गौतमेश्वर-माहात्म्य और योग-वर्णन

श्लोक 1 (skanda.1.90.1)

॥सूत उवाच॥ इति बाभ्रव्यवचनमाकर्ण्य कुरुनन्दनः॥ प्राणमन्नारदं भक्त्या विस्मितः पुलकान्वितः

sūta uvāca iti bābhravyavacanamākarṇya kurunandanaḥ prāṇamannāradaṁ bhaktyā vismitaḥ pulakānvitaḥ

सूत ने कहा — बाभ्रव्य के इस वचन को सुनकर कुरुनंदन (अर्जुन) विस्मित और रोमांचित होकर भक्तिपूर्वक नारद को प्रणाम करने लगे।

श्लोक 2 (skanda.1.90.2)

प्रशस्य च चिरं कालं पुनर्नारदमब्रवीत्

praśasya ca ciraṁ kālaṁ punarnāradamabravīt

और दीर्घकाल तक उनकी प्रशंसा कर उन्होंने पुनः नारद से कहा —

श्लोक 3 (skanda.1.90.3)

गुप्तक्षेत्रस्य माहात्म्यं शृण्वानस्त्वन्मुखान्मुने॥ तृप्तिं नैवाधिगच्छामि भूयस्तद्वक्तुमर्हसि

guptakṣetrasya māhātmyaṁ śṛṇvānastvanmukhānmune tṛptiṁ naivādhigacchāmi bhūyastadvaktumarhasi

"हे मुने, आपके मुख से गुप्तक्षेत्र का माहात्म्य सुनते हुए भी मुझे तृप्ति नहीं मिलती; आप और भी बताने योग्य हैं।"

श्लोक 4 (skanda.1.90.4)

॥नारद उवाच॥ महालिंगस्य वक्ष्यामि महिमानं कुरूद्वह॥ गौतमेश्वर लिंगस्य सावधानः शृणुष्व तत्

nārada uvāca mahāliṁgasya vakṣyāmi mahimānaṁ kurūdvaha gautameśvara liṁgasya sāvadhānaḥ śṛṇuṣva tat

नारद ने कहा — हे कुरूद्वह, मैं महालिंग की महिमा बताऊँगा; गौतमेश्वर लिंग के विषय में सावधान होकर सुनो।

श्लोक 5 (skanda.1.90.5)

अक्षपादो महायोगी गौतमाख्योऽभवन्मुनिः॥ गोदावरीसमानेता अहल्यायाः पतिः प्रभुः

akṣapādo mahāyogī gautamākhyo'bhavanmuniḥ godāvarīsamānetā ahalyāyāḥ patiḥ prabhuḥ

अक्षपाद नामक महायोगी गौतम नाम से प्रसिद्ध मुनि हुए; वे गोदावरी को लाने वाले और अहल्या के स्वामी-पति थे।

श्लोक 6 (skanda.1.90.6)

गुप्त क्षेत्रस्य माहात्म्यं स च ज्ञात्वा महोत्तमम्॥ योगसंसाधनं कुर्वन्नत्र तेपे तपो महत्

gupta kṣetrasya māhātmyaṁ sa ca jñātvā mahottamam yogasaṁsādhanaṁ kurvannatra tepe tapo mahat

उन्होंने गुप्तक्षेत्र के महान् उत्तम माहात्म्य को जानकर, यहाँ योग-साधना करते हुए महान् तप किया।

श्लोक 7 (skanda.1.90.7)

योगसिद्धिं ततः प्राप्य गौतमेन महात्मना॥ अत्र संस्थापितं लिंगं गौतमेश्वरसंज्ञया

yogasiddhiṁ tataḥ prāpya gautamena mahātmanā atra saṁsthāpitaṁ liṁgaṁ gautameśvarasaṁjñayā

तब योग-सिद्धि प्राप्त कर महात्मा गौतम द्वारा यहाँ गौतमेश्वर नाम से एक लिंग स्थापित किया गया।

श्लोक 8 (skanda.1.90.8)

संस्नाप्यैतन्महालिंगं चन्दनेन विलिप्य च॥ संपूज्य पुष्पैर्विविधैर्गुग्गुलं दाहयेत्पुरः॥ सर्वपापविनिर्मुक्तो रुद्रलोके महीयते

saṁsnāpyaitanmahāliṁgaṁ candanena vilipya ca saṁpūjya puṣpairvividhairguggulaṁ dāhayetpuraḥ sarvapāpavinirmukto rudraloke mahīyate

जो इस महालिंग को स्नान कराकर, चंदन से लेपकर, विविध पुष्पों से पूजकर और सामने गुग्गुल जलाता है, वह समस्त पापों से मुक्त होकर रुद्रलोक में महिमामंडित होता है।

श्लोक 9 (skanda.1.90.9)

॥अर्जुन उवाच॥ योगस्वरूपमिच्छामि श्रोतुं नारद तत्त्वतः॥ योगं सर्वे प्रशंसंति यतः सर्वोत्तमोत्तमम्

arjuna uvāca yogasvarūpamicchāmi śrotuṁ nārada tattvataḥ yogaṁ sarve praśaṁsaṁti yataḥ sarvottamottamam

अर्जुन ने कहा — हे नारद, मैं योग के स्वरूप को तत्त्वतः सुनना चाहता हूँ; क्योंकि सभी लोग योग की प्रशंसा करते हैं, जो सबसे उत्तम है।

श्लोक 10 (skanda.1.90.10)

॥नारद उवाच॥ समासात्तव वक्ष्यामि योगतत्त्वं कुरूद्वह॥ श्रवणादपि नैर्मल्यं यस्य स्यात्सेवनात्किमु

nārada uvāca samāsāttava vakṣyāmi yogatattvaṁ kurūdvaha śravaṇādapi nairmalyaṁ yasya syātsevanātkimu

नारद ने कहा — हे कुरूद्वह, मैं तुम्हें संक्षेप में योग-तत्त्व बताऊँगा — जिसके श्रवण मात्र से ही निर्मलता प्राप्त होती है, फिर उसके सेवन (अभ्यास) से तो क्या कहना!

श्लोक 11 (skanda.1.90.11)

चित्तवृत्तिनिरोधाख्यं योगतत्त्वं प्रकीर्त्यते॥ तदष्टांगप्रकारेण साधयंतीह योगिनः

cittavṛttinirodhākhyaṁ yogatattvaṁ prakīrtyate tadaṣṭāṁgaprakāreṇa sādhayaṁtīha yoginaḥ

चित्त की वृत्तियों का निरोध ही योग-तत्त्व कहा गया है; योगी यहाँ इसे अष्टांग प्रकार से सिद्ध करते हैं।

श्लोक 12 (skanda.1.90.12)

यमश्च नियमश्चैव प्राणायामस्तृतीयकः॥ प्रत्याहारो धारणा च ध्येयं ध्यानं च सप्तमम्

yamaśca niyamaścaiva prāṇāyāmastṛtīyakaḥ pratyāhāro dhāraṇā ca dhyeyaṁ dhyānaṁ ca saptamam

यम, नियम, और तीसरा प्राणायाम; प्रत्याहार, धारणा, ध्येय और सातवाँ ध्यान—

श्लोक 13 (skanda.1.90.13)

समाधिरिति चाष्टांगो योगः संपरिकीर्तितः॥ प्रत्येकं लक्षणं तेषामष्टानां शृणु पांडव

samādhiriti cāṣṭāṁgo yogaḥ saṁparikīrtitaḥ pratyekaṁ lakṣaṇaṁ teṣāmaṣṭānāṁ śṛṇu pāṁḍava

—और समाधि: इस प्रकार योग को अष्टांग कहा गया है। हे पांडव, इन आठों में से प्रत्येक का लक्षण सुनो।

श्लोक 14 (skanda.1.90.14)

अनुक्रमान्नरो येषां साधनाद्योगमश्नुते॥ अहिंसा सत्यमस्तेयं ब्रह्मचर्यापरिग्रहौ

anukramānnaro yeṣāṁ sādhanādyogamaśnute ahiṁsā satyamasteyaṁ brahmacaryāparigrahau

इनके क्रमशः साधन से मनुष्य योग को प्राप्त करता है — अहिंसा, सत्य, अस्तेय, ब्रह्मचर्य और अपरिग्रह—

श्लोक 15 (skanda.1.90.15)

एते पंच यमाः प्रोक्ताः शृण्वेषामपि लक्षणम्॥ आत्मवत्सर्वभूतेषु यो हिताय प्रवर्तते

ete paṁca yamāḥ proktāḥ śṛṇveṣāmapi lakṣaṇam ātmavatsarvabhūteṣu yo hitāya pravartate

—ये पाँच यम कहे गए हैं; इनके लक्षण भी सुनो। जो सभी प्राणियों में अपने समान हित के लिए प्रवृत्त होता है—

श्लोक 16 (skanda.1.90.16)

अहिंसैषा समाख्याता वेदसंविहिता च या॥ दृष्टं श्रुतं चानुमितं स्वानुभूतं यथार्थतः

ahiṁsaiṣā samākhyātā vedasaṁvihitā ca yā dṛṣṭaṁ śrutaṁ cānumitaṁ svānubhūtaṁ yathārthataḥ

—यही अहिंसा कही गई है, जो वेद-सम्मत भी है। जो देखा, सुना, अनुमानित या स्वयं अनुभव किया गया हो, ठीक वैसा ही—

श्लोक 17 (skanda.1.90.17)

कथनं सत्यमित्युक्तं परपीडाविवर्जितम्॥ अनादानं परस्वानामापद्यपि कथंचन

kathanaṁ satyamityuktaṁ parapīḍāvivarjitam anādānaṁ parasvānāmāpadyapi kathaṁcana

—उसका कथन ही सत्य कहा गया है, जो दूसरों को पीड़ा न पहुँचाए। पराए धन का ग्रहण न करना, संकट में भी किसी प्रकार न करना—

श्लोक 18 (skanda.1.90.18)

मनसा कर्मणा वाचा तदस्तेयं प्रकीर्तितम्॥ अमैथुनं यतीनां च मनोवाक्कायकर्मभिः

manasā karmaṇā vācā tadasteyaṁ prakīrtitam amaithunaṁ yatīnāṁ ca manovākkāyakarmabhiḥ

—मन, कर्म और वाणी से — वही अस्तेय कहा गया है। यतियों के लिए मन, वाणी और शरीर से मैथुन का त्याग—

श्लोक 19 (skanda.1.90.19)

ऋतौ स्वदारगमनं गेहिनां ब्रह्मचर्यता॥ यतीनां सर्वसंन्यासो मनोवाक्कायकर्मणा

ṛtau svadāragamanaṁ gehināṁ brahmacaryatā yatīnāṁ sarvasaṁnyāso manovākkāyakarmaṇā

—यह यतियों का ब्रह्मचर्य है; गृहस्थों के लिए ऋतुकाल में केवल अपनी पत्नी के पास जाना ही ब्रह्मचर्य है। यतियों का मन, वाणी और शरीर से सर्व-संन्यास—

