बृहस्पतिकुण्ड-रुक्मिणीकुण्ड-धनयक्ष-वसिष्ठकुण्ड-सागरकुण्ड-योगिनीकुण्ड-उर्वशीकुण्ड-घोषार्ककुण्ड-माहात्म्यवर्णनम्

श्लोक 1 (skanda.2.186.1)

अगस्त्य उवाच तीर्थमन्यत्प्रवक्ष्यामि क्षीरोदकमिति स्मृतम् सीताकुण्डाच्च वायव्ये वर्त्तते गुणसुन्दरम् पुण्यैकनिचयस्थानं सर्वदुःखविनाशनम्

agastya uvāca tīrthamanyatpravakṣyāmi kṣīrodakamiti smṛtam sītākuṇḍācca vāyavye varttate guṇasundaram puṇyaikanicayasthānaṁ sarvaduḥkhavināśanam

अगस्त्य ने कहा — अब मैं एक और तीर्थ के विषय में कहूँगा, जो क्षीरोदक नाम से स्मृत है; यह सीताकुण्ड से वायव्य दिशा में स्थित, गुणों से सुन्दर, पुण्य का एकमात्र निधान तथा समस्त दुःखों का नाशक है।

श्लोक 2 (skanda.2.186.2)

पुरा दशरथो राजा पुत्रेष्टिनाम नामतः चकार विधिवद्यज्ञं पुत्रार्थं यत्र चादरात्

purā daśaratho rājā putreṣṭināma nāmataḥ cakāra vidhivadyajñaṁ putrārthaṁ yatra cādarāt

पूर्वकाल में राजा दशरथ ने पुत्र-प्राप्ति के लिए वहीं आदरपूर्वक विधिपूर्वक पुत्रेष्टि नामक यज्ञ किया।

श्लोक 3 (skanda.2.186.3)

क्रतुं समापयामास सानन्दो भूरिदक्षिणम् यज्ञान्ते क्रतुभुक्तत्र मूर्तिमान्समदृश्यत

kratuṁ samāpayāmāsa sānando bhūridakṣiṇam yajñānte kratubhuktatra mūrtimānsamadṛśyata

आनन्दित होकर उसने प्रचुर दक्षिणा से यज्ञ पूर्ण किया; यज्ञ के अन्त में वहाँ हविष्य-भोक्ता साक्षात् मूर्तिमान् प्रकट हुए।

श्लोक 4 (skanda.2.186.4)

हस्ते कृत्वा हेमपात्रं हविःपूर्णमनुत्तमम् तस्मिन्हविषि संकीर्णं वैष्णवं तेज उत्तमम् चतुर्विधं विभज्यैव पत्नीभ्यो दत्तवान्नृपः

haste kṛtvā hemapātraṁ haviḥpūrṇamanuttamam tasminhaviṣi saṁkīrṇaṁ vaiṣṇavaṁ teja uttamam caturvidhaṁ vibhajyaiva patnībhyo dattavānnṛpaḥ

हाथ में अनुत्तम हविष्य से भरा स्वर्णपात्र लेकर, उस हविष्य में समाया हुआ उत्तम वैष्णव तेज लेकर, राजा ने उसे चार भागों में बाँटकर अपनी रानियों को दिया।

श्लोक 5 (skanda.2.186.5)

यत्र तत्क्षीरसंप्राप्तिर्जाता परमदुर्लभा क्षीरोदकमिति ख्यातं तत्स्थानं पापनाशनम् उदकेनाभिव्यक्तं च उत्तमं च फलप्रदम्

yatra tatkṣīrasaṁprāptirjātā paramadurlabhā kṣīrodakamiti khyātaṁ tatsthānaṁ pāpanāśanam udakenābhivyaktaṁ ca uttamaṁ ca phalapradam

जहाँ वह परम दुर्लभ क्षीर-प्राप्ति हुई, वह स्थान 'क्षीरोदक' नाम से विख्यात हुआ, पापों का नाशक, उस जल से प्रकट, उत्तम फल देने वाला।

श्लोक 6 (skanda.2.186.6)

तत्र स्नात्वा नरो धीमान्विजितेन्द्रिय आदरात् सर्वान्कामानवाप्नोति पुत्रांश्च सुबहुश्रुतान्

tatra snātvā naro dhīmānvijitendriya ādarāt sarvānkāmānavāpnoti putrāṁśca subahuśrutān

वहाँ स्नान करके बुद्धिमान्, जितेन्द्रिय मनुष्य आदरपूर्वक सभी कामनाओं तथा अत्यन्त विद्वान् पुत्रों को प्राप्त करता है।

श्लोक 7 (skanda.2.186.7)

आश्विने शुक्लपक्षस्य एकादश्यां जितव्रतः तत्र स्नात्वा विधानेन दत्त्वा शक्त्या द्विजन्मने

āśvine śuklapakṣasya ekādaśyāṁ jitavrataḥ tatra snātvā vidhānena dattvā śaktyā dvijanmane

आश्विन शुक्ल पक्ष की एकादशी को व्रतधारी होकर वहाँ विधिपूर्वक स्नान करके तथा यथाशक्ति द्विज को दान देकर,

श्लोक 8 (skanda.2.186.8)

विष्णुं संपूज्य विधिवत्सर्वान्कामानवाप्नुयात् पुत्रानवाप्नुयाद्विद्धि धर्मांश्च विधिवन्नरः

viṣṇuṁ saṁpūjya vidhivatsarvānkāmānavāpnuyāt putrānavāpnuyādviddhi dharmāṁśca vidhivannaraḥ

तथा विधिपूर्वक विष्णु की पूजा करके मनुष्य सभी कामनाओं को प्राप्त करता है; जान लो कि मनुष्य विधिपूर्वक पुत्र तथा धर्म भी प्राप्त करता है।

श्लोक 9 (skanda.2.186.9)

तस्मात्क्षीरोदकस्थानान्नैर्ऋते दिग्दले श्रितम् ख्यातं बृहस्पतेः कुण्डमुद्दंडाचंडमंडितम्

tasmātkṣīrodakasthānānnairṛte digdale śritam khyātaṁ bṛhaspateḥ kuṇḍamuddaṁḍācaṁḍamaṁḍitam

उस क्षीरोदक स्थान से नैऋत्य दिशा में आश्रित, उन्नत तथा प्रचण्ड शोभा से मण्डित, बृहस्पति का विख्यात कुण्ड है,

श्लोक 10 (skanda.2.186.10)

सर्वपापप्रशमनं पुण्यामृततरंगितम् यत्र साक्षात्सुरगुरुर्निवासं किल निर्ममे

sarvapāpapraśamanaṁ puṇyāmṛtataraṁgitam yatra sākṣātsuragururnivāsaṁ kila nirmame

समस्त पापों को शान्त करने वाला, पुण्य अमृत की लहरों वाला, जहाँ साक्षात् देवताओं के गुरु ने अपना निवास बनाया।

श्लोक 11 (skanda.2.186.11)

यज्ञं च विधिवच्चक्रे बृहस्पतिरुदारधीः नानामुनिगणैर्युक्तं रम्यं बहुफलप्रदम् सुपर्णच्छायसंपन्नं कुण्डं तत्पापिदुर्ल्लभम्

yajñaṁ ca vidhivaccakre bṛhaspatirudāradhīḥ nānāmunigaṇairyuktaṁ ramyaṁ bahuphalapradam suparṇacchāyasaṁpannaṁ kuṇḍaṁ tatpāpidurllabham

उदार बुद्धि वाले बृहस्पति ने वहाँ विधिपूर्वक यज्ञ किया; नाना मुनिगणों से युक्त, रमणीय, बहुफलदायी, सुन्दर छाया से सम्पन्न वह कुण्ड पापियों के लिए दुर्लभ है।

श्लोक 12 (skanda.2.186.12)

इन्द्रादयोऽपि विबुधा यत्र स्नात्वा प्रयत्नतः मनोभीष्टफलं प्राप्ताः सौंदर्यौदार्यतुंदिलाः

indrādayo’pi vibudhā yatra snātvā prayatnataḥ manobhīṣṭaphalaṁ prāptāḥ sauṁdaryaudāryatuṁdilāḥ

इन्द्र आदि विद्वान् देवगण भी वहाँ यत्नपूर्वक स्नान करके मनोवांछित फल पाकर सौन्दर्य तथा औदार्य से सम्पन्न हो गए।

श्लोक 13 (skanda.2.186.13)

यत्र स्नानेन दानेन नरो मुच्येत किल्बिषात्

yatra snānena dānena naro mucyeta kilbiṣāt

वहाँ स्नान तथा दान से मनुष्य पाप से मुक्त हो जाता है।

श्लोक 14 (skanda.2.186.14)

भाद्रे शुक्ले तु पंचम्यां यात्रा तत्र फलप्रदा अन्यदापि गुरोर्वारे स्नानं बहुफलप्रदम्

bhādre śukle tu paṁcamyāṁ yātrā tatra phalapradā anyadāpi gurorvāre snānaṁ bahuphalapradam

भाद्रपद शुक्ल पंचमी को वहाँ यात्रा फलदायी है; अन्य समय भी गुरुवार को स्नान बहुत फल देने वाला है।

श्लोक 15 (skanda.2.186.15)

बृहस्पतेस्तथा विष्णोः पूजां तत्र य आचरेत् सर्वपापविनिर्मुक्तो विष्णुलोके स मोदते

bṛhaspatestathā viṣṇoḥ pūjāṁ tatra ya ācaret sarvapāpavinirmukto viṣṇuloke sa modate

जो वहाँ बृहस्पति तथा विष्णु की पूजा करता है, वह समस्त पापों से मुक्त होकर विष्णुलोक में आनन्दित होता है।

श्लोक 16 (skanda.2.186.16)

भवेद्बृहस्पतेः पीडा यस्य गोचरवेधतः तेनात्र विधिवत्स्नानं कार्यं संकल्पपूर्वकम्

bhavedbṛhaspateḥ pīḍā yasya gocaravedhataḥ tenātra vidhivatsnānaṁ kāryaṁ saṁkalpapūrvakam

