दत्त-अदत्त पुण्य-पाप-फल एवं मासोपवास-व्रत-विधि

श्लोक 1 (skanda.2.127.1)

॥नारद उवाच॥ अद्भुतोऽयं त्वया प्रोक्तो महिमा कार्तिकस्य तु ॥ स्वस्य कर्तुमसामर्थ्यं कथमेतत्कृतं भवेत्

nārada uvāca adbhuto'yaṁ tvayā prokto mahimā kārtikasya tu || svasya kartumasāmarthyaṁ kathametatkṛtaṁ bhavet

नारद ने कहा - आपने कार्तिक की यह अद्भुत महिमा बताई; किंतु जो स्वयं व्रत करने में असमर्थ है, वह इसे कैसे प्राप्त कर सकता है?

श्लोक 2 (skanda.2.127.2)

॥ब्रह्मोवाच॥ नास्ति कर्तुं स्वसामर्थ्यमुपायात्प्राप्यते फलम् ॥ द्रव्यं दत्त्वा ब्राह्मणाय गृह्णीयात्फलमुत्तमम्

brahmovāca nāsti kartuṁ svasāmarthyamupāyātprāpyate phalam || dravyaṁ dattvā brāhmaṇāya gṛhṇīyātphalamuttamam

ब्रह्मा ने कहा - जिसमें स्वयं करने का सामर्थ्य नहीं है, वह उपाय से भी फल प्राप्त कर सकता है; ब्राह्मण को धन देकर वह उत्तम फल प्राप्त कर सकता है।

श्लोक 3 (skanda.2.127.3)

शिष्याद्वा भृत्यवर्गाद्वा स्त्रीभ्यो वाऽऽप्ताच्च कारयेत् ॥ तस्मादपि फलं गृह्णन्फलभाग्जायते नरः

śiṣyādvā bhṛtyavargādvā strībhyo vā'āptācca kārayet || tasmādapi phalaṁ gṛhṇanphalabhāgjāyate naraḥ

वह अपने शिष्य, सेवकवर्ग, स्त्रियों या किसी विश्वासपात्र से यह व्रत करवा सकता है; उससे भी फल प्राप्त कर मनुष्य फल का भागी बनता है।

श्लोक 4 (skanda.2.127.4)

॥नारद उवाच॥ अदत्तान्यपि पुण्यानि प्राप्यंते केनचित्क्वचित् ॥ एतदिच्छाम्यहं श्रोतुं कौतुकं मम वर्तते

nārada uvāca adattānyapi puṇyāni prāpyaṁte kenacitkvacit || etadicchāmyahaṁ śrotuṁ kautukaṁ mama vartate

नारद ने कहा - बिना दिए भी कहीं किसी के द्वारा पुण्य प्राप्त हो जाते हैं; इसे सुनने की मेरी इच्छा है, मुझे इसमें कौतूहल है।

श्लोक 5 (skanda.2.127.5)

॥ब्रह्मोवाच॥ अदत्तान्यपि पुण्यानि लभंते पातकान्यपि ॥ येनोपायेन तद्वच्मि शृणुष्वैकमना द्विज

brahmovāca adattānyapi puṇyāni labhaṁte pātakānyapi || yenopāyena tadvacmi śṛṇuṣvaikamanā dvija

ब्रह्मा ने कहा - बिना दिए भी पुण्य और पाप दोनों प्राप्त होते हैं; जिस उपाय से ऐसा होता है, वह मैं कहता हूँ, हे द्विज! एकाग्रचित्त होकर सुनो।

श्लोक 6 (skanda.2.127.6)

सुकृतं वा दुष्कृतं वा कृतमेकेन यत्कृते ॥ जायते तस्य तद्राष्ट्रे त्रेतायां तु पुरो भवेत्

sukṛtaṁ vā duṣkṛtaṁ vā kṛtamekena yatkṛte || jāyate tasya tadrāṣṭre tretāyāṁ tu puro bhavet

सतयुग में एक व्यक्ति द्वारा किया गया सुकृत या दुष्कृत उसके संपूर्ण राष्ट्र को प्राप्त होता है; त्रेतायुग में यह नगर तक सीमित हो जाता है।

श्लोक 7 (skanda.2.127.7)

द्वापरे वंशमध्ये तु कलौ कर्तैव केवलम् ॥ आज्ञानाद्यत्कृतं कर्म बाल्ये स्वप्ने तु तत्फलम्

dvāpare vaṁśamadhye tu kalau kartaiva kevalam || ājñānādyatkṛtaṁ karma bālye svapne tu tatphalam

द्वापर में यह वंश तक सीमित रहता है, और कलियुग में केवल करने वाला ही उसका भागी होता है। अज्ञानवश, बाल्यावस्था में या स्वप्न में किए गए कर्म का फल -

श्लोक 8 (skanda.2.127.8)

अज्ञानाद्यच्च तारुण्ये बाल्ये तस्य फलं भवेत् ॥ ज्ञानपूर्वं कृतं कर्म आजन्मांतं च तत्फलम्

ajñānādyacca tāruṇye bālye tasya phalaṁ bhavet || jñānapūrvaṁ kṛtaṁ karma ājanmāṁtaṁ ca tatphalam

और युवावस्था में अज्ञानवश किए गए कर्म का फल बाल्यावस्था में ही मिल जाता है। ज्ञानपूर्वक किए गए कर्म का फल जन्म से मृत्यु तक साथ रहता है।

श्लोक 9 (skanda.2.127.9)