श्लोक 20 (skanda.1.90.20)

गृहस्थानां च मनसा स्मृत एषोऽपरिग्रहः॥ एते यमास्तव प्रोक्ताः पंचैव नियमाञ्छृणु

gṛhasthānāṁ ca manasā smṛta eṣo'parigrahaḥ ete yamāstava proktāḥ paṁcaiva niyamāñchṛṇu

—और गृहस्थों के लिए मन से ही यह त्याग-भाव अपरिग्रह कहा गया है। तुम्हें ये यम बताए गए; अब पाँच नियमों को सुनो।

श्लोक 21 (skanda.1.90.21)

शौचं तुष्टिस्तपश्चैव जपो भक्तिर्गुरोस्तथा॥ एतेषामपि पंचानां पृथक्संशृणु लक्षणम्

śaucaṁ tuṣṭistapaścaiva japo bhaktirgurostathā eteṣāmapi paṁcānāṁ pṛthaksaṁśṛṇu lakṣaṇam

शौच, संतोष, तप, जप और गुरु-भक्ति — इन पाँचों के भी पृथक्-पृथक् लक्षण सुनो।

श्लोक 22 (skanda.1.90.22)

बाह्यमाभ्यतरं चैव द्विविधं शौचमुच्यते॥ बाह्यं तु मृज्जलैः प्रोक्तमांतरं शुद्धमानसम्

bāhyamābhyataraṁ caiva dvividhaṁ śaucamucyate bāhyaṁ tu mṛjjalaiḥ proktamāṁtaraṁ śuddhamānasam

शौच दो प्रकार का कहा गया है — बाह्य और आभ्यंतर। बाह्य शौच मिट्टी और जल से होता है, और आभ्यंतर शौच शुद्ध मन है।

श्लोक 23 (skanda.1.90.23)

न्यायेनागतया वृत्त्या भिक्षया वार्तयापि च॥ संतोषो यस्य सततं सा तुष्टिरिति चोच्यते

nyāyenāgatayā vṛttyā bhikṣayā vārtayāpi ca saṁtoṣo yasya satataṁ sā tuṣṭiriti cocyate

न्याय से प्राप्त वृत्ति से, चाहे भिक्षा से हो या वार्ता (व्यवसाय) से, जो निरंतर संतोष रहता है, वही संतोष कहलाता है।

श्लोक 24 (skanda.1.90.24)

चांद्रायणादीनि पुनस्तपांसि विहितानि च॥ आहारलाघवपरः कुर्यात्तत्तप उच्यते

cāṁdrāyaṇādīni punastapāṁsi vihitāni ca āhāralāghavaparaḥ kuryāttattapa ucyate

चांद्रायण आदि तप विहित किए गए हैं; आहार में लघुता को महत्त्व देते हुए जो इन्हें करता है, वही तप कहलाता है।

श्लोक 25 (skanda.1.90.25)

स्वाध्यायस्तु जपः प्रोक्तः प्रणवाभ्यसनादिकः॥ शिवे ज्ञाने गुरौ भक्तिर्गुरुभक्तिरिति स्मृता

svādhyāyastu japaḥ proktaḥ praṇavābhyasanādikaḥ śive jñāne gurau bhaktirgurubhaktiriti smṛtā

स्वाध्याय ही जप कहा गया है, जिसमें प्रणव आदि का अभ्यास सम्मिलित है; शिव में, ज्ञान में और गुरु में भक्ति ही गुरुभक्ति कही गई है।

श्लोक 26 (skanda.1.90.26)

एवं संसाध्य नियमान्संयमांश्च विचक्षणः॥ प्राणायामाय संदध्यान्नान्यथा योगसाधकः

evaṁ saṁsādhya niyamānsaṁyamāṁśca vicakṣaṇaḥ prāṇāyāmāya saṁdadhyānnānyathā yogasādhakaḥ

इस प्रकार नियमों और संयमों को सिद्ध कर, विवेकशील योगसाधक को प्राणायाम में प्रवृत्त होना चाहिए, अन्यथा नहीं।

श्लोक 27 (skanda.1.90.27)

यतोऽशुचिशरीरस्य वायुकोपो महान्भवेत्॥ वायुकोपात्कुष्ठता च जडत्वादीनुपाश्नुते

yato'śuciśarīrasya vāyukopo mahānbhavet vāyukopātkuṣṭhatā ca jaḍatvādīnupāśnute

क्योंकि अशुद्ध शरीर वाले को वायु का महान् प्रकोप होता है; वायु के प्रकोप से कुष्ठ और जड़ता आदि उत्पन्न होते हैं।

श्लोक 28 (skanda.1.90.28)

तस्माद्विचक्षणः शुद्धं कृत्वा देहं यतेत्परम्॥ प्राणायामस्य वक्ष्यामि लक्षणं शृणु पांडव

tasmādvicakṣaṇaḥ śuddhaṁ kṛtvā dehaṁ yatetparam prāṇāyāmasya vakṣyāmi lakṣaṇaṁ śṛṇu pāṁḍava

अतः विवेकशील व्यक्ति को शरीर को शुद्ध कर आगे प्रयत्न करना चाहिए। अब मैं प्राणायाम का लक्षण बताता हूँ, हे पांडव, सुनो।

श्लोक 29 (skanda.1.90.29)

प्राणापाननिरोधश्च प्राणायामः प्रकीर्तितः॥ लघुमध्योत्तरीयाख्यः स च धीरैस्त्रिधोदितः

prāṇāpānanirodhaśca prāṇāyāmaḥ prakīrtitaḥ laghumadhyottarīyākhyaḥ sa ca dhīraistridhoditaḥ

प्राण और अपान के निरोध को ही प्राणायाम कहा गया है; इसे बुद्धिमानों ने तीन प्रकार का कहा है — लघु, मध्यम और उत्तम।

श्लोक 30 (skanda.1.90.30)

लघुर्द्वादशमात्रस्तु मात्रा निमिष उन्मिषः॥ द्विगुणो मध्यमश्चोक्तस्त्रिगुणश्चोत्तमः स्मृतः

laghurdvādaśamātrastu mātrā nimiṣa unmiṣaḥ dviguṇo madhyamaścoktastriguṇaścottamaḥ smṛtaḥ

लघु प्राणायाम बारह मात्रा का होता है, और एक मात्रा एक पलक झपकने के समय के बराबर है; मध्यम को उससे दोगुना कहा गया है, और उत्तम को तिगुना माना गया है।

श्लोक 31 (skanda.1.90.31)

प्रथमेन जयेत्स्वेदं मध्यमेन तु वेपथुम्॥ विषादं च तृतीयेन जयेद्दोषाननुक्रमात्

prathamena jayetsvedaṁ madhyamena tu vepathum viṣādaṁ ca tṛtīyena jayeddoṣānanukramāt

प्रथम से स्वेद (पसीना) को जीता जाता है, मध्यम से कंपन को, और तीसरे से विषाद को — इस प्रकार क्रमशः दोषों को जीता जाता है।

श्लोक 32 (skanda.1.90.32)

पद्माख्यमासनं कृत्वा रेचकं पूरकं तथा॥ कुंभकं च सुखासीनः प्राणायामं त्रिधाऽभ्यसेत्

padmākhyamāsanaṁ kṛtvā recakaṁ pūrakaṁ tathā kuṁbhakaṁ ca sukhāsīnaḥ prāṇāyāmaṁ tridhā'bhyaset

पद्मासन में बैठकर, सुखपूर्वक आसीन होकर, रेचक, पूरक और कुंभक — इन तीनों रूपों में प्राणायाम का अभ्यास करना चाहिए।

श्लोक 33 (skanda.1.90.33)

प्राणानामुपसंरोधात्प्राणायाम इति स्मृतः॥ यथा पर्वतधातूनां ध्मातानां दह्यते मलः

prāṇānāmupasaṁrodhātprāṇāyāma iti smṛtaḥ yathā parvatadhātūnāṁ dhmātānāṁ dahyate malaḥ

प्राणों के संयमन से ही यह प्राणायाम कहलाता है। जैसे पर्वतीय धातुओं को धौंकने पर उनका मल जल जाता है—

श्लोक 34 (skanda.1.90.34)

तथेंद्रियवृतो दोषः प्राणायामेन दह्यते॥ गोशतं कापिलं दत्त्वा यत्फलं तत्फलं भवेत्

tatheṁdriyavṛto doṣaḥ prāṇāyāmena dahyate gośataṁ kāpilaṁ dattvā yatphalaṁ tatphalaṁ bhavet

—वैसे ही इंद्रियों में निवास करने वाला दोष प्राणायाम से जल जाता है। सौ कपिला गौओं के दान का जो फल है, वही फल इससे प्राप्त होता है।

श्लोक 35 (skanda.1.90.35)

प्राणायामेन योगज्ञस्तस्मात्प्राणं सदा यमेत्॥ प्राणायामेन सिद्ध्यन्ति दिव्याः शान्त्यादयः क्रमात्

prāṇāyāmena yogajñastasmātprāṇaṁ sadā yamet prāṇāyāmena siddhyanti divyāḥ śāntyādayaḥ kramāt

अतः योगज्ञ को सदा प्राणायाम द्वारा प्राण का संयमन करना चाहिए; प्राणायाम से दिव्य शांति आदि गुण क्रमशः सिद्ध होते हैं।

श्लोक 36 (skanda.1.90.36)

शांतिः प्रशान्तिर्दीप्तिश्च प्रसादश्च यथाक्रमम्॥ सहजागंतुकामानां पापानां च प्रवर्तताम्

śāṁtiḥ praśāntirdīptiśca prasādaśca yathākramam sahajāgaṁtukāmānāṁ pāpānāṁ ca pravartatām

शांति, प्रशांति, दीप्ति और प्रसाद — क्रमशः सहज और आगन्तुक पापों के लिए ये उत्पन्न होते हैं।

श्लोक 37 (skanda.1.90.37)

वासनाशांतिरित्याख्यः प्रथमो जायते गुणः॥ लोभमोहात्मकान्दोषान्निराकृत्यैव कृत्स्नशः

vāsanāśāṁtirityākhyaḥ prathamo jāyate guṇaḥ lobhamohātmakāndoṣānnirākṛtyaiva kṛtsnaśaḥ

पहला गुण जो उत्पन्न होता है, वह वासना-शांति कहलाता है, जो लोभ और मोह रूपी दोषों को पूर्णतः दूर करने से होता है।

श्लोक 38 (skanda.1.90.38)

तपसां च यदा प्राप्तिः सा शांतिरिति चोच्यते॥ सर्वेन्द्रियप्रसादश्च बुद्धेर्वै मरुतामपि

tapasāṁ ca yadā prāptiḥ sā śāṁtiriti cocyate sarvendriyaprasādaśca buddhervai marutāmapi

