माहेश्वर खण्ड · अध्याय 3
वीरभद्र का प्रादुर्भाव
श्लोक 1 (skanda.1.3.1)
॥लोमश उवाच॥ दाक्षायणी गता तत्र यत्र यज्ञो महानभूत्॥ तत्पितुः सदनं गत्वा ना नाश्चर्यसमन्वितम्
||lomaśa uvāca|| dākṣāyaṇī gatā tatra yatra yajño mahānabhūt|| tatpituḥ sadanaṃ gatvā nā nāścaryasamanvitam
लोमश जी ने कहा — दाक्षायणी वहाँ गईं जहाँ वह महान यज्ञ हो रहा था; अपने पिता के घर पहुँचकर उन्होंने बड़े आश्चर्य से भरा दृश्य देखा।
श्लोक 2 (skanda.1.3.2)
द्वारि स्थिता तदा देवा अवतीर्य निजासनात्॥ नंदिनो हि महाभागा देवलोकं निरीक्ष्य च
dvāri sthitā tadā devā avatīrya nijāsanāt|| naṃdino hi mahābhāgā devalokaṃ nirīkṣya ca
द्वार पर खड़े देवगण अपने-अपने आसनों से उतर आए; उस अत्यंत भाग्यशाली देवी ने उस देवलोक-सदृश दृश्य को देखा।
श्लोक 3 (skanda.1.3.3)
मातरं पितरं दृष्ट्वा सुहृत्संबंधि वांधवान्॥ अभिवाद्यैव पिरतं मातरं च मुदान्विता
mātaraṃ pitaraṃ dṛṣṭvā suhṛtsaṃbaṃdhi vāṃdhavān|| abhivādyaiva pirataṃ mātaraṃ ca mudānvitā
अपनी माता-पिता, मित्रों, संबंधियों और बांधवों को देखकर, हर्षपूर्वक अपने पिता और माता को प्रणाम करके,
श्लोक 4 (skanda.1.3.4)
बभाषे वचनं देवी प्रस्तापसदृशं तदा॥ अनाहूतस्त्वया कस्माच्छंभुः परमशोभनः
babhāṣe vacanaṃ devī prastāpasadṛśaṃ tadā|| anāhūtastvayā kasmācchaṃbhuḥ paramaśobhanaḥ
देवी ने उस अवसर के अनुरूप वचन कहा — "आपने शंभु को, जो परम शोभन हैं, क्यों आमंत्रित नहीं किया?"
श्लोक 5 (skanda.1.3.5)
येन पूतमिदं सर्वं समग्रं सचराचरम्॥ यज्ञो यज्ञविदां श्रेष्ठो यज्ञांगो यज्ञदक्षिणः
yena pūtamidaṃ sarvaṃ samagraṃ sacarācaram|| yajño yajñavidāṃ śreṣṭho yajñāṃgo yajñadakṣiṇaḥ
"जिनसे यह चराचर सम्पूर्ण जगत पवित्र होता है, जो स्वयं यज्ञ हैं, यज्ञवेत्ताओं में श्रेष्ठ, यज्ञ के अंगस्वरूप और यज्ञदक्षिणा-स्वरूप हैं —"
श्लोक 6 (skanda.1.3.6)
द्रव्यं मंत्रादिकं सर्वं हव्यं कव्यं च यन्मयम्॥ विना तेन कृतं सर्वमपवित्रं भविष्यति
dravyaṃ maṃtrādikaṃ sarvaṃ havyaṃ kavyaṃ ca yanmayam|| vinā tena kṛtaṃ sarvamapavitraṃ bhaviṣyati
"द्रव्य, मंत्र आदि सब कुछ, तथा देवताओं और पितरों को अर्पित सारा हव्य-कव्य भी जिनका ही स्वरूप है; उनके बिना किया गया सब कुछ अपवित्र हो जाएगा।"
श्लोक 7 (skanda.1.3.7)
शंभुना हि विना तात कथं यज्ञः प्रवर्तते॥ एते कथं समायाता ब्रह्मणा सहिताः पितः
śaṃbhunā hi vinā tāta kathaṃ yajñaḥ pravartate|| ete kathaṃ samāyātā brahmaṇā sahitāḥ pitaḥ
"हे तात! शंभु के बिना यज्ञ किस प्रकार आगे बढ़ सकता है? हे पिताजी, ये सब ब्रह्मा जी सहित यहाँ किस प्रकार पधारे हैं?"
श्लोक 8 (skanda.1.3.8)
हे भृगो त्वं न जानासि हे कश्यप महामते॥ अत्रे विशिष्ठ एकस्त्वं शक्र किं कृतमद्यते
he bhṛgo tvaṃ na jānāsi he kaśyapa mahāmate|| atre viśiṣṭha ekastvaṃ śakra kiṃ kṛtamadyate
"हे भृगु! क्या आप नहीं जानते? हे महामति कश्यप! हे अत्रि, आप ही इसमें विशिष्ट हैं! हे शक्र, आपने आज क्या किया है?"
श्लोक 9 (skanda.1.3.9)
हे विष्णो त्वं महादेवं जानासि परमेश्वरम्॥ ब्रह्मन्किं त्वं न जानासि महादेवस्य विक्रमम्
he viṣṇo tvaṃ mahādevaṃ jānāsi parameśvaram|| brahmankiṃ tvaṃ na jānāsi mahādevasya vikramam
"हे विष्णु! आप तो परमेश्वर महादेव को जानते हैं। हे ब्रह्मन्! क्या आप महादेव के पराक्रम को नहीं जानते?"
श्लोक 10 (skanda.1.3.10)
पुरा पंचमुखो भूत्वा गर्वितोसि सदाशिवम्॥ कृतश्चतुर्मुखस्तेन विस्मृतोऽसि तदद्भुतम्
purā paṃcamukho bhūtvā garvitosi sadāśivam|| kṛtaścaturmukhastena vismṛto'si tadadbhutam
"पूर्वकाल में पंचमुख होकर आपने सदाशिव के समक्ष अभिमान किया था; तब उन्होंने आपको एक मुख रहित कर चतुर्मुख बना दिया था — क्या वह अद्भुत घटना आप भूल गए?"
