बिल्वदल की महिमा

श्लोक 1 (skanda.1.43.1)

॥नारद उवाच॥ नाडीजंघबकेनोक्तां वाचमाकर्ण्यभूपतिः॥ मार्कंडेयेन संयुक्तो बभूवातीव दुःखितः

nārada uvāca nāḍījaṁghabakenoktāṁ vācamākarṇyabhūpatiḥ mārkaṁḍeyena saṁyukto babhūvātīva duḥkhitaḥ

नारद ने कहा — नाडीजंघ बगुले द्वारा कही गई इस बात को सुनकर, मार्कण्डेय सहित वह राजा अत्यंत दुःखी हो गया।

श्लोक 2 (skanda.1.43.2)

तं निशम्य मुनिर्भूपं दुःखितं साश्रुलोचनम्॥ समानव्यसनः प्राह तदर्थं स पुनर्बकम्

taṁ niśamya munirbhūpaṁ duḥkhitaṁ sāśrulocanam samānavyasanaḥ prāha tadarthaṁ sa punarbakam

उस दुःखी राजा को अश्रुपूरित नेत्रों से देखकर, समान व्यसन वाले मुनि ने उसके लिए बगुले से पुनः कहा —

श्लोक 3 (skanda.1.43.3)

विधायाशां महाभाग त्वदंतिकमुपागतौ॥ आवां चिरायुर्ज्ञातांशाविन्द्रद्युम्नमिति द्विज

vidhāyāśāṁ mahābhāga tvadaṁtikamupāgatau āvāṁ cirāyurjñātāṁśāvindradyumnamiti dvija

'हे महाभाग, आशा बाँधकर हम दोनों तुम्हारे पास आए थे; हे द्विज, हमने सोचा था कि तुम्हारे द्वारा, दीर्घायु होने के कारण, इंद्रद्युम्न का पता चल जाएगा।'

श्लोक 4 (skanda.1.43.4)

निष्पन्नं नास्य तत्कार्यं प्राणानेष मुमुक्षति॥ वह्निप्रवेशेन परं वैराग्यं समुपागतः

niṣpannaṁ nāsya tatkāryaṁ prāṇāneṣa mumukṣati vahnipraveśena paraṁ vairāgyaṁ samupāgataḥ

'उसका वह कार्य सिद्ध नहीं हुआ; वह अब अपने प्राण त्यागना चाहता है। अग्नि-प्रवेश द्वारा वह परम वैराग्य को प्राप्त हो गया है।'

श्लोक 5 (skanda.1.43.5)

तन्मामुपागतोऽहं च त्वां सिद्धं नास्य वांछितम्॥ तदेनमनुयास्यामि मरणेन त्वया शपे

tanmāmupāgato'haṁ ca tvāṁ siddhaṁ nāsya vāṁchitam tadenamanuyāsyāmi maraṇena tvayā śape

'इसलिए मैं भी तुम्हारे पास आया हूँ; तुम्हारे द्वारा उसकी इच्छा पूर्ण नहीं हुई। इसलिए मैं भी मृत्यु में उसका अनुसरण करूँगा — यह मैं तुमसे शपथपूर्वक कहता हूँ।'

श्लोक 6 (skanda.1.43.6)

आशां कृत्वाभ्युपायातं निराशं नेक्षितुं क्षमाः॥ भवंति साधवस्तस्माज्जीवितान्मरणं वरम्

āśāṁ kṛtvābhyupāyātaṁ nirāśaṁ nekṣituṁ kṣamāḥ bhavaṁti sādhavastasmājjīvitānmaraṇaṁ varam

'साधुजन आशा बाँधकर आए हुए को निराश देखने में समर्थ नहीं होते; इसलिए ऐसे जीवन से मृत्यु श्रेष्ठ है।'

श्लोक 7 (skanda.1.43.7)

प्रार्थितं चामुना हृत्स्थं मया चास्मै प्रतिश्रुतम्॥ त्वां मित्रं तत्परिज्ञाने धृत्वा हृदि चिरायुषम्

prārthitaṁ cāmunā hṛtsthaṁ mayā cāsmai pratiśrutam tvāṁ mitraṁ tatparijñāne dhṛtvā hṛdi cirāyuṣam

'और उसने जो मुझसे माँगा, हृदय में धारण कर मैंने उससे वचन दिया था — इस ज्ञान के लिए तुम्हें, उसके दीर्घायु मित्र को, हृदय में धारण करते हुए।'

श्लोक 8 (skanda.1.43.8)

असंपादयतो नार्थं प्रतिज्ञातं ममायुषा॥ कलुषेणार्थिना माशापूरकेण सखेधुना

asaṁpādayato nārthaṁ pratijñātaṁ mamāyuṣā kaluṣeṇārthinā māśāpūrakeṇa sakhedhunā

'मेरे प्राणों की प्रतिज्ञा से किए गए उस वचन को पूरा न करना, हे सखे, इस व्याकुल याचक के प्रति, जिसने पहले मेरी आशा पूरी की थी —'

श्लोक 9 (skanda.1.43.9)

प्रतिश्रुतं कृतं श्लाघ्या दासतांत्यजपक्वणे॥ हरिश्चंद्रस्येव नृणां न श्लाघ्या सत्यसंधता

pratiśrutaṁ kṛtaṁ ślāghyā dāsatāṁtyajapakvaṇe hariścaṁdrasyeva nṛṇāṁ na ślāghyā satyasaṁdhatā