और जब तप की सिद्धि प्राप्त होती है, उसे शांति (प्रशांति) कहा जाता है। और सभी इंद्रियों, बुद्धि तथा वायुओं की भी निर्मलता—

श्लोक 39 (skanda.1.90.39)

प्रसाद इति स प्रोक्तः प्राप्यमेवं चतुष्टयम्॥ एवंफलं सदा योगी प्राणायामं समभ्यसेत्

prasāda iti sa proktaḥ prāpyamevaṁ catuṣṭayam evaṁphalaṁ sadā yogī prāṇāyāmaṁ samabhyaset

—इसे प्रसाद कहा गया है। इस प्रकार यह चतुर्विध फल प्राप्त होता है; इसी फल की प्राप्ति के लिए योगी को सदा प्राणायाम का अभ्यास करना चाहिए।

श्लोक 40 (skanda.1.90.40)

मृदुत्वं सेव्यमानास्तु सिंहशार्दूलकुंजराः॥ यथा यान्ति तथा प्राणो वश्यो भवति साधितः

mṛdutvaṁ sevyamānāstu siṁhaśārdūlakuṁjarāḥ yathā yānti tathā prāṇo vaśyo bhavati sādhitaḥ

जैसे सिंह, व्याघ्र और हाथी उचित सेवा से मृदुता को प्राप्त होते हैं, वैसे ही साधित प्राण भी वश में हो जाता है।

श्लोक 41 (skanda.1.90.41)

प्राणायामस्त्वयं प्रोक्तः प्रत्याहारं ततः शृणु॥ विषयेषु प्रवृत्तस्य चेतसो विनिवर्तनम्

prāṇāyāmastvayaṁ proktaḥ pratyāhāraṁ tataḥ śṛṇu viṣayeṣu pravṛttasya cetaso vinivartanam

इस प्रकार प्राणायाम कहा गया है; अब प्रत्याहार को सुनो। विषयों में प्रवृत्त चित्त का निवर्तन ही—

श्लोक 42 (skanda.1.90.42)

प्रत्याहारं विनिर्दिष्टतस्य संयमनं हि यत्॥ प्रत्याहारस्त्वयं प्रोक्तो धारणालक्षणं शृणु

pratyāhāraṁ vinirdiṣṭatasya saṁyamanaṁ hi yat pratyāhārastvayaṁ prokto dhāraṇālakṣaṇaṁ śṛṇu

—उसका संयमन ही प्रत्याहार कहा गया है। इस प्रकार प्रत्याहार बताया गया; अब धारणा का लक्षण सुनो।

श्लोक 43 (skanda.1.90.43)

यथा तोयार्थिनस्तोयं पत्रनालादिभिः शनैः॥ आपिबेयुस्तथा वायुं योगी नयति साधितम्

yathā toyārthinastoyaṁ patranālādibhiḥ śanaiḥ āpibeyustathā vāyuṁ yogī nayati sādhitam

जैसे जल की इच्छा रखने वाले पत्ते की नली आदि से धीरे-धीरे जल पीते हैं, वैसे ही योगी साधित वायु को ऊपर ले जाता है।

श्लोक 44 (skanda.1.90.44)

प्राग्नाभ्यां हृदये वायुरथ तालौ भ्रुवोंऽतरे॥ चतुर्दले षड्दशे च द्वादशे षोडशद्विके

prāgnābhyāṁ hṛdaye vāyuratha tālau bhruvoṁ'tare caturdale ṣaḍdaśe ca dvādaśe ṣoḍaśadvike

पहले नाभि से हृदय तक वायु, फिर तालु तक, फिर भ्रूमध्य तक — चतुर्दल, षट्दल-षोडशदल, द्वादशदल और द्विषोडशदल (चक्रों) से होते हुए—

श्लोक 45 (skanda.1.90.45)

आकुंचनेनैव मूर्द्धमुन्नीय पवनं शनैः॥ मूर्धनि ब्रह्मरंध्रे तं प्राणं संधारयेत्कृती

ākuṁcanenaiva mūrddhamunnīya pavanaṁ śanaiḥ mūrdhani brahmaraṁdhre taṁ prāṇaṁ saṁdhārayetkṛtī

—संकोचन के द्वारा ही वायु को धीरे-धीरे सिर तक ले जाकर, सिद्ध साधक उस प्राण को सिर के ब्रह्मरंध्र में धारण करे।

श्लोक 46 (skanda.1.90.46)

प्राणायामा दश द्वौ च धारणैषा प्रकीर्त्यते॥ दशैता धारणाः स्थाप्य प्राप्नोत्यक्षरसाम्यताम्

prāṇāyāmā daśa dvau ca dhāraṇaiṣā prakīrtyate daśaitā dhāraṇāḥ sthāpya prāpnotyakṣarasāmyatām

बारह प्राणायाम मिलकर एक धारणा कहलाती है; इन दस धारणाओं को स्थापित कर मनुष्य अक्षर (परब्रह्म) के साथ समानता प्राप्त करता है।

श्लोक 47 (skanda.1.90.47)

धारणास्थस्य यद्ध्येयं तस्य त्वं शृणु लक्षणम्॥ ध्येयं बहुविधं पार्थ यस्यांतो नोपलभ्यते

dhāraṇāsthasya yaddhyeyaṁ tasya tvaṁ śṛṇu lakṣaṇam dhyeyaṁ bahuvidhaṁ pārtha yasyāṁto nopalabhyate

धारणा में स्थित व्यक्ति का जो ध्येय है, उसका लक्षण सुनो। हे पार्थ, ध्येय अनेक प्रकार का है, जिसका अंत नहीं पाया जाता।

श्लोक 48 (skanda.1.90.48)

केचिच्छिवं हरिं केचित्केचित्सूर्यं विधिं परे॥ केचिद्देवीं महद्भूतामुत ध्यायन्ति केचन

kecicchivaṁ hariṁ kecitkecitsūryaṁ vidhiṁ pare keciddevīṁ mahadbhūtāmuta dhyāyanti kecana

कोई शिव का, कोई हरि का, कोई सूर्य का, कोई विधि (ब्रह्मा) का ध्यान करते हैं; कोई देवी का, महान् सत्ता का, और कोई अन्य किसी का ध्यान करते हैं।

श्लोक 49 (skanda.1.90.49)

तत्र यो यच्च ध्यायेत स च तत्र प्रलीयते॥ तस्मात्सदा शिवं देवं पंचवक्त्रं हरं स्मरेत्

tatra yo yacca dhyāyeta sa ca tatra pralīyate tasmātsadā śivaṁ devaṁ paṁcavaktraṁ haraṁ smaret

वहाँ जो जिसका ध्यान करता है, वह उसी में लीन हो जाता है। अतः सदा पंचमुख शिव हर का ही स्मरण करना चाहिए।

श्लोक 50 (skanda.1.90.50)

पद्मासनस्थं तं गौरं बीजपूरकरं स्थितम्॥ दशहस्तं सुप्रसन्नवदनं ध्यानमास्थितम्

padmāsanasthaṁ taṁ gauraṁ bījapūrakaraṁ sthitam daśahastaṁ suprasannavadanaṁ dhyānamāsthitam

पद्मासन में स्थित, गौरवर्ण, बीजपूरक (एक फल) हाथ में लिए हुए, दस भुजाओं वाले, अत्यंत प्रसन्न मुख वाले और ध्यानमग्न—

श्लोक 51 (skanda.1.90.51)

ध्येयमेतत्तव प्रोक्तं तस्माद्ध्यानं समाचरेत्॥ ध्यानस्य लक्षणं चैतन्निमेषार्धमपि स्फुटम्

dhyeyametattava proktaṁ tasmāddhyānaṁ samācaret dhyānasya lakṣaṇaṁ caitannimeṣārdhamapi sphuṭam

—यह तुम्हें ध्येय के रूप में बताया गया; अतः ध्यान का आचरण करना चाहिए। और ध्यान का यह लक्षण है — आधे पलक झपकने के समय तक भी स्पष्ट—

श्लोक 52 (skanda.1.90.52)

न पृथग्जायते ध्येयाद्धारणां यः समास्थितः॥ एवमेतां दुरारोहां भूमिमास्थाय योगवित्

na pṛthagjāyate dhyeyāddhāraṇāṁ yaḥ samāsthitaḥ evametāṁ durārohāṁ bhūmimāsthāya yogavit

—जब धारणा में स्थित व्यक्ति ध्येय से पृथक् नहीं होता। इस प्रकार इस दुर्गम भूमि पर आरूढ़ होकर योगवेत्ता—

श्लोक 53 (skanda.1.90.53)

न किंचिच्चिंतयेत्पश्चात्समाधिरिति कीर्त्यते॥ समाधेर्लक्षणं सम्यग्ब्रुवतो मे निशामय

na kiṁcicciṁtayetpaścātsamādhiriti kīrtyate samādherlakṣaṇaṁ samyagbruvato me niśāmaya

—फिर कुछ भी चिंतन न करे, इसे समाधि कहा गया है। समाधि के लक्षण को भलीभाँति कहते हुए मुझसे सुनो।

श्लोक 54 (skanda.1.90.54)

शब्दस्पर्शरसैर्हीनं गंधरूपविवर्जितम्॥ परं पुरुषं संप्राप्तः समाधिस्थः प्रकीर्तितः

śabdasparśarasairhīnaṁ gaṁdharūpavivarjitam paraṁ puruṣaṁ saṁprāptaḥ samādhisthaḥ prakīrtitaḥ

शब्द, स्पर्श और रस से रहित, गंध और रूप से वर्जित, परम पुरुष को प्राप्त हुआ व्यक्ति समाधिस्थ कहा जाता है।

श्लोक 55 (skanda.1.90.55)

तां तु प्राप्य नरो विघ्नैर्नाभिभूयेत कर्हिचित्॥ समाधिस्थश्च दुःखेन गुरुणापि न चाल्यते

tāṁ tu prāpya naro vighnairnābhibhūyeta karhicit samādhisthaśca duḥkhena guruṇāpi na cālyate

उस अवस्था को प्राप्त कर मनुष्य विघ्नों से कभी अभिभूत नहीं होता; और समाधिस्थ व्यक्ति महान् दुःख से भी विचलित नहीं होता।

श्लोक 56 (skanda.1.90.56)

शंखाद्याः शतशस्तस्य वाद्यन्ते यदि कर्णयोः॥ भेर्यश्च यदि हन्यंते शब्दं बाह्यं न विंदति

śaṁkhādyāḥ śataśastasya vādyante yadi karṇayoḥ bheryaśca yadi hanyaṁte śabdaṁ bāhyaṁ na viṁdati

यदि उसके कानों के निकट सैकड़ों शंख आदि बजाए जाएँ और नगाड़े भी पीटे जाएँ, तो भी वह बाहरी शब्द को नहीं सुनता।

श्लोक 57 (skanda.1.90.57)

कशाप्रहाराभिहतो वह्निदग्धतनुस्तथा॥ शीताढ्येव स्थितो घोरे स्पर्शं बाह्यं न विन्दति

kaśāprahārābhihato vahnidagdhatanustathā śītāḍhyeva sthito ghore sparśaṁ bāhyaṁ na vindati