जिसे गोचर-वेध से बृहस्पति की पीड़ा हो, उसे यहाँ संकल्पपूर्वक विधिवत् स्नान करना चाहिए।

श्लोक 17 (skanda.2.186.17)

होमं कृत्वा गुरोर्मूर्तिः सुवर्णेन विनिर्मिता स्थित्वा जले प्रदेया वै पीतांबरसमन्विता

homaṁ kṛtvā gurormūrtiḥ suvarṇena vinirmitā sthitvā jale pradeyā vai pītāṁbarasamanvitā

होम करके, सुवर्ण से निर्मित, पीताम्बरधारी गुरु (बृहस्पति) की मूर्ति जल में खड़े होकर देनी चाहिए।

श्लोक 18 (skanda.2.186.18)

वेदज्ञायातिशुचये स्नात्वा पीडापनुत्तये होमं च कारयेत्तत्र ग्रहजाप्यविधानतः

vedajñāyātiśucaye snātvā pīḍāpanuttaye homaṁ ca kārayettatra grahajāpyavidhānataḥ

पीड़ा-निवारण के लिए स्नान करके, वेदज्ञ अत्यन्त पवित्र ब्राह्मण को वह अर्पित करनी चाहिए, तथा वहाँ ग्रह-जप की विधि से होम भी करना चाहिए।

श्लोक 19 (skanda.2.186.19)

एवं कृते न संदेहो ग्रहपीडा प्रणश्यति

evaṁ kṛte na saṁdeho grahapīḍā praṇaśyati

ऐसा करने से, बिना सन्देह, ग्रह-पीड़ा नष्ट हो जाती है।

श्लोक 20 (skanda.2.186.20)

तद्दक्षिणे मुनिश्रेष्ठ रुक्मिणीकुण्डमुत्तमम् चकार यत्स्वयं देवी रुक्मिणी कृष्णवल्लभा

taddakṣiṇe muniśreṣṭha rukmiṇīkuṇḍamuttamam cakāra yatsvayaṁ devī rukmiṇī kṛṣṇavallabhā

हे मुनिश्रेष्ठ, उसके दक्षिण में उत्तम रुक्मिणीकुण्ड है, जिसे कृष्ण की प्रिया देवी रुक्मिणी ने स्वयं बनाया।

श्लोक 21 (skanda.2.186.21)

तत्र विष्णुः स्वयं चक्रे निवासं सलिले तदा वरप्रदानात्स्नेहेन भार्यायाः प्रगुणीकृतम्

tatra viṣṇuḥ svayaṁ cakre nivāsaṁ salile tadā varapradānātsnehena bhāryāyāḥ praguṇīkṛtam

वहाँ विष्णु ने स्वयं अपनी पत्नी के प्रति स्नेह से वरदान देकर उसे उत्तम बनाकर जल में निवास किया।

श्लोक 22 (skanda.2.186.22)

तत्र स्नानं तथा दानं होमं वैष्णवमंत्रकम् द्विजपूजां विष्णुपूजां कुर्वीत प्रयतो नरः

tatra snānaṁ tathā dānaṁ homaṁ vaiṣṇavamaṁtrakam dvijapūjāṁ viṣṇupūjāṁ kurvīta prayato naraḥ

वहाँ संयमी मनुष्य को स्नान, दान, वैष्णव मन्त्र से होम, द्विज-पूजा तथा विष्णु-पूजा करनी चाहिए।

श्लोक 23 (skanda.2.186.23)

तत्र सांवत्सरी यात्रा कर्त्तव्या सुप्रयत्नतः ऊर्जकृष्णनवम्यां च सर्वपापापनुत्तये

tatra sāṁvatsarī yātrā karttavyā suprayatnataḥ ūrjakṛṣṇanavamyāṁ ca sarvapāpāpanuttaye

वहाँ ऊर्ज (कार्तिक) कृष्ण नवमी को समस्त पापों के निवारण हेतु अत्यन्त यत्नपूर्वक वार्षिक यात्रा करनी चाहिए।

श्लोक 24 (skanda.2.186.24)

पुत्रवाञ्जायते वन्ध्यो यात्रां कृत्वा न संशयः नारीभिर्वा नरैर्वापि कर्त्तव्यं स्नानमादरात्

putravāñjāyate vandhyo yātrāṁ kṛtvā na saṁśayaḥ nārībhirvā narairvāpi karttavyaṁ snānamādarāt

यह यात्रा करने से वन्ध्य भी पुत्रवान् हो जाता है — इसमें सन्देह नहीं; स्त्री हो या पुरुष, दोनों को आदरपूर्वक स्नान करना चाहिए।

श्लोक 25 (skanda.2.186.25)

भुक्त्वा भोगान्समग्रांश्च विष्णुलोके स मोदते लक्ष्मीकामनया तत्र स्नातव्यं च विशेषतः

bhuktvā bhogānsamagrāṁśca viṣṇuloke sa modate lakṣmīkāmanayā tatra snātavyaṁ ca viśeṣataḥ

समग्र भोगों को भोगकर वह विष्णुलोक में आनन्दित होता है; लक्ष्मी की कामना से वहाँ विशेष रूप से स्नान करना चाहिए।

श्लोक 26 (skanda.2.186.26)

सर्वकाममवाप्नोति तत्र स्नानेन मानवः रुक्मिणीश्रीपतिप्रीत्यै दातव्यं च स्वशक्तितः

sarvakāmamavāpnoti tatra snānena mānavaḥ rukmiṇīśrīpatiprītyai dātavyaṁ ca svaśaktitaḥ

वहाँ स्नान से मनुष्य सभी कामनाओं को प्राप्त करता है; रुक्मिणी-श्रीपति की प्रसन्नता के लिए अपनी शक्ति के अनुसार दान देना चाहिए।

श्लोक 27 (skanda.2.186.27)

कर्त्तव्या विधिवत्पूजा ब्राह्मणानां विशेषतः ध्येयो लक्ष्मीपतिस्तत्र शंखचक्रगदाधरः

karttavyā vidhivatpūjā brāhmaṇānāṁ viśeṣataḥ dhyeyo lakṣmīpatistatra śaṁkhacakragadādharaḥ

विशेष रूप से ब्राह्मणों की विधिवत् पूजा करनी चाहिए; वहाँ शंख-चक्र-गदाधारी लक्ष्मीपति का ध्यान करना चाहिए,

श्लोक 28 (skanda.2.186.28)

पीतांबरधरः स्रग्वी नारदादिभिरीडितः तार्क्ष्यासनो मुकुटवान्महेन्द्रादिविभूषितः

pītāṁbaradharaḥ sragvī nāradādibhirīḍitaḥ tārkṣyāsano mukuṭavānmahendrādivibhūṣitaḥ

जो पीताम्बरधारी, मालाधारी, नारद आदि द्वारा स्तुत, गरुड़ासन, मुकुटधारी, महेन्द्र आदि से विभूषित हैं,

श्लोक 29 (skanda.2.186.29)

सर्वकामफलावाप्त्यै वक्षोलक्षितकौस्तुभः अतसीकुसुमश्यामः कमलामललोचनः

sarvakāmaphalāvāptyai vakṣolakṣitakaustubhaḥ atasīkusumaśyāmaḥ kamalāmalalocanaḥ

जो समस्त कामनाओं के फल की प्राप्ति के लिए वक्षस्थल पर कौस्तुभ-चिह्नित, अतसीपुष्प-श्याम, कमल-सम निर्मल नेत्रों वाले हैं।

श्लोक 30 (skanda.2.186.30)

एवं कृते न संदेहः सर्वान्कामानवाप्नुयात् इह लोके सुखं भुक्त्वा हरिलोके स मोदते

evaṁ kṛte na saṁdehaḥ sarvānkāmānavāpnuyāt iha loke sukhaṁ bhuktvā hariloke sa modate

ऐसा करने से, बिना सन्देह, सभी कामनाएँ प्राप्त होती हैं; इस लोक में सुख भोगकर वह हरिलोक में आनन्दित होता है।

श्लोक 31 (skanda.2.186.31)

अतः परं प्रवक्ष्यामि तीर्थमन्यदघापहम् कलिकिल्विषसंहारकारकं प्रत्ययात्मकम्

ataḥ paraṁ pravakṣyāmi tīrthamanyadaghāpaham kalikilviṣasaṁhārakārakaṁ pratyayātmakam

अब इसके आगे मैं एक और पापनाशक तीर्थ के विषय में कहूँगा, जो कलि के पापों का संहारकर्ता, तत्काल विश्वास उत्पन्न करने वाला है,

श्लोक 32 (skanda.2.186.32)

परं पवित्रमतुलं सर्वकामार्थसिद्धिदम् धनयक्षइतिख्यातं परं प्रत्ययकारकम्

paraṁ pavitramatulaṁ sarvakāmārthasiddhidam dhanayakṣaitikhyātaṁ paraṁ pratyayakārakam

परम पवित्र, अनुपम, सभी कामनाओं तथा अर्थों की सिद्धि देने वाला, धनयक्ष नाम से विख्यात, परम प्रत्ययकारक।

श्लोक 33 (skanda.2.186.33)

रुक्मिणीकुण्डवायव्यदिग्दले संस्मृतं शुभम् हरिश्चन्द्रस्य राजर्षेरासीत्तत्र धनं महत्

rukmiṇīkuṇḍavāyavyadigdale saṁsmṛtaṁ śubham hariścandrasya rājarṣerāsīttatra dhanaṁ mahat

यह रुक्मिणीकुण्ड की वायव्य दिशा में शुभ स्मरणीय है; वहाँ राजर्षि हरिश्चन्द्र का महान् धन था।

श्लोक 34 (skanda.2.186.34)

तस्य रक्षार्थमत्यर्थं रक्षितो यक्षउच्चकैः विश्वामित्रो मुनिः पूर्वं यदा चैव पराजयत्

tasya rakṣārthamatyarthaṁ rakṣito yakṣauccakaiḥ viśvāmitro muniḥ pūrvaṁ yadā caiva parājayat

