā lokapitāmahaḥ|| vaikuṃṭhācca tathā viṣṇuḥ samānīto maravaṃ prati

लोकपितामह ब्रह्मा को सत्यलोक से लाया गया, और वैकुण्ठ से विष्णु को भी यज्ञस्थल पर लाया गया।

श्लोक 6 (skanda.1.2.6)

देवेन्द्रो हि समानीत इंद्राण्या सह सुप्रभः॥ तथा चंद्रो हि रोहिण्या वरुणः प्रिययया सह

devendro hi samānīta iṃdrāṇyā saha suprabhaḥ|| tathā caṃdro hi rohiṇyā varuṇaḥ priyayayā saha

परम तेजस्वी देवेन्द्र को इन्द्राणी सहित लाया गया, तथा चन्द्रमा को रोहिणी सहित और वरुण को अपनी प्रिया सहित।

श्लोक 7 (skanda.1.2.7)

कुबेरः पुष्पकारूढो मृगाऽरूढोऽथ मारुतः॥ बस्ताऽरूढः पावकश्च प्रेताऽरूढोऽथ निर्ऋति

kuberaḥ puṣpakārūḍho mṛgā'rūḍho'tha mārutaḥ|| bastā'rūḍhaḥ pāvakaśca pretā'rūḍho'tha nirṛti

कुबेर पुष्पक विमान पर, वायु मृग पर, अग्नि बकरे पर, और निर्ऋति प्रेत पर आरूढ़ होकर आए।

श्लोक 8 (skanda.1.2.8)

एते सर्वे समायाता यज्ञवाटे द्विजन्मनः॥ ते सर्वे सत्कृतास्तेन दक्षेण च दुरात्मना

ete sarve samāyātā yajñavāṭe dvijanmanaḥ|| te sarve satkṛtāstena dakṣeṇa ca durātmanā

ये सभी द्विजगण यज्ञवाट में एकत्र हुए, और उस दुरात्मा दक्ष ने उन सबका सत्कार किया।

श्लोक 9 (skanda.1.2.9)

भवनानि महार्हाणि सुप्रभाणि महांति च॥ त्वष्ट्रा कृतानि दिव्यानि कौशल्येन महात्मना

bhavanāni mahārhāṇi suprabhāṇi mahāṃti ca|| tvaṣṭrā kṛtāni divyāni kauśalyena mahātmanā

वहाँ महात्मा त्वष्टा के बनाए हुए अत्यंत मूल्यवान, दिव्य एवं भव्य भवन थे, जो अपनी कुशलता से रचे गए थे।

श्लोक 10 (skanda.1.2.10)

तेषु सर्वेषु धिष्ण्येषु यथाजोषं समास्थिताः

teṣu sarveṣu dhiṣṇyeṣu yathājoṣaṃ samāsthitāḥ

उन सभी भवनों में सब लोग अपनी-अपनी इच्छानुसार ठहर गए।

श्लोक 11 (skanda.1.2.11)

वर्त्तमाने महायज्ञे तीर्थे कनखले तथा॥ ऋत्विजश्च कृतास्तेन भृग्वाद्याश्च तपोधनाः

varttamāne mahāyajñe tīrthe kanakhale tathā|| ṛtvijaśca kṛtāstena bhṛgvādyāśca tapodhanāḥ

उस महायज्ञ के कनखल तीर्थ में चलते रहने पर, दक्ष ने भृगु आदि तपोधन ऋषियों को ऋत्विक् नियुक्त किया।

श्लोक 12 (skanda.1.2.12)

दीक्षायुक्तस्तदा दक्षः कृतकौतुकमंगलः॥ भार्यया सहितो विप्रैः कृतस्वत्ययनो भृशम्

dīkṣāyuktastadā dakṣaḥ kṛtakautukamaṃgalaḥ|| bhāryayā sahito vipraiḥ kṛtasvatyayano bhṛśam

दीक्षा-युक्त दक्ष ने मंगल-कौतुक कर्म पूर्ण किए और अपनी पत्नी सहित ब्राह्मणों द्वारा पूर्ण स्वस्त्ययन करवाया।

श्लोक 13 (skanda.1.2.13)

रेजे महत्त्वेन तदा सुहृद्भिः परितः सदा॥ एतस्मिन्नंतरे तत्र दधीचिर्वाक्यमब्रवीत्

reje mahattvena tadā suhṛdbhiḥ paritaḥ sadā|| etasminnaṃtare tatra dadhīcirvākyamabravīt

वह सर्वदा मित्रों से घिरा हुआ अपनी महिमा में शोभायमान हो रहा था। इसी बीच वहाँ दधीचि ने यह वचन कहा।