चाबुक के प्रहार से पीड़ित होने पर, अग्नि से देह जलने पर, अथवा भीषण शीत में स्थित रहने पर भी वह बाहरी स्पर्श को नहीं जानता।

श्लोक 58 (skanda.1.90.58)

रूपे गंधे रसे बाह्ये तादृशस्य तु का कथा॥ दृष्ट्वा य आत्मनात्मानं समाधिं लभते पुनः

rūpe gaṁdhe rase bāhye tādṛśasya tu kā kathā dṛṣṭvā ya ātmanātmānaṁ samādhiṁ labhate punaḥ

रूप, गंध और रस के विषय में तो ऐसे व्यक्ति की क्या कहें! जो आत्मा के द्वारा आत्मा को देखकर पुनः समाधि प्राप्त करता है—

श्लोक 59 (skanda.1.90.59)

तृष्णा वाथ बुभुक्षा वा बाधेते तं न कर्हिचित्

tṛṣṇā vātha bubhukṣā vā bādhete taṁ na karhicit

—उसे न कभी तृष्णा और न भूख कभी बाधित करती है।

श्लोक 60 (skanda.1.90.60)

न स्वर्गे न च पाताले मानुष्ये क्व च तत्सुखम्॥ समाधिं निश्चलं प्राप्य यत्सुखं विंदते नरः

na svarge na ca pātāle mānuṣye kva ca tatsukham samādhiṁ niścalaṁ prāpya yatsukhaṁ viṁdate naraḥ

न स्वर्ग में, न पाताल में और न मनुष्य-लोक में कहीं वह सुख है, जो मनुष्य निश्चल समाधि को प्राप्त कर अनुभव करता है।

श्लोक 61 (skanda.1.90.61)

एवमारूढयोगस्य तस्यापि कुरुनदन॥ पंचोपसर्गाः कटुकाः प्रवर्तंते यथा शृणु

evamārūḍhayogasya tasyāpi kurunadana paṁcopasargāḥ kaṭukāḥ pravartaṁte yathā śṛṇu

हे कुरुनंदन, इस प्रकार योग में आरूढ़ हुए साधक के लिए भी पाँच कटु उपसर्ग (विघ्न) उत्पन्न होते हैं; सुनो कैसे।

श्लोक 62 (skanda.1.90.62)

प्रातिभः श्रावणो दैवो भ्रमावर्तोऽथ भीषणः॥ प्रतिभा सर्वशास्त्राणां प्रातिभोऽयं च सात्त्विकः

prātibhaḥ śrāvaṇo daivo bhramāvarto'tha bhīṣaṇaḥ pratibhā sarvaśāstrāṇāṁ prātibho'yaṁ ca sāttvikaḥ

प्रातिभ, श्रावण, दैव, भ्रम और आवर्त — ये अत्यंत भयंकर हैं। सभी शास्त्रों की प्रतिभा (सहज बोध) — यह प्रातिभ नामक सात्त्विक विघ्न है।

श्लोक 63 (skanda.1.90.63)

तेन यो मदमादद्याद्योगी शीघ्रं च चेतसः॥ योजनानां सहस्रेभ्यः श्रवणं श्रावणस्तु सः

tena yo madamādadyādyogī śīghraṁ ca cetasaḥ yojanānāṁ sahasrebhyaḥ śravaṇaṁ śrāvaṇastu saḥ

जो योगी उससे मद (अहंकार) ग्रहण कर लेता है, वह शीघ्र ही चित्त से भ्रष्ट हो जाता है। हजारों योजन दूर से सुनना — यह श्रावण नामक विघ्न है।

श्लोक 64 (skanda.1.90.64)

द्वितीयः सात्विकश्चायमस्मान्मत्तो विनश्यति॥ अष्टौ पश्यति योनीश्च देवानां दैव इत्यसौ

dvitīyaḥ sātvikaścāyamasmānmatto vinaśyati aṣṭau paśyati yonīśca devānāṁ daiva ityasau

यह दूसरा सात्त्विक विघ्न है; इससे भी मद उत्पन्न होने पर व्यक्ति नष्ट हो जाता है। देवताओं की आठ योनियों को देखना — यह दैव नामक विघ्न है।

श्लोक 65 (skanda.1.90.65)

अयं च सात्त्विको दोषो मदादस्माद्विनश्यति॥ आवर्त इव तोयस्य जनावर्ते यदाकुलः

ayaṁ ca sāttviko doṣo madādasmādvinaśyati āvarta iva toyasya janāvarte yadākulaḥ

यह भी सात्त्विक दोष है; इससे भी मद के कारण व्यक्ति नष्ट हो जाता है। जल के भँवर के समान, जब मनुष्य लोगों की भीड़ (प्रशंसा-यश) में व्याकुल हो जाता है—

श्लोक 66 (skanda.1.90.66)

आवर्ताख्यस्त्वयं दोषो राजसः स महाभयः॥ भ्राम्यते यन्निरालम्बं मनो दोषैश्च योगिनः

āvartākhyastvayaṁ doṣo rājasaḥ sa mahābhayaḥ bhrāmyate yannirālambaṁ mano doṣaiśca yoginaḥ

—यह आवर्त नामक दोष राजसिक है और अत्यंत भयावह है। जिसके कारण योगी का मन निराधार होकर इन दोषों से भ्रमित हो जाता है—

श्लोक 67 (skanda.1.90.67)

समस्ताधारविभ्रंशाद्भ्रमाख्यस्तामसो गुणः॥ एतैर्नाशितयोगाश्च सकला देवयोनयः

samastādhāravibhraṁśādbhramākhyastāmaso guṇaḥ etairnāśitayogāśca sakalā devayonayaḥ

—समस्त आधार के विनष्ट होने से भ्रम नामक तामसिक दोष उत्पन्न होता है। इनके द्वारा जिनका योग नष्ट हो गया है, वे सभी देवयोनियाँ—

श्लोक 68 (skanda.1.90.68)

उपसर्गैर्महाघोरैरावर्त्यंते पुनः पुनः॥ प्रावृत्य कंबलं शुक्लं योगी तस्मान्मनोमयम्

upasargairmahāghorairāvartyaṁte punaḥ punaḥ prāvṛtya kaṁbalaṁ śuklaṁ yogī tasmānmanomayam

—इन अत्यंत भयंकर विघ्नों से बार-बार भ्रमित होते रहते हैं। अतः योगी को श्वेत कंबल (शुद्धता) ओढ़कर, अपने मनोमय स्वरूप से—

श्लोक 69 (skanda.1.90.69)

चिंतयेत्परमं ब्रह्म कृत्वा तत्प्रवणं मनः॥ आहाराः सात्त्विकाश्चैव संसेव्याः सिद्धिमिच्छता

ciṁtayetparamaṁ brahma kṛtvā tatpravaṇaṁ manaḥ āhārāḥ sāttvikāścaiva saṁsevyāḥ siddhimicchatā

—उसी में लीन करके, परम ब्रह्म का चिंतन करना चाहिए। सिद्धि की इच्छा रखने वाले को सात्त्विक आहार का ही सेवन करना चाहिए।

श्लोक 70 (skanda.1.90.70)

राजसैस्तामसैश्चैव योगी सिद्धयेन्न कर्हिचित्॥ श्रद्दधानेषु दांतेषु श्रोत्रियेषु महात्मसु

rājasaistāmasaiścaiva yogī siddhayenna karhicit śraddadhāneṣu dāṁteṣu śrotriyeṣu mahātmasu

राजसिक और तामसिक भोजन से योगी को कभी सिद्धि नहीं मिलती। श्रद्धावानों, संयमियों, श्रोत्रियों और महात्माओं में से—

श्लोक 71 (skanda.1.90.71)

स्वधर्मादनपेतेषु भिक्षा याच्या च योगिना॥ भैक्षं यवान्नं तक्रं वा पयो यावकमेव वा

svadharmādanapeteṣu bhikṣā yācyā ca yoginā bhaikṣaṁ yavānnaṁ takraṁ vā payo yāvakameva vā

—जो अपने धर्म से विचलित न हुए हों, उन्हीं से योगी को भिक्षा माँगनी चाहिए। भिक्षान्न, यवान्न, तक्र, दूध या यावक (जौ का दलिया)—

श्लोक 72 (skanda.1.90.72)

फलमूलं विपक्वं वा कणपिण्याकसक्तवः॥ श्रुता इत्येत आहारा योगिनां सिद्धिकारकाः

phalamūlaṁ vipakvaṁ vā kaṇapiṇyākasaktavaḥ śrutā ityeta āhārā yogināṁ siddhikārakāḥ

—पके हुए फल-मूल, कण, पिण्याक (खली) और सत्तू — शास्त्रों में सुने गए ये आहार योगियों के लिए सिद्धिदायक हैं।

श्लोक 73 (skanda.1.90.73)

मृत्युकालं विदित्वा च निमित्तैर्योगसाधकः॥ योगं युञ्जीत कालस्य वंचनार्थं समाहितः

mṛtyukālaṁ viditvā ca nimittairyogasādhakaḥ yogaṁ yuñjīta kālasya vaṁcanārthaṁ samāhitaḥ

और शकुनों से मृत्यु के समय को जानकर, योगसाधक को समाहितचित्त होकर काल को छलने के लिए योग में लीन हो जाना चाहिए।

श्लोक 74 (skanda.1.90.74)

निमित्तानि च वक्ष्यामि मृत्युं यो वेत्ति योगवित्॥ रक्तकृष्णांबरधरा गायंतीह सती च यम्

nimittāni ca vakṣyāmi mṛtyuṁ yo vetti yogavit raktakṛṣṇāṁbaradharā gāyaṁtīha satī ca yam

और अब मैं वे शकुन बताता हूँ, जिनसे योगवेत्ता मृत्यु को पहचानता है — यदि स्वप्न में लाल और काले वस्त्र पहने कोई सती स्त्री गाती हुई—

श्लोक 75 (skanda.1.90.75)

दक्षिणाशां नयेन्नारी स्वप्ने सोऽपि न जीवति॥ नग्नं क्षपणकं स्वप्ने हसमानं प्रदृश्य च

dakṣiṇāśāṁ nayennārī svapne so'pi na jīvati nagnaṁ kṣapaṇakaṁ svapne hasamānaṁ pradṛśya ca

—वह उसे स्वप्न में दक्षिण दिशा की ओर ले जाती है, तो वह भी अधिक जीवित नहीं रहता। और स्वप्न में नग्न क्षपणक को हँसते हुए देखकर—

श्लोक 76 (skanda.1.90.76)

एनं च वीक्ष्य वल्गन्तं तं विद्यान्मृत्युमागतम्॥ ऋक्षवानरयुग्यस्थो गायन्यो दक्षिणां दिशम्

enaṁ ca vīkṣya valgantaṁ taṁ vidyānmṛtyumāgatam ṛkṣavānarayugyastho gāyanyo dakṣiṇāṁ diśam