उसकी रक्षा के लिए एक महान् यक्ष द्वारा उसकी अत्यन्त रक्षा की गई, जब से मुनि विश्वामित्र ने पूर्वकाल में पराजित किया था,

श्लोक 35 (skanda.2.186.35)

हरिश्चंद्रं नरपतिं राज्यसूयकरं परम् राज्यं जग्राह सकलं चतुरंगबलान्वितम्

hariścaṁdraṁ narapatiṁ rājyasūyakaraṁ param rājyaṁ jagrāha sakalaṁ caturaṁgabalānvitam

राजसूय करने वाले परम राजा हरिश्चन्द्र को, तथा उसका चतुरंगिणी सेना सहित सम्पूर्ण राज्य छीन लिया था।

श्लोक 36 (skanda.2.186.36)

तद्वशेऽदाच्च स मुनिर्धनं सकलमुत्तमम् तद्रक्षायै प्रयत्नेन यक्षं स्थापितवानसौ

tadvaśe’dācca sa munirdhanaṁ sakalamuttamam tadrakṣāyai prayatnena yakṣaṁ sthāpitavānasau

उस मुनि ने वह सारा उत्तम धन अपने वश में कर लिया, तथा उसकी रक्षा के लिए यत्नपूर्वक एक यक्ष को स्थापित किया,

श्लोक 37 (skanda.2.186.37)

प्रमंथुर इति ख्यातं प्रमोदानन्दमंदिरम् रक्षां विदधतस्तस्य बहुयत्नेन सर्वशः

pramaṁthura iti khyātaṁ pramodānandamaṁdiram rakṣāṁ vidadhatastasya bahuyatnena sarvaśaḥ

जो 'प्रमन्थुर' नाम से विख्यात, आनन्द-प्रमोद का मन्दिर था, जिसने बहुत यत्न से सर्वत्र उसकी रक्षा की।

श्लोक 38 (skanda.2.186.38)

तुतोष स मुनिर्द्धीमान्कदाचिद्विजितेन्द्रियः उवाच मधुरं वाक्यं प्रीत्या परमया युतः

tutoṣa sa munirddhīmānkadācidvijitendriyaḥ uvāca madhuraṁ vākyaṁ prītyā paramayā yutaḥ

वह बुद्धिमान्, जितेन्द्रिय मुनि एक बार प्रसन्न होकर परम प्रीतिपूर्वक मधुर वचन बोले।

श्लोक 39 (skanda.2.186.39)

विश्वामित्र उवाच वरं वरय धर्मज्ञ क्षिप्रमेव विमत्सरः भक्त्या परमया धीर संतुष्टोऽस्मि विशेषतः

viśvāmitra uvāca varaṁ varaya dharmajña kṣiprameva vimatsaraḥ bhaktyā paramayā dhīra saṁtuṣṭo’smi viśeṣataḥ

विश्वामित्र ने कहा — हे धर्मज्ञ, शीघ्र ही ईर्ष्यारहित होकर वर माँगो; हे धीर, तुम्हारी परम भक्ति से मैं विशेष रूप से सन्तुष्ट हूँ।

श्लोक 40 (skanda.2.186.40)

यक्ष उवाच वरं प्रयच्छसि यदि विप्रवर्य मदीप्सितम् ममांगमतिदुर्गंधि शापाच्च नृपतेरभूत् सुगन्धयितुं ब्रह्मर्षे तत्प्रसीद मुनीश्वर

yakṣa uvāca varaṁ prayacchasi yadi vipravarya madīpsitam mamāṁgamatidurgaṁdhi śāpācca nṛpaterabhūt sugandhayituṁ brahmarṣe tatprasīda munīśvara

यक्ष ने कहा — हे श्रेष्ठ विप्र, यदि आप वर देते हैं तो मेरी इच्छा यह है — किसी राजा के शाप से मेरा शरीर अत्यन्त दुर्गन्धयुक्त हो गया है; हे ब्रह्मर्षि, हे मुनीश्वर, उसे सुगन्धित करने के लिए प्रसन्न हों।

श्लोक 41 (skanda.2.186.41)

अगस्त्य उवाच एवमुक्ते तु यक्षेण मुनिर्ध्यानस्थलोचनः तं विविच्यानया भक्त्या अभिषेकं चकार सः

agastya uvāca evamukte tu yakṣeṇa munirdhyānasthalocanaḥ taṁ vivicyānayā bhaktyā abhiṣekaṁ cakāra saḥ

अगस्त्य ने कहा — यक्ष के ऐसा कहने पर, ध्यानस्थ नेत्रों वाले मुनि ने विचार करके इस भक्ति से उसका अभिषेक किया,

श्लोक 42 (skanda.2.186.42)

तीर्थोदकेन विधिवत्कृत्वा संकल्पमादरात् ततः सोऽभूत्क्षणेनैव सुगन्धोत्तरविग्रहः

tīrthodakena vidhivatkṛtvā saṁkalpamādarāt tataḥ so’bhūtkṣaṇenaiva sugandhottaravigrahaḥ

तीर्थ के जल से विधिपूर्वक आदरपूर्वक संकल्प करके; तब वह क्षणभर में ही सुगन्धित शरीर वाला हो गया।

श्लोक 43 (skanda.2.186.43)

तथाभूतः स मधुरं प्रोवाच प्रांजलिस्ततः पुनः पुरः स्थितो धीमान्विनयावनतस्तदा

tathābhūtaḥ sa madhuraṁ provāca prāṁjalistataḥ punaḥ puraḥ sthito dhīmānvinayāvanatastadā

इस प्रकार हुआ वह मधुर वचन बोला, हाथ जोड़कर, विनयपूर्वक झुका हुआ, बुद्धिमान्, पुनः उनके सामने खड़ा होकर।

श्लोक 44 (skanda.2.186.44)

यक्ष उवाच त्वत्कृपाभिरहं धीर जातः सुरभिविग्रहः एतत्स्थानं यथा ख्यातिं याति सर्वज्ञ तत्कुरु

yakṣa uvāca tvatkṛpābhirahaṁ dhīra jātaḥ surabhivigrahaḥ etatsthānaṁ yathā khyātiṁ yāti sarvajña tatkuru

यक्ष ने कहा — हे धीर, आपकी कृपा से मैं सुगन्धित हो गया; हे सर्वज्ञ, यह स्थान जिस प्रकार ख्याति को प्राप्त हो, वह कीजिए।

श्लोक 45 (skanda.2.186.45)

त्वत्प्रसादेन विप्रर्षे तथा यत्नं विधेहि वै

tvatprasādena viprarṣe tathā yatnaṁ vidhehi vai

हे विप्रर्षे, आपकी कृपा से इसके लिए वैसा ही यत्न कीजिए।

श्लोक 46 (skanda.2.186.46)

अगस्त्य उवाच एवमुक्तः क्षणं ध्यात्वा मुनिः स्तिमितलोचनः यक्षं प्रति प्रसन्नात्मा ह्युवाच श्लक्ष्णया गिरा

agastya uvāca evamuktaḥ kṣaṇaṁ dhyātvā muniḥ stimitalocanaḥ yakṣaṁ prati prasannātmā hyuvāca ślakṣṇayā girā

अगस्त्य ने कहा — ऐसा कहे जाने पर, स्थिर नेत्रों से क्षणभर ध्यान करके, प्रसन्नचित्त मुनि ने यक्ष से कोमल वाणी में कहा।

श्लोक 47 (skanda.2.186.47)

विश्वामित्र उवाच प्रसिद्धिमतुलां यक्ष एतत्स्थानं गमिष्यति धनयक्ष इति ख्यातिमेतत्तीर्थं गमिष्यति

viśvāmitra uvāca prasiddhimatulāṁ yakṣa etatsthānaṁ gamiṣyati dhanayakṣa iti khyātimetattīrthaṁ gamiṣyati

विश्वामित्र ने कहा — हे यक्ष, यह स्थान अनुपम प्रसिद्धि को प्राप्त होगा; यह तीर्थ 'धनयक्ष' नाम से ख्याति को प्राप्त होगा,

श्लोक 48 (skanda.2.186.48)

सौंदर्य्यदं शरीरस्य परं प्रत्ययकारकम् यत्र स्नात्वा विधानेन दौर्गंध्यं त्यजति क्षणात् तत्र स्नानं प्रयत्नेन कर्त्तव्यं पुण्यकांक्षिभिः

sauṁdaryyadaṁ śarīrasya paraṁ pratyayakārakam yatra snātvā vidhānena daurgaṁdhyaṁ tyajati kṣaṇāt tatra snānaṁ prayatnena karttavyaṁ puṇyakāṁkṣibhiḥ

जो शरीर को सौन्दर्य देने वाला, परम विश्वासकारक है, जहाँ विधिपूर्वक स्नान करके दुर्गन्ध क्षणभर में त्याग दी जाती है; इसलिए पुण्य चाहने वालों को वहाँ यत्नपूर्वक स्नान करना चाहिए।

श्लोक 49 (skanda.2.186.49)

दानं श्रद्धास्वशक्तिभ्यां लक्ष्मीपूजा विशेषतः तत्र स्नानेन दानेन लक्ष्मीप्रीत्यै विशेषतः

dānaṁ śraddhāsvaśaktibhyāṁ lakṣmīpūjā viśeṣataḥ tatra snānena dānena lakṣmīprītyai viśeṣataḥ

श्रद्धा तथा शक्ति के अनुसार दान, विशेष रूप से लक्ष्मी-पूजा; वहाँ स्नान तथा दान विशेष रूप से लक्ष्मी की प्रसन्नता के लिए,

श्लोक 50 (skanda.2.186.50)

पूजया तु निधीनां च नवानामपि सुव्रत इह लोके सुखं भुक्त्वा परलोके स मोदते

pūjayā tu nidhīnāṁ ca navānāmapi suvrata iha loke sukhaṁ bhuktvā paraloke sa modate