श्लोक 11 (skanda.1.3.11)
भिक्षाटनं कृतं येन पुरा दारुवने विभुः॥ शप्तोयं भिक्षुको रुद्रो भवद्भिः सखिभिस्तदा
bhikṣāṭanaṃ kṛtaṃ yena purā dāruvane vibhuḥ|| śaptoyaṃ bhikṣuko rudro bhavadbhiḥ sakhibhistadā
"उन्हीं प्रभु ने पूर्वकाल में दारुवन में भिक्षाटन किया था; उस भिक्षुक-रूप रुद्र को तब आपके ही मित्रों ने शाप दिया था।"
श्लोक 12 (skanda.1.3.12)
शप्तेनापि च रुद्रेण भवद्भिर्विस्मृतं कथम्॥ यस्यावयवमात्रेण पूरितं सचराचरम्
śaptenāpi ca rudreṇa bhavadbhirvismṛtaṃ katham|| yasyāvayavamātreṇa pūritaṃ sacarācaram
"शापित होने पर भी आप उन रुद्र को कैसे भूल गए, जिनके शरीर के एक अंश मात्र से यह सारा चराचर जगत परिपूर्ण है?"
श्लोक 13 (skanda.1.3.13)
लिंगभूतं जगत्सर्वं जातं तत्क्षणमेव हि॥ लयानाल्लिंगमित्याहुः सर्वे देवाः सवासवाः
liṃgabhūtaṃ jagatsarvaṃ jātaṃ tatkṣaṇameva hi|| layānālliṃgamityāhuḥ sarve devāḥ savāsavāḥ
"यह सम्पूर्ण जगत उसी क्षण लिंगरूप होकर उत्पन्न हुआ; लय होने और उत्पन्न होने के कारण ही इसे इंद्र सहित सभी देवता 'लिंग' कहते हैं।"
श्लोक 14 (skanda.1.3.14)
सर्वे देवाश्च संभूता यतो देवस्य शूलिनः॥ सोऽसौ वेदांतगो देवस्त्वया ज्ञातुं न पार्यते
sarve devāśca saṃbhūtā yato devasya śūlinaḥ|| so'sau vedāṃtago devastvayā jñātuṃ na pāryate
"शूलधारी उन्हीं देव से समस्त देवता उत्पन्न हुए हैं; वेदांत से भी परे रहने वाले उन देव को आप नहीं जान सकते।"
श्लोक 15 (skanda.1.3.15)
तस्या वचनमाकर्ण्य दक्षः क्रुद्धोऽब्रवीद्वचः॥ किं त्वया बहुनोक्तेन कार्यं नास्तीह सांप्रतम्
tasyā vacanamākarṇya dakṣaḥ kruddho'bravīdvacaḥ|| kiṃ tvayā bahunoktena kāryaṃ nāstīha sāṃpratam
उसके ये वचन सुनकर क्रुद्ध हुए दक्ष ने कहा — "अब तुम्हारे इतना कहने से क्या लाभ?"
श्लोक 16 (skanda.1.3.16)
गच्छ वा तिष्ठवा भद्रे कस्मात्त्वं हि समागता॥ अमंगलो हि भर्ता ते अशिवोसौ सुमध्यमे
gaccha vā tiṣṭhavā bhadre kasmāttvaṃ hi samāgatā|| amaṃgalo hi bhartā te aśivosau sumadhyame
"हे भद्रे! जाओ या रहो, तुम यहाँ क्यों आईं? हे सुमध्यमे, तुम्हारा पति अमंगल और अशुभ है।"
श्लोक 17 (skanda.1.3.17)
अकुलीनो वेदबाह्यो भूतप्रेतपिशाचराट्॥ तस्मान्नाकारितो भद्रे यज्ञार्थं चारुभाषिणि
akulīno vedabāhyo bhūtapretapiśācarāṭ|| tasmānnākārito bhadre yajñārthaṃ cārubhāṣiṇi
"वह कुलहीन, वेदबाह्य, भूत-प्रेत-पिशाचों का राजा है; इसीलिए, हे मधुरभाषिणी भद्रे, उसे यज्ञ के लिए नहीं बुलाया गया।"
श्लोक 18 (skanda.1.3.18)
मया दत्तासि सुश्रोणि पापिना मंदबुद्धिना॥ रुद्रायाविदितार्थाय उद्धताय दुरात्मने
mayā dattāsi suśroṇi pāpinā maṃdabuddhinā|| rudrāyāviditārthāya uddhatāya durātmane
"हे सुश्रोणि! पापी और मंदबुद्धि होकर ही मैंने तुम्हें अज्ञात-प्रयोजन, उद्धत तथा दुरात्मा रुद्र को दे दिया था।"
श्लोक 19 (skanda.1.3.19)
तस्मात्कायं परित्यज्य स्वस्था भव शुचिस्मिते॥ दक्षेणोक्ता तदा पुत्री सा सती लोकपूजिता
tasmātkāyaṃ parityajya svasthā bhava śucismite|| dakṣeṇoktā tadā putrī sā satī lokapūjitā
"इसलिए, हे पवित्र मुस्कान वाली, यह देह त्यागकर शांत हो जाओ।" दक्ष द्वारा इस प्रकार कहे जाने पर लोकपूजित पुत्री सती,
श्लोक 20 (skanda.1.3.20)
निंदायुक्तं स्वपितरं विलोक्य रुषिता भृशम्॥ चिंतयंती तदा देवी कथं यास्यामि मंदिरे
niṃdāyuktaṃ svapitaraṃ vilokya ruṣitā bhṛśam|| ciṃtayaṃtī tadā devī kathaṃ yāsyāmi maṃdire
अपने पिता को इस प्रकार निंदा में लगा देखकर अत्यंत क्रुद्ध हो उठीं; देवी ने सोचा — "अब मैं (अपने पति के) मंदिर में कैसे जाऊँगी?"
