भरद्वाजाश्रम वर्णन

श्लोक 1 (skanda.2.30.1)

सूत उवाच । तथा सर्वाणि तीर्थानि समालोक्यागतस्य च । मुदं प्रगुणयाञ्चके सा पार्थस्य महापगा ।

sūta uvāca tathā sarvāṇi tīrthāni samālokyāgatasya ca mudaṁ praguṇayāñcake sā pārthasya mahāpagā

सूत जी ने कहा — इस प्रकार समस्त तीर्थों को देखकर आए हुए पार्थ को उस महानदी ने भरपूर आनंद प्रदान किया।

श्लोक 2 (skanda.2.30.2)

यस्यास्तटनिकुञ्जेषु मोदन्ते वनिताः सुखाः । सिद्धाः संसेविता वातैः शीकरासारशीतलैः ।

yasyāstaṭanikuñjeṣu modante vanitāḥ sukhāḥ siddhāḥ saṁsevitā vātaiḥ śīkarāsāraśītalaiḥ

जिसके तटवर्ती कुंजों में सुखी वनिताएँ आनंदित होती हैं, और सिद्धगण फुहारों से शीतल वायु से सेवित होते हैं।

श्लोक 3 (skanda.2.30.3)

या समुद्यतहस्तेव गङ्गामाकाशवाहिनीम् । आलिंगितुं समुत्तुंगैः कल्लोलैरभ्रसंगिभिः ।

yā samudyatahasteva gaṅgāmākāśavāhinīm āliṁgituṁ samuttuṁgaiḥ kallolairabhrasaṁgibhiḥ

वह मानो हाथ उठाकर — अपनी ऊँची, मेघस्पर्शी लहरों से — आकाशगामिनी गंगा का आलिंगन करना चाहती हो।

श्लोक 4 (skanda.2.30.4)

धूमैराहुतिसंभूतैस्तरुशाखोपलंभिभिः । वल्कलैश्च विराजन्ते यत्तटाश्रमभूमयः ।

dhūmairāhutisaṁbhūtaistaruśākhopalaṁbhibhiḥ valkalaiśca virājante yattaṭāśramabhūmayaḥ

जिसके तटवर्ती आश्रम-भूमियाँ हवन से उत्पन्न धूम से, जो वृक्षों की शाखाओं में उलझी है, और वल्कल वस्त्रों से शोभित हैं।

श्लोक 5 (skanda.2.30.5)

मुनीन्द्रैः सुरवर्यैश्च स्थापितानि समन्ततः । यत्तटद्वितये भांति दिव्यलिंगानि शूलिनः ।

munīndraiḥ suravaryaiśca sthāpitāni samantataḥ yattaṭadvitaye bhāṁti divyaliṁgāni śūlinaḥ

जिसके दोनों तटों पर मुनीन्द्रों और श्रेष्ठ देवताओं द्वारा सर्वत्र स्थापित त्रिशूलधारी शिव के दिव्य लिंग शोभित हैं।

श्लोक 6 (skanda.2.30.6)

यदीयसैकतावासविश्रान्ता मानसं सरः । न स्मरंति निजावासं मराला विहगोत्तमाः ।

yadīyasaikatāvāsaviśrāntā mānasaṁ saraḥ na smaraṁti nijāvāsaṁ marālā vihagottamāḥ

जिसके बालू-तट पर विश्राम करते हुए राजहंस, पक्षियों में श्रेष्ठ होते हुए भी, अपने मानसरोवर निवास को भूल जाते हैं।

श्लोक 7 (skanda.2.30.7)

शमितावग्रहातंकैः कुल्यामुखविनिर्गतैः । पुष्णाति तोयैः सस्यानि लोकरक्षाक्षमाणि या ।

śamitāvagrahātaṁkaiḥ kulyāmukhavinirgataiḥ puṣṇāti toyaiḥ sasyāni lokarakṣākṣamāṇi yā

जो अपनी नहरों के मुख से निकले जल से, जिसने अनावृष्टि की पीड़ा शांत कर दी है, लोक-रक्षा में समर्थ फसलों को पोषित करती है।

श्लोक 8 (skanda.2.30.8)

