दमनक-उत्सव की महिमा

श्लोक 1 (skanda.1.44.1)

॥ उलूक उवाच॥ इतीदमुक्तमखिलं पूर्वजन्मसमुद्भवम्॥ स्वरूपमायुषो हेतुः कौशिकत्वस्य चेति मे

ulūka uvāca itīdamuktamakhilaṁ pūrvajanmasamudbhavam svarūpamāyuṣo hetuḥ kauśikatvasya ceti me

उल्लू ने कहा — इस प्रकार यह सब पूर्वजन्म से उत्पन्न कथा, मेरी आयु का स्वरूप और कारण, तथा उल्लू बनने की कथा, मैंने तुम्हें कह दी।

श्लोक 2 (skanda.1.44.2)

इत्युक्त्वा विरते तस्मिन्पुरूहूतसनामनि॥ नाडीजंघो बको मित्रमाह तं दुःखितो वचः

ityuktvā virate tasminpurūhūtasanāmani nāḍījaṁgho bako mitramāha taṁ duḥkhito vacaḥ

ऐसा कहकर जब पुरूहूत-सनामा (कौशिक) चुप हो गया, तब नाडीजंघ बगुले ने दुःखी होकर अपने मित्र से यह वचन कहा —

श्लोक 3 (skanda.1.44.3)

॥नाडीजंघ उवाच॥ यदर्थं वयमायातास्तन्न सिद्धं महामते॥ कार्यं तन्मरणं नूनं त्रयाणामप्युपागतम्

nāḍījaṁgha uvāca yadarthaṁ vayamāyātāstanna siddhaṁ mahāmate kāryaṁ tanmaraṇaṁ nūnaṁ trayāṇāmapyupāgatam

'नाडीजंघ ने कहा — हे महामते, जिस उद्देश्य से हम आए थे, वह सिद्ध नहीं हुआ; अब मृत्यु ही तीनों के लिए निश्चित कार्य बन गई है।'

श्लोक 4 (skanda.1.44.4)

इंद्रद्युम्नापरिज्ञाने भद्रकोऽयं मुमूर्षति॥ तस्यानु मित्रं मार्कंडस्तं चान्वहमपि स्फुटम्

iṁdradyumnāparijñāne bhadrako'yaṁ mumūrṣati tasyānu mitraṁ mārkaṁḍastaṁ cānvahamapi sphuṭam

'इंद्रद्युम्न का पता न चलने से यह भद्र पुरुष मरना चाहता है; उसके पीछे उसका मित्र मार्कण्ड, और मैं भी, प्रतिदिन स्पष्ट रूप से...'

श्लोक 5 (skanda.1.44.5)

मित्रकार्ये विनिर्वृत्ते म्रियमाणं निरीक्षते॥ यो मित्रं जीवितं तस्य धिगस्निग्धं दुरात्मनः

mitrakārye vinirvṛtte mriyamāṇaṁ nirīkṣate yo mitraṁ jīvitaṁ tasya dhigasnigdhaṁ durātmanaḥ

'...मित्र-कार्य अपूर्ण रहते हुए, एक के बाद एक को मरते देखता हूँ। धिक्कार है उस स्नेहहीन दुरात्मा को जिसे अपने मित्र का जीवन कुछ नहीं लगता!'

श्लोक 6 (skanda.1.44.6)

तदेतावनुयास्यामि म्रियमाणावहं द्विज॥ आपृच्छे त्वां नमस्कार आश्लेषश्चाथपश्चिमः

tadetāvanuyāsyāmi mriyamāṇāvahaṁ dvija āpṛcche tvāṁ namaskāra āśleṣaścāthapaścimaḥ

'इसलिए, हे द्विज, मैं भी इन दोनों के मरने पर उनका अनुसरण करूँगा। मैं तुमसे विदा लेता हूँ, नमस्कार सहित, और अंतिम आलिंगन के साथ।'

श्लोक 7 (skanda.1.44.7)

प्रतिज्ञातमनिष्पाद्य मित्रस्याभ्यागतस्य च॥ कथंकारं न लज्जंते हताशा जीवितेप्सवः

pratijñātamaniṣpādya mitrasyābhyāgatasya ca kathaṁkāraṁ na lajjaṁte hatāśā jīvitepsavaḥ

'जो मित्र से किए गए वचन को, जो सहायता माँगने आया था, पूरा न करके भी जीवन की लालसा रखते हैं, वे हताश जन कैसे लज्जित नहीं होते?'