श्लोक 21 (skanda.1.3.21)
शंकरं द्रष्टुकामांह किं वक्ष्ये तेन पृच्छिता॥ यो निंदति महादेवं निंद्यमानं श्रृणोति यः॥ तावुभौ नरके यातो यावच्चन्द्रदिवाकरौ
śaṃkaraṃ draṣṭukāmāṃha kiṃ vakṣye tena pṛcchitā|| yo niṃdati mahādevaṃ niṃdyamānaṃ śrṛṇoti yaḥ|| tāvubhau narake yāto yāvaccandradivākarau
"शंकर को देखने की इच्छा होने पर वे पूछेंगे तो मैं क्या कहूँगी? जो महादेव की निंदा करता है और जो उस निंदा को सुनता है, वे दोनों ही जब तक सूर्य-चंद्र रहते हैं तब तक नरक में रहते हैं।"
श्लोक 22 (skanda.1.3.22)
तस्मात्तयक्ष्याम्यहं देहं प्रवेक्ष्यामि हुताशनम्
tasmāttayakṣyāmyahaṃ dehaṃ pravekṣyāmi hutāśanam
"इसलिए मैं इस देह को त्याग दूँगी; मैं अग्नि में प्रवेश करूँगी।"
श्लोक 23 (skanda.1.3.23)
एवं मीमांसमाना सा शिवरुद्रेतिभाषिणी॥ अपमानाभिभूता सा प्रविवेश हुताशनम्
evaṃ mīmāṃsamānā sā śivarudretibhāṣiṇī|| apamānābhibhūtā sā praviveśa hutāśanam
इस प्रकार विचार करती हुई, सदा 'शिव' और 'रुद्र' नाम का उच्चारण करने वाली वह देवी, इस अपमान से अभिभूत होकर अग्नि में प्रविष्ट हो गईं।
श्लोक 24 (skanda.1.3.24)
हाहाकारेण महता व्याप्तमासीद्दिगंतरम्॥ सर्वे ते मंचमारूढाः शस्त्रैर्व्याप्ता निरंतराः
hāhākāreṇa mahatā vyāptamāsīddigaṃtaram|| sarve te maṃcamārūḍhāḥ śastrairvyāptā niraṃtarāḥ
समस्त दिशाएँ महाहाहाकार से व्याप्त हो गईं; मंचों पर बैठे वे सब गण शस्त्रों सहित सर्वत्र व्याकुल हो उठे।
श्लोक 25 (skanda.1.3.25)
शस्त्रैः स्वैर्जध्नुरात्मानं स्वानि देहानि चिच्छिदुः॥ केचित्करतले गृह्य शिरांसि स्वानि चोत्सुकाः
śastraiḥ svairjadhnurātmānaṃ svāni dehāni cicchiduḥ|| kecitkaratale gṛhya śirāṃsi svāni cotsukāḥ
उन्होंने अपने ही शस्त्रों से स्वयं को घायल किया और अपने शरीरों को काट डाला; कुछ उत्सुकतापूर्वक अपने ही सिर हाथों में लेकर,
श्लोक 26 (skanda.1.3.26)
नीराजयंतस्त्वरिता भस्मीभूताश्च जज्ञिरे॥ एवमूचुस्तदा सर्वे जगर्ज्जुरतिभीषणम्
nīrājayaṃtastvaritā bhasmībhūtāśca jajñire|| evamūcustadā sarve jagarjjuratibhīṣaṇam
उन्हें आरती की भाँति घुमाते हुए तुरंत भस्म हो गए; इस प्रकार कहते हुए वे सब अत्यंत भीषण गर्जना करने लगे।
श्लोक 27 (skanda.1.3.27)
शस्त्रप्राहारैः स्वांगानि चिच्छिदुश्चातिभीषणाः॥ ते तथा विलयं प्राप्ता दाक्षायण्या समं तदा
śastraprāhāraiḥ svāṃgāni cicchiduścātibhīṣaṇāḥ|| te tathā vilayaṃ prāptā dākṣāyaṇyā samaṃ tadā
अपने शस्त्रों के प्रहार से भयंकर रूप से अपने अंगों को काटते हुए, वे उस समय दाक्षायणी के साथ ही विलीन हो गए।
श्लोक 28 (skanda.1.3.28)
गणास्तत्रायूते द्वे च तदद्भुतमिवाभवत्॥ ते सर्व ऋषयो देवा इंद्राद्याः समरुद्गणाः
gaṇāstatrāyūte dve ca tadadbhutamivābhavat|| te sarva ṛṣayo devā iṃdrādyāḥ samarudgaṇāḥ
वहाँ गणों के दो समूह हो गए, और यह मानो एक महान आश्चर्य था; वहाँ उपस्थित सभी ऋषि, इंद्र आदि देवगण और मरुद्गण भी —
श्लोक 29 (skanda.1.3.29)
विश्वेऽश्वनौ लोकपालास्तूष्णींबूतास्तदाभवन्॥ विष्णुं वरेण्यं केचिच्च प्रार्थयंतः समंततः
viśve'śvanau lokapālāstūṣṇīṃbūtāstadābhavan|| viṣṇuṃ vareṇyaṃ kecicca prārthayaṃtaḥ samaṃtataḥ
विश्वेदेव, अश्विनीकुमार और लोकपाल सभी मौन हो गए, और कुछ लोग सर्वत्र श्रेष्ठ विष्णु से प्रार्थना करने लगे।
श्लोक 30 (skanda.1.3.30)
एवं भूतस्तदा यज्ञो जातस्तस्य दुरात्मनः॥ दक्षस्य ब्रह्मबंधोश्च ऋषयो भयमागताः
evaṃ bhūtastadā yajño jātastasya durātmanaḥ|| dakṣasya brahmabaṃdhośca ṛṣayo bhayamāgatāḥ
उस दुरात्मा, कुब्राह्मण दक्ष के यज्ञ की ऐसी दशा हो गई; और उपस्थित ऋषि भय से भर उठे।
श्लोक 31 (skanda.1.3.31)
एतस्मिन्नंतरे विप्रा नारदेन महात्मना॥ कथितं सर्वमेवैतद्दक्षस्य च विचेष्टितम्
etasminnaṃtare viprā nāradena mahātmanā|| kathitaṃ sarvamevaitaddakṣasya ca viceṣṭitam