चक्रवाककुचोत्तुंगवीचिवल्लीविभूषिता । आवर्तनाभिविलसत्सैकतश्रोणिमण्डला ।

cakravākakucottuṁgavīcivallīvibhūṣitā āvartanābhivilasatsaikataśroṇimaṇḍalā

जो चक्रवाक-युगलों रूपी स्तनों से सुशोभित अपनी ऊँची लहर-लताओं से, और भँवर-नाभियों में शोभित बालू-नितंबों से युक्त है।

श्लोक 9 (skanda.2.30.9)

प्रफुल्लपद्मवदना चलन्मीनयुगेक्षणा । विलसत्फेनवसना हंसयानमनोहरा ।

praphullapadmavadanā calanmīnayugekṣaṇā vilasatphenavasanā haṁsayānamanoharā

जिसका मुख खिले हुए कमल के समान, चंचल मीन-युगल जिसकी आँखें, चमकते फेन का वस्त्र, और हंसों पर सवार मनोहर रूप है।

श्लोक 10 (skanda.2.30.10)

जलपक्षिरवालापा नयनानन्दकारिणी । अपूर्वकामिनीरूपा या विभात्यम्बुधिप्रिया ।

jalapakṣiravālāpā nayanānandakāriṇī apūrvakāminīrūpā yā vibhātyambudhipriyā

जिसकी वाणी जल-पक्षियों का कलरव है, जो नेत्रों को आनंद देने वाली है, अपूर्व कामिनी-रूप में समुद्र की प्रिया के समान शोभित होती है।

श्लोक 11 (skanda.2.30.11)

रोधस्यन्तरवाहिन्या नद्याः प्राच्यां धनञ्जयः । ददर्श शैलमुत्तुंगं कालहस्तिसमाहयम् ।

rodhasyantaravāhinyā nadyāḥ prācyāṁ dhanañjayaḥ dadarśa śailamuttuṁgaṁ kālahastisamāhayam

तटों के भीतर बहती हुई उस नदी के पूर्वी भाग में धनंजय ने कालहस्ति नामक एक ऊँचा पर्वत देखा।

श्लोक 12 (skanda.2.30.12)

उदग्रशिखराभोगोल्लिखिताकाशमण्डलम् । सप्तपातालमूलाधोरूढमूलोपलांचितम् ।

udagraśikharābhogollikhitākāśamaṇḍalam saptapātālamūlādhorūḍhamūlopalāṁcitam

जिसका ऊँचा शिखर-विस्तार मानो आकाश-मंडल को खरोंच रहा था, और जिसकी जड़ें सातों पातालों के मूल तक धँसी हुई शिलाओं से सुशोभित थीं।

श्लोक 13 (skanda.2.30.13)

स्नात्वा तस्यां महानद्यां तस्मिञ्छैले सुरार्चितम् । अपश्यदर्जुनो देवं कालहस्तीशनामकम् ।

snātvā tasyāṁ mahānadyāṁ tasmiñchaile surārcitam apaśyadarjuno devaṁ kālahastīśanāmakam

उस महानदी में स्नान कर, उस पर्वत पर अर्जुन ने देवताओं द्वारा पूजित कालहस्तीश नामक देव के दर्शन किए।

श्लोक 14 (skanda.2.30.14)

संपूज्य च महादेवं नगेन्द्रतनयासखम् । मनसा भक्तियुक्तेन कृतार्थत्वमुपेयिवान् ।

saṁpūjya ca mahādevaṁ nagendratanayāsakham manasā bhaktiyuktena kṛtārthatvamupeyivān

पर्वतराज की पुत्री (पार्वती) के सखा महादेव की भक्तिपूर्ण मन से पूजा कर, उन्होंने कृतार्थता प्राप्त की।

श्लोक 15 (skanda.2.30.15)

ततो महागिरौ तस्मिन्नद्भुतैकनिकेतने । चचाराभूतपूर्वाणां विशेषाणां दिदृक्षया ।

tato mahāgirau tasminnadbhutaikaniketane cacārābhūtapūrvāṇāṁ viśeṣāṇāṁ didṛkṣayā

फिर उस महान, अद्भुत एकमात्र निवास-स्थान पर्वत पर, अपूर्व वस्तुओं को देखने की इच्छा से वे विचरण करने लगे।