श्लोक 8 (skanda.1.44.8)

तस्माद्वह्निं प्रवेक्ष्यामि सार्धमाभ्यामसंशयम्॥ आपृष्टोऽस्यधुना स्नेहान्मम देहि जलांजलिम्

tasmādvahniṁ pravekṣyāmi sārdhamābhyāmasaṁśayam āpṛṣṭo'syadhunā snehānmama dehi jalāṁjalim

'इसलिए मैं निःसंदेह इन दोनों के साथ अग्नि में प्रवेश करूँगा। अब स्नेहवश तुमसे विदा लेकर, मुझे जलांजलि दो।'

श्लोक 9 (skanda.1.44.9)

इत्युक्तवत्युलूकोऽसौ नाडीजंघे सगद्गदम्॥ साश्रुनेत्रं स्थिरीभूय प्राह वाचं सुधासमुचम्

ityuktavatyulūko'sau nāḍījaṁghe sagadgadam sāśrunetraṁ sthirībhūya prāha vācaṁ sudhāsamucam

'ऐसा कहने पर उस उल्लू ने, नाडीजंघ को संबोधित करते हुए, गद्गद स्वर और अश्रुपूरित नेत्रों से, फिर स्थिर होकर अमृत-सम वाणी में कहा —'

श्लोक 10 (skanda.1.44.10)

॥उलूक उवाच॥ मयि जीवति मित्रे मे भवान्मरणमेति च॥ अद्यप्रभृति कस्तर्हि हृदा मम लभिष्यति

ulūka uvāca mayi jīvati mitre me bhavānmaraṇameti ca adyaprabhṛti kastarhi hṛdā mama labhiṣyati

'उल्लू ने कहा — मेरे मित्र, जब मैं जीवित हूँ, तो क्या तुम मृत्यु को प्राप्त होगे? आज से फिर मेरे हृदय का स्नेह किसे प्राप्त होगा?'

श्लोक 11 (skanda.1.44.11)

अस्त्युपायो महानत्र गन्धमादनपर्वते॥ मत्तश्चिरायुर्मित्रोस्ति गृध्रः प्राणसमः सुहृत्

astyupāyo mahānatra gandhamādanaparvate mattaścirāyurmitrosti gṛdhraḥ prāṇasamaḥ suhṛt

'यहाँ एक महान उपाय है — गंधमादन पर्वत पर मेरा एक मित्र है, मुझसे भी दीर्घायु, एक गृध्र, प्राणों के समान प्रिय।'

श्लोक 12 (skanda.1.44.12)

स विज्ञास्यति वोऽभीष्टमिंद्रद्युम्नं महीपतिम्॥ इत्युक्त्वा पुरतस्तस्थावुलूकः स च भूपतिः

sa vijñāsyati vo'bhīṣṭamiṁdradyumnaṁ mahīpatim ityuktvā puratastasthāvulūkaḥ sa ca bhūpatiḥ

'वह तुम्हारे अभीष्ट राजा इंद्रद्युम्न को जान लेगा।' ऐसा कहकर वह उल्लू और वह राजा आगे चल पड़े,'

श्लोक 13 (skanda.1.44.13)

मार्कंडेयो बकश्चैव प्रययुर्गंधमादनम्॥ तमायांतमथालोक्य वयस्यं पुरतः स्थितम्

mārkaṁḍeyo bakaścaiva prayayurgaṁdhamādanam tamāyāṁtamathālokya vayasyaṁ purataḥ sthitam

'तथा मार्कण्डेय और बगुला भी, और वे गंधमादन को गए। अपने उस मित्र को आते हुए देखकर, अपने सामने खड़ा पाकर,'

श्लोक 14 (skanda.1.44.14)

स्वकुलायात्प्रहृष्टोऽसौ गृध्रः संमुखमाययौ॥ कृतसंविदसौ पूर्वं स्वागतासनभोजनैः

svakulāyātprahṛṣṭo'sau gṛdhraḥ saṁmukhamāyayau kṛtasaṁvidasau pūrvaṁ svāgatāsanabhojanaiḥ

'प्रसन्न होकर वह गृध्र अपने घोंसले से निकलकर उसका स्वागत करने आया। पहले की तरह स्वागत, आसन और भोजन से बातचीत कर,'

श्लोक 15 (skanda.1.44.15)