इसी बीच, हे विप्रो, महात्मा नारद ने दक्ष का यह सारा कुकृत्य वहाँ जाकर कह सुनाया।
श्लोक 32 (skanda.1.3.32)
तदाकर्ण्येश्वरो वाक्यं नारदस्य मुखोद्गतम्॥ चुकोप परमं क्रुद्ध आसनादुत्पतन्निव
tadākarṇyeśvaro vākyaṃ nāradasya mukhodgatam|| cukopa paramaṃ kruddha āsanādutpatanniva
नारद के मुख से निकले उस वचन को सुनकर ईश्वर शिव मानो आसन से उछलते हुए अत्यंत क्रुद्ध हो उठे।
श्लोक 33 (skanda.1.3.33)
उद्धृत्य च जटां रुद्रो लोकसंहारकारकः॥ आस्फोटयामास रुषा पर्वतस्य शिरोपरि
uddhṛtya ca jaṭāṃ rudro lokasaṃhārakārakaḥ|| āsphoṭayāmāsa ruṣā parvatasya śiropari
लोकसंहारकारी रुद्र ने अपनी जटा उखाड़कर क्रोधपूर्वक उसे पर्वत के शिखर पर पटक दिया।
श्लोक 34 (skanda.1.3.34)
ताडनाच्च समुद्भूतो वीरभद्रो महायशाः॥ तथा काली समुत्पन्ना भूतकोटिभिरावृता
tāḍanācca samudbhūto vīrabhadro mahāyaśāḥ|| tathā kālī samutpannā bhūtakoṭibhirāvṛtā
उस प्रहार से महायशस्वी वीरभद्र प्रकट हुए, और उसी प्रकार करोड़ों भूतगणों से घिरी हुई काली भी उत्पन्न हुईं।
श्लोक 35 (skanda.1.3.35)
कोपान्निःश्वसितेनैव रुद्रस्य च महात्मनः॥ जातं ज्वराणां च शतं सन्निपातास्त्रयोदश
kopānniḥśvasitenaiva rudrasya ca mahātmanaḥ|| jātaṃ jvarāṇāṃ ca śataṃ sannipātāstrayodaśa
महात्मा रुद्र के क्रोधयुक्त निःश्वास से ही सौ प्रकार के ज्वर और तेरह संनिपात उत्पन्न हुए।
श्लोक 36 (skanda.1.3.36)
विज्ञप्तो वीरभद्रेण रुद्रो रौद्रपराक्रमः॥ किं कार्यं भवतः कार्यं शीघ्रमेव वद प्रभो
vijñapto vīrabhadreṇa rudro raudraparākramaḥ|| kiṃ kāryaṃ bhavataḥ kāryaṃ śīghrameva vada prabho
भीषण पराक्रमी रुद्र से वीरभद्र ने निवेदन किया — "हे प्रभु, क्या आज्ञा है, शीघ्र बताइए।"
श्लोक 37 (skanda.1.3.37)
इत्युक्तो भगवान्रुद्रः प्रेषयामास सत्वरम्॥ गच्छ वीर महा बाहो दक्षयज्ञं विनाशय
ityukto bhagavānrudraḥ preṣayāmāsa satvaram|| gaccha vīra mahā bāho dakṣayajñaṃ vināśaya
इस प्रकार पूछे जाने पर भगवान रुद्र ने तुरंत आदेश दिया — "हे महाबाहु वीर! जाओ, दक्ष के यज्ञ का विनाश करो।"
श्लोक 38 (skanda.1.3.38)
शासनं शिरसा धृत्वा देवदेवस्य शूलिनः॥ कालिकाऽलिहितो वीरः सर्वभूतैः समावृतः॥ वीरभद्रो महातेजा ययौ दक्षमखं प्रति
śāsanaṃ śirasā dhṛtvā devadevasya śūlinaḥ|| kālikā'lihito vīraḥ sarvabhūtaiḥ samāvṛtaḥ|| vīrabhadro mahātejā yayau dakṣamakhaṃ prati
देवाधिदेव शूलपाणि की आज्ञा को शिरोधार्य कर, काली से आलिंगित वह वीर, समस्त भूतगणों से घिरे हुए महातेजस्वी वीरभद्र दक्ष के यज्ञ की ओर चल पड़े।
श्लोक 39 (skanda.1.3.39)
तदानीमेव सहसा दुर्निमित्तानि चाभवन्॥ रूक्षो ववौ तदा वायुः शर्कराभिः समावृतः
tadānīmeva sahasā durnimittāni cābhavan|| rūkṣo vavau tadā vāyuḥ śarkarābhiḥ samāvṛtaḥ
उसी क्षण अचानक अपशकुन होने लगे; कंकड़-धूल से भरी रूखी वायु बहने लगी।
श्लोक 40 (skanda.1.3.40)
असृग्वर्षति देवश्च तिमिरेणाऽवृता दिवशः॥ उल्कापाताश्च बहवः पेतुरुर्व्यां सहस्रशः
asṛgvarṣati devaśca timireṇā'vṛtā divaśaḥ|| ulkāpātāśca bahavaḥ petururvyāṃ sahasraśaḥ
आकाश से रक्त की वर्षा होने लगी, दिन अंधकार से आच्छादित हो गया, और सहस्रों उल्कापात पृथ्वी पर गिरने लगे।
श्लोक 41 (skanda.1.3.41)
एवंविधान्यरिष्टानि ददृशुर्विबुधादयः॥ दक्षोऽपि भयमापन्नो विष्णुं शरणमाययौ
evaṃvidhānyariṣṭāni dadṛśurvibudhādayaḥ|| dakṣo'pi bhayamāpanno viṣṇuṃ śaraṇamāyayau
ऐसे अपशकुनों को देखकर देवता आदि सभी भयभीत हो उठे; दक्ष भी भय से आतुर होकर विष्णु की शरण में गया।
श्लोक 42 (skanda.1.3.42)
रक्षरक्ष महाविष्णो त्वं हि नः परमो गुरुः॥ यज्ञोऽसि त्वं सुरश्रेष्ठ भयान्मां परिमोचय
rakṣarakṣa mahāviṣṇo tvaṃ hi naḥ paramo guruḥ|| yajño'si tvaṃ suraśreṣṭha bhayānmāṃ parimocaya