'निभाया गया वचन ही सराहनीय है — उसके पालन में अधूरापन त्याग दो। हरिश्चंद्र जैसी सत्यनिष्ठा मनुष्यों द्वारा केवल वचन से सराही जाने वाली वस्तु नहीं है।'

श्लोक 10 (skanda.1.43.10)

मित्रस्नेहस्य पर्यायस्तच्च साप्तपदं स्मृतम्॥ स्नेहः स कीदृशो मित्रे दुःखितो यो न दृश्यते

mitrasnehasya paryāyastacca sāptapadaṁ smṛtam snehaḥ sa kīdṛśo mitre duḥkhito yo na dṛśyate

'यही मित्र-स्नेह का सार माना गया है, मानो सप्तपदी से बँधा हो। मित्र के दुःखी होने पर जो साथ न दिखे, वह कैसा स्नेह?'

श्लोक 11 (skanda.1.43.11)

तदवश्यमहं साकमधुना वह्निसाधनम्॥ करिष्ये कीर्तिवपुषः कृते सत्यमिदं सखे

tadavaśyamahaṁ sākamadhunā vahnisādhanam kariṣye kīrtivapuṣaḥ kṛte satyamidaṁ sakhe

'इसलिए अब मैं भी निश्चय ही उसके साथ अग्नि-कर्म करूँगा, उसकी कीर्ति-देह के लिए ही — यह सत्य है, हे सखे।'

श्लोक 12 (skanda.1.43.12)

अनुजानीहि मामेतद्दर्शनं तव पश्चिमम्॥ त्वया सह महाभाग नाडीजंघ द्विजोत्तम

anujānīhi māmetaddarśanaṁ tava paścimam tvayā saha mahābhāga nāḍījaṁgha dvijottama

'मुझे इसकी अनुमति दो — यह तुम्हारा अंतिम दर्शन होगा, हे महाभाग नाडीजंघ, द्विजोत्तम, उसके साथ।'

श्लोक 13 (skanda.1.43.13)

॥नारद उवाच॥ वज्रवद्दुःसहां वाचं मार्कंडेयसमीरिताम्॥ शुश्रुवान्स क्षणं ध्यात्वा प्रतीतः प्राह तावुभौ

nārada uvāca vajravadduḥsahāṁ vācaṁ mārkaṁḍeyasamīritām śuśruvānsa kṣaṇaṁ dhyātvā pratītaḥ prāha tāvubhau

नारद ने कहा — मार्कण्डेय द्वारा कहे गए इस वज्र-सम असह्य वचन को सुनकर उसने क्षणभर विचार किया, और फिर निश्चय कर उन दोनों से कहा —

श्लोक 14 (skanda.1.43.14)

॥नाडीजंघ उवाच॥ यद्येवं तदिदं मित्रं विशंतं ज्वलनेऽधुना॥ निवारय मुनिश्रेष्ठ मत्तोऽस्ति चिरजीवितः

nāḍījaṁgha uvāca yadyevaṁ tadidaṁ mitraṁ viśaṁtaṁ jvalane'dhunā nivāraya muniśreṣṭha matto'sti cirajīvitaḥ

'नाडीजंघ ने कहा — यदि ऐसा है, तो अब अग्नि में प्रवेश करते इस मित्र को रोकिए, हे मुनिश्रेष्ठ; मुझसे भी दीर्घजीवी कोई और है।'

श्लोक 15 (skanda.1.43.15)

प्राकारकर्णनामासावुलूकः शिवपर्वते॥ स ज्ञास्यति महीपालमिंद्रद्युम्नं न संशयः

prākārakarṇanāmāsāvulūkaḥ śivaparvate sa jñāsyati mahīpālamiṁdradyumnaṁ na saṁśayaḥ

'प्राकारकर्ण नामक एक उल्लू शिवपर्वत पर रहता है; वह अवश्य राजा इंद्रद्युम्न को जानेगा, इसमें संदेह नहीं।'

श्लोक 16 (skanda.1.43.16)

तस्मादहं त्वया सार्धममुना च शिवालयम्॥ व्रजामि तं शिखरिणं मित्रकार्यप्रसिद्धये

tasmādahaṁ tvayā sārdhamamunā ca śivālayam vrajāmi taṁ śikhariṇaṁ mitrakāryaprasiddhaye

'इसलिए मैं तुम्हारे और इसके साथ शिवालय को, उस पर्वत को, मित्र-कार्य की सिद्धि के लिए जाऊँगा।'

श्लोक 17 (skanda.1.43.17)

इत्येव मुक्त्वा ते जग्मुस्त्रयोऽपि द्विजपुंगवाः॥ कैलासं ददृशुस्तत्र तमुलूकं स्वनीडगम्

ityeva muktvā te jagmustrayo'pi dvijapuṁgavāḥ kailāsaṁ dadṛśustatra tamulūkaṁ svanīḍagam

'ऐसा कहकर वे तीनों द्विजपुंगव चल पड़े; कैलास पर उन्होंने उस उल्लू को अपने घोंसले में बैठा देखा।'

श्लोक 18 (skanda.1.43.18)