श्लोक 16 (skanda.2.30.16)

सिद्धानालोकयामास वसतो गिरिसानुषु । गायतो देवदेवस्य चरित्राण्यबलायुतान् ।

siddhānālokayāmāsa vasato girisānuṣu gāyato devadevasya caritrāṇyabalāyutān

उन्होंने पर्वत-शिखरों पर निवास करते हुए, अपनी स्त्रियों सहित देवाधिदेव के चरित्रों को गाते हुए सिद्धों को देखा।

श्लोक 17 (skanda.2.30.17)

अप्सरोललनाजुष्टान्पुष्पासवमदाकुलान् । निकुञ्जेषु समासीनान्गंधर्वानैक्षतादरात् ।

apsarolalanājuṣṭānpuṣpāsavamadākulān nikuñjeṣu samāsīnāngaṁdharvānaikṣatādarāt

उन्होंने कुंजों में बैठे हुए, सुंदर अप्सराओं से सेवित, पुष्प-मदिरा के मद से आकुल गंधर्वों को आदरपूर्वक देखा।

श्लोक 18 (skanda.2.30.18)

विविक्तेषु प्रदेशेषु शिवध्यानपरायणान् । अपश्यद्योगिनो दिव्यानादरानन्दशालिनः ।

vivikteṣu pradeśeṣu śivadhyānaparāyaṇān apaśyadyogino divyānādarānandaśālinaḥ

उन्होंने एकांत स्थानों में शिव-ध्यान में लीन, आदरपूर्ण आनंद से युक्त दिव्य योगियों को देखा।

श्लोक 19 (skanda.2.30.19)

प्रशान्तान्याश्रमपदान्यवैक्षत समंततः । बलिनीवारविलसद्द्वारभूमीश्च पाण्डवः ।

praśāntānyāśramapadānyavaikṣata samaṁtataḥ balinīvāravilasaddvārabhūmīśca pāṇḍavaḥ

पांडु-पुत्र ने चारों ओर अत्यंत शांत आश्रम-स्थानों को देखा, जिनके द्वार बलि-समूहों से सुशोभित थे।

श्लोक 20 (skanda.2.30.20)

निराहारान्वायुभुजः पर्णादानातपाशनान् । शान्तानालोकयामास मुनीन्नियमितेन्द्रियान् ।

nirāhārānvāyubhujaḥ parṇādānātapāśanān śāntānālokayāmāsa munīnniyamitendriyān

उन्होंने संयमित इंद्रियों वाले शांत मुनियों को देखा — कुछ निराहार, कुछ वायु-भक्षी, कुछ पत्तों पर, और कुछ केवल धूप पर जीवित रहने वाले।

श्लोक 21 (skanda.2.30.21)

मुदं वितेनिरे तस्य नेत्रयोः कमलाकराः । फुल्लसौगन्धिकामोदसंवासितदिगन्तराः ।

mudaṁ vitenire tasya netrayoḥ kamalākarāḥ phullasaugandhikāmodasaṁvāsitadigantarāḥ

कमल-सरोवरों ने उनके नेत्रों को आनंद दिया, दिशाएँ खिले हुए लाल कमलों की सुगंध से सुवासित थीं,

श्लोक 22 (skanda.2.30.22)

मृगयासंभृतधियश्चरतोऽधिज्यकार्मुकान् ।

mṛgayāsaṁbhṛtadhiyaścarato'dhijyakārmukān

और शिकारी लोग शिकार में लीन मन से, धनुष चढ़ाए हुए विचरण कर रहे थे —

श्लोक 23 (skanda.2.30.23)

ददर्शान्वेषितमृगान्किरातान्वनितायुतान् । ततो दक्षिणदिग्भागे चरन्नद्रेर्मनोहरे ।

dadarśānveṣitamṛgānkirātānvanitāyutān tato dakṣiṇadigbhāge carannadrermanohare

उन्होंने अपनी स्त्रियों सहित हिरणों का पीछा करते किरातों को देखा। फिर पर्वत के मनोहर दक्षिण भाग में विचरण करते हुए,