उलूकं गृध्रराजश्च कार्यं पप्रच्छ तं तथा॥ म चाचख्यावयं मित्रं बको मेऽस्य मुनिः किल

ulūkaṁ gṛdhrarājaśca kāryaṁ papraccha taṁ tathā ma cācakhyāvayaṁ mitraṁ bako me'sya muniḥ kila

'उल्लू और गृध्रराज ने तब उससे विषय पूछा; और उल्लू ने बताया — यह बगुला मेरा मित्र है, और यह मुनि भी।'

श्लोक 16 (skanda.1.44.16)

मुनेरपि तृतीयोऽयं मित्रं चार्थोयमुद्यतः॥ इंद्रद्युम्नपरिज्ञाने स्वयं जीवति नान्यथा

munerapi tṛtīyo'yaṁ mitraṁ cārthoyamudyataḥ iṁdradyumnaparijñāne svayaṁ jīvati nānyathā

'यह मुनि का भी तीसरा मित्र है; और यह विषय अत्यावश्यक है — क्योंकि मुनि स्वयं इंद्रद्युम्न को जानने की शर्त पर ही जीवित है, अन्यथा नहीं।'

श्लोक 17 (skanda.1.44.17)

वह्निं प्रवेक्ष्यते व्यक्तमयं तदनु वै वयम्॥ मया निषिद्धोऽयं ज्ञात्वा त्वां चिरंतनमात्मना

vahniṁ pravekṣyate vyaktamayaṁ tadanu vai vayam mayā niṣiddho'yaṁ jñātvā tvāṁ ciraṁtanamātmanā

'वह स्पष्ट रूप से अग्नि में प्रवेश करेगा, और उसके पीछे हम भी। तुम्हें दीर्घजीवी जानकर मैंने स्वयं उसे इससे रोका है —'

श्लोक 18 (skanda.1.44.18)

तच्चेज्जानासि तं ब्रूहि चतुर्णां देहि जीवितम्॥ संरक्ष्याप्नुहि सत्कीर्तिं क्षयं चाखिलपाप्मनः

taccejjānāsi taṁ brūhi caturṇāṁ dehi jīvitam saṁrakṣyāpnuhi satkīrtiṁ kṣayaṁ cākhilapāpmanaḥ

'अतः यदि तुम यह जानते हो, तो बताओ — इन चारों को जीवन दो। अपनी सत्कीर्ति की रक्षा करो और उसे प्राप्त करो, और सभी पापों का नाश करो।'

श्लोक 19 (skanda.1.44.19)

॥गृध्र उवाच॥ षट्पंचाशद्व्यतीता मे कल्पा जातस्य कौशिक॥ न दृष्टो न श्रुतोऽस्माभिरिंद्रद्युम्नो महीपतिः

gṛdhra uvāca ṣaṭpaṁcāśadvyatītā me kalpā jātasya kauśika na dṛṣṭo na śruto'smābhiriṁdradyumno mahīpatiḥ

'गृध्र ने कहा — हे कौशिक, मेरे जन्म से छप्पन कल्प बीत चुके हैं; हमने न तो राजा इंद्रद्युम्न को देखा है, न सुना है।'

श्लोक 20 (skanda.1.44.20)

तच्छ्रुत्वा विस्मयाविष्ट इंद्रद्युम्नोऽपि दुःखितः॥ पप्रचछ जीविते हेतुमतिमात्रे विहंगमम्

tacchrutvā vismayāviṣṭa iṁdradyumno'pi duḥkhitaḥ papracacha jīvite hetumatimātre vihaṁgamam

'यह सुनकर विस्मय से भरे इंद्रद्युम्न ने, दुःखी होते हुए भी, उस पक्षी से उसकी अत्यधिक दीर्घायु का कारण पूछा।'

श्लोक 21 (skanda.1.44.21)

॥गृध्र उवाच॥ श्रृणु भद्रै पुरा जातो मर्कटोऽहं च चापलः॥ आसं कदाचिदभवद्वसंतोऽथ ऋतुः क्रमात्

gṛdhra uvāca śrṛṇu bhadrai purā jāto markaṭo'haṁ ca cāpalaḥ āsaṁ kadācidabhavadvasaṁto'tha ṛtuḥ kramāt

'गृध्र ने कहा — सुनो, हे भद्र: पूर्वकाल में मैं एक चंचल वानर के रूप में जन्मा था। एक बार, क्रम से, वसंत ऋतु आई —'