श्लोक 14 (skanda.1.2.14)

॥दधीचिरुवाच॥ एते सुरेशा ऋषयो महत्तराः सलोकपालाश्च समागतास्तव॥ तथाऽपि यज्ञस्तु न शोभते भृशंपिनाकिना तेन महात्मना विना

||dadhīciruvāca|| ete sureśā ṛṣayo mahattarāḥ salokapālāśca samāgatāstava|| tathā'pi yajñastu na śobhate bhṛśaṃpinākinā tena mahātmanā vinā

दधीचि ने कहा — आपके लिए देवताओं के स्वामी, बड़े-बड़े ऋषि तथा लोकपाल सभी एकत्र हुए हैं; तथापि वह पिनाकधारी महात्मा शिव के बिना यह यज्ञ कदापि शोभा नहीं पाता।

श्लोक 15 (skanda.1.2.15)

येनैव सर्वाण्यपि मंगलानि जातानि शंसंति महाविपश्चितः॥ सोऽसौ न दृष्टोऽत्र पुमान्पुराणो वृषध्वजो नीलकण्ठः कपर्दी

yenaiva sarvāṇyapi maṃgalāni jātāni śaṃsaṃti mahāvipaścitaḥ|| so'sau na dṛṣṭo'tra pumānpurāṇo vṛṣadhvajo nīlakaṇṭhaḥ kapardī

महान विद्वान कहते हैं कि जिनके कारण ही समस्त मंगल उत्पन्न होते हैं, वह पुरातन पुरुष, वृषभध्वज, नीलकंठ, जटाधारी शिव यहाँ दिखाई नहीं देते।

श्लोक 16 (skanda.1.2.16)

अमंगलान्येव च मंगलानि भवंति येनाधिकृतानि दक्ष॥ त्रियंबकेनाथ सुमंगलानि भवंति सद्योह्यपमंगलानि

amaṃgalānyeva ca maṃgalāni bhavaṃti yenādhikṛtāni dakṣa|| triyaṃbakenātha sumaṃgalāni bhavaṃti sadyohyapamaṃgalāni

हे दक्ष! जिनके अधिकार से अमंगल भी मंगल बन जाता है, उन त्रिनेत्र त्र्यम्बक के कारण ही उत्तम मंगल भी तत्काल अमंगल में बदल सकता है।

श्लोक 17 (skanda.1.2.17)

तस्मात्त्वयैव कर्तव्यमाह्वानं परमेष्ठिना॥ त्वरितं चैव शक्रेण विष्णुना प्रभविष्णुना

tasmāttvayaiva kartavyamāhvānaṃ parameṣṭhinā|| tvaritaṃ caiva śakreṇa viṣṇunā prabhaviṣṇunā

इसलिए आपको स्वयं ही, शीघ्रतापूर्वक, शक्र और प्रभावशाली विष्णु के साथ उनका आह्वान करना चाहिए।

श्लोक 18 (skanda.1.2.18)

सर्वैरेव हि गंतव्यं यत्र देवो महेश्वरः

sarvaireva hi gaṃtavyaṃ yatra devo maheśvaraḥ

जहाँ देव महेश्वर विराजमान हैं, वहाँ सबको ही जाना चाहिए।

श्लोक 19 (skanda.1.2.19)

दाक्षायण्या समेतं तमानयध्वं त्वरान्विताः॥ तेन सर्वं पवित्रं स्याच्छंभुना योगिना भृशम्

dākṣāyaṇyā sametaṃ tamānayadhvaṃ tvarānvitāḥ|| tena sarvaṃ pavitraṃ syācchaṃbhunā yoginā bhṛśam

शीघ्रतापूर्वक दाक्षायणी सहित उन्हें यहाँ लाइए; इससे यह सारा यज्ञ योगी शंभु के कारण अत्यंत पवित्र हो जाएगा।

श्लोक 20 (skanda.1.2.20)

यस्य स्मृत्या च नामोक्त्या समग्रं सुकृतं भवेत्॥ तस्मात्सर्वप्रयत्नेन समानेयो वृषध्वजः

yasya smṛtyā ca nāmoktyā samagraṃ sukṛtaṃ bhavet|| tasmātsarvaprayatnena samāneyo vṛṣadhvajaḥ

जिनके स्मरण मात्र और नाम-उच्चारण से ही सम्पूर्ण पुण्य प्राप्त हो जाता है, उन वृषभध्वज को हर प्रयत्न से यहाँ लाना चाहिए।

श्लोक 21 (skanda.1.2.21)