कृतसंविदसौ तेन बकः स्वागतपूजया॥ पृष्टश्च तावुभौ प्राह तत्सर्वमभिवांछितम्

kṛtasaṁvidasau tena bakaḥ svāgatapūjayā pṛṣṭaśca tāvubhau prāha tatsarvamabhivāṁchitam

'बगुले ने, जो उससे पहले से परिचित था, स्वागत-पूजा के साथ उससे भेंट की; दोनों के पूछने पर उसने उन्हें सब वांछित बात कही।'

श्लोक 19 (skanda.1.43.19)

चिरायुरसि जानीषे यदीन्द्रद्युम्नभूपतिम्॥ तद्ब्रूहि तेन ज्ञानेन कार्यं जीवामहे वयम्

cirāyurasi jānīṣe yadīndradyumnabhūpatim tadbrūhi tena jñānena kāryaṁ jīvāmahe vayam

'तुम दीर्घायु हो; यदि तुम राजा इंद्रद्युम्न को जानते हो, तो हमें बताओ — उस ज्ञान पर ही हम जीते हैं।'

श्लोक 20 (skanda.1.43.20)

इति पृष्टः स विमना मित्रकार्यप्रसाधनात्॥ कौशिकः प्राह जानामि नेन्द्रद्युम्नमहं नृपम्

iti pṛṣṭaḥ sa vimanā mitrakāryaprasādhanāt kauśikaḥ prāha jānāmi nendradyumnamahaṁ nṛpam

'ऐसा पूछे जाने पर, मित्र-कार्य सिद्ध न कर पाने से खिन्न होकर कौशिक ने कहा — मैं इंद्रद्युम्न नामक राजा को नहीं जानता।'

श्लोक 21 (skanda.1.43.21)

अष्टाविंशत्प्रमाणा मे कल्पा जातस्य भूतले॥ न दृष्टो न श्रुतो वासाविंद्रद्युम्नो नृपः क्षितौ

aṣṭāviṁśatpramāṇā me kalpā jātasya bhūtale na dṛṣṭo na śruto vāsāviṁdradyumno nṛpaḥ kṣitau

'पृथ्वी पर जन्म लिए मुझे अट्ठाईस कल्प हो चुके हैं; ऐसा कोई राजा इंद्रद्युम्न इस भूमि पर न कभी देखा गया, न सुना गया।'

श्लोक 22 (skanda.1.43.22)

तच्छ्रुत्वा विस्मितो भूपस्तस्यायुरतिमात्रतः॥ दुःखितोऽपि तदा हेतुं पप्रच्छासौ तदायुषः

tacchrutvā vismito bhūpastasyāyuratimātrataḥ duḥkhito'pi tadā hetuṁ papracchāsau tadāyuṣaḥ

'यह सुनकर, उसकी अत्यधिक आयु से विस्मित राजा ने, दुःखी होते हुए भी, उस आयु का कारण पूछा —'

श्लोक 23 (skanda.1.43.23)

एवमायुर्यदि तव कथं प्राप्तं ब्रवीहि तत्॥ उलूकत्वं कथमिदं जुगुप्सितमतीव च

evamāyuryadi tava kathaṁ prāptaṁ bravīhi tat ulūkatvaṁ kathamidaṁ jugupsitamatīva ca

'"यदि तुम्हारी आयु ऐसी है, तो बताओ यह कैसे प्राप्त हुई? और यह अत्यंत घृणित उल्लू-रूप कैसे हुआ?"'

श्लोक 24 (skanda.1.43.24)

॥प्राकारकर्ण उवाच॥ श्रृणु भद्र यथा दीर्घमायुर्मेशिवपूजनात्॥ जुगुप्सितमुलूकत्वं शापेन च महामुनेः

prākārakarṇa uvāca śrṛṇu bhadra yathā dīrghamāyurmeśivapūjanāt jugupsitamulūkatvaṁ śāpena ca mahāmuneḥ

'प्राकारकर्ण ने कहा — सुनो, हे भद्र, कैसे मेरी दीर्घायु शिव-पूजन से हुई, और यह घृणित उल्लू-रूप एक महामुनि के शाप से।'

श्लोक 25 (skanda.1.43.25)

वसिष्ठकुलसंभूतः पुराहमभवं द्विजः॥ घंट इत्यभिविख्यातो वाराणस्यां शिवेरतः

vasiṣṭhakulasaṁbhūtaḥ purāhamabhavaṁ dvijaḥ ghaṁṭa ityabhivikhyāto vārāṇasyāṁ śiverataḥ

'बहुत पहले मैं वसिष्ठ कुल में उत्पन्न एक ब्राह्मण था, घंट नाम से प्रसिद्ध, शिवभक्त, वाराणसी में निवासी।'

श्लोक 26 (skanda.1.43.26)

धर्मश्रवणनिष्ठस्य साधूनां संसदि स्वयम्॥ श्रुत्वास्मि पूजयामीशं बिल्वपत्रैरखंडितैः

dharmaśravaṇaniṣṭhasya sādhūnāṁ saṁsadi svayam śrutvāsmi pūjayāmīśaṁ bilvapatrairakhaṁḍitaiḥ

'धर्मश्रवण में निष्ठ होकर, एक बार साधुओं की सभा में सुनकर मैंने अखंडित बिल्वपत्रों से ईश्वर की पूजा करना आरंभ किया।'

श्लोक 27 (skanda.1.43.27)