श्लोक 22 (skanda.1.44.22)

तत्राग्रे देवदेवस्य वनमध्ये शिवालये॥ भवोद्भवस्य पुरतो जगद्योगेश्वराभिधे

tatrāgre devadevasya vanamadhye śivālaye bhavodbhavasya purato jagadyogeśvarābhidhe

'और वहाँ, देवदेव के समक्ष, वन के मध्य एक शिवालय में, संसार के उद्गम-स्वामी योगेश्वर के सामने,'

श्लोक 23 (skanda.1.44.23)

चतुर्दशीदिने हस्तनक्षत्रे हर्षणाभिधे॥ योगे चैत्रे सिते पक्ष आसीद्दमनकोत्सवः

caturdaśīdine hastanakṣatre harṣaṇābhidhe yoge caitre site pakṣa āsīddamanakotsavaḥ

'चतुर्दशी के दिन, हस्त नक्षत्र में, हर्षण नामक शुभ योग में, चैत्र शुक्ल पक्ष में, दमनक-उत्सव मनाया जा रहा था।'

श्लोक 24 (skanda.1.44.24)

अत्र सौवर्ण्यदोलायां लिंग आरोपिते जनैः॥ निशायामधिरूह्याऽहं दोलां तां च व्यचालयम्

atra sauvarṇyadolāyāṁ liṁga āropite janaiḥ niśāyāmadhirūhyā'haṁ dolāṁ tāṁ ca vyacālayam

'वहाँ, जब लोगों ने लिंग को स्वर्ण-दोला पर आरोपित किया, तब रात्रि में मैं उस दोले पर चढ़कर उसे हिलाने लगा —'

श्लोक 25 (skanda.1.44.25)

निसर्गाज्जतिचापल्याच्चिरकालं पुनःपुनः॥ अथ प्रभात आयाता जनाः पूजाकृते कपिम्

nisargājjaticāpalyāccirakālaṁ punaḥpunaḥ atha prabhāta āyātā janāḥ pūjākṛte kapim

'बार-बार, दीर्घकाल तक, अपनी स्वाभाविक अत्यधिक चंचलता से। फिर सुबह लोग पूजा के लिए आए, और दोले पर चढ़े वानर को देखकर,'

श्लोक 26 (skanda.1.44.26)

दोलाधिरूढमालोक्य लकुटैर्मां व्यताडयन्॥ दोलासंस्थित एवाहं प्रमीतः शिवमंदिरे

dolādhirūḍhamālokya lakuṭairmāṁ vyatāḍayan dolāsaṁsthita evāhaṁ pramītaḥ śivamaṁdire

'उन्होंने मुझे लाठियों से पीटा। मैं वहीं दोले पर, शिवमंदिर में, मृत्यु को प्राप्त हुआ।'

श्लोक 27 (skanda.1.44.27)

तेषां प्रहारैः सुदृढैर्बहुभिर्वज्रदुःसहैः॥ शिवांदोलनमाहात्म्याज्जातोऽहं नृपमंदिरे

teṣāṁ prahāraiḥ sudṛḍhairbahubhirvajraduḥsahaiḥ śivāṁdolanamāhātmyājjāto'haṁ nṛpamaṁdire

'उन दृढ़, अनेक, वज्र के समान असह्य प्रहारों से — शिव को झुलाने की महिमा से मैं राजभवन में जन्मा,'

श्लोक 28 (skanda.1.44.28)

काशीश्वरस्य तनयः प्रतीतोऽस्मि कुशध्वजः॥ जाति स्मरस्ततो राज्ये क्रमात्प्राप्याहमैश्वरम्

kāśīśvarasya tanayaḥ pratīto'smi kuśadhvajaḥ jāti smarastato rājye kramātprāpyāhamaiśvaram

'काशीश्वर के पुत्र कुशध्वज के रूप में प्रसिद्ध हुआ। जातिस्मर होकर मैंने क्रमशः राज्य पर सम्पूर्ण आधिपत्य प्राप्त किया,'

श्लोक 29 (skanda.1.44.29)

कारयामि धरापृष्ठे चैत्रे दमनकोत्सवम्॥ यथा यथा दोलयति शिवं दोलास्थितं नरः

kārayāmi dharāpṛṣṭhe caitre damanakotsavam yathā yathā dolayati śivaṁ dolāsthitaṁ naraḥ