"हे महाविष्णो, रक्षा करो, रक्षा करो! आप ही हमारे परम गुरु हैं; हे देवश्रेष्ठ, आप ही यज्ञ-स्वरूप हैं, मुझे इस भय से मुक्त कीजिए।"
श्लोक 43 (skanda.1.3.43)
दक्षेण प्रार्थ्य मानो हि जगाद मधुसूदनः॥ मया रक्षा विदातव्या भवतो नात्र संशयः
dakṣeṇa prārthya māno hi jagāda madhusūdanaḥ|| mayā rakṣā vidātavyā bhavato nātra saṃśayaḥ
दक्ष द्वारा इस प्रकार प्रार्थना किए जाने पर मधुसूदन ने कहा — "मुझसे तुम्हारी रक्षा अवश्य की जाएगी, इसमें संशय नहीं।"
श्लोक 44 (skanda.1.3.44)
अपूज्या यत्र पूज्यंते पूजनीयो न पूज्यते॥ त्रीणी तत्र प्रवर्तंते दुर्भिक्षं त्वया धर्ममजानताः॥ ईश्वरावज्ञया सर्वं विफलं च भविष्यति
apūjyā yatra pūjyaṃte pūjanīyo na pūjyate|| trīṇī tatra pravartaṃte durbhikṣaṃ tvayā dharmamajānatāḥ|| īśvarāvajñayā sarvaṃ viphalaṃ ca bhaviṣyati
"जहाँ अपूज्य पूजे जाते हैं और पूजनीय की पूजा नहीं होती, वहाँ तीन बातें उत्पन्न होती हैं — हे धर्म से अनजान दक्ष, दुर्भिक्ष; ईश्वर की अवज्ञा से सब कुछ निष्फल हो जाएगा।"
श्लोक 45 (skanda.1.3.45)
अपूज्या यत्र पूज्यं ते पूजनीयो न पूज्यते॥ त्रीणी तत्र प्रवर्तंते दुर्भिक्षं मरणं भयम्
apūjyā yatra pūjyaṃ te pūjanīyo na pūjyate|| trīṇī tatra pravartaṃte durbhikṣaṃ maraṇaṃ bhayam
"जहाँ अपूज्य पूजे जाते हैं और पूजनीय की पूजा नहीं होती, वहाँ तीन बातें उत्पन्न होती हैं — दुर्भिक्ष, मृत्यु और भय।"
श्लोक 46 (skanda.1.3.46)
तस्मात्सर्वप्रयत्नेन माननीयो वृषध्वजः॥ अमानितान्महेशात्त्वां महद्भयमुपस्थितम्
tasmātsarvaprayatnena mānanīyo vṛṣadhvajaḥ|| amānitānmaheśāttvāṃ mahadbhayamupasthitam
"इसलिए वृषभध्वज का हर प्रयत्न से सम्मान करना चाहिए था; महेश का अपमान करने से तुम पर यह महाभय आ पड़ा है।"
श्लोक 47 (skanda.1.3.47)
अधुनैव वयं सर्वे प्रभवो न भवामहे॥ भवतो दुर्न्नयेनेव नात्र कार्या विचारणा
adhunaiva vayaṃ sarve prabhavo na bhavāmahe|| bhavato durnnayeneva nātra kāryā vicāraṇā
"अब हम सब भी इसमें समर्थ नहीं रह गए हैं; तुम्हारी ही दुर्नीति से यह हुआ है, इसमें अब कोई और विचार करने योग्य नहीं रहा।"
श्लोक 48 (skanda.1.3.48)
विष्णोस्तद्वचनं श्रुत्वा दक्षश्चिंतापरोऽभवत्॥ विविर्णवदनो भूत्वा तूष्णीमासीद्भुवि स्थितः
viṣṇostadvacanaṃ śrutvā dakṣaściṃtāparo'bhavat|| vivirṇavadano bhūtvā tūṣṇīmāsīdbhuvi sthitaḥ
विष्णु के इन वचनों को सुनकर दक्ष चिंतित हो गया; उसका मुख विवर्ण पड़ गया और वह मौन होकर भूमि पर बैठ गया।
श्लोक 49 (skanda.1.3.49)
वीरभद्रो महाबाहू रुद्रेणैव प्रचोदितः॥ काली कात्यायनीशाना चामुंडा मुंडमर्द्दिनी
vīrabhadro mahābāhū rudreṇaiva pracoditaḥ|| kālī kātyāyanīśānā cāmuṃḍā muṃḍamarddinī
रुद्र से प्रेरित महाबाहु वीरभद्र के साथ काली, कात्यायनी, ईशाना, मुंडमर्दिनी चामुंडा,
श्लोक 50 (skanda.1.3.50)
भद्रकाली तथा भद्रा त्वरिता वैष्णवी तथा॥ नवदुर्गादिसहितो भूतानां च गणो महान्
bhadrakālī tathā bhadrā tvaritā vaiṣṇavī tathā|| navadurgādisahito bhūtānāṃ ca gaṇo mahān
भद्रकाली, भद्रा, त्वरिता वैष्णवी, नवदुर्गा आदि तथा भूतगणों की एक विशाल सेना भी साथ थी।
श्लोक 51 (skanda.1.3.51)
शाकिनी डाकिनी चैव भूतप्रमथगुह्यकाः॥ तथैव योगिनीचक्रं चतुः षष्ट्या समन्वितम्
śākinī ḍākinī caiva bhūtapramathaguhyakāḥ|| tathaiva yoginīcakraṃ catuḥ ṣaṣṭyā samanvitam
शाकिनी, डाकिनी, भूत, प्रमथ, गुह्यक, और चौंसठ योगिनियों का चक्र भी उनके साथ था।
श्लोक 52 (skanda.1.3.52)
निजन्मुः सहसा तत्र यज्ञवाटं महाप्रभम्॥ वीरभद्रसमेता सर्वे हरपराक्रमाः॥ दशबाहवस्त्रिनेत्रा जटिला रुद्रभूषणाः
nijanmuḥ sahasā tatra yajñavāṭaṃ mahāprabham|| vīrabhadrasametā sarve haraparākramāḥ|| daśabāhavastrinetrā jaṭilā rudrabhūṣaṇāḥ
वे सब सहसा उस महाप्रभावशाली यज्ञवाट में प्रकट हो गए — वीरभद्र सहित सभी हर के समान पराक्रमी, दस भुजाओं वाले, त्रिनेत्र, जटाधारी, रुद्र के आभूषणों से भूषित।