तथा हे सुव्रत, नवों निधियों की पूजा से भी; इस लोक में सुख भोगकर वह परलोक में आनन्दित होता है।

श्लोक 51 (skanda.2.186.51)

महापद्मस्तथा पद्मः शंखो मकरकच्छपौ मुकुन्दकुंदनीलाश्च खर्वश्च निधयो नव

mahāpadmastathā padmaḥ śaṁkho makarakacchapau mukundakuṁdanīlāśca kharvaśca nidhayo nava

महापद्म, पद्म, शंख, मकर, कच्छप, मुकुन्द, कुन्द, नील तथा खर्व — ये नौ निधियाँ हैं।

श्लोक 52 (skanda.2.186.52)

एतेषामपि कुण्डेऽत्र संनिधिर्भविताऽनघ एतेषां तु विशेषेण पूजा बहुफलप्रदा

eteṣāmapi kuṇḍe’tra saṁnidhirbhavitā’nagha eteṣāṁ tu viśeṣeṇa pūjā bahuphalapradā

हे अनघ, इनका भी सांनिध्य इस कुण्ड में रहेगा; इनकी विशेष रूप से पूजा बहुत फल देने वाली है।

श्लोक 53 (skanda.2.186.53)

जलमध्ये प्रकर्त्तव्यं निधिलक्ष्मीप्रपूजनम्

jalamadhye prakarttavyaṁ nidhilakṣmīprapūjanam

जल के मध्य में निधि-लक्ष्मी की पूजा करनी चाहिए।

श्लोक 54 (skanda.2.186.54)

अन्नं बहुविधं देयं वासांसि विविधानि च

annaṁ bahuvidhaṁ deyaṁ vāsāṁsi vividhāni ca

नाना प्रकार का अन्न तथा विविध वस्त्र देने चाहिए।

श्लोक 55 (skanda.2.186.55)

सुवर्णादि यथाशक्त्या वित्तशाठ्यं विवर्जयेत् गुप्तं दानं प्रयत्नेन कर्त्तव्यं सुप्रयत्नतः

suvarṇādi yathāśaktyā vittaśāṭhyaṁ vivarjayet guptaṁ dānaṁ prayatnena karttavyaṁ suprayatnataḥ

अपनी शक्ति के अनुसार स्वर्णादि दान देना चाहिए; धन के प्रति कंजूसी त्याग देनी चाहिए; गुप्त दान अत्यन्त यत्नपूर्वक करना चाहिए।

श्लोक 56 (skanda.2.186.56)

फलानि च सुवर्णानि देयानि च विशेषतः

phalāni ca suvarṇāni deyāni ca viśeṣataḥ

फल तथा सुवर्ण विशेष रूप से देने चाहिए।

श्लोक 57 (skanda.2.186.57)

कृष्णपक्षे चतुर्दश्यां स्नानं बहुफलप्रदम् श्रद्धया परया युक्तैः कर्त्तव्यं श्रद्धयाधिकम्

kṛṣṇapakṣe caturdaśyāṁ snānaṁ bahuphalapradam śraddhayā parayā yuktaiḥ karttavyaṁ śraddhayādhikam

कृष्ण पक्ष की चतुर्दशी को स्नान बहुत फल देने वाला है; परम श्रद्धा से युक्त होकर और भी अधिक श्रद्धा से यह करना चाहिए।

श्लोक 58 (skanda.2.186.58)

माघे कृष्णचतुर्दश्यां यात्रा सांवत्सरी भवेत् तत्र स्नानं पितॄणान्तु तर्पणं च विशेषतः

māghe kṛṣṇacaturdaśyāṁ yātrā sāṁvatsarī bhavet tatra snānaṁ pitṝṇāntu tarpaṇaṁ ca viśeṣataḥ

माघ कृष्ण चतुर्दशी को वार्षिक यात्रा होती है; वहाँ स्नान तथा विशेष रूप से पितरों का तर्पण करना चाहिए,

श्लोक 59 (skanda.2.186.59)

आब्रह्मस्तम्बपर्यंतं जगत्तृप्यत्विति ब्रुवन् अपसव्येन विधिवत्तर्प्पयेदंजलित्रयम्

ābrahmastambaparyaṁtaṁ jagattṛpyatviti bruvan apasavyena vidhivattarppayedaṁjalitrayam

'ब्रह्मा से लेकर तृण-स्तम्ब तक सम्पूर्ण जगत् तृप्त हो' — यह कहते हुए अपसव्य होकर विधिपूर्वक तीन अंजलि तर्पण करना चाहिए।

श्लोक 60 (skanda.2.186.60)

एवं कुर्वन्नरो यक्ष न मुह्यति कदाचन अत्र स्नातो दिवं याति अत्र स्नातः सुखी भवेत्

evaṁ kurvannaro yakṣa na muhyati kadācana atra snāto divaṁ yāti atra snātaḥ sukhī bhavet

हे यक्ष, ऐसा करने वाला मनुष्य कभी मोहित नहीं होता; यहाँ स्नान करने वाला स्वर्ग जाता है, यहाँ स्नान करने वाला सुखी होता है।

श्लोक 61 (skanda.2.186.61)

अत्र स्नातेन ते यक्ष कर्त्तव्यं पूजनं पुरः त्वत्पूजनेन विधिवन्नृणां पापक्षयो भवेत्

atra snātena te yakṣa karttavyaṁ pūjanaṁ puraḥ tvatpūjanena vidhivannṛṇāṁ pāpakṣayo bhavet

हे यक्ष, यहाँ स्नान करने वाले को पहले आपकी पूजा करनी चाहिए; आपकी विधिपूर्वक पूजा से मनुष्यों के पाप का क्षय होता है।

श्लोक 62 (skanda.2.186.62)

नमः प्रमथराजेति पूजामन्त्र उदाहृतः तीर्थमध्ये प्रकर्त्तव्यं पूजनं श्रवणादिकम्

namaḥ pramatharājeti pūjāmantra udāhṛtaḥ tīrthamadhye prakarttavyaṁ pūjanaṁ śravaṇādikam

'नमः प्रमथराजाय' यह पूजा-मन्त्र कहा गया है; तीर्थ के मध्य में श्रवण आदि पूजन करना चाहिए,

श्लोक 63 (skanda.2.186.63)

निधिलक्ष्म्यो तथा यक्ष तव पूजा विशेषतः एवं यः कुरुते धीरः सर्वान्कामानवाप्नुयात्

nidhilakṣmyo tathā yakṣa tava pūjā viśeṣataḥ evaṁ yaḥ kurute dhīraḥ sarvānkāmānavāpnuyāt

तथा हे यक्ष, निधि-लक्ष्मियों की तथा विशेष रूप से आपकी पूजा; जो धीर पुरुष ऐसा करता है, वह सभी कामनाओं को प्राप्त करता है।

श्लोक 64 (skanda.2.186.64)

धनार्थी धनमाप्नोति पुत्रार्थी पुत्रमाप्नुयात् मोक्षार्थी मोक्षमाप्नोति तत्किं न यदिहाप्यते

dhanārthī dhanamāpnoti putrārthī putramāpnuyāt mokṣārthī mokṣamāpnoti tatkiṁ na yadihāpyate

धनार्थी धन प्राप्त करता है, पुत्रार्थी पुत्र प्राप्त करता है, मोक्षार्थी मोक्ष प्राप्त करता है — यहाँ क्या नहीं प्राप्त होता?

श्लोक 65 (skanda.2.186.65)

यस्तु मोहान्नरो यक्ष स्नानं न कुरुते किल तस्य सांवत्सरं पुण्यं त्वं ग्रहीष्यसि सर्वशः

yastu mohānnaro yakṣa snānaṁ na kurute kila tasya sāṁvatsaraṁ puṇyaṁ tvaṁ grahīṣyasi sarvaśaḥ

किन्तु हे यक्ष, जो मनुष्य मोहवश यहाँ स्नान नहीं करता, उसका सम्पूर्ण वार्षिक पुण्य तुम पूर्णतः ग्रहण कर लोगे।

श्लोक 66 (skanda.2.186.66)

इति दत्त्वा वरांस्तस्मै विश्वामित्रो मुनीश्वरः अन्तर्दधे मुनिवरस्तदा स च तपोनिधिः

iti dattvā varāṁstasmai viśvāmitro munīśvaraḥ antardadhe munivarastadā sa ca taponidhiḥ

इस प्रकार उसे वर देकर मुनीश्वर, तपोनिधि विश्वामित्र तब अन्तर्धान हो गए।

श्लोक 67 (skanda.2.186.67)

तदाप्रभृति तत्स्थानं परमां ख्यातिमाययौ तस्य तीर्थस्य सकला भूमिः स्वर्णविनिर्मिता

tadāprabhṛti tatsthānaṁ paramāṁ khyātimāyayau tasya tīrthasya sakalā bhūmiḥ svarṇavinirmitā

तभी से वह स्थान परम ख्याति को प्राप्त हुआ; उस तीर्थ की सम्पूर्ण भूमि स्वर्ण से निर्मित है,

श्लोक 68 (skanda.2.186.68)

दिव्यरत्नौघखचिता समंतादुपशोभिता एवं यः कुरुते विद्वन्स याति परमां गतिम्

divyaratnaughakhacitā samaṁtādupaśobhitā evaṁ yaḥ kurute vidvansa yāti paramāṁ gatim

दिव्य रत्नों के समूह से जड़ित, सब ओर से सुशोभित; ऐसा जो विद्वान् करता है, वह परम गति को प्राप्त होता है।

श्लोक 69 (skanda.2.186.69)

धनयक्षादुत्तरस्मिन्दिग्भागे संस्थितं द्विज वसिष्ठकुण्डं विख्यातं सर्वपापापहं सदा

dhanayakṣāduttarasmindigbhāge saṁsthitaṁ dvija vasiṣṭhakuṇḍaṁ vikhyātaṁ sarvapāpāpahaṁ sadā

