दारुवन में ब्रह्मा और ऋषियों का शाप

श्लोक 1 (skanda.1.6.1)

॥ऋषय ऊचुः॥ लिंगे प्रतिष्ठा च कथं शिवं हित्वा प्रवर्तिता॥ तत्कथ्यतां महाभाग परं शुश्रुषतां हि नः

||ṛṣaya ūcuḥ|| liṃge pratiṣṭhā ca kathaṃ śivaṃ hitvā pravartitā|| tatkathyatāṃ mahābhāga paraṃ śuśruṣatāṃ hi naḥ

ऋषियों ने कहा — शिव को छोड़कर लिंग की प्रतिष्ठा किस प्रकार आरम्भ हुई? हे महाभाग, यह हमें कहिए, हम सुनने के लिए अत्यंत उत्सुक हैं।

श्लोक 2 (skanda.1.6.2)

॥लोमश उवाच॥ यदा दारुवने शंभुर्भिक्षार्थं प्राचरत्प्रभुः

||lomaśa uvāca|| yadā dāruvane śaṃbhurbhikṣārthaṃ prācaratprabhuḥ

लोमश जी ने कहा — जब प्रभु शंभु दारुवन में भिक्षा के लिए विचरण कर रहे थे —

श्लोक 3 (skanda.1.6.3)

दिगंबरो मुक्तजटाकलापो वेदांतवेद्यो भुवनैकभर्ता॥ स ईश्वरो ब्रह्मकलापधारो योगीश्वराणां परमः परश्च

digaṃbaro muktajaṭākalāpo vedāṃtavedyo bhuvanaikabhartā|| sa īśvaro brahmakalāpadhāro yogīśvarāṇāṃ paramaḥ paraśca

दिगंबर, खुली जटाओं वाले, वेदांत से जानने योग्य, जगत के एकमात्र स्वामी — वे ईश्वर, ब्रह्मचारी-वेष धारण किए, योगीश्वरों से भी परम और श्रेष्ठ,

श्लोक 4 (skanda.1.6.4)

अणोरणीयान्महतो मही यान्महानुभावो भुवनाधिपो महान्॥ स ईश्वरो भिक्षुरूपी महात्मा भिक्षाटनं दारुवने चकार

aṇoraṇīyānmahato mahī yānmahānubhāvo bhuvanādhipo mahān|| sa īśvaro bhikṣurūpī mahātmā bhikṣāṭanaṃ dāruvane cakāra

अणु से भी अणुतर, महान से भी महान, महाप्रभावशाली, जगत के महान अधिपति — वे ईश्वर, भिक्षुक-रूप में, महात्मा, दारुवन में भिक्षाटन करने लगे।

श्लोक 5 (skanda.1.6.5)

मध्याह्न ऋषयो विप्रास्तीर्थं जग्मुः स्वकाश्रमात्॥ तदानीमेव सर्वास्ता ऋषीभार्याः समागताः

madhyāhna ṛṣayo viprāstīrthaṃ jagmuḥ svakāśramāt|| tadānīmeva sarvāstā ṛṣībhāryāḥ samāgatāḥ

मध्याह्न में ऋषि-विप्र अपने आश्रम से तीर्थ को गए हुए थे; उसी समय ऋषियों की सभी पत्नियाँ एकत्र हो गईं।

श्लोक 6 (skanda.1.6.6)

विलोकयंत्यः शंभुं तमाचख्युश्च परस्परम्॥ कोऽसौ भिक्षुकरूपोयमागतोऽपूर्वदर्शनः

vilokayaṃtyaḥ śaṃbhuṃ tamācakhyuśca parasparam|| ko'sau bhikṣukarūpoyamāgato'pūrvadarśanaḥ

शंभु को देखती हुई वे आपस में कहने लगीं — "यह अपूर्व दर्शन वाला भिक्षुक कौन है जो यहाँ आया है?"

श्लोक 7 (skanda.1.6.7)

अस्मै भिक्षां प्रयच्छामो वयं च सखिभिः सह॥ तथेति गत्वा सर्वास्ता गृहेभ्य आनयन्मुदा

asmai bhikṣāṃ prayacchāmo vayaṃ ca sakhibhiḥ saha|| tatheti gatvā sarvāstā gṛhebhya ānayanmudā

"हम सब सखियों सहित इसे भिक्षा दें।" "ऐसा ही हो" कहकर वे सब अपने-अपने घरों से हर्षपूर्वक भोजन लाईं।

श्लोक 8 (skanda.1.6.8)

भिक्षान्नं विविधं श्लक्ष्णं सोपचारं च शक्तितः॥ प्रदत्तं भिक्षितं तेन देवदेवेन शूलिना

bhikṣānnaṃ vividhaṃ ślakṣṇaṃ sopacāraṃ ca śaktitaḥ|| pradattaṃ bhikṣitaṃ tena devadevena śūlinā

देवाधिदेव शूलपाणि को यथाशक्ति नाना प्रकार का सुस्वादु, सादर भिक्षान्न अर्पित किया गया और उन्होंने वह भिक्षा ग्रहण की।

श्लोक 9 (skanda.1.6.9)

काचित्प्रियतमं शंभुं बभाषे विस्मयान्विता॥ कोसि त्वं भिक्षुको भूत्वा आगतोत्र महामते

kācitpriyatamaṃ śaṃbhuṃ babhāṣe vismayānvitā|| kosi tvaṃ bhikṣuko bhūtvā āgatotra mahāmate

उनमें से एक ने विस्मित होकर उन अत्यंत प्रिय शंभु से कहा — "हे महामते, भिक्षुक बनकर यहाँ आए हुए आप कौन हैं?"

