ब्रह्मकुण्डसहस्रधारातीर्थमाहात्म्यवर्णनम् — ब्रह्मकुण्ड और सहस्रधारा तीर्थ की महिमा का वर्णन

श्लोक 1 (skanda.2.181.1)

सूत उवाच अगस्त्यमुनिरित्युक्त्वा चक्रतीर्थाश्रयां कथाम् विभोर्विष्णुहरेश्चापि पुनराह द्विजोत्तमाः

sūta uvāca agastyamunirityuktvā cakratīrthāśrayāṁ kathām vibhorviṣṇuhareścāpi punarāha dvijottamāḥ

सूत ने कहा — चक्रतीर्थ तथा विभु विष्णुहरि से सम्बन्धित कथा कहकर, हे द्विजश्रेष्ठो, अगस्त्य मुनि ने पुनः कहा।

श्लोक 2 (skanda.2.181.2)

अगस्त्य उवाच पुरा ब्रह्मा जगत्स्रष्टा विज्ञाय हरिमच्युतम् अयोध्यावासिनं देवं तत्र चक्रे स्थितिं स्वयम्

agastya uvāca purā brahmā jagatsraṣṭā vijñāya harimacyutam ayodhyāvāsinaṁ devaṁ tatra cakre sthitiṁ svayam

अगस्त्य ने कहा — पूर्वकाल में जगत्स्रष्टा ब्रह्मा ने यह जानकर कि अच्युत हरि अयोध्या में निवास करते हैं, स्वयं वहीं निवास किया।

श्लोक 3 (skanda.2.181.3)

आगत्य कृतवांस्तत्र यात्रां ब्रह्मा यथाविधि यज्ञं च विधिवच्चक्रे नानासंभारसंयुतम्

āgatya kṛtavāṁstatra yātrāṁ brahmā yathāvidhi yajñaṁ ca vidhivaccakre nānāsaṁbhārasaṁyutam

वहाँ आकर ब्रह्मा ने विधिपूर्वक यात्रा की तथा अनेक सामग्रियों से युक्त यज्ञ विधिपूर्वक किया।

श्लोक 4 (skanda.2.181.4)

ततः स कृतवांस्तत्र ब्रह्मा लोकपितामहः कुण्डं स्वनाम्ना विपुलं नानादेवसमन्वितम्

tataḥ sa kṛtavāṁstatra brahmā lokapitāmahaḥ kuṇḍaṁ svanāmnā vipulaṁ nānādevasamanvitam

तब लोकपितामह ब्रह्मा ने वहाँ अनेक देवताओं से युक्त, अपने नाम से विशाल कुण्ड का निर्माण किया,

श्लोक 5 (skanda.2.181.5)

विस्तीर्णजलकल्लोलकलितं कलुषापहम् कुमुदोत्पलकह्लारपुंडरीककुलाकुलम्

vistīrṇajalakallolakalitaṁ kaluṣāpaham kumudotpalakahlārapuṁḍarīkakulākulam

जो विस्तीर्ण जल की लहरों से युक्त, मल को दूर करने वाला, कुमुद, उत्पल, कह्लार तथा पुण्डरीक कमलों के समूहों से भरा था,

श्लोक 6 (skanda.2.181.6)

हंससारसचक्राह्व विहंगममनोहरम् तटांतविटपोल्लासि पतत्त्रिगणसंकुलम्

haṁsasārasacakrāhva vihaṁgamamanoharam taṭāṁtaviṭapollāsi patattrigaṇasaṁkulam

हंस, सारस तथा चक्रवाक जैसे मनोहर पक्षियों वाला, तट के वृक्षों की शाखाओं पर क्रीड़ा करते पक्षियों के समूहों से भरा था।

श्लोक 7 (skanda.2.181.7)

तत्र कुण्डे सुराः सर्वे स्नाताः शुद्धिसमन्विताः बभूवुरद्धा विगतरजस्का विमलत्विषः

tatra kuṇḍe surāḥ sarve snātāḥ śuddhisamanvitāḥ babhūvuraddhā vigatarajaskā vimalatviṣaḥ

उस कुण्ड में सभी देवता स्नान करके शुद्धि से युक्त, रजोरहित तथा निर्मल कान्ति वाले हो गए।

श्लोक 8 (skanda.2.181.8)

तदाश्चर्य्यं महद्दृष्ट्वा ते सर्वे सहसा सुराः ब्रह्माणं प्रणिपत्योचुर्भक्त्या प्रांजलयस्तदा

tadāścaryyaṁ mahaddṛṣṭvā te sarve sahasā surāḥ brahmāṇaṁ praṇipatyocurbhaktyā prāṁjalayastadā

उस महान् आश्चर्य को देखकर वे सभी देवता तत्काल ब्रह्मा को प्रणाम करके भक्तिपूर्वक हाथ जोड़कर बोले।

श्लोक 9 (skanda.2.181.9)

देवा ऊचुः भगवन्ब्रूहि तत्त्वेन माहात्म्यं कमलासन अस्य कुण्डस्य सकलं खातस्य विमलत्विषः

devā ūcuḥ bhagavanbrūhi tattvena māhātmyaṁ kamalāsana asya kuṇḍasya sakalaṁ khātasya vimalatviṣaḥ

देवताओं ने कहा — हे कमलासन भगवन्, इस निर्मल कान्ति वाले खोदे गए कुण्ड की सम्पूर्ण महिमा यथार्थ रूप से कहिए।

श्लोक 10 (skanda.2.181.10)

अत्र स्नानेन सर्वेषामस्माकं विगतं रजः महदाश्चर्यमेतस्य दृष्ट्वा कुंडस्य विस्मिताः सर्वे वयं सुरश्रेष्ठ कृपया त्वमतो वद

atra snānena sarveṣāmasmākaṁ vigataṁ rajaḥ mahadāścaryametasya dṛṣṭvā kuṁḍasya vismitāḥ sarve vayaṁ suraśreṣṭha kṛpayā tvamato vada

यहाँ स्नान से हम सबका मैल दूर हो गया है; इस कुण्ड के इस महान् आश्चर्य को देखकर विस्मित हुए हम सब, हे सुरश्रेष्ठ, आपसे कृपापूर्वक निवेदन करते हैं कि आप कहें।

श्लोक 11 (skanda.2.181.11)

ब्रह्मोवाच शृण्वन्तु सर्वे त्रिदशाः सावधानाः सविस्मयाः कुण्डस्यैतस्य माहात्म्यं नानाफलसमन्वितम्

brahmovāca śṛṇvantu sarve tridaśāḥ sāvadhānāḥ savismayāḥ kuṇḍasyaitasya māhātmyaṁ nānāphalasamanvitam