न मालती न मंदारः शतपत्रं न मल्लिका॥ तथा प्रियाणि श्रीवृक्षो यथा मदनविद्विषः

na mālatī na maṁdāraḥ śatapatraṁ na mallikā tathā priyāṇi śrīvṛkṣo yathā madanavidviṣaḥ

'न मालती, न मंदार, न शतपत्र, न मल्लिका — इनमें से कोई भी मदनविद्वेषी (शिव) को उतना प्रिय नहीं जितना श्रीवृक्ष (बिल्व)।'

श्लोक 28 (skanda.1.43.28)

अखंडबिल्वपत्रेण एकेन शिवमूर्धनि॥ निहितेन नरैः पुण्यं प्राप्यते लक्षपुष्पजम्

akhaṁḍabilvapatreṇa ekena śivamūrdhani nihitena naraiḥ puṇyaṁ prāpyate lakṣapuṣpajam

'शिव के मस्तक पर रखे एक ही अखंड बिल्वपत्र से मनुष्य लाखों पुष्पों के बराबर पुण्य पाता है।'

श्लोक 29 (skanda.1.43.29)

अखंडितैर्बिल्वपत्रैः श्रद्धया स्वयमाहृतैः॥ लिंगप्रपूजनं कृत्वा वर्षलक्षं वसेद्दिवि

akhaṁḍitairbilvapatraiḥ śraddhayā svayamāhṛtaiḥ liṁgaprapūjanaṁ kṛtvā varṣalakṣaṁ vaseddivi

'श्रद्धापूर्वक स्वयं लाए गए अखंडित बिल्वपत्रों से लिंग की पूजा कर मनुष्य एक लाख वर्षों तक स्वर्ग में निवास करता है।'

श्लोक 30 (skanda.1.43.30)

सच्छास्त्रेभ्य इति श्रुत्वा पूजयाम्यहमीश्वरम्॥ त्रिकालं श्रद्धया पत्रैः श्रीवृक्षस्य त्रिभिस्त्रिभिः

sacchāstrebhya iti śrutvā pūjayāmyahamīśvaram trikālaṁ śraddhayā patraiḥ śrīvṛkṣasya tribhistribhiḥ

'सच्चे शास्त्रों से यह सुनकर मैं त्रिकाल श्रद्धापूर्वक श्रीवृक्ष के पत्तों से, तीन-तीन करके, ईश्वर की पूजा करने लगा।'

श्लोक 31 (skanda.1.43.31)

ततो वर्षशतस्यांते तुतोष शशिशेखरः॥ प्रत्यक्षीभूय मामाह मेघगंभीरया गिरा

tato varṣaśatasyāṁte tutoṣa śaśiśekharaḥ pratyakṣībhūya māmāha meghagaṁbhīrayā girā

'तब सौ वर्षों के अंत में शशिशेखर प्रसन्न हुए; प्रत्यक्ष होकर उन्होंने मुझसे मेघगंभीर वाणी में कहा —'

श्लोक 32 (skanda.1.43.32)

॥ईश्वर उवाच॥ तुष्टोस्मि तव विप्रेंद्राखंडबिल्वदलार्चनात्॥ वृणीष्वाभिमतं यत्ते दास्यम्यपि च दुर्लभम्

īśvara uvāca tuṣṭosmi tava vipreṁdrākhaṁḍabilvadalārcanāt vṛṇīṣvābhimataṁ yatte dāsyamyapi ca durlabham

'ईश्वर ने कहा — हे विप्रेंद्र, मैं तुम्हारी अखंड बिल्वदल-पूजा से प्रसन्न हूँ; जो तुम्हें अभीष्ट हो चुनो — मैं दुर्लभ वस्तु भी दूँगा।'

श्लोक 33 (skanda.1.43.33)

अखंडबिल्वपत्रेण महातुष्टिः प्रजायते॥ एकनापि यथान्येषां तथा न मम कोटिभिः

akhaṁḍabilvapatreṇa mahātuṣṭiḥ prajāyate ekanāpi yathānyeṣāṁ tathā na mama koṭibhiḥ

'एक ही अखंड बिल्वपत्र से जो महातुष्टि उत्पन्न होती है, वह अन्य वस्तुओं से करोड़ों में भी नहीं होती, और मुझे भी करोड़ों से नहीं होती जितनी इस एक से।'

श्लोक 34 (skanda.1.43.34)

इत्युक्तोऽहं भगवता शंभुना स्वमनः स्थितम्॥ वृणोमि स्म वरं देव कुरु मामजरामरम्

ityukto'haṁ bhagavatā śaṁbhunā svamanaḥ sthitam vṛṇomi sma varaṁ deva kuru māmajarāmaram

'भगवान शंभु द्वारा ऐसा कहे जाने पर मैंने अपने मन में स्थित वर माँगा — हे देव, मुझे अजर-अमर बना दीजिए।'

श्लोक 35 (skanda.1.43.35)

अथ लीलाविलासो मां तथेत्युक्त्वाऽविचारितम्॥ ययावदर्शनं प्रीतिमहं च महतीं गतः

atha līlāvilāso māṁ tathetyuktvā'vicāritam yayāvadarśanaṁ prītimahaṁ ca mahatīṁ gataḥ

'तब उस लीलाविलासी ने बिना अधिक विचार किए 'ऐसा ही हो' कहा और मेरी दृष्टि से ओझल हो गए; और मैं महान प्रीति को प्राप्त होकर,'