तस्य तद्वचनं श्रुत्वा प्रहसन्नाह दुष्टधीः॥ मूलं विष्णुर्हि देवानां यत्र धर्मः सनातनः

tasya tadvacanaṃ śrutvā prahasannāha duṣṭadhīḥ|| mūlaṃ viṣṇurhi devānāṃ yatra dharmaḥ sanātanaḥ

उसका यह वचन सुनकर उस दुष्टबुद्धि दक्ष ने हँसते हुए कहा — देवताओं का मूल तो विष्णु ही हैं, जिनमें सनातन धर्म प्रतिष्ठित है।

श्लोक 22 (skanda.1.2.22)

यस्मिन्वेदाश्च यज्ञाश्च कर्माणिविविधानि च॥ प्रतिष्ठितानि सर्वाणि सोऽसौ विष्णुरिहागतः

yasminvedāśca yajñāśca karmāṇivividhāni ca|| pratiṣṭhitāni sarvāṇi so'sau viṣṇurihāgataḥ

जिनमें वेद, यज्ञ और नाना कर्म — सब कुछ प्रतिष्ठित है, वही विष्णु यहाँ पधारे हैं।

श्लोक 23 (skanda.1.2.23)

सत्यलोकात्समायातो ब्रह्मा लोकपितामहः॥ वेदैश्चोपनिषद्भिश्च आगमैर्विविधैः सह

satyalokātsamāyāto brahmā lokapitāmahaḥ|| vedaiścopaniṣadbhiśca āgamairvividhaiḥ saha

लोकपितामह ब्रह्मा वेदों, उपनिषदों और नाना आगमों के साथ सत्यलोक से पधारे हैं।

श्लोक 24 (skanda.1.2.24)

तथा सुरगणैः साकमागतः सुरराट् स्वयम्॥ तथा यूयं समायाता ऋषयो वीतकल्मषाः

tathā suragaṇaiḥ sākamāgataḥ surarāṭ svayam|| tathā yūyaṃ samāyātā ṛṣayo vītakalmaṣāḥ

इसी प्रकार देवराज स्वयं देवगणों सहित पधारे हैं, और आप निष्पाप ऋषि भी सभी यहाँ पधारे हैं।

श्लोक 25 (skanda.1.2.25)

येये यज्ञोचिताः शांतास्तेते सर्वे समागताः॥ वेदवेदार्थतत्त्वज्ञाः सर्वे यूयं दृढव्रताः

yeye yajñocitāḥ śāṃtāstete sarve samāgatāḥ|| vedavedārthatattvajñāḥ sarve yūyaṃ dṛḍhavratāḥ

जो-जो शांतस्वभाव यज्ञ के योग्य थे, वे सब यहाँ एकत्र हुए हैं; आप सब वेद और वेदार्थ के तत्त्वज्ञ, दृढ़व्रत हैं।

श्लोक 26 (skanda.1.2.26)

अत्रैव च किमस्माकं रुद्रेणापि प्रयोजनम्.॥ कन्या दत्ता मया विप्रा ब्रह्मणा नोदितेन हि

atraiva ca kimasmākaṃ rudreṇāpi prayojanam.|| kanyā dattā mayā viprā brahmaṇā noditena hi

फिर यहाँ हमें रुद्र से क्या प्रयोजन? हे विप्रो! मेरी कन्या तो ब्रह्मा जी के कहने पर ही, न कि अपनी इच्छा से, मैंने उसे दी थी।

श्लोक 27 (skanda.1.2.27)

अकुलीनो ह्यसौ विप्रा नष्टो नष्टप्रियः सदा॥ भूतप्रेतपिशाचानां पतिरेको दुरत्ययः

akulīno hyasau viprā naṣṭo naṣṭapriyaḥ sadā|| bhūtapretapiśācānāṃ patireko duratyayaḥ

हे विप्रो! वह कुलहीन है, सदा अशुभ और अशुभप्रिय है, भूत-प्रेत-पिशाचों का दुर्गम अधिपति मात्र है।

श्लोक 28 (skanda.1.2.28)

आत्मसंभावितो मूढःस्तब्धो मौनी समत्सरः॥ कर्मण्यस्मिन्नयोग्योऽसौ नानीतो हि मयाऽधुना

ātmasaṃbhāvito mūḍhaḥstabdho maunī samatsaraḥ|| karmaṇyasminnayogyo'sau nānīto hi mayā'dhunā

आत्मश्लाघी, मूढ़, हठी, मौनी और ईर्ष्यालु — वह इस कर्म के अयोग्य है, इसीलिए मैंने अभी उसे नहीं बुलाया।

श्लोक 29 (skanda.1.2.29)