ब्रह्मा ने कहा — समस्त देवगण सावधान तथा विस्मयपूर्ण होकर सुनें; इस कुण्ड की नाना फलों से युक्त महिमा को सुनें।

श्लोक 12 (skanda.2.181.12)

अत्र स्नानेन विधिवत्पापात्मानोऽपि जंतवः विमानं हंससंयुक्तमास्थाय रुचिरांबराः निवसंति ब्रह्मलोके यावदाभूतसंप्लवम्

atra snānena vidhivatpāpātmāno’pi jaṁtavaḥ vimānaṁ haṁsasaṁyuktamāsthāya rucirāṁbarāḥ nivasaṁti brahmaloke yāvadābhūtasaṁplavam

यहाँ विधिपूर्वक स्नान करने से पापात्मा प्राणी भी हंसयुक्त विमान पर सुन्दर वस्त्र धारण कर आरूढ़ होकर प्रलय-काल तक ब्रह्मलोक में निवास करते हैं।

श्लोक 13 (skanda.2.181.13)

अत्र दानेन होमेन यथाशक्त्या सुरोत्तमाः तुलाश्वमेधयोः पुण्यं प्राप्नुयुर्मुनिसत्तम

atra dānena homena yathāśaktyā surottamāḥ tulāśvamedhayoḥ puṇyaṁ prāpnuyurmunisattama

हे मुनिसत्तम, यहाँ यथाशक्ति दान तथा होम करने से श्रेष्ठ देवगण तुला-पुरुष तथा अश्वमेध का पुण्य प्राप्त करते हैं।

श्लोक 14 (skanda.2.181.14)

ममास्मिन्सरसि श्रीमाञ्जायते स्नानतो नरः तस्मादत्र विधानेन स्नानं दानं जपादिकम्

mamāsminsarasi śrīmāñjāyate snānato naraḥ tasmādatra vidhānena snānaṁ dānaṁ japādikam

मेरे इस सरोवर में स्नान करने से मनुष्य श्रीमान् हो जाता है; अतः यहाँ विधिपूर्वक स्नान, दान तथा जप आदि करना चाहिए,

श्लोक 15 (skanda.2.181.15)

सर्वयज्ञसमं स्याद्वै महापातकनाशनम् ब्रह्मकुण्डमिति ख्यातिमितो यास्यत्यनुत्तमाम्

sarvayajñasamaṁ syādvai mahāpātakanāśanam brahmakuṇḍamiti khyātimito yāsyatyanuttamām

जो सभी यज्ञों के समान तथा महापातकों का नाशक होगा; यह यहाँ से 'ब्रह्मकुण्ड' नाम से अनुत्तम ख्याति को प्राप्त होगा।

श्लोक 16 (skanda.2.181.16)

अस्मिन्कुण्डे च सांनिध्यं भविष्यति सदा मम कार्त्तिके शुक्लपक्षस्य चतुर्दश्यां सुरोत्तमाः

asminkuṇḍe ca sāṁnidhyaṁ bhaviṣyati sadā mama kārttike śuklapakṣasya caturdaśyāṁ surottamāḥ

इस कुण्ड में मेरा सांनिध्य सदा रहेगा; हे सुरश्रेष्ठो, कार्तिक शुक्ल पक्ष की चतुर्दशी को,

श्लोक 17 (skanda.2.181.17)

यात्रा भविष्यति सदा सुराः सांवत्सरी मम शुभप्रदा महापापराशिनाशकरी तदा

yātrā bhaviṣyati sadā surāḥ sāṁvatsarī mama śubhapradā mahāpāparāśināśakarī tadā

यहाँ मेरी वार्षिक यात्रा सदा होगी, हे देवगण, जो शुभप्रद तथा महापापों के समूह की नाशक होगी।

श्लोक 18 (skanda.2.181.18)

स्वर्णं चैव सदा देयं वासांसि विविधानि च निजशक्त्या प्रकर्तव्या सुरास्तृप्तिर्द्विजन्मनाम्

svarṇaṁ caiva sadā deyaṁ vāsāṁsi vividhāni ca nijaśaktyā prakartavyā surāstṛptirdvijanmanām

स्वर्ण तथा नाना प्रकार के वस्त्र सदा देने चाहिए; अपनी शक्ति के अनुसार द्विजों की तृप्ति करनी चाहिए।

श्लोक 19 (skanda.2.181.19)

अगस्त्य उवाच इत्युक्त्वा देवदेवोऽयं ब्रह्मा लोकपितामहः अन्तर्दधे सुरैः सार्द्धं तीर्थं दृष्ट्वा तपोधन

agastya uvāca ityuktvā devadevo’yaṁ brahmā lokapitāmahaḥ antardadhe suraiḥ sārddhaṁ tīrthaṁ dṛṣṭvā tapodhana

अगस्त्य ने कहा — ऐसा कहकर देवदेव लोकपितामह ब्रह्मा, हे तपोधन, उस तीर्थ को देखकर देवताओं के साथ अन्तर्धान हो गए।

श्लोक 20 (skanda.2.181.20)

तदाप्रभृति तत्कुण्डं विख्यातं परमं भुवि चक्रतीर्थाच्च पूर्वस्यां दिशि कुण्डं स्थितं महत्

tadāprabhṛti tatkuṇḍaṁ vikhyātaṁ paramaṁ bhuvi cakratīrthācca pūrvasyāṁ diśi kuṇḍaṁ sthitaṁ mahat

तभी से वह कुण्ड पृथ्वी पर परम विख्यात हुआ; चक्रतीर्थ से पूर्व दिशा में वह महान् कुण्ड स्थित है।

श्लोक 21 (skanda.2.181.21)

सूत उवाच इत्युक्त्वा स तपोराशिरगस्त्यः कुंभसंभवः पुनः पृष्टो मुनिवरो व्यासायावीवदत्कथाम्

sūta uvāca ityuktvā sa taporāśiragastyaḥ kuṁbhasaṁbhavaḥ punaḥ pṛṣṭo munivaro vyāsāyāvīvadatkathām

सूत ने कहा — ऐसा कहकर तपःपुंज कुम्भसम्भव अगस्त्य ने, पुनः पूछे जाने पर, व्यास से यह कथा कही।

श्लोक 22 (skanda.2.181.22)