श्लोक 36 (skanda.1.43.36)

कृतकृत्यं तदात्मानमज्ञासिपमहं क्षितौ॥ एतस्मिन्नेव काले तु भृगुवंश्योऽभवद्द्विजः

kṛtakṛtyaṁ tadātmānamajñāsipamahaṁ kṣitau etasminneva kāle tu bhṛguvaṁśyo'bhavaddvijaḥ

'स्वयं को पृथ्वी पर कृतकृत्य समझने लगा। इसी समय भृगुवंशी एक ब्राह्मण था,'

श्लोक 37 (skanda.1.43.37)

अवदातत्रिजन्मासवक्षविच्चाक्षरार्थवित्॥ सुदर्शनेति प्रथिता प्रिया तस्याभवत्सती

avadātatrijanmāsavakṣaviccākṣarārthavit sudarśaneti prathitā priyā tasyābhavatsatī

'त्रिजन्म से निर्मल, षड्वेदांगों का ज्ञाता, अक्षरार्थवेत्ता; उसकी प्रिय और सती पत्नी सुदर्शना नाम से प्रसिद्ध थी।'

श्लोक 38 (skanda.1.43.38)

अतीव मुदिता पत्युर्मुखं प्रेक्ष्यास्य दर्शनात्॥ तनया देवलस्यैपा रूपेणाप्रतिमा भुवि

atīva muditā patyurmukhaṁ prekṣyāsya darśanāt tanayā devalasyaipā rūpeṇāpratimā bhuvi

'अपने पति के मुख को देखकर ही अत्यंत प्रसन्न होने वाली — वह देवल की पुत्री थी, पृथ्वी पर रूप में अनुपम।'

श्लोक 39 (skanda.1.43.39)

तस्यां तस्मादभूत्कन्या निर्विशेषा निजारणेः॥ निवृत्तबालभावाभूत्कुमारी यौवनोन्मुखी

tasyāṁ tasmādabhūtkanyā nirviśeṣā nijāraṇeḥ nivṛttabālabhāvābhūtkumārī yauvanonmukhī

'उससे एक कन्या उत्पन्न हुई, अपनी ही माता की अरणी के समान अभिन्न; बाल्यावस्था बीतने पर वह यौवन की ओर उन्मुख कुमारी बनी।'

श्लोक 40 (skanda.1.43.40)

नालं बभूव तां दातुं तनयां गुणशालिनीम्॥ कस्यापि जनकः सा च वयःसंधौ मयेक्षिता

nālaṁ babhūva tāṁ dātuṁ tanayāṁ guṇaśālinīm kasyāpi janakaḥ sā ca vayaḥsaṁdhau mayekṣitā

'उसके गुणसंपन्न पुत्री को उसका पिता किसी को भी देने में समर्थ नहीं हुआ था — और यौवन की उस संधि में मैंने उसे देखा।'

श्लोक 41 (skanda.1.43.41)

प्रविश्द्यौवनाभोगभावैरतिमनोहरा॥ निर्वास्यमानैरपरैस्तिलतंदुलिताकृतिः

praviśdyauvanābhogabhāvairatimanoharā nirvāsyamānairaparaistilataṁdulitākṛtiḥ

'खिलते यौवन की परिपूर्णता से अत्यंत मनोहर, तिल और चावल से गढ़ी गई प्रतिमा के समान आकृतिवाली,'

श्लोक 42 (skanda.1.43.42)

क्रीडमाना वयस्याभिर्लावण्यप्रतिमेव सा॥ व्यचिंतयमहं विप्र तां निरीक्ष्य सुमध्यमाम्

krīḍamānā vayasyābhirlāvaṇyapratimeva sā vyaciṁtayamahaṁ vipra tāṁ nirīkṣya sumadhyamām

'सखियों के साथ क्रीड़ा करती हुई वह मानो सौंदर्य की प्रतिमा ही थी। हे विप्र, उस सुमध्यमा को देखकर मैंने विचार किया —'

श्लोक 43 (skanda.1.43.43)

अनन्याकृतिमन्योऽसौ विधिर्येनेति निर्मिता॥ ततः सात्त्विकभावानां तत्क्षणादस्मि गोचरम्

ananyākṛtimanyo'sau vidhiryeneti nirmitā tataḥ sāttvikabhāvānāṁ tatkṣaṇādasmi gocaram

'"निश्चय ही किसी अन्य विधाता ने उसे रचा है, इतनी अनन्य उसकी आकृति है।" तब उसी क्षण मैं भावनाओं के वशीभूत हो गया,'

श्लोक 44 (skanda.1.43.44)

प्रापितो लीलयाहत्य बाणैः कुसुमधन्विना॥ ततो मया स्खलद्वालं पृष्टा कस्येति तत्सखी

prāpito līlayāhatya bāṇaiḥ kusumadhanvinā tato mayā skhaladvālaṁ pṛṣṭā kasyeti tatsakhī

'मानो लीलापूर्वक कुसुमधन्वा के बाणों से आहत होकर। तब मैंने, डगमगाते पग से, उसकी सखी से पूछा कि वह किसकी है।'

श्लोक 45 (skanda.1.43.45)

प्राहेति भृगुवंश्यस्य कन्येयं द्विजजन्मनः॥ अनूढाद्यापि केनापि समायातात्र खेलितुम्

prāheti bhṛguvaṁśyasya kanyeyaṁ dvijajanmanaḥ anūḍhādyāpi kenāpi samāyātātra khelitum