तस्मात्त्वया न वक्तव्यं पुनरेवं वचोद्विज॥ सर्वैर्भवद्भिः कर्तव्यो यज्ञो मे सफलो महान्

tasmāttvayā na vaktavyaṃ punarevaṃ vacodvija|| sarvairbhavadbhiḥ kartavyo yajño me saphalo mahān

इसलिए, हे द्विज, आप फिर से ऐसी बात न कहें; आप सभी मिलकर मेरे इस महान यज्ञ को सफल बनाएँ।

श्लोक 30 (skanda.1.2.30)

एतच्छ्रुत्वा वचस्तस्य दधीचिर्वाक्यमब्रवीत्

etacchrutvā vacastasya dadhīcirvākyamabravīt

उसके ये वचन सुनकर दधीचि ने यह उत्तर दिया।

श्लोक 31 (skanda.1.2.31)

॥दधीचिरुवाच॥ सर्वेषामृषिवर्याणां सुराणां भावितात्मनाम्॥ अनयोऽयं महाञ्जातो विना तेन महात्मना

||dadhīciruvāca|| sarveṣāmṛṣivaryāṇāṃ surāṇāṃ bhāvitātmanām|| anayo'yaṃ mahāñjāto vinā tena mahātmanā

दधीचि ने कहा — उस महात्मा के बिना इन समस्त श्रेष्ठ ऋषियों और पवित्र-अंतःकरण देवताओं पर बड़ा भारी अनर्थ आ पड़ा है।

श्लोक 32 (skanda.1.2.32)

विनाशोऽपि महान्सद्योह्यत्रत्यानां भविष्यति॥ एवमुक्त्वा दधीचोऽसावेक एव विनिर्गतः

vināśo'pi mahānsadyohyatratyānāṃ bhaviṣyati|| evamuktvā dadhīco'sāveka eva vinirgataḥ

यहाँ उपस्थित सबका शीघ्र ही महाविनाश भी होगा। ऐसा कहकर दधीचि अकेले ही वहाँ से चले गए।

श्लोक 33 (skanda.1.2.33)

यज्ञवाटाच्च दक्षस्य त्वरितः स्वाश्रमं ययौ॥ मुनौ विनिर्गते दक्षः प्रहसन्निदमब्रवीत्

yajñavāṭācca dakṣasya tvaritaḥ svāśramaṃ yayau|| munau vinirgate dakṣaḥ prahasannidamabravīt

वे दक्ष के यज्ञवाट से शीघ्र ही अपने आश्रम को चले गए। मुनि के चले जाने पर दक्ष हँसते हुए यह बोला।

श्लोक 34 (skanda.1.2.34)

गतः शिवप्रियो वीरो दधीचिर्नाम नामतः॥ आविष्टचित्ता मंदाश्च मिथ्यावादरताः खलाः

gataḥ śivapriyo vīro dadhīcirnāma nāmataḥ|| āviṣṭacittā maṃdāśca mithyāvādaratāḥ khalāḥ

"शिवभक्त वीर दधीचि नामक यह मुनि चला गया — मन से आविष्ट, मंदबुद्धि, मिथ्यावाद में रत, दुष्ट।

श्लोक 35 (skanda.1.2.35)

वेदबाह्य दुराचारास्त्याज्यास्ते ह्यत्र कर्मणि॥ वेदवादरता यूयं सर्वे विष्णुपुरोगमाः

vedabāhya durācārāstyājyāste hyatra karmaṇi|| vedavādaratā yūyaṃ sarve viṣṇupurogamāḥ

जो वेद से बाह्य और दुराचारी हैं, वे इस कर्म में त्याज्य हैं; आप सब तो विष्णु को अग्रणी मानने वाले, वेदवाद में रत हैं।

श्लोक 36 (skanda.1.2.36)

यज्ञं मे सफलं विप्राः कुर्वंतु ह्यचिरादिव॥ तदा ते देवयजनं चक्रुः सर्वे सहर्षयः

yajñaṃ me saphalaṃ viprāḥ kurvaṃtu hyacirādiva|| tadā te devayajanaṃ cakruḥ sarve saharṣayaḥ

हे विप्रो! मेरे इस यज्ञ को शीघ्र ही सफल कीजिए। तब उन सब ऋषियों ने मिलकर देवपूजन आरम्भ किया।

श्लोक 37 (skanda.1.2.37)

एतस्मिन्नंतरे तत्र पर्वते गंधमादने॥ धारागृहे विमानेन सखीभिः परिवारिता

etasminnaṃtare tatra parvate gaṃdhamādane|| dhārāgṛhe vimānena sakhībhiḥ parivāritā