अगस्त्य उवाच अन्यच्छृणु महाभाग तीर्थं दुष्कृतिदुर्ल्लभम् ऋणमोचनसंज्ञं तु सरयूतीरसंगतम्

agastya uvāca anyacchṛṇu mahābhāga tīrthaṁ duṣkṛtidurllabham ṛṇamocanasaṁjñaṁ tu sarayūtīrasaṁgatam

अगस्त्य ने कहा — हे महाभाग, दुष्कर्मियों के लिए दुर्लभ, ऋणमोचन नामक, सरयू के तट पर स्थित एक और तीर्थ सुनो।

श्लोक 23 (skanda.2.181.23)

ब्रह्मकुण्डान्मुनिवर धनुःसप्तशतेन च पूर्वोत्तरदिशाभागे संस्थितं सरयूजले

brahmakuṇḍānmunivara dhanuḥsaptaśatena ca pūrvottaradiśābhāge saṁsthitaṁ sarayūjale

हे मुनिवर, ब्रह्मकुण्ड से सात सौ धनुष की दूरी पर, ईशान दिशा में, सरयू के जल में यह स्थित है।

श्लोक 24 (skanda.2.181.24)

तत्र पूर्वं मुनिवरो लोमशो नाम नामतः तीर्थयात्राप्रसंगेन स्नानं चक्रे विधानतः

tatra pūrvaṁ munivaro lomaśo nāma nāmataḥ tīrthayātrāprasaṁgena snānaṁ cakre vidhānataḥ

वहाँ पूर्वकाल में लोमश नामक श्रेष्ठ मुनि ने तीर्थयात्रा के प्रसंग में विधिपूर्वक स्नान किया।

श्लोक 25 (skanda.2.181.25)

ततः स ऋणनिर्मुक्तो बभूव गतकल्मषः तदाश्चर्यं महद्दृष्ट्वा मुनीन्सानन्दमब्रवीत्

tataḥ sa ṛṇanirmukto babhūva gatakalmaṣaḥ tadāścaryaṁ mahaddṛṣṭvā munīnsānandamabravīt

तब वे ऋणमुक्त तथा निष्पाप हो गए; उस महान् आश्चर्य को देखकर उन्होंने आनन्दपूर्वक मुनियों से कहा,

श्लोक 26 (skanda.2.181.26)

पश्यन्त्वेतस्य महतो गुणांस्तीर्थवरस्य वै भुजावूर्ध्वं तथा कृत्वा हर्षेणाहाऽश्रुलोचनः

paśyantvetasya mahato guṇāṁstīrthavarasya vai bhujāvūrdhvaṁ tathā kṛtvā harṣeṇāhā’śrulocanaḥ

'इस महान् श्रेष्ठ तीर्थ के गुणों को देखो' — यह कहते हुए, दोनों भुजाएँ ऊपर उठाकर, हर्ष से अश्रुपूरित नेत्रों से उन्होंने कहा।

श्लोक 27 (skanda.2.181.27)

लोमश उवाच ऋणमोचनसंज्ञं तु तीर्थमेतदनुत्तमम् यत्र स्नानेन जंतूनामृणनिर्यातनं भवेत्

lomaśa uvāca ṛṇamocanasaṁjñaṁ tu tīrthametadanuttamam yatra snānena jaṁtūnāmṛṇaniryātanaṁ bhavet

लोमश ने कहा — यह अनुत्तम तीर्थ 'ऋणमोचन' नाम से प्रसिद्ध है, जहाँ स्नान से प्राणियों के ऋण का निवारण होता है।

श्लोक 28 (skanda.2.181.28)

ऐहिकं पारलौकिक्यं यदृणत्रितयं नृणाम् तत्सर्वं स्नानमात्रेण तीर्थेऽस्मिन्नश्यति क्षणात्

aihikaṁ pāralaukikyaṁ yadṛṇatritayaṁ nṛṇām tatsarvaṁ snānamātreṇa tīrthe’sminnaśyati kṣaṇāt

मनुष्यों का ऐहिक तथा पारलौकिक जो त्रिविध ऋण है, वह सब इस तीर्थ में स्नान मात्र से क्षणभर में नष्ट हो जाता है।

श्लोक 29 (skanda.2.181.29)

सर्वतीर्थोत्तमं चैतत्सद्यः प्रत्ययकारकम् मया चास्य फलं सम्यगनुभूतमृणादिह

sarvatīrthottamaṁ caitatsadyaḥ pratyayakārakam mayā cāsya phalaṁ samyaganubhūtamṛṇādiha

यह सभी तीर्थों में उत्तम तथा तत्काल विश्वास उत्पन्न करने वाला है; मैंने भी यहाँ ऋण से मुक्ति का फल भलीभाँति अनुभव किया है।

श्लोक 30 (skanda.2.181.30)

तस्मादत्र विधानेन स्नानं दानं च शक्तितः कर्त्तव्यं श्रद्धया युक्तैः सर्वदा फलकांक्षिभिः

tasmādatra vidhānena snānaṁ dānaṁ ca śaktitaḥ karttavyaṁ śraddhayā yuktaiḥ sarvadā phalakāṁkṣibhiḥ

इसलिए यहाँ विधिपूर्वक अपनी शक्ति के अनुसार स्नान तथा दान सदा फल की इच्छा रखने वाले श्रद्धालु जनों को करना चाहिए।

श्लोक 31 (skanda.2.181.31)

स्नातव्यं च सुवर्णं च देयं वस्त्रादि शक्तितः

snātavyaṁ ca suvarṇaṁ ca deyaṁ vastrādi śaktitaḥ

स्नान करना चाहिए तथा अपनी शक्ति के अनुसार सुवर्ण और वस्त्र आदि देने चाहिए।

श्लोक 32 (skanda.2.181.32)

अगस्त्य उवाच इत्युक्त्वा तीर्थमाहात्म्यं लोमशो मुनिसत्तमः अन्तर्दधे मुनिश्रेष्ठः स्तुवंस्तीर्थगुणान्मुदा

agastya uvāca ityuktvā tīrthamāhātmyaṁ lomaśo munisattamaḥ antardadhe muniśreṣṭhaḥ stuvaṁstīrthaguṇānmudā

अगस्त्य ने कहा — तीर्थ की यह महिमा कहकर मुनिसत्तम लोमश, तीर्थ के गुणों का हर्षपूर्वक स्तवन करते हुए, अन्तर्धान हो गए।

श्लोक 33 (skanda.2.181.33)

इत्येतत्कथितं विप्र ऋणमोचनसंज्ञकम् यत्र स्नानेन जन्तूनामृणं नश्यति तत्क्षणात् ऋणमोचनतीर्थं तु पूर्वतः सरयूजले

ityetatkathitaṁ vipra ṛṇamocanasaṁjñakam yatra snānena jantūnāmṛṇaṁ naśyati tatkṣaṇāt ṛṇamocanatīrthaṁ tu pūrvataḥ sarayūjale