'उसने कहा — यह भृगुवंशी एक ब्राह्मण की पुत्री है, अभी तक अविवाहित, यहाँ किसी के साथ भी खेलने आई है।'

श्लोक 46 (skanda.1.43.46)

ततः कुसुमबाणेन शरव्रातैर्भृशं हतः॥ पितरं प्रणतो गत्वा ययाचे तां भृगूद्वहम्

tataḥ kusumabāṇena śaravrātairbhṛśaṁ hataḥ pitaraṁ praṇato gatvā yayāce tāṁ bhṛgūdvaham

'तब कुसुमबाण के तीरों से अत्यंत आहत होकर मैं उसके पिता के पास प्रणत होकर गया, और उस भृगुवंशी से उसे माँगा।'

श्लोक 47 (skanda.1.43.47)

स च मां सदृशं ज्ञात्वा शीलेन च कुलेन च॥ अतीव चार्थिनं मह्यं ददौ वाचा पुरः क्रमात्

sa ca māṁ sadṛśaṁ jñātvā śīlena ca kulena ca atīva cārthinaṁ mahyaṁ dadau vācā puraḥ kramāt

'और उसने, मुझे शील और कुल से अपने समान जानकर, तथा मेरी अत्यंत उत्कंठा देखकर, मुझे साक्षियों के समक्ष क्रमशः वचन दिया।'

श्लोक 48 (skanda.1.43.48)

ततः सा तनया तस्य भार्गवस्या श्रृणोदिति॥ दत्तास्मि तस्मै विप्राय विरूपायेति जल्पताम्

tataḥ sā tanayā tasya bhārgavasyā śrṛṇoditi dattāsmi tasmai viprāya virūpāyeti jalpatām

'तब भार्गव की उस पुत्री ने ऐसा सुना — 'मैं उस कुरूप ब्राह्मण को दे दी गई हूँ' — ऐसा लोग कहते हुए।'

श्लोक 49 (skanda.1.43.49)

रोरूयमाणा जननीमाह पश्य यथा कृतम्॥ अतीवानुचितं दत्त्वा जनकेन तथा वरे

rorūyamāṇā jananīmāha paśya yathā kṛtam atīvānucitaṁ dattvā janakena tathā vare

'ज़ोर से रोते हुए उसने माता से कहा — देखो पिता ने क्या किया! मुझे इतने अनुचित वर को दे दिया है...'

श्लोक 50 (skanda.1.43.50)

विषमालोड्य पास्यामि प्रवेक्ष्यामि हुताशनम्॥ वरं न तु विरूपस्योद्वोढुर्भार्या कथंचन

viṣamāloḍya pāsyāmi pravekṣyāmi hutāśanam varaṁ na tu virūpasyodvoḍhurbhāryā kathaṁcana

'...मैं विष घोलकर पी लूँगी, अथवा अग्नि में प्रवेश करूँगी; परंतु किसी भी प्रकार कुरूप पति की पत्नी नहीं बनूँगी।'

श्लोक 51 (skanda.1.43.51)

ततः संबोध्य जननी तां सुतामाह भार्गवम्॥ न देयास्मै त्वया कन्या विरूपायेति चाग्रहात्

tataḥ saṁbodhya jananī tāṁ sutāmāha bhārgavam na deyāsmai tvayā kanyā virūpāyeti cāgrahāt

'तब माता ने अपनी पुत्री से बातचीत कर भार्गव से कहा — तुम्हें यह कन्या उस कुरूप को नहीं देनी चाहिए — ऐसा दृढ़तापूर्वक आग्रह करते हुए।'

श्लोक 52 (skanda.1.43.52)

स वल्लभावचः श्रुत्वा धर्मशास्त्राण्यवेक्ष्य च॥ दत्तामपि हरेत्पूर्वां श्रेयांश्चेद्वर आव्रजेत्

sa vallabhāvacaḥ śrutvā dharmaśāstrāṇyavekṣya ca dattāmapi haretpūrvāṁ śreyāṁścedvara āvrajet

'अपनी प्रिय पत्नी की बात सुनकर और धर्मशास्त्रों पर विचार करके उसने सोचा — पहले दी गई कन्या को भी, यदि कोई श्रेष्ठतर वर आ जाए, तो वापस लिया जा सकता है —'

श्लोक 53 (skanda.1.43.53)

अर्वाक्छिलाक्रमणतो निष्ठा स्यात्सप्तमे पदे॥ इति व्यवस्य प्रददावन्यस्मै तां द्विजः सुताम्

arvākchilākramaṇato niṣṭhā syātsaptame pade iti vyavasya pradadāvanyasmai tāṁ dvijaḥ sutām

'क्योंकि निष्ठा (अंतिम निश्चय) शिला-आरोहण से पहले सप्तपदी के सातवें पद पर ही होती है।' ऐसा निश्चय कर उस ब्राह्मण ने अपनी पुत्री किसी और को दे दी,'

श्लोक 54 (skanda.1.43.54)

श्वोभाविनि विवाहे तु तच्च सर्वं मया श्रुतम्॥ ततोतीव विलक्ष्योहं वयस्यानां पुरस्तदा