हे द्विज, धनयक्ष से उत्तर दिशा में स्थित, समस्त पापों का सदा नाशक, विख्यात वसिष्ठकुण्ड है।

श्लोक 70 (skanda.2.186.70)

वसिष्ठस्य सदा तत्र निवासः सुतपोनिधेः अरुन्धती सदा यस्य वर्तते निर्मलव्रता

vasiṣṭhasya sadā tatra nivāsaḥ sutaponidheḥ arundhatī sadā yasya vartate nirmalavratā

वहाँ श्रेष्ठ तपोनिधि वसिष्ठ का सदा निवास है, जिनके साथ निर्मलव्रता अरुन्धती सदा रहती हैं।

श्लोक 71 (skanda.2.186.71)

अत्र स्नानं विशेषेण श्राद्धपूर्वमतंद्रितः यः कुर्यात्प्रयतो धीमांस्तस्य पुण्यमनुत्तमम्

atra snānaṁ viśeṣeṇa śrāddhapūrvamataṁdritaḥ yaḥ kuryātprayato dhīmāṁstasya puṇyamanuttamam

जो संयमी, बुद्धिमान् व्यक्ति यहाँ विशेष रूप से श्राद्धपूर्वक अथकभाव से स्नान करता है, उसका पुण्य अनुपम होता है।

श्लोक 72 (skanda.2.186.72)

वामदेवस्य तत्रैव संनिधिर्वर्ततेऽनघ वशिष्ठवामदेवौ तु पूजनीयौ प्रयत्नतः

vāmadevasya tatraiva saṁnidhirvartate’nagha vaśiṣṭhavāmadevau tu pūjanīyau prayatnataḥ

हे अनघ, वहीं वामदेव का सांनिध्य भी है; वसिष्ठ तथा वामदेव दोनों की यत्नपूर्वक पूजा करनी चाहिए,

श्लोक 73 (skanda.2.186.73)

पतिव्रता पूजनीयाऽरुन्धती च विशेषतः स्नातव्यं विधिना सम्यग्दातव्यं च स्वशक्तितः

pativratā pūjanīyā’rundhatī ca viśeṣataḥ snātavyaṁ vidhinā samyagdātavyaṁ ca svaśaktitaḥ

तथा विशेष रूप से पतिव्रता अरुन्धती की पूजा करनी चाहिए; विधिपूर्वक भलीभाँति स्नान करना चाहिए तथा अपनी शक्ति के अनुसार दान देना चाहिए।

श्लोक 74 (skanda.2.186.74)

सर्वकामफलप्राप्तिर्जायते नात्र संशयः अत्र यः कुरुते स्नानं स वशिष्ठसमो भवेत्

sarvakāmaphalaprāptirjāyate nātra saṁśayaḥ atra yaḥ kurute snānaṁ sa vaśiṣṭhasamo bhavet

सभी कामनाओं के फल की प्राप्ति होती है — इसमें सन्देह नहीं; जो यहाँ स्नान करता है, वह वसिष्ठ के समान हो जाता है।

श्लोक 75 (skanda.2.186.75)

भाद्रे मासि सिते पक्षे पंचम्यां नियतव्रतः तस्य सांवत्सरी यात्रा कर्त्तव्या विधिपूर्विका

bhādre māsi site pakṣe paṁcamyāṁ niyatavrataḥ tasya sāṁvatsarī yātrā karttavyā vidhipūrvikā

भाद्रपद शुक्ल पंचमी को व्रतधारी होकर विधिपूर्वक वार्षिक यात्रा करनी चाहिए।

श्लोक 76 (skanda.2.186.76)

विष्णुपूजा प्रयत्नेन कर्तव्या श्रद्धयात्र वै सर्वपापविशुद्धात्मा विष्णुलोके महीयते

viṣṇupūjā prayatnena kartavyā śraddhayātra vai sarvapāpaviśuddhātmā viṣṇuloke mahīyate

यहाँ श्रद्धापूर्वक यत्नपूर्वक विष्णु की पूजा करनी चाहिए; इससे समस्त पापों से शुद्धात्मा होकर मनुष्य विष्णुलोक में प्रतिष्ठित होता है।

श्लोक 77 (skanda.2.186.77)

वसिष्ठकुण्डाद्विप्रेंद्र प्रत्यग्दिग्दलमाश्रितम् विख्यातं सागरं कुण्डं सर्वकामार्थसिद्धिदम् यत्र स्नानेन दानेन सर्वकामानवाप्नुयात्

vasiṣṭhakuṇḍādvipreṁdra pratyagdigdalamāśritam vikhyātaṁ sāgaraṁ kuṇḍaṁ sarvakāmārthasiddhidam yatra snānena dānena sarvakāmānavāpnuyāt

हे विप्रेन्द्र, वसिष्ठकुण्ड से पश्चिम दिशा में आश्रित, सभी कामनाओं तथा अर्थों की सिद्धि देने वाला विख्यात सागरकुण्ड है, जहाँ स्नान तथा दान से मनुष्य सभी कामनाओं को प्राप्त करता है।

श्लोक 78 (skanda.2.186.78)

पौर्णमास्यां समुद्रस्य स्नानाद्यत्पुण्यमाप्नुयात् तत्पुण्यं पर्वणि स्नातो नरश्चाक्षयमाप्नुयात्

paurṇamāsyāṁ samudrasya snānādyatpuṇyamāpnuyāt tatpuṇyaṁ parvaṇi snāto naraścākṣayamāpnuyāt

पूर्णिमा को समुद्र-स्नान से जो पुण्य मिलता है, वही अक्षय पुण्य मनुष्य को इस पर्व पर यहाँ स्नान करने से मिलता है।

श्लोक 79 (skanda.2.186.79)

तस्मादत्र विधानेन स्नातव्यं पुत्रकांक्षया आश्विने पौर्णमास्यां तु विशेषात्स्नानमाचरेत्

tasmādatra vidhānena snātavyaṁ putrakāṁkṣayā āśvine paurṇamāsyāṁ tu viśeṣātsnānamācaret

इसलिए यहाँ विधिपूर्वक पुत्र-कामना से स्नान करना चाहिए; विशेष रूप से आश्विन पूर्णिमा को स्नान करना चाहिए।

श्लोक 80 (skanda.2.186.80)

एवं कुर्वन्नरो विद्वान्सर्वपापैः प्रमुच्यते अत्र स्नात्वा नरो दत्त्वा यथाशक्त्या दिवं व्रजेत्

evaṁ kurvannaro vidvānsarvapāpaiḥ pramucyate atra snātvā naro dattvā yathāśaktyā divaṁ vrajet

ऐसा करने वाला विद्वान् मनुष्य समस्त पापों से मुक्त हो जाता है; यहाँ स्नान करके तथा यथाशक्ति दान देकर मनुष्य स्वर्ग जाता है।

श्लोक 81 (skanda.2.186.81)

सागरान्नैर्ऋते भागे योगिनीकुण्डमुत्तमम् यत्राऽऽसते चतुःषष्टियोगिन्यो जलसंस्थिताः

sāgarānnairṛte bhāge yoginīkuṇḍamuttamam yatrā’’sate catuḥṣaṣṭiyoginyo jalasaṁsthitāḥ

सागर से नैऋत्य दिशा में उत्तम योगिनीकुण्ड है, जहाँ चौंसठ योगिनियाँ जल में स्थित रहती हैं,

श्लोक 82 (skanda.2.186.82)

सर्वार्थसिद्धिदाः पुंसां स्त्रीणां चैव विशेषतः परसिद्धिप्रदाः सर्वाः सर्वकामफलप्रदाः

sarvārthasiddhidāḥ puṁsāṁ strīṇāṁ caiva viśeṣataḥ parasiddhipradāḥ sarvāḥ sarvakāmaphalapradāḥ

जो पुरुषों की तथा विशेष रूप से स्त्रियों की सभी अभिलाषाओं को सिद्ध करने वाली हैं, सभी परम सिद्धि तथा समस्त कामनाओं का फल देने वाली हैं।

श्लोक 83 (skanda.2.186.83)

आश्विने शुक्लपक्षस्य अष्टम्यां च विशेषतः स्नातव्यं च प्रयत्नेन योगिनीप्रीतये नृभिः

āśvine śuklapakṣasya aṣṭamyāṁ ca viśeṣataḥ snātavyaṁ ca prayatnena yoginīprītaye nṛbhiḥ

आश्विन शुक्ल पक्ष की अष्टमी को विशेष रूप से मनुष्यों को योगिनियों की प्रसन्नता के लिए यत्नपूर्वक स्नान करना चाहिए।

श्लोक 84 (skanda.2.186.84)

अत्र स्नानं तथा दानं सर्वं सफलतां व्रजेत् यक्षिणीप्रभृतयः सिद्धा भवंत्यत्र न संशयः

atra snānaṁ tathā dānaṁ sarvaṁ saphalatāṁ vrajet yakṣiṇīprabhṛtayaḥ siddhā bhavaṁtyatra na saṁśayaḥ

यहाँ स्नान तथा दान सब सफल हो जाते हैं; यक्षिणी आदि यहाँ सिद्ध हो जाती हैं — इसमें सन्देह नहीं।

श्लोक 85 (skanda.2.186.85)

योगिनीकुंडतः पूर्वमुर्वशीकुण्डमुत्तमम् यत्र स्नातो नरो विद्वन्नुर्वशीं दिवि संश्रयेत्

yoginīkuṁḍataḥ pūrvamurvaśīkuṇḍamuttamam yatra snāto naro vidvannurvaśīṁ divi saṁśrayet

योगिनीकुण्ड से पूर्व दिशा में उत्तम उर्वशीकुण्ड है, जहाँ स्नान करके, हे विद्वन्, मनुष्य स्वर्ग में उर्वशी का सामीप्य पाता है।

श्लोक 86 (skanda.2.186.86)

पुरा किल मुनिर्धीरो रैभ्यो नाम तपोधनः चचार हिमवत्पार्श्वे निराहारो जितेन्द्रियः

purā kila munirdhīro raibhyo nāma tapodhanaḥ cacāra himavatpārśve nirāhāro jitendriyaḥ