श्लोक 10 (skanda.1.6.10)

ऋषीणामाश्रमं शुद्धं किमर्थं नो निषीदसि॥ तयोक्तोऽपि तदा शंभुर्बभाषे प्रहसन्निव

ṛṣīṇāmāśramaṃ śuddhaṃ kimarthaṃ no niṣīdasi|| tayokto'pi tadā śaṃbhurbabhāṣe prahasanniva

"ऋषियों के इस पवित्र आश्रम में आप क्यों बैठे हैं?" इस प्रकार पूछे जाने पर शंभु ने मानो मुस्कुराते हुए कहा —

श्लोक 11 (skanda.1.6.11)

ईश्वरोहं सुकेशांते पावनं प्राप्तवानिमम्॥ ईश्वरस्य वचः श्रुत्वा ऋषिभार्या उवाच तम्

īśvarohaṃ sukeśāṃte pāvanaṃ prāptavānimam|| īśvarasya vacaḥ śrutvā ṛṣibhāryā uvāca tam

"हे सुकेशांते, मैं ईश्वर हूँ, इस पवित्र स्थान पर आया हूँ।" ईश्वर के इस वचन को सुनकर ऋषि-पत्नी ने उनसे कहा —

श्लोक 12 (skanda.1.6.12)

ईश्वरोऽसि महाभाग कैलासपतिरेव च॥ एकाकिनः कथं देव भिक्षार्थमटनं तव

īśvaro'si mahābhāga kailāsapatireva ca|| ekākinaḥ kathaṃ deva bhikṣārthamaṭanaṃ tava

"हे महाभाग, आप तो ईश्वर हैं और कैलासपति भी; फिर हे देव, आप अकेले भिक्षा के लिए क्यों घूम रहे हैं?"

श्लोक 13 (skanda.1.6.13)

एवमुक्तस्तया शंभुः पुनस्तामब्रवीद्वचः॥ दाक्षायण्या विरहितो विचरामि दिगंबरः

evamuktastayā śaṃbhuḥ punastāmabravīdvacaḥ|| dākṣāyaṇyā virahito vicarāmi digaṃbaraḥ

उसके इस प्रकार कहे जाने पर शंभु ने उससे पुनः कहा — "दाक्षायणी से विरहित होकर मैं दिगंबर होकर विचरण करता हूँ,"

श्लोक 14 (skanda.1.6.14)

भिक्षाटनार्थं सुश्रोणि संकल्परहितः सदा॥ तया सत्या विना किंचित्स्त्रीमात्रं मम भामिनि॥ न रोचते विशालाक्षि सत्यं प्रतिवदामि ते

bhikṣāṭanārthaṃ suśroṇi saṃkalparahitaḥ sadā|| tayā satyā vinā kiṃcitstrīmātraṃ mama bhāmini|| na rocate viśālākṣi satyaṃ prativadāmi te

"हे सुश्रोणि, भिक्षाटन के लिए ही, सदा किसी अन्य संकल्प के बिना; उस सत्य पत्नी के बिना मुझे, हे भामिनि, कोई भी साधारण स्त्री नहीं भाती, हे विशालाक्षी, मैं तुम्हें सत्य कहता हूँ।"

श्लोक 15 (skanda.1.6.15)

तस्योक्तं वचनं श्रुत्वा उवाच कमलेक्षणा॥ स्त्रियो हि सुखसंस्पर्शाः पुरुषस्य न संशयः

tasyoktaṃ vacanaṃ śrutvā uvāca kamalekṣaṇā|| striyo hi sukhasaṃsparśāḥ puruṣasya na saṃśayaḥ

उसका यह वचन सुनकर उस कमलनयनी ने कहा — "स्त्रियाँ तो पुरुष के लिए सुखद स्पर्श वाली होती हैं, इसमें संशय नहीं।"

श्लोक 16 (skanda.1.6.16)

तास्स्त्रियो वर्जिताः शंभो त्वादृशेन विपश्चिता

tāsstriyo varjitāḥ śaṃbho tvādṛśena vipaścitā

"हे शंभो! आप जैसे विद्वान के द्वारा ऐसी स्त्रियाँ त्यागी गई हैं।"

श्लोक 17 (skanda.1.6.17)

इति च प्रमदाः सर्वा मिलिता यत्र शंकरः॥ भिक्षापात्रं च तच्छंभोः पूरितं च महागुणैः

iti ca pramadāḥ sarvā militā yatra śaṃkaraḥ|| bhikṣāpātraṃ ca tacchaṃbhoḥ pūritaṃ ca mahāguṇaiḥ