śvobhāvini vivāhe tu tacca sarvaṁ mayā śrutam tatotīva vilakṣyohaṁ vayasyānāṁ purastadā

'अगले दिन ही विवाह होना था; और यह सब मैंने भी सुना। तब अपने साथियों के समक्ष अत्यंत विलज्जित होकर,'

श्लोक 55 (skanda.1.43.55)

नाशकं वदनं भद्र तथा दर्शयितुं निजम्॥ कामार्तोतीव तां सुप्तामर्वाग्निशि तदाहरम्

nāśakaṁ vadanaṁ bhadra tathā darśayituṁ nijam kāmārtotīva tāṁ suptāmarvāgniśi tadāharam

'हे भद्र, मैं अपना मुख भी दिखा न सका। कामार्त होकर, विवाह से पहले ही, उस रात्रि में सोई हुई उस बाला को मैं हर लाया —'

श्लोक 56 (skanda.1.43.56)

नीत्वा दुर्गतमैकांतेऽकार्षमौद्वाहिकं विधिम्॥ गांधर्वेण विवाहेन ततोऽकार्षं हृदीप्सितम्

nītvā durgatamaikāṁte'kārṣamaudvāhikaṁ vidhim gāṁdharveṇa vivāhena tato'kārṣaṁ hṛdīpsitam

'और उसे एकांत में ले जाकर मैंने विवाह-विधि सम्पन्न की; गांधर्व विवाह से मैंने अपने हृदय की इच्छा पूरी की —'

श्लोक 57 (skanda.1.43.57)

अनिच्छंतीं तदा बालां बलात्सुरतसेवनम्॥ अथानुपदमागत्य तत्पिता प्रातरेव माम्

anicchaṁtīṁ tadā bālāṁ balātsuratasevanam athānupadamāgatya tatpitā prātareva mām

'उस अनिच्छुक बाला को बलपूर्वक संभोग के लिए बाध्य किया। फिर अगली सुबह ही उसके पिता तुरंत पीछे आकर मुझे पा गए —'

श्लोक 58 (skanda.1.43.58)

निश्वस्य संवृतो विप्रास्तां वीक्ष्योद्वाहितां सुताम्॥ शशाप कुपितो भद्र मां तदानीं स भार्गवः

niśvasya saṁvṛto viprāstāṁ vīkṣyodvāhitāṁ sutām śaśāpa kupito bhadra māṁ tadānīṁ sa bhārgavaḥ

'निःश्वास लेते हुए, ब्राह्मणों से घिरे, अपनी इस प्रकार विवाहित पुत्री को देखकर — उस भार्गव ने क्रुद्ध होकर मुझे तब शाप दिया, हे भद्र,'

श्लोक 59 (skanda.1.43.59)

॥भार्गव उवाच॥ निशाचरस्य धर्मेण यत्त्वयोद्वाहिता सुता॥ तस्मान्निशाचरः पाप भव त्वमविलंबितम्

bhārgava uvāca niśācarasya dharmeṇa yattvayodvāhitā sutā tasmānniśācaraḥ pāpa bhava tvamavilaṁbitam

'भार्गव ने कहा — क्योंकि तुमने निशाचर के धर्म से मेरी पुत्री को ब्याहा है, इसलिए, हे पापी, तुम अविलंब निशाचर बन जाओ!'

श्लोक 60 (skanda.1.43.60)

इति शप्तः प्रण्म्यैनं पादोपग्रहपूर्वकम्॥ हाहेति च ब्रुवन्गाढं साश्रुनेत्रं सगद्गदम्

iti śaptaḥ praṇmyainaṁ pādopagrahapūrvakam hāheti ca bruvangāḍhaṁ sāśrunetraṁ sagadgadam

'इस प्रकार शापित होकर मैंने उसे पादपकड़कर प्रणाम किया, 'हाय हाय' कहते हुए ज़ोर से, अश्रुपूरित नेत्रों और गद्गद वाणी से —'

श्लोक 61 (skanda.1.43.61)

ततोहमब्रवं कस्माददोषं मां भवानिति॥ शपते भवता दत्ता मम वाचा पुरा सुता

tatohamabravaṁ kasmādadoṣaṁ māṁ bhavāniti śapate bhavatā dattā mama vācā purā sutā

'और तब मैंने कहा — मुझे निर्दोष होते हुए भी आप क्यों शाप देते हैं? मुझे यह कन्या पहले आपके ही वचन से दी गई थी —'

श्लोक 62 (skanda.1.43.62)

सोद्वाहिता मया कन्या दानं सकृदिति स्मृतिः॥ सकृज्जल्पंति राजानः सकृज्जल्पंति पण्डिताः

sodvāhitā mayā kanyā dānaṁ sakṛditi smṛtiḥ sakṛjjalpaṁti rājānaḥ sakṛjjalpaṁti paṇḍitāḥ

'और वह कन्या मेरे द्वारा ब्याही गई है; यह स्मृति है कि दान एक ही बार दिया जाता है। राजा एक ही बार बोलते हैं, पंडित एक ही बार बोलते हैं,'

श्लोक 63 (skanda.1.43.63)

सकृत्कन्याः प्रदीयंते त्रीण्येतानि सकृत्सकृत्॥ किं च प्रतिश्रुतार्थस्य निर्वाहस्तत्सतां व्रतम्

sakṛtkanyāḥ pradīyaṁte trīṇyetāni sakṛtsakṛt kiṁ ca pratiśrutārthasya nirvāhastatsatāṁ vratam