श्लोक 53 (skanda.1.3.53)
पार्षदाः शंकरस्यैते सर्वे रुद्रस्वरूपिणः॥ पंचवक्त्रा नीलकंठाः सर्वे ते शस्त्रपाणयः
pārṣadāḥ śaṃkarasyaite sarve rudrasvarūpiṇaḥ|| paṃcavaktrā nīlakaṃṭhāḥ sarve te śastrapāṇayaḥ
शंकर के ये समस्त पार्षद रुद्र-स्वरूप ही थे — पंचमुख, नीलकंठ, सभी हाथों में शस्त्र लिए हुए।
श्लोक 54 (skanda.1.3.54)
छत्रचामरसंवीताः सर्वे हरपराक्रमाः॥ दशबाहवस्त्रिनेत्रा जटिला रुद्रभूषणाः
chatracāmarasaṃvītāḥ sarve haraparākramāḥ|| daśabāhavastrinetrā jaṭilā rudrabhūṣaṇāḥ
छत्र और चामरों से सुशोभित, सभी हर के समान पराक्रमी, दस भुजाओं वाले, त्रिनेत्र, जटाधारी, रुद्र के आभूषणों से विभूषित।
श्लोक 55 (skanda.1.3.55)
अर्धचंद्रधराः सर्वे सर्वे चैव महौजसः॥ सर्वे ते वृषभारूढाः सर्वे ते वेषभूषणाः
ardhacaṃdradharāḥ sarve sarve caiva mahaujasaḥ|| sarve te vṛṣabhārūḍhāḥ sarve te veṣabhūṣaṇāḥ
सभी अर्धचंद्र धारण किए हुए, महान तेजस्वी, सभी वृषभ पर आरूढ़, सभी विविध वेष-भूषा से सज्जित थे।
श्लोक 56 (skanda.1.3.56)
सहस्रबाहुर्भुजगाधिपैर्वृतस्त्रिलोचनो भीमबलो भयावहः॥ एभिः समेतश्च तदा महात्मा स वीरभद्रोऽभिजगाम यज्ञम्
sahasrabāhurbhujagādhipairvṛtastrilocano bhīmabalo bhayāvahaḥ|| ebhiḥ sametaśca tadā mahātmā sa vīrabhadro'bhijagāma yajñam
सहस्रबाहु, नागराजों से घिरे, त्रिनेत्र, भीमबली, भयावह — इन सबसे युक्त होकर वह महात्मा वीरभद्र यज्ञ की ओर चले।
श्लोक 57 (skanda.1.3.57)
युग्यानां च सहस्रेण द्विप्रमाणेन स्यंदनम्॥ सिंहानां प्रयुतेनैव वाह्यमानं च तस्य तत्
yugyānāṃ ca sahasreṇa dvipramāṇena syaṃdanam|| siṃhānāṃ prayutenaiva vāhyamānaṃ ca tasya tat
उनका रथ, दुगुने आकार का, सहस्र जुते हुए (वाहनों) तथा लाखों सिंहों द्वारा खींचा जा रहा था।
श्लोक 58 (skanda.1.3.58)
तथैव दंशिताः सिंहा बहवः पार्श्वरक्षकाः॥ शार्दूला मकरा मत्स्या गजाश्चैव सहस्रशः॥ छत्राणि विविधान्येव चामराणि तथैव च
tathaiva daṃśitāḥ siṃhā bahavaḥ pārśvarakṣakāḥ|| śārdūlā makarā matsyā gajāścaiva sahasraśaḥ|| chatrāṇi vividhānyeva cāmarāṇi tathaiva ca
इसी प्रकार कवचधारी अनेक सिंह उनकी रक्षा में पार्श्व में थे; सहस्रों व्याघ्र, मगर, मत्स्य और गज भी थे; तथा नाना प्रकार के छत्र और चामर —
श्लोक 59 (skanda.1.3.59)
मूर्द्धनिध्रियमाणानि सर्वतोग्राणि सर्वशः॥ ततो भेरीमहानादाः शंखाश्च विविधस्वनाः॥ पटहा गोमुखाश्चैव श्रृंगाणि विविधानि च
mūrddhanidhriyamāṇāni sarvatogrāṇi sarvaśaḥ|| tato bherīmahānādāḥ śaṃkhāśca vividhasvanāḥ|| paṭahā gomukhāścaiva śrṛṃgāṇi vividhāni ca
सब ओर सिरों के ऊपर धारण किए जा रहे थे; फिर भेरी की महागर्जना, नाना प्रकार की शंख-ध्वनि, पटह, गोमुख तथा नाना प्रकार के शृंग बज उठे।
श्लोक 60 (skanda.1.3.60)
ततोऽवाद्यंत तान्येव घनानि सुषिराणि च॥ कलगानपराः सर्वे सर्वे मृदंगवादिनः
tato'vādyaṃta tānyeva ghanāni suṣirāṇi ca|| kalagānaparāḥ sarve sarve mṛdaṃgavādinaḥ
फिर सभी घन और सुषिर वाद्य एक साथ बज उठे; सभी मधुर गीत गाने वाले और सभी मृदंग बजाने वाले वहाँ उपस्थित थे।
श्लोक 61 (skanda.1.3.61)
अनेकलास्यसंयुक्ता वीरभद्राग्रतोभवन्॥ रणवादित्रनिर्घोषैर्जगर्जुरमितौजसः
anekalāsyasaṃyuktā vīrabhadrāgratobhavan|| raṇavāditranirghoṣairjagarjuramitaujasaḥ
अनेक नर्तक वीरभद्र के आगे-आगे चल रहे थे; असीम तेजस्वी वे सब युद्ध-वाद्यों की गर्जना से गरज उठे।
श्लोक 62 (skanda.1.3.62)
तेन नादेन महता नादितं भुवनत्रयम्॥ एवं सर्वे समायाता गणा रुद्रप्रणोदिताः
tena nādena mahatā nāditaṃ bhuvanatrayam|| evaṃ sarve samāyātā gaṇā rudrapraṇoditāḥ
उस महान गर्जना से तीनों लोक गूँज उठे। इस प्रकार रुद्र द्वारा प्रेरित सभी गण एकत्र हो गए —
श्लोक 63 (skanda.1.3.63)