'और मैंने पृथ्वी भर में चैत्र माह में दमनक-उत्सव करवाया। क्योंकि जिस-जिस मात्रा में मनुष्य दोले पर बैठे शिव को झुलाता है —'

श्लोक 30 (skanda.1.44.30)

तथा तथाऽशुभं याति पुण्यमायाति भद्रक॥ शिवदीक्षामुपागम्याखिलसंस्कारसंस्कृतः

tathā tathā'śubhaṁ yāti puṇyamāyāti bhadraka śivadīkṣāmupāgamyākhilasaṁskārasaṁskṛtaḥ

'...उसी मात्रा में, हे भद्रक, उसका अशुभ दूर होता है और पुण्य आता है। शिवदीक्षा प्राप्त कर, समस्त संस्कारों से संस्कृत होकर,'

श्लोक 31 (skanda.1.44.31)

शिवाचार्यैर्विमुक्तोऽहं पशुपाशैस्तदागमात्॥ निर्वाहदीक्षापर्यंतान्संस्कारान्प्राप्य सर्वतः

śivācāryairvimukto'haṁ paśupāśaistadāgamāt nirvāhadīkṣāparyaṁtānsaṁskārānprāpya sarvataḥ

'शिवाचार्यों द्वारा उस आगम से पशुपाशों से मुक्त होकर, निर्वाह-दीक्षा तक के सभी संस्कार प्राप्त कर,'

श्लोक 32 (skanda.1.44.32)

आराधयामि देवेशं प्रत्यक्चित्तमुमापतिम्॥ समस्तक्लेशविच्छेदकारणं जगतां गुरुम्

ārādhayāmi deveśaṁ pratyakcittamumāpatim samastakleśavicchedakāraṇaṁ jagatāṁ gurum

'मैं देवेश की, अंतर्मुखी चित्त से, उमापति की आराधना करता हूँ, जो समस्त क्लेशों के विच्छेद के कारण हैं, जगत् के गुरु हैं,'

श्लोक 33 (skanda.1.44.33)

चित्तवृत्तिनिरोधेन वैराग्याभ्यासयोगतः॥ जपन्नुद्गीतमस्यार्थं भावयन्नष्टमं रसम्

cittavṛttinirodhena vairāgyābhyāsayogataḥ japannudgītamasyārthaṁ bhāvayannaṣṭamaṁ rasam

'चित्तवृत्ति के निरोध से, वैराग्य-अभ्यास-योग से, उद्गीत के अर्थ का जप करते हुए, अष्टम रस का भावन करते हुए,'

श्लोक 34 (skanda.1.44.34)

ततो मां प्रणिधानेनाभ्यासेन दृढभूमिना॥ अन्तरायानुपहतं ज्ञात्वा तुष्टोऽब्रवीद्धरः

tato māṁ praṇidhānenābhyāsena dṛḍhabhūminā antarāyānupahataṁ jñātvā tuṣṭo'bravīddharaḥ

'तब मेरी दृढ़ भूमि वाली प्रणिधान और अभ्यास से, विघ्नों से अबाधित जानकर, हर प्रसन्न होकर बोले —'

श्लोक 35 (skanda.1.44.35)

॥ईश्वर उवाच॥ कुशध्वजाहं तुष्टोद्य वरं वरय वांछितम्॥ न हीदृशमनुष्ठानं कस्याप्यस्ति महीतले

īśvara uvāca kuśadhvajāhaṁ tuṣṭodya varaṁ varaya vāṁchitam na hīdṛśamanuṣṭhānaṁ kasyāpyasti mahītale

'ईश्वर ने कहा — हे कुशध्वज, मैं आज प्रसन्न हूँ; अपना अभीष्ट वर माँगो। क्योंकि पृथ्वी पर किसी अन्य के पास ऐसा अनुष्ठान नहीं है।'

श्लोक 36 (skanda.1.44.36)

श्रुत्वेत्युक्तो मया शम्भुर्भूयासं ते गंणो ह्यहम्॥ अनेनैव शरीरेण तथेत्येवाह गां प्रभुः

śrutvetyukto mayā śambhurbhūyāsaṁ te gaṁṇo hyaham anenaiva śarīreṇa tathetyevāha gāṁ prabhuḥ

'यह सुनकर मैंने शंभु से कहा — मैं इसी शरीर से आपका गण बनूँ। 'ऐसा ही हो,' प्रभु ने मुझसे कहा।'

श्लोक 37 (skanda.1.44.37)