षण्मासं पापिसंगेन नरः पापी प्रजायते ॥ पापिनां वा धर्मिणां वा संसर्गाद्दशमासिकम्

ṣaṇmāsaṁ pāpisaṁgena naraḥ pāpī prajāyate || pāpināṁ vā dharmiṇāṁ vā saṁsargāddaśamāsikam

छह महीने तक पापी के संग से मनुष्य पापी बन जाता है; पापियों या धर्मात्माओं के संसर्ग से दस महीने तक उनका प्रभाव रहता है।

श्लोक 10 (skanda.2.127.10)

भोजनादेकपंक्तौ च विंशांशः पुण्यपापयोः ॥ एकासने द्वयोर्वासात्सहस्रांशेन लिप्यते

bhojanādekapaṁktau ca viṁśāṁśaḥ puṇyapāpayoḥ || ekāsane dvayorvāsātsahasrāṁśena lipyate

एक पंक्ति में भोजन करने से पुण्य-पाप का बीसवाँ भाग प्राप्त होता है; एक ही आसन पर दोनों के बैठने से हजारवें भाग से व्यक्ति लिप्त होता है।

श्लोक 11 (skanda.2.127.11)

यो वै यस्यान्नमश्नाति स भुंक्ते तस्य किल्बिषम् ॥ जपादौ पापिसंसर्गात्षोडशांऽशो विनश्यति

yo vai yasyānnamaśnāti sa bhuṁkte tasya kilbiṣam || japādau pāpisaṁsargātṣoḍaśāṁśo vinaśyati

जो किसी का अन्न खाता है, वह उसके पाप को भी भोगता है; जप आदि में पापी के संसर्ग से सोलहवाँ भाग नष्ट हो जाता है।

श्लोक 12 (skanda.2.127.12)

परस्य स्तवनाद्यानादेकपात्रस्थभोजनात् ॥ एकशय्याप्रावरणात्षष्ठांशः पुण्यपापयोः

parasya stavanādyānādekapātrasthabhojanāt || ekaśayyāprāvaraṇātṣaṣṭhāṁśaḥ puṇyapāpayoḥ

दूसरे की स्तुति करने, साथ यात्रा करने, एक ही पात्र में भोजन करने, एक ही शय्या और एक ही ओढ़ने के वस्त्र के प्रयोग से पुण्य-पाप का छठा भाग प्राप्त होता है।

श्लोक 13 (skanda.2.127.13)

पुरुषो हरते सर्वं भार्याया औरसस्य च ॥ अर्द्धं शिष्याच्चतुर्थांशं पापं पुण्यं तथैव च

puruṣo harate sarvaṁ bhāryāyā aurasasya ca || ardhaṁ śiṣyāccaturthāṁśaṁ pāpaṁ puṇyaṁ tathaiva ca

पुरुष अपनी पत्नी और औरस पुत्र के संपूर्ण पुण्य-पाप को ग्रहण करता है; शिष्य से आधा, और अन्य से चौथाई भाग पाप और पुण्य दोनों प्राप्त होते हैं।

श्लोक 14 (skanda.2.127.14)

भर्तुराज्ञाकरी नारी भर्तुरर्द्धं वृषं हरेत् ॥ यद्धस्तपक्वं भुजीयाद्दशांशं तदघं हरेत्

bharturājñākarī nārī bhartūrardhaṁ vṛṣaṁ haret || yaddhastapakvaṁ bhujīyāddaśāṁśaṁ tadaghaṁ haret

पति की आज्ञा का पालन करने वाली स्त्री अपने पति के पुण्य का आधा भाग ग्रहण करती है। जो अपने हाथ से पकाया हुआ भोजन किसी को खिलाता है, वह उसके पाप का दसवाँ भाग ग्रहण करता है।

श्लोक 15 (skanda.2.127.15)

वर्षाऽशनं तु यो दत्ते तदर्द्धाघस्य भागयम् ॥ वर्षाशनार्द्धं पुण्यं तु भुंक्ते वर्षाशनी नरः

varṣā'śanaṁ tu yo datte tadardhāghasya bhāgayam || varṣāśanārdhaṁ puṇyaṁ tu bhuṁkte varṣāśanī naraḥ

जो वर्ष भर के लिए अन्न प्रदान करता है, वह उसके आधे पाप का भागी होता है। और वर्षभर भोजन पाने वाला व्यक्ति उसके आधे पुण्य को भोगता है।

श्लोक 16 (skanda.2.127.16)

पुरोहितस्य षष्ठांशं पापं वा पुण्यमेव वा ॥ यजमानो भुनक्त्येव तद्दशांशं पुरोहितः

purohitasya ṣaṣṭhāṁśaṁ pāpaṁ vā puṇyameva vā || yajamāno bhunaktyeva taddaśāṁśaṁ purohitaḥ

यजमान पुरोहित के पाप या पुण्य का छठा भाग भोगता है, और पुरोहित यजमान के पाप-पुण्य का दसवाँ भाग भोगता है।

श्लोक 17 (skanda.2.127.17)

उद्योगी चानुमन्ता च यश्चोपकरणप्रदः ॥ षष्ठांशं पुण्यपापानामुपद्रष्टा दशांशकम्

udyogī cānumantā ca yaścopakaraṇapradaḥ || ṣaṣṭhāṁśaṁ puṇyapāpānāmupadraṣṭā daśāṁśakam

कार्य करने वाला, अनुमति देने वाला और साधन देने वाला - ये छठे भाग के, और देखने वाला दसवें भाग के पुण्य-पाप का भागी होता है।