—और उछल-कूद करते हुए देखकर, यह जान लेना चाहिए कि उसकी मृत्यु आ गई है। जो भालू या बंदर पर सवार होकर दक्षिण दिशा की ओर गाता हुआ जाता है—

श्लोक 77 (skanda.1.90.77)

याति मज्जेदधौ पंके गोमये वा न जीवति॥ केशांगारैस्तथा भस्मभुजंगैर्निजलां नदीम्

yāti majjedadhau paṁke gomaye vā na jīvati keśāṁgāraistathā bhasmabhujaṁgairnijalāṁ nadīm

—वह जीवित नहीं रहता। जो दही, कीचड़ या गोबर में डूब जाता है, वह भी जीवित नहीं रहता। इसी प्रकार बाल, अंगारे, भस्म या सर्पों से भरी जलरहित नदी—

श्लोक 78 (skanda.1.90.78)

एषामन्यतमैः पूर्णां दृष्ट्वा स्वप्ने न जीवति॥ करालैर्विकटै रूक्षैः पुरुषैरुद्यतायुधैः

eṣāmanyatamaiḥ pūrṇāṁ dṛṣṭvā svapne na jīvati karālairvikaṭai rūkṣaiḥ puruṣairudyatāyudhaiḥ

—इनमें से किसी से भरी हुई नदी को स्वप्न में देखकर वह जीवित नहीं रहता। भयानक, विकराल और रूखे पुरुषों द्वारा, जो शस्त्र उठाए हुए हैं—

श्लोक 79 (skanda.1.90.79)

पाषाणैस्ताडितः स्वप्ने सद्यो मृत्युं भजेन्नरः॥ सूर्योदये यस्य शिवा क्रोशंती याति सम्मुखम्

pāṣāṇaistāḍitaḥ svapne sadyo mṛtyuṁ bhajennaraḥ sūryodaye yasya śivā krośaṁtī yāti sammukham

—अथवा पत्थरों से मारे जाने पर स्वप्न में मनुष्य शीघ्र ही मृत्यु को प्राप्त होता है। जिसके सम्मुख सूर्योदय के समय सियारिन चीखती हुई आती है—

श्लोक 80 (skanda.1.90.80)

विपरीतं परीतं वा स सद्यो मृत्युमृच्छति॥ दीपाधिगंधं नो वेत्ति वमत्यग्निं तथा निशि

viparītaṁ parītaṁ vā sa sadyo mṛtyumṛcchati dīpādhigaṁdhaṁ no vetti vamatyagniṁ tathā niśi

—चाहे वह विपरीत दिशा से आए या अनुकूल दिशा से, वह शीघ्र ही मृत्यु को प्राप्त होता है। जो दीपक की गंध को नहीं जान पाता, अथवा रात्रि में अग्नि वमन करता प्रतीत होता है—

श्लोक 81 (skanda.1.90.81)

नात्मानं परनेत्रस्थं वीक्षते न स जीवति॥ शक्रायुधं चार्धरात्रे दिवा वा ग्रहणं तथा

nātmānaṁ paranetrasthaṁ vīkṣate na sa jīvati śakrāyudhaṁ cārdharātre divā vā grahaṇaṁ tathā

—अथवा जो अपने प्रतिबिंब को दूसरे की आँख में नहीं देख पाता, वह जीवित नहीं रहता। जो आधी रात को इंद्रधनुष या दिन में ग्रहण देखता है—

श्लोक 82 (skanda.1.90.82)

दृष्ट्वा मन्येत स क्षीणमात्मजीवितमाप्तवान्॥ नासिका वक्रतामेति कर्णयोर्न्नमनोन्नती

dṛṣṭvā manyeta sa kṣīṇamātmajīvitamāptavān nāsikā vakratāmeti karṇayornnamanonnatī

—यह देखकर उसे यह समझ लेना चाहिए कि उसका जीवन क्षीण हो गया है। जिसकी नाक टेढ़ी हो जाती है और कान असामान्य रूप से झुक या उठ जाते हैं—

श्लोक 83 (skanda.1.90.83)

नेत्रं च वामं स्रवति यस्य तस्यायुरुद्गतम्॥ आरक्ततामेति मुखं जिह्वा चाप्यसिता यदा

netraṁ ca vāmaṁ sravati yasya tasyāyurudgatam āraktatāmeti mukhaṁ jihvā cāpyasitā yadā

—और जिसकी बाईं आँख से जल बहने लगे, उसकी आयु समाप्त हो चुकी है। जब मुख लालिमा को प्राप्त होता है और जिह्वा भी काली पड़ जाती है—

श्लोक 84 (skanda.1.90.84)

तदा प्राज्ञो विजानीयादासन्नं मृत्युमात्मनः॥ उष्ट्ररासभयानेन स्वप्ने यो याति दक्षिणाम्

tadā prājño vijānīyādāsannaṁ mṛtyumātmanaḥ uṣṭrarāsabhayānena svapne yo yāti dakṣiṇām

—तब बुद्धिमान् व्यक्ति को यह जान लेना चाहिए कि उसकी मृत्यु निकट है। जो स्वप्न में ऊँट या गधे पर सवार होकर दक्षिण दिशा की ओर जाता है—

श्लोक 85 (skanda.1.90.85)

दिशं कर्णौ पिधायापि निर्घोषं शृणुयान्न च॥ न स जीवेत्तथा स्वप्ने पति तस्य पिधीयते

diśaṁ karṇau pidhāyāpi nirghoṣaṁ śṛṇuyānna ca na sa jīvettathā svapne pati tasya pidhīyate

—और कान बंद करने पर भी उसे कोई ध्वनि सुनाई न पड़े, तो वह जीवित नहीं रहता। इसी प्रकार जिसका द्वार स्वप्न में स्वयं बंद हो जाता है—

श्लोक 86 (skanda.1.90.86)

द्वारं न चोत्तिष्ठति च शुभ्रा दृष्टिश्च लोहिता॥ स्वप्नेऽग्निं प्रविशेद्यश्च न च निष्क्रमते पुनः

dvāraṁ na cottiṣṭhati ca śubhrā dṛṣṭiśca lohitā svapne'gniṁ praviśedyaśca na ca niṣkramate punaḥ

—और खड़ा नहीं हो पाता, तथा जिसकी शुभ्र दृष्टि लाल हो जाती है (वह जीवित नहीं रहता)। और जो स्वप्न में अग्नि में प्रवेश करता है और पुनः बाहर नहीं निकल पाता—

श्लोक 87 (skanda.1.90.87)

जलप्रवेशादपि वा तदंतं तस्य जीवितम्॥ यश्चाभिहन्यते दुष्टैर्भूतै रात्रावथो दिवा

jalapraveśādapi vā tadaṁtaṁ tasya jīvitam yaścābhihanyate duṣṭairbhūtai rātrāvatho divā

—अथवा जल में प्रवेश करके बाहर नहीं आता — उसका जीवन उसी क्षण समाप्त हो जाता है। और जो दुष्ट भूतों द्वारा रात्रि में अथवा दिन में आक्रांत होता है—

श्लोक 88 (skanda.1.90.88)

प्रकृतैर्विकृतैर्वापि तस्यासन्नौ यमांतकौ॥ देवतानां गुरूणां च पित्रोर्ज्ञानविदां तथा

prakṛtairvikṛtairvāpi tasyāsannau yamāṁtakau devatānāṁ gurūṇāṁ ca pitrorjñānavidāṁ tathā

—चाहे वे स्वाभाविक रूप में हों या विकृत रूप में, उसके लिए यम और अंतक (मृत्यु) निकट होते हैं। देवताओं, गुरुओं, माता-पिता और तत्त्वज्ञानियों की—

श्लोक 89 (skanda.1.90.89)

निन्दामवज्ञां कुरुते भक्तो भूत्वा न जीवति॥ एवं दृष्ट्वा निमित्तानि विपरीतानि योगवित्

nindāmavajñāṁ kurute bhakto bhūtvā na jīvati evaṁ dṛṣṭvā nimittāni viparītāni yogavit

—जो भक्त होते हुए भी उनकी निंदा या अवज्ञा करने लगता है, वह जीवित नहीं रहता। इस प्रकार इन विपरीत शकुनों को देखकर योगवेत्ता—

श्लोक 90 (skanda.1.90.90)

धारणां सम्यगास्थाय समाधावचलो भवेत्॥ यदि नेच्छति ते मृत्युं ततो नासौ प्रपद्यते

dhāraṇāṁ samyagāsthāya samādhāvacalo bhavet yadi necchati te mṛtyuṁ tato nāsau prapadyate

—भलीभाँति धारणा में स्थित होकर समाधि में अचल हो जाए; यदि वह मृत्यु नहीं चाहता, तो वह उस पर नहीं आती।

श्लोक 91 (skanda.1.90.91)

विमुक्तिमथवा वांछेद्विसृजेद्ब्रह्ममूर्धनि॥ संति देहे विमुक्ते च उपसर्गाश्च ये पुनः

vimuktimathavā vāṁchedvisṛjedbrahmamūrdhani saṁti dehe vimukte ca upasargāśca ye punaḥ

अथवा यदि वह मुक्ति चाहता है, तो ब्रह्मरंध्र से (प्राण को) त्याग दे। और देह के मुक्त होने पर भी जो और विघ्न होते हैं—

श्लोक 92 (skanda.1.90.92)

योगिनं समुपायांति शृणु तानपि पांडव॥ ऐशान्ये राक्षसपुरे यक्षो गन्धर्व एव च

yoginaṁ samupāyāṁti śṛṇu tānapi pāṁḍava aiśānye rākṣasapure yakṣo gandharva eva ca

—योगी के पास आते हैं; हे पांडव, उन्हें भी सुनो। ऐशान्य दिशा में, राक्षसपुरी में, तथा यक्ष और गंधर्व के लोक में—

श्लोक 93 (skanda.1.90.93)

ऐन्द्रे सौम्ये प्रजापत्ये ब्राह्मे चाष्टसु सिद्धयः॥ भवंति चाष्टौ शृणु ताः पार्थिवी या च तैजसी

aindre saumye prajāpatye brāhme cāṣṭasu siddhayaḥ bhavaṁti cāṣṭau śṛṇu tāḥ pārthivī yā ca taijasī

—तथा ऐन्द्र, सौम्य, प्राजापत्य और ब्राह्म — इन आठों में आठ-आठ सिद्धियाँ उत्पन्न होती हैं; उन्हें सुनो — पार्थिवी और तैजसी,

श्लोक 94 (skanda.1.90.94)

वायवी व्योमात्मिका चैव मानसाहम्भवा मतिः॥ प्रत्येकमष्टधा भिन्ना द्विगुणा द्विगुणा क्रमात

vāyavī vyomātmikā caiva mānasāhambhavā matiḥ pratyekamaṣṭadhā bhinnā dviguṇā dviguṇā kramāta