यज्ञवाटं च दक्षस्य विनाशार्थं प्रहारिणः॥ रजसा चाऽवृतं व्योम तमसा च वृता दिशः
yajñavāṭaṃ ca dakṣasya vināśārthaṃ prahāriṇaḥ|| rajasā cā'vṛtaṃ vyoma tamasā ca vṛtā diśaḥ
दक्ष के यज्ञवाट पर उसे नष्ट करने के लिए प्रहार करते हुए; आकाश धूल से आच्छादित हो गया और दिशाएँ अंधकार से ढँक गईं।
श्लोक 64 (skanda.1.3.64)
सप्तद्वीपवती पृथ्वी चचाल साद्रिकानना॥ ते दृष्ट्वा महदाश्चर्य्यं लोकक्षयकरं तदा
saptadvīpavatī pṛthvī cacāla sādrikānanā|| te dṛṣṭvā mahadāścaryyaṃ lokakṣayakaraṃ tadā
पर्वतों और वनों सहित सप्तद्वीपवती पृथ्वी काँप उठी; उस महान, लोक-विनाशकारी आश्चर्य को देखकर,
श्लोक 65 (skanda.1.3.65)
उत्तस्थुर्युगपत्सर्वे देवदैत्यनिशाचराः॥ ते वै ददृशुरायांतीं रुद्रसेना भयावहाम्
uttasthuryugapatsarve devadaityaniśācarāḥ|| te vai dadṛśurāyāṃtīṃ rudrasenā bhayāvahām
देवता, दैत्य और निशाचर सभी एक साथ उठ खड़े हुए; उन्होंने रुद्र की उस भयावह सेना को आते हुए देखा।
श्लोक 66 (skanda.1.3.66)
पृथ्वीं केचित्समायाता गगने केचिदागताः॥ दिशश्च प्रदिशश्चैव समावृत्य तथापरे
pṛthvīṃ kecitsamāyātā gagane kecidāgatāḥ|| diśaśca pradiśaścaiva samāvṛtya tathāpare
कुछ पृथ्वी पर आए, कुछ आकाश में; और अन्य लोगों ने दिशाओं और उपदिशाओं को घेर लिया।
श्लोक 67 (skanda.1.3.67)
अनंता ह्यक्षयाः सर्वे शूरा रुद्रसमा युधि॥ एवंभूतं च तत्सैन्यं रुद्रैश्च परिवारितम्॥ दृष्ट्वो चुर्विस्मिताः सर्वे यामोऽद्य शस्त्रपाणयः
anaṃtā hyakṣayāḥ sarve śūrā rudrasamā yudhi|| evaṃbhūtaṃ ca tatsainyaṃ rudraiśca parivāritam|| dṛṣṭvo curvismitāḥ sarve yāmo'dya śastrapāṇayaḥ
अनंत, अक्षय, युद्ध में रुद्र के समान समस्त शूरवीर — रुद्रों से घिरी उस सेना को इस रूप में देखकर सब विस्मित होकर बोल उठे — "आओ, अब हम भी शस्त्र लेकर चलें।"
श्लोक 68 (skanda.1.3.68)
इंद्रो हि गजमारूढो मृगारूढः सदागतिः॥ यमो महिषमारूढो यमदंडसमन्वितः
iṃdro hi gajamārūḍho mṛgārūḍhaḥ sadāgatiḥ|| yamo mahiṣamārūḍho yamadaṃḍasamanvitaḥ
इंद्र गज पर आरूढ़ हुए, सदागतिशील वायु मृग पर, यम अपने महिष पर, यमदंड सहित।
श्लोक 69 (skanda.1.3.69)
कुबेरः पुष्पकारूढः पाशी मकरमेव च॥ अग्निर्बस्तमारूढो निर्ऋतिः प्रेतमेव च
kuberaḥ puṣpakārūḍhaḥ pāśī makarameva ca|| agnirbastamārūḍho nirṛtiḥ pretameva ca
कुबेर पुष्पक पर, पाशधारी वरुण मकर पर, अग्नि बकरे पर, और निर्ऋति प्रेत पर आरूढ़ हुए।
श्लोक 70 (skanda.1.3.70)
तथान्ये सुरसंघाश्च यक्षचारणगुह्यकाः॥ आरुह्य वाहनान्येव स्वानिस्वानि प्रतिपिनः
tathānye surasaṃghāśca yakṣacāraṇaguhyakāḥ|| āruhya vāhanānyeva svānisvāni pratipinaḥ
इसी प्रकार अन्य देवगण, यक्ष, चारण और गुह्यक भी अपने-अपने वाहनों पर सवार होकर उत्साहपूर्वक चल पड़े।
श्लोक 71 (skanda.1.3.71)
स्वेषामुद्योगमालोक्य दक्षश्चाश्रुमुखस्ततः॥ दंडवत्पतितो भूमौ सर्वानेवाभ्यभाषत
sveṣāmudyogamālokya dakṣaścāśrumukhastataḥ|| daṃḍavatpatito bhūmau sarvānevābhyabhāṣata
अपने ही सहायकों की यह तैयारी देखकर दक्ष का मुख आँसुओं से भीग गया; वह भूमि पर दंडवत गिरकर उन सबसे यह बोला —
श्लोक 72 (skanda.1.3.72)
युष्मद्बलेनैव मया यज्ञः प्रारंभितो महान्॥ सत्कर्मसिद्धये यूयं प्रमाणं सुमहाप्रभाः
yuṣmadbalenaiva mayā yajñaḥ prāraṃbhito mahān|| satkarmasiddhaye yūyaṃ pramāṇaṃ sumahāprabhāḥ
"आप सबके बल से ही मैंने यह महान यज्ञ आरम्भ किया है; हे महाप्रभावशाली देवगण, इस सत्कर्म की सिद्धि के लिए आप ही मेरा आधार हैं।"
श्लोक 73 (skanda.1.3.73)
विष्णो त्वं कर्मणः साक्षाद्यज्ञानां परिपालकः॥ धर्मस्य वेदगर्भस्य ब्रह्मण्यस्त्वं च माधव
viṣṇo tvaṃ karmaṇaḥ sākṣādyajñānāṃ paripālakaḥ|| dharmasya vedagarbhasya brahmaṇyastvaṃ ca mādhava