श्लोक 18 (skanda.2.127.18)

यद्धस्तात्कार्यते कर्म नान्नमस्मै प्रयच्छति ॥ विना भृतकशिष्याभ्यां षष्ठांशं पुण्यमाहरेत्

yaddhastātkāryate karma nānnamasmai prayacchati || vinā bhṛtakaśiṣyābhyāṁ ṣaṣṭhāṁśaṁ puṇyamāharet

जिस व्यक्ति के हाथों काम कराया जाता है, किंतु उसे अन्न नहीं दिया जाता - वेतनभोगी सेवक और शिष्य को छोड़कर - वह छठे भाग का पुण्य ग्रहण करता है।

श्लोक 19 (skanda.2.127.19)

व्यवहारात्तथा प्रीत्या नित्यं संभाषणादिभिः ॥ दशांशं पुण्यपापानां लभते नात्र संशयः

vyavahārāttathā prītyā nityaṁ saṁbhāṣaṇādibhiḥ || daśāṁśaṁ puṇyapāpānāṁ labhate nātra saṁśayaḥ

व्यवहार से, प्रेमभाव से, तथा नित्य वार्तालाप आदि से मनुष्य निःसंदेह पुण्य-पाप का दसवाँ भाग प्राप्त करता है।

श्लोक 20 (skanda.2.127.20)

संसर्गपुण्ययोगेन एकदन्तो द्विजाधमः ॥ नरकान्विविधान्दृष्ट्वा स्वर्गं प्राप तदैव हि

saṁsargapuṇyayogena ekadanto dvijādhamaḥ || narakānvividhāndṛṣṭvā svargaṁ prāpa tadaiva hi

संसर्ग के पुण्य के योग से एक अधम, एक-दांत वाला ब्राह्मण भी विविध नरकों को देखकर उसी क्षण स्वर्ग को प्राप्त हुआ, जैसा पूर्व वर्णित हुआ।

श्लोक 21 (skanda.2.127.21)

॥नारद उवाच॥ ईदृशं कार्तिकव्रतमल्पायासं महत्फलम् ॥ न कुर्वंति जनाः केचित्किमर्थं वै पितामह

nārada uvāca īdṛśaṁ kārtikavratamalpāyāsaṁ mahatphalam || na kurvaṁti janāḥ kecitkimarthaṁ vai pitāmaha

नारद ने कहा - हे पितामह! ऐसा कार्तिक-व्रत, जो अल्प प्रयास वाला और महान फल देने वाला है, कुछ लोग क्यों नहीं करते?

श्लोक 22 (skanda.2.127.22)

॥ब्रह्मोवाच॥ स्वसृष्टिवृद्धये वेधा धर्माऽधर्मौ ससर्ज ह ॥ धर्ममेवाऽनुतिष्ठंतः प्राप्नुवंति शुभां गतिम्

brahmovāca svasṛṣṭivṛddhaye vedhā dharmā'dharmau sasarja ha || dharmamevā'nutiṣṭhaṁtaḥ prāpnuvaṁti śubhāṁ gatim

ब्रह्मा ने कहा - अपनी सृष्टि की वृद्धि के लिए विधाता ने धर्म और अधर्म दोनों की रचना की। धर्म का ही पालन करते हुए मनुष्य शुभ गति को प्राप्त करते हैं।

श्लोक 23 (skanda.2.127.23)

अधर्ममनुतिष्ठंतो यांति तेऽधोगतिं नराः ॥ पुण्यकर्मफलं नाको नरकस्तद्विपर्ययः

adharmamanutiṣṭhaṁto yāṁti te'dhogatiṁ narāḥ || puṇyakarmaphalaṁ nāko narakastadviparyayaḥ

और जो अधर्म का पालन करते हैं, वे मनुष्य अधोगति को प्राप्त होते हैं। पुण्यकर्म का फल स्वर्ग है, और उसका विपरीत नरक है।

श्लोक 24 (skanda.2.127.24)

तयोः पालनकर्तारौ द्वावेव विधिना कृतौ ॥ शतक्रतुयमौ तौ च पुण्यपापानुसारिणौ

tayoḥ pālanakartārau dvāveva vidhinā kṛtau || śatakratuyamau tau ca puṇyapāpānusāriṇau

उन दोनों (स्वर्ग-नरक) की रक्षा करने वाले विधाता द्वारा दो ही बनाए गए हैं - इंद्र और यम, जो क्रमशः पुण्य और पाप का अनुसरण करने वाले हैं।

श्लोक 25 (skanda.2.127.25)

गुरुतल्पादयः पुत्राः कामस्य प्रथिता भुवि ॥ क्रोधस्य पितृघाताद्या लोभस्य तनयाञ्छृणु

gurutalpādayaḥ putrāḥ kāmasya prathitā bhuvi || krodhasya pitṛghātādyā lobhasya tanayāñchṛṇu

गुरु-पत्नी-गमन आदि पाप, काम की संतान के रूप में लोक में प्रसिद्ध हैं; पितृ-हत्या आदि क्रोध की संतान हैं; अब लोभ की संतानों को सुनो -

श्लोक 26 (skanda.2.127.26)

ब्रह्मस्वहरणाद्याश्च एते नरकनायकाः ॥ कृता यमेन तैर्व्याप्ता मनुजा न हि कुर्वते ॥ व्रतादिधर्मकृत्यं यैस्तैर्मुक्तास्ते हि कुर्वते

brahmasvaharaṇādyāśca ete narakanāyakāḥ || kṛtā yamena tairvyāptā manujā na hi kurvate || vratādidharmakṛtyaṁ yaistairmuktāste hi kurvate