ततः कैलासमानीय विमानं मम चादिशत्॥ सर्वरत्नमयं दिव्यं दिव्याश्चर्यसमावृतम्

tataḥ kailāsamānīya vimānaṁ mama cādiśat sarvaratnamayaṁ divyaṁ divyāścaryasamāvṛtam

'फिर मुझे कैलास ले जाकर उन्होंने मुझे एक विमान प्रदान किया, सर्वरत्नमय, दिव्य, दिव्य आश्चर्यों से घिरा हुआ —'

श्लोक 38 (skanda.1.44.38)

विचरामि प्रतीतोऽहं तदारूढो यदृच्छया॥ अथ काले कियन्मात्रे व्यतीतेऽत्रैवं पर्वते

vicarāmi pratīto'haṁ tadārūḍho yadṛcchayā atha kāle kiyanmātre vyatīte'traivaṁ parvate

'और मैं प्रसन्न होकर उस पर आरूढ़ होकर इच्छानुसार विचरण करता हूँ। फिर कुछ समय बीतने पर, इसी पर्वत पर,'

श्लोक 39 (skanda.1.44.39)

गवाक्षाधिष्ठितोऽपश्यं वसंते मुनिकन्यकाम्॥ प्रवाति दक्षिणे वायौ मदनाग्निप्रदीपितः

gavākṣādhiṣṭhito'paśyaṁ vasaṁte munikanyakām pravāti dakṣiṇe vāyau madanāgnipradīpitaḥ

'खिड़की से झाँकते हुए मैंने वसंत ऋतु में एक मुनिकन्या को देखा — दक्षिणी वायु बह रही थी, और मैं मदन-अग्नि से प्रज्वलित हो उठा —'

श्लोक 40 (skanda.1.44.40)

अग्निवेश्यसुतां भद्र विवस्त्रां जलमध्यगाम्॥ उद्भिन्नयौवनां श्यामां मध्यक्षामां मृगेक्षणाम्

agniveśyasutāṁ bhadra vivastrāṁ jalamadhyagām udbhinnayauvanāṁ śyāmāṁ madhyakṣāmāṁ mṛgekṣaṇām

'अग्निवेश्य की पुत्री, हे भद्र, निर्वस्त्र, जल के मध्य खड़ी — नवयौवना, श्यामवर्णा, क्षीणकटि, मृगनयनी,'

श्लोक 41 (skanda.1.44.41)

विस्तीर्णजघनाभोगां रंभोरुं संहतस्तनीम्॥ तामंकुरितलावण्यां जलसेका दिवाग्रतः

vistīrṇajaghanābhogāṁ raṁbhoruṁ saṁhatastanīm tāmaṁkuritalāvaṇyāṁ jalasekā divāgrataḥ

'विस्तृत नितंबों वाली, रंभा-सी जंघाओं वाली, सटे हुए पीन स्तनों वाली — अंकुरित होते सौंदर्य वाली, दिन से पहले जल-स्नान करती हुई —'

श्लोक 42 (skanda.1.44.42)

प्रोन्निद्रपंकजमुखीं वर्णनीयतमाकृतिम्॥ यथाप्रज्ञानयाथात्म्याद्विद्विद्भिरपि वर्णिनीम्

pronnidrapaṁkajamukhīṁ varṇanīyatamākṛtim yathāprajñānayāthātmyādvidvidbhirapi varṇinīm

'खिलते हुए कमल-मुख वाली, वर्णन से परे आकृति वाली — जिसे विद्वान भी अपनी यथार्थ प्रज्ञा से भी ठीक से वर्णित नहीं कर सकते,'

श्लोक 43 (skanda.1.44.43)

प्रोद्यत्कटाक्षविक्षेपैः शरव्रातैरिव स्मरः॥ स्वयं तदंगमास्थाय ताडयामास मां दृढम्

prodyatkaṭākṣavikṣepaiḥ śaravrātairiva smaraḥ svayaṁ tadaṁgamāsthāya tāḍayāmāsa māṁ dṛḍham

'और उसकी उठती हुई कटाक्ष-दृष्टियों से, बाणों की वर्षा के समान, स्वयं कामदेव, उसी का रूप धारणकर, मुझे दृढ़तापूर्वक आहत करने लगे।'

श्लोक 44 (skanda.1.44.44)