"हे विष्णु! आप ही साक्षात् कर्म के और यज्ञों के रक्षक हैं, वेद के गर्भस्वरूप धर्म के और ब्राह्मणों के हितैषी हैं, हे माधव।"
श्लोक 74 (skanda.1.3.74)
तस्माद्रक्षा विधातव्या यज्ञस्याऽस्य महाप्रभो॥ दक्षस्य वचनं श्रुत्वा उवाच मधुसूदनः
tasmādrakṣā vidhātavyā yajñasyā'sya mahāprabho|| dakṣasya vacanaṃ śrutvā uvāca madhusūdanaḥ
"इसलिए, हे महाप्रभु, इस यज्ञ की रक्षा की जानी चाहिए।" दक्ष के इन वचनों को सुनकर मधुसूदन ने कहा —
श्लोक 75 (skanda.1.3.75)
मया रक्षा विधातव्या धर्मस्य परिपालने॥ तत्सत्यं तु त्वयोक्तं हि किं तु तस्य व्यतिक्रमः
mayā rakṣā vidhātavyā dharmasya paripālane|| tatsatyaṃ tu tvayoktaṃ hi kiṃ tu tasya vyatikramaḥ
"धर्म के परिपालन में मुझसे तुम्हारी रक्षा अवश्य की जानी चाहिए; तुमने जो कहा वह सत्य है, किंतु उसकी एक त्रुटि पर विचार करो।"
श्लोक 76 (skanda.1.3.76)
यातस्त्वद्यैव यज्ञस्य यत्त्वयोक्तं सदाशिवम्॥ नैमिषेऽनिमिषक्षेत्रे तदा किं न स्मृतं त्वया
yātastvadyaiva yajñasya yattvayoktaṃ sadāśivam|| naimiṣe'nimiṣakṣetre tadā kiṃ na smṛtaṃ tvayā
"आज तुम सीधे यज्ञ के लिए गए, परंतु जो सदाशिव के विषय में तुमसे कहा गया था — नैमिष के उस क्षेत्र में जहाँ देवता भी पलक नहीं झपकाते — वह तुम्हें क्यों स्मरण नहीं रहा?"
श्लोक 77 (skanda.1.3.77)
योऽयं रुद्रो महातेजा यज्ञरूपः सदाशिवः॥ यज्ञबाह्यः कृतो मूढ तच्च दुर्म्मत्रितं तव
yo'yaṃ rudro mahātejā yajñarūpaḥ sadāśivaḥ|| yajñabāhyaḥ kṛto mūḍha tacca durmmatritaṃ tava
"जो यह महातेजस्वी रुद्र स्वयं यज्ञस्वरूप सदाशिव हैं, उन्हें, हे मूढ़, तुमने यज्ञ से बहिष्कृत किया — यह तुम्हारी दुर्मति थी।"
श्लोक 78 (skanda.1.3.78)
रुद्रकोपाच्च को ह्यत्र समर्थो रक्षणे तव॥ न पश्यामि च तं विप्र त्वां वै रक्षति दुर्म्मतिम्
rudrakopācca ko hyatra samartho rakṣaṇe tava|| na paśyāmi ca taṃ vipra tvāṃ vai rakṣati durmmatim
"रुद्र के कोप से यहाँ तुम्हारी रक्षा करने में कौन समर्थ है? हे विप्र, मुझे तो कोई ऐसा दिखाई नहीं देता जो तुम दुर्बुद्धि की रक्षा कर सके।"
श्लोक 79 (skanda.1.3.79)
किं कर्म्म किमकर्म्मेति तन्न पश्यसि दुर्म्मते॥ समर्थं केवलं कर्मन भविष्यति सर्वदा
kiṃ karmma kimakarmmeti tanna paśyasi durmmate|| samarthaṃ kevalaṃ karmana bhaviṣyati sarvadā
"हे दुर्मते! तुम यह नहीं देखते कि क्या कर्म है और क्या अकर्म; केवल कर्म कभी भी अकेले पर्याप्त नहीं होगा।"
श्लोक 80 (skanda.1.3.80)
सेश्वरं कर्म विद्ध्योतत्समर्थत्वेन जायते॥ न ह्यन्यः कर्म्मणो दाता ईश्वरेण विना भवेत्
seśvaraṃ karma viddhyotatsamarthatvena jāyate|| na hyanyaḥ karmmaṇo dātā īśvareṇa vinā bhavet
"जान लो कि ईश्वर के सहित किया गया कर्म ही समर्थ होकर फलित होता है; ईश्वर के बिना कर्म का कोई और फलदाता नहीं हो सकता।"
श्लोक 81 (skanda.1.3.81)
ईश्वरस्य च ये भक्ताः शांतास्तद्गतमानसाः॥ कर्म्मणो हि फलं तेषां प्रयच्छति सदाशिवः
īśvarasya ca ye bhaktāḥ śāṃtāstadgatamānasāḥ|| karmmaṇo hi phalaṃ teṣāṃ prayacchati sadāśivaḥ
"ईश्वर के जो भक्त शांत और उन्हीं में मन लगाए रहते हैं, उन्हें सदाशिव स्वयं ही कर्म का फल प्रदान करते हैं।"
श्लोक 82 (skanda.1.3.82)
केवलं कर्म चाश्रित्य निरीश्वरपरा जनाः॥ निरयं ते च गच्छंति कोटियज्ञशतैरपि
kevalaṃ karma cāśritya nirīśvaraparā janāḥ|| nirayaṃ te ca gacchaṃti koṭiyajñaśatairapi
"किंतु जो लोग केवल कर्म का आश्रय लेकर ईश्वर को महत्व नहीं देते, वे करोड़ों यज्ञ करके भी नरक को ही प्राप्त होते हैं।"
श्लोक 83 (skanda.1.3.83)
पुनः कर्ममयैः पाशैर्बद्धा जन्मनिजन्मनि॥ निरयेषु प्रपच्यंते केवलं कर्म्मरूपिणः
punaḥ karmamayaiḥ pāśairbaddhā janmanijanmani|| nirayeṣu prapacyaṃte kevalaṃ karmmarūpiṇaḥ
"वे केवल कर्मरूप में रहने वाले लोग जन्म-जन्मांतर में कर्मरूपी पाशों से बँधकर बार-बार नरकों में पकाए जाते हैं।"