ब्रह्म-स्व (ब्राह्मण की संपत्ति) का हरण आदि - ये सब यम द्वारा बनाए गए नरक के अधिपति हैं। इनसे ग्रस्त मनुष्य व्रत आदि धर्म-कृत्य नहीं करते; जो इनसे मुक्त हैं, वे ही उन्हें करते हैं।

श्लोक 27 (skanda.2.127.27)

श्रद्धा मेधा विघातिन्यौ वर्तेते भुवि सर्वदा ॥ ताभ्यां व्याप्तस्तु मनुजः श्रीविष्णोः श्रवणादिकम्

śraddhā medhā vighātinyau vartete bhuvi sarvadā || tābhyāṁ vyāptastu manujaḥ śrīviṣṇoḥ śravaṇādikam

श्रद्धा और मेधा को नष्ट करने वाली दो शक्तियाँ इस लोक में सदा विद्यमान रहती हैं। उनसे ग्रस्त मनुष्य श्रीविष्णु के श्रवण आदि -

श्लोक 28 (skanda.2.127.28)

न करोति सुदुर्मेधा येनांधं याति वै तमः ॥ कृष्णेन सत्यभामायै यदुक्तं तद्वदामि ते

na karoti sudurmedhā yenāṁdhaṁ yāti vai tamaḥ || kṛṣṇena satyabhāmāyai yaduktaṁ tadvadāmi te

उसकी बुद्धि अत्यंत मंद हो जाती है, जिससे वह घोर अंधकार को प्राप्त होता है। कृष्ण ने सत्यभामा से जो कहा था, वह मैं तुम्हें बताता हूँ।

श्लोक 29 (skanda.2.127.29)

अध्यापनाद्याजनाद्वाऽप्येकपंक्त्यशनादपि ॥ तुर्यांश पुण्यपापानां परोक्षं लभते नरः

adhyāpanādyājanādvā'apyekapaṁktyaśanādapi || turyāṁśa puṇyapāpānāṁ parokṣaṁ labhate naraḥ

अध्यापन कराने, यज्ञ कराने या एक पंक्ति में भोजन करने से मनुष्य परोक्ष रूप से पुण्य-पाप का चौथा भाग प्राप्त करता है।

श्लोक 30 (skanda.2.127.30)

एकासनादेकयानान्निश्वासस्यांगसंगतः ॥ षडंशं फलभागी स्यान्नियतं पुण्यपापयोः

ekāsanādekayānānniśvāsasyāṁgasaṁgataḥ || ṣaḍaṁśaṁ phalabhāgī syānniyataṁ puṇyapāpayoḥ

एक आसन पर बैठने से, एक ही वाहन में यात्रा करने से, तथा श्वास और अंग के संपर्क से मनुष्य निश्चय ही पुण्य-पाप के छठे भाग का भागी होता है।

श्लोक 31 (skanda.2.127.31)

स्पर्शनाद्भाषणाद्वाऽपि परस्य स्तवनादपि ॥ दशांशं पुण्यपापानां नित्यं प्राप्नोति मानवः

sparśanādbhāṣaṇādvā'api parasya stavanādapi || daśāṁśaṁ puṇyapāpānāṁ nityaṁ prāpnoti mānavaḥ

स्पर्श से, वार्तालाप से, अथवा दूसरे की स्तुति करने से भी मनुष्य नित्य पुण्य-पाप के दसवें भाग को प्राप्त करता है।

श्लोक 32 (skanda.2.127.32)

दर्शनश्रवणाभ्यां च मनोध्यानात्तथैव च ॥ परस्य पुण्यपापानां शतांशं प्राप्नुयान्नरः

darśanaśravaṇābhyāṁ ca manodhyānāttathaiva ca || parasya puṇyapāpānāṁ śatāṁśaṁ prāpnuyānnaraḥ

दर्शन और श्रवण से, तथा मन में ध्यान करने से भी मनुष्य दूसरे के पुण्य-पाप के सौवें भाग को प्राप्त करता है।

श्लोक 33 (skanda.2.127.33)

परस्य निंदां पैशुन्यं धिक्कारं च करोति यः ॥ तत्कृतं पातकं प्राप्य स्वपुण्यं प्रददाति सः

parasya nindāṁ paiśunyaṁ dhikkāraṁ ca karoti yaḥ || tatkṛtaṁ pātakaṁ prāpya svapuṇyaṁ pradadāti saḥ

जो दूसरे की निंदा, चुगली और धिक्कार करता है, वह उसके द्वारा किए गए पाप को प्राप्त कर, अपना पुण्य उसे दे देता है।

श्लोक 34 (skanda.2.127.34)

कुर्वतः पुण्यकर्माणि सेवां यः कुरुते नरः ॥ पत्नीभृतकशिष्येभ्यो यदन्यः कोऽपि मानवः

kurvataḥ puṇyakarmāṇi sevāṁ yaḥ kurute naraḥ || patnībhṛtakaśiṣyebhyo yadanyaḥ ko'pi mānavaḥ

जो मनुष्य पुण्यकर्म करने वाले की सेवा करता है, चाहे वह पत्नी, वेतनभोगी सेवक या शिष्य से भिन्न कोई भी अन्य व्यक्ति क्यों न हो -

श्लोक 35 (skanda.2.127.35)