वयस्यासंवृचामेवं खेलमानां यदृच्छया॥ अवतीर्याहमहरं विमानान्मदनातुरः

vayasyāsaṁvṛcāmevaṁ khelamānāṁ yadṛcchayā avatīryāhamaharaṁ vimānānmadanāturaḥ

'जब वह अपनी सखियों से अनजान इच्छानुसार खेल रही थी, तब मैं, मदन से पीड़ित होकर, अपने विमान से उतरा,'

श्लोक 45 (skanda.1.44.45)

सा गृहीता मया दीर्घं प्रकुर्वाणा महास्वनम्॥ तातेति च विमानस्था रुरोदातीव भद्रक

sā gṛhītā mayā dīrghaṁ prakurvāṇā mahāsvanam tāteti ca vimānasthā rurodātīva bhadraka

'और उसे पकड़ लिया; वह ज़ोर से चिल्लाकर 'पिताजी!' पुकारने लगी, और विमान में बंदी होकर, हे भद्रक, अत्यंत रोने लगी।'

श्लोक 46 (skanda.1.44.46)

ततो वयस्यास्ता दीना मुनिमाहुः प्रधाविताः॥ वैमानिकेन केनापि ह्रियते तव पुत्रिका

tato vayasyāstā dīnā munimāhuḥ pradhāvitāḥ vaimānikena kenāpi hriyate tava putrikā

'तब उसकी दुःखी सखियाँ दौड़कर मुनि के पास गईं और बोलीं — आपकी पुत्री को कोई विमानवासी हर ले जा रहा है!'

श्लोक 47 (skanda.1.44.47)

रुदन्तीं भगवन्नेतां त्राह्युत्तिष्ठेति सर्वतः॥ तासां तदाकर्ण्य वचो मुनिर्भद्रतपोनिधिः

rudantīṁ bhagavannetāṁ trāhyuttiṣṭheti sarvataḥ tāsāṁ tadākarṇya vaco munirbhadrataponidhiḥ

'"हे भगवन्, उसकी रक्षा कीजिए, वह रो रही है — उठिए!" — ऐसा उन्होंने चारों ओर से पुकारा। उनके वचन सुनकर वह मुनि, शुभ तप का भंडार,'

श्लोक 48 (skanda.1.44.48)

अग्निवेश्योऽभ्यगात्तस्या व्योमन्युपपदं त्वरन्॥ तिष्ठतिष्ठेति मामुक्त्वा संस्तभ्य तपसा गतिम्

agniveśyo'bhyagāttasyā vyomanyupapadaṁ tvaran tiṣṭhatiṣṭheti māmuktvā saṁstabhya tapasā gatim

'अग्निवेश्य, त्वरा से आकाश में उसके पीछे गया; मुझसे 'रुको, रुको!' कहकर उसने अपने तप से मेरी गति को स्तंभित कर दिया।'

श्लोक 49 (skanda.1.44.49)

ततः प्रकुपितः प्राह मुनिमामति दुःसहम्॥ ॥अग्निवेश्य उवाच॥ यस्मान्मदीया तनया मांसपेशीव ते हृता

tataḥ prakupitaḥ prāha munimāmati duḥsaham agniveśya uvāca yasmānmadīyā tanayā māṁsapeśīva te hṛtā

'तब अत्यंत क्रुद्ध होकर उसने मुझसे अत्यंत असह्य वचन कहा —' अग्निवेश्य ने कहा — 'क्योंकि तुमने मेरी पुत्री को, मानो मांस का टुकड़ा हो, हर लिया है —'

श्लोक 50 (skanda.1.44.50)

गृध्रेणेवाऽधुना व्योम्नि तस्माद्गध्रो भव द्रुतम्॥ अनिच्छंती मदीयेयं सुता बाला तपस्विनी

gṛdhreṇevā'dhunā vyomni tasmādgadhro bhava drutam anicchaṁtī madīyeyaṁ sutā bālā tapasvinī

'...अभी आकाश में गृध्र के समान — इसलिए तुरंत गृध्र बन जाओ! यह मेरी अनिच्छुक बालिका, तपस्विनी —'

श्लोक 51 (skanda.1.44.51)

त्वया हृताधुनास्यैतत्फलमाप्नुहि दुर्मते॥ इत्याकर्ण्य भयाविष्टो लज्जयाधोमुखो मुनेः

tvayā hṛtādhunāsyaitatphalamāpnuhi durmate ityākarṇya bhayāviṣṭo lajjayādhomukho muneḥ

'...अभी तुमने हर ली है — हे दुर्बुद्धि, इसका फल भोगो!' यह सुनकर, भय से आविष्ट, लज्जा से मुख नीचा किए, मुनि के समक्ष...'