पूर्वकाल में रैभ्य नामक धीर, तपोधन मुनि हिमालय के पार्श्व में निराहार, जितेन्द्रिय होकर तपस्या करते थे।

श्लोक 87 (skanda.2.186.87)

तत्तपो विपुलं दृष्ट्वा भीतः सुरपतिस्ततः उर्वशीं प्रेषयामास तपोविघ्नाय चादरात्

tattapo vipulaṁ dṛṣṭvā bhītaḥ surapatistataḥ urvaśīṁ preṣayāmāsa tapovighnāya cādarāt

उस विपुल तप को देखकर भयभीत हुए देवराज इन्द्र ने तप में विघ्न डालने के लिए आदरपूर्वक उर्वशी को भेजा।

श्लोक 88 (skanda.2.186.88)

ततः सा प्रेषिता तेनाजगाम गजगामिनी उवास हिमवत्पार्श्वे रैभ्याश्रममनुत्तमम्

tataḥ sā preṣitā tenājagāma gajagāminī uvāsa himavatpārśve raibhyāśramamanuttamam

तब उसके द्वारा भेजी गई वह गजगामिनी वहाँ आई, तथा हिमालय के पार्श्व में रैभ्य के अनुपम आश्रम में रहने लगी,

श्लोक 89 (skanda.2.186.89)

वनफुल्ललताकुञ्जे मञ्जुकूजद्विहंगमे किन्नरीकेलिसंगीतस्तिमितांगकुरंगके

vanaphullalatākuñje mañjukūjadvihaṁgame kinnarīkelisaṁgītastimitāṁgakuraṁgake

वन में खिली लताओं के कुंज में, जहाँ पक्षी मधुर कूजते थे, जहाँ किन्नरियों के क्रीड़ा-संगीत से मृग स्तब्ध खड़े रहते थे,

श्लोक 90 (skanda.2.186.90)

पुन्नागकेशराशोकच्छिन्नकिजल्कपिंजरे कल्पिते कांचनगिरौ द्वितीय इव वेधसा

punnāgakeśarāśokacchinnakijalkapiṁjare kalpite kāṁcanagirau dvitīya iva vedhasā

पुन्नाग, केसर तथा अशोक के बिखरे पराग से पिंगल, मानो विधाता द्वारा रचित दूसरे स्वर्णगिरि में,

श्लोक 91 (skanda.2.186.91)

सा बभौ कांतिसर्वस्वकोशः कुसुमधन्वनः उर्वश्यनल्पसामान्यलावण्यामृतवाहिनी

sā babhau kāṁtisarvasvakośaḥ kusumadhanvanaḥ urvaśyanalpasāmānyalāvaṇyāmṛtavāhinī

वह उर्वशी काम की सम्पूर्ण कान्ति के कोश के समान, अनुपम, असाधारण लावण्य के अमृत की धारा बहाती हुई शोभित हुई,

श्लोक 92 (skanda.2.186.92)

अंगप्रभासुवर्णेन सितमौक्तिकशोभिता तारुण्यरुचिरत्वेन तारुण्येन विभूषिता

aṁgaprabhāsuvarṇena sitamauktikaśobhitā tāruṇyaruciratvena tāruṇyena vibhūṣitā

अंग की स्वर्णिम प्रभा से तथा श्वेत मोतियों से शोभित, तारुण्य की रुचिरता से तथा यौवन से विभूषित,

श्लोक 93 (skanda.2.186.93)

विलोमलोचनापांगतरंगधवलत्विषा नवपल्लवसच्छायं कल्पयन्ती निजाधरम्

vilomalocanāpāṁgataraṁgadhavalatviṣā navapallavasacchāyaṁ kalpayantī nijādharam

तिरछी दृष्टि के कोरों की तरंगों की धवल कान्ति वाली, नई कोंपल के समान छवि अपने अधरों में रचती हुई,

श्लोक 94 (skanda.2.186.94)

कर्णोपलम्बिसंघुष्यद्भृङ्गाढ्यचूतमञ्जरी सुधागर्भसमुद्भूता पारिजातलता यथा

karṇopalambisaṁghuṣyadbhṛṅgāḍhyacūtamañjarī sudhāgarbhasamudbhūtā pārijātalatā yathā

कानों में लटकती, गुंजार करते भ्रमरों से युक्त आम्रमंजरी वाली, मानो अमृत के गर्भ से उत्पन्न पारिजात-लता के समान,

श्लोक 95 (skanda.2.186.95)

तनुमध्या पृथुश्रोणिर्वर्णोद्भिन्नपयोधरा निःशाणितशरस्येव शक्तिः कुसुमधन्वनः

tanumadhyā pṛthuśroṇirvarṇodbhinnapayodharā niḥśāṇitaśarasyeva śaktiḥ kusumadhanvanaḥ

पतली कमर, विशाल नितम्ब, वर्ण से पृथक् दिखते स्तन वाली, मानो काम की बिना पैनी की गई शक्ति के समान,

श्लोक 96 (skanda.2.186.96)

अपश्यदाश्रमे तस्मिन्मुनिरायतलोचनाम् नयनानलदाहेन विदग्धेन मनोभुवा

apaśyadāśrame tasminmunirāyatalocanām nayanānaladāhena vidagdhena manobhuvā

उस आश्रम में मुनि ने विशाल नेत्रों वाली उसे देखा, और नेत्रों से प्रवेश करते काम की अग्नि से उनका मन दग्ध हो गया,

श्लोक 97 (skanda.2.186.97)

त्रिनेत्रवंचनायैव कल्पितां ललनातनुम् तामाश्रमलतापुष्पकांचीरचितकुण्डलाम्

trinetravaṁcanāyaiva kalpitāṁ lalanātanum tāmāśramalatāpuṣpakāṁcīracitakuṇḍalām

त्रिनेत्रधारी शिव को भी छलने के लिए रची गई मानो वह स्त्री-देह थी, आश्रम की लताओं के पुष्पों से बनी करधनी और कुण्डल वाली,

श्लोक 98 (skanda.2.186.98)

विलोक्य तां विशालाक्षीं मुनिर्व्याकुलितेन्द्रियः बभूव रोषसंतप्तः शशाप च बहु ज्वलन्

vilokya tāṁ viśālākṣīṁ munirvyākulitendriyaḥ babhūva roṣasaṁtaptaḥ śaśāpa ca bahu jvalan

उस विशाल नेत्रों वाली को देखकर मुनि की इन्द्रियाँ व्याकुल हो गईं, वे क्रोध से संतप्त हो उठे और अत्यन्त जलते हुए शाप दिया।

श्लोक 99 (skanda.2.186.99)

रैभ्य उवाच कुरूपतां व्रज क्षिप्रं या त्वं सौंदर्यगर्विता समागता तपोविघ्नहेतवे मम सन्निधौ

raibhya uvāca kurūpatāṁ vraja kṣipraṁ yā tvaṁ sauṁdaryagarvitā samāgatā tapovighnahetave mama sannidhau

रैभ्य ने कहा — तुम, जो सौन्दर्य के गर्व से मेरी तपस्या में विघ्न डालने के लिए यहाँ आई हो, शीघ्र कुरूपता को प्राप्त हो जाओ!

श्लोक 100 (skanda.2.186.100)

अगस्त्य उवाच इति शप्ता रुषा तेन मुनिना सा शुभेक्षणा उवाच वनिता भूत्वा प्रांजलिर्मुनिमादरात्

agastya uvāca iti śaptā ruṣā tena muninā sā śubhekṣaṇā uvāca vanitā bhūtvā prāṁjalirmunimādarāt

अगस्त्य ने कहा — उस मुनि द्वारा क्रोधवश ऐसा शाप दिए जाने पर, वह शुभनेत्रा साधारण स्त्री बनकर हाथ जोड़कर आदरपूर्वक मुनि से बोली।

श्लोक 101 (skanda.2.186.101)

उर्वश्युवाच भगवन्मे प्रसीद त्वं पराधीना यतस्त्वहम् त्वच्छापस्य कथं मुक्तिर्भविता नियतव्रत

urvaśyuvāca bhagavanme prasīda tvaṁ parādhīnā yatastvaham tvacchāpasya kathaṁ muktirbhavitā niyatavrata

उर्वशी ने कहा — हे भगवन्, मुझ पर प्रसन्न हों, क्योंकि मैं पराधीन थी; हे नियतव्रत, आपके शाप से मुक्ति कैसे होगी?

श्लोक 102 (skanda.2.186.102)

रैभ्य उवाच अयोध्यायामस्ति तीर्थं पावनं परमं महत् तत्र स्नानं कुरुष्वाद्य सौंदर्यं परमाप्नुहि

raibhya uvāca ayodhyāyāmasti tīrthaṁ pāvanaṁ paramaṁ mahat tatra snānaṁ kuruṣvādya sauṁdaryaṁ paramāpnuhi

रैभ्य ने कहा — अयोध्या में एक अत्यन्त पावन, परम महान् तीर्थ है; वहाँ आज स्नान करो, परम सौन्दर्य प्राप्त करो।

श्लोक 103 (skanda.2.186.103)

त्वन्नाम्नैव च विख्यातिं तोयं यास्यति तद्ध्रुवम्

tvannāmnaiva ca vikhyātiṁ toyaṁ yāsyati taddhruvam

और वह जल निश्चय ही तुम्हारे नाम से ही विख्यात होगा।

श्लोक 104 (skanda.2.186.104)

अगस्त्य उवाच एवं सा विप्रवचसा विदधे सर्वमादरात् सुन्दरी साऽभवत्क्षिप्रं तत्स्थानं ख्यातिमाययौ

agastya uvāca evaṁ sā vipravacasā vidadhe sarvamādarāt sundarī sā’bhavatkṣipraṁ tatsthānaṁ khyātimāyayau

अगस्त्य ने कहा — ब्राह्मण के इस वचन के अनुसार उसने आदरपूर्वक सब कुछ किया; वह शीघ्र सुन्दरी हो गई, और वह स्थान ख्याति को प्राप्त हुआ।