श्लोक 24 (skanda.2.30.24)

पुण्यमाश्रममद्राक्षीद्भरद्वाजस्य कौरवः । कदलीनारिकेलाम्रकोलचंपकचंदनैः ।

puṇyamāśramamadrākṣīdbharadvājasya kauravaḥ kadalīnārikelāmrakolacaṁpakacaṁdanaiḥ

उस कौरव ने भरद्वाज मुनि का पवित्र आश्रम देखा, जो केला, नारियल, आम, बेर, चंपा और चंदन के वृक्षों से,

श्लोक 25 (skanda.2.30.25)

तक्कोलाशोकहिन्तालतालकेतकिदाडिमैः । जंबूकदम्वकतकखदिरार्जुनपाटलैः ।

takkolāśokahintālatālaketakidāḍimaiḥ jaṁbūkadamvakatakakhadirārjunapāṭalaiḥ

तक्कोल, अशोक, खजूर, ताड़, केतकी और अनार के वृक्षों से, जामुन, कदंब, तक, खदिर, अर्जुन और पाटल के वृक्षों से,

श्लोक 26 (skanda.2.30.26)

नागपुन्नागसरलदेवदारुकरञ्जकैः । लवंगलुंगलवलीप्रियंगुतिलकैरपि ।

nāgapunnāgasaraladevadārukarañjakaiḥ lavaṁgaluṁgalavalīpriyaṁgutilakairapi

नाग, पुन्नाग, सरल, देवदार और करंज के वृक्षों से, तथा लौंग, नींबू, लवली, प्रियंगु और तिलक के वृक्षों से,

श्लोक 27 (skanda.2.30.27)

बिभीतश्रीफलाश्वत्थमधूकप्लक्षकेसरैः । पूगजम्बीरनारंगनिम्बामलककौशिकैः ।

bibhītaśrīphalāśvatthamadhūkaplakṣakesaraiḥ pūgajambīranāraṁganimbāmalakakauśikaiḥ

बिभीतक, बेल, पीपल, महुआ, प्लक्ष और केसर के वृक्षों से, सुपारी, नींबू, संतरा, नीम, आँवला और कौशिक के वृक्षों से,

श्लोक 28 (skanda.2.30.28)

अन्यैश्च फलपुष्पाढ्यैः शोभितं धरणीरुहैः । वासन्तीकुन्दजात्यादिलताभिः परिवेष्टितम् ।

anyaiśca phalapuṣpāḍhyaiḥ śobhitaṁ dharaṇīruhaiḥ vāsantīkundajātyādilatābhiḥ pariveṣṭitam

तथा फल-फूलों से भरपूर अन्य वृक्षों से सुशोभित था, और वासंती, कुंद, चमेली आदि लताओं से आवृत था,

श्लोक 29 (skanda.2.30.29)

अपूर्वसौरभाकृष्टभ्रमरीभिः समन्ततः । चक्रवाकबकक्रौञ्चहंसकारण्डवाश्रयैः ।

apūrvasaurabhākṛṣṭabhramarībhiḥ samantataḥ cakravākabakakrauñcahaṁsakāraṇḍavāśrayaiḥ

जहाँ चारों ओर अपूर्व सुगंध से आकर्षित भ्रमरियाँ मंडरा रही थीं, और सरोवर चक्रवाक, बगुले, क्रौंच, हंस और कारंडव पक्षियों के आश्रय थे,

श्लोक 30 (skanda.2.30.30)

सौगन्धिकोत्पलांभोजकैरवौघविराजितैः । सरोभिरमृतस्यंदिमधुरस्फारवारिभिः ।

saugandhikotpalāṁbhojakairavaughavirājitaiḥ sarobhiramṛtasyaṁdimadhurasphāravāribhiḥ

जो लाल कमल, नीलकमल, दिन-कमल और रात्रि-कमल के समूहों से शोभित थे, जिनका जल अमृत के समान मधुर और प्रचुर था —

श्लोक 31 (skanda.2.30.31)