इस प्रकार जहाँ-जहाँ शंकर गए, वहाँ-वहाँ वे सब स्त्रियाँ एकत्र हो गईं; और शंभु का भिक्षापात्र भी उत्तम पदार्थों से भर गया,

श्लोक 18 (skanda.1.6.18)

अन्नैश्चतुर्विधैः षड्भी रसैश्च परिपूरितम्॥ यदा संभुर्गंतुकामः कैलासं पर्वतं प्रति॥ तदा सर्वा विप्रपत्न्यो ह्यन्गच्छन्मुदान्विताः

annaiścaturvidhaiḥ ṣaḍbhī rasaiśca paripūritam|| yadā saṃbhurgaṃtukāmaḥ kailāsaṃ parvataṃ prati|| tadā sarvā viprapatnyo hyangacchanmudānvitāḥ

चार प्रकार के अन्न तथा छहों रसों से पूर्ण होकर। जब शंभु कैलास पर्वत की ओर जाने को उद्यत हुए, तब सभी ब्राह्मण-पत्नियाँ हर्षपूर्वक उनके पीछे चल पड़ीं,

श्लोक 19 (skanda.1.6.19)

गृहकार्यं परित्यज्य चेरुस्तद्गतमानसाः॥ गतासु तासु सर्वासु पत्नीषु ऋषिसत्तमाः

gṛhakāryaṃ parityajya cerustadgatamānasāḥ|| gatāsu tāsu sarvāsu patnīṣu ṛṣisattamāḥ

गृहकार्य त्यागकर, मन को उन्हीं में लगाकर। उन सभी पत्नियों के चले जाने पर, श्रेष्ठ ऋषिगण,

श्लोक 20 (skanda.1.6.20)

यावदाश्रममभ्येत्य तावच्छून्यं व्यलोकयन्॥ परस्परमथोचुस्ते पत्न्यः सर्वाः कुतो गताः

yāvadāśramamabhyetya tāvacchūnyaṃ vyalokayan|| parasparamathocuste patnyaḥ sarvāḥ kuto gatāḥ

जब आश्रम में लौटे तो उसे सूना पाया; वे आपस में कहने लगे — "हमारी पत्नियाँ सब कहाँ चली गईं?"

श्लोक 21 (skanda.1.6.21)

न विदामोऽथ वै सर्वाः केन नष्टेन चाहृताः॥ एवं विमृश्यमानास्ते विचिन्वंतस्ततस्ततः

na vidāmo'tha vai sarvāḥ kena naṣṭena cāhṛtāḥ|| evaṃ vimṛśyamānāste vicinvaṃtastatastataḥ

"हमें कुछ नहीं पता कि किसके द्वारा वे भ्रमित होकर हर ली गईं।" इस प्रकार विचार करते हुए वे इधर-उधर ढूँढने लगे,

श्लोक 22 (skanda.1.6.22)

समपश्यंस्ततः सर्वे शिवस्यानुगताश्च ताः॥ शिवं दृष्ट्वा तु संप्राप्ता ऋषयस्ते रुषान्विताः

samapaśyaṃstataḥ sarve śivasyānugatāśca tāḥ|| śivaṃ dṛṣṭvā tu saṃprāptā ṛṣayaste ruṣānvitāḥ

तब उन सभी ने देखा कि वे शिव के पीछे चली गई हैं। शिव को देखकर वे ऋषि क्रोध से भरकर वहाँ पहुँचे।

श्लोक 23 (skanda.1.6.23)

शिवस्याथाग्रतो भूत्वा ऊचुः सर्वे त्वरान्विताः॥ किं कृतं हि त्वया शंभो विरक्तेन महात्मना॥ परदारापहर्त्तासि त्वमृषीणां न संशयः

śivasyāthāgrato bhūtvā ūcuḥ sarve tvarānvitāḥ|| kiṃ kṛtaṃ hi tvayā śaṃbho viraktena mahātmanā|| paradārāpaharttāsi tvamṛṣīṇāṃ na saṃśayaḥ

शिव के सामने खड़े होकर वे सब शीघ्रतापूर्वक बोले — "हे विरक्त महात्मा शंभो, तुमने यह क्या किया है? तुम निश्चय ही ऋषियों की पत्नियों के अपहर्ता हो।"

श्लोक 24 (skanda.1.6.24)

एवं क्षिप्तः शिवो मौनी गच्छमानोऽपि पर्वतम्॥ तदा स ऋषिभिः प्राप्तो महादेवोऽव्ययस्तथा॥ यस्मात्कलत्रहर्ता त्वं तस्मात्षंढो भव त्वरम्

evaṃ kṣiptaḥ śivo maunī gacchamāno'pi parvatam|| tadā sa ṛṣibhiḥ prāpto mahādevo'vyayastathā|| yasmātkalatrahartā tvaṃ tasmātṣaṃḍho bhava tvaram

इस प्रकार धिक्कारे गए मौन शिव जब पर्वत की ओर जा रहे थे, तब उन अविनाशी महादेव को ऋषियों ने पकड़ लिया — "चूँकि तुम पत्नी-हर्ता हो, इसलिए तुरंत नपुंसक हो जाओ!"