हे विप्र, इस प्रकार यह ऋणमोचन नामक तीर्थ बताया गया, जहाँ स्नान से प्राणियों का ऋण तत्काल नष्ट हो जाता है; ऋणमोचन तीर्थ सरयू के जल में पूर्व दिशा में स्थित है।

श्लोक 34 (skanda.2.181.34)

धनुर्द्विशत्या तीर्थं च पापमोचनसंज्ञकम् सर्वपापविशुद्धात्मा तत्र स्नानेन मानवः जायते तत्क्षणादेव नात्र कार्या विचारणा

dhanurdviśatyā tīrthaṁ ca pāpamocanasaṁjñakam sarvapāpaviśuddhātmā tatra snānena mānavaḥ jāyate tatkṣaṇādeva nātra kāryā vicāraṇā

उससे दो सौ धनुष की दूरी पर पापमोचन नामक तीर्थ है; वहाँ स्नान करने से मनुष्य तत्काल ही समस्त पापों से पूर्णतः शुद्ध हो जाता है — इसमें कोई विचार नहीं करना चाहिए।

श्लोक 35 (skanda.2.181.35)

मया तत्र मुनिश्रेष्ठ दृष्टं माहात्म्यमुत्तमम्

mayā tatra muniśreṣṭha dṛṣṭaṁ māhātmyamuttamam

हे मुनिश्रेष्ठ, मैंने वहाँ उस उत्तम महिमा को स्वयं देखा है।

श्लोक 36 (skanda.2.181.36)

पांचालदेशसंभूतो नाम्ना नरहरिर्द्विजः असत्संगप्रभावेन पापात्मा समजायत

pāṁcāladeśasaṁbhūto nāmnā naraharirdvijaḥ asatsaṁgaprabhāvena pāpātmā samajāyata

पांचाल देश में उत्पन्न नरहरि नामक एक ब्राह्मण दुष्ट संगति के प्रभाव से पापात्मा हो गया।

श्लोक 37 (skanda.2.181.37)

नाना विधानि पापानि ब्रह्महत्यादिकानि च कृतवान्पापिसंगेन त्रयीमार्गविनिन्दकः

nānā vidhāni pāpāni brahmahatyādikāni ca kṛtavānpāpisaṁgena trayīmārgavinindakaḥ

उसने दुष्टों की संगति से ब्रह्महत्या आदि नाना प्रकार के पाप किए तथा वेदमार्ग की निन्दा की।

श्लोक 38 (skanda.2.181.38)

स कदाचित्साधुसंगात्तीर्थयात्राप्रसंगतः अयोध्यामागतो विप्र महापातककृद्द्विजः

sa kadācitsādhusaṁgāttīrthayātrāprasaṁgataḥ ayodhyāmāgato vipra mahāpātakakṛddvijaḥ

वह महापातकी द्विज एक बार साधुओं की संगति से तीर्थयात्रा के प्रसंग में अयोध्या आया।

श्लोक 39 (skanda.2.181.39)

पापमोचनतीर्थे तु स्नातः सत्संगतो द्विजः पापराशिर्विनष्टोऽस्य निष्पापः समभूत्क्षणात्

pāpamocanatīrthe tu snātaḥ satsaṁgato dvijaḥ pāparāśirvinaṣṭo’sya niṣpāpaḥ samabhūtkṣaṇāt

सत्संग को प्राप्त उस द्विज ने पापमोचन तीर्थ में स्नान किया, जिससे उसका पापसमूह नष्ट होकर वह क्षणभर में निष्पाप हो गया।

श्लोक 40 (skanda.2.181.40)

दिवः पपात तन्मूर्ध्नि पुष्पवृष्टिर्मुनीश्वर दिव्यं विमानमारुह्य विष्णुलोके गतो द्विजः

divaḥ papāta tanmūrdhni puṣpavṛṣṭirmunīśvara divyaṁ vimānamāruhya viṣṇuloke gato dvijaḥ

हे मुनीश्वर, आकाश से उसके मस्तक पर पुष्पवृष्टि हुई तथा वह द्विज दिव्य विमान पर आरूढ़ होकर विष्णुलोक को गया।

श्लोक 41 (skanda.2.181.41)

तद्दृष्ट्वा महदाश्चर्यं मया च द्विजपुंगव श्रद्धया परया तत्र कृतं स्नानं विशेषतः

taddṛṣṭvā mahadāścaryaṁ mayā ca dvijapuṁgava śraddhayā parayā tatra kṛtaṁ snānaṁ viśeṣataḥ

हे द्विजपुंगव, वह महान् आश्चर्य देखकर मैंने भी वहाँ विशेष रूप से परम श्रद्धा से स्नान किया।

श्लोक 42 (skanda.2.181.42)

माघकृष्णचतुर्दश्यां तत्र स्नानं विशेषतः दानं च मनुजैः कार्य्यं सर्वपापविशुद्धये

māghakṛṣṇacaturdaśyāṁ tatra snānaṁ viśeṣataḥ dānaṁ ca manujaiḥ kāryyaṁ sarvapāpaviśuddhaye

माघ कृष्ण चतुर्दशी को वहाँ विशेष रूप से स्नान तथा समस्त पापों की शुद्धि हेतु मनुष्यों को दान करना चाहिए।

श्लोक 43 (skanda.2.181.43)

अन्यदा तु कृते स्नाने सर्वपापक्षयो भवेत्

anyadā tu kṛte snāne sarvapāpakṣayo bhavet

अन्य समय में भी स्नान करने से समस्त पापों का क्षय हो जाता है।

श्लोक 44 (skanda.2.181.44)

पापमोचनतीर्थे तु पूर्वं तु सरयूजले धनुःशतप्रमाणेन वर्त्तते तीर्थमुत्तमम्

pāpamocanatīrthe tu pūrvaṁ tu sarayūjale dhanuḥśatapramāṇena varttate tīrthamuttamam

पापमोचन तीर्थ से पूर्व की ओर, सरयू के जल में, सौ धनुष के प्रमाण पर एक उत्तम तीर्थ स्थित है,

श्लोक 45 (skanda.2.181.45)