तस्य सेवाऽनुरूपं च द्रव्यं किंचिन्न दीयते ॥ सोऽपि सेवानुरूपेण तत्पुण्यफलभाग्भवेत्

tasya sevā'nurūpaṁ ca dravyaṁ kiṁcinna dīyate || so'pi sevānurūpeṇa tatpuṇyaphalabhāgbhavet

यदि उसकी सेवा के अनुरूप कोई धन उसे नहीं दिया जाता, तो वह भी अपनी सेवा के अनुरूप उस पुण्य के फल का भागी होता है।

श्लोक 36 (skanda.2.127.36)

एकपंक्तिस्थितं यस्तु लंघयेत्परिवेषणम् ॥ तत्पुण्यस्य षडंशं च लभेद्यस्तु विलंघितः

ekapaṁktisthitaṁ yastu laṁghayetpariveṣaṇam || tatpuṇyasya ṣaḍaṁśaṁ ca labhedyastu vilaṁghitaḥ

जो किसी एक पंक्ति में बैठे व्यक्ति को भोजन परोसने में लांघ जाता है, वह लांघा हुआ व्यक्ति उसके पुण्य के छठे भाग को प्राप्त करता है।

श्लोक 37 (skanda.2.127.37)

स्नानसंध्यादिकं कुर्वन्यः स्पृशेद्वाऽथ भाषते ॥ स कर्मपुण्यषष्ठांशं दद्यात्तस्मै विनिश्चितम्

snānasaṁdhyādikaṁ kurvanyaḥ spṛśedvā'atha bhāṣate || sa karmapuṇyaṣaṣṭhāṁśaṁ dadyāttasmai viniścitam

जो स्नान-संध्या आदि करते हुए किसी को स्पर्श करता है या उससे बात करता है, वह निश्चय ही उस कर्म के पुण्य का छठा भाग उसे दे देता है।

श्लोक 38 (skanda.2.127.38)

धर्मोद्देशेन यो द्रव्यमपरं याचते नरः ॥ तत्पुण्यकर्मजं तस्य धनदस्त्वाप्नुयात्फलम्

dharmoddeśena yo dravyamaparaṁ yācate naraḥ || tatpuṇyakarmajaṁ tasya dhanadastvāpnuyātphalam

जो मनुष्य धर्म के उद्देश्य से किसी दूसरे से धन उधार मांगता है, उस पुण्य-कर्म से उत्पन्न फल को धन देने वाला ही प्राप्त करता है।

श्लोक 39 (skanda.2.127.39)

अपहृत्य परद्रव्यं पुण्यकर्म करोति यः ॥ कर्मकृत्पापभाक्तत्र धनिनस्तद्भवं फलम्

apahṛtya paradravyaṁ puṇyakarma karoti yaḥ || karmakṛtpāpabhāktatra dhaninastadbhavaṁ phalam

जो दूसरे का धन चुराकर पुण्यकर्म करता है, वह कर्मकर्ता पाप का भागी होता है, जबकि उससे उत्पन्न फल धन के स्वामी को मिलता है।

श्लोक 40 (skanda.2.127.40)

नापकृत्य ऋणं यस्तु परस्य म्रियते नरः ॥ धनी तत्पुण्यमादत्ते तद्धनस्याऽनुरूपतः

nāpakṛtya ṛṇaṁ yastu parasya mriyate naraḥ || dhanī tatpuṇyamādatte taddhanasyā'nurūpataḥ

जो मनुष्य किसी का ऋण चुकाए बिना ही मर जाता है, तो उस धन के अनुरूप उसका पुण्य उस धनी को प्राप्त होता है।

श्लोक 41 (skanda.2.127.41)

बुद्धिदाताऽनुमन्ता च यश्चोपकरणप्रदः ॥ बलकृच्चापि षष्ठांशं प्राप्नुयात्पुण्यपापयोः

buddhidātā'numantā ca yaścopakaraṇapradaḥ || balakṛccāpi ṣaṣṭhāṁśaṁ prāpnuyātpuṇyapāpayoḥ

सलाह देने वाला, अनुमति देने वाला, साधन देने वाला और बल लगाने वाला - ये सभी पुण्य-पाप के छठे भाग को प्राप्त करते हैं।

श्लोक 42 (skanda.2.127.42)

प्रजाभ्यः पुण्यपापानां राजा षष्ठांशमुद्धरेत् ॥ शिष्याद्गुरुः स्त्रियो भर्ता पिता पुत्रात्तथैव च

prajābhyaḥ puṇyapāpānāṁ rājā ṣaṣṭhāṁśamuddharet || śiṣyādguruḥ striyo bhartā pitā putrāttathaiva ca

राजा प्रजा के पुण्य-पाप का छठा भाग ग्रहण करता है, गुरु शिष्य से, पति स्त्री से, और उसी प्रकार पिता पुत्र से ग्रहण करता है।

श्लोक 43 (skanda.2.127.43)

स्वपतेरपि पुण्यस्य योषिदर्धमवाप्नुयात् ॥ चित्तस्याऽनुव्रता शश्वद्वर्तते तुष्टिकारिणी

svapaterapi puṇyasya yoṣidardhamavāpnuyāt || cittasyā'nuvratā śaśvadvartate tuṣṭikāriṇī

पत्नी भी अपने पति के पुण्य का आधा भाग प्राप्त करती है, क्योंकि वह सदा उसके मन के अनुकूल रहकर उसे संतुष्ट करती है।

श्लोक 44 (skanda.2.127.44)