—वायवी, आकाशीय, मानसी और अहंकार-जनित बुद्धि। ये प्रत्येक आठ-आठ भेदों में विभक्त हैं, क्रमशः दोगुनी-दोगुनी होती हुई—

श्लोक 95 (skanda.1.90.95)

पूर्वे चाष्टौ चतुःषष्टिरन्ते शृणुष्व तद्यथा॥ स्थूलता ह्रस्वता बाल्यं वार्धक्यं योवनं तथा

pūrve cāṣṭau catuḥṣaṣṭirante śṛṇuṣva tadyathā sthūlatā hrasvatā bālyaṁ vārdhakyaṁ yovanaṁ tathā

—पहले आठ हैं, और अंत में चौंसठ हो जाती हैं; सुनो कैसे — स्थूलता, ह्रस्वता, बाल्य, वार्धक्य और यौवन,

श्लोक 96 (skanda.1.90.96)

नानाजाति स्वरूपं च चतुर्भिर्देहधारणम्॥ पार्थिवांशं विना नित्यमष्टौ पार्थिवसिद्धयः

nānājāti svarūpaṁ ca caturbhirdehadhāraṇam pārthivāṁśaṁ vinā nityamaṣṭau pārthivasiddhayaḥ

—विविध जातियों का स्वरूप, और चार प्रकार से देह-धारण — पार्थिव अंश के बिना ही ये आठ नित्य पार्थिव सिद्धियाँ हैं।

श्लोक 97 (skanda.1.90.97)

विजिते पृथिवीतत्त्वे यदैशान्ये भवन्ति च॥ भूमाविव जले वासो नातुरोऽर्णवमापिबेत्

vijite pṛthivītattve yadaiśānye bhavanti ca bhūmāviva jale vāso nāturo'rṇavamāpibet

पृथ्वी-तत्त्व को जीत लेने पर, ये ऐशान्य दिशा में उत्पन्न होती हैं — जल में स्थल के समान निवास, बिना पीड़ित हुए समुद्र को पी जाना,

श्लोक 98 (skanda.1.90.98)

सर्वत्र जलप्राप्तिश्च अपि शुष्कं द्रवं फलम्॥ त्रिभिर्देहस्य धरणं नदीर्वा स्थापयेत्करे

sarvatra jalaprāptiśca api śuṣkaṁ dravaṁ phalam tribhirdehasya dharaṇaṁ nadīrvā sthāpayetkare

—सर्वत्र जल की प्राप्ति, सूखे फल को भी तरल कर देना, तीन प्रकार से देह-धारण, अथवा हाथ में नदी को स्थापित कर लेना,

श्लोक 99 (skanda.1.90.99)

अव्रणत्वं शरीरस्य कांतिश्चाथाष्टकं स्मृतम्॥ अष्टौ पूर्वा इमाश्चाष्टौ राक्षसानां पुरे स्मृताः

avraṇatvaṁ śarīrasya kāṁtiścāthāṣṭakaṁ smṛtam aṣṭau pūrvā imāścāṣṭau rākṣasānāṁ pure smṛtāḥ

—शरीर का व्रणरहित होना और कांति — इस प्रकार यह आठ का समूह स्मरण किया गया है। पहले के आठ और ये आठ — इस प्रकार सोलह राक्षसों की पुरी में स्मरण किए गए हैं।

श्लोक 100 (skanda.1.90.100)

देहादग्निविनिर्माणं तत्तापभयवर्जनम्॥ शक्तिदत्वं च लोकानां जलमध्येग्निज्वालनम्

dehādagnivinirmāṇaṁ tattāpabhayavarjanam śaktidatvaṁ ca lokānāṁ jalamadhyegnijvālanam

(यक्षों की सिद्धियाँ:) शरीर से अग्नि उत्पन्न करना और उसके ताप के भय से मुक्त होना; लोकों को शक्ति प्रदान करने की क्षमता; जल के बीच अग्नि प्रज्वलित करना,

श्लोक 101 (skanda.1.90.101)

अग्निग्रहश्च हस्तेन स्मृतिमात्रेण पावनम्॥ भस्मीभूतस्य निर्माणं द्वाभ्यां देहस्य धारणम्

agnigrahaśca hastena smṛtimātreṇa pāvanam bhasmībhūtasya nirmāṇaṁ dvābhyāṁ dehasya dhāraṇam

—हाथ से अग्नि को पकड़ना; स्मरण मात्र से पवित्र कर देना; भस्म हुए को पुनः निर्मित करना; और दो प्रकार से देह को धारण करना।

श्लोक 102 (skanda.1.90.102)

पूर्वाः षोडश चाप्यष्टौ तेजसो यक्षसद्मनि॥ मनोगतित्वं भूतानामन्तर्निवेशनं तथा

pūrvāḥ ṣoḍaśa cāpyaṣṭau tejaso yakṣasadmani manogatitvaṁ bhūtānāmantarniveśanaṁ tathā

पूर्व के सोलह और ये आठ तेज की सिद्धियाँ यक्षों के धाम में हैं। (गंधर्वों की सिद्धियाँ:) मन के समान गति; प्राणियों के भीतर प्रवेश करना,

श्लोक 103 (skanda.1.90.103)

पर्वतादिमहाभारवहनं लीलयैव च॥ लघुत्वं गौरवत्वं च पाणिभ्यां वायुवारणम्

parvatādimahābhāravahanaṁ līlayaiva ca laghutvaṁ gauravatvaṁ ca pāṇibhyāṁ vāyuvāraṇam

—पर्वत आदि के महाभार को लीलामात्र से वहन करना; लघुता और गुरुता (इच्छानुसार); और हाथों से वायु को रोकना,

श्लोक 104 (skanda.1.90.104)

अंगुल्यग्रनिपातेन भूमेः सर्वत्र कम्पनम्॥ एकेन देहनिष्पत्तिर्गांधर्वे वांति सिद्धयः

aṁgulyagranipātena bhūmeḥ sarvatra kampanam ekena dehaniṣpattirgāṁdharve vāṁti siddhayaḥ

—अंगुली के अग्रभाग के स्पर्श से पृथ्वी को सर्वत्र कंपित कर देना; और एक ही इच्छा से देह की निष्पत्ति — ये सिद्धियाँ गंधर्वलोक में विद्यमान हैं।

श्लोक 105 (skanda.1.90.105)

चतुर्विंशतिः पूर्वाश्चाप्यष्टावेताश्च सिद्धयः॥ गन्धर्वलोके द्वात्रिंशदत ऊर्ध्वं निशामय

caturviṁśatiḥ pūrvāścāpyaṣṭāvetāśca siddhayaḥ gandharvaloke dvātriṁśadata ūrdhvaṁ niśāmaya

पूर्व की चौबीस और ये आठ सिद्धियाँ — इस प्रकार गंधर्वलोक में बत्तीस सिद्धियाँ हैं। अब इससे आगे सुनो।

श्लोक 106 (skanda.1.90.106)

छायाविहीननिष्पत्तिरिंद्रियाणामदर्शनम्॥ आकाशगमनं नित्यमिंद्रियादिशमः स्वयम्

chāyāvihīnaniṣpattiriṁdriyāṇāmadarśanam ākāśagamanaṁ nityamiṁdriyādiśamaḥ svayam

(इंद्रलोक की सिद्धियाँ:) छायारहित होकर विद्यमान रहना; इंद्रियों का अदृश्य होना; नित्य आकाशगमन; और इंद्रियों आदि का स्वतः शमन,

श्लोक 107 (skanda.1.90.107)

दूरे च शब्दग्रहणं सर्वशब्दावगाहनम्॥ तन्मात्रलिंगग्रहणं सर्वप्राणिनिदर्शनम्

dūre ca śabdagrahaṇaṁ sarvaśabdāvagāhanam tanmātraliṁgagrahaṇaṁ sarvaprāṇinidarśanam

—दूर से शब्द ग्रहण करना; सभी शब्दों का अवगाहन करना; तन्मात्राओं के लिंग को ग्रहण करना; और सभी प्राणियों को देख लेना।

श्लोक 108 (skanda.1.90.108)

अष्टौ वातात्मिकाश्चैन्द्रे द्वात्रिंशदपि पूर्वकाः॥ यथाकामोपलब्धिश्च यथाकामविनिर्गमः

aṣṭau vātātmikāścaindre dvātriṁśadapi pūrvakāḥ yathākāmopalabdhiśca yathākāmavinirgamaḥ

ये आठ वायव्य सिद्धियाँ इंद्रलोक में हैं, पूर्व की बत्तीस के साथ (कुल चालीस)। (सोमलोक की सिद्धियाँ:) यथेच्छ वस्तु की प्राप्ति, और यथेच्छ प्रस्थान,

श्लोक 109 (skanda.1.90.109)

सर्वत्राभिभवश्चैव सर्वगुह्यनिदर्शनम्॥ संसारदर्शनं चापि मानस्योऽष्टौ च सिद्धयः

sarvatrābhibhavaścaiva sarvaguhyanidarśanam saṁsāradarśanaṁ cāpi mānasyo'ṣṭau ca siddhayaḥ

—सर्वत्र अभिभव (सबको वश में करना); सभी गुह्य वस्तुओं का दर्शन; और संपूर्ण संसार का दर्शन — ये आठ मानसी सिद्धियाँ हैं।

श्लोक 110 (skanda.1.90.110)

चत्वारिंशच्च पूर्वाश्च सोमलोके स्मृतास्त्विमाः॥ छेदनं तापनं बन्धः संसारपरिवर्तनम्

catvāriṁśacca pūrvāśca somaloke smṛtāstvimāḥ chedanaṁ tāpanaṁ bandhaḥ saṁsāraparivartanam

पूर्व की चालीस के साथ ये सोमलोक में स्मरण की गई हैं। (प्रजापति-लोक की सिद्धियाँ:) छेदन, तापन, बंधन और संसार का परिवर्तन,

श्लोक 111 (skanda.1.90.111)

सर्वभूत प्रसादत्वं मृत्युकालजयस्तथा॥ अहंकारोद्भवश्चाष्टौ प्राजापत्ये च पूर्विकाः

sarvabhūta prasādatvaṁ mṛtyukālajayastathā ahaṁkārodbhavaścāṣṭau prājāpatye ca pūrvikāḥ

—सभी प्राणियों का प्रसाद पाना, तथा मृत्यु-काल पर विजय, और अहंकार से उत्पन्न होना — ये आठ, पूर्व की सिद्धियों सहित, प्रजापति-लोक की हैं।

श्लोक 112 (skanda.1.90.112)

आकारेण जगत्सष्टिस्तथानुग्रह एव च॥ प्रलयस्याधिकारं च लोकचित्रप्रवर्तनम्

ākāreṇa jagatsaṣṭistathānugraha eva ca pralayasyādhikāraṁ ca lokacitrapravartanam