इसी बीच गंधमादन पर्वत पर, अपने विमान में स्थित जलधारागृह में, सखियों से घिरी हुई —

श्लोक 38 (skanda.1.2.38)

दाक्षायणी महादेवी चकार विविधास्तदा॥ क्रीडा विमानमध्यस्ता कन्दुकाद्याः सहस्रशः

dākṣāyaṇī mahādevī cakāra vividhāstadā|| krīḍā vimānamadhyastā kandukādyāḥ sahasraśaḥ

महादेवी दाक्षायणी उस समय विमान के मध्य बैठी हुई गेंद आदि से सहस्रों प्रकार की क्रीड़ाएँ कर रही थीं।

श्लोक 39 (skanda.1.2.39)

क्रीडासक्ता तदा देवी ददर्शाथ महासती॥ यज्ञं प्रयांतं सोमं च रोहिण्या सहितं प्रभुम्

krīḍāsaktā tadā devī dadarśātha mahāsatī|| yajñaṃ prayāṃtaṃ somaṃ ca rohiṇyā sahitaṃ prabhum

क्रीड़ा में लीन उस महासती देवी ने तभी चन्द्रमा को रोहिणी सहित यज्ञ की ओर जाते हुए देखा।

श्लोक 40 (skanda.1.2.40)

क्व गमिष्यति चंद्रोऽयं विजये पृच्छ सत्वरम्॥ तयोक्ता विजया देवी तं पप्रच्छ यथोचितम्

kva gamiṣyati caṃdro'yaṃ vijaye pṛccha satvaram|| tayoktā vijayā devī taṃ papraccha yathocitam

"यह चन्द्रमा कहाँ जा रहा है, हे विजया, शीघ्र पूछो।" इस प्रकार कहे जाने पर विजया देवी ने उचित रीति से उससे पूछा।

श्लोक 41 (skanda.1.2.41)

कथितं तेन तत्सर्वं दक्षस्यैव मखादिकम्॥ तच्छ्रुत्वा त्वरिता देवी विजया जातसंभ्रमा॥ कथयामास तत्सर्वं यदुक्तं शशिना भृशम्

kathitaṃ tena tatsarvaṃ dakṣasyaiva makhādikam|| tacchrutvā tvaritā devī vijayā jātasaṃbhramā|| kathayāmāsa tatsarvaṃ yaduktaṃ śaśinā bhṛśam

उसने दक्ष के उस यज्ञ की सारी बात बता दी। यह सुनकर व्याकुल हुई विजया देवी ने तुरंत ही चन्द्रमा द्वारा कहा गया सब कुछ ज्यों का त्यों सुना दिया।

श्लोक 42 (skanda.1.2.42)

विमृश्य कारणं देवी किमाह्वानं करोति न॥ दक्षः पिता मे माता च विस्मृता मां कुतोऽधुना

vimṛśya kāraṇaṃ devī kimāhvānaṃ karoti na|| dakṣaḥ pitā me mātā ca vismṛtā māṃ kuto'dhunā

कारण पर विचार करती हुई देवी ने सोचा — "वे आह्वान क्यों नहीं करते? दक्ष मेरे पिता हैं और उनकी पत्नी मेरी माता — फिर मुझे क्यों भुला दिया गया?"

श्लोक 43 (skanda.1.2.43)

पृच्छामि शंकरं चाद्य कारणं कृतनिश्चया॥ स्थापयित्वा सखीस्तत्र आगता शंकरं प्रति

pṛcchāmi śaṃkaraṃ cādya kāraṇaṃ kṛtaniścayā|| sthāpayitvā sakhīstatra āgatā śaṃkaraṃ prati

"मैं आज ही शंकर से इसका कारण पूछूँगी" — यह निश्चय करके, अपनी सखियों को वहीं ठहराकर, वे शंकर के पास आईं।

श्लोक 44 (skanda.1.2.44)

ददर्शतं सभामध्ये त्रिलोचनमवस्थितम्॥ गणैः परिवृतं सर्वैश्चंडमुंडादिभिस्तदा

dadarśataṃ sabhāmadhye trilocanamavasthitam|| gaṇaiḥ parivṛtaṃ sarvaiścaṃḍamuṃḍādibhistadā

उन्होंने सभा के मध्य विराजमान त्रिलोचन को देखा, जो चण्ड-मुण्ड आदि समस्त गणों से घिरे हुए थे।

श्लोक 45 (skanda.1.2.45)

बाणो भृंगिस्तथा नंदी शैलादो हि महातपाः॥ महाकालो महाचंडो महामुंडो महाशिराः

bāṇo bhṛṃgistathā naṃdī śailādo hi mahātapāḥ|| mahākālo mahācaṃḍo mahāmuṃḍo mahāśirāḥ