श्लोक 25 (skanda.1.6.25)

एवं शप्तः स मुनिभिर्लिंगं तस्यापतद्भुवि॥ भूमिप्राप्तं च तल्लिंगं ववृधे तरसा महत्

evaṃ śaptaḥ sa munibhirliṃgaṃ tasyāpatadbhuvi|| bhūmiprāptaṃ ca talliṃgaṃ vavṛdhe tarasā mahat

मुनियों द्वारा इस प्रकार शापित होने पर उनका लिंग भूमि पर गिर पड़ा। भूमि पर पहुँचकर वह लिंग तेजी से महान होता गया।

श्लोक 26 (skanda.1.6.26)

आवृत्य सप्त पातालान्क्षणाल्लिंगमदोर्ध्वतः॥ व्याप्य पृथ्वीं समग्रां च अंतरिक्षं समावृणोत्

āvṛtya sapta pātālānkṣaṇālliṃgamadordhvataḥ|| vyāpya pṛthvīṃ samagrāṃ ca aṃtarikṣaṃ samāvṛṇot

क्षणभर में सातों पातालों को घेरकर वह लिंग ऊपर से नीचे तक फैलते हुए संपूर्ण पृथ्वी में व्याप्त हो गया और अंतरिक्ष को भी घेर लिया।

श्लोक 27 (skanda.1.6.27)

स्वर्गाः समावृताः सर्वे स्वर्गातीतमथाभवत्॥ न मही न च दिक्चक्रं न तोयं न च पावकः

svargāḥ samāvṛtāḥ sarve svargātītamathābhavat|| na mahī na ca dikcakraṃ na toyaṃ na ca pāvakaḥ

समस्त स्वर्ग घिर गए और वह स्वर्ग से भी परे पहुँच गया; न पृथ्वी रही, न दिशाचक्र, न जल, न अग्नि,

श्लोक 28 (skanda.1.6.28)

न च वायुर्न वाकाशं नाहंकारो न वा महत्॥ न चाव्यक्तं न कालश्च न महाप्रकृतिस्तथा

na ca vāyurna vākāśaṃ nāhaṃkāro na vā mahat|| na cāvyaktaṃ na kālaśca na mahāprakṛtistathā

न वायु, न आकाश, न अहंकार, न महत्तत्त्व; न अव्यक्त, न काल, और न ही महाप्रकृति रही,

श्लोक 29 (skanda.1.6.29)

नासीद्द्ववैतविभागं च सर्वं लीनं च तत्क्षणात्॥ यस्माल्लीनं जगत्सर्वं तस्मिँल्लिगे महात्मनः

nāsīddvavaitavibhāgaṃ ca sarvaṃ līnaṃ ca tatkṣaṇāt|| yasmāllīnaṃ jagatsarvaṃ tasmi~llige mahātmanaḥ

द्वैत का कोई विभाजन ही नहीं रहा — सब कुछ उसी क्षण उसी में लीन हो गया। चूँकि सम्पूर्ण जगत उस महात्मा के लिंग में लीन हो गया,

श्लोक 30 (skanda.1.6.30)

लयनाल्लिंगमित्येवं प्रवदंति मनीषिणः॥ तथाभूतं वर्द्धमानं दृष्ट्वा तेऽपि सुरर्षयः

layanālliṃgamityevaṃ pravadaṃti manīṣiṇaḥ|| tathābhūtaṃ varddhamānaṃ dṛṣṭvā te'pi surarṣayaḥ

इसीलिए मनीषी इसे 'लय' (लीन होने) के कारण 'लिंग' कहते हैं। उसे इस प्रकार बढ़ते हुए देखकर वे देवर्षि भी —

श्लोक 31 (skanda.1.6.31)

ब्रह्मेंद्रविष्णुवाय्यग्निलोकपालाः सपन्नगाः॥ विस्मयाविष्टमनसः परस्परमथाब्रुवन्

brahmeṃdraviṣṇuvāyyagnilokapālāḥ sapannagāḥ|| vismayāviṣṭamanasaḥ parasparamathābruvan

ब्रह्मा, इंद्र, विष्णु, वायु, अग्नि, लोकपाल तथा नागों सहित, विस्मित मन से आपस में कहने लगे —

श्लोक 32 (skanda.1.6.32)

किमायामं च विस्तारं क्व चांतः क्व च पीठिका॥ इति चिंतान्विता विष्णुमूचुः सर्वे सुरास्तदा

kimāyāmaṃ ca vistāraṃ kva cāṃtaḥ kva ca pīṭhikā|| iti ciṃtānvitā viṣṇumūcuḥ sarve surāstadā

"इसकी लंबाई और चौड़ाई क्या है? इसका अंत कहाँ और आधार कहाँ है?" इस प्रकार चिंतित होकर सभी देवताओं ने विष्णु से कहा —

श्लोक 33 (skanda.1.6.33)

॥देवा ऊचुः॥ अस्य मूलं त्वया विष्णो पद्मोद्भव च मस्तकम्॥ युवाभ्यां च विलोक्यं स्यात्स्थाने स्यात्परिपालकौ

||devā ūcuḥ|| asya mūlaṃ tvayā viṣṇo padmodbhava ca mastakam|| yuvābhyāṃ ca vilokyaṃ syātsthāne syātparipālakau