श्लोक 52 (skanda.1.44.52)

पादौ प्रगृह्य न्यपतं रुदन्नतितरां तदा॥ न मयेयं परिज्ञाय हृता नाद्यापि धर्षिता

pādau pragṛhya nyapataṁ rudannatitarāṁ tadā na mayeyaṁ parijñāya hṛtā nādyāpi dharṣitā

'...मैं उनके चरण पकड़कर गिर पड़ा, तब अत्यंत रोते हुए, और कहा — मुझे जानते हुए उसे नहीं हर लिया, और अब तक भी उसका धर्षण नहीं हुआ।'

श्लोक 53 (skanda.1.44.53)

प्रसादं कुरु ते शापं व्यावर्तय तपोनिधे॥ प्रणतेषु क्षमावन्तो निसर्गेण तपोधनाः

prasādaṁ kuru te śāpaṁ vyāvartaya taponidhe praṇateṣu kṣamāvanto nisargeṇa tapodhanāḥ

'प्रसाद करें, अपना शाप वापस लें, हे तपोनिधे; प्रणतों के प्रति क्षमावान तपोधन स्वभाव से ही होते हैं —'

श्लोक 54 (skanda.1.44.54)

भवंति संतस्तद्गृध्रो मा भवेयं प्रसीद मे॥ इति प्रपन्नेन मया प्रणतोऽसौ महामुनिः

bhavaṁti saṁtastadgṛdhro mā bhaveyaṁ prasīda me iti prapannena mayā praṇato'sau mahāmuniḥ

'...ऐसे ही साधुजन होते हैं; इसलिए मैं गृध्र न बनूँ — मुझ पर प्रसन्न हों।' इस प्रकार शरणागत होकर मैंने उस महामुनि को प्रणाम किया;'

श्लोक 55 (skanda.1.44.55)

प्रसन्नः प्राह नो मिथ्या मम वाक्यं भवेत्क्वचित्॥ किं त्विंद्रद्युम्नभूपालपरिज्ञाने सहायताम्

prasannaḥ prāha no mithyā mama vākyaṁ bhavetkvacit kiṁ tviṁdradyumnabhūpālaparijñāne sahāyatām

'प्रसन्न होकर उन्होंने कहा — मेरी वाणी कभी मिथ्या नहीं होती — फिर भी, जब तुम राजा इंद्रद्युम्न के ज्ञान में सहायक बनोगे...'

श्लोक 56 (skanda.1.44.56)

यदा यास्यसि शापस्य तदा मुक्तिमवाप्स्यसि

yadā yāsyasi śāpasya tadā muktimavāpsyasi

'...तभी तुम्हें इस शाप से मुक्ति मिलेगी।'

श्लोक 57 (skanda.1.44.57)

इत्युक्त्वा स मुनिः प्रायाद्गृहीत्वा निजकन्यकाम्॥ अखण्डशीलां स्वावासमहं गृध्रोऽभवं तदा

ityuktvā sa muniḥ prāyādgṛhītvā nijakanyakām akhaṇḍaśīlāṁ svāvāsamahaṁ gṛdhro'bhavaṁ tadā

'ऐसा कहकर वह मुनि अपनी अखंडशीला पुत्री को लेकर अपने आवास को चला गया; और मैं तब गृध्र बन गया।'

श्लोक 58 (skanda.1.44.58)

एवं तदा दमनकोत्सव ईश्वरस्य आंदोलनेन नृपवेश्मनि मेऽवतारः॥ शम्भोर्गणत्वमभवच्च तथाग्निवेश्यशापेन गृध्र इह भद्र तवेदमुक्तम्

evaṁ tadā damanakotsava īśvarasya āṁdolanena nṛpaveśmani me'vatāraḥ śambhorgaṇatvamabhavacca tathāgniveśyaśāpena gṛdhra iha bhadra tavedamuktam

'इस प्रकार तब दमनक-उत्सव में ईश्वर के आंदोलन से राजभवन में मेरा जन्म हुआ; और शंभु का गणत्व मुझे प्राप्त हुआ; और उसी तरह अग्निवेश्य के शाप से, हे भद्र, यहाँ मैं गृध्र बना — यह तुम्हें कह दिया गया।'