बाण, भृंगी, नंदी, महातपस्वी शैलाद, महाकाल, महाचंड, महामुंड, महाशिरा,

श्लोक 46 (skanda.1.2.46)

धूम्राक्षो धूम्रकेतुश्च धूम्रपादस्तथैव च॥ एते चान्ये च बहवो गणा रुद्रानुवर्तिनः

dhūmrākṣo dhūmraketuśca dhūmrapādastathaiva ca|| ete cānye ca bahavo gaṇā rudrānuvartinaḥ

धूम्राक्ष, धूम्रकेतु और धूम्रपाद भी — ये और अनेक अन्य गण रुद्र के अनुयायी वहाँ उपस्थित थे।

श्लोक 47 (skanda.1.2.47)

केचिद्भयानका रौद्राः कबंधाश्च तथा परे॥ विलोचनाश्च केचिच्च वक्षोहीनास्तथा परे

kecidbhayānakā raudrāḥ kabaṃdhāśca tathā pare|| vilocanāśca kecicca vakṣohīnāstathā pare

कुछ अत्यंत भयानक और रौद्र, कुछ कबंध रूप, कुछ एक नेत्र वाले, तो कुछ वक्षरहित —

श्लोक 48 (skanda.1.2.48)

एवंभूताश्च शतशः सर्वे ते कृत्तिवाससः॥ जटाकलापसंभूषाः सर्वे रुद्राक्षभूषणाः

evaṃbhūtāśca śataśaḥ sarve te kṛttivāsasaḥ|| jaṭākalāpasaṃbhūṣāḥ sarve rudrākṣabhūṣaṇāḥ

इस प्रकार के सैकड़ों गण मृगचर्म धारण किए, जटाजूट से सुसज्जित, सभी रुद्राक्ष के आभूषणों से विभूषित थे।

श्लोक 49 (skanda.1.2.49)

जितेंद्रिया वीतरागाः सर्वे विषयवैरिणः॥ एभिः सर्वैः परिवृतः शंकरो लोकशंकरः॥ दृष्टस्तया उपाविष्ट आसने परामाद्भुते

jiteṃdriyā vītarāgāḥ sarve viṣayavairiṇaḥ|| ebhiḥ sarvaiḥ parivṛtaḥ śaṃkaro lokaśaṃkaraḥ|| dṛṣṭastayā upāviṣṭa āsane parāmādbhute

जितेन्द्रिय, वीतराग, समस्त विषयों के शत्रु — इन सबसे घिरे हुए लोककल्याणकारी शंकर को उन्होंने एक अत्यंत अद्भुत आसन पर विराजमान देखा।

श्लोक 50 (skanda.1.2.50)

आक्षिप्तचित्ता सहसा जगाम शिवसंनिधिम्॥ शिवेन स्थापिता स्वांके प्रीतियुक्तेन वल्लभा

ākṣiptacittā sahasā jagāma śivasaṃnidhim|| śivena sthāpitā svāṃke prītiyuktena vallabhā

मन के आवेग में सहसा वे शिव के समीप पहुँच गईं; प्रेमपूर्ण शिव ने अपनी प्रिया को अपनी गोद में बिठा लिया।

श्लोक 51 (skanda.1.2.51)

प्रेम्णोदिता वचोभिः सा बहुमानपुरःसरम्॥ किमागमनकार्यंमे वद शीघ्रं सुमध्यमे

premṇoditā vacobhiḥ sā bahumānapuraḥsaram|| kimāgamanakāryaṃme vada śīghraṃ sumadhyame

प्रेमभरे, सम्मानपूर्ण वचनों से प्रेरित होकर उन्होंने कहा — "हे सुमध्यमे, शीघ्र बताओ, यहाँ आने का कारण क्या है?"

श्लोक 52 (skanda.1.2.52)

एवमुक्ता तदा तेन उवाचासितलोचना

evamuktā tadā tena uvācāsitalocanā

इस प्रकार पूछे जाने पर उस कज्जल-नेत्री देवी ने कहा।

श्लोक 53 (skanda.1.2.53)

॥सत्युवाच॥ पितुर्मम महायज्ञे कस्मात्तव न रोचते॥ गमनं देवदेवश तत्सर्वं कथय प्रभो

||satyuvāca|| piturmama mahāyajñe kasmāttava na rocate|| gamanaṃ devadevaśa tatsarvaṃ kathaya prabho

सती ने कहा — "हे देवाधिदेव, मेरे पिता के महायज्ञ में जाना आपको क्यों नहीं भाता? हे प्रभु, यह सब मुझे बताइए।"