परहस्तेन दानादि कुर्वतः पुण्यकर्मणः ॥ विना भृतकपुत्राभ्यां कर्ता षष्ठांशमुद्धरेत्

parahastena dānādi kurvataḥ puṇyakarmaṇaḥ || vinā bhṛtakaputrābhyāṁ kartā ṣaṣṭhāṁśamuddharet

दूसरे के हाथ से दान आदि पुण्यकर्म करवाने वाले का कर्ता - वेतनभोगी सेवक और पुत्र को छोड़कर - छठा भाग ग्रहण करता है।

श्लोक 45 (skanda.2.127.45)

वृत्तिदो वृत्तिसंभोक्तुः पुण्यं षष्ठांशमुद्धरेत् ॥ आत्मनो वा परस्याऽपि यदि सेवां न कारयेत्

vṛttido vṛttisaṁbhoktuḥ puṇyaṁ ṣaṣṭhāṁśamuddharet || ātmano vā parasyā'api yadi sevāṁ na kārayet

वृत्ति (जीविका) देने वाला, वृत्ति भोगने वाले के पुण्य का छठा भाग ग्रहण करता है, यदि वह स्वयं की या दूसरे की कोई सेवा न करवाए तो।

श्लोक 46 (skanda.2.127.46)

इत्थं ह्यदत्तान्यपि पुण्यपापान्यायांति नित्यं परसंचितानि ॥ कलौ त्वयं वै नियमो न कार्यः कर्तैव भोक्ता खलु पुण्यपापयोः

itthaṁ hyadattānyapi puṇyapāpānyāyāṁti nityaṁ parasaṁcitāni || kalau tvayaṁ vai niyamo na kāryaḥ kartaiva bhoktā khalu puṇyapāpayoḥ

इस प्रकार बिना दिए भी दूसरों द्वारा संचित पुण्य-पाप नित्य हमें प्राप्त होते रहते हैं। किंतु कलियुग में यह नियम लागू नहीं करना चाहिए; कलियुग में तो कर्ता ही पुण्य-पाप का भोक्ता होता है।

श्लोक 47 (skanda.2.127.47)

कलौ ज्ञानं दृढं नास्ति कलौ गर्वेण सत्क्रिया ॥ कलौ दम्भाऽन्वितो योगो नश्यत्येव न संशयः

kalau jñānaṁ dṛḍhaṁ nāsti kalau garveṇa satkriyā || kalau daṁbhā'nvito yogo naśyatyeva na saṁśayaḥ

कलियुग में दृढ़ ज्ञान नहीं होता, कलियुग में सत्कर्म भी अभिमान से युक्त होते हैं, कलियुग में योग भी दंभ से युक्त होकर निश्चय ही नष्ट हो जाता है।

श्लोक 48 (skanda.2.127.48)

तपोनिष्ठः पुरा दम्भी सती शुद्धप्रभावतः ॥ पित्रोः पूजादर्शनेन चोर्जसेवी परं गतः

taponiṣṭhaḥ purā daṁbhī satī śuddhaprabhāvataḥ || pitroḥ pūjādarśanena corjasevī paraṁ gataḥ

पूर्वकाल में दंभी तपोनिष्ठ नामक एक तपस्वी, एक सती के शुद्ध प्रभाव से, और माता-पिता की सेवा को देखकर, कार्तिक-सेवी बनकर परम पद को प्राप्त हुआ (इससे जुड़ी एक प्रसिद्ध कथा परम्परा में मिलती है, जो यहाँ इस संक्षिप्त श्लोक में केवल संकेतित है)।

श्लोक 49 (skanda.2.127.49)

॥नारद उवाच॥ भगवञ्छ्रोतुमिच्छामि व्रतानामुत्तमं व्रतम् ॥ विधिं मासोपवासस्य फलं चास्य यथोचितम्

nārada uvāca bhagavañchrotumicchāmi vratānāmuttamaṁ vratam || vidhiṁ māsopavāsasya phalaṁ cāsya yathocitam

नारद ने कहा - हे भगवन्! मैं व्रतों में उत्तम व्रत, अर्थात् मास-उपवास की विधि और उसका यथोचित फल सुनना चाहता हूँ।

श्लोक 50 (skanda.2.127.50)

॥ब्रह्मोवाच॥ साधु नारद सर्वं ते यत्पृष्टं प्रब्रुवेऽनघ ॥ भक्त्या मतिमतां श्रेष्ठ शृणुष्व गदतो मम

brahmovāca sādhu nārada sarvaṁ te yatpṛṣṭaṁ prabrave'nagha || bhaktyā matimatāṁ śreṣṭha śṛṇuṣva gadato mama

ब्रह्मा ने कहा - साधु, हे नारद! हे निष्पाप! तुमने जो पूछा है, वह सब मैं कहता हूँ। हे बुद्धिमानों में श्रेष्ठ! भक्तिपूर्वक मेरा कहा सुनो।

श्लोक 51 (skanda.2.127.51)

सुराणां च यथा विष्णुस्तपतां च यथा रविः ॥ मेरुः शिखरिणां यद्वद्वैनतेयश्च पक्षिणाम्

surāṇāṁ ca yathā viṣṇustapatāṁ ca yathā raviḥ || meruḥ śikhariṇāṁ yadvadvainateyaśca pakṣiṇām

जैसे देवताओं में विष्णु, तेजस्वियों में सूर्य, पर्वतों में मेरु, और पक्षियों में गरुड़ श्रेष्ठ हैं -

श्लोक 52 (skanda.2.127.52)