सहस्रधारासंज्ञं तु सर्वकिल्बिषनाशनम् यस्मिन्रामाज्ञया वीरो लक्ष्मणः परवीरहा प्राणानुत्सृज्य योगेन ययौ शेषात्मतां पुरा

sahasradhārāsaṁjñaṁ tu sarvakilbiṣanāśanam yasminrāmājñayā vīro lakṣmaṇaḥ paravīrahā prāṇānutsṛjya yogena yayau śeṣātmatāṁ purā

जो सहस्रधारा नाम से समस्त पापों का नाशक है, जहाँ पूर्वकाल में राम की आज्ञा से शत्रुवीरहन्ता वीर लक्ष्मण ने योग द्वारा प्राण त्यागकर शेष का स्वरूप प्राप्त किया।

श्लोक 46 (skanda.2.181.46)

सार्द्धंहस्तत्रयेणैव प्रमाणं धनुषो विदुः चतुर्भिर्हस्तकैः संख्या दण्ड इत्यभिधीयते

sārddhaṁhastatrayeṇaiva pramāṇaṁ dhanuṣo viduḥ caturbhirhastakaiḥ saṁkhyā daṇḍa ityabhidhīyate

साढ़े तीन हाथ का प्रमाण धनुष कहलाता है; चार हाथों की गिनती 'दण्ड' कही जाती है।

श्लोक 47 (skanda.2.181.47)

सूत उवाच इत्थं तदा समाकर्ण्य कुम्भयोनिमुनेस्तदा कृष्णद्वैपायनो व्यासः पुनः पप्रच्छ कौतुकात्

sūta uvāca itthaṁ tadā samākarṇya kumbhayonimunestadā kṛṣṇadvaipāyano vyāsaḥ punaḥ papraccha kautukāt

सूत ने कहा — कुम्भयोनि मुनि से यह सुनकर कृष्णद्वैपायन व्यास ने कौतुकवश पुनः पूछा।

श्लोक 48 (skanda.2.181.48)

व्यास उवाच सहस्रधारामाहात्म्यं विस्तराद्वद सुव्रत शृण्वंस्तीर्थस्य माहात्म्यं न तृप्यति मनो मम

vyāsa uvāca sahasradhārāmāhātmyaṁ vistarādvada suvrata śṛṇvaṁstīrthasya māhātmyaṁ na tṛpyati mano mama

व्यास ने कहा — हे सुव्रत, सहस्रधारा की महिमा विस्तार से कहिए; तीर्थ की महिमा सुनते हुए मेरा मन तृप्त नहीं होता।

श्लोक 49 (skanda.2.181.49)

अगस्त्य उवाच सावधानः शृणु मुने कथां कथयतो मम सहस्रधारातीर्थस्य समुत्पत्तिं महोदयात्

agastya uvāca sāvadhānaḥ śṛṇu mune kathāṁ kathayato mama sahasradhārātīrthasya samutpattiṁ mahodayāt

अगस्त्य ने कहा — हे मुने, सावधान होकर मेरी कही जाती इस कथा को सुनो — सहस्रधारा तीर्थ की महान् उत्पत्ति की कथा।

श्लोक 50 (skanda.2.181.50)

पुरा रामो रघुपतिर्देवकार्यं विधाय वै कालेन सह संगम्य मंत्रं चक्रे नरेश्वरः

purā rāmo raghupatirdevakāryaṁ vidhāya vai kālena saha saṁgamya maṁtraṁ cakre nareśvaraḥ

पूर्वकाल में रघुपति राम ने देवकार्य सम्पन्न करके काल के साथ मिलकर एक गुप्त मन्त्रणा की।

श्लोक 51 (skanda.2.181.51)

आवां मन्त्रयमाणौ हि यः पश्येदन्तिकागतः

āvāṁ mantrayamāṇau hi yaḥ paśyedantikāgataḥ

'हम दोनों को गुप्त मन्त्रणा करते हुए जो कोई निकट आकर देख लेगा,'

श्लोक 52 (skanda.2.181.52)

मया त्याज्यो भवेत्क्षिप्रमित्थं चक्रे स संविदम्

mayā tyājyo bhavetkṣipramitthaṁ cakre sa saṁvidam

'उसे मैं तत्काल त्याग दूँगा' — इस प्रकार उन्होंने यह प्रतिज्ञा की।

श्लोक 53 (skanda.2.181.53)

तस्मिन्मंत्रयमाणे हि द्वारे तिष्ठति लक्ष्मणे आगतः स तपोराशिर्दुर्वासास्तेजसां निधिः

tasminmaṁtrayamāṇe hi dvāre tiṣṭhati lakṣmaṇe āgataḥ sa taporāśirdurvāsāstejasāṁ nidhiḥ

इस प्रकार उन दोनों के मन्त्रणा करते समय, द्वार पर लक्ष्मण खड़े थे, तभी तेजोनिधि तपःपुंज दुर्वासा वहाँ आए।

श्लोक 54 (skanda.2.181.54)

आगत्य लक्ष्मणं शीघ्रं प्रीत्योवाच क्षुधाऽऽकुलः

āgatya lakṣmaṇaṁ śīghraṁ prītyovāca kṣudhā’’kulaḥ

आकर उन्होंने भूख से व्याकुल होकर तुरन्त प्रेमपूर्वक लक्ष्मण से कहा।

श्लोक 55 (skanda.2.181.55)

दुर्वासा उवाच सौमित्रे गच्छ शीघ्रं त्वं रामाग्रे मां निवेदय कार्यार्थिनमिदं वाक्यं नान्यथा कर्तुमर्हसि

durvāsā uvāca saumitre gaccha śīghraṁ tvaṁ rāmāgre māṁ nivedaya kāryārthinamidaṁ vākyaṁ nānyathā kartumarhasi

दुर्वासा ने कहा — हे सौमित्रे, शीघ्र जाओ, राम के समक्ष मेरा निवेदन करो; कार्य के इच्छुक मेरे इस वचन को अन्यथा मत करो।

श्लोक 56 (skanda.2.181.56)

अगस्त्य उवाच शापाद्भीतः स सौमित्रिर्द्रुतं गत्वा तयोः पुरः मुनिं निवेदयामास रामाग्रे दर्शनार्थिनम् दुर्वाससं तपोराशिमत्रिनन्दनमागतम्

agastya uvāca śāpādbhītaḥ sa saumitrirdrutaṁ gatvā tayoḥ puraḥ muniṁ nivedayāmāsa rāmāgre darśanārthinam durvāsasaṁ taporāśimatrinandanamāgatam

अगस्त्य ने कहा — शाप से भयभीत सौमित्रि ने शीघ्र उन दोनों के पास जाकर राम को अत्रिनन्दन तपःपुंज मुनि दुर्वासा के दर्शनार्थी आगमन की सूचना दी।