श्लोक 54 (skanda.1.2.54)

सुहृदामेष वै धर्मः सुहृद्भिः सह संगतिम्॥ कुर्वंति यन्महादेव सुहृदां प्रीतिवर्धिनीम्

suhṛdāmeṣa vai dharmaḥ suhṛdbhiḥ saha saṃgatim|| kurvaṃti yanmahādeva suhṛdāṃ prītivardhinīm

"हे महादेव! मित्रों का यही धर्म है कि वे मित्रों के साथ ऐसा संग करें जो परस्पर प्रेम को बढ़ाने वाला हो।"

श्लोक 55 (skanda.1.2.55)

तसमात्सर्वप्रयत्नेन अनाहूतोऽपि गच्छ भोः॥ यज्ञवाटं पितुर्मेऽद्य वचनान्मे सदाशिव

tasamātsarvaprayatnena anāhūto'pi gaccha bhoḥ|| yajñavāṭaṃ piturme'dya vacanānme sadāśiva

"इसलिए, हे सदाशिव, मेरे वचन से आज बिना बुलाए भी हर प्रयत्न से मेरे पिता के यज्ञवाट में चलिए।"

श्लोक 56 (skanda.1.2.56)

तस्यास्तद्वचनं श्रुत्वा ब भाषे सूनृतं वचः॥ त्वया भद्रे न गंतव्यं दक्षस्य यजनं प्रति

tasyāstadvacanaṃ śrutvā ba bhāṣe sūnṛtaṃ vacaḥ|| tvayā bhadre na gaṃtavyaṃ dakṣasya yajanaṃ prati

उसका यह वचन सुनकर उन्होंने सत्य और मधुर वचन कहा — "हे भद्रे! तुम्हें दक्ष के यज्ञ में नहीं जाना चाहिए।"

श्लोक 57 (skanda.1.2.57)

तस्य ये मानिनः सर्वे ससुरासुकिंनराः॥ ते स्रेव यजनं प्राप्ताः पितुस्तव न संशयः

tasya ye māninaḥ sarve sasurāsukiṃnarāḥ|| te sreva yajanaṃ prāptāḥ pitustava na saṃśayaḥ

"जो देव, दानव और किन्नर वहाँ सम्मानित हैं, वे सब वहाँ केवल आमंत्रण पाकर ही तुम्हारे पिता के यज्ञ में पहुँचे हैं, इसमें संशय नहीं।"

श्लोक 58 (skanda.1.2.58)

अनाहूताश्च ये सुभ्रु गच्छंति परमन्दिरम्॥ अपमानं प्राप्नुवन्ति मरणादधिकं ततः

anāhūtāśca ye subhru gacchaṃti paramandiram|| apamānaṃ prāpnuvanti maraṇādadhikaṃ tataḥ

"हे सुभ्रु! जो बिना बुलाए दूसरे के घर जाते हैं, उन्हें मृत्यु से भी बढ़कर अपमान प्राप्त होता है।"

श्लोक 59 (skanda.1.2.59)

परेषां मंदिरं प्राप्त इंद्रोपि लघुतां व्रजेत्॥ तस्मात्त्वाया न गंतव्यं दक्षस्य यजनं शुभे

pareṣāṃ maṃdiraṃ prāpta iṃdropi laghutāṃ vrajet|| tasmāttvāyā na gaṃtavyaṃ dakṣasya yajanaṃ śubhe

"दूसरे के घर पहुँचकर तो इन्द्र भी लघुता को प्राप्त हो सकते हैं; इसलिए, हे शुभे, तुम्हें दक्ष के यज्ञ में नहीं जाना चाहिए।"

श्लोक 60 (skanda.1.2.60)

एवमुक्ता सती तेन महेशेन महात्मना॥ उवाच रोषसंयुक्तं वाक्यं वाक्यविदां वरा

evamuktā satī tena maheśena mahātmanā|| uvāca roṣasaṃyuktaṃ vākyaṃ vākyavidāṃ varā

महात्मा महेश द्वारा यह कहे जाने पर, वाणी-विदुषियों में श्रेष्ठ सती ने रोषयुक्त वचन कहा।

श्लोक 61 (skanda.1.2.61)

यज्ञो हि सत्यं लोके त्वं स त्वं देववरेश्वर॥ अनाहूतोऽसि तेनाद्य पित्रा मे दृष्टचारिणा॥ तत्सर्वं ज्ञातुमिच्छामि तस्य भावं दुरात्मनः

yajño hi satyaṃ loke tvaṃ sa tvaṃ devavareśvara|| anāhūto'si tenādya pitrā me dṛṣṭacāriṇā|| tatsarvaṃ jñātumicchāmi tasya bhāvaṃ durātmanaḥ