श्लोक 105 (skanda.2.186.105)

अत्र स्नानं मुनिश्रेष्ठ यः कुर्याद्विधिवज्जनः सौंदर्यं परमं तस्य भवेत्तत्र न संशयः

atra snānaṁ muniśreṣṭha yaḥ kuryādvidhivajjanaḥ sauṁdaryaṁ paramaṁ tasya bhavettatra na saṁśayaḥ

हे मुनिश्रेष्ठ, यहाँ जो व्यक्ति विधिपूर्वक स्नान करता है, उसे परम सौन्दर्य प्राप्त होता है — इसमें सन्देह नहीं।

श्लोक 106 (skanda.2.186.106)

भाद्रे शुक्लतृतीयायां यात्रा सांवत्सरी भवेत् विष्णुरत्र जनैः पूज्यः सर्वकामार्थसिद्धये

bhādre śuklatṛtīyāyāṁ yātrā sāṁvatsarī bhavet viṣṇuratra janaiḥ pūjyaḥ sarvakāmārthasiddhaye

भाद्रपद शुक्ल तृतीया को वार्षिक यात्रा होती है; यहाँ लोगों को सभी कामनाओं तथा अर्थों की सिद्धि के लिए विष्णु की पूजा करनी चाहिए।

श्लोक 107 (skanda.2.186.107)

एवं कुर्वन्नरो विद्वान्विष्णुलोके वसेत्सदा नरो वा यदि वा नारी सर्वान्कामानवाप्नुयात्

evaṁ kurvannaro vidvānviṣṇuloke vasetsadā naro vā yadi vā nārī sarvānkāmānavāpnuyāt

ऐसा करने वाला विद्वान् मनुष्य सदा विष्णुलोक में निवास करता है; पुरुष हो या स्त्री, वह सभी कामनाओं को प्राप्त करता है।

श्लोक 108 (skanda.2.186.108)

घोषार्ककुंडं परममुर्वशीकुंडदक्षिणे वर्तते मुनिशार्दूल सर्वपापापहं सदा

ghoṣārkakuṁḍaṁ paramamurvaśīkuṁḍadakṣiṇe vartate muniśārdūla sarvapāpāpahaṁ sadā

हे मुनिशार्दूल, उर्वशीकुण्ड से दक्षिण में परम घोषार्ककुण्ड स्थित है, जो सदा समस्त पापों का नाशक है,

श्लोक 109 (skanda.2.186.109)

यत्र स्नानेन दानेन सूर्यलोके महीयते एतत्तीर्थस्य सदृशं नापरं विद्यते क्वचित्

yatra snānena dānena sūryaloke mahīyate etattīrthasya sadṛśaṁ nāparaṁ vidyate kvacit

जहाँ स्नान तथा दान से मनुष्य सूर्यलोक में प्रतिष्ठित होता है; इस तीर्थ के समान अन्य कोई कहीं भी विद्यमान नहीं है।

श्लोक 110 (skanda.2.186.110)

व्रणी कुष्ठी दरिद्री वा दुःखाक्रांतोऽपि यो नरः करोति विधिवत्स्नानं सर्वान्कामानवाप्नुयात्

vraṇī kuṣṭhī daridrī vā duḥkhākrāṁto’pi yo naraḥ karoti vidhivatsnānaṁ sarvānkāmānavāpnuyāt

घाव वाला, कुष्ठी, दरिद्र अथवा दुःखग्रस्त भी जो मनुष्य यहाँ विधिपूर्वक स्नान करता है, वह सभी कामनाओं को प्राप्त करता है।

श्लोक 111 (skanda.2.186.111)

रविवारे विशेषेण कर्त्तव्यं स्नानमादरात् भाद्रे मासि तथा माघे शुक्लषष्ठ्यां प्रयत्नतः

ravivāre viśeṣeṇa karttavyaṁ snānamādarāt bhādre māsi tathā māghe śuklaṣaṣṭhyāṁ prayatnataḥ

रविवार को विशेष रूप से आदरपूर्वक स्नान करना चाहिए; तथा भाद्रपद तथा माघ मास की शुक्ल षष्ठी को भी यत्नपूर्वक,

श्लोक 112 (skanda.2.186.112)

कर्त्तव्यं विधिवत्स्नानं सूर्यलोकाभिकांक्षया पौषे मासि तथा स्नानं सूर्यवारे विशेषतः

karttavyaṁ vidhivatsnānaṁ sūryalokābhikāṁkṣayā pauṣe māsi tathā snānaṁ sūryavāre viśeṣataḥ

सूर्यलोक की कामना से विधिपूर्वक स्नान करना चाहिए; पौष मास में भी विशेष रूप से रविवार को स्नान करना चाहिए,

श्लोक 113 (skanda.2.186.113)

सप्तम्यां रवियुक्तायां स्नानं बहुफलप्रदम् घोषाभिधोऽभवत्पूर्वं सूर्यवंशे नरेश्वरः

saptamyāṁ raviyuktāyāṁ snānaṁ bahuphalapradam ghoṣābhidho’bhavatpūrvaṁ sūryavaṁśe nareśvaraḥ

तथा रविवार से युक्त सप्तमी को स्नान बहुत फल देने वाला है। पूर्वकाल में सूर्यवंश में घोष नामक राजा हुआ,

श्लोक 114 (skanda.2.186.114)

समुद्रमेखलामेकः पृथिवीं समपालयत् यस्य कीर्त्या प्रकाशंते त्रिलोकीमंडलानि वै

samudramekhalāmekaḥ pṛthivīṁ samapālayat yasya kīrtyā prakāśaṁte trilokīmaṁḍalāni vai

जिसने अकेले ही समुद्र-मेखला वाली पृथ्वी का पालन किया, जिसकी कीर्ति से तीनों लोकों के मण्डल प्रकाशित होते थे,

श्लोक 115 (skanda.2.186.115)

यः प्रतापात्स्फुरन्भाति प्रभाकर इवापरः प्रचंडतरदोर्दंडखंडितारातिमंडलः

yaḥ pratāpātsphuranbhāti prabhākara ivāparaḥ pracaṁḍataradordaṁḍakhaṁḍitārātimaṁḍalaḥ

जो प्रताप से दूसरे सूर्य के समान चमकता था, जिसने अपनी अत्यन्त प्रचण्ड भुजाओं से शत्रुओं के समूह को खण्डित कर दिया था,

श्लोक 116 (skanda.2.186.116)

स कदाचित्प्रजापालो मंत्त्रिविन्यस्तभूतलः बभ्राम मृगयासक्तो वनेऽतिगहनद्रुमे

sa kadācitprajāpālo maṁttrivinyastabhūtalaḥ babhrāma mṛgayāsakto vane’tigahanadrume

वह प्रजापालक राजा एक बार पृथ्वी को मन्त्रियों को सौंपकर शिकार में आसक्त होकर अत्यन्त सघन वृक्षों वाले वन में विचरण करने लगा।

श्लोक 117 (skanda.2.186.117)

स राजा पूर्वजन्मोत्थपापैरशुभसूचकैः कृमिव्याप्तकरांभोजः सुन्दरोपि गतस्मयः

sa rājā pūrvajanmotthapāpairaśubhasūcakaiḥ kṛmivyāptakarāṁbhojaḥ sundaropi gatasmayaḥ

वह राजा, पूर्वजन्म से उत्पन्न अशुभसूचक पापों के कारण, अपने कमल-हाथ में कीड़ों से भरा हुआ, सुन्दर होते हुए भी गर्वरहित हो गया था,

श्लोक 118 (skanda.2.186.118)

मृगयायामभूदेकः कदाचित्पर्यटन्वने वराहसिंहहरिणान्निघ्नन्गच्छन्नितस्ततः

mṛgayāyāmabhūdekaḥ kadācitparyaṭanvane varāhasiṁhahariṇānnighnangacchannitastataḥ

शिकार में एक बार अकेला वन में इधर-उधर घूमते हुए, वराह, सिंह तथा मृगों को मारते हुए,

श्लोक 119 (skanda.2.186.119)

तृषाक्रान्तो म्लानतनुः सरोऽपश्यत्पुरो नृपः ददर्श तत्र च मुनीन्स्नानसंध्यादितत्परान्

tṛṣākrānto mlānatanuḥ saro’paśyatpuro nṛpaḥ dadarśa tatra ca munīnsnānasaṁdhyāditatparān

प्यास से आक्रान्त, थके हुए शरीर वाले राजा ने सामने एक सरोवर देखा, तथा वहाँ स्नान-सन्ध्या आदि में तत्पर मुनियों को देखा।

श्लोक 120 (skanda.2.186.120)

ततो विधिवदाचम्य स्नानं चक्रे नरेश्वरः ततो दिव्यशरीरोऽभूदानंदामलमानसः

tato vidhivadācamya snānaṁ cakre nareśvaraḥ tato divyaśarīro’bhūdānaṁdāmalamānasaḥ

तब विधिपूर्वक आचमन करके राजा ने स्नान किया; तब उसका शरीर दिव्य हो गया तथा मन आनन्द से निर्मल हो गया।

श्लोक 121 (skanda.2.186.121)

मुनिभिस्तीर्थमाज्ञाय चक्रे सूर्य्यस्तुतिं प्रियाम्

munibhistīrthamājñāya cakre sūryyastutiṁ priyām

मुनियों से तीर्थ की महिमा जानकर उसने सूर्य की यह प्रिय स्तुति की।

श्लोक 122 (skanda.2.186.122)

राजोवाच भगवन्देवदेवेश नमस्तुभ्यं चिदात्मने नमः सवित्रे सूर्याय जगदानंददायिने

rājovāca bhagavandevadeveśa namastubhyaṁ cidātmane namaḥ savitre sūryāya jagadānaṁdadāyine

राजा ने कहा — हे भगवन्, देवदेवेश, चिदात्मा आपको नमस्कार; सवितृ, सूर्य, जगत् को आनन्द देने वाले को नमस्कार,