'कन्याएँ भी एक ही बार दी जाती हैं — ये तीनों कार्य एक ही बार होते हैं। और फिर, प्रतिज्ञात कार्य को पूर्ण करना ही सज्जनों का व्रत है।'

श्लोक 64 (skanda.1.43.64)

भवादृशानां साधूनां साधूनां तस्य त्यागो विगर्हितः॥ प्रतिश्रुता त्वया लब्धा तदा कालमियं मया

bhavādṛśānāṁ sādhūnāṁ sādhūnāṁ tasya tyāgo vigarhitaḥ pratiśrutā tvayā labdhā tadā kālamiyaṁ mayā

'हे साधुजनों के समान, आपके जैसे व्यक्तियों के लिए उसका त्याग सज्जनों में भी निंदनीय है। आपके द्वारा किया गया वचन मैंने उचित समय पर प्राप्त किया,'

श्लोक 65 (skanda.1.43.65)

उद्वोढा चाधुना नाहमुचितः शापभाजनम्॥ वृथा शपन्ति मह्यं च भवंतस्तद्विचार्यताम्

udvoḍhā cādhunā nāhamucitaḥ śāpabhājanam vṛthā śapanti mahyaṁ ca bhavaṁtastadvicāryatām

'और अब मैंने उसे ब्याह लिया है — मैं इस शाप का पात्र नहीं हूँ; आप मुझे व्यर्थ ही शाप दे रहे हैं — इस पर विचार कीजिए।'

श्लोक 66 (skanda.1.43.66)

यो दत्त्वा कन्यकां वाचा पश्चाद्धरति दुर्मतिः॥ स याति नरकं चेति धर्मशास्त्रेषु निश्चितम्

yo dattvā kanyakāṁ vācā paścāddharati durmatiḥ sa yāti narakaṁ ceti dharmaśāstreṣu niścitam

'"जो वचन से कन्या देकर बाद में दुर्बुद्धिवश उसे वापस ले लेता है, वह नरक को जाता है" — यह धर्मशास्त्रों में निश्चित है।'

श्लोक 67 (skanda.1.43.67)

तदाकर्ण्य व्यवस्यासौ तथ्यं मद्वचनं हृदा॥ पश्चात्तापसमोपेतो मुनिर्मामित्यथाब्रवीत्

tadākarṇya vyavasyāsau tathyaṁ madvacanaṁ hṛdā paścāttāpasamopeto munirmāmityathābravīt

'यह सुनकर, और अपने हृदय में मेरे वचन के सत्य को समझते हुए, वह मुनि, तब पश्चाताप से भरकर मुझसे यह बोला —'

श्लोक 68 (skanda.1.43.68)

न मे स्यादन्यथा वाणी उलूकस्त्वं भविष्यति॥ निशाचरो ह्युलूकोऽपि प्रोच्यते द्विजसत्तम

na me syādanyathā vāṇī ulūkastvaṁ bhaviṣyati niśācaro hyulūko'pi procyate dvijasattama

'"मेरी वाणी अन्यथा नहीं हो सकती — तुम उल्लू बनोगे; क्योंकि उल्लू भी निशाचर ही कहलाता है, हे द्विजसत्तम।'

श्लोक 69 (skanda.1.43.69)

यदेंद्रद्युम्नविज्ञाने सहायस्तंव भविष्यसि॥ तदा त्वं प्रकृतिं विप्र प्राप्स्यसीत्यब्रवीत्स माम्

yadeṁdradyumnavijñāne sahāyastaṁva bhaviṣyasi tadā tvaṁ prakṛtiṁ vipra prāpsyasītyabravītsa mām

'"परंतु जब तुम इंद्रद्युम्न के ज्ञान में सहायक बनोगे, तब, हे विप्र, तुम अपने स्वभाव को पुनः प्राप्त करोगे" — ऐसा उसने मुझसे कहा।'

श्लोक 70 (skanda.1.43.70)

तद्वाक्यसमकालं च कौशिकत्वमिदं मम॥ एतावंति दिनान्यासीदष्टाविंशद्दिनं विधेः

tadvākyasamakālaṁ ca kauśikatvamidaṁ mama etāvaṁti dinānyāsīdaṣṭāviṁśaddinaṁ vidheḥ

'उसके वचन के साथ ही मेरा यह उल्लू-रूप हो गया। इतने ही दिन बीत चुके हैं — ब्रह्मा के अट्ठाईस दिन [अर्थात् कल्प]।'

श्लोक 71 (skanda.1.43.71)

बिल्वीदलौरिति पुरा शशिशेखरस्य संपूजनेन मम दीर्घतरं किलायुः॥ संजातमत्र च जुगुप्सितमस्य शापात्कैलासरोधसि निशाचररूपमासीत्

bilvīdalauriti purā śaśiśekharasya saṁpūjanena mama dīrghataraṁ kilāyuḥ saṁjātamatra ca jugupsitamasya śāpātkailāsarodhasi niśācararūpamāsīt

'इस प्रकार पूर्वकाल में बिल्वदलों से शशिशेखर की पूजा द्वारा मुझे यह अत्यंत दीर्घ आयु प्राप्त हुई; और यहाँ उनके शाप से कैलास के तट पर यह घृणित निशाचर-रूप हुआ।'