श्रेष्ठं सर्वव्रतानां तु तद्वन्मासोपवासनम् ॥ सर्वव्रतेषु यत्पुण्यं सर्वतीर्थेषु चैव हि

śreṣṭhaṁ sarvavratānāṁ tu tadvanmāsopavāsanam || sarvavrateṣu yatpuṇyaṁ sarvatīrtheṣu caiva hi

उसी प्रकार सभी व्रतों में मास-उपवास श्रेष्ठ है। सभी व्रतों में जो पुण्य है, सभी तीर्थों में जो पुण्य है -

श्लोक 53 (skanda.2.127.53)

सर्वदानोद्भवं चैव यज्ञैश्च भूरिदक्षिणैः ॥ न तत्पुण्यमवाप्नोति यन्मासपरिलंघनात्

sarvadānodbhavaṁ caiva yajñaiśca bhūridakṣiṇaiḥ || na tatpuṇyamavāpnoti yanmāsapariliṁghanāt

और जो पुण्य सभी दानों से तथा प्रचुर दक्षिणा वाले यज्ञों से उत्पन्न होता है - वह पुण्य उतना नहीं मिलता जितना एक मास के उपवास को पार करने से मिलता है।

श्लोक 54 (skanda.2.127.54)

गुरोराज्ञां ततो लब्ध्वा कुर्यान्मासोपवासनम् ॥ अतिकृच्छ्रं च पाराकं कृत्वा चांद्रायणं ततः

guror ājñāṁ tato labdhvā kuryānmāsopavāsanam || atikṛcchraṁ ca pārākaṁ kṛtvā cāṁdrāyaṇaṁ tataḥ

इसलिए गुरु की आज्ञा प्राप्त करके मास-उपवास करना चाहिए, अतिकृच्छ्र, पाराक और चांद्रायण व्रत करने के बाद ही इसे करना चाहिए।

श्लोक 55 (skanda.2.127.55)

मासोपवासं कुर्वीत ज्ञात्वा देहबलाऽबलम् ॥ वानप्रस्थो यतिर्वापि नारी वा विधवा मुने

māsopavāsaṁ kurvīta jñātvā dehabalā'balam || vānaprastho yatirvāpi nārī vā vidhavā mune

अपने शरीर के बल-अबल को जानकर मास-उपवास करना चाहिए। हे मुने! वानप्रस्थी, संन्यासी, स्त्री या विधवा -

श्लोक 56 (skanda.2.127.56)

मासोपवासं कुर्वीत गुरोर्विप्राज्ञया ततः ॥ आश्विनस्याऽमले पक्षे एकादश्यामुपोषितः

māsopavāsaṁ kurvīta gurorviprājñayā tataḥ || āśvinasyā'amale pakṣe ekādaśyāmupoṣitaḥ

गुरु और ब्राह्मणों की आज्ञा लेकर मास-उपवास करे। आश्विन मास के शुक्ल पक्ष की एकादशी को उपवास करके -

श्लोक 57 (skanda.2.127.57)

व्रतमेतत्तु गृह्णीयाद्यावत्त्रिंशद्दिनानि तु ॥ अच्युतस्याऽऽलये भक्त्या त्रिकालं पूजयेद्धरिम्

vratametattu gṛhṇīyādyāvattriṁśaddināni tu || acyutasyā'ālaye bhaktyā trikālaṁ pūjayeddharim

इस व्रत को तीस दिनों तक ग्रहण करना चाहिए। अच्युत के मंदिर में भक्तिपूर्वक तीनों समय हरि की पूजा करे।

श्लोक 58 (skanda.2.127.58)

नैवेद्यधूपदीपाद्यैः पुष्पैर्नानाविधैरपि ॥ मनसा कर्मणा वाचा पूजयेद्गरुडध्वजम्

naivedyadhūpadīpādyaiḥ puṣpairnānāvidhairapi || manasā karmaṇā vācā pūjayedgaruḍadhvajam

नैवेद्य, धूप, दीप आदि तथा नाना प्रकार के फूलों से, मन, वचन और कर्म से गरुड़ध्वज की पूजा करे।

श्लोक 59 (skanda.2.127.59)

नरः स्वधर्मनिरतः सधवा च जितेन्द्रिया ॥ नारी वा विधवा साध्वी वासुदेवं समर्चयेत्

naraḥ svadharmanirataḥ sadhavā ca jitendriyā || nārī vā vidhavā sādhvī vāsudevaṁ samarcayet

अपने धर्म में तत्पर पुरुष, सुहागिन और जितेंद्रिय स्त्री, या साध्वी विधवा - सभी वासुदेव की पूजा करें।

श्लोक 60 (skanda.2.127.60)

वस्त्वालोकनगन्धादिस्वादितं परिकीर्तितम् ॥ अन्यस्य वर्जयेद्वासं ग्रासानां संप्रमोक्षणम्

vastvālokanagandhādisvāditaṁ parikīrtitam || anyasya varjayedvāsaṁ grāsānāṁ saṁpramokṣaṇam

वस्तु को केवल देखना, सूंघना आदि ही 'स्वाद' कहा गया है। दूसरे के घर में निवास और अधिक ग्रासों के त्याग का पालन करे।

श्लोक 61 (skanda.2.127.61)

गात्राभ्यंगं शिरोभ्यंगं तांबूलं सविलेपनम् ॥ व्रतस्थो वर्जयेत्सर्वं यच्चाऽन्यच्च निराकृतम्

gātrābhyaṁgaṁ śirobhyaṁgaṁ tāṁbūlaṁ savilepanam || vratastho varjayetsarvaṁ yaccā'anyacca nirākṛtam