श्लोक 57 (skanda.2.181.57)

रामोऽपि कालमामंत्र्य प्रस्थाप्य च बहिर्ययौ दृष्ट्वा मुनिं तं प्रणतः संभोज्य प्रभुरादरात्

rāmo’pi kālamāmaṁtrya prasthāpya ca bahiryayau dṛṣṭvā muniṁ taṁ praṇataḥ saṁbhojya prabhurādarāt

राम ने भी काल को विदा करके बाहर आकर, उस मुनि को देखकर प्रणाम किया तथा आदरपूर्वक स्वयं उन्हें भोजन कराया।

श्लोक 58 (skanda.2.181.58)

दुर्वाससं मुनिवरं प्रस्थाप्य स्वयमादरात् सत्यभंगभयाद्वीरो लक्ष्मणं त्यक्तवांस्तदा

durvāsasaṁ munivaraṁ prasthāpya svayamādarāt satyabhaṁgabhayādvīro lakṣmaṇaṁ tyaktavāṁstadā

श्रेष्ठ मुनि दुर्वासा को स्वयं आदरपूर्वक विदा करके, वचन-भंग के भय से उस वीर ने तब लक्ष्मण को त्याग दिया।

श्लोक 59 (skanda.2.181.59)

लक्ष्मणोऽपि तदा वीरः कुर्वन्नवितथं वचः भ्रातुर्ज्येष्ठस्य सुमतिः सरयूतीरमाययौ

lakṣmaṇo’pi tadā vīraḥ kurvannavitathaṁ vacaḥ bhrāturjyeṣṭhasya sumatiḥ sarayūtīramāyayau

उस वीर लक्ष्मण ने भी, अपने ज्येष्ठ भ्राता के वचन को सत्य करते हुए, सुबुद्धि से सरयू के तट पर गमन किया।

श्लोक 60 (skanda.2.181.60)

तत्र गत्वाथ च स्नात्वा ध्यानमास्थाय सत्वरम् चिदात्मनि मनः शान्तं संगम्यावस्थितस्तदा

tatra gatvātha ca snātvā dhyānamāsthāya satvaram cidātmani manaḥ śāntaṁ saṁgamyāvasthitastadā

वहाँ जाकर स्नान करके तथा शीघ्र ही ध्यान में स्थित होकर, चिदात्मा में शान्त मन को लगाकर वे स्थिर हो गए।

श्लोक 61 (skanda.2.181.61)

ततः प्रादुरभूत्तत्र सहस्रफणमण्डितः शेषश्चक्षुःश्रवाः श्रेष्ठः क्षितिं भित्त्वा सहस्रधा सुरलोकात्सुरेन्द्रोऽपि समागादमरैः सह

tataḥ prādurabhūttatra sahasraphaṇamaṇḍitaḥ śeṣaścakṣuḥśravāḥ śreṣṭhaḥ kṣitiṁ bhittvā sahasradhā suralokātsurendro’pi samāgādamaraiḥ saha

तब वहाँ सहस्र फणों से सुशोभित, चक्षुःश्रवा (शेष) नामक श्रेष्ठ सर्प पृथ्वी को सहस्र स्थानों में भेदकर प्रकट हुआ, और देवलोक से सुरेन्द्र भी अमरों सहित वहाँ आए।

श्लोक 62 (skanda.2.181.62)

ततः शेषात्मतां यातं लक्ष्मणं सत्यसंगरम् उवाच मधुरं शक्रः सुराणां तत्र पश्यताम्

tataḥ śeṣātmatāṁ yātaṁ lakṣmaṇaṁ satyasaṁgaram uvāca madhuraṁ śakraḥ surāṇāṁ tatra paśyatām

तब शेष के स्वरूप को प्राप्त, सत्यप्रतिज्ञ लक्ष्मण से, देवताओं के देखते हुए, इन्द्र ने मधुर वाणी में कहा।

श्लोक 63 (skanda.2.181.63)

इन्द्र उवाच लक्ष्मणोत्तिष्ठ शीघ्रं त्वमारोह स्वपदं स्वकम् देवकार्यं कृतं वीर त्वया रिपुनिषूदन

indra uvāca lakṣmaṇottiṣṭha śīghraṁ tvamāroha svapadaṁ svakam devakāryaṁ kṛtaṁ vīra tvayā ripuniṣūdana

इन्द्र ने कहा — हे लक्ष्मण, शीघ्र उठो, अपने स्वपद पर आरूढ़ हो; हे वीर, हे शत्रुनाशक, तुमने देवताओं का कार्य सम्पन्न कर दिया है।

श्लोक 64 (skanda.2.181.64)

वैष्णवं परमं स्थानं प्राप्नुहि त्वं सनातनम् भवन्मूर्तिः समायातः शेषोऽपि विलसत्फणः

vaiṣṇavaṁ paramaṁ sthānaṁ prāpnuhi tvaṁ sanātanam bhavanmūrtiḥ samāyātaḥ śeṣo’pi vilasatphaṇaḥ

तुम सनातन परम वैष्णव स्थान को प्राप्त करो; तुम्हारा अपना स्वरूप, फण फैलाए हुए शेष, स्वयं आ पहुँचा है।

श्लोक 65 (skanda.2.181.65)

सहस्रधा क्षितिं भित्त्वा सहस्रफणमण्डलैः क्षितेः सहस्रच्छिद्रेषु यस्माद्भित्त्वा समुद्गताः

sahasradhā kṣitiṁ bhittvā sahasraphaṇamaṇḍalaiḥ kṣiteḥ sahasracchidreṣu yasmādbhittvā samudgatāḥ

अपने सहस्र फणों के मण्डलों से पृथ्वी को सहस्र स्थानों में भेदकर, पृथ्वी के सहस्र छिद्रों में से भेदकर जो बाहर निकले,

श्लोक 66 (skanda.2.181.66)

फणसाहस्रमणिभिर्दग्धाः शेषस्य सुव्रत तस्मादेतन्महातीर्थं सरयूतीरगं शुभम् ख्यातं सहस्रधारेति भविष्यति न संशयः

phaṇasāhasramaṇibhirdagdhāḥ śeṣasya suvrata tasmādetanmahātīrthaṁ sarayūtīragaṁ śubham khyātaṁ sahasradhāreti bhaviṣyati na saṁśayaḥ

हे सुव्रत, शेष के सहस्र फण-मणियों से दग्ध वे स्थान — इसलिए सरयू-तट पर स्थित यह शुभ महातीर्थ 'सहस्रधारा' नाम से निःसंदेह विख्यात होगा।