समापादितलक्ष्मीकं कौतुकैकनिकेतनम् । सिंहदन्तावलव्याघ्रतरक्षुरुरुरङ्कुभिः ।

samāpāditalakṣmīkaṁ kautukaikaniketanam siṁhadantāvalavyāghratarakṣurururaṅkubhiḥ

ऐसे वैभव से युक्त, कौतुक का एकमात्र निवास, सिंह, हाथी, बाघ, लकड़बग्घा, हिरण और कृष्णसार मृगों से भरपूर,

श्लोक 32 (skanda.2.30.32)

मृगैरन्यैः समाकीर्णमन्योऽन्यहितकारिभिः । जितचैत्ररथोद्यानमधरीकृतनन्दनम् ।

mṛgairanyaiḥ samākīrṇamanyo'nyahitakāribhiḥ jitacaitrarathodyānamadharīkṛtanandanam

और परस्पर हितकारी अन्य वन्य-जीवों से व्याप्त, चैत्ररथ उद्यान को भी जीतने वाला और नंदनवन को भी तुच्छ करने वाला वह स्थान,

श्लोक 33 (skanda.2.30.33)

अतिवाङ्मनसोदारं परमानन्दकारणम् । शिवागमानां दिव्यानामर्थजातमनुत्तमम् ।

ativāṅmanasodāraṁ paramānandakāraṇam śivāgamānāṁ divyānāmarthajātamanuttamam

वाणी और मन से परे उदार, परमानंद का कारण, जहाँ दिव्य शैवागमों का समस्त अनुपम अर्थ-समूह —

श्लोक 34 (skanda.2.30.34)

प्रकाशयन्ति शावानां यत्र मञ्जुगिरः शुकाः । यस्मिन्हुताशनो दारधूमश्यामलितं नभः ।

prakāśayanti śāvānāṁ yatra mañjugiraḥ śukāḥ yasminhutāśano dāradhūmaśyāmalitaṁ nabhaḥ

वहाँ के मधुर-वाणी तोते अपने बच्चों को समझाते थे; जहाँ लकड़ी जलाने से उठने वाला धुआँ आकाश को श्यामल कर,

श्लोक 35 (skanda.2.30.35)

अकालजलदभ्रांतिमातनोति शिखण्डिनाम् । यस्मिन्विहारश्रान्तानां सिंहानां स्वेच्छयागताः ।

akālajaladabhrāṁtimātanoti śikhaṇḍinām yasminvihāraśrāntānāṁ siṁhānāṁ svecchayāgatāḥ

मयूरों में असमय मेघ का भ्रम फैला देता था; जहाँ अपनी इच्छा से आए हाथी,

श्लोक 36 (skanda.2.30.36)

निर्वापयन्ति गात्राणि करिणः करशीकरैः । तदाश्रमपदं पश्यन्विस्मयाक्रांतमानसः ।

nirvāpayanti gātrāṇi kariṇaḥ karaśīkaraiḥ tadāśramapadaṁ paśyanvismayākrāṁtamānasaḥ

क्रीड़ा से थके सिंहों के अंगों को अपनी सूँड़ की फुहार से शीतल कर देते थे। उस आश्रम-स्थान को देखकर, विस्मय से भरे मन वाले,

श्लोक 37 (skanda.2.30.37)

प्रभावं पाण्डुतनयः प्रशशंस तपस्विनाम् । निवार्य तत्र तत्रैव सकलाननुजीविनः ।

prabhāvaṁ pāṇḍutanayaḥ praśaśaṁsa tapasvinām nivārya tatra tatraiva sakalānanujīvinaḥ

पांडु-पुत्र ने तपस्वियों के प्रभाव की प्रशंसा की, और वहीं अपने सभी अनुयायियों को रोककर,

श्लोक 38 (skanda.2.30.38)

मित्रैर्विप्रवरैः सार्धं प्रविवेश तमाश्रमम् । अग्रे ददर्श कौन्तेयः स्फुरत्पावकतेजसम् ।

mitrairvipravaraiḥ sārdhaṁ praviveśa tamāśramam agre dadarśa kaunteyaḥ sphuratpāvakatejasam