देवताओं ने कहा — "हे विष्णु, इसका मूल आप देखिए, और हे पद्मोद्भव, इसका शिखर आप देखिए; आप दोनों इसकी खोज करें और अपने-अपने स्थान के रक्षक बनें।"

श्लोक 34 (skanda.1.6.34)

श्रुत्वा तु तौ महाभागौ वैकुंठकमलोद्भवौ॥ विष्णुर्गतो हि पातालं ब्रह्मा सर्वर्गं जगाम ह

śrutvā tu tau mahābhāgau vaikuṃṭhakamalodbhavau|| viṣṇurgato hi pātālaṃ brahmā sarvargaṃ jagāma ha

यह सुनकर वे दोनों महाभाग्यशाली — वैकुंठपति और कमलोद्भव — विष्णु पाताल की ओर गए और ब्रह्मा सर्वत्र (ऊपर) की ओर चले।

श्लोक 35 (skanda.1.6.35)

स्वर्गं गतस्तदा ब्रह्मा अवलोकनतत्परः॥ नापस्यत्तत्र लिंगस्य मस्तकं च विचक्षमः

svargaṃ gatastadā brahmā avalokanatatparaḥ|| nāpasyattatra liṃgasya mastakaṃ ca vicakṣamaḥ

ब्रह्मा स्वर्ग की ओर गए, अवलोकन में तत्पर होकर; परंतु अत्यंत तीक्ष्णदृष्टि होते हुए भी उन्हें लिंग का शिखर वहाँ दिखाई नहीं दिया।

श्लोक 36 (skanda.1.6.36)

तथा गतेन मार्गेण प्रत्यावृत्त्याब्जसंभवः॥ मेरुपृष्ठमनुप्राप्तः सुरभ्या लक्षितस्ततः

tathā gatena mārgeṇa pratyāvṛttyābjasaṃbhavaḥ|| merupṛṣṭhamanuprāptaḥ surabhyā lakṣitastataḥ

उसी मार्ग से लौटते हुए वह कमलोद्भव मेरु पर्वत के पृष्ठ पर पहुँचे, जहाँ उन्हें सुरभि गाय ने देख लिया,

श्लोक 37 (skanda.1.6.37)

स्थिता या केतकीच्छायामुवाच मधुरं वचः॥ तस्या वचनमाकर्ण्य सर्वलोकपितामहः॥ उवाच प्रहसन्वाक्यं छलोक्त्या सुरभिं प्रति

sthitā yā ketakīcchāyāmuvāca madhuraṃ vacaḥ|| tasyā vacanamākarṇya sarvalokapitāmahaḥ|| uvāca prahasanvākyaṃ chaloktyā surabhiṃ prati

जो केतकी के फूल की छाया में खड़ी थीं और मधुर वचन बोलीं। उसका वचन सुनकर सर्वलोकपितामह ब्रह्मा ने हँसते हुए सुरभि से छलपूर्ण वचन कहा —

श्लोक 38 (skanda.1.6.38)

लिंगं महाद्भुतं दृष्टं येनव्याप्तं जगत्त्रयम्॥ दर्शनार्थं च तस्यांतं देवैः संप्रेषितोस्मयहम्

liṃgaṃ mahādbhutaṃ dṛṣṭaṃ yenavyāptaṃ jagattrayam|| darśanārthaṃ ca tasyāṃtaṃ devaiḥ saṃpreṣitosmayaham

"मैंने वह अत्यंत अद्भुत लिंग देखा है जिससे तीनों लोक व्याप्त हैं; देवताओं ने मुझे उसके अंत के दर्शन के लिए भेजा है।"

श्लोक 39 (skanda.1.6.39)

न दृष्टं मस्तकं तस्य व्यापकस्य महात्मनः॥ किं वक्ष्येऽहं च देवाग्रे चिंता मे चाति वर्तते

na dṛṣṭaṃ mastakaṃ tasya vyāpakasya mahātmanaḥ|| kiṃ vakṣye'haṃ ca devāgre ciṃtā me cāti vartate

"उस व्यापक महात्मा का शिखर मुझे दिखाई नहीं दिया; देवताओं के सामने मैं क्या कहूँगा? मुझे अत्यंत चिंता हो रही है।"

श्लोक 40 (skanda.1.6.40)

लिंगस्य मस्तकं दृष्टं देवानां च मृषा वदेः॥ ते सर्वे यदि वक्ष्यंति इंद्राद्या देवतागणाः

liṃgasya mastakaṃ dṛṣṭaṃ devānāṃ ca mṛṣā vadeḥ|| te sarve yadi vakṣyaṃti iṃdrādyā devatāgaṇāḥ

"यदि मैं देवताओं से लिंग का शिखर देखा हुआ झूठ कह दूँ, तो यदि वे सब इंद्र आदि देवगण पूछेंगे —"

श्लोक 41 (skanda.1.6.41)

ते संति साक्षिमो देवा अस्मिन्नर्थे वदत्वरम्॥ अर्थेऽस्मिन्भव साक्षी त्वं केतक्या सह सुव्रते

te saṃti sākṣimo devā asminnarthe vadatvaram|| arthe'sminbhava sākṣī tvaṃ ketakyā saha suvrate