श्लोक 67 (skanda.2.181.67)

एतत्क्षेत्रप्रमाणं तु धनुषां पञ्चविंशतिः अत्र स्नानेन दानेन श्राद्धेन श्रद्धयान्वितः सर्वपापविशुद्धात्मा विष्णुलोकं व्रजेन्नरः

etatkṣetrapramāṇaṁ tu dhanuṣāṁ pañcaviṁśatiḥ atra snānena dānena śrāddhena śraddhayānvitaḥ sarvapāpaviśuddhātmā viṣṇulokaṁ vrajennaraḥ

इस क्षेत्र का प्रमाण पच्चीस धनुष है; यहाँ श्रद्धायुक्त होकर स्नान, दान तथा श्राद्ध करने से मनुष्य समस्त पापों से शुद्धात्मा होकर विष्णुलोक को जाता है।

श्लोक 68 (skanda.2.181.68)

अत्र स्नातो नरो धीमाञ्छेषं संपूज्य चाव्ययम् तीर्थं संपूज्य विधिवद्विष्णुलोकमवाप्नुयात्

atra snāto naro dhīmāñcheṣaṁ saṁpūjya cāvyayam tīrthaṁ saṁpūjya vidhivadviṣṇulokamavāpnuyāt

यहाँ स्नान करके बुद्धिमान् मनुष्य अव्यय शेष की पूजा करके तथा तीर्थ की विधिवत् पूजा करके विष्णुलोक को प्राप्त होता है।

श्लोक 69 (skanda.2.181.69)

तस्मादत्र प्रकर्तव्यं स्नानं विधिपुरःसरम् शेषरूपाहिवद्ध्येयाः पूज्या विप्रा विशेषतः

tasmādatra prakartavyaṁ snānaṁ vidhipuraḥsaram śeṣarūpāhivaddhyeyāḥ pūjyā viprā viśeṣataḥ

इसलिए यहाँ विधिपूर्वक स्नान करना चाहिए; शेष-रूप सर्पों का ध्यान करना चाहिए तथा विशेष रूप से ब्राह्मणों की पूजा करनी चाहिए।

श्लोक 70 (skanda.2.181.70)

स्वर्णं चान्नं च वासांसि देयानि श्रद्धयान्वितैः स्नानं दानं हरेः पूजा सर्वमक्षयतां व्रजेत्

svarṇaṁ cānnaṁ ca vāsāṁsi deyāni śraddhayānvitaiḥ snānaṁ dānaṁ hareḥ pūjā sarvamakṣayatāṁ vrajet

श्रद्धायुक्त होकर स्वर्ण, अन्न तथा वस्त्र देने चाहिए; स्नान, दान तथा हरि की पूजा — यह सब अक्षय फल देने वाला होता है।

श्लोक 71 (skanda.2.181.71)

तस्मादेतन्महातीर्थं सर्वकामफलप्रदम् क्षितौ भविष्यति सदा नात्र कार्या विचारणा

tasmādetanmahātīrthaṁ sarvakāmaphalapradam kṣitau bhaviṣyati sadā nātra kāryā vicāraṇā

इसलिए यह महातीर्थ सभी कामनाओं का फल देने वाला सदा पृथ्वी पर रहेगा — इसमें कोई सन्देह नहीं करना चाहिए।

श्लोक 72 (skanda.2.181.72)

श्रावणे शुद्धपक्षस्य या तिथिः पञ्चमी भवेत् तस्यामत्र प्रकर्तव्यो नागानुद्दिश्य यत्नतः

śrāvaṇe śuddhapakṣasya yā tithiḥ pañcamī bhavet tasyāmatra prakartavyo nāgānuddiśya yatnataḥ

श्रावण शुक्ल पक्ष की जो पंचमी तिथि हो, उस दिन यहाँ यत्नपूर्वक नागों के उद्देश्य से पूजा करनी चाहिए,

श्लोक 73 (skanda.2.181.73)

उत्सवो विपुलः सद्भिः शेषपूजापुरःसरम् उत्सवे तु कृते तत्र तीर्थे महति मानवैः

utsavo vipulaḥ sadbhiḥ śeṣapūjāpuraḥsaram utsave tu kṛte tatra tīrthe mahati mānavaiḥ

सज्जनों द्वारा शेष-पूजा-पूर्वक विशाल उत्सव मनाया जाना चाहिए; जब उस महान् तीर्थ में मनुष्यों द्वारा उत्सव किया जाता है,

श्लोक 74 (skanda.2.181.74)

सन्तोष्य च द्विजान्भक्त्या नागपूजापुरस्सरम् सन्तुष्टाः फणिनः सर्वे पीडयन्ति न मानुषान्

santoṣya ca dvijānbhaktyā nāgapūjāpurassaram santuṣṭāḥ phaṇinaḥ sarve pīḍayanti na mānuṣān

तथा भक्तिपूर्वक द्विजों को सन्तुष्ट करके नाग-पूजा की जाती है, तो सन्तुष्ट हुए सभी सर्प मनुष्यों को पीड़ा नहीं पहुँचाते।

श्लोक 75 (skanda.2.181.75)

वैशाखमासे ये स्नानं कुर्वंत्यत्र समाहिताः न तेषां पुनरावृत्तिः कल्पकोटिशतैरपि

vaiśākhamāse ye snānaṁ kurvaṁtyatra samāhitāḥ na teṣāṁ punarāvṛttiḥ kalpakoṭiśatairapi

जो लोग वैशाख मास में एकाग्रचित्त होकर यहाँ स्नान करते हैं, उनका सैकड़ों करोड़ कल्पों तक भी पुनरागमन नहीं होता।

श्लोक 76 (skanda.2.181.76)

तस्मादत्र प्रकर्तव्यं माधवे यत्नतो नरैः स्नानं दानं हरिः पूज्यो ब्राह्मणाश्च विशेषतः तीर्थे कृतेऽत्र मनुजैः सर्वकामफलप्रदः

tasmādatra prakartavyaṁ mādhave yatnato naraiḥ snānaṁ dānaṁ hariḥ pūjyo brāhmaṇāśca viśeṣataḥ tīrthe kṛte’tra manujaiḥ sarvakāmaphalapradaḥ

इसलिए वैशाख मास में मनुष्यों को यत्नपूर्वक यहाँ स्नान तथा दान करना चाहिए, हरि की तथा विशेष रूप से ब्राह्मणों की पूजा करनी चाहिए; इस तीर्थ में यह कार्य करने से मनुष्यों को सर्व-काम-फल-प्रद फल प्राप्त होता है।