श्रेष्ठ ब्राह्मण मित्रों के साथ उस आश्रम में प्रवेश किया। सामने कुंतीपुत्र ने अग्नि के समान तेजस्वी —

श्लोक 39 (skanda.2.30.39)

भरद्वाजं मुनिवरैरनेकैः परिवारितम् । भस्मानुलिप्तसर्वांगं मृगचर्मोत्तरीयकम् ।

bharadvājaṁ munivarairanekaiḥ parivāritam bhasmānuliptasarvāṁgaṁ mṛgacarmottarīyakam

अनेक श्रेष्ठ मुनियों से घिरे हुए, सारे शरीर पर भस्म लगाए, मृगचर्म का उत्तरीय धारण किए भरद्वाज मुनि को देखा,

श्लोक 40 (skanda.2.30.40)

नववारिदसंवीतं कैलासमिव भास्वरम् । जटाभिर्लम्बमानाभिर्भास्वन्तं स्वर्णकांतिभिः ।

navavāridasaṁvītaṁ kailāsamiva bhāsvaram jaṭābhirlambamānābhirbhāsvantaṁ svarṇakāṁtibhiḥ

जो नए मेघ से आवृत कैलास के समान देदीप्यमान, और लटकती हुई स्वर्ण-कांति वाली जटाओं से चमकते हुए थे,

श्लोक 41 (skanda.2.30.41)

स्थिरविद्युल्लताकीर्णमिव शारदनीरदम् । श्रुतिस्मृतिपुराणार्थैरेकीभूय समागतैः ।

sthiravidyullatākīrṇamiva śāradanīradam śrutismṛtipurāṇārthairekībhūya samāgataiḥ

मानो स्थिर बिजली-लताओं से युक्त शरद-मेघ हों; मानो श्रुति, स्मृति और पुराणों का समस्त अर्थ एकत्र होकर —

श्लोक 42 (skanda.2.30.42)

अङ्गीकृतमिवाकारं दिव्यज्ञानशुभास्पदम् । धृतिक्षांतिदयातुष्टिशांतिभिर्नित्यसेवितम् ।

aṅgīkṛtamivākāraṁ divyajñānaśubhāspadam dhṛtikṣāṁtidayātuṣṭiśāṁtibhirnityasevitam

शरीर धारण कर लिया हो, दिव्य ज्ञान का शुभ आश्रय, धृति, क्षमा, दया, संतोष और शांति से सदा सेवित,

श्लोक 43 (skanda.2.30.43)

प्रियाभिरिव रक्ताभिरखंडब्रह्मवर्चसम् । उपगम्य शनैः पार्थस्तत्पादांबुजयोः पुरः ।

priyābhiriva raktābhirakhaṁḍabrahmavarcasam upagamya śanaiḥ pārthastatpādāṁbujayoḥ puraḥ

मानो ये उनकी प्रिय, अनुरक्त पत्नियाँ हों — अखंड ब्रह्मतेज से युक्त। धीरे-धीरे उनके निकट जाकर, पार्थ ने उनके चरण-कमलों के सम्मुख,

श्लोक 44 (skanda.2.30.44)

चक्रे प्रणामं साष्टांगं समालिंगितभूतलम् ।

cakre praṇāmaṁ sāṣṭāṁgaṁ samāliṁgitabhūtalam

पृथ्वी को आलिंगन करते हुए साष्टांग प्रणाम किया।

श्लोक 45 (skanda.2.30.45)

तमागतं पृथापुत्रमुत्थाप्य मुनिपुङ्गवः । आशीर्भिरेधयाञ्चक्रे प्रहर्षोत्फुल्लमानसः ।

tamāgataṁ pṛthāputramutthāpya munipuṅgavaḥ āśīrbhiredhayāñcakre praharṣotphullamānasaḥ

इस प्रकार आए हुए पृथापुत्र को उठाकर, हर्ष से खिले मन वाले उस मुनिश्रेष्ठ ने आशीर्वादों से उन्हें समृद्ध किया।

श्लोक 46 (skanda.2.30.46)