शरीर पर तेल-मालिश, सिर पर तेल, पान, तथा उबटन - व्रतस्थ व्यक्ति इन सबका और अन्य निषिद्ध वस्तुओं का त्याग करे।

श्लोक 62 (skanda.2.127.62)

न व्रतस्थः स्पृशेत्कंचिद्विकर्मस्थं न चालपेत् ॥ देवतायतने तिष्ठन्गृहस्थश्चाऽऽचरेद्व्रतम्

na vratasthaḥ spṛśetkaṁcidvikarmasthaṁ na cālapet || devatāyatane tiṣṭhangṛhasthaścā'ācaredvratam

व्रतस्थ व्यक्ति किसी विकर्मस्थ व्यक्ति को न छुए और न ही उससे बोले। गृहस्थ देव-मंदिर में रहते हुए ही इस व्रत का आचरण करे।

श्लोक 63 (skanda.2.127.63)

कृत्वा मासोपवासं तु यथोक्तविधिना नरः ॥ अन्यूनाधिकमेवं तु व्रतं त्रिंशद्दिनैरिति

kṛtvā māsopavāsaṁ tu yathoktavidhinā naraḥ || anyūnādhikamevaṁ tu vrataṁ triṁśaddinairiti

इस प्रकार मनुष्य विधिपूर्वक, न कम न अधिक, तीस दिनों में मास-उपवास व्रत को पूरा करे।

श्लोक 64 (skanda.2.127.64)

ततोऽर्चयेदेव पुण्यं द्वादश्यां गरुडध्वजम् ॥ वस्त्रदानादिभिश्चैव भोजयित्वा द्विजोत्तमान्

tato'rcayedeva puṇyaṁ dvādaśyāṁ garuḍadhvajam || vastradānādibhiścaiva bhojayitvā dvijottamān

फिर द्वादशी के दिन पुण्यदायक गरुड़ध्वज की पूजा करे, तथा श्रेष्ठ ब्राह्मणों को भोजन कराकर उन्हें वस्त्र आदि का दान दे।

श्लोक 65 (skanda.2.127.65)

दद्याच्च दक्षिणां तेभ्यः प्रणिपत्य क्षमापयेत् ॥ विप्रान्क्षमापयित्वा तुविसृज्याऽभ्यर्च्य पूज्य च

dadyācca dakṣiṇāṁ tebhyaḥ praṇipatya kṣamāpayet || viprānkṣamāpayitvā tuvisṛjyā'abhyarcya pūjya ca

उन्हें दक्षिणा दे, और प्रणाम करके क्षमा माँगे; ब्राह्मणों से क्षमा माँगकर, उनका पूजन-सत्कार कर उन्हें विदा करे।

श्लोक 66 (skanda.2.127.66)

एवं मासोपवासांते वृत्वा विप्रांस्त्रयोदश ॥ कारयेद्वैष्णवं यज्ञमेकादश्यामुपोषितः

evaṁ māsopavāsāṁte vṛtvā viprāṁstrayodaśa || kārayedvaiṣṇavaṁ yajñamekādaśyāmupoṣitaḥ

इस प्रकार मास-उपवास के अंत में तेरह ब्राह्मणों को नियुक्त कर, एकादशी को उपवास कर, वैष्णव यज्ञ करवाए।

श्लोक 67 (skanda.2.127.67)

ततोऽनुभोजयेद्विप्रान्नमस्कारपुरःसरम् ॥ तांबूलवस्त्रयुग्मानि भोजनाऽऽच्छादनानि च

tato'nubhojayedviprānnamaskārapuraḥsaram || tāṁbūlavastrayugmāni bhojanā'ācchādanāni ca

फिर नमस्कारपूर्वक ब्राह्मणों को भोजन कराए, तथा पान, वस्त्र-युगल, भोजन और ओढ़ने के वस्त्र प्रदान करे -

श्लोक 68 (skanda.2.127.68)

योगपट्टानि सूत्राणि शय्यां सोपस्करां तथा ॥ दत्त्वा चैव द्विजाग्र्येभ्यः पूजयित्वा विसर्जयेत्

yogapaṭṭāni sūtrāṇi śayyāṁ sopaskarāṁ tathā || dattvā caiva dvijāgryebhyaḥ pūjayitvā visarjayet

योगपट्ट, यज्ञोपवीत, तथा साज-सज्जा सहित शय्या - ये सब श्रेष्ठ ब्राह्मणों को देकर, उनका पूजन कर उन्हें विदा करे।

श्लोक 69 (skanda.2.127.69)

विधिर्मासोपवासस्य यथावत्परिकीर्तितः ॥ अतःपरं प्रवक्ष्यामि नवम्यादितिथौ विधि

vidhirmāsopavāsasya yathāvatparikīrtitaḥ || ataḥparaṁ pravakṣyāmi navamyāditithau vidhi

इस प्रकार मास-उपवास की विधि यथावत् कही गई। अब इससे आगे मैं नवमी आदि तिथियों की विधि कहूँगा।

श्लोक 70 (skanda.2.127.70)

ऋषिभ्यो वालखिल्यैश्च प्रोक्तं तं शृणु नारद

ṛṣibhyo vālakhilyaiśca proktaṁ taṁ śṛṇu nārada

जो ऋषियों और वालखिल्यों द्वारा कहा गया है, हे नारद! उसे सुनो।