"हे देवाधिदेव! यज्ञ ही इस लोक का सत्य है, और वह यज्ञस्वरूप आप स्वयं ही हैं; फिर भी मेरे दुराचारी पिता ने आज आपको ही आमंत्रित नहीं किया — मैं उस दुरात्मा का यह सारा अभिप्राय जानना चाहती हूँ।"

श्लोक 62 (skanda.1.2.62)

तस्माच्चाद्यैव गच्छामि यज्ञवाडं पितुर्म्मम॥ अनुज्ञां देहि मे नाथ देवदेव जगत्पते

tasmāccādyaiva gacchāmi yajñavāḍaṃ piturmmama|| anujñāṃ dehi me nātha devadeva jagatpate

"इसलिए मैं आज ही अपने पिता के यज्ञवाट को जाऊँगी; हे नाथ, हे देवाधिदेव, हे जगत्पते, मुझे आज्ञा दीजिए।"

श्लोक 63 (skanda.1.2.63)

इत्युक्तो भगवान्रुद्रस्तया देव्या शिवः स्वयम्॥ विज्ञाताखिलदृग्द्रष्टा भगवान्भूतभावनः

ityukto bhagavānrudrastayā devyā śivaḥ svayam|| vijñātākhiladṛgdraṣṭā bhagavānbhūtabhāvanaḥ

उस देवी द्वारा इस प्रकार कहे जाने पर, समस्त द्रष्टा, भूतों को जन्म देने वाले भगवान रुद्र शिव स्वयं —

श्लोक 64 (skanda.1.2.64)

स तामुवाच देवेशो महेशः सर्वसिद्धिदः॥ गच्छ देवि त्वरायुक्ता वचनान्मम सुव्रते

sa tāmuvāca deveśo maheśaḥ sarvasiddhidaḥ|| gaccha devi tvarāyuktā vacanānmama suvrate

उन देवेश, सर्वसिद्धिदाता महेश ने उससे कहा — "हे सुव्रते देवी, मेरे वचन से शीघ्रतापूर्वक जाओ।"

श्लोक 65 (skanda.1.2.65)

एतं नंदिनमारुह्य नानाविधगणान्विता॥ गणाः षष्टिसहस्राणि जग्मूरौद्राः शिवज्ञया

etaṃ naṃdinamāruhya nānāvidhagaṇānvitā|| gaṇāḥ ṣaṣṭisahasrāṇi jagmūraudrāḥ śivajñayā

इस नंदी पर सवार होकर, नाना प्रकार के गणों से युक्त हो, शिव की आज्ञा से साठ हजार रौद्र गण चल पड़े।

श्लोक 66 (skanda.1.2.66)

तैर्गणैः संवृता देवी जगाम पितृमंदिरम्॥ निरीक्ष्य तद्बलं सर्वं महादेवोतिविस्मितः

tairgaṇaiḥ saṃvṛtā devī jagāma pitṛmaṃdiram|| nirīkṣya tadbalaṃ sarvaṃ mahādevotivismitaḥ

उन गणों से घिरी हुई देवी अपने पितृगृह की ओर गईं। उस सारी सेना को देखकर महादेव भी अत्यंत विस्मित हुए।

श्लोक 67 (skanda.1.2.67)

भूषणानि महार्हाणि तेभ्यो देव्यै परंतपः॥ प्रेषयामास चाव्यग्रो महादेवोऽनु पृष्ठतः

bhūṣaṇāni mahārhāṇi tebhyo devyai paraṃtapaḥ|| preṣayāmāsa cāvyagro mahādevo'nu pṛṣṭhataḥ

उन शत्रुतापी महादेव ने अविचलित रहकर देवी के लिए मूल्यवान आभूषण भी उनके पीछे भिजवाए।

श्लोक 68 (skanda.1.2.68)

देव्या गतं वै स्वपितुर्गृहं तदा विमृश्य सर्वं भगवान्महेशः॥ दाक्षायणी पित्रवमानिता सती न यास्यतीति स्वपुरं पुनर्जगौ

devyā gataṃ vai svapiturgṛhaṃ tadā vimṛśya sarvaṃ bhagavānmaheśaḥ|| dākṣāyaṇī pitravamānitā satī na yāsyatīti svapuraṃ punarjagau

देवी के अपने पिता के घर चले जाने पर, भगवान महेश ने सब कुछ विचार करके अपने नगर में यह घोषणा की — "पिता द्वारा अपमानित की गई सती दाक्षायणी अब लौटकर नहीं आएँगी।"