श्लोक 77 (skanda.2.181.77)

विष्णुमुद्दिश्य यो दद्यात्सालंकारां पयस्विनीम् सवत्सामत्र सत्तीर्थे सत्पात्राय द्विजन्मने

viṣṇumuddiśya yo dadyātsālaṁkārāṁ payasvinīm savatsāmatra sattīrthe satpātrāya dvijanmane

जो विष्णु के उद्देश्य से इस पवित्र तीर्थ में सुयोग्य ब्राह्मण को बछड़े सहित अलंकृत गाय दान करता है,

श्लोक 78 (skanda.2.181.78)

तस्य वासो भवेन्नित्य विष्णुलोके सनातने अक्षयं स्वर्गमाप्नोति तीर्थ स्नानेन मानवः

tasya vāso bhavennitya viṣṇuloke sanātane akṣayaṁ svargamāpnoti tīrtha snānena mānavaḥ

उसका निवास सदा सनातन विष्णुलोक में होता है; तीर्थ में स्नान करके मनुष्य अक्षय स्वर्ग प्राप्त करता है।

श्लोक 79 (skanda.2.181.79)

अत्र पूज्यौ विशेषेण नरैः श्रद्धासमन्वितः वैशाखे मास्यलंकारैर्वस्त्रैश्च द्विजदंपती

atra pūjyau viśeṣeṇa naraiḥ śraddhāsamanvitaḥ vaiśākhe māsyalaṁkārairvastraiśca dvijadaṁpatī

यहाँ वैशाख मास में श्रद्धायुक्त मनुष्यों को विशेष रूप से आभूषणों तथा वस्त्रों से द्विज-दम्पती की पूजा करनी चाहिए,

श्लोक 80 (skanda.2.181.80)

लक्ष्मीनारायणप्रीत्यै लक्ष्मीप्रात्यै विशेषतः वैशाखे मासि तीर्थानि पृथिवीसंस्थितानि वै

lakṣmīnārāyaṇaprītyai lakṣmīprātyai viśeṣataḥ vaiśākhe māsi tīrthāni pṛthivīsaṁsthitāni vai

लक्ष्मीनारायण की प्रसन्नता के लिए तथा विशेष रूप से लक्ष्मी की प्रसन्नता के लिए; क्योंकि वैशाख मास में पृथ्वी पर स्थित समस्त तीर्थ,

श्लोक 81 (skanda.2.181.81)

सर्वाण्यपि च संगत्य स्थास्यंत्यत्र न संशयः तस्मादत्र विशेषेण वैशाखे स्नानतो नृणाम् सर्वतीर्थावगाहस्य भविष्यति फलं महत्

sarvāṇyapi ca saṁgatya sthāsyaṁtyatra na saṁśayaḥ tasmādatra viśeṣeṇa vaiśākhe snānato nṛṇām sarvatīrthāvagāhasya bhaviṣyati phalaṁ mahat

सभी मिलकर यहीं आ स्थित होते हैं — इसमें सन्देह नहीं; इसलिए वैशाख में यहाँ विशेष रूप से स्नान करने वाले मनुष्यों को समस्त तीर्थों में स्नान करने का महान् फल प्राप्त होगा।

श्लोक 82 (skanda.2.181.82)

अगस्त्य उवाच इत्युक्त्वा मुनिराजेंद्रो लक्ष्मणं सुरसं गतम् शेषं संस्थाप्य तत्तीर्थे भूभारहरणक्षमम् लक्ष्मणं यानमारोप्य प्रतस्थे दिवमादरात्

agastya uvāca ityuktvā munirājeṁdro lakṣmaṇaṁ surasaṁ gatam śeṣaṁ saṁsthāpya tattīrthe bhūbhāraharaṇakṣamam lakṣmaṇaṁ yānamāropya pratasthe divamādarāt

अगस्त्य ने कहा — ऐसा कहकर उस महान् इन्द्र ने, शेष को जो पृथ्वी का भार वहन करने में समर्थ था तथा लक्ष्मण के स्वरूप को प्राप्त हुआ था, उस तीर्थ में स्थापित करके, लक्ष्मण को विमान पर आरूढ़ करके आदरपूर्वक स्वर्ग के लिए प्रस्थान किया।

श्लोक 83 (skanda.2.181.83)

तदाप्रभृति तत्तीर्थं विख्यातिं परमां ययौ वैशाखे मासि तीर्थस्य माहात्म्यं परमं स्मृतम्

tadāprabhṛti tattīrthaṁ vikhyātiṁ paramāṁ yayau vaiśākhe māsi tīrthasya māhātmyaṁ paramaṁ smṛtam

तभी से वह तीर्थ परम ख्याति को प्राप्त हुआ; वैशाख मास में इस तीर्थ की महिमा परम स्मृत है।

श्लोक 84 (skanda.2.181.84)

पञ्चम्यामपि शुक्लायां श्रावणस्य विशेषतः अन्यदा पर्वणि श्रेष्ठं विशेषं स्नानमाचरेत् सहस्रधारातीर्थे च नरः स्वर्गमवाप्नुयात्

pañcamyāmapi śuklāyāṁ śrāvaṇasya viśeṣataḥ anyadā parvaṇi śreṣṭhaṁ viśeṣaṁ snānamācaret sahasradhārātīrthe ca naraḥ svargamavāpnuyāt

श्रावण की शुक्ल पंचमी को भी विशेष रूप से तथा अन्य पर्वों में भी श्रेष्ठ विशेष स्नान करना चाहिए; सहस्रधारा तीर्थ में मनुष्य स्वर्ग प्राप्त करता है।

श्लोक 85 (skanda.2.181.85)

विधिवदिह हि धीमान्स्नानदानानि तीर्थे नरवर इह शक्त्या यः करोत्यादरेण स इह विपुलभोगान्निर्मलात्मा च भक्त्या भजति भुजगशायिश्रीपतेरात्मनैक्यम्

vidhivadiha hi dhīmānsnānadānāni tīrthe naravara iha śaktyā yaḥ karotyādareṇa sa iha vipulabhogānnirmalātmā ca bhaktyā bhajati bhujagaśāyiśrīpaterātmanaikyam

इस प्रकार जो बुद्धिमान् नरश्रेष्ठ यहाँ विधिपूर्वक अपनी शक्ति के अनुसार आदरपूर्वक स्नान तथा दान करता है, वह यहाँ विपुल भोगों को भोगकर, निर्मल आत्मा होकर, भक्ति से शेषशायी श्रीपति के साथ आत्मैक्य को प्राप्त होता है।