संपूज्य च यथान्यायं तमर्घ्याद्यैः प्रियातिथिम् । विनिर्दिष्टासनासीनं समपृच्छदनामयम् ।

saṁpūjya ca yathānyāyaṁ tamarghyādyaiḥ priyātithim vinirdiṣṭāsanāsīnaṁ samapṛcchadanāmayam

विधिपूर्वक अर्घ्य आदि से उस प्रिय अतिथि की पूजा कर, निर्दिष्ट आसन पर बिठाकर, उन्होंने उनका कुशल-क्षेम पूछा।

श्लोक 47 (skanda.2.30.47)

संमाननमवाप्यास्मान्मुनेः पाण्डवमध्यमः । प्रियैर्वाक्यैर्मुनिपतेरकरोन्मनसो मुदम् ।

saṁmānanamavāpyāsmānmuneḥ pāṇḍavamadhyamaḥ priyairvākyairmunipaterakaronmanaso mudam

इस सम्मान को प्राप्त कर मध्यम पांडव ने अपने प्रिय वचनों से मुनिश्रेष्ठ के मन को आनंदित किया।

श्लोक 48 (skanda.2.30.48)

सस्माराथ भरद्वाजः स्वर्धेनुं कामदोहिनीम् । सा वितेनेऽतिमहतीं भक्ष्यभोज्यादिकल्पनाम् ।

sasmārātha bharadvājaḥ svardhenuṁ kāmadohinīm sā vitene'timahatīṁ bhakṣyabhojyādikalpanām

तब भरद्वाज ने अपनी इच्छा-दोहन करने वाली स्वर्ग की कामधेनु का स्मरण किया; उसने अत्यंत विशाल भक्ष्य-भोज्य आदि की व्यवस्था प्रस्तुत की।

श्लोक 49 (skanda.2.30.49)

भुक्त्वा पार्थः सानुचरस्तमुपास्य तपोनिधिम् । दिनशेषं कथालापकौतुकेनात्यवाहयत् ।

bhuktvā pārthaḥ sānucarastamupāsya taponidhim dinaśeṣaṁ kathālāpakautukenātyavāhayat

भोजन कर पार्थ ने अपने अनुचरों सहित उस तपोनिधि की सेवा करते हुए शेष दिन कथा-वार्ता के कौतुक में बिताया।

श्लोक 50 (skanda.2.30.50)

ततः सायन्तनीं संध्यामुपास्य हुतपावकः । विप्रैरमात्यैः सहितो ययौ तस्य कुटीगृहान् ।

tataḥ sāyantanīṁ saṁdhyāmupāsya hutapāvakaḥ viprairamātyaiḥ sahito yayau tasya kuṭīgṛhān

फिर सायंकालीन संध्या-वंदन और अग्नि में हवन कर, वे ब्राह्मणों और मंत्रियों सहित अपनी कुटियों को गए।

श्लोक 51 (skanda.2.30.51)

तत्रासीनो मुनिपतेराशीर्भिरभिनन्दितः । आनन्द्यमानो मुमुदे तन्नदीशीतलानिलैः ।

tatrāsīno munipaterāśīrbhirabhinanditaḥ ānandyamāno mumude tannadīśītalānilaiḥ

वहाँ बैठे हुए, मुनिश्रेष्ठ के आशीर्वादों से अभिनंदित, वे उस नदी की शीतल वायु से आनंदित होकर प्रसन्न हुए।

श्लोक 52 (skanda.2.30.52)

संप्रापिता केन भुवः प्रभूता कस्मान्महीध्रादधिकप्रभावा । इति प्रभावं परिपृच्छ्य नद्याः श्रोतुं मुनीन्द्रान्मतिरस्य जज्ञे ।

saṁprāpitā kena bhuvaḥ prabhūtā kasmānmahīdhrādadhikaprabhāvā iti prabhāvaṁ paripṛcchya nadyāḥ śrotuṁ munīndrānmatirasya jajñe

"यह नदी पृथ्वी पर किसके द्वारा लाई गई, किस पर्वत से यह उत्पन्न हुई, इसका यह असाधारण प्रभाव कहाँ से है?" — इस प्रकार नदी के प्रभाव के विषय में पूछने के लिए उनका मन महर्षियों से सुनने को उत्सुक हो उठा।