"— हमारे पास साक्षी हैं, ऐसा कहकर शीघ्र बोलो; हे सुव्रते, केतकी सहित तुम इस विषय में मेरी साक्षी बनो।"

श्लोक 42 (skanda.1.6.42)

तद्वचः शिरसा गृह्य ब्रह्मणः परमेष्ठिनः॥ केतकीसहिता तत्र सुरभी तदमानयत्

tadvacaḥ śirasā gṛhya brahmaṇaḥ parameṣṭhinaḥ|| ketakīsahitā tatra surabhī tadamānayat

परमेष्ठी ब्रह्मा के उस वचन को शिरोधार्य कर, केतकी सहित सुरभि उन्हें वहाँ ले आई।

श्लोक 43 (skanda.1.6.43)

एवं समागतो ब्रह्म देवाग्रे समुवाच ह

evaṃ samāgato brahma devāgre samuvāca ha

इस प्रकार आकर ब्रह्मा ने देवताओं के सामने यह कहा।

श्लोक 44 (skanda.1.6.44)

॥ब्रह्मोवाच॥ लिंगस्य मस्तकं देवा दृष्टवानहमद्भुतम्॥ समीचीनं चार्तितं च केतकीदल संयुतम्

||brahmovāca|| liṃgasya mastakaṃ devā dṛṣṭavānahamadbhutam|| samīcīnaṃ cārtitaṃ ca ketakīdala saṃyutam

ब्रह्मा ने कहा — "हे देवो, मैंने लिंग का अद्भुत शिखर देखा है, सुंदर और पूजित, केतकी के दल से युक्त,"

श्लोक 45 (skanda.1.6.45)

विशालं विमलं श्लक्ष्णं प्रसन्नतरमद्भुतम्॥ रम्यं च रमणीयं च दर्शनीयं महाप्रभम्

viśālaṃ vimalaṃ ślakṣṇaṃ prasannataramadbhutam|| ramyaṃ ca ramaṇīyaṃ ca darśanīyaṃ mahāprabham

"विशाल, निर्मल, चिकना, अत्यंत प्रसन्न, अद्भुत, रम्य, रमणीय, दर्शनीय और महाप्रभावशाली।"

श्लोक 46 (skanda.1.6.46)

एतादृशं मया दृष्टं न दृष्टं तद्विनाक्वचित्॥ ब्रह्मणो हि वचः श्रुत्वा सुरा विस्मयमाययुः

etādṛśaṃ mayā dṛṣṭaṃ na dṛṣṭaṃ tadvinākvacit|| brahmaṇo hi vacaḥ śrutvā surā vismayamāyayuḥ

"ऐसा मैंने देखा है, इसके समान अन्यत्र कहीं नहीं देखा।" ब्रह्मा का यह वचन सुनकर देवता विस्मित हो उठे।

श्लोक 47 (skanda.1.6.47)

एवं विस्मयपूर्णास्ते इंद्राद्या देवतागणाः॥ तिष्ठंति तावत्सर्वेशो विष्णुरध्यात्मदीपकः

evaṃ vismayapūrṇāste iṃdrādyā devatāgaṇāḥ|| tiṣṭhaṃti tāvatsarveśo viṣṇuradhyātmadīpakaḥ

इस प्रकार इंद्र आदि देवगण विस्मय से भरे खड़े ही थे कि इतने में सर्वेश्वर, आध्यात्म के दीपक विष्णु,

श्लोक 48 (skanda.1.6.48)

पातालादागतः सद्यः सर्वेषामवदत्त्वरम्॥ तस्याप्यंतो न दृष्टो मे ह्यवलोकनतत्परः

pātālādāgataḥ sadyaḥ sarveṣāmavadattvaram|| tasyāpyaṃto na dṛṣṭo me hyavalokanatatparaḥ

पाताल से तत्काल लौटकर सबसे शीघ्रता से बोले — "मुझे भी उसका अंत नहीं मिला, यद्यपि मैं अवलोकन में तत्पर रहा।"

श्लोक 49 (skanda.1.6.49)

विस्मयो मे महाञ्जातः पातालात्परतश्चरन्॥ अतलं सुतलं चापि नितलं च रसातलम्

vismayo me mahāñjātaḥ pātālātparataścaran|| atalaṃ sutalaṃ cāpi nitalaṃ ca rasātalam

"पाताल से भी आगे विचरण करते हुए मुझे बड़ा विस्मय हुआ — अतल, सुतल, नितल और रसातल,"

श्लोक 50 (skanda.1.6.50)

तथा गतस्तलं चैव पातालं च तथातलम्॥ तलातलानि तान्येनं शून्यवद्यद्विभाव्यते

tathā gatastalaṃ caiva pātālaṃ ca tathātalam|| talātalāni tānyenaṃ śūnyavadyadvibhāvyate

"और उसी प्रकार तल, पाताल तथा अतल — इन सभी तलातलों को मैंने मानो शून्यवत् देखा,"

श्लोक 51 (skanda.1.6.51)