(ब्रह्मलोक की सिद्धियाँ:) संकल्पमात्र से जगत् की सृष्टि, तथा अनुग्रह करना; प्रलय का अधिकार; और लोकों की विविधता को प्रवर्तित करना,

श्लोक 113 (skanda.1.90.113)

असादृश्यमिदं व्यक्तं निर्वाणं च पृथक्पृथक्॥ शुभेतरस्य कर्तृत्वमष्टौ बुद्धिभवास्त्वमी

asādṛśyamidaṁ vyaktaṁ nirvāṇaṁ ca pṛthakpṛthak śubhetarasya kartṛtvamaṣṭau buddhibhavāstvamī

—यह अद्वितीय व्यक्त रूप, और प्रत्येक को पृथक्-पृथक् निर्वाण प्रदान करना; तथा शुभ और अशुभ दोनों का कर्तृत्व — ये आठ बुद्धि से उत्पन्न सिद्धियाँ हैं।

श्लोक 114 (skanda.1.90.114)

षट्पंचाशत्तथा पूर्वाश्चतुःषष्टिरिमे गुणाः॥ ब्राह्मये पदे प्रवर्तंते गुह्यमेतत्तवेरितम्

ṣaṭpaṁcāśattathā pūrvāścatuḥṣaṣṭirime guṇāḥ brāhmaye pade pravartaṁte guhyametattaveritam

पूर्व की छप्पन के साथ ये गुण चौंसठ हो जाते हैं, जो ब्राह्म पद में प्रवर्तित होते हैं। यह गुह्य रहस्य तुम्हें बताया गया।

श्लोक 115 (skanda.1.90.115)

जीवतो देहभेदे वा सिद्ध्यश्चैतास्तु योगिनाम्॥ संगो नैव विधातव्यो भयात्पतनसंभवात्

jīvato dehabhede vā siddhyaścaitāstu yoginām saṁgo naiva vidhātavyo bhayātpatanasaṁbhavāt

ये सिद्धियाँ योगियों को जीवित रहते हुए या देह-त्याग के समय प्राप्त होती हैं; परंतु इनमें कभी आसक्ति नहीं करनी चाहिए, क्योंकि इससे पतन की संभावना है।

श्लोक 116 (skanda.1.90.116)

एतान्गुणान्निराकृत्य युञ्जतो योगिनस्तदा॥ सिद्धयोऽष्टौ प्रवर्तंते योगसंसिद्धिकारकाः

etānguṇānnirākṛtya yuñjato yoginastadā siddhayo'ṣṭau pravartaṁte yogasaṁsiddhikārakāḥ

इन गुणों को त्यागकर, योग में लगे रहने वाले योगी के लिए तब आठ सिद्धियाँ उत्पन्न होती हैं, जो योग की पूर्ण सिद्धि करने वाली हैं।

श्लोक 117 (skanda.1.90.117)

अणिमा लघिमा चैव महिमा प्राप्तिरेव च॥ प्राकाम्यं च तथेशित्वं वशित्वं च तथापरे

aṇimā laghimā caiva mahimā prāptireva ca prākāmyaṁ ca tatheśitvaṁ vaśitvaṁ ca tathāpare

अणिमा, लघिमा, महिमा और प्राप्ति; प्राकाम्य, ईशित्व, वशित्व और एक और—

श्लोक 118 (skanda.1.90.118)

यत्र कामावसायित्वं माहेश्वरपदस्थिताः॥ सूक्ष्मात्सूक्ष्मत्वमणिमा शीघ्रत्वाल्लघिमा स्मृता

yatra kāmāvasāyitvaṁ māheśvarapadasthitāḥ sūkṣmātsūkṣmatvamaṇimā śīghratvāllaghimā smṛtā

—कामावसायित्व, जहाँ इच्छा सिद्ध होती है — ये माहेश्वर पद में स्थित लोगों की सिद्धियाँ हैं। सूक्ष्म से भी सूक्ष्म होने की शक्ति अणिमा है, और शीघ्रता के कारण लघिमा कही गई है।

श्लोक 119 (skanda.1.90.119)

महिमा शेषपूज्यत्वात्प्राप्तिर्नाप्राप्यमस्य यत्॥ प्राकाम्यमस्य व्यापित्वादीशित्वं चेश्वरो यतः

mahimā śeṣapūjyatvātprāptirnāprāpyamasya yat prākāmyamasya vyāpitvādīśitvaṁ ceśvaro yataḥ

महिमा — क्योंकि सभी उसे पूज्य मानते हैं; प्राप्ति — क्योंकि उसके लिए कुछ भी अप्राप्य नहीं रहता। प्राकाम्य — उसकी व्यापकता के कारण, और ईशित्व — क्योंकि वह ईश्वर हो जाता है।

श्लोक 120 (skanda.1.90.120)

वशित्वाद्वशिता नाम सप्तमी सिद्धिरुत्तमा॥ यत्रेच्छा तत्र च स्थानं तत्र कामावसायिता

vaśitvādvaśitā nāma saptamī siddhiruttamā yatrecchā tatra ca sthānaṁ tatra kāmāvasāyitā

वशित्व के कारण सातवीं उत्तम सिद्धि वशिता कहलाती है। जहाँ इच्छा होती है, वहीं वह स्थान भी हो जाता है — यही कामावसायिता है।

श्लोक 121 (skanda.1.90.121)

ऐश्वरं पदमाप्तस्य भवंत्येताश्च सिद्धयः॥ ततो न जायते नैव वर्धते न विनश्यति

aiśvaraṁ padamāptasya bhavaṁtyetāśca siddhayaḥ tato na jāyate naiva vardhate na vinaśyati

ये सिद्धियाँ उसे प्राप्त होती हैं, जो ऐश्वर्य-पद को प्राप्त कर लेता है। तत्पश्चात् वह न जन्म लेता है, न बढ़ता है और न नष्ट होता है।

श्लोक 122 (skanda.1.90.122)

एष मुक्त इति प्रोक्तो य एवं मुक्तिमाप्नुयात्॥ यथा जलं जलेनैक्यं निक्षिप्तमुपगच्छति

eṣa mukta iti prokto ya evaṁ muktimāpnuyāt yathā jalaṁ jalenaikyaṁ nikṣiptamupagacchati

जो इस प्रकार मुक्ति को प्राप्त करता है, वही मुक्त कहलाता है। जैसे जल में डाला गया जल उसी के साथ एकत्व को प्राप्त हो जाता है—

श्लोक 123 (skanda.1.90.123)

तथैवं सात्म्यमभ्येति योगिनामात्मा परात्मना॥ एवं ज्ञात्वा फलं योगी सदा योगं समभ्यसेत्

tathaivaṁ sātmyamabhyeti yogināmātmā parātmanā evaṁ jñātvā phalaṁ yogī sadā yogaṁ samabhyaset

—वैसे ही योगियों की आत्मा परमात्मा के साथ एकत्व को प्राप्त हो जाती है। इस फल को जानकर योगी को सदा योग का अभ्यास करना चाहिए।

श्लोक 124 (skanda.1.90.124)

अत्रोपमां व्याहरंति योगार्थं योगिनोऽ मलाः॥ शशांकरश्मिसंयोगादर्ककांतो हुताशनम्

atropamāṁ vyāharaṁti yogārthaṁ yogino' malāḥ śaśāṁkaraśmisaṁyogādarkakāṁto hutāśanam

यहाँ निर्मल योगी योग के प्रयोजन के लिए एक उपमा कहते हैं — चंद्रमा की किरणों के संयोग से चंद्रकांत मणि जल छोड़ती है, और सूर्यकांत मणि—

श्लोक 125 (skanda.1.90.125)

समुत्सृजति नैकः सन्नुपमा सास्ति योगिनः॥ कपिंजलाखुनकुला वसंति स्वामिव द्गृहे

samutsṛjati naikaḥ sannupamā sāsti yoginaḥ kapiṁjalākhunakulā vasaṁti svāmiva dgṛhe

—अग्नि उत्पन्न करती है, यद्यपि वह स्वयं एक ही पदार्थ है; यही उपमा योगी पर लागू होती है। तीतर, चूहे और नेवला अपने ही घर के समान (अन्यत्र) निवास करते हैं—

श्लोक 126 (skanda.1.90.126)

ध्वस्ते यांत्यन्यतो दुःखं न तेषां सोपमा यतेः॥ मृद्देहकल्पदेहोऽपि मुखाग्रेण कनीयसा

dhvaste yāṁtyanyato duḥkhaṁ na teṣāṁ sopamā yateḥ mṛddehakalpadeho'pi mukhāgreṇa kanīyasā

—और उसके नष्ट होने पर वे बिना दुःख के अन्यत्र चले जाते हैं; यह भी यति की उपमा है। मिट्टी के समान देह वाला भी, अपने छोटे से मुखाग्र से—

श्लोक 127 (skanda.1.90.127)

करोति मृद्भागचयमुपदेशः स योगिनः॥ पशुपक्षिमनुष्याद्यैः पत्रपुष्पफलान्वितम्

karoti mṛdbhāgacayamupadeśaḥ sa yoginaḥ paśupakṣimanuṣyādyaiḥ patrapuṣpaphalānvitam

—मिट्टी का ढेर बना लेता है (जैसे दीमक); यह भी योगी के लिए एक उपदेश है। पशु, पक्षी, मनुष्य आदि द्वारा पत्ते, फूल और फल से युक्त वृक्ष—

श्लोक 128 (skanda.1.90.128)

वृक्षं विलुप्यमानं च लब्ध्वा सिध्यंति योगिनः॥ रुरुगात्रविषाणाग्रमालक्ष्य तिलकाकृतिम्

vṛkṣaṁ vilupyamānaṁ ca labdhvā sidhyaṁti yoginaḥ rurugātraviṣāṇāgramālakṣya tilakākṛtim

—बार-बार तोड़े जाने पर भी फल देता रहता है; इससे भी योगी सिद्धि प्राप्त करते हैं। मृग के सींग के अग्रभाग को तिलक के आकार में देखकर—

श्लोक 129 (skanda.1.90.129)

सह तेन विवर्धेत योगी सिद्धिमुपाश्नुते॥ द्रव्यं पूर्णमुपादाय पात्रमारोहते भुवः

saha tena vivardheta yogī siddhimupāśnute dravyaṁ pūrṇamupādāya pātramārohate bhuvaḥ

—योगी को उसी के साथ (क्रमशः, संतुलित रूप से) बढ़ना चाहिए; वह सिद्धि प्राप्त करता है। एक पूर्ण भरे हुए पात्र को लेकर मनुष्य भूमि से (नौका पर) आरोहण करता है,

श्लोक 130 (skanda.1.90.130)

तुंगमार्गं विलोक्यैवं विज्ञातं कि न योगिनाम्॥ तद्गेहं यत्र वसति तद्भोज्यं येन जीवति

tuṁgamārgaṁ vilokyaivaṁ vijñātaṁ ki na yoginām tadgehaṁ yatra vasati tadbhojyaṁ yena jīvati