श्लोक 123 (skanda.2.186.123)

प्रभागेहाय देवाय त्रयीभूताय ते नमः विवस्वते नमस्तुभ्यं योगज्ञाय सदात्मने

prabhāgehāya devāya trayībhūtāya te namaḥ vivasvate namastubhyaṁ yogajñāya sadātmane

प्रभा-गृह देव, त्रयीस्वरूप आपको नमस्कार; विवस्वान् को नमस्कार, योगज्ञ, सदात्मा को नमस्कार,

श्लोक 124 (skanda.2.186.124)

पराय परमेशाय त्रिलोकीतिमिरच्छिदे अचिन्त्याय सदा तुभ्यं नमो भास्करतेजसे

parāya parameśāya trilokītimiracchide acintyāya sadā tubhyaṁ namo bhāskaratejase

पर, परमेश, त्रिलोकी के अन्धकार को छेदने वाले को; अचिन्त्य, आपको सदा नमस्कार, भास्कर-तेज को नमस्कार,

श्लोक 125 (skanda.2.186.125)

योगप्रियाय योगाय योगज्ञाय सदा नमः ॐकाराय वषट्काररूपिणे ज्ञानरूपिणे

yogapriyāya yogāya yogajñāya sadā namaḥ oṁkārāya vaṣaṭkārarūpiṇe jñānarūpiṇe

योग-प्रिय, योग-स्वरूप, योगज्ञ को सदा नमस्कार; ॐकार, वषट्कार-रूप, ज्ञान-रूप को,

श्लोक 126 (skanda.2.186.126)

यज्ञाय यज्ञमानाय हविषे ऋत्विजे नमः रोगघ्नाय स्वरूपाय कमलानंददायिने

yajñāya yajñamānāya haviṣe ṛtvije namaḥ rogaghnāya svarūpāya kamalānaṁdadāyine

यज्ञ, यज्ञमान, हवि तथा ऋत्विज् को नमस्कार; रोगनाशक, स्वरूप, कमल को आनन्द देने वाले को,

श्लोक 127 (skanda.2.186.127)

अतिसौम्यातितीक्ष्णाय सुराणां पतये नमः सत्राशाय नमस्तुभ्यं भक्तत्राय प्रियात्मने

atisaumyātitīkṣṇāya surāṇāṁ pataye namaḥ satrāśāya namastubhyaṁ bhaktatrāya priyātmane

अत्यन्त सौम्य, अत्यन्त तीक्ष्ण, देवताओं के स्वामी को नमस्कार; सत्रों के आश्रय, भक्तों के रक्षक, प्रिय-स्वभाव आपको नमस्कार,

श्लोक 128 (skanda.2.186.128)

प्रकाशकाय सततं लोकानां हितकारिणे प्रसीद प्रणतायाद्य मह्यं भक्तिकृते स्वयम्

prakāśakāya satataṁ lokānāṁ hitakāriṇe prasīda praṇatāyādya mahyaṁ bhaktikṛte svayam

सदा प्रकाशक, लोकों के हितकारी को — आज प्रणत, स्वयं आपकी भक्ति करने वाले मुझ पर प्रसन्न हों।

श्लोक 129 (skanda.2.186.129)

अगस्त्य उवाच इत्येवं ब्रुवतस्तस्य स प्रसन्नो रविः स्वयम् आविर्बभूव सहसा भक्तस्य प्रियकाम्यया उवाच मधुरं वाक्यं प्रश्रयानतमूर्द्धजम्

agastya uvāca ityevaṁ bruvatastasya sa prasanno raviḥ svayam āvirbabhūva sahasā bhaktasya priyakāmyayā uvāca madhuraṁ vākyaṁ praśrayānatamūrddhajam

अगस्त्य ने कहा — इस प्रकार कहते हुए उस राजा के समक्ष प्रसन्न होकर स्वयं सूर्य भक्त की प्रिय-कामना से सहसा प्रकट हुए, और विनयपूर्वक झुके सिर वाले उससे मधुर वचन कहा।

श्लोक 130 (skanda.2.186.130)

रविरुवाच वरं वरय राजेंद्र प्रसन्नोऽस्मि तवाग्रतः ददामि तद्वरं तेऽद्य यत्त्वया मनसेप्सितम्

raviruvāca varaṁ varaya rājeṁdra prasanno’smi tavāgrataḥ dadāmi tadvaraṁ te’dya yattvayā manasepsitam

रवि ने कहा — हे राजेन्द्र, वर माँगो, मैं तुम्हारे समक्ष प्रसन्न हूँ; तुम्हारे मन में जो अभीष्ट है, वह वर मैं आज तुम्हें देता हूँ।

श्लोक 131 (skanda.2.186.131)

राजोवाच भगवन्भास्करानंत प्रयच्छसि वरं यदि मन्नाम्ना कृतमूर्त्तिस्ते तिष्ठत्वत्र सदा विभो

rājovāca bhagavanbhāskarānaṁta prayacchasi varaṁ yadi mannāmnā kṛtamūrttiste tiṣṭhatvatra sadā vibho

राजा ने कहा — हे भगवन् भास्कर, हे अनन्त, यदि आप वर देते हैं, तो हे विभु, मेरे नाम से बनी मूर्ति यहाँ सदा स्थित रहे।

श्लोक 132 (skanda.2.186.132)

रविरुवाच एवमस्तु मनुष्येंद्र तव वांछा मनोहरा एतत्स्तोत्रं त्वयोक्तं मे ये पठिष्यंति मानवाः

raviruvāca evamastu manuṣyeṁdra tava vāṁchā manoharā etatstotraṁ tvayoktaṁ me ye paṭhiṣyaṁti mānavāḥ

रवि ने कहा — हे मनुष्येन्द्र, ऐसा ही हो, तुम्हारी इच्छा मनोहर है; जो मनुष्य तुम्हारे द्वारा कहे गए इस स्तोत्र को पढ़ेंगे,

श्लोक 133 (skanda.2.186.133)

तेभ्यस्तुष्टः प्रदास्यामि सर्वान्कामान्नरेश्वर एतत्स्थानं परां ख्यातिं त्वन्नाम्ना यास्यति क्षितौ

tebhyastuṣṭaḥ pradāsyāmi sarvānkāmānnareśvara etatsthānaṁ parāṁ khyātiṁ tvannāmnā yāsyati kṣitau

उनसे प्रसन्न होकर, हे नरेश्वर, मैं सभी कामनाएँ प्रदान करूँगा; यह स्थान पृथ्वी पर तुम्हारे नाम से परम ख्याति को प्राप्त होगा।

श्लोक 134 (skanda.2.186.134)

सर्वान्कामानवाप्नोति योऽत्र स्नानं समाचरेत् मद्भक्तेन सदा राजन्कर्त्तव्यं स्नानमत्र वै

sarvānkāmānavāpnoti yo’tra snānaṁ samācaret madbhaktena sadā rājankarttavyaṁ snānamatra vai

यहाँ जो स्नान करता है, वह सभी कामनाओं को प्राप्त करता है; हे राजन्, मेरे भक्त को यहाँ सदा स्नान करना चाहिए।

श्लोक 135 (skanda.2.186.135)

यंयं काममिहेच्छेत तंतं काममवाप्नुयात्

yaṁyaṁ kāmamiheccheta taṁtaṁ kāmamavāpnuyāt

यहाँ जो-जो कामना की जाए, वह-वह कामना प्राप्त होती है।

श्लोक 136 (skanda.2.186.136)

अगस्त्य उवाच इति दत्त्वा वरं देवः कृपया परया युतः भास्वान्सहस्रकिरणस्तदान्तर्द्धानमाययौ

agastya uvāca iti dattvā varaṁ devaḥ kṛpayā parayā yutaḥ bhāsvānsahasrakiraṇastadāntarddhānamāyayau

अगस्त्य ने कहा — इस प्रकार परम कृपापूर्वक वर देकर सहस्रकिरण भास्वान् देव तब अन्तर्धान हो गए।

श्लोक 137 (skanda.2.186.137)

राजा भास्करदेहोत्थां रविमूर्त्तिमनुत्तमाम् तत्र संस्थापयामास पूजयामास च स्वयम्

rājā bhāskaradehotthāṁ ravimūrttimanuttamām tatra saṁsthāpayāmāsa pūjayāmāsa ca svayam

राजा ने भास्कर की देह से उत्पन्न अनुपम सूर्य-मूर्ति वहाँ स्थापित की तथा स्वयं उसकी पूजा की।

श्लोक 138 (skanda.2.186.138)

घोषार्ककुण्डं तन्नाम्ना तत्र ख्यातिं जगाम ह यत्र स्नानान्नरो राजन्सूर्य्यलोके वसेत्सदा

ghoṣārkakuṇḍaṁ tannāmnā tatra khyātiṁ jagāma ha yatra snānānnaro rājansūryyaloke vasetsadā

वह स्थान उसी के नाम से 'घोषार्ककुण्ड' नाम से विख्यात हुआ; हे राजन्, जहाँ स्नान से मनुष्य सदा सूर्यलोक में निवास करता है।

श्लोक 139 (skanda.2.186.139)

इति रुचिरविधानैस्तूर्णमादित्यमूर्त्तिं विमलपरमभक्त्या पूजयित्वाऽऽदरेण तदमृतमयकुण्डे स्नानमादौ विधाय प्रचुरविमलकीर्तिः सूर्यलोके वसेत्सः

iti ruciravidhānaistūrṇamādityamūrttiṁ vimalaparamabhaktyā pūjayitvā’’dareṇa tadamṛtamayakuṇḍe snānamādau vidhāya pracuravimalakīrtiḥ sūryaloke vasetsaḥ

इस प्रकार सुन्दर विधानों से शीघ्र ही आदित्य-मूर्ति की निर्मल परम भक्ति से पूजा करके, फिर उस अमृतमय कुण्ड में पहले स्नान करके, प्रचुर निर्मल कीर्ति वाला मनुष्य सूर्यलोक में निवास करता है।