शून्यादपि च शून्यं च तत्सर्वं सुनिरीक्षितम्॥ न मूलं च न मध्यं च न चांतो ह्यस्य विद्यते

śūnyādapi ca śūnyaṃ ca tatsarvaṃ sunirīkṣitam|| na mūlaṃ ca na madhyaṃ ca na cāṃto hyasya vidyate

"शून्य से भी शून्य — यह सब मैंने भलीभाँति देख लिया; इसका न मूल है, न मध्य है, और न ही इसका कोई अंत है।"

श्लोक 52 (skanda.1.6.52)

लिंगरूपी महादेवो येनेदं धार्यते जगत्॥ यस्य प्रसादादुत्पन्ना यूयं च ऋषयस्तथा

liṃgarūpī mahādevo yenedaṃ dhāryate jagat|| yasya prasādādutpannā yūyaṃ ca ṛṣayastathā

"लिंगरूपी महादेव, जिनसे यह जगत धारण किया जाता है — जिनकी कृपा से आप सब और ये ऋषिगण भी उत्पन्न हुए हैं।"

श्लोक 53 (skanda.1.6.53)

श्रुत्वा सुराश्च ऋषयस्तस्य वाक्यमपूजयन्॥ तदा विष्णुरुवाचेदं ब्रह्माणं प्रहसन्निव

śrutvā surāśca ṛṣayastasya vākyamapūjayan|| tadā viṣṇuruvācedaṃ brahmāṇaṃ prahasanniva

यह सुनकर देवताओं और ऋषियों ने उनके वचन का सम्मान किया। तब विष्णु ने मानो हँसते हुए ब्रह्मा से यह कहा —

श्लोक 54 (skanda.1.6.54)

दृष्टं हि चेत्त्वया ब्रह्मन्मस्तकं परमार्थतः॥ साक्षिणः के त्वया तत्र अस्मिन्नर्थे प्रकल्पिताः

dṛṣṭaṃ hi cettvayā brahmanmastakaṃ paramārthataḥ|| sākṣiṇaḥ ke tvayā tatra asminnarthe prakalpitāḥ

"हे ब्रह्मन्! यदि आपने सचमुच शिखर देखा है, तो इस विषय में आपने वहाँ किन्हें साक्षी बनाया है?"

श्लोक 55 (skanda.1.6.55)

आकर्ण्य वचनं विष्णोर्ब्रह्मा लोकपितामहः॥ उवाच त्वरितेनैव केतकी सुरभीति च

ākarṇya vacanaṃ viṣṇorbrahmā lokapitāmahaḥ|| uvāca tvaritenaiva ketakī surabhīti ca

विष्णु का यह वचन सुनकर लोकपितामह ब्रह्मा ने तुरंत कहा — "केतकी और सुरभि —"

श्लोक 56 (skanda.1.6.56)

ते देवा मम साक्षित्वे जानीहि परमार्थतः॥ ब्रह्मणो हि वचः श्रुत्वा सर्वे देवास्त्वरान्विताः

te devā mama sākṣitve jānīhi paramārthataḥ|| brahmaṇo hi vacaḥ śrutvā sarve devāstvarānvitāḥ

"— इन्हीं दोनों देवियों को सचमुच मेरी साक्षी जानिए।" ब्रह्मा का यह वचन सुनकर सभी देवता शीघ्रतापूर्वक,

श्लोक 57 (skanda.1.6.57)

आह्वानं चक्रिरे तस्याः सुरभ्याश्च तया सह॥ आगते तत्क्षमादेव कार्यार्थं ब्रह्मणस्तदा

āhvānaṃ cakrire tasyāḥ surabhyāśca tayā saha|| āgate tatkṣamādeva kāryārthaṃ brahmaṇastadā

उसी प्रयोजन के लिए सुरभि को उसके सहित बुलवाया; ब्रह्मा के इस कार्य के लिए वह उसी क्षण वहाँ आ पहुँची।

श्लोक 58 (skanda.1.6.58)

इंद्राद्यैश्च तदा देवैरुक्ता च सुरभी ततः॥ उवाच केतकीसार्द्धं दृष्टो वै ब्रह्मणा सुराः

iṃdrādyaiśca tadā devairuktā ca surabhī tataḥ|| uvāca ketakīsārddhaṃ dṛṣṭo vai brahmaṇā surāḥ

इंद्र आदि देवताओं द्वारा पूछे जाने पर सुरभि ने केतकी के साथ मिलकर कहा — "हाँ, हमने देखा है —"

श्लोक 59 (skanda.1.6.59)

लिंगस्य मस्तको देवाः केतकीदलपूजितः॥ तदा नभोगता वाणी सर्वेषां श्रृण्वतामभूत्

liṃgasya mastako devāḥ ketakīdalapūjitaḥ|| tadā nabhogatā vāṇī sarveṣāṃ śrṛṇvatāmabhūt

"— हे देवो, केतकी के दल से पूजित लिंग के शिखर को।" तभी आकाश से एक वाणी हुई, जो सबने सुनी —

श्लोक 60 (skanda.1.6.60)