—और ऊँचे मार्ग को देखकर (कुशलतापूर्वक चलता है) — क्या यह भी योगियों द्वारा नहीं समझा जाता? वही घर है, जहाँ मनुष्य (वास्तव में) निवास करता है; वही भोजन है, जिससे वह (वास्तव में) जीवित रहता है;

श्लोक 131 (skanda.1.90.131)

येन निष्पाद्यते चार्थः स्वयं स्याद्योगसिद्धये॥ तथा ज्ञानमुपासीत योगी यत्कार्यसाधकम्

yena niṣpādyate cārthaḥ svayaṁ syādyogasiddhaye tathā jñānamupāsīta yogī yatkāryasādhakam

—और वही अर्थ (उद्देश्य) है, जिसे स्वयं योगसिद्धि के लिए संपन्न किया जाए। इसी प्रकार योगी को केवल वही ज्ञान अपनाना चाहिए, जो अपने कार्य को सिद्ध करने वाला हो।

श्लोक 132 (skanda.1.90.132)

ज्ञानानां बहुता येयं योगविघ्नकरी हि सा॥ इदं ज्ञेयमिदं ज्ञेयमिति यस्तृषितश्चरेत्

jñānānāṁ bahutā yeyaṁ yogavighnakarī hi sā idaṁ jñeyamidaṁ jñeyamiti yastṛṣitaścaret

क्योंकि यह ज्ञान की बहुलता ही योग में विघ्न उत्पन्न करने वाली है। जो व्यक्ति 'यह जानने योग्य है, यह जानने योग्य है' — इस प्रकार पिपासित होकर भटकता है—

श्लोक 133 (skanda.1.90.133)

अपि कल्पसहस्रायुर्नैव ज्ञेयमवाप्नुयात्॥ त्यक्तसंगो जितक्रोधो लब्धाहारो जितेंद्रियः

api kalpasahasrāyurnaiva jñeyamavāpnuyāt tyaktasaṁgo jitakrodho labdhāhāro jiteṁdriyaḥ

—वह चाहे सहस्र कल्पों तक जीवित रहे, फिर भी उस ज्ञातव्य (सच्चे ज्ञेय) को प्राप्त नहीं कर सकता। आसक्ति त्यागकर, क्रोध जीतकर, भोजन प्राप्त कर, इंद्रियों को वश में कर—

श्लोक 134 (skanda.1.90.134)

पिधाय बुद्ध्या द्वाराणि मनो ध्याने निवेशयेत्॥ आहारं सात्त्विकं सेवेन्न तं येन विचेतनः

pidhāya buddhyā dvārāṇi mano dhyāne niveśayet āhāraṁ sāttvikaṁ sevenna taṁ yena vicetanaḥ

—बुद्धि द्वारा इंद्रिय-द्वारों को बंद कर, मन को ध्यान में लगाना चाहिए। सात्त्विक आहार का ही सेवन करना चाहिए, न कि ऐसा जिससे चेतना क्षीण हो—

श्लोक 135 (skanda.1.90.135)

स्यादयं तं च भुंजानो रौरवस्य प्रियातिथिः॥ वाग्दण्डः कर्मदण्डश्च मनोदंडश्च ते त्रयः

syādayaṁ taṁ ca bhuṁjāno rauravasya priyātithiḥ vāgdaṇḍaḥ karmadaṇḍaśca manodaṁḍaśca te trayaḥ

—क्योंकि ऐसा भोजन खाने वाला रौरव नरक का प्रिय अतिथि बन जाता है। वाणी का दंड (संयम), कर्म का दंड और मन का दंड — ये तीनों,

श्लोक 136 (skanda.1.90.136)

यस्यैते नियता दंडाः स त्रिदंडी यतिः स्मृतः॥ अनुरागं जनो याति परोक्षे गुणकीर्तनम्

yasyaite niyatā daṁḍāḥ sa tridaṁḍī yatiḥ smṛtaḥ anurāgaṁ jano yāti parokṣe guṇakīrtanam

—जिसके ये तीनों दंड (संयम) नियमित हैं, वही त्रिदंडी यति कहलाता है। जिसके गुणों का परोक्ष में कीर्तन होता है, उसके प्रति लोग अनुराग को प्राप्त होते हैं;

श्लोक 137 (skanda.1.90.137)

न बिभ्यति च सत्त्वानि सिद्धेर्लक्षणमुच्यते

na bibhyati ca sattvāni siddherlakṣaṇamucyate

—और प्राणी उससे भयभीत नहीं होते; यही सिद्धि का लक्षण कहा गया है।

श्लोक 138 (skanda.1.90.138)

अलौल्यमारोग्यमनिष्ठुरत्वं गंधः शुभो मूत्रपुरीषयोश्च॥ कांतिः प्रसादः स्वरसौम्यता च योगप्रवृत्तेः प्रथमं हि चिह्नम्

alaulyamārogyamaniṣṭhuratvaṁ gaṁdhaḥ śubho mūtrapurīṣayośca kāṁtiḥ prasādaḥ svarasaumyatā ca yogapravṛtteḥ prathamaṁ hi cihnam

चंचलता का अभाव, आरोग्य, कोमलता, मूत्र और मल की भी शुभ गंध, कांति, प्रसन्नता और स्वर की सौम्यता — ये सब योग-प्रवृत्ति के प्रथम चिह्न हैं।

श्लोक 139 (skanda.1.90.139)

समाहितो ब्रह्मपरोऽप्रमादी शुचिस्तथैकांतरतिर्जितेन्द्रियः॥ समाप्नुयाद्योगमिमं महामना विमुक्तिमाप्नोति ततश्च योगतः

samāhito brahmaparo'pramādī śucistathaikāṁtaratirjitendriyaḥ samāpnuyādyogamimaṁ mahāmanā vimuktimāpnoti tataśca yogataḥ

जो समाहितचित्त, ब्रह्मपरायण, सावधान, पवित्र, एकांतप्रिय और जितेन्द्रिय है — वह महामना इस योग को पूर्ण करता है, और उस योग से मुक्ति प्राप्त करता है।

श्लोक 140 (skanda.1.90.140)

कुलं पवित्रं जननी कृतार्था वसुन्धरा भाग्यवती च तेन॥ अवाह्यमार्गे सुखसिन्धुमग्नं लग्नं परे ब्रह्मणि यस्य चेतः

kulaṁ pavitraṁ jananī kṛtārthā vasundharā bhāgyavatī ca tena avāhyamārge sukhasindhumagnaṁ lagnaṁ pare brahmaṇi yasya cetaḥ

उसका कुल पवित्र हो जाता है, उसकी माता कृतार्थ हो जाती है, और पृथ्वी भी उसके कारण भाग्यशाली हो जाती है — जिसका चित्त सुख-सिंधु में निमग्न होकर, वाणी के अगम्य मार्ग में, परब्रह्म में स्थिर हो जाता है।

श्लोक 141 (skanda.1.90.141)

विशुद्धबुद्धिः समलोष्टकांचनः समस्तभूतेषु वसन्समो हि यः॥ स्थानं परं शाश्वतमव्ययं च यतिर्हि गत्वा न पुनः प्रजायते

viśuddhabuddhiḥ samaloṣṭakāṁcanaḥ samastabhūteṣu vasansamo hi yaḥ sthānaṁ paraṁ śāśvatamavyayaṁ ca yatirhi gatvā na punaḥ prajāyate

जिसकी बुद्धि विशुद्ध है, जिसके लिए मिट्टी का ढेला और स्वर्ण समान हैं, जो समस्त प्राणियों में समभाव से रहता है — ऐसा यति उस परम, शाश्वत और अव्यय स्थान को जाकर पुनः जन्म नहीं लेता।

श्लोक 142 (skanda.1.90.142)

इदं मया योगरहस्यमुक्तमेवंविधं गौतमः प्राप योगम्॥ तेनैतच्च स्थापितं पार्थ लिंगं संदर्शनादर्चनात्कल्मषघ्नम्

idaṁ mayā yogarahasyamuktamevaṁvidhaṁ gautamaḥ prāpa yogam tenaitacca sthāpitaṁ pārtha liṁgaṁ saṁdarśanādarcanātkalmaṣaghnam

यह योग-रहस्य मैंने इस प्रकार बताया; इसी प्रकार गौतम ने योग को प्राप्त किया। हे पार्थ, उन्हीं के द्वारा यह लिंग स्थापित किया गया, जो दर्शन और पूजन से पापों का नाश करने वाला है।

श्लोक 143 (skanda.1.90.143)

यश्चाश्विने कृष्णचतुर्दशीदिने रात्रौ समभ्यर्चति लिंगमेतन्॥ स्नात्वा अहल्यासरसि प्रधाने श्रद्धाय सर्वं प्रविधाय भक्तितः

yaścāśvine kṛṣṇacaturdaśīdine rātrau samabhyarcati liṁgametan snātvā ahalyāsarasi pradhāne śraddhāya sarvaṁ pravidhāya bhaktitaḥ

जो आश्विन मास की कृष्ण चतुर्दशी की रात्रि में इस लिंग की भलीभाँति पूजा करता है — प्रधान अहल्या-सरोवर में स्नान कर, श्रद्धापूर्वक सब कुछ भक्तिभाव से संपन्न कर—

श्लोक 144 (skanda.1.90.144)

महोपकारेण विमुक्तपापः स याति यत्रास्ति स गौतमो मुनिः

mahopakāreṇa vimuktapāpaḥ sa yāti yatrāsti sa gautamo muniḥ

—वह महान् उपकार से पापमुक्त होकर वहाँ जाता है, जहाँ स्वयं गौतम मुनि विद्यमान हैं।

श्लोक 145 (skanda.1.90.145)

इदं मया पार्थ तव प्रणीतं गुप्तस्य क्षेत्रस्य समासयोगात्॥ माहात्म्यमेतत्सकलं शृणोति यः स स्याद्विशुद्धः किमु वच्मि भूयः

idaṁ mayā pārtha tava praṇītaṁ guptasya kṣetrasya samāsayogāt māhātmyametatsakalaṁ śṛṇoti yaḥ sa syādviśuddhaḥ kimu vacmi bhūyaḥ

हे पार्थ, यह मैंने तुम्हें गुप्तक्षेत्र की महिमा से संक्षेप में बताया। जो इस संपूर्ण माहात्म्य को सुनता है, वह विशुद्ध हो जाता है — अब और क्या कहूँ?

श्लोक 146 (skanda.1.90.146)

य इदं शृणुयाद्भक्त्या गौतमाख्यानमुत्तमम्॥ पुत्रपौत्रप्रियं प्राप्य स याति पदमव्ययम्

ya idaṁ śṛṇuyādbhaktyā gautamākhyānamuttamam putrapautrapriyaṁ prāpya sa yāti padamavyayam

जो इस उत्तम गौतम-आख्यान को भक्तिपूर्वक सुनता है, वह प्रिय पुत्र-पौत्रों को प्राप्त कर अव्यय पद को प्राप्त होता है।