सुरभ्या चैव यत्प्रोक्तं केतक्या च तथा सुराः॥ तन्मृषोक्तं च जानीध्वं न दृष्टो ह्यस्य मस्तकः

surabhyā caiva yatproktaṃ ketakyā ca tathā surāḥ|| tanmṛṣoktaṃ ca jānīdhvaṃ na dṛṣṭo hyasya mastakaḥ

"हे देवो! सुरभि और केतकी दोनों ने जो कहा है, उसे मिथ्या ही जानो — इसका शिखर नहीं देखा गया है।"

श्लोक 61 (skanda.1.6.61)

तदा सर्वेऽथ विबुधाः सेंद्रा वै विष्णुना सह॥ शेपुश्च सुरभीं रोषान्मृषावादनतत्पराम्

tadā sarve'tha vibudhāḥ seṃdrā vai viṣṇunā saha|| śepuśca surabhīṃ roṣānmṛṣāvādanatatparām

तब इंद्र सहित समस्त विद्वान देवगण और विष्णु ने क्रोधपूर्वक मिथ्यावादिनी सुरभि को शाप दिया —

श्लोक 62 (skanda.1.6.62)

मुखेनोक्तं त्वयाद्यैवमनृतं च तथा शुभे॥ अपवित्रं मुखं तेऽस्तु सर्वधर्मबहिष्कृतम्

mukhenoktaṃ tvayādyaivamanṛtaṃ ca tathā śubhe|| apavitraṃ mukhaṃ te'stu sarvadharmabahiṣkṛtam

"हे शुभे! तुमने आज अपने ही मुख से यह असत्य वचन कहा है; तुम्हारा मुख अपवित्र और समस्त धर्म से बहिष्कृत हो जाए।"

श्लोक 63 (skanda.1.6.63)

सुगंधकेतकी चापि अयोग्या त्वं शिवार्चने॥ भविष्यसि न संदेहो अनृता चैव भामिनि

sugaṃdhaketakī cāpi ayogyā tvaṃ śivārcane|| bhaviṣyasi na saṃdeho anṛtā caiva bhāmini

"हे भामिनि! सुगंधित केतकी भी शिव-अर्चन के अयोग्य हो जाएगी, इसमें संशय नहीं, और वह भी मिथ्यावादिनी बन जाएगी।"

श्लोक 64 (skanda.1.6.64)

तदा नभो गता वाणी ब्रह्मणं च शशाप वै॥ मृषोक्तं च त्वया मंद किमर्थं बालिशेन हि

tadā nabho gatā vāṇī brahmaṇaṃ ca śaśāpa vai|| mṛṣoktaṃ ca tvayā maṃda kimarthaṃ bāliśena hi

तब उसी आकाशवाणी ने ब्रह्मा को भी शाप दिया — "हे मंद! तुमने यह मिथ्या वचन क्यों कहा, मूर्खतावश ही,"

श्लोक 65 (skanda.1.6.65)

भृगुणा ऋषिभिः साकं तथैव च पुरोधसा॥ तस्माद्युयं न पूज्याश्च भवेयुः क्लेशभागिनः

bhṛguṇā ṛṣibhiḥ sākaṃ tathaiva ca purodhasā|| tasmādyuyaṃ na pūjyāśca bhaveyuḥ kleśabhāginaḥ

"भृगु ऋषियों तथा अपने पुरोहित के साथ मिलकर? इसीलिए तुम अपूज्य और क्लेशभागी बन जाओगे।"

श्लोक 66 (skanda.1.6.66)

ऋषयोऽपि च धर्मिष्ठास्तत्त्ववाक्यबहिष्कृताः॥ विवादनिरता मूढा अतत्त्वज्ञाः समत्सराः

ṛṣayo'pi ca dharmiṣṭhāstattvavākyabahiṣkṛtāḥ|| vivādaniratā mūḍhā atattvajñāḥ samatsarāḥ

"ऋषिगण भी, यद्यपि धर्मिष्ठ होकर भी, तत्त्ववाणी से बहिष्कृत, विवादरत, मूढ़, अतत्त्वज्ञ और ईर्ष्यालु बन जाएँगे,"

श्लोक 67 (skanda.1.6.67)

याचकाश्चावदान्याश्च नित्यं स्वज्ञानघातकाः॥ आत्मसंभाविताः स्तब्धाः परस्परविनिंदकाः

yācakāścāvadānyāśca nityaṃ svajñānaghātakāḥ|| ātmasaṃbhāvitāḥ stabdhāḥ parasparaviniṃdakāḥ

"याचक होकर भी अनुदार, सदा अपने ही ज्ञान के घातक, आत्मश्लाघी, हठी और परस्पर एक-दूसरे की निंदा करने वाले बन जाएँगे।"

श्लोक 68 (skanda.1.6.68)

एवं शप्ताश्च मुनयो ब्रह्माद्या देवतास्तथा॥ शिवेन शप्तास्ते सर्वे लिंगं शरणमाययुः

evaṃ śaptāśca munayo brahmādyā devatāstathā|| śivena śaptāste sarve liṃgaṃ śaraṇamāyayuḥ

इस प्रकार मुनिगण तथा ब्रह्मा आदि देवता शापित हुए; शिव द्वारा शापित होकर वे सभी लिंग की